رواية في أرض الغرام انت دولتي ج2 الجزء الرابع
للكاتبة الأميرة الموسوية
....
ﺍﺳﻴﺪ .. ﺍﻧﺘﻲ ﻃﺎﻟﻖ .. ﺻﺪﻛﻴﻨﻲ ﺭﺍﺡ ﺍﺗﺮﻛﺞ ﻧﻬﺎﺋﻴﺎً ﻭﻣﺮﺍﺡ ﺗﺸﻮﻓﻴﻦ ﻭﺟﻬﻲ ﺍﺑﺪ ﺑﺲ ﺍﺗﺮﻛﻴﻬﺎ ﻣﻦ ﺍﻳﺪﺝ .
ﺩﺍﻟﻴﺎ .. ﺍﻭﻝ ﻣﺴﻤﻌﺖ ﺍﻟﻜﻠﻤﻪ ﻣﻨﻪ ﺑﺠﻴﺖ ﺑﻘﻮﻩ ﻛﻨﺖ ﺍﺷﻬﻚ ﺑﺤﺮﮔﻪ ﻭﻛﺎﻧﻮ ﺭﻭﺣﻲ ﺩﺗﻄﻠﻊ .. ﺍﻟﻨﻈﺮﺍﺕ ﺍﻟﻲ ﻛﺎﻧﺖ ﺑﻌﻴﻮﻧﻪ ﻭﻫﻮ ﻳﻨﻄﻖ ﻫﺬﻱ ﺍﻟﻜﻠﻤﻪ ﻛﺎﻥ ﻣﺜﻞ ﺍﻟﺨﺎﻳﻒ ﻭﻣﻼﻣﺤﻪ ﻣﺮﻋﺒﻪ .. ﻣﻜﻨﺖ ﺍﻋﺘﻘﺪ ﺣﻴﻤﺮ ﻋﻠﻴﻪ ﻳﻮﻡ ﻭﺍﺷﻮﻑ ﺑﻌﻴﻮﻧﻪ ﻧﻈﺮﺓ ﺧﻮﻑ !
ﺑﻘﻰ ﻣﺮﻛﺰ ﻧﻈﺮﻩ ﺑﻮﺟﻬﻲ .. ﺗﻨﻬﺪ ﺗﻨﻬﻴﺪﻩ ﺣﺴﻴﺘﻬﺎ ﻃﻠﻌﺖ ﻣﻦ ﺍﻋﻤﺎﻕ ﺭﻭﺣﻪ .. ﻛﻞ ﺟﺰﺀ ﺑﻲ ﻛﺎﻥ ﻳﺮﺟﻒ ﻏﻀﺐ ﻛﺄﻧﻪ ﺩﻳﺼﺎﺭﻉ ﺷﻲ ﺑﺪﺍﺧﻠﻪ .. ﺑﻬﺪﻭﺀ ﻭﺻﻮﺕ ﺣﺎﺩ ﺭﻣﻰ ﻋﻠﻴﻪ ﺍﻟﻴﻤﻴﻦ ﻭﺳﻜﺖ !!
ﻭﻣﺸﻜﻴﺖ ﺑﺼﺪﻕ ﻛﻼﻣﻪ ﺍﺑﺪ ﻛﺎﻥ ﻓﻌﻼً ﻳﺘﻜﻠﻢ ﺑﺠﺪﻳﻪ .. ﺍﻟﻤﻔﺮﻭﺽ ﻫﺴﻪ ﺍﻧﻲ ﺍﺭﺗﺎﺡ ﻣﻮ؟ !!
ﺻﺎﺭ ﺍﻟﻲ ﺭﺩﺗﻪ ﻭﻃﻠﻜﻨﻲ ﺧﻠﺺ .. ﻻﺯﻡ ﺍﻓﺮﺡ ﻣﻮ؟ !!
ﻫﺬﺍ ﺍﻟﻲ ﺍﺭﻳﺪﻩ ﺻﺤﻴﺢ ﺍﻧﻮ ﻳﺘﺮﻛﻨﻲ .. ﺯﻳﻦ ﻟﻮﻳﺶ ﺑﻘﻴﺖ ﻻﺯﻣﻪ ﺍﻟﻜﺰﺍﺯﻩ ﻣﺘﺮﻛﺘﻬﺎ؟ !
ﻟﻮﻳﺶ ﻛﻨﺖ ﺍﻓﻀﻞ ﺍﻟﻤﻮﺕ ﻋﻠﻰ ﺍﻧﻮ ﺍﺗﺤﺮﺭ ﻣﻨﻪ .. ﺍﻧﻮ ﺍﺳﻤﻊ ﻫﺬﻱ ﺍﻟﻜﻠﻤﻪ ﻣﻨﻪ ﻛﺎﻥ ﻫﺪﻓﻲ ﻗﺒﻞ ﻛﻢ ﺛﺎﻧﻴﻪ .. ﻟﻌﺪ ﻟﻮﻳﺶ ﺭﻭﺣﻲ ﺩﺍﺗﺤﺘﺮﻙ؟ !
ﺷﻨﻮ ﻣﻦ ﻗﺪﺭ ﻫﺬﺍ ...
ﻣﺎﺍﻛﺪﺭ ﺍﺑﻘﻰ ﻭﻳﺎ ﻭﻻ ﺍﻛﺪﺭ ﺍﻋﻴﺶ ﺑﺪﻭﻧﻪ ، ﺷﻨﻮ ﻣﻦ ﺣﻴﺎﻩ ﻫﺬﻱ ﺍﻟﻲ ﺩﺗﺤﺎﺭﺏ ﺍﻱ ﺳﺒﻴﻞ ﻟﺴﻌﺎﺩﺗﻲ؟ !!
ﺧﻠﺺ ﻃﻠﻜﻨﻲ ﻭﺑﻌﺪ ﻣﻨﺮﺟﻊ ﻣﺴﺘﺤﻴﻞ ﻟﺸﻨﻮ ﻋﺎﻳﺸﻪ ﻭﺍﻟﻤﻦ ﺍﻋﻴﺶ ﺑﻌﺪ؟ !!
ﺩﻗﺎﻳﻖ ﻣﺮﺕ ﻋﻠﻴﻪ ﺳﻨﻴﻦ ﻛﻨﺖ ﺟﺎﻣﺪﻩ ﺑﻤﻜﺎﻧﻲ ﻭﻛﻞ ﺫﺭﻩ ﺑﻴﻪ ﺗﺮﺟﻒ .. ﺍﺧﺮ ﺷﻲ ﻓﻜﺮﺕ ﺑﻲ .. ﺍﻧﻮ ﺣﻴﺎﻩ ﺑﺪﻭﻧﻪ ﻭﺑﻌﻴﺪ ﻋﻨﻪ ﻣﺎﺍﺭﻳﺪﻫﺎ ﻏﻤﻀﺖ ﻋﻴﻮﻧﻲ ﺑﻘﻮﻩ ﻭﺿﻐﻄﺖ ﻉ ﺭﮔﺒﺘﻲ ﺑﺎﻟﻜﺰﺍﺭﻩ ﺣﺴﻴﺖ ﺑﺄﻟﻢ ﻓﻀﻴﻴﻴﻴﻊ ﺭﻭﺣﻲ ﺩﺗﺤﺘﺮﻙ ﺍﻟﺪﻡ ﺑﺪﺍ ﻳﻨﺰﻝ ﺑﻘﻮﻩ ﻉ ﺻﺪﺭﻱ .. ﻛﻨﺖ ﺑﻮﻋﻴﻲ ﻭﺍﻛﻔﻪ ﻉ ﻃﻮﻟﻲ ﺑﺲ ﺭﻭﺣﻲ ﺑﻐﻴﺮ ﻋﺎﻟﻢ ، ﻳﻤﻜﻦ ﺩﺍﺍﻣﻮﺕ .. ﺭﻭﺣﻲ ﺩﺗﻄﻠﻊ !!
ﺑﻠﺤﻈﻪ ﻭﺣﺪﻩ ﺷﻲ ﻗﻮﻱ ﺳﺤﺒﻨﻲ ﻭﻓﺰﺯﻧﻲ .. ﻓﺘﺤﺖ ﻋﻴﻮﻧﻲ ﻟﻜﻴﺘﻪ ﻭﺍﻛﻒ ﻛﺪﺍﻣﻲ ﻭﻗﺮﻳﺐ ﻣﻨﻲ ﺣﻴﻞ .. ﺳﺤﺐ ﺍﻟﻜﺰﺍﺯﻩ ﻣﻦ ﺍﻳﺪﻱ ﻭﺷﻤﺮﻫﺎ .. ﺍﻧﻲ ﻛﻨﺖ ﻭﺍﻛﻔﻪ ﻣﺜﻞ ﺍﻟﺼﻨﻢ ﻣﺎﺍﺗﺤﺮﻙ ﻛﻨﺖ ﺍﺷﻮﻑ ﻛﻞ ﺍﻟﻲ ﻳﺼﻴﺮ ﺑﺲ ﻣﺎﺍﺣﺮﻙ ﺳﺎﻛﻦ .. ﺳﺎﻣﻌﻴﻦ ﺑﺎﻟﻤﻮﺗﻰ ﺍﻻﺣﻴﺎﺀ؟ !!
ﺍﻧﻲ ﻛﻨﺖ ﻫﺸﻜﻞ ، ﻓﺎﺭﻏﻪ ﺍﺣﺲ ﻧﻔﺴﻲ .. ﺑﺲ ﻟﻤﺎ ﺣﻈﻨﻲ ﺭﺟﻌﺘﻠﻲ ﺭﻭﺣﻲ !
ﺍﺳﻴﺪ .. ﺍﻟﻐﺒﻴﻪ ﻛﺎﻧﺖ ﺭﺍﺡ ﺗﻤﻮﺕ ﺭﻭﺣﻬﺎ .. ﺻﺢ ﺍﻧﻲ ﻏﻠﻄﺖ ﻭﺣﻘﻬﺎ ﺑﺲ ﻣﻬﻤﺎ ﻳﻜﻮﻥ ﻣﺘﻮﺻﻞ ﻟﺪﺭﺟﻪ ﺍﺗﺄﺫﻱ ﻧﻔﺴﻬﺎ !
ﺣﻴﻞ ﻧﺪﻣﺖ ﻉ ﺍﻟﻲ ﺳﻮﻳﺘﻪ ﺑﻠﺤﻈﺘﻬﺎ .. ﻭﻏﺼﺐ ﻋﻨﻲ ﺍﺿﻄﺮﻳﺖ ﺍﻛﻠﻠﻬﺎ ﻫﺬﻱ ﺍﻟﻜﻠﻤﻪ .. ﻣﻮ ﻻﻧﻮ ﺍﺭﻳﺪ ﺍﻃﻠﮕﻬﺎ ﺍﻭ ﺭﺍﺡ ﺍﻃﻠﮕﻬﺎ ﺻﺪﻙ !
ﻻﺍﺍﺍﺍ .. ﻛﻨﺖ ﺍﺭﻳﺪ ﺍﻫﺪﻳﻬﺎ ﻣﻮ ﺍﻛﺜﺮ ﻭﺷﻲ ﺛﺎﻧﻲ ﻫﻲ ﻣﻜﺎﻧﺖ ﺗﻌﺮﻑ ﺷﻲ ﻋﻦ ﺍﻟﻄﻼﻕ ﻉ ﺑﺎﻟﻬﺎ ﺑﻤﺠﺮﺩ ﻣﺎ ﺍﻛﻮﻝ ﻃﺎﻟﻖ ﻧﺘﻄﻠﻖ ﺧﻠﺺ !!
ﻟﺬﻟﻚ ﺣﺎﻭﻟﺖ ﺍﺳﺎﻳﺮﻫﺎ .. ﻭﻓﻌﻼً ﻛﻠﺘﻠﻬﺎ ﺍﻧﺘﻲ ﻃﺎﻟﻖ ، ﺍﺗﻮﻗﻌﺖ ﺗﺘﺮﻙ ﺍﻟﻲ ﺑﺄﻳﺪﻫﺎ ﻭﺗﻬﺪﺍ !..
ﺑﺲ ﻭﻻ ﻉ ﺑﺎﻟﻚ ﺳﻤﻌﺘﻨﻲ ﺑﺎﻟﻌﻜﺲ ﺿﻐﻄﺖ ﺍﻛﺜﺮ ﻭﺟﺮﺣﺖ ﻧﻔﺴﻬﺎ ﺟﺮﺡ ﺍﻛﺒﺮ .. ﻣﻦ ﺻﺪﻙ ﻓﻘﺪﺕ ﻋﻘﻠﻲ ﺑﻠﺤﻈﺘﻬﺎ ﻳﻌﻨﻲ ﻫﻲ ﺍﻟﻲ ﺭﺍﺩﺕ ﺍﻃﻠﻜﻬﺎ ﺣﺘﻰ ﻣﺘﻨﺘﺤﺮ ﺍﻭ ﺗﺄﺫﻱ ﻧﻔﺴﻬﺎ .. ﺯﻳﻦ ﻟﻴﺶ ﻣﻦ ﺳﻮﻳﺖ ﺍﻟﻲ ﺗﺮﻳﺪﻩ ﻣﺘﺮﺍﺟﻌﺖ؟ !!
ﺧﺒﻠﺘﻨﻲ ﻭﻃﻔﺮﺕ ﺍﻟﺸﻴﺎﻃﻴﻦ ﺍﻟﻲ ﺑﺮﺍﺳﻲ .. ﻣﻜﺪﺭﺕ ﺍﺳﻴﻄﺮ ﻋﻠﻰ ﺍﻋﺼﺎﺑﻲ ﺑﻌﺪ ﻭﺍﻧﻲ ﺍﺷﻮﻓﻬﺎ ﺩﺗﻤﻮﺕ ﻛﺪﺍﻣﻲ .. ﺍﻭﻝ ﻣﻐﻤﻀﺖ ﻋﻴﻮﻧﻬﺎ ﺭﻛﻀﺖ ﺳﺤﺒﺘﻬﺎ ﻋﻠﻴﻪ ﻭﺑﻌﺪﺕ ﺍﻟﻜﺰﺍﺯﻩ ﻣﻦ ﺍﻳﺪﻫﺎ !!
ﻛﺎﻧﺖ ﺗﺮﺟﻒ ﺑﻘﻮﻩ ، ﺟﺴﻤﻬﺎ ﺑﺎﺭﺩ ﺛﻠﺞ .. ﻭﺍﻟﺪﻡ ﻳﻨﺰﻑ ﻣﻦ ﺍﻳﺪﻫﺎ ﻭﻣﻦ ﺭﮔﺒﺘﻬﺎ .. ﻣﻨﻈﺮﻫﺎ ﻓﻌﻼً ﻓﻌﻼً ﻛﺎﻥ ﻳﺪﻣﺮ !
ﺩﻣﺮﺗﻨﻲ ﺻﺪﻙ ﺑﻮﻗﺘﻬﺎ ﺍﺗﻤﻨﻴﺖ ﺍﺧﺘﻔﻲ .. ﺻﺢ ﺍﻧﻲ ﺍﻛﺮﻩ ﺍﻟﻨﺴﻮﺍﻥ ﺑﺲ ﻣﻤﻔﻜﺮ ﺃﺃﺫﻱ ﺍﺣﺪ ﻟﻬﺪﺭﺟﻪ ﺗﻮﺻﻞ ﻟﻠﻤﻮﺕ !
ﻛﻞ ﺍﻟﻲ ﻛﻨﺖ ﺍﺳﻮﻱ ﺣﺘﻰ ﺃﺃﺫﻳﻬﺎ ﻣﺠﺮﺩ ﻛﻼﻡ ﺟﺎﺭﺡ ﻣﻮ ﺍﻛﺜﺮ ﻻﻧﻮ ﺍﻟﺠﺮﺡ ﺍﻟﻲ ﺑﺪﺍﺧﻠﻲ ﻛﺎﻥ ﻋﻤﻴﻖ ﻭﻛﻞ ﺑﻨﺖ ﺍﺷﻮﻓﻬﺎ ﺗﺬﻛﺮﻧﻲ ﺑﺎﻟﻤﺎﺿﻲ ﺑﺲ ﻣﺘﻮﺻﻞ ﻟﻠﺘﻌﺬﻳﺐ ﺍﻟﺠﺴﺪﻱ !!
( ﻳﺎ ﺭﻳﺘﻜﻢ ﺗﻌﺮﻓﻮﻥ ﺍﻧﻮ ﺍﻟﻜﻼﻡ ﻳﺄﺫﻱ ﺍﻟﺮﻭﺡ ﺍﻛﺜﺮ ﻣﻦ ﺍﻻﺫﻯ ﺍﻟﺠﺴﺪﻱ )
.....
ﺍﻟﻤﻬﻢ ..
ﺳﺤﺒﺖ ﺍﻟﻜﺰﺍﺯﻩ ﻣﻦ ﺍﻳﺪﻫﺎ ﻭﺷﻠﺘﻬﺎ ﻫﻲ ﻛﺎﻧﺖ ﺷﺒﻪ ﻓﺎﻗﺪﻩ ﺍﻟﻮﻋﻲ ﺑﺲ ﻋﻴﻮﻧﻬﺎ ﻣﻔﺘﻮﺣﻪ ﺗﺮﺍﻗﺒﻨﻲ !
ﻃﻠﻌﺘﻬﺎ ﻣﻦ ﺍﻟﺤﻤﺎﻡ ﺧﻠﻴﺘﻬﺎ ﻉ ﺍﻟﺴﺮﻳﺮ .. ﺑﺴﺮﻋﻪ ﺟﺒﺖ ﺍﻻﺳﻌﺎﻓﺎﺕ ﻛﻌﺪﺕ ﻛﺪﺍﻣﻬﺎ ﻉ ﺍﻟﺴﺮﻳﺮ ﻭﺑﺪﻳﺖ ﺍﻋﺎﻟﺞ ﺍﻟﺠﺮﺡ ﺍﻟﻲ ﺑﺮﮔﺒﺘﻬﺎ ، ﺻﺢ ﻛﺎﻥ ﻛﺒﻴﺮ ﺑﺲ ﺳﻄﺤﻲ ﻣﻮ ﺧﻄﺮ !
ﻧﻈﻔﺘﻪ .. ﻋﻘﻤﺘﻪ .. ﺿﻤﺪﺗﻪ ﺍﻟﻬﺎ .. ﻫﻲ ﻛﻞ ﻫﺬﺍ ﺻﺎﻓﻨﻪ ﻣﺘﺤﺮﻙ ﺳﺎﻛﻦ ﻭﻻ ﺗﺤﺠﻲ ﺑﺲ ﺩﻣﻮﻋﻬﺎ ﺗﺠﺮﻱ ﺑﻬﺪﻭﺀ ﻭﺑﺪﻭﻥ ﺻﻮﺕ !
ﻛﻨﺖ ﺍﺿﻤﺪ ﺟﺮﺣﻬﺎ ﻭﺍﺑﺎﻭﻉ ﺑﻌﻴﻮﻧﻬﺎ ﺍﻟﻲ ﻣﻠﻴﺎﻧﻪ ﺩﻣﻮﻉ ﻭﻛﻼﻡ ﻣﻔﻬﻤﺘﻬﺎ .. ﺣﺰﻥ ﻭﺃﻟﻢ ﺧﻠﻮﻧﻲ ﻣﺎﺍﻛﺪﺭ ﺍﺣﺠﻲ ﻭﻻ ﻛﻠﻤﻪ
ﻛﻤﻠﺖ ﺟﺮﺡ ﺭﮔﺒﺘﻬﺎ ﺑﻌﺪﻳﻦ ﺿﻤﺪﺕ ﺍﻳﺪﻳﻬﺎ ﺍﺛﻨﻴﻨﻬﻢ ﻛﺎﻧﻮ ﻣﺠﺮﻭﺣﻴﻦ ﺍﻛﺜﺮ ﻣﻦ ﺟﺮﺡ ﻭﺍﻟﻜﺰﺍﺯ ﺍﻟﻨﺎﻋﻢ ﺑﻌﺪﻩ ﺑﺄﻳﺪﻫﺎ ﻃﻠﻌﺘﻬﻢ ﻭﻧﻈﻔﺘﻬﺎ ﺍﻟﻤﻔﺮﻭﺽ ﻟﻤﺎ ﺍﻟﻤﺲ ﺟﺮﺣﻬﺎ ﺗﺘﺄﺫﻩ ﺗﺼﻴﺢ ﺍﻧﻲ ﻃﻠﻌﺖ ﺍﻟﻜﺰﺍﺯ ﻭﻫﻲ ﻣﺎﻛﻮ ﺍﻱ ﺭﺩﺓ ﻓﻌﻞ ﻣﻨﻬﺎ ﺑﺲ ﺻﺎﻓﻨﻪ ﻭﺩﻣﻮﻋﻬﺎ ﺗﺠﺮﻱ !
ﺧﻮﻓﻨﻲ ﻫﺪﻭﺋﻬﺎ ﻉ ﺑﺎﻟﻲ ﺑﻴﻬﺎ ﺷﻲ ﻗﺴﺖ ﺿﻐﻄﻬﺎ ﻭﺍﻟﺴﻜﺮ ﻭﺣﺮﺍﺭﺗﻬﺎ ﻭﻧﺒﻀﺎﺗﻬﺎ .. ﻛﻮﻟﺸﻲ ﻃﺒﻴﻌﻲ ﺑﺲ ﺍﺷﻮﻳﻪ ﻫﺒﻮﻁ ﺧﻔﻴﻒ ﻋﺪﻫﺎ .. ﺿﻤﺪﺕ ﺍﻳﺪﻫﺎ ﻭ ﻧﺰﻟﺖ ﺟﻮﻩ ﺳﻮﻳﺖ ﺍﻛﻞ ﻭﺟﺒﺘﻠﻬﺎ ﻣﺴﻜﻦ ﺍﻻﻟﻢ ﻭﺍﺟﻴﺖ .. ﻟﻜﻴﺘﻬﺎ ﻉ ﻧﻔﺲ ﺍﻟﺼﻔﻨﻪ ﻭﻧﻔﺲ ﺍﻟﺤﺎﻟﻪ .. ﻛﻌﺪﺕ ﻳﻤﻬﺎ ﻭﺧﻠﻴﺖ ﺍﻻﻛﻞ ﻛﺪﺍﻣﻬﺎ ﺑﺼﻮﺕ ﺟﺎﻣﺪ ..
_ ﻻﺯﻡ ﺗﺎﻛﻠﻴﻦ ﻧﺰﻓﺘﻲ ﻫﻮﺍﻱ .
ﺩﺍﻟﻴﺎ .. ﻣﺎﻛﻮ ﺍﻱ ﺭﺩ ﻓﻌﻞ !!
ﺍﺳﻴﺪ .. ﺩﺍﺣﺠﻲ ﻭﻳﺎﺝ ﺟﺎﻭﺑﻴﻨﻲ .
ﺩﺍﻟﻴﺎ .. ﻣﺤﺠﻴﺖ ﺍﻱ ﺷﻲ ﻛﻨﺖ ﺍﺳﻤﻌﻪ ﻭﺍﺷﻮﻓﻪ ﺍﺷﻮﻥ ﺿﻤﺪ ﺟﺮﺣﻲ ﻭﺍﻳﺪﻳﻪ .. ﻛﻞ ﺍﻟﻲ ﺳﻮﺍ ﺍﺫﺍﻧﻲ ﺣﺴﻴﺖ ﺭﻭﺣﻲ ﺩﺗﺤﺘﺮﻙ ﻣﻦ ﺍﻟﻮﺟﻊ ﺑﺲ ﺷﻲ ﺑﺪﺍﺧﻠﻲ ﻣﻨﻌﻨﻲ ﺍﺑﻴﻦ ﺍﻱ ﺭﺩﺓ ﻓﻌﻞ ﻳﻤﻜﻦ ﻻﻧﻮ ﻭﺟﻊ ﮔﻠﺒﻲ ﻭﺃﻟﻢ ﺭﻭﺣﻲ ﻏﻠﺐ ﻉ ﻛﻮﻟﺸﻲ !
ﺑﻘﻴﺖ ﺍﻋﻴﺪ ﺍﻟﻲ ﺻﺎﺭ ﺍﺑﺎﻟﻲ ﻣﺮﻩ ﻭﻣﺮﺗﻴﻦ ﻭﺍﻟﻒ ﻭﺍﻟﻔﻴﻦ .. ﺣﺘﻰ ﻋﻘﻠﻲ ﺗﻌﺐ ﻣﻦ ﺍﻟﻤﺸﻬﺪ ﺍﻟﻲ ﺩﻳﻨﻌﺎﺩ .. ﻋﺎﻓﻨﻲ ﻭﺭﺍﺡ ﻓﺘﺮﻩ ﻭﺭﺟﻊ ﺑﻴﺪﻩ ﺍﻛﻞ ﻭ ..
ﻛﺎﻟﻲ ﺍﻛﻠﻲ .. ﻣﺤﺠﻴﺖ .. ﻣﻦ ﻛﻞ ﻋﻘﻠﻪ ﻫﺬﺍ ﻳﺮﻳﺪﻧﻲ ﺍﻛُﻞ ﻫﺴﻪ؟ !!
ﺍﻛﻴﺪ ﻋﻘﻠﻪ ﺑﻲ ﺷﻲ ﺍﺫﺍ ﻣﺘﻮﻗﻊ ﻣﻨﻲ ﺣﺮﺩ ﻋﻠﻴﻪ ﺍﺻﻼً .. ﺳﻜﺘﺖ ﻭﻻ ﻛﺄﻧﻮ ﻣﻮﺟﻮﺩ ﺍﻭ ﺩﻳﺤﺠﻲ ﻭﻳﺎﻱ
ﺍﺳﻴﺪ .. ﻣﺎﺷﻲ ﻟﺘﺎﻛﻠﻴﻦ ﻭﻟﺘﺤﺠﻴﻦ .. ﺑﺲ ﻻﺯﻡ ﺍﺗﺴﻤﻌﻴﻦ ﻭﺑﻌﺪﻫﺎ ﺭﺍﺡ ﺍﺗﺮﻛﺞ ﺍﻧﺘﻲ ﺍﻟﻲ ﺗﻘﺮﺭﻳﻦ ..
ﺍﻟﻲ ﺭﺍﺡ ﺍﻛﻮﻟﻪ ﻣﺤﺪ ﻳﻌﺮﻓﻪ ﻏﻴﺮﻱ ﺍﻧﻲ ﻭﺭﺑﻲ ﻭﺍﻟﻄﺮﻓﻴﻦ ﺍﻟﻲ ﺳﻮﻭ ﺑﻴﻪ ﻫﺸﻜﻞ .. ﻗﺒﻞ ﻛﻢ ﺳﻨﻪ ﺍﻭﻝ ﻣﺪﺧﻠﺖ ﻟﻠﻜﻠﻴﻪ ..
ﺍﺗﻌﺮﻓﺖ ﻉ ﺑﻨﺖ ﻭﻳﺎﻱ ﺍﺗﺪﺍﻭﻡ .. ﺑﺎﻟﺒﺪﺍﻳﻪ ﻛﺎﻧﺖ ﻣﺠﺮﺩ ﺻﺪﺍﻗﻪ ﻭﺯﻣﺎﻟﻪ ﺟﺎﻣﻌﻴﻪ ﺑﻌﺪﻳﻦ ﺑﺪﺕ ﺗﺎﺧﺬ ﻣﺠﺮﻯ ﺛﺎﻧﻲ ﺑﺪﺕ ﺗﺘﺤﻮﻝ ﺍﻟﻰ ﺍﻋﺠﺎﺏ .. ﺑﻌﺪﻫﺎ ﺗﻌﻠﻖ .. ﻭﺑﺎﻻﺧﺮ ﺣﺐ !!
ﺍﻛﻴﺪ ﻫﺬﻱ ﻗﺼﻪ ﺗﻘﻠﻴﺪﻳﻪ ﻭﻳﻤﻜﻦ ﺳﺎﻣﻌﺘﻬﺎ ﻫﻮﺍﻱ ﻭﻟﺪ ﻳﺸﻮﻑ ﺑﻨﻴﻪ ﺑﺎﻟﺠﺎﻣﻌﻪ ﺣﻠﻮﻩ ﻋﺠﺒﺘﻪ ﺣﺒﻮﺍ ﺑﻌﺾ ﻭﻳﺮﺗﺒﻄﻮﻥ ﺑﻌﻼﻗﻪ ﻳﺄﻣﺎ ﺗﻨﺠﺢ ﺍﻭ ﺗﻔﺸﻞ ﺑﻌﺪﻳﻦ ﻟﻮ ﻳﺘﻘﺪﻣﻠﻬﺎ ﻟﻮ ﻳﻀﺤﻚ ﻋﻠﻴﻬﺎ ... ﺍﻟﺦ
ﺑﺲ ﺍﻟﻲ ﺻﺎﺭ ﻭﻳﺎﻱ ﻳﺨﺘﻠﻒ ﺍﻻﻧﺴﺎﻧﻪ ﺍﻟﻲ ﺍﺧﺘﺎﺭﻳﺘﻬﺎ ﻣﺤﺒﻴﺘﻬﺎ ﻻﻧﻬﺎ ﺣﻠﻮﻩ ﺍﻭ ﺟﺬﺑﻨﻲ ﺷﻜﻠﻬﺎ .. ﻻ ﺑﺎﻟﻌﻜﺲ ﻛﺎﻧﺖ ﻣﻮ ﺣﻠﻮﻩ ﺣﻴﻞ ﺟﻤﺎﻟﻬﺎ ﺍﻗﻞ ﻣﻦ ﺍﻟﻌﺎﺩﻱ ﻭﺣﺘﻰ ﺣﺎﻟﺘﻬﺎ ﺍﻟﻤﺎﺩﻳﻪ ﻛﺎﻧﺖ ﺟﻮﻩ ﺍﻟﺼﻔﺮ ﻳﻌﻨﻲ ﻋﺎﺋﻠﺘﻬﺎ ﻳﺘﻐﺪﻭﻥ ﻣﻴﺘﻌﺸﻮﻥ !
ﻭﺭﻏﻢ ﺍﻧﻮ ﻫﻲ ﺍﻟﻲ ﻟﺰﻛﺖ ﺑﻴﻪ ﺑﺎﻟﺒﺪﺍﻳﻪ ﻭﺧﻠﺘﻨﻲ ﺍﺗﻌﻠﻖ ﺑﻴﻬﺎ ﺑﺲ ﻣﻬﺘﻤﻴﺖ ﻟﻜﻞ ﻫﺬﻱ ﺍﻻﺷﻴﺎﺀ ﻭﻻ ﺣﺴﺴﺘﻬﺎ ﺑﻴﻮﻡ ﺍﻛﻮ ﻓﺮﻕ ﺑﻴﻨﺎ ﺣﺒﻴﺘﻬﺎ ﺣﺐ ﺻﺎﺩﻕ ﻭﺧﺎﻟﺺ ﺑﺪﻭﻥ ﻣﺼﺎﻟﺢ ﻭﻻ ﺷﻜﻠﻴﺎﺕ .. ﺣﺒﻴﺖ ﺭﻭﺣﻬﺎ ﻭﺗﺼﺮﻓﺎﺗﻬﺎ ﺍﻟﻲ ﻟﺤﺪ ﺍﻻﻥ ﻣﺎﺍﻋﺮﻑ ﺍﺫﺍ ﻛﺎﻧﺖ ﺣﻘﻴﻘﻴﻪ ﺍﻭ ﺟﺰﺀ ﻣﻦ ﻟﻌﺒﺘﻬﺎ .. ﺑﺎﻟﻤﺮﺣﻠﻪ ﺍﻟﺜﺎﻧﻴﻪ ﺧﻄﺒﺘﻬﺎ ﺍﻫﻠﻲ ﻛﻠﻬﻢ ﺍﻋﺘﺮﺿﻮﺍ ﻭﺍﻣﻲ ﻛﺎﻟﺖ ﺍﺗﺒﺮﻯ ﻣﻨﻚ ﺍﺫﺍ ﺍﺧﺬﺗﻬﺎ .. ﺻﺤﻴﺢ ﺍﻣﻲ ﮔﻠﺒﻬﺎ ﻃﻴﺐ ﻭﺗﺴﺎﻋﺪ ﺍﻟﻨﺎﺱ ﺑﺲ ﻫﻮﻭﺍﺍﺍﺍﺍﻱ ﺗﺘﺄﺛﺮ ﻭﺗﻬﺘﻢ ﺑﺎﻟﻤﻈﺎﻫﺮ ﻭﺍﻟﺒﻨﻴﻪ ﻛﺎﻧﺖ ﻓﻘﻴﺮﻩ ﺣﻴﻞ ﻟﺬﻟﻚ ﺍﻣﻲ ﻋﺘﺮﺿﺖ ﺑﺪﻭﻥ ﻣﺘﺸﻮﻓﻬﺎ ﺣﺘﻰ !!
ﺍﺗﺤﺪﻳﺖ ﺍﻫﻠﻲ ﻛﻠﻬﻢ ﻭﺍﻣﻲ ﺯﻋﻠﺖ ﻋﻠﻴﻪ ﺣﺘﻰ ﻣﻦ ﺍﻟﺒﻴﺖ ﻭﻃﻠﻌﺖ ﻛﻨﺖ ﺍﺩﺍﻭﻡ ﺍﻟﺼﺒﺢ ﺍﺷﺘﻐﻞ ﺍﻟﻈﻬﺮ ﻭﺑﺎﻟﻠﻴﻞ ﺍﺑﺎﺕ ﺑﻨﻔﺲ ﻣﻜﺎﻥ ﺷﻐﻠﻲ .. ﺍﻟﻰ ﺍﻥ ﺍﺗﺨﺮﺟﺖ .. ﺍﻋﺘﻤﺪﺕ ﻋﻠﻰ ﻧﻔﺴﻲ ﻭﻣﺨﻠﻴﺖ ﺍﻱ ﺍﺣﺪ ﻳﺴﺎﻋﺪﻧﻲ ﺣﺘﻰ ﻋﻤﻲ ﺍﺑﻮﻫﺎ ﻟﺴﺎﺭﻩ ﻭﺍﺧﻮﻳﻪ ﻛﺮﺍﺭ ﺍﺷﻜﺪ ﺍﺗﻮﺳﻠﻮ ﺑﻴﻪ ﻉ ﺍﻻﻗﻞ ﺍﺟﻲ ﺍﻋﻴﺶ ﻫﻨﺎ ﺑﺒﻴﺖ ﺍﻟﻤﺰﺭﻋﻪ ﻣﻘﺒﻠﺖ ، ﻣﺨﻠﻴﺖ ﺍﺣﺪ ﻳﺘﻔﻀﻞ ﻋﻠﻴﻪ .. ٣ ﺳﻨﻮﺍﺕ ﺍﻣﻲ ﻣﺸﺎﻳﻔﻬﺎ ﻭﻻ ﺗﻘﺒﻞ ﺗﺤﺎﺟﻴﻨﻲ .. ﻭﻫﺬﺍ ﺍﻛﺜﺮ ﺷﻲ ﺩﻣﺮﻧﻲ .. ﺍﻣﻲ ﻋﻨﺪﻱ ﺍﻏﻠﻰ ﻣﻦ ﺍﻟﻬﻮﺍ ﺍﻟﻲ ﺍﺗﻨﻔﺴﻪ .. ﺿﺤﻴﺖ ﺑﺄﻣﻲ ﻋﻠﻤﻮﺩ ﺍﻭﻓﻲ ﺑﻮﻋﺪﻱ ﻟﻬﺬﻱ ﺍﻻﻧﺴﺎﻧﻪ ، ﺑﻴﺘﻨﺎ ﻣﻮﺻﻠﺘﻪ ﺍﺑﺪ ﺣﺘﻰ ﻋﻨﻮﺍﻧﻪ ﺑﺪﻳﺖ ﺍﻧﺴﻰ ..
ﻣﺎ ﺍﺭﻳﺪ ﺍﻃﻴﻞ ﺍﻟﻜﻼﻡ ..
ﺧﻠﺼﺖ ﺍﻟﺠﺎﻣﻌﻪ ﻭﺗﺨﺮﺟﺖ ، ﻛﻨﺎ ﻣﺘﻔﻘﻴﻦ ﺍﻭﻝ ﻣﺎ ﻧﺘﺨﺮﺝ ﻧﺘﺰﻭﺝ .. ﻫﻲ ﻃﺒﻌﺎً ﻋﺮﻓﺖ ﻛﻞ ﺍﻟﻲ ﺳﻮﻳﺘﻪ ﻋﻠﻰ ﻣﻮﺩﻫﺎ ﻭﻋﺮﻓﺖ ﻗﺎﻃﻌﺖ ﺍﻫﻠﻲ ﺣﺘﻰ ﺍﺗﺰﻭﺟﻬﺎ ﻛﻠﺘﻠﻬﺎ ﻛﻠﺸﻲ ، ﺑﺎﻟﺒﺪﺍﻳﻪ ﻣﻘﺒﻠﺖ ﻭﻛﺎﻟﺖ ﺍﻧﻲ ﻣﻮ ﻣﻬﻢ ﺍﻟﻤﻬﻢ ﺍﻫﻠﻚ ﻭﺍﻣﻚ ... ﻣﻦ ﻫﺬﺍ ﺍﻟﻜﻼﻡ !!
ﻓﻜﺮﺗﻬﺎ ﻣﺘﺮﻳﺪﻧﻲ ﺍﺧﺴﺮ ﺍﻫﻠﻲ ﻭﻛﺬﺍ .. ﻭﻫﺬﺍ ﺍﻟﺸﻲ ﺧﻼﻫﺎ ﺗﻜﺒﺮ ﺑﻌﻴﻨﻲ ﺍﻛﺜﺮ ﻟﺬﻟﻚ ﻓﻬﻤﺘﻬﺎ ﺍﻧﻮ ﺣﺒﻲ ﺍﻟﻬﺎ ﺍﻫﻢ ﻣﻦ ﻛﻠﺸﻲ ﺑﺎﻟﺪﻧﻴﺎ .. ﻫﻬﻪ ﻛﻨﺖ ﻏﺒﻲ ﻣﻮ
......
ﺍﻟﻤﻬﻢ ..
ﺑﻌﺪ ﻣﺘﺨﺮﺟﻨﺎ ﺑﻔﺘﺮﻩ ﻫﻲ ﺍﺧﺘﻔﺖ ﻭﺍﻧﻲ ﻛﻨﺖ ﻣﺸﻐﻮﻝ ﺍﺟﻤﻊ ﻓﻠﻮﺱ ﺣﺘﻰ ﺃﺃﺟﺮ ﺷﻘﻪ ﻧﺘﺰﻭﺝ ﺑﻴﻬﺎ ﻋﻠﻰ ﻣﺎ ﺍﺗﻮﻇﻒ ﺣﺮﻣﺖ ﻧﻔﺴﻲ ﻣﻦ ﻛﻠﺸﻲ ﻓﻲ ﺳﺒﻴﻞ ﺍﻧﺠﻤﻊ ﺑﻴﻬﺎ ﺍﺑﻴﺖ ﻭﺍﺣﺪ .. ﻓﺄﻧﺸﻐﻠﺖ ﻋﻨﻬﺎ ﻓﺘﺮﻩ ﻏﺼﺒﺎً ﻋﻨﻲ ﻣﻮ ﺑﺄﻳﺪﻱ .. ﺑﺲ ﻛﻨﺖ ﺍﺗﺼﻞ ﺑﻴﻬﺎ ﻭﺃﺳﺄﻝ ﻋﻨﻬﺎ ﻛﻞ ﻳﻮﻡ ﺑﺲ ﻣﻨﺘﺸﺎﻭﻑ .. ﻟﻤﺎ ﺍﺧﺘﻔﺖ ﻣﺎﻛﻮ ﻣﻨﻬﺎ ﺍﻱ ﺧﺒﺮ ﺣﺘﻰ ﻣﻜﺎﻟﻤﺎﺗﻲ ﻣﺘﺮﺩ ﻋﻠﻴﻬﺎ !!..
ﻋﻔﺖ ﺷﻐﻠﻲ ﻭﺭﺣﺖ ﻟﺒﻴﺘﻬﻢ .. ﻃﻠﻌﻠﻲ ﺍﺑﻮﻫﺎ ... ﺳﻼﻣﺖ ﻋﻠﻴﻪ ﻭﻗﺒﻞ ﻻ ﺃﺣﺠﻲ ﻛﻠﻤﻪ ﻭﺃﺳﺄﻝ ﻋﻠﻴﻬﺎ ... ﺻﺪﻣﻨﻲ ﺑﻜﻼﻡ ﺣﺴﻴﺘﻪ ﻫﺪﻡ ﻧﺺ ﻋﻤﺮﻱ ﺑﻮﻗﺘﻬﺎ .. ﺑﻜﻞ ﺑﺮﻭﺩ ﻛﺎﻟﻲ
( ﻋﻠﻴﺎﺀ ﺍﻧﺨﻄﺒﺖ ﻭﺗﻔﻀﻞ ﻫﺎﻱ ﺣﻠﻘﺘﻚ !!!!(
ﺑﻮﻗﺘﻬﺎ ﺿﺤﻜﺖ ﺿﺤﻜﻪ ﻭﺍﻟﻌﺒﺮﻩ ﺧﺎﻧﻜﺘﻨﻲ .. ﻣﻦ ﻛﻞ ﻋﻘﻠﻲ ﻉ ﺑﺎﻟﻲ ﻳﺘﺸﺎﻗﻪ ﻭﻳﺎﻱ ..
ﻛﻠﺘﻠﻪ ﺍﻧﻲ ﺧﻄﻴﺒﻬﺎ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﻭﻋﺎﻗﺪ ﻋﻠﻴﻬﺎ ﺷﻨﻮ ﺍﻧﺨﻄﺒﺖ ؟ !!
ﻛﺎﻟﻲ ﺧﻄﻮﺑﺘﻜﻢ ﺑﺲ ﻋﻘﺪ ﺳﻴﺪ ﻭﺍﺣﻨﺎ ﺭﺣﻨﺎ ﻟﻠﺴﻴﺪ ﻭﻓﺼﺨﻨﺎ ﻳﻌﻨﻲ ﻫﺴﻪ ﺍﻧﺘﻮ ﻣﻨﻔﺼﻠﻴﻦ .
ﻫﺬﺍ ﻛﻞ ﺍﻟﻲ ﻛﺎﻟﻪ ﻭﻃﻠﻊ ﺍﻟﺤﻠﻘﻪ ﺧﻼﻫﺎ ﺑﺄﻳﺪﻱ ﻫﻨﺎ ﺍﻟﻌﺎﻟﻢ ﻛﻠﻪ ﺗﻮﻗﻒ ﺑﺎﻟﻨﺴﺒﻪ ﺍﻟﻲ !!
ﻣﺎﺍﻋﺮﻑ ﺷﻨﻮ ﺍﺣﺠﻲ ﻣﻤﺼﺪﻙ ﺍﻟﻲ ﺩﺍﺍﺳﻤﻌﻪ .. 5 ﺳﻨﻮﺍﺕ ﺣﺐ ﻳﺠﻲ ﻫﺬﺍ ﻳﻨﻬﻴﻬﺎ ﺑﺴﻬﻮﻟﻪ؟ !!
ﻛﻨﺖ ﻣﻔﻜﺮ ﻫﻮ ﺍﻟﻲ ﺟﺒﺮﻫﺎ ﻉ ﻫﺬﺍ ﺍﻟﺸﻲ ﻻﻥ ﻣﺘﺄﻛﺪ ﻣﻦ ﺣﺒﻬﺎ ﺍﻟﻲ ﻭﻣﺴﺘﺤﻴﻞ ﺗﺴﻮﻱ ﺑﻴﻪ ﻫﻴﺞ .. ﺍﺗﺮﺟﻴﺘﻪ ﻳﺨﻠﻴﻨﻲ ﺍﺣﺠﻲ ﻭﻳﺎﻫﺎ ﺍﻓﺘﻬﻢ ﻣﻨﻬﺎ ﺷﻨﻮ ﺍﻟﻲ ﺻﺎﺭ ﻭﺧﻼﻫﺎ ﺗﻘﺮﺭ ﻫﻴﺞ ﻗﺮﺍﺭ ﺑﺪﻭﻥ ﺣﺘﻰ ﻣﺘﻜﻠﻲ ﺍﻭ ﺍﻋﺮﻑ !
ﺑﺲ ﻣﻘﺒﻞ ﻣﻨﻄﺎﻧﻲ ﻣﺠﺎﻝ ﺣﺘﻰ ﺍﺷﻮﻓﻬﺎ .. ﻃﺮﺩﻧﻲ ﻭﺳﺪ ﺍﻟﺒﺎﺏ ﺑﻮﺟﻬﻲ !
ﻛﻞ ﻫﺬﺍ ﺍﻟﻲ ﺻﺎﺭ ﺳﻬﻞ ﻭﻋﺎﺩﻱ ﻣﻤﻜﻦ ﻳﺼﻴﺮ .. ﺍﻛﻴﺪ ﺍﺑﻮﻫﺎ ﺟﺒﺮﻫﺎ ﻭﺍﺫﺍ ﺻﺪﻙ ﻏﺼﺒﺎً ﻋﻠﻴﻪ ﻭﻋﻠﻰ ﺷﺎﺭﺑﻪ ﺍﺧﺬﻫﺎ .. ﺭﺟﻌﺖ ﻭﺍﻧﻲ ﻛﻠﻲ ﺍﻣﻞ ﺍﻧﻮ ﺍﺷﻮﻓﻬﺎ ﻭﻳﺮﺟﻊ ﻛﻠﺸﻲ ﻛﻤﺎ ﻛﻠﻦ ﻻﻥ ﻫﻲ ﻣﺘﺘﺨﻠﻰ ﻋﻦ ﺣﺒﻬﺎ .. ﻣﺮﺕ ﺍﻳﺎﻡ ﻭﺍﺳﺎﺑﻴﻊ ﻭﺍﻧﻲ ﻣﻨﺎﻃﺮ ﺍﺭﻳﺪ ﺑﺲ ﺍﺷﻮﻓﻬﺎ ﻣﺎﻛﻮ ﺣﺘﻰ ﻣﻦ ﺍﻟﺒﻴﺖ ﻣﺘﻄﻠﻊ !!
ﻣﻌﻘﻮﻟﻪ !!
ﻃﺒﻌﺎً ﻛﻞ ﺍﻟﻲ ﺻﺎﺭ ﺑﻴﻪ ﻣﻦ ﺍﻭﻝ ﻳﻮﻡ ﺍﻋﺘﺮﻓﺘﻠﻬﺎ ﺑﺤﺒﻲ ﺍﻟﻲ ﺍﻟﻠﺤﻈﻪ ﺍﻟﻲ ﺍﺑﻮﻫﺎ ﻃﺮﺩﻧﻲ ﺑﻴﻬﺎ ﺷﺨﺺ ﻭﺍﺣﺪ ﻫﻮ ﺍﻟﻲ ﻳﻌﺮﻑ ﺑﺎﻟﻤﻮﺿﻮﻉ .. ﺻﺪﻳﻘﻲ ﺍﺣﻤﺪ !
ﺍﺣﻤﺪ ﻫﺬﺍ ﺻﺪﻳﻖ ﻃﻔﻮﻟﺘﻲ ﺍﻧﻲ ﻭﻳﺎ ﺭﺍﺑﻴﻦ ﺳﻮﻯ ﻣﻦ ﺍﻭﻝ ﺍﺑﺘﺪﺍﺋﻲ ﻫﻮ ﺻﺪﻳﻘﻲ ﺍﻧﻲ ﻭﻳﺎ ﺣﻴﻞ ﻣﺘﺸﺎﺑﻬﻴﻦ ﻣﺎﺍﻋﺮﻑ ﺑﺲ ﻣﺮﺍﺕ ﺍﺣﺴﻪ ﻧﺴﺨﻪ ﻣﻨﻲ ﻭﺍﻧﻲ ﻧﺴﺨﻪ ﻣﻨﻪ .. ﻣﺎﺍﻋﺮﻑ ﻣﻨﻮ ﺍﻟﻲ ﻳﻘﻠﺪ ﺍﻟﺜﺎﻧﻲ ﺑﺲ ﻛﺎﻥ ﺑﻤﺜﺎﺑﻪ ﺍﺥ ﺍﻟﻲ ﻭﺍﻛﺜﺮ .. ﻳﻌﻨﻲ ﻋﻼﻗﺘﻲ ﺑﻲ ﺍﻗﻮﻯ ﻣﻦ ﺍﺧﻮﻳﻪ ﻛﺮﺍﺭ !
ﻟﺬﻟﻚ ﻛﻞ ﺍﺳﺮﺍﺭﻱ ﻛﺎﻧﺖ ﻳﻤﻪ .. ﺣﺘﻰ ﻟﻤﺎ ﺍﺗﻌﺎﺭﻛﺖ ﻭﻳﺎ ﺍﻣﻲ ﻭﻋﻔﺖ ﺍﻟﺒﻴﺖ ﻫﻮ ﻣﻘﺒﻞ ﻭﺑﻘﻰ ﻳﺤﺠﻲ ﻋﻠﻴﻪ .. ﻛﺎﻟﻲ ﻟﻚ ﺍﻧﺖ ﻏﺒﻲ ﺗﺒﻴﻊ ﺍﻣﻚ ﻋﻠﻤﻮﺩ ﺑﻨﻴﻪ؟ !!
ﻗﺤﻂ ﺑﻨﺎﺕ ﺗﺮﻭﺡ ﻭﺣﺪﻩ ﻳﺠﻦ ﻋﺸﺮﻩ ﺑﺲ ﺍﻣﻚ ﻭﻳﻦ ﺗﻠﻜﻰ ﻣﻨﻬﺎ؟ !!
ﻣﺴﻤﻌﺖ ﻛﻼﻣﻪ ﻻﻥ ﻛﻨﺖ ﻋﺎﺷﻚ ﻭﻣﻌﻤﻲ ﻋﻠﻰ ﻋﻴﻨﻲ .. ﻭﺍﻛﺜﺮ ﺷﻲ ﻛﺎﻥ ﺭﺍﺑﻄﻨﻲ ﺑﻬﺬﻱ ﺍﻟﻌﻼﻗﻪ ﺍﻧﻮ ﺍﻧﻲ ﺍﻧﻄﻴﺘﻬﺎ ﻛﻠﻤﺔ ﺭﺟﻞ ﻣﺎﺍﺗﺨﻠﻰ ﻋﻨﻬﺎ ﻭﻣﺤﺪ ﻏﻴﺮﻫﺎ ﺗﺼﻴﺮ ﺍﻡ ﻟﺠﻬﺎﻟﻲ !
ﻭﻣﺴﺘﺤﻴﻞ ﺍﺧﻠﻒ ﺑﻮﻋﺪﻱ ﻻﻧﻮ ﺭﺍﺡ ﺍﻃﻠﻊ ﻣﻮ ﺭﺟﺎﻝ .. ﻓﻀﺤﻴﺖ ﺑﺄﻫﻠﻲ ﻭﻣﻀﺤﻴﺖ ﺑﻮﻋﺪﻱ !
ﺑﻤﺮﻭﺭ ﺍﻟﺰﻣﻦ ﻛﻨﺖ ﺍﻟﻼﺣﻆ ﺍﺣﻤﺪ ﺑﺪﺍ ﻳﺘﻐﻴﺮ ﺭﺃﻳﻪ .. ﻛﺎﻥ ﻳﺬﻡ ﺑﻴﻬﺎ ﻭﻳﺤﺠﻲ ﻋﻠﻴﻪ ﻳﻜﻠﻲ ﺷﻌﺠﺒﻚ ﺑﻴﻬﺎ .. ﻭﺷﻨﻮ ﺑﻴﻬﺎ ﻳﻨﺤﺐ ﻭﺣﺒﻴﺘﻬﺎ .. ﻭﻟﻴﺶ ﺑﺎﻗﻲ ﻭﻳﺎﻫﺎ .. ﺣﺘﻰ ﺑﺸﺮﻓﻬﺎ ﻃﻌﻦ !!
ﻭﺗﻌﺎﺭﻛﺖ ﻭﻳﺎ .. ﻭﺻﻠﺖ ﺻﺪﺍﻗﺘﻨﺎ ﻟﻠﻨﻬﺎﻳﻪ ﻻﻥ ﺟﺎﺏ ﺳﻴﺮﺗﻬﺎ ﺑﺎﻟﻤﻮﺯﻳﻨﻪ .. ﺑﺲ ﺑﻌﺪﻳﻦ ﺍﻋﺘﺬﺭﻟﻲ ﻭﺍﺗﺮﺟﺎﻧﻲ ﺍﺳﺎﻣﺤﻪ .. ﺍﻧﻲ ﻣﺎﺍﻛﺪﺭ ﻋﻠﻰ ﺯﻋﻠﻪ ﻓﺘﺼﺎﻟﺤﻨﺎ !..
ﺑﺲ ﺑﻌﺪﻳﻦ ﺭﺃﻳﻪ ﺗﻐﻴﺮ ﺗﺠﺎﻫﺎ .. ﺻﺎﺭ ﻳﺴﺄﻟﻨﻲ ﻋﻠﻴﻬﺎ .. ﻭﻳﻤﺪﺡ ﺑﻴﻬﺎ .. ﻭﻣﻦ ﺍﺫﻛﺮﻫﺎ ﻳﺒﻘﻰ ﻳﺴﺄﻝ ﻭﻳﺪﻗﻖ ﻭﻳﻦ ﺭﺣﻨﺎ ﻭﺷﺴﻮﻳﻨﺎ؟ !!
ﺻﺢ ﺍﺳﺘﻐﺮﺑﺖ ﻣﻦ ﻫﺬﺍ ﺍﻟﺘﺤﻮﻝ ﺑﺲ ﻣﺴﺘﺒﻌﺪ ﻫﻴﺞ ﺷﻲ ﻻﻧﻲ ﺍﺷﻚ ﺑﺮﻭﺣﻲ ﻭﻣﺎﺍﺷﻚ ﺑﺄﺣﻤﺪ !!
ﺍﻭﻝ ﻣﺎ ﻃﺮﺩﻧﻲ ﺍﺑﻮﻫﺎ ﻭﻛﺎﻟﻲ ﻫﺎﻟﻜﻼﻡ ﺑﻮﺟﻬﻲ ﺭﺣﺖ ﻻﺣﻤﺪ ﺍﺷﺘﻜﻴﻠﻪ !!!!
ﺭﺣﺖ ﻟﺒﻴﺘﻪ ﺑﺘﺖ ﻳﻤﻪ ﺑﻴﻮﻣﻬﺎ .. ﻫﺪﺍﻧﻲ ﻭﻛﺎﻟﻲ ﺍﻟﺒﻨﻴﻪ ﻣﻮ ﻧﺼﻴﺒﻚ ﻭﺍﺻﻼ ﻣﺘﺴﺘﺎﻫﻠﻚ .. ﻫﺬﺍ ﺍﻟﻲ ﻛﺎﺗﺒﻪ ﺍﻟﻠﻪ ... ﻭﻣﻦ ﻫﺬﺍ ﺍﻟﺤﺠﻲ
......
ﺍﻧﻲ ﻛﻞ ﻫﺬﺍ ﻣﻤﺼﺮﻓﻠﻲ ﻭﻻ ﻣﻘﺘﻨﻊ ﻻﻧﻮ ﻋﻠﻴﺎﺀ ﺍﻟﻲ ﻭﻣﺘﺼﻴﺮ ﻟﻐﻴﺮﻱ ﻟﻮ ﻋﻠﻰ ﺟﺜﺘﻲ ﺣﺘﻰ ﻟﻮ ﺍﻋﺮﻑ ﺍﺭﺗﻜﺐ ﺟﺮﻳﻤﻪ ﻭﺍﻗﺘﻠﻪ ﺍﻟﻲ ﻳﺘﻘﺮﺑﻠﻬﺎ .. ﺑﻘﻴﺖ ﻣﺴﺘﻤﺮ ﺍﺷﺘﻐﻞ ﻭﺍﺟﻤﻊ ﺑﻔﻠﻮﺱ ﺍﻟﻌﺮﺱ ﻭﻻ ﻛﺄﻧﻮ ﺳﻤﻌﺖ ﺷﻲ ﺑﺲ ﺍﻧﻲ ﻻ ﻟﻴﻠﻲ ﻟﻴﻞ ﻭﻻ ﻧﻬﺎﺭﻱ ﻧﻬﺎﺭ .. ﻋﻘﻠﻲ ﻭﺗﻔﻜﻴﺮﻱ ﻛﻠﻪ ﻳﻤﻬﺎ .. ﺍﺧﺎﻑ ﺍﺫﻭﻫﺎ .. ﺍﺧﺎﻑ ﻏﺼﺒﻮﻫﺎ ﻉ ﻭﺍﺣﺪ ﻏﻴﺮﻱ .. ﻣﻮﺍﻧﻲ ﺍﻟﺸﻐﻞ ﻭﺍﻟﺘﻔﻜﻴﺮ ﺩﻣﺮﻧﻲ .. ﻗﺮﺭﺕ ﺍﺭﺍﻗﺒﻬﺎ ﻭ ﺑﺲ ﺍﺷﻮﻓﻬﺎ ﺍﺧﻄﻔﻬﺎ ﻭﺍﺗﺰﻭﺟﻬﺎ .. ﻭﺍﻟﻲ ﻳﺼﻴﺮ ﻳﺼﻴﺮ !
ﺍﻟﻰ ﺍﻥ ﻓﺪ ﻳﻮﻡ ﻭﺑﻌﺪ ﺍﺷﻬﺮ ﻣﻦ ﺍﻻﻧﺘﻈﺎﺭ ﻳﻢ ﺑﻴﺘﻬﻢ .. ﻃﻠﻌﺖ !!
ﺍﺗﻮﻗﻌﺖ ﺍﺷﻮﻓﻬﺎ ﻣﻜﺴﻮﺭﻩ .. ﻣﺘﺄﺛﺮﻩ .. ﺣﺘﻰ ﺗﻮﻗﻌﺘﻬﺎ ﺗﻤﻮﺕ ﺑﻌﺪﻱ ﻫﻬﻪ ... ﺑﺲ ﺍﻟﻲ ﺷﻔﺘﻪ ﺍﻟﻌﻜﺲ !!
ﻛﺎﻧﺖ ﻛﺎﺷﺨﻪ ﻛﺸﺨﻪ ﺑﺤﻴﺎﺗﻲ ﻣﺸﻔﺘﻬﺎ ﻻﺑﺴﻪ ﻫﺸﻜﻞ .. ﻃﻠﻌﺖ ﻣﻦ ﺑﻴﺘﻬﻢ ﺻﻌﺪﺕ ﺑﺴﻴﺎﺭﻩ ﻭﺍﻛﻔﻪ ﻛﺪﺍﻡ ﺍﻟﺒﻴﺖ !!
ﺍﺑﺎﻭﻉ ﻉ ﺍﻟﺴﻴﺎﺭﻩ ﻫﺬﻱ ﻣﻮ ﻏﺮﻳﺒﻪ !!!!!!
ﻫﺬﻱ ﺳﻴﺎﺭﺓ ﺍﺣﻤﺪ .. ﺻﺪﻳﻖ ﻋﻤﺮﻱ !!!!!!
ﺯﻳﻦ ﺷﻴﺴﻮﻱ ﻫﻨﺎ .. ﻭﻟﻴﺶ ﺻﻌﺪﺕ ﻭﻳﺎ ﻋﻠﻴﺎﺀ؟ !!!!
ﻣﻌﻘﻮﻟﻪ ﺍﺧﺬﻫﺎ ﺣﺘﻰ ﻳﺼﻴﺤﻨﻲ .. ﺍﻱ ﺣﺘﻰ ﻳﺠﻤﻌﻨﺎ ﺍﻧﻲ ﻭﻳﺎﻫﺎ ﻻﻥ ﻳﻌﺮﻑ ﺍﺷﻜﺪ ﻣﺘﻌﺬﺏ ﻭﺍﺷﻠﻮﻥ ﺩﺍﺍﻋﻴﺶ ﺑﺪﻭﻧﻬﺎ .. ﺍﻟﺴﻌﺎﺩﻩ ﻃﻴﺮﺗﻨﻲ ﻣﻦ ﻛﺎﻋﻲ .. ﺻﻌﺪﺗﻲ ﺳﻴﺎﺭﺓ ﺍﻟﺸﻐﻞ .. ﻭﺭﺍﻫﻢ ﻭﺍﻟﻤﻮﺑﺎﻳﻞ ﺑﺄﻳﺪﻱ .. ﻣﻦ ﻛﻞ ﻋﻘﻠﻲ ﻛﻨﺖ ﻣﻨﺘﻄﺮﻩ ﻳﺘﺼﻞ ﺑﻴﻪ !!
ﺑﻘﻴﺖ ﻭﺭﺍﻫﻢ .. ﺍﺑﺎﻭﻉ ﻭﻛﻔﻮ ﻛﺪﺍﻡ ﻣﺤﻜﻤﻪ !!!
ﻳﺎ ﺳﺘﺎﺭ ﺷﻌﺪﻫﻢ .. ﺑﺲ ﻻ ﺻﺎﻳﺮ ﻭﻳﺎﻫﺎ ﺷﻲ .. ﺯﻳﻦ ﺍﺣﻤﺪ ﺷﻨﻮ ﻋﻼﻗﺘﻪ؟ !!
ﻧﺰﻟﻮ ﻟﻠﻤﺤﻜﻤﻪ ﺍﻧﻲ ﺑﻘﻴﺖ ﺍﻧﺘﻈﺮ ... ﺍﻟﻰ ﺍﻥ ﻃﻠﻌﻮ .. ﺍﻟﻲ ﺷﻔﺘﻪ ﻃﻴﺮ ﻋﻘﻠﻲ .. ﺗﺮﺍﺯﻧﻲ ﻛﻠﻪ ﺍﺧﺘﻞ .. ﺍﻛﻴﺪ ﺍﻛﻮ ﻏﻠﻂ ﺑﺎﻟﻤﻮﺿﻮﻉ .. ﻛﺎﻧﻮﻣﺘﻜﺎﻭﺩﻳﻴﻦ ﻭﺍﻻﺑﺘﺴﺎﻣﻪ ﺗﺎﺭﺳﻪ ﻭﺟﻬﺎ ﻭ ﻭﺟﻬﻪ !!
ﺷﻨﻮ ﺍﻟﻤﻮﺿﻮﻉ .. ﻣﻌﻘﻮﻟﻪ ﺍﻟﻲ ﺍﺑﺎﻟﻲ ﻫﺬﺍ ... ﻻ ﻻ .. ﻣﺴﺘﺤﻴﻞ .. ﻣﺴﺘﺤﻴﻞ .. ﻓﺘﺤﺖ ﺍﻟﺴﻴﺎﺭﻩ ﻭﻧﺰﻟﺖ ﺑﺲ ﺍﺣﺲ ﺟﺴﻤﻲ ﻛﻠﻪ ﻳﺮﺟﻒ ﻭﮔﻠﺒﻲ ﺭﺍﺡ ﻳﻮﻛﻒ .. ﺍﻱ ﻛﻠﺒﻲ ﺭﺍﺡ ﻳﻮﻛﻒ .. ﻣﺸﻴﺖ ﺑﺨﻄﻮﺍﺕ ﻣﺘﺜﺎﻗﻠﻪ ﻭﻛﻔﺖ ﻛﺪﺍﻣﻬﻢ ...
ﻣﻦ ﺷﺎﻓﻮﻧﻲ ﺍﺧﺘﻔﺖ ﺍﻻﺑﺘﺴﺎﻣﻪ ﻣﻦ ﻭﺟﻬﻢ !!
ﺑﺼﻮﺕ ﻣﺘﻠﻌﺜﻢ ﻣﺎﺍﻋﺮﻑ ﺷﻨﻮ ﺍﻛﻮﻝ .. ﺷﻨﻮ ﺍﺣﺠﻲ .. ﻭﻛﻠﻤﻪ ﻣﺎﺍﺩﺭﻱ ﺍﺷﻠﻮﻥ ﻃﻠﻌﺖ ﻣﻨﻲ ..
_ ﺷـ .. ﺷـﺪﻳﺼـ .. ﻳـﺮ؟ !!
ﻫﻮ ﺳﻜﺖ ﻭﺩﻧﻚ ﺭﺍﺳﻪ ﻣﺤﺠﻪ ﻭﻻ ﺣﺮﻑ .. ﻭ ﺃﻟﻲ ﺟﺎﻭﺑﻨﻲ ﻫﻲ .. ﻫﻲ ﺟﺎﻭﺑﺘﻨﻲ ﻭﺑﻜﻞ ﺻﻼﻓﻪ ..
ﻋﻠﻴﺎﺀ .. ﺍﻧﻲ ﻭﺍﺣﻤﺪ ﺍﻧﺨﻄﺒﻨﺎ .. ﻭﻫﺬﺍ ﻋﻘﺪ ﺍﻟﻤﺤﻜﻤﻪ .
ﺍﺳﻴﺪ .. ﻳﻤﻜﻦ ﻛﻠﻤﺔ ﺻﺪﻣﻪ ﻣﺘﻨﻄﻲ ﺷﻌﻮﺭﻱ ﺣﻘﻪ ﺑﻮﻗﺘﻬﺎ .. ﻭﻻ ﺍﻟﺨﺪﻻﻥ .. ﻭﻻ ﺣﺘﻰ ﺍﻟﻤﻮﺕ ﻫﻢ ﻳﻜﺪﺭ ﻳﻮﺻﻒ ﺍﻻﺣﺴﺎﺱ ﺍﻟﻲ ﺣﺴﻴﺘﻪ !!
ﻗﺒﻀﺖ ﺍﻳﺪﻱ ﺑﻘﻮﻩ ﺣﺘﻰ ﺍﺳﻴﻄﺮ ﻋﻠﻰ ﺍﻋﺼﺎﺑﻲ .. ﺍﺳﺘﺠﻤﻌﺖ ﻧﻔﺴﻲ ﺑﺲ ﺩﺍﺧﻠﻲ ﻳﺼﺮﺥ .. ﺑﺼﻮﺕ ﺟﺎﻣﺪ ﻭﻛﻞ ﻫﺪﻭﺀ ﻭﺑﺒﺘﺴﺎﻣﻪ ﻋﺮﻳﻀﻪ
_ ﺍﻫﺎﺍﺍ .. ﺍﻟﻒ ﻣﺒﺮﻭﻙ ﺷﺎﻳﻔﻴﻦ ﻛﻞ ﺍﻟﺨﻴﺮ ..
ﺍﺣﻤﺪ .. ﺭﻓﻊ ﺭﺍﺳﻪ ﺭﺍﺩ ﻳﺤﺠﻲ .. ﺑﺲ ﻫﻲ ﺳﺒﻘﺘﻪ ..
ﻋﻠﻴﺎﺀ .. ﺷﻜﺮﺍً .. ﻭﺍﻟﻌﺮﺱ ﻫﺬﺍ ﺍﻟﺨﻤﻴﺲ ﻭ ﺍﻧﺖ ﻣﻌﺰﻭﻡ ﻣﻮ ﻣﺘﺠﻲ !
ﺍﺳﻴﺪ .. ﻫﻬﻬﻪ ﺍﺫﺍ ﻟﻌﺮﺳﺞ ﻣﺎ ﺍﺟﻲ ﻟﻌﺪ ﺍﻟﻤﻦ ﺍﺭﻭﺡ؟ !
ﺑﺲ ﺍﺣﻤﺪ ﺍﺭﻳﺪ ﺍﻛﻠﻚ ﻛﻠﻤﻪ ﺑﻤﻨﺎﺳﺒﺔ ﻫﺬﺍ ﺍﻟﺨﺒﺮ ﺍﻟﺤﻠﻮ .. ﺍﻧﺖ ﺻﺪﻳﻘﻲ ﻭﺍﻋﺮﻓﻚ ﻣﻦ ﺯﻣﺎﻥ ﺍﺗﻮﻗﻌﺖ ﻳﻜﻮﻥ ﺍﺧﺘﻴﺎﺭﻙ ﺍﺭﻗﻰ ﻣﻦ ﻫﻴﺞ ﻣﻮ ﺑﻬﺬﺍ ﺍﻻﻧﺤﻄﺎﻁ ﺗﺎﺧﺬ ﺍﻓﻀﺎﻟﺔ ﻏﻴﺮﻙ ،ﻋﻤﻮﻣﺎً ﺑﻘﺎﻳﺎ ﺍﻻﺳﻮﺩ ﺗﺎﻛﻠﻬﺎ ﺍﻟﻜﻼﺏ .. ﻣﺒﺮﻭﻙ ﺍﺑﻮ ﺷﻬﺎﺏ ﻭﺍﻱ ﺷﻲ ﺗﺤﺘﺎﺟﻪ ﺧﻮﻳﻚ ﻣﻮﺟﻮﺩ ﻭﺑﺎﻟﺨﺪﻣﻪ .
......
ﺭﻛﺒﺖ ﺳﻴﺎﺭﺗﻲ ﻭﺭﺣﺖ .. ﺑﻮﺟﻬﻲ ﻟﺤﻈﻦ ﺍﻣﻲ .. ﻣﻦ ﺷﺎﻓﺘﻨﻲ ﻭﺷﺎﻓﺖ ﺣﺎﻟﺘﻲ ﻓﻘﺪﺕ !!
ﺍﺗﺼﻮﺭﻱ ﺍﻻﻧﺴﺎﻧﻪ ﺍﻟﻲ ﺑﻌﺖ ﻋﻠﻰ ﻣﻮﺩﻫﺎ ﺍﻏﻠﻰ ﻣﺎ ﺍﻣﻠﻚ ﺑﺎﻋﺘﻨﻲ .. ﺩﺍﺳﺖ ﺣﺐ ٥ ﺳﻨﻮﺍﺕ ﺑﻠﺤﻈﻪ ﻭﺣﺪﻩ .. ﻭﺑﻼ ﺳﺒﺐ .. ﺑﺲ ﺍﻟﻲ ﺩﻣﺮﻧﻲ ﻣﻮ ﺍﻟﺤﺐ ﺍﻟﻲ ﺩﻣﺮﻧﻲ ﻭﻫﺪ ﺣﻴﻠﻲ ﺍﻟﺼﺪﻳﻖ ﺍﻟﻲ ﻛﻨﺖ ﻣﻌﺘﺒﺮﻩ ﺍﺥ .. ﻛﺮﻫﺖ ﺟﻨﺲ ﺣﻮﺍﺀ ﻋﻦ ﺑﻜﺮﺓ ﺍﺑﻴﻪ ﻣﻮ ﻻﻥ ﺧﺎﻧﺘﻨﻲ ﻭﻻ ﻻﻥ ﺿﻴﻌﺖ ﺳﻨﻴﻦ ﻣﻦ ﻋﻤﺮﻱ ﺑﺎﻟﺬﻝ ﻭﺍﻟﺘﻌﺐ .. ﻻﺍﺍﺍ ﻛﺮﻫﺘﻬﻦ ﻻﻥ ﺑﺴﺒﺒﻬﻦ ﺧﺴﺮﺕ ﺍﺧﻮﻱ ﻭﺻﺎﺣﺐ ﻋﻤﺮﻱ !
ﻳﻤﻜﻦ ﻟﻮ ﻣﻴﺖ ﺍﺣﻤﺪ ﺍﻫﻮﻥ ﻋﻠﻴﻪ ﻣﻦ ﺷﻮﻓﺘﻪ ﻳﺒﻴﻌﻨﻲ ﻋﻠﻤﻮﺩ ﻭﺣﺪﻩ ﻣﺜﻞ ﻫﺬﻱ ﺣﻘﻴﺮﻩ ﻭﻣﺎﺩﻳﻪ !
ﺑﺤﻴﺎﺗﻬﺎ ﻣﺤﺒﺘﻨﻲ .. ﻟﺰﻛﺖ ﺑﻴﻪ ﻻﻥ ﻛﺎﻧﺖ ﺗﻌﺮﻑ ﺍﻧﻲ ﺍﺑﻦ ﻋﺰ ﻭﻋﻨﺪﻱ ﻓﻠﻮﺱ .. ﺑﺲ ﻟﻤﺎ ﻗﺎﻃﻌﺖ ﺍﻫﻠﻲ ﻭﺩﺭﺕ ﺍﻧﻮ ﻛﻠﺸﻲ ﻣﺮﺍﺡ ﺍﺗﺤﺼﻞ ﺑﺎﻋﺘﻨﻲ !
ﺍﻟﺤﻤﺪﻟﻠﻪ ﺍﻧﻮ ﺍﻧﻜﺸﻔﺖ ﻗﺒﻞ ﻻ ﺍﺗﺰﻭﺟﻬﺎ .. ﺑﺲ ﺍﻟﻲ ﻣﻮﺗﻨﻲ ﺧﻴﺎﻧﺔ ﺻﺪﻳﻘﻲ !
ﺑﻌﺪ ﺍﻟﻲ ﺻﺎﺭ ﺣﺎﻟﺘﻲ ﺍﻟﻨﻔﺴﻴﻪ ﺍﺗﺪﻣﺮﺕ .. ﺑﻴﻦ ﻗﻮﺳﻴﻦ ﺍﺗﻌﻘﺪﺕ .. ﻭﻛﺮﻫﺖ ﺷﻲ ﺍﺳﻤﻪ ﺍﻧﺜﻰ ، ﺍﺗﺼﻮﺭﻱ ﺣﺘﻰ ﻛﻼﻡ ﻣﺎﺍﺣﺠﻲ ﻭﻳﺎ ﺍﻱ ﺑﻨﺖ ... ﺍﻟﻰ ﺍﻥ ﺍﺟﻴﺘﻲ ﺍﻧﺘﻲ .. ﺍﻧﺘﻲ ﺍﻟﻲ ﮔﻠﺒﺘﻲ ﻛﻞ ﺍﻟﻤﻮﺍﺯﻳﻦ !
ﻣﺎﺍﻛﻠﺞ ﺍﺣﺒﺞ ﻭﻻ ﺍﻛﺬﺏ ﻋﻠﻴﺞ .. ﺑﺲ ﺷﻲ ﺑﺪﺍﺧﻠﻲ ﺗﺠﺎﻫﺞ ﻣﺎﺍﻋﺮﻓﻪ .. ﻭﺭﻭﺣﻪ ﻻﺑﻮﻳﻪ ﻣﺪﺍﺍﻛﺬﺏ ﻋﻠﻴﺞ ، ﺍﻧﻲ ﻧﺎﺩﻡ ﻉ ﺍﻟﻲ ﺻﺎﺭ ﻭ ﻧﺎﺩﻡ ﺍﻧﻮ ﺳﺒﺒﺘﻠﺞ ﻛﻞ ﻫﺬﺍ ﺍﻻﺫﻯ .. ﺑﺲ ﺻﺪﻛﻴﻨﻲ ﻣﻮ ﺑﻴﺪﻱ .. ﻛﻞ ﺍﻟﻮﺟﻮﻩ ﺍﻟﻲ ﺍﺷﻮﻓﻬﺎ ﻫﻲ !!
ﻫﻲ ﺗﺼﻴﺮ ﻛﺪﺍﻣﻲ ﺑﻜﻞ ﻣﻮﻗﻒ ﻳﺼﻴﺮ .. ﺣﺘﻰ ﻣﻦ ﺍﺗﻘﺮﺑﺘﻠﺞ ﺷﻔﺘﺞ ﻫﻲ .. ﻛﺮﻫﺘﺞ ﻭﻛﺮﻫﺖ ﺭﻭﺣﻲ !
ﻓﻜﺮﺓ ﺍﻧﻮ ﺍﻟﻤﺴﻬﺎ ﻭﺍﺗﻘﺮﺏ ﻣﻨﻬﺎ ﺗﺜﻴﺮ ﺍﺷﻤﺌﺰﺍﺯﻱ !
ﺩﺍﻟﻴﺎ .. ﻛﺎﻥ ﻳﺤﺠﻲ ﻭﺍﻟﻌﺒﺮﻩ ﺧﺎﻧﻜﺘﻪ .. ﻋﻴﻮﻧﻪ ﻣﻠﻴﺎﻧﻪ ﻇﻼﻡ .. ﻏﻀﺐ .. ﻛﺮﻩ .. ﻭ ﺃﻟﻢ !!
ﻟﻠﺤﻈﻪ ﺣﺴﻴﺖ ﺍﻧﻮ ﻫﻮ ﺍﻟﻲ ﻣﻈﻠﻮﻡ ﻣﻮ ﺍﻧﻲ .. ﺍﻟﺤﺴﺮﻩ ﺍﻟﻲ ﺗﻄﻠﻊ ﻣﻦ ﺻﺪﺭﻩ ﻭﺟﻌﺘﻨﻲ ﺍﻟﻲ .. ﻛﻨﺖ ﺍﺭﻳﺪ ﺍﺣﻈﻨﻪ ﻭﺍﻛﻮﻟﻪ ﺍﻧﻲ ﻫﻨﺎ .. ﺍﻧﻲ ﺣﻌﻮﺿﻚ ﻋﻦ ﻛﻞ ﺍﻟﻲ ﺳﻮﺗﻪ ﺑﻴﻚ .. ﺍﻧﻲ ﻣﻮ ﻫﻲ ﻭﻻ ﺭﺍﺡ ﺍﻓﻜﺮ ﺑﻴﻮﻡ ﺍﺟﺮﺣﻚ ﻭﻟﻮ ﺑﻜﻠﻤﻪ .. ﺑﺲ ﺧﻮﻓﻲ ﻣﻦ ﺭﺩﺓ ﻓﻌﻠﻪ ﻫﻲ ﺍﻟﻲ ﻣﻨﻌﺘﻨﻲ .. ﺑﻌﺪ ﺍﻟﻜﺴﺮﻩ ﺍﻟﻲ ﻛﺴﺮﻧﻴﺎﻫﺎ ﻣﺎﺍﻋﺮﻑ ﺷﻨﻮ ﻣﻤﻜﻦ ﻳﺴﻮﻱ ﺑﻌﺪ !
ﺑﻼ ﻣﻴﻄﻠﺐ ﻣﻨﻲ ﺍﻟﻌﻔﻮ .. ﻭﺑﻼ ﻣﻴﻌﺘﺬﺭ ﻉ ﺍﻟﻲ ﺳﻮﺍ ﮔﻠﺒﻲ ﺍﻟﻐﺒﻲ ﺳﺎﻣﺤﻪ .. ﺍﻛﻮ ﺍﻏﺒﻰ ﻣﻦ ﻫﻴﺞ ؟ !!
ﻛﺎﻥ ﻻﺯﻡ ﺍﺭﺩ ﻋﻠﻴﻪ ﺍﺭﻳﺪ ﺍﻓﻬﻢ ﺷﻨﻮ ﺍﻟﻲ ﺣﻴﺼﻴﺮ ﺑﻌﺪ ﻣﺘﻄﻠﻜﻨﺎ؟ !!
ﺑﺼﻮﺕ ﻣﺒﺤﻮﺡ ﻭﺍﻟﻌﺒﺮﻩ ﺑﺼﺪﺭﻱ ..
_ ﻭﺍﻧﻲ ﺷﻨﻮ ﺫﻧﺒﻲ ﺍﺩﻓﻊ ﺛﻤﻦ ﻏﻴﺮﻱ؟ !!
ﺍﺳﻴﺪ .. ﺍﻓﻔﻔﻔﻒ .. ﻭﺍﺧﻴﺮﺍً ﺣﺠﺖ .. ﻣﺎ ﺍﻟﺞ ﺍﻱ ﺫﻧﺐ ﻭﻛﻠﺘﻠﺞ ﺍﻟﻲ ﺗﺮﺩﻱ ﺍﺳﻮﻱ ﺍﻟﺞ .
ﺩﺍﻟﻴﺎ .. ﻭﺑﺮﺃﻳﻚ ﻫﻮ ﻫﺬﺍ ﺍﻟﻲ ﺍﺭﻳﺪﻩ؟ !!
ﺗﻜﺴﺮﻧﻲ ﻭﺗﺸﻤﺮﻧﻲ ﻭﺗﺠﻲ ﺗﺴﺄﻟﻨﻲ ﺷﻨﻮ ﺍﺭﻳﺪ ﺣﺘﻰ ﺗﺴﻮﻱ؟ !!
ﺍﺳﻴﺪ .. ﺍﻧﺘﻲ ﺯﻭﺟﺘﻲ ﻭﺍﻧﻲ ﻣﺴﻮﻳﺖ ﺷﻲ ﻏﻠﻂ ﻭﻻ ﻧﺪﻣﺎﻥ ﻋﻠﻴﻪ .
ﺩﺍﻟﻴﺎ .. ﻗﺼﺪﻙ ﻃﻠﻴﻘﺘﻚ !
ﺍﺳﻴﺪ .. ﻻ ﺯﻭﺟﺘﻲ ﻣﻮ ﻃﻠﻴﻘﺘﻲ .. ﺍﻟﻄﻼﻕ ﺑﺎﻻﻛﺮﺍﻩ ﻭﺍﻟﻐﺼﺐ ﻣﻴﺼﻴﺮ .. ﻻﺯﻡ ﺍﻛﻮﻥ ﺑﻜﺎﻣﻞ ﻫﺪﻭﺋﻲ ﻭﺭﺿﺎﻱ ﺣﺘﻰ ﺍﻃﻠﻜﺞ ﻫﺬﻱ ﺍﻭﻻً
ﺛﺎﻧﻴﺎً .. ﻻﺯﻡ ﺍﺭﻣﻲ ﻋﻠﻴﺞ ﻳﻤﻴﻦ ﺍﻟﻄﻼﻕ 3 ﻣﺮﺍﺕ ﻭﺑﻜﻞ ﻣﺮﻩ ﺍﻛﻮﻝ 3 ﻣﺮﺍﺕ ﺍﻧﺘﻲ ﻃﺎﻟﻖ ﻳﻼ ﻳﺒﻄﻞ ﺍﻟﺰﻭﺍﺝ ﻳﺎ ﺫﻛﻴﻪ !
ﺩﺍﻟﻴﺎ .. ﺷﻘﺼﺪﻙ؟ !!
ﺍﺳﻴﺪ .. ﻗﺼﺪﻱ ﺍﻧﺘﻲ ﺑﻌﺪﺝ ﻣﺮﺗﻲ
......
ﺩﺍﻟﻴﺎ .. ﻣﻮ ﻓﺮﺣﺎﻧﻪ .. ﻻﺍﺍﺍﺍ ﻃﺎﻳﺮﻩ ﻣﻦ ﺍﻟﻔﺮﺡ .. ﺑﻌﺪﻩ ﻣُﻠﻜﻲ ﻭﺑﻌﺪﻧﻲ ﻣﺮﺗﻪ !!
ﻳﺎ ﺭﺑﻴﻴﻴﻴﻴﻴﻲ ﺍﻭﻝ ﻣﺮﻩ ﺍﺣﺲ ﺍﻟﺤﻴﺎﺓ ﺍﺑﺘﺴﻤﺘﻠﻲ .. ﺑﻌﺪ ﻛﻞ ﺍﻟﻲ ﻋﺮﻓﺘﻪ ﻭﺍﻟﻲ ﻛﺎﻟﻪ ﺍﻛﻴﺪ ﻳﺤﺲ ﺑﺸﻲ ﺗﺠﺎﻫﻲ ﻭﺍﻻ ﻣﺎ ﻛﺎﻥ ﻛﻌﺪ ﻳﺒﺮﺭ ﻭﻳﺸﺮﺡ ﺻﺎﺭﻟﻪ ﺳﻨﻪ !
ﻭﺍﺫﺍ ﻋﻨﺪﻩ ﻣﺸﺎﻋﺮ ﺗﺠﺎﻫﻲ ﻣﻌﻨﺎﻫﺎ ﺣﻴﺤﺒﻨﻲ !!
ﻣﺪﺍﺍﺻﺪﻙ .. ﻳﻌﻨﻲ ﻫﺴﻪ ﺍﻧﻲ ﻣﻮ ﻣﻄﻠﻘﻪ .. ﺑﻌﺪﻧﻲ ﻉ ﺫﻣﺘﻪ !!
ﻣﺎﺍﺩﺭﻱ ﺷﺴﻮﻱ .. ﻭﺍﻟﺮﺏ ﺍﻧﻲ ﻣﺨﺒﻠﻪ ﻗﺒﻞ ﺳﺎﻋﻪ ﻛﻨﺖ ﺩﺍﺗﻤﻮﺕ ﺑﺴﺒﺒﻪ ﺣﺘﻰ ﻳﻄﻠﻜﻨﻨﻲ .. ﻭﻫﺴﻪ ﻓﺮﺣﺎﻧﻪ ﻻﻧﻮ ﺑﻌﺪﻩ ﺯﻭﺟﻲ !!
ﺍﻭﻭﻭﻭﻭﻑ ﻣﻦ ﮔﻠﺒﻲ ﺍﻟﻲ ﺷﺎﻳﻠﺘﻪ .. ﺑﺲ ﻻﺯﻡ ﻣﺎ ﺍﺑﻴﻨﻠﻪ ﺍﻧﻲ ﺳﻬﻠﻪ ﻭﻳﻠﻌﺐ ﺑﻴﻪ ﻣﺜﻞ ﻣﻴﺮﻳﺪ .
ﺑﺼﻮﺕ ﺟﺎﻣﺪ ..
ﺩﺍﻟﻴﺎ .. ﻭﺷﻨﻮ ﺗﻨﺘﻈﺮ ﻟﻌﺪ .. ﻃﻠﻜﻨﻲ .
ﺍﺳﻴﺪ .. ﺑﻌﺪ ﻛﻞ ﺍﻟﻲ ﻛﻠﺘﻪ .. ﻫﺬﺍ ﺍﺧﺮ ﺭﺩ ﻋﻨﺪﺝ؟ !
ﺩﺍﻟﻴﺎ .. ﺍﻧﻲ ﻭﺍﻧﺖ ﻧﻌﺮﻑ ﺍﻧﻚ ﻣﺤﺘﻨﺴﺎﻫﺎ .. ﻟﻮﻳﺶ ﺍﺗﺤﻤﻞ ﺍﻛﺜﺮ ﻭﺍﺗﻌﺬﺑﻨﻲ ﻭﻳﺎﻙ ﺑﻼ ﻧﺘﻴﺠﻪ !
ﺍﺳﻴﺪ .. ﻣﻨﻮ ﻛﺎﻝ ﺑﻼ ﻧﺘﻴﺠﻪ .. ﺍﻧﻲ ﻣﻦ ﺷﻔﺘﺞ ﺍﺗﻐﻴﺮﺕ ﻫﻮﺍﻱ ﺍﺷﻴﺎﺀ ﺑﻴﻪ .. ﻭﻣﺘﺄﻛﺪ ﺍﻧﺘﻲ ﺗﻜﺪﺭﻳﻦ ﺗﻐﻴﺮﻳﻨﻲ .
ﺩﺍﻟﻴﺎ .. ﺍﻧﻲ ﻣﻮ ﺩﻛﺘﻮﺭ ﻧﻔﺴﻲ .
ﺍﺳﻴﺪ .. ﺑﻌﺼﺒﻴﻪ .. ﺿﺒﻲ ﺍﻟﻠﺴﺎﻧﺞ ﺍﻧﻲ ﻣﻮ ﻣﺨﺒﻞ .. ﻭﻻ ﺷﻔﺘﻴﻨﻲ ﺣﺠﻴﺘﻠﺞ ﻣﺸﻜﻠﺘﻲ ﻭﺳﺒﺐ ﺍﻟﻲ ﺻﺎﺭ ﻛﻤﺘﻲ ﺍﺗﻄﻮﻟﻴﻦ ﻟﺴﺎﻧﺞ .
ﺩﺍﻟﻴﺎ .. ﺑﺴﻢ ﺍﻟﻠﻪ ﻭﺟﻌﺖ ﺣﻤﻴﺪﻩ ﻟﻌﺎﺩﺗﻬﺎ ﺍﻟﻘﺪﻳﻤﻪ .. ﺑﺲ ﺍﻧﻲ ﺻﺢ ﺯﻭﺩﺗﻬﺎ .. ﻫﺬﺍ ﺍﺳﻴﺪ ﻣﺘﻐﻴﺮ ﺷﻲ ﺣﺘﻰ ﻟﻮ ﺣﺠﺎﻟﻲ ﻗﺼﺘﻪ .. ﻣﻮ ﻣﻌﻨﺎﻫﺎ ﺍﺗﻐﻴﺮ ﺧﻠﺺ ﻭﺻﺎﺭ ﺣﺒﺎﺏ ﻭﻛﻴﻮﺕ !
_ ﻣﻮ ﻗﺼﺪﻱ .. ﺑﺲ ﺍﻟﻲ ﺳﻮﻳﺘﻪ ﺑﻴﻪ ﻣﻮ ﻗﻠﻴﻞ .. ﻭﻣﺎﺍﺗﺤﻤﻞ ﻳﺼﻴﺮ ﻣﺮﻩ ﺛﺎﻧﻴﻪ .
ﺍﺳﻴﺪ .. ﻣﺮﺍﺡ ﻳﺘﻜﺮﺭ ﻭﻋﺪ ﻭﻻ ﺭﺍﺡ ﺍﺗﻘﺮﺑﻠﺞ ﺑﻌﺪ .
ﺩﺍﻟﻴﺎ .. ﺷﻨﻮﻭﻭ .. ﻗﺼﺪﻳﻴﻲ .. ﺷﻨﻮ ﺍﻟﻲ ﻳﻀﻤﻦ؟ !
ﺍﺳﻴﺪ .. ﻛﻼﻣﻲ ﺿﻤﺎﻥ ﻭﺟﺮﺑﻴﻨﻲ .
ﺩﺍﻟﻴﺎ .. ﺍﻭﻙ ﺑﺲ ﺑﺸﺮﻁ .
ﺍﺳﻴﺪ .. ﻣﺤﺪ ﻳﻤﻠﻲ ﻋﻠﻴﻪ ﺷﺮﻭﻁ ﻛﻮﻟﻲ ﻃﻠﺐ ﻭﺍﺫﺍ ﻋﺠﺒﻨﻲ ﻣﺎﺷﻲ .
ﺩﺍﻟﻴﺎ .. ﺍﺭﻳﺪ ﺍﻛﻤﻞ ﺩﺭﺍﺳﺘﻲ .
ﺍﺳﻴﺪ .. ﻟﻴﺶ ﺍﻧﺘﻲ ﻳﺎ ﺻﻒ؟ !!
ﺩﺍﻟﻴﺎ .. ﺳﺎﺩﺱ ﺍﺣﻴﺎﺋﻲ .
ﺍﺳﻴﺪ .. ﺍﻣﻤﻤﻢ ﻣﻜﻨﺖ ﻣﺘﻮﻗﻊ ..
ﺩﺍﻟﻴﺎ .. ﻳﻌﻨﻲ ﻣﻮﺍﻓﻖ .
ﺍﺳﻴﺪ .. ﺍﻓﻜﺮ ﺑﺎﻟﻤﻮﺿﻮﻉ .. ﻭﻫﺴﻪ ﻳﻼ ﺍﻛﻠﻲ ﻓﻀﻴﻨﻲ .
ﺩﺍﻟﻴﺎ .. ﻣﺎﻛﻮ ﺗﻔﻜﺮ ﺍﻧﻲ ﻭﺍﻓﻘﺖ ﺍﺑﻘﻰ ﻫﻨﺎ ﻭﺍﺗﺤﻤﻞ ﻛﻞ ﺧﺒﺎﻻﺗﻚ .. ﻗﺼﺪﻱ ﻋﺼﺒﻴﺘﻚ .. ﺑﺎﻟﻤﻘﺎﺑﻞ ﺳﻮﻳﻠﻲ ﺍﻟﺸﻲ ﺍﻟﻮﺣﻴﺪ ﺍﻟﻲ ﻃﻠﺒﺘﻪ ﻣﻨﻚ .
ﺍﺳﻴﺪ .. ﻛﻠﺘﻠﺞ ﺍﻓﻜﺮ .. ﻳﻼ ﺍﻛﻠﻲ .
ﺩﺍﻟﻴﺎ .. ﺷﻨﻮ ﺍﻛﻞ ﻣﺘﺸﻮﻑ ﺍﻻﻛﻞ ﺻﺎﺭ ﺛﻠﺞ
......
ﺍﺳﻴﺪ .. ﺍﻣﺸﻲ ﻧﻨﺰﻝ ﺟﻮﻩ ﺍﺣﻤﻲ ﻭﺍﻛﻠﻲ ﻫﻨﺎﻙ .
ﺩﺍﻟﻴﺎ .. ﺍﻭﻙ .. ﺑﻌﺪﺕ ﺍﻟﻐﻄﺎ ﻋﻨﻲ ﻭﺩﺍﺍﻛﻮﻡ .. ﺟﺎﻥ ﺍﺷﻮﻑ ﻣﻼﺑﺴﻲ ﻛﻮﻟﻬﺎ ﺍﻣﺰﻛﻪ !!
ﺭﺟﻌﺖ ﻟﻤﻜﺎﻧﻲ ﻭﺳﺤﺒﺖ ﺍﻟﻐﻄﺎ ﺑﺲ ﺑﺄﺩﻳﻪ ﻣﻮ ﺑﺎﻟﻜﻒ ﻻﻧﻮ ﻛﺎﻥ ﻣﻠﻔﻮﻓﺎﺕ ﻭﻳﺄﺫﻭﻧﻲ ﺣﻴﻞ !
ﺍﺳﻴﺪ .. ﻫﺎﺍ ﻟﻴﺶ ﺭﺟﻌﺘﻲ؟ !
ﺩﺍﻟﻴﺎ .. ﻫﺎ .. ﻣـ .. ﻭ .. ﻣـﻮﻭ ..
ﺍﺳﻴﺪ .. ﺍﺣﺠﻲ ﺧﻠﺼﻴﻨﻲ ﺷﻜﻮ؟ !
ﺩﺍﻟﻴﺎ .. ﻣﻼﺑـ .. ﻣﻼﺑـﺴـ .. ـﻲ .. ﻣﺎ .. ﻣﺎ ﺍﻛﺪﺭ !
ﺍﺳﻴﺪ .. ﻣﺤﺠﻴﺖ ﻭﻳﺎﻫﺎ ﺷﻲ ﻻﻥ ﺍﻋﺮﻑ ﺷﺘﻘﺼﺪ .. ﺭﺣﺖ ﻟﻠﻜﻨﺘﻮﺭ ﻃﻠﻌﺖ ﻣﻨﻪ ﺛﻮﺏ ﻋﺪﻝ ﻟﻮﻧﻪ ﺑﻨﻔﺴﺠﻲ ﻃﻮﺥ ﻛﺎﻥ ﻋﺎﺩﻱ ﻭﺑﻲ ﻓﺮﺍﺷﻪ ﺑﻈﻬﺮﻩ ﻛﺒﻴﺮﻩ .. ﻣﻨﺘﺒﻬﺖ ﻋﻠﻴﻪ ﺍﻻ ﻟﻤﺎ ﻟﺒﺴﺘﻪ ﻣﺨﺼﺮ ﻋﻠﻰ ﺟﺴﻤﻬﺎ ﻳﻤﻮﺕ ﻃﻠﻊ ﻋﻠﻴﻬﺎ ..
ﻗﺒﻞ ﻟﺘﻠﺒﺴﻪ ﺟﺒﺘﻪ ﺧﻠﻴﺘﻪ ﻳﻤﻬﺎ ﻉ ﺍﻟﺴﺮﻳﺮ .. ﺍﻟﺒﺴﻲ !
ﺩﺍﻟﻴﺎ .. ﺑﺎﻭﻋﺖ ﻻﺩﻳﻪ ﻣﻠﻔﻮﻓﻪ ﻭﺍﻟﻮﺟﻊ ﺍﻟﻲ ﺑﻴﻬﻢ ﻓﻀﻴﻊ ﻣﺎﺍﻛﺪﺭ ﺣﺘﻰ ﺍﺣﺮﻛﻬﻢ .. ﺑﻘﻴﺖ ﺻﺎﻓﻨﻪ ﻉ ﺍﻟﻤﻼﺑﺲ ﻭﻣﺎﺍﺗﺤﺮﻙ .
ﺍﺳﻴﺪ .. ﻣﺘﻠﺒﺴﻴﻦ ﺗﻔﻀﻴﻨﻲ .. ﺷﻜﻮﻭ ﺩﺗﺼﻔﻨﻴﻦ؟ !
ﺩﺍﻟﻴﺎ .. ﺍﻧﺖ ﺷﺒﻴﻚ ﺑﺲ ﺗﺼﻴﺢ ﻣﺘﻜﻮﻟﻲ .. ﻣﺪﺍﺍﻧﺸﻮﻑ ﺍﺩﻳﻪ ﺍﺷﻮﻥ ﻣﺠﺮﺣﻪ ﻭﻣﻠﻔﻮﻓﻪ ﺍﺷﻮﻥ ﺍﻟﺒﺲ ﻓﻬﻤﻨﻲ؟ !
ﺍﺳﻴﺪ .. ﺍﻭﻭﻭﻭﻑ .. ﻧﺴﻴﺖ ﺍﺳﻒ .. ﻫﺴﻪ ﺷﻨﻮ ﺍﻟﺒﺴﺞ ﺍﻧﻲ؟ !
ﺩﺍﻟﻴﺎ .. ﻻﺍ .. ﻟﺘﺘﻘﺮﺑﻠﻲ ﺍﻧﺖ ﺍﺻﻼً .. ﺻﻴﺢ ﺍﻡ ﺳﻌﺪ ﻫﻲ ﺗﺴﺎﻋﺪﻧﻲ !
ﺍﺳﻴﺪ .. ﻫﻪ ﻟﻴﺶ ﺍﻡ ﺳﻌﺪ ﺗﺮﻯ ﻣﺎﻛﻮ ﺷﻲ ﻣﺸﺎﻳﻔﻪ ﺍﻧﻲ ﻟﻮ ﻧﺴﻴﺘﻲ؟ !!
ﺩﺍﻟﻴﺎ .. ﻭﺟﻬﻲ ﺍﺣﺴﻪ ﺣﻴﻨﻔﺠﺮ ﻣﻦ ﺍﻟﺤﺮﺍﺭﻩ .. ﻛﺎﻥ ﻳﺒﺎﻭﻉ ﻋﻠﻴﻪ ﺑﻨﻈﺮﺍﺕ ﺍﻓﻬﻢ ﺷﻨﻮ ﻣﻌﻨﺎﻫﺎ ﻭﻳﺒﺘﺴﻢ ﺍﺑﺘﺴﺎﻣﻪ ﺧﺒﻴﺜﻪ .
ﺩﺍﻟﻴﺎ .. ﺭﺟﺎﺀﺍً .. ﺭﻭﺡ ﺻﻴﺢ ﺍﻡ ﺳﻌﺪ !
ﺍﺳﻴﺪ .. ﻣﺎﺍﺻﻴﺤﻬﺎ ﺍﻡ ﺳﻌﺪ ﻭﻻ ﺗﺸﻮﻓﺞ ﺑﻬﺎﻟﻮﺿﻊ ﻻﻧﻮ ﺣﺘﻔﻜﺮ ﺍﻧﻲ ﺍﻟﻲ ﻣﺴﻮﻱ ﺑﻴﺞ ﻫﺸﻜﻞ .. ﻣﺘﺪﺭﻱ ﺑﻌﻘﻠﺞ ﺍﻟﻐﺒﻲ ﻭﺣﺮﻛﺎﺕ ﺍﻟﻤﺰﻋﻄﻪ ﺍﻟﻲ ﺗﺴﻮﻳﻬﺎ .
ﺩﺍﻟﻴﺎ .. ﺍﻭﻻً ﺍﻧﻲ ﻣﻮ ﺯﻋﻄﻮﻃﻪ ﻋﻤﺮﻱ ﺣﻴﺼﻴﺮ 20 ﺳﻨﻪ ﻭﺛﺎﻧﻴﺎً .. ﻛﻞ ﺍﻟﻲ ﺻﺎﺭ ﺑﺴﺒﺒﻚ ﻟﻮ ﺗﺤﺐ ﺍﺫﻛﺮﻙ .
ﺍﺳﻴﺪ .. ﺍﺧﺮ ﻣﺮﻩ ﺍﻛﻮﻝ .. ﺿﺒﻲ ﻟﺴﺎﻧﺞ ﻻ ﺍﺷﻮﻓﺞ ﺍﻟﺨﺒﺎﻝ ﺍﻟﺤﻘﻴﻘﻲ ﺑﺲ ﻫﺎﻟﻤﺮﻩ ﻧﻜﻤﻞ ﻟﻼﺧﻴﺮ .
ﺩﺍﻟﻴﺎ .. ﻻﺍﺍﺍ ﻳﺎ ﺭﺑﻲ ﻫﺬﺍ ﻭﻻ ﻳﺴﺘﺤﻲ .. ﺩﺧﻠﺖ ﻭﺟﻬﻲ ﺟﻮﻩ ﺍﻟﻐﻄﻰ ﻣﺎﺍﺭﻳﺪﻩ ﻳﺸﻮﻓﻨﻲ ﺍﺷﻮﻥ ﺧﺠﻠﺖ .. ﺍﻻﻓﻜﺎﺭ ﺍﻟﻲ ﺍﺟﺖ ﺑﻌﻘﻠﻲ ﻣﻦ ﻛﻼﻣﻪ ﺗﻔﺸﻞ .. ﺍﻟﺤﻤﺪﻟﻠﻪ ﻣﺤﺪ ﻳﺴﻤﻊ ﺑﺸﻨﻮ ﻧﻔﻜﺮ .. ﻭﺍﻻ ﻛﺎﻥ ﺍﻧﻔﻀﺤﻨﺎ .. ﻣﻦ ﻭﺭﺍ ﺍﻟﻐﻄﻰ ﺣﺎﺟﻴﺘﻪ .. ﺭﻭﺡ ﻣﻨﺎﺍﺍﺍﺍ ﺍﺭﻳﺪ ﺍﻧﺎﻡ !!
ﺍﺳﻴﺪ .. ﺍﺗﻘﺮﺑﺖ ﻣﻨﻬﺎ ﺷﻠﺘﻬﺎ ﻫﻲ ﻭﺍﻟﻐﻄﺎ ﻭﻧﺰﻟﺖ ﺑﻴﻬﺎ ﻟﻴﺠﻮﻩ .. ﻭﻫﻲ ﺧﺒﺼﺘﻨﻲ ﺧﺒﺺ ﺑﺲ ﺗﺼﻴﺢ ﻧﺰﻟﻨﻲ .. ﻧﺰﻟﻨﻲ !!
ﺍﻟﻲ ﻳﺸﻮﻓﻬﺎ ﻫﺴﻪ ﻣﻴﻜﻮﻝ ﺍﻟﺼﻨﻢ ﺍﻟﻲ ﻛﺎﻥ ﺟﺎﻣﺪ ﻗﺒﻞ ﺍﺷﻮﻳﻪ !
ﻭﻫﻲ ﻣﻠﻔﻮﻓﻪ ﺑﺎﻟﻐﻄﻰ ﺧﻠﻴﺘﻬﺎ ﻉ ﺍﻟﺘﺨﻢ ﻭﺭﺣﺖ ﺣﻤﻴﺖ ﺍﻻﻛﻞ ﻭﺟﺒﺘﻪ .. ﻛﻌﺪﺕ ﻛﺪﺍﻣﻬﺎ .. ﺍﻭﻛﻠﻬﺎ ﻻﻧﻮ ﺍﺩﻳﻬﺎ ﻣﺘﻜﺪﺭ ﺗﺎﻛﻞ ﺑﻴﻬﻢ .. ﺑﻘﻴﺖ ﺍﻭﻛﻞ ﺑﻴﻬﺎ ﻭﺍﻣﺴﺢ ﺍﻻﻛﻞ ﻣﻦ ﺣﻠﻜﻬﺎ .. ﻭﻫﻲ ﺗﺼﻴﺮ ﺣﻤﺮﺍ ﺩﻡ ﻣﻦ ﺍﻟﺨﺠﻞ !
ﺧﻠﺺ ﺍﻻﻛﻞ ﻭﺧﻠﺼﺖ ﺭﻭﺣﻲ ﻭﻳﺎ .. ﻣﻨﻈﺮﻫﺎ ﻣﺜﻞ ﺍﻟﻄﻔﻠﻪ ﻭﺷﻜﻠﻬﺎ ﻣﺮﻩ ﻛﻠﻬﺎ ﺍﻧﻮﺛﻪ ﺩﻭﺧﺘﻨﻲ ﻭﺍﻧﻲ ﺍﻟﺪﻧﻴﺎ ﻣﺪﻭﺧﺘﻨﻲ ﺍﺻﻼً !
ﻛﻤﻠﺖ ﺍﻻﻛﻞ .. ﻛﺎﻟﺖ
ﺩﺍﻟﻴﺎ .. ﺍﺭﻳﺪ ﺍﺑﺪﻝ ﺑﻌﺪ ﻣﺎﺍﺗﺤﻤﻞ ﻣﻼﺑﺴﻲ ﻛﻮﻟﻬﻢ ﺩﻡ ( ﺻﺢ ﻫﻮ ﻧﻈﻔﻬﺎ ﺑﺲ ﺍﻟﺮﻳﺤﻪ ) ﻭﻋﺮﻙ ﻭﺍﻛﻞ .. ﺭﻭﺡ ﺻﻴﺢ ﺍﻡ ﺳﻌﺪ ﺍﻟﻠﻪ ﻳﺨﻠﻴﻚ !
ﺍﺳﻴﺪ .. ﻛﻠﺘﻠﺞ ﻣﺎﻛﻮ ﺍﻡ ﺳﻌﺪ ﻳﺄﻣﺎ ﺍﻧﻲ ﺍﺑﺪﻟﺞ ﺍﻭ ﺗﺒﻘﻴﻦ ﻫﺸﻜﻞ ﻟﺤﺪ ﻣﺎ ﺗﻄﻴﺐ ﺍﻳﺪﺝ !
ﺩﺍﻟﻴﺎ .. ﻣﻦ ﻛﻞ ﻋﻘﻠﻚ ؟ !!
ﺍﻧﻲ ﺩﻗﻴﻘﻪ ﻣﺎﺍﺗﺤﻤﻞ ﺑﻌﺪ ﺍﺷﻮﻥ ﺗﺮﻳﺪ ﺍﻧﺘﻈﺮ ﻟﺤﺪ ﻣﺘﻄﻴﺐ ﺍﻳﺪﻱ !
ﺍﺳﻴﺪ .. ﺑﻜﻴﻔﺞ ﺍﻧﺘﻲ ﻗﺮﺭﻱ !!
ﺩﺍﻟﻴﺎ .. ﻳﺎﺭﺑﻲ ﺍﺷﻮﻭﻭﻥ ﺍﺧﻠﻲ ﻳﺘﻘﺮﺏ ﻣﻦ ﺑﻌﺪ؟ !!
ﻭﺍﺷﻮﻥ ﺍﺑﻘﻰ ﻫﺸﻜﻞ ﻣﺎﺍﻛﺪﺭ؟ !!
ﺑﻘﻴﺖ ﻣﺘﺤﻤﻠﻪ ﻳﻮﻡ ﻛﺎﻣﻞ ﻣﺴﺒﺤﺖ ﻭﻻ ﺑﺪﻟﺖ ﻣﻼﺑﺴﻲ .. ﺑﺎﻟﻠﻴﻞ ﺻﻌﺪﻧﻲ ﻟﻐﺮﻓﺘﻲ ﻧﻤﺖ .. ﻭﺍﻧﻲ ﻣﻦ ﻳﺘﻘﺮﺏ ﻣﻨﻲ ﺍﻓﺸﻞ ﻣﻦ ﻣﻨﻈﺮﻱ ﻭﺭﻳﺤﺘﻲ .. ﺍﻛﻴﺪ ﻣﻄﻴﺒﻪ ﺻﺎﺭﺕ !
ﻋﺎﻓﻨﻲ ﺑﺎﻟﻐﺮﻓﻪ ﻭﻧﺰﻝ .. ﺍﻧﻲ ﻛﻤﺖ ﻉ ﻛﻴﻒ ﻟﻠﺤﻤﺎﻡ .. ﻓﺘﺤﺖ ﺍﻟﻤﻲ ﺑﺄﺩﻳﻪ ﺑﺎﻟﻜﻮﻩ ﺍﻻﻟﻢ ﻣﻮﺗﻨﻲ .. ﺣﺘﻰ ﺩﻡ ﻛﺎﻣﺖ ﺗﺠﺮﻱ ﺑﺲ ﺍﻛﻮ ﺷﻔﺖ ﺑﺎﻟﺤﻤﺎﻡ ( ﻗﻔﺎﺯﺍﺕ ﻣﺎﻟﺖ ﻋﻤﻠﻴﺎﺕ ﻃﺒﻴﻪ ) ﻟﺒﺴﺘﻬﻢ ﺣﺘﻰ ﻣﻴﻌﺒﺮ ﺍﻟﺪﻡ ﻣﻦ ﺍﻳﺪﻱ .. ﺳﺒﺤﺖ ﻉ ﺍﻟﺴﺮﻳﻊ ﻏﺴﻠﺖ ﻛﻞ ﺟﺴﻤﻲ ﻭﺷﻌﺮﻱ .. ﻃﺒﻌﺎً ﺣﺎﻭﻟﺖ ﻣﺎﺍﺳﺘﺨﺪﻡ ﺍﻟﻜﻒ .. ﺳﺪﻳﺖ ﺍﺩﻳﻪ ﺣﻴﻞ ﺻﺎﺭﻭ ﻣﺜﻞ ﺍﻟﻲ ﺩﻳﻀﺮﺏ ﺑﻮﻛﺲ ﻭﺳﺒﺤﺖ .. ﺟﺮﺡ ﺭﮔﺒﺘﻲ ﻣﺘﻘﺮﺑﺖ ﻳﻤﻪ ﺑﺲ ﻫﻢ ﺩﺧﻠﻪ ﻣﻲ .. !
ﻛﻤﻠﺖ ﺑﺴﺮﻋﻪ ﻟﻔﻲ ﻋﻠﻴﻪ ﺍﻟﻤﺸﻔﻨﻪ ﻭﻃﻠﻌﺖ .. ﺍﻻﻟﻢ ﻣﻮﺗﻨﻲ .. ﻭﺍﻳﺪﻱ ﺗﻨﺰﻑ ﻗﻮﻱ .. ﻣﺎﺍﻛﺪﺭ ﺍﺳﻜﺖ ﺍﻛﺜﺮ .. ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﺭﺣﺖ ﻟﻐﺮﻓﺘﻪ ﻟﻜﻴﺘﻪ ﻧﺎﻳﻢ .. ﻓﺘﺤﺖ ﺍﻟﻀﻮﻩ ﻫﻮ ﻛﻌﺪ .. ﺷﺎﻓﻨﻲ ﻭﺍﻛﻔﻪ ﻛﺪﺍﻣﻪ ﻭﺑﺎﻟﻤﻨﺸﻔﻪ .. ﺍﺗﺨﻴﻠﻮﺍ ﺍﻟﻤﻮﻗﻒ !!!!!!!
ﻟﻠﺤﻜﺎﻳﻪ ﺑﻘﻴﻪ ️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء