رواية في أرض الغرام انت دولتي ج2 الجزء السابع
للكاتبة الأميرة الموسوية
....
ﺍﺳﻴﺪ .. ﺧﻠﺺ ﺩﻭﺍﻣﻲ ﻭﻧﺰﻟﺖ ﻟﻠﺒﻴﺖ .. ﻓﻘﺮﺭﺕ ﺍﺭﻭﺡ ﻟﺒﻴﺘﻨﺎ ﮔﺒﻞ ﻣﺎﺍﺭﻭﺡ ﻟﺒﻴﺖ ﺍﻟﻤﺰﺭﻋﻪ .. ﻣﺎﺍﺭﻳﺪ ﺍﺷﻮﻓﻬﺎ ﻭﺗﻄﻮﻝ ﺍﻟﻠﺴﺎﻧﻬﺎ ﻭﺗﻌﺼﺒﻨﻲ ﻭﻳﺼﻴﺮ ﺷﻲ ﻣﺎﺍﺭﻳﺪﻩ ﻳﺘﻜﺮﺭ ﺑﻌﺪ !
ﺭﺣﺖ ﻟﺒﻴﺘﻨﺎ ﻟﻜﻴﺖ ﺑﺲ ﺍﻣﻲ ﻭ ﺍﻡ ﻋﺎﺩﻝ !
ﻭﺻﻠﺖ ﺍﻟﺼﺒﺢ ﺗﻘﺮﻳﺒﺎً ﺏ 9 ﺷﺎﻓﺘﻨﻲ ﺍﻣﻲ ﺍﺗﺨﺒﻠﺖ ﻉ ﺑﺎﻟﻚ ﺻﺎﺭﻟﻬﺎ ﺳﻨﻪ ﻣﺸﺎﻳﻔﺘﻨﻲ ﺣﻈﻨﺘﻨﻲ ﻭﺗﺒﺠﻲ ﻭﺗﺒﻮﺱ ﺑﻴﻪ ﺑﺎﻟﻜﻮﻩ ﺳﻜﺘﺘﻬﺎ .. ﻫﺬﻱ ﻛﻞ ﻣﺎ ﺍﺭﺟﻊ ﻣﻦ ﺍﻟﺪﻭﺍﻡ ﺍﺗﻌﻴﺪ ﻧﻔﺲ ﺍﻟﺤﺎﻟﻪ !!
ﻛﻌﺪﺕ ﻭﻳﺎﻫﺎ ﺳﻮﻟﻔﻨﺎ ﻭﺍﺷﺘﻜﺘﻠﻲ ﻣﻦ ﺍﺧﻮﺍﺗﻲ ﻭﻣﻦ ﺍﻻﻣﺮﺍﺽ ﻭﺍﺷﻠﻮﻥ ﻣﺤﺪ ﺍﻟﻬﺎ ﻭﺑﺎﻗﻴﻪ ﻭﺣﺪﻫﺎ ﻭ ﻭﺻﻠﺖ ﻟﻤﻮﺿﻮﻉ ﺩﺍﻟﻴﺎ ﻭﺍﺷﻠﻮﻥ ﻛﺎﻧﺖ ﻓﺎﻳﺪﺗﻬﺎ ﻭﻣﺴﺎﻋﺪﺗﻬﺎ .. !!
ﻣﻦ ﺫﻛﺮﺕ ﺍﺳﻤﻬﺎ ﻣﺎﺍﺩﺭﻱ ﺷﺼﺎﺭﻟﻲ ﺍﺣﺴﺎﺱ ﻏﺮﻳﺐ ﻣﺎﺍﻋﺮﻑ ﺷﻨﻮ ، ﻏﻀﺐ ﻟﻮ ﺍﺷﺘﻴﺎﻕ .. ﻟﻮ ﻧﺪﻡ .. ﺷﻌﻮﺭ ﻣﺨﺮﺑﻂ !
ﻏﻴﺮﺕ ﺍﻟﻤﻮﺿﻮﻉ ﺑﺴﺮﻋﻪ ﻭﻛﻠﺘﻠﻬﺎ ﺍﻥ ﺷﺎﺀ ﺍﻟﻠﻪ ﺍﺷﻮﻓﻠﺞ ﻭﺣﺪﻩ ﺍﺣﺴﻦ ﻣﻨﻬﺎ ﺗﺠﻲ ﺗﺴﺎﻋﺪﺝ !
ﻋﻔﺖ ﺍﻣﻲ ﻭﺻﻌﺪﺕ ﺍﺧﺬﺕ ﺣﻤﺎﻡ ﻭﺑﺪﻟﺖ .. ﺑﺲ ﺍﺳﺘﻐﺮﺑﺖ ﺍﻧﻮ ﺍﻳﻨﺎﺱ ﻣﻤﻮﺟﻮﺩﻩ ﺑﺎﻟﺒﻴﺖ !
ﺍﻋﺘﻘﺪﺗﻬﺎ ﻧﺎﻳﻤﻪ ﻻﻥ ﺍﻋﺮﻓﻬﺎ ﻣﻦ ﺗﺠﻲ ﻳﻤﻨﺎ ﺗﻄﻮﻝ ﺑﺎﻟﻨﻮﻣﻪ .. ﺍﻧﻲ ﻫﻢ ﻛﻨﺖ ﺗﻌﺒﺎﻥ ﻣﻦ ﺍﻟﺪﻭﺍﻡ ﻭﺍﻟﺸﻐﻞ ﺍﻟﻲ ﺍﻧﻬﻜﺖ ﺭﻭﺣﻲ ﺑﻲ ﺣﺘﻰ ﻣﺎﺍﻓﻜﺮ ﺑﺒﻠﻮﺓ ﺣﻴﺎﺗﻲ !
ﺗﺨﺬﺗﻠﻲ ﻏﻔﻮﻩ ﻧﻤﺖ !
ﻛﻌﺪﺕ ﺍﻟﻈﻬﺮ ﺣﻴﻞ ﺍﻡ ﻋﺎﺩﻝ ﺻﺎﺣﺘﻨﻲ ﺣﺘﻰ ﺍﺟﻲ ﺍﺗﻐﺪﻩ .. ﻧﺰﻟﺖ ﻟﻜﻴﺖ ﺑﺲ ﺍﻣﻲ ﻭﺍﺑﻮ ﺍﺣﻤﺪ ﺯﻭﺝ ﺍﻳﻨﺎﺱ ﻭ ﺟﻬﺎﻟﻬﻢ !!
ﺳﻠﻤﺖ ﻭﻛﻌﺪﺕ ﺍﻛﻞ .. ﺑﺲ ﮔﻠﺒﻲ ﻣﺎﺍﻋﺮﻑ ﺍﺷﺒﻲ ﻣﻘﺒﻮﺽ ﻣﻦ ﻏﻴﺎﺏ ﺍﻳﻨﺎﺱ "
ﻫﻲ ﺑﺎﻟﻌﺎﺩﻩ ﻣﺘﻄﻠﻊ ﺍﻻ ﻭﻳﺎ ﺭﺟﻠﻬﺎ ﻟﻮ ﻭﻳﺎ ﺍﻣﻲ .. ﻭﺍﺫﺍ ﺍﺿﻄﺮﺕ ﻛﻠﺶ ﺗﺎﺧﺪ ﺍﺑﻨﻬﺎ ﺍﺣﻤﺪ ﻭﻳﺎﻫﺎ ﻻﻥ ﺯﻭﺟﻬﺎ ﻣﻦ ﻧﻮﻉ ﻛﻠﺶ ﻣﺘﺸﺪﺩ ﻟﺪﺭﺟﻪ ﺗﺨﻨﻚ ﻭﻋﺼﺒﻲ ﻓﻤﻴﺨﻠﻴﻬﺎ ﺗﻄﻠﻊ ﺑﺪﻭﻧﻪ ﺍﺑﺪ .. !
ﺍﻟﻤﻬﻢ ..
ﺳﺄﻟﺖ ﻋﻠﻴﻬﺎ ﻉ ﺑﺎﻟﻲ ﺑﻌﺪﻫﺎ ﻧﺎﻳﻤﻪ ﺍﻭ ﻣﺘﺮﻳﺪ ﺍﺗﺸﻮﻓﻨﻲ ﺑﺴﺒﺐ ﺍﻟﻲ ﺻﺎﺭ ﺍﺧﺮ ﻣﺮﻩ ﻣﻦ ﺷﺎﻓﺖ ﺩﺍﻟﻴﺎ ﺍﺑﻴﺘﻲ ﺍﻛﻴﺪ ﺯﻋﻠﺖ ﺑﺴﺒﺐ ﺍﻟﻜﻼﻡ ﺍﻟﻲ ﻛﻠﺘﻪ ﺍﻟﻪ .
_ ﻟﻌﺪ ﺍﻡ ﺍﺣﻤﺪ ﻭﻳﻦ ﺍﺷﻮ ﻣﺼﺤﺘﻮﻫﺎ ﻉ ﺍﻻﻛﻞ؟ !
ﺍﻟﺤﺠﻴﻪ .. ﺧﺎﻟﺘﻚ ﻣﻮ ﻫﻨﺎ ﻃﺎﻟﻌﻪ .. ﺭﺍﺣﺖ ﺗﺸﻮﻑ ﻭﺣﺪﻩ ﻣﻦ ﺻﺪﻳﻘﺎﺗﻬﺎ ﻣﻦ ﺍﻳﺎﻡ ﺍﻟﺠﺎﻣﻌﻪ .
ﺍﺳﻴﺪ .. ﺍﻫﺎﺍ .. ﺑﺲ ﺍﺷﻌﺠﺐ ﺍﺑﻮ ﺍﺣﻤﺪ ﺧﻼﻫﺎ ﺗﺮﻭﺡ ﻭﺣﺪﻫﺎ ﻣﻮ ﻣﻦ ﻋﻮﺍﻳﺪﻩ !!
ﺍﺑﻮ ﺍﺣﻤﺪ .. ﺑﺼﺮﺍﺣﻪ ﻣﺎﺍﺩﺭﻱ ﺑﻴﻬﺎ ﻣﻦ ﻃﻠﻌﺖ ﺍﺗﺼﻠﺖ ﺑﻴﻪ ﻭﻓﺎﺟﺄﺗﻨﻲ .. ﻣﻜﺪﺭﺕ ﺍﺣﺠﻲ ﺷﻲ ﻛﻠﺖ ﺧﻠﻴﻬﺎ ﺍﺗﺸﻮﻑ ﺻﺪﻳﻘﺎﺗﻬﺎ ﺑﺲ ﻛﻠﺘﻠﻬﺎ ﺍﺧﺬﻱ ﻭﻳﺎﺝ ﺍﺣﻤﺪ ﻟﻮ ﻃﻴﻒ ﺍﺷﻮ ﻣﻤﺎﺧﺬﻩ ﺍﺣﺪ ﻣﻨﻬﻢ !
ﺍﺳﻴﺪ .. ﻫﻨﺎ ﺍﻟﻔﺎﺭ ﺑﺪﺍ ﻳﻠﻌﺐ ﺑﻌﺒﻲ !!
ﺍﻳﻨﺎﺱ ﺷﻐﻠﺘﻬﺎ ﻣﻮ ﺧﺎﻟﻴﻪ .. ﺑﺲ ﻻ ﺳﻮﺕ ﺍﻟﻲ ﺍﺑﺎﻟﻲ !!
ﺑﻘﻴﺖ ﺍﺗﻈﺎﻫﺮ ﺍﻧﻮ ﺩﺍﺍﻛﻞ ﺑﺲ ﺍﻧﻲ ﺑﺎﻟﻲ ﻛﻠﻪ ﻣﻮ ﻫﻨﺎ ﺷﻲ ﺑﺪﺍﺧﻠﻲ ﻛﺎﻥ ﺷﺎﻙ ﺍﻧﻮ ﺍﻳﻨﺎﺱ ﺭﺍﺣﺖ ﻟﻠﻤﺰﺭﻋﻪ ﺑﺲ ﻣﻤﺘﺄﻛﺪ .. ﺑﻘﻴﺖ ﻉ ﺍﻟﺴﻔﺮﻩ ﺟﺎﻥ ﻳﺪﻙ ﺟﻬﺎﺯﻱ .. ﺑﺎﻭﻋﺖ ﺍﺑﻮ ﺳﻌﺪ !!!
ﻫﻨﺎ ﺍﻧﻲ ﻛﻞ ﺷﻜﻮﻛﻲ ﺍﺗﺄﻛﺪ .. ﻻﻧﻮ ﺍﻧﻲ ﻛﺎﻳﻞ ﻻﺑﻮ ﺳﻌﺪ ﻭﻣﻮﺻﻲ ﺍﻱ ﺷﺨﺺ ﻣﻦ ﺍﻫﻠﻲ ﻳﺠﻲ ﻟﻠﻤﺰﺭﻋﻪ ﻳﻨﻄﻴﻨﻲ ﺧﺒﺮ ﺑﺴﺮﻋﻪ !
_ ﺍﻟﻮﻭ
ﺍﺑﻮ ﺳﻌﺪ .. ﺍﻟﺴﻼﻡ ﻋﻠﻴﻜﻢ ﺩﻛﺘﻮﺭ ﺍﺷﻠﻮﻧﻚ
......
..
ﺍﺳﻴﺪ .. ﻋﻠﻴﻜﻢ ﺍﻟﺴﻼﻡ .. ﺧﻴﺮ ﺻﺎﻳﺮ ﺷﻲ؟ !
ﺍﺑﻮ ﺳﻌﺪ .. ﻻ ﻣﺎﻛﻮ ﺷﻲ ﺑﺲ ﺍﻧﺖ ﻛﻠﺘﻠﻲ ﺍﺫﺍ ﺍﺟﻪ ﺍﺣﺪ ﻣﻦ ﺍﻻﻫﻞ ﺍﻧﻄﻴﻚ ﺧﺒﺮ ..
ﺍﺳﻴﺪ .. ﺍﻳﻲ؟ !!
ﺍﺑﻮ ﺳﻌﺪ .. ﺍﻱ ﻭﻗﺒﻞ ﺍﺷﻮﻳﻪ ﺍﺟﺘﻲ ﺧﺎﻟﺘﻚ ﺍﻡ ﺍﺣﻤﺪ .. ﻓﻜﻠﺖ ﺍﻧﻄﻴﻚ ﺧﺒﺮ .
ﺍﺳﻴﺪ .. ﺍﻫﺎﺍﺍ .. ﻣﺎﺷﻲ ﺍﻧﺖ ﺳﻮﻱ ﻣﺜﻞ ﻣﺎ ﻓﻬﻤﺘﻚ ﻭﺍﻧﻲ ﺟﺎﻱ ﺑﺎﻟﻄﺮﻳﻖ .
ﺳﺪﻳﺖ ﺍﻟﻤﻮﺑﺎﻳﻞ ﻭﻛﻤﺖ ﺑﺴﺮﻋﻪ ..
ﺍﻟﺤﺠﻴﻪ .. ﺧﻴﺮ ﻳﻤﻪ ﻭﻳﻦ ﺭﺍﻳﺢ؟ !
ﺍﺳﻴﺪ .. ﻣﺎﻛﻮ ﺷﻲ ﺣﺠﻴﻪ ﺑﺲ ﺍﺗﺼﻠﻮ ﻣﻦ ﺍﻟﺪﻭﺍﻡ ﻻﺯﻡ ﺍﺭﻭﺡ ﻫﺴﻪ .
ﺍﻟﺤﺠﻴﻪ .. ﻳﺎ ﻳﻤﻪ ﻳﺎ ﺩﻭﺍﻡ ﻣﺎ ﺻﺎﺭﻟﻚ ﻛﻢ ﺳﺎﻋﻪ ﻣﻦ ﺍﺟﻴﺖ ﺷﻨﻮ ﺗﺮﺟﻊ ﻫﻲ ﻏﻴﺮ ﺍﺟﺎﺯﺗﻚ؟ !
ﺍﺳﻴﺪ .. ﻳﻌﻨﻲ ﺷﺄﺳﻮﻱ ﻳﺎ ﻳﻤﻪ ﻏﻴﺮ ﺩﻭﺍﻣﻴﻲ .. ﻳﻼ ﻣﻦ ﺭﺧﺼﺘﻜﻢ .
ﺻﻌﺪﺕ ﺑﺴﺮﻋﻪ ﺑﺪﻟﺖ ﻣﻼﺑﺴﻲ ﺷﻐﻠﺖ ﺍﻟﺴﻴﺎﺭﻩ ﻭﻛﺒﻞ ﺑﻮﺟﻬﻲ ﻟﻠﻤﺰﺭﻋﻪ .. ﺍﻟﻄﺮﻳﻖ ﺻﺎﺭ ﻋﻠﻴﻪ ﺷﻄﻮﻟﻪ !
ﻛﺎﻥ ﻛﻞ ﺧﻮﻓﻲ ﻻ ﺩﺍﻟﻴﺎ ﺗﺸﻮﻓﻬﺎ ﺍﻻﻳﻨﺎﺱ ﻭﺗﺘﺨﺒﻞ ﻣﺜﻞ ﻣﺎ ﺻﺎﺭ ﻟﻤﺎ ﺷﺎﻓﺘﻬﺎ ﺑﺎﻟﻤﻄﻌﻢ !!
ﺍﻟﻤﺸﻬﺪ ﻛﻠﻪ ﺍﻧﻌﺎﺩ ﻛﺪﺍﻣﻲ .. ﺭﺟﻔﺘﻬﺎ ﻭﺍﻋﺼﺎﺑﻬﺎ ﺍﻟﻲ ﺍﺗﻬﺴﺘﺮﺕ ﻭﻗﺘﻬﺎ .. ﻛﻨﺖ ﺍﻧﻲ ﻳﻤﻬﺎ ﻭﺑﺎﻟﻜﻮﻩ ﺳﻴﻄﺮﺕ ﻋﻠﻴﻬﺎ ﺯﻳﻦ ﻫﺴﻪ ﺍﺫﺍ ﺷﺎﻓﺘﻬﺎ ﻟﺤﺎﻟﻬﺎ ﺷﺮﺍﺡ ﻳﺼﻴﺮ؟ !!
ﺧﻔﺖ ﻋﻠﻴﻬﺎ ﻟﺪﺭﺟﻪ ﻣﺘﺨﻄﺮ ﻉ ﺍﻟﺒﺎﻝ .. ﺍﺗﻤﻨﻴﺖ ﺍﻃﻴﺮ ﺑﺴﺮﻋﻪ ﻭﺍﻭﺻﻞ ﻟﻠﺒﻴﺖ .. ﻣﺎ ﺍﺧﻠﻲ ﺍﻳﻨﺎﺱ ﺍﺗﺸﻮﻓﻬﺎ ..
ﺍﻳﻨﺎﺱ ... ﺍﻭﻭﻭﻭﻑ .. ﺍﺫﺍ ﺻﺎﺭ ﺑﻴﻬﺎ ﺷﻲ ﻣﺤﺪ ﻳﺨﻠﺼﺞ ﻣﻨﻲ !
ﺩﺳﺖ ﺑﺎﻧﺰﻳﻦ ﻭﻃﻠﻌﺖ ﺑﻜﻞ ﺳﺮﻋﺘﻲ ﻣﺎﺍﺷﻮﻑ ﻛﺪﺍﻣﻲ ... ﻭﺻﻠﺖ .. ﻟﻜﻴﺖ ﺍﻟﻴﻴﺖ ﻓﺎﺭﻍ !!
ﺩﺍﻟﻴﺎ .. ﻓﺘﺤﺖ ﺍﻟﺒﺎﺏ ﻭﺍﺫﺍ ﺑﺄﺳﻮﺀ ﻛﺎﺑﻮﺱ ﺑﺤﻴﺎﺗﻲ ﻭﺍﻛﻒ ﻛﺪﺍﻣﻲ !!
ﺍﻣﻲ !!
ﺑﻘﻴﺖ ﻣﺜﻞ ﺍﻟﻤﺘﺤﻨﻂ ﺑﻤﻜﺎﻧﻪ ﻣﺎﺍﻛﺪﺭ ﺣﺘﻰ ﺍﺣﺠﻲ ﻭﻻ ﺍﻓﺘﺢ ﺣﻠﻜﻲ ﺻﻔﻨﺖ ﺑﻮﺟﻬﺎ .. ﻛﺎﻧﺖ ﻣﺘﺄﻧﻘﻪ ﺑﻬﺬﻳﺞ ﺍﻟﻤﻼﺑﺲ ﺍﻟﺮﺍﻗﻴﻪ ﻭﻻﺑﺴﻪ ﻧﻈﺎﺭﻩ ﻟﻮ ﻣﺎ ﺗﻨﺰﻉ ﺍﻟﻨﻈﺎﺭﻩ ﻣﻌﺮﻓﺘﻬﺎ ﺍﺻﻼً !!
ﺍﻳﻨﺎﺱ .. ﺑﺼﻮﺕ ﻣﺘﻜﺒﺮ ﻭﺍﺳﺘﻌﻼﺀ .. ﻣﺮﺣﺒﺎ ..
ﺩﺍﻟﻴﺎ .. ﻣﺤﺠﻴﺖ ﺷﻲ ﮔﻠﺒﻲ ﺣﺴﻴﺘﻪ ﺣﻴﻮﻛﻒ ﻭﺍﻟﻠﺴﺎﻧﻲ ﺍﻧﺸﻞ !!
ﺑﺲ ﺍﻡ ﺳﻌﺪ ﺍﺟﺘﻲ ﻭﻧﻘﺬﺕ ﺍﻟﻤﻮﻗﻒ ﺑﺴﺮﻋﻪ ..
ﺍﻡ ﺳﻌﺪ .. ﻣﻦ ﺷﺎﻓﺖ ﺍﻳﻨﺎﺱ ﺍﺭﺗﺒﻜﺖ ﻻﻥ ﺧﺎﻓﺖ ﻻ ﺍﻳﻨﺎﺱ ﺷﺎﻓﺖ ﺩﺍﻟﻴﺎ ﻫﻮ ﻣﺤﺬﺭﻫﺎ ﻣﺘﻄﻠﻊ ﻟﻠﺒﺎﺏ ﻭﻻ ﺗﺨﻠﻲ ﻣﺨﻠﻮﻕ ﻳﺸﻮﻓﻬﺎ .. ﺯﻳﻦ ﺑﻬﺎﻟﺤﺎﻟﻪ ﺷﻨﻮ ﺗﺴﻮﻱ ﻭﺷﻨﻮ ﺍﺗﻜﻮﻝ ﻟـ ﺍﻳﻨﺎﺱ ﻫﺎﻱ ﻣﻨﻮ؟ !!
ﺍﺭﺗﺒﻜﺖ ﻭﻣﻌﺮﻓﺖ ﺷﻨﻮ ﺗﻜﻮﻝ .. ﺑﺲ ﺣﺎﻭﻟﺖ ﺗﺘﻼﻓﻰ ﺍﻟﻤﻮﻗﻒ ﻣﻦ ﺷﺎﻓﺖ ﺩﺍﻟﻴﺎ ﻣﺜﻞ ﺍﻟﺘﻤﺜﺎﻝ ﺟﺎﻣﺪﻩ !!
ﺍﻡ ﺳﻌﺪ .. ﻳﺎ ﺍﻫﻼً ﻭﺳﻬﻼً ﺍﻡ ﺍﺣﻤﺪ ﻧﻮﺭﺗﻲ !
ﺍﻳﻨﺎﺱ .. ﺍﻫﻼ ﺑﻴﺞ ﺍﻡ ﺳﻌﺪ .. ﺷﻨﻮ ﺭﺍﺡ ﺗﺒﻘﻮﻧﻲ ﺑﺎﻟﺒﺎﺏ ﻭﺍﻛﻔﻪ؟ !!
ﺍﻡ ﺳﻌﺪ .. ﻳﺒﻮﻭﻭ ﻻ ﺗﻮﺍﺧﺬﻳﻨﻲ ﺍﺗﻔﺎﺟﺄﺕ ﺑﺠﻴﺘﺞ .. ﺍﺗﻔﻀﻠﻲ ﺍﺗﻔﻀﻠﻲ .. ﺩﺧﻠﺘﻬﺎ ﺟﻮﻩ ﻭﺩﻓﻌﺖ ﺩﺍﻟﻴﺎ ﺑﺄﻳﺪﻫﺎ ﺑﺼﻮﺕ ﻫﻤﺲ ..
_ ﺩﺍﻟﻴﺎ ﺍﺷﺒﻴﺞ ﺍﺻﻄﻜﻴﺘﻲ ﺍﻟﻤﺮﻩ ﺍﺗﺒﺎﻭﻋﻠﺞ .. ﺭﻭﺣﻲ ﻟﻠﻤﻄﺒﺦ ﺑﺴﺮﻋﻪ !
ﺩﺍﻟﻴﺎ .. ﻓﺰﺯﺗﻨﻲ ﻣﻦ ﺍﻟﻈﻼﻡ ﺍﻟﻲ ﺣﺎﻃﻨﻲ ﻣﻦ ﻛﻞ ﻣﻜﺎﻥ ﻛﻠﻤﺎﺕ ﺍﻡ ﺳﻌﺪ ﻭﺿﺮﺑﺘﻬﺎ ﺍﻟﻲ .. ﺭﻛﻀﺖ ﺑﺴﺮﻋﻪ ﺍﺭﻳﺪ ﺍﺭﻭﺡ ﻟﻠﻤﻄﺒﺦ ﺟﺎﻥ ﺍﺳﻤﻊ ﺻﻮﺗﻬﺎ ..
......
..
ﺍﻳﻨﺎﺱ .. ﺗﻌﺎﻟﻲ ﻫﻨﺎﺍ ﺍﺭﻳﺪ ﺍﺣﺠﻲ ﻭﻳﺎﺝ !!
ﺩﺍﻟﻴﺎ .. ﺍﻟﺘﻔﺘﺖ ﻋﻠﻴﻬﺎ ﺑﺒﻄﺊ ﻭﻛﻠﺒﻲ ﻧﺒﻀﺎﺗﻪ ﺑﻄﺌﺖ ﺍﻛﺜﺮ .. ﺑﺼﻮﺕ ﻣﺨﻨﻮﻙ ﻭﻳﺮﺟﻒ ..
_ ﺍﺍ .. ﻧـ .. ـﻲ؟ !
ﺍﻳﻨﺎﺱ .. ﺍﻱ ﺍﻧﺘﻲ .. ﻭﺍﺫﺍ ﻣﻤﻜﻦ ﺍﻡ ﺳﻌﺪ ﺍﺗﺮﻛﻴﻨﺎ ﻟﺤﺎﻟﻨﺎ .
ﺍﺗﺤﺮﻛﺖ ﺍﻡ ﺳﻌﺪ ﺑﺨﻄﻮﺍﺕ ﻣﺘﺮﺩﺩﻩ ﺑﺲ ﻣﺘﻜﺪﺭ ﺗﻜﺴﺮ ﻛﻼﻡ ﺍﻳﻨﺎﺱ ﺑﺎﻟﻨﻬﺎﻳﻪ ﻫﻲ ﺗﻌﺘﺒﺮ ﺭﺍﻋﻴﺔ ﺍﻟﺒﻴﺖ ﻭﻫﻲ ﺗﺸﺘﻐﻞ ﻋﺪﻫﻢ !!
ﻣﺸﺖ ﺑﺨﻄﻮﺍﺕ ﺑﻄﻴﺌﻪ ﻟﻠﻤﻄﺒﺦ ﻣﺮﺕ ﻣﻦ ﻳﻢ ﺩﺍﻟﻴﺎ .. ﻭﺑﺼﻮﺕ ﻫﻤﺲ ﻛﺎﻟﺘﻠﻬﺎ ﻭﻫﻲ ﺗﻤﺸﻲ ..
_ ﻟﺨﻠﻴﻬﺎ ﺗﻌﺮﻑ ﺍﻧﺘﻲ ﺯﻭﺟﺔ ﺍﻟﺪﻛﺘﻮﺭ .
ﻛﻞ ﻇﻨﻬﺎ ﺍﻡ ﺳﻌﺪ ﺍﻧﻮ ﺍﻳﻨﺎﺱ ﺟﺎﻳﻪ ﺯﻳﺎﺭﻩ ﻟﻠﻤﺰﺭﻋﻪ ﻭﻫﺬﻱ ﺍﻭﻝ ﻣﺮﻩ ﺗﺸﻮﻓﻬﺎ ﺍﻟﺪﺍﻟﻴﺎ .. ﻫﻬﻪ ﻣﺘﺪﺭﻱ ﻫﻲ ﺍﺻﻼً ﺟﺎﻳﻪ ﻋﻠﻤﻮﺩﻫﺎ .. !
ﺩﺍﻟﻴﺎ .. ﺑﺨﻄﻮﺍﺕ ﻣﺘﺮﺩﺩﻩ ﻭﺧﺎﻳﻔﻪ ﺭﺍﺣﺖ ﻭﻛﻔﺖ ﻛﺪﺍﻡ ﺍﻳﻨﺎﺱ .. !
ﺍﻳﻨﺎﺱ .. ﺍﺗﻔﻀﻠﻲ ﺍﻛﻌﺪﻱ .. ﻛﻼﻣﻨﺎ ﺣﻴﻄﻮﻝ ﻣﻴﻨﻔﻊ ﺗﻮﻛﻔﻴﻦ .
ﺩﺍﻟﻴﺎ .. ﺑﺠﺴﻢ ﻳﺮﺟﻒ ﻭﮔﻠﺐ ﻳﻨﺰﻑ ﻗﻬﺮ ﻭﺭﻋﺐ ﻛﻌﺪﺕ ﻛﺪﺍﻣﻬﺎ .. ﻛﻌﺪﺕ ﻭﺩﻧﻜﺖ .. ﻣﺘﻜﺪﺭ ﺗﺮﻓﻊ ﺭﺍﺳﻬﺎ ﻭﺗﺒﺎﻭﻉ ﺑﻌﻴﻦ ﺍﻟﻤﺨﻠﻮﻗﻪ ﺍﻟﻲ ﻛﺎﻋﺪﻩ ﻛﺪﺍﻣﻬﺎ .. ﻭﺍﻟﻲ ﻣﻦ ﻣﺴﺎﻭﺉ ﺍﻟﻘﺪﺭ ﺍﺗﻜﻮﻥ ﺍﻣﻬﺎ !...
ﺍﺷﻮﻥ ﺗﺒﺎﻭﻉ ﺑﻮﺟﻪ ﺍﻻﻧﺴﺎﻧﻪ ﺍﻟﻲ ﻛﺎﻧﺖ ﺍﻟﺴﺒﺐ ﺑﻤﻮﺕ ﺍﺑﻮﻫﺎ ﻭ ﺍﺧﺘﻬﺎ .. ﺍﻟﻲ ﺩﻣﺮﺕ ﺣﻴﺎﺗﻬﺎ ﻭﺑﺴﺒﺒﻬﺎ ﻭﺻﻠﺖ ﻟﻬﺬﻱ ﺍﻟﻤﺮﺣﻠﻪ !!
ﻛﻌﺪﺕ ﻭﻣﺮﻓﻌﺖ ﻧﻈﺮﻫﺎ ﺍﺑﺪ ﺍﻟﻰ ﺍﻥ ﺍﺟﻬﺎ ﺻﻮﺕ ﺍﻳﻨﺎﺱ ﻛﺎﻟﺴﻮﻑ ﺍﻟﻲ ﺗﻘﻄﻊ ﺍﻧﻴﺎﻁ ﻗﻠﺒﻬﺎ !..
ﺍﻳﻨﺎﺱ .. ﺍﻋﺘﻘﺪ ﺍﻧﺘﻲ ﻣﺘﻌﺮﻓﻴﻨﻲ ﻭﺍﻛﻴﺪ ﻋﻨﺪﺝ ﻓﻀﻮﻝ ﻣﻨﻮ ﺍﻧﻲ ﻭﺳﺒﺐ ﺟﻴﺘﻲ ﻟﻬﻨﺎ !..
ﺩﺍﻟﻴﺎ .. ﺑﮕﻠﺒﻬﺎ .. ﻫﻪ ﻣﺎﺍﻋﺮﻓﺞ ﺻﺤﻴﺢ !
ﺍﻳﻨﺎﺱ .. ﺍﻧﻲ ﺍﻳﻨﺎﺱ ﺧﺎﻟﺘﻪ ﻻﺳﻴﺪ .. ﺍﺳﻴﺪ ﺍﻧﻲ ﺭﺑﻴﺘﻪ ﻣﺜﻞ ﺍﺑﻨﻲ ﺑﻔﺘﺮﺓ ﻣﻦ ﺍﻟﺰﻣﻦ ﻛﻨﺖ ﻋﺎﻳﺸﻪ ﻭﻳﺎﻫﻢ ﺑﻨﻔﺲ ﺍﻟﺒﻴﺖ ﻗﺒﻞ ﻻ ... ﺍﺍ .. ﺍﺗﺰﻭﺝ .. ﻫﻮ ﻛﺎﻥ ﻛﺒﻴﺮ ﻳﻌﻨﻲ ﻣﻮ ﻃﻔﻞ ﺑﺲ ﺍﻧﻲ ﻛﻨﺖ ﻭﻳﺎ ﻉ ﻃﻮﻝ !
ﺍﻟﻤﻬﻢ .. ﺍﻟﻲ ﺍﺭﻳﺪ ﺍﻭﺻﻠﻪ ﺍﻟﺞ ﺍﻧﻮ ﺍﻧﻲ ﺍﻋﺘﺒﺮﻩ ﻣﺜﻞ ﺍﺑﻨﻲ ﻭﺍﻋﺰ !!
ﻓﻴﻬﻤﻨﻲ ﻫﻮﺍﻱ ﻭﻣﺎﺍﺭﻳﺪ ﺍﻱ ﺷﻲ ﻳﻀﺮﻩ !
ﻭﺍﻧﻲ ﺑﺼﺮﺍﺣﻪ ﻗﺒﻞ ﻛﻢ ﻳﻮﻡ ﺍﺟﻴﺖ ﻟﻬﻨﺎ ﻭﺷﻔﺘﺞ ﻟﻤﺎ ﻛﻨﺘﻲ ﻣﺮﻳﻀﻪ ﻣﺎﺍﻋﺮﻑ ﺍﺷﺒﻴﺞ؟ !
ﻛﻨﺘﻲ ﻧﺎﻳﻤﻪ ﻫﻨﺎ ﻉ ﺍﻟﺘﺨﻢ ﺑﻮﻗﺘﻬﺎ .. ﻭﺧﻔﺖ ﻫﻮﺍﻱ ﻟﻴﺼﻴﺮ ﺑﻴﺞ ﺷﻲ ﻭﻳﺮﻭﺡ ﺑﻴﻬﺎ ﺍﺑﻦ ﺍﺧﺘﻲ !
ﺩﺍﻟﻴﺎ .. ﻣﻦ ﻛﺎﻟﺖ ﻫﺬﺍ ﺍﻟﻜﻼﻡ ﺍﺣﺲ ﮔﻠﺒﻲ ﻃﻔﺮ ﻣﻦ ﺻﺪﺭﻱ .. ﻭﺍﺣﺪ ﻣﺪ ﺍﻳﺪﻩ ﻭﺍﺧﺬ ﮔﻠﺒﻲ ﻣﻦ ﻣﻜﺎﻧﻪ !!
ﻣﻌﻨﺎﻫﺎ ﺷﺎﻓﺘﻨﻲ ﻭﺍﻧﻲ ﺑﻬﺬﻳﺞ ﺍﻟﺤﺎﻟﻪ ؟ !!
ﻏﻀﺐ ﺳﻴﻄﺮ ﻉ ﻛﻞ ﺫﺭﻩ ﺑﺠﺴﻤﻲ .. ﺣﺴﻴﺖ ﺍﻟﺪﻧﻴﺎ ﺩﺗﻔﺘﺮ ﺑﻴﻪ .. ﺧﻼﻫﺎ ﺍﺗﺸﻮﻓﻨﻲ ﻭﺍﻧﻲ ﺑﻬﺬﺍﻙ ﺍﻟﻮﺿﻊ؟ !
ﺳﻜﺘﺖ ﺑﺲ ﺑﺮﻛﺎﻥ ﺑﺪﺍﺧﻠﻲ ﻳﻐﻠﻲ !
ﺍﻳﻨﺎﺱ .. ﺻﺤﻴﺢ ﻣﻜﻠﺘﻴﻠﻲ ﺍﻧﺘﻲ ﺷﻨﻮ ﺍﺳﻤﺞ؟ !!
ﺩﺍﻟﻴﺎ .. ﺗﺴﺄﻟﻨﻲ ﻋﻦ ﺍﺳﻤﻲ !!
ﻫﻬﻬﻬﻬﻬﻪ ﺻﺪﻕ ﺍﻟﻲ ﻛﺎﻝ ﺍﻟﺪﻧﻴﺎ ﺻﻐﻴﺮﻩ .. ﺍﺗﺨﻴﻠﻮ ﺍﻡ ﻛﺎﻋﺪﻩ ﻛﺪﺍﻡ ﻇﻨﺎﻫﺎ ﻭﻣﺘﻌﺮﻓﻬﺎ .. ﻻ ﻭﺗﺴﺄﻝ ﻉ ﺍﺳﻤﻬﺎ .. ﻓﺮﺿﺎً ﻛﺒﺮﺕ ﻭﻣﻌﺮﻓﺘﻴﻨﻲ ﺍﺣﺴﺎﺱ ﺍﻻﻣﻮﻣﻪ ﺑﺪﺍﺧﻠﺞ ﻣﺘﺤﺮﻙ ﻭﻻ ﺣﺴﺴﺞ ﺑﻴﻪ؟ ! ؟
ﺑﻘﻴﺖ ﺳﺎﻛﺘﻪ ﺑﺲ ﺍﻟﺒﺮﻛﺎﻥ ﺍﻟﻲ ﺑﺪﺍﺧﻠﻲ ﺩﻳﻜﺒﺮ ﻭﻣﺒﻘﻰ ﺷﻲ ﺣﺘﻰ ﻳﻨﻔﺠﺮ !
......
...
ﺍﻳﻨﺎﺱ .. ﺩﺗﺴﻤﻌﻴﻨﻲ؟ !
ﻟﻴﺶ ﻣﺘﺤﺠﻴﻦ .. ﺑﻌﺪﻳﻦ ﻟﻴﺶ ﻣﺘﺮﻓﻌﻴﻦ ﺭﺍﺳﺞ ﻭﺗﺒﺎﻭﻋﻴﻠﻲ .. ﺑﻴﺞ ﺷﻲ ؟ !
ﺩﺍﻟﻴﺎ .. ﺑﺼﻮﺕ ﺣﺎﺩ ﻣﺨﻨﻮﻙ ﺑﺎﻟﻌﺒﺮﻩ .. ﺍﺳﻤﻲ ..
ﺍﻳﻨﺎﺱ .. ﻟﺤﻈﻪ ﻟﺤﻈﻪ .. ﺍﻧﺘﻲ ﻣﻮ ﻧﻔﺴﺞ ﺗﺎﻟﻴﺎ ﺍﻟﻲ ﻛﻨﺘﻲ ﻭﻳﺎ ﺑﺎﻟﻤﻄﻌﻢ ﺻﺤﻴﺢ؟ !!
ﺩﺍﻟﻴﺎ .. ﻛﺎﻥ ﻧﺎﻗﺼﻨﻲ ﺗﺬﻛﺮﻳﻨﻲ ﺑﺄﺳﻮﺀ ﺍﻳﺎﻡ ﺣﻴﺎﺗﻲ .. ﺗﺎﻟﻴﺎ .. ﻛﺎﻳﻠﻠﻬﺎ ﺍﺳﻢ ﺍﺧﺘﻲ؟ !
ﻣﻌﻘﻮﻟﻪ ﻣﺘﻌﺮﻓﺖ ﻉ ﺍﻻﺳﻢ ﻣﺪﺍﺍﺻﺪﻙ ﺍﻛﻮ ﺍﻡ ﻗﺎﺳﻴﻪ ﻟﻬﺪﺭﺟﻪ ﺣﺘﻰ ﻣﻦ ﻳﻤﺮ ﺍﺳﻢ ﻭﺣﺪﻩ ﻣﻦ ﺑﻨﺎﺗﻬﺎ ﻣﺘﻬﺘﺰ .. ﻻ ﻭﺗﻜﻮﻟﻪ ﻭﻫﻲ ﻣﺒﺘﺴﻤﻪ !!
ﺑﺼﻮﺕ ﺟﺎﻣﺪ .. ﺑﻠﻲ ﺍﻧﻲ
ﺍﻳﻨﺎﺱ .. ﺑﺪﺕ ﺗﻨﺰﻋﺞ ﻣﻦ ﺗﺼﺮﻑ ﺩﺍﻟﻴﺎ .. ﻉ ﺑﺎﻟﻬﺎ ﻣﺘﻜﺒﺮﻩ ﻭﻣﺘﺮﻳﺪ ﺗﺤﺠﻲ ﻭﻳﺎﻫﺎ ﺍﻭ ﺗﻜﻮﻟﻠﻬﺎ ﻋﻦ ﺷﻲ ﻣﻦ ﺍﻟﻲ ﺑﻴﻨﻬﺎ ﻭﺑﻴﻦ ﺍﺳﻴﺪ .. ﺑﺼﻮﺕ ﻋﺎﻟﻲ ﻭﺣﺎﺩ ..
ﻟﻤﺎ ﺍﺣﺠﻲ ﻭﻳﺎﺝ ﺍﺭﻓﻌﻲ ﺭﺍﺳﺞ ﻭﺟﺎﻭﺑﻴﻨﻲ ﺍﻧﺘﻲ ﻣﻨﻮ ﺷﺎﻳﻔﻪ ﻧﻔﺴﺞ؟ !!
ﺩﺍﻟﻴﺎ .. ﻋﺼﺒﺖ ﻻﻧﻮ ﻣﺮﻓﻌﺖ ﺭﺍﺳﻲ !!
ﻣﺮﺩﺕ ﺍﻓﺘﺢ ﻉ ﻧﻔﺴﻲ ﺑﺎﺏ ﺑﻤﺎ ﺍﻧﻮ ﻣﺸﺖ ﻋﻠﻴﻬﺎ ﺳﺎﻟﻔﺔ ﺍﻟﻤﻄﻌﻢ ﻭﻣﻌﺮﻓﺘﻨﻲ ﻣﻦ ﺷﺎﻓﺘﻨﻲ ﺑﺎﻟﺒﺎﺏ ﻓﺄﻛﻴﺪ ﻣﺮﺍﺡ ﺗﻌﺮﻓﻨﻲ ﻫﺴﻪ .. ﺑﺲ ﺍﻟﺪﻣﻮﻉ ﺍﻟﻲ ﺑﻌﻴﻮﻧﻲ ﻭﺍﻟﺮﺟﻔﻪ ﺍﺷﻠﻮﻥ ﺍﺧﺒﻴﻬﻢ؟ !
ﺑﺘﺮﺩﺩ ﻭﺧﻮﻑ ﺭﻓﻌﺖ ﺭﺍﺳﻲ ﻭﻛﻠﻲ ﺍﻣﻞ ﻣﺘﻌﺮﻓﻨﻲ .. ﺑﺎﻭﻋﺖ ﺑﻌﻴﻮﻧﻬﺎ ﻭﺑﺼﻮﺕ ﺟﺎﻣﺪ ﻭﻫﺎﺩﺀ ..
_ ﺍﻋﺘﺬﺭ ﻣﻦ ﺣﻈﺮﺗﺞ ﺑﺲ ﺭﺍﺳﻲ ﻳﻮﺟﻌﻨﻲ !
ﺍﻳﻨﺎﺱ .. ﺍﻣﻤﻢ ﺍﻧﻲ ﻭﻳﻦ ﺷﺎﻳﻔﺘﺞ .. ﺩﺍﺍﺣﺴﻦ ﺷﺎﻳﻔﺘﺞ ﻣﻦ ﻗﺒﻞ ﺍﻭ ﺍﻋﺮﻓﺞ !!
ﺩﺍﻟﻴﺎ .. ﺑﻠﻲ ﺗﻌﺮﻓﻴﻨﻲ .. ﺍﺗﺸﺎﻭﻓﻨﺎ ﺑﺎﻟﻤﻄﻌﻢ .
ﺍﻳﻨﺎﺱ .. ﻫﺎﺍﺍ ... ﻻ ﻣﻮ ﻫﺬﻱ .. ﻣﺎ ﺍﻋﺮﻑ ﺑﺲ ﺩﺍﺍﺣﺲ ﺍﻧﻲ ﻣﺸﺒﻬﻪ ﻋﻠﻴﺞ .
ﺩﺍﻟﻴﺎ .. ﻣﺎﺍﻋﺘﻘﺪ ﻻﻧﻮ ﺍﻧﻲ ﻣﺎﺍﻋﺮﻓﺞ ﻟﻼﺳﻒ .
ﺍﻳﻨﺎﺱ .. ﻣﺎﺍﻋﺮﻑ ﻳﻤﻜﻦ ﻣﺸﺘﺒﻬﻪ .
ﺍﻟﻤﻬﻢ .. ﺍﻧﻲ ﻣﺎ ﻋﻨﺪﻱ ﻭﻗﺖ ﺑﺼﺮﺍﺣﻪ ﻭﻗﺘﻲ ﺿﻴﻖ .. ﺑﺲ ﻋﻨﺪﻱ ﻛﻢ ﺳﺆﺍﻝ ﻭﺍﺭﻭﺡ ..
ﺩﺍﻟﻴﺎ .. ﻛﻨﺖ ﺍﺣﺠﻲ ﻭﻳﺎﻫﺎ ﺑﻬﺪﻭﺀ ﻭﺛﺒﺎﺕ ﺑﺲ ﺍﻧﻲ ﻛﻞ ﺫﺭﻩ ﺑﺪﺍﺧﻠﻲ ﺗﺮﺟﻒ .. ﺍﻱ ﺗﻔﻀﻠﻲ ..
ﺍﻳﻨﺎﺱ .. ﺷﻨﻮ ﻋﻼﻗﺘﺞ ﺑﺄﺳﻴﺪ !
ﺩﺍﻟﻴﺎ .. ﺯﻭﺟﻲ !
ﺍﻳﻨﺎﺱ .. ﺷﻨﻮﻭﻭﻭ؟ !!
ﺩﺍﻟﻴﺎ .. ﻣﺜﻞ ﻣﺴﻤﻌﺘﻲ .. ﻟﻮﻳﺶ ﻣﺴﺘﻐﺮﺑﻪ؟ !
ﺍﻳﻨﺎﺱ .. ﻫﻬﻬﻪ ﻻﺍﺍ ﺍﻧﺘﻲ ﺍﻛﻴﺪ ﺩﺗﺘﺸﺎﻗﻴﻦ .. ﺍﺳﻴﺪ ﻳﺘﺰﻭﺝ .. ﻭﺍﻧﺘﻲ ﺯﻭﺟﺘﻪ؟ !!
ﺩﺍﻟﻴﺎ .. ﻣﺪﺍﺍﺗﺸﺎﻗﻪ ﻭﺍﻧﻲ ﺯﻭﺟﺘﻪ .. ﻟﻮﻳﺶ ﻣﺼﺪﻭﻣﻪ ﺷﻨﻮ ﺍﻛﻮ ﺷﻲ ﻣﻌﺎﺟﺒﺞ ﺑﻴﻪ؟ !!
ﺍﻳﻨﺎﺱ .. ﻫﺎﺍ .. ﻣﻮ ﻗﺼﺔ ﻣﻌﺎﺟﺒﻨﻲ ﺑﺲ ﺍﺳﻴﺪ .. ﺍﺳﻴﺪ ..
ﺩﺍﻟﻴﺎ .. ﻋﻨﺪﻩ ﻋﻘﺪﻩ ﻣﻦ ﺍﻟﻨﺴﻮﺍﻥ ﺑﺴﺒﺐ ﺧﻄﻴﺒﺘﻪ ﺍﻟﺴﺎﺑﻘﻪ ﺍﻋﺮﻑ !
ﺍﻳﻨﺎﺱ .. ﺍﻫﺎﺍﺍﺍ .. ﺍﻟﻈﺎﻫﺮ ﺍﺳﻴﺪ ﺣﺎﺟﻴﻠﺞ ﻛﻮﻟﺸﻲ !..
ﺩﺍﻟﻴﺎ .. ﺍﻳﻴﻲ ﺍﻋﺮﻑ ﻛﻮﻟﺸﻲ ﻋﻨﻪ .. ﻭﺍﻋﺮﻑ ﻫﻮﺍﻱ ﺍﺷﻴﺎﺀ ﺛﺎﻧﻴﻪ
......
...
ﺍﻳﻨﺎﺱ .. ﺷﻘﺼﺪﺝ ﺍﺷﻴﺎﺀ ﺛﺎﻧﻴﻪ .. ﻣﺜﻞ ﺷﻨﻮ؟ !!
ﺩﺍﻟﻴﺎ .. ﻛﻨﺖ ﺍﺭﺟﻒ ﻭﺧﺎﻳﻔﻪ ﻭﻣﺘﺮﺩﺩﻩ .. ﺑﺲ ﺷﻲ ﺑﺪﺍﺧﻠﻲ ﻣﺘﺤﻤﻞ ﺑﻌﺪ .. ﻣﺘﺤﻤﻞ ﻛﻌﺪﺗﻬﺎ ﻛﺪﺍﻣﻬﺎ ﻭﺗﺒﺎﻫﻴﻬﺎ ﻭﻛﺄﻧﻪ ﻣﻼﻙ ﻛﺎﻋﺪﻩ ﺗﺤﺠﻴﻠﻲ ﺍﺷﻮﻥ ﺭﺑﺖ ﺍﺑﻦ ﺍﺧﺘﻬﺎ ﻭﻛﺒﺮﺗﻪ .. ﻭﺍﺷﻮﻥ ﺻﺎﺭﺗﻠﻪ ﺍﻡ ﺛﺎﻧﻴﻪ ﻭﻫﻲ ﺷﻤﺮﺗﻨﻲ ﺍﻧﻲ ﻭﺍﺧﺘﻲ ﻟﻠﭽﻼﺏ !
ﺷﻲ ﻏﺼﺒﺎً ﻋﻨﻲ ﻧﻄﻖ .. ﺑﻨﺒﺮﻩ ﺣﺎﺩﻩ ﻭﻫﺎﺩﺋﻪ
_ ﺍﻋﺮﻑ ﻫﻮﺍﺍﺍﻱ ﺍﺷﻴﺎﺀ .. ﻣﺜﻼً ﺍﻋﺮﻑ ﺍﻧﺘﻲ ﻣﺘﺰﻭﺟﻪ ﻗﺒﻞ ﻭﻋﻨﺪﺝ ﺍﻃﻔﺎﻝ ﻫﻢ !
ﺍﻳﻨﺎﺱ .. ﺍﻟﺼﺪﻣﻪ ﺍﻟﻲ ﻉ ﻭﺟﻬﺎ ﻣﺘﻨﻮﺻﻒ ﻭﺍﻟﻤﻼﻣﺢ ﺍﻟﻲ ﺍﻧﺮﺳﻤﺖ ﻋﻠﻴﻬﺎ ﻣﺮﻋﺒﻪ .. ﺑﺼﻮﺕ ﻳﺮﺟﻒ ﻭﺍﻟﻐﺼﻪ ﺑﺤﻨﺠﺮﺗﻬﺎ .. ﺍﻧﺘﻲ ﻣﻨﻮ؟ !!!
ﺩﺍﻟﻴﺎ .. ﻣﻌﺮﻓﺘﻴﻨﻲ؟ !!
ﻣﻌﻘﻮﻟﻪ ﻟﻬﺪﺭﺟﻪ ﻣﻼﻣﺤﻲ ﻣﺬﻛﺮﺗﺞ؟ !
ﺍﻳﻨﺎﺱ .. ﻻﺍﺍ .. ﻻﺍﺍﺍ ﻣﺴﺘﺤﻴﻞ ... ﻣﺴـ .. ﻣﺴـﺘﺤـ ... ـﻴﻞ ... ﻻ .. ﻣﺴﺘﺤﻴﻞ ﻣﺴﺘﺤﻴﻞ .. ﺍﻧـ .. ـﺘﻲ .. ﺍﻧـﺘـ .. ـﻲ .. ﺗﺎ .. ﺗـ .. ﺍﻟﻴـ .. ﺍ؟ !
ﺩﺍﻟﻴﺎ .. ﻫﻪ ﺯﻳﻦ ﺍﺗﺬﻛﺮﺗﻴﻨﻲ .. ﻃﻠﻌﺖ ﺫﺍﻛﺮﺗﺞ ﻗﻮﻳﻪ !
ﺍﻳﻨﺎﺱ .. ﺑﺼﺪﻣﻪ ﻣﺘﻌﺮﻑ ﺷﻨﻮ ﺗﺤﺠﻲ ﺍﻟﻜﻼﻡ ﺣﺸﺮ ﺑﺤﻨﺠﺮﺗﻬﺎ .. ﻛﺎﻣﺖ ﺗﺒﻠﻌﻢ .. ﻛﺎﻧﺖ ﺗﺼﺎﺭﻉ ﺣﺘﻰ ﺗﺘﻨﻔﺲ .. ﻣﺜﻞ ﺍﻟﻲ ﺩﺗﺨﺘﻨﻚ .. ﺍﺷﻠﻮﻥ .. ﻭﺍﺷﻮﻛﺖ .. ﻭﻣﻦ ﻭﻳﻦ ﻋﺮﻓﺘﻲ .. ؟ !!
ﺩﺍﻟﻴﺎ .. ﻫﺎﺍ ﻟﻬﺪﺭﺟﻪ ﺍﻟﺼﺪﻣﻪ ﻗﻮﻳﻪ ﺍﻡ .. ﺍﺣﻤﺪ .. ﻟﻮ ﺗﺤﺒﻴﻦ ﺍﻛﻮﻟﺞ ﺍﻡ ﻃﻴﻒ؟ !!
ﺍﻋﺬﺭﻳﻨﻲ ﻣﺎﺍﻋﺮﻑ ﻣﻨﻮ ﺍﻟﻜﺒﻴﺮ ﻣﻦ ﺍﻭﻻﺩﺝ
ﺍﻳﻨﺎﺱ .. ﺍﻧﺘﻲ ﺍﺷﻠﻮﻥ ﻭﺻﻠﺘﻴﻠﻲ .. ﻭﻣﻨﻮ ﻋﺮﻓﺞ ﺑﻤﻜﺎﻧﻲ؟ !
ﺩﺍﻟﻴﺎ .. ﺍﻟﺤﻘﻴﻘﻪ ﻣﻤﺨﻄﻄﻪ ﺍﺩﻭﺭ ﻋﻠﻴﺞ ﺑﺤﻴﺎﺗﻲ ﻛﻮﻟﻬﺎ ﻻﻧﻮ ﻛﻨﺖ ﺍﻇﻨﺞ ﻣﻴﺘﻪ !
ﻭﻳﺎ ﺭﻳﺘﻨﻲ ﺑﻘﻴﺖ ﻉ ﻫﺬﺍﻙ ﺍﻟﻈﻦ .. ﺑﺲ ﺍﻟﻘﺪﺭ ﻃﻠﻊ ﺍﺑﻦ ﺍﺧﺘﺞ ﺑﻄﺮﻳﻘﻲ ﻭﺑﻌﺪﻳﻦ ﻃﻠﻌﺞ ﺍﻧﺘﻲ ﻛﺪﺍﻣﻲ ﻭﺍﻛﺘﺸﻔﺖ ﺍﻧﺞ ﻋﺎﻳﺸﻪ ﻣﻊ ﺍﻻﺳﻒ !
ﺍﻳﻨﺎﺱ .. ﺑﺪﺍ ﺍﻟﻐﻀﺐ ﻳﺎﺧﺬ ﻣﻜﺎﻥ ﺍﻟﺼﺪﻣﻪ ﻉ ﻣﻼﻣﺤﻬﺎ .. ﺑﺪﺕ ﺍﻋﺼﺎﺑﻬﺎ ﺗﻨﻔﺠﺮ .. ﻛﺎﻣﺖ ﻣﻦ ﻣﻜﺎﻧﻬﺎ ﻭﺑﺼﻮﺕ ﺣﺎﺩ ..
_ ﺍﻧﺘﻲ ﺷﺘﺮﺩﻳﻦ ﺑﺎﻟﻀﺒﻂ ﻭﺷﻌﻨﺪﺝ ﻭﻳﺎ ﺍﺳﻴﺪ؟ !
ﺩﺍﻟﻴﺎ .. ﺍﻧﺘﻲ ﺍﻟﻲ ﺟﺎﻳﻪ ﻟﺒﻴﺘﻲ ﻳﻌﻨﻲ ﺍﻧﻲ ﺍﻟﻲ ﺍﻟﻤﻔﺮﻭﺽ ﺍﺳﺄﻟﺞ ﻫﺬﺍ ﺍﻟﺴﺆﺍﻝ !!
ﺍﻋﺘﻘﺪ ﻛﻠﺘﻠﺞ ﺍﺳﻴﺪ ﺯﻭﺟﻲ .
ﺍﻳﻨﺎﺱ .. ﻫﻬﻬﻬﻪ ﺯﻭﺟﺞ؟ !!
ﺍﺳﻴﺪ ﻳﺒﺎﻭﻉ ﻟﺸﻜﻮﻟﺞ ﺍﺻﻼً ؟ !
ﺍﻟﻈﺎﻫﺮ ﺍﻧﺘﻲ ﻣﺼﺪﻛﻪ ﻧﻔﺴﺞ ﺯﻭﺟﺘﻪ ﻭﻋﺎﻳﺸﻪ ﺍﻟﻠﺤﻈﻪ ﺍﺫﺍ ﺗﺤﺒﻴﻦ ﺍﺫﻛﺮﺝ ﻗﺒﻞ ﻛﻢ ﻳﻮﻡ ﺍﺷﻠﻮﻥ ﻛﻨﺘﻲ ﺟﺜﻪ ﻫﺎﻣﺪﻩ؟ !
ﺩﺍﻟﻴﺎ .. ﺍﻱ ﺍﻧﺰﻋﻲ ﻗﻨﺎﻉ ﺍﻟﻄﻴﺒﻪ ﻭﺍﻃﻠﻌﻲ ﻉ ﺣﻘﻴﻘﺘﺞ .. ﺗﺼﺪﻛﻴﻦ ﻣﻦ ﺯﻣﺎﻥ ﻣﺸﺎﻳﻔﻪ ﻫﺬﺍ ﺍﻟﻮﺟﻪ ﺍﻟﻈﺎﻟﻢ ﻣﻨﺞ .. ﻣﻦ ﻳﻮﻡ ﻣﺎ ﺷﻤﺮﺗﻴﻨﻲ ﺍﻧﻲ ﻭﺍﺧﺘﻲ ﺗﺘﺬﻛﺮﻳﻦ !
ﺍﻳﻨﺎﺱ .. ﺍﻱ ﺍﺗﺬﻛﺮ ﻛﻠﺶ ﺯﻳﻦ ﻭﻣﻨﺴﻴﺖ ﻫﺬﺍﻙ ﺍﻟﻴﻮﻡ ﺍﺑﺪ .. ﺍﻟﻴﻮﻡ ﺍﻟﻲ ﺗﺨﻠﺼﺖ ﺑﺲ ﻣﻨﺠﻦ ﻭﻣﻦ ﻣﺎﺿﻲ ﺍﺑﻮﺟﻦ ﺍﻟﻔﮕﺮ !!
ﺩﺍﻟﻴﺎ .. ﻛﻨﺖ ﺍﺗﻈﺎﻫﺮ ﺑﺎﻟﻘﻮﻩ ﻛﺪﺍﻣﻬﺎ ﺣﺘﻰ ﻟﺘﺸﻮﻓﻨﻲ ﻣﻜﺴﻮﺭﻩ ﻭﻣﺬﻟﻮﻟﻪ .. ﺑﺲ ﻛﻼﻣﻬﺎ ﻧﺎﺭ ﻭﺗﻌﺬﺏ ﺑﺮﻭﺣﻲ .. ﺑﻜﻞ ﺫﺭﺓ ﻗﻮﻩ ﻛﻨﺖ ﻣﺎﻧﻌﻪ ﺍﺩﻣﻮﻋﻲ ﺗﻨﺰﻝ ﻭﺗﺸﻮﻓﻬﺎ .. ﺑﺲ ﻗﻮﺗﻲ ﻛﺪﺍﻡ ﺍﻟﺴﻢ ﺍﻟﻲ ﺩﺗﻜﻮﻟﻪ ﺍﻧﻬﺎﺭﺕ .. ﻧﺰﻟﺖ ﺍﺩﻣﻮﻋﻲ ﻟﺤﺎﻟﻬﺎ ﻭﺍﻟﻜﻼﻡ ﻇﺎﻉ
.......
ﺍﻳﻨﺎﺱ .. ﻟﻮ ﻳﻨﻌﺎﺩ ﻫﺬﺍ ﺍﻟﻴﻮﻡ ﻣﻠﻴﻮﻥ ﻣﺮﻩ ﺭﺍﺡ ﺍﺳﻮﻱ ﻧﻔﺲ ﺍﻟﻲ ﺳﻮﻳﺘﻪ ﻗﺒﻞ 14 ﺳﻨﻪ ﺍﺷﻤﺮﺟﻦ ﻣﺮﻩ ﻭﻣﺮﺗﻴﻦ ﻭﺍﻟﻒ .. ﺍﻧﺘﻦ ﻭﺍﺑﻮﺟﻦ ﻏﻠﻄﺔ ﻋﻤﺮﻱ ﺍﻟﻲ ﻋﺸﺖ ﻛﻞ ﻫﺬﻱ ﺍﻟﺴﻨﻴﻦ ﺩﺍﻓﻨﺘﻬﺎ .. ﻛﻨﺖ ﻣﻔﻜﺮﻩ ﺍﺗﺨﻠﺼﺖ ﻣﻨﻬﺎ ﺑﺲ ﺍﻟﻈﺎﻫﺮ ﺷﺒﺤﻬﺎ ﺭﺟﻊ ﻳﻠﺤﮕﻨﻲ .. ﺑﺲ ﻟﺘﺤﻠﻤﻴﻦ ﻟﺘﺤﻠﻤﻴﻦ ﻣﺠﺮﺩ ﺣﻠﻢ ﺗﻌﻴﺪﻳﻦ ﺍﻟﻤﺎﺿﻲ .. ﺍﻧﻬﻴﺞ ﺍﻧﺘﻲ ﻭﺍﺧﺘﺞ ﺻﺪﻛﻴﻨﻲ ..
ﺩﺍﻟﻴﺎ .. ﻛﻨﺖ ﺍﺳﻤﻌﻬﺎ ﻭﺑﺲ ﺩﻣﻮﻋﻲ ﺗﺠﺮﻱ ﻣﺎﺍﻧﻄﻖ ﻭﻻ ﺣﺮﻑ .. ﺻﺢ ﻛﻨﺖ ﻣﺘﻮﻗﻌﻪ ﺍﻧﻮ ﻣﻤﻜﻦ ﺗﻌﺮﻓﻨﻲ ﺑﺲ ﻣﺘﺨﻴﻠﺖ ﺍﺳﻤﻊ ﻫﺬﺍ ﺍﻟﻜﻼﻡ .. ﻃﻮﻝ ﻋﻤﺮﻱ ﺑﺪﺍﺧﻠﻲ ﻛﻨﺖ ﺍﺧﻠﻖ ﺍﻟﻬﺎ ﻋﺬﺭ ﻭﺍﻛﻮﻝ ﻛﺎﻧﺖ ﻣﺠﺒﻮﺭﻩ ﺗﺴﻮﻱ ﻫﺸﻜﻞ ﻣﻦ ﺍﺗﺨﻠﺖ ﻋﻨﺎ ﻭﻟﻤﺎ ﺭﺍﺡ ﺗﻌﺮﻓﻨﻲ ﻭﺗﻠﻜﺎﻧﻲ ﺭﺍﺡ ﺗﻨﺪﻡ ﻉ ﺍﻟﻲ ﺳﻮﺗﻪ ﻭﺗﻌﺘﺬﺭﻟﻲ .. ﺗﻄﻠﺐ ﺍﻟﺴﻤﺎﺡ ﻭﺍﻟﻌﻔﻮ .. ﺑﺲ ﻳﺎ ﺭﻳﺘﻨﻲ ﺑﻘﻴﺖ ﻋﺎﻳﺸﻪ ﺑﺬﺍﻙ ﺍﻟﻮﻫﻢ ﻭﻣﺴﻤﻌﺖ ﺍﻟﺤﻘﻴﻘﻪ ﺍﻟﻤﺮﻩ !
ﺍﻳﻨﺎﺱ .. ﺿﺤﻜﺘﻲ ﻉ ﺍﺳﻴﺪ ﻭﺧﻠﻴﺘﻲ ﻳﺘﺰﻭﺟﺞ ﻣﻦ ﻛﻞ ﻋﻘﻠﺞ ﺍﺧﻠﻴﺞ ﺗﺪﻣﺮﻳﻨﻪ ﻣﺜﻞ ﻣﺎ ﺳﻮﻩ ﺑﻴﻪ ﺍﺑﻮﺝ؟ !
ﻟﺘﺤﻠﻤﻴﻦ ﺣﻠﻢ ﻳﺒﻘﻴﺞ ﺍﺫﺕ ﻋﺮﻑ ﺣﻘﻴﻘﺘﺞ ﺍﻟﻘﺬﺭﻩ ﺍﻧﺘﻲ ﻭﺍﺑﻮﺝ .. ﺍﺑﻮﺝ ﻫﺬﺍ ﺍﻟﻤﺮﺽ ﻣﺮﺽ ﻧﺨﺮ ﺭﻭﺣﻲ ﻭﺿﻴﻊ ﺷﺒﺎﺑﻲ ﻭﻫﺴﻪ ﺗﺮﺩﻳﻦ ﺗﺪﻣﺮﻳﻦ ﺣﻴﺎﺓ ﺍﺑﻦ ﺍﺧﺘﻲ ﻉ ﺑﺎﻟﺞ ﺭﺍﺡ ﺗﺎﺧﺬﻳﻦ ﺍﻧﺘﻘﺎﻣﺞ ﻣﻨﻲ ﺑﻬﺎﻟﻄﺮﻳﻘﻪ؟ !
ﺻﺪﻛﻴﻨﻲ ﺍﺧﻔﻴﺞ ﻣﻦ ﺍﻟﻮﺟﻮﺩ ﻭﻣﺎ ﺍﺑﻘﻴﻠﺞ ﺍﺛﺮ ﻻ ﺍﻧﺘﻲ ﻭﻻ ﺍﺧﺘﺞ ﺍﻟﺜﺎﻧﻴﻪ .. ﺻﺪﻙ ﻭﻳﻨﻬﺎ ﺍﺷﻮ ﻣﺎﻛﻮ ﻭﻳﺎﺝ .. ﺻﻴﺤﻴﻬﺎ ﻭﻳﻦ ﺿﺎﻣﺘﻪ .. ﻟﻮ ﻫﻢ ﺿﺤﻜﺘﻠﻬﺎ ﻉ ﻭﺍﺣﺪ ﻣﺴﻜﻴﻦ ﻣﺜﻞ ﺍﺑﻦ ﺍﺧﺘﻲ ﻭﺩﺗﻠﻒ ﻋﻠﻴﻪ؟ !
ﺩﺍﻟﻴﺎ .. ﺑﻨﺒﺮﻩ ﻣﺨﻨﻮﻛﻪ ﻭﺩﻣﻮﻉ ﺗﺠﺮﻱ .. ﺗﺎﻟﻴﺎ ﻣﺎﺗﺖ ﺭﻳﺤﻲ ﺑﺎﻟﺞ .. ﺑﺎﻟﻴﻮﻡ ﺍﻟﻲ ﺷﻤﺮﺗﻴﻨﺎ ﺑﻲ ﻣﺎﺗﺖ ﺍﺧﺘﻲ ﻣﻦ ﺍﻟﺒﺮﺩ .
ﺍﻳﻨﺎﺱ .. ﻟﺠﻬﻨﻢ ﻫﻲ ﻭﺍﺑﻮﻫﺎ ﺍﻥ ﺷﺎﺀ ﺍﻟﻠﻪ .
ﺩﺍﻟﻴﺎ .. ﻫﻨﺎﺍ ﺑﻌﺪ ﻣﺘﺤﻤﻠﺖ ﻛﻞ ﺟﺴﻤﻲ ﺍﻧﺘﻔﺾ ﻏﻀﺐ ﻟﻤﺎ ﻛﺎﻟﺖ ﻫﺸﻜﻞ ﻉ ﺍﺧﺘﻲ ﻭﺍﺑﻮﻳﻪ ﺟﺮﻳﺘﻬﺎ ﻣﻦ ﺍﻳﺪﻫﺎ ﺑﻜﻞ ﻗﻮﺗﻲ ﻭﺳﺤﺒﺘﻬﺎ ﻟﻠﺒﺎﺏ .. ﻓﺘﺤﺘﻪ ﻭﺩﻓﻌﺘﻬﺎ ﻛﻞ ﻗﻮﺗﻲ ﺭﺩﺕ ﺍﺳﺪ ﺍﻟﺒﺎﺏ ﺟﺎﻥ ﺗﻠﺰﻣﻨﻲ ﻣﻦ ﺯﻧﺪﻱ ﺑﻘﻮﻩ ﻭﺑﺼﻮﺗﻬﺎ ﺍﻟﻤﺴﻤﻮﻡ ﻛﺎﻟﺘﻠﻲ ..
ﺍﻳﻨﺎﺱ .. ﺭﺍﺡ ﺍﺧﻠﻲ ﻳﺸﻤﺮﺝ ﺑﺎﻟﺸﺎﺭﻉ ﻭﺗﺮﺟﻌﻴﻦ ﻟﻠﻤﻜﺎﻥ ﺍﻟﻲ ﺍﺟﻴﺘﻲ ﻣﻨﻪ .. ﻭﻫﺎﻟﻤﺮﻩ ﺭﺍﺡ ﺍﺗﺄﻛﺪ ﻣﻦ ﻣﻮﺗﺞ ﺑﻨﻔﺴﻲ .. ﺩﻓﻌﺘﻨﻲ ﻭﺭﺍﺣﺖ .. ﺳﺪﻳﺖ ﺍﻟﺒﺎﺏ ﻭﺍﺭﺗﻜﻴﺖ ﻋﻠﻴﻪ ﺧﻠﻴﺖ ﺍﺩﻳﻪ ﻉ ﺃﺭﻛﺒﻲ ﻭﺩﻧﻜﺖ ﺍﺑﺠﻲ ﻭﺍﺷﻬﻚ ﺑﻘﻮﻩ .. ﺑﻘﻮﻩ ﺑﻘﻮﻩ .. ﺣﺴﻴﺖ ﺭﻭﺣﻲ ﺍﺗﺮﻳﺪ ﺗﻄﻠﻊ .. ﺍﺟﺘﻲ ﺍﻡ ﺳﻌﺪ ﺗﺮﻛﺾ ﻣﺘﺪﺭﻱ ﺷﺼﺎﺭ .. ﻣﻦ ﺷﺎﻓﺘﻨﻲ ﺍﺗﺨﺒﻠﺖ .. ﺍﺧﺬﺗﻨﻲ ﻛﻌﺪﺗﻨﻲ ﻭﺟﺎﺑﺘﻠﻲ ﻣﻲ ﻣﻜﺪﺭﺕ ﺍﺷﺮﺑﻪ ﺍﺻﻼً .. ﻋﻔﺘﻬﺎ ﻭﺻﻌﺪﺕ ﻟﻐﺮﻓﺘﻲ ﺭﻛﺾ .. ﺍﺣﺲ ﻧﺎﺭ ﺩﺗﺤﺮﻙ ﺑﻴﻪ ﺣﺮﻙ ﺷﻲ ﺑﺪﺍﺧﻠﻲ ﺩﻳﻐﻠﻲ ﻭﻳﻌﺬﺏ ﺑﺮﻭﺣﻲ ..
ﺩﺧﻠﺖ ﻟﻠﻐﺮﻓﻪ ﻣﺨﻠﻴﺖ ﺷﻲ ﻛﺪﺍﻣﻲ ﻣﻜﺴﺮﺗﻪ ﻛﻞ ﺍﻟﻲ ﺗﺠﻲ ﻋﻴﻨﻲ ﻋﻠﻴﻪ ﻛﺴﺮﺗﻪ .. ﻛﻨﺖ ﺍﺭﻳﺪ ﺍﻃﻔﻲ ﺍﻟﻨﺎﺭ ﺍﻟﻲ ﻣﺸﺘﻌﻠﻪ ﺑﻴﻪ .. ﺍﻟﻮﺟﻊ ﺍﻟﻲ ﺩﻳﮕﻄﻊ ﺑﺮﻭﺣﻲ .. ﺍﻻﻟﻢ ﺍﻟﻲ ﺩﻳﻌﺼﺮ ﺑﮕﻠﺒﻲ .. ﻛﺴﺮﺕ ﻛﻮﻟﺸﻲ ﺍﻟﻐﺮﻓﻪ ﺍﻧﻜﻠﺒﺖ ﺭﺃﺳﺎً ﻋﻠﻰ ﻋﻘﺐ ﺻﺎﺭﺕ ﻫﻮﺳﻪ ﻣﺎ ﺑﻴﻬﺎ ﺷﻲ ﺳﺎﻟﻢ ﻣﺎ ﻋﺪﺍ ﺍﻟﺴﺮﻳﺮ ﻣﻜﺪﺭﺕ ﺍﺣﺮﻛﻪ !!
ﻛﻌﺪﺕ ﺑﺎﻟﺰﺍﻭﻳﻪ ﻣﺎﻟﺖ ﺍﻟﻐﺮﻓﻪ ﻭﻛﻤﺖ ﺍﺷﻬﻚ ﺑﻜﻞ ﻗﻮﺗﻲ ﻭﺍﺑﺠﻲ .. ﺍﺑﺠﻲ ﺑﺤﺮﮔﻪ .. ﺑﺄﻟﻢ .. ﻣﺎ ﺍﺣﺲ ﺍﻻ ﻭﺍﺣﺪ ﻓﺘﺢ ﺍﻟﺒﺎﺏ ﻭﺻﻮﺗﻪ ﺍﻟﻤﺮﻋﺐ ﻫﺰ ﻛﻴﺎﻧﻲ ..
ﺍﺳﻴﺪ .. ﺩﺧﻠﺖ ﻟﻠﺒﻴﺖ ﻓﺎﺭﻍ ﻭﻫﺪﻭﺀ ﻣﺤﺪ ﻣﻮﺟﻮﺩ .. ﺩﺍﺍﺻﻌﺪ ﻓﻮﻙ ﺟﺎﻥ ﺗﻨﺰﻝ ﺍﻡ ﺳﻌﺪ ﺑﺲ ﻣﻼﻣﺢ ﻭﺟﻬﺎ ﻣﺘﻄﻤﻦ .. ﻭﻣﻦ ﺷﺎﻓﺘﻨﻲ ﻣﺜﻞ ﺍﻟﺨﺎﻓﺖ
.......
ﺍﻡ ﺳﻌﺪ .. ﺣﺎﻭﻟﺖ ﺑﻜﻞ ﺍﻟﻄﺮﻕ ﺍﺗﻬﺪﻱ ﺩﺍﻟﻴﺎ ﺑﺲ ﻣﻜﺪﺭﺕ ﺍﻟﺒﻨﻴﻪ ﺍﻧﺠﻨﺖ ﻉ ﺍﻻﺧﺮ .. ﻋﺎﻓﺘﻬﺎ ﻭﻧﺰﻟﺖ ﺷﺎﻓﺖ ﺍﺳﻴﺪ ..
_ ﻫﻼ ﺩﻛﺘﻮﺭ ﺍﺷﻮﻛﺖ ﺍﺟﻴﺖ؟ !
ﺍﺳﻴﺪ .. ﺍﻡ ﺍﺣﻤﺪ ﻭﻳﻨﻬﺎ ﻣﻮ ﻛﺎﻝ ﺭﺟﻠﺞ ﺍﺟﺘﻲ ﻟﻬﻨﺎ؟ !
ﺍﻡ ﺳﻌﺪ .. ﻫﺎﺍ .. ﺍﻱ .. ﺍﺍﻳﻲ .. ﺍﺟﺖ ﻭﺭﺍﺣﺖ .
ﺍﺳﻴﺪ .. ﻭﺩﺍﻟﻴﺎ .. ﺩﺍﻟﻴﺎ ﻭﻳﻨﻬﺎ ؟ !
ﺍﻡ ﺳﻌﺪ .. ﺳﺖ ﺩﺍﻟﻴﺎ ﺑﻐﺮﻓﺘﻬﺎ ﻣﺘﻘﺒﻞ ﺗﻨﺰﻝ .
ﺍﺳﻴﺪ .. ﻣﺎﺷﻲ ﺍﻧﺘﻲ ﺭﻭﺣﻲ ﻟﺒﻴﺘﻜﻢ ﺍﻧﻲ ﻣﻦ ﺍﺣﺘﺎﺟﺞ ﺍﺻﻴﺤﺞ .
ﺍﻡ ﺳﻌﺪ .. ﺍﻱ ﻭﺍﻟﻠﻪ ﺍﺭﻭﺡ ﺍﺣﺴﻦ ﺍﻳﻴﻲ .. ﻣﻊ ﺍﻟﺴﻼﻣﻪ .
ﺭﺍﺣﺖ ﺍﻡ ﺳﻌﺪ ﻭﺍﺳﻴﺪ ﺻﻌﺪ ﻟﻐﺮﻓﺔ ﺩﺍﻟﻴﺎ .. ﺑﺪﻭﻥ ﻣﻴﺪﻙ ﺍﻟﺒﺎﺏ ﻓﺘﺤﻪ ﻭﺟﺎﻥ ﻳﺸﻮﻑ ﺍﻟﻤﻨﻈﺮ ﺍﻟﻔﻀﻴﻊ ﺍﻟﻲ ﻛﺪﺍﻣﻪ .. ﺍﻟﻐﺮﻓﻪ ﻣﻜﻠﻮﺑﻪ ﻛﻼﺏ ﻭﻛﻞ ﺍﻟﻲ ﺑﻴﻬﺎ ﻣﻜﺴﺮ ﻋﺒﺎﺭﻩ ﻋﻦ ﺣﻄﺎﻡ؟ !!
ﺍﺳﻴﺪ .. ﻣﻦ ﺷﻔﺖ ﺍﻟﻐﺮﻓﻪ ﻋﺮﻓﺖ ﺍﻧﻮ ﺍﻟﻲ ﺧﺎﻳﻒ ﻣﻨﻪ ﺻﺎﺭ ﻭ ﺩﺍﻟﻴﺎ ﺍﻟﺘﻘﺖ ﺑﺄﻣﻬﺎ .. ﺣﺴﻴﺖ ﺑﻨﺪﻡ ﻭﻋﺼﺮﻩ ﺑﮕﻠﺒﻲ ﻻﻥ ﻣﻜﺪﺭﺕ ﺍﻭﻓﻲ ﺑﻮﻋﺪﻱ ﺍﻟﻬﺎ .. ﺩﺧﻠﺖ ﻟﻠﻐﺮﻓﻪ ﻟﻜﻴﺘﻬﺎ ﻛﺎﻋﺪﻩ ﺑﺎﻟﺰﺍﻭﻳﻪ ﻣﻜﻮﺭﻩ ﺭﺟﻠﻴﻬﺎ ﻉ ﺻﺪﺭﻫﺎ ﻭﻣﺨﻠﻴﻪ ﺍﻳﺪﻳﻬﺎ ﻉ ﺭﺍﺳﻬﺎ ﻭﺗﻬﺰ ﺑﻨﻔﺴﻬﺎ ﻣﺜﻞ ﺍﻟﻤﺨﺒﻠﻪ !!
ﺍﻟﻤﻨﻈﺮ ﻫﺬﺍ ﻛﺎﻥ ﻛﻔﻴﻞ ﻳﻬﺰ ﻛﻞ ﺫﺭﻩ ﺑﻴﻪ ﺑﺤﻴﺚ ﺟﺴﻤﻲ ﻛﻠﻪ ﺍﻧﺘﻔﺾ ﻭﺭﺟﻒ ﺑﻠﺤﻈﻪ ﻭﺣﺪﻩ .. ﻣﺸﻴﺖ ﺑﺘﺠﺎﻫﺎ ﻛﻌﺪﺕ ﻛﺪﺍﻣﻬﺎ ﻫﻲ ﻭﻻ ﻛﺄﻧﻬﺎ ﺷﺎﻓﺘﻨﻲ ﻛﺎﻧﺖ ﺑﻐﻴﺮ ﻋﺎﻟﻢ ﻭﻫﺎﺩﺋﻪ ﻭﺩﻣﻮﻋﻬﺎ ﺗﺼﺐ .. ﺍﺗﻘﺮﺑﺖ ﻣﻨﻬﺎ ﻣﺪﻳﺖ ﺍﻳﺪﻱ ﻋﻠﻴﻬﺎ .. ﻭﺑﺼﻮﺕ ﻫﺎﺩﺋﻲ ..
_ ﺩﺍﻟﻴﺎ .. ﺩﺍﻟﻴﺎ .. ؟ !
ﺩﺍﻟﻴﺎ .. ﻣﺎﻛﻮ ﻣﻨﻬﺎ ﺍﻱ ﺭﺩ !
ﺍﺳﻴﺪ .. ﺍﻟﺪﻡ ﻳﻤﻜﻦ ﺟﻤﺪ ﺑﺸﺮﺍﻳﻴﻨﻲ ﻣﻦ ﻣﻨﻈﺮﻫﺎ .. ﺭﻭﺣﻲ ﺍﺣﺴﻬﺎ ﺩﺗﺤﺘﺮﻙ .. ﺩﺍﻟﻴﺎ ﺍﺣﺠﻲ ﻭﻳﺎﻱ ﺍﻋﺮﻑ ﺩﺗﺴﻤﻌﻴﻨﻲ ﻟﺘﺴﻮﻳﻦ ﻫﻴﺞ .
ﺩﺍﻟﻴﺎ .. ﺳﺎﻛﺘﻪ ﺑﻼ ﺍﻱ ﻛﻼﻡ
ﺍﺳﻴﺪ .. ﻟﺰﻣﺘﻬﺎ ﻣﻦ ﺍﻳﺪﻳﻬﺎ ﺍﺛﻨﻴﻨﻬﻢ ﺭﻓﻌﺘﻬﺎ ﻭﻛﻤﺖ .. ﻫﺰﻳﺘﻬﺎ ﺣﻴﻞ ..
_ ﺩﺍﺍﺣﺠﻲ ﻭﻳﺎﺝ ﺍﺻﺤﻴﻴﻴﻲ ﺩﺍﻟﻴﺎ .. ﻟﺘﺨﺒﻠﻴﻨﻲ .. ﺩﺍﻟﻴﻴﻴﻴﻴﺎﺍﺍﺍﺍ
ﺩﺍﻟﻴﺎ .. ﺧﻠﺖ ﻋﻴﻨﻬﺎ ﺑﻌﻴﻮﻧﻪ ﻭﺑﺼﻮﺕ ﻣﺨﻨﻮﻙ ﻣﻦ ﺑﻴﻦ ﺍﺩﻣﻮﻋﻬﺎ .. ﻟﻴﺶ ﻫﻴﺞ .. ﻟﻴﺶ ﺧﻠﻴﺘﻬﺎ ﺗﺠﻲ .. ﻣﻮ ﻛﻠﺘﻠﻲ ﻣﺮﺍﺡ ﺗﻌﺮﻑ .. ﻣﻮ ﻛﻠﺘﻠﻲ ﻣﺮﺍﺡ ﺍﺧﻠﻴﻬﺎ ﺗﺸﻮﻓﺞ .. ﻣﻮ ﻭﻋﺪﺗﻨﻲ .. ﻟﻴﻴﻴﻴﻴﺶ ﻫﻴﻴﻴﻴﺞ ﺍﺗﺴﻮﻱ ﺑﻴﻪ ﻟﻴﻴﻴﻴﻴﺶ !
ﺍﺳﻴﺪ .. ﺍﺳﻒ ﻭﺍﻟﻠﻪ ﺍﺳﻒ ﺩﺍﻟﻴﺎ ﻣﺎﺍﺩﺭﻱ ﺑﻴﻬﺎ ﻣﺎﺍ ﺍﺩﺭﻱ ﺑﻴﻬﺎ ﺻﺪﻛﻴﻨﻲ ﻭﺭﻭﺡ ﺍﺑﻮﻳﻪ ﻣﺎﺍﺩﺭﻱ ﺑﻴﻬﺎ ﻣﻦ ﺍﺟﺘﻲ ﻭﻻ ﻋﻨﺪﻱ ﻋﻠﻢ ﺑﺠﻴﺘﻬﺎ .. ﺻﺪﻛﻴﻨﻲ
ﺩﺍﻟﻴﺎ .. ﺻﻮﺗﻬﺎ ﺑﺪﺍ ﻳﻌﻠﻰ ﻭﺷﻬﻜﺎﺗﻬﺎ ﺻﺎﺭﺕ ﺍﻗﻮﻯ .. ﻣﺘﺪﺭﻱ ﺑﻴﻬﺎﺍﺍ .. ﻭﻣﻦ ﺍﺟﺖ ﻭﺷﺎﻓﺘﻨﻲ ﺟﺜﻪ ﻧﺎﻳﻤﻪ ﻫﻢ ﻣﺘﺪﺭﻱ ﺑﻴﻬﺎ .. ﻣﻜﻔﺎﻙ ﺍﻟﻲ ﺳﻮﻳﺘﻪ ﺑﻴﻪ .. ﺍﻏﺘﺼﺒﺘﻨﻲ .. ﺿﺮﺑﺘﻨﻲ .. ﺣﺒﺴﺘﻨﻲ ﻭﺍﺧﺬﺕ ﺣﺮﻳﺘﻲ .. ﻛﻞ ﻫﺬﺍ ﺳﻜﺘﺖ ﻋﻨﻪ ﻭﺗﺤﻤﻠﺘﻪ ﺑﺲ ﺍﻧﺎ ﻣﻜﻔﺎﻙ ﻛﻞ ﻫﺬﺍ ﺧﻠﻴﺘﻬﺎ ﺍﺗﺸﻮﻓﻨﻲ ﺑﺄﺳﻮﺀ ﺣﺎﻻﺗﻲ .. ﺧﻠﻴﺘﻬﺎ ﺗﺘﺸﻔﻰ ﺑﻴﻪ .. ﻛﺴﺮﺗﻨﻲ ﺍﻛﺜﺮ ﻣﺎ ﺍﻧﻲ ﻣﻜﺴﻮﺭﻩ .. ﻟﻴﺶ ﻟﻴﺶ ﺷﻨﻮ ﺳﻮﻳﺘﻠﻚ ﺍﻧﻲ ﺑﺲ ﻓﻬﻤﻨﻲ ﻟﻴﻴﻴﻴﻴﻴﺸﺸﺸﺶ .. ﻛﺎﻧﺖ ﺗﺤﺠﻲ ﺑﺼﻮﺕ ﻋﺎﻟﻲ ﻭﺗﻀﺮﺏ ﻉ ﺻﺪﺭﻩ ﺑﻘﻮﺗﻬﺎ
.........
ﺍﺳﻴﺪ .. ﻛﺎﻥ ﻭﺍﻛﻒ ﻛﺪﺍﻣﻬﺎ ﻭﻳﺘﻠﻘﻰ ﺿﺮﺑﺎﺗﻬﺎ ﺑﻜﻞ ﺭﺣﺎﺑﻪ .. ﻛﺎﻥ ﻣﻨﻄﻴﻬﺎ ﺍﻟﺤﺮﻳﻪ ﺗﺴﻮﻱ ﺍﻟﻲ ﺗﺮﻳﺪﻩ ﻻﻥ ﻳﻌﺮﻓﻬﺎ ﻣﻮ ﺑﻮﻋﻴﻬﺎ ﺗﺤﺖ ﺗﺄﺛﻴﺮ ﺻﺪﻣﻪ .. ﺍﻟﺪﻣﻮﻉ ﺍﺗﺠﻤﻌﺖ ﺑﻌﻴﻨﻪ ﻣﻦ ﻣﻨﻈﺮﻫﺎ .. ﺍﺗﺬﻛﺮﻫﺎ ﻳﻮﻡ ﺍﻟﻲ ﺷﺎﻓﺖ ﺍﻣﻬﺎ ﺍﻭﻝ ﻣﺮﻩ .. ﻛﺎﻧﺖ ﻣﺘﻬﺴﺘﺮﻩ ﺣﻴﻞ ﺑﺲ ﻫﺎﻟﻤﺮﻩ ﻛﺎﻧﺖ ﺍﺿﻌﺎﻑ .. ﺣﺎﻭﻝ ﺑﻜﻞ ﺍﻟﻄﺮﻕ ﻳﺤﻀﻨﻬﺎ ﺑﺲ ﻛﺎﻧﺖ ﺍﺗﺒﻌﺪﻩ ﻋﻨﻬﺎ .. ﻭﺍﺳﺘﻤﺮﺕ ﺗﻀﺮﺑﻪ ﻉ ﺻﺪﺭﻩ ﻭﺗﺼﻴﺢ .. ﺑﺼﻮﺗﻪ ﺍﻟﻤﺨﻨﻮﻙ ﺑﺎﻟﻌﺒﺮﻩ ..
_ ﺍﺳﻒ ﺩﺍﻟﻴﺎ ﺑﺲ ﺍﻫﺪﻱ ﺻﺪﻛﻴﻨﻲ ﺍﺧﺬﻟﺞ ﺣﻘﺞ ﻣﻨﻬﺎ ﺑﺲ ﺍﻫﺪﻳﻴﻴﻲ .. ﺍﻫﺪﻱ ﻭﺧﻠﻲ ﺍﻓﻬﻢ ﺷﺼﺎﺭ ..
ﺩﺍﻟﻴﺎ .. ﻭﻫﻲ ﺗﻀﺮﺏ ﺑﻲ .. ﺍﺳﻒ .. ﺍﺳﻒ .. ﺷﻨﻮ ﺗﺴﻮﻱ ﺍﻻﺳﻒ ﻓﻬﻤﻨﻲ ﺷﻨﻮ ﺗﺴﻮﻳﻴﻲ .. ﻭﻳﻨﻪ ﻭﻋﺪﻙ ﺍﻟﻲ ﻭﻳﻨﻪ .. ﺭﺿﻴﺖ ﺍﺗﺰﻭﺟﻚ ﻭﺍﻋﻴﺶ ﺧﺪﺍﻣﻪ ﺍﻟﻚ ﻭﻟﺮﻏﺒﺎﺗﻚ ﺑﺲ ﺣﺘﻰ ﻣﺎﺍﺷﻮﻓﻬﺎ ﻭﻻ ﺗﻌﺮﻑ ﺑﻴﻪ ﻭﺷﻮﻑ ﺷﻨﻮ ﺳﻮﻳﺖ ﺧﻠﻴﺘﻬﺎ ﺗﺸﻮﻓﻨﻲ ﻭ .. ﻭﻭﻭ .. .. ﺣـ ﺗﻤﻮﺗﻨﻲ .. ﺍﻳﻲ .. ﺍﻱ .. ﻛﺎﻟﺖ ﺣﻤﻮﺗﺞ .. ﻛﺎﻟﺘﻠﻲ ﺭﺍﺡ ﺍﻣﻮﺕ .. ﺭﺍﺡ ﺍﺗﻤﻮﺗﻨﻲ ﻣﺜﻞ ﺗﺎﻟﻴﺎ .. ﻣﺜﻞ ﺗﺎﻟﻴﺎ .. ﺭﺍﺡ ﺍﺗﻤﻮﺗﻨﻴﻴﻴﻲ
ﺍﺳﻴﺪ .. ﻟﺰﻡ ﺍﻳﺪﻳﻬﺎ ﻭﺣﻈﻨﻬﺎ ﺑﻘﻮﻩ .. ﺭﻏﻢ ﻫﻲ ﻛﺎﻧﺖ ﺗﺘﺤﺮﻙ ﻭﺗﻀﺮﺏ ﺑﻲ ﺣﻴﻴﻞ .. ﺑﺼﻮﺕ ﺟﺎﻣﺪ ﻭﻫﺎﺩﺉ .. ﺍﺷﺸﺸﺸﺶ .. ﺍﺷﺸﺸﺸﺸﺶ .. ﺍﻫﺪﻱ .. ﺑﺲ ﺍﻫﺪﻳﻲ .. ﻣﺤﺪ ﻳﻤﺲ ﺷﻌﺮﻩ ﻣﻨﺞ ﺑﺲ ﺍﻫﺪﻳﻴﻴﻴﻴﻴﻴﻴﻴﻲ .. ﺩﺍﻟﻴﺎ .. ﺩﺍﻟﻴﺎ .. ﺩﺍﻟﻴﻴﻴﻴﺎﺍﺍ .. ﺍﻫﺪﻱ ﺍﻧﻲ ﻫﻨﺎﺍ .. ﺍﻧﻲ ﻳﻤﺞ ﺷﻮﻓﻲ ﻫﺬﺍ ﺍﻧﻲ ﻫﻨﺎ ﻫﻨﺎ .. ﺣﻀﻨﻬﺎ ﺑﻘﻮﻩ ﺑﺤﻴﺚ ﺧﻼﻫﺎ ﺗﺜﺒﺖ ﻭﺣﺮﻛﺘﻬﺎ ﻫﺪﺋﺖ .. ﺍﻱ ﺍﻫﺪﻱ ﺍﻫﺪﻱ ...
ﺑﻘﻰ ﺣﺎﺿﻨﻬﺎ ﻓﺘﺮﻩ ﻭ ﻭﺍﻛﻒ ﻣﻴﺤﺮﻙ ﺳﺎﻛﻦ ﺑﺲ ﻳﻬﺪﻱ ﺑﻴﻬﺎ .. ﻫﻲ ﺑﺲ ﺗﺒﺠﻲ ﻭﺗﺸﻬﻚ .. ﺟﺮ ﺍﻟﻤﻮﺑﺎﻳﻞ ﺍﺗﺼﻞ ﻉ ﺍﺑﻮ ﺳﻌﺪ ﻛﺎﻟﻪ ﺩﺯﻟﻲ ﺍﻡ ﺳﻌﺪ ﺑﺴﺮﻋﻪ !!
ﺍﺧﺬ ﺩﺍﻟﻴﺎ ﻭﺩﺍﻫﺎ ﻟﻐﺮﻓﺘﻪ .. ﺧﻼﻫﺎ ﻉ ﺍﻟﺴﺮﻳﺮ ﻛﺎﻧﺖ ﻣﻨﻬﺎﺭﻩ ﻭﻛﻞ ﻗﻮﺗﻬﺎ ﺭﺍﻳﺤﻪ ﺑﺲ ﺧﻠﺖ ﺭﺍﺳﻬﺎ ﻉ ﺍﻟﻤﺨﺪﻩ ﻧﺎﻣﺖ !!
ﺍﺟﺘﻲ ﺍﻡ ﺳﻌﺪ ﻛﺎﻟﻠﻬﺎ ﺗﺒﻘﻴﻦ ﻳﻤﻬﺎ ﻭﻣﺘﺘﺤﺮﻛﻴﻦ ﻣﻦ ﻣﻜﺎﻧﺞ ﻭﺍﻭﻝ ﻣﺘﻜﻌﺪ ﺗﺘﺼﻠﻴﻦ ﺑﻴﻪ !
ﻋﺎﻓﻬﺎ ﻭﻃﻠﻊ ﺑﻮﺟﻬﺎ ﻟﺒﻴﺖ ﺍﻫﻠﻪ ..
ﻃﻮﻝ ﺍﻟﻄﺮﻱ ﻛﺎﻧﺖ ﺍﻟﻨﺎﺭ ﺗﺴﻌﺮ ﺑﺪﺍﺧﻠﻲ .. ﻣﻨﻈﺮﻫﺎ ﻛﺪﺍﻣﻲ ﻭﻫﻲ ﺑﻬﺬﻱ ﺍﻟﺤﺎﻟﻪ ﺧﺒﻠﻨﻲ ، ﺩﻣﺮﻧﻲ ، ﺣﺮﻙ ﺭﻭﺣﻲ .. ﺻﺢ ﺍﻧﻲ ﺳﻮﻳﺖ ﺑﻴﻬﺎ ﺍﺳﻮﺀ ﻣﻦ ﻫﺬﺍ ﺑﺲ ﻓﻜﺮﺓ ﺍﻧﻮ ﺷﺨﺺ ﻏﻴﺮﻱ ﻳﺄﺫﻳﻬﺎ ﺍﻭ ﻳﻤﺲ ﺷﻌﺮﻩ ﻣﻨﻬﺎ ﺗﺨﺒﻠﻨﻲ .. ﺗﺨﻠﻴﻨﻲ ﺍﻓﻘﺪ ﺍﻋﺼﺎﺑﻲ .. ﺍﺣﺴﻬﺎ ﻣﻠﻚ ﺍﻟﻲ ﺍﻧﻲ ﻭﺑﺲ ﺍﻧﻲ ﺑﺲ ﺍﻟﻲ ﻣﻦ ﺣﻘﻲ ﺍﺯﻋﻠﻬﺎ ﺍﺭﺍﺿﻴﻬﺎ ﺍﺑﺠﻴﻬﺎ ﺃﺃﺫﻳﻬﺎ .. ﺍﻧﻲ ﻭﺑﺲ ﺍﻣﺎ ﻏﻴﺮﻱ ﻳﻔﻜﺮ ﻣﺠﺮﺩ ﺗﻔﻜﻴﺮ ﻳﺠﺮﺣﻬﺎ ﺍﻧﻬﻲ ﻣﻦ ﺍﻟﻮﺟﻮﺩ ﻛﺎﺋﻦ ﻣﻦ ﻳﻜﻮﻥ !!
ﻭﺻﻠﺖ ﺍﻟﺒﻴﺖ ﺍﻫﻠﻲ ﻭﺍﻟﺸﻴﺎﻃﻴﻦ ﺗﺘﻄﺎﻓﺮ ﺑﺮﺍﺳﻲ .. ﺍﻭﻝ ﻣﺎ ﺩﺧﻠﺖ ﻟﻜﻴﺖ ﺳﺎﺭﻩ ﺑﻮﺟﻬﻲ .. ( ﻛﻤﻠﺖ (😪 !
ﻋﻔﺘﻬﺎ ﻭﺩﺧﻠﺖ ﺻﺤﺖ ﺍﻡ ﻋﺎﺩﻝ ﺍﺟﺘﻨﻲ ﺗﺮﻛﺾ .. ﻛﻠﺘﻠﻬﺎ ﺍﻣﻲ ﻭﻳﻦ؟ !
ﻛﺎﻟﺖ ﺍﻟﺤﺠﻴﻪ ﻣﻮ ﻫﻨﺎ ﺍﺧﺬﻫﺎ ﺍﺳﺘﺎﺫ ﻛﺮﺍﺭ ﻭﺭﺍﺣﺖ ﻟﻠﺪﻛﺘﻮﺭ ﻋﺪﻫﺎ ﻣﺮﺍﺟﻌﻪ !
_ ﺍﻫﺎﺍﺍ ﻫﺴﻪ ﻋﺮﻓﺖ ﺍﻟﺤﻴﻪ ﺷﻌﺪﻫﺎ ﻫﻨﺎ ﺭﺟﻠﻬﺎ ﺷﻤﺮﻫﺎ ﻫﻨﺎ ﻭ ﺍﺧﺬ ﺍﻣﻲ .. !
_ ﺯﻳﻦ ﺍﻡ ﺍﺣﻤﺪ ﻭﻳﻨﻬﺎ ؟ !
ﺍﻡ ﻋﺎﺩﻝ .. ﺳﺖ ﺍﻳﻨﺎﺱ ﻫﺴﻪ ﺍﺟﺘﻲ ﻗﺒﻞ ﻛﻢ ﺩﻗﻴﻘﻪ ﻭﺻﻌﺪﺕ ﺍﻟﻐﺮﻓﺘﻬﺎ .. ﺍﺫﺍ ﺗﺮﻳـ ...
ﻗﺒﻞ ﻟﺘﻜﻤﻞ ﻛﻼﻣﻬﺎ ﻋﻔﺘﻬﺎ ﻭﺻﻌﺪﺕ ﺑﻮﺟﻬﻲ ﻟﻐﺮﻓﺘﻬﺎ .. ﺣﺘﻰ ﻣﻔﻜﺮﺕ ﺍﺫﺍ ﺭﺟﻠﻬﺎ ﻣﻮﺟﻮﺩ ﻟﻮ ﻻ .. ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻟﻜﻴﺘﻬﺎ ﺑﺲ ﻫﻲ ﻭﺍﻛﻔﻪ ﻉ ﺍﻟﻤﺮﺍﻳﻪ ﺩﺗﻌﺪﻝ ﺑﻨﻔﺴﻬﺎ .. ﻣﻦ ﺷﺎﻓﺘﻨﻲ ﺍﺧﺘﺮﻋﺖ
..... ...
ﺍﻳﻨﺎﺱ .. ﺍﺳﻴﺪ .. ؟ !
ﺧﻴﺮ ﺍﺷﺒﻴﻚ ﺩﺍﺍﺧﻞ ﻫﻴﺞ ﻋﻠﻴﻪ ﻣﺘﻌﺮﻑ ﺍﺗﺪﻙ ﺍﻟﺒﺎﺏ ﻗﺒﻞ ﻟﺘﺪﺧﻞ؟ !
ﺍﺳﻴﺪ .. ﺑﺼﻮﺕ ﻋﺎﺿﺐ ﻭﺍﻟﺸﺮﺭ ﻳﺘﻄﺎﻳﺮ ﻣﻦ ﻋﻴﻮﻧﻪ .. ﺷﻮﺩﺍﺝ ﻟﻠﻤﺰﺭﻋﻪ ؟ !
ﺍﻳﻨﺎﺱ .. ﺍﻱ ﻣﺰﺭﻋﻪ ﺷﺪﺗﺤﺠﻲ ﺍﻧﺖ ؟ !
ﺍﺳﻴﺪ .. ﺑﻼ ﻭﻟﻒ ﻭﺩﻭﺭﺍﻥ .. ﺷﻌﻨﺪﺝ ﺭﺍﻳﺤﻪ ﻟﻠﻤﺰﺭﻋﻪ ﺟﺎﻭﺑﻴﻨﻲ .
ﺍﻳﻨﺎﺱ .. ﺍﻟﻈﺎﻫﺮ ﺣﺒﻴﺒﺔ ﺍﻟﮕﻠﺐ ﻛﺎﻟﺘﻠﻚ .. ﺍﻱ ﻃﺒﻴﻌﻲ ﻣﻮ ﺍﻧﺘﻮ ﻣﺘﻀﻤﻮﻥ ﺷﻲ ﻋﻦ ﺑﻌﺾ ﺣﺘﻰ ﺍﺳﺮﺍﺭﻙ ﻛﻠﻬﺎ ﻋﺪﻫﺎ .
ﺍﺳﻴﺪ .. ﺍﻫﺎﺍﺍ .. ﺍﻓﻬﻢ ﻣﻦ ﻫﺬﺍ ﺣﺠﻴﺘﻲ ﻭﻳﺎﻫﺎ ﻭﺍﻛﻴﺪ ﻋﺮﻓﺘﻴﻬﺎ ﻣﻨﻮ؟ !
ﺍﻳﻨﺎﺱ .. ﺍﺑﻨﻲ ﻫﺬﻱ ﻭﺣﺪﻩ ﻛﺬﺍﺑﻪ ﻭﻧﺼﺎﺑﻪ ﺩﺗﺮﻳﺪ ﺗﻀﺤﻚ ﻋﻠﻴﻚ ﺧﻠﺘﻚ ﺗﺘﺰﻭﺟﻬﺎ ﺣﺘﻰ ﺗﻨﺼﺐ ﻋﻠﻴﻚ ﻭﺗﻠﻔﻴﻬﺎ ﻣﻦ ﺍﻟﺸﻮﺍﺭﻉ ﺍﻟﻲ ﻋﺎﻳﺸﻪ ﺑﻴﻬﺎ .
ﺍﺳﻴﺪ .. ﻧﺼﺎﺑﻪ !!!!!!
ﻻ ﻻ ﻣﻮ ﻣﻌﻘﻮﻟﻪ .. ﻣﻌﻘﻮﻟﻪ ﺍﻧﺘﻲ ﺧﺎﻟﺘﻲ ﺍﻳﻨﺎﺱ ﺍﻟﻲ ﻋﺎﺷﺖ ﻭﻳﺎﻧﺎ ﻛﻞ ﻫﺬﻱ ﺍﻟﺴﻨﻴﻦ .. ﺍﺗﻜﻮﻟﻴﻦ ﻉ ﺑﻨﺘﺞ ﻟﺤﻢ ﺑﻄﻨﺞ ﻧﺼﺎﺑﻪ؟ !!
ﺍﻳﻨﺎﺱ .. ﺍﻱ ﻧﺼﺎﺑﻪ ﻭﻫﺬﻱ ﻣﻮ ﺑﻨﺘﻲ ﺍﻧﻲ ﻣﺎﻋﻨﺪﻱ ﻏﻴﺮ ﺑﺲ ﺍﺣﻤﺪ ﻭﻃﻴﻒ .. ﺍﻱ ﻣﺎﻋﻨﺪﻱ .. ﻣﺎﻋﻨﺪﻱ .
ﺍﺳﻴﺪ .. ﺍﻫﺎﺍ ﻣﺎﻋﻨﺪﺝ ﻏﻴﺮﻫﻢ .. ﻳﻌﻨﻲ ﻗﺒﻞ ﻣﻜﻨﺘﻲ ﻣﺘﺰﻭﺟﻪ ﻣﻦ ﺷﺨﺺ ﺍﺳﻤﻪ ﻧﺰﺍﺭ ﻣﺴﻴﺤﻲ ﺍﺗﻌﺮﻓﺘﻲ ﻋﻠﻴﻪ ﺑﺎﻟﻜﻠﻴﻪ ﻭ ﺗﺰﻭﺟﺘﻮ ﻋﻦ ﺣﺐ ﻭﺑﺪﻭﻥ ﻣﻮﺍﻓﻘﺔ ﺍﻫﻠﺞ ؟
ﻭﻋﻨﺪﺝ ﻣﻨﻪ ﺍﺛﻨﻴﻦ ﺑﻨﺎﺕ ﺩﺍﻟﻴﺎ ﻭﺗﺎﻟﻴﺎ؟ '
ﺍﻳﻨﺎﺱ .. ﺍﻟﺼﺪﻣﺎﺕ ﻛﺜﺮﻥ ﻋﻠﻴﻬﺎ ﺑﺲ ﻣﻜﺎﻧﺖ ﻣﺘﻮﻗﻌﻪ ﺍﻧﻮ ﺍﺳﻴﺪ ﻳﻌﺮﻑ ﻛﻞ ﻫﺬﺍ ﻋﻨﻬﺎ ﻭﻋﻦ ﻣﺎﺿﻴﻬﺎ .. ﺯﻳﻦ ﺍﺷﻠﻮﻥ ﻋﺮﻑ ﻭﻣﻨﻮ ﺍﻟﻲ ﻛﺎﻟﻪ ﻛﻞ ﻫﺬﻱ ﺍﻟﻤﻌﻠﻮﻣﺎﺕ؟ !!
ﺑﺼﻮﺕ ﻳﺮﺟﻒ ﻭﺻﺪﻣﻪ ..
_ ﺍﻧﺖ ﻣﻦ ﻭﻳﻦ ﺗﻌﺮﻑ ﻛﻞ ﻫﺬﺍ ﻭﻣﻨﻮ ﺍﻟﻲ ﻛﺎﻟﻚ ﺑﻬﺬﻱ ﺍﻻﺷﻴﺎﺀ؟ !
ﺍﺳﻴﺪ .. ﻫﻪ ﺷﻨﻮ ﺧﺎﻟﺘﻲ ﺍﻟﻌﺰﻳﺰﻩ ﻧﺴﻴﺘﻲ ﺍﻧﻲ ﺿﺎﺑﻂ ﺑﺎﻟﺠﻴﺶ ﻭﻋﻨﺪﻱ ﻣﻌﺎﺭﻑ؟ !
ﻣﺠﺮﺩ ﺍﻧﻄﻴﺖ ﺍﺳﻤﺞ ﻟﺼﺪﻳﻘﻲ ﺿﺎﺑﻂ ﺍﻻﺳﺘﺨﺒﺎﺭﺍﺕ ﺟﺎﺑﻠﻲ ﻛﻞ ﺍﻟﻤﻌﻠﻮﻣﺎﺕ ﺣﺘﻰ ﺗﺎﺭﻳﺦ ﺯﻭﺍﺟﺞ .
ﺍﻳﻨﺎﺱ .. ﺍﻧﺖ ﻣﺘﻌﺮﻑ ﺑﺸﻨﻮ ﺩﺗﻮﺭﻁ ﺭﻭﺣﻚ ﻫﺬﻱ ﻭﺣﺪ ...
ﺍﺳﻴﺪ .. ﻗﺎﻃﻌﻬﺎ ﺑﺼﻮﺕ ﺣﺎﺩ .. ﻟﺘﺠﻴﺒﻴﻦ ﻃﺎﺭﻳﻬﺎ ﻉ ﺍﻟﻠﺴﺎﻧﺞ ﺍﺻﻼً .. ﻉ ﺍﻻﻗﻞ ﻫﺬﻱ ﺍﻟﻲ ﺩﺗﺤﺠﻴﻦ ﻋﻨﻬﺎ ﻋﺪﻫﺎ ﺍﻧﺴﺎﻧﻴﻪ ﺍﻛﺜﺮ ﻣﻨﺞ ﻣﺎ ﺷﻤﺮﺕ ﺿﻨﺎﻫﺎ ﻭﻫﻨﻪ ﺍﻃﻔﺎﻝ ﺑﺎﻟﺸﺎﺭﻉ .. ﻣﺎﺍﻋﺮﻑ ﺍﺷﻠﻮﻥ ﺍﻟﺞ ﻋﻴﻦ ﺗﺒﺎﻭﻋﻴﻦ ﺑﻌﻴﻨﻬﺎ ﺑﻌﺪ ﻛﻞ ﺍﻟﻲ ﺳﻮﻳﺘﻲ .. ﻻ ﻭﺗﻬﺪﺩﻳﻬﺎ ﺑﻌﺪ .. ﻟﺞ ﺣﺘﻰ ﺍﻟﭽﻠﺒﻪ ﺗﺤﻦ ﻉ ﺍﻃﻔﺎﻟﻬﺎ ﺍﻧﺘﻲ ﺷﻨﻮ ﻣﻦ ﮔﻠﺐ ﻋﻨﺪﺝ !!
ﺍﻳﻨﺎﺱ .. ﺍﻧﺖ .. ﻣﺘﻌﺮﻑ ﺷـ ...
ﺍﺳﻴﺪ .. ﺑﻜﻞ ﻏﻀﺐ ﻭﺑﻨﺒﺮﻩ ﻣﺮﻋﺒﻪ .. ﺍﺳﻤﻌﻴﻨﻲ ﺯﻳﻦ ﻭﺧﻠﻲ ﺍﻟﻜﻼﻡ ﺍﻟﻲ ﺭﺍﺡ ﺍﻛﻮﻟﻪ ﺣﻠﻘﻪ ﺑﺄﺫﻧﺞ .. ﺍﺫﺍ ﻓﻜﺮﺗﻲ ﻣﺠﺮﺩ ﺗﻔﻜﻴﺮ ﺗﺄﺫﻳﻬﺎ ﺣﺘﻰ ﻟﻮ ﺑﻜﻠﻤﻪ ﻟﻮ ﺗﺸﻮﻓﻴﻬﺎ ﺍﻭ ﺗﻜﻠﻤﻴﻬﺎ .. ﻭﺭﻭﺡ ﺍﺑﻮﻳﻪ ﺍﻗﺘﻠﺞ ﺑﺄﺩﻳﻪ ﻫﺎﻱ .. ﻭﺍﺧﻠﻲ ﺟﻬﺎﻟﺞ ﻳﻌﻴﺸﻮﻥ ﻧﻔﺲ ﺍﻟﻤﺼﻴﺮ ﺍﻟﻲ ﻋﻴﺸﺘﻲ ﻟﺪﺍﻟﻴﺎ ﻭﺍﺧﺘﻬﺎ .. ﻭﻫﺬﺍ ﻭﻋﺪ ﻋﻠﻴﻪ .. ﻭﺟﺮﺑﻴﻨﻲ .
ﻋﻔﺘﻬﺎ ﻭﻃﻠﻌﺖ .. ﺩﺍﺍﻧﺰﻝ ﺍﻟﺪﺭﺝ ﻭﺟﺎﻥ ﺍﺷﻮﻑ ﺳﺎﺭﻩ ﺍﻻﻓﻌﻰ ﺩﺧﻠﺖ ﻟﻐﺮﻓﺔ ﺍﻧﻲ !!!
ﺍﺧﺬﺕ ﺍﻟﺴﻮﻳﺞ ﻭﻃﻠﻌﺖ ﻟﻠﻤﺰﺭﻋﻪ ﮔﺒﻞ !
ﻛﻞ ﺍﻟﻜﻼﻡ ﺍﻟﻲ ﺩﺍﺭ ﺑﻴﻦ ﺍﻳﻨﺎﺱ ﻭﺍﺳﻴﺪ ﺍﻛﻮ ﺷﺨﺺ ﺳﻤﻌﻪ ... ﻣﻦ ﺍﻭﻝ ﻣﺎ ﺩﺧﻞ ﺍﺳﻴﺪ ﻟﻠﺒﻴﺖ ﻛﺎﻧﺖ ﻣﺨﻠﻴﻪ ﻋﻴﻨﻬﺎ ﻋﻠﻴﻪ ﻭﺗﺮﺍﻗﺐ ﻛﻞ ﻛﻠﻤﻪ ﻭﻛﻞ ﺣﺮﻛﻪ .. ﺍﻭﻝ ﻣﺎ ﻃﻠﻊ ﺑﺪﺕ ﺧﻄﻄﻬﺎ ﺗﺸﺘﻐﻞ
...
للحكاية بقيه
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء