رواية نهوة حارث الجزء الحادي عشر
للكاتبة زينب ماجد
🔹🔸🥇🔹🔸
ﺭﻓﻞ .. ﻛﻤﻠﺖ ﻣﻦ ﺍﺗﺼﺎﻝ ﺑﺤﺎﺭﺙ .. ﺗﻮﺟﻬﺖ ﻟﻠﺨﺎﻧﻪ ﻃﻠﻌﺖ ﻣﻼﺑﺲ ﻧﻮﻡ ﻟﺒﺴﺖ ﺟﺪﺩﺕ ﻣﻜﻴﺎﺟﻲ
ﻋﺪﻟﺖ ﺷﻌﺮﻱ .. ﺭﺷﻴﺖ ﻋﻄﺮ ﻭﺩﺭﺕ ﻟﻠﺘﻠﻔﺰﻳﻮﻥ ﺧﻠﻴﺖ ﺭﺟﻞ ﻋﻠﻰ ﺭﺟﻞ ﻭﺑﻘﻴﺖ ﺍﻛﻠﺐ ﺑﺎﻟﻘﻨﻮﺍﺕ .. ﺩﻗﺎﻳﻖ ﻭﺩﺧﻞ ﺣﺎﺭﺙ
ﻛﺎﻝ ﺑﻮﻳﻪ ﻛﺎﻟﺒﺘﻬﺎ ﺍﻟﻴﻮﻭﻭﻡ ﺿﺤﻜﺖ .. ﻛﺘﻠﻪ ﻟﻴﺶ ﻣﻌﺠﺒﻚ ﺍﻣﺴﺢ ﻣﻜﻴﺎﺟﻲ .. ﻛﺎﻝ ﻻﺍﺍﺍﺍﺍ ﺑﺲ ﻋﺪﺳﺎﺗﺞ ﺍﻧﺰﻋﻴﻬﺎ ﺍﺧﺎﻑ ﻣﻨﻬﺎ
ﺭﻓﻞ .. ﺗﺨﺎﺍﺍﺍﺍﺍﻑ ﻣﻨﻬﺎ !!.. ﻟﻴﺶ
ﺣﺎﺭﺙ .. ﺍﺧﺎﻑ ﻋﻠﻰ ﻋﻴﻮﻧﺞ ﻳﻤﻌﻮﺩﻩ ﻻ ﻳﻨﻌﻤﻦ ﻣﻦ ﻭﺭﺍﻫﻦ .. ﺍﺣﺠﻲ ﻭﺍﻧﻲ ﺍﺑﺪﻝ ﺑﻤﻼﺑﺴﻲ ..
ﺭﻓﻞ .. ﻫﺎﺍﺍﺍﺍ ﻫﻬﻬﻬﻪ ﺣﺒﻴﺒﻲ ﺷﺒﻴﻚ ﻃﺒﻴﺎﺕ ﺫﻧﻲ ﻋﺎﺩﻱ ﻣﺎ ﻋﻠﻴﻬﻦ ﺷﻲ .. ﺍﺗﻘﺮﺑﺖ ﻣﻨﻪ ﻭﺑﻘﻴﺖ ﺍﺧﺰﺭ ﺑﻴﻪ ﻭﺍﻛﻮﻟﻪ ﺷﻮﻭﻭﻑ
ﺣﺎﺭﺙ .. ﻭﻟﺞ ﻻ ﺗﺨﺰﺭﻳﻨﻲ ﻛﻠﺒﻲ ﻳﻤﻮﻉ
ﺭﻓﻞ .. ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺣﺎﺭﺙ .. ﺧﺮﻩ ﺑﺄﻫﻠﺞ ﻓﻀﺤﺘﻴﻨﻪ ﺷﻨﻲ ﻫﻠﻀﺤﻜﻪ ..
ﺭﻓﻞ .. ﺑﺪﺍﻋﺘﻲ ﻛﻮﻝ ﻛﻠﺒﻲ ﻳﻤﻮﻉ
ﺣﺎﺭﺙ .. ﺗﺮﻳﺪﻳﻦ ﻛﻠﺒﻲ ﻳﻤﻮﻉ
ﺭﻓﻞ .. ﻻ ﻛﻮﻭﻭﻟﻬﺎ
ﺣﺎﺭﺙ .. ﺍﻱ ﻟﻴﺶ ﻻ ﺗﻌﺎﻱ ﺍﻛﻠﺠﻴﺎﻫﺎ ﺍﺗﻘﺮﺑﺖ ﻣﻦ ﺍﺫﻧﻬﺎ ﻟﺰﻣﺖ ﺭﺍﺳﻬﺎ ﻭﺑﺴﺘﻬﺎ ﻫﻬﻬﻪ ﻭﻭﻭ 💏
ﺑﻌﺪ ﻣﺎ ﻏﻔﻴﺖ ﺷﻮﻱ .. ﻛﻌﺪﺕ ﻭﻫﻴﻪ ﺑﻌﺪﻫﺎ ﻻﻓﻪ ﻧﻔﺴﻬﺎ .. ﻭﺍﺩﻭﺭ ﺑﺎﻟﺘﻠﻔﺰﻳﻮﻥ .. ﺍﺗﻜﺮﺑﺖ ﻳﻤﻬﺎ ﺧﻠﻴﺖ ﺭﺍﺳﻲ ﺑﺮﻛﺒﺘﻬﺎ .. ﻭﻛﺘﻠﻬﺎ ﺷﺪﻭﺭﻳﻦ
ﺭﻓﻞ .. ؏ﻓﻠﻢ ﺣﻠﻮ ﺿﻮﺟﻪ ..
ﺣﺎﺭﺙ .. ﺏ 12 ﻳﺒﺪﻱ ﻣﻮ ﻫﺴﻪ ﺑﻌﺪ ﺳﺎﻋﻪ ﻛﻮﻣﻲ ﺳﻮﻳﻠﻲ ﻋﺸﺎ ﻋﻠﻤﺎ ﻳﺒﺪﻱ ﻭﺍﺳﺒﺢ ..
ﺭﻓﻞ .. ﺍﻭﻙ ﻣﺎﺷﻲ .. ﻛﻤﺖ ﺟﺮﻳﺖ ﻣﻼﺑﺴﻲ ﺑﺪﻟﺖ ﻭﻛﻤﺖ ﻛﺘﻠﻪ ﺷﺘﺮﻳﺪ ﻋﺸﺎ ﻛﺎﻝ ﺍﻱ ﺷﻲ ..
ﺭﺣﺖ ﻟﻠﻤﻄﺒﺦ ﻃﻠﻌﺖ ﻟﺤﻢ ﻣﺜﺮﻭﻡ ﻭﺳﻮﻳﺖ ﭼﻠﻲ ﻓﺮﺍﻱ .. ﻭﻛﻠﻴﺖ ﺑﻴﺬﻧﺠﺎﻥ ﻭﺳﻮﻳﺖ ﺳﻠﻄﻪ ﺑﺎﻟﺠﺰﺭ ﻭﺍﻟﻠﺒﻦ
ﺩﺍ ﺍﻛﻤﻞ ﺍﺟﻪ ﻫﻮﻩ ﻟﻠﻤﻄﺒﺦ .. ﻛﺎﻝ ﻫﺎ ﻛﻤﻠﺘﻲ .. ﻛﺘﻠﻪ ﺍﻱ ﺩﻗﺎﻳﻖ ﻭﻳﺼﻴﺮ ﺟﺎﻫﺰ .. ﻓﺘﺢ ﺍﻻﻛﻞ ﺍﻛﻞ ﺷﻮﻱ ﻭﻛﺎﻝ ﺟﻴﺒﻴﻪ ﻳﻢ ﺍﻣﻲ ﺍﻛﻞ ﻭﺭﺍﺡ ﻳﻢ ﺍﻣﻪ
ﺳﻤﻌﺘﻪ ﻳﺤﺠﻲ ﻭﻳﻪ ﺍﻣﻪ ﻭﻳﻐﺎﺯﻝ ﺑﻴﻬﺎ ﻭﻫﻴﻪ ﺗﻜﻠﻪ ﺍﻧﺘﻪ ﺍﻟﺘﻬﻴﺖ ﺑﻨﺴﻮﺍﻧﻚ ﻭﺧﺮ ﻋﻨﻲ ... ﻭﻫﻮﻩ ﻳﻜﻠﻬﺎ ﺍﻟﻨﺠﻮﻡ ﻟﻮﻛﺜﺮﺕ ﻣﺎ ﺗﻀﺮ ﺍﻟﻜﻤﺮ ﻳﺒﻘﻰ ﻳﻨﻮﺭ ﺣﻴﺎﺗﻲ
ﺩﺧﻠﺖ ﻋﻠﻴﻪ ﻟﻜﻴﺘﻪ ﻳﺒﻮﺱ ﺑﺮﺍﺱ ﺍﻣﻪ ﻭﻳﻀﺤﻚ ﻭﻳﺎﻫﺎ ﻭﻫﻴﻪ ﺗﻀﺤﻚ ﻭﺗﻮﺧﺮ ﺑﻴﻪ .. ﺍﺑﺘﻤﺴﺖ ﺟﺎﻥ ﺗﻜﻠﻪ ﻫﺎﺍﺍ ﺑﺎﻭﻉ ﻏﺎﺭﺕ ﻣﺮﺗﻚ ﻣﻨﻲ
ﻛﺘﻠﻬﺎ ﻻ ﻭﺍﻟﻠﻪ ﻣﺎ ﻏﺮﺕ ﺿﺤﻚ ﻫﻮﻩ ﻛﺎﻝ ﺧﻠﻲ ﺍﻟﺼﻴﻨﻴﻪ .. ﺧﻠﻴﺘﻬﺎ .. ﻛﺎﻟﻬﺎ ﻳﻠﻪ ﻳﻤﻪ ﻣﺪﻱ ﺍﻳﺪﺝ .. ﻛﺎﻟﺘﻠﻪ ﻣﺎ ﺍﺭﻳﺪ .. ﻛﺎﻟﻬﺎ ﻭﺍﻟﻌﺒﺎﺱ ﻣﺎ ﺍﻛﻞ ﺍﺫﺍ ﻣﺘﺎﻛﻠﻴﻦ
ﻭﻟﻢ ﺭﺟﻠﻴﻪ ﻭﻭﺧﺮ ﻣﻦ ﺍﻻﻛﻞ ﻛﺎﻟﺘﻠﻪ ﻣﻮ ﻫﺎﻱ ﻣﺮﺗﻚ ﻭﻳﺎﻙ ﺍﻛﻞ .. ﻛﺎﻟﻬﺎ ﻣﺎ ﺗﻤﻠﻲ ﻋﻴﻨﻲ ﻣﺜﻠﺞ ﻳﻤﻪ .. ﻭﻳﻐﻤﺰﻟﻲ .. ﻫﻬﻬﻬﻪ
ﻛﺎﻟﺘﻠﻪ ﻫﺎﻱ ﺍﻟﺨﺎﻃﺮﻙ ﺭﺍﺡ ﺍﻛﻌﺪ .. ﻭﻛﻌﺪﺕ ﺟﺮﺕ ﺍﻟﺨﺒﺰ ﻳﻤﻬﺎ ﻭﺍﻧﻄﺘﻨﻲ ﻧﺺ ﻛﺮﺻﻪ ﻭﻻﺑﻨﻬﺎ 3 ﻛﺮﺹ ﻭﻫﻴﻪ ﺍﺗﻮﻟﺖ ﺍﻟﺒﺎﻗﻲ . ﻫﺎﻱ ﺭﺍﺩﺕ ﺣﺠﻪ ﻋﻠﻤﻮﺩ ﺗﻜﻌﺪ ﻫﻬﻪ
🔹🔸🥇🔹🔸
ﺍﻧﻲ ﺍﻛﻠﻲ ﺑﻄﻴﺊ ﻋﻠﻰ ﻛﻮﻟﺔ ﻣﺎﻣﺎ ﺗﺴﻤﻴﻨﻲ ﺍﻟﻔﺎﻫﻴﻪ .. ﺍﺭﻳﺪ ﺍﻟﺤﻚ ﻋﻠﻴﻬﺎ ﻫﻴﻪ ﻭﺣﺎﺭﺙ ﻣﻴﺘﻼﺣﻜﻮﻥ .. ﺍﺳﺘﺤﻴﺖ ﺷﻠﻮﻥ ﺍﺗﺴﺎﺑﻖ ﻭﻳﺎﻫﻢ ..
ﺑﻘﻴﺖ ﺍﻛﻞ ﺑﺎﻟﺰﻻﻃﻪ .. ﻫﻮﻩ ﺳﻮﻭﻩ ﻟﻔﻪ ﻭﺿﻤﻬﺎ ﺑﻜﻠﻴﻨﺲ . ﻛﺎﻟﺘﻠﻪ ﺍﻟﻤﻦ ﻫﺎﻱ ﺿﻤﻴﺘﻬﺎ .. ﻛﺎﻟﻬﺎ ﻟﻤﺼﻄﻔﻰ ﺧﻄﻴﻪ ﻳﺤﺐ ﺍﻟﻠﺤﻢ ..
ﻛﻤﻠﻮ ﺍﻻﻛﻞ ﻭﺍﻧﻲ ﺧﻠﺼﺘﻬﺎ ﺍﺑﺎﻭﻉ .. ﺷﻠﺖ ﺍﻟﺼﻴﻨﻴﻪ ﻭﺭﺣﺖ ﻻﻣﻄﺒﺦ ﺍﺟﻪ ﻫﻮﻩ ﻭﺭﺍﻱ .. ﻛﺎﻝ ﻫﺎﺝ ﺍﻛﻠﻴﻬﺎ .. ﻛﺘﻠﻪ ﻻ ﺿﻤﻬﺎ ﻟﻤﺼﻄﻔﻰ
ﻛﺎﻝ ﺷﺒﻴﺞ ﻣﺼﻄﻔﻰ ﻧﺎﻳﻢ ﻭﺭﺍﻳﺢ ﺑﺴﺎﺑﻊ ﻧﻮﻣﻪ ﺍﺻﻼ ﺳﻮﻳﺘﻬﺎ ﺍﻟﺞ ﺑﺲ ﺍﺳﺘﺤﻴﺖ ﺍﻛﻮﻝ ﻛﺪﺍﻡ ﺍﻣﻲ ﻓﻜﻠﺖ ﺍﻟﻤﺼﻄﻔﻰ … ﻻﻥ ﺷﻔﺘﺞ ﻣﺎ ﺍﻛﻠﺘﻲ
ﺑﺴﺘﻪ ﺑﺨﺪﻩ ﻭﺿﺤﻜﻨﻪ .. ﻛﻤﻠﺖ ﻏﺴﻞ ﺍﻟﻤﻮﺍﻋﻴﻦ .. ﻭﺳﻮﻳﺖ ﺍﻛﻼﺹ ﻋﺼﻴﺮ ﺑﺮﺗﻘﺎﻝ ﻭﻛﻌﺪﺕ ﺍﻛﻞ .. ﺷﻔﺖ ﺣﺎﺭﺙ ﻃﻠﻊ ﻣﻦ ﺍﻟﺤﻤﺎﻡ ﺩﺧﻞ ﻟﻐﺮﻓﺔ ﻓﺎﻃﻤﻪ
ﺍﻟﻜﺮﺳﻲ ﺍﻟﻠﻲ ﺑﺎﻟﻤﻄﺒﺦ ﻳﺼﻴﺮ ﻣﻘﺎﺑﻞ ﻏﺮﻓﺔ ﻓﺎﻃﻤﻪ .. ﻓﺒﻘﻴﺖ ﻛﺎﻋﺪﻩ ﺑﻤﻜﺎﻧﻲ ﺭﺩﺕ ﺍﻋﺮﻑ ﺷﻴﺴﻮﻱ .. ﻣﺮ ﻭﻗﺖ ﻭﻫﻮﻩ ﻣﺎ ﻃﻠﻊ
ﻓﺘﺖ ﻟﻠﻐﺮﻓﻪ .. ﺍﺧﺬﺕ ﻣﻼﺑﺲ ﻭﺭﺣﺖ ﺩﺍ ﺍﺳﻮﻱ ﻧﻔﺴﻲ ﺍﺩﺧﻞ ﻟﻠﺤﻤﺎﻡ .. ﻭﺍﺗﺼﻨﺘﺖ ﻋﻠﺒﺎﺑﻬﻢ .. ﻳﺤﺠﻲ ﻭﻳﺎﻫﺎ ﻭﻫﻴﻪ ﺗﺒﺠﻲ ﻭﺗﻜﻠﻪ ﺍﺣﺒﻚ ﻣﻮ ﺑﻴﺪﻱ
ﻛﺎﻟﻬﺎ ﻭﻟﺞ ﻭﺍﻟﻠﻪ ﺍﻧﻪ ﻣﺎ ﺍﻛﺮﻫﺞ ﺑﺲ ﺍﻓﻬﻤﻴﻨﻲ .. ﺑﺖ ﻋﻤﻲ ﻣﻦ ﺯﻣﺎﺍﺍﺍﺍﻥ ﻧﺎﻫﻲ ﻋﻠﻴﻬﺎ ﻭﺭﺍﻳﺪﻫﺎ ﻭﻣﺒﻠﻐﺞ .. ﺍﻧﻪ ﻣﺎ ﺑﺎﻳﻌﺞ ﻭ ﻫﺎﻣﻠﺞ ﺑﺲ ﺍﻧﺘﻲ ﺗﻘﺒﻠﻲ ﻣﺜﻞ ﻣﺎ ﻫﻴﻪ ﻣﺘﻘﺒﻠﻪ
ﻛﺎﻟﺘﻠﻪ ﻭﻓﻮﻛﺎﻫﺎ ﻫﻴﻪ ﺗﺘﻘﺒﻞ .. ﻛﺎﻟﻬﺎ ﺍﻱ ﺍﻟﺒﻨﻴﻪ ﺻﻐﻴﺮﻩ ﻭﺍﺗﺰﻭﺟﺘﻬﺎ ﻭﺍﻧﻪ ﻣﻄﻠﻜﺞ .. ﻭﺭﺟﻌﺘﺞ ﺑﻌﺪ ﻋﺮﺳﻬﺎ ﺑﻴﻮﻣﻴﻦ .. ﻏﻴﺮﻫﺎ ﻣﺘﻘﺒﻞ ﺑﺲ ﺍﺗﻘﺒﻠﺘﻨﻲ ..
ﺍﻧﻪ ﺍﺣﺒﺞ ﻭﺍﺣﺒﻬﺎ ﻭﻛﻞ ﻭﺣﺪﻩ ﺑﻴﺠﻦ ﺍﻟﻬﺎ ﻣﻌﺰﻩ ﺑﻜﻠﺒﻲ .. ﺑﺲ ﺍﻟﻠﻲ ﺗﺮﻳﺢ ﺑﺎﻟﻲ ﻭﺗﺴﻌﺪﻧﻲ ﺍﻣﻴﻞ ﺍﻟﻬﺎ .. ﺗﺮﻩ ﺍﻟﺤﻴﺎﺓ ﻣﻮ ﺑﺲ ﺗﻨﻀﻴﻒ ﻭﺍﻫﺘﻤﺎﻡ ﺑﺎﻻﻃﻔﺎﻝ
ﻓﺎﻃﻤﻪ ﺍﻟﻲ ﺣﻖ ﻋﻠﻴﺞ ﻭﺍﻧﺘﻲ ﻧﺴﻴﺘﻲ ﺣﻘﻲ ﻣﻦ ﻳﻮﻡ ﺍﻟﺠﺒﺘﻲ ﻣﺼﻄﻔﻰ .. ﻧﻌﻢ ﺗﺨﺪﻣﻴﻨﻲ ﺑﺎﻟﺼﻐﻴﺮﻩ ﻭﺍﻟﺠﺒﻴﺮﻩ ﻭﻣﺪﺍﺭﻳﺘﻨﻲ ..
ﺑﺲ ﻓﺎﻃﻤﻪ ﺍﻓﺘﻬﻤﻲ ﺍﻻﻃﻠﺒﻪ ﻣﻮ ﻣﺜﻞ ﺍﻟﻠﻲ ﻳﻄﻠﺒﻪ ﻣﺼﻄﻔﻰ ﻭ ﻣﺮﺗﻀﻰ ﺍﻛﻞ ﻭﻟﺒﺲ ﻧﻀﻴﻒ .. ﺍﺭﻳﺪ ﺍﻫﺘﻤﺎﻡ ﻛﺮﺟﻞ ﻣﻨﺞ ..
ﻛﺎﻟﺘﻠﻪ ﻭﺍﻧﻪ ﻣﺎ ﺭﺍﺿﻴﺘﻚ .. ﻛﺎﻟﻬﺎ ﻓﺪ ﻳﻮﻡ ﺩﺧﻠﺖ ﻟﻜﻴﺘﺞ ﻣﻜﻴﺠﻪ ﻟﻮ ﻣﻌﻄﺮﻩ ﺍﻟﻲ ﻭﻣﺘﺎﻧﻴﺘﻨﻲ .. ﺑﺲ ﺍﺩﺧﻞ ﺍﻟﻜﺎﺝ ﺑﺎﻟﻜﻠﺒﻴﻪ ﻭﺷﺘﺮﻳﺪ ﻋﺸﻰ
ﻟﺞ ﺑﺎﺑﺎ ﺍﻓﺘﻬﻤﻲ ﺍﻟﺰﻭﺟﻪ ﻏﻴﺮ ﺍﻟﺨﺪﺍﻣﻪ ﻭﺍﻧﻪ ﻣﺎ ﺭﺍﻳﺪﺝ ﺧﺪﺍﻣﻪ .. ﻛﺎﻟﺘﻠﻪ ﺯﻳﻦ ﻧﺒﺪﻱ ﺑﺎﻟﺠﺪﻳﺪ .. ﻛﺎﻟﻠﻬﺎ ﺣﻴﺎﺝ .. ﻭﻫﻮﻩ ﺍﻟﻤﻄﻠﻮﺏ
ﻛﺎﻟﺘﻠﻪ ﻳﺎ ﻣﻄﻠﻮﺏ ﻭﺍﻧﺘﻪ ﻛﺎﻋﺪ ﺑﺲ ﻳﻤﻬﺎ .. ﻛﺎﻟﻠﻬﺎ ﺭﻓﻞ ﺑﻌﺪﻫﺎ ﺟﺪﻳﺪﻩ ﻋﻠﺒﻴﺖ ﺗﺎﺧﺬﻟﻬﺎ ﻓﺘﺮﻩ ﺍﻳﺎﻡ ﺗﺘﻌﻮﺩ ﻋﻠﺠﻮ ﻭﺑﻌﺪﻫﺎ ﺍﻧﺼﻒ ﺑﻴﻨﻜﻢ
ﻟﻴﻠﻪ ﻳﻤﺞ ﻭﻟﻴﻠﻪ ﻳﻤﻬﺎ .. ﺑﺲ ﻣﺎ ﺍﺭﻳﺪ ﻣﺸﺎﻛﻞ .. ﺳﻜﺘﺖ .. ﺍﻧﻲ ﻣﻦ ﺣﺴﻴﺖ ﺍﻛﻮ ﺳﻜﻮﺕ .. ﻛﻤﺰﺕ ﻟﻠﺤﻤﺎﻡ ﻻ ﻳﻄﻠﻊ ﻭﺍﺣﺪ ﻭﻳﺸﻮﻓﻨﻲ ﺍﺗﺼﻨﺖ
ﺳﺒﺤﺖ ﻭﺍﻧﻲ ﺍﻓﻜﺮ ﺑﻜﻼﻣﻪ .. ﺷﻠﻮﻥ ﻳﻜﺪﺭ ﻳﺘﺼﺮﻑ ﻫﻴﺞ ﻫﻮﻩ ﻋﺪﻩ ﻛﻠﺐ ﻭﺍﺣﺪ ﻣﻮ ﺛﻨﻴﻦ ﺣﺘﻪ ﻳﺤﺒﻨﻪ ﺛﻨﻴﻨﻪ .. ﻛﻤﻠﺖ ﺣﻤﺎﻡ ﻃﻠﻌﺖ
ﺩﺧﻠﺖ ﻟﻜﻴﺘﻪ ﺑﺎﻟﻐﺮﻓﻪ .. ﻛﺘﻠﻪ ﻭﻳﻦ ﺟﻨﺖ .. ﻛﺎﻝ ﺑﻐﺮﻓﺔ ﻓﺎﻃﻤﻪ .. ﻛﻠﺖ ﻫﺎﺍﺍ .. ﻛﺎﻝ ﺗﻌﺎﻱ ﻋﺎﻳﻨﻲ ﻫﺬﺍ ﺍﻟﻔﻠﻢ ﻣﺒﻴﻦ ﺣﻠﻮ ﺑﺪﻩ ﺻﺎﺭ 5 ﺩﻗﺎﻳﻖ
🔹🔸🥇🔹🔸
ﺍﺟﻴﺖ ﻳﻤﻪ ﺍﺑﺎﻭﻉ .. ﻭﺑﺎﻟﻲ ﻛﻠﻪ ﺑﺎﻟﺤﺠﻲ ﺍﻟﻠﻲ ﺣﺠﺎﻩ ﻭﻳﻪ ﻓﺎﻃﻤﻪ .. ﺩﺍﺭ ﻭﺟﻪ ﻛﺎﻝ ﺍﻛﻮ ﻛﻮﺟﻪ ﺑﺜﻼﺟﻪ ﺭﻭﺣﻲ ﺧﻠﻴﻬﺎ ﺑﻤﺎﻋﻮﻥ ﻭﺟﻴﺒﻴﻬﺎ ..
ﺭﺣﺖ ﺟﺒﺖ ﻭﺧﻠﻴﺘﻬﺎ ﻛﺪﺍﻣﻪ .. ﻭﻛﻌﺪﺕ ﺍﻧﺸﻒ ﺷﻌﺮﻱ ﺑﺎﻟﺸﻴﺴﻮﺍﺭ ﻛﺎﻝ ﻃﻔﻲ ﺩﺧﺖ .. ﻃﻔﻴﺘﻪ ﻭﺑﻘﻰ ﺷﻌﺮﻱ ﺑﻴﻪ ﺑﻠﻞ ﻋﻠﻨﺺ .. ﻛﻌﺪﺕ ﻳﻤﻪ ﻭﻫﻮﻩ ﻳﺴﻮﻟﻒ ﺍﻻﺣﺪﺍﺙ ﻣﺎﻝ ﺍﻟﻔﻠﻢ
ﺩﺍﺭ ﻭﺟﻬﺎ .. ﻛﺎﻝ ﺑﺎﻟﺞ ﻣﻮ ﻳﻤﻲ ﺷﺒﻴﺞ .. ﻛﺘﻠﻪ ﺗﺤﺒﻨﻲ .. ﺍﺑﺘﺴﻢ ﻛﺎﻝ ﻳﺤﺘﺎﺝ ﺍﻛﻮﻟﻬﺎ ﺑﻌﺪ ﻛﻞ ﻫﻠﺴﻨﻴﻦ .. ﻛﺘﻠﻪ ﺯﻳﻦ ﻭﻓﺎﻃﻤﻪ ..
ﺿﺤﻚ .. ﻛﺎﻝ ﻋﺮﻓﺖ ﺻﻔﻨﺘﺞ ﻭﺩﻭﺧﺘﺞ ﺑﻴﻴﻴﻴﻴﻤﻦ .. ﺍﺗﻤﺪﺩ ﻭﺟﺮﻧﻲ ﻳﻤﻪ . ﺧﻼﻧﻲ ﻋﻠﻰ ﺍﻳﺪﻩ .. ﻛﺎﻝ ﻟﻜﻞ ﺭﺟﻞ ﺯﻭﺟﻪ ﻭﻋﺸﻴﻘﻪ ..
ﻫﻴﻪ ﺯﻭﺟﺘﻲ ﻭﺍﻧﺘﻲ ﻋﺸﻴﻘﺘﻲ .. ﻛﺘﻠﻪ ﻳﻌﻨﻲ ﺗﺤﺒﻬﺎ ﻛﺎﻝ ﻃﺒﻌﺎ ﺍﺣﺒﻬﺎ ﻋﺸﺮﺓ ﻋﻤﺮ ﺍﻧﻪ ﻭﻳﺎﻫﺎ ﻭﺍﻡ ﺍﻃﻔﺎﻟﻲ ﺷﻠﻮﻥ ﺍﻛﺮﻫﺎ .. ﻛﺘﻠﻪ ﺍﻧﺘﻪ ﻋﻨﺪﻙ ﻛﻠﺐ ﻭﺍﺣﺪ
ﻛﺎﻝ ﻭﺷﻨﻮ ﻳﻌﻨﻲ .. ﻣﺎ ﺍﻧﻲ ﻋﻨﺪﻱ ﻛﻠﺐ ﻭﺍﺣﺪ ﻭﺍﺣﺒﺞ ﺑﻴﻪ ﻭﺍﺣﺐ ﺍﻃﻔﺎﻟﻲ ﻭﺍﻣﻲ ﻭﺧﻮﺍﺗﻲ ﻭﻓﺎﻃﻤﻪ ﻭﺍﻫﻠﻲ ﻭﻛﺮﺍﻳﺒﻲ .. ﻋﺎﺩﻱ ﺣﺒﻲ ﻳﺼﻴﺮ
ﺑﺲ ﺍﻛﻮ ﺷﻲ ﺍﺳﻤﻪ ﻣﻴﻞ ﻭﺍﻧﻪ ﺍﻣﻴﻞ ﺍﻟﺞ .. ﻛﺘﻠﻪ ﻋﻤﺮﻱ ﻣﻤﺘﺨﻴﻠﻪ ﻓﺪ ﻳﻮﻡ ﻭﺣﺪﻩ ﺗﺸﺎﺭﻛﻨﻲ ﺑﺰﻭﺟﻲ .. ﻛﺎﻝ ﻣﻮ ﻛﻮﻟﺸﻲ ﻧﺘﺤﻠﻢ ﺑﻴﻪ ﻭﻧﺮﻳﺪﻩ ﻳﺼﻴﺮ
ﻋﺎﺩﻱ ﻳﻤﻜﻦ ﺗﺘﺰﻭﺟﻴﻦ ﻏﻴﺮﻱ ﻭﺑﺲ ﺍﻟﺞ .. ﺑﺲ ﻻ ﻳﺤﺒﺞ ﺑﻜﺪﻱ ﻭﻻ ﻳﺼﻮﻧﺞ ﻣﺜﻠﻲ .. ﻭﻳﻤﻜﻦ ﻳﺪﻭﺭ ﻋﻠﻴﺞ ﺑﺎﻟﺤﺮﺍﻡ ﻣﻮ ﺷﺮﻁ ﻳﺘﺰﻭﺝ
ﻛﺘﻠﻪ ﺍﻧﺘﻪ ﻫﻢ ﺍﺩﻭﺭ ﺣﺮﺍﻡ .. ﻛﺎﻝ ﻻ ﺍﺑﺪ .. ﻣﻦ ﺟﻨﺖ ﻣﺎ ﻣﺘﺰﻭﺝ ﻗﺒﻞ ﺍﻟﺴﻘﻮﻁ ﺍﻱ .. ﺑﺲ ﻣﻦ ﺍﺗﺰﻭﺟﺖ ﺑﻌﺪ ﺷﻜﻮ ﺍﺫﺍ ﺍﻟﻲ ﺣﺎﺟﻪ ﺍﻟﺘﺠﻰ ﺍﻟﺰﻭﺟﺘﻲ ﻟﻴﺶ ﻟﻠﺤﺮﺍﻡ
ﻣﺎ ﺍﺣﺐ ﻫﻠﺸﻲ ﺗﺘﺴﻤﻰ ﻟﻄﻠﻄﻪ ﻣﻮ ﻃﺒﻊ ﺍﻟﺰﻟﻤﻪ ﺍﻟﻠﻄﻠﻄﻪ ﻭﻣﺸﻲ ﻭﺭﻩ ﺍﻟﻨﺴﻮﺍﻥ ..
ﻛﺘﻠﻪ ﻳﻌﻨﻲ ﺍﺫﺍ ﻓﺪ ﻳﻮﻡ ﺗﻌﺠﺒﻚ ﻭﺣﺪﻩ ﻣﺎ ﺗﺘﺰﻭﺝ ﻋﻠﻴﻪ ﻣﺜﻞ ﺟﺪﻭ ﻟﻤﺎ ﺍﺗﺰﻭﺝ ﻋﻠﻰ ﺑﻴﺒﻲ ﻭﻫﻮﻩ ﻳﺤﺒﻬﺎ
ﻛﺎﻝ ﺟﺪﻱ ﻏﻴﻴﻴﺮ .. ﺟﺪﻱ ﻣﺎﺕ ﻭﻫﻮﻩ ﻳﻠﻔﺾ ﺑﺄﺳﻢ ﺑﻴﺒﻴﺘﺞ ﺑﻠﻘﻴﺲ .. ﺑﺲ ﻫﻮﻩ ﺟﺎﻥ ﺭﺟﺎﻝ ﺟﺒﻴﺮ ﻋﻤﺎﻣﻪ ﺍﻟﻨﺎﺱ ﺗﺘﻔﺪﺍﻩ ﻭ ﺗﺘﻤﻨﺎﻩ ﻭﺗﻨﻄﻴﻪ ﺑﻨﺎﺗﻬﺎ ﻫﺪﻳﻪ ﺍﻟﻪ
ﻛﺘﻠﻪ ﺷﻠﻮﻥ ﻳﻌﻨﻲ ﻫﺪﻱ .. ﻛﺎﻝ ﻣﺜﻞ ﺍﻟﺠﺎﺭﻳﻪ ﻫﻴﺞ ﻫﺒﻪ ﺍﻟﻪ .. ﻛﺘﻠﻪ ﻭﻳﻦ ﻛﺎﻋﺪﻳﻦ ﻣﺘﻜﻮﻟﻲ .. ﻛﺎﻝ ﻫﺎﻱ ﺑﻮﻗﺖ ﺟﺪﻱ ﻭﻟﻠﻴﻮﻡ ﺍﻛﻮ ﻫﻴﺞ ﻧﺎﺱ ﺗﻨﻄﻲ ﺑﻨﺎﺗﻬﺎ ﻭﺣﺘﻰ ﺍﻧﻄﻮﻧﻲ ﺍﻫﻮﺍﻱ ﺑﺲ ﺍﻧﻪ ﻣﺎ ﺍﺗﻘﺒﻠﺖ
ﺭﻓﻞ .. ﻟﻴﺶ ﻣﺘﻘﺒﻠﺖ
ﺣﺎﺭﺙ .. ﻣﺎ ﺍﺣﺐ ﺍﺿﻠﻤﻠﻲ ﻣﺮﻩ ﻭﺍﺟﻴﺒﻬﺎ ﺧﺪﺍﻣﻪ ﻋﻨﺪﻱ ﺣﺮﺍﻡ ..
ﺭﻓﻞ .. ﺑﺲ ﺿﻠﻤﺘﻨﻲ ﻭﻧﻬﻴﺖ ﻋﻠﻴﻪ
ﺣﺎﺭﺙ .. ﺑﺎﻋﻲ ﺍﻧﻪ ﻣﺎ ﻧﻬﻴﺖ ﻋﻠﻴﺞ ﺣﻘﺪ ﺍﻧﻪ ﻧﻬﻴﺖ ﻋﻠﻴﺞ ﺣﺐ .. ﻭﺍﺣﻨﻪ ﺍﻟﺸﺮﻭﻙ ﻣﺴﻮﺩﻧﻴﻦ ﺑﻌﺸﻜﻨﻪ ﻳﺎ ﻧﺎﺧﺬ ﻳﺎ ﻧﻜﺘﻞ ﻭﻧﻨﻜﺘﻞ
ﺑﺲ ﻣﺎﻝ ﺍﺿﻠﻢ ﻣﺮﻩ ﻻ ﺍﺑﺪ ﻫﺎﻱ ﻓﺎﻃﻤﻪ ﻭﺍﺳﺄﻟﻴﻬﺎ ﻭﺍﺳﺄﻟﻲ ﺧﻮﺍﺗﻲ ﻓﺪ ﻳﻮﻡ ﺭﺍﻓﻊ ﺍﻳﺪﻱ ﻋﻠﻰ ﻭﺣﺪﻩ ﺑﻴﻬﻦ ﺍﺑﺪ ..
ﺑﺲ ﺍﻧﻪ ﺍﻛﻠﺞ ﻋﺼﺒﻲ ﻭﺍﺻﻴﺢ ﺍﻱ .. ﺑﺲ ﻣﺎ ﺍﺿﺮﺏ ﻭﺍﻫﻴﻦ ﻫﺬﺍ ﺍﻟﺸﻲ ﻣﺎ ﺍﺳﻮﻳﻪ
ﺍﺣﺠﻲ ﻭﻳﺎﻫﺎ ﻭﻫﻴﻪ ﻣﺎﻛﻮ ﺻﻮﺕ .. ﺩﺭﺕ ﻭﺟﻬﻲ ﻟﻜﻴﺘﻬﺎ ﻏﺎﻓﻴﻪ ﻋﻠﻰ ﺍﻳﺪﻱ ﺿﺤﻜﺖ .. ﺟﺮﻳﺖ ﺍﻟﻐﻄﻪ ﻏﻄﻴﺘﻬﺎ ﻭﻃﻔﻴﺖ ﺍﻟﺘﻠﻔﺰﻳﻮﻥ ﻭﻧﻤﺖ ﻭﻳﺎﻫﺎ
ﺍﻟﺼﺒﺢ ﺳﺎﻋﻪ 7 ﺍﻧﺪﻛﺖ ﺍﻟﺒﺎﺏ .. ﻛﻤﺰﺕ ﻫﻴﻪ ﺟﺎﻧﺖ ﻋﻠﻰ ﺍﻳﺪﻱ .. ﻛﺘﻠﻬﺎ ﺍﺑﻘﻲ .. ﻛﻤﺖ ﻟﺒﺴﺖ ﻓﺎﻧﻴﻠﻪ ﻭﻓﺘﺤﺖ ﺍﻟﺒﺎﺏ
🔹🔸🥇🔹🔸
ﻃﻠﻌﺖ ﺍﻣﻲ ﻛﺎﻟﺖ ﻳﻠﻪ ﻳﻤﻪ ﺍﻟﺴﺎﻋﻪ 7 ﻫﻢ ﻧﻔﺴﻚ ﻋﺪﻧﻪ ﺧﻄﺒﻪ ﺍﻟﻨﺎﺱ ﺟﺎﻳﻪ .. ﻛﺘﻠﻬﺎ ﺍﻱ ﻳﻤﻪ ﺩﻗﺎﻳﻖ .. ﺩﺧﻠﺖ ﻃﻠﻌﺖ ﺗﺮﺍﻛﺴﻮﺩ .. ﻭﺟﺎﻱ ﺍﻟﺒﺲ ﻛﺎﻟﺖ ﺷﻜﻮ
ﻛﺘﻠﻬﺎ ﻳﻠﻪ ﺍﻛﻌﺪﻱ ﻛﺎﻟﺖ ﻭﻟﻚ ﺍﻟﺴﺎﻋﻪ 7 ﺍﺩﺭﻱ ﻃﺎﻟﻌﻴﻦ ﺑﻴﻨﻪ ﻣﻌﺴﻜﺮ .. ﻛﺘﻠﻬﺎ ﻭﻟﻜﻼﻛﻪ ﺍﻟﺘﻠﻚ ﺍﺿﻠﻮﻋﺞ ﻭﻟﻚ ﺷﻨﻲ .. ﺩﻛﻮﻣﻲ ﻏﻴﺮ ﻋﺪﻧﻪ ﺧﻄﺒﻪ
ﻟﻄﺸﺖ ﺭﺍﺳﻬﺎ ﺑﺎﻟﻤﺨﺪﻩ ﻭﺗﺼﻴﺢ ﺍﻭﻭﻭﻑ ﻭﺍﻟﻠﻪ ﺑﻌﺪﻧﻲ ﻧﻌﺴﺎﻧﻪ .. ﺍﺗﻘﺮﺑﺖ ﻳﻤﻬﺎ ﻛﺘﻠﻬﺎ ﺗﺮﺩﻳﻦ ﺍﺻﺤﻴﺞ .. ﻛﻤﺰﺕ ﻛﺎﻟﺖ ﻻ ﻻ ﻻ ﻳﻤﻌﻮﺩ ﺻﺤﻴﺖ ﺻﺤﻴﺖ
ﻫﻬﻬﻬﻬﻬﻬﻪ ﻋﻔﺘﻬﺎ ﻭﻃﻠﻌﺖ ﻳﻢ ﺍﻻﻫﻞ ﺻﺒﺤﺖ ﻋﻠﻲ ﺍﻣﻲ ﺑﺴﺖ ﺭﺍﺳﻬﺎ ﻭﻛﻌﺪﺕ .. ﺍﺟﺖ ﻓﺎﻃﻤﻪ ﺻﺒﺤﺖ ﻋﻠﻴﻪ ﺍﻧﻮﺏ ﺍﻟﺠﻬﺎﻝ ﺍﺟﻮ ﻳﺘﺮﺍﻛﻀﻮﻥ ﻟﺤﻈﻨﻲ
ﻛﺎﻝ ﻣﺼﻄﻔﻰ .. ﺑﺎﺑﺎ ﻣﺸﺘﺎﻗﻠﻚ ﻧﺎﻡ ﻳﻤﻲ .. ﻛﺘﻠﻪ ﻭﻻ ﻳﻬﻤﻚ .. ﺟﺮﻳﺖ ﺍﻟﻤﺨﺪﻩ ﻭﺧﻠﻴﺘﻪ ﺑﺤﻈﻨﻲ .. ﻛﺎﻝ ﻻ ﻣﻮ ﻫﻨﺎ ﺑﺎﻟﻐﺮﻓﻪ .. ﻋﺎﻳﻨﺖ ﻟﻔﺎﻃﻤﻪ ﻛﺘﻠﻪ ﺗﻌﻠﻮﻡ ﺍﻣﻚ ﺧﺮﺏ ﺑﻌﻘﻠﻚ
ﺭﻓﻞ .. ﺩﺧﻠﺖ ﺳﻤﻌﺖ ﻣﺼﻄﻔﻰ ﻳﻜﻮﻝ ﻫﻴﺞ ﻻﺑﻮﻩ .. ﺍﺗﻘﺮﺑﺖ ﻭﺷﻠﺘﻪ ﻭﻛﺘﻠﻪ ﺷﻨﻮ ﺭﺃﻳﻚ ﺍﻧﺘﻪ ﺗﻨﺎﻡ ﻳﻤﻨﻪ
ﻛﺎﻝ ﻣﺎﺷﻲ .. ﺟﺎﻥ ﺗﺠﺮﻩ ﻓﺎﻃﻤﻪ ﻣﻦ ﺍﻳﺪﻱ ﻛﺎﻟﺖ ﻣﺎ ﺍﺧﻠﻴﻬﻢ ﻳﻨﺎﻣﻮﻥ ﺑﻐﻴﺮ ﻏﺮﻓﻪ .. ﻛﺘﻠﻬﺎ ﻏﺮﻓﺔ ﺍﺑﻮﻫﻢ ﻣﻮ ﻏﺮﻳﺒﻪ .. ﻭﺑﻌﺪﻳﻦ ﺧﻄﻴﻪ ﻣﺸﺘﺎﻕ ﻻﺑﻮﻩ ﺣﺮﺍﻡ ﻋﻠﻴﺞ
ﻭﺍﺣﺠﻲ ﺑﻤﻜﺮ ﻭﻳﺎﻫﺎ ﻭﻫﻴﻪ ﺗﺨﺰﺭ ﺑﻴﻪ .. ﺟﺎﺑﺖ ﺭﺳﺎﻟﻪ ﺍﻟﺮﻳﻮﻙ ﻛﺎﻟﺖ ﻳﻠﻪ ﻳﻤﻌﻮﺩﻳﻦ ﺧﻞ ﻧﻔﺾ ﺍﻟﺮﻳﻮﻙ ﻭﺭﺍﻧﻪ ﺷﻐﻞ ..
ﻛﻌﺪﺕ ﻳﻢ ﺣﺎﺭﺙ ﻭﺗﺠﻴﺖ ﺍﻳﺪﻱ ﻋﻠﻴﻪ .. ﻫﻤﺲ ﺑﺄﺫﻥ ﺑﺎﻟﻌﺒﺎﺱ ﺍﻧﺰﺭﻓﺖ ﺭﺟﻠﻲ .. ﺿﺤﻜﺖ ﺿﻜﻴﺖ ﺑﺄﻳﺪﻱ ﺣﻴﻞ ..
ﺻﺎﺡ ﺳﻮﺍﺩﻳﻦ .. ﻫﻬﻬﻪ .. ﻭﺧﺮﺕ ﺍﻳﺪﻱ ﻣﻨﻪ ﻭﺟﺮﻳﺖ ﺑﻴﻀﻪ ﺳﻠﻚ ﻛﺸﺮﺗﻬﺎ ﻭﺍﺧﺬﺕ ﺑﺲ ﺍﻟﺒﻴﺎﺽ ﻭﺍﺷﻤﺮ ﺍﻟﺼﻔﺎﺭ ﻭﺍﻛﻞ
ﻭﻫﻮﻩ ﻳﺎﺧﺬ ﺍﻟﺼﻔﺎﺭ ﻭﺭﺍﻱ ﻭﻳﺎﻛﻠﻪ ﻛﺎﻝ ﻟﻴﺶ ﺗﺸﻤﺮﻳﻦ ﺍﻟﺼﻔﺎﺭ ﺍﻧﺘﻲ ﺣﺎﻣﻞ ﺗﻔﻴﺪﺝ ﻓﻴﺘﺎﻣﻴﻨﺎﺗﻪ .. ﻛﺘﻠﻪ ﻣﺎ ﺍﺣﺒﻪ ﺯﻓﺮ ..
ﻛﺎﻟﺖ ﺍﻣﻪ ﺗﺘﻔﻴﻚ ﺑﺖ ﺑﻐﺪﺍﺩ ﻭﺗﺒﺎﻭﻉ ﺻﻔﺢ .. ﻛﺘﻠﻬﺎ ﻭﻣﺘﻠﻮﻙ ﺍﻟﻔﻴﻜﻪ ﺍﻟﻐﻴﺮﻧﻪ .. ﻭﺣﺮﻛﺖ ﺟﺘﻔﻲ ﺑﺪﻟﻊ
ﺣﺎﺭﺙ ﻳﺎﻛﻞ ﻭﻳﺒﺘﺴﻢ ﻭﻣﺎ ﻳﺤﺠﻲ .. ﻛﻤﻠﻨﻪ ﺭﻳﻮﻙ ﺍﻧﻲ ﻃﻠﻌﺖ ﻟﻠﻜﺮﺍﺝ ﺍﻏﺴﻠﻪ ﻭﻫﻨﻪ ﺑﻘﻦ ﻳﻨﻀﻔﻦ ﺟﻮﻩ ..
ﺭﻓﻌﺖ ﺍﻟﺒﺠﺎﻣﻪ ﻟﺤﺪ ﺭﻛﺒﺘﻲ .. ﻭﻛﻌﺪﺕ ﺍﻏﺴﻞ .. ﻃﻠﻊ ﺣﺎﺭﺙ ﺷﺎﻓﻨﻲ ﻫﻴﺞ ﺻﺮﺥ ﺭﻓﻠﻠﻠﻞ ﺷﻨﻬﺎﻱ .. ﺍﻧﻲ ﻛﺎﻋﺪﻩ ﻣﻜﺮﻓﺼﻪ ﻭﺍﻏﺴﻞ ﺑﺎﻟﺼﻮﻧﺪﻩ ﺳﻤﻌﺘﻪ ﻋﺎﻁ ﻛﻤﺰﺕ ﺟﺎﻱ ﺍﻛﻮﻡ
ﺗﭽﻘﻠﺒﺖ ﻭﺭﺣﺖ ﺑﺎﻟﻤﻲ .. ﻛﺎﻝ ﺍﻟﻠﻪ ﺍﻟﻠﻪ ﻳﻤﻌﻮﺩﻩ ﺷﺒﻴﺞ .. ﻛﺘﻠﻪ ﻭﺍﻟﻠﻪ ﺧﺮﻋﺘﻨﻲ ﺑﺼﻮﺗﻚ ﺍﺥ ﻣﺎﻣﺎ ﺭﺟﻠﻲ .. ﻛﺎﻝ ﺍﻱ ﻟﻮ ﻣﺎ ﻣﻄﻠﻌﻪ ﺭﺟﻠﻴﻚ ﺟﺎﻥ ﻣﺎ ﻭﻛﻌﺘﻲ
ﺻﻴﺤﺖ ﺷﺠﺎﺏ ﺍﻟﺒﻮﻛﺲ ﻋﭽﻼﻕ ﻣﻦ ﻭﺭﺍﻙ ﻭﻛﻌﺖ ﻻﻥ ﺻﺮﺧﺖ ﻣﻮ ﻻﻥ ﺷﺎﻳﻠﻪ ﺍﻟﺒﺠﺎﻣﻪ .. ﻛﺎﻝ ﺍﻱ ﺩﻧﺰﻟﻲ ﺍﻟﺒﺠﺎﻣﻪ ﻣﻮ ﺷﻬﺮﺗﻴﻨﻪ ..
ﻛﺘﻠﻪ ﺟﻨﺖ ﺧﺎﻳﻔﻪ ﺍﺗﺒﻠﻞ ﻭﺭﻓﻌﺘﻬﺎ .. ﻭﻫﺎﻱ ﺍﺗﺠﻘﻠﺒﺖ ﻭﺗﺒﻠﻠﺖ ﺍﻭﻑ ﻣﻨﻚ ﺣﺎﺭﺙ ﺍﻭﻭﻭﻭﻭﻑ ﻭﻻ ﺗﺒﻄﻞ ﺻﻴﺎﺣﻚ .. ﻛﺎﻝ ﺑﻄﻠﻲ ﺍﺗﻌﺮﻱ ﺍﻧﺘﻲ ﻭﺍﻧﻪ ﻣﺎ ﺍﺻﻴﺢ
ﻛﺘﻠﻪ ﺩﻭﺧﺮ ﻳﻤﻌﻮﺩ ﻭﺧﺮ .. ﺟﺎﻱ ﺍﻭﺧﺮ ﺟﺎﻥ ﻳﺪﺧﻞ ﺍﺑﻦ ﻋﻤﻪ ﺑﺪﻭﻥ ﻣﻴﺪﻙ ﺑﺎﺏ ﺍﻟﻜﺮﺍﺝ ﺟﺮﻧﻲ ﺣﺎﺭﺙ ﻭﻭﻛﻔﻨﻲ ﻭﺭﺍﻩ ..
ﺍﺗﻘﺮﺏ ﺍﺑﻦ ﻋﻤﻪ ﻳﺴﻠﻢ ﻛﺎﻟﻪ ﻓﻮﺕ ﺧﻮﻳﻪ ﻓﻮﺕ ﺍﻧﻪ ﺟﺎﻳﻚ .. ﺍﺑﻦ ﻋﻤﻪ ﺗﻔﺸﻞ ﺧﻄﻴﻪ ﻭﺭﺍﺡ .. ﻛﺘﻠﻪ ﻓﺸﻠﺘﻪ ﺧﻄﻴﻪ ﺟﺎﻥ ﺳﻠﻤﺖ ﻋﻠﻴﻪ ..
ﻛﺎﻝ ﺍﻱ ﺑﺘﺮﺍﻛﺴﻮﺩﺝ ﻫﺎﺫ ﺍﻻﻃﺶ ﻋﻠﻰ ﺟﺴﻤﺞ ﻣﻜﺮﻥ ﺍﻧﻪ ﺍﺑﻦ ﻋﻤﻲ ﻳﻮﻛﻒ ﻳﻤﻲ ﻭﻣﺮﺗﻲ ﻣﻌﺮﺍﻳﻪ
ﻛﺘﻠﻪ ﺷﻨﻮ ﻣﻌﺮﺍﻳﻪ ﻻﺑﺴﻪ ﻣﻼﺑﺲ ﻭﻣﺴﺘﻮﺭﻩ ﺷﺒﻴﻚ .. ﻛﺎﻝ ﺍﻱ ﻻ ﻫﻮﺍﻱ ﻻﺑﺴﻪ ﺑﺎﻋﻲ ﺑﺎﻋﻲ ﻣﻼﺑﺴﺞ ﺷﻠﻮﻥ ﻣﺒﻴﻨﻪ
ﺩﻓﻮﺗﻲ ﻻ ﺍﺩﻓﺮﺝ . ﻭﻋﻠﻲ .. ﺩﺧﻠﻨﻲ ﻟﻠﻤﻄﺒﺦ ﻭﻛﺎﻝ ﺍﻟﺨﻮﺍﺗﻪ ﻫﺎﻱ ﻟﻮ ﻃﻠﻌﺖ ﻟﻠﻜﺮﺍﺝ ﺍﺑﺘﻠﻲ ﺑﻴﺠﻦ ﻭﻣﺤﻤﺪ
ﻛﺘﻠﻪ ﺗﻌﺎﻝ ﻫﻨﺎ ﻫﺎﻱ ﺷﻨﻮ ﻣﺎ ﻋﻨﺪﻱ ﺍﺳﻢ .. ﺳﺪ ﺍﻟﺒﺎﺏ ﺣﻴﻞ ﺑﻮﺟﻬﻲ .. ﻛﺎﻟﻦ ﺣﻘﻪ ﻳﻤﻌﻮﺩﻩ ﻋﺎﻳﻨﻲ ﺭﻭﺣﺞ ﺣﺘﻰ ﻣﻼﺑﺴﺞ ﺍﻟﺪﺍﺧﻠﻴﻪ ﻣﺒﻴﻨﻪ
ﻛﺘﻠﻬﻦ ﺍﻱ ﻏﻴﺮ ﻭﻛﻌﺖ ﻭﺗﺒﻠﻠﺖ ﻭﻟﻄﺸﺖ ﻣﻼﺑﺴﻲ .. ﺟﺎﻥ ﻓﺎﻃﻤﻪ ﺗﻐﺴﻞ ﺑﺎﻟﻤﻮﺍﻋﻴﻦ ﻭﺣﺠﺖ ﻛﺎﻟﺖ ﻣﻦ ﻧﻜﻮﻝ ﻛﺤﺎ … ﻣﺤﺪ ﻳﺼﺪﻛﻨﻪ .. ﺭﺩﺕ ﺍﺭﺩﻫﺎ
ﺣﺠﺖ ﺍﺧﺘﻪ ﺭﺟﺎﺀ ﺍﻟﺠﺒﻴﺮﻩ .. ﻛﺎﻟﺘﻠﻬﺎ ﻓﺎﻃﻤﻪ ﺍﺣﺘﺮﻣﻲ ﻧﻔﺴﺞ ﻻ ﻭﺍﻟﻠﻪ ﺍﻭﺻﻞ ﻛﻼﻣﺞ ﻫﺎﺫ ﻟﺤﺎﺭﺙ ﻭﺍﺧﻠﻴﻪ ﺗﻜﺐ ﺳﻮﺍﺩﻳﻨﻪ ﻋﻠﻴﺞ
ﺭﻓﻞ ﺑﺖ ﻋﻤﻲ ﻭﺍﻛﺺ ﺍﻟﺴﺎﻧﺞ ﻟﻮ ﺟﺒﺘﻴﻬﺎ ﻋﻠﻰ ﺍﻟﺴﺎﻧﺞ ﻋﻤﻲ ﻳﺎﺳﻴﻦ ﻣﺎﻛﻮ ﺍﺣﺴﻦ ﻣﻦ ﺗﺮﺑﻴﺘﻪ ﻭﺍﺧﻼﻗﻪ ﻭﺍﺧﻼﻕ ﻋﺎﺋﻠﺘﻪ
ﻛﺎﻟﺘﻠﻬﺎ ﻻ ﻭﺍﻟﻠﻪ ﺧﻴﻪ ﺍﻧﻪ ﻣﺎ ﻗﺼﺪﺕ ﺍﺣﺠﻲ ﻋﻠﻰ ﺗﺮﺑﻴﺔ ﻋﻤﺞ ﻭﺍﻟﻌﺒﺎﺱ ﺑﺲ ﺗﺼﺮﻓﺎﺗﻬﺎ ﻣﻮ ﺣﻠﻮﻩ
ﻛﺎﻟﺘﻠﻬﺎ ﻫﺎﻱ ﻃﺒﻴﻌﺘﻬﻢ ﻭﺑﻴﺌﺘﻬﻢ ﻣﻮ ﺍﻧﺘﻲ ﺍﻟﻠﻲ ﺗﺤﻜﻤﻴﻦ ﻋﻠﻴﻬﻢ .. ﻭﺑﻌﺪﻳﻦ ﻳﺎﻣﺎ ﻣﻜﺒﻌﺎﺕ ﻭﻣﻨﻘﺒﺎﺕ ﻭﺍﻟﻠﻪ ﻳﻌﻠﻢ ﺷﺴﻮﻥ .. ﺣﺠﺖ ﻫﻴﺞ ﻭﺭﻛﺰﺕ ﻋﻠﻜﻠﻤﻪ
ﻣﺎ ﺍﻋﺮﻑ ﺷﻨﻮ ﺍﻟﻠﻐﺰ ﺑﻴﻨﻬﻦ .. ﺑﺲ ﻋﻔﺘﻬﻦ ﻭﺩﺧﻠﺖ ﻟﻠﻐﺮﻓﻪ ﺍﺧﺬﺕ ﻣﻼﺑﺲ ﻭﺭﺣﺖ ﺳﺒﺤﺖ ﻭﺷﺴﻮﺭﺕ ﺷﻌﺮﻱ ﻭﻃﻠﻌﺖ ﻛﻌﺪﺕ ﺍﺳﺎﻋﺪﻫﻢ ﺑﺎﻟﻤﻄﺒﺦ
ﻣﺎ ﺍﻋﺮﻑ ﺍﻃﺒﺦ ﻃﺒﺦ ﺿﺨﻢ ﺑﺲ ﺍﺳﺎﻋﺪﻫﻢ ﺑﺜﺮﻡ ﺗﻨﻀﻴﻒ .. ﻝ 12 ﻛﻤﻠﻮ ﺻﻼﺓ ﻭﺻﺒﻴﻨﻪ ﻛﻤﻨﻪ ﺍﻧﺎﻭﻝ ﺍﻟﺮﻳﺎﺟﻴﻞ ﺍﻟﻤﻮﺍﻋﻴﻦ
ﻃﻠﻊ ﺣﺎﺭﺙ .. ﻛﺎﻝ ﻃﺒﻲ ﺟﻮﻩ ﻻ ﺗﻨﺎﻭﺷﻴﻦ .. ﻛﺘﻠﻪ ﺷﺒﻴﻚ ﻛﻠﺒﻴﻪ ﻭﻟﺒﺴﺖ ﻟﺨﺎﻃﺮﻙ .. ﻛﺎﻝ ﻫﻴﻪ ﻛﻠﺒﻴﻪ ﻟﻮ ﺗﺎﻛﻞ ﻭﺗﺸﺮﺏ ﻋﻠﻴﺞ ..
ﻭﺑﻌﺪﻳﻦ ﻫﻢ ﻣﺨﺼﺮﻩ ﻋﻠﻰ ﺟﺴﻤﺞ ﻃﺒﻲ ﻣﺎ ﺍﺗﺤﻤﻞ ﻧﻀﺮﻩ ﺗﻮﻛﻊ ﻋﻠﻴﺞ .. ﻛﺘﻠﻪ ﺑﺲ ﺍﻛﻤﻞ ﻭﻳﺎﻫﻦ .. ﻻ ﺗﺨﻠﻴﻨﻲ ﺍﺗﺴﻮﺩﻥ ﺧﻞ ﺍﻛﻤﻞ ﺍﻟﺨﻄﺒﻪ ﻋﻠﺨﻴﺮ ﻃﺒﻲ
ﺿﺠﺖ ﻣﻦ ﻛﻼﻣﻪ ﺑﺲ ﻣﺎ ﺣﺠﻴﺖ ﻋﻔﺘﻬﻢ ﻭﺭﺣﺖ ﺍﻟﻐﺮﻓﺘﻲ ..
ﺣﺎﺭﺙ .. ﻛﻤﻠﺖ ﺍﻟﻐﺪﺍ ﺟﺎﻱ ﺍﻃﻠﻊ ﺍﻏﺴﻞ ﺩﺧﻠﺖ ﺍﻟﻤﻄﺒﺦ ﻛﻠﻬﻦ ﻛﺎﻋﺪﺍﺕ ﻳﺎﻛﻠﻦ .. ﻛﺘﻠﻬﺎ ﺟﺎ ﺭﻓﻞ ﻭﻳﻦ .. ﻛﺎﻟﻦ ﺑﻐﺮﻓﺘﻬﺎ .. ﻋﺮﻓﺖ ﺿﺎﺟﺖ ﻣﻦ ﻛﻼﻣﻲ
ﺭﺣﺖ ﻟﻠﻐﺮﻓﻪ .. ﻟﻜﻴﺘﻬﺎ ﻓﺎﺗﺤﻪ ﺍﻟﻜﻨﺘﻮﺭ ﻭﺗﻜﻠﺐ ﺑﺎﻟﻤﻼﺑﺲ .. ﺍﺗﻘﺮﺑﺖ ﺣﻈﻨﺘﻬﺎ ﻣﺎ ﺣﺠﺖ .. ﻫﻤﺴﺖ ﻟﻮ ﻋﻨﺪﺝ ﺍﻟﻤﺎﺳﻪ ﻏﺎﺍﺍﺍﺍﺍﺍﻟﻴﻪ ﻛﻠﺶ ﺗﺸﻤﺮﻳﻬﺎ ﺑﺎﻟﻜﺎﻉ ﻟﻮ ﺗﺨﻠﻴﻦ ﺍﻟﺮﺍﻳﺢ ﻭﺍﻟﺠﺎﻱ ﻳﻠﺰﻣﻬﺎ ﻭﻳﻌﺎﻳﻨﻠﻬﺎ
ﺳﻜﺘﺖ .. ﻛﺘﻠﻬﺎ ﺍﻧﺘﻲ ﻣﺜﻞ ﺍﻻﻟﻤﺎﺳﻪ ﻋﻨﺪﻱ ﺍﺭﻳﺪﺝ ﺍﻟﻲ ﻭﻣﺎ ﺍﻗﺒﻞ ﺍﺣﺪ ﻳﺸﺎﺭﻛﻨﻲ ﺑﻴﺞ ﺣﺘﻰ ﻟﻮ ﻧﻀﺮﻩ ﻣﺎ ﺍﺗﺤﻤﻞ ﻏﻴﺮﺗﻲ ﺗﺤﺮﻛﻨﻲ ﻣﻮ ﺑﻴﺪﻱ
🔹🔸🥇🔹🔸
ﺭﻓﻞ .. ﺣﺎﺭﺙ .. ﺷﻠﻮﻭﻭﻥ ﻣﻮ ﻟﺒﺴﺖ ﻛﻠﺒﻴﻪ ﻟﺨﺎﻃﺮﻙ ﺑﻌﺪ ﺷﺘﺮﻳﺪ ﺍﻛﺜﺮ ..
ﺣﺎﺭﺙ .. ﺍﻱ ﻳﺎ ﺣﺒﻴﺒﻲ ﻋﺎﻳﻨﻲ ﺷﻠﻮﻥ ﻻﺯﻛﻪ ﻋﻠﻰ ﺟﺴﻤﺞ ﻭﻣﻄﻠﻌﻪ ﺗﻔﺎﺻﻴﻠﻪ .. ﺍﻟﺪﺷﺒﻮﻝ ﺑﺼﻔﺤﻪ ﻭﺍﻟﻘﻤﺎﺭﻩ ﺑﺼﻔﺤﻪ ﻳﺎ ﻋﻴﻨﻲ ﺑﺪﻟﻴﻬﺎ
ﺭﻓﻞ .. ﺷﻨﻮ ﺩﺷﺒﻮﻝ ﺷﻨﻮ ﻗﻤﺎﺭﻩ ..
ﺣﺎﺭﺙ .. ﻏﻠﺴﻲ ﻭﺑﺪﻟﻴﻬﺎ ..
ﺭﻓﻞ .. ﺍﻭﻭﻭ ﺣﺎﺭﺙ ﻛﻞ ﻣﻼﺑﺴﻲ ﻫﻴﺞ ﻣﺎ ﺍﺣﺐ ﺍﻟﻌﺮﻳﺾ ﺷﻨﻮ ﻗﺎﺑﻞ ﺍﻧﻲ ﻋﺠﻮﺯ ..
ﺣﺎﺭﺙ .. ﻳﺎﺑﻪ ﻛﻨﺎﻟﺞ ﺍﻧﺘﻲ ﻋﺠﻮﺯ ﻛﺘﻠﺞ ﻟﺒﺴﻲ ﺷﻮﻳﻪ ﺍﻋﺮﺽ ﻣﻦ ﻫﺎﻱ ..
ﺭﻓﻞ .. ﻫﻮﻭﻭﻑ ﻣﺎﺷﻲ .. ﻃﻠﻌﺖ ﻛﻠﺒﻴﻪ ﻟﻮﻥ ﺟﻮﻳﺘﻲ ﻭﺍﺳﻮﺩ ﺑﻘﻤﺎﺵ ﻓﺎﻧﻴﻠﻪ .. ﻛﺘﻠﻬﺎ ﻫﺎ ﻭﻫﺴﻪ
ﺣﺎﺭﺙ .. ﻋﺎﻳﻨﺘﻠﻬﺎ ﻛﺘﻠﻬﺎ ﻫﻲ ﻫﻲ ﺍﺟﺖ ﺗﻜﺤﻠﻬﺎ ﻋﻤﺘﻬﺎ .. ﻻ ﺣﺒﻴﺒﻲ ﺭﺟﻌﻲ ﻟﻬﺬﻳﺞ ﻫﻮﺍﺍﺍﺍﺍﺍﺍﺍﻱ ﺍﺷﺮﻓﻠﻨﻪ .. ﺷﻨﻲ ﺑﻮﻳﻪ ﻫﺎﻱ ﺑﺲ ﺷﺪﻳﻠﺞ ﻭﺻﻠﻪ ﻭﺍﺭﻛﺼﻲ ﻋﺎﻳﻨﻲ ﺍﻟﻔﺘﺤﺎﺕ ﺗﻜﻮﻝ ﻣﺎﻝ ﻓﻴﻔﻲ ﻋﺒﺪﻩ
ﺭﻓﻞ .. ﻋﻮﻭﻭﻉ ﺷﻨﻮ ﻓﻴﻔﻲ ﻋﺒﺪﻩ ﺷﺒﻴﻚ ﺣﺎﺭﺙ .. ﻭﻫﺴﻪ ..
ﺣﺎﺭﺙ .. ﻭﺍﻟﻠﻪ ﻣﺎ ﺍﺩﺭﻱ
ﺭﻓﻞ .. ﻫﻮﻩ ﻣﻮ ﺻﻮﺟﻚ ﺻﻮﺟﻲ ﺍﻧﻲ ﺍﻟﻜﻠﺴﺎﻉ ﻣﺒﺪﻟﻪ ﻭﺍﻧﺘﻪ ﻛﻮﻟﺸﻲ ﻣﻌﺎﺟﺒﻚ .. ﻋﻔﺘﻪ ﻭﻃﻠﻌﺖ ﺟﺎﻱ ﺍﺩﺧﻞ ﻟﻠﻤﻄﺒﺦ ﻟﺰﻣﻨﻲ ﻭﺭﺟﻌﻨﻲ ﻋﻠﻴﻪ
ﻛﺘﻠﻪ ﺍﻭﻭﻭﻱ ﺷﻜﻮ .. ﻛﺎﻝ ﺷﻬﺮﺗﻴﻨﻪ ﺍﻡ ﺍﻻﻭﻭﻭﻭﻱ ﻻ ﺍﻃﻠﻌﻴﻦ ﺑﺮﺍ .. ﺣﺪﺝ ﻟﻠﻤﻄﺒﺦ .. ﻛﺘﻠﻪ ﺍﻱ ﺳﺠﻦ ﺑﻮﻛﺎ
ﺿﺤﻚ ﻭﻣﺸﺎ ﺩﺧﻞ ﻟﻠﺪﻳﻮﺍﻧﻴﻪ .. ﺍﻧﻲ ﺩﺧﻠﺖ ﻟﻠﻤﻄﺒﺦ .. ﻭﻛﻔﺖ ﺍﺧﺬﺕ ﻭﺫﺭﺓ ﻟﺤﻢ ﺧﻠﻴﺘﻬﺎ ﺑﺼﻤﻮﻧﻪ ﻭﺍﻛﻠﺖ .. ﺩﺍ ﺍﻛﻞ ﺟﺎﻥ ﻓﺎﻃﻤﻪ ﻛﺎﻟﺖ
ﺷﺒﻴﺞ ﻋﻮﻧﺘﺞ ﻭﻳﺎﻧﻪ ﺑﺲ ﻻﺑﺪﻩ ﺑﺎﻟﻐﺮﻓﻪ .. ﺷﻨﻲ ﺧﺪﻡ ﺍﺣﻨﻪ ﻭﺍﻧﺘﻲ ﺑﻨﺖ ﺍﻟﺒﺎﺷﺎ .. ﻛﺘﻠﻬﺎ ﺷﺴﻮﻱ ﺗﻌﺮﻓﻴﻦ ﺣﺎﺭﺙ ﻭﺧﺒﺎﻟﻪ ﻛﻠﺴﺎﻋﻪ ﺟﺎﺭﻧﻲ ﻟﻠﻐﺮﻓﻪ
ﻛﺎﻟﺖ ﺑﺎﻉ ﺍﻟﺠﺬﺏ ﻫﺴﺘﻮﻩ ﺍﺟﻪ ﺳﺄﻝ ﻋﻠﻴﺞ .. ﻛﺘﻠﻬﺎ ﺍﻱ ﻻﻥ ﺿﻮﺟﻨﻲ ﻟﻤﺎ ﺻﺎﺡ ﻋﻠﻴﻪ ﺯﻋﻠﺖ ﻭﺍﺟﻪ ﻳﺮﺿﻴﻨﻲ .. ﺍﻭﻑ ﺧﺒﻠﻨﻲ ﻫﻠﻮﻟﺪ ﻏﻴﻮﺭ ﺑﺸﻜﻞ ..
ﺗﺨﻴﻠﻲ ﻣﻴﻘﺒﻞ ﺍﻧﺎﻭﻟﻬﻢ ﺍﻟﻤﻮﺍﻋﻴﻦ ﻛﺘﻠﻪ ﻣﻮ ﻫﺎﻱ ﻓﺎﻃﻤﻪ ﺗﻨﺎﻭﻟﻬﻢ ﻟﻴﺶ ﺑﺲ ﻋﻠﻴﻪ ﺗﻜﻮﻟﻲ ﻃﺒﻲ ﺟﻮﻩ .. ﺗﺪﺭﻳﻦ ﺷﻴﻜﻮﻟﻲ
ﻫﻴﻪ ﺗﺒﺎﻭﻋﻠﻲ ﺻﻔﺢ ﻭﺗﺰﻓﺮ ﺑﺨﺸﻤﻬﺎ .. ﻛﺘﻠﻬﺎ ﻳﻜﻮﻟﻲ ﻣﻮ ﺑﻴﺪﻱ ﺍﺗﺨﺒﻞ ﻋﻠﻴﺞ ﻣﺎ ﺍﺗﺤﻤﻞ ﺍﺣﺪ ﻳﺸﻮﻓﺞ ﻏﻴﺮﻱ .. ﻳﺮﻳﺪﻧﻲ ﺑﺲ ﺍﻟﻪ ..
ﺍﺟﺖ ﺍﻣﻪ .. ﻛﺎﻟﺖ ﻋﻠﻴﺶ ﺟﺎﻱ ﺗﺘﻤﺎﻭﻋﻴﻦ .. ﻛﺘﻠﻬﺎ ﺍﻟﻌﻔﻮ ﻣﺎﻡ ﻣﺪﺍ ﺍﺗﻤﺎﻭﻉ ﺳﺌﻠﺘﻨﻲ ﻭﺍﻧﻲ ﺟﺎﻭﺑﺘﻬﺎ .. ﻛﺎﻟﺖ ﻏﺴﻠﻲ ﺍﻟﻤﻮﺍﻋﻴﻦ ﺍﺑﺪﺍﻟﻬﺎ
ﻛﺘﻠﻬﺎ ﺍﻱ ﺍﺩﻟﻠﻲ ﻣﺎﻣﺎ ﺑﺲ ﺧﻞ ﺍﻛﻤﻞ ﺍﻛﻠﻲ .. ﻛﺎﻟﺖ ﺗﺎﻛﻠﻴﻦ ﺳﻢ ﺍﻧﺸﺎﻟﻠﻪ .. ﻛﺘﻠﻬﺎ ﻣﺎ ﺍﺳﻤﺤﻠﺞ ﺗﻐﻠﻄﻴﻦ .. ﺗﻘﺒﻠﻴﻦ ﺗﺠﻲ ﻭﺣﺪﻩ ﻟﺒﻨﺘﺞ ﻭﻫﻴﻪ ﺗﺎﻛﻞ ﺗﻜﻠﻬﺎ ﺗﺎﻛﻠﻴﻦ ﺳﻢ
ﻛﺎﻟﺖ ﺷﻮ ﺍﻧﺘﻲ ﺗﺮﺍﺩﺩﻳﻦ .. ﻛﺘﻠﻬﺎ ﻣﺎ ﺍﺭﺍﺩﺩ ﺑﺲ ﻣﺎ ﺍﺳﻤﺤﻠﺞ ﺗﻐﻠﻄﻴﻦ .. ﻭﻟﻮ ﻫﺬﻱ ﺗﻌﻜﺲ ﺫﻭﻕ .. ﻛﺎﻣﺖ ﺍﺣﻼﻡ ﻛﺎﻟﺖ ﺷﻨﻮ ﻳﻌﻨﻲ ﺍﻣﻲ ﻣﺎﻋﺪﻫﺎ ﺫﻭﻕ
ﻛﺘﻠﻬﺎ ﻭﺍﻟﻠﻬﻲ ﻣﺎ ﺍﻋﺮﻑ ﺣﺴﺐ ﺍﻻﺳﻠﻮﺏ .. ﻛﺎﻟﺖ ﺍﻧﺘﻲ ﺷﻮ ﻣﺎ ﺗﻌﺮﻓﻴﻦ ﺗﺤﺠﻴﻦ .. ﻛﺘﻠﻬﺎ ﻻﻥ ﺩﺍﻓﻌﺖ ﻋﻦ ﻧﻔﺴﻲ ﺻﺮﺕ ﻣﺎ ﺍﻋﺮﻑ ﺍﺣﺠﻲ ..
🔹🔸🥇🔹🔸
ﺩﺍ ﺍﺣﺠﻲ ﻃﺐ ﺣﺎﺭﺙ ﻛﺎﻝ ﺑﻨﺎﺕ ﺍﻟﻜﻠﺐ ﺻﻮﺗﺠﻦ ﻭﺍﺻﻞ ﺑﻨﺺ ﺍﻟﺰﻟﻢ ﻣﻮ ﺍﺟﻲ ﺍﺩﻭﺱ ﺑﺒﻄﻮﻧﺠﻦ ..
ﺍﻣﻪ ﻛﺎﻟﺘﻪ ﺗﻌﺎﻝ ﺗﻌﺎﻝ ﺷﻮﻑ ﻫﺎﻱ ﻣﺮﺗﻚ ﺷﻠﻮﻥ ﺗﻐﻠﻂ ﻋﻠﻴﻪ .. ﺗﻘﺒﻠﻬﺎ ﻳﺎ ﺍﺑﻨﻲ ﻳﺎ ﺑﺰﺭ ﺑﻄﻨﻲ ..
ﺣﺎﺭﺙ .. ﺷﻐﻠﻄﺖ ..
ﺍﺣﻼﻡ .. ﺗﻜﻞ ﻻﻣﻲ ﺍﻧﺘﻲ ﻓﺪ ﻭﺣﺪﻩ ﻣﺎ ﻋﻨﺪﺝ ﺫﻭﻕ ..
ﺭﻓﻞ .. ﻭﺍﻟﻠﻪ ﻣﻜﻠﺖ ﻫﻴﺞ .. ﺩﺍ ﺍﻛﻞ ﻭﻋﻤﺘﻲ ﻛﺎﻟﺖ ﻏﺴﻠﻲ ﺍﻟﻤﻮﺍﻋﻴﻦ ﺑﻤﻜﺎﻥ ﻓﺎﻃﻤﻪ .. ﻛﺘﻠﻬﺎ ﺻﺎﺭ ﺍﺩﻟﻠﻲ ﺑﺲ ﺍﻛﻤﻞ ﺍﻛﻠﻲ ﺟﺎﻥ ﺗﻜﻮﻟﻲ ﺗﺎﻛﻠﻴﻦ ﺳﻢ ﺍﻧﺸﺎﻟﻠﻪ
ﺣﺎﺭﺙ .. ﺍﺷﺸﺸﺶ ﻛﺎﻓﻲ ﺻﺮﺧﺖ ﺑﻴﻬﻦ ﺣﺴﺎﺑﺠﻦ ﻳﻤﻲ ﺑﻌﺪﻳﻦ ﻛﺎﻋﺪﻩ ﺯﻟﻢ ﺟﺎﻥ ﻋﺮﻓﺖ ﺷﻠﻮﻥ ﺃﺩﺑﺠﻦ ..
ﺭﻓﻞ .. ﻛﺎﻝ ﻫﻴﺞ ﻣﺴﺤﺖ ﺩﻣﻮﻋﻲ ﻭﻣﺸﻴﺖ ﻣﻦ ﻳﻤﻪ ﻭﺭﺣﺖ ﻟﻠﻐﺮﻓﻪ .. ﻛﻌﺪﺕ ﺍﺑﺠﻲ ﻭﺑﻌﺪﻳﻦ ﺧﺎﺑﺮﺕ ﻣﺎﻣﺎ ﺳﻮﻟﻔﺘﻠﻬﺎ ﻋﻠﻠﻲ ﺻﺎﺭ
ﻛﺎﻟﺖ ﻣﻌﻠﻴﺞ ﺑﻴﻬﻦ ﻣﺎﻣﺎ ﻣﺪﺍﻡ ﺣﺎﺭﺙ ﻳﺤﺒﺞ ﺭﺍﺡ ﻳﺴﻮﻥ ﻭﻳﺎﺝ ﺍﻟﻜﻮﺍﺭﺙ ﻋﻠﻤﻮﺩ ﻳﺒﻌﺪﻧﻪ ﻋﻨﺞ .. ﻻ ﺗﻨﻄﻴﻬﻦ ﺍﻟﻔﺮﺻﻪ ﻳﺸﻮﻫﻦ ﺻﻮﺭﺗﺞ ﻛﺪﺍﻣﻪ
ﺗﻐﻠﻂ ﻋﻠﻴﺞ .. ﻛﻠﻴﻠﻬﺎ ﺷﻜﺮﺍ .. ﻭﻛﻤﻠﻲ ﺷﻐﻠﺞ ﻭﻣﻦ ﻳﺠﻲ ﺣﺎﺭﺙ ﻛﻠﻴﻠﻪ ﻛﻴﺖ ﻭﻛﻴﺖ ﺻﺎﺭ ﻭﺗﺠﺎﻭﺯﻭ ﻋﻠﻴﻪ ﻭﺍﻧﻲ ﺳﻜﺘﺖ ﻟﺨﺎﻃﺮﻙ
ﺣﺘﻰ ﻟﻮ ﻣﺎ ﺣﺎﺳﺒﻬﻦ .. ﺭﺍﺡ ﻳﻌﺮﻑ ﺍﻣﻪ ﻭﺧﻮﺍﺗﻪ ﺷﻨﻮ ﻭﻳﻜﺸﻔﻬﻦ ﻋﻠﻰ ﺣﻘﻴﻘﺘﻬﻦ .. ﻭﺍﻧﺘﻲ ﺳﻮﻱ ﺭﻭﺣﺞ ﻣﺎ ﺗﻘﺒﻠﻴﻦ ﻳﺤﺎﺳﺒﻬﻢ ﻭﻛﻮﻟﻴﻠﻪ ﺍﺗﺤﻤﻞ ﻟﺨﺎﻃﺮﻙ ﺷﺴﻮﻱ
ﻋﻠﻤﻮﺩ ﺗﻜﺒﺮﻳﻦ ﺑﻌﻴﻨﻪ .. ﻛﺘﻠﻬﺎ ﻣﺎﻣﺎ ﻣﺎ ﺍﺗﺤﻤﻞ ﻭﺍﺣﺪ ﻳﻐﻠﻂ ﻋﻠﻴﻪ ﻭﺍﺳﻜﺖ ﺍﻟﺴﺎﻧﻲ ﻳﻔﻠﺖ ﻛﻮﻩ ﻋﻨﻲ .. ﻛﺎﻟﺖ ﻻ ﺻﻴﺮﻱ ﺷﺎﻃﺮﻩ
ﺍﻥ ﻟﻢ ﺗﻜﻦ ﺫﺋﺒﺎ ﺍﻛﻠﺘﻚ ﺍﻟﺬﺋﺎﺏ .. ﻳﻤﻪ ﻋﻴﺎﻟﺞ ﻛﻠﻬﻦ ﻧﺴﻮﺍﻥ ﻭﺍﻟﻨﺴﻮﺍﻥ ﻛﻠﻬﻦ ﻣﺸﺎﻛﻞ ﻻﺯﻡ ﺗﺼﻴﺮﻳﻦ ﺷﺎﻃﺮﻩ ﻣﻦ ﺑﻴﻨﻬﻦ ﻭﺗﺤﺎﻓﻈﻴﻦ ﻋﻠﻰ ﺭﺟﻠﺞ ﻣﺪﺍﻡ ﻳﺤﺒﺞ
ﺳﺪﻳﺘﻪ ﻣﻦ ﻣﺎﻣﺎ .. ﺭﺟﻌﺖ ﺿﺮﺑﺖ ﺷﻌﺮﻱ ﺷﺴﻮﺍﺭ ﺧﻔﻴﻒ ﻭﺳﻮﻳﺘﻠﻪ ﺑﺮﻣﻪ ﻭﻛﺒﺴﺘﻪ ﺑﻘﺮﺍﺻﺎﺕ ..
ﻟﺒﺴﺖ ﻓﺴﺘﺎﻥ .. ﺍﺧﻈﺮ ﻓﺎﺗﺢ ﻭﻋﻠﻴﻪ ﺗﻮﺭ ﺍﺳﻮﺩ ﻭﻛﺮﺳﺘﺎﻝ ﻛﻮﻟﺶ ﺣﻠﻮ .. ﺷﻮﻳﻪ ﻋﻦ ﺍﻟﺮﻛﺒﻪ ﻧﺎﺯﻝ ..
ﻟﺒﺴﺖ ﻛﺎﻟﻮﻥ ﻟﺤﻤﻲ .. ﻭﻣﻜﻴﺠﺖ ﻭﺧﻠﻴﺖ ﺍﻟﻌﺪﺳﺎﺕ ﻭﻟﺒﺴﺖ ﺍﻟﻜﻌﺐ .. ﻟﺤﺪ ﻣﺎ ﺳﻤﻌﺖ ﺍﻟﻌﺮﻭﺳﺎﺕ ﺍﺟﻦ ﻣﻦ ﺍﻟﺼﺎﻟﻮﻥ ..
ﻧﺰﻟﺖ ﺍﻟﺒﺮﻡ ﻣﻦ ﺷﻌﺮﻱ ﻭﻧﺜﺮﺗﻪ ﻭﺭﺷﻴﺖ ﺍﻟﻌﻄﺮ ﻭﻃﻠﻌﺖ .. ﺩﺧﻠﺖ ﺳﻠﻤﺖ ﻋﻠﻴﻬﻦ .. ﻭﺑﻮﺳﺘﻬﻦ .. ﻭﻫﻨﻪ ﻛﻌﺪﻥ ﻳﺼﻔﻜﻦ ..
ﺍﺑﺎﻭﻉ ﻟﻤﻜﻴﺎﺟﻬﻦ ﺍﻭﻭﻓﺮ ﻭﺍﻟﺒﻼﺷﺮ ﻛﻮﻟﺶ ﻃﻮﺥ .. ﺑﺲ ﻣﺎ ﺣﺠﻴﺖ .. ﺍﺷﺮﺗﻠﻲ ﺟﻤﻴﻠﻪ .. ﻛﺎﻟﺖ ﺍﻛﻠﺞ ﻣﻜﻴﺎﺟﺞ ﻳﺨﺒﻞ ﻭﻳﻦ ﺳﻮﻳﺘﻴﻪ .. ﻛﺘﻠﻬﺎ ﺑﻨﻔﺴﻲ ﺳﻮﻳﺘﻪ
ﻛﺎﻟﺖ ﺷﻠﻮﻧﻪ ﻣﻜﻴﺎﺟﻲ .. ﻛﺘﻠﻬﺎ ﺣﻠﻮ ﺑﺲ ﻟﻮ ﻳﻘﻞ ﺍﻟﺒﻼﺷﺮ ﻻﻥ ﻛﻮﻟﺶ ﺍﻭﻭﻓﺮ ﻣﺴﻮﻳﺎﺗﻠﺠﻴﺎﻩ ..
ﻛﺎﻟﺖ ﺷﻨﻮ ﺑﻼﺷﺮ .. ﻛﺘﻠﻬﺎ ﻳﻌﻨﻲ ﺍﺣﻤﺮ ﺧﺪﻭﺩ .. ﻛﺎﻟﺖ ﻫﺎ ﻋﺪﻟﻲ ﺍﺗﻜﺪﺭﻳﻦ ﻛﺘﻠﻬﺎ ﺗﻌﺎﻱ ﻭﻳﺎﻳﻪ ﺍﻟﻐﺮﻓﺘﻲ ..
ﺍﺟﺖ ﻭﻳﺎﻱ ﻛﻌﺪﺗﻬﺎ ﺧﻔﻔﺖ ﺍﻟﺨﺪﻭﺩ ﺣﺪﺩﺕ ﺍﻟﻬﺎ ﺗﻘﺎﺳﻴﻢ ﻭﺟﻬﺎ .. ﺍﻟﺤﻤﺮﻩ ﻣﺴﺤﺘﻬﺎ .. ﻛﺎﻟﺖ ﻟﻴﺶ .. ﻛﺘﻠﻬﺎ ﻫﻴﻪ ﺧﻄﺒﻪ ﻣﻴﺼﻴﺮ ﻟﻮﻥ ﺍﺣﻤﺮ ﻏﺎﻣﻖ .. ﻻﺯﻡ ﺷﻲ ﺧﻔﻴﻒ
ﻭﻫﻴﻪ ﻣﻄﻮﺧﺘﻠﺞ ﺑﺎﻟﻀﻼﻝ ﻣﻴﺼﻴﺮ ﺍﻟﺤﻤﺮﻩ ﻫﻢ ﻃﻮﺥ ﺭﺍﺡ ﻳﻀﺮﺏ ﺑﺎﻟﻌﻴﻦ ﻭﻳﺼﻴﺮ ﻣﺤﻠﻮ .. ﻛﺎﻟﺖ ﻫﺎ ﺑﻜﻴﻔﺞ ..
ﺟﺮﻳﺖ ﺣﻤﺮﻩ ﻭﺭﺩﻱ ﻓﺎﺗﺢ ﻭﺧﻠﻴﺘﻠﻬﺎ ﻭﺧﻠﻴﺖ ﻣﺮﻃﺐ ﻻﻣﻊ .. ﻛﺘﻠﻬﺎ ﺗﺨﻠﻴﻦ ﺍﻟﻌﺪﺳﺎﺕ ..
ﻛﺎﻟﺖ ﻋﻨﺪﺝ .. ﻛﺘﻠﻬﺎ ﺍﻱ ﻋﻨﺪﻱ ﻟﻮﻥ ﺑﻴﺞ ﻣﺎ ﻓﺎﺗﺤﺘﻪ ﺍﻋﺘﺒﺮﻳﻪ ﻫﺪﻳﻪ .. ﻛﺎﻟﺖ ﺍﺧﺎﻑ ﺍﻟﺒﺴﻪ .. ﻛﺘﻠﻬﺎ ﻣﻌﻠﻴﺞ ﺑﺲ ﺳﻠﻤﻴﻨﻲ ﻋﻴﻨﺞ ﻭﻻ ﺗﺮﻣﺸﻴﻦ
🔹🔸🥇🔹🔸
ﺧﻠﻴﺘﻠﻬﺎ ﺍﻟﻌﺪﺳﺎﺕ .. ﻛﺘﻠﻬﺎ ﺑﺎﻋﻲ .. ﻛﺎﻝ ﻳﻤﻪ ﺻﺪﻙ ﻃﻠﻌﺖ ﺍﺣﻠﻰ ﺭﺍﺩﺕ ﺗﺒﻮﺳﻨﻲ ﻛﺘﻠﻬﺎ ﻻﺍﺍﺍﺍ ﻣﻜﻴﺎﺟﻲ ﻭﺣﻤﺮﺗﺞ ﻳﺨﺮﺑﻮﻥ ﺑﻼﻫﺎ ﺍﻟﺒﻮﺱ ﺗﻠﺤﻜﻴﻦ ﺗﺘﺰﻭﺟﻴﻦ ﻭﺗﺸﺒﻌﻴﻦ
ﺿﺤﻜﺖ ﻛﺎﻟﺖ ﻋﺎﺑﺘﻠﺞ ﺍﺳﺘﺤﻲ .. ﻛﺘﻠﻬﺎ ﻋﺎﺩﻱ ﺑﻌﺪﻳﻦ ﺗﺮﻭﺡ ﺍﻟﻤﺴﺘﺤﻪ ﺍﻣﺸﻲ ﺭﺍﺡ ﻳﺠﻮﻥ ﺍﻫﻞ ﺍﻟﻌﺮﻳﺲ
ﺍﺧﺬﺗﻬﺎ .. ﻟﻠﺼﺎﻟﻪ .. ﺑﺎﻭﻋﺘﻠﻬﺎ ﺭﺟﺎﺀ ﻛﺎﻟﺖ ﺻﺪﻙ ﺻﺎﺭﺕ ﺍﺣﻠﻰ ﻛﺎﻟﺖ ﻋﺪﻟﻲ ﻣﻜﻴﺎﺝ ﻫﻨﺎﺀ ﻭﻳﺎﺝ .. ﻛﺘﻠﻬﺎ ﻋﺎﺩﻱ .. ﺟﺎﻱ ﺍﺭﻭﺡ ﻟﻬﻨﺎﺀ
ﻛﺎﻟﻮ ﺍﺟﻮ ﺍﻫﻞ ﺍﻟﻌﺮﻳﺲ .. ﺭﻛﻀﺖ ﻟﻠﻐﺮﻓﻪ ﻻ ﻳﺠﻲ ﺣﺎﺭﺙ ﻳﺨﺒﺰﻧﻲ ﺑﺲ ﻳﺸﻮﻓﻨﻲ ﺑﺎﻟﻔﺴﺘﺎﻥ .. ﻛﺎﻟﻮ ﻻﺍ ﺍﻟﺰﻟﻢ ﻭﺣﺪ ﻭﺍﻟﻨﺴﻮﺍﻥ ﻭﺣﺪ ..
ﻛﺘﻠﻬﻢ ﺍﻳﻴﻴﻲ ﺧﻮﺵ .. ﺩﺧﻠﻮ ﺍﻟﻨﺴﻮﺍﻥ ﻭﻛﻌﺪﻥ .. ﺍﻧﻲ ﺭﺣﺖ ﻗﺪﻣﺖ ﻣﻲ .. ﻛﺎﻟﻦ ﺍﻧﺘﻲ ﺷﺘﺼﻴﺮﻳﻦ ﻣﻨﻬﻢ
ﻛﺘﻠﻬﻢ ﻣﺮﺕ ﺣﺎﺭﺙ .. ﻛﺎﻟﻮ ﺑﺲ ﻻ ﺑﺖ ﺑﻐﺪﺍﺩ ﺍﻟﻠﻲ ﻧﻬﻰ ﻋﻠﻴﺞ .. ﻛﺘﻠﻬﺎ ﺍﻱ .. ﺩﺍﺭﺕ ﻭﺟﻬﺎ ﻟﻠﻴﻤﻬﺎ ﻛﺎﻟﺘﻠﻬﺎ ﺣﺎﺭﺙ ﺫﻳﺐ ﻳﻌﺮﻑ ﺷﻠﻮﻥ ﻳﺼﻴﺪ ﻭﻳﺤﺼﻞ ﺻﻴﺪﺗﻪ
ﻛﻤﻠﺖ ﻣﻲ .. ﺍﻧﻮﺏ ﻗﺪﻣﻮ ﻋﺼﻴﺮ ﻭﻛﻴﻚ .. ﻭﻭﻛﻔﺖ ﺑﺎﻟﺒﺎﺏ .. ﻛﺎﻟﻮ ﺟﻴﺒﻮ ﺍﻟﻌﺮﻭﺳﺎﺕ ﻳﻌﻘﺪﻭﻟﻬﻦ .. ﺩﺧﻠﻮ ﺑﻐﺮﻓﻪ .. ﻋﻘﺪﻟﻮﻟﻬﻢ ﺍﻧﻲ ﺭﺣﺖ ﺍﻟﻐﺮﻓﺘﻲ
ﻧﺰﻋﺖ ﺍﻟﻜﻌﺐ ﺍﺫﺍﻧﻲ ﻓﺪ ﻣﺮﻩ ﺍﻭﻭﻑ .. ﻟﺸﻮﻱ ﺳﻤﻌﺘﻬﻢ ﺭﺟﻌﻮ ﻟﻠﺼﺎﻟﻪ ﻭﻋﻠﺖ ﺍﻟﻬﻼﻫﻞ ﻭﺍﻟﺼﻔﻜﺎﺕ .. ﺭﺟﻌﺖ ﻟﺒﺴﺖ ﻭﻋﺪﻟﺖ ﻣﻜﻴﺎﺟﻲ ..
ﺩﺍ ﺍﺭﻳﺪ ﺍﺩﺧﻞ ﻟﻠﺼﺎﻟﻪ .. ﺟﺎﻥ ﺻﺢ ﺣﺎﺭﺙ ﻭﺭﺍﻱ ﺍﺟﻴﺖ ﺍﻭﻛﻊ ﻣﻦ ﻛﺪ ﺍﻟﻜﻤﺰﻩ .. ﻛﺘﻠﻪ ﺷﺒﻴﻚ ﻳﻤﻌﻮﺩ ﻛﻠﺴﺎﻉ ﻣﻜﻤﺰﻧﻲ ﺑﺼﻴﺎﺣﻚ
ﻛﺎﻝ ﺑﻨﺖ ﺍﻻﻭﺍﺩﻡ .. ﺍﻟﻮﻟﺪ ﻏﻴﺮ ﻛﺎﻋﺪﻳﻦ ﻳﻢ ﺧﻮﺍﺗﻲ .. ﻛﺘﻠﻪ ﻳﺎ ﻭﻟﺪ ﻛﺎﻝ ﺍﻟﻠﻲ ﺧﻄﺒﻮﻫﻦ .. ﻛﺘﻠﻪ ﺍﻱ ﻭﺷﺴﻮﻳﻠﻬﻢ .. ﻛﺎﻝ ﻻ ﺗﺨﻠﻴﻨﻲ ﺍﺗﺴﻮﻭﺩﻥ ﺑﺎﻋﻲ ﺍﻟﻔﺴﺘﺎﻥ ﻭﺍﻟﺸﻌﺮ ﻻﻋﺒﻪ ﻟﻌﺐ ﻭﺗﺮﺩﻳﻦ ﺍﺩﺧﻠﻴﻦ
ﻟﺒﺴﻲ ﻋﺒﺎﻳﻪ ﻭﺩﺧﻠﻲ .. ﻛﺘﻠﻪ ﻫﻠﻠﻠﻠﻠﻠﻠﻠﻠﻮ ﺧﻮ ﺍﻟﺒﺴﻠﻚ ﺑﻮﺷﻴﻪ ﻓﺪ ﻣﺮﻩ .. ﺣﺠﻴﺖ ﻫﻴﺞ ﻟﺰﻣﻨﻲ ﻣﻦ ﺷﻌﺮﻱ ﻭﻛﺎﻝ ﺗﻌﺎﻱ ..
ﺍﺧﺬﻧﻲ ﻟﻠﻐﺮﻓﻪ .. ﻛﺘﻠﻪ ﻭﺧﺮ ﺣﺎﺭﺙ ﺷﻌﺮﻱ ﻛﻮﻩ ﺳﺮﺣﺘﻪ .. ﻛﺎﻝ ﺍﻟﺒﺴﻴﻠﺞ ﻋﺒﺎﻳﻪ .. ﻛﺘﻠﻪ ﻭﺍﻟﻠﻪ ﻣﺎ ﺍﻟﺒﺲ .. ﻛﺎﻝ ﻣﻮ ﺍﻗﺴﻲ ﻭﻳﺎﺝ .. ﻛﺘﻠﻪ ﺍﻭﻭﻭﻱ ﻳﻠﻤﻠﻴﻖ ﻳﻘﺴﻲ ﻭﻳﺎﻱ
ﺿﺤﻚ ﺑﺼﻮﺕ ﻋﺎﻟﻲ .. ﻛﺎﻝ ﻣﻌﻠﻴﺞ ﺑﻴﻬﻢ ﻛﺎﺑﻠﻴﻨﻲ .. ﻭﺍﺗﻘﺮﺏ ﻣﻨﻲ .. ﻛﺘﻠﻪ ﺍﻛﻠﻚ ﺍﻧﺘﻪ ﻏﻴﺮ ﺍﺧﻮﻫﻦ ﻭﺍﻟﺰﻟﻢ ﻳﻤﻚ ﺑﺎﻻﺳﺘﻘﺒﺎﻝ ﻋﺎﻳﻔﻬﻢ ﻭﺟﺎﻳﻨﻲ
ﻛﺎﻝ ﺧﺮﻩ ﺑﺎﻫﻠﺞ ﻧﺴﻴﺘﻬﻢ ﻭﻋﻠﻲ .. ﻟﺒﺲ ﻭﻃﻠﻊ ﺑﺴﺎﻉ ﻫﻬﻬﻬﻬﻪ .. ﻟﺒﺴﺖ ﺣﺠﺎﺏ ﻭﻭﻛﻔﺖ ﺑﺎﻟﺒﺎﺏ ﺻﺎﻳﺮﻩ ﻫﻮﺳﻪ ﺣﺘﻪ ﻣﺎ ﺍﻧﺸﺎﻑ
ﻃﻠﻌﻮ ﺍﻟﻮﻟﺪ ﻭﺑﻘﻦ ﺍﻟﻨﺴﻮﺍﻥ ﺭﻛﺼﻮ ﻭﻛﻤﻠﻮ ﻭﺭﺍﺣﻮ .. ﺑﻨﺖ ﻋﻤﻲ ﺣﻤﺪﺍﻥ ﻛﺎﻟﺖ ﻛﻠﻬﺎ ﺗﻜﻮﻝ ﺟﻤﻴﻠﻪ ﺍﺣﻠﻰ ﻣﻦ ﻫﻨﺎﺀ
ﻫﻨﺎ ﻓﺎﺗﺖ ﻣﻦ ﻳﻤﻲ ﻭﺗﻜﻠﻲ ﻣﻦ ﺧﺒﺎﺛﺘﺞ .. ﻋﺪﻟﺘﻲ ﺍﺧﺘﻲ ﺣﺘﻰ ﺗﻄﻠﻊ ﺍﺣﻠﻰ ﻣﻨﻲ ﻭﺍﻃﻠﻊ ﺍﻧﻲ ﺍﻟﻤﻮﺣﻠﻮﻩ .. ﻛﺘﻠﻬﺎ ﻻ ﻭﺍﻟﻠﻪ ﺍﺟﻴﺖ ﺍﻛﻮﻟﺞ ﻭﺍﺟﻮ ﺍﻫﻞ ﺍﻟﻌﺮﻳﺲ
ﺯﻋﻠﺖ ﻭﺭﺍﺣﺖ ﻣﺎ ﺣﺠﺖ ﻭﻳﻄﺒﺞ ﻣﺮﺽ ﻓﻮﻛﺎﻫﺎ ﺧﻴﺮﺍ ﺗﻌﻤﻞ ﺷﺮﺍ ﺗﻠﻘﻰ ﺍﺭﻭﺡ ﺍﺗﻤﺪﺩ ﺑﻐﺮﻓﺘﻲ ﺍﺷﺮﻓﻠﻲ ..
ﺭﺣﺖ ﺍﻟﻐﺮﻓﺘﻲ ﺳﻤﻌﺖ ﺣﺎﺭﺙ ﻃﺐ ﻳﻤﻬﻦ ﺑﺎﻟﻐﺮﻓﻪ ﻭﺍﻧﻲ ﻣﺘﻤﺪﺩﻩ .. ﻛﺎﻣﻦ ﻳﺸﻜﻠﻪ ﺷﻠﻮﻥ ﺍﻧﻲ ﻏﻠﻄﺖ ﻋﻠﻰ ﺍﻣﻪ .. ﻭﻛﻠﻬﻦ ﻳﺤﺠﻦ ﻭﻳﺎﻩ
ﻟﺸﻮﻱ ﺍﺟﻪ ﻃﺐ ﻟﻠﻐﺮﻓﻪ .. ﻛﺎﻝ ﺭﻓﻞ ﻛﺎﻋﺪﻩ .. ﺍﻧﻲ ﻣﺨﻠﻴﻪ ﺍﻳﺪﻱ ﻋﻠﻰ ﺭﺍﺳﻲ ﻛﺘﻠﻪ ﺍﻱ ﺣﺒﻴﺒﻲ ﻛﺎﻋﺪﻩ ..
ﻛﺎﻝ ﺍﻛﻌﺪﻱ ﺍﺭﻳﺪ ﺍﺣﺠﻲ ﻭﻳﺎﺝ .. ﻛﺘﻠﻬﺎ ﻭﻫﺎﻱ ﻛﻌﺪﺕ ﺗﻔﻀﻞ .. ﻛﺎﻝ ﺻﺪﻙ ﻣﺘﺠﺎﻭﺯﻩ ﻋﻠﻰ ﺍﻣﻲ
🔹🔸🥇🔹🔸
ﻛﺘﻠﻪ ﻻ ﻭﺍﻟﻠﻪ .. ﻏﻠﻄﺖ ﻋﻠﻴﻪ .. ﻛﺘﻠﻬﺎ ﻣﻮ ﻣﻦ ﺍﻟﺬﻭﻕ ﺗﻐﻠﻄﻴﻦ ﻋﻠﻰ ﺟﻨﺘﺞ .. ﻟﻮ ﻋﻨﺪﺝ ﺑﻨﻴﻪ ﻭﺩﺍﺗﺎﻛﻞ ﺗﻘﺒﻠﻴﻦ ﺗﺠﻲ ﻭﺣﺪﻩ ﺗﻜﻠﻬﺎ ﺗﺎﻛﻠﻴﻦ ﺳﻢ ﺍﻧﺸﺎﻟﻠﻪ
ﻛﺎﻝ ﻟﻴﺶ ﻫﻴﺞ ﺣﺠﺖ ﻭﻳﺎﺝ ﺍﻣﻲ .. ﻛﺘﻠﻪ ﻣﺎ ﺍﻋﺮﻑ ﺗﺤﺐ ﻓﺎﻃﻤﻪ ﻭﺻﺎﻓﻪ ﻭﻳﺎﻫﺎ ﻭﺍﻗﻞ ﺯﻟﻪ ﻣﻨﻲ ﺗﺮﺯﻟﻨﻲ .. ﺷﻌﺪﻫﺎ ﻭﻳﺎﻳﻪ
ﻣﺘﺮﻳﺪﻧﻲ .. ﻋﺎﺩﻱ ﺍﺭﺟﻊ ﻟﺒﻴﺖ ﺍﻫﻠﻲ ﻣﺰﺍﻳﺪﻩ ﺍﻧﻲ ﺣﺘﻰ ﺍﻧﻬﺎﻥ ﻫﻨﺎ ﻭﺍﻗﺒﻞ ﺍﺑﻘﻰ .. ﻛﺎﻝ ﺍﺳﻤﻌﻴﻨﻲ ﺭﻓﻞ .. ﻫﺬﺍ ﺍﻟﻌﺎﻟﻢ ﻛﻠﻪ ﻣﺎ ﻳﻮﻓﻲ ﻣﻜﺎﻧﺞ ﻋﻨﺪﻱ ..
ﺑﺲ ﺑﺎﻟﻌﺒﺎﺱ ﺍﺑﻮ ﻓﺎﻇﻞ ﻟﻮ ﻣﺴﻴﺘﻲ ﺍﻣﻲ ﺑﺤﺠﺎﻳﻪ ﻟﻮ ﻏﺜﻴﺘﻴﻬﺎ ﺑﻔﺪ ﻛﻠﻤﻪ ﻭﻋﻠﻲ ﺍﻗﺼﺒﺞ ﻭﺫﺭ ﻭﺍﺷﻤﺮﺝ ﻟﻠﻜﻼﺏ .. ﻛﺘﻠﻪ ﺑﺲ ﺍﻧﻲ ﻣﻤﺠﺎﻭﺯﻩ
ﺻﺎﺡ ﺑﺼﻮﺕ ﻋﺎﻟﻲ .. ﺟﺎﻱ ﺍﻧﻬﺒﺞ ﻣﺎ ﻛﺘﻠﺞ ﺍﻧﺘﻲ ﺗﺠﺎﻭﺯﺗﻲ .. ﺧﻠﻴﻬﺎ ﺗﺮﺟﻴﻪ ﺑﺄﺫﻧﺞ ﺗﺮﻩ ﻭﺍﻟﻠﻪ ﺑﻜﺪ ﺣﺒﻲ ﺍﻟﺞ ﺍﺣﻘﺪ ﻋﻠﻴﺞ ﻟﻮ ﻣﺴﻴﺘﻲ ﺍﻣﻲ .. ﺍﻋﺘﺒﺮﻳﻬﺎ ﺧﻂ ﺍﺣﻤﺮ
ﺷﺘﺤﺠﻲ ﺗﺘﻘﺒﻠﻴﻦ ﻣﺎ ﺗﺘﺤﻤﻠﻴﻦ ﺗﺠﻴﻦ ﺗﺤﺎﺟﻴﻨﻲ ﻫﻴﺞ ﻭﻫﻴﺞ ﺣﺠﺖ ﻋﻠﻴﻪ ﺍﻣﻲ .. ﻭﺷﻮﻓﻲ ﺷﻠﻮﻥ ﺍﺗﺼﺮﻑ ﻭﺍﺧﺬﻟﺞ ﺣﻘﺞ ﺑﺄﺳﻠﻮﺏ
ﺍﻟﻤﻴﺎﻋﻪ ﺍﻟﺰﺍﻳﺪﻩ ﺑﻄﻠﻴﻬﺎ ﻋﻴﺐ ﻣﺘﻠﻮﻛﻠﺞ .. ﻫﺎﻱ ﺗﻠﻮﻙ ﻟﻠﻤﻮﺯﻳﻨﺎﺕ .. ﺍﺗﺼﺮﻓﻲ ﻭﻳﻪ ﺧﻮﺍﺗﻲ ﺑﺄﺩﺏ ﻓﺎﻃﻤﻪ ﺗﺤﺎﺫﻳﻬﺎ ﻭﻻ ﺗﺘﻘﺮﺑﻴﻦ ﻳﻤﻬﺎ ..
ﻻ ﺗﺤﺮﻛﻴﻦ ﻛﻠﺒﻬﺎ ﻭﺣﺎﺭﺙ ﻳﺤﺒﻨﻲ ﻭﺣﺎﺭﺙ ﻳﻤﻮﺕ ﻋﻠﻴﻪ .. ﺗﺮﻩ ﻭﺍﻟﻠﻪ ﺍﺣﺮﻙ ﻛﻠﺒﺞ ﻭﺍﺍﺭﻭﺡ ﻳﻤﻬﺎ ﻭﺍﻛﺴﺮ ﺑﻴﺞ .. ﺟﺎﻱ ﺍﻧﺒﻬﺞ ﻫﻠﻤﺮﻩ ﻻﻥ ﺟﺪﻳﺪﻩ ﻭﻣﺘﻌﺮﻓﻴﻦ ﻃﺒﻌﻲ
ﻭﻻﻥ ﻣﺘﻌﺮﻓﻴﻦ ﻃﺒﻌﻲ ﺍﺗﺠﻨﺒﻲ ﻋﺼﺒﻴﺘﻲ .. ﺗﺮﻩ ﻟﻮ ﺟﻦ ﺟﻨﻮﻧﻲ ﻭﺧﻠﻴﺖ ﺟﻴﻠﻪ ﺑﺮﺍﺳﺞ ﺍﺗﻮﻗﻌﻴﻬﺎ ﻣﻨﻲ ﻋﺎﺩﻱ ﺧﻮﻭﻭﻭﺵ
ﺭﻓﻞ .. ﻛﻤﻠﺖ ..
ﺣﺎﺭﺙ .. ﻣﺎ ﺍﻛﻤﻞ ﻟﺤﺪ ﻣﺘﻜﻠﻴﻠﻲ ﺍﻓﺘﻬﻤﺖ .. ﻳﺤﺘﺎﺝ ﺍﻋﻴﺪ
ﺭﻓﻞ .. ﻛﻤﺖ ﻣﻦ ﻋﻨﺪﻩ .. ﺍﺧﺬﺕ ﻣﻼﺑﺴﻲ ﻭﺭﺣﺖ ﺑﺎﻟﺰﺍﻭﻳﻪ ﺍﺑﺪﻝ ﻫﻮﻩ ﻃﻠﻊ ..
ﻣﺴﺤﺖ ﻣﻜﻴﺎﺟﻲ .. ﻭﻧﻤﺖ .. ﺑﺲ ﺣﻴﻞ ﻣﺘﻀﺎﻳﻘﻪ ﻣﻦ ﻛﻼﻣﻪ .. ﺍﺧﺬﻧﻲ ﺍﻟﻨﻮﻡ ﻓﺘﺤﺖ ﻋﻴﻨﻲ .. ﺑﺲ ﺍﻟﻜﻠﻮﺏ ﺍﻻﺣﻤﺮ ﻣﺸﺘﻐﻞ ﺍﻟﻀﻮﻩ ﻃﺎﻓﻲ ..
ﺍﻟﻐﺮﻓﻪ ﺑﺎﺍﺍﺍﺭﺩﻩ ﺛﻠﺞ .. ﺑﺎﻭﻋﺖ ﻋﻠﻰ ﺟﻨﺒﻲ .. ﻟﻜﻴﺖ ﺣﺎﺭﺙ ﻧﺎﻳﻢ ﺑﺲ ﺑﺎﻟﺸﻮﺭﺕ ﻭﻣﺎ ﻋﻠﻴﻪ ﻏﻄﺎ ﻭﻛﺎﺵ ﻣﻦ ﺍﻟﺒﺮﺩ ..
ﺟﺮﻳﺖ ﺩﻳﺒﺎﺝ ﻭﻏﻄﻴﺘﻪ ﻭﻧﺼﻴﺖ ﺍﻟﻤﻜﻴﻒ .. ﻭﻧﻤﺖ ﻳﻤﻪ .. ﺣﺎﻭﻟﺖ ﺍﻧﺎﻡ ﻣﺎﻛﻮ ﺑﺲ ﺍﺗﻜﻠﺐ .. ﺣﺴﻴﺖ ﺟﻮﻋﺎﻧﻪ .. ﻛﻤﺖ ﻃﻠﻌﺖ ..
ﻟﻜﻴﺖ ﻛﻮﻣﻪ ﻛﻴﻚ ﻭﻋﺼﺎﻳﺮ ﺑﺜﻼﺟﻪ ﻣﺎﻝ ﺍﻟﺨﻄﺒﻪ .. ﺍﺧﺬﺕ ﻛﻴﻜﻪ ﻭﻋﺼﻴﺮ ﻭﺭﺣﺖ ﻟﻠﻐﺮﻓﻪ .. ﺷﻐﻠﺖ ﺍﻟﺘﻠﻔﺰﻳﻮﻥ ﻭﻧﺼﻴﺘﻪ ﻭﻛﻌﺪﺕ ﺍﻛﻞ
ﻛﻤﻠﺖ ﻣﺎ ﻟﻜﻴﺖ ﻗﻨﺎﺓ ﺣﻠﻮﻩ .. ﻛﻤﺖ ﻃﻔﻴﺖ ﺍﻟﺘﻠﻔﺰﻳﻮﻥ ﻭﺍﺗﻐﻄﻴﺖ ﻭﻳﻪ ﺣﺎﺭﺙ ﻭﻧﻤﺖ ..
ﺣﺎﺭﺙ .. ﻧﺎﻳﻢ ﻭﺍﺣﺲ ﺷﻲ ﺑﻀﻬﺮﻱ .. ﻣﺪﻳﺖ ﺍﻳﺪﻱ ﻟﻜﻴﺘﻬﺎ ﺭﻓﻞ ﺑﺮﺩﺍﻧﻪ ﻭﻛﺎﺷﻪ ﺑﻀﻬﺮﻱ .. ﺍﺗﺬﻛﺮﺕ ﻣﻮﻗﻔﻬﺎ ﻣﻦ ﻟﻤﺎ ﺷﻔﺘﻬﺎ ﺑﺎﻟﺴﻄﺢ ﻛﺎﺷﻪ ﻣﻦ ﺍﻟﺒﺮﺩ ﻭﻧﺎﻳﻤﻪ ﺑﻀﻬﺮ ﺍﺑﻮﻫﺎ
ﺩﺭﺕ ﺟﺴﻤﻲ ﺍﺧﺬﺗﻬﺎ ﻭﻧﻤﺖ .. ﺑﻘﻴﺖ ﺻﺎﻓﻦ ﺑﻴﻬﺎ .. ﺍﻧﻮﺏ ﺍﺗﺬﻛﺮﺕ ﺑﺎﺟﺮ ﻭﺭﺍﻱ ﺩﻭﺍﻡ .. ﻏﻄﻴﺖ ﺭﺍﺳﻲ ﻭﻧﻤﺖ ..
ﻟﻞ 7 ﺍﻟﺼﺒﺢ ﺩﻙ ﺍﻟﻤﻨﺒﻪ ﻓﺰﻳﺖ .. ﺟﺮﻳﺖ ﺍﻳﺪﻱ ﻣﻦ ﺭﺍﺳﻬﺎ ﻛﻌﺪﺕ .. ﻛﺎﻟﺖ ﻭﻳﻦ .. ﻛﺘﻠﻬﺎ ﺭﺍﻳﺢ ﻟﻠﺪﻭﺍﻡ .. ﻛﺎﻟﺖ ﻟﻴﺶ ﺍﻟﻴﻮﻡ ﺍﺩﺍﻭﻡ
ﻛﺘﻠﻬﺎ ﺃﻳٌـ YES. ـﮧٌَ .. ﻛﺎﻟﺖ ﺍﻛﻮﻡ ﺍﺳﻮﻳﻠﻚ ﺭﻳﻮﻙ ﻛﺘﻠﻬﺎ ﻣﺎ ﻳﺤﺘﺎﺝ .. ﻛﺎﻣﺖ ﻣﺎ ﺍﻫﺘﻤﺖ ﻟﺤﺠﻴﻲ .. ﺩﺧﻠﺖ ﻟﻠﺤﻤﺎﻡ ﻭﻫﻴﻪ ﻭﻛﻔﺖ ﻋﻠﻤﻐﺴﻠﻪ ﺗﻐﺴﻞ ﻭﺟﻬﺎ
ﺭﻓﻞ .. ﻏﺴﻠﺖ ﻭﺟﻬﻲ ﻭﺍﺗﻮﺟﻬﺖ ﻟﻠﻤﻄﺒﺦ .. ﺷﺴﻮﻳﻠﻪ .. ﺭﺟﻌﺘﻠﻪ ﻟﻠﺤﻤﺎﻡ ﻛﺘﻠﻪ ﺣﺎﺭﺙ ﺷﺘﺮﻳﺪ ﺭﻳﻮﻙ .. ﻛﺎﻝ ﺍﻛﻮ ﻟﺤﻢ ﻣﺜﺮﻭﻡ ﺑﺎﻗﻲ ﺑﺎﻟﺜﻼﺟﻪ
ﺍﺣﻤﺴﻲ ﻭﻃﻜﻴﻠﻲ ﻭﻳﺎﻩ ﺑﻴﺾ .. ﻛﺘﻠﻪ ﻳﻌﻨﻲ ﻣﺨﻠﻤﻪ .. ﻛﺎﻝ ﺍﻱ ﻭﻛﻼﺹ ﺟﺎﻱ .. ﻛﺘﻠﻪ ﻣﺎﺷﻲ .. ﻛﺎﻝ ﺗﻌﺎﺍﺍﺍﻱ .. ﻛﺘﻠﻪ ﺷﻨﻮ
ﻛﺎﻝ ﺑﺎﻻﻭﻝ ﺟﻴﺒﻲ ﻣﻼﺑﺴﻲ ﻭﺍﻟﺨﺎﻭﻟﻲ .. ﻛﺘﻠﻪ ﻣﺎﺷﻲ .. ﺍﻧﻄﻴﺘﻪ ﺍﻟﻤﻼﺑﺲ ﻭﺭﺣﺖ ﺳﻮﻳﺖ ﺍﻟﺮﻳﻮﻙ .. ﻟﺸﻮﻱ ﺳﻤﻌﺖ ﻃﻜﺖ ﺣﺬﺍﺀﻩ ﺑﺎﻟﻜﺎﻉ ﻭﻋﻄﺮﻩ ﻣﻠﻰ ﺍﻟﻤﻄﺒﺦ
ﺩﺭﺗﻠﻪ ﺍﺑﺘﺴﻤﺖ .. ﻛﺘﻠﻪ ﺗﺨﺒﻞ ﺑﺰﻱ ﺍﻟﺸﺮﻃﻪ .. ﺿﺤﻚ ﻭﻛﺎﻝ ﺣﺒﻴﺒﺘﻲ ﻭﻟﻌﺐ ﺑﺸﻌﺮﻱ .. ﻛﺎﻝ ﺧﻠﺼﺘﻲ .. ﻛﺘﻠﻪ ﺍﻱ ..
ﺧﻠﻴﺖ ﺍﻟﻄﺎﻭﻩ ﻭﻛﻌﺪﺕ ﺍﺻﺒﻠﻪ ﺟﺎﻱ ﺭﻏﻢ ﻻﺯﻣﻪ ﺍﻟﻘﻮﺭﻱ ﺑﻮﺻﻠﻪ ﺑﺲ ﺍﻟﺤﺮﺍﺭﻩ ﻭﺻﻠﺖ ﺍﻻﻳﺪﻱ ﻧﺰﻟﺘﻪ ﺑﺴﺮﻋﻪ .. ﻭﻛﻤﺖ ﺍﺣﺮﻙ ﺑﻴﺪﻱ ﺍﺣﺘﺮﻛﺖ
ﻛﺎﻝ ﺍﻭﻭﻭﻑ ﻋﻤﺖ ﻋﻴﻨﻲ ﺍﺣﺘﺮﻛﺘﻲ .. ﻛﺘﻠﻪ ﺳﺎﻟﻤﻪ ﻋﻴﻨﻚ ﺣﺒﻴﺒﻲ ﺷﻮﻱ ﻣﻮ ﻫﻮﺍﻳﻪ .. ﺍﺧﺬ ﺍﻳﺪﻱ ﻭﻣﺺ ﺍﻟﺤﺮﻙ ﻭﻛﺎﻝ ﻫﺴﻪ ﻫﻢ ﺗﻮﺟﻌﺞ ..
ﻛﺘﻠﻪ ﻻ .. ﻛﺎﻝ ﺳﺤﺒﺖ ﺍﻟﺤﺮﺍﺭﻩ ﻭﺿﺤﻚ ﻫﻬﻬﻪ .. ﻛﻌﺪﺕ ﺍﻛﻞ ﻭﻳﺎﻩ .. ﻛﻤﻞ ﺑﺎﺱ ﺭﺍﺳﻲ ﻭﻛﺎﻝ ﺩﻳﺮﻱ ﺑﺎﻟﺞ ﻋﻠﻰ ﺭﻭﺣﺞ ﻭﻻ ﺗﻨﺴﻴﻦ ﺍﻟﻔﻬﻤﺘﺞ ﻋﻠﻴﻪ ..
ﻛﺘﻠﻪ ﺍﻧﺸﺎﻟﻠﻪ .. ﺭﺍﺡ ﻟﻤﻴﺖ ﺻﻴﻨﻴﺘﻪ ﻭﻏﺴﻠﺘﻬﺎ ﻭﺭﺟﻌﺖ ﻟﻐﺮﻓﺘﻲ ﺑﺎﻭﻋﺖ ﻣﺴﻠﺴﻼﺕ ﻟﺤﺪ ﻣﺼﺎﺭﺕ ﺏ 10 ﻭﻧﺺ ﺣﺴﻴﺖ ﺍﻛﻮ ﺣﺮﻛﻪ ..
ﻃﻠﻌﺖ ﻟﻜﻴﺖ ﻣﺮﺗﻀﻰ ﻳﺒﺠﻲ ﻭﻓﺎﻃﻤﻪ ﻭﻳﻪ ﻣﺼﻄﻔﻰ ﺗﺴﺒﺤﻪ .. ﺷﻠﺖ ﻣﺮﺗﻀﻰ ﻭﺭﺣﺖ ﺍﺳﻜﺘﻪ .. ﻭﺍﻟﻌﺐ ﻭﻳﺎﻩ .. ﻃﻠﻌﺖ ﻛﻴﻜﻪ ﻭﻛﻌﺪﺕ ﺍﻭﻛﻠﻪ ﻭﻫﻮﻩ ﻳﻀﺤﻚ ﻭﻳﺎﻳﻪ
ﻛﺎﻝ ﺑﺎّ ﺑﺎّ ﻛﺘﻠﻪ ﺑﺎﺑﺎ ﺭﺍﺡ .. ﺍﺟﺖ ﻓﺎﻃﻤﻪ ﺟﺮﺗﻪ ﻣﻨﻲ ﻭﺿﺮﺑﺘﻪ ﻛﺎﻟﺘﻠﻪ ﻣﺮﻩ ﺛﺎﻧﻴﻪ ﻣﻤﻨﻮﻉ ﺗﺮﻭﺡ ﻳﻤﻬﺎ ﻣﻔﻬﻮﻭﻭﻭﻡ ﺑﻘﻰ ﻳﺒﺠﻲ ..
ﻛﺘﻠﻬﺎ ﺷﺒﻴﺞ ﺍﻧﻲ ﻟﻜﻴﺘﻪ ﻳﺒﺠﻲ ﻭﺷﻠﺘﻪ ﻟﻴﺶ ﺍﺗﻀﺮﺑﻴﻪ .. ﻛﺎﻟﺖ ﻣﺎﻟﺞ ﺩﺧﻞ ﺑﺠﻬﺎﻟﻲ ﺍﺑﻌﺪﻱ ﻋﻨﻬﻢ .. ﻛﺘﻠﻬﺎ ﻻ ﺗﺼﻴﺤﻴﻦ ﻳﻄﺒﺞ ﻣﺮﺽ ﻣﻴﺘﻪ ﻋﻠﻰ ﺟﻬﺎﻟﺞ
ﻋﻔﺘﻬﺎ ﻭﺭﺣﺖ ﻭﻛﻔﺖ ﻭﻳﻪ ﺍﻟﺒﻨﺎﺕ ﺑﺎﻟﻤﻄﺒﺦ .. ﺍﺟﺖ ﻭﺭﺍﻱ ﻛﺎﻟﺖ ﻛﻮﻣﻲ ﻏﺴﻠﻲ ﺍﻟﺤﻤﺎﻡ .. ﻛﺘﻠﻬﺎ ﻣﻮ ﺟﻨﺘﻲ ﺗﻐﺴﻠﻴﻦ ﺟﻬﺎﻟﺞ ﺍﻏﺴﻠﻲ
ﻛﺎﻟﺖ ﺍﺭﻳﺪ ﺍﻋﺠﻦ ﻣﺎ ﺍﻟﺤﻚ ﺑﻌﺪ .. ﺗﻌﺠﻨﻴﻦ ﺍﺑﺪﺍﻟﻲ ﺍﻧﺘﻲ ﺣﻄﺮﺗﺞ ﻣﺘﻌﺮﻓﻴﻦ .. ﻛﻮﻣﻲ ﻳﻠﻪ ﺑﺴﺎﻉ ﻏﺴﻠﻲ ﺍﻟﺤﻤﺎﻡ ..
ﻛﺘﻠﻬﺎ ﻣﺎ ﺍﻛﻮﻡ ﺍﺟﺖ ﺍﻣﻪ .. ﻛﺎﻟﺖ ﺍﻧﺘﻲ ﻫﻴﻴﻲ ﺷﺤﺎﺳﺒﻪ ﻧﻔﺴﺞ ﺟﺎﻳﺒﻴﻨﺞ ﻣﻦ ﺑﻴﺖ ﺍﻟﺨﻠﻔﺞ ﺍﻣﻴﺮﻩ .. ﻛﻮﻣﻲ ﺑﺴﺎﻉ ﻭﻛﻠﻤﻪ ﺛﺎﻧﻴﻪ ﻣﺎ ﺗﻠﻮﻣﻴﻦ ﺍﻻ ﻧﻔﺴﺞ
ﻛﻤﺖ ﻣﻮ ﺧﻮﻑ ﻣﻨﻬﺎ ﺑﺲ ﻻﻥ ﺣﺎﺭﺙ ﻛﺎﻟﻲ ﺍﺣﺘﺮﻣﻴﻬﺎ .. ﻛﻤﺖ ﻓﺘﺤﺖ ﺑﺎﺏ ﺍﻟﺤﻤﺎﻡ ﺍﻭﻝ ﻣﺎ ﻣﺸﻴﺖ ﺑﻴﻪ ﻃﻠﻊ ﺍﻟﻜﺎﻉ ﻛﻠﻪ ﺷﺎﻣﺒﻮ ﻭﺻﺎﺑﻮﻥ
ﺑﺲ ﺣﺎﻭﻟﺖ ﺍﻏﺴﻠﻪ ﺟﺎﻥ ﺍﺗﺰﺣﻠﻚ ﺑﻘﻮﻩ ﻭﻳﺼﻴﺮ ﺿﻬﺮﻱ ﻋﻠﺤﺠﺮ ﻣﺎﻝ ﺍﻟﺤﻤﺎﻡ .. ﻓﺮﻓﺤﺖ ﺭﻭﺣﻲ ﻣﻦ ﺍﻻﻟﻢ ﻣﻦ ﻭﺟﻌﻲ ﺍﺗﻌﻠﻜﺖ ﺭﻭﺣﻲ ﺑﺤﺎﺭﺙ
ﻛﻤﺖ ﺍﺻﻴﺢ ﺣﺎﺍﺍﺍﺍﺍﺍﺍﺭﺙ ﺍﻟﺤﻜﻠﻲ ﺣﺎﺭﺭﺭﺭﺭﺭﺭﺙ ﺣﺴﻴﺖ ﺍﻟﺪﻣﻦ ﻧﺰﻝ ﻋﻠﻴﻪ ﻟﺰﻣﺖ ﺑﻄﻨﻲ ﻭﻛﻤﺖ ﺍﺻﺮﺥ ﺣﺎﺭﺭﺭﺭﺭﺙ ﺍﻟﺤﻜﻠﻲ ﺭﺍﺡ ﺍﻣﻮﻭﻭﻭﺕ ﻭﺍﻟﻠﻪ ﻭﺍﺑﺠﻲ
🔹🔸🥇🔹🔸
ﺭﻓﻞ .. ﻛﻤﺖ ﺍﺻﻴﺢ ﺣﺎﺭﺙ ﻭﺍﻻﻟﻢ ﺫﺍﺑﺤﻨﻲ ﺍﺟﺖ ﺭﺳﺎﻟﻪ ﻛﺎﻟﺖ ﺍﻟﻠﻪ ﺍﻟﻠﻪ ﻳﻤﻌﻮﺩﻩ ﺷﺒﻴﺞ .. ﺳﺎﻋﺪﺗﻨﻲ ﻭﻭﺩﺗﻨﻲ ﺍﻟﻐﺮﻓﺘﻲ ﻭﻛﺎﻟﺘﻠﻲ ﺍﺭﺗﺎﺣﻲ
ﻛﻌﺪﺕ ﻋﻠﺴﺮﻳﺮ ﻭﺍﺣﺲ ﺍﻟﺪﻡ ﻓﻴﻀﻨﻲ ﻭﺍﻻﻟﻢ ﻳﻜﺘﻞ ﻭﻣﺤﺪ ﻣﻨﻬﻢ ﻳﻤﻲ .. ﺍﺧﺬﺕ ﺍﻟﻤﻮﺑﺎﻳﻞ ﺍﺑﺠﻲ ﻭﺧﺎﺑﺮﺕ ﺣﺎﺭﺙ ..
ﻛﺘﻠﻪ ﺍﻟﻮﻭﻭ ﻛﺎﻝ ﻫﺎﺍﺍﺍﺍ ﺧﻴﺮ ﺷﺒﻴﺞ ﻭﻟﺞ .. ﻛﺘﻠﻪ ﺣﺎﺭﺙ ﻓﺪﻭﻩ ﺍﻟﺤﻜﻠﻲ ﺭﺍﺡ ﺍﻣﻮﻭﻭﻭﺕ .. ﺻﺮﺥ ﺷﺒﻴﺞ ﻛﺘﻠﻪ ﻭﻛﻌﺖ ﺑﺎﻟﺤﻤﺎﻡ ﻭﺻﺎﺭ ﻋﻨﺪﻱ ﻧﺰﻑ ﻭﺍﻟﻢ
ﻛﺎﻝ ﺑﺪﻟﻲ ﺩﻗﺎﻳﻖ ﻭﺍﻧﻲ ﻳﻤﺞ .. ﻛﻤﺖ ﻏﻴﺮﺕ ﻣﻼﺑﺴﻲ ﻛﻮﻩ ﻭﻧﻀﻔﺖ ﻧﻔﺴﻲ … ﻟﺸﻮﻱ ﺩﺧﻞ ﻫﻮﻩ ﻛﺎﻝ ﺣﺒﻴﺒﻲ ﺷﺒﻴﺞ ﻛﻠﺒﻲ ..
ﻭﺍﺧﺬﻧﻲ ﺍﻟﺤﻈﻨﻪ .. ﺧﻠﻴﺖ ﺭﺍﺳﻲ ﻋﻠﻴﻪ ﻭﻛﺘﻠﻪ ﺣﺎﺭﺙ ﻛﺘﻠﻨﻲ ﺍﻟﻮﺟﻊ ﻭﺍﻟﻠﻪ ﺑﻌﺪ ﻣﺎ ﺍﺗﺤﻤﻞ ..
ﺻﺎﺡ ﻋﻠﻰ ﺍﺧﺘﻪ ﺭﺟﺎﺀ ﻛﺎﻟﻬﺎ ﺗﻌﺎﻱ ﻭﻳﺎﻱ .. ﺧﻠﻪ ﻋﻠﻰ ﺭﺍﺳﻲ ﻋﺒﺎﻳﻪ ﻭﺻﻌﺪﻧﻲ ﺑﺎﻟﺴﻴﺎﺭﻩ ..
ﻣﺸﻰ ﻟﻠﻤﺴﺘﺸﻔﻰ ﺩﺧﻠﺖ ﻭﺣﺪﻱ ﻟﺼﺎﻟﺔ ﺍﻟﻮﻻﺩﻩ ﻣﺘﺖ ﻣﻦ ﺍﻟﺨﻮﻑ ﻭﻣﻦ ﺍﻻﻟﻢ ﺑﺲ ﺍﺑﺠﻲ .. ﺍﺧﺬﺗﻨﻲ ﺩﻛﺘﻮﺭﻩ ﻛﺎﻟﺘﻠﻲ ﺗﻌﺎﻟﻲ ﺍﻓﺤﺼﺞ ..
ﻛﺘﻠﻬﺎ ﺍﺧﺎﻑ ﻛﺎﻟﺘﻲ ﺷﻠﻮﻥ ﻟﻌﺪ ﺍﺑﺎﻭﻋﻠﺞ ﺩﻧﺎﻣﻲ ﻟﺞ ﺧﻞ ﺍﺷﻮﻑ ﺷﻐﻠﻲ .. ﻧﻤﺖ ﻭﻣﻦ ﻛﺪ ﺍﻻﻟﻢ ﻣﺎ ﺣﺴﻴﺖ ﺑﻔﺤﺼﻬﺎ ..
ﻛﺎﻟﺖ ﻳﻤﻜﻦ ﺻﺎﻳﺮ ﺍﺳﻘﺎﻁ .. ﻛﺘﻠﻬﺎ ﻭﻫﺴﻪ .. ﻛﺎﻟﺖ ﺭﻭﺣﻲ ﺳﻮﻱ ﺳﻮﻧﺎﺭ ﻧﺸﻮﻑ ﺷﻨﻮ ﺍﺑﻄﻨﺞ ﻋﻠﻤﻮﺩ ﻧﺴﻮﻳﻠﺞ ﻋﻤﻠﻴﻪ ﻛﻮﺭﺗﺎﺵ
ﻛﺘﺒﺘﻠﻲ ﻭﺭﻗﻪ ﻭﺭﺣﺖ ﻃﻠﻌﺖ ﻟﻜﻴﺖ ﺣﺎﺭﺙ ﻳﻔﺘﺮ ﻣﻨﺎ ﻭﻣﻨﺎ ﺑﺲ ﺷﺎﻓﻨﻲ ﺭﻛﺾ ﻛﺎﻝ ﻫﺎﺍﺍ .. ﻛﺘﻠﻪ ﻳﺮﺩﻭﻥ ﺳﻮﻧﺎﺭ ..
ﻛﺎﻝ ﺗﻌﺎﻱ ﺍﺧﺬ ﺍﻳﺪﻱ ﻭﻣﺸﺎ ﺑﻴﻪ ﻟﻠﺴﻮﻧﺎﺭ .. ﺍﺯﺩﺣﺎﻡ ﻓﺪ ﻣﺮﻩ ﺑﺲ ﻻﻥ ﺯﻳﻪ ﻋﺴﻜﺮﻱ ﻭﺍﻟﺒﺎﺝ ﻣﺎﻟﺘﻪ ﻇﺎﺑﻂ ﻛﺎﻟﻮﻟﻪ ﺗﻔﻀﻞ ﺳﻴﺪﻱ
ﻛﺴﺮﻧﻪ ﺍﻻﺯﺩﺣﺎﻡ ﻭﺩﺧﻠﺖ .. ﺍﺧﺬﺗﻠﻲ ﺍﻟﺪﻛﺘﻮﺭﻩ ﺳﻮﻧﺎﺭ .. ﻛﺎﻟﺖ ﺑﻌﺪﻩ ﺍﻟﻄﻔﻞ ﻋﺎﻳﺶ ﺑﺲ ﻣﻬﺪﺩ ﺑﺎﻻﺳﻘﺎﻁ ..
ﺗﻨﺎﻣﻴﻦ ﻋﻠﻰ ﺿﻬﺮﺝ ﺷﻬﺮ ﻭﺑﺪﻭﻥ ﻣﺨﺪﻩ ﻭﺭﺟﻠﻴﺞ ﺗﺨﻠﻴﻦ ﺟﻮﺍﻫﺎ 3 ﻣﺨﺪﺍﺕ .. ﻭﺭﺟﺎﻝ ﻣﻤﻨﻮﻉ .. ﻭﺍﻟﺤﺮﻛﻪ ﻣﻤﻨﻮﻋﻪ ﺣﺪﺝ ﻟﻠﺤﻤﺎﻡ ﻭﺑﺲ
ﻭﺍﻧﻄﺘﻨﻲ ﻣﺜﺒﺘﺎﺕ ﻛﺘﻠﻬﺎ ﺩﻛﺘﻮﺭﻩ ﺍﻻﻟﻢ ﺫﺑﺤﻨﻲ ﺍﻧﻄﻴﻨﻲ ﻣﺴﻜﻦ .. ﻛﺎﻟﺖ ﻣﻴﺼﻴﺮ ﺍﻧﺘﻲ ﺣﺎﻣﻞ ﺍﺧﺬﻱ ﻓﺎﻟﻴﻮﻡ ﺣﺒﻪ ﺑﺎﻟﻴﻮﻡ ﻭﺭﺍﺡ ﻳﺴﻜﻦ ﻋﻨﺪﺝ ﺍﻻﻟﻢ
ﺭﺣﺖ ﻃﻠﻌﺖ ﻟﺤﺎﺭﺙ .. ﻛﺎﻝ ﻫﺎ ﻛﺘﻠﻪ ﺑﻌﺪﻩ ﺍﻟﻄﻔﻞ ﻋﺎﻳﺶ ﻭﺍﻧﻄﺘﻨﻲ ﺍﺑﺮ ﻣﺜﺒﺘﺎﺕ ﻭﺣﺒﻮﺏ .. ﻭﺍﻧﻄﻴﺘﻪ ﺍﻟﺮﺍﺟﻴﺘﻪ .. ﻛﺎﻝ ﺍﻟﺤﻤﺪﻟﻠﻪ ﺭﺑﻲ .. ﻭﺑﺎﺳﻨﻲ ﺑﻜﺼﺘﻲ
ﻛﺎﻝ ﺑﻌﺪﺝ ﻣﺘﺄﺫﻳﻪ .. ﻛﺘﻠﻪ ﺍﻱ .. ﺍﺧﺬﻧﻲ ﺻﻌﺪﻧﻲ ﻟﻠﺴﻴﺎﺭﻩ .. ﻛﻌﺪﻧﻪ .. ﻛﺎﻝ ﺷﻠﻮﻥ ﻭﻛﻌﺘﻲ .. ﻛﺘﻠﻪ ﻓﺎﻃﻤﻪ ﻭﻛﻌﺘﻨﻲ ..
ﺭﺟﺎﺀ ﻛﺎﻟﺖ ﻋﻴﺐ ﺭﻓﻞ ﻓﺎﻃﻤﻪ ﺷﻌﻠﻴﻬﺎ .. ﻛﺘﻠﻬﺎ ﻫﻴﻪ ﺍﻟﺘﻌﺎﺭﻛﺖ ﻭﻳﺎﻳﻪ ﺍﻻ ﺍﻏﺴﻞ ﺍﻟﺤﻤﺎﻡ ﻭﻫﻴﻪ ﺟﺎﻧﺖ ﺗﺴﺒﺢ ﺑﺠﻬﺎﻟﻬﺎ
ﻣﻦ ﺭﻓﻀﺖ ﺭﺍﺣﺖ ﻛﺎﻟﺖ ﻟﻌﻤﺘﻲ ﻭﺍﺟﺖ ﻋﻤﻪ ﺭﺯﻟﺘﻨﻲ ﻭﻣﺎ ﺣﺠﻴﺖ .. ﺑﺎﻭﻋﺖ ﺍﻟﺤﺎﺭﺙ ﻛﺘﻠﻪ ﻭﺍﻟﻠﻪ ﻟﻮ ﻣﺎ ﻣﻮﺻﻴﻨﻲ ﺟﺎﻥ ﻣﺎ ﻗﺒﻠﺖ ﻭﻣﺎ ﻭﻛﻌﺖ ﻫﻴﺞ
ﻛﺎﻝ ﻳﻌﻨﻲ ﺍﻣﻲ ﺍﻟﺠﺒﺮﺗﺞ ﺗﻐﺴﻠﻴﻦ ﺍﻟﺤﻤﺎﻡ .. ﻛﺘﻠﻪ ﺍﻱ ﻫﻴﻪ ﻭﻓﺎﻃﻤﻪ .. ﺭﺟﺎﺀ ﻛﺎﻟﺘﻪ ﻻ ﺧﻮﻳﻪ ﻭﺍﻟﻠﻪ ﻣﺤﺪ ﺟﺒﺮﻫﺎ ﺑﺲ ﻓﺎﻃﻤﻪ ﺭﺍﺩﺕ ﺗﻌﺠﻦ ﻭﻛﺎﻟﺘﻠﻬﺎ ﺍﻏﺴﻠﻲ
🔹🔸🥇🔹🔸
ﻛﺘﻠﻪ ﺟﺬﺍﺑﻪ ﻭﺍﻟﻠﻪ ﻫﻴﻪ ﺳﻮﺕ ﻫﺸﻜﻞ ﻭﺍﻟﻠﻪ ﺣﺎﺭﺙ ﺑﺲ ﺗﺮﻳﺪ ﺗﺨﻠﺺ ﻣﻨﻲ .. ﺭﺟﺎﺀ ﻛﺎﻟﺖ ﻋﻴﺐ ﺭﻓﻞ ﺟﺎﻳﻪ ﺗﺘﺒﺠﺒﺠﻴﻦ ﻳﻢ ﺣﺎﺭﺙ ﻋﻠﻤﻮﺩ ﺗﻔﺮﻗﻴﻪ ﻋﻦ ﻋﺎﺋﻠﺘﻪ
ﻛﺘﻠﻬﺎ ﻣﻤﻔﺮﻗﺘﻪ ﺑﺲ ﺍﻟﺴﻮﺗﻪ ﺑﻴﻪ ﺣﺮﺍﻡ .. ﺻﺎﺡ ﺣﺎﺭﺙ ﻫﺸﺸﺸﺸﺶ ﻛﺎﻓﻲ ﺍﻓﺘﻬﻤﺖ ﺍﻧﻲ ﺍﺗﺼﺮﻑ ..
ﺣﺎﺭﺙ .. ﻭﺻﻠﺖ ﻟﻠﺒﻴﺖ ﻭﺩﻳﺖ ﺭﻓﻞ ﻟﻐﺮﻓﺘﻬﺎ ﻭﻧﻮﻣﺘﻬﺎ ﻭﻛﻤﺖ ﺭﺣﺖ ﻟﻐﺮﻓﺔ ﻓﺎﻃﻤﻪ .. ﻟﻜﻴﺘﻬﺎ ﻧﺎﻳﻤﻪ .. ﺻﺤﺖ ﻓﺎﻃﻤﻪ ﻛﺎﻋﺪﻩ ..
ﻛﺎﻟﺖ ﻫﺎ ﺍﺑﻮ ﻣﺼﻄﻔﻰ ﻋﻴﻮﻧﻲ ﺗﻔﻀﻞ ﻛﻌﺪﺕ .. ﺷﻐﻠﺖ ﺍﻟﻀﻮﻩ ﻭﻛﺘﻠﻬﺎ ﺍﻟﻠﻲ ﺻﺎﺭ ﺑﺮﻓﻞ ﺍﻟﺞ ﺍﻳﺪ ﺑﻴﻪ ﻛﺎﻟﺖ ﻻ ﻭﺍﻟﻠﻪ ﻣﺎ ﺍﻟﻲ ﺍﻳﺪ ﺑﻴﻬﺎ
ﻛﺘﻠﻬﺎ ﺍﺣﺠﻲ ﻭﻳﺎﺝ .. ﻋﺎﻳﻨﻲ ﺑﻌﻴﻨﻲ ﻭﺍﺣﺠﻲ .. ﻛﺎﻟﺖ ﻣﻌﻠﻴﻪ ﺑﺎﻟﻠﻲ ﺻﺎﺭ ﺑﻴﻬﺎ ﻣﻦ ﺣﻘﺎﺭﺗﻬﺎ ﺍﻟﻠﻪ ﺟﺎﺯﺍﻫﺎ ..
ﺟﺮﻳﺖ ﻣﺼﻄﻔﻰ .. ﻛﺘﻠﻬﺎ ﺧﻠﻲ ﺍﻳﺪﺝ ﻋﻠﻰ ﺭﺍﺳﻪ .. ﻛﺎﻟﺖ ﺷﺒﻴﻚ .. ﺻﺮﺧﺖ ﺧﻠﻲ ﺍﻳﺪﺝ ﻋﻠﻰ ﺭﺍﺳﻪ .. ﺧﻠﺘﻬﺎ .. ﻛﺘﻠﻬﺎ ﻛﻮﻟﻲ ﺍﻧﺸﺎﻟﻠﻪ ﺍﻟﻠﻪ ﻳﺎﺧﺬ ﺍﺑﻨﻲ ﺑﻬﻠﺪﻗﻴﻘﻪ ﻟﻮ ﺍﻧﻲ ﺍﻟﻲ ﺍﻳﺪ ﺑﺎﻟﻠﻲ ﺻﺎﺭ ﻭﻳﻪ ﺭﻓﻞ
ﺟﺮﺕ ﺍﻳﺪﻫﺎ ﻛﺎﻟﺖ ﺷﺒﻴﻚ ﺣﺎﺭﺙ ﺍﺩﻋﻲ ﻋﻠﻰ ﻭﻟﻴﺪﻱ .. ﺻﺮﺧﺖ ﺑﺼﻮﺕ ﻋﺎﻟﻲ .. ﻛﺘﻠﻬﺎ ﺍﺩﻋﻴﻴﻴﻴﻲ ﻛﺎﻟﺖ ﻣﺎ ﺍﻛﺪﺭ .. ﻛﺘﻠﻬﺎ ﻣﻌﻨﺎﻫﺎ ﺍﻟﺞ ﺍﻳﺪ ﺑﻴﻬﺎ
ﺩﻧﻜﺖ ﻭﻛﺎﻣﺖ ﺗﺒﺠﻲ .. ﺿﺮﺑﺘﻬﺎ ﺭﺍﺷﺪﻱ .. ﻛﺘﻠﻬﺎ ﻣﺎ ﻓﻜﺮﺗﻲ ﺍﻟﻠﻲ ﺍﺑﻄﻨﻬﺎ ﺍﺑﻨﻲ ﻗﺒﻞ ﻟﻴﺼﻴﺮ ﺍﺑﻨﻬﺎ .. ﻣﻔﻜﺮﺗﻲ ﻟﻮ ﺻﺎﺭ ﺷﻲ ﺑﻴﻪ ﺷﺴﻮﻱ ﺑﻴﺞ ..
ﻧﺰﻟﺖ ﻳﻢ ﺭﺟﻠﻲ ﻛﺎﻟﺖ ﻭﺍﻟﻠﻪ ﻣﺎ ﺍﻋﻴﺪﻫﺎ ﺑﻌﺪ .. ﻛﺘﻠﻬﺎ ﻣﻴﺼﺮﻑ ﻳﻤﻲ ﻫﻠﻜﻼﻡ ﺣﺬﺭﺗﺞ ﻭﻛﺘﻠﺞ ﻣﺎ ﺍﺭﻳﺪ ﻣﺸﺎﻛﻞ ﻭﺗﻔﻀﻠﻲ ﺷﺴﻮﻳﺘﻲ ..
ﻟﻤﻲ ﻏﺮﺍﺿﺞ ﻳﻠﻪ ﻭﻋﻠﻰ ﺑﻴﺖ ﺍﻫﻠﺞ .. ﻭﻋﻮﺩ ﻛﻠﻲ ﻻﺑﻮﺝ ﺭﺩﺕ ﺍﻣﻮﺕ ﻣﺮﺗﻪ ﻣﻦ ﻏﻴﺮﺗﻲ ﻭﺧﻠﻲ ﻳﻄﻠﻊ ﺍﻟﺴﺎﻧﻪ ﺍﻟﺰﻓﺮ
ﻛﺎﻟﺖ ﻭﻋﻴﻮﻧﻚ ﻭﺭﺍﺱ ﺟﻬﺎﻟﻲ ﺑﻌﺪ ﻣﺎ ﺍﺩﻧﺎﻟﻬﺎ ﻓﺪﻭﻩ ﺣﺎﺭﺙ .. ﺩﻓﺮﺗﻬﺎ ﺑﺮﺟﻠﻲ .. ﻭﺻﺮﺧﺖ ﻛﻠﺒﻪ ﻟﻮ ﻣﻴﺘﻪ ﻫﻲ ﻟﻮ ﻣﻴﺖ ﺍﺑﻨﻲ ﺟﺎﻥ ﺷﺴﻮﻳﺖ ﺷﻜﻠﺘﻲ ﺍﻟﺮﻭﺣﺞ ﻣﻦ ﻭﻛﻌﺘﻴﻬﺎ ﺑﺨﺒﺎﺛﺘﺞ .. ﻟﻤﻲ ﻏﺮﺍﺿﺞ ﻭﺍﻃﻠﻌﻲ ﺑﺮﺍ
ﺍﺧﺬﺕ ﻣﺼﻄﻔﻰ ﻭﻣﺮﺗﻀﻰ ﺑﺄﺩﻳﻬﺎ ﻭﻛﺎﻟﺖ ﻭﺍﻟﻠﻪ ﻣﺎ ﺍﻃﻠﻊ ﻭﺍﻟﻠﻪ ﻣﺎ ﺍﻟﻲ ﺷﻐﻞ ﺑﻴﻬﺎ ﺑﻌﺪ ﻭﺭﻭﺡ ﺍﻧﺘﻪ ﻳﻤﻬﺎ ﻭﻻ ﺗﺒﺎﻭﻋﻠﻲ ﺑﺲ ﻻ ﺗﺤﺮﻣﻨﻲ ﻣﻦ ﺟﻬﺎﻟﻲ
ﻛﺘﻠﻬﺎ ﺟﺎﻥ ﻓﻜﺮﺗﻲ ﺑﻬﻠﺸﻲ ﻗﺒﻞ ﻻ ﺗﺴﻮﻳﻦ ﻋﻤﺎﻳﻠﺞ .. ﻧﺰﻟﺖ ﻋﻠﻰ ﺭﺟﻠﻲ ﺗﺒﻮﺳﻬﺎ ﻭﺗﺘﻮﺳﻞ .. ﺑﻌﺪﻫﺎ ﻛﺘﻠﻬﺎ ﻻ ﺗﺮﺧﺼﻴﻦ ﻧﻔﺴﺞ ﺍﻛﺜﺮ ﻋﻨﺪﺝ ﻛﺮﺍﻣﻪ ﺍﻃﻠﻌﻲ ﻭﺍﺑﻌﺪﻱ ﻋﻨﻲ
ﻋﻔﺘﻬﺎ ﻭﻃﻠﻌﺖ ﻻﻣﻲ .. ﻛﺘﻠﻬﺎ ﻳﺎ ﻋﺎﻗﻠﻪ ﻳﺎ ﺟﺒﻴﺮﺓ ﺍﻟﺒﻴﺖ ﻋﺸﺘﻮ ﻣﺨﻠﻴﺞ ﺑﺎﻟﺒﻴﺖ ﺗﺼﻔﻲ .. ﺗﺎﻟﻴﻬﺎ ﺗﻜﻠﺒﻴﻬﺎ ﻋﻠﻴﻪ .. ﻛﺎﻟﺖ ﻳﻤﻪ ﺍﻧﻪ ﺍﺷﻤﺪﺭﻳﻨﻲ ﺑﻴﻬﻦ ﻣﺎ ﺍﺩﺧﻞ ﺑﻴﻬﻦ
ﻛﺘﻠﻬﺎ ﻭﻣﻨﻮ ﻏﻠﻂ ﻋﻠﻰ ﺭﻓﻞ ﻭﻛﺎﻟﻬﺎ ﻛﻮﻣﻲ ﻧﻀﻔﻲ ﺍﻟﺤﻤﺎﻡ ﻣﻮ ﺍﺗﻔﺎﻗﺞ ﺍﻧﺘﻲ ﻭﺑﺖ ﺍﺧﻮﺝ ﺍﻟﻜﻠﺒﻪ .. ﻛﺎﻟﺖ ﺧﻮ ﺍﻟﺨﺎﻳﺴﻪ ﻣﺮﺗﻚ ﻣﺎ ﺗﻀﻢ ﻛﻠﻤﻪ ﻛﻠﺸﻲ ﺗﺨﻠﻲ ﺑﺤﻠﻚ
ﻛﺘﻠﻬﺎ ﻟﻴﺶ ﺗﺮﺩﻳﻬﺎ ﺗﻀﻢ ﻋﻤﺎﻳﻠﺞ ﻭﺣﻘﺎﺭﺍﺗﻜﻢ .. ﻭﻟﺞ ﻳﻤﻪ ﺍﻟﺒﻄﻨﻬﺎ ﺍﺑﻨﻲ ﺷﻠﻮﻥ ﻃﺎﻭﻋﺞ ﻛﻠﺒﺞ ﺗﻜﺘﻠﻴﻦ ﺍﺑﻨﻲ ..
ﻛﺎﻟﺖ ﻭﻣﻨﻮ ﻛﺎﻝ ﺍﺑﻨﻚ ﻫﺴﻪ ﻳﻄﻠﻊ ﺍﺑﻦ ﺍﻟﻠﻲ ﺷﺮﺩﺕ ﻭﻳﺎﻩ .. ﻛﺘﻠﻬﺎ ﻳﻤﻪ ﺍﻧﺘﻲ ﺗﻌﻴﺮﻳﻦ ﻣﺮﺗﻲ ﻟﻮ ﺷﻨﻮ ﺗﺮﺩﻳﻦ ﺍﻋﻴﺮﺝ ﺑﺖ ﺍﺧﻮﺝ ﻟﻮ ﺍﺳﻜﺖ
ﻧﺴﻴﺘﻲ ﺍﺧﺖ ﻓﺎﻃﻤﻪ ﺷﺴﻮﺕ ﻭﺷﻠﻮﻥ ﻳﺪﻭﺭﻭﻥ ﻋﻠﻴﻬﺎ ﺑﺎﻟﺸﻮﺍﺭﻉ .. ﻧﺴﻴﺘﻲ ﺷﻠﻮﻥ ﺷﺮﺩﺕ ﻭﻳﻪ ﺻﺎﺣﺒﻬﺎ ﻣﻦ ﺑﻴﺖ ﺍﻫﻠﺞ .. ﺑﻴﺖ ﺍﻟﺤﺴﺐ ﻭﺍﻟﺸﺮﻑ ﻧﺴﻴﺘﻲ ﻟﻮ ﺍﺫﻛﺮﺝ
🔹🔸🥇🔹🔸
ﻛﺎﻟﺖ ﺗﻌﻴﺮﻧﻲ ﻭﻟﻚ ﺍﺑﺖ ﺍﺧﻮﻱ .. ﻛﺘﻠﻬﺎ ﺍﻧﺘﻲ ﺍﻣﻲ ﺑﺲ ﺍﻫﻠﺞ ﻏﺮﺑﻪ ﻣﻦ ﺗﺠﻴﺒﻴﻦ ﻣﺮﺗﻲ ﻟﻮ ﺑﺖ ﻋﻤﻲ ﻋﻠﻰ ﺍﻟﺴﺎﻧﺞ ﺍﻫﺪ ﺍﻟﺪﻧﻴﺎ ﻓﻮﻛﺎﻛﻢ ..
ﺻﻴﺮﻭ ﺍﺷﺮﻑ ﻣﻨﺎ ﻭﺑﻌﺪﻳﻦ ﺍﺣﺠﻲ .. ﺿﺮﺑﺘﻨﻲ ﺭﺍﺷﺪﻱ .. ﻛﺎﻟﺖ ﻭﻟﻚ ﻋﻠﻤﻮﺩ ﻫﺎﻱ ﺗﻌﻴﺮ ﺍﻣﻚ ﻭﻟﻚ ﻳﺎ ﺍﺑﻦ ﺑﻄﻨﻲ ﺗﻌﻴﺮﻧﻲ ﺑﺄﻫﻠﻲ
ﻛﺘﻠﻬﺎ ﻣﻮ ﺍﻧﺘﻲ ﺍﻟﻌﻴﺮﺗﻴﻨﻲ ﺑﻤﺮﺗﻲ ﻣﻮ ﺍﻧﺘﻲ ﺍﻟﺮﺩﺗﻲ ﺗﻜﺘﻠﻴﻦ ﺍﺑﻨﻲ .. ﻛﺎﻟﺖ ﻭﻟﻚ ﺍﻫﻤﺪﻙ ﻭﻟﻚ ﺟﻨﺖ ﺣﺎﺳﺒﺘﻚ ﺯﻟﻤﺘﻲ ﻃﻠﻌﺖ ﺍﺥ ﻣﺮﻳﺘﻚ
ﻛﺘﻠﻬﺎ ﻭﺍﻟﻠﻬﻲ ﺍﻧﺘﻲ ﻣﺎ ﺗﺮﺩﻳﻨﻲ ﺯﻟﻤﻪ ﺍﻧﺘﻲ ﺗﺮﺩﻳﻦ ﻣﻠﻄﺸﻪ ﺑﻴﺪﺝ ﺗﺤﺮﻛﻴﻦ ﺷﻮﻛﺖ ﻣﺎ ﺗﺮﺩﻳﻦ ﻣﺜﻞ ﻣﺎ ﺟﻨﺘﻲ ﺗﺤﺮﻛﻴﻨﻲ ﻋﻠﻰ ﻓﺎﻃﻤﻪ ﻫﺴﻪ ﻣﻦ ﺍﺟﺖ ﺭﻓﻞ ﻓﺎﻃﻤﻪ ﺻﺎﺭﺕ ﻋﺰﻳﺰﻩ
ﻛﺎﻟﺖ ﺧﻠﻲ ﻓﺎﻃﻤﻪ ﻭﺭﻓﻞ ﻋﻠﻰ ﻛﻠﺒﻚ ﺍﻧﻪ ﻣﺎﻟﻲ ﻣﭽﺎﻥ ﺑﻌﺪ ﺑﻬﺬﺍ ﺍﻟﺒﻴﺖ .. ﺑﻘﺖ ﺗﺼﻴﺢ ﻭﺗﻐﻠﻂ .. ﻋﻔﺘﻬﺎ ﻭﻃﻠﻌﺖ
ﺭﺣﺖ ﺟﺒﺖ ﺍﻟﻌﻼﺝ ﻣﺎﻝ ﺭﻓﻞ ﻭﻣﻌﻼﻙ ﻭﻛﺮﻓﺲ ﺍﻟﻬﺎ ﻻﻥ ﺧﺴﺮﺕ ﺩﻡ .. ﺩﺧﻠﺖ ﻟﻠﺒﻴﺖ ﺍﺗﻠﻜﺘﻨﻲ ﺍﺣﻼﻡ ﺧﻮﻳﻪ ﻋﻠﻤﻮﺩ ﻣﺮﺗﻚ ﺗﻄﺮﺩ ﺍﻣﻲ
ﻛﺘﻠﻬﺎ ﻣﻄﺎﺭﺩﻫﺎ ﺣﺎﺳﺒﺘﻬﺎ ﻋﻠﻰ ﻭﻛﻌﺖ ﺭﻓﻞ .. ﻛﺎﻟﺖ ﺍﻣﻲ ﺗﻜﻮﻝ ﺣﺎﺭﺙ ﻃﺮﺩﻧﻲ ﻣﻦ ﺑﻴﺖ ﺍﺑﻮﻩ .. ﻛﺘﻠﻬﺎ ﺍﻧﻮﺏ ﺳﺎﻟﻔﻪ ﺟﺪﻳﺪﻩ ﺗﺮﻳﺪ ﺍﻃﻠﻌﻬﺎ ﻋﻠﻴﻪ ﺍﻣﺞ
ﻋﻮﻓﻴﻨﻲ ﻣﻨﻬﺎ ﻫﺎﺝ ﻫﺬﺍ ﻣﻌﻼﻙ ﻛﺼﺼﻴﻪ ﻭﺍﺷﻮﻱ .. ﻛﺎﻟﺖ ﺍﻟﻤﻦ .. ﻛﺘﻠﻬﺎ ﻟﺮﻓﻞ ﻧﺰﻓﺖ ﺩﻡ ﻫﻮﺍﻱ ﺧﻠﻴﻬﺎ ﺗﻌﻮﺽ ..
ﻛﺎﻟﺖ ﺍﻧﺘﻪ ﻫﻤﻚ ﺑﺲ ﻣﺮﺗﻚ .. ﻛﺘﻠﻬﺎ ﺍﺣﻼﻡ ﺍﺗﺄﺩﺑﻲ ﻭﻻ ﺗﺨﻠﻴﻨﻲ ﺍﻏﻠﻂ ﻋﻠﻴﺞ ﺍﻧﺘﻲ ﺍﻟﺜﺎﻧﻴﻪ .. ﻭﻟﺠﻦ ﺍﺑﻨﻲ ﺍﻟﺒﻄﻨﻬﺎ ﺭﺩﺗﻦ ﺗﻮﻛﻌﻨﻪ ﺷﻨﻮ ﺍﻧﺖ ﻣﻦ ﻣﻠﻪ
ﻣﻜﻌﺪﻫﺎ ﺑﻨﺺ ﺫﻳﺎﺑﻪ .. ﻭﻟﺠﻦ ﻃﻔﻠﻪ ﻫﻴﻪ ﻃﻔﻠﻪ ﺍﻟﻤﻔﺮﻭﺽ ﺗﻌﻠﻤﻨﻬﺎ ﻣﻮ ﺗﻤﻮﺗﻨﻬﺎ .. ﻭﻟﺠﻦ ﺍﺑﻨﻲ ﺍﺑﻄﻨﻬﺎ ﻣﺎ ﻭﻛﻒ ﺑﻌﻴﻨﺠﻦ ﻣﻦ ﻭﻛﻌﺘﻨﻬﺎ ..
ﺳﻜﺘﺖ .. ﻛﺘﻠﻬﺎ ﻭﻻ ﺍﺭﻳﺪﺝ ﺗﺴﻮﻳﻠﻬﺎ ﻭﻻ ﺗﺨﺪﻣﻴﻬﺎ .. ﺍﻧﻪ ﺍﺳﻮﻱ .. ﺭﺩﺕ ﺍﻛﺼﺺ ﺍﻟﻤﻌﻼﻙ ﻛﺎﻟﺖ ﺭﺟﺎﺀ ﺧﻮﻳﻪ ﻋﻠﻰ ﺑﺨﺘﻚ ﺻﺪﻙ ﺟﺬﺏ ﺍﻧﺘﻪ ﺑﺲ ﺍﻫﺪﺀ ﻭﺧﻠﻴﻨﻪ ﻧﻌﺮﻑ ﻧﺘﺼﺮﻑ
ﻛﺘﻠﻬﺎ ﺭﺟﺎﺀ ﺷﺘﺼﺮﻑ .. ﺍﻣﻲ ﺑﺠﻪ ﻭﻓﺎﻃﻤﻪ ﺑﺠﻬﻪ ﻭ ﻭﻫﺎﻱ ﺍﻧﻮﺏ ﺍﺣﻼﻡ ﻋﻠﻴﻪ .. ﻭﻟﺠﻦ ﺗﻌﺒﺖ .. ﻗﺪﺭﻥ ﻭﺿﻌﻲ .. ﺍﻭﻑ ﺑﻮﻳﻪ ﺷﻜﻮﻝ ﻋﻠﻴﻚ ﻣﻦ ﻋﻔﺘﻠﻲ ﻛﻞ ﻫﻠﻨﺴﻮﺍﻥ ﺑﺮﺍﺳﻲ ﻭﻣﺘﺖ
ﺍﻱ ﻋﺎﺩ ﺍﺗﺰﻭﺝ ﺻﺨﻢ ﺟﻴﺒﻠﻲ ﺍﺥ ﺑﺎﻗﻲ ﻣﺒﺘﻠﻲ ﺑﻴﻬﻦ ﻣﻦ ﻻ ﺣﻠﺔ ﺑﺮﻛﻪ ﺷﻴﺒﻦ ﺭﺍﺳﻲ .. ﻣﺎ ﻃﻠﻌﺖ ﺳﺎﻋﻪ ﻟﻠﺪﻭﺍﻡ ﺗﺨﺎﺑﺮﻧﻲ ﺗﻜﻠﻲ ﺍﻟﺤﻜﻠﻲ ﻣﺘﺖ
ﻭﻟﺠﻦ ﻟﻮ ﺍﻃﻠﻊ ﻭﺍﺟﺐ ﺷﻬﺮ ﻭﺍﻋﻮﻓﻬﺎ ﺷﺘﺴﻮﻥ ﺑﻴﻬﺎ ﺗﺎﻛﻠﻨﻬﺎ .. ﺭﺟﺎﺀ ﺿﺤﻜﺖ ﻛﺎﻝ ﻳﻤﻌﻮﺩ ﺷﺒﻴﻚ ﻫﺪﻱ ﻫﺪﻱ ﺧﻮﻳﻪ ﻣﻮ ﺯﻳﻦ ﻋﻠﻴﻚ
ﻫﺴﻪ ﺭﺍﺡ ﺍﺳﻮﻱ ﺍﻟﻤﻌﻼﻙ ﺍﻟﻤﺮﺗﻚ ﻭﺍﺳﻮﻳﻠﻬﺎ ﻛﻼﺹ ﺑﺮﺗﻘﺎﻝ ﻭﻳﺸﺒﻊ ﻭﻟﻴﺪﻙ ﺍﺑﻄﻨﻬﺎ ﻭﻫﻴﻪ ﺗﺮﺍﺡ ﻭﺍﻧﺘﻪ ﺗﺮﺗﺎﺡ
ﺟﺮﻳﺖ ﻧﻔﺲ .. ﻛﺘﻠﻬﺎ ﺭﺍﻳﺢ ﺍﻧﺎﻡ ﺑﺎﻟﺪﻳﻮﺍﻧﻴﻪ ﻻ ﺗﻜﻌﺪﻭﻧﻲ .. ﻛﺎﻟﺖ ﻧﻮﻡ ﺍﻟﻬﻨﻪ ﺧﻮﻳﻪ .. ﺭﺣﺖ ﺗﻤﺪﺩﺕ ﺑﺎﻟﺪﻳﻮﺍﻧﻴﻪ
ﻭﺍﺳﻤﻊ ﺭﺟﺎﺀ ﺗﺘﺼﺎﻳﺢ ﻭﺗﺮﺯﻝ ﺑﻔﺎﻃﻤﻪ ﻋﻠﺴﻮﺗﻪ .. ﺧﻠﻴﺖ ﻣﺨﺪﻩ ﻋﻠﻰ ﺭﺍﺳﻲ ﻭﻧﻤﺖ .. ﻝ 12 ﺩﻙ ﻣﻮﺑﺎﻳﻞ .. ﻓﺰﻳﺖ ﺍﻟﺪﻳﻮﺍﻧﻴﻪ ﺿﻠﻤﻪ
ﻋﺎﻳﻨﺖ ﺍﻟﻤﻮﺑﺎﻳﻞ ﺭﻗﻢ ﺭﻓﻞ .. ﻛﺘﻠﻬﺎ ﻫﺎ ﺭﻓﻞ ﻛﺎﻟﺖ ﺣﺒﻴﺒﻲ ﻭﻳﻦ ﺍﻧﺘﻪ .. ﻛﺘﻠﻬﺎ ﻧﺎﻳﻢ ﺑﺎﻟﺪﻳﻮﺍﻧﻴﻪ .. ﻛﺎﻟﺖ ﺷﻨﻮﻭﻭﻭ ﻭﺍﻧﻲ ﻋﺒﺎﻟﻲ ﻃﺎﻟﻊ
ﻛﺘﻠﻬﺎ ﺗﺮﺩﻳﻦ ﺷﻲ .. ﻛﺎﻟﺖ ﺍﻱ .. ﻛﺘﻠﻬﺎ ﺷﻨﻮ .. ﻛﺎﻟﺖ ﺍﺭﻳﺪﻙ .. ﺍﺑﺘﺴﻤﺖ ﻭﺟﺮﻳﺖ ﻧﻔﺲ ﻛﺘﻠﻬﺎ ﻫﺴﻪ ﺩﻗﺎﻳﻖ ﻭﺍﻧﻲ ﻳﻤﺞ
🔹🔸🥇🔹🔸
ﻛﻤﺖ ﺭﺣﺖ ﻟﻠﺤﻤﺎﻡ ﻭﺑﻌﺪﻫﺎ ﺭﺣﺖ ﻟﻐﺮﻓﺘﻬﺎ .. ﻟﻜﻴﺘﻬﺎ ﻣﺘﻤﺪﺩﻩ ﻭﺗﻌﺎﻳﻦ ﻟﻠﺘﻠﻔﺰﻳﻮﻥ .. ﺗﻜﺮﺑﺖ ﻳﻤﻬﺎ
ﺑﺴﺖ ﺭﺍﺳﻬﺎ ﻛﺘﻠﻬﺎ ﺷﻠﻮﻥ ﺻﺮﺗﻲ .. ﻛﺎﻟﺖ ﻣﻦ ﺍﺷﻮﻓﻚ ﺍﺻﻴﺮ ﺯﻳﻨﻪ .. ﻛﺘﻠﻬﺎ ﻳﻤﻪ ﻳﻤﻪ ﻣﻨﺞ ﺍﻡ ﺍﻟﺴﺎﻥ ﺿﺤﻜﺖ .. ﻛﺘﻠﻬﺎ ﺍﻛﻠﺘﻲ ..
ﻛﺎﻟﺖ ﺍﻱ ﻭﺿﻤﻴﺘﻠﻚ ﻟﻔﻪ ﻻﻥ ﻣﺎ ﺍﻛﺪﺭ ﺍﻛﻮﻡ ﺍﺳﻮﻳﻠﻚ ﻋﺸﺎ .. ﺿﺤﻜﺖ .. ﻛﺘﻠﻬﺎ ﺍﻛﻠﻴﻬﺎ ﺍﻧﺘﻲ ﻭﻣﻦ ﺗﺼﻴﺮ ﺍﺑﻄﻨﺞ ﺍﻧﻪ ﺍﺷﺒﻊ
ﻛﺎﻟﺖ ﻻ ﻭﺍﻟﻠﻪ ﺍﻛﻠﺖ ﻛﻮﻣﻪ ﻫﺎﻱ ﺍﻟﻚ ﺍﻛﻠﻬﺎ ﺑﺪﺍﻋﺘﻲ .. ﺟﺮﻳﺘﻬﺎ ﻣﻨﻬﺎ ﻭﻛﻤﺖ ﺍﻛﻞ ﻣﻨﻬﺎ ﻭﺍﻧﻄﻬﺎ ﻭﻳﺎﻳﻪ ﻏﺼﺐ ﺗﺎﻛﻞ ..
ﻛﺎﻟﺖ ﺣﺎﺭﺙ ﻛﺘﻠﻬﺎ ﻋﻴﻮﻧﻪ .. ﻛﺎﻟﺖ ﺗﺮﻳﺪ ﺑﻨﻴﻪ ﻟﻮ ﻭﻟﺪ .. ﻛﺘﻠﻬﺎ ﺷﻴﺠﻲ ﻣﻦ ﺍﻟﻠﻪ ﻧﻌﻤﺔ ﺍﻟﻠﻪ .. ﻛﺎﻟﺖ ﻭﺍﺫﺍ ﺻﺎﺭﺕ ﺑﻨﻴﻪ .. ﻛﺘﻠﻬﺎﺍ ﺍﻛﻮ ﺍﺣﻠﻰ ﻣﻨﻬﺎ
ﻛﺎﻟﺖ ﺯﻳﻦ ﺷﻨﻮ ﺍﻻﺳﻤﺎﺀ ﺍﻟﻠﻲ ﺗﺴﻤﻴﻬﺎ ﺍﻟﻬﻢ .. ﻛﺘﻠﻬﺎ ﺍﻟﻮﻟﺪ ﺍﺳﻤﻲ ﻣﺤﻤﺪ ﻋﻠﻰ ﺍﺳﻢ ﺍﻟﻤﺮﺣﻮﻡ ﺍﺑﻮﻱ .. ﻭﺍﻟﺒﻨﻴﻪ ﺭﻗﻴﻪ
ﻛﺎﻟﺖ ﺍﻣﻤﻤﻢ ﺷﻨﻮ ﻫﻼﺳﻤﺎﺀ ﺍﻟﺘﻘﻠﻴﺪﻳﻪ .. ﻛﺘﻠﻬﺎ ﻫﺎﻱ ﺍﺣﻠﻰ ﺍﺳﻤﺎﺀ ﻋﺮﺑﻴﻪ ﻗﺎﺑﻞ ﺍﺣﻨﻪ ﺍﺟﺎﻧﺐ ﻭﻧﺴﻤﻲ ﻣﻴﺮﻱ ﻭﺗﻴﺮﻱ ﻭ ﺍﺳﻤﺎﺀ ﻣﺪﺭﻱ ﺷﻠﻮﻧﻬﺎ
ﺭﻓﻞ .. ﺭﻓﻌﺘﻠﻪ ﺭﺍﺳﻲ ﻛﺘﻠﻪ ﻋﻠﻰ ﻓﻜﺮﻩ ﺍﻧﺘﻪ ﻛﻮﻭﻭﻭﻭﻟﺶ ﺗﻘﻠﻴﺪﻱ ..
ﺣﺎﺭﺙ .. ﻭﻋﻔﻜﺮﻩ ﺍﻧﻪ ﻛﻮﻭﻭﻭﻭﻭﻟﺶ ﻣﺸﺘﺎﻗﻠﺞ
ﺭﻓﻞ .. ﻫﻬﻬﻬﻬﻬﻬﻬﻬﻬﻪ ﺑﻠﻠﻪ ﺑﺮﺑﻚ ﻛﻮﻝ ﻛﻮﻟﺶ
ﺣﺎﺭﺙ .. ﺟﺎ ﻏﻴﺮ ﺍﻧﺘﻲ ﺧﺎﺑﺼﺘﻨﻲ ﻛﻮﻟﺶ ﻭ ﻛﻮﻟﺶ ﻟﺞ ﺑﺎﺑﺎ ﺍﺳﻤﻬﺎ ﻛﻠﻠﻠﻠﻠﻠﻠﻠﻠﺶ
ﺭﻓﻞ .. ﻫﻬﻬﻬﻬﻬﻬﻬﻬﻬﻪ
ﺣﺎﺭﺙ .. ﺻﻮﺗﺞ ﻳﻤﻌﻮﺩﻩ ﻓﻀﺤﺘﻴﻨﻪ ..
ﺭﻓﻞ .. ﺣﻠﻜﻚ ﻳﺼﻴﺮ ﻳﻀﺤﻚ ﻣﻦ ﺗﻜﻮﻝ ﻛﻠﻠﻠﻠﻠﻠﺶ
ﺣﺎﺭﺙ .. ﻫﻬﻬﻬﻬﻬﻪ .. ﻧﺎﻣﻲ ﻳﻠﻪ ..
ﺭﻓﻞ .. ﺍﻛﻮﻝ ﺻﺪﻭﻙ ﺍﻣﻚ ﻃﻠﻌﺖ ﺯﻋﻼﻧﻪ ﻣﻨﻚ
ﺣﺎﺭﺙ .. ﺍﻭﻝ ﺷﻲ ﻋﻴﺐ ﺗﻜﻮﻟﻴﻦ ﺍﻣﻚ .. ﻛﻮﻟﻲ ﺍﻣﻲ ﺍﻭ ﻋﻤﺘﻲ ﻭﺛﺎﻧﻲ ﺷﻲ ﺍﻱ ﺯﻋﻠﺖ
ﺭﻓﻞ .. ﻟﻴﺶ ﺯﻋﻠﺖ
ﺣﺎﺭﺙ .. ﻫﻴﺞ ﺳﺎﻟﻔﻪ .. ﻻﻥ ﺗﺤﺎﺟﻴﺖ ﻭﻳﺎﻫﺎ ﻋﻠﻴﺞ
ﺭﻓﻞ .. ﺣﺎﺭﺙ ﺻﺪﻭﻙ ﻫﻤﻪ ﻳﻜﺮﻫﻮﻧﻲ ﺑﺲ ﻣﺎ ﺍﺣﺐ ﺍﺣﺪ ﻳﺘﺄﺫﻩ ﺑﺴﺒﺒﻲ .. ﺭﻏﻢ ﺭﺟﻌﺖ ﻓﺎﻃﻤﻪ ﻭﺭﻩ ﺯﻭﺍﺟﻲ ﻭﺗﻀﺎﻳﻘﺖ
ﺑﺲ ﺳﻜﺘﺖ ﻟﺨﺎﻃﺮ ﺍﻃﻔﺎﻟﻚ ﻣﺎ ﺍﻛﺪﺭ ﺍﺍﺫﻳﻬﻢ ﺍﻻ ﺍﻧﻲ ﺍﻛﺪﺭ ﺍﻓﺮﺽ ﻣﺎ ﺍﺭﺟﻊ ﺍﻟﻲ ﺗﻌﻮﻓﻬﺎ ﺑﺲ ﻣﺎ ﺍﻛﺪﺭ ﺍﺍﺫﻳﻬﻢ
ﻭﺣﺘﻰ ﺍﻣﻚ ﺑﻌﺪﻫﺎ ﻣﺎ ﺗﻌﺮﻓﻨﻲ ﻭﻻﻥ ﻓﺎﻃﻤﻪ ﺑﺖ ﺍﺧﻮﻫﺎ ﺩﺗﻮﻛﻒ ﻭﻳﺎﻫﺎ ﺑﺲ ﻣﺎ ﺍﺣﺐ ﺗﺄﺫﻳﻬﺎ ﺑﺴﺒﺒﻲ ﻫﻴﻪ ﺗﺤﺒﻚ ﻭﻣﺎ ﺗﻜﺪﺭ ﺗﺒﺘﻌﺪ ﻋﻨﻚ ﺍﻧﺘﻪ ﻛﻮﻟﺸﻲ ﺑﺤﻴﺎﺗﻬﺎ
ﺣﺎﺭﺙ .. ﺍﺧﺬﺕ ﻧﻔﺲ .. ﺍﻋﺮﻑ .. ﺍﻧﺸﺎﻟﻠﻪ ﺑﺎﺟﺮ ﺍﺭﻭﺡ ﺍﺟﻴﺒﻬﺎ ﻭﺍﺭﺟﻌﻬﺎ ﻭﻳﻠﻪ ﻧﺎﻣﻲ .. ﺟﺮﻳﺘﻬﺎ ﻻﻳﺪﻱ ﺑﻘﻴﺖ ﺍﻟﻌﺐ ﺑﺸﻌﺮﻫﺎ ﻭﺍﻓﻜﺮ
ﺷﻔﺘﻬﺎ ﻏﻔﺖ ﻏﻄﻴﺘﻬﺎ ﻃﻠﻌﺖ ﺑﺮﺍ ﺍﺩﺧﻦ ﻃﻠﻌﺖ ﺍﺧﺘﻲ ﺭﺟﺎﺀ ﻛﺎﻟﺖ ﻫﺎ ﺧﻮﻳﻪ ﺷﻮ ﺻﺎﻓﺖ ﻭﺍﺩﺧﻦ ﺑﻬﻠﻴﻞ ﻛﺘﻠﻬﺎ ﻣﺎ ﺍﺭﺗﺎﺡ ﺑﺎﻟﺒﻴﺖ ﻭﺍﻣﻲ ﻣﺎﺑﻴﻪ
ﻛﺎﻟﺖ ﺑﺎﺟﺮ ﻣﻦ ﺍﻟﺼﺒﺢ ﺍﻧﻪ ﻭﻳﺎﻙ ﻧﺮﻭﺡ ﻧﺠﻴﺒﻬﺎ .. ﻛﺘﻠﻬﺎ ﻫﻴﻪ ﻭﻳﻦ ﺭﺍﺣﺖ .. ﻛﺎﻟﺖ ﻟﺒﻴﺖ ﺧﺎﻟﻲ ﺳﻠﻤﺎﻥ .. ﻛﺘﻠﻬﺎ ﺍﻧﺸﺎﻟﻠﻪ .. ﻳﻠﻪ ﺗﺼﺒﺤﻴﻦ ﻋﻠﻰ ﺧﻴﺮ
ﺭﺣﺖ ﺩﺧﻠﺖ ﻏﺮﻓﺔ ﻓﺎﻃﻤﻪ ﻧﺎﻳﻤﻪ ﻋﻠﺴﺮﻳﺮ ﻣﺎ ﺍﺩﻧﻴﺘﻠﻬﺎ ﻧﺰﻟﺖ ﻟﻠﻜﺎﻉ ﺑﺴﺖ ﺟﻬﺎﻟﻲ ﻭﻏﻄﻴﺘﻬﻢ ﻭﺟﺎﻱ ﺍﻛﻮﻡ ﻟﺰﻣﻨﻲ ﻣﺼﻄﻔﻰ ﺍﺑﻨﻲ .. ﺍﺗﻤﺪﺩﺕ ﻳﻤﻬﻢ ﺑﻔﺮﺍﺷﻬﻢ ﻭﻧﻤﺖ
ﻛﻌﺪﺕ ﺍﻟﺼﺒﺢ ﻟﻜﻴﺖ ﻣﺮﺗﻀﻰ ﻧﺎﻳﻢ ﻋﻠﻰ ﺻﺪﺭﻱ ﻭﻣﺼﻄﻔﻰ ﺷﺎﺑﻜﻨﻲ ﻭﻧﺎﻳﻢ .. ﺑﺴﺘﻬﻢ ﻭﻋﺪﻟﺖ ﻧﻮﻣﺘﻬﻢ ﻭﻏﻄﻴﺘﻬﻢ ﻭﻛﻤﺖ ﺭﺣﺖ ﻟﻐﺮﻓﺔ ﺭﻓﻞ ﺑﻌﺪﻫﺎ ﻧﺎﻳﻤﻪ
ﺑﺪﻟﺖ ﻭﺑﺴﺘﻬﺎ ﺑﺨﺪﻫﺎ ﻭﻃﻠﻌﺖ ﻟﻜﻴﺖ ﻓﺎﻃﻤﻪ ﺑﺎﻟﻤﻄﺒﺦ .. ﻛﺎﻟﺖ ﺳﻮﻳﺘﻠﻚ ﺍﻟﺮﻳﻮﻙ .. ﺳﻮﻳﺖ ﻧﻔﺴﻲ ﻣﺎ ﺳﻤﻌﺖ ﻭﻃﻠﻌﺖ ﻟﺪﻭﺍﻣﻲ ..
ﺍﺷﺘﻐﻠﺖ ﻭﻛﻤﻠﺖ ﺧﺎﺑﺮﺕ ﺍﺧﺘﻲ ﺭﺟﺎﺀ ﻛﺘﻠﻬﺎ ﺑﺪﻟﻲ ﺍﻧﻪ ﺟﺎﻱ ﻋﻠﻤﻮﺩ ﻧﺮﻭﺡ ﻻﻣﻲ ﻛﺎﻟﺖ ﻳﻠﻪ .. ﻣﺮﻳﺖ ﺍﺧﺬﺗﻬﺎ ﻣﻦ ﺍﻟﺒﺎﺏ
ﺩﺧﻠﻨﻪ ﺑﻴﺖ ﺧﺎﻟﻲ ﺍﻣﻲ ﻧﺎﻳﻤﻪ .. ﻧﺰﻟﺖ ﺑﺴﺖ ﺭﺍﺳﻬﺎ .. ﻛﻌﺪﺕ ﻛﺎﻟﺖ ﺍﻓﺮﺝ ﻋﻨﻲ ﻣﺎ ﺍﺭﻳﺪﻙ .. ﻛﺘﻠﻬﺎ ﻫﺎﺍﺍﺍ ﻫﻮﻩ ﻋﻨﺪﺝ ﻏﻴﺮ ﺣﺮﻭﺛﻲ ﺑﺎﻟﺪﻧﻴﻪ .. ﺍﺷﻮ ﺑﺲ ﺍﻧﻪ ﻭﺍﻏﻤﺰﻟﻬﺎ
ﻛﺎﻟﺖ ﺍﻋﺘﺒﺮﺗﻚ ﻣﺘﺖ ﻣﺎ ﺍﺭﻳﺪ ﺍﺑﻦ ﻋﻨﺪﻱ ﺑﻌﺪ .. ﻛﺘﻠﻬﺎ ﻫﻴﺞ ﻛﺎﻝ ﺍﻱ .. ﺟﺮﻳﺖ ﺍﺳﻼﺣﻲ ﻣﻦ ﺧﺼﺮﻱ ﺳﺤﺒﺖ ﺍﻗﺴﺎﻡ ﻭﺧﻠﻴﺘﻪ ﺑﺮﺍﺳﻲ
ﻭﻛﺘﻠﻬﺎ ﺳﺎﻣﺤﻴﻨﻲ ﻳﻤﻬﺎ .. ﺟﺎﻥ ﺗﺼﺮﺥ ﻳﻤﻤﻤﻤﻤﻪ ﻭﻟﻴﺪﻱ ﻭﺟﺮﺕ ﺍﻟﺴﻼﺡ ﻣﻨﻲ ﻭﺗﺼﺮﺥ ﺗﺸﺒﻴﻚ ﺗﺴﻮﺩﻧﺖ .. ﻛﺘﻠﻬﺎ ﺍﻱ ﻳﻤﻪ ﻭﺍﻧﺘﻲ ﻣﺎ ﻣﻮﺟﻮﺩﻩ ﺑﺎﻟﺒﻴﺖ ﺗﺴﻮﺩﻧﺖ
ﺿﺤﻜﺖ ﻛﺎﻟﺖ ﻣﺎ ﺗﻨﻜﺪﺭ ﻛﺘﻠﻬﺎ ﺗﺮﺑﺎﺕ ﺍﻳﻴﺪﺡ ﻳﻤﻪ ﻭﻏﻤﺰﺗﻠﻬﺎ .. ﻭﻛﻤﺖ ﺑﺴﺖ ﺭﺍﺳﻬﺎ … ﻳﺘﺒﻊ
🌺🌺🌺🌺
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .. ﻣﺘﺎﺑﻌﻪ ﻣﻤﺘﻌﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء