رواية في أرض الغرام انت دولتي ج2 الجزء الرابع عشر
للكاتبة الأميرة الموسوية
.......
ﺩﺍﻟﻴﺎ .. ﺑﺼﺪﻣﻪ ﻭ ﺻﻮﺕ ﻳﺮﺟﻒ ﺑﺎﻟﻜﻮﻩ ﻃﻠﻊ ﻣﻦ ﻋﻨﺪﻱ ... ﺍﺳﻴﺪ !!!!!!!
ﻭﺟﻬﻪ ﻣﻠﻴﺎﻥ ﻏﻀﺐ .. ﻣﻦ ﺷﺎﻓﻨﻲ ﺍﺭﺗﺒﻚ .. ﺍﻧﻲ ﺣﺴﻴﺖ ﮔﻠﺒﻲ ﺍﻧﻔﺠﺮ .. ﺍﻱ ﺍﻧﻔﺠﺮ ﻣﻦ ﺷﻔﺖ ﺍﺳﻴﺪ ﻃﺎﻟﻊ ﻣﻦ ﻏﺮﻓﺘﻬﺎ .. ﻣﺤﺠﻴﺖ ﺷﻲ ﺩﺭﺕ ﻭﺟﻬﻲ ﻭﺭﻛﺾ ﻟﻐﺮﻓﺘﻲ !
ﺍﺳﻴﺪ .. ﺻﻌﺪﻧﺎ ﺍﻧﻲ ﻭﺩﺍﻟﻴﺎ ﻫﻲ ﻧﺎﻣﺖ ﻭﺍﻧﻲ ﺑﻘﻴﺖ ﻛﺎﻋﺪ ﻋﻨﺪﻱ ﺑﺤﺚ ﻳﺮﺩﻭ ﺑﺎﻟﺪﻭﺍﻡ ﻣﻨﻲ ﻭﺩﺍﺍﻛﻤﻠﻪ ﻉ ﺍﻻﺑﺘﻮﺏ .. ﺍﺗﺄﺧﺮ ﺍﻟﻮﻗﺖ ﻭﺍﻧﻲ ﻛﺎﻋﺪ ﻧﻌﺴﺖ ﻛﻠﺶ ﻭﻋﻄﺸﺖ !
ﻓﺘﺤﺖ ﺍﻟﺜﻼﺟﻪ ﻣﻠﻜﻴﺖ ﻣﻲ ﺑﺲ ﺛﻠﺞ !
ﺍﺷﻮﻥ ﺷﻐﻠﻪ ﻫﺎﻱ ﻫﺴﻪ ﺷﻴﻨﺰﻟﻨﻲ ﺍﻧﻲ .. ﻟﺒﺴﺖ ﺍﻟﺘﺸﻴﺮﺕ ﻣﺎﻟﺘﻲ ﻭﻧﺰﻟﺖ .. ﺍﻟﺒﻴﺖ ﻫﺪﻭﺀ ﻭﺍﻟﻜﻞ ﻧﺎﻳﻢ .. ﺭﺣﺖ ﻟﻠﻤﻄﺒﺦ ﺩﺍﺍﺷﺮﺏ ﻣﻲ ﻭﭼﺎﻥ ﺍﺳﻤﻊ ﺻﻮﺕ ﻭﺭﺍﻳﻪ ﺍﻟﺘﻔﺘﺖ ﻟﻜﻴﺘﻬﺎ ﺍﻳﻤﺎﻥ !!!!
ﺑﺎﻭﻋﺘﻠﻬﺎ ﺑﻐﻀﺐ ﻭﺑﺼﻮﺕ ﺣﺎﺩ ..
_ ﺷﻌﻨﺪﺝ ﻫﻨﺎ؟ !!!!
ﺍﻳﻤﺎﻥ .. ﺍﺳﻴﺪ .. ﺍﻧﻲ .. ﺍﻧﻲ .. ﺍﺭﻳﺪ ﺍﺣﺠﻲ ﻭﻳﺎﻙ .
ﺍﺳﻴﺪ .. ﺭﻭﺣﻲ ﻟﻐﺮﻓﺘﺞ ﺍﺣﺴﻨﻠﺞ .
ﺍﻳﻤﺎﻥ .. ﺍﺗﻘﺮﺑﺖ ﻣﻨﻪ ﻭﻟﺰﻣﺘﻪ ﻣﻦ ﺍﻳﺪﻩ .. ﻋﻔﻴﻪ ﺍﺳﻴﺪ ﺍﻧﻲ ﻣﺮﺍﻳﺪﻩ ﻣﻨﻚ ﺷﻲ .. ﺑﺲ ﺍﺭﻳﺪ ﺍﻋﺘﺬﺭ ﻣﻨﻚ ﻉ ﺍﻟﻲ ﺻﺎﺭ !..
ﺑﺲ ﻭﺍﻟﻨﺒﻲ ﻣﻮ ﺍﻧﻲ ﺍﻟﻐﻠﻄﺎﻧﻪ ﻫﻲ ﺍﻟﻲ ﺍﺗﺠﺎﻭﺯﺕ ﻋﻠﻴﻪ .
ﺍﺳﻴﺪ .. ﺍ ﻡ ﺵ ﻱ ﻭﻟﻲ ﻟﻐﺮﻓﺘﺞ ﺩﺍﺍﻛﻮﻝ .
ﺍﻳﻤﺎﻥ .. ﻣﺎ ﺍﺭﻭﺡ ﻣﻦ ﻭﻻ ﺍﺗﺤﺮﻙ ﺧﻄﻮﻩ ﻭﺣﺪﻩ ﺍﺫﺍ ﻣﺘﺴﺎﻣﺤﻨﻲ ﻭﺗﻘﺒﻞ ﺍﻋﺘﺬﺍﺭﻱ .
ﺍﺳﻴﺪ .. ﺻﻔﻨﺖ ﻋﻠﻴﻬﺎ .. ﺍﻟﺪﻧﻴﺎ ﺍﻟﻠﻴﻞ ﻭﺍﻟﻜﻞ ﻧﺎﻳﻤﻴﻦ ﻭﻫﺎﻱ ﺻﻮﺗﻬﺎ ﻳﻠﻌﻠﻊ .. ﻟﺘﺮﻭﺡ ﺗﺴﻤﻌﻬﺎ ﺑﻠﻮﺓ ﺣﻴﺎﺗﻲ ﻭﺷﻴﺨﻠﺼﻨﺎ ﺑﻌﺪ؟ !!!
ﺑﺼﻮﺕ ﺣﺎﺩ ﻭ ﻣﻦ ﻭﺭﺍ ﺧﺸﻤﻲ ..
_ ﻣﺴﺎﻣﺤﺞ ﻭ ﺭﻭﺣﻲ ﻟﻐﺮﻓﺘﺞ .
ﺍﻳﻤﺎﻥ .. ﻳﻌﻨﻲ ﻫﺴﻪ ﺍﻧﺼﺎﻟﺤﻨﺎ ﻣﻮﻭ ؟ !
ﺍﺳﻴﺪ .. ﺑﺎﻭﻋﺖ ﻋﻠﻴﻬﺎ ﺧﺰﺭﺗﻬﺎ .. ﻫﻲ ﺑﺴﺮﻋﻪ ﺭﺍﺣﺖ ﺻﻌﺪﺕ ، ﺍﻧﻲ ﺑﻘﻴﺖ ﺍﺷﻮﻳﻪ ﺑﺎﻟﻤﻄﺒﺦ ﺍﻛﻠﺖ ﻓﺎﻛﻬﻪ ﻭ ﺑﻌﺪﻳﻦ ﺍﺧﺬﺕ ﺍﻟﻤﻲ ﻭﺻﻌﺪﺕ ﻟﻐﺮﻓﺘﻲ ، ﺍﻭﻝ ﻣﺎ ﻭﺻﻠﺖ ﻳﻢ ﻏﺮﻓﺘﻬﺎ ﺳﻤﻌﺖ ﺻﻮﺕ ﺣﺠﻲ ﺑﺲ ﻫﻤﺲ ﻭ ﺿﺤﻚ !!!
ﻫﺎﻱ ﻭﻳﺎﻣﻦ ﺗﺤﺠﻲ؟ !!
ﻣﺤﺪ ﻳﻤﻬﺎ ﺑﺎﻟﻐﺮﻓﻪ ﺑﺲ ﻫﻲ .. ﻭﻣﻮ ﺻﻮﺕ ﺗﻠﻔﺰﻭﻥ ﻫﺬﺍ .. ﻣﺎﻛﻮ ﻏﻴﺮ .... ﺍﻭﻝ ﻣﺎ ﺧﻄﺮﺕ ﺍﻟﻔﻜﺮﻩ ﻋﻠﻰ ﺑﺎﻟﻲ ﺩﻣﻲ ﻓﺎﺭ .. ﺻﺢ ﻫﻲ ﻣﺘﻌﻨﻴﻠﻲ ﺷﻲ ﺑﺲ ﺗﺘﺴﻤﻰ ﻣﺮﺗﻲ ﻭﺷﺎﻳﻠﻪ ﺍﺳﻤﻲ ﻛﺪﺍﻡ ﺍﻟﻨﺎﺱ !!
ﺑﺪﻭﻥ ﺍﻱ ﺗﻔﻜﻴﺮ ﻓﺘﺤﺖ ﺍﻟﺒﺎﺏ ﻭﺩﺧﻠﺖ .. ﻟﻜﻴﺘﻬﺎ ﻣﺘﻤﺪﺩﻩ ﻉ ﺍﻟﺴﺮﻳﺮ ﻭﺗﺨﺎﺑﺮ !!!!!!!
ﺍﻭﻝ ﻣﺎ ﺷﺎﻓﺘﻨﻲ ﺿﻤﺖ ﺍﻟﻤﻮﺑﺎﻳﻞ ﺑﺴﺮﻋﻪ ﻭ ﻭﺟﻬﺎ ﺻﺎﺭ ﻟﻮﻧﻪ ﺍﺻﻔﺮ ﺍﻟﺮﻋﺐ ﺍﻧﺮﺳﻢ ﻋﻠﻰ ﻣﻼﻣﺤﻬﺎ .. ﻭﻫﻨﺎ ﺍﻧﻲ ﻛﻞ ﺷﻜﻮﻛﻲ ﺍﺗﺄﻛﺪﺕ !!
ﻣﺤﺠﻴﺖ ﻭﻻ ﻛﻠﻤﻪ ﺳﺪﻳﺖ ﺍﻟﺒﺎﺏ ﻭﺍﺟﻴﺖ ﻳﻤﻬﺎ .. ﺟﺮﻳﺖ ﺍﻟﻤﻮﺑﺎﻳﻞ ﻓﺘﺤﺖ ﺍﻟﻤﻜﺎﻟﻤﺎﺕ ﻟﻜﻴﺖ ﺍﺧﺮ ﻣﻜﺎﻟﻤﻪ ﻗﺒﻞ ﻛﻢ ﺩﻗﻴﻘﻪ !!
ﻣﺎﻛﻮ ﺍﺳﻢ ﺑﺲ ﺭﻗﻢ .. ﺳﻮﻳﺖ ﺍﻋﺎﺩﺓ ﻣﻜﺎﻟﻤﻪ ﻭﺍﺗﺼﻠﺖ ﻉ ﻧﻔﺲ ﺍﻟﺮﻗﻢ .. ﺑﺴﺮﻋﻪ ﺭﺩ .. ﺻﻮﺕ ﻭﻟﺪ
_ ﺍﻟﻮﻭ ﺣﺒﻲ ﻭﻳﻦ ﺭﺣﺘﻲ !!!!
ﺭﻓﻌﺖ ﺭﺍﺳﻲ ﺑﺎﻭﻉ ﺑﻮﺟﻬﺎﺍ ﻫﻲ ﺻﺎﻓﻨﻪ ﻋﻠﻴﻪ ﻭﺗﺮﺟﻒ ﺭﺍﺩﺕ ﺗﺤﺠﻲ ﺍﺷﺮﺗﻠﻬﺎ ﺑﺄﻳﺪﻱ ﻭﺧﺰﺭﺗﻬﺎ .. ﺳﺪﻳﺖ ﺍﻟﻤﻮﺑﺎﻳﻞ ﺑﺲ ﺍﻧﻲ ﻛﻞ ﺫﺭﻩ ﺑﻴﻪ ﺗﺮﺟﻒ ﻏﻀﺐ .. ﺻﺎﺭﺕ ﻛﺪﺍﻣﻲ ﻋﻠﻴﺎﺀ ﻣﻮ ﺍﻳﻤﺎﻥ ﺍﻟﻲ ﻛﺎﻋﺪﻩ !
.....
ﺑﺼﻮﺕ ﺣﺎﺩ ﻭﻫﺎﺩﺉ ..
_ ﻣﻨﻮﻭ ﻫﺬﺍ؟؟؟؟
ﺍﻳﻤﺎﻥ .. ﺗﺮﺟﻒ ﻣﺘﻜﺪﺭ ﺗﻨﻄﻖ ﻣﻦ ﺍﻟﺨﻮﻑ !
ﺍﺳﻴﺪ .. ﺍﺗﻘﺮﺑﺖ ﻣﻨﻬﺎ ﺍﻛﺜﺮ ﻭﺑﺼﻮﺕ ﺍﻛﺜﺮ ﺣﺪﻩ ﻭﻏﻀﺐ .. ﻟﺘﺨﻠﻴﻨﻲ ﺍﻋﻴﺪ ﺍﻟﻜﻼﻡ ﻣﺮﺗﻴﻦ ..
ﺍﻳﻤﺎﻥ .. ﺑﺼﻮﺕ ﻳﺮﺟﻒ ﻭﻛﻠﻤﺎﺕ ﻣﺘﻘﺎﻃﻌﻪ ... ﻣﻤـ .. ﺍ .. ﻣﺎ .. ﺍﻋﺮ .. ﻓﻒ .. ـﻪ .
ﺍﺳﻴﺪ .. ﺍﻫﺎﺍﺍ .. ﻣﺎﺷﻲ .. ﻫﺴﻪ ﻧﺘﺄﻛﺪ .
ﻓﺘﺤﺖ ﺍﻟﻤﻮﺑﺎﻳﻞ ﺭﺣﺖ ﻉ ﺑﺮﻧﺎﻣﺞ ﺗﺴﺠﻴﻞ ﺍﻟﺼﻮﺕ .. ﻭﺭﺟﻌﺖ ﺍﺗﺼﻠﺖ ﻋﻠﻴﻪ .. ﺭﻧﺘﻴﻦ ﻭﺟﺎﻭﺑﻨﻲ ...
_ ﺍﻟﻮﻭ ﻳﻤﻌﻮﺩﻩ ﻭﻳﻦ ﺗﺮﺣﻴﻦ .. ﺍﻟﻮﻭﻭ !
ﺍﺳﻴﺪ .. ﺍﺷﺮﺗﻠﻬﺎ ﺑﺄﻳﺪﻱ ﺍﺷﺎﺭﻩ ﺑﻤﻌﻨﻰ ﺍﺣﺠﻲ .. ﻫﻲ ﺻﺎﻓﻨﻪ ﺑﻮﺟﻬﻲ ﻭﺗﺮﺟﻒ ﻭﺗﺄﺷﺮﻟﻲ ﺑﺄﻳﺪﻫﺎ .. ﻻﺍ !
ﺧﺰﺭﺗﻬﺎ ﺑﻐﻀﺐ .. ﻫﻲ ﻣﻦ ﺷﺎﻓﺘﻨﻲ ﺑﺴﺮﻋﻪ ﺣﺠﺖ ..
ﺍﻳﻤﺎﻥ .. ﺃﺃ .. ﻟـ .. ﻭﻭ .. ﺍﻟﻠﻮﻭﻭ .
ﺍﻟﻮﻟﺪ .. ﺍﺷﺒﻴﺞ ﺍﺗﺒﻠﻌﻤﻴﻦ ﺷﻜﻮﻭ .. ﺷﻨﻮ ﺍﺟﻪ ﺍﺣﺪ؟ !
ﺍﻳﻤﺎﻥ .. ﻫﺎﺍﺍ .. ﻻﺍ .. ﻣﻤﺎ .. ﻣﺎﻛﻮﻭ ﺍﺣـ .. ﺩﺩ ﺑﺒﺒﺲ .. ﻧﻌﺴﺖ .
ﺍﻟﻮﻟﺪ .. ﺍﻫﻮﻭﻭ ﻳﻤﻌﻮﺩﻩ ﺑﻌﺪﻧﺎ ﺑﺒﺪﺍﻳﺔ ﺍﻟﺴﻬﺮﻩ ﺷﺒﺴﺮﻋﻪ؟
ﺩﻳﻼ ﺍﻧﻲ ﻫﻢ ﺍﺭﻭﺡ ﺍﻧﺎﻡ ﻭﺑﺎﺟﺮ ﺍﻧﻌﻮﺽ ﻋﻮﺩ .
ﺍﺳﻴﺪ .. ﺍﻧﻲ ﺍﺳﻤﻊ ﻭﺍﺣﺲ ﮔﻠﺒﻲ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ ﺑﻜﺪ ﺍﻟﻐﻀﺐ ﺍﻟﻲ ﺩﺍﺍﺣﺴﻪ .. ﺳﺪﻳﺖ ﺍﻟﺨﻂ ﺑﻮﺟﻪ ﺍﻟﻌﺎﺭ ﺻﺎﺣﺒﻬﺎ ﻭﺧﻠﻴﺖ ﺍﻟﻤﻮﺑﺎﻳﻞ ﺑﺠﻴﺒﻲ .. ﺑﺎﻭﻋﺘﻠﻬﺎ ﻫﻲ ﺗﺮﺟﻒ ﻭﻣﺪﻧﻜﻪ ﺭﺍﺳﻬﺎ .. ﻉ ﺑﺎﻟﻬﺎ ﺭﺍﺡ ﺍﺿﺮﺑﻬﺎ ﻟﻮ ﺍﻗﺘﻠﻬﺎ ﺧﻼﺹ .. ﻭﻫﻮ ﻫﺬﺍ ﻓﻌﻼً ﺍﻟﻲ ﻓﻜﺮﺕ ﺑﻲ ﻭﻗﺘﻬﺎ .. ﺑﺲ ﺍﺗﺬﻛﺮﺕ ﺩﺍﻟﻴﺎ ﻭﺍﺑﻨﻲ ﻭﺍﻣﻲ ﺍﻟﻤﻦ ﺍﻋﻮﻓﻬﻢ .. ﺣﺘﻰ ﻟﻮ ﺍﻟﻘﺎﻧﻮﻥ ﻭﻛﻒ ﻭﻳﺎﻱ ﻓﺄﻫﻠﻬﺎ ﺭﺍﺡ ﻳﺼﻴﺮﻭﻥ ﺷﺮﻓﺎﺀ ﻭﻣﻴﺴﻜﺘﻮﻥ .. ﻣﺨﻔﺖ ﻋﻠﻰ ﻧﻔﺴﻲ ﺍﺑﺪ ﺑﺲ ﺧﻔﺖ ﻋﻠﻰ ﺍﻫﻠﻲ ﺷﻨﻮ ﻣﺼﻴﺮﻫﻢ !!
ﻭﻫﻞ ﻳﺎ ﺗﺮﻯ ﻭﺣﺪﻩ ﺳﺎﻗﻄﻪ ﻣﺜﻞ ﻫﺎﻱ ﺗﺴﺘﺤﻖ ﺍﺿﻴﻊ ﺣﻴﺎﺗﻲ ﻋﻠﻰ ﻣﻮﺩﻫﺎ؟ !!!
ﺻﺎﻓﻦ ﺍﻓﻜﺮ ﻭﺍﻟﻐﻀﺐ ﺩﻳﺤﺮﻙ ﺑﻴﻪ ﺣﺮﻙ .. ﺑﺎﻭﻋﺘﻠﻬﺎ ﻭﺑﺼﻮﺕ ﺣﺎﺩ ...
_ ﺑﺎﺟﺮ ﻣﻦ ﺍﻟﺼﺒﺢ ﺗﺎﺧﺬﻳﻦ ﻣﻼﺑﺴﺞ ﻭﺗﺨﺎﺑﺮﻳﻦ ﺍﻫﻠﺞ ﻳﺠﻮﻥ ﻳﺎﺧﺬﻭﺝ .. ﺍﺗﻜﻠﻴﻠﻬﻢ ﺍﺭﻳﺪ ﺍﺗﻄﻠﻚ ﻭﻣﺎ ﺍﺷﻮﻑ ﺧﻠﻘﺘﺞ ﺣﺘﻰ ﺑﺎﻟﻤﺤﻜﻤﻪ !
ﺍﻳﻤﺎﻥ .. ﻭﻫﻲ ﺗﺮﺟﻒ ﻭﺗﺒﺠﻲ .. ﻓﺪﻭﻩ ﺍﺳﻤﻌﻨﻲ ﺍﻧﺖ ﻓﺎﻫﻢ ﺍﻟﻤﻮﺿﻮﻉ ﻏﻠﻂ ﺍﻧـ ...
ﺍﺳﻴﺪ .. ﻛﻠﻤﻪ ﺯﺍﻳﺪﻩ ﻣﻨﺞ ﺍﺧﻠﻲ ﺍﻟﺘﺴﺠﻴﻞ ﺑﻴﺪ ﺍﺑﻮﺝ ﺍﻟﺸﺮﻳﻒ .. ﻟﺘﻀﻄﺮﻳﻨﻲ ﺍﺳﻠﻚ ﻫﺬﺍ ﺍﻟﻄﺮﻳﻖ ﻭﺳﻮﻱ ﺍﻟﻲ ﻛﻠﺘﻪ .
ﻋﻔﺘﻬﺎ ﻭﻃﻠﻌﺖ ﺑﺲ ﺍﻧﻲ ﺍﺭﺟﻒ ﺍﺭﺟﻒ ﻏﻀﺐ .. ﺧﻴﺎﻧﻪ .. ﻣﺎ ﺍﺩﺭﻱ ﻟﻴﺶ ﻣﺸﻬﺪ ﻋﻠﻴﺎﺀ ﺩﻳﻨﻌﺎﺩ !
ﻃﻠﻌﺖ ﻣﻨﻬﺎ ﻭﭼﺎﻥ ﺍﺷﻮﻑ ﺑﻠﻮﺓ ﺣﻴﺎﺗﻲ ﻭﺍﻛﻔﻪ ﻛﺪﺍﻣﻲ .. ﺷﺎﻓﺘﻨﻲ ﻃﺎﻟﻊ ﻣﻦ ﻏﺮﻓﺔ ﻫﺎﻱ ﺍﻟﻌﺎﺭ !!!!
ﺍﻭﻭﻭﻭﻭﻭﻭﻭﻭﻭﻑ ﻳﺎ ﺭﺑﻲ ﺷﺮﺍﺡ ﺍﻛﻠﻠﻬﺎ؟ !
ﻭﺷﻨﻮ ﺍﻟﻲ ﻳﻘﻨﻌﻬﺎ ﻫﺎﺍﺍﻱ ؟ !!
ﺑﺲ ﻣﺎ ﺍﻛﻠﻠﻬﺎ ﻉ ﺍﻟﻲ ﺻﺎﺭ ﻣﺴﺘﺤﻴﻴﻴﻞ !
ﺻﺢ ﺍﻳﻤﺎﻥ ﻭﺣﺪﻩ ﻗﺬﺭﻩ ﻭﺗﺴﺘﺤﻖ ﺍﻟﻤﻮﺕ ﺑﺲ ﻣﺎ ﺍﻓﻀﺤﻬﺎ ﻻﻥ ﺍﺫﺍ ﻋﺮﻓﺖ ﺍﻟﺪﺍﻟﻴﺎ ﻣﺮﺍﺡ ﺗﺴﻜﺖ .. ﺍﻛﻴﺪ ﺍﺗﻜﻮﻝ ﺍﻻﻣﻲ ﻭﺍﻣﻲ ﺍﺫﺍ ﺍﺟﻮ ﺍﻫﻞ ﺍﻳﻤﺎﻥ ﻭﻫﺪﺩﻭ ﺭﺍﺡ ﺗﺤﺠﻲ ﻣﺘﺴﻜﺖ .. ﻭ ﺭﺍﺡ ﺗﻨﻔﻀﺢ .. ﺍﻫﻠﻬﺎ ﺍﺫﺍ ﻋﺮﻓﻮ ﻳﺬﺑﺤﻮﻫﺎ .. ﻭ ﺩﻣﻬﺎ ﻳﺼﻴﺮ ﺑﺮﻛﺒﺘﻲ !
ﻭﺍﺫﺍ ﻓﻀﺤﺘﻬﺎ ﺍﻟﻠﻪ ﺍﻛﻴﺪ ﺭﺍﺡ ﻳﻌﺎﻗﺒﻨﻲ ﺍﺫﺍ ﻣﻮ ﺑﻤﺮﺗﻲ ﺑﺒﻨﺘﻲ ﻓﻲ ﻳﻮﻡ ﻣﻦ ﺍﻻﻳﺎﻡ !!..
ﻫﺎﻱ ﺍﻧﻲ ﺍﺷﺼﺎﺭﻟﻲ .. ﻣﻌﻘﻮﻟﻪ ﺍﻧﻲ ﺍﻓﻜﺮ ﻫﺸﻜﻞ؟ !!
ﻻ ﺍﺳﺘﻐﻔﺮ ﺍﻟﻠﻪ .. ﺍﻟﻠﻪ ﻣﻴﺎﺧﺬ ﺍﺣﺪ ﺑﺬﻧﺐ ﻏﻴﺮﻩ .. ﺑﺲ ﻣﻊ ﺫﻟﻚ ﻣﺮﺍﺡ ﺍﺣﺠﻲ ﺍﻻﺣﺪ ﺍﻃﻠﻜﻬﺎ ﻭﺧﻠﺺ !
ﺍﺣﺠﻲ ﻭﻳﺎ ﻧﻔﺴﻲ ﻣﺜﻞ ﺍﻟﻤﺨﺒﻞ .. ﺍﻓﻜﺎﺭ ﻏﺮﻳﺒﻪ ﻋﺠﻴﺒﻪ ﺩﺗﻔﺘﺮ ﺍﺑﺎﻟﻲ .. ﻟﺪﺭﺟﻪ ﺣﺘﻰ ﺍﻧﻲ ﺍﺳﺘﻐﺮﺑﺖ ﻣﻦ ﺣﺎﻟﻲ !
.... ..
ﺑﺲ ﺍﻟﻤﺸﻜﻠﻪ ﺩﺍﻟﻴﺎ ﺍﺷﻠﻮﻥ ﺑﻴﻬﺎ ﺷﺮﺍﺡ ﻳﻘﻨﻌﻬﺎ؟ !!
ﺭﺣﺖ ﻟﻐﺮﻓﺘﻨﺎ ﻟﻜﻴﺘﻬﺎ ﻭﺍﻛﻔﻪ ﻳﻢ ﺍﻟﺸﺒﺎﻙ ﻭﻣﻄﻴﺘﻨﻲ ﻇﻬﺮﻫﺎ .. ﺳﺪﻳﺖ ﺍﻟﺒﺎﺏ ﻭﺍﺗﻘﺮﺑﺖ ﻣﻨﻬﺎ .. ﻣﺪﻳﺖ ﺍﻳﺪﻱ ﺍﺭﻳﺪ ﺍﺣﻈﻨﻬﺎ .. ﻭﺧﺮﺕ ﻣﻦ ﻳﻤﻲ ﺑﺴﺮﻋﻪ !!!
_ ﺩﺍﻟﻴﺎ ... ؟ !!
ﺩﺍﻟﻴﺎ .. ﺻﺎﺭ ﺍﻛﺜﺮ ﻣﻦ 10 ﺩﻗﺎﻳﻖ ﻭﺍﻛﻔﻪ ﻭﮔﻠﺒﻲ ﺩﻳﺤﺘﺮﻙ ﺍﺭﻳﺪ ﺍﺑﺠﻲ ﺑﺲ ﺍﺩﻣﻮﻋﻲ ﻣﻦ ﺍﻟﺼﺪﻣﻪ ﺟﻔﺖ !
ﺍﻟﻤﻨﻈﺮ ﻣﻴﻔﺎﺭﻙ ﻋﻴﻨﻲ .. ﻣﺪﺍﺍﺻﺪﻙ ﺍﺳﻴﺪ ..... ﻳﺮﻭﺡ ﻟﻬﺎﻱ؟ !!!
ﺑﻌﺪ ﻛﻞ ﺍﻟﻲ ﺍﺗﺤﻤﻠﺘﻪ ﻣﻨﻪ ﻭﻛﻞ ﺍﻟﻲ ﺳﻮﺍ ﺑﻴﻪ ﻭﺍﻟﻌﺬﺍﺏ ﺍﻟﻲ ﻋﺸﺘﻪ ﻭﺷﻔﺘﻪ ﻳﻼ ﺧﻠﻴﺘﻪ ﻳﺘﻘﺒﻠﻨﻲ ﺑﺤﻴﺎﺗﻪ .. ﺗﺠﻲ ﻫﺬﻱ ﺑﻬﺎﻟﺴﻬﻮﻟﻪ ﻭﺗﺎﺧﺬﻩ !!!
ﻭﻫﻮ ﺑﻬﺎﻟﺒﺴﺎﻃﻪ ﻳﺘﺠﺎﻭﺏ ﻭﻳﺎﻫﺎ .. ﻻ ﻭﻳﺮﻭﺡ ﻳﻤﻬﺎ؟ !!
ﻣﺎﺍﻋﺮﻑ ﻭﻗﺘﻬﺎ ﺣﺴﻴﺖ ﻧﻔﺴﻲ ﺍﻏﺒﻰ ﻛﺎﺋﻦ ﻋﻠﻰ ﻭﺟﻪ ﺍﻻﺭﺽ .. ﻣﻔﻜﺮﺕ ﺑﺄﻱ ﺷﻲ ﻏﻴﺮ ﺍﻧﻮ ﺍﺳﻴﺪ ﺭﺍﺡ ﻳﻤﻬﺎ ﻟﺴﺒﺐ ﻭﺍﺣﺪ !
ﻭﺍﻻ ﺷﻨﻮ ﺍﻟﻲ ﻳﺨﻠﻲ ﻳﻨﺘﻈﺮﻧﻲ ﻟﻤﺎ ﺍﻧﺎﻡ ﻳﻼ ﻳﺮﻭﺡ؟ !
ﻭﺷﻨﻮ ﺍﻟﻲ ﻳﺨﻠﻲ ﻳﺮﻭﺡ ﻟﻐﺮﻓﺘﻬﺎ ﻧﺺ ﺍﻟﻠﻴﻞ؟ !!
ﻣﺎﻛﻮﻭﻭ ﻏﻴﺮ .... ﺍﻱ .. ﺍﻱ .. ﺍﺑﺎﻭﻉ ﻋﻠﻰ ﺍﺩﻳﻪ ﺗﺮﺟﻒ .. ﺟﺴﻤﻲ ﻛﻮﻟﻪ ﺍﻧﺘﻔﺾ ﻭﻳﺮﺟﻒ .. ﻫﺴﻪ ﺍﻧﻲ ﻣﻤﺴﻮﻳﻪ ﺷﻲ ﻟﻮﻳﺶ ﺩﺍﺍﺭﺟﻒ؟ !!
ﺑﻌﺪﻧﻲ ﺑﻬﺎﻟﺤﺎﻝ ﭼﺎﻥ ﻳﺪﺧﻞ ﺍﻻﻓﻨﺪﻱ !!
ﻭﺑﻜﻞ ﺑﺮﻭﺩ ﻳﺤﺠﻲ ؟ !!
ﻣﺤﺠﻴﺖ ﻭﻳﺎ ﺷﻲ ﺍﺑﺘﻌﺪﺕ ﻋﻨﻪ ﻭﺍﻧﻲ ﺳﺎﻛﺘﻪ ﺑﺲ ﺑﺪﺍﺧﻠﻲ ﺑﺮﻛﺎﻥ ﻳﺮﻳﺪ ﻳﻨﻔﺠﺮ !
ﺭﺣﺖ ﻟﻠﻤﻴﺰ ﻓﺘﺤﺖ ﺍﻟﺠﺮﺍﺭﻩ ﻭﺳﻮﻳﺖ ﻧﻔﺴﻲ ﺩﺍﺍﺩﻭﺭ ﻋﻦ ﺷﻲ ﺍﻧﻲ ﺍﺻﻼً ﻣﺎﺍﻋﺮﻓﻪ ﺷﻨﻮ .. ﺑﺲ ﺭﺩﺕ ﺍﻟﻬﻲ ﻧﻔﺴﻲ ﺑﺄﻱ ﺷﻲ ﺣﺘﻰ ﻣﺎﺍﻧﻔﺠﺮ ﺑﻮﺟﻬﻪ ﻭﺍﻟﺪﻧﻴﺎ ﺍﻟﻠﻴﻞ ﻭﺗﺼﻴﺮ ﻣﺸﻜﻠﻪ !
ﺧﻠﻴﻬﺎ ﻟﻠﺼﺒﺢ ﺍﺧﺬ ﺟﻨﻄﺘﻲ ﻭﺍﺭﻭﺡ ﻭﺍﺫﺍ ﺷﺎﻑ ﻭﺟﻬﻲ ﺑﻌﺪ ﺍﻧﻲ ﻣﻮ ﺩﺍﻟﻴﺎ .. ﺑﻘﻴﺖ ﺍﺑﺤﻮﺵ ﺟﺎﻥ ﻳﺤﺠﻲ ..
ﺍﺳﻴﺪ .. ﻭﻳﺎﻣﻦ ﺩﺍﺍﺣﺠﻲ ﺍﻧﻲ ؟ !
ﺩﺍﻟﻴﺎ .. ﻭﻻ ﻛﺄﻧﻮ ﺍﺳﻤﻌﻪ .. ﺳﺪﻳﺖ ﺍﻟﺠﺮﺍﺭﻩ ﻭﺭﺟﻌﺖ ﻟﻔﺮﺍﺷﻲ ﺍﺭﻳﺪ ﺍﻧﺎﻡ ﺑﻠﻜﻲ ﻳﺴﻜﺖ ﻋﻨﻲ .. ﻣﺮﻳﺖ ﻣﻦ ﻳﻤﻪ ﭼﺎﻥ ﻳﻠﺰﻣﻨﻲ ﻣﻦ ﺍﻳﺪﻱ .. ﻭﻳﺒﺎﻭﻉ ﺑﻮﺟﻬﻲ ...
ﺍﺳﻴﺪ .. ﺩﺍﻟﻠﻐﻴﻴﻴﻴﻴﻲ ﻳﺎﺍﺍﺝ ..
ﺩﺍﻟﻴﺎ .. ﺳﺤﺒﺖ ﺍﻳﺪﻱ ﻣﻨﻪ ﺑﻘﻮﻩ ﻭﺩﻓﻌﺘﻪ .. ﻭﺑﺼﻮﺕ ﺣﺎﺩ ﺑﺲ ﺑﻬﺪﻭﺀ ..
_ ﻭﺍﻧﻲ ﻣﺎ ﻋﻨﺪﻱ ﻛﻼﻡ ﻭﻳﺎﻙ .
ﺍﺳﻴﺪ .. ﺍﺳﺘﻐﻔﺮ ﺍﻟﻠﻪ .. ﺩﺍﻟﻴﺎ ﻟﺘﺨﺒﻠﻴﻨﻲ ﺑﻨﺺ ﺍﻟﻠﻴﻞ .. ﻫﺴﻪ ﺍﻧﺘﻲ ﺷﻨﻮ ﻓﻬﻤﺘﻲ .. ﺍﺷﺒﻴﺞ ﻣﺘﻜﻠﻴﻠﻲ؟
ﺩﺍﻟﻴﺎ .. ﻻﺍﺍ ﺻﺪﻭﻭﻙ؟ !!
ﻣﺘﻌﺮﻑ ﺍﺷﺒﻴﻪ؟ !
ﺍﺳﻴﺪ .. ﺳﺄﻟﺘﺞ ﻟﺘﺠﺎﻭﺑﻴﻨﻲ ﺑﺴﺆﺍﻝ !
ﺩﺍﻟﻴﺎ .. ﺍﺳﻴﺪ ﻟﺘﺨﺒﻠﻨﻲ ﺷﻨﻮﻭﻭﻭ ﻛﻨﺖ ﺍﺗﺴﻮﻱ ﺑﻐﺮﻓﺘﻬﺎ؟ !
ﺷﻌﻨﺪﻙ ﻭﻳﺎ ﺍﻳﻤﺎﻥ؟ !!
ﺍﺳﻴﺪ .. ﻭﻻ ﺷﻲ .
ﺩﺍﻟﻴﺎ .. !!
ﺍﺳﻴﺪ .. ﺍﻧﺘﻲ ﻓﺎﻫﻤﻪ ﻏﻠﻂ ..
ﺩﺍﻟﻴﺎ .. ﺍﻭﻙ ﻓﻬﻤﻨﻲ ﺍﻟﺼﺢ ﺷﻨﻮ؟ !!!!
ﺍﺳﻴﺪ .. ﻋﻄﺸﺖ ﻭﻧﺰﻟﺖ ﺍﺷﺮﺏ ﻣﻲ .. ﺻﻌﺪﺕ ﺻﺎﺣﺘﻨﻲ ﺍﻳﻤﺎﻥ ﺭﻗﻢ ﻏﺮﻳﺐ ﺩﻳﺘﺼﻞ ﻋﻠﻴﻬﺎ ﻭﻣﺘﻜﺪﺭ ﺍﺗﺮﺩ .. ﺩﺧﻠﺖ ﺷﻔﺖ ﻣﻨﻮ ﻭﻃﻠﻌﺖ .. ﻫﺬﺍ ﻛﻠﺸﻲ .
.......
ﺩﺍﻟﻴﺎ .. ﻫﻪ .. ﻭﺍﻧﺖ ﻣﺘﻜﺪﺭ ﺍﺗﺮﺩ ﺍﻻ ﺑﻐﺮﻓﺘﻬﺎ؟ !
ﻭﺍﺫﺍ ﺍﻟﺮﻗﻢ ﻏﺮﻳﺐ ﻟﻮﻳﺶ ﻣﻨﻄﺘﻪ ﺭﻓﺾ .. ﺷﻜﻮ ﻧﺺ ﺍﻟﻠﻴﺎﻟﻲ ﺗﺼﻴﺤﻚ ﻟﻐﺮﻓﺘﻬﺎ؟ !
ﺷﻌﻨﺪﻙ ﻳﻤﻬﺎ ﺍﺳﻴﺪ ﺟﺎﻭﺑﻨﻲ؟؟
ﺍﺳﻴﺪ .. ﺍﻧﺘﻲ ﺷﻨﻮ ﺗﺤﻘﻘﻴﻦ ﻭﻳﺎﻱ؟ !!
ﺩﺍﻟﻴﺎ .. ﺑﻠﻲ ﺍﺣﻘﻖ ﻭﻳﺎﻙ .. ﻭﺍﺫﺍ ﻣﺘﻜﻮﻟﻲ ﺷﻌﻨﺪﻙ ﺭﺣﺖ ﻳﻢ ﺍﻳﻤﺎﻥ ﻫﺴﻪ ﺍﻋﻮﻓﻚ ﻭﺍﺭﻭﺡ .
ﺍﺳﻴﺪ .. ﺑﻌﺼﺒﻴﻪ .. ﻟﺞ ﺍﻧﺘﻲ ﻣﺨﺒﻠﻪ؟ !
ﺩﺍﺍﻛﻠﺞ ﺭﺣﺖ ﺍﺷﻮﻑ ﻣﻨﻮ ﺩﻳﺘﺼﻞ ﺑﻴﻬﺎ ﺟﺎﻭﺑﺖ ﻣﺤﺪ ﺭﺩ ﻋﻔﺘﻬﺎ ﻭﻃﻠﻌﺖ .. ﻭﺣﻀﺮﺗﺞ ﺷﻔﺘﻴﻨﻲ !
ﺩﺍﻟﻴﺎ .. ﻫﻬﻪ ﺍﻧﺖ ﺷﻨﻮ ﺷﺎﻳﻔﻨﻲ ﻃﻔﻠﻪ ﻛﺪﺍﻣﻚ ﻟﻮ ﻏﺒﻴﻪ ﺗﻀﺤﻚ ﻋﻠﻴﻪ ﺑﻜﺬﺑﺘﻴﻦ ﻭﺍﺻﺪﻛﻚ؟ !!
ﺍﺳﻴﺪ .. ﺍﻧﺘﺒﻬﻲ ﻟﻜﻼﻣﺞ ﺩﺍﻟﻴﺎ .
ﺩﺍﻟﻴﺎ .. ﻻﺍ ﻭﺍﻟﻠﻪ؟ !!
ﻭﺍﻧﺖ ﺍﻟﻲ ﺗﻌﺼﺐ؟ !!
ﻣﺎﺷﻲ ﺍﺳﻴﺪ ﺑﺮﺍﺣﺘﻚ .. ﺑﺲ ﺣﺪﻱ ﻭﻳﺎﻙ ﻟﻠﺼﺒﺢ ﺍﺫﺍ ﻟﻜﻴﺘﻨﻲ ﻫﻨﺎ ﻋﺎﺗﺒﻨﻲ .
ﺍﺳﻴﺪ .. ﺑﺼﻮﺕ ﺣﺎﺩ ﻭﻏﻀﺐ .. ﺩﺍﻟﻴﺎ ﻟﺘﺘﺨﺒﻠﻴﻦ ﻛﻠﺘﻠﺞ ﻣﺎ ﻋﻨﺪﻱ ﺷﻲ ﻭﻳﺎﻫﺎ ﻟﻴﺶ ﻣﺘﺼﺪﻛﻴﻦ؟ !
ﻋﻮﻓﻲ ﻫﺎﻱ ﺍﺧﺒﺎﻻﺗﺞ ﻭﺍﻣﺸﻲ ﻧﺎﻣﻲ ﻣﻮ ﺯﻳﻦ ﻉ ﺍﻟﻄﻔﻞ ﺍﻟﺴﻬﺮ .
ﺩﺍﻟﻴﺎ .. ﻫﻮ ﻫﺬﺍ ﺍﻟﻲ ﻫﺎﻣﻚ .. ﺍﻟﻄﻔﻞ؟ !!
ﻭﺍﻧﻲ ﺷﻨﻮﻭ ﺣﻴﻮﺍﻥ ؟ !
ﻣﺎﺷﻲ .. ﺣﻨﺎﻡ ﻣﺜﻞ ﻣﺘﺮﻳﺪ ﺑﺲ ﺧﻠﻲ ﺍﺑﺎﻟﻚ ﺑﺎﺟﺮ ﺗﻜﻌﺪ ﻣﺘﻠﻜﺎﻧﻲ !
ﺍﺳﻴﺪ .. ﺍﻧﺘﻲ ﺷﺪﺗﺤﺠﻴﻦ .. ﺍﻛﻴﺪ ﺍﺗﺨﺒﻠﺘﻲ ؟
ﺩﺍﻟﻴﺎ .. ﺍﻟﻲ ﺳﻤﻌﺘﻪ .. .. ﺑﻌﺪﺕ ﻋﻨﻪ ﺧﻠﻴﺖ ﺭﺍﺳﻲ ﻭﺳﻮﻳﺖ ﺭﻭﺣﻲ ﻧﺎﻳﻤﻪ ﻟﺤﺪ ﻣﻴﻨﺎﻡ ﻭﺍﻃﻠﻊ .. ﻫﻮ ﺑﻘﻰ ﻣﺜﻞ ﺍﻟﺼﻨﻢ ﻭﺍﻛﻒ ﺑﻤﻜﺎﻧﻪ !
ﺍﺳﻴﺪ .. ﻳﺎ ﺭﺑﻲ ﺷﻨﻮ ﻣﺴﻮﻱ ﺑﺤﻴﺎﺗﻲ ﺣﺘﻰ ﻳﻨﺸﻠﻊ ﮔﻠﺒﻲ ﻫﻴﺞ ﻭ ﺍﻟﺮﺍﺣﻪ ﻣﺎﺍﺷﻮﻓﻬﺎ ؟ !
ﺟﺮﻳﺖ ﺍﻟﻜﺮﺳﻲ ﻭﻛﻌﺪﺕ ﺍﺣﺮﺱ ﺍﻟﺨﺒﻠﻪ ﻫﺎﻱ .. ﺍﻋﺮﻓﻬﺎ ﻛﻠﺸﻲ ﺗﺴﻮﻱ ﻭﺍﺫﺍ ﻛﺎﻟﺖ ﺍﺗﺮﻭﺡ ﻓﻌﻼ ﺍﺗﺮﻭﺡ ﻻﻥ ﻣﻮ ﺍﻭﻝ ﻣﺮﻩ ﺍﻟﻬﺎ .. ﻋﺪﻫﺎ ﺗﺠﺎﺭﺏ ﻭﺍﻧﻲ ﺷﺎﻫﺪ !
ﻛﻌﺪﺕ ﻉ ﺍﻟﻜﺮﺳﻲ ﻣﮕﺎﺑﻠﻬﺎ ﻭﺍﺩﺧﻦ ﻟﻠﺼﺒﺢ ﻣﻨﻤﺖ ﻭﻻ ﻏﻤﻀﺘﻠﻲ ﻋﻴﻦ !
ﺍﻓﻜﺮ ﺑﺪﺍﻟﻴﺎ ﺍﺷﻠﻮﻥ ﺍﻗﻨﻌﻬﺎ ﻣﺎﻛﻮ ﺷﻲ ﺑﻴﻨﻲ ﻭﺑﻴﻦ ﺍﻟﺤﻘﻴﺮﻩ ﺍﻳﻤﺎﻥ .. ﻭﺍﺷﻠﻮﻥ ﺍﺗﺨﻠﺺ ﻣﻦ ﺍﻳﻤﺎﻥ ﻭﺍﻃﻠﻜﻬﺎ ﺑﻼ ﻣﺸﺎﻛﻞ؟ !
ﺍﺗﺬﻛﺮﺕ ﻣﻮﺑﺎﻳﻞ ﺍﻟﻌﺎﺍﺭ ﺑﺠﻴﺒﻲ .. ﻓﺘﺤﺘﻪ ﻣﺎﺑﻲ ﺭﻣﺰ !!
ﺩﺧﻠﺖ ﻉ ﺍﻟﺮﺳﺎﺋﻞ ﻭﺷﻔﺖ ﺍﻟﻌﺠﺐ !!!
ﺭﻭﻣﺎﻧﺴﻴﺎﺕ ﻭﻛﻼﻡ ﺍﺳﺨﻒ ﻣﻦ ﺍﻟﺴﺨﻴﻒ .. ﻃﻠﻌﺖ ﺍﻟﻌﺎﺭ ﺣﺘﻰ ﻣﺴﻮﻳﻪ ﻭﻳﺎ ﻋﻼﻗﻪ !!
ﻣﻦ ﻫﺬﺍ ﺍﺻﺮﺕ ﺍﻧﻮ ﺍﺗﺰﻭﺟﻬﺎ ﺭﻏﻢ ﺍﻧﻲ ﻛﻠﺘﻠﻬﺎ ﻣﺘﺰﻭﺝ ﻭﻣﺮﺍﺡ ﻳﺼﻴﺮ ﺑﻴﻨﺎ ﺷﻲ !! ﺍﻛﻴﺪ ﺭﺍﺩﺕ ﺍﺗﺰﻭﺟﻬﺎ ﻓﺘﺮﻩ ﻭﺗﺮﺟﻊ ﺍﻻﻫﻠﻬﺎ ﻉ ﺍﺳﺎﺱ ﻛﻠﺸﻲ ﺑﻴﻨﺎ ﻛﺎﻥ ﻃﺒﻴﻌﻲ .. ﺣﺘﻰ ﻣﻦ ﺍﻃﻠﻜﻬﺎ ﻣﺤﺪ ﻳﺸﻚ ﺑﻤﻮﺿﻮﻋﻬﺎ !!!!...
ﻛﻞ ﻫﺬﻱ ﺍﻟﻔﺘﺮﻩ ﻣﺴﺘﻐﻔﻠﺘﻨﻲ ﺍﻟﺴﺎﻗﻄﻪ ﻭﺍﻧﻲ ﻣﺎ ﺍﺩﺭﻱ؟ !!
ﺍﻟﻐﻀﺐ ﺍﺗﻤﻠﻜﻨﻲ .. ﻭﺭﺩﺕ ﺍﺭﻭﺡ ﺍﻗﺘﻠﻬﺎ ﺧﻼﺹ .. ﺑﺲ ﺍﺗﻌﻮﺫﺕ ﻣﻦ ﺍﺑﻠﻴﺲ .. ﺍﺫﺍ ﻣﺎﺗﺖ ﻳﺴﻮﻭﻫﺎ ﺑﺮﺍﺳﻲ ﺍﻡ ﺍﻟﺸﺮﻑ !
ﺳﻜﺘﺖ ﻛﻠﺖ ﺍﺗﺮﻭﺡ ﺍﻻﻫﻠﻬﺎ ﻭﺍﺩﺯ ﻭﺭﻗﺘﻬﺎ ﻭﺭﺍﻫﺎ ﺍﻧﻲ ﺍﺻﻼً ﻣﻤﻌﺘﺒﺮﻫﺎ ﻣﺮﺗﻲ ﻭﻻ ﺗﻬﻤﻨﻲ ﺍﺻﻼً .. ﺍﻟﻲ ﻗﻬﺮﻧﻲ ﺍﺷﻠﻮﻥ ﺗﻀﺤﻚ ﻋﻠﻴﻪ !!
ﺑﺲ ﺍﻧﻲ ﺍﻋﻠﻤﺞ ﺧﻠﻲ ﺍﺧﻠﺺ ﻣﻦ ﺳﺎﻟﻔﺔ ﺩﺍﻟﻴﺎ ﻫﺴﻪ ﻭﺍﺗﻔﺮﻏﻠﺞ ﺍﻻ ﺍﺧﻠﻴﺞ ﺗﺘﻤﻨﻴﻦ ﺍﻟﻤﻮﺕ .
ﺑﻘﻴﺖ ﺍﮔﻠﺐ ﺑﺎﻟﻤﻮﺑﺎﻳﻞ ﻭﺍﺩﺧﻦ ﺍﻟﻰ ﺍﻥ ﻃﻠﻊ ﺍﻟﺼﺒﺢ .. ﺍﺣﺲ ﺭﺍﺳﻲ ﺻﺎﺭ ﺧﺸﺒﻪ ﻣﻦ ﻛﺪ ﺍﻟﺘﻔﻜﻴﺮ !
ﺳﻤﻌﺖ ﺻﻮﺕ ﺍﻡ ﻋﺎﺩﻝ ﺟﻮﻩ ﺑﺎﻟﺒﻴﺖ ﻧﺰﻟﺘﻠﻬﺎ .. ﻛﻠﺘﻠﻬﺎ ﻋﻴﻨﺞ ﻋﻠﻰ ﺩﺍﻟﻴﺎ ﻭﺍﺫﺍ ﺧﻄﺖ ﺧﻄﻮﻩ ﺑﺮﻩ ﺍﻟﺒﻴﺖ ﻣﺘﻠﻮﻣﻴﻦ ﻏﻴﺮ ﺣﺎﻟﺞ !
ﺻﻌﺪﺕ ﻟﻜﻴﺘﻬﺎ ﺑﻌﺪﻫﺎ ﻧﺎﻳﻤﻪ .. ﻣﺪﺩﺕ ﻉ ﺍﻟﻔﺮﺍﺵ ﻭﻧﻤﺖ ... ﻣﺎ ﻛﻌﺪﺕ ﻏﻴﺮ ﺍﻟﺪﻧﻴﺎ ﺍﻟﻈﻬﺮ ﻣﺤﺪ ﺑﺎﻟﻐﺮﻓﻪ ﺑﺲ ﺍﻧﻲ !!!
ﺑﺴﺮﻋﻪ ﻛﻤﺖ ﻣﻦ ﺍﻟﻔﺮﺍﺵ ﻭﻧﺰﻟﺖ .. ﺑﻌﺪﻧﻲ ﻉ ﺍﻟﺪﺭﺝ ﺳﻤﻌﺖ ﺻﻮﺗﻬﺎ ﺗﺤﺠﻲ ﺑﻐﺮﻓﺔ ﺍﻣﻲ !
ﺍﺍﺍﺍﻓﻔﻔﻒ ﺟﺮﻳﺖ ﻧﻔﺲ .. ﻭﺭﺟﻌﺖ ﻟﻐﺮﻓﺘﻲ .. ﺍﺭﻳﺪ ﺍﺩﺧﻞ ﭼﺎﻥ ﺍﺣﺲ ﻭﺍﺣﺪ ﻭﺭﺍﻳﻪ ﺍﻧﺪﺭﺍﻳﺖ ﻟﻜﻴﺘﻬﺎ ﺍﻳﻤﺎﻥ !!!!!
ﺭﺩﺕ ﺍﺧﻨﻜﻬﺎ ﻭﺍﻣﻮﺗﻬﺎ ﺧﻼﺹ .. ﺑﺲ ﻟﺰﻣﺖ ﻧﻔﺴﻲ ﻻ ﺗﻄﻠﻊ ﺑﻠﻮﺓ ﺣﻴﺎﺗﻲ ﻭﺗﺸﻮﻓﻨﺎ .. ﺧﺰﺭﺗﻬﺎ ﻭﺑﺼﻮﺕ ﺣﺎﺩ ﺑﺲ ﻫﻤﺲ ..
.......
ﺍﻧﻲ ﺷﻜﻠﺘﻠﺞ؟ !!
ﺍﻳﻤﺎﻥ .. ﺍﻟﻠﻪ ﻳﺨﻠﻴﻚ ﺍﺳﻴﺪ .. ﻟﺘﻮﺩﻳﻨﻲ ﺍﻻﻫﻠﻲ ﻭﺍﻟﻠﻪ ﺍﺑﻮﻳﻪ ﻭﺍﺧﻮﺗﻲ ﻳﺬﺑﺤﻮﻧﻲ ﺍﺫﺍ ﺭﺟﻌﺖ .
ﺍﺳﻴﺪ .. ﺍﺳﻤﻌﻴﻨﻲ ﻟﺞ .. ﻛﺪﺍﻣﺞ ﺧﻤﺲ ﺩﻗﺎﻳﻖ ﺍﺫﺍ ﺷﻔﺖ ﺧﻠﻘﺘﺞ ﺑﺎﻟﺒﻴﺖ ﺍﻧﻲ ﺍﻟﻲ ﺍﺫﺑﺤﺞ ﻣﻮ ﺍﻫﻠﺞ .. ﻭﺍﻟﻲ ﻳﺤﺠﻲ ﺍﺭﺍﻭﻳﻪ ﻃﻴﺎﺡ ﺣﻈﺞ ﻳﺎ ﺳﮕﻂ !
ﺍﻳﻤﺎﻥ .. ﺍﺗﻘﺮﺑﺖ ﻣﻨﻪ ﻭﻟﺰﻣﺘﻪ ﻣﻦ ﺍﻳﺪﻩ .. ﻓﺪﻭﻩ ﺍﺳﻴﺪ ﺍﺑﻮﺱ ﺍﻳﺪﻙ .. ﺍﺑﻮﺱ ﺭﺟﻠﻚ .. ﻭﺍﻟﻠﻪ ﻳﺬﺑﺤﻮﻧﻲ ﻭﺍﻟﻠﻪ .. ﺻﺎﺭﻟﻲ ﺷﻬﺮ ﻭﺍﺗﻄﻠﻜﻨﻲ .. ﻓﺪﻭﻩ ﺍﻟﻠﻪ ﻳﺨﻠﻴﻚ ﺑﺪﺍﻋﺖ ﺍﺑﻨﻚ .. ﻟﺘﻤﻮﺗﻨﻲ ﺑﺪﺍﻋﺖ ﺩﺍﻟﻴﺎ !..
ﺍﺳﻴﺪ .. ﻟﺰﻣﺖ ﺍﻳﺪﻫﺎ ﺍﺭﻳﺪ ﺍﺑﻌﺪﻫﺎ ﻋﻨﻲ ... ﻭﭼﺎﻥ ﻳﻨﻔﺘﺢ ﺍﻟﺒﺎﺏ ..... ﻭﺗﻄﻠﻊ ﺩﺍﻟﻴﺎ ﻣﻦ ﻏﺮﻓﺔ ﺍﻣﻲ !!!!!!!!!!!!!
ﺷﺎﻓﺘﻨﺎ ..... !!
ﺍﻭﻝ ﻣﺎ ﺷﻔﺘﻬﺎ ﺩﻓﻌﺖ ﺍﻳﻤﺎﻥ ﻭﺭﺣﺖ ﺍﻟﻬﺎ ﺍﺭﻳﺪ ﺍﻓﻬﻤﻬﺎ .. ﻫﻲ ﺭﻛﻀﺖ ﺑﺴﺮﻋﻪ ﻧﺰﻟﺖ ﻣﻦ ﺍﻟﺪﺭﺝ ... ﻫﻲ ﻧﺰﻟﻪ ﻭﻫﻲ ﻭﻛﻌﻪ !!!!!!!!!!!!
ﺍﻧﻲ ﺷﻔﺘﻬﺎ ﻭﻛﻌﺖ ... ﻭﺍﻧﻲ ﻭﺍﺣﺪ ﺍﺧﺬ ﮔﻠﺒﻲ ﻣﻦ ﻣﻜﺎﻧﻪ !!!!
ﺑﻘﻴﺖ ﺻﺎﻓﻦ ﻋﻠﻴﻬﺎ ﻣﺎﺍﻛﺪﺭ ﺍﺗﺤﺮﻙ .. ﺟﺴﻤﻲ ﻳﻤﻜﻦ ﺍﻧﺸﻞ .. ﺳﻤﻌﺖ ﺻﻮﺕ ﺍﻡ ﻋﺎﺩﻝ ﻭﻫﻲ ﺗﺼﻴﺢ !!
ﻃﻠﻌﺖ ﺍﻣﻲ ﺗﺮﻛﺾ .. ﻧﺰﻟﺘﻠﻬﺎ ﺍﻧﻲ ﺗﻤﺜﺎﻝ ﻭ ﻭﺍﻛﻒ ﻣﺎ ﺍﺣﺮﻙ ﺳﺎﻛﻦ .. ﺷﻔﺘﻬﻢ ﻳﺼﺤﻮﻭﻥ ﺑﻴﻬﺎ .. ﻭﺍﻡ ﻋﺎﺩﻝ ﺗﻐﺴﻞ ﻭﺟﻬﻬﺎ ﺑﺎﻟﻤﻲ .. ﺍﻣﻲ ﻣﻦ ﺷﺎﻓﺘﻨﻲ ﺟﺎﻣﺪ ﻣﺎﺍﺗﺤﺮﻙ ﺻﺎﺣﺖ ﺑﻴﻪ .. ﻓﺰﻳﺖ !!
ﻧﺰﻟﺖ ﺍﺳﺤﻞ ﺑﺨﻄﻮﺍﺗﻲ .. ﻟﻜﻴﺘﻬﺎ ﻧﺎﻳﻤﻪ ﻉ ﺍﻟﺘﺨﻢ ﺑﺲ ﺑﻮﻋﻴﻬﺎ ﻣﺒﻴﻬﺎ ﺷﻲ !!
ﺣﺠﺖ ﺍﻣﻲ ..
ﺍﻡ ﻋﺎﺩﻝ .. ﺩﻛﺘﻮﺭ ﺷﻮﻓﻬﺎ ﺷﻨﻮ ﺍﻟﻴﻮﺟﻌﻬﺎ ﺧﺎﻑ ﺻﺎﺭ ﻟﻠﻄﻔﻞ ﺷﻲ ﺧﻠﻲ ﻧﺎﺧﺬﻫﺎ ﻟﻠﻤﺴﺘﺸﻔﻰ؟ !
ﺩﺍﻟﻴﺎ .. ﺍﻟﺼﺒﺢ ﻛﻌﺪﺕ ﻟﻜﻴﺘﻪ ﻧﺎﻳﻢ ﻳﻤﻲ .. ﺭﺩﺕ ﺍﺧﺬ ﻣﻼﺑﺴﻲ ﻭﺍﺭﻭﺡ ﻛﻠﺖ ﺍﺑﻘﻰ ﻳﻢ ﺳﻠﻤﻰ ﻛﻢ ﻳﻮﻡ .. ﺑﻌﺪﻳﻦ ﻓﻜﺮﺕ ﺳﻠﻤﻰ ﻫﻲ ﻣﺸﺎﻛﻞ ﺍﻫﻞ ﺭﺣﻠﻬﺎ ﻣﻜﻔﻴﺘﻬﺎ ﺍﻧﻮﺏ ﺍﻧﻲ؟ !
ﻭﺍﺳﻴﺪ ﻣﺴﺘﺤﻴﻞ ﻳﺨﻠﻴﻨﻲ ﺍﺭﻭﺡ ﻳﺪﻓﻨﻲ ﺍﻧﻲ ﻭﺍﺑﻨﻪ ﻭﻻ ﻳﻌﻮﻓﻨﻲ .. ﻗﺮﺭﺕ ﺍﻭﻝ ﻣﻴﻜﻌﺪ ﺍﻛﻮﻟﻪ ﻟﻮ ﺍﻧﻲ ﻟﻮ ﺍﻳﻤﺎﻥ ﺑﺎﻟﺒﻴﺖ .. ﻳﻄﻠﻜﻬﺎ ﻭﻫﻮ ﺍﺫﺍ ﻣﺎ ﻋﻨﺪﻩ ﺷﻲ ﻭﻳﺎﻫﺎ ﺍﻛﻴﺪ ﺭﺍﺡ ﻳﺴﻮﻱ ﺍﻟﻲ ﺍﺭﻳﺪﻩ !
ﻏﺴﻠﺖ ﻭﺟﻬﻲ ﻭﺭﺣﺖ ﻟﻠﺤﺠﻴﻪ ﺍﺷﻮﻓﻬﺎ ﺷﻤﺤﺘﺎﺟﻪ .. ﺑﻘﻴﺖ ﻳﻤﻬﺎ ﺍﺷﻮﻳﻪ ﺳﻮﻟﻔﻨﺎ ﻭﺿﺤﻜﺘﻬﻲ ﺑﺴﻮﺍﻟﻔﻬﺎ ﺍﻟﺤﻠﻮﻩ .. ﻃﻠﻌﺖ ﻣﻦ ﻋﺪﻫﺎ ﺍﺭﻳﺪ ﺍﺭﻭﺡ ﺍﻛﻌﺪﻩ ﻭﺍﺣﺠﻲ ﻭﻳﺎ .. ﭼﺎﻥ ﺍﺷﻮﻓﻪ ﻭﺍﻛﻒ ﻫﻮ ﻭﻳﺎﻫﺎ ﻳﻢ ﺑﺎﺏ ﻏﺮﻓﺘﻲ .. ﻫﻮ ﻻﺯﻣﻬﺎ ﻣﻦ ﺍﻳﺪﻫﺎ ﻭﻫﻲ ﺗﻘﺮﻳﺒﺎ ﺻﺎﻳﺮﻩ ﺑﺤﻀﻨﻪ !!!
ﺍﻧﻲ ﺷﻔﺘﻬﻢ .. ﻟﻮ ﺣﺴﻴﺖ ﺭﻭﺣﻲ ﺩﺗﻨﺴﺤﺐ ﻣﻨﻲ !!
ﺷﻔﺘﻪ ﺍﺟﻪ ﻋﻠﻴﻪ .. ﺑﺪﻭﻥ ﻭﻋﻲ ﺷﺮﺩﺕ ﻣﻨﻪ .. ﻧﺰﻟﺖ ﺍﻟﺪﺭﺝ ﺑﺴﺮﻋﻪ ﻗﺒﻞ ﻻ ﺍﻭﺻﻞ ﺑﺪﺭﺟﺘﻴﻦ ﻳﻤﻜﻦ ﺭﺟﻠﻴﻪ ﺍﻧﻠﻮﺕ ﻭ ﻭﻛﻌﺖ !!
ﺍﻟﺤﻤﺪﻟﻠﻪ ﺍﻟﻮﻛﻌﻪ ﺻﺎﺭﺕ ﺑﺮﺟﻠﻲ ﻣﻮ ﻉ ﺑﻄﻨﻲ .. ﻣﺘﺄﺫﻳﺖ ﺑﺲ ﮔﻠﺒﻲ ﺍﺣﺴﻪ ﺩﻳﻨﺰﻑ .. ﻭﺟﻊ ﺑﮕﻠﺒﻲ ﻓﻀﻴﻊ .. ﺣﺘﻰ ﺍﺑﻨﻲ ﺍﻟﻲ ﺍﻋﺰ ﻣﻦ ﺭﻭﺣﻲ ﻣﻔﻜﺮﺕ ﺑﻲ .. ﻛﻞ ﺍﻟﻲ ﺍﺑﺎﻟﻲ ﺍﻟﻲ ﺷﻔﺘﻪ !!
ﻫﻮ ﻣﺸﻔﺘﻪ ﻣﻦ ﻭﻛﻌﺖ ﺍﻻ ﺑﻌﺪ ﻛﻢ ﺩﻗﻴﻘﻪ ﻳﻼ ﻧﺰﻝ .. ﺍﻟﻈﺎﻫﺮ ﻛﺎﻥ ﻣﺸﻐﻮﻝ ﺑﺤﺒﻴﺒﺔ ﺍﻟﮕﻠﺐ ..
ﺣﺘﻰ ﻟﻤﺎ ﻧﺰﻝ ﻣﺤﺠﻪ ﺷﻲ ﻭﻻ ﻛﺄﻧﻮ ﻭﻛﻌﺖ ﻛﺪﺍﻣﻪ ﻭﻻ ﻛﺄﻧﻮ ﺻﺎﻳﺮ ﺷﻲ !
ﻛﺎﻟﺖ ﺍﻡ ﻋﺎﺩﻝ ﺍﺧﺬﻭﻫﺎ ﻟﻠﻤﺴﺘﺸﻔﻰ ..
ﻛﻠﺘﻠﻬﺎ ﺍﺑﺼﻮﺕ ﻣﺨﻨﻮﻙ ..
_ ﻣﺒﻴﻪ ﺷﻲ ﺍﻡ ﻋﺎﺩﻝ ﻭﺍﻟﻮﻛﻌﻪ ﻣﻮ ﻗﻮﻳﻪ ﻛﻢ ﺑﺎﻳﻪ ﺑﺲ ﺍﻥ ﺷﺎﺀ ﺍﻟﻠﻪ ﻣﺎ ﺻﺎﺭ ﺷﻲ ﻟﻠﻄﻔﻞ .
ﺍﻟﺤﺠﻴﻪ .. ﺍﺷﻮﻛﻌﺞ ﻳﻤﻪ ﻣﻮ ﻫﺴﺘﻮﺝ ﺟﻨﺘﻲ ﻳﻤﻲ ﻣﺎ ﺑﻴﺞ ﺷﻲ ﺷﺠﺎﺝ؟ !!
ﺩﺍﻟﻴﺎ .. ﺩﺍﺍﻧﺰﻝ ﻭﺩﺧﺖ ﻣﺎﺍﻋﺮﻑ ﺷﺼﺎﺭﻟﻲ !
........
ﺍﻟﺤﺠﻴﻪ .. ﻳﻤﻪ ﺍﺳﻴﺪ ﺍﺧﺬ ﻣﺮﻳﺘﻚ ﻟﻠﻤﺴﺘﺸﻔﻰ ﺧﻠﻲ ﻧﺘﻄﻤﻦ ﻋﻠﻴﻬﺎ .
ﺍﺳﻴﺪ .. ﺍﻡ ﻋﺎﺩﻝ ﺟﻴﺒﻴﻠﻬﺎ ﺷﻲ ﺗﻠﺒﺴﻪ .
ﺩﺍﻟﻴﺎ .. ﻣﺎﺍﺭﻭﺡ ﻟﺘﺠﻴﺒﻴﻦ ﺷﻲ ﺍﻡ ﻋﺎﺩﻝ .
ﺍﺳﻴﺪ .. ﺑﺎﻭﻉ ﻻﻡ ﻋﺎﺩﻝ ﺑﻤﻌﻨﻲ ﺳﻮﻱ ﺍﻟﻲ ﺩﺍﺍﻛﻠﺞ ﻋﻠﻴﻪ .. ﺭﺍﺣﺖ ﺍﻡ ﻋﺎﺩﻝ ﺟﺎﺑﺖ ﺣﺠﺎﺏ ﻭ ﻣﺜﻞ ﺍﻟﺠﺒﻪ ﻟﺒﺴﺘﻬﺎ ﻓﻮﻙ ﺍﻟﺘﺮﺍﻙ .. ﻛﻠﺘﻠﻬﺎ ﻛﻮﻣﻲ ﻳﻼ ..
ﺩﺍﻟﻴﺎ .. ﻣﻜﻤﺖ .. ﻭﻻ ﺟﺎﻭﺑﺘﻪ ﺍﺻﻼً .
ﺍﺳﻴﺪ .. ﺩﺍﻟﻴﺎ ﻛﻮﻣﻲ ﺩﺍﺍﻛﻮﻝ .
ﺍﻟﺤﺠﻴﻪ .. ﺷﺎﻓﺖ ﺩﺍﻟﻴﺎ ﻣﺘﺤﺠﻲ ﻭﻳﺎ ﻋﺮﻓﺖ ﺻﺎﻳﺮ ﺷﻲ ﺑﻴﻨﻬﻢ .. ﺣﺠﺖ ﻭﻳﺎ ﺩﺍﻟﻴﺎ ..
_ ﻛﻮﻣﻲ ﺑﻨﻴﺘﻲ ﺧﻠﻲ ﻳﻔﺤﺼﻮﺝ ﻻ ﺻﺎﻳﺮ ﺑﻄﻔﻠﺞ ﺷﻲ .. ﻛﻮﻣﻲ ﺑﻌﺪ ﺍﻣﺞ ﻛﻮﻣﻲ ﻟﺨﺎﻃﺮﻱ .
ﺩﺍﻟﻴﺎ .. ﺣﺠﻴﻪ ﻣﺒﻴﻪ ﺷﻲ ﺻﺪﻛﻴﻨﻲ ﻗﺎﺑﻞ ﺍﺗﺨﺎﻓﻮﻥ ﻋﻠﻰ ﺍﺑﻨﻲ ﺍﻛﺜﺮ ﻣﻨﻲ .. ﺑﺲ ﺻﺪﻛﻴﻨﻲ ﻣﺒﻴﻪ ﺷﻲ ﺍﺷﻮﻳﻪ ﺭﺟﻠﻲ ﺗﻮﺟﻌﻨﻲ ﻭﻫﺴﻪ ﺗﻄﻴﺐ .
ﺍﺳﻴﺪ .. ﻛﻮﻣﻲ ﺩﺍﻟﻴﺎ .. ﺍﻧﺸﻮﻑ ﺍﻟﻄﻔﻞ ﻭﻧﺮﺟﻊ .
ﺩﺍﻟﻴﺎ .. ﻫﻪ ﻛﻞ ﻫﻤﻪ ﺍﻟﻄﻔﻞ ﻭﺑﺲ !
ﺷﻔﺖ ﺍﻟﺤﺠﻴﻪ ﺩﺗﺘﺮﺣﺎﻧﻲ ﺑﻌﻴﻮﻧﻬﺎ ﻣﺮﺩﺕ ﺍﻛﺴﺮ ﺧﺎﻃﺮﻫﺎ .. ﺳﻨﺪﺕ ﻧﻔﺴﻲ ﻉ ﺍﻟﺘﺨﻢ ﻭﻛﻤﺖ ﺍﻭﻝ ﻣﺎ ﺩﺳﺖ ﻋﻠﻰ ﺭﺟﻠﻲ ﺃﻟﻢ ﻓﻀﻴﻊ ﺻﺎﺭ ﺑﻴﻬﺎ .. ﺭﺟﻌﺖ ﻛﻌﺪﺕ ﺑﺴﺮﻋﻪ !!
ﺍﻟﺤﺠﻴﻪ .. ﺍﺳﻢ ﺍﻟﻠﻪ ﺑﻨﻴﺘﻲ ﺍﺷﺒﻴﺞ؟ !
ﺩﺍﻟﻴﺎ .. ﺭﺟﻠﻲ ﺗﻮﺟﻌﻨﻲ .. ﺍﺍﺍﺍﻩ .. ﻣﺎﺍﻛﺪﺭ ﺍﻣﺸﻲ ﺧﻠﻮﻧﻲ ﻛﺎﻋﺪﻩ .
ﺍﻟﺤﺠﻴﻪ .. ﻳﺎ ﻳﻤﻪ ﺍﺷﻠﻮﻥ ﺍﻧﺨﻠﻴﺞ ﻭﺍﻧﺘﻲ ﻫﺎﻱ ﺣﺎﻟﺘﺞ ﻛﻮﻣـ ..
ﺍﺳﻴﺪ .. ﺍﻣﻲ ﺗﺤﺠﻲ ﻭﻫﺎﻱ ﻣﻌﺎﻧﺪﻩ ﻣﺘﻘﺒﻞ ﺍﺗﺮﻭﺡ .. ﺍﺗﻘﺮﺑﺖ ﻋﻠﻴﻬﺎ ﺭﺩﺕ ﺍﺳﻨﺪﻫﺎ ﻭﺍﺧﺬﻫﺎ ﻟﻠﺴﻴﺎﺭﻩ ﻻﻥ ﺭﺟﻠﻴﻬﺎ ﺗﻮﺟﻌﻬﺎ ﻣﺘﻜﺪﺭ ﺍﺗﺪﻭﺱ ﻋﻠﻴﻬﺎ .. ﺩﻧﻜﺖ ﺍﺭﻱ ﺍﻟﺰﻣﻬﺎ ﭼﺎﻥ ﺗﺪﻓﻌﻨﻲ !!!
ﺩﺍﻟﻴﺎ .. ﻭﺧﺮ ﻋﻨﻲ ﻭﻟﺘﻠﺰﻣﻨﻲ ﺍﻧﺖ .
ﺍﺳﻴﺪ .. ﺑﻐﻀﺐ .. ﺩﺍﻟﻴﺎ ....
ﺩﺍﻟﻴﺎ .. ﺍﺫﺍ ﺍﺗﺮﻳﺪ ﺍﺭﻭﺡ ﻟﻠﻤﺴﺘﺸﻔﻰ ﻭﺧﺮ ﻋﻨﻲ ﻭﻟﺘﺘﻘﺮﺑﻠﻲ .
ﺍﺳﻴﺪ .. ﺭﺍﺩ ﻳﺤﺠﻲ ﺑﺲ ﺍﻟﺤﺠﻴﻪ ﺍﺗﺪﺧﻠﺖ ..
ﺍﻟﺤﺠﻴﻪ .. ﺍﻡ ﻋﺎﺩﻝ ﻛﻮﻣﻲ ﺩﺍﻟﻴﺎ ﺍﻧﺘﻲ ﻭﺭﻭﺣﻲ ﻭﻳﺎﻫﻢ ﻟﻠﻤﺴﺘﺸﻔﻰ !
ﺍﻡ ﻋﺎﺩﻝ .. ﺻﺎﺭ ﺣﺠﻴﻪ .. ﻛﻮﻣﺖ ﺩﺍﻟﻴﺎ ﻭﺳﻨﺪﺗﻬﺎ ﻟﺤﺪ ﺍﻟﺴﻴﺎﺭﻩ ﺩﺧﻠﺘﻬﺎ ﻭﺻﻌﺪﺕ ﻳﻤﻬﺎ ﻛﻌﺪﻥ ﻟﻴﻮﺭﻩ !
ﺍﺳﻴﺪ .. ﺳﻜﺘﺖ ﻋﻦ ﺍﻟﻲ ﺳﻮﺗﻪ ﻻﻧﻬﺎ ﻣﻌﺼﺒﻪ ﻭﺣﻘﻬﺎ .. ﻣﺤﺠﻴﺖ ﺷﻲ ﺍﺧﺬﺗﻬﺎ ﻟﻠﻤﺴﺘﺸﻔﻰ ﻧﺰﻟﺖ ﻫﻲ ﻭﺍﻡ ﻋﺎﺩﻝ ﺩﺧﻠﻨﺎ .. ﻓﺤﺼﺘﻬﺎ ﺍﻟﺪﻛﺘﻮﺭﻩ ﻛﺎﻟﺖ ﺍﻟﻄﻔﻞ ﺣﺎﻟﺘﻪ ﻛﻠﺶ ﺯﻳﻨﻪ ﻭﻣﺎﻛﻮ ﺍﻱ ﺿﺮﺭ ﻟﻠﻮﻛﻌﻪ ﻋﻠﻴﻪ .. ﺑﺲ ﺭﺟﻠﻬﺎ ﺍﺣﺘﻤﺎﺍﻝ ﺗﻜﻮﻥ ﻣﺨﻠﻮﻋﻪ ﺍﻭ ﺍﻧﻔﺼﺨﺖ ﻣﻦ ﺍﻟﻮﻛﻌﻪ ﻳﻌﻨﻲ ﺧﻠﻊ ﺑﺴﻴﻂ !
ﻟﻔﻮﻫﺎ ﺍﻟﻬﺎ ﺑﺒﺎﻧﺪﺝ ﻭﺍﻧﻄﻮﻫﺎ ﻣﺮﻫﻢ ﺗﺨﻠﻲ ﻋﻠﻴﻬﺎ ﻭﺭﺟﻌﻨﺎ .. ﻭﺻﻠﻨﺎ ﻟﻠﺒﺎﺏ ﻧﺰﻟﺖ ﺍﻡ ﻋﺎﺩﻝ ﻛﻠﺘﻠﻬﺎ ﺳﺪﻱ ﺍﻟﺒﺎﺏ ﻭﺭﻭﺣﻲ !
ﺭﺍﺣﺖ ﺍﻡ ﻋﺎﺩﻝ ﻭﻫﻲ ﺑﻘﺖ .. ﻳﻤﻲ ﺭﺍﺩﺕ ﺗﻨﺰﻝ ﺑﺲ ﻣﺘﻜﺪﺭ ﺭﺟﻠﻬﺎ ﺗﻮﺟﻌﻬﺎ ﻭﺍﻟﺒﺎﺏ ﻗﻔﻠﺘﻪ ﻣﻦ ﻳﻤﻲ !
.........
ﺩﺍﻟﻴﺎ .. ﺍﻓﺘﺢ ﺍﻟﺒﺎﺏ .
ﺍﺳﻴﺪ .. ﺩﺍﻟﻴﺎ ﺑﻼ ﺧﺒﺎﻻﺕ ﻭﺍﺳﻤﻌﻴﻨﻲ .
ﺩﺍﻟﻴﺎ .. ﻣﺎ ﺍﺭﻳﺪ ﺍﺳﻤﻊ ﻣﻨﻚ ﺷﻲ ﻭﻧﺰﻟﻨﻲ .
ﺍﺳﻴﺪ .. ﺑﻐﻀﺐ .. ﺍﺗﺴﻤﻌﻴﻦ ﻭﻏﺼﺒﺎً ﻋﻨﺞ !
ﺩﺍﻟﻴﺎ .. ﻏﺼﺒﺎً ﻋﻨﻚ ﺍﻧﺖ ﻣﺎ ﺍﺳﻤﻊ
ﺍﺳﻴﺪ .. ﺿﺒﻲ ﺍﻟﻠﺴﺎﻧﺞ .
ﺩﺍﻟﻴﺎ .. ﻧﺰﻟﻨﻲ ﻛﻠﺘﻠﻚ .
ﺍﺳﻴﺪ .. ﻟﺞ ﺑﺎﺑﺎ ﺍﻧﺘﻲ ﻓﺎﻫﻤﻪ ﺍﻟﻤﻮﺿﻮﻉ ﻏﻠﻂ ﺧﻠﻴﻨﻲ ﺍﻓﻬﻤﺞ ﻟﺨﺎﻃﺮ ﺭﺑﺞ .
ﺩﺍﻟﻴﺎ .. ﺗﻌﺮﻑ ﺷﻲ؟ !!
ﺍﻧﻲ ﺍﻟﻐﻠﻄﺎﻧﻪ .. ﻏﻠﻄﺎﻧﻪ ﻻﻥ ﺍﻧﺘﻈﺮ ﻣﻦ ﻭﺍﺣﺪ ﻣﺜﻠﻚ ﻳﺤﺲ ﺑﻴﻪ !
ﺍﺳﻴﺪ .. ﺍﻫﺎﺍ ﻭﺷﺒﻴﻪ ﺍﻧﻲ؟ !!
ﺩﺍﻟﻴﺎ .. ﻭﺍﺣﺪ ﻣﺮﻳﺾ .
ﺍﺳﻴﺪ .. ﺍﻫﺎﺍ .. ﻣﺎﺷﻲ ﻋﺎﻟﺠﻴﻨﻲ .
ﺩﺍﻟﻴﺎ .. ﻋﻼﺟﻚ ﻣﻮ ﻋﻨﺪﻱ ﺭﻭﺡ ﻟﺤﺒﻴﺒﺘﻚ ﺍﺗﻌﺎﻟﺠﻚ .
ﺍﺳﻴﺪ .. ﺍﻧﺘﻲ ﺣﺒﻴﺒﺘﻲ .
ﺩﺍﻟﻴﺎ .. ﻣﻦ ﺍﻟﻌﺼﺒﻴﻪ ﻭﺍﻟﻐﻀﺐ ﻣﺴﻤﻌﺘﻪ ﺷﻨﻮ ﻳﺤﺠﻲ ﺍﺻﻼً ﻭﻻ ﺍﺭﻳﺪ ﺍﺳﻤﻊ .
ﺍﻓﺘﺢ ﺍﻟﺒﺎﺏ ﺩﺍﺍﻛﻮﻟﻚ .
ﺍﺳﻴﺪ .. ﺍﻣﻤﻤﻢ ﺍﻟﻈﺎﻫﺮ ﻫﺬﻱ ﺍﻟﻜﻠﻤﻪ ﻣﺘﻌﻨﻴﻠﺞ ﺷﻲ !..
ﺩﺍﻟﻴﺎ .. ﺍﻧﺖ ﻛﻮﻟﻚ ﻉ ﺑﻌﻀﻚ ﻣﺘﻌﻨﻴﻠﻲ ﺷﻴﻲ .. ﻭﻣﻦ ﺍﻟﻴﻮﻡ ﺍﻧﺖ ﻭﻻ ﺷﻲ ﺑﺎﻟﻨﺴﺒﻪ ﺍﻟﻲ ﺳﻮﻱ ﺍﻟﻲ ﻳﻌﺠﺒﻚ ﻣﻴﺨﺼﻨﻲ .. ﺣﻌﻴﺶ ﻟﺨﺎﻃﺮ ﺍﺭﺑﻲ ﻃﻔﻠﻲ ﻭﺑﺲ .
ﺍﺳﻴﺪ .. ﻋﺼﺐ ﺣﻴﻞ ﻭﻓﻘﺪ ﺍﻋﺼﺎﺑﻪ ... ﻟﺞ ﺑﺎﺑﺎ ﺍﻧﺘﻲ ﺷﺪﺗﺤﺠﻴﻴﻴﻴﻴﻴﻴﻦ ﻛﻠﺘﻠﺞ ﻭ ﺍﻟﻠﻪ ﻣﺎ ﻋﻨﺪﻱ ﺷﻲ ﻭﻳﺎﻫﺎ ﻭﺭﻭﺡ ﺍﺑﻮﻳﻪ ﻣﺎ ﻋﻨﺪﻱ ﺷﻲ ﻭﻳﺎﻫﺎ ﻭﻛﻞ ﺍﻟﻲ ﺩﺗﺸﻮﻓﻲ ﺍﻧﺘﻲ ﺩﺗﺨﻠﻘﻲ ﺍﻧﻲ ﻣﺎﻛﻮ ﺍﻱ ﺷﻲ ﺑﻴﻨﻲ ﻭﺑﻴﻨﻬﺎ .
ﺩﺍﻟﻴﺎ .. ﺍﻱ ﺻﺤﻴﺢ ﺍﻧﻲ ﺩﺍﺍﺧﻠﻖ ﺍﻻﺣﻀﺎﻥ ﺍﻟﻲ ﺷﻔﺘﻬﺎ ﺑﻴﻨﻜﻢ !
ﻭﺍﻧﻲ ﺍﻟﻲ ﺩﺍﺍﺧﻠﻖ ﻃﻠﻌﺘﻚ ﻣﻦ ﻏﺮﻓﺘﻬﺎ ﻧﺺ ﺍﻟﻠﻴﻞ !
ﺍﻧﻲ ﻣﺨﺒﻠﻪ ﺷﺘﺴﻮﻱ ﺑﻴﻪ ﻃﻠﻜﻨﻲ !
ﺍﺳﻴﺪ .. ﺑﺼﻮﺕ ﻋﺎﻟﻲ ﻭﻋﺼﺒﻴﻪ .. ﺍﺳﺘﻐﻔﺮ ﺍﻟﻠﻠﻪ ﻟﺠﺠﺞ ﺍﻧﺘﻴﻴﻲ ﺷﻨﻮﻭﻭﻭ ﻣﻦ ﺑﺸﺮ ﺩﺍﺍﺣﻠﻔﻠﺞ ﺑﺮﻭﺡ ﺍﺑﻮﻳﻪ .. ﻟﻬﺪﺭﺟﻪ ﺍﻧﻲ ﻛﺬﺍﺏ ﺑﻨﻈﺮﺝ ﻭﻣﺘﺜﻘﻴﻦ ﺑﻴﻪ؟ !
ﻟﺞ ﻟﻴﺶ ﺍﺗﺨﺮﺑﻴﻦ ﻛﻞ ﺍﻟﻲ ﺑﻴﻨﺎ ﺑﺴﺒﺐ ﺷﻲ ﺍﺻﻼً ﻣﺎ ﻟﻪ ﻭﺟﻮﺩ !
ﻃﻠﻜﺘﻬﺎ ﻛﺪﺍﻣﺞ ﻭﺑﺄﺫﻧﺞ ﺳﻤﻌﺘﻴﻨﻲ .. ﻭﺣﺘﻰ ﻣﻦ ﺍﻟﺒﻴﺖ ﻃﺮﺩﺗﻬﺎ ﺍﺫﺍ ﺷﻔﺘﻴﻬﺎ ﺑﻌﺪ ﻛﺪﺍﻣﺞ ﺍﻟﺞ ﺣﻖ .. ﻭﺍﻟﻠﻪ ﺍﻟﻌﻈﻴﻢ ﻣﺎ ﻋﻨﺪﻱ ﺷﻲ ﻭﻳﺎﻫﺎ ﻭﺍﻟﻠﻪ ﻭﺍﻟﻠﻪ ﻭﺍﻟﻠﻪ !
ﺩﺍﻟﻴﺎ .. ﺍﻓﺘﺢ ﺍﻟﺒﺎﺏ .
ﺍﺳﻴﺪ .. ﻫﻬﻬﻬﻪ ﻛﻞ ﺍﻟﻲ ﻛﻠﺘﻪ ﻭﻻ ﺷﻲ ﻋﻨﺪﺝ ﻣﻮ؟ !!
ﺩﺍﻟﻴﺎ .. ﻣﺮﺩﻳﺖ ﻋﻠﻴﻪ ﮔﻠﺒﻲ ﻣﺤﺮﻭﻙ ﻣﻨﻪ .. ﺧﻠﻲ ﻳﺤﺲ ﺍﻟﻲ ﺩﺍﻳﺴﻮﻱ ﺑﻴﻪ !
ﺍﺳﻴﺪ .. ﻣﺎﺷﻲ .. ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﻣﻦ ﺍﻟﺴﻴﺎﺭﻩ ﺩﺧﻠﺖ ﻭﺻﺤﺖ ﻻﻡ ﻋﻠﺪﻝ ﻛﻠﺘﻠﻬﺎ ﺭﻭﺣﻲ ﻧﺰﻟﻴﻬﺎ .
ﺷﺎﻓﺘﻨﻲ ﺍﻣﻲ ﻣﻌﺼﺐ ﺭﺍﺩﺕ ﺗﺤﺠﻲ ﻭﻳﺎﻱ ﺗﻌﺮﻑ ﺷﺼﺎﻳﺮ ﺑﺲ ﺍﻧﻲ ﻣﻨﻄﻴﺘﻬﺎ ﻣﺠﺎﻝ ﺻﻌﺪﺕ ﺑﻮﺟﻬﻲ ﻟﻐﺮﻓﺔ ﺍﻳﻤﺎﻥ ﺍﺭﻳﺪ ﺍﺷﻮﻓﻬﺎ ﺑﻌﺪﻫﺎ ﻫﻨﺎ ﻟﻮ ﻻ؟ !
ﺻﻌﺪﺕ ﻟﻜﻴﺖ ﺍﻟﻐﺮﻓﻪ ﻓﺎﺭﻏﻪ .. ﻭﻣﻼﺑﺴﻬﺎ ﻣﺎﻛﻮ !
ﺍﻳﻴﻴﻲ ﻳﻌﻨﻲ ﻭﻟﺖ ﺍﻟﺤﻤﺪﻟﻠﻪ !
ﺭﺣﺖ ﻟﻐﺮﻓﺘﻲ ﺳﺒﺤﺖ ﻭﻃﻠﻌﺖ ﻟﻜﻴﺘﻬﺎ ﻣﺪﺩﻩ ﻉ ﺍﻟﺠﺮﺑﺎﻳﻪ .. ﻭﺩﺍﻳﺮﻩ ﻭﺟﻬﻬﺎ ﻋﻨﻲ !
ﺍﺟﻴﺖ ﻛﻌﺪﺕ ﻳﻤﻬﺎ .. ﻭﺑﻬﺪﻭﺀ ﺣﺠﻴﺖ ﻭﻳﺎﻫﺎ
.........
ﺍﺷﻠﻮﻥ ﺻﺮﺗﻲ؟ !
ﺩﺍﻟﻴﺎ .. ﻣﺠﺎﻭﺑﺘﻪ .
ﺍﺳﻴﺪ .. ﺩﺍﻟﻴﺎ .. ﺗﺪﺭﻳﻦ ﺑﻴﻪ ﺍﻛﺮﻩ ﻫﺎﻻﺳﻠﻮﺏ ﻣﻦ ﺍﺣﺠﻲ ﻭﻳﺎﺝ ﺟﺎﻭﺑﻴﻨﻲ .
ﺩﺍﻟﻴﺎ .. ﻭﺧﺮ ﻋﻨﻲ .
ﺍﺳﻴﺪ .. ﺍﺳﺘﻐﻔﺮ ﺍﻟﻠﻪ ﺍﻧﺘﻲ ﻭﺗﺎﻟﻲ ﻭﻳﺎﺝ؟ !!
ﺩﺍﻟﻴﺎ .. ﻛﻌﺪﺕ ﻭﺍﻧﺪﺍﺭﻳﺖ ﻋﻠﻴﻪ .. ﺍﺳﻤﻊ ﺍﺳﻴﺪ .. ﺗﺮﻯ ﺑﺎﻗﻴﻪ ﻭﻳﺎﻙ ﻫﻨﺎ ﻟﺨﺎﻃﺮ ﺍﺑﻨﻲ ﻭ ﻻﻧﻲ ﺍﻋﺮﻓﻚ ﻣﺮﺍﺡ ﺍﺗﻌﻮﻓﻨﻲ ﺑﺤﺎﻟﻲ ﻓﻤﺎﻛﻮ ﺩﺍﻋﻲ ﺍﺗﻌﺐ ﻧﻔﺴﻲ ﻭﺍﺷﺮﺩ ﻣﻨﻚ .. ﺑﺲ ﺧﻠﻲ ﺍﺑﺎﻟﻚ ﺍﻧﻲ ﺣﺮﻣﺖ ﻋﻠﻴﻚ ﻭﺍﻧﺖ ﺣﺮﻣﺖ ﻋﻠﻴﻪ ﺍﺗﻌﺎﻣﻞ ﻭﻳﺎﻱ ﻋﻠﻰ ﻫﺎﻻﺳﺎﺱ ﻭ ﺑﺲ .
ﺍﺳﻴﺪ .. ﺷﻨﻮ ﺷﻨﻮ .. ﺷﻨﻮ ﺣﺮﻣﺖ ﻋﻠﻴﻚ ﺍﻧﺘﻲ ﺍﻛﻴﺪ ﺍﺗﺨﺒﻠﺘﻲ .
ﺩﺍﻟﻴﺎ .. ﺍﻳﻴﻴﻴﻲ ﺍﺗﺨﺒﻠﺖ .. ﻭﺭﺟﺎﺀﺍً ﻟﺘﺨﻠﻴﻨﻲ ﺍﺷﻮﻓﻚ ﺍﺫﺍ ﻣﻤﻜﻦ ﻻﻥ ﻛﻮﻟﻤﺎ ﺍﺷﻮﻑ ﻭﺟﻬﻚ ﺍﻗﺮﻑ .
ﺍﺳﻴﺪ .. ﻏﻀﺐ ﺍﻟﺪﻧﻴﺎ ﻛﻠﻪ ﺍﺗﻠﺒﺲ ﺑﻲ ﻟﺤﻈﺘﻬﺎ .. ﺑﺲ ﻛﺘﻢ ﻏﻀﺒﻪ ﻻﻥ ﻳﻌﺮﻑ ﻧﺘﺎﺋﺞ ﻫﺬﺍ ﺍﻟﻐﻀﺐ ﺷﻨﻮ !!
ﺳﻜﺖ ﻋﻨﻬﺎ ﻭﻃﻠﻊ ... ﻣﻦ ﻳﻮﻣﻬﺎ ﻣﺸﺎﻓﻬﺎ ﺑﻌﺪ ﻭﻻ ﺻﻌﺪ ﻟﻐﺮﻓﺘﻪ .. ﺣﺘﻰ ﺍﻏﺮﺍﺿﻪ ﻭﻣﻼﺑﺴﻪ ﻧﻘﻠﻬﻦ ﻟﻐﺮﻓﺔ ﺍﻟﻤﻜﺘﺐ ﻣﺎﻟﺘﻪ ﺍﻟﻲ ﺑﺎﻟﺤﺪﻳﻘﻪ .. ﻭﺣﺘﻰ ﺑﺎﻟﺼﺎﻟﻪ ﻣﻴﻜﻌﺪ ﻻﻥ ﻛﻼﻣﻬﺎ ﻭﻳﺎ ﺍﺧﺮ ﻣﺮﻩ ﻗﻬﺮﻩ ﺻﺤﻴﺢ ﻫﻮ ﻏﻠﻄﺎﻥ ﺑﺲ ﻣﻤﺘﻮﻗﻊ ﺍﻧﻮ ﻓﺪ ﻳﻮﻡ ﺍﺣﺪ ﻳﺤﺠﻲ ﻭﻳﺎ ﺑﻬﺎﻟﻄﺮﻳﻘﻪ ﻭﺭﺍﺡ ﻳﻀﻄﺮ ﻳﺴﻜﺖ .. ﻭﺍﻟﻲ ﺩﻣﺮﻩ ﺍﻛﺜﺮ .. ﺍﻟﺸﺨﺺ ﻫﺬﺍ ﺩﺍﻟﻴﺎ .. ﻣﺮ ﺍﺳﺒﻮﻉ ﻭﻫﻢ ﻉ ﻫﺎﻟﺤﺎﻝ ..
ﻓﺪ ﻳﻮﻡ ﺍﺳﻴﺪ ﻛﺎﻋﺪ ﻭﭼﺎﻥ ﻳﺮﻥ ﻣﻮﺑﺎﻳﻠﻪ ..
_ ﺍﻟﻮﻭ ﺣﻀﺮﺗﻚ ﻛﺘﻮﺭ ﺍﺳﻴﺪ؟ !!
ﺍﺳﻴﺪ .. ﻧﻌﻢ ﻣﻨﻮ ﻭﻳﺎﻱ؟ !
ﺍﻟﻤﺘﺼﻞ .. ﺍﺧﻲ ﺍﺣﻨﺎ ﻣﻦ ﺍﻟﻤﺴﺘﺸﻔﻰ ﺍﻛﻮ ﻣﺮﻳﻀﻪ ﻋﺪﻧﺎ ﺗﻘﺮﺑﻠﻚ ﺻﺎﺭﻟﻬﺎ ﺍﺭﺑﻊ ﺍﻳﺎﻡ ﻣﺘﻮﻓﻴﻪ ﻭﻧﺘﺼﻞ ﻋﻠﻰ ﺯﻭﺟﻬﺎ ﻣﻴﺮﺩ .. ﺍﻟﻴﻮﻡ ﺩﻛﺘﻮﺭ ﺍﺑﺮﺍﻫﻴﻢ ﺍﻧﻄﺎﻧﻪ ﺭﻗﻤﻚ ﻭﻛﺎﻝ ﺍﻧﻮ ﺣﻀﺮﺗﻚ ﻗﺮﻳﺒﻬﺎ .
ﺍﺳﻴﺪ .. ﺷﻨﻮﻭﻭ ﺷﺪﺗﺤﺠﻲ ﺣﻀﺮﺗﻚ ﺷﻨﻮ ﺻﺎﺭﻟﻬﺎ ﺍﺭﺑﻊ ﺍﻳﺎﻡ ﻣﺘﻮﻓﻴﻪ ﻭﻫﺴﻪ ﻳﻼ ﻧﻌﺮﻑ؟ !!
ﺍﻟﻤﺘﺼﻞ .. ﺍﺧﻲ ﺍﺗﻔﻀﻞ ﻟﻠﻤﺴﺘﺸﻔﻰ ﻭﻫﻨﺎﻙ ﻳﻔﻬﻤﻮﻙ ﻛﻠﺸﻲ .
ﺳﺪ ﺍﻟﺨﻂ ﻋﺎﻓﻨﻲ ﺑﺼﺪﻣﺘﻲ ... ﺍﻣﻪ ﺷﻨﻮﻭ ﺍﻛﻠﻠﻬﺎ .. ﺟﻬﺎﻟﻬﺎ ﺍﺷﻠﻮﻭﻭﻥ ﻣﻴﺠﻮﻥ ﻳﺸﻮﻓﻮﻥ ﺍﻣﻬﻢ؟ !!
ﻫﻲ ﻫﺎﻱ ﻧﻬﺎﻳﺘﺞ ﺍﻳﻨﺎﺱ ﺗﻤﻮﺗﻴﻦ ﻭﺣﻴﺪﻩ ﻭﻣﺤﺪ ﻳﺪﺭﻱ ﺑﻴﺞ !
ﻟﺒﺴﺖ ﻭﻃﻠﻌﺖ ﻟﻠﻤﺴﺘﺸﻔﻰ ﮔﺒﻞ .. ﺩﺧﻠﺖ ﻟﺼﺪﻳﻘﻲ ﺩ . ﺍﺑﺮﺍﻫﻴﻢ ﺣﺠﻴﺖ ﻭﻳﺎ ﻭﻓﻬﻤﻨﻲ ﻛﻠﺸﻲ !
ﻛﺎﻟﻲ ﺑﻌﺪ ﻣﺎ ﺭﺣﺖ ﺍﻧﺖ ﺯﻭﺟﻬﺎ ﻫﻢ ﻋﺎﻓﻬﺎ ﻭﺭﺍﺡ ﻭﻫﻲ ﺑﻘﺖ ﺗﺒﺠﻲ ﻟﻴﻞ ﻭﻧﻬﺎﺭ ﺍﺗﺮﻳﺪ ﺍﺗﺸﻮﻑ ﺟﻬﺎﻟﻬﺎ ﺑﺲ ﻛﻞ ﻣﺮﻩ ﻳﺘﺼﻠﻮﻥ ﺑﺰﻭﺟﻬﺎ ﻣﻴﺮﺩ ﺍﺧﺮ ﺷﻲ ﺭﻗﻤﻪ ﻳﻄﻠﻊ ﻣﻐﻠﻖ !
ﻃﺒﻌﺎً ﺍﻧﻲ ﻣﻌﺮﻓﺖ ﺑﻌﺬﺍ ﺍﻟﺸﻲ ﻏﻴﺮ ﺑﻌﺪ ﻭﻓﺎﺓ ﺧﺎﻟﺘﻚ ﻻﻥ ﻛﻨﺖ ﻣﺠﺎﺯ ﻭﺍﻻ ﻛﺎﻥ ﺍﺗﺼﻠﺖ ﺑﻴﻚ ﺣﺘﻰ ﺗﺠﻲ ﻭﺍﻟﻴﻮﻡ ﻣﻦ ﺍﺟﻴﺖ ﺑﻠﻐﻮﻧﻲ ﻻﻥ ﻣﺤﺪ ﺣﻀﺮ ﻣﻦ ﺍﻗﺎﺭﺑﻬﺎ ﻓﻘﺮﺭﻭ ﻳﺪﻓﻨﻮﻧﻬﺎ .. ﺑﺲ ﺍﻧﻲ ﺍﻧﻄﻴﺘﻬﻢ ﺭﻗﻤﻚ ﻭﻛﻠﺘﻠﻬﻢ ﺑﻴﻠﻐﻮﻙ ﻻﻥ ﻣﺤﺒﻴﺖ ﺗﺴﻤﻊ ﻫﺎﻟﺨﺒﺮ ﻣﻨﻲ .
ﺍﺳﻴﺪ .. ﻣﺎ ﺍﺩﺭﻱ ﺑﻜﻞ ﻫﺬﺍ ﻭﻻ ﺍﺩﺭﻱ ﺑﺰﻭﺟﻬﺎ ﻋﺎﻳﻔﻬﺎ .. ﺍﻧﻲ ﻫﻢ ﺻﺎﺭﺗﻠﻲ ﺷﻐﻠﻪ ﻭﺍﻟﺘﻬﻴﺖ ﻋﻨﻬﺎ ﺑﺲ ﻣﺘﻮﻗﻌﺖ ﺍﻧﻮ ﺗﻤﻮﺕ ﺣﺎﻟﺘﻬﺎ ﻛﺎﻧﺖ ﻣﺘﻌﺪﻳﻪ ﺍﻟﺨﻄﺮ !
ﺍﺑﺮﺍﻫﻴﻢ .. ﺧﺎﻟﺘﻚ ﺑﺼﺮﺍﺣﻪ ﻣﺎﺗﺖ ﻣﻦ ﺣﺮﮔﺘﻬﺎ ﻋﻠﻰ ﺟﻬﺎﻟﻬﺎ ﻻﻥ ﺣﺴﺐ ﻣﺎ ﺳﻤﻌﺖ ﺍﻟﻤﺴﻜﻴﻦ ﺣﻴﻞ ﻣﺘﻌﺬﺑﻪ ﺑﺲ ﺗﺮﻳﺪ ﺍﺗﺸﻮﻓﻬﻢ !
ﺍﺳﻴﺪ .. ﻫﺴﻪ ﺍﺷﻮﻛﺖ ﺍﻛﺪﺭ ﺍﺳﺘﻠﻢ ﺍﻟﺠﺜﻪ !!
ﺍﺑﺮﺍﻫﻴﻢ .. ﺑﺲ ﺍﺗﻜﻤﻞ ﺍﻻﺟﺮﺍﺀﺍﺕ ﺗﺴﺘﻠﻤﻬﺎ ﺑﻌﺪ ﺍﻧﺖ ﺗﻌﺮﻑ !
ﺍﺳﻴﺪ .. ﻣﺎﺷﻲ ﺍﺑﺮﺍﻫﻴﻢ ﺭﺍﺡ ﺍﻧﻄﻴﻚ ﺍﻟﻤﻌﻠﻮﻣﺎﺕ ﻭﺍﻧﺖ ﻛﻤﻞ ﺍﻻﺟﺮﺍﺀﺍﺕ ﺍﻧﻲ ﻻﺯﻡ ﺍﻧﻄﻲ ﺧﺒﺮ ﺍﻻﻫﻠﻲ ﻭﺍﺧﻮﺗﻬﺎ ﺣﺘﻰ ﺍﺷﻮﻑ ﺍﺷﻠﻮﻥ ﻳﺘﺼﺮﻓﻮﻥ !
ﺍﺑﺮﺍﻫﻴﻢ .. ﺻﺎﺭ ﻭﻻ ﻳﻬﻤﻚ ﺍﻧﺖ ﺭﻭﺡ ﺭﺗﺐ ﻭﺿﻌﻚ ﻭﺍﻧﻲ ﺍﺧﻠﺼﻠﻚ ﻛﻠﺸﻲ ﻣﻨﺎ .
ﺍﺳﻴﺪ .. ﻃﻠﻌﺖ ﻣﻨﻪ ﻭﺍﻧﻲ ﻣﺼﺪﻭﻡ ﻭﻣﻤﺼﺪﻙ ﺍﻟﻲ ﺳﻤﻌﺘﻪ .. ﻭﺑﻨﻔﺲ ﺍﻟﻮﻗﺖ ﻣﺤﺘﺎﺭ ﺍﻣﻲ ﺍﺷﻠﻮﻥ ﺍﺑﻠﻐﻬﺎ ؟ !!
ﺭﺣﺖ ﺑﻮﺟﻬﻲ ﻟﺒﻴﺖ ﺧﻮﺍﻟﻲ ﺑﻠﻐﺘﻬﻢ ﺑﺄﻟﻲ ﺻﺎﺭ .. ﺻﺪﻣﻪ ﻟﻠﻜﻞ ﻣﺤﺪ ﻣﺘﻮﻗﻊ ﺍﻳﻨﺎﺱ ﺍﺗﻤﻮﺕ ﻭﻣﺤﺪ ﻳﻌﺮﻑ ﺷﻨﻮ ﺳﺒﺐ ﺗﺮﻙ ﻣﺤﻤﻮﺩ ﺍﻟﻬﺎ ﻭﻫﻲ ﺑﻬﺬﺍ ﺍﻟﻮﺿﻊ؟ !!
ﺭﺍﺣﻮ ﻫﻢ ﻟﻠﻤﺴﺘﺸﻔﻰ ﻭﺍﻧﻲ ﺭﺣﺖ ﻟﻠﺒﻴﺖ !...
ﻭﺻﻠﺖ ﻟﻜﻴﺖ ﺍﻟﺒﻴﺖ ﻣﮕﻠﻮﺏ ﻛﻼﺏ ﻭﺍﻟﺼﻴﺎﺡ ﻭﺍﺻﻞ ﻟﻠﺴﺘﺎﺭ .. ؟ !!!!
ﻳﺎ ﺭﺑﻲ ﺩﺧﻴﻠﻚ ﺷﺼﺎﻳﺮ .. ﻧﺰﻟﺖ ﺭﻛﺾ ﻭﮔﻠﺒﻲ ﺍﺣﺴﻪ ﻭﻛﻒ ﻣﻦ ﺍﻟﺮﻋﺒﻪ .. ﺷﺎﻓﻮﻧﻲ ﺍﻟﺤﺮﺱ .. ﺍﻟﺒﻘﻴﻪ ﺑﺤﻴﺎﺗﻚ ﺩﻛﺘﻮﺭ .. ﺍﻟﺒﻘﻴﻪ ﺑﺤﻴﺎﺗﻚ ﺩﻛﺘﻮﺭ؟ !!
ﺍﺭﻳﺪ ﺃﺳﺄﻟﻬﻢ ﺷﻜﻮﻭﻭ ﺷﺼﺎﻳﺮ ﻣﺎ ﺍﻛﺪﺭ ﺍﻟﻠﺴﺎﻧﻲ ﺛﻜﻞ .. ﺩﺧﻠﺖ ﺷﻔﺖ ﻛﺮﺍﺭ ﻭﺍﻛﻒ .. ﻣﻦ ﺷﺎﻓﻨﻲ ﺍﺟﺎﻧﻲ ﺣﻀﻨﻲ ﻭﺿﻞ ﻳﺒﺠﻲ ... ﺍﺳﻴﺪ ﻣﺎﺗﺖ ﺍﺳﻴﻴﻴﻴﻴﺪ .. ﻭﻟﻚ ﺧﻮﻳﻪ ﺭﺍﺣﺖ ﺍﻣﻨﺎ !!!!!!!.....
ﻟﻠﺤﻜﺎﻳﻪ ﺑﻘﻴﻪ
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء