رواية في أرض الغرام انت دولتي ج2 الجزء الثاني عشر
للكاتبة الأميرة الموسوية
........
ﺩﺍﻟﻴﺎ .. ﻛﺎﻟﻲ ﻣﺴﻮﻳﻪ ﺣﺎﺩﺙ !!!!
ﻣﺘﺄﺛﺮﺕ ﻭﻻ ﺍﻧﺰﻋﺠﺖ ﺑﺲ ﺑﻨﻔﺲ ﺍﻟﻮﻗﺖ ﻻ ﻓﺮﺣﺖ ﻭﻻ ﺍﺗﺸﻤﺘﺖ .. ﺳﻜﺘﺖ ﻭﻛﺄﻧﻲ ﻣﺴﻤﻌﺖ ﺷﻲ .. ﺑﺼﻮﺕ ﻫﺎﺩﺉ ﻛﻠﺘﻠﻪ ..
_ ﻫﺴﻪ ﺣﺘﺮﻭﺡ؟ !
ﺍﺳﻴﺪ .. ﺍﻱ ﻻﺯﻡ ﺍﺭﻭﺡ ﻻﻥ ﺍﺑﻮ ﺍﺣﻤﺪ ﻣﻮ ﻫﻨﺎ ﺑﺎﻟﺸﻤﺎﻝ ﻭﻣﺤﺪ ﻳﻤﻬﺎ ، ﻛﺎﻟﻲ ﺭﻭﺡ ﻋﻠﻰ ﻣﺎ ﺍﻭﺻﻞ .
ﺩﺍﻟﻴﺎ .. ﺯﻳﻦ ﺣﻜﻮﻡ ﺍﺣﻈﺮﻟﻚ ﻣﻼﺑﺴﻚ ﻋﻠﻰ ﻣﺎ ﺗﺴﺒﺢ .
ﺍﺳﻴﺪ .. ﻻ ﻟﺘﻜﻮﻣﻴﻦ ﺍﻧﻲ ﺍﺑﺪﻝ ﻭﺍﺭﻭﺡ ﺍﺭﺟﻌﻲ ﻧﺎﻣﻲ .
ﺩﺍﻟﻴﺎ .. ﻣﻨﻌﺴﺎﻧﻪ ﻃﺎﺭﺕ ﺍﻟﻨﻮﻣﻪ .. ﺍﻧﺖ ﺭﻭﺡ ﺍﺳﺒﺢ ﻭﺍﻧﻲ ﺣﺤﻈﺮﻫﻢ .
ﺭﺍﺡ ﺩﺧﻞ ﻟﻠﺤﻤﺎﻡ ﻭﺍﻧﻲ ﻛﻤﺖ ﺣﻈﺮﺗﻠﻪ ﻣﻼﺑﺴﻪ ﻃﺒﻌﺎً ﻣﻦ ﻛﺪ ﻣﺎ ﻋﺸﺖ ﻭﻳﺎ ﺣﻔﻈﺖ ﻛﻞ ﺗﻔﺎﺻﻴﻠﻪ ﻭﻛﻞ ﻣﻼﺑﺴﻪ ﺭﻏﻢ ﻫﻮ ﻋﻨﺪﻩ ﻣﻼﺑﺲ ﻫﻨﺎ ﺍﻛﺜﺮ ﻣﻦ ﺍﻟﻤﺰﺭﻋﻪ ﺑﺲ ﺗﻘﺮﻳﺒﺎً ﻛﻮﻟﻬﻢ ﻧﻔﺲ ﺍﻻﺳﺘﺎﻳﻞ ﻭﺍﻻﻟﻮﺍﻥ ﻧﻔﺴﻬﺎ .. ﺍﻟﻤﻬﻢ ..
ﺣﻀﺮﺕ ﺍﻟﻤﻼﺑﺲ ﻭﻧﺰﻟﺖ ﺳﻮﻳﺘﻠﻪ ﮔﻬﻮﻩ ﺣﺘﻰ ﻳﺼﺤﺼﺢ ﻻﻧﻮ ﻫﺴﺘﻮﻩ ﻧﺎﻡ ﻣﺼﺎﺭﻟﻪ ﻫﻮﺍﻱ ﻭﺍﻛﻴﺪ ﺑﻌﺪﻩ ﻧﻌﺴﺎﻥ .. ﻟﻴﺮﻭﺡ ﻳﻐﻔﻰ ﻭﻳﺴﻮﻱ ﺣﺎﺩﺙ .. ﺳﻮﻳﺘﻬﺎ ﻭﺻﻌﺪﺕ .. ﻟﻜﻴﺘﻪ ﺩﻳﺒﺪﻝ !!
ﺍﺳﻴﺪ .. ﻭﻳﻦ ﺭﺣﺘﻲ؟ !
ﺩﺍﻟﻴﺎ .. ﻧﺰﻟﺖ ﺳﻮﻳﺘﻠﻚ ﻫﺬﻱ ﺣﺘﻰ ﺗﺸﺮﺑﻬﺎ .
ﺍﺳﻴﺪ .. ﻫﺎﻱ ﺍﻟﻲ؟ !!
ﺩﺍﻟﻴﺎ .. ﻻ ﺍﻧﻄﻴﻬﺎ ﻟﻠﺤﺮﺱ ﻣﻦ ﺗﻄﻠﻊ .
ﺍﺳﻴﺪ .. ﺍﻣﻤﻤﻢ ﻣﺎﺷﻲ ﺧﻠﻴﻬﺎ ﻉ ﺍﻟﻤﻴﺰ ﻭ ﺍﺭﺟﻌﻲ ﻧﺎﻣﻲ .
ﺩﺍﻟﻴﺎ .. ﺍﺷﻮﻛﺖ ﺣﺘﺮﺟﻊ؟ !
ﺍﺳﻴﺪ .. ﻣﺎ ﺍﺩﺭﻱ ﺣﺴﺐ ﺍﻟﻮﺿﻊ .
ﺩﺍﻟﻴﺎ .. ﻭﺍﻟﺤﺠﻴﻪ ؟ !!
ﺍﺳﻴﺪ .. ﺍﺷﺒﻴﻬﺎ ؟ !
ﺩﺍﻟﻴﺎ .. ﻻﺯﻡ ﺗﻌﺮﻑ ﻻﻧﻬﺎ ﺍﺧﺘﻬﺎ ..
ﺍﺳﻴﺪ .. ﺧﻠﻲ ﻧﺘﻄﻤﻦ ﻋﻠﻰ ﻭﺿﻌﻬﺎ ﺑﺎﻻﻭﻝ ﻭﺑﻌﺪﻳﻦ ﺍﻧﻲ ﺍﻧﻄﻴﻬﺎ ﺧﺒﺮ ، ﺍﻣﻲ ﻣﻮ ﻣﺎﻝ ﺻﺪﻣﺎﺕ .
ﺩﺍﻟﻴﺎ .. ﺍﻱ ﺯﻳﻦ .
ﺍﺳﻴﺪ .. ﻛﻤﻠﺖ ﻭﺷﺮﺑﺖ ﺍﻟﮕﻬﻮﻩ .. ﺭﺩﺕ ﺍﻃﻠﻊ ﭼﺎﻥ ﺍﺗﺬﻛﺮﺕ ﺷﻐﻠﻪ .. ﺍﻟﺘﻔﺘﺖ ﻋﻠﻴﻬﺎ ﻫﻲ ﻛﺎﻧﺖ ﻛﺎﻋﺪﻩ ﻉ ﺍﻟﺴﺮﻳﺮ ﻭﻣﺘﻐﻄﻴﻪ !!
_ ﻣﻌﻠﻴﺞ ﺑﺄﻳﻤﺎﻥ ﻭﺣﺎﻭﻟﻲ ﺗﺘﺠﻨﺒﻴﻬﺎ ﻣﺎ ﺍﺭﻳﺪ ﻣﺸﺎﻛﻞ .
ﺩﺍﻟﻴﺎ .. ﻫﻔﻔﻒ ﻣﻦ ﻳﺠﻴﺐ ﻃﺎﺭﻳﻬﺎ ﺗﻠﻌﺐ ﻧﻔﺴﻲ ﻣﺎﺍﻋﺮﻑ ﻟﻮﻳﺶ ﻣﻦ ﻳﺬﺫﻛﺮﻫﺎ ﻫﻮ ﺑﺎﻟﺬﺍﺕ ﺍﻧﻐﺚ ﻭﺍﺣﺲ ﺑﻐﻀﺐ .. ﺳﻜﺘﺖ ﻣﺤﺠﻴﺖ ﺷﻲ .
ﺍﺳﻴﺪ .. ﻭﻳﺎﻣﻦ ﺍﺣﺠﻲ؟ !
ﺩﺍﻟﻴﺎ .. ﺭﺍﺩﺕ ﺗﺤﺠﻲ ﻭﻳﺎ ﺍﺗﻔﻬﻤﻪ ﺍﻧﻮ ﻫﻲ ﻣﻤﺴﻮﻳﻪ ﺍﻱ ﻣﺸﻜﻠﻪ ﻭﻻ ﺣﺎﺟﻴﻪ ﻭﻳﺎﻫﺎ .. ﺑﺲ ﻓﻜﺮﺕ ﺍﻧﻮ ﻣﻮ ﻭﻗﺘﻬﺎ ﻫﺴﻬﺎ .. ﺍﻭﻙ .
.........
ﺍﺳﻴﺪ .. ﻳﻼ ﺍﻧﻲ ﺭﺍﻳﺢ ﻭﺍﺫﺍ ﺻﺎﺭ ﺷﻲ ﺧﺎﺑﺮﻳﻨﻲ .
ﻃﻠﻌﺖ ﻣﻦ ﺍﻟﺒﻴﺖ ﺑﻮﺟﻬﻲ ﻟﻠﻤﺴﺘﺸﻔﻰ ﺍﻟﻲ ﻛﺎﻝ ﻋﻠﻴﻬﺎ ﺭﺟﻞ ﺍﻳﻨﺎﺱ .. ﺩﺧﻠﺖ ﺳﺄﻟﺖ ﻋﻠﻴﻬﺎ ﻛﺎﻟﻮ ﺑﻌﺪﻫﺎ ﺑﺎﻟﻌﻨﺎﻳﻪ ﺍﻟﻤﺮﻛﺰﻩ ﻭﺣﺎﻟﺘﻬﺎ ﺧﻄﺮﻩ ﻧﻨﺘﻈﺮ ﻟﻠﺼﺒﺢ ﻭﺍﻧﺸﻮﻑ ﺑﻠﻜﻲ ﺗﺘﺤﺴﻦ ﻭﻋﻠﻰ ﺍﺳﺎﺳﻬﺎ ﻧﻜﺪﺭ ﺍﻧﺤﺪﺩ ﺍﻻﺿﺮﺍﺭ ﺍﻟﻲ ﺳﺒﺒﻬﺎ ﺍﻟﺤﺎﺩﺙ .
ﺑﻘﻴﺖ ﺍﻧﺘﻈﺮ ﻟﻠﺼﺒﺢ ﻭﺻﻞ ﺭﺟﻠﻬﺎ ..
ﺍﺑﻮ ﺍﺣﻤﺪ .. ﻫﺎ ﺑﺸﺮ ﺍﺳﻴﺪ ﺍﺷﻠﻮﻧﻬﺎ؟ !
ﺍﺳﻴﺪ .. ﻣﺎﻛﻮ ﺷﻲ ﺍﻥ ﺷﺎﺀ ﺍﻟﻠﻪ ، ﻫﺴﻪ ﻧﻌﺮﻑ ﺍﻟﻨﺘﻴﺠﻪ ﻫﻢ ﻛﺎﻟﻮ ﻧﻨﺘﻈﺮ ﺍﻟﺼﺒﺢ !
ﺑﻌﺪﻧﺎ ﺩﻧﺤﺠﻲ .. ﭼﺎﻥ ﻳﺠﻲ ﺍﻟﺪﻛﺘﻮﺭ .. ﻃﻠﻊ ﺻﺪﻳﻘﻲ ﻣﻦ ﺍﻳﺎﻡ ﺍﻟﺠﺎﻣﻌﻪ ﺷﺎﻓﻨﻲ ﻣﺎ ﺻﺪﻙ .. ﺳﻼﻡ ﻋﻠﻴﻨﺎ ﻭﺍﺷﻠﻮﻧﻚ ﻭﺍﺧﺒﺎﺭﻙ .. ﻣﻦ ﻫﺬﺍ ﺍﻟﺤﺠﻲ ..
ﺩ . ﺍﺑﺮﺍﻫﻴﻢ .. ﺧﻴﺮ ﺷﻌﻨﺪﻙ ﺑﺎﻟﻤﺴﺘﺸﻔﻰ ﺷﻨﻮ ﺭﺍﺡ ﺗﻨﻘﻞ ﻳﻤﻨﺎ؟؟
ﺍﺳﻴﺪ .. ﻻ ﻭﺍﻟﻠﻪ ﺑﺲ ﻋﻨﺪﻱ ﻣﺮﻳﻀﻪ ﻫﻨﺎ ﺍﻟﺒﺎﺭﺣﻪ ﺳﻮﺕ ﺣﺎﺩﺙ ﺣﺎﻟﺘﻬﺎ ﺧﻄﺮﻩ ﻭﻛﺎﻟﻮﺍﻟﺼﺒﺢ ﺑﻠﻜﻲ ﻳﺰﻳﻞ ﺍﻟﺨﻄﺮ .
ﺩ . ﺍﺑﺮﺍﻫﻴﻢ .. ﻻﺍﺍ ﺳﻼﻣﺘﻬﺎ .. ﻟﻌﺪ ﺷﻜﻮ ﺩﺗﻨﺘﻈﺮ ﻫﻨﺎ ﺗﻌﺎﻝ ﻟﻐﺮﻓﺘﻲ ﻭﺍﻧﻲ ﻫﺴﻪ ﺍﺷﻮﻓﻠﻚ ﻭﺿﻌﻬﺎ .
ﺍﺳﻴﺪ .. ﺍﻱ ﻭﺍﻟﻠﻪ ﺑﻠﻜﻲ ﺗﺸﻮﻓﻬﺎ ﻣﻦ ﺍﻟﺒﺎﺭﺣﻪ ﺍﻧﺘﻈﺮ ﻭﻣﻴﺨﻠﻮﻥ ﻭﺍﺣﺪ ﻳﺪﺧﻞ ﻟﻠﻌﻨﺎﻳﻪ ﻫﺴﻪ ﺑﺲ ﺍﻧﺮﻳﺪ ﻧﺘﻄﻤﻦ ﻉ ﺣﺎﻟﺘﻬﺎ .
ﺩ . ﺍﺑﺮﺍﻫﻴﻢ .. ﻫﺴﻪ ﺩﻗﺎﻳﻖ ﻭﺍﺟﻴﻚ ﺗﻌﺎﻝ ﺍﻧﺘﻈﺮﻭﻧﻲ ﺑﺎﻟﻐﺮﻓﻪ .
ﺍﺳﻴﺪ .. ﻛﻌﺪﻧﺎ ﺍﺑﺮﺍﻫﻴﻢ ﺑﻐﺮﻓﺘﻪ ﻭﺭﺍﺡ ﺻﺪﻙ ﺩﻗﺎﻳﻖ ﻭﺍﺟﺎﻧﻲ ﺑﻴﺪﻩ ﺍﻟﺘﺤﺎﻟﻴﻞ ﻭﺍﻭﺭﺍﻕ .. ﺑﺲ ﻭﺟﻬﻪ ﻣﻴﺒﺸﺮ ﺑﺨﻴﺮ !
ﺩ . ﺍﺑﺮﺍﻫﻴﻢ .. ﺍﻛﻮﻝ ﺍﺳﻴﺪ ﺍﺷﺘﻘﺮﺑﻠﻚ ﺍﻟﻤﺮﻳﻀﻪ ؟ !
ﺍﺳﻴﺪ .. ﺧﺎﻟﺘﻲ ﻭﻫﺬﺍ ﺯﻭﺟﻬﺎ .
ﺩ . ﺍﺑﺮﺍﻫﻴﻢ .. ﺍﻫﺎ .. ﻭﺍﻟﻠﻪ ﻣﺎﺍﻋﺮﻑ ﺷﻨﻮ ﺍﻛﻠﻚ ﺍﺗﻤﻨﻴﺖ ﻣﻮ ﺍﻧﻲ ﺍﻟﻲ ﺍﻧﻘﻠﻚ ﻫﺎﻻﺧﺒﺎﺭ ﺑﺲ ﺷﺴﻮﻱ ﺍﻟﺤﻆ ﺟﻤﻌﻨﺎ ﺍﻟﻴﻮﻡ !..
ﺍﺳﻴﺪ .. ﺍﺣﺠﻲ ﺍﺑﺮﺍﻫﻴﻢ ﺷﻜﻮ؟ !
ﺩ . ﺍﺑﺮﺍﻫﻴﻢ .. ﺍﻟﻤﺮﻳﻀﻪ ﻣﺘﻌﺮﺿﻪ ﺍﻟﺤﺎﺩﺙ ﻛﻠﺶ ﻗﻮﻱ ﻭﺍﺿﻄﺮﻭ ﻳﺒﺘﺮﻭﻥ ﺭﺟﻠﻬﺎ ﻭﺍﺣﺘﻤﺎﻝ ﺟﺪﺍً ﻛﺒﻴﺮ ﺍﻧﻮ ﺗﺼﻴﺮ ﻣﻘﻌﺪﻩ ﻻﻥ ﺍﻟﻌﻤﻮﺩ ﺍﻟﻔﻘﺮﻱ ﻣﺘﺄﺫﻱ ﻭﺑﻲ ﻛﺴﺮ .. ﻭﻫﺴﻪ ﻫﻴﻪ ﺑﻌﺪﻫﺎ ﻓﺎﻗﺪﻩ ﺍﻟﻮﻋﻲ ﻟﻤﺎ ﺗﺼﺤﻰ ﻭﺍﻧﻜﻤﻞ ﺍﻟﻔﺤﻮﺻﺎﺕ ﻧﺘﺄﻛﺪ ﻭﺍﻥ ﺍﺷﺎﺀ ﺍﻟﻠﻪ ﺍﻛﻮ ﺃﻣﻞ .
ﺍﺳﻴﺪ .. ﺭﻏﻢ ﺍﻧﻲ ﻛﻨﺖ ﻛﺎﺭﻫﺎ ﻻﻳﻨﺎﺱ ﺑﻌﺪ ﺍﻟﻲ ﺳﻮﺗﻪ ﺑﺲ ﻣﻦ ﺳﻤﻌﺖ ﻛﻼﻡ ﺍﺑﺮﺍﻫﻴﻢ ﺍﻧﻘﻬﺮﺕ ﻋﻠﻴﻬﺎ .. ﺍﺑﺎﻭﻉ ﻟﺮﺟﻠﻬﺎ ﻭﺟﻬﻪ ﺻﺎﺭ ﺍﺻﻔﺮ ﻭﻣﻼﻣﺤﻪ ﺍﻧﮕﻠﺒﺖ ﻣﺤﺠﻪ ﺷﻲ ﺑﺲ ﻭﺍﺿﺢ ﻋﻠﻴﻪ ﺍﻟﻘﻠﻖ !
ﺳﻠﻤﺖ ﻋﻠﻰ ﺍﻟﺪﻛﺘﻮﺭ ﻭﻃﻠﻌﻨﺎ .. ﺍﺷﻮﻳﻪ ﻭﺍﺟﻪ ﺍﺧﻮﻳﻪ ﻛﺮﺍﺭ ﺧﻮﺍﻟﻲ ٢ ﻭ ﺍﺣﻤﺪ ﺍﺑﻦ ﺍﻳﻨﺎﺱ .. ﺍﺗﺴﺎﻟﻤﻨﺎ ﻭﺳﺄﻟﻮﻧﺎ ﻉ ﻭﺿﻌﻬﺎ ﻛﻠﻨﺎﻟﻬﻢ ﻣﻨﺪﺭﻱ ﻋﻨﻬﺎ ﺷﻲ ﺍﻟﻰ ﺍﻥ ﺗﺼﺤﻰ ﻳﻼ ﻧﻌﺮﻑ !
ﻛﻌﺪﻧﺎ ﺑﺎﻟﺮﺩﻫﻪ ﺍﺷﻮﻳﻪ ﻭﺍﺟﻮ ﺍﻟﻤﻮﻇﻔﻴﻦ ﻛﺎﻟﻮ ﻣﻤﻨﻮﻉ ﺗﺒﻘﻮﻥ ﻫﻨﺎ .. ﻃﻠﻌﻨﺎ ﺑﺮﻩ ﺟﺮﻧﻲ ﺍﺑﻮ ﺍﺣﻤﺪ ﻛﺎﻟﻲ ﺍﻧﺖ ﻣﻦ ﺍﻟﺒﺎﺭﺣﻪ ﻫﻨﺎ ﺭﻭﺡ ﻟﺒﺘﻴﺘﻜﻢ ﺍﺭﺗﺎﺡ ﻭﺍﻧﻲ ﺍﺟﻴﺖ ﺑﻌﺪ ﻭﺗﺸﻜﺮ ﻣﻨﻲ !
.......
ﺍﺳﻴﺪ .. ﻻﺍﺍ ﺷﻨﻮ ﻫﺎﻟﺤﺠﻲ ﺍﺑﻮ ﺍﺣﻤﺪ ﺷﻨﻮ ﺍﻧﻲ ﻏﺮﻳﺐ ، ﻭﻣﺎﺍﺭﻭﺡ ﺍﻟﻰ ﻟﻦ ﺗﺼﺤﻰ ﻭﺍﺗﻄﻤﻦ ﻋﻠﻴﻬﺎ ﺣﺘﻰ ﺍﻛﻮﻝ ﺍﻻﻣﻲ ﻻﻧﻬﺎ ﻣﺘﺪﺭﻱ ﺑﺎﻟﺼﺎﻳﺮ ﺍﺻﻼً .
ﺍﺑﻮ ﺍﺣﻤﺪ .. ﺍﻱ ﻟﺘﻜﻠﻠﻬﺎ ﻟﻠﺤﺠﻴﻪ ﻭﺍﻧﻲ ﺑﺲ ﺗﺼﺤﻰ ﺍﺗﺼﻞ ﺑﻴﻚ ﻭﺍﻧﻄﻴﻚ ﺧﺒﺮ ﺭﻭﺡ ﺍﺭﺗﺎﺡ .
ﺍﺳﻴﺪ .. ﻟﺤﻴﺖ ﻭﻳﺎ ﺭﺩﺕ ﺍﺑﻘﻰ ﺑﺲ ﻫﻮ ﺍﺻﺮ ﺍﻧﻮ ﺍﺭﻭﺡ !
ﺍﻧﻲ ﻣﻦ ﺻﺪﻙ ﻛﻨﺖ ﻣﻜﺴﺮ ﺗﻜﺴﻴﺮ ﻭﻣﺎ ﻧﺎﻳﻢ ﺑﺲ ﻛﻠﺖ ﺯﺣﻤﻪ ﺍﻋﻮﻓﻪ ﻭﺣﺪﻩ .. ﺑﻌﺪ ﺍﻟﺤﺎﺡ ﻭﺍﺻﺮﺍﺭ ﻣﻨﻪ .. ﺭﺟﻌﺖ ﻟﻠﺒﻴﺖ .. ﺑﺲ ﺷﺮﺟﻌﺖ ﺭﺍﺳﻲ ﺻﺎﻳﺮ ﻃﺒﻞ ﻻ ﺭﺍﺣﻪ ﻭﻻ ﻧﻮﻡ ﻭﺍﻟﺘﻔﻜﻴﺮ ﻧﺨﺮ ﻋﻘﻠﻲ ﻧﺨﺮ .. ﺍﺭﻳﺪ ﺑﺲ ﺍﻟﺰﻡ ﺍﻟﻔﺮﺍﺵ ﺣﺘﻰ ﺍﻏﻤﺾ ﻋﻴﻮﻧﻲ ﻭﺍﻧﺎﻡ .. ﻭﺻﻠﺖ ﻟﻠﺒﻴﺖ ﺩﺧﻠﺖ ﻟﻠﻜﺮﺍﺝ .. ﺑﻌﺪﻧﻲ ﺑﺎﻟﺒﺎﺏ ﻭﺍﺳﻤﻊ ﺍﻟﻬﻮﺳﻪ ﻭﺍﻟﺼﻴﺎﺡ !!
ﺍﻳﻴﻴﻴﻲ ﺑﺪﺕ ﺭﺣﻤﺔ ﺍﻟﻠﻪ !!
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺑﺲ ﺭﻭﺣﻲ ﺻﺎﻳﺮﻩ ﺑﺨﺸﻤﻲ ﺍﺭﻳﺪ ﺑﺲ ﺍﻋﺮﻑ ﻣﻨﻮ ﻫﺎﻱ ﺍﻻﺩﺑﺴﺰ ﺍﻟﻲ ﺗﺼﻴﺢ ﻭﻛﺎﻟﺒﻪ ﺍﻟﺪﻧﻴﺎ .. ﺑﺎﻭﻋﺖ ﺑﺎﻟﺼﺎﻟﻪ ﻣﺤﺪ ﺑﺲ ﺍﻳﻤﺎﻥ ﻭﺍﻡ ﻋﺎﺩﻝ !!
ﺍﻡ ﻋﺎﺩﻝ ﻭﺍﻛﻔﻪ ﻭﻫﺎﻱ ﺍﻟﻌﺎﺭ ﺗﺼﻴﺢ .. ﺑﻘﻴﺖ ﺍﻧﻲ ﻭﺍﻛﻒ ﺍﺳﻤﻌﻬﺎ ﺷﺘﺤﺠﻲ ﻭﻫﻲ ﻣﺘﺪﺭﻱ ﻣﻠﺘﻬﻴﻪ ﺗﻠﻌﻠﻊ !...
ﺍﻳﻤﺎﻥ .. ﺍﺫﺍ ﻣﺎ ﻃﻠﻌﺘﺞ ﻣﻦ ﻫﺬﺍ ﺍﻟﺒﻴﺖ ﻭﻟﺒﺴﺘﺞ ﺍﻟﺒﺎﺏ ﻓﻼ ﺍﺗﺴﻤﻰ ﺍﻳﻤﺎﻥ .
ﺷﺎﻳﻔﻪ ﺭﻭﺣﻬﺎ ﻭﻣﺘﺘﺤﺎﺟﻪ ﻣﻦ ﺟﻤﺎﻟﺞ ﻫﺴﻪ ﺍﻧﺘﻲ ﻟﻮ ﻋﻠﻰ ﺣﺴﺒﺞ ﻭﻧﺴﺒﺞ .. ﻛﻠﺞ ﺧﻠﻚ ﻭﺣﺪﻩ ﻣﻬﺘﻠﻔﻪ ﻟﻤﺞ ﻣﻦ ﺍﻟﺸﺎﺭﻉ ﻣﻴﻨﻌﺮﻑ ﺍﺻﻠﺞ ﻣﻦ ﻓﺼﻠﺞ .. ﺟﺎﻳﻪ ﺗﺨﻠﻴﻦ ﺭﺍﺳﺞ ﺑﺮﺍﺳﻲ ﺍﻧﻲ ﺍﻋﻠﻤﺞ .
ﺍﺳﻴﺪ .. ﺍﻡ ﻋﺎﺩﻝ ﻣﻦ ﺷﺎﻓﺘﻨﻲ ﺭﺍﺩﺕ ﺗﺤﺠﻲ .. ﺍﻧﻲ ﺧﺰﺭﺗﻬﺎ ﺳﻜﺘﺖ ﻭﺭﺍﺣﺖ ﻟﻠﻤﻄﺒﺦ ﻭﻫﻲ ﺑﻘﺖ ﺗﺼﻴﺢ ﻣﺘﺪﺭﻱ ﺑﻴﻪ ﻭﺍﻛﻒ ﻭﺭﺍﻫﺎ .. ﻣﻦ ﺧﻠﺼﺖ ﻟﻐﻮﺗﻬﺎ ﺍﻧﺪﺍﺭﺕ ﺷﺎﻓﺘﻨﻲ ﻭﺭﺍﻫﺎ ..... ﺑﻠﻌﺖ ﺍﻟﻠﺴﺎﻧﻬﺎ .
ﺑﻘﺖ ﺻﺎﻓﻨﻪ ﺑﻮﺟﻬﻲ ﺑﻜﻞ ﺻﻼﻓﻪ ﺑﺲ ﻭﺟﻬﻬﺎ ﻳﻨﻄﻲ ﺍﻟﻠﻮﺍﻥ .. ﺑﺼﻮﺕ ﻫﺎﺩﺉ ﺑﺲ ﻣﻠﻴﺎﻥ ﻏﻀﺐ ..
_ ﺍﻧﻲ ﺷﻜﻠﺘﻠﺞ؟ !!
ﺍﻳﻤﺎﻥ .. ﺑﻴﻨﻬﺎ ﻭﺑﻴﻦ ﻧﻔﺴﻬﺎ .. ﻳﻤﻪ ﮔﻠﺒﻲ ﺭﺍﺡ ﻳﻮﻛﻒ ، ﻫﺬﺍ ﺻﺎﺭﻟﻪ ﺍﺷﻜﺪ ﻭﺍﻛﻒ ﻫﻨﺎ .. ﺑﺲ ﻻ ﺳﻤﻌﻨﻲ !!
ﺍﺳﻴﺪ .. ﺑﺼﻮﺕ ﺣﺎﺩ ﻭﻧﺒﺮﻩ ﺍﻋﻠﻰ .. ﻣﺎ ﺍﺳﻤﻊ؟ !!!
ﺍﻳﻤﺎﻥ .. ﺷﻮﻑ ﻗﺒﻞ ﻟﺘﻌﺼﺐ ﻭﻟﺘﺼﻴﺢ ﻣﻮ ﺻﻮﺟﻲ ﻫﻲ ﺍﻟﺒﺪﺕ .. ﻭﻣﻦ ﺷﺎﻓﺘﻚ ﺿﻤﺖ ﺭﺍﺳﻬﺎ .
ﺍﺳﻴﺪ .. ﺳﺄﻟﺘﺞ ﺟﺎﻭﺑﻴﻨﻲ .
ﺍﻳﻤﺎﻥ .. ﻣﻦ ﺷﺎﻓﺖ ﺍﺳﻴﺪ ﺍﺗﻠﺒﻜﺖ ﺑﺲ ﻣﻊ ﺫﻟﻚ ﺑﻘﺖ ﻉ ﻣﻮﻗﻔﻬﺎ ﻣﺎ ﺭﺍﺩﺕ ﺗﻀﻌﻒ ﺣﺘﻰ ﻻ ﺗﺘﺸﻤﺖ ﺑﻴﻬﺎ ﺩﺍﻟﻴﺎ ﺣﺴﺐ ﺗﻔﻜﻴﺮﻫﺎ .. ﺑﻤﻠﻞ .. ﻳﺒﻮﻭﻭﻭ ﺩﺭﻭﺡ ﺍﻧﺖ ﻭﺗﻬﺪﻳﺪﺍﺗﻚ ﻣﺘﺤﺎﺟﻴﻬﺎ ﻟﻮ ﻛﺎﺩﺭ ﺑﺲ ﻋﻠﻴﻪ .. ﻛﺎﻟﺖ ﻫﺎﻟﻜﻼﻡ .. ﻋﺎﻓﺘﻪ ﻭﺭﺍﺣﺖ
ﻣﺸﺖ ﻣﻦ ﻳﻤﻪ ﭼﺎﻥ ﻳﻠﺰﻣﻬﺎ ﻣﻦ ﺷﻌﺮﻫﺎ !...
ﺍﺳﻴﺪ .. ﻛﻨﺖ ﻭﺍﻛﻒ ﻭﻳﺎﻫﺎ ﻋﻠﻰ ﺷﻌﺮﺍﻳﻪ ﻭﻫﻲ ﻛﻄﻌﺘﻬﺎ .. ﺟﺮﻳﺘﻬﺎ ﻣﻦ ﺷﻌﺮﻫﺎ ﺑﻘﻮﻩ ﻭﺑﺼﻮﺕ ﺣﺎﺩ ﻭﻫﻤﺲ ﺑﺄﺫﻧﻬﺎ ..
_ ﻟﻤﻲ ﻏﺮﺍﺿﺞ ﺑﺴﺮﻋﻪ ﺍﻧﺘﻲ ﻃﺎﻟﻖ .. ﻃﺎﻟﻖ .. ﻃﺎﻟﻖ .. ﻭﺩﻓﻌﺘﻬﺎ ﻉ ﺍﻟﻜﺎﻉ
ﺍﻳﻤﺎﻥ .. ﻣﻦ ﺳﻤﻌﺖ ﺍﻟﻲ ﻛﺎﻟﻪ ﺍﺳﻴﺪ ﻓﻘﺪﺕ ﻋﻘﻠﻬﺎ .. ﻣﻜﺎﻧﺖ ﻣﺘﻮﻗﻌﻪ ﻳﻄﻠﻜﻬﺎ ﺑﻬﺎﻟﺴﻬﻮﻟﻪ ﻛﻞ ﻇﻨﻬﺎ ﺗﺨﻠﻲ ﻳﻜﺮﻩ ﺩﺍﻟﻴﺎ ﻭﻳﻄﺮﺩﻫﺎ .. ﺑﺲ ﺍﻟﻲ ﺻﺎﺭ ﺧﺒﻠﻬﺎ .. ﺯﺣﻔﺖ ﻉ ﺍﻟﻜﺎﻉ ﻭﻟﺰﻣﺖ ﺭﺟﻠﻴﻪ ... ﻻﺍﺍﺍﺍ ﻻ ﻻ ﺩﺧﻴﻠﻚ ﻟﺘﻄﻠﻜﻨﻲ ﻭﺍﻟﻠﻪ ﺍﻧﻔﻀﺢ ﺩﺧﻴﻠﻚ ﺷﺘﻜﻮﻝ ﻋﻠﻴﻪ ﺍﻟﻨﺎﺱ ، ﺍﺑﻮﻳﻪ ﻳﺬﺑﺤﻨﻲ ﺍﺫﺍ ﺭﺟﻌﺘﻠﻪ ﺍﻟﻠﻪ ﻳﺨﻠﻴﻚ ﻻ ﺗﻄﻠﻜﻨﻴﻴﻴﻲ !
ﺑﻌﺪﻫﺎ ﺗﺒﺠﻲ ﻭﺗﺼﻴﺢ ﻧﺰﻟﺖ ﺍﻟﺤﺠﻴﻪ
.......
ﺷﻜﻮﻭﻭ ﺍﻳﻤﺎﻥ ﺍﺷﺒﻴﺞ ؟ !
ﺍﻳﻤﺎﻥ .. ﻛﺎﻣﺖ ﻣﻦ ﻳﻢ ﺍﺳﻴﺪ ﻭﺭﻛﻀﺖ ﻟﻠﺤﺠﻴﻪ ﻟﺰﻣﺘﻬﺎ ﺍﻟﺤﻜﻴﻠﻲ ﻋﻤﻪ ﺍﺳﻴﺪ ﻃﻠﻜﻨﻲ ﺍﻟﻠﻪ ﻳﺨﻠﻴﺞ ﻛﻠﻴﻠﻪ ﻳﺮﺟﻌﻨﻲ .. ﻭﺍﻟﻠﻪ ﺍﺑﻮﻳﻪ ﺍﺫﺍ ﻋﺮﻑ ﻳﻤﻮﺗﻨﻲ ﺷﻜﻮﻝ ﻟﻠﻨﺎﺱ ﻳﻮﻣﻴﻦ ﻭﻃﻠﻜﻨﻲ ﻋﻤﻪ ﻓﺪﻭﻩ ﺣﺎﺟﻲ .. ﻭﺗﺒﺠﻲ !
ﺍﻟﺤﺠﻴﻪ .. ﺑﺼﻮﺕ ﺣﺎﺩ .. ﺍﻣﺸﻲ ﺭﻭﺣﻲ ﻟﻐﺮﻓﺘﺞ .
ﺍﻳﻤﺎﻥ .. ﺑﺪﻭﻥ ﺍﻱ ﻛﻼﻡ ﺭﻛﻀﺖ ﻟﻐﺮﻓﺘﻬﺎ .
ﺍﻟﺤﺠﻴﻪ .. ﺍﻧﺖ ﺷﻨﻮ ﻋﻨﺪﻙ ﺍﻟﻌﺎﻟﻢ ﻟﻌﺒﻪ ﺗﺘﺰﻭﺝ ﺑﻜﻴﻔﻚ ﻭﺗﻄﻠﻚ ﺑﻜﻴﻔﻚ .
ﺍﺳﻴﺪ .. ﺍﻱ ﺑﻜﻴﻔﻲ ﻭﻟﺤﺪ ﻳﺘﺪﺧﻞ .
ﺍﻟﺤﺠﻴﻪ .. ﻣﻮ ﺑﻜﻴﻔﻚ ﻣﺤﺪ ﻳﺪﺧﻞ ﺍﻫﻠﻬﺎ ﻳﻌﺮﻓﻨﻲ ﺍﻟﻲ ﻭﺍﻧﻲ ﺍﻟﺮﺣﺖ ﺧﻄﺒﺘﻬﺎ ، ﻭﺍﻧﻄﻮﻫﺎ ﺍﻟﻲ .. ﺷﻜﻠﻠﻬﻢ ﻫﺴﻪ ﺑﺘﻬﻢ ﻣﺎ ﺻﺎﺭﻟﻬﺎ ﺷﻬﺮ ﻣﻦ ﺍﺗﺰﻭﺟﺖ ﺗﺮﻭﺣﻠﻬﻢ ﻣﻄﻠﻜﻪ ؟ !
ﺍﺳﻴﺪ .. ﺍﻧﺘﻲ ﺍﻟﻲ ﺟﺒﺘﻴﻬﺎ ﻭﺍﻧﺘﻲ ﺍﻟﻲ ﺗﺘﺤﻤﻠﻴﻦ ﻣﺴﺆﻭﻟﻴﺘﻬﺎ .. ﻟﻮ ﻋﺎﺟﺒﺞ ﺗﻌﻠﻲ ﺻﻮﺗﻬﺎ ﻋﻠﻴﻪ ﻭﺗﺮﺩﻳﻨﻲ ﺍﺳﻜﺖ .
ﺍﻟﺤﺠﻴﻪ .. ﺍﺫﺍ ﺍﻧﺖ ﻣﺎ ﻋﻨﺪﻙ ﺍﺳﻠﻮﺏ ﺷﺘﺴﻮﻳﻠﻚ؟ !
ﺍﺳﻴﺪ .. ﻫﻪ ﻫﻲ ﻫﺎﻱ ﺍﻟﻲ ﻛﺪﺭﺗﻲ ﻋﻠﻴﻬﺎ .. ﻣﺎ ﻋﻨﺪﻱ ﺍﺳﻠﻮﺏ؟ !
ﻣﺮﻩ ﺗﻌﻠﻲ ﺻﻮﺗﻬﺎ ﻋﻠﻰ ﺭﺟﻠﻬﺎ ﻭﺗﻜﻠﻴﻠﻲ ﻣﺎ ﻋﻨﺪﻙ ﺍﺳﻠﻮﺏ؟ !
ﺍﺳﻤﻌﻴﻨﻲ ﺯﻳﻦ ﻳﻤﻪ ﺍﻧﻲ ﺳﻜﺘﺖ ﻉ ﺍﻟﻲ ﺳﻮﻳﺘﻲ ﺍﻧﺘﻲ ﻭﭼﻨﺘﺞ ﺍﻟﺜﺎﻧﻴﻪ ﻭﻣﺤﺠﻴﺖ ﺑﺲ ﻟﺘﺨﺘﺒﺮﻳﻦ ﺻﺒﺮﻱ ﺗﺮﻯ ﻭﺍﻟﻠﻪ ﺍﺗﺸﻮﻓﻮﻥ ﺷﻲ ﻋﻤﺮﻛﻢ ﻣﺸﻔﺘﻮ ﻣﻨﻲ .
ﺍﻟﺤﺠﻴﻪ .. ﺍﺗﻬﺪﺩﻧﻲ ﻳﺎ ﺍﺑﻦ ﺑﻄﻨﻲ؟ !
ﺍﺳﻴﺪ .. ﺍﻓﻬﻤﻲ ﺍﻟﻲ ﺗﻔﻬﻤﻲ .. ﻭﻫﺎﻱ ﻟﺤﻈﻪ ﻭﺣﺪﻩ ﻣﺘﺒﻘﻰ ﻫﻨﺎ ﺑﻌﺪ .
ﺍﻟﺤﺠﻴﻪ .. ﺷﺎﻓﺖ ﺍﺑﻨﻬﺎ ﻋﺼﺐ .. ﻭﺗﻌﺮﻓﻪ ﻟﻤﺎ ﻳﻌﺼﺐ ﻣﺤﺪ ﻳﻜﺪﺭ ﻳﻮﻛﻒ ﺑﻮﺟﻬﻪ .. ﻗﺮﺭﺕ ﺗﺘﺒﻊ ﻏﻴﺮ ﺍﺳﻠﻮﺏ ﻭﻳﺎ ﻋﺴﻰ ﻭﻟﻌﻞ ﻳﻮﺍﻓﻖ ﺗﺒﻘﻰ ﺍﻳﻤﺎﻥ ﻫﻨﺎ ﻻﻥ ﺍﺫﺍ ﺭﺍﺣﺖ ﻻﻫﻠﻬﺎ ﻣﻴﺼﻴﺮ ﺧﻴﺮ .. ﺍﺑﻮﻫﺎ ﻭﺍﺣﺪ ﺷﺮﺍﻧﻲ ﻭﻳﺪﻭﺭ ﻃﻼﻳﺐ ﻭﻓﺼﻮﻝ !..
ﺑﺼﻮﺕ ﻫﺎﺩﺉ .. ﺍﺳﻴﺪ ﻻ ﺗﺸﻠﻊ ﮔﻠﺒﻲ ﻭﺟﻮﺯ ﻋﻦ ﺍﻟﺒﻨﻴﻪ ﺧﻠﻴﻬﺎ ﺗﻜﻌﺪ ﻫﻨﺎ ﻭﺍﻧﻲ ﺍﻧﻄﻴﻚ ﻋﻬﺪ ﻣﺘﺴﻤﻊ ﺻﻮﺗﻬﺎ ﺑﻌﺪ .
ﺍﺳﻴﺪ .. ﺍﻧﺘﻲ ﻟﺘﺸﻠﻌﻴﻦ ﮔﻠﺒﻲ ﻭﺍﻃﻠﻌﻲ ﻣﻦ ﺍﻟﻤﻮﺿﻮﻉ .
ﺍﻟﺤﺠﻴﻪ .. ﺍﻭﻭﻭﻭﻑ ﻳﻤﻪ ﮔﻠﺒﻲ ﺭﺍﺡ ﻳﻮﻛﻒ .. ﻭ ﻭﻛﻌﺖ ﻉ ﺍﻟﺘﺨﻢ !! ( ﻛﺎﻟﻌﺎﺩﻩ ﻓﻠﻢ ﻣﻦ ﺍﻓﻼﻣﻬﺎ )
ﺍﺳﻴﺪ .. ﻣﻦ ﺷﺎﻑ ﺍﻣﻪ ﺍﺗﺨﺮﺑﻄﺖ ﺭﻛﺾ ﻋﻠﻴﻬﺎ .. ﻳﻤﻪ .. ﻳﻤﻪ ﺍﺷﺒﻴﺞ ﺣﺎﺟﻴﻨﻲ .. ﺍﻡ ﻋﺎﺍﺍﺍﺍﺍﺍﺍﺩﻝ ... ﺟﻴﺒﻲ ﻣﻲ ﺑﺴﺮﻋﻪ ﻭﻳﻴﻴﻴﻴﻴﻨﺞ .. ﺑﺴﺮﻋﻪ !!
ﺩﺍﻟﻴﺎ .. ﺑﻌﺪ ﻣﺎ ﺭﺍﺡ ﺍﺳﻴﺪ ﺣﺎﻭﻟﺖ ﺍﻧﺎﻡ ﻣﻜﺪﺭﺕ .. ﺍﺣﺲ ﺷﻲ ﺑﺪﺍﺧﻠﻲ ﻣﻤﺮﺗﺎﺡ ﻭﺍﻟﻲ ﺯﻋﺠﻨﻲ ﺍﻛﺜﺮ ﻣﻦ ﻛﺎﻟﻲ ﻟﺘﺴﻮﻳﻦ ﻣﺸﺎﻛﻞ ﻭﺫﻛﺮ ﺍﻳﻤﺎﻥ !!
ﻟﻮﻳﺶ ﻳﻜﻮﻝ ﺍﺳﻤﻬﺎ .. ﻭﻟﻮﻳﺶ ﻳﻜﻮﻝ ﺍﺗﺠﻨﺒﻴﻬﺎ .. ﻟﻬﺪﺭﺟﻪ ﻣﻴﺮﻳﺪ ﻳﺠﺮﺡ ﻣﺸﺎﻋﺮﻫﺎ ؟ !!
ﻭﺷﻜﻮ ﺟﺎﻱ ﻋﻠﻴﻪ ﻣﻴﺮﻭﺡ ﻳﻜﻮﻟﻠﻬﺎ ﺍﻟﻬﺎ .. ﺍﻧﻲ ﺍﺻﻼً ﻣﺤﺠﻴﺖ ﺷﻲ ﻫﻲ ﺍﻟﻲ ﺳﻮﺗﻠﻬﺎ ﻣﺸﻜﻠﻪ ﻭﻏﻠﻄﺖ ﻋﻠﻴﻪ .. ﻭﻫﻮ ﺣﺘﻰ ﻣﻜﻠﻒ ﻧﻔﺴﻪ ﻭﺣﺠﻪ ﻭﻳﺎﻫﺎ ﺑﻘﻰ ﻳﻌﻴﻂ ﻋﻠﻴﻪ ﻛﺪﺍﻣﻬﺎ ﻭﻓﺸﻠﻨﻲ .. ﺍﻭﻭﻭﻭﻭﻑ ﻧﺎﺭ ﻧﺎﺭ ﻭﻣﺸﺘﻌﻠﻪ ﺑﮕﻠﺒﻲ .. ﺑﺎﻟﺒﺪﺍﻳﻪ ﻛﻨﺖ ﻣﻔﻜﺮﻩ ﺍﻧﻮ ﻭﺟﻮﺩﻫﺎ ﻭﻗﺘﻲ ﻭﺑﺲ ﺍﺟﻲ ﺍﻧﻲ ﺗﺮﻭﺡ ﺑﺲ ﺍﻟﻈﺎﻫﺮ ﻣﺎ ﻋﻨﺪﻩ ﻧﻴﻪ ﻳﻄﻠﻜﻬﺎ .. ﻣﻌﻘﻮﻟﻪ ﺻﺎﻳﺮ ﺷﻲ ﺑﻴﻨﻬﻢ؟ !!
ﻻﺍﺍ .. ﻭﻟﺞ ﺩﺍﻟﻴﺎ ﺷﺪﺗﺤﺠﻴﻦ ﺍﻧﺘﻴﻲ .. ﻫﻮ ﻛﺎﻟﺞ ﺯﻭﺍﺟﻬﻢ ﻉ ﺍﻟﻮﺭﻕ ﻭﺍﺿﻈﺮ ﻳﺘﺰﻭﺟﻬﺎ ﻋﻠﻤﻮﺩ ﺍﻣﻪ .
ﺑﺲ ﺍﺧﺎﻑ ﻳﻜﺬﺏ ﻋﻠﻴﻪ ﻳﺮﻳﺪ ﻳﺴﻜﺘﻨﻲ؟ !!
ﺍﻻﻓﻜﺎﺭ ﺍﻛﻠﺖ ﮔﻠﺒﻲ ﻭﺭﻭﺣﻲ .. ﺍﻻﺣﺴﺎﺱ ﺍﻟﻲ ﺑﺪﺍﺧﻠﻲ ﻣﻦ ﻳﻮﻡ ﺷﻔﺘﻬﺎ ﻟﻠﻴﻮﻡ ﺩﻳﻤﻮﺗﻨﻲ .. ﻭﺧﺼﻮﺻﺎً ﻣﻦ ﻳﺬﻛﺮﻫﺎ ﻛﺪﺍﻣﻲ ﺍﺗﺨﺒﻞ .. ﻟﻮﻳﺶ ﺩﻳﺼﻴﺮ ﺑﻴﻪ ﻫﺸﻜﻞ .. ﻣﻌﻘﻮﻟﻪ ﺩﺍﺍﻏﺎﺭ ﻋﻠﻴﻪ؟ !!
ﺑﻘﻴﺖ ﻟﻠﺼﺒﺢ ﺍﻻﻓﻜﺎﺭ ﻣﺨﻠﺘﻨﻲ ﺍﻧﺎﻡ .. ﻭﻣﺮﺩﺕ ﺍﻃﻠﻊ ﺣﺘﻰ ﻣﺎﺍﺷﻮﻑ ﻫﺎﻱ ﺍﻟﺤﻴﻮﺍﻧﻪ ، ﺗﺼﻴﺮ ﻣﺸﻜﻠﻪ ﻭﺗﻨﺬﺏ ﺑﺮﺍﺳﻲ !
ﺍﻧﺘﻈﺮﺗﻪ ﺑﺎﻛﻲ ﻳﺠﻲ ﺣﺘﻰ ﺍﻧﺰﻝ ﻭﻳﺎ ﺑﺲ ﻣﺎﻛﻮ ﻣﺎ ﺍﺟﻪ .. ﺻﺎﺭﺕ ﺍﻟﺪﻧﻴﺎ ﺍﻟﻈﻬﺮ ﺗﻘﺮﻳﺒﺎً .. ﻧﺰﻟﺖ ﺑﻌﺪﻧﻲ ﻉ ﺍﻟﺪﺭﺝ ﭼﺎﻥ ﺗﻄﻠﻊ ﺍﻳﻤﺎﻥ ﻣﻦ ﻏﺮﻓﺘﻬﺎ .. ﺍﻧﻲ ﺷﻔﺘﻬﺎ ﻭﺩﺭﺕ ﻭﺟﻬﻲ .. ﺭﺣﺖ ﻟﻠﻤﻄﺒﺦ ﻟﻜﻴﺖ ﺍﻡ ﻋﺎﺩﻝ ﺩﺗﺴﻮﻱ ﻏﺪﻩ .. ﺳﻠﻤﺖ ﻋﻠﻴﻬﺎ ﻭﻛﺎﻟﺘﻠﻲ ﺭﺍﺡ ﺍﺳﻮﻳﻠﺞ ﺭﻳﻮﻙ !
ﻛﻠﺘﻠﻬﺎ ﻻﺍ ﻣﺎ ﺍﺷﺘﻬﻲ ﻧﻔﺴﻲ ﻣﺴﺪﻭﺩﻩ .. ﻫﻲ ﻣﻘﺒﻠﺖ ﻛﺎﻟﺖ ﻣﻴﺼﻴﺮ ﺍﻧﺘﻲ ﺣﺎﻣﻞ ﻭﻃﻔﻠﺞ ﻻﺯﻡ ﻳﺘﻐﺬﺍ .. ﻛﻠﺘﻠﻬﺎ ﻣﺎﺷﻲ ﻟﻌﺪ ﻟﻨﻲ ﺍﺳﻮﻱ ﺍﻧﺘﻲ ﻛﻤﻠﻲ ﺷﻐﻠﺞ .. ﺑﻌﺪ ﻣﻠﺤﻪ ﺧﻠﺘﻨﻲ ﺍﺳﻮﻳﻲ .. ﺩﺍﺍﺣﻀﺮ ﺑﺎﻟﺮﻳﻮﻙ ﭼﺎﻥ ﺗﺠﻲ ﺍﻟﺨﺎﻧﻢ .. ﻛﺎﻟﺖ ﻻﻡ ﻋﺎﺩﻝ
.......
ﺍﻳﻤﺎﻥ .. ﺳﻮﻳﻠﻲ ﺭﻳﻮﻙ ﺑﺴﺮﻋﻪ .
ﺩﺍﻟﻴﺎ .. ﺍﺷﻜﺪ ﻣﺘﺴﺘﺤﻲ ﻫﺬﻱ ﺣﺘﻰ ﺍﺳﻠﻮﺏ ﻣﺜﻞ ﺍﻻﻭﺍﺩﻡ ﻣﺎ ﻋﺪﻫﺎ .
ﻛﻠﺘﻠﻬﺎ ﺍﻡ ﻋﺎﺩﻝ ﺍﻧﺘﻲ ﺍﺷﺘﻐﻠﻲ ﺍﻧﻲ ﺣﺴﻮﻱ ﺭﻳﻮﻙ ﻭﺍﻋﺰﻟﻠﻬﺎ ﻣﻨﻪ ﺍﺧﺬﻱ ﺍﻟﻬﺎ ﺍﻧﺘﻲ .. ﻟﻮﻳﺶ ﺍﻧﺴﻮﻱ ﻣﺮﺗﻴﻦ ﻫﺬﺍ ﻫﻮﺍﻳﻪ !
ﺻﺪﻙ ﺳﻮﻳﺖ ﺍﻻﻛﻞ ﻭﻋﺰﻟﺘﻠﺘﻬﺎ ﺻﻴﻨﻴﻪ ﺍﺧﺬﺗﻪ ﺍﻡ ﻋﺎﺩﻝ ﺍﻟﻬﺎ ﻭﺍﻧﻲ ﻛﻌﺪﺕ ﺑﺎﻟﻤﻄﺒﺦ ﺍﻛﻞ .. ﻣﺎﺍﺣﺲ ﺍﻻ ﺍﻳﻤﺎﻧﻮﻭ ﻓﻮﻙ ﺭﺍﺳﻲ ﻭﺑﻴﺪﻫﺎ ﺍﻟﺼﻴﻨﻴﻪ .. ﺫﺑﺘﻬﺎ ﺑﺎﻟﻜﺎﻉ ﻭﺑﺼﻮﺕ ﻋﺎﻟﻲ ..
ﺍﻳﻤﺎﻥ .. ﻫﻮ ﻫﺬﺍ ﻫﻢ ﺍﻛﻞ ؟ !
ﺍﻟﺘﻔﺘﺖ ﺷﺎﻓﺖ ﺩﺍﻟﻴﺎ ﻛﺎﻋﺪﻩ ﺩﺗﺎﻛﻞ ﺑﺎﻟﻤﻄﺒﺦ .. ﻫﻪ ﻭﺍﻧﺘﻲ ﺷﻜﻮ ﻛﺎﻋﺪﻩ ﻫﻨﺎ .. ﺑﺲ ﺣﻘﺞ ﻣﺘﻌﻠﻤﻪ ﻉ ﺍﻣﺎﻛﻦ ﺍﻟﺨﺪﻡ ﺍﻟﻌﺰ ﻣﻴﻠﻴﻖ ﺑﻴﺞ .
ﺩﺍﻟﻴﺎ .. ﺍﻧﻲ ﺭﻭﺣﻲ ﻃﺎﻟﻌﻪ ﻣﻨﻬﺎ ﻭﻛﻼﻣﻬﺎ ﻫﺬﺍ ﻛﻤﻠﻬﺎ .. ﺑﺼﻮﺕ ﺣﺎﺩ ﻛﻤﺖ ﻣﻦ ﻣﻜﺎﻧﻲ ..
_ ﻉ ﺍﻻﻗﻞ ﺍﻟﺨﺪﻡ ﻋﺪﻫﻢ ﺍﺧﻼﻕ ﻭﻋﺎﻳﺸﻴﻦ ﺑﻜﺮﺍﻣﺘﻬﻢ ﻣﻮ ﻣﺜﻞ ﺑﻌﺾ ﺍﻟﻨﺎﺱ ﻟﺰﻛﻪ ﻋﺎﻳﺸﻴﻴﻦ ﻭﻳﺎ ﻧﺎﺱ ﻣﺘﺮﻳﺪﻫﻢ .
ﺍﻳﻤﺎﻥ .. ﺷﻨﻮﻭ ﻗﺼﺪﺝ ﻭﻟﺞ؟ !!
ﺩﺍﻟﻴﺎ .. ﻭﺍﺿﺢ ﻗﺼﺪﻱ ﺣﺒﻴﺒﺘﻲ ﻭﻟﻤﺼﻠﺤﺘﺞ ﻟﺘﺨﻠﻴﻨﻲ ﺍﺣﺠﻲ .
ﺍﻳﻤﺎﻥ .. ﻻ ﺍﺣﺠﻲ ﻋﻴﻨﻲ ﺍﺣﺠﻲ ﻫﻮ ﺍﻧﺘﻲ ﻛﻮﻟﺸﻲ ﻳﻄﻠﻊ ﻣﻨﺞ ﺗﺮﺑﻴﺔ ﻣﻴﺎﺗﻢ ﺍﻡ ﺍﻟﺸﻮﺍﺭﻉ .
ﺩﺍﻟﻴﺎ .. ﺍﻧﻲ ﻣﺮﺍﺡ ﺍﺣﺠﻲ ﻭﻳﺎﺝ ﻻ ﻋﻨﺪﻱ ﺭﺟﻞ ﻣﻦ ﻳﺠﻲ ﺧﻠﻲ ﻳﻌﺮﻓﺞ ﻣﻨﻮ ﺗﺮﺑﻴﺔ ﺍﻟﺸﻮﺍﺭﻉ .
ﻋﻔﺘﻬﺎ ﺗﻠﻌﻠﻊ ﻭﺗﻐﻠﻂ ﻭﺻﻌﺪﺕ ﻟﻐﺮﻓﺘﻲ ﺑﺲ ﺍﻧﻲ ﮔﻠﺒﻲ ﺍﺣﺴﻪ ﻳﻨﺰﻑ ﺩﻡ ﻣﻦ ﻛﻼﻣﻬﺎ ﻫﺎﻧﺘﻨﻲ ﻭﺍﻡ ﻋﺎﺩﻝ ﻭﺍﻛﻔﻪ .. ﺩﺧﻠﺖ ﻟﻐﺮﻓﺘﻲ ﻭﺷﺒﻌﺖ ﺑﺠﻲ .. ﻣﻦ ﺍﻟﺒﺎﺭﺣﻪ ﺍﻧﻲ ﻏﺼﻪ ﺑﮕﻠﺒﻲ ﻉ ﺍﻟﻲ ﺳﻮﺗﻪ ﺑﻴﻪ ﻭﻣﺨﻨﻮﻛﻪ ﻣﺎﺍﻋﺮﻑ ﺍﺷﺒﻴﻪ .. ﻭﻫﺴﻪ ﻛﻤﻠﺘﻬﺎ .. ﺑﺠﻴﺖ ﻟﺤﺪ ﻣﺎ ﺭﺍﺳﻲ ﻭﺭﻡ ﻭﻏﻔﻴﺖ ﻟﺤﺎﻟﻲ .. ﻣﺎﻛﻮ ﺩﻗﺎﻳﻖ ﻳﻤﻜﻦ ﻭ ﻓﺰﻳﺖ ﻋﻠﻰ ﺻﻮﺕ ﺍﺳﻴﺪ ﻳﺼﻴﺢ .. ﻧﺰﻟﺖ ﺑﺴﺮﻋﻪ ﻟﻜﻴﺘﻪ ﻣﺨﻠﻲ ﺍﻣﻪ ﺑﺤﻈﻨﻪ ﻭﻳﻐﺴﻞ ﺑﻮﺟﻬﻪ !!
ﻳﺎ ﺭﺑﻲ ﺳﺘﺮﻙ ﺍﺷﺼﺎﻳﺮ ﺍﻟﺤﺠﻴﻪ ﺍﺷﺒﻴﻬﺎ ﺍﺷﻮﻛﺖ ﻛﻌﺪﺕ .. ﺑﺲ ﻻ ﻋﺮﻓﺖ ﺑﺄﺧﺘﻬﺎ ﻣﺴﻮﻳﻪ ﺣﺎﺩﺙ ... ﺍﻭ ﻳﻤﻜﻦ ﺍﺗﻜﻮﻥ ﻣﺎﺗﺖ ﻣﻌﻘﻮﻟﻪ !!!!!!!!!!!!!
ﺑﻘﻴﺖ ﺟﺎﻣﺪﻩ ﺑﻤﻜﺎﻧﻲ ﻣﺎﺍﻋﺮﻑ ﺍﺗﺼﺮﻑ .. ﺍﺧﺎﻑ ﺍﺧﻄﻲ ﺧﻄﻮﻩ ﻭﺣﺪﻩ .. ﺭﺟﻠﻴﻪ ﺧﺪﺭﺕ .. ﺑﺎﻭﻋﻠﻲ ﺍﺳﻴﺪ ﺑﻨﻈﺮﺍﺕ ﺣﺎﺩﻩ ﻣﺎﺍﻋﺮﻑ ﺷﻨﻮ ﺍﻟﺴﺒﺐ .. ﺍﻛﻴﺪ ﺻﺎﺭ ﺍﻟﻲ ﺍﺑﺎﻟﻲ ﺧﺎﻟﺘﻪ ﻣﺎﺗﺖ ﻭﺍﻟﺤﺠﻴﻪ ﺍﺗﺨﺮﺑﻄﺖ ﻻﻧﻬﺎ ﻣﺎﺗﺖ ﻭﻫﻲ ﻣﺘﺤﺠﻲ ﻭﻳﺎﻫﺎ ... ﺍﻳﻴﻴﻲ ﻭﺍﻧﻲ ﺍﻟﺴﺒﺐ !
ﺍﺩﻳﻪ ﻛﺎﻣﺖ ﺗﺮﺟﻒ ﺭﺩﺕ ﺍﻭﻛﻊ ﻭﻟﺰﻣﺖ ﺑﺎﻟﻤﺤﺠﺮ ﻣﺎﻟﺖ ﺍﻟﺪﺭﺝ .. ﻫﻮ ﺷﺎﻓﻨﻲ ﻭﺑﺴﺮﻋﻪ ﺑﺎﻭﻉ ﻻﺃﻡ ﻋﺎﺩﻝ ﻭﺻﺎﺡ ﺩﺍﻟﻴﺎﺍﺍﺍ .. ﺍﻡ ﻋﺎﺩﻝ ﺭﻛﻀﺖ ﻋﻠﻴﻪ ﺳﻨﺪﺗﻨﻲ .. ﺻﻌﺪﺗﻨﻲ ﻟﻐﺮﻓﺘﻲ ..
ﺍﻡ ﻋﺎﺩﻝ .. ﺍﻭﻭﻭﻭﻑ ﻛﻠﻪ ﻣﻦ ﻭﺭﺍ ﻫﺎﻱ ﺍﻟﺤﻴﻪ ﺍﻟﻠﻪ ﻟﻴﺮﺿﻰ ﻋﻠﻴﻬﺎ .
ﺩﺍﻟﻴﺎ .. ﻣﻨﻮ .... ﺍﻟﺤﺠﻴﻪ ﺍﺷﺒﻴﻬﺎ؟ !
ﺍﻡ ﻋﺎﺩﻝ .. ﻭﺭﺍ ﻣﺎ ﺻﻌﺪﺗﻲ ﺑﻘﺖ ﺍﻳﻤﺎﻥ ﺗﺼﻴﺢ ﻭﺍﺟﻪ ﺍﻟﺪﻛﺘﻮﺭ ﻭﺳﻤﻌﻬﺎ ﺣﺠﻪ ﻭﻳﺎﻫﺎ ﻣﺎ ﺍﺩﺭﻱ ﺍﺷﻜﺎﻟﻠﻬﺎ ﻭﻃﺮﺩﻫﺎ ﻛﺎﻟﻠﻬﺎ ﻻﻣﻲ ﻫﺪﻭﻣﺞ ﺗﺮﺣﻴﻦ ﻻﻫﻠﺞ ﺑﻌﺪﻳﻦ ﺻﺎﺭﺕ ﺍﻟﻬﻮﺳﻪ ﻭﺍﻟﺤﺠﻴﻪ ﻧﺰﻟﺖ ﻭﺍﺗﺨﺮﺑﻄﺖ .
ﺩﺍﻟﻴﺎ .. ﺟﺮﻳﺖ ﻧﻔﺲ ﺍﻟﺤﻤﺪﻟﻠﻪ ﺍﻟﻲ ﺑﺎﻟﻲ ﻣﻮ ﺻﺤﻴﺢ .. ﺑﺲ ﻫﻢ ﺑﻌﺪ ﺍﻛﻮ ﻣﺸﻜﻠﻪ ﻭﻣﻮ ﺑﻌﻴﺪﻩ ﺗﻮﻛﻊ ﺑﺮﺍﺳﻲ .. ﺭﺟﻌﺖ ﻛﻌﺪﺕ ﻛﻠﺘﻠﻬﺎ ﺍﻧﻄﻴﻨﻲ ﻛﻼﺹ ﻣﻲ ﺷﺮﺑﺖ ﻣﻲ ﻭﻛﻠﺘﻠﻬﺎ ﺧﻠﻲ ﻧﻨﺰﻝ .
......
ﺍﻡ ﻋﺎﺩﻝ .. ﻭﻳﻦ ﺍﺗﻨﺰﻟﻴﻦ ﻫﺴﻪ ﺭﺩﺗﻲ ﺗﻮﻛﻌﻴﻦ ﻭﺍﻧﺘﻲ ﺣﺎﻣﻞ .. ﺍﻛﻌﺪﻱ ﺑﻐﺮﻓﺘﺞ ﻭﺍﺳﻜﺘﻲ .
ﺩﺍﻟﻴﺎ .. ﻻ ﺻﺮﺕ ﺯﻳﻨﻪ ﻧﺰﻟﻴﻨﻲ ﺍﺭﻳﺪ ﺍﺷﻮﻑ ﺍﻟﺤﺠﻴﻪ .
ﺍﻡ ﻋﺎﺩﻝ .. ﺑﺲ ﺍﻟﺪﻛﺘﻮ ..
ﺩﺍﻟﻴﺎ .. ﺍﻡ ﻋﺎﺩﻝ ﺩﺍﺍﻛﻮﻟﺞ ﺻﺮﺕ ﺯﻳﻨﻪ ﻓﺪﻭﻩ ﺧﻠﻴﻨﻲ ﺍﻧﺰﻝ ﻭﺍﻧﻲ ﺍﺣﺠﻲ ﻭﻳﺎ ﺍﺳﻴﺪ ﻣﻌﻠﻴﺞ ﺍﻧﺘﻲ .
ﻧﺰﻟﻨﺎ ﺍﻧﻲ ﻭﺍﻥ ﻋﺎﺩﻝ ﻟﻜﻴﺖ ﺍﻟﺤﺠﻴﻪ ﻛﺎﻋﺪﻩ ﻭﻫﻮ ﻛﺎﻋﺪ ﻳﻤﻬﺎ ﺩﻳﻔﺮﻙ ﺑﺄﻳﺪﻫﺎ .. ﻣﻦ ﺷﺎﻓﻨﻲ ﺧﺰﺭ ﺍﻡ ﻋﺎﺩﻝ .. ﻛﻠﺘﻠﻬﺎ ﺭﻭﺣﻲ ﺍﻧﺘﻲ ﻣﻌﻠﻴﺞ ﺍﻧﻲ ﺍﺣﺎﺟﻲ .. ﺭﺍﺣﺖ ﺍﻡ ﻋﺎﺩﻝ ﻭﺍﻧﻲ ﻛﻠﺖ ﺻﺒﺎﺡ ﺍﻟﺨﻴﺮ ﻭﺭﺣﺖ ﻳﻢ ﺍﻟﺤﺠﻴﻪ ﻛﻌﺪﺕ ﻳﻤﻬﺎ .. ﺍﺷﻮﻥ ﺻﺮﺗﻲ ﺣﺠﻴﻪ؟ !
ﺍﻟﺤﺠﻴﻪ .. ﻭﻟﺞ ﺍﺷﻠﻮﻧﻲ ﻳﻤﻪ ﻭﺭﺟﻠﺞ ﻫﺬﺍ ﻳﺮﻳﺪ ﻳﻤﻮﺗﻨﻲ .
ﺩﺍﻟﻴﺎ .. ﺑﻌﻴﺪ ﺍﻟﺸﺮ ﻋﻨﺞ ﺣﺠﻴﻪ .. ﺑﺲ ﺍﻫﺪﻱ ﻭﻟﺘﻨﻘﻬﺮﻳﻦ ﻭﺍﻥ ﺷﺎﺀ ﺍﻟﻠﻪ ﻛﻮﻟﺸﻲ ﻳﺼﻴﺮ ﻣﺜﻞ ﻣﺘﺮﺩﻳﻦ .
ﺍﺳﻴﺪ .. ﻛﻌﺪﺕ ﻳﻢ ﺍﻣﻲ ﻭﺗﻜﻠﻠﻬﺎ ﻛﻠﺸﻲ ﻳﺼﻴﺮ ﻣﺜﻞ ﻣﺘﺮﺩﻳﻦ ﺗﻠﻲ ﻳﺴﻤﻌﻬﺎ ﻳﻜﻮﻝ ﺍﻧﻲ ﺍﻟﻲ ﺳﻮﻳﺖ ﺍﻟﻤﺸﻜﻠﻪ ﻣﻮ ﻫﻲ ﺍﻟﻲ ﺍﺗﻌﺎﺭﻛﺖ ﻭﻳﺎ ﺍﻟﻌﺎﺭ ﺍﻳﻤﺎﻥ .. ﺑﺎﻭﻋﺘﻠﻬﺎ ﺑﻐﻀﺐ ﻫﻲ ﺩﺍﺭﺕ ﻭﺟﻬﻬﺎ .
ﺍﻟﺤﺠﻴﻪ .. ﻭﻟﺞ ﻳﻤﻪ ﺍﻟﺒﻨﻴﻪ ﻣﺎ ﺻﺎﺭﻟﻬﺎ ﺷﻬﺮ ﻣﻦ ﺍﺧﺬﻫﺎ ﻭﻫﺴﻪ ﻃﻠﻜﻬﺎ؟ !
ﺷﻜﻮﻝ ﺍﻻﻫﻠﻬﺎ ﺷﺤﺠﻲ ﺍﺫﺍ ﺳﺄﻟﻮﻧﻲ ﻟﻴﺶ ﻃﻠﻚ ﺑﺘﻨﺎ؟ !
ﺩﺍﻟﻴﺎ .. ﻓﺮﺣﻪ ﻣﺘﻨﻮﺻﻒ ﻣﻦ ﺳﻤﻌﺘﻬﺎ ﻛﺎﻟﺖ ﻃﻠﻜﻬﺎ .. ﺩﺭﺕ ﻭﺟﻬﻲ ﻋﻠﻴﻪ ﻭﺍﻻﺑﺘﺴﺎﻣﻪ ﺷﺎﻛﻪ ﻭﺟﻬﻲ ﻧﺼﻴﻦ .. ﻣﺎﺍﺩﺭﻱ ﺍﺷﻮﻥ ﻃﻠﻌﺖ ﻫﺎﻟﻜﻠﻤﻪ ﻣﻨﻲ ... ﻃﻠﻜﺘﻬﺎ؟ !!
ﺍﺳﻴﺪ .. ﺍﻟﻐﺒﻴﻪ ﺍﻣﻲ ﺗﺤﺠﻲ ﻭﻳﺎﻫﺎ ﻭﻣﻘﻬﻮﺭﻩ ﻭﻫﻲ ﺗﺒﺎﻭﻋﻠﻲ ﻭﺗﺒﺘﺴﻢ .. ﻣﻨﻈﺮﻫﺎ ﻳﻤﻮﺕ ﺿﺤﻚ ﻫﻲ ﻭﺍﻻﺑﺘﺴﺎﻣﻪ ﺍﻟﻲ ﻋﻠﻰ ﻭﺟﻬﻬﺎ ﻛﻞ ﺍﻟﻐﻀﺐ ﺍﻟﻲ ﺑﺪﺍﺧﻠﻲ ﺍﺗﺒﺨﺮ ﻣﻦ ﺷﻔﺘﻬﺎ ﺍﺑﺘﺴﻤﺖ ﺭﻏﻢ ﺍﻧﻲ ﻛﻨﺖ ﻣﻌﺼﺐ ﻣﻨﻬﺎ ﻻﻥ ﺍﻟﺼﺒﺢ ﻛﻠﺘﻠﻬﺎ ﻣﻌﻠﻴﺞ ﺑﺄﻳﻤﺎﻥ ﻭﻣﺎ ﺳﻤﻌﺖ ﻛﻼﻣﻲ .. ﻛﺘﻤﺖ ﺍﻟﻀﺤﻜﻪ ﻻﻥ ﺍﻣﻲ ﺗﻌﺒﺎﻧﻪ ﻭﻛﺎﻋﺪﻩ ﺑﺲ ﺑﺪﺍﺧﻠﻲ ﺷﻲ ﻣﻴﺖ ﺿﺤﻚ .
ﺍﻟﺤﺠﻴﻪ .. ﺍﻱ ﻭﻟﺞ ﻳﻤﻪ ﻃﻠﻜﻬﺎ .. ﻭﻳﺮﻳﺪ ﻳﻮﺩﻳﻬﺎ ﻻﻫﻠﻬﺎ ﺷﺴﻮﻱ ﻫﺴﻪ ﺍﻧﻲ ﺑﻬﺎﻟﻤﺼﻴﺒﻪ ؟ !
ﺩﺍﻟﻴﺎ .. ﻟﻮﻳﺶ ﻣﺼﻴﺒﻪ ﺣﺠﻴﻪ .. ﺍﻧﺘﻲ ﻗﺎﺑﻞ ﺷﻨﻮ ﻋﻼﻗﺘﺞ ﻫﻮ ﻳﺘﻔﺎﻫﻢ ﻭﻳﺎ ﺍﻫﻠﻬﺎ .
ﺍﻟﺤﺠﻴﻪ .. ﺍﺷﻠﻮﻥ ﺷﻌﻠﻴﻪ ﻏﻴﺮ ﺍﻧﻲ ﺍﻟﺮﺣﺖ ﻭﺧﻄﺒﺘﻬﺎ .. ﻭﻟﺞ ﻳﻤﻪ ﻣﺎ ﺻﺎﺭﻟﻬﺎ ﺷﻬﺮ ﻛﻠﺘﻠﻪ ﺍﺻﺒﺮﻟﻲ ﻛﻢ ﺷﻬﺮ ﻋﻠﻰ ﺍﻻﻗﻞ ﺣﺘﻰ ﻧﻤﺪﺭ ﺍﻧﻄﻠﻚ ﻫﺴﻪ ﺍﺫﺍ ﺗﻄﻠﻜﺖ ﺗﻨﻔﻀﺢ ﺍﻟﺒﻨﻴﻪ ﻭﺷﻴﺨﻠﺼﻨﻪ ﻣﻦ ﺍﻟﻠﺴﺎﻥ ﺍﻟﻌﺎﻟﻢ ﻭﻣﻦ ﺍﻫﻠﻬﺎ .
ﺍﺳﻴﺪ .. ﺍﻧﺘﻲ ﻣﻌﻠﻴﺞ ﻋﻮﻓﻴﻬﺎ ﻋﻠﻴﻪ ﻭﺍﻟﻲ ﻳﺤﺠﻲ ﺍﺷﻚ ﺣﻠﻜﻪ ﻭﺣﻠﻚ ﺍﻟﺨﻠﻔﻪ .
ﺍﻟﺤﺠﻴﻪ .. ﻭﻟﻚ ﺍﻧﺖ ﺗﺮﻳﺪ ﺍﺗﻤﻮﺗﻨﻲ ﺍﺳﻴﺪ .. ﻭﻟﻚ ﻣﺎﺧﺬ ﺍﻟﺪﻧﻴﺎ ﺑﻌﻨﺘﻜﻪ ﻭﻋﺮﻙ .. ﺍﺗﺮﻳﺪ ﺍﺗﻤﻮﺕ ﻭﺗﻤﻮﺗﻨﻲ ﻭﻳﺎﻙ .. ﻭﻟﻚ ﻫﻮ ﺍﻧﻲ ﺷﻌﻨﺪﻱ ﺑﺲ ﺍﻧﺘﻮ ﺍﻻﺛﻨﻴﻦ .
ﺩﺍﻟﻴﺎ .. ﺷﻔﺖ ﺍﻟﺤﺠﻴﻪ ﻣﻘﻬﻮﺭﻩ ﻭﻛﻼﻣﻬﺎ ﺻﺤﻴﺢ .. ﻫﻲ ﺍﻳﻤﺎﻥ ﺻﺢ ﺣﻘﻴﺮﻩ ﻭﻟﺴﺎﻧﻬﺎ ﻣﺘﺒﺮﻱ ﻣﻨﻬﺎ ﺑﺲ ﻣﺎﻛﻮ ﺍﻱ ﺑﻨﻴﻪ ﺑﺎﻟﻌﺎﻟﻢ ﺗﺴﺘﺤﻖ ﺗﻨﻔﻀﺢ ﻭﺗﺘﺸﻮﻩ ﺳﻤﻌﺘﻬﺎ ﺑﻼ ﺳﺒﺐ .. ﻭﻫﻲ ﻣﺎ ﺳﻮﺕ ﺷﻲ ﻳﺴﺘﺪﻋﻲ ﻳﻄﻠﻜﻬﺎ .. ﻉ ﺍﻻﻗﻞ ﺣﺎﻟﻴﺎً !..
ﺍﻟﺘﻔﺘﺖ ﻋﻠﻴﻪ ..
........
ﺍﺳﻴﺪ ﺍﻟﺤﺠﻴﻪ ﻣﺮﻳﻀﻪ ﺳﺎﻣﺤﻬﺎ ﻫﺎﻟﻤﺮﻩ ﻟﺨﺎﻃﺮ ﺍﻣﻚ ﻭﺑﻘﻴﻬﺎ ﻫﻨﺎ .. ﺍﻟﻰ ﺍﻥ ﺗﻤﺮ ﻓﺘﺮﻩ ﻭﺳﻮﻱ ﺍﻟﻲ ﺗﺮﻳﺪﻩ ﺣﺘﻰ ﻣﺤﺪ ﻳﺤﺠﻲ .
ﺍﺳﻴﺪ .. ﺻﺪﻣﺘﻨﻲ ﺑﻜﻼﻣﻬﺎ ﻣﻦ ﺣﺠﺖ .. ﺑﺎﻭﻋﺘﻠﻬﺎ ﻭﺍﻟﺼﺪﻣﻪ ﻣﺎﻟﻴﺘﻨﻲ .. ﻉ ﺑﺎﻟﻲ ﺩﺗﺘﺸﺎﻗﻪ ﺑﺲ ﻣﺎﻛﻮ ﻋﻠﻰ ﻣﻼﻣﺤﻬﺎ ﺫﺭﺓ ﻣﺰﺡ .. ﻭﺗﺤﺠﻲ ﻣﻦ ﻛﻞ ﻋﻘﻠﻬﺎ !!
ﻣﻌﻘﻮﻟﻪ ﻟﻬﺪﺭﺟﻪ ﻣﻴﻬﻤﻬﺎ ﻭﺣﺪﻩ ﺗﺸﺎﺭﻛﻬﺎ ﺑﻴﻪ؟ !!
ﺣﻴﻞ ﺍﻧﺰﻋﺠﺖ ﻣﻦ ﻛﺎﻟﺖ ﻫﻴﺞ ﻣﺎﺍﻋﺮﻑ ﻟﻴﺶ ﺑﺲ ﻋﺪﻡ ﺍﻫﺘﻤﺎﻣﻬﺎ ﻭﻛﺄﻧﻮ ﺍﻟﻤﻮﺿﻮﻉ ﻋﺎﺩﻱ ﻋﺪﻫﺎ ﺗﺒﻘﻰ ﺍﻳﻤﺎﻥ ﻭﻳﺎﻧﺎ ﺑﻤﻌﻨﻰ ﻣﺎ ﺍﻫﻤﻬﺎ ﻭﻻ ﻳﺰﻋﺠﻬﺎ ﻫﺎﻟﺸﻲ .. ﺍﻧﻲ ﻫﻢ ﻣﻦ ﺷﻔﺘﻬﺎ ﻫﻴﺞ ﻛﻠﺖ ﺑﺴﻴﻄﻪ ﺍﻧﻲ ﺍﻋﻠﻤﺞ .. ﺍﻧﺖ ﺍﻟﺮﺩﺗﻴﻬﺎ .
ﺍﻟﺤﺠﻴﻪ .. ﺍﻟﻠﻪ ﻳﺮﺿﻰ ﻋﻠﻴﺞ ﺑﻨﺘﻲ ﻭﻳﻜﻤﻠﺞ ﺑﻌﻘﻠﺞ .. ﺑﺲ ﻭﻳﺎﻣﻦ ﺗﺤﺠﻴﻦ .
ﺍﺳﻴﺪ .. ﻣﺎﺷﻲ ﺧﻠﻴﻬﺎ ﺗﺒﻘﻰ .
ﺩﺍﻟﻴﺎ .. ﻣﻦ ﻏﺼﺐ ﻋﻨﻲ ﻛﻠﺖ ﻫﺎﻟﻜﻼﻡ ﻻﻥ ﺍﺫﺍ ﺭﺍﺣﺖ ﺍﻳﻤﺎﻥ ﺍﻻﻫﻠﻬﺎ ﺭﺍﺡ ﺗﺼﻴﺮ ﻃﻮﻳﻠﻪ ﻭﻋﺮﻳﻀﻪ ﻭﺍﺣﺘﻤﺎﻝ ﻳﺄﺫﻭ ﻟﻮ ﻳﺴﻮﻭﻥ ﻟﻪ ﺷﻲ ﻻﻥ ﺣﺴﺐ ﻛﻼﻡ ﺍﻟﺤﺠﻴﻪ ﺍﻫﻠﻬﺎ ﻧﺎﺱ ﺷﺮﺍﻧﻴﻪ !!
ﻻﺍﺍ ﻛﻮﻟﺸﻲ ﻭﻻ ﻫﻮ ﺧﻠﻴﻨﻲ ﺍﺗﺤﻤﻞ ﺍﻟﻘﻬﺮ ﻭﮔﻠﺒﻲ ﻳﻨﺤﺮﻙ ﻭﻻ ﻫﻮ ﻳﺘﺎﺫﻩ !
ﺑﺲ ﻣﺘﻮﻗﻌﺖ ﺧﻮ ﺑﺴﻬﻮﻟﻪ ﻳﺘﺮﺍﺟﻊ ﻋﻦ ﻛﻼﻣﻪ ﻭﻳﺒﻘﻴﻬﺎ ﺑﻌﺪ ﻣﺎ ﻭﺻﻠﺖ ﻟﻠﻄﻼﻙ !!
ﺣﻴﻴﻴﻴﻴﻴﻞ ﺍﻧﻘﻬﺮﺕ ﻣﻨﻪ ﺷﻨﻮﻭﻭ ﻫﺬﺍ ﻣﺎ ﻋﻨﺪﻩ ﺍﺣﺴﺎﺱ ﺑﻠﺤﻈﻪ ﻳﺼﻌﺪﻧﻲ ﻟﻠﺴﻤﺎ ﻭﺑﺎﻟﺜﺎﻧﻴﻪ ﻳﺮﻛﻌﻨﻲ ﺑﺎﻟﻜﺎﻉ ﻭﻳﻜﺴﺮ ﮔﻠﺒﻲ "
ﺳﻜﺘﺖ ﻣﺤﺠﻴﺖ ﺷﻲ ﻭﺍﻟﺤﺠﻴﻪ ﻃﺎﺭﺕ ﻣﻦ ﺍﻟﻔﺮﺣﻪ ﺣﺘﻰ ﻛﺎﻣﺖ ﻋﻠﻴﻪ ﻭﺑﺎﺳﺘﻪ .. ﻫﻮ ﺧﻼ ﻭﻛﺎﻡ ﻛﺎﻝ ﺍﻧﻲ ﺗﻌﺒﺎﻥ ﺍﺭﻳﺪ ﺍﺭﺗﺎﺡ .. ﺭﺍﺡ ﻟﻠﻐﺮﻓﻪ ﻭﺍﻧﻲ ﺑﻘﻴﺖ ﻭﻳﺎ ﺍﻟﺤﺠﻴﻪ .. ﺳﻮﻳﺘﻠﻬﺎ ﺭﻳﻮﻙ ﺑﻌﺪﻳﻦ ﺩﺧﻠﺘﻬﺎ ﻟﻠﺤﻤﺎﻡ ﺳﺒﺤﺘﻬﺎ ﺑﺪﻟﺘﻠﻬﺎ ﻭﻋﻄﺮﺗﻬﺎ .. ﻭﻛﻌﺪﻧﺎ ﺍﻧﻲ ﻭﻳﺎﻫﺎ ﺑﺎﻟﺼﺎﻟﻪ ﻟﻠﻌﺼﺮ ﻫﻲ ﻧﺎﻣﺖ ﻭﺍﻧﻲ ﺍﻟﻨﺎﺭ ﺗﺤﺮﻙ ﺑﻴﻪ .. ﻋﻔﺖ ﺍﻟﺤﺠﻴﻪ ﻭﺻﻌﺪﺕ ﻟﻠﻐﺮﻓﻪ ﺍﺧﺬ ﻣﻼﺑﺲ ﺣﺘﻰ ﺍﺳﺒﺢ ﻻﻥ ﺗﻌﺒﺖ ﻭﻋﺮﻛﺖ .. ﺩﺧﻠﺖ ﻟﻜﻴﺘﻪ ﺍﻣﺪﺩ ﻉ ﺍﻟﺴﺮﻳﺮ ﻭﻳﺤﺠﻲ ﺑﺎﻟﻤﻮﺑﺎﻳﻞ .. ﻣﺪﺭﺗﻠﻪ ﺑﺎﻝ ﺍﺧﺬﺕ ﺍﻟﻤﻼﺑﺲ ﻭ ﺩﺍﺍﻃﻠﻊ ﭼﺎﻥ ﻳﺤﺠﻲ ..
ﺍﺳﻴﺪ .. ﻭﻳﻦ؟ !!
ﺩﺍﻟﻴﺎ .. ﻟﻠﺤﻤﺎﻡ .
ﺍﺳﻴﺪ .. ﻣﻮ ﻫﺬﺍ ﺣﻤﺎﻡ ﺷﻜﻮ ﻧﺎﺯﻟﻪ ﺟﻮﻩ؟ !
ﺩﺍﻟﻴﺎ .. ﺑﻜﻴﻔﻲ ﺍﻧﺖ ﺷﻜﻮ .
ﺍﺳﻴﺪ .. ﺍﻟﻠﺴﺎﻧﺞ ﻃﻮﻻﻥ ﻇﺒﻲ ﻻ ﺍﻛﺼﻪ ﺍﻟﺞ .
ﺩﺍﻟﻴﺎ .. ﺍﻟﺘﻔﺘﺖ ﻋﻠﻴﻪ ﺭﺩﺕ ﺍﺣﺠﻲ ﺑﺲ ﺧﻔﺖ ﻟﺘﺼﻴﺮ ﻣﺸﻜﻠﻪ ﻭﻫﺴﺘﻮﻧﺎ ﺧﻠﺼﻨﻪ ﻣﻦ ﻣﺸﻜﻠﻪ .. ﺑﻠﻌﺖ ﺍﻟﻜﻼﻡ ﻭﺩﺧﻠﺖ ﻟﻠﺤﻤﺎﻡ ﺍﻟﻠﻲ ﺑﺎﻟﻐﺮﻓﻪ .. ﺳﺒﺤﺖ ، ﻟﺒﺴﺖ ﺍﻟﺒﺮﻧﺺ ﻣﺎﻟﺖ ﺍﻟﺤﻤﺎﻡ ﻭ ﻃﻠﻌﺖ .. ﻫﻮ ﻉ ﻛﻌﺪﺗﻪ .. ﻭﻛﻔﺖ ﻉ ﺍﻟﻤﺮﺍﻳﻪ ﺩﺍﺍﻣﺸﻂ ﺷﻌﺮﻱ ﻣﺎﺍﺣﺲ ﻏﻴﺮ ﺍﻳﺪﻳﻪ ﺣﺎﻭﻃﺘﻨﻲ ﻣﻦ ﻭﺭﺍﻳﻪ !!
ﻭ ﻭﺟﻬﻪ ﺑﺸﻌﺮﻱ ﻳﺸﺘﻢ ﺑﻲ !!
_ ﮔﻠﺒﻲ ﻳﻤﻜﻦ ﻭﮔﻒ ﻟﺤﻈﺘﻬﺎ .. ﺣﺘﻰ ﺍﻟﻤﺸﻂ ﻭﻛﻊ ﻣﻦ ﺍﻳﺪﻱ .. ﺑﺼﻮﺕ ﻳﺮﺟﻒ .. ﺷﺪﺗﺴﻮﻱ؟ !!
ﺍﺳﻴﺪ .. ﺩﺍﺍﺗﻄﻤﻦ ﻋﻠﻰ ﺍﺑﻨﻲ ﺍﺷﻠﻮﻧﻪ .
ﺩﺍﻟﻴﺎ .. ﻭﺍﺑﻨﻚ ﺑﺸﻌﺮﻱ؟ !!
ﺍﺳﻴﺪ .. ﺑﻜﻴﻔﻲ ﺍﻧﺘﻲ ﺷﻜﻮ؟ !
ﺩﺍﻟﻴﺎ .. ﺍﺳﻴﺪ ﻭﺧﺮ ﻋﻨﻲ ﺍﺭﻳﺪ ﺍﻣﺸﻂ .
.........
ﺍﺳﻴﺪ .. ﻣﺎ ﺍﻭﺧﺮ ﺷﺘﺴﻮﻳﻦ؟ !
ﺩﺍﻟﻴﺎ .. ﻟﺰﻣﺖ ﺍﻳﺪﻩ ﺑﻌﺪﺗﻬﺎ ﻭ ﻭﺧﺮﺕ ﻋﻨﻪ .. ﻭﻛﻔﺖ ﻳﻢ ﺍﻟﺒﺎﺏ ﻭﺑﺎﻭﻋﺘﻠﻪ .. ﺑﺼﻮﺕ ﺣﺎﺩ ﺑﺲ ﺍﻟﻌﺒﺮﻩ ﺧﺎﻧﻜﺘﻨﻲ ..
_ ﺍﻧﺖ ﻟﻮﻳﺶ ﺩﺗﺴﻮﻱ ﻫﺸﻜﻞ؟ !
ﺍﺳﻴﺪ .. ﺩﻓﻌﺘﻨﻲ ﻭﺭﺍﺣﺖ ﻭﻛﻔﺖ ﺑﻌﻴﺪ .. ﻭﻫﺬﺍ ﺍﻟﺘﺼﺮﻑ ﻋﺼﺒﻨﻲ ﻻﺑﻌﺪ ﺣﺪ ﺑﺲ ﻟﺰﻣﺖ ﺍﻋﺼﺎﺑﻲ ﺍﺭﻳﺪ ﺍﻓﻬﻢ ﺷﻨﻮ ﻣﻮﺿﻮﻋﻬﺎ ﻫﺎﻱ ..
_ ﺷﺴﻮﻳﺖ؟ !
ﺩﺍﻟﻴﺎ .. ﻟﺘﺴﻮﻱ ﻧﻔﺴﻚ ﻏﺸﻴﻢ .. ﺍﻧﺖ ﻣﻮ ﻛﻠﺘﻠﻲ ﻫﺬﺍ ﺍﻟﺰﻭﺍﺝ ﻭﻗﺘﻲ ﺷﻜﻮﻭ ﻣﺒﻘﻴﻬﺎ ﻳﻤﻲ .
ﺍﺳﻴﺪ .. ﻟﺘﺨﺒﻠﻴﻨﻲ ﺗﺮﻯ ﺍﺩﻓﻨﺞ ﻫﻨﺎ .. ﻣﻨﻮ ﻫﺴﻪ ﻛﺎﻟﻲ ﻛﺪﺍﻡ ﺍﻣﻲ ﺧﻄﻴﻪ ﻭ ﺑﻘﻴﻬﺎ ﻫﻨﺎ ؟ !!
ﺩﺍﻟﻴﺎ .. ﺍﻱ ﻛﻠﺖ ﻻﻥ ﺍﻣﻚ ﺧﻄﻴﻪ ﻣﺮﻳﻀﻪ ، ﺑﺲ ﺣﻈﺮﺗﻚ ﻣﺼﺪﻛﺖ ﺑﺴﺮﻋﻪ ﻭﺍﻓﻘﺖ ﻉ ﺍﻻﻗﻞ ﺍﻋﺘﺮﺽ ﻛﻮﻝ ﻻ ﺣﺴﺴﻨﻲ ﺍﻧﺖ ﻓﻌﻼً ﻣﺘﺮﻳﺪﻫﺎ .. ﻣﻮ ﻣﻦ ﺍﻭﻝ ﻛﻠﻤﻪ ﻛﻠﺖ ﺑﻘﻴﻬﺎ .
ﺍﺳﻴﺪ .. ﻟﺞ ﺑﺎﺑﺎ ﺍﻧﺘﻲ ﻣﺨﺒﻠﻪ ﻟﻮ ﺗﺮﺩﻳﻦ ﺗﺨﺒﻠﻴﻨﻲ .. ﺍﻃﻠﻜﻬﺎ ﺍﺗﻜﻮﻟﻴﻦ ﺑﻘﻴﻬﺎ .. ﺍﺑﻘﻴﻬﺎ ﺗﺰﻋﻠﻴﻦ ﻭﺍﺗﺮﺩﻳﻦ ﺍﻭﺩﻳﻬﺎ .. ﺷﺘﺮﺩﻳﻦ ﺑﺎﻟﻀﺒﻂ ﻓﻬﻤﻴﻨﻲ ﺗﺮﻯ ﻃﻠﻌﺖ ﺭﻭﺣﻲ .
ﺩﺍﻟﻴﺎ .. ﻛﻼﻣﻪ ﺻﺤﻴﺢ ﻭﺍﻧﻲ ﺍﻟﻐﻠﻄﺎﻧﻪ .. ﺍﻧﻲ ﺍﻟﻲ ﻛﻠﺘﻠﻪ ﺑﻘﻴﻬﺎ .. ﺧﻠﺺ ﻻﺯﻡ ﺍﻋﺘﺬﺭ ﻣﻨﻪ .. ﺭﺩﺕ ﺍﺭﻭﺣﻠﻪ ﺍﺣﻀﻨﻪ ﻭﺍﻋﺘﺬﺭ ﻣﻨﻪ .. ﭼﺎﻥ ﻳﺮﻥ ﻣﻮﺑﺎﻳﻠﻪ ..
ﺍﺳﻴﺪ .. ﺍﻟﻮﻭ .. ﺍﻫﺎﺍﺍ ﻣﺎﺷﻲ ﻫﺴﻪ ﺟﺎﻱ ..
ﺩﺍﻟﻴﺎ .. ﻭﻳﻦ؟ !
ﺍﺳﻴﺪ .. ﺩﺍﺍﺣﺠﻲ ﻭﻳﺎﻫﺎ ﺟﺎﻥ ﻳﺨﺎﺑﺮﻧﻲ ﺍﺑﻮ ﺍﺣﻤﺪ .. ﻛﺎﻟﻲ ﺧﺎﻟﺘﻚ ﺻﺤﺖ ﻭﺗﻌﺎﻝ ﺷﻮﻓﻠﻨﺎ ﺷﻨﻮ ﺍﻟﻘﺼﻪ ﻻﻥ ﻣﺤﺪ ﻳﻘﺒﻞ ﻧﺪﺧﻠﻠﻬﺎ .. ﻟﺒﺴﺖ ﻫﺪﻭﻣﻲ ﻭﺑﻮﺟﻬﻲ ﻟﻠﻤﺴﺘﺸﻔﻰ ﺑﺲ ﺍﻧﻲ ﺍﺭﻳﺪ ﺍﻧﻔﺠﺮ ﻣﻦ ﺍﻟﻲ ﺩﻳﺼﻴﺮ ﺑﻴﻪ .. ﺭﺍﺡ ﻳﺨﺒﻠﻨﻲ ﻫﺬﻧﻲ ﻭﺗﺎﻟﻴﻬﺎ ﻣﻮﺗﻲ ﻳﺼﻴﺮ ﺑﺴﺒﺒﻬﻦ .
ﻭﺻﻠﺖ ﻟﻠﻤﺴﺘﺸﻔﻰ ﺍﺗﻠﻜﻮﻧﻲ ﺭﺟﻞ ﺧﺎﻟﺘﻲ ﻭﺍﺑﻨﻬﺎ ﻭﺧﻮﺍﻟﻲ .. ﻋﻔﺘﻬﻢ ﻭﺭﺣﺖ ﻟﻐﺮﻓﺔ ﺍﺑﺮﺍﻫﻴﻢ .. ﻛﻠﺘﻠﻪ ﻫﻴﺞ ﻭﻫﻴﺞ ﺍﻟﺴﺎﻟﻔﻪ ﻭﻣﺤﺪ ﻳﻘﺒﻞ ﻳﺪﺧﻠﻨﺎ ﺍﻧﺸﻮﻑ ﺍﻟﻤﺮﻳﻀﻪ !
ﻛﺎﻟﻲ ﺗﻌﺎﻝ ﻭﻳﺎﻱ ﺷﻨﻮ ﻣﺤﺪ ﻳﺪﺧﻠﻚ .. ﺍﺧﺬﻧﻲ ﻭ ﺭﺣﻨﺎ ﻟﻜﻴﺘﻬﺎ ﺍﻣﺪﺩﻩ ﻉ ﺍﻟﺴﺪﻳﻪ ﻭﺑﺲ ﻋﻴﻮﻧﻬﺎ ﺗﺴﺘﺪﻳﺮ ﻭﺟﻬﻬﺎ ﻧﺼﻪ ﻣﻠﻔﻮﻑ ﻭﺭﺟﻠﻴﻬﺎ ﻭﺣﺪﻩ ﻣﺒﺘﻮﺭﻩ .. ﺷﺎﻓﺘﻨﻲ ﻓﺘﺤﺖ ﻋﻴﻮﻧﻬﺎ ﺗﺮﻳﺪ ﺗﺤﺠﻲ ﻣﺘﻜﺪﺭ .. ﺷﺎﻑ ﺍﻻﺷﻌﺎﺕ ﻭﺍﻟﺘﺤﺎﻟﻴﻞ ﻣﺎﻟﺘﻬﺎ ﻭﺍﻧﻲ ﻫﻢ ﺷﻔﺘﻬﻢ ﻃﻠﻊ ﻋﺪﻫﺎ ﻛﺴﺮ ﺑﺎﻟﻌﻤﻮﺩ ﺍﻟﻔﻘﺮﻱ .. ﻭﺷﻠﻞ ﺑﺎﻻﻃﺮﺍﻑ ﺍﻟﺴﻔﻠﻰ ﻣﻦ ﻣﻨﻄﻘﺔ ﺍﻟﺤﻮﺽ ﺍﻟﻰ ﺭﺟﻠﻴﻬﺎ .. ﺍﺿﺎﻓﻪ ﺍﻟﻰ ﻓﻄﺮ ﺑﺎﻟﺠﻤﺠﻤﻪ ﻭﺭﺿﻮﺽ ﺑﺒﺎﻗﻲ ﺍﻟﺠﺴﻢ .. ﺣﺎﻟﺘﻬﺎ ﻛﺎﻧﺖ ﻛﻠﺶ ﺻﻌﺒﻪ .. ﻋﻔﺘﻬﺎ ﻭﻃﻠﻌﺖ ﻛﺎﻟﻮ ﺑﺲ ﺗﺴﺘﻘﺮ ﺣﺎﻟﺘﻬﺎ ﻧﻨﻘﻠﻬﺎ ﺑﻐﺮﻓﻪ ﺧﺎﺻﻪ ﻭﺗﻜﺪﺭﻭﻥ ﺗﺸﻮﻓﻮﻫﺎ ..
ﻓﻌﻼ ﺑﻘﻴﻨﺎ ﻟﻠﻌﺼﺮ ﻳﻼ ﻧﻘﻠﻮﻫﺎ .. ﻭﺩﺧﻠﻮ ﺭﺟﻠﻬﺎ ﻭﺍﺑﻨﻬﺎ ﺷﺎﻓﻮﻫﺎ ﻛﺎﻡ ﻳﺒﺠﻲ ﺍﺑﻨﻬﺎ ﻭﺭﺟﻠﻬﺎ ﺍﺗﺤﻤﺪﻟﻬﺎ ﺍﻟﺴﻼﻣﻪ ﻫﻮ ﻭﺧﻮﺍﻟﻲ .. ﻟﻠﻴﻞ ﺍﻧﻲ ﻋﻔﺘﻬﻢ ﻭ ﺭﺟﻌﺖ ﻟﻠﺒﻴﺖ ﻻﻥ ﺣﻴﻞ ﺗﻌﺒﺖ !
ﻭﺻﻠﺖ ﻟﻠﺒﻴﺖ ﺏ 12 ﺑﺎﻟﻠﻴﻞ ﻟﻜﻴﺖ ﺍﻟﻜﻞ ﻧﺎﻳﻢ ﻭﺍﻟﺒﻴﺖ ﻫﺪﻭﺀ .. ﺻﻌﺪﺕ ﻟﻠﻐﺮﻓﻪ ﻟﻜﻴﺘﻬﺎ ﻓﺎﺭﻏﻪ ﻭ ﺩﺍﻟﻴﺎ ﻣﺎﻛﻮ !!
ﻭﺳﻤﻌﺖ ﺻﻮﺕ ﺑﺎﻟﺤﻤﺎﻡ .. ﺍﻛﻴﺪ ﻫﻲ .. ﻧﺰﻋﺖ ﻣﻼﺑﺴﻲ ، ﺑﺪﻟﺖ ﺗﺮﺍﻙ ﺧﻔﻴﻒ ﻭﻣﺪﺩﺕ ﻉ ﺍﻟﺴﺮﻳﺮ ﭼﺎﻥ ﻳﺮﻥ ﺍﻟﻤﻮﺑﺎﻳﻞ .. ﺑﺎﻭﻋﺖ ﻋﻠﻲ ﻳﺘﺼﻞ ﺑﻚ !!
ﺟﺎﻭﺑﺘﻪ .. ﺍﻟﻮﻭ ﺳﻼﻡ ﻭﻛﻼﻡ ..
......
ﻋﻠﻲ .. ﻳﻤﻌﻮﺩ ﺿﻞ ﺑﺎﻟﻲ ﻋﻠﻴﻚ ﻣﻦ ﺍﺧﺬﺕ ﺩﺍﻟﻴﺎ ﺑﻌﺪ ﻣﺎ ﺷﻔﺘﻚ ﻭﻻ ﻋﺮﻓﺖ ﺍﺧﺒﺎﺭﻛﻢ ﺷﺼﺎﺭ ﻣﺎ ﺻﺎﺭ ؟ !
ﺍﺳﻴﺪ .. ﻣﺎ ﺻﺎﺭ ﺷﻲ ﻭﻫﺴﻪ ﺍﻧﻲ ﺑﺒﻴﺘﻨﺎ .
ﻋﻠﻲ .. ﻳﺎ ﺑﻴﺖ ﺍﻟﻲ ﺑﺎﻟﻤﺰﺭﻋﻪ؟ !
ﺍﺳﻴﺪ .. ﻻ ﺑﻴﺖ ﺍﺑﻮﻳﻪ .
ﻋﻠﻲ .. ﻻﺍﺍﺍ ﺗﺘﺸﺎﻗﻪ !!
ﺍﺳﻴﺪ .. ﻫﻪ ﻻ ﻟﻚ ﻳﻮﻝ ﺩﺍﺍﺣﺠﻲ ﺻﺪﻙ ، ﻗﺎﺑﻞ ﺍﻧﻲ ﻣﺜﻠﻚ ﻋﺎﻳﺶ ﺑﺎﻟﺒﻮﻛﻪ .
ﻋﻠﻲ .. ﻳﻤﻌﻮﺩ ﺍﺳﻜﺖ ﻃﺎﺡ ﺣﻈﻲ ﻣﻦ ﻫﺎﻟﻮﺿﻊ ﻭﺳﻠﻤﻰ ﺧﻄﻴﻪ ﻣﺘﺒﻬﺬﻟﻪ ﻭﻳﺎﻱ .
ﺍﺳﻴﺪ .. ﻣﻮ ﻧﺼﺤﺘﻚ ﻣﺎ ﻓﺎﺩ ﺑﻴﻚ ﺍﻟﻨﺼﺢ .
ﻋﻠﻲ .. ﻫﻬﻬﻬﻬﻪ ﺷﻮﻑ ﻣﻨﻮ ﻳﻨﺼﺢ .. ﺩﺳﻜﺖ ﺑﺎﺑﺎ ﺍﺳﻜﺖ .
ﺍﺳﻴﺪ .. ﺍﻣﺸﻲ ﻭﻟﻲ ﻟﻚ ﻗﺸﻤﺮ ﻉ ﺍﻻﻗﻞ ﺍﻧﻲ ﻛﺎﻋﺪ ﻭﻳﺎ ﺍﻫﻠﻲ .
ﻋﻠﻲ .. ﺍﻭﻭﻭﻭﻑ ﺍﺳﻴﺪ ﻣﺎﺍﺩﺭﻱ ﺷﺴﻮﻱ .. ﺍﻟﻤﻬﻢ ﺣﺒﻴﺖ ﺍﺗﻄﻤﻦ ﻋﻠﻴﻚ ﻳﻼ ﺍﺧﺬ ﺭﺍﺣﺘﻚ ﺣﺒﻴﺒﻲ .
ﺍﺳﻴﺪ .. ﻫﻼ ﺑﻴﻚ ﺍﻥ ﺷﺎﺀ ﺍﻟﻠﻪ ﻫﺎﻻﺳﺒﻮﻉ ﺍﺩﺍﻭﻡ ﻭﻧﻠﺘﻘﻲ .
ﻋﻠﻲ .. ﺍﻟﻠﻪ ﻛﺮﻳﻢ .
ﺍﺳﻴﺪ .. ﺑﻌﺪﻧﻲ ﺩﺍﺍﺳﻠﻢ ﻉ ﻋﻠﻲ .. ﻭﭼﺎﻥ ﻋﻄﺮﻫﺎ ﻳﺘﺮﺱ ﺧﺸﻤﻲ .. ﻭﺍﻳﺪﻳﻬﺎ ﺣﻈﻨﺘﻨﻲ ﻣﻦ ﻭﺭﺍ !!!..
ﺩﺍﻟﻴﺎ .. ﺑﺼﻮﺕ ﻫﺎﺩﺉ ﻫﻤﺲ .. ﺍﺳﻔﻪ ﺣﺒﻴﺒﻲ .
ﺍﺳﻴﺪ .. ﮔﻠﺒﻲ ﺍﻛﻴﺪ ﻭﮔﻒ .. ﺑﺲ ﻫﻠﻲ ﺍﺷﻠﻊ ﮔﻠﺒﻬﺎ ﺍﺷﻮﻳﻪ ﻣﺜﻞ ﻧﺎ ﺳﻮﺕ ﺑﻴﻪ ﺍﻟﺒﺎﺭﺣﻪ .. ﺑﺼﻮﺕ ﺣﺎﺩ ﻉ ﺷﻨﻮ؟ !
ﺩﺍﻟﻴﺎ .. ﻭﺍﻧﻲ ﺣﺎﺿﻨﺘﻪ ﺑﺴﺘﻪ ﻉ ﺧﺪﻩ .. ﻉ ﺍﻟﻲ ﺻﺎﺭ ﺍﻟﻈﻬﺮ .
ﺍﺳﻴﺪ .. ﻭﺷﻨﻮ ﺍﺳﻮﻱ ﺑﻴﻬﺎ ﺍﻻﺳﻒ ﺍﻧﻲ؟ !
ﺩﺍﻟﻴﺎ .. ﻟﻌﺪ ﺷﻨﻮ ﺍﻛﻮﻟﻚ ؟ !
ﺍﺳﻴﺪ .. ﻟﺘﻜﻮﻟﻴﻦ ﺷﻲ .
ﺩﺍﻟﻴﺎ .. ﻟﻌﺪ ؟ !!
ﺍﺳﻴﺪ .. ﺍﺭﻳﺪ ﺍﻓﻌﺎﻝ ﺍﻧﻲ .
ﺩﺍﻟﻴﺎ .. ﺍﺷﻮﻥ ﻳﻌﻨﻲ ﻣﻔﻬﻤﺖ؟ !!
ﺍﺳﻴﺪ .. ﺍﻧﻲ ﺍﻓﻬﻤﺞ .. ﺟﺮﻳﺘﻬﺎ ﻟﺤﻈﻨﻲ ﻭﺑﺴﺘﻬﺎ .. ﺑﻮﺳﻪ ﺑﻌﺪ ﺑﻮﺳﻪ .... ﻭﺻﺎﺭ ﺍﻟﻲ ﺻﺎﺭ !!!! ( ﻋﻴﺐ ﺍﻧﺘﻮ ﻣﻌﻠﻴﻜﻢ ﺑﻴﻬﻢ (😅
ﺩﺍﻟﻴﺎ .. ﻛﻌﺪﺕ ﺍﻟﺼﺒﺢ ﻧﺎﻳﻤﻪ ﺑﺤﻀﻨﻪ .. ﻳﺎ ﺭﺏ ﺷﻜﺮﺍً ﺍﻟﻚ ﺣﻘﻘﺖ ﺍﻟﺤﻠﻢ ﺍﻟﻲ ﺍﺗﻤﻨﻴﺘﻪ ﻣﻦ ﺍﻭﻝ ﻳﻮﻡ ﺷﻔﺘﻪ ﺑﻲ .. ﺑﻘﻴﺖ ﺻﺎﻓﻨﻪ ﺑﻮﺟﻬﻪ .. ﺭﻓﻌﺖ ﺍﺩﻳﻪ ﻭﻣﺸﻴﺖ ﺍﺻﺎﺑﻌﻲ ﻉ ﻣﻼﻣﺤﻪ ﺑﻬﺪﻭﻭﻭﻭﺀ .. ﻭﺻﻠﺖ ﻳﻢ ﺣﻠﻜﻪ ﭼﺎﻥ ﻳﺒﻮﺱ ﺍﺻﺒﻌﻲ !!
ﻭﻳﻴﻴﻴﻴﻴﻲ ﺻﺨﻨﺖ ﻣﻦ ﺍﻟﺨﺠﻠﻪ ..
_ ﻫﺎﻱ ﺍﻧﺖ ﻛﺎﻋﺪ؟ !!
ﺍﺳﻴﺪ .. ﻛﻤﻠﻲ ﻣﻌﻠﻴﺞ ﺑﻴﻪ .
ﺩﺍﻟﻴﺎ .. ﻫﻬﻪ ﺷﻨﻮ ﺍﻛﻤﻞ ؟ !
ﺍﺳﻴﺪ .. ﺍﻟﻲ ﻛﻨﺘﻲ ﺗﺴﻮﻱ .
ﺩﺍﻟﻴﺎ .. ﻛﺎﺍﺍﺍﻓﻴﻴﻴﻴﻲ ﻛﻮﻡ ﻣﻮﺑﺎﻳﻠﻚ ﺻﺎﺭﻟﻪ ﺳﺎﻋﻪ ﻳﺮﺝ ﻣﻮﺗﻨﻲ .
ﺍﺳﻴﺪ .. ﻫﺎﻱ ﺷﻨﻮﻭ ﻟﻌﺪ ﻟﻴﺶ ﻣﻜﻌﺪﺗﻴﻨﻲ؟ !
ﺩﺍﻟﻴﺎ .. ﺷﻔﺘﻚ ﻧﺎﻳﻢ ﻭﻣﺮﺩﺕ ﺍﺻﺤﻴﻚ .
ﺍﺳﻴﺪ .. ﺟﺮﻳﺖ ﺍﻟﻤﻮﺑﺎﻳﻞ .. ﻟﻜﻴﺖ ﺍﺗﺼﺎﻝ ﻣﻦ ﺍﻟﺪﻭﺍﻡ ﺍﻻﻣﺮ ﻣﺨﺎﺑﺮﻧﻲ .. ﺭﺟﻌﺖ ﺍﺗﺼﻠﺖ ﺑﻲ .. ﭼﺎﻥ ﻳﻜﻠﻲ ﻻﺯﻡ ﻫﺴﻪ ﺗﻠﺘﺤﻖ ﺻﺎﻳﺮ ﺗﻌﺮﺽ ﻭﻫﻮﺍﻱ ﺍﺻﺎﺑﺎﺕ ﻭﻃﺒﻴﺐ ﻭﺍﺣﺪ ﻣﻴﻠﺤﻚ !
ﺳﺪﻳﺖ ﺍﻟﻤﻮﺑﺎﻳﻞ ﻭﻛﻤﺖ ﺑﻮﺟﻬﻲ ﻟﻠﺤﻤﺎﻡ ﺳﺒﺤﺖ ﻭﺑﺪﻟﺖ .. ﻃﻠﻌﺖ ﻟﻜﻴﺖ ﺩﺍﻟﻴﺎ ﻣﺴﻮﻳﻪ ﺭﻳﻮﻙ .. ﺍﺗﺮﻳﻜﺖ ﻭ ﻭﺻﻴﺘﻬﺎ ﻋﻠﻰ ﺍﻣﻲ ﻭﻃﻠﻌﺖ ﻟﻠﺪﻭﺍﻡ ... ﺑﻘﻴﺖ ﻫﻨﺎﻙ 10 ﺍﻳﺎﻡ ﭼﺎﻥ ﻳﺨﺎﺑﺮﻧﻲ ﺍﺑﻮ ﺍﺣﻤﺪ ﺭﺟﻞ ﺍﻳﻨﺎﺱ ..
_ ﺍﻟﻮﻭ .. ﺟﺎﻥ ﻳﻜﻮﻝ ﺧﺎﻟﺘﻚ ﺣﺎﻟﺘﻬﺎ ﻛﻠﺶ ﻣﻮ ﺯﻳﻨﻪ ﻭﺭﺟﻠﻴﻬﺎ ﺷﺎﻛﻴﻴﻦ ﺻﺎﻳﺮ ﺑﻴﻬﺎ ﮔﻨﮕﺮﻱ .. ﻭﺗﺮﻳﺪ ﺍﺗﺸﻮﻓﻚ ﺿﺮﻭﺭﻱ !!
_ ﺑﺲ ﺍﻧﻲ ﺑﺎﻟﺪﻭﺍﻡ ؟ !!
ﺍﺑﻮ ﺍﺣﻤﺪ .. ﺍﺷﻮﻛﺖ ﺗﻨﺰﻝ؟ !
ﺍﺳﻴﺪ .. ﺑﺎﺟﺮ ﻉ ﺍﻻﻏﻠﺐ
ﺍﺑﻮ ﺍﺣﻤﺪ .. ﻣﺎﺷﻲ ﺍﻧﺘﻈﺮﻙ .. ﺑﺲ ﺿﺮﻭﺭﻱ ﺗﺠﻲ ﺍﻭﻝ ﻣﺎ ﺗﻨﺰﻝ ﻻﻥ ﺣﺎﻟﺘﻬﺎ ﻣﺘﺴﻤﺢ ﺗﺄﺧﻴﺮ .
ﺍﺳﻴﺪ .. ﺍﻥ ﺷﺎﺀ ﺍﻟﻠﻪ .. ﺳﺪﻳﺖ ﺍﻟﻤﻮﺑﺎﻳﻞ ﻭﺛﺎﻧﻲ ﻳﻮﻡ ﺍﻭﻝ ﻣﺎ ﻧﺰﻟﺖ ﺑﻮﺟﻬﻲ ﻟﻠﻤﺴﺘﺸﻔﻰ ﺍﻟﻲ ﻧﺎﻳﻤﻪ ﺑﻲ ﺍﻳﻨﺎﺱ .. ﻭﺻﻠﺖ ﻟﻜﻴﺖ ﺑﺲ ﺭﺟﻠﻬﺎ ﻭﻳﺎﻫﺎ .. ﺳﻠﻤﺖ ﻭﻛﻌﺪﺕ ﻟﻜﻴﺘﻬﺎ ﺍﻣﺪﺩﻩ ﻉ ﺍﻟﺴﺮﻳﺮ ﻛﺎﻟﻌﺎﺩﻩ .. ﺑﺲ ﺗﻜﺪﺭ ﺗﺤﺠﻲ !!
_ ﻫﺎ ﺍﻡ ﺍﺣﻤﺪ ﺍﺷﻠﻮﻥ ﺻﺮﺗﻲ؟ !
ﺍﻳﻨﺎﺱ .. ﻫﺬﺍ ﺣﺎﻟﻲ ﺷﺘﺸﻮﻑ ؟ !
ﺍﺳﻴﺪ .. ﺍﻟﻠﻪ ﻛﺮﻳﻢ ..
ﺍﻳﻨﺎﺱ .. ﻋﻨﺪﻱ ﻛﻼﻡ ﺍﺭﻳﺪ ﺍﻛﻮﻟﻪ ﺍﻟﻚ .. ﺣﺘﻰ ﺍﺭﻭﺡ ﻭﺍﻧﻲ ﻣﺮﺗﺎﺣﻪ .
ﺍﺳﻴﺪ .. ﻋﻤﺮﺝ ﻃﻮﻳﻞ ﺍﻥ ﺷﺎﺀ ﺍﻟﻠﻪ .
ﺍﺑﻮ ﺍﺣﻤﺪ .. ﻣﺎﺷﻲ ﺍﻧﻲ ﺍﻋﻮﻓﻜﻢ ﻋﻠﻰ ﺭﺍﺣﺘﻜﻢ ﻟﻌﺪ .
ﺍﻳﻨﺎﺱ .. ﻻﺍﺍ ﺧﻠﻴﻚ ﺍﺑﻮ ﺍﺣﻤﺪ ﺍﻧﺖ ﻫﻢ ﻻﺯﻡ ﺗﻌﺮﻑ ﻛﻮﻟﺸﻲ ..
ﺍﺳﻴﺪ .. ﺍﻡ ﺍﺣﻤﺪ ﺍﺗﺮﻛﻲ ﺍﻟﻜﻼﻡ ﻫﺴﻪ ﺍﻧﺘﻲ ﻣﺮﻳﻀﻪ ﻭﻣﻮ ﺯﻳﻦ ﻋﻠﻴﺞ ﻣﻦ ﺗﺼﻴﺮﻳﻦ ﺯﻳﻨﻪ ﻋﻮﺩ ﻧﺤﺠﻲ ﻋﻠﻰ ﺭﺍﺣﺘﺞ .
ﺍﻳﻨﺎﺱ .. ﻻﺍﺍ ﺍﻧﻲ ﺍﻋﺮﻑ ﻣﺒﻘﺎﻟﻲ ﻏﻴﺮ ﺍﻳﺎﻡ ﻣﻌﺪﻭﺩﻩ .. ﻭﺍﺭﻳﺪ ﺍﺯﻳﺢ ﻫﺬﺍ ﺍﻟﻬﻢ ﺍﻟﻲ ﺻﺎﺭﻟﻲ ﺍﺳﻨﻴﻦ ﺷﺎﻳﻠﺘﻪ ..
ﺍﺳﻴﺪ .. ﻣﺎﺷﻲ ﺑﺮﺍﺣﺘﺞ ..
ﺍﻳﻨﺎﺱ .. ﺍﻭﻝ ﺷﻲ ﺍﻧﻲ ﺻﺢ ﻛﻨﺖ ﻣﺘﺰﻭﺟﻪ ﻗﺒﻞ ﻭﺻﺢ ﺧﻠﻔﺖ ﻣﻦ ﺯﻭﺟﻲ ﺍﻻﻭﻻﻧﻲ ... ﺑﺲ ﻣﺮﺗﻚ ﻣﻮ ﺑﻨﺘﻲ .........
ﻟﻠﺤﻜﺎﻳﻪ ﺑﻘﻴﻪ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء