..
رواية امنت بالحشد الجزء الثالث | النهاية
للكاتبة زينب الموسوي
...
ﺍﻣﻨﺖ ﺑﺎﻟﺤﺸﺪ ٩
ﺯﻳﻨﺐ ﺍﻟﻤﻮﺳﻮﻱ
ﻓﻲ ﻣﻘﻮﻟﻪ ﻟﻼﻣﺎﻡ ﻋﻠﻲ ﻋﻠﻴﻪ ﺍﻟﺴﻼﻡ ﺍﺷﺪ ﻣﻦ ﺍﻟﻤﻮﺕ ﻓﻘﺪ ﺍﻻﺣﺒﺎﺏ
ﻭﺻﻒ ﺑﻠﻴﻎ ﻟﺤﻴﺎﺗﻲ ﻛﻞ ﺳﺎﻋﻪ ﻋﻨﺪﻱ ﺍﻣﻞ ﻳﺘﺼﻞ ﻭﻳﮕﻠﻲ ﻣﺎﺍﺳﺎﻓﺮ ﻭﺍﻋﻮﻓﭻ ﻛﻞ ﺩﻗﻴﻘﻪ ﺍﺷﻮﻑ ﺗﻠﻔﻮﻧﻲ ﻳﻤﻜﻦ ﺻﺎﻣﺖ ﻳﻤﻜﻦ ﻓﻲ ﺭﺳﺎﻟﻪ ﻣﻦ ﺣﻴﺪﺭ ﻛﻞ ﺩﮔﺖ ﺑﺎﺏ ﺍﺗﺼﻮﺭ ﺍﻣﻪ ﺟﺎﻳﻪ ﻋﻠﻴﻪ ﺍﻋﺘﺬﺭﺕ ﻋﻦ ﺍﻟﺪﻭﺍﻡ ﻛﻢ ﻳﻮﻡ ﻟﺰﻣﺖ ﺍﻟﻘﺮﺍﻥ ﻭﺍﻟﺼﻼﻩ ﻭﺍﻟﺪﻋﺎﺀ ﺑﺲ ﺍﺭﻳﺪ ﺍﺭﺗﺎﺡ ﺍﻟﺤﺴﺮﻩ ﺑﮕﻠﺒﻲ ﻣﻮﺗﺘﻨﻲ ﻭﺩﻱ ﺍﻃﻠﻌﻪ ﻟﮕﻠﺒﻲ ﻭﺍﻛﻠﻪ ﻛﺎﻓﻲ ﺑﺎﻗﻲ ﻳﻮﻡ ﻋﻠﻰ ﺳﻔﺮﻩ ﻛﺎﻓﻲ ﻳﺎﺗﺮﻯ ﻫﻮ ﻣﺜﻞ ﺣﺎﻟﻲ
ﺍﻟﺴﺒﺖ ﺑﺎﻟﻴﻞ ﺍﺗﺼﻠﺖ ﺑﻴﻪ ﺑﺎﺧﺮ ﻗﻄﺮﻩ ﻣﻦ ﻛﺮﺍﻣﺘﻲ ﻣﺠﺎﻭﺑﻨﻲ ﻭﺩﻳﺘﻠﻪ ﺭﺳﺎﻟﻪ
ﺣﺘﻰ ﻟﻮ ﺭﺍﺡ ﺗﺴﺎﻓﺮ ﺍﺑﻘﻰ ﺍﻧﺘﻈﺮﻙ ﻭﺑﺎﺏ ﻛﻠﺒﻲ ﻣﺴﺪﻭﺩ ﻋﻠﻴﻚ ﻭﻣﺴﺘﺤﻴﻞ ﺍﻓﺘﺤﻪ ﻭﺗﻄﻠﻊ ﻣﻨﻪ ﺗﮕﺪﺭ ﺗﻨﺴﺎﻧﻲ ﺑﺲ ﻣﺎﺍﮔﺪﺭ ﺍﻧﺴﺎﻙ ﺩﻳﺮ ﺑﺎﻟﻚ ﻋﻠﻰ ﺍﻋﺰ ﺷﻲ ﺑﺤﻴﺎﺗﻲ ﺩﻳﺮ ﺑﺎﻟﻚ ﻋﻠﻰ ﻧﻔﺴﻚ ﻭﺍﻟﻠﻪ ﻣﺎﻧﺪﻣﺎﻧﻪ ﻋﻠﻰ ﺍﻻﺭﺑﻊ ﺳﻨﻴﻦ ﺑﺲ ﻧﺪﻣﺎﻧﻪ ﻋﻠﻰ ﻛﻞ ﻳﻮﻡ ﺭﺍﺡ ﻳﻤﺮ ﺑﺪﻭﻧﻚ ﺧﻠﻲ ﺭﻗﻤﻲ ﻻﺗﻤﺴﺢ ﻳﻤﻜﻦ ﺑﺎﻟﻐﺮﺑﻪ ﺗﺤﻦ ﻟﺸﺨﺺ ﻳﺴﻤﻌﻚ ﺣﺘﻰ ﻟﻮ ﺑﻌﺪ ﺧﻤﺴﻴﻦ ﺳﻨﻪ ﺍﺟﺎﻭﺏ ﺍﺗﺼﺎﻟﻚ ﺭﻭﺡ ﺍﻟﻠﻪ ﻭﻳﺎﻙ ﻳﺎﺍﻏﻠﻰ ﻣﺎﻋﻨﺪﻱ ﺗﺬﻛﺮ ﻣﻦ ﺗﺮﺍﻫﻨﺖ ﻭﻳﺎﻱ ﺗﻨﺴﻴﻦ ﺗﻮﻡ ﻛﺮﻭﺯ ﻭﺗﺨﻠﻴﻨﻲ ﺍﺣﺒﻚ ﻓﺰﺕ ﺑﺎﻟﺮﻫﺎﻥ ﺣﻴﺪﺭ
ﮔﻮﻝ ﻋﻨﻲ ﻟﺰﻛﻪ ﻭﺭﻃﻪ ﻣﺎﻋﻨﺪﻱ ﻛﺮﺍﻣﻪ ﻣﺴﺘﻌﺪﻩ ﺍﻋﻴﺶ ﺑﺪﻭﻥ ﻛﺮﺍﻣﻪ ﺑﺲ ﺍﻧﺖ ﻳﻤﻲ ﺗﺬﻛﺮ ﺍﻻﻏﻨﻴﻪ ﺍﻟﻲ ﺳﻤﻌﺘﻬﺎ ﺍﻟﻲ ﻟﺤﺴﻴﻦ ﻧﻌﻤﻪ ﻭﻛﺘﻠﻲ ﺍﺣﻔﻀﻴﻬﺎ
ﮔﻠﻲ ﺷﮕﻠﺖ ﻭﺵ ﻗﺮﺭﺕ ﻭﻙ ﻳﺎﮔﻠﺐ
ﻧﺎﻭﻳﻦ ﻋﻞ ﺍﻟﻐﺮﺑﻪ ﻳﺘﺮﻛﻮﻧﻪ ﻏﺮﺏ ﻭﻙ ﻳﺎﮔﻠﺐ ﺑﺲ ﺍﻟﻤﻄﺮ ﻳﻤﺤﻲ ﺍﻻﺛﺮ ﻻﺳﭽﻪ ﻇﻠﺖ ﻻﺩﺭﺏ ﻭﻙ ﻳﺎﮔﻠﺐ
ﺷﻮﻑ ﺣﻔﻀﺘﻬﺎ
ﺳﺎﻓﺮ ﺣﻴﺪﺭ ﻭﻣﺎﻓﻜﺮ ﺣﺘﻰ ﺑﺠﺎﻭﺏ ﺭﺳﺎﻟﺘﻲ ﻭﺑﻌﺪ ﻳﻮﻣﻴﻦ ﻏﻴﺮ ﺍﻟﻔﺎﻳﺒﺮ ﻭﺍﻟﻮﺍﺗﺲ ﺍﺏ ﻭﺍﻟﻔﻴﺲ
ﺗﻐﻴﺮﺕ ﻛﻞ ﺣﻴﺎﺗﻲ ﺑﻌﺪﻩ ﺗﺤﻮﻟﺖ ﻣﻦ ﺍﻧﺴﺎﻧﻪ ﺗﺆﻣﻦ ﺑﺎﻟﺤﺐ ﺍﻟﻰ ﺍﻧﺴﺎﻧﻪ ﺗﻜﺮﻩ ﻛﻠﺸﻲ ﺍﻟﻪ ﻋﻼﻗﻪ ﺑﺎﻟﺤﺐ ﻭﺍﻫﺎﺟﻢ ﺍﻟﻨﺎﺱ ﻭﺍﻟﻤﺮﺿﻰ ﺗﺤﻮﻟﺖ ﺍﻟﻰ ﺩﻛﺘﻮﺭﻣﻬﻨﺪ ﺛﺎﻧﻲ ﺍﺻﻴﺢ ﻭﺍﻋﻴﻂ ﻋﻠﻰ ﺍﻟﻤﺮﺍﺟﻌﻴﻦ ﺑﺪﻭﻥ ﺳﺒﺐ ﻭﺍﺑﺘﻌﺪﺕ ﻋﻦ ﺍﻫﻠﻲ ﻭﺻﺪﻳﻘﺎﺗﻲ
ﻛﻨﺖ ﺭﺍﺟﻌﻪ ﻣﻦ ﺍﻟﺪﻭﺍﻡ ﻟﮕﻴﺖ ﺭﻓﻘﻪ ﺗﻀﺮﺏ ﺍﺑﻨﻬﺎ ﺑﺸﻜﻞ ﻭﺣﺸﻲ ﺭﻛﻀﺖ ﺍﺧﺬﺕ ﺍﻟﻮﻟﺪ ﻣﻨﻬﺎ ﻭﺻﺤﺖ ﻋﻠﻴﻬﺎ
ﺷﺒﻴﭻ ﺗﺨﺒﻠﺘﻲ ﺍﻟﻮﻟﺪ ﺷﻌﻠﻴﻪ ﺭﻭﺣﻲ ﻃﻠﻌﻲ ﻗﻬﺮﭺ ﺑﺎﻟﺮﺍﺡ ﻭﻋﺎﻓﭻ ﺍﺳﺘﻮﻋﺒﻲ ﻋﺎﻓﭻ ﺭﺍﺡ ﺗﺮﻛﭻ ﺍﻓﺘﻬﻤﺘﻲ ﺭﺍﺡ ﺑﻌﺪ ﻣﻴﺮﺟﻊ ﻏﻴﺮ ﺍﺭﻗﺎﻣﻪ ﻭﺳﺪ ﺍﻟﻔﻴﺲ ﺍﻓﺘﻬﻤﺘﻲ ﺍﻓﺘﻬﻤﺘﻲ ﺳﺎﻓﺮ
ﻛﺎﻧﺖ ﺍﻣﻲ ﻭﺍﺑﻮﻱ ﻭﺭﻓﻘﻪ ﻭﺍﻛﻔﻴﻦ ﻭﻳﺴﻤﻌﻮﻥ ﺻﻴﺎﺣﻲ ﻋﺮﻓﻮﺍ ﺍﻧﻲ ﻣﺪﺍ ﺍﻗﺼﺪ ﻇﺎﻓﺮ ﺍﻧﻬﺎﺭﻳﺖ ﻭﻛﻌﺖ ﺑﺎﻟﻜﺎﻉ ﺍﺧﺬﺗﻨﺎ ﺍﻣﻲ ﺑﺤﻀﻨﻬﺎ ﺍﻧﻲ ﻭﺭﻓﻘﻪ ﻭﺍﺛﻨﻴﻨﻪ ﻧﺒﭽﻲ ﺑﺎﻟﻴﻞ ﺍﻋﺘﺬﺭﺕ ﻣﻦ ﺭﻓﻘﻪ ﻭﺣﻠﻔﺘﻬﺎ ﻣﺘﻀﺮﺏ ﺟﻬﺎﻟﻪ ﻣﺮﺕ ﻋﻠﻴﻪ ﺳﺖ ﺍﺷﻬﺮ ﺍﺻﻌﺐ ﻣﻦ ﺍﻟﻤﻮﺕ ﺍﻟﻀﺤﻜﻪ ﻣﺎﺍﻋﺮﻓﻬﺎ ﻭﻛﻞ ﻳﻮﻡ ﺍﺩﮒ ﻋﻠﻰ ﺍﺭﻗﺎﻣﻪ ﺍﻟﺠﻮﺍﺏ ﻧﻔﺴﻪ ﺍﻟﺮﻗﻢ ﻏﻴﺮ ﻣﺴﺘﺨﺪﻡ
ﻓﺪ ﻳﻮﻡ ﻛﺎﻥ ﺟﺎﻳﺒﻴﻦ ﺟﺮﺣﻰ ﻣﻦ ﺍﻟﺤﺸﺪ ﺍﻟﺸﻌﺒﻲ ﻭﻃﺒﻌﺎ ﻣﻦ ﻳﺪﺧﻞ ﺟﺮﺣﻰ ﺍﻟﻜﻞ ﻳﺘﺤﻮﻝ ﻻﻧﻘﺎﺫﻫﻢ ﻭﺍﺳﻌﺎﻓﻬﻢ ﺍﻧﻲ ﻛﻨﺖ ﻭﺍﻛﻔﻪ ﻭﻻﺯﻡ ﺍﻟﻤﻮﺑﺎﻳﻞ ﻭﺍﺗﻔﺮﺝ ﺻﺎﺡ ﺩﻛﺘﻮﺭ ﻣﻬﻨﺪ ﺣﻈﺮﺗﭻ ﺧﻄﺎﺭ ﻋﺪﻧﺎ ﺍﻣﺸﻲ ﺍﻧﺠﺮﻱ ﺷﻮﻓﻲ ﺭﺑﻴﻌﻪ ﺑﻴﺎﻏﺮﻓﻪ ﻭﺳﺎﻋﺪﻳﻬﺎ ﺭﺑﻴﻌﻪ ﻛﺎﻧﺖ ﻛﺒﻴﺮﻩ ﺍﻟﻤﻤﺮﺿﺎﺕ ﺭﺣﺖ ﻋﻠﻴﻬﺎ ﻛﺎﻧﺖ ﺗﻀﻤﺪ ﻭﻟﺪ ﺷﺎﺏ ﻣﻦ ﺍﻟﺤﺸﺪ ﻭﻳﺎﻩ ﺻﺪﻳﻘﻪ ﻭﺍﻛﻒ ﻣﻼﺑﺴﻪ ﻛﻠﻬﺎ ﺩﻡ ﺷﺎﻓﺘﻨﻲ ﮔﺎﻟﺖ ﺗﻌﺎﻟﻲ ﺩﻳﺮﻳﻠﻪ ﺩﻡ ﺍﻟﻮﻟﺪ ﻧﺎﺯﻑ ﻫﻮﺍﻱ
ﻭﺍﻧﻲ ﺭﺍﻳﺤﻪ ﺍﺷﻮﻑ ﻏﻴﺮﻩ
ﻛﻨﺖ ﮔﺎﻟﺒﻪ ﻭﺟﻬﻲ ﻋﻠﻴﻬﻢ ﺍﺧﺬﺕ ﻛﻴﺲ ﺍﻟﺪﻡ ﻭﺩﺍ ﺍﺑﺪﻱ ﺑﺸﻐﻠﻲ ﺻﺪﻳﻘﻪ ﺣﭽﻰ
ﻋﻠﻰ ﻛﻴﻔﭻ ﻭﻳﺎﻩ ﺧﻮﻳﻪ ﻓﺪﻭﻩ ﻟﻬﺬﺍ ﺍﻟﻮﺟﻪ ﺍﻟﺤﻠﻮ ﺻﺪﮒ ﻣﻼﺋﻜﻪ ﺭﺣﻤﻪ
ﺧﻮ ﻣﺎﻛﻮ ﺷﻲ
ﺧﻴﺮ ﺍﺧﺘﻲ ﺍﻛﻮ ﺷﻲ ﻏﻠﻂ
ﺗﺮﻯ ﺳﺎﻣﻌﻴﻨﻬﺎ ﺳﻮﻻﻓﻚ ﻻﺗﻄﻜﻄﮕﻬﻦ ﻋﻠﻴﻨﺎ
ﻻﺧﻮﻳﻪ ﻣﺎﻋﻨﺪﻱ ﺳﻮﺍﻟﻒ ﺍﻃﻜﻬﻦ ﻋﻠﻴﭻ ﺑﺲ ﺍﺣﻨﺎ ﺍﺧﻮﺗﭻ ﻭﻧﺪﺍﻓﻊ ﻋﻨﭽﻦ ﺣﺘﻰ ﺗﻌﻴﺸﻦ ﺑﻜﺮﺍﻣﻪ
ﻭﻣﻨﻮ ﮔﺎﻟﻚ ﺍﺣﻨﺎ ﻧﺮﻳﺪ ﻧﻌﻴﺶ ﺧﻠﻮﻧﺎ ﻧﻤﻮﺕ ﻭﻧﺨﻠﺺ ﻭﺭﺣﻮﺍ ﻋﻴﺸﻮﺍ ﺣﻴﺎﺗﻜﻢ ﺑﺘﺮﻛﻴﺎ ﺑﺎﻟﻤﺎﻧﻴﺎ ﻭﺍﺣﻨﺎ ﺍﻟﻨﺎ ﺍﻟﻠﻪ
ﺍﻑ ﻋﻠﻴﭻ ﺗﻤﻮﺗﻦ ﻭﺍﺣﻨﺎ ﻣﻮﺟﻮﺩﻳﻦ ﭼﺎ ﺍﻟﻤﻦ ﺟﺎﺑﺘﻨﺎ ﺍﻻﻣﻬﺎﺕ
ﺍﮔﻠﻚ ﻟﻴﺶ ﻣﺎﻓﺪ ﻣﺮﻩ ﺗﺸﻐﻞ ﻃﻜﺖ ﻭﺍﻟﻤﺎﻃﻜﺖ ﻭﻧﻜﻌﺪ ﻧﺪﺑﭻ
ﺻﺎﺭ ﺍﺷﻐﻠﭻ ﺍﻳﺎﻫﺎ ﻭﺣﺘﻰ ﺍﻟﺠﺮﺣﻰ ﻫﻢ ﻳﺼﻴﺮ ﻋﺪﻫﻢ ﺣﻤﺎﺱ
ﺷﻐﻠﻬﺎ ﺑﺎﻟﻤﻮﺑﺎﻳﻞ
ﺍﺧﻮﻳﻪ ﺗﺮﻯ ﻫﺬﺍ ﻣﺴﺘﺸﻔﻰ ﻣﻮ ﺟﺒﻬﻪ
ﻭﻫﺬﺍ ﺍﻟﺪﻡ ﻋﻠﻰ ﻫﺪﻭﻣﻚ ﺷﻨﻮ ﻣﺠﺮﻭﺡ ﺍﻧﺖ
ﻻ ﻫﺬﺍ ﺷﻠﺖ ﺍﺑﻮ ﻛﺮﺍﺭ ﻋﻠﻰ ﺟﺘﻔﻲ ﻭﻣﺎﺗﺮﻛﺘﻪ ﻭﻫﺬﺍ ﺩﻣﻪ ﻋﻠﻰ ﻫﺪﻭﻣﻲ
ﻭﺍﺑﻮ ﻛﺮﺍﺭ ﺷﻠﻮﻥ ﺗﺼﻮﺏ
ﻗﻨﺎﺹ ﺗﻠﺚ ﺍﻳﺎﻡ ﻣﻄﻠﻊ ﺭﻭﺣﻨﺎ ﺍﺑﻮ ﻛﺮﺍﺭ ﮔﺎﻝ ﻟﻮ ﺭﻭﺣﻲ ﻟﻮ ﺭﻭﺣﻪ ﻭﮔﻒ ﺿﺮﺏ ﺍﺑﻮ ﻛﺮﺍﺭ ﺑﭽﺘﻔﻪ ﻭﺍﺑﻮ ﻛﺮﺍﺭ ﺿﺮﺑﻪ ﻃﺸﺮ ﺭﺍﺳﻪ
ﺑﻴﻪ ﺑﺨﺖ ﻟﻮ ﻣﻴﺖ ﻫﺴﻪ ﻛﺮﺍﺭ ﺍﺑﻨﻪ ﻇﻞ ﻳﻠﻢ ﻗﻮﺍﻃﻲ ﻭﻳﺒﻴﻊ ﻗﺎﺑﻞ ﺍﻟﺤﻜﻮﻣﻪ ﺭﺍﺡ ﺗﻬﺘﻢ ﺑﻴﻪ ﻭﺗﻨﻄﻴﻪ ﺭﺍﺗﺐ
ﺧﻮﻳﻪ ﺍﻧﺘﻲ ﺷﻜﻠﭻ ﻣﻀﺮﻭﺑﻪ ﺑﻮﺭﻱ ﻣﻦ ﺍﻟﺤﻜﻮﻣﻪ
ﺩﺭﻭﺡ ﺍﻧﺖ ﻭﺍﻟﺤﻜﻮﻣﻪ
ﻃﻠﻌﺖ ﻭﺭﺣﺖ ﻟﻐﺮﻓﻪ ﺛﺎﻧﻴﻪ ﺑﻘﻰ ﺍﻟﻮﻟﺪ ﻳﻮﻣﻴﻪ ﺭﺍﻳﺢ ﺟﺎﻱ ﻋﻠﻰ ﺻﺪﻳﻘﻪ ﻭﻳﺨﺘﻠﻖ ﺍﻻﻋﺬﺍﺭ ﺣﺘﻰ ﻳﺴﻮﻟﻒ ﻭﻳﺎﻱ ﻭﺍﺭﺩ ﻋﻠﻴﻪ ﺭﺩ ﻳﺴﻜﺘﻪ
ﺧﻮﻳﻪ ﺍﻟﻴﻮﻡ ﻣﺎﻣﺮﻳﺘﻲ ﻋﻠﻴﻨﺎ
ﻣﺤﺘﺎﺝ ﺷﻲ ﺻﺪﻳﻘﻚ ﺍﺫﺍ ﻣﺤﺘﺎﺝ ﮔﻮﻝ
ﺍﻧﺘﻢ ﻏﻴﺮ ﺗﻤﺮﻭﻥ ﺗﺸﻮﻓﻮﻥ ﺍﻟﻤﺮﻳﺾ
ﻻ ﺍﻟﻲ ﻳﺮﻳﺪ ﺷﻲ ﻳﺪﺯ ﺍﻟﻤﺮﺍﻓﻖ ﺍﻟﻲ ﻭﻳﺎﻩ ﻭﻧﺠﻲ
ﺯﻳﻦ ﻭﺍﻟﻲ ﻣﺎ ﻭﻳﺎﻩ ﻣﺮﺍﻓﻖ ﺷﻠﻮﻥ ﻳﻤﻮﺕ ﺑﻤﻜﺎﻧﻪ
ﻫﻮ ﻭﻳﻦ ﺍﻛﻮ ﻭﺍﺣﺪ ﺍﺫﺍ ﻣﻮ ﻭﻳﺎﻩ ﺧﻤﺴﻪ ﺳﺘﻪ ﻫﺴﻪ ﺍﺟﻲ ﺍﺷﻮﻓﻪ
ﺭﺣﺖ ﺩﺧﻠﺖ ﺍﻟﻮﻟﺪ ﻛﺎﻧﺖ ﺩﺭﺟﺔ ﺣﺮﺍﺭﺗﻪ ﻋﺎﻟﻴﻪ ﺍﻧﻄﻴﺘﻪ ﺍﺑﺮﻩ ﻭﻣﻀﺎﺩ ﻟﻼﻟﺘﻬﺎﺏ ﺳﺎﻟﻨﻲ ﺍﺑﻮ ﻛﺮﺍﺭ ﺍﻧﺘﻲ ﺷﺴﻤﭻ
ﻃﻴﺒﻪ
ﺍﺳﻢ ﻋﻠﻰ ﻣﺴﻤﻰ
ﺍﮔﻠﻜﻢ ﺍﻧﺘﻢ ﺣﺸﺪ ﻟﻮ ﺯﻭﺍﺣﻒ ﺍﻧﺖ ﻣﻮ ﻣﺘﺰﻭﺝ ﺷﺒﻴﻚ ﺑﻌﺪ
ﻭﺍﻧﻲ ﺷﮕﻠﺖ ﻫﻮ ﺳﻮﺍﻝ
ﻭﺟﺎﻭﺑﻨﺎﻙ ﻭﻛﺎﻓﻲ ﻭﺍﻧﺖ ﻣﻮ ﺗﻜﻮﻝ ﺣﺸﺪ ﻣﺘﺮﻭﺡ ﺗﻠﺘﺤﻖ
ﻣﺠﺎﺯ ﻳﻮﻣﻴﻦ ﻭﺗﺨﻠﺺ ﺍﺟﺎﺯﺗﻲ
ﺗﺮﺍﻫﻦ ﺍﻧﺘﻢ ﻣﻌﺮﻛﻪ ﻣﻄﺎﺑﻴﻦ ﺑﺎﻟﺨﻠﻔﻴﺎﺕ ﻭﻳﺠﻮﺯ ﺿﺎﺭﺑﺘﻜﻢ ﺷﻀﻴﻪ ﻣﻦ ﺑﻌﻴﺪ ﻭﻣﺨﻠﺼﻴﻨﻬﺎ ﻧﺖ ﻭﺳﻮﺍﻟﻒ
ﺟﺎﻭﺑﻨﻲ ﺍﺣﻨﺎ ﻣﻄﺎﺑﻴﻦ ﻣﻌﺎﺭﻙ ﺗﻌﺎﻟﻲ ﺷﻮﻓﻲ ﺍﻟﺘﻠﻔﻮﻥ ﻃﻠﻊ ﻣﻘﺎﻃﻊ ﻣﻌﺎﺭﻙ
ﺧﻮﺵ ﻓﻠﻢ ﻫﻨﺪﻱ ﻣﻘﻄﻊ ﻭﺍﺣﺪ ﺩﺍﺯﻩ ﺍﻟﻚ ﻭﺍﻧﺖ ﺗﺪﺯﻩ ﻟﻐﻴﺮﻙ
ﻟﭻ ﺑﺎﻭﻋﻲ ﺯﻳﻦ ﻫﺴﻪ ﺍﻧﻲ ﺍﻃﻠﻊ ﺷﻮﻓﻲ ﻣﻨﻮ ﻫﺬﺍ
ﺍﻱ ﺻﺪﮒ ﻳﻤﻪ ﻋﺰﺍ ﻫﺎﻱ ﺷﻨﻮ ﺣﺮﺏ ﻣﻦ ﺻﺪﻭﻙ
ﺍﺧﺬﺕ ﺍﻟﺘﻠﻔﻮﻥ ﻣﻦ ﺍﻳﺪﻩ ﻭﻇﻠﻴﺖ ﺍﺑﺎﻭﻉ ﻧﻔﺲ ﺍﺍﺣﻠﻢ ﺍﻟﻲ ﻋﻨﺪﻱ ﺍﻧﻔﺠﺎﺭ ﻭﺣﺮﺏ ﻭﻳﻄﻠﻊ ﺍﻟﺒﻄﻞ ﺷﺎﻳﻞ ﺍﻟﺒﻄﻠﻪ ﻫﺬﺍ ﺍﻟﻤﻘﻄﻊ ﺍﻟﻲ ﺍﺗﻤﻨﻴﺖ ﺍﻋﻴﺸﻪ ﺑﺲ ﺍﻟﺒﻄﻞ ﻣﺎﻟﺘﻲ ﺍﻧﻬﺰﻡ ﻭﻋﺎﻓﻨﻲ ﻭﮔﻌﺖ ﺩﻣﻮﻋﻲ ﺑﺪﻭﻥ ﺍﻣﺎﺩﺭﻱ ﺍﻧﺘﺒﻬﺖ ﺍﻟﻮﻟﺪ ﻳﮕﻠﻲ
ﺷﺒﻴﭻ ﺧﻔﺘﻲ ﻟﻌﺪ ﻟﻮ ﺍﺭﺍﻭﻳﭻ ﺍﻻﻗﺘﺤﺎﻡ ﺍﻟﺒﻴﻮﺕ ﻭﻛﻠﻬﺎ ﺩﻭﺍﻋﺶ
ﺍﻧﻄﻴﺖ ﺍﻟﺘﻠﻔﻮﻥ ﻭﮔﺘﻠﻪ ﺍﻟﻠﻪ ﻳﺤﻤﻴﻜﻢ
ﺑﻌﺪ ﻋﻨﺪﻱ ﻣﻘﺎﻃﻊ ﺍﻭﺩﻳﻬﺎ ﺍﻟﭻ ﻋﻠﻰ ﺍﻟﻔﻴﺲ
ﻃﺮﻳﻘﻪ ﺟﺪﻳﺪﻩ ﻟﻠﺰﺣﻒ ﻭﻛﻢ ﻭﺣﺪﻩ ﻏﻴﺮﻱ ﺩﺗﻮﺩﻳﻠﻬﺎ ﻫﺎﻱ ﺍﻟﻤﻘﺎﻃﻊ
ﺍﺧﺘﻲ ﺑﺲ ﻭﺍﻧﺘﻲ ﺍﺫﺍ ﺗﺮﻳﺪﻳﻦ
ﻻ ﺷﻜﺮﺍ ﺷﺎﻳﻔﻪ ﻫﺎﻱ ﺍﻟﺴﻮﺍﻟﻒ ﺑﺎﻻﻓﻼﻡ
ﺑﺲ ﻫﺎﻱ ﺣﻘﻴﻘﻪ ﻣﻮ ﻓﻠﻢ
ﻭﺍﻧﺘﻢ ﺗﺤﺎﺭﺑﻮﻥ ﻟﻮ ﺗﺼﻮﺭﻭﻥ
ﻧﺤﺎﺭﺏ ﻭﺍﺣﺪ ﺑﻴﻨﺎ ﻳﺼﻮﺭ ﻫﺎﻱ ﺍﻳﺎﻡ ﻣﻨﺮﻳﺪ ﻧﻨﺴﺎﻫﺎ ﻭﻣﺜﻞ ﻣﺎﺍﻟﺪﻭﺍﻋﺶ ﻳﺒﺜﻮﻥ ﻣﻘﺎﻃﻊ ﺗﺨﻮﻑ ﺍﻟﻨﺎﺱ ﺍﺣﻨﺎ ﻧﺼﻮﺭ ﺍﻟﺸﺠﺎﻋﻪ ﻭﺍﻟﺒﻄﻮﻟﻪ
ﺍﻟﻠﻪ ﻳﻨﺼﺮﻛﻢ ﻋﻠﻴﻬﻢ
....
ﺍﻣﻨﺖ ﺑﺎﻟﺤﺸﺪ ١٠
ﺯﻳﻨﺐ ﺍﻟﻤﻮﺳﻮﻱ
ﺛﺎﻧﻲ ﻳﻮﻡ ﻛﺎﻧﺖ ﻏﺮﻓﺔ ﺍﺑﻮ ﻛﺮﺍﺭ ﻣﻠﻴﺎﻧﻪ ﻧﺎﺱ ﺍﻫﻠﻪ ﻭﺍﺻﺪﻗﺎﺋﻪ ﺟﺎﻳﻴﻦ ﻣﻦ ﻏﻴﺮ ﻣﺤﺎﻓﻈﻪ ﻣﻦ ﺩﺍﺍﻃﻠﻊ ﻣﻦ ﺍﻟﻐﺮﻓﻪ ﻟﺤﻜﻨﻲ ﺍﻟﻮﻟﺪ ﻧﻔﺴﻪ
ﻃﻴﺒﻪ ﺑﺎﭼﺮ ﺍﻧﻲ ﻣﻠﺘﺤﻖ ﺗﺤﺘﺎﺟﻴﻦ ﺷﻲ
ﺍﻟﻠﻪ ﻋﻠﻴﻚ ﺷﻨﻮ ﻫﺬﺍ ﻣﺤﺘﺎﺟﻪ ﺷﻲ ﺷﺘﻘﺼﺪ
ﻟﻴﺶ ﺍﻧﺘﻲ ﺗﺮﺩﻳﻦ ﺗﺘﻌﺎﺭﻛﻴﻦ
ﺍﻱ ﺍﺭﻳﺪ ﺍﺗﻌﺎﺭﻙ ﻣﻤﻜﻦ ﺗﻮﺧﺮ ﻋﻦ ﻭﺟﻬﻲ
ﺣﺎﺿﺮ ﺍﻧﺘﻲ ﻣﺘﺰﻭﺟﻪ
ﻭﺍﻧﺖ ﺷﻜﻮ ﻏﻴﺮ ﻧﺎﺱ ﻫﺎﻱ
ﺧﻠﻰ ﻭﺭﻗﻪ ﻋﻠﻰ ﺍﻟﺸﺒﺎﻙ ﻋﺮﻓﺖ ﺭﻗﻤﻪ ﻓﺘﺤﺘﻬﺎ ﺭﻗﻢ ﻭﺍﺳﻤﻪ ﻣﺼﻄﻔﻰ ﺻﺤﺖ ﻋﻠﻴﻪ
ﻫﺎﻱ ﺍﻟﻮﺭﻗﻪ ﻧﺴﻴﺘﻬﺎ ﻫﻨﺎ ﺍﺧﺬﻫﺎ ﻻﺍﻓﺮﺝ ﺍﻟﻤﺴﺘﺸﻔﻰ ﻋﻠﻴﻚ
ﺷﺪﻋﻮﻩ ﺷﺎﻳﻔﻪ ﻧﻔﺴﭻ ﻭﺑﺲ ﺗﺼﻴﺤﻴﻦ ﺭﻗﻢ ﻣﺘﺮﻳﺪﻳﻦ ﺗﺎﺧﺬﻳﻪ ﺫﺑﻴﻪ ﻭﺧﻠﺺ ﻟﻴﺶ ﺗﻔﻴﻜﻴﻦ
ﺻﺪﻭﮒ ﺯﺍﺣﻒ ﺍﻧﺖ ﺑﺲ ﻧﻮﻉ ﺟﺪﻳﺪ
ﻋﻔﺘﻪ ﻭﺩﺧﻠﺖ ﻏﺮﻓﻪ ﺍﻟﻤﻤﺮﺿﺎﺕ ﺷﺎﻓﺘﻨﻲ ﺳﺠﻰ ﺷﺒﻴﭻ ﺍﻟﻴﻮﻡ ﻳﻤﺘﻰ ﺗﻨﺴﻴﻦ ﻭﺗﻌﻴﺸﻴﻦ ﺣﻴﺎﺗﭻ
ﺳﺠﻰ ﺑﺮﻭﺡ ﺍﺑﻮﭺ ﻋﻮﻓﻴﻨﻲ ﺑﺤﺎﻟﻲ
ﺷﺒﻴﻪ ﻫﺬﺍ ﺍﻟﻮﻟﺪ ﻭﻳﺎﭺ
ﺍﻧﻄﺎﻧﻲ ﺭﻗﻤﻪ ﻫﻮ ﺍﻧﻲ ﺍﻟﻲ ﺑﻘﻴﺖ ﻭﻳﺎﻩ ﺍﺭﺑﻊ ﺳﻨﻴﻦ ﺷﺤﺼﻠﺖ ﻣﻨﻪ ﺍﺩﻭﺭﻩ ﻫﺬﺍ ﺑﺎﻟﺤﺸﺪ ﻋﻠﻰ ﻳﺎﺳﺎﻋﻪ ﻳﻤﻮﺕ ﻧﺎﻗﺼﻪ ﻣﺼﺎﻳﺐ ﺍﻧﻲ
ﺩﻳﻠﻪ ﮔﻮﻣﻲ ﺷﻮﻓﻲ ﺷﻐﻠﭻ ﺩﻛﺘﻮﺭ ﻣﻬﻨﺪ ﻫﻮﺍﻱ ﻳﺸﻜﻲ ﻣﻨﭻ ﻫﺎﺍﻻﻳﺎﻡ
ﺩﺍﻓﻜﺮ ﺍﻧﺘﻘﻞ ﻟﻤﺴﺘﻮﺻﻒ ﺯﻏﻴﺮ ﻳﻤﻨﺎ ﻭﺍﺭﺗﺎﺡ
ﻭﺍﻻﻛﺮﺍﻣﻴﺎﺕ ﻏﻴﺮ ﺗﻤﻮﺗﻴﻦ ﻣﻦ ﺍﺍﺟﻮﻉ
ﻳﺎﺭﻳﺖ ﺍﻣﻮﺕ ﻭﺍﺧﻠﺺ ﻓﺪﻭﻩ ﺍﻃﻠﻌﻲ ﺷﻮﻓﻲ ﻫﺬﺍ ﺑﻌﺪﻩ ﻭﺍﮔﻒ ﻟﻮ ﺭﺍﺡ
ﺑﻌﺪﻩ ﻭﺍﮔﻒ ﺭﺍﻳﺤﻪ ﺍﺣﭽﻲ ﻭﻳﺎﻩ ﺑﻠﻜﻲ ﻳﻄﻠﻊ ﻧﻴﺘﻪ ﺧﻴﺮ ﻭﻳﺎﭺ
ﻻ ﺧﻴﺮ ﻭﻻﺷﺮ ﺍﺻﺮﻓﻴﻪ ﻭﺧﻠﺺ
ﻃﻠﻌﺖ ﻭﺍﺟﺖ ﺗﻀﺤﻚ ﺟﺒﺘﻠﭻ ﻣﻌﻠﻮﻣﺎﺕ
ﺍﺳﻤﻪ ﻣﺼﻄﻔﻰ ﻣﻦ ﺍﻟﺰﻋﻔﺮﺍﻧﻴﻪ ﻋﻨﺪ ﺍﺧﻮﺍﻥ ﺍﺛﻨﻴﻦ ﻣﺘﺰﻭﺟﻴﻦ ﻭﺍﺣﺪ ﺫﺍﺑﺤﻲ ﺩﺍﻋﺶ ﺑﺎﻟﻤﻮﺻﻞ ﻋﻨﺪﻩ ﺍﺧﺖ ﻭﺣﺪﻩ ﻭﺍﻣﻪ ﻣﻴﺘﻪ ﻳﻌﻨﻲ ﻣﺎﻋﻨﺪﭺ ﻋﻤﻪ ﺍﺑﻮﻩ ﻣﺘﺰﻭﺝ ﻭﻫﻮ ﻋﺎﻳﺶ ﻋﻨﺪ ﺍﺧﺘﻪ
ﻫﺬﺍ ﺣﻈﻲ ﺣﺘﻰ ﺑﻴﺖ ﻣﺎ ﻋﻨﺪﻩ ﺑﺎﻟﺰﻋﻔﺮﺍﻧﻴﻪ ﻳﻌﻨﻲ ﻳﻢ ﺑﻴﺖ ﺟﺪﻱ
ﻭﺧﺮﻳﺞ ﻣﺎﻣﺘﻌﻴﻦ
ﻳﺒﻮﻭﻭﻭﻩ ﺷﻨﻮ ﻗﺼﺘﻲ ﻭﻳﻪ ﺍﻟﻤﺎﻣﺘﻌﻴﻨﻴﻦ ﺍﻭﺯﻉ ﻋﻘﻮﺩ ﺍﻧﻲ
ﺍﻧﻄﻴﺘﻪ ﺭﻗﻤﭻ
ﺻﺪﻭﮒ ﺗﺤﭽﻴﻦ ﺷﻠﻮﻥ ﺗﺴﻮﻭﻳﻦ ﻫﻴﭻ ﻫﺴﻪ ﻋﺒﺎﻟﻪ ﺍﻧﻲ ﮔﺘﻠﭻ ﺍﻧﻄﻴﻪ
ﺍﺳﻜﺘﻲ ﻃﻴﺒﻪ ﺍﻟﻮﻟﺪ ﻋﺮﻑ ﺍﻧﺘﻲ ﺷﺎﻳﻔﻪ ﺭﻭﺣﭻ ﺍﺣﺠﻲ ﻭﻳﺎﻩ ﺑﻠﻜﻲ ﻳﻄﻠﻊ ﺑﻴﻪ ﺣﻆ ﻳﺘﺰﻭﺟﭻ
ﻟﭻ ﺑﺎﻟﺤﺸﺪ ﻳﻌﻨﻲ ﻳﻤﻮﺕ ﻭﺍﻟﻌﺮﺍﻕ ﻧﺎﻗﺺ ﺍﺭﺍﻣﻞ ﻭﺍﻳﺘﺎﻡ
ﻻﻣﻮﺕ ﺑﻜﻞ ﻣﻜﺎﻥ ﺭﺟﻞ ﺍﺧﺘﭻ ﻭﺍﺧﻮﭺ ﻛﺎﻧﻮﺍ ﺧﻀﺎﺭﻯ ﻻﺣﺸﺪ ﻭﻻﺟﻴﺶ ﻭﺍﻟﻨﺎﺱ ﺍﻟﻲ ﺗﻤﻮﺕ ﺑﺎﻻﻧﻔﺠﺎﺭﺍﺕ ﻃﻴﺒﻪ ﺍﻟﻲ ﻳﻀﻞ ﻳﻔﻜﺮ ﺑﺎﻟﻤﻮﺕ ﻋﻤﺮﻩ ﻣﻴﻌﻴﺶ
ﺷﻮﻓﻲ ﺍﻟﻮﻟﺪ ﺷﻴﺮﻳﺪ ﺍﺫﺍ ﻃﻠﻊ ﺯﺍﺣﻒ ﺑﻠﻮﻙ ﻭﺍﺧﻠﺼﻲ
ﻗﺒﻞ ﻧﻬﺎﻳﺔ ﺍﻟﺪﻭﺍﻡ ﺩﮒ ﺗﻠﻔﻮﻧﻲ ﻋﺮﻓﺖ ﻫﻮ ﺟﺎﻭﺑﺖ
ﺧﻴﺮ ﻣﺼﻄﻔﻰ ﺷﺮﺍﻳﺪ
ﻋﻨﺪﻱ ﻣﻘﻄﻊ ﻟﻠﻤﻌﺎﺭﻙ ﺍﺭﻳﺪ ﺍﺫﺯﻩ ﺍﻟﭻ ﺳﺠﻰ ﺗﮕﻮﻝ ﺗﺤﺒﻴﻦ ﺍﻓﻼﻡ ﺍﻻﻛﺸﻦ ﺍﻟﻤﻘﺎﻃﻊ ﻛﻠﻬﺎ ﺍﻧﻔﺠﺎﺭﺍﺕ ﻭﺑﻴﻬﺎ ﻧﻨﻘﺬ ﻃﻔﻠﻪ ﻣﻦ ﺑﻨﺎﻳﻪ
ﻭﺍﻟﻄﻔﻠﻪ ﻣﺎﺑﻴﻬﺎ ﺷﻲ ﻃﻠﻌﺖ
ﻣﻜﺴﺮﻩ ﺑﺲ ﻋﺎﻳﺸﻪ
ﻭﺍﻫﻠﻬﺎ ﻭﻳﻦ
ﻃﻠﻌﻨﺎﻫﻢ ﻛﻠﻬﻢ
ﺍﻧﻄﻴﻨﻲ ﺍﻟﻔﻴﺲ ﻭﺍﺩﺯﻫﺎ ﺍﻟﭻ
ﺍﻧﻲ ﻣﺎﻓﺘﺢ ﻓﻴﺲ ﻳﻤﻜﻦ ﺻﺎﺭ ﺷﻬﺮﻳﻦ
ﻣﻴﺨﺎﻟﻒ ﺍﻧﻄﻴﻨﻲ ﺍﺳﻤﻪ ﻭﺍﻭﺩﻳﻠﭻ ﻃﻠﺐ ﻭﺍﻗﺒﻠﻴﻪ
ﺍﻧﺖ ﻭﻳﻦ ﺗﺪﺍﻭﻡ
ﺑﺎﻻﻧﺒﺎﺭ ﺻﺎﺭ ﺷﻬﺮﻳﻦ
ﺭﺟﻌﺖ ﺩﺍﺯ ﻃﻠﺐ ﻗﺒﻠﺘﻪ ﻭﺑﺪﺍ ﻳﺪﺯ ﻣﻘﺎﻃﻊ ﻟﻠﻤﻮﺍﺟﻬﺎﺕ ﻭﺍﻟﻤﻌﺎﺭﻙ ﺍﺷﻮﻓﻬﺎ ﻭﺍﻣﻲ ﻫﻢ ﺍﺧﻠﻴﻬﺎ ﺗﺸﻮﻓﻬﺎ ﻭﺭﻓﻘﻪ ﻛﺎﻧﺖ ﺗﺸﻮﻓﻬﺎ ﻭﺗﺘﺸﻔﻰ ﺑﺎﻟﺪﻭﺍﻋﺶ ﻭﻛﺎﻥ ﻳﺪﺯ ﺭﺳﺎﺋﻞ ﻳﮕﻠﻲ ﺍﻟﻴﻮﻡ ﺗﻌﺮﺿﻨﺎ ﻟﻬﺠﻮﻡ ﺍﻟﻴﻮﻡ ﺍﻛﺘﺸﻔﻨﺎ ﺑﻴﺖ ﻣﻔﺨﺦ ﺍﻟﺼﻮﺭ ﻣﺎﻟﺘﻪ ﻭﻳﻪ ﺍﺻﺪﻗﺎﺋﻪ ﻛﺎﻧﺖ ﻣﺜﻞ ﺍﻻﻓﻼﻡ ﺍﻟﻲ ﻛﻨﺖ ﺍﺷﻮﻓﻬﺎ ﻭﺍﺗﻤﻨﻰً ﺍﻋﻴﺸﻬﺎ ﺑﺲ ﺣﻘﻴﻘﻴﻪ ﺍﻟﺒﻄﻞ ﺑﻴﻬﺎ ﻳﻄﻠﻊ ﺑﺎﻟﻨﻬﺎﻳﻪ ﻣﻨﺘﺼﺮ ﻭﻫﻮ ﻛﻠﻪ ﺩﻡ ﻭﺟﺮﻭﺡ ﻭﺗﺮﺍﺏ ﻭﻋﺮﮒ ﺑﻄﻮﻟﻪ ﻣﻤﺰﻭﺟﻪ ﺑﺎﻟﺠﻤﺎﻝ ﺍﻟﺮﺟﻮﻟﻪ ﺍﻟﻌﺮﺍﻗﻴﻪ ﻭﺍﺑﺘﺴﺎﻣﻪ ﺳﺎﺧﺮﻩ ﻣﻦ ﺍﻟﻤﻮﺕ ﺍﻻﺑﻄﺎﻝ ﺍﻟﻲ ﻛﻨﺖ ﺍﺷﻮﻓﻬﻢ ﺑﺎﻻﻓﻼﻡ ﺍﻟﺒﻄﻞ ﻳﻄﻠﻊ ﺑﺲ ﮔﺬﻟﺘﻪ ﻃﺎﻳﺮﻩ ﻛﻠﺸﻲ ﻣﺎﺑﻴﻪ
ﺍﺩﻣﻨﺖ ﺍﻟﻤﻘﺎﻃﻊ ﺍﻟﻲ ﻭﺩﻳﻬﺎ ﻭﺍﻣﻲ ﻭﺭﻓﻘﻪ ﻛﺎﻧﻦ ﻳﺴﺎﻝ ﻳﻮﻣﻴﻪ ﻋﻨﻪ ﻭﺍﻣﻲ ﺗﮕﻠﻲ ﻣﺎﺩﺯ ﺍﻟﻴﻮﻡ ﻣﻘﻄﻊ ﺍﺫﺍ ﺩﺯ ﺧﻠﻴﻨﻲ ﺍﺷﻮﻓﻪ
ﺍﺗﺼﻠﺖ ﺑﻴﻪ
ﻫﺎ ﻣﺼﻄﻔﻰ ﺍﺷﻮ ﺍﻟﻴﻮﻡ ﻣﺎﻛﻮ ﻣﻘﺎﻃﻊ ﺍﻣﻲ ﺗﺴﺎﻝ ﻋﻠﻴﻚ
ﻃﻴﺒﻪ ﺍﻟﻌﺘﺎﺩ ﺧﻠﺺ ﻭﻣﺤﺎﺻﺮﻳﻦ
ﻳﺎ ﻭﺷﻠﻮﻥ ﻟﻌﺪ ﺍﺧﺎﻑ ﺗﻤﻮﺗﻮﻥ
ﻭﺍﺫﺍ ﻣﺘﻨﺎ ﻳﻌﻨﻲ ﺍﺣﻨﺎ ﻧﺘﻄﻮﻋﻨﺎ ﺣﺘﻰ ﻧﻤﻮﺕ
ﻻ ﻣﺼﻄﻔﻰ ﻻﺗﮕﻮﻝ ﻫﻴﭻ ﻻﺗﻤﻮﺗﻮﻥ ﺍﻧﻄﻴﻨﻲ ﺭﻗﻢ ﻭﺍﺧﺎﺑﺮ ﻳﻮﺩﻭﻟﻜﻢ ﻋﺘﺎﺩ
ﻳﺎﺭﻗﻢ ﺻﺪﻙ ﺍﻧﺘﻲ ﺑﻄﺮﺍﻧﻪ
ﻭﭼﻤﺎﻟﻪ ﺗﻀﺤﻚ ﻭﻣﺎﻫﻤﻚ ﻫﺴﻪ ﺍﻭﺩﻱ ﻣﺴﺠﺎﺕ ﻋﻠﻰ ﺍﻟﻔﻀﺎﺋﻴﺎﺕ ﻭﺍﻓﻀﺤﻬﻢ ﺍﻛﻮ ﺟﻨﻮﺩ ﺑﺎﻟﺤﺮﺏ ﻳﺒﻘﻮﻥ ﺑﻼ ﻋﺘﺎﺩ
ﻫﺴﻪ ﺍﺗﺼﻠﻦ ﺑﺠﻤﺎﻋﺘﻨﺎ ﻳﻔﺘﺤﻮﻥ ﺛﻐﺮﻩ ﻭﻧﻄﻠﻊ
ﻳﻌﻨﻲ ﺷﻨﻮ ﻳﻔﺘﺤﻮﻥ ﺛﻐﺮﻩ
ﻣﺘﻌﺮﻓﻴﻦ ﺭﻭﺣﻲ ﺍﻟﺼﻮﺕ ﻣﺴﻤﻮﻉ ﻭﺟﻤﺎﻋﺘﻲ ﻣﻴﻘﺒﻠﻮﻥ ﻧﺠﺎﻭﺏ ﺗﻠﻔﻮﻧﺎﺕ
ﺑﺲ ﺍﺗﺼﻞ ﻣﻦ ﻳﺼﻴﺮ ﺣﻞ
ﻭﺍﺫﺍ ﻣﺎﺗﺼﻠﺖ ﺍﺗﺮﺣﻤﻴﻠﻲ
ﻳﻤﻪ ﺍﺳﻢ ﺍﻟﻠﻪ
ﻧﺰﻟﺖ ﮔﻠﺖ ﻟﻤﺎﻣﺎ ﻭﺭﻓﻘﻪ ﻭﻓﻌﻼ ﻛﺎﻧﺖ ﻗﻨﻮﺍﺕ ﺍﻻﻧﻮﺍﺭ ﺗﻨﻘﻞ ﻣﺤﺎﺿﺮﻩ ﻭﺩﺯﻳﻨﺎ ﺭﺳﺎﺋﻞ ﻻﻧﻘﺎﺫﻫﻢ ﻛﺎﻧﺖ ﻣﺤﺎﻭﻟﻪ ﻣﻦ ﺧﻮﻓﻨﺎ ﻋﻠﻴﻬﻢ ﺑﺲ ﻣﻨﻮ ﻳﺴﻤﻊ
ﺍﻟﻔﺠﺮ ﺍﺗﺼﻞ ﻣﺼﻄﻔﻰ
ﻫﺎ ﻣﺼﻄﻔﻰ ﺷﺼﺎﺭ
ﻣﺘﺖ ﻭﺍﺗﺼﻞ ﺑﻴﭻ ﻣﻦ ﺍﻟﺠﻨﻪ
ﻳﺎﺍﻟﺠﻨﻪ ﺑﻴﻬﺎ ﻣﻮﺑﺎﻳﻼﺕ
ﺍﻱ ﺟﻨﻪ ﻣﺎﻝ ﻋﺮﺍﻗﻴﻦ ﺣﺘﻰ ﻣﻮﻟﺪﺍﺕ ﻫﻢ ﺑﻴﻬﺎ
ﻳﺒﻮﻭﻭﻭﻩ ﻋﻠﻰ ﺣﻆ ﺍﻟﻌﺮﺍﻗﻴﻴﻦ ﺣﺘﻰ ﺑﺎﻟﺠﻨﻪ ﻫﻢ ﻣﻮﻟﺪﺍﺕ ﺻﺪﻭﻙ ﺷﺼﺎﺭ
ﻃﻴﺮﺍﻥ ﺿﺮﺑﻬﻢ ﻭﻃﻠﻌﻨﺎ
ﺗﺪﺭﻱ ﺍﺗﻤﻨﻰ ﺍﺭﻭﺡ ﻭﻳﺎﻛﻢ ﻭﻳﺼﻴﺮ ﺍﻧﻔﺠﺎﺭ ﻭﺍﻧﻲ ﺍﺻﺮﺥ ﻭﻛﻞ ﻣﺎﺍﻋﺒﺮ ﺧﻄﻮﻩ ﻳﺼﻴﺮ ﺍﻧﻔﺠﺎﺭ
ﻭﺍﻟﻠﻪ ﻣﺎﻣﺨﻠﻴﻪ ﻓﻠﻢ ﺍﻛﺸﻦ ﻣﺸﺎﻳﻔﺘﻪ
ﻟﻌﺪ ﺷﺴﻮﻱ ﻭﺍﻟﻤﺸﻜﻠﻪ ﺍﺻﺪﻛﻬﺎ ﻟﻼﻓﻼﻡ
ﻃﻴﺒﻪ ﺍﻧﺘﻲ ﻟﻴﺶ ﻇﺎﻟﻪ ﺣﺪﻳﻘﻪ ﺍﺷﻮ ﺣﻠﻮﻩ ﻭﺯﻏﻴﺮﻩ ﻭﻣﻮﻇﻔﻪ
ﻫﺎﻱ ﻗﺼﻪ ﻃﻮﻳﻠﻪ ﻳﻠﻪ ﺍﺭﻭﺡ ﺍﻛﻮﻝ ﻻﻣﻲ ﻣﺎﺑﻴﻚ ﺷﻲ
ﻟﻴﺶ ﺗﺘﻬﺮﺑﻴﻦ ﻣﻦ ﺍﻟﺴﺆﺍﻝ ﮔﻮﻟﻲ ﻣﻀﺮﻭﺑﻪ ﺑﻮﺭﻱ ﻭﺧﻠﺺ ﺑﺲ ﻫﺬﺍ ﺍﺑﻮ ﺍﻟﺒﻮﺭﻱ ﻫﻮ ﺍﻟﺨﺴﺮﺍﻥ ﺍﻧﺴﻴﻪ ﻭﺍﺑﺪﻱ ﻣﻦ ﺟﺪﻳﺪ
ﻣﺎﺑﻴﻪ ﺣﻴﻞ ﺑﻌﺪ ﺍﺑﺪﻱ ﻣﻦ ﺟﺪﻳﺪ ﻭﺻﻌﺐ ﺍﺻﺪﮒ
ﺣﻘﭻ ﻻﺯﻡ ﺗﺎﺧﺬﻳﻦ ﻭﻗﺘﭻ ﺍﻟﻰ ﺍﻥ ﺗﺼﺤﻴﻦ ﻳﻮﻡ ﺗﻠﮕﻴﻦ ﻧﻔﺴﭻ ﻧﺴﻴﺘﻲ
ﻭﺍﻧﺖ ﻻﺗﻜﻮﻟﻲ ﺣﺪﻳﻘﻪ ﻻﻥ ﺍﻛﻮﻝ ﺟﺬﺍﺏ
ﺍﺣﻨﺎ ﺍﻟﺤﺸﺪ ﻣﺤﺪ ﺗﺼﺎﺩﻗﻨﺎ ﻳﺨﺎﻓﻦ ﻣﻦ ﺍﻟﻤﻮﺕ ﻭﺑﻴﻬﻦ ﻳﻌﺮﻓﻨﺎ ﻓﮕﺮ ﻣﺎﻧﮕﺪﺭ ﻧﺪﺯ ﺍﺭﺻﺪﻩ ﻭﻻ ﺩﺑﺪﻭﺏ ﺑﻌﻴﺪ ﺍﻟﺤﺐ
ﺷﻨﻮ ﻗﺼﺘﻲ ﻭﻳﻪ ﺍﻟﻔﮕﻮﺭ ﺍﻧﻲ
ﺍﺧﺬﺗﻨﻲ ﺍﻻﻳﺎﻡ ﻭﻳﻪ ﻣﺼﻄﻔﻰ ﻭﺻﻮﺭ ﺍﺍﺣﺸﺪ ﻭﻣﻌﺎﺭﻛﻬﻢ ﺍﺗﺼﻞ ﺑﻴﻪ ﻓﺪ ﻳﻮﻡ
ﻃﻴﺒﻪ ﻣﻮ ﻛﻠﺘﻲ ﺗﺮﻳﺪﻳﻦ ﻣﻘﺎﻃﻊ ﺗﺸﻮﻓﻴﻬﺎ ﺍﺭﻳﺪ ﻟﻌﺪ ﺣﻀﺮﻱ ﻣﻨﺎﺩﻳﻞ ﺗﻤﺴﺤﻴﻦ ﺩﻣﻮﻋﭻ
ﺩﺯ ﺍﻟﻤﻘﻄﻊ ﻛﺎﻥ ﻋﻦ ﺍﺳﺘﺸﻬﺎﺩ ﺻﺪﻳﻘﻪ ﻭﻫﻤﻪ ﻳﻠﻘﻨﻮﻩ ﺍﻟﺸﻬﺎﺩﻩ ﻭﻣﻦ ﺧﻠﺺ ﺍﻟﻤﻘﻄﻊ ﺍﻧﻲ ﻭﺭﻓﻘﻪ ﻭﺍﻣﻲ ﺍﻧﻬﺎﺭﺕ ﺍﻟﺪﻣﻮﻉ ﻭﺍﻟﺼﺮﻳﺦ ﻭﺍﻟﺒﭽﻲ
ﺍﺗﺼﻞ ﺑﻴﻪ ﺑﻌﺪﻫﺎ ﻣﺼﻄﻔﻰ
ﺷﻔﺘﻴﻪ ﻃﻴﺒﻪ ﻫﺬﺍ ﺍﻟﻮﻟﺪ ﻛﺎﻥ ﻳﺤﺐ ﺑﻨﻴﻪ ﺳﻨﺘﻴﻦ ﻭﻗﺒﻞ ﺍﺳﺒﻮﻉ ﺧﻄﺒﻬﺎ ﺍﻫﻠﻬﺎ ﻣﺎﻗﺒﻠﻮﺍ ﻛﺎﻟﻮﺍ ﻫﺬﺍ ﻣﻴﺖ ﺍﻭﻝ ﻭﺗﺎﻟﻲ
ﻫﺬﻭﻟﻪ ﺍﻫﻠﻬﺎ ﻧﺎﻗﺼﻴﻦ ﻋﻘﻞ ﺭﺑﻨﺎ ﻳﮕﻮﻝ ﺍﻳﻦ ﻣﺎﻛﻨﺘﻢ ﻳﺪﺭﻛﻜﻢ ﺍﻟﻤﻮﺕ ﻭﻟﻮ ﻛﻨﺘﻢ ﻓﻲ ﺑﺮﻭﺝ ﻣﺸﻴﺪﻩ
ﻳﻌﻨﻲ ﺍﺫﺍ ﺍﺗﻘﺪﻣﻠﭻ ﻭﺍﺣﺪ ﺑﺎﻟﺤﺸﺪ ﺗﻘﺒﻠﻴﻦ
ﺑﺲ ﺑﺸﺮﻁ ﻳﺎﺧﺬﻧﻲ ﺍﺷﻮﻑ ﺍﻟﻤﻌﺎﺭﻙ ﻭﻳﻨﻘﺬﻧﻲ
ﻭﻳﻦ ﺍﺧﺬﭺ ﻣﺘﻜﻮﻟﻴﻠﻲ
ﺩﺍﺷﺎﻗﻪ ﺑﺲ ﺑﻌﺪ ﻭﻛﺖ ﻣﺼﻄﻔﻰ ﺍﻧﻄﻴﻨﻲ ﻣﺠﺎﻝ ﺍﻗﺮﺭ
ﺻﺎﺭﺕ ﻋﻨﺪﻩ ﺍﺟﺎﺯﻩ ﻭﺍﺟﻰ ﻟﻠﻤﺴﺘﺸﻔﻰ ﻛﺎﻧﺖ ﺑﻨﻴﻪ ﻃﻔﻠﻪ ﺟﺎﻳﺒﻴﻬﺎ ﻟﻠﻄﻮﺍﺭﻱ ﺷﺎﺭﺑﻪ ﻗﺎﺻﺮ ﻭﺍﺑﻮﻫﺎ ﺧﺎﺑﺺ ﺍﻟﻤﺴﺘﺸﻔﻰ ﻭﻛﻞ ﺷﻮﻳﻪ ﻳﻐﻠﻂ ﻭﻳﺴﺐ ﻣﺎﺗﺤﻤﻠﺘﻪ
ﻛﺎﻟﻚ ﺗﺮﻯ ﺍﺣﻨﺎ ﻣﻮ ﺧﺪﻡ ﻋﻨﺪﻙ ﺑﻨﺘﻚ ﺩﻳﻌﺎﻟﺠﻮﻫﺎ ﺑﻌﺪ ﻫﺎﻟﻐﻠﻂ ﻋﻠﻴﻤﻦ
ﻟﭻ ﺍﻧﺘﻲ ﺻﺎﺭ ﺳﺎﻋﻪ ﻭﺍﮔﻔﻪ ﻭﺗﺘﻔﺮﺟﻴﻦ ﺗﺪﺭﻳﻦ ﺍﻧﻲ ﻣﻨﻮ
ﻣﻨﻮ ﺍﻧﺖ ﻣﻴﻬﻤﻨﻲ ﺻﻮﺗﻚ ﻻﺗﻌﻠﻴﻪ ﻻ ﺍﺻﻴﺢ fps ﻳﻄﻠﻌﻮﻙ ﺳﺤﻞ
ﺧﻔﻮﺗﻴﻨﻲ ﻭﻳﻦ ﺩﻛﺘﻮﺭ ﻣﻬﻨﺪ ﺧﻠﻲ ﻳﺠﻲ ﻳﺸﻮﻑ ﻫﺎﻱ ﺍﻟﺴﺎﻗﻄﻪ ﺷﺘﻜﻮﻝ
ﻣﻦ ﮔﺎﻝ ﻫﺎﻱ ﺍﻟﻜﻠﻤﻪ ﻣﺼﻄﻔﻰ ﺩﻓﻌﻪ ﺑﺼﺪﺭﻩ ﻭﮔﻠﻪ ﻣﻨﻮ ﺍﻟﺴﺎﻗﻄﻪ ﻭﻟﻚ ﻫﺴﻪ ﺍﺩﻓﻨﻚ ﻫﻨﺎ ﺍﺫﺍ ﻣﺎﺗﻌﺘﺬﺯ
ﺍﻟﺘﻤﺖ ﺍﻟﻤﺴﺘﺸﻔﻰ ﻭﺍﻟﺤﻤﺎﻳﻪ ﺍﻟﻤﻨﺸﺄﺕ ﻳﺠﺮﻭﻫﻢ ﺍﺛﻨﻴﻨﻬﻢ ﻭﻛﺎﻧﺖ ﻧﺎﺱ ﺳﻤﻌﺘﻪ ﻭﻫﻮ ﻳﮕﻮﻝ ﻋﻨﻲ ﺳﺎﻗﻄﻪ ﻃﻠﻊ ﻣﺼﻄﻔﻰ ﻣﻦ ﺍﻟﻌﺮﻛﻪ ﻭﺳﺤﺒﻨﻲ ﻣﻦ ﺍﻳﺪﻱ
ﺗﻌﺎﻟﻲ ﻫﻨﺎ ﻋﻠﻴﻤﻦ ﺗﺘﻔﺮﺟﻴﻦ ﺍﻟﺸﻌﻮﺭ ﻭﻫﻮ ﻳﺴﺤﺒﻨﻲ ﻫﺬﺍ ﺍﻟﻤﻮﻗﻒ ﻛﻨﺖ ﺍﺗﻤﻨﻰ ﺍﻣﺮ ﺑﻴﻪ ﻭﻋﺸﺘﻪ ﺑﺨﻴﺎﻟﻲ ﻣﻦ ﺍﻧﻲ ﻃﻔﻠﻪ ﺑﻄﻞ ﻳﻨﻘﺬﻧﻲ ﻭﻳﺸﻴﻠﻨﻲ ﺑﺲ ﻫﻮ ﺳﺤﺒﻨﻲ ﻛﻨﺖ ﺍﺑﺘﺴﻢ ﻭﻫﻮ ﺻﺎﻳﺮ ﻋﺼﺒﻲ
ﻋﻠﻴﻤﻦ ﺗﻀﺤﻜﻴﻦ ﻣﻜﻴﻔﻪ ﺷﻨﻮ
ﺗﻮﻡ ﻛﺮﻭﺯ ﻭﺍﺣﻤﺪ ﺍﻟﺴﻘﺎ ﻋﺪﻫﻢ ﻧﻔﺲ ﺍﻟﻤﺸﻬﺪ ﺑﺎﻻﻓﻼﻡ
ﺷﺪﺗﺤﺠﻴﻦ ﺍﻧﺘﻲ ﺭﻭﺣﻲ ﺍﺷﺘﻜﻲ ﻋﻠﻴﻪ ﺧﻠﻴﻪ ﻳﻌﺘﺬﺭ
ﻣﺎﻛﻮ ﺩﺍﻋﻲ ﺍﻧﺖ ﻣﺎﻗﺼﺮﺕ ﻭﺍﻟﺤﻤﺎﻳﺎﺕ
ﺑﻬﺬﻟﻮﻩ
ﺍﻣﻨﺖ ﺑﺎﻟﺤﺸﺪ ١١
ﺯﻳﻨﺐ ﺍﻟﻤﻮﺳﻮﻱ
ﻇﻞ ﻣﺼﻄﻔﻰ ﻳﺘﺼﻞ ﺑﻴﻪ ﻭﻳﺪﺯ ﻣﻘﺎﻃﻊ ﺍﻟﻤﻌﺎﺭﻙ ﻭﺗﻌﺮﻑ ﻋﻠﻰ ﺍﻣﻲ ﻭﻳﺤﭽﻲ ﻭﻳﺎﻫﺎ ﺑﻬﺎﻱ ﺍﻟﻔﺘﺮﻩ ﺍﻧﺨﻄﺒﺖ ﺭﻗﻴﻪ ﺑﻨﺖ ﺍﺧﻮﻱ ﺣﺴﻴﻦ ﻭﺗﺨﺮﺝ ﺿﺮﻏﺎﻡ ﻭﺗﻌﻴﻨﺖ ﺭﺑﺎﺏ ﻣﺪﺭﺳﻪ
ﻛﺎﻥ ﻛﻞ ﻳﻮﻡ ﺍﻗﺘﻨﻊ ﺑﻤﺼﻄﻔﻰ ﺑﻄﻞ ﻻﺣﻼﻣﻲ ﺍﻧﻲ ﻣﺎﻛﻨﺖ ﺍﺩﻭﺭﺑﺎﻟﺒﻄﻞ ﺍﻟﻐﻨﻰ ﻭﺍﻟﺠﻤﺎﻝ ﻛﻨﺖ ﺍﺑﺤﺚ ﻋﻦ ﺍﻟﺸﺠﺎﻋﻪ ﻭﺍﻟﺒﻄﻮﻟﻪ ﺭﺟﻞ ﻳﺆﻣﻦ ﺑﺘﻐﻴﻴﺮ ﺍﻟﻮﺍﻗﻊ ﺣﺘﻰ ﻟﻮ ﻛﺎﻥ ﻫﺬﺍ ﺍﻟﺘﻐﻴﻴﺮ ﺛﻤﻨﻪ ﺣﻴﺎﺗﻪ ﺑﻄﻞ ﻳﻮﺍﺟﻪ ﺍﻟﻮﺍﻗﻊ ﻭﻣﻴﺮﺿﺦ ﺍﻟﻪ ﻭﻳﻨﻬﺰﻡ ﺑﺎﻟﻤﻮﺍﺟﻬﺔ ﻭﺍﻟﻈﺮﻭﻑ ﺍﻟﺼﻌﺒﻪ ﺻﺢ ﺍﻧﻲ ﺣﺒﻴﺖ ﺣﻴﺪﺭ ﺑﺲ ﺍﻛﺘﺸﻔﺖ ﻭﻳﻪ ﻣﺼﻄﻔﻰ ﺍﻟﻔﺮﻕ ﺑﻴﻨﻬﻢ ﺣﻴﺪﺭ ﻛﺎﻥ ﺍﻧﻬﺰﺍﻣﻲ ﻭﻣﺴﺘﺴﻠﻢ ﻟﻈﺮﻭﻓﻪ ﻭﺍﻟﺤﺐ ﻣﺎﺍﮔﺪﺭ ﻳﺨﻠﻴﻪ ﺍﻗﻮﻯ ﺍﻧﻬﺰﻡ ﻭﺗﺮﻛﻨﻲ
ﻭﻣﺼﻄﻔﻰ ﻛﺎﻥ ﻳﻌﻴﺶ ﻧﻔﺲ ﺍﻟﻈﺮﻭﻑ ﻟﻜﻦ ﻭﺍﺟﻪ ﻭﻗﺎﺗﻞ ﻭﻛﻞ ﻳﻮﻡ ﻳﻨﻘﺬ ﺣﻴﺎﺓ ﻧﺎﺱ ﻏﻴﺮﻩ ﻭﻳﻨﻄﻴﻬﻢ ﺍﻻﻣﻞ ﺑﺎﻟﺤﻴﺎﺓ ﻭﻣﺎﻧﺘﻈﺮ ﺍﺣﺪ ﻳﻨﻄﻴﻪ ﻭﻇﻴﻔﻪ ﺣﺘﻰ ﻳﻌﻴﺶ ﻭﺣﺘﻰ ﺍﻟﺤﺮﺏ ﻣﺎﻣﻨﻌﻪ ﻳﺤﺐ ﻭﻳﺤﻠﻢ
ﺗﻘﺪﻡ ﻣﺼﻄﻔﻰ ﻟﺨﻄﺒﺘﻲ ﺑﻌﺪ ﺳﻨﻪ ﻣﻦ ﺳﻔﺮ ﺣﻴﺪﺭ ﻣﺼﻄﻔﻰ ﻛﺎﻥ ﻳﻌﻴﺶ ﻣﻊ ﺍﺧﺘﻪ ﺑﺲ ﺍﻟﺒﻴﺖ ﻣﻠﻚ ﻭﺍﻟﺪﻩ
ﻭﺍﻟﺪﻩ ﻛﺎﻥ ﻳﻤﻠﻚ ﻣﺤﻠﻴﻦ ﻣﺆﺟﺮﺍﺕ ﻭﺍﻳﺠﺎﺭﻫﻦ ﻟﻤﺼﻄﻔﻰ ﻧﺸﺮﺕ ﺻﻮﺭﻩ ﺍﻳﺪﻱ ﻣﺨﻄﻮﺑﻪ ﺑﺎﻻﻧﺴﺘﺎ ﻛﻞ ﺍﻟﺒﻨﺎﺕ ﺗﺴﻮﻱ ﻫﻴﭻ ﻣﻦ ﺗﻨﺨﻄﺐ ﺍﺟﺘﻲ ﺗﻬﻨﺌﻪ ﻣﻦ ﻭﺍﺣﺪ ﻳﺘﺎﺑﻌﻨﻲ ﻣﻜﻨﺖ ﺍﻋﺮﻑ ﻫﻮ ﺣﻴﺪﺭ ﻭﮔﻠﻲ ﺍﻟﻲ ﺳﻮﻳﺘﻴﻪ ﺻﺢ ﻃﻴﺒﻪ ﺗﺴﺘﺎﻫﻠﻴﻦ ﻛﻞ ﺧﻴﺮ
ﻭﺍﻧﻲ ﻛﻨﺖ ﺍﻋﺮﻑ ﺍﻟﻲ ﺳﻮﻳﺘﻪ ﺻﺢ ﺣﻴﺪﺭﻛﺎﻥ ﻳﺤﺐ ﺑﺪﻭﻥ ﻗﺮﺍﺭ ﻭﺗﺮﻛﻨﻲ ﺑﺪﻭﻥ ﺳﺒﺐ ﻣﻘﻨﻊ ﻭﻟﻮ ﻣﺘﺰﻭﺟﻴﻦ ﻳﺘﺮﻛﻨﻲ ﺑﺎﻭﻝ ﺻﻌﻮﺑﻪ ﺗﻮﺍﺟﻪ ﺯﻭﺍﺟﻨﺎ
ﻣﺼﻄﻔﻰ ﺭﺍﺡ ﻳﺒﻘﻰ ﻭﻳﺤﺎﺭﺏ ﻭﻳﻨﻘﺬ ﺯﻭﺍﺟﻨﺎ ﻭﺍﻃﻔﺎﻟﻨﺎ ﻭﺣﻴﺎﺗﻨﺎ ﺍﻣﻨﺖ ﺑﻴﻪ ﻭﺷﺠﺎﻋﺘﻪ ﻭﺍﻧﻲ ﺍﺷﻮﻑ ﻣﻘﺎﻃﻊ ﺍﻟﻔﺪﻳﻮ
ﺍﻣﻨﺖ ﺑﻴﻪ ﻭﺍﻧﻲ ﺍﺳﻤﻌﻪ ﻳﻀﺤﻚ ﻭﮔﺒﺎﻟﻪ ﺩﻭﺍﻋﺶ ﻣﻨﺘﻈﺮﻳﻦ ﺍﻟﻠﺤﻈﻪ ﺍﻟﻲ ﻳﻘﺘﻠﻮﻩ
ﺍﻣﻨﺖ ﺑﻴﻪ ﻭﻫﻮ ﻳﻨﻘﺬ ﺍﻃﻔﺎﻝ ﻭﻧﺴﺎﺀ ﻣﺪﻧﻴﻴﻦ ﻣﺤﺎﺻﺮﻳﻦ
ﺍﻣﻨﺖ ﺑﻴﻪ ﻭﺍﻧﻲ ﺍﺷﻮﻓﻪ ﻳﻨﻄﻲ ﻣﻲ ﻟﻨﺎﺯﺡ ﻋﻄﺸﺎﻥ ﺍﻣﻨﺖ ﺑﻴﻪ ﻭﺍﻧﻲ ﺍﺷﻮﻓﻪ ﻳﻨﺤﻨﻲ ﺣﺘﻰ ﻧﺎﺯﺣﻪ ﺗﺼﻌﺪ ﻭﺗﺪﻭﺱ ﻋﻠﻰ ﻇﻬﺮﻩ ﻣﻮ ﻫﻮ ﺑﺲ ﺯﻣﻼﺋﻪ
ﺍﻣﻨﺖ ﺑﺎﻟﺤﺸﺪ ﺻﻨﻊ ﺭﺟﺎﻝ ﺗﻮﮔﻒ ﻭﺗﻤﻮﺕ ﻭﻣﺘﻨﻬﺰﻡ ﺗﻮﺩﻉ ﺍﺻﺪﻗﺎﺋﻪ ﻟﻠﺠﻨﻪ ﻭﺗﺮﺟﻊ ﻟﻨﻔﺲ ﺍﻟﻤﻜﺎﻥ ﻻﺧﻮﻑ ﻭﻻﺗﺮﺩﺩ ﻗﺮﺍﺭ ﻭﺍﺣﺪ ﺍﻟﻨﺼﺮ ﺑﺤﺎﻟﻪ ﺍﻟﻤﻮﺕ ﻭﺍﻟﻨﺼﺮ ﺑﺤﺎﻟﺔ ﺍﻟﺤﻴﺎﺓ ﺷﺠﺎﻋﻪ ﻧﺎﺩﺭﻩ ﺗﻤﻨﻴﺘﻬﺎ ﻭﻋﺸﺘﻬﺎ ﺑﻄﻔﻮﻟﺘﻲ ﻣﻊ ﺍﺑﻄﺎﻝ ﺍﻻﻓﻼﻡ ﻭﺟﺪﺗﻪ ﺣﻘﻴﻘﻪ ﻣﻊ ﻣﺼﻄﻔﻰ
ﺍﺧﺘﺎﺭﻳﺖ ﺭﺟﻞ ﻓﺨﻮﺭﻩ ﺍﻛﻮﻥ ﺯﻭﺟﻪ ﺍﻟﻪ ﻭﻫﻮ ﻋﺎﻳﺶ ﻭﺭﺍﺡ ﺍﻛﻮﻥ ﻓﺨﻮﺭﻩ ﺍﻛﺜﺮ ﺍﺫﺍ ﺍﻟﻠﻪ ﺭﺯﻗﻪ ﺍﻟﺸﻬﺎﺩﻩ ﻭﺯﺍﺩﻧﻲ ﺷﺮﻑ ﺍﺣﻤﻞ ﺟﺰﺀ ﻣﻨﻪ ﻓﻲ ﺍﺣﺸﺎﺋﻲ
ﺑﻘﻴﻪ ﺗﻔﺎﺻﻴﻞ ﻗﺼﺘﻲ
ﺗﺰﻭﺟﻨﺎ ﻗﺒﻞ ٨ﺍﺷﻬﺮ ﺭﻓﻘﻪ ﻭﺍﻃﻔﺎﻟﻬﺎ ﻳﻌﻴﺸﻮﻥ ﻓﻲ ﺑﻴﺖ ﻭﺍﻟﺪﻱ ﻭﺍﻧﻲ ﻭﺍﺧﻮﻱ ﺣﺴﻦ ﻧﺘﻜﻔﻞ ﺑﻤﺼﺎﺭﻳﻔﻬﻢ ﻭﺍﻟﺪﻱ ﺑﺎﻉ ﺑﻴﺘﻨﺎ ﻭﺍﻧﻄﻪ ﻟﺰﻭﺟﻪ ﺍﺧﻮﻱ ﺣﺼﻪ ﺍﺷﺘﺮﺕ ﺑﻴﺖ ﻋﺎﻳﺸﻪ ﺑﻴﻪ ﻫﻲ ﻭﺍﺑﻨﻬﺎ ﺿﺮﻏﺎﻡ ﻳﺸﺘﻐﻞ ﻭﺍﻟﺤﻤﺪ ﻟﻠﻪ ﻭﺳﻨﺎﺀ ﺍﺧﺘﻲ ﺗﺨﺮﺟﺖ ﻣﻦ ﺍﻟﻜﻠﻴﻪ ﻭﺑﺪﻭﻥ ﺗﻌﻴﻴﻦ ﻣﺨﻄﻮﺑﻪ ﻟﺼﺪﻳﻖ ﻣﺼﻄﻔﻰ
ﺣﻴﺪﺭ ﺑﻌﺪﻩ ﺑﺘﺮﻛﻴﺎ ﻭﺍﻣﻲ ﻭﺍﻣﻪ ﺑﻴﻨﻬﻢ ﺍﺗﺼﺎﻝ ﻭﺍﺧﻮﻩ ﺍﺟﺮﻯ ﻋﻤﻠﻴﻪ ﻧﺎﺟﺤﻪ ﻟﻌﻴﻨﻪ ﺣﻴﺪﺭ ﻣﻤﺘﺰﻭﺝ ﺑﺲ ﻳﻌﻤﻞ ﺑﺘﺮﻛﻴﺎ ﻣﺎﻧﺪﻣﺎﻧﻪ ﻋﻠﻰ ﻋﻼﻗﺘﻲ ﺑﻴﻪ ﻭﺳﺎﻣﺤﺘﻪ ﻋﻠﻰ ﻗﺮﺍﺭﻩ ﻓﻌﻼ ﻛﺎﻥ ﻟﺼﺎﻟﺤﻲ ﺍﻟﻘﺮﺍﺭ ﻭﺻﻠﻨﻲ ﻟﺤﻘﻴﻘﻪ ﺣﻴﺪﺭ ﻣﻜﺎﻥ ﺑﻄﻠﻲ ﺍﻟﻲ ﺍﺣﻠﻢ ﺑﻴﻪ ﻣﺼﻄﻔﻰ ﺍﻟﺤﺸﺪﺍﻭﻱ ﻛﺎﻥ ﺑﻄﻠﻲ ﻭﻣﻨﻘﺬﻱ ﻭﻛﻠﻲ ﺣﺮﺹ ﺍﻥ ﺗﺒﻘﻰ ﻋﻼﻗﺘﻨﺎ ﻏﺮﺍﻡ ﻭﺣﺐ ﻭﻣﺎﺍﺣﻮﻟﻬﺎ ﻟﺰﻭﺍﺝ ﻭﺑﺲ ﻭﺍﻧﺸﺎﺍﻟﻠﻪ ﺗﺒﻘﻰ ﻋﻠﻰ ﻃﻮﻝ ﺍﻟﻤﻘﺎﻃﻊ ﺍﻟﻲ ﻳﺪﺯﻫﺎ ﺗﺨﻠﻴﻨﻲ ﺍﺣﺲ ﺍﻧﻲ ﺍﺗﺰﻭﺟﺖ ﺍﺷﺠﻊ ﺭﺟﻞ ﺑﺎﻟﻌﺎﻟﻢ ﻭﻛﻠﻤﺔ ﺍﺣﺒﻪ ﻗﻠﻴﻠﻪ ﺑﺤﻘﻪ
ﻧﻬﺎﻳﻪ ﺍﻟﻘﺼﻪ ﺣﺒﻲ ﻭﺍﺣﺘﺮﺍﻣﻲ ﻟﻠﺤﺸﺪ ﻭﺍﺑﻄﺎﻟﻪ ﻭﺍﻧﺘﺼﺎﺭﺍﺗﻪ ﻭﻣﻨﻬﻢ ﺯﻭﺟﻲ ﻭﺣﺒﻴﺒﻲ ﻣﺼﻄﻔﻰ ﺍﺑﻮ ﻋﻠﻲ ﻗﺮﻳﺒﺎ ﺍﻧﺸﺎﺍﻟﻠﻪ
ﻭﺍﻟﺘﺤﻴﺎﺕ ﺍﻟﻜﻢ
ﺍﻟﻲ ﻳﺤﺐ ﺍﻟﺤﺸﺪ ﻳﻨﻄﻴﻨﺎ ﺗﻌﻠﻴﻖ
ﺍﻟﻠﻪ ﻳﻨﺼﺮﻫﻢ ﻭﻳﺤﻔﻈﻬﻢ
....
طبعاً في نهاية كل رواية فريق روايات - Novels
وتطبيقنا قصص عراقية / يتمنى لكم قراءة ممتعة / ويوم جميل
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
1 التعليقات:
إضغط هنا لـ التعليقاتكلش حبيت القصه وهواي اكو سوالف ضحكتني بس من متابعتي للقراءه جنت انقهر على الي مرت بي طيبه بس لان انتي اسم على مسما الله دزلج انسان طاهر والحشد انضل العمر كله نفتخر بيهم ونقدسهم لان خلصو العراق وحافضو عليه احسن من هواي ناس اسهل شي عليه تنهزم وتخلص نفسه وبس (الله يوفقكم ويسعدكم ويحفض مصطفى من كل شر وابقي على عفويتج وطيبتج اني حيل حبيتج)¤زهراء علي¤
تحويل كودإخفاء محول الأكواد الإبتساماتإخفاء