رواية في أرض الغرام انت دولتي ج2 الجزء العاشر
للكاتبة الأميرة الموسوية
. ......
ﺍﺳﻴﺪ .. ﺷﻔﺖ ﺩﺍﻟﻴﺎ ﻏﺮﻛﺎﻧﻪ ﺑﺪﻣﻬﺎ ﻭﺍﻧﻲ ﻓﻘﺪﺕ ﻋﻘﻠﻲ ﻭﺍﻟﻲ ﺧﺒﻠﻨﻲ ﺍﻛﺜﺮ ﻛﻼﻣﻬﺎ .. ﺗﺼﻴﺢ ﺑﻨﺘﻲ ﺍﺳﻴﺪ ﻟﺘﻤﻮﺕ ﺑﻨﺘﻲ !!!!
ﺑﺪﻭﻥ ﻭﻋﻲ ﺷﻠﺘﻬﺎ ﻫﻲ ﻭﺩﻣﻬﺎ ﺣﺘﻰ ﺣﺠﺎﺏ ﻣﺎﻛﻮ ﻉ ﺭﺍﺳﻬﺎ ﺭﻛﻀﺖ ﺧﻠﻴﺘﻬﺎ ﺑﺎﻟﺴﻴﺎﺭﻩ ﻭﮔﺒﻞ ﻟﻠﻤﺴﺘﺸﻔﻰ ﺑﻜﻞ ﺳﺮﻋﺘﻲ ﻣﺎﺍﺩﺭﻱ ﺑﻨﻔﺴﻲ ﻓﻘﺪﺕ ، ﻣﺎﺍﻋﺮﻑ ﺷﺪﺍﺍﺳﻮﻱ .. ﺑﻘﺖ ﻫﻲ ﺗﺼﻴﺢ ﻭﺗﻌﻴﺪ ﻧﻔﺲ ﺍﻟﻜﻼﻡ ﺑﻨﺘﻲ ﻣﺎ ﺑﻨﺘﻲ .. ﺍﻟﻰ ﺍﻥ ﺍﺧﺘﻔﻰ ﺻﻮﺗﻬﺎ !...
ﺩﺭﺕ ﻭﺟﻬﻲ ﻋﻠﻴﻬﺎ ﻟﻜﻴﺘﻬﺎ ﻧﺎﻳﻤﻪ ﻓﻘﺪﺕ ﺍﻟﻮﻋﻲ !!
ﮔﻠﺒﻲ ﻛﺎﻡ ﻳﺮﺟﻒ ﺑﻘﻮﻩ ﻭﻋﻴﻮﻧﻲ ﺗﺮﻳﺪ ﺗﻄﻠﻊ ﻣﻦ ﻣﻜﺎﻧﻬﺎ ﺗﺮﻳﺪ ﺍﺗﺒﺎﻭﻉ ﺑﻮﺟﻬﺎ ﺗﺘﻔﺤﺼﻬﺎ ، ﺗﻌﺮﻑ ﺍﺷﺒﻴﻬﺎ .. ﺑﺼﻮﺕ ﻋﺎﻟﻲ ﺻﺤﺖ ﻋﻠﻴﻬﺎ ﺩﺍﻟﻴﻴﺎﺍﺍﺍ .. ﺩﺍﻟﻴﻴﻴﻴﻴﺎﺍﺍﺍﺍ .. ﺍﺗﺴﻤﻌﻴﻨﻲ .. ﺩﺍﻟﻴﻴﻴﻴﺎﺍﺍﺍﺍﺍﺍ ﻟﺞ ﺍﺣﺠﻲ ﻭﻳﺎﻱ ﺩﺍﻟﻴﺎﺍﺍﺍﺍﺍﺍ .. ﺍﺭﻳﺪﻫﺎ ﺑﺲ ﺗﺠﺎﻭﺑﻨﻲ ﻣﺎﻛﻮ !!
ﺯﺩﺕ ﺍﻟﺴﺮﻋﻪ ﺍﻛﺜﺮ ﺑﺲ ﺍﻧﻲ ﻛﻞ ﻋﻘﻞ ﻣﺎ ﺑﻘﻰ ﺑﺮﺍﺳﻲ ﺍﺣﺲ ﺭﻭﺣﻲ ﻃﻠﻌﺖ ﻣﻨﻲ ﺑﺲ ﺟﺴﺪ ﺩﻳﺘﺤﺮﻙ .. ﻣﺎﺍﺩﺭﻱ ﺍﺷﻠﻮﻥ ﻭﺻﻠﺖ ﻟﻠﻤﺴﺘﺸﻔﻰ .. ﮔﺒﻞ ﻟﻠﻄﻮﺍﺭﺉ ﻧﺰﻟﺖ ﻭﺑﺴﺮﻋﻪ ﻧﺰﻟﺘﻬﺎ ﻣﻦ ﺍﻟﺴﻴﺎﺭﻩ ﻣﻦ ﺷﺎﻓﻮﻧﻲ ﺍﻟﻤﺴﻌﻔﻴﻦ ﺍﺟﻮﻱ ﻳﺮﻛﻀﻮﻥ ﺧﻠﻴﺘﻬﺎ ﻉ ﺍﻟﺴﺪﻳﻪ ﺑﺲ ﺍﻧﻲ ﻣﺎﺍﺩﺭﻱ ﺑﻨﻔﺴﻲ ﺷﺪﺍﺳﻮﻱ ﻭﻻ ﺍﺳﻤﻌﻬﻢ ﺍﺻﻼً ﺷﺪﻳﺤﺠﻮﻥ ﺑﺤﻴﺚ ﺳﺄﻟﻮﻧﻲ ﻋﻦ ﺣﺎﻟﺘﻬﺎ ﻭﺷﺼﺎﻳﺮﻟﻬﺎ ﻭﺍﻧﻲ ﻣﺎﺍﺟﺎﻭﺏ ﺍﺗﺨﻮﺭﺳﺖ .. ﻣﻜﻠﺖ ﺷﻲ ﻏﻴﺮ ﺍﻧﻄﻴﺘﻬﻢ ﺍﺳﻤﻬﺎ ﻭﺑﺲ !
ﺍﻟﻤﻬﻢ ..
ﺍﺧﺬﻭﻫﺎ ﻣﻨﻲ ﻭﺭﺍﺣﻮ ﻭﺍﻧﻲ ﺟﺎﻣﺪ ﺑﻤﻜﺎﻧﻲ ﺑﺲ ﺍﺑﺎﻭﻉ ﻋﻠﻴﻬﺎ ﺍﺷﻠﻮﻥ ﺩﺗﺮﻭﺡ ﻣﻦ ﺑﻴﻦ ﺍﺩﻳﻪ ﻭﺍﻧﻲ ﻣﺎﺍﺣﺮﻙ ﺳﺎﻛﻦ !
ﺭﺟﻠﻴﻪ ﺍﺣﺴﻬﺎ ﺛﮕﻠﺖ ﻣﺎﺍﻛﺪﺭ ﺍﻭﻛﻒ ﻋﻠﻴﻬﻢ ، ﺑﺨﻄﻮﺍﺕ ﻣﺘﺜﺎﻗﻠﻪ ﻣﺸﻴﺖ ﻛﻌﺪ ﻉ ﺍﻟﻜﺮﺳﻲ ﺑﺎﻟﻄﻮﺍﺭﺉ .. ﻛﻌﺪﺕ ﻭﺍﻻﻓﻜﺎﺭ ﺑﺪﺕ ﺗﻐﺰﻭ ﻋﻘﻠﻲ ...
ﻣﻌﻘﻮﻟﻪ ﺩﺍﻟﻴﺎ؟ !
ﺍﺷﻮﻛﺖ .. ﻭﻟﻴﺶ ﻣﻜﺎﻟﺘﻠﻲ؟ !
ﺯﻳﻦ ﺷﻌﺮﻓﻬﺎ ﺟﻨﺲ ﺍﻟﺠﻨﻴﻦ ﺑﻨﺖ ﻭﺗﺼﻴﺢ ﺑﻨﺘﻲ؟ !!
ﺍﻛﻴﺪ ﺻﺎﺭﻟﻬﺎ ﻫﻮﺍﻳﻲ ﺣﺎﻣﻞ ﻭﻣﻜﺎﻳﻠﺘﻠﻲ .. ﺑﺲ ﺍﻟﻲ ﺻﺎﺭ ﺑﻴﻨﺎ ﻣﻦ ﻓﺘﺮﻩ ﻗﻠﻴﻠﻪ ﻣﻴﺘﻌﺪﻯ ﺷﻬﺮﻳﻦ 3 .. ﺍﺷﻮﻛﺖ ﻟﺤﻜﺖ ﺗﻌﺮﻑ ﺑﻴﻬﺎ ﺑﻨﺖ؟ !
ﻣﻌﻘﻮﻟﻪ ﻣﻦ ﺍﺗﻘﺮﺑﺘﻠﻬﺎ ﻏﺼﺒﺎً ﻋﻨﻬﺎ؟ !!!!
ﺯﻳﻦ ﺳﺎﺭﻩ ﺷﻨﻮ ﻛﺎﻟﺘﻠﻬﺎ .. ﺷﻨﻮ ﺳﻮﺗﻠﻬﺎ ﺣﺘﻰ ﺻﺎﺭ ﻋﺪﻫﺎ ﻧﺰﻳﻒ؟ !!
ﻣﻌﻘﻮﻟﻪ ﺍﺗﻜﻮﻥ ﺿﺮﺑﺘﻬﺎ .. ﺍﻱ ﺍﻛﻴﺪ ﻭﺍﻻ ﻟﻴﺶ ﺻﺎﺭ ﺑﻴﻬﺎ ﻫﻴﺞ ﻭﻧﺰﻓﺖ .. ﺍﻛﻴﺪ ﺍﺫﺗﻬﺎ ... ﺍﻭﻭﻭﻭﻭﻭﻳﻠﻲ ﺳﺎﺭﻩ ﺍﺫﺍ ﺍﻟﺰﻣﺞ .. ﺧﻠﻲ ﻳﺼﻴﺮ ﺑﻴﻬﺎ ﺷﻲ ﻣﺤﺪ ﻳﺨﻠﺼﺞ ﻣﻨﻲ ﻏﻴﺮ ﺑﻌﺪ ﻣﺎﺍﺧﺬ ﺭﻭﺣﺞ .. ﺍﺻﺒﺮﻳﻠﻲ ﺍﻧﻲ ﺍﻋﻠﻤﺞ .
ﺑﻌﺪﻧﻲ ﺩﺍﺍﻓﻜﺮ ﻭﺍﺣﺠﻲ ﻭﻳﺎ ﻧﻔﺴﻲ ﭼﺎﻥ ﺍﺳﻤﻊ ﻭﺍﺣﺪ ﻳﺼﻴﺢ ﻣﻨﻮ ﺍﻟﻲ ﻭﻳﺎ ﺍﻟﻤﺮﻳﻀﻪ ﺩﺍﻟﻴﺎ ﻧﺰﺍﺭ ... ؟ !!!!
ﺑﺲ ﺳﻤﻌﺖ ﺍﺳﻤﻬﺎ ﻓﺰﻳﺖ .. ﻛﻤﺖ ﺑﺴﺮﻋﻪ ﻛﻠﺘﻠﻬﻢ ﺍﻧﻲ .. ﺍﻧﻲ ﺯﻭﺟﻬﺎ .
ﭼﺎﻥ ﻳﻜﻮﻝ ﺍﻟﻤﺮﻳﻀﻪ ﻣﺤﺘﺎﺟﻪ ﺩﻡ ﻭﺣﺎﻻً ﻻﻧﻮ ﻋﺪﻫﺎ ﻧﺰﻳﻒ !!
ﺍﻧﻲ ﻣﺮﺗﺒﻚ ﻭﻓﻜﺮﻱ ﻣﺘﺸﺘﺖ ﻣﺎﺍﻋﺮﻑ ﺷﻨﻮ ﺍﻟﻲ ﺻﺎﺭ ﺯﻳﻦ ﺍﻟﻄﻔﻞ .. ﺍﻟﻄﻔﻞ ﺷﻨﻮ ﻣﺎﺕ .. ﺃﺳﺄﻝ ﻋﻠﻴﻪ ﺑﺲ ﻻﺍﺍ ﻻﺍ ﺍﺧﺎﻑ ﻳﻜﻮﻟﻮﻥ ﻣﺎﺕ .... ﻻ ﻣﻴﻤﻮﺕ .. ﻣﻴﻤﻮﺕ ﻻﺍﺍ .. ﺑﻘﻴﺖ ﺻﺎﻓﻦ ﺑﻮﺟﻪ ﺍﻟﻤﻤﺮﺽ ﻭﻫﻮ ﻳﺤﺠﻲ ﻭﻳﺎﻱ .. ﭼﺎﻥ ﻳﻌﻴﻂ ﺑﻮﺟﻬﻲ ﺍﺧﻴﻴﻴﻲ ﺩﺗﺴﻤﻌﻨﻲ ﺩﺍﺍﻛﻮﻟﻚ ﺍﻧﺮﻳﺪ ﺩﻡ ﻭﺍﻻ ﺭﺍﺡ ﻧﻔﻘﺪ ﺍﻟﻤﺮﻳﻀﻪ !
ﻣﻦ ﻛﺎﻝ ﻫﺬﺍ ﺍﻟﻜﻼﻡ ﺍﺣﺲ ﻭﺍﺣﺪ ﺧﻤﺶ ﮔﻠﺒﻲ ﻣﻦ ﺻﺪﺭﻱ .. ﺭﺟﻌﺖ ﺍﻟﻮﻋﻴﻲ ﻭﻛﻠﺘﻠﻪ ﺑﺼﻮﺕ ﺟﺎﻣﺪ ..
_ ﺷﻨﻮ ﺯﻣﺮﺓ ﺩﻣﻬﺎ .. ؟ !
ﺍﻟﻤﻤﺮﺽ .. AB+
ﺍﺳﻴﺪ .. ﺍﻧﻲ ﻓﺼﻴﻠﺘﻲ O+ ﻳﻌﻨﻲ ﻳﺼﻴﺮ ﺍﻧﻄﻴﻬﺎ
.......
........
ﺍﻟﻤﻤﺮﺽ .. ﺍﻣﺸﻲ ﻭﻳﺎﻱ ﺍﻧﺴﻮﻳﻠﻚ ﻓﺤﺺ ﺳﺮﻳﻊ ﻭﺍﻧﺸﻮﻑ ﺍﺫﺍ ﺩﻣﻚ ﻳﺘﻮﺍﻓﻖ ﺍﻭ ﻻ .
ﺍﺳﻴﺪ .. ﺍﺧﺬﻧﻲ ﻭﺭﺣﻨﺎ ﺳﻮﻭﻟﻲ ﻓﺤﻮﺻﺎﺕ ﻉ ﺍﻟﺴﺮﻳﻊ ﻭﺍﺧﺬﻭ ﻣﻨﻲ ﺑﻄﻠﻴﻦ ﺩﻡ ﻛﺎﻟﻮ ﺑﺲ ﺍﺛﻨﻴﻦ ﻻﻥ ﻣﺤﺘﺎﺟﻴﻦ ﺣﺎﻟﻴﺎً ﻭﺍﺫﺍ ﺭﺩﻧﺎ ﺑﻌﺪ ﻋﻮﺩ ﻧﻄﻠﺐ ﻣﻦ ﻣﺼﺮﻑ ﺍﻟﺪﻡ ﻣﻤﺴﺘﻌﺠﻠﻴﻦ ﻋﻠﻴﻬﻢ .
ﺍﺧﺬ ﺍﻟﺪﻡ ﻭﺭﺍﺡ ﻭﺍﻧﻲ ﺑﻘﻴﺖ ﺍﻧﺘﻈﺮ ﺑﺎﻟﺮﺩﻫﻪ ﺑﺲ ﺍﺣﺲ ﺍﻟﺪﻧﻴﺎ ﺩﺗﻔﺘﺮ ﺑﻴﻪ .. ﻭﺩﻣﻲ ﻳﻐﻠﻲ ﻣﺜﻞ ﺍﻟﺒﺮﻛﺎﻥ ﺍﺭﻳﺪ ﺍﻋﺮﻑ ﺷﻨﻮ ﺍﻟﻲ ﻛﺎﻟﺘﻪ ﺍﻟﺤﻘﻴﺮﻩ ﺳﺎﺭﻩ ﺍﻟﻬﺎ ﺑﺤﻴﺚ ﺧﻠﺘﻬﺎ ﺗﻮﺻﻞ ﻟﻬﻠﺤﺎﻟﻪ .. ﻳﻌﻨﻲ ﺣﺘﻰ ﺍﺫﺍ ﻋﺮﻓﺖ ﺑﻴﻪ ﻣﺘﺰﻭﺝ ﻣﻤﻌﻘﻮﻟﻪ ﺗﻐﺎﺭ ﻋﻠﻴﻪ ﻭﺗﻮﺻﻞ ﺑﻴﻬﺎ ﺍﻟﺤﺎﻟﻪ ﺍﻧﻮ ﻣﻤﻜﻦ ﺗﺴﻘﻂ ﻃﻔﻠﻬﺎ ﺑﺴﺒﺐ ﺍﻟﻐﻴﺮﻩ !
ﻃﺮﺩﺕ ﺍﻻﻓﻜﺎﺭ ﻣﻦ ﺭﺍﺳﻲ ﺑﺲ ﺍﻟﻐﻀﺐ ﻣﻴﺮﻭﺡ ﻣﺴﻴﻄﺮ ﻋﻠﻴﻪ .. ﻣﺮﺕ ﺳﺎﻋﻪ ﺗﻘﺮﻳﺒﺎً ﻭﻣﺎﻛﻮ ﺧﺒﺮ ﻣﻨﻬﺎ ﻭﻻ ﺍﺣﺪ ﻃﻠﻊ !
ﻭﺍﻧﻲ ﻛﺎﻋﺪ ﻋﻠﻰ ﻧﺎﺭ ﺍﺣﺘﺮﻙ ﻣﺎﺍﻋﺮﻑ ﺷﺒﻴﻬﺎ ﺷﺼﺎﺭﻟﻬﺎ .. ﺧﻠﺺ ﺻﺒﺮﻱ ﻛﻤﺖ ﺍﺷﻮﻑ ﺷﻜﻮ ﺃﺳﺄﻝ ﺍﺷﻠﻮﻥ ﺻﺎﺭﺕ ﺣﺎﻟﺘﻬﺎ ﭼﺎﻥ ﻳﻄﻠﻊ ﺍﻟﻤﻤﺮﺽ ﻧﻔﺴﻪ ﺑﻮﺟﻬﻲ .. ﻛﺎﻟﻲ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺔ ﺍﻟﻤﺪﺍﻡ ﻭﺿﻌﻬﺎ ﺍﺳﺘﻘﺮ ﻭﺯﺍﻝ ﺍﻟﺨﻄﺮ ﺍﻟﺸﻜﺮ ﻟﻠﻪ !
ﻣﺎ ﺍﻛﺪﺭ ﺍﻭﺻﻒ ﺍﻻﺣﺴﺎﺱ ﺍﻟﻲ ﺣﺴﻴﺘﻪ ﺑﻮﻗﺘﻬﺎ ﻉ ﺑﺎﻟﻚ ﺍﺷﻠﻮﻥ ﺍﻟﻲ ﺩﺍﺍﺣﺘﺮﻙ ﺑﻨﺎﺭ ﺗﺴﻌﺮ ﺑﻴﻪ ﻭ ﻭﺍﺣﺪ ﺍﺟﻪ ﻃﻔﺎﻧﻲ !
ﺟﺮﻳﺖ ﻧﻔﺲ ﻭﻛﻌﺪﺕ ﻉ ﺍﻟﻜﺮﺳﻲ ﺍﺣﺲ ﺍﻃﺮﺍﻓﻲ ﺍﺭﺗﺨﺖ .. ﺑﺲ ﺑﻘﻰ ﺳﺆﺍﻝ ﻳﺪﻭﺭ ﺍﺑﺎﻟﻲ .. ﺍﻟﻄﻔﻞ ﻣﺎ ﺟﺎﺏ ﺳﻴﺮﺗﻪ !!!!
ﻣﻌﻘﻮﻟﻪ ﺻﺎﺭﻟﻪ ﺷﻲ؟ !!
ﺣﺎﻭﻟﺖ ﺍﺑﻌﺪ ﻫﺎﻟﻔﻜﺮﻩ ﻣﻦ ﺑﺎﻟﻲ ﻭﺣﺎﻭﻟﺖ ﺍﺳﺄﻝ ﺍﻟﻲ ﻛﺪﺍﻣﻲ ﺑﺲ ﺍﺣﺲ ﺍﻟﻠﺴﺎﻧﻲ ﺍﻧﻌﻜﺪ .. ﺧﻔﺖ ﻣﻦ ﺍﻟﺠﻮﺍﺏ ﺍﻟﻲ ﺭﺍﺡ ﺍﺳﻤﻌﻪ !
ﻛﺎﻟﻲ ﺑﺲ ﻳﻨﻘﻠﻮﻫﺎ ﻟﻐﺮﻓﻪ ﺧﺎﺻﻪ ﺗﻜﺪﺭ ﺍﺗﺸﻮﻓﻬﺎ .. ﻋﺎﻓﻨﻲ ﻭﺭﺍﺡ .. ﺍﺷﻮﻳﻪ ﻭﻃﻠﻌﺖ ﺩﺍﻟﻴﺎ ﻣﻦ ﺍﻟﻄﻮﺍﺭﺉ ﻧﺎﻳﻤﻪ ﻉ ﺍﻟﺴﺪﻳﻪ ﻭﻣﻐﻤﻀﻪ ﻋﻴﻮﻧﻬﺎ !!
ﺭﺣﺖ ﻭﺭﺍﻫﻢ ﻟﻠﻐﺮﻓﻪ ﺍﻟﻲ ﻧﻘﻠﻮﻫﺎ ﺑﻴﻬﺎ ﻣﺤﺪ ﺑﻴﻬﺎ ﺑﺲ ﻫﻲ .. ﺑﻘﻴﺖ ﻛﺎﻋﺪ ﻳﻤﻬﺎ ﻭﺍﻧﺘﻈﺮﻫﺎ ﺗﺼﺤﻰ ﺣﺘﻰ ﺍﺗﻄﻤﻦ ﻋﻠﻴﻬﺎ ﻭ ... ﻉ ﺍﻟﻲ ﺍﺑﻄﻨﻬﺎ .. ﺑﺲ ﻣﻜﻌﺪﺕ ﻣﺎﺍﻋﺮﻑ ﺍﻟﻈﺎﻫﺮ ﺗﻌﺒﺎﻧﻪ ﻣﻦ ﺍﻟﻲ ﺻﺎﺭ .. ﻋﻔﺘﻬﺎ ﻭﻃﻠﻌﺖ ﺧﺎﺑﺮﺕ ﻋﻠﻰ ﻋﻠﻲ ﻛﻠﺘﻠﻪ ﺗﺠﻴﺐ ﻣﺮﺗﻚ ﻭﺗﺠﻴﻨﻲ ﻟﻠﻤﺴﺘﺸﻔﻰ ﺍﻟﻔﻼﻧﻲ .. ﺑﻘﻰ ﻳﺴﺄﻝ ﻭﻳﺤﻘﻖ ﻛﻠﺘﻠﻪ ﺩﺍﻟﻴﺎ ﺍﺗﺨﺮﺑﻄﺖ ﻭﺟﺒﺘﻬﺎ ، ﻭﻫﺴﻪ ﻋﻨﺪﻱ ﺷﻐﻠﻪ ﺿﺮﻭﺭﻳﻪ ﻭﻣﺎﺍﻛﺪﺭ ﺍﻋﻮﻓﻬﺎ ﻭﺣﺪﻫﺎ !..
ﻛﺎﻟﻲ ﻣﺴﺎﻓﺔ ﺍﻟﻄﺮﻳﻖ ﺍﻧﻲ ﻳﻤﻚ .. ﻛﻌﺪﺕ ﺍﻧﺘﻈﺮ ﻣﺪﺧﻠﺘﻠﻬﺎ ﺑﻌﺪ ﻻﻥ ﺷﻜﻴﺖ ﺑﻴﻬﺎ ﻫﻲ ﻛﺎﻋﺪﻩ ﺑﺲ ﻣﺘﺮﻳﺪ ﺗﺤﺠﻲ ﻭﻳﺎﻱ ﻭﺩﺗﺘﻈﺎﻫﺮ ﺍﻧﻬﺎ ﻧﺎﻳﻤﻪ .
ﺻﺪﻙ ﺍﺷﻮﻳﻪ ﻭﺍﺟﺎﻧﺐ ﻋﻠﻲ ﻫﻮ ﻭ ﻣﺮﺗﻪ ﺍﻡ ﺍﻟﻠﺴﺎﻥ ..
ﺳﻠﻤﻰ .. ﺑﺼﻮﺕ ﺣﺎﺩ ﻭﻋﺼﺒﻴﻪ .. ﺷﺴﻮﻳﺘﻠﻬﺎ .. ﻫﺎﺍﺍﺍ ﻛﻮﻟﻲ ﺍﺷﺴﻮﻳﺘﻠﻬﺎ ﺍﻟﺒﺎﺭﺣﻪ ﺍﻧﻲ ﻳﻤﻬﺎ ﻛﻮﻟﺸﻲ ﻣﺎ ﺑﻴﻬﺎ ﻣﺜﻞ ﺍﻟﻮﺭﺩﻩ ﺷﺴﻮﻳﺘﻠﻬﺎ ؟ !!
ﺍﺳﻴﺪ .. ﺳﺎﻛﺖ ﻭﻣﻤﻌﺒﺮﻫﺎ ﺍﺻﻼً ﻻﻥ ﺍﻟﻲ ﺷﺎﻏﻠﻪ ﺍﻛﺒﺮ ﻣﻦ ﺳﻠﻤﻰ ﻭﻟﻐﻮﺗﻬﺎ .
ﻋﻠﻲ .. ﺳﻠﻤﻰ ﺍﻫﺪﻱ ﺷﻨﻮ ﻫﺬﺍ ﺍﻟﻜﻼﻡ ﺧﻠﻲ ﻧﻔﺘﻬﻢ ﺷﺼﺎﻳﺮ .
ﺳﻠﻤﻰ .. ﻟﺘﻜﻮﻟﻲ ﺍﻫﺪﻱ ﻋﻠﻲ ﻭﻟﺘﺪﺍﻓﻊ ﻋﻨﻪ ﺍﻧﺖ ﺗﻌﺮﻑ ﻛﻮﻟﺶ ﺯﻳﻦ ﺷﻨﻮ ﻫﺬﺍ ﻭﺷﻠﻮﻥ ﻳﺘﻌﺎﻣﻞ ﻭﻳﺎ ﺍﻟﻨﺎﺱ ﺍﻛﻴﺪ ﺿﺮﺑﻬﺎ ﻟﻮ ﺍﺫﺍﻫﺎ ﻭﺍﻟﺒﻨﻴﻪ ﻣﺘﺤﻤﻠﺖ .. ﺑﺲ ﻭﺍﻟﺮﺏ ﻳﺎ ﺍﺳﻴﺪ ﺍﺫﺍ ﺻﺎﺭ ﺑﺪﺍﻟﻴﺎ ﻟﻮ ﺑﺄﺑﻨﻬﺎ ﺷﻲ ﻣﺤﺪ ﻳﺨﻠﺼﻚ ﻣﻨﻲ ﺍﻛﻠﻚ ﺑﺴﻨﻮﻧﻲ .
ﺍﺳﻴﺪ .. ﻋﻠﻲ ﺍﻧﻲ ﺭﺍﻳﺢ ﺧﻠﻴﻚ ﻳﻤﻬﺎ ﻭﻟﺘﻌﻮﻓﻬﺎ ﺍﺑﺪ ﻭﺍﻱ ﺷﻲ ﻳﺼﻴﺮ ﺑﻠﻐﻨﻲ .
ﻋﻠﻲ .. ﻣﺎﺷﻲ ﺭﻭﺡ ﺍﻧﺖ ﻭﻟﻴﻈﻞ ﺑﺎﻟﻚ ﺍﻧﻲ ﻫﻨﺎ ﻭﺍﻥ ﺷﺎﺀ ﺍﻟﻠﻪ ﻣﺎﻛﻮ ﺷﻲ .
......
ﺍﺳﻴﺪ .. ﻋﻔﺘﻬﻢ ﻭﻃﻠﻌﺖ ﺑﺲ ﺍﻧﻲ ﺭﻭﺣﻲ ﺩﺗﺤﺘﺮﻙ ﻭﺍﻟﺸﻴﺎﻃﻴﻦ ﺗﺘﻨﻄﻂ ﻛﺪﺍﻣﻲ ﻣﺎﺍﺷﻮﻑ ﺑﺸﺮ ﻛﺪﺍﻣﻲ ﺍﺷﻮﻑ ﻏﻀﺐ ﻭﺑﺲ .. ﺑﻮﺟﻬﻲ ﻃﻠﻌﺖ ﻟﺒﻴﺖ ﻛﺮﺍﺭ ... ﺍﻟﺴﻴﺎﺭﻩ ﻛﻞ ﺳﺮﻋﺘﻬﺎ ﺗﻤﺸﻲ ﺑﺤﻴﺚ ﺭﺩﺕ ﺍﻧﺪﻋﻢ ﻭﺗﻨﻜﻠﺐ ﺑﻴﻪ ﺍﻛﺜﺮ ﻣﻦ ﻣﺮﻩ !!
ﺍﻭﻭﻭﻑ ﺷﻴﻮﺻﻠﻨﻲ ﺍﻟﺞ ﺳﺎﺭﻩ ﻭﺍﻟﺰﻣﺞ ﺍﻻ ﺍﺷﺮﺏ ﻣﻦ ﺩﻣﺞ ﻭﻫﻢ ﻣﻴﻜﻔﻴﻨﻲ .. ﺣﺘﻰ ﻣﻔﻜﺮﺕ ﺑﺄﺧﻮﻳﻪ ﻭﺍﻟﻲ ﻳﺴﻮﻱ ﻛﻠﺖ ﺍﺫﺍ ﻭﻛﻒ ﺑﻮﺟﻬﻲ ﺍﻧﻬﻲ ﻫﻮ ﻭﻳﺎﻫﺎ ﻭﺍﻟﻲ ﻳﺼﻴﺮ ﺧﻠﻲ ﻳﺼﻴﺮ .. ﺍﻟﻐﻀﺐ ﻋﻤﺎﻧﻲ ﺑﺤﻴﺚ ﻛﻤﺖ ﻣﺎﺍﺣﺴﺐ ﺍﺣﺴﺎﺏ ﺍﺣﺪ ، ﺍﻧﻲ ﻣﻦ ﺍﻭﺻﻞ ﻟﻬﺬﻱ ﺍﻟﻤﺮﺣﻠﻪ ﻣﻦ ﺍﻟﻌﺼﺒﻴﻪ ﺍﻓﻘﺪ ﺑﺤﻴﺚ ﺣﺘﻰ ﺍﻧﻲ ﺍﺧﺎﻑ ﻣﻦ ﺍﻟﻲ ﻣﻤﻜﻦ ﺍﺳﻮﻱ ﻭﻧﺘﺎﺋﺠﻪ ﺑﻌﺪﻳﻦ !
ﺑﺲ ﻣﻴﻬﻤﻨﻲ ﻏﻴﺮ ﺍﻭﺻﻞ ﺍﻟﺴﺎﺭﻩ ﻭﺍﻃﻠﻊ ﺣﺮﻛﺘﻲ ﺑﻴﻬﺎ .. ﻭﺻﻠﺖ ﻟﺒﻴﺘﻬﻢ ﺍﻟﺪﻧﻴﺎ ﺍﻟﻈﻬﺮ .. ﺻﻔﻴﺖ ﺍﻟﺴﻴﺎﺭﻩ ﺍﺷﻠﻮﻥ ﻣﺎ ﻛﺎﻥ .. ﻟﻜﻴﺖ ﺍﻟﺒﺎﺏ ﺍﻟﺨﺎﺭﺟﻲ ﻣﻔﺘﻮﺡ ﺩﻓﻌﺘﻪ ﻭﺩﺧﻠﺖ ﺑﺴﺮﻋﻪ ﻭﮔﺒﻞ ﻟﻠﺒﺎﺏ ﺍﻟﺪﺍﺧﻠﻲ ﻫﻢ ﺩﻓﻌﺘﻪ ﻛﻞ ﺣﻴﻠﻲ ﻭﺩﺧﻠﺖ .. ﻟﻜﻴﺘﻬﺎ ﺑﺎﻟﻤﻄﺒﺦ ﻭﺍﻟﺒﻴﺖ ﻓﺎﺭﻍ ، ﻣﻦ ﺷﺎﻓﺘﻨﻲ ﻋﻴﻮﻧﻬﺎ ﺻﺎﺭﺕ ﺑﺎﻟﻄﻮﻝ ﻭ ﻭﺟﻬﺎ ﺻﻮﻓﺮ .. ﺑﺪﻭﻥ ﺍﻱ ﻛﻼﻡ ﻭﺍﻱ ﻣﻘﺪﻣﺎﺕ ﺳﺤﺒﺖ ﺍﻟﻤﺴﺪﺱ ﺧﻠﻴﺘﻪ ﺑﺮﺍﺳﻬﺎ .. ﻫﻲ ﻛﺎﻣﺖ ﺗﺮﺟﻒ ﻣﺜﻞ ﺍﻟﺴﻌﻔﻪ ..
ﺳﺎﺭﻩ .. ﺩﺧﻴﻠﻚ ﺍﺳﻴﺪ ﻋﻔﻴﻪ ﺍﻟﻠﻪ ﻳﺨﻠﻴﻚ ﻭﺍﻟﻠﻪ ﻣﺴﻮﻳﺖ ﺷﻲ ﺍﻧﻲ ﻭﺍﻟﻠﻪ ﺍﺳﻴﺪ ﺑﺲ ﺍﺳﻤﻌﻨﻲ .
ﺍﺳﻴﺪ .. ﺑﺼﻮﺕ ﺣﺎﺩ ﻫﺎﺩﺉ ﺑﺲ ﻣﻠﻴﺎﻥ ﻏﻀﺐ .. ﺍﺳﻤﻌﻴﻨﻲ ﺯﻳﻦ ﻛﻼﻡ ﻭﻣﺎ ﺍﻋﻴﺪﻩ .. ﻭﺩﻳﺮﻱ ﺑﺎﻟﺞ ﺗﻜﺬﺑﻴﻦ ﻋﻠﻴﻪ ﻭﺭﻭﺡ ﺍﺑﻮﻳﻪ ﺍﻓﺮﻍ ﺍﻟﻤﺴﺪﺱ ﺑﺮﺍﺳﺞ ﻭﺍﻃﻠﻊ ﻣﺤﺪ ﺑﺎﻟﺒﻴﺖ ﻭﻣﺤﺪ ﻳﺪﺭﻱ ﺑﻲ ﺍﺻﻼً ﻳﻜﻮﻟﻮﻥ ﺣﺮﺍﻣﻲ ﻭﻓﻀﺖ ﺭﺍﺣﺖ .
ﺳﺎﺭﻩ .. ﻭﻫﻲ ﺗﺒﺠﻲ ﺑﺮﻋﺐ .. ﻻﺍﺍﺍ ﻓﺪﻭﻩ ﺍﺭﻭﺣﻠﻚ ﺍﺳﻴﺪ ﻻ ﺗﻴﺘﻢ ﺟﻬﺎﻟﻲ ﺍﻟﻠﻪ ﻳﺨﻠﻴﻚ ﺍﻟﻠﻪ ﻛﻞ ﺍﻟﻲ ﺗﺮﻳﺪﻩ ﺍﻛﻮﻟﻪ ﺑﺲ ﻟﺘﻤﻮﺗﻨﻲ ﺍﻟﻠﻪ ﻳﺨﻠﻴﻚ ﻣﻮ ﻟﺨﺎﻃﺮﻱ ﻟﺨﺎﻃﺮ ﺟﻬﺎﻝ ﺍﺧﻮﻙ ﻓﺪﻭﻩ ﺍﺭﻭﺣﻠﻚ ﻭﺍﻟﻠﻪ ﺍﻛﻮﻟﻚ ﻛﻞ ﺍﻟﻲ ﺍﻋﺮﻓﻪ .
ﺍﺳﻴﺪ .. ﺷﻌﻨﺪﺝ ﺭﺍﻳﺤﻪ ﻟﻠﻤﺰﺭﻋﻪ ، ﻭﺷﻨﻮ ﻛﻠﺘﻲ ﻟﺪﺍﻟﻴﺎ؟ !!!
ﺳﺎﺭﻩ .. ﺑﺼﻮﺕ ﻳﺮﺟﻒ ﻭﻛﻠﻤﺎﺕ ﻣﺘﻘﻄﻌﻪ .. ﻣﻮ .. ﺍﻧﻲ .. ﻭﺍﻟﻠﻪ ﻣﻮ ﺍﻧﻲ .. ﺍﻣﻚ .. ﻭﺍﻟﻠﻪ ﻋﻤﺘﻲ ﻫﻲ ﺍﻟﻲ ﻛﺎﻟﺘﻠﻲ ﺍﺭﻭﺡ ﻟﻠﻤﺰﺭﻋﻪ ﻭﺍﺣﺠﻲ ﻭﻳﺎ ﺩﺍﻟﻴﺎ .. ﺍﻛﻮﻟﻠﻬﺎ ﺍﻧﺖ ﺍﺗﺰﻭﺟﺖ ﺣﺘﻰ ﺗﻌﻮﻓﻚ ﺑﺤﺎﻟﻚ ﻭﺗﺮﻭﺡ .
ﺍﺳﻴﺪ .. ﻣﻮ ﻛﻼﻡ ﺍﻟﻲ ﻛﺎﻟﺘﻪ ﻻ ﺍﻟﺴﻤﺎﺀ ﺑﻜﺒﺮﻫﺎ ﻭﻛﻌﺖ ﻋﻠﻰ ﺭﺍﺳﻲ .... ﺍﻣﻲ؟ '!!!!!!!!!
ﻣﻌﻘﻮﻟﻪ ﺍﻣﻲ ﺗﺴﻮﻳﻪ ﻫﻴﺞ؟ !!
ﻻﺍﺍﺍﺍ ﺍﻛﻴﺪ ﻫﺬﺍ ﻓﻠﻢ ﻣﻦ ﺍﻓﻼﻡ ﻫﺬﻱ ﺍﻟﺤﻴﻪ ﺩﺗﺮﻳﺪ ﺍﺗﺨﺮﺏ ﺑﻴﻨﻲ ﻭﺑﻴﻦ ﺍﻣﻲ ﺣﺘﻰ ﺗﻄﻠﻊ ﻫﻲ ﻣﻨﻬﺎ !..
ﺳﺤﺒﺖ ﺍﻗﺴﺎﻡ ﺭﺩﺕ ﺍﺧﻮﻓﻬﺎ ﺣﺘﻰ ﺍﺗﻜﻮﻝ ﺍﻟﺼﺪﻙ .. ﺳﺤﺒﺘﻪ ﻭﺧﻠﻴﺘﻪ ﻉ ﺭﺍﺳﻬﺎ .. ﻫﻲ ﻛﺎﻣﺖ ﺗﺼﻴﺢ ..
_ ﻛﻠﺘﻠﺞ ﻟﺘﻜﺬﺑﻴﻦ ﻋﻠﻴﻪ ﺑﺲ ﺍﻟﻈﺎﻫﺮ ﺍﻧﺘﻲ ﺗﺮﺩﻳﻦ ﺍﺗﻤﻮﺗﻴﻦ .
ﺳﺎﺭﻩ .. ﻻﺍﺍﺍﺍﺍ ﺩﺧﻴﻴﻴﻴﻠﻚ ﻭﺍﻟﻠﻪ ﻣﺪﺍﺍﻛﺬﺏ ﻭﺩﺍﻋﺖ ﺟﻬﺎﻟﻲ ﻫﻲ ﻫﺎﻱ ﺍﻟﺤﻘﻴﻘﻪ .. ﻭﺍﺫﺍ ﻣﻤﺼﺪﻛﻨﻲ ﻫﺴﻪ ﺍﺧﺬﻙ ﻭﺍﻧﺮﻭﺡ ﻟﺒﻴﺘﻜﻢ ﻭﺍﺣﺠﻲ ﻭﻳﺎ ﺍﻣﻚ ﻛﺪﺍﻣﻚ .
ﺍﺳﻴﺪ .. ﺑﺎﻭﻋﺖ ﻋﻠﻴﻬﺎ ﺗﺮﺟﻒ ﻭﺣﺎﻟﺘﻬﺎ ﻣﻮ ﻣﺎﻝ ﻭﺣﺪﻩ ﺩﺗﻜﺬﺏ !!
ﻛﻼﻣﻬﺎ ﺻﺤﻴﺢ .. ﻭﺭﺩﺍﺕ ﻓﻌﻠﻬﺎ ﺣﻘﻴﻘﻪ ﻣﻮ ﺗﻤﺜﻴﻞ .. ﺳﻜﺘﺖ ﺑﺲ ﺑﻮﻗﺘﻬﺎ ﺍﺗﻤﻨﻴﺖ ﻟﻮ ﺿﺎﺭﺑﺘﻨﻲ ﻃﻠﻘﻪ ﺍﻫﻮﻥ ﻣﻠﻴﻮﻥ ﻣﺮﻩ ﻣﻦ ﺍﻟﻲ ﺳﻤﻌﺘﻪ .. ﺍﻣﻲ ﺗﺴﻮﻱ ﺑﻴﻪ ﻫﻴﺞ؟ !
ﺍﻣﻲ ﺍﻟﻲ ﺟﺒﺮﺗﻨﻲ ﺍﺗﺰﻭﺝ ﻭﺍﻛﺴﺮ ﮔﻠﺐ ﺍﻟﻤﺨﻠﻮﻗﻪ ﺍﻟﻲ ﺍﺣﺒﻬﺎ ﺑﺲ ﺣﺘﻰ ﻣﺘﻨﻘﻬﺮ ﻟﻮ ﻳﺼﻴﺮ ﺑﻴﻬﺎ ﺷﻲ ﺗﺎﻟﻲ ﺗﻄﻠﻊ ﻫﻲ ﺳﺒﺐ ﻛﻞ ﻗﻬﺮﻱ؟ !!!!!
ﺟﺴﻤﻲ ﺍﺣﺴﻪ ﻧﻤﻞ ﺍﺩﻳﻪ ﻛﺎﻣﺖ ﺗﺮﺟﻒ ﻣﻦ ﺍﻟﻐﻀﺐ ﺍﻟﻲ ﺍﺟﺘﺎﺣﻨﻲ ﻭﺍﻻﻟﻢ ﺍﻟﻲ ﺩﺍﺍﺣﺴﻪ ﺑﺼﺪﺭﻱ .. ﺟﺮﻳﺖ ﺍﻟﺴﻼﺡ ﻭﺍﺳﺘﺠﻤﻌﺖ ﻛﻞ ﺣﻴﻠﻲ ﺣﺘﻰ ﺍﺣﺠﻲ ﻛﻠﻤﺘﻴﻦ ..
_ ﺣﺮﻑ ﻭﺍﺣﺪ ﻣﻦ ﺍﻟﻲ ﺻﺎﺭ ﺍﺫﺍ ﻋﺮﻑ ﺑﻲ ﺍﺣﺪ ﺍﻧﻬﻴﺞ ، ﻭﺧﻠﻘﺘﺞ ﺑﻌﺪ ﻣﺖ ﺍﺷﻮﻓﻬﺎ ﻭﺍﺫﺍ ﻓﻜﺮﺗﻲ ﺗﻮﺻﻠﻴﻦ ﻋﺘﺒﺔ ﺑﻴﺘﻨﺎ ﻭﺭﻭﺡ ﺍﺑﻮﻳﻪ ﺍﺩﻓﻨﺞ ﺑﺎﻟﺒﺎﺏ ﺳﻤﻌﺘﻴﻨﻲ؟ !
......
ﺳﺎﺭﻩ .. ﺍﻱ ﺍﻳﻴﻲ ﻭﺍﻟﻠﻪ ﻣﺎﺍﻓﺘﺢ ﺣﻠﻜﻲ ﻭﻻ ﺍﺣﺠﻲ ﺷﻲ ﻭﺍﻟﻠﻪ ﻭﻣﺎﺍﻭﺻﻞ ﺑﻌﺪ ﻟﺒﻴﺘﻜﻢ ﺍﺑﺪ ﻭﺍﻟﻠﻪ ﺑﺲ ﻟﺘﻴﺘﻢ ﺟﻬﺎﻟﻲ ﺍﺑﻮﺱ ﺭﺟﻠﻚ .
ﺍﺳﻴﺪ .. ﺟﺮﻳﺖ ﺳﻼﺣﻲ ﻭﻃﻠﻌﺖ ﺑﺲ ﺷﻄﻠﻌﺖ .... ﺍﻟﺒﺮﻛﺎﻥ ﺍﻟﻲ ﺑﺪﺍﺧﻠﻲ ﺍﻧﻔﺠﺮ .. ﺍﻧﻔﺠﺮ ﻭﺣﺮﻙ ﻛﻞ ﺫﺭﻩ ﺑﺮﻭﺣﻲ ﺍﺣﺲ ﺍﻟﻨﺎﺭ ﺩﺗﺎﻛﻞ ﺑﻴﻪ ﺑﻬﺪﻭﺀ .. ﺍﻟﻬﻮﺍ ﺿﺎﻉ ﻋﻠﻴﻪ .. ﺍﺗﻮﻗﻊ ﺍﻻﻟﻢ ﻳﺠﻴﻨﻲ ﻣﻦ ﺍﻟﻜﻞ ﺍﻻ ﻣﻦ ﺍﻣﻲ !!!
ﺍﻣﻲ ﺍﻟﻲ ﻟﻮ ﺗﻄﻠﺐ ﺭﻭﺣﻲ ﻣﺎ ﺍﻋﺰﻫﺎ ﻋﻠﻴﻬﺎ .. ﻭﻟﻮ ﻣﻮﺍﺟﻬﺘﻨﻲ ﻭﻛﺎﻳﻠﺘﻠﻲ ﻃﻠﻜﻠﻬﺎ ﺣﺘﻰ ﻟﻮ ﺣﻴﺎﺗﻲ ﻭﻣﻮﺗﻲ ﻣﺘﻮﻗﻔﺎﺕ ﻋﻠﻰ ﺩﺍﻟﻴﺎ ﺍﻃﻠﻜﻬﺎ ﺑﺲ ﺍﻣﻲ ﻛﻮﻥ ﻣﺘﻨﻘﻬﺮ ﻭﻻ ﺗﻨﻐﺚ ﻟﻮ ﻳﺼﻴﺮ ﺑﻴﻬﺎ ﺷﻲ !
ﺑﺲ ﺍﺗﺪﺧﻞ ﻫﺎﻱ ﺍﻟﺤﻴﻪ ﺑﺤﻴﺎﺗﻲ ﻭﺗﻘﺮﺭ ﻋﻨﻲ ﺑﺪﻭﻥ ﺣﺘﻰ ﻣﺘﻔﻬﻢ ﻣﻨﻲ ﺷﻲ ﻫﻮ ﻫﺬﺍ ﺍﻟﻲ ﻗﻀﻰ ﻋﻠﻴﻪ .
ﻃﻠﻌﺖ ﻣﻦ ﺑﻴﺖ ﻛﺮﺍﺭ ﻭﺍﻟﻬﻢ ﺯﺍﺩ ﻋﻠﻴﻪ ﺍﺿﻌﺎﻑ ﺍﺣﺲ ﻧﻔﺴﻲ ﻓﺎﺻﻞ ﻋﻦ ﺍﻟﻮﺟﻮﺩ ﺑﻌﺎﻟﻢ ﻭﺣﺪﻱ ﺑﻲ ﻭﺍﻟﻈﻼﻡ ﻣﺤﺎﻭﻃﻨﻲ ﻣﻦ ﻛﻞ ﺍﻟﺠﻬﺎﺕ ﺩﻳﺨﻨﻜﻨﻲ ﻭﻳﻜﺘﻢ ﺍﻧﻔﺎﺳﻲ .. ﺑﻘﻴﺖ ﺍﺳﻮﻕ ﺑﺎﻟﺴﻴﺎﺭﻩ ﻣﺎﺍﻋﺮﻑ ﻭﻳﻦ ﺍﺭﻭﺡ ﻭ ﺷﻨﻮ ﺍﺳﻮﻱ؟ !!
ﻃﻠﻌﺖ ﻋﻠﻰ ﻃﺮﻳﻖ ﺻﺤﺮﺍﻭﻱ ﺍﻟﺪﻧﻴﺎ ﺻﺎﺭﺕ ﺍﻟﻤﻐﺮﺏ ﻭﺍﻟﺠﻮ ﺑﺎﺭﺩ ﻭﻛﻔﺖ ﺍﻟﺴﻴﺎﺭﻩ ﻭﻧﺰﻟﺖ ﺍﺭﻳﺪ ﺍﺷﺘﻢ ﺍﻟﻬﻮﺍ ﺩﻳﻀﻴﻊ ﻋﻠﻴﻪ ﻣﺎﺍﺩﺭﻱ ﺷﺼﺎﺭﻟﻲ ﻭﻟﻴﺶ ﺩﺍﺍﺧﺘﻨﻚ؟ !!
ﺍﺣﺲ ﺷﻲ ﻭﺍﻛﻒ ﺑﺤﻨﺠﺮﺗﻲ ﺩﻳﺨﻨﻜﻨﻲ ﻣﻴﻄﻠﻊ ﻭﻻ ﻳﻨﺒﻠﻊ ﺣﺎﺷﺮ ﺑﺰﺭﺩﻭﻣﻲ .. ﻭ ﺻﺪﺭﻱ ﺑﻲ ﻭﺟﻊ ﻛﺎﺭﺛﻲ .. ﻧﺰﻟﺖ ﻣﻦ ﺍﻟﺴﻴﺎﺭﻩ ﺍﻟﺸﺎﺭﻉ ﻓﺎﺭﻍ ﻣﺤﺪ ﺑﻲ ﺑﺲ ﺍﻧﻲ ﻭﺍﻟﺸﻤﺲ ﻏﻮﺭﺑﺖ .. ﻭﻛﻔﺖ ﺑﺼﻒ ﺍﻟﺴﻴﺎﺭﻩ ﻣﺎﺍﺩﺭﻱ ﺷﺴﻮﻱ ﺍﺷﻠﻮﻥ ﺍﺗﺨﻠﺺ ﻣﻦ ﻫﺎﻱ ﺍﻟﺨﻨﻜﻪ ﺍﻟﻲ ﺩﺗﻜﺘﻢ ﺍﻧﻔﺎﺳﻲ ﺭﺍﺡ ﺍﻣﻮﺕ ... ﺻﻔﻨﺖ ﻛﺪﺍﻣﻲ ﻭﻓﻜﺮﻱ ﺷﺎﺭﺩ ﻓﺠﺄﻩ ﺍﺟﻪ ﺍﺑﺎﻟﻲ ﺍﻟﻴﻮﻡ ﺍﻟﻲ ﺍﻛﺘﺸﻔﺖ ﺑﻲ ﺧﻄﻮﺑﺔ ﻋﻠﻴﺎﺀ ﻭﺍﺣﻤﺪ ﻣﻦ ﺷﻔﺘﻬﻢ ﺑﺒﺎﺏ ﺍﻟﻤﺤﻜﻤﻪ ﻃﺎﻟﻌﻴﻦ ﺍﻳﺪ ﺑﺄﻳﺪ !!!!!
ﺫﻛﺮﻳﺎﺕ ﻭﺻﻮﺭ ﻧﺴﻴﺘﻬﺎ ﻭﺩﻓﻨﺘﻬﺎ ﻣﻦ ﺍﺳﻨﻴﻦ ﺩﺗﻤﺮ ﻛﺪﺍﻣﻲ .. ﻧﻔﺲ ﺍﻟﻮﺟﻊ ﻧﻔﺲ ﺍﻟﺤﺮﮔﻪ ﻧﻔﺲ ﺍﻟﺨﻴﺎﻧﻪ ﻭﻣﻦ ﺍﻋﺰ ﺍﺛﻨﻴﻦ ﻋﻨﺪﻱ ﺑﺤﻴﺎﺗﻲ !
ﺍﻛﺜﺮ ﺷﻲ ﻳﻤﻮﺗﻨﻲ ﺑﺎﻟﺤﻴﺎﺓ ﻭﻳﻨﻬﻴﻨﻲ ﻫﻲ ﺍﻟﺨﻴﺎﻧﻪ ﻭﺍﻣﻲ ﺍﺳﺘﺨﺪﻣﺖ ﺍﺳﻮﺀ ﻭﺳﻴﻠﻪ ﻟﻤﻮﺗﻲ !
ﻣﺎﺍﻛﺪﺭ ﺍﺗﺤﻤﻠﻬﺎ ﺍﻟﺨﻴﺎﻧﻪ ﺑﺎﻟﻨﺴﺒﻪ ﺍﻟﻲ ﻣﺮﺽ ﻳﻘﻀﻲ ﻋﻠﻴﻪ ﺍﻛﺪﺭ ﺍﻭﺍﺟﻪ ﺍﻟﻤﻮﺕ ﻭﺍﻭﻛﻒ ﺑﻌﻴﻨﻪ ﺑﻜﻞ ﺳﻬﻮﻟﻪ ، ﺑﺲ ﻣﺎﺍﻛﺪﺭ ﺍﺗﺤﻤﻞ ﺍﻟﻐﺪﺭ ﻭﺍﻟﺨﻴﺎﻧﻪ ﺍﻧﻬﺎﺭ ﻭﺍﺿﻌﻒ ﻛﻞ ﻗﻮﺗﻲ ﻭ ﻭﺟﻮﺩﻱ ﻳﻨﺘﻬﻲ ..
ﺭﻭﺣﻲ ﻣﻦ ﺻﺪﻙ ﻛﺎﻧﺖ ﺗﻨﺎﺯﻉ ﺣﺘﻰ ﺗﻄﻠﻊ ﻣﻨﻲ .. ﺭﺟﻠﻴﻪ ﻣﺘﺸﻴﻠﻨﻲ ﺑﻌﺪ ﻭﻛﻌﺖ ﻋﻠﻰ ﺍﺭﻛﺒﻲ ﺑﺎﻟﻜﺎﻉ ﻭﺩﻣﻮﻋﻲ ﻭﻛﻌﺖ ﻭﻳﺎﻱ ... ﺑﺼﻮﺕ ﻗﻮﻱ ﻫﺰ ﻛﻴﺎﻧﻲ ﻭﺭﻭﺣﻲ ﺻﺤﺖ ..
_ ﺁﺁﺁﺁﺁﺁﺁﺁﺁﺁﺁﺁﺁﺥ ﻳــــــﻤــــــــﻪ ﻟﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﺸﺸﺸﺸﺸﺸﺸﺸﺸﺶ !
ﺻﻴﺤﺖ ﺍﻟﻰ ﺍﻥ ﺣﺴﻴﺖ ﺣﻨﺠﺮﺗﻲ ﺍﺗﺠﺮﺣﺖ ﺑﻌﺪ ﺣﺘﻰ ﺻﻮﺗﻲ ﺭﺍﺡ !
ﻛﻤﺖ ﻣﻦ ﺍﻟﺘﺮﺍﺏ ﺻﻌﺪﺕ ﺑﺎﻟﺴﻴﺎﺭﻩ ﻭﮔﺒﻞ ﻟﺒﻴﺘﻨﺎ .. ﺣﺘﻰ ﺍﻟﻄﺮﻳﻖ ﻣﺤﺴﻴﺖ ﺑﻲ ﻭﻻ ﺍﺩﺭﻱ ﺍﺷﻠﻮﻥ ﻭﺻﻠﺖ ﻟﺒﻴﺘﻨﺎ ﻻﻥ ﻓﻜﺮﻱ ﻭﻋﻘﻠﻲ ﻛﺎﻧﻮ ﻣﺸﻐﻮﻟﻴﻦ ﺑﺄﻛﺜﺮ ﻣﻦ ﻣﻠﻴﻮﻥ ﺷﻲ !
ﻭﺻﻠﺖ ﻟﺒﻴﺘﻨﺎ ﻣﺎ ﺑﺎﻗﻲ ﺑﻴﻪ ﺫﺭﺓ ﺣﻴﻞ ﺭﺟﻠﻴﻪ ﺍﺳﺤﻞ ﺑﻴﻬﻢ ﺳﺤﻞ .. ﻻﻭﻝ ﻣﺮﻩ ﺑﻌﺪ ﻛﻞ ﻫﺎﻟﺴﻨﻴﻦ ﺍﺣﺲ ﻧﻔﺴﻲ ﻣﻜﺴﻮﺭ ﻭﻣﺬﻟﻮﻝ .
ﺩﺧﻠﺖ ﻟﻠﺒﻴﺖ ﻟﻜﻴﺘﻬﻢ ﻛﺎﻋﺪﻳﻦ ﺑﺎﻟﺼﺎﻟﻪ ﺳﺒﺐ ﻣﻮﺗﻲ ﻭﺍﻟﺜﺎﻧﻴﻪ ﺍﻟﻲ ﺗﺘﺴﻤﻰ ﺯﻭﺟﺘﻲ .. ﺑﺪﻭﻥ ﺍﻱ ﻛﻼﻡ ﺩﺧﻠﺖ ﻣﻦ ﺷﺎﻓﺘﻨﻲ ﻫﻲ ﺷﻜﻠﻬﺎ ﺍﺗﻐﻴﻴﺮ ﺍﻟﻈﺎﻫﺮ ﺣﺴﺖ ﺍﻧﻲ ﻋﺮﻓﺖ ﺑﺄﻟﻲ ﺳﻮﺗﻪ .. ﺣﺎﺟﺘﻨﻲ ..
ﺍﻟﺤﺠﻴﻪ .. ﺍﻟﻠﻪ ﻳﺴﺎﻋﺪﻙ ﻳﻤﻪ ﺍﺳﻴﺪ ﺍﺷﻮ ﺍﻟﻴﻮﻡ ﻣﺎﻛﻮ ﻻ ﺳﻼﻡ ﻭﻻ ﻛﻼﻡ ﺷﺼﺎﻳﺮ؟ !!
ﺍﺳﻴﺪ .. ﻣﺤﺠﻴﺖ ﺷﻲ ﻣﺎ ﻋﻨﺪﻱ ﻗﻮﻩ ﻟﻠﻜﻼﻡ .. ﺻﻌﺪﺕ ﻟﻐﺮﻓﺘﻲ ﺑﻮﺟﻬﻲ ﻟﻠﺤﻤﺎﻡ ﻣﻲ ﺑﺎﺍﺍﺍﺍﺭﺩ ﺛﻠﺞ ﻭﺍﻟﺪﻧﻴﺎ ﺑﺎﺭﺩﻩ ﺍﻧﺠﻤﺎﺩ .. ﺍﺭﻳﺪ ﺑﺮﻭﺩﺓ ﺍﻟﻤﻲ ﺗﻄﻔﻲ ﺍﻟﻨﺎﺭ ﺍﻟﻲ ﺗﺴﻌﺮ ﺑﺪﺍﺧﻠﻲ ﻣﺎﻛﻮﻭ !
ﻃﻠﻌﺖ ﻣﻦ ﺍﻟﺤﻤﺎﻡ ﻋﻠﻰ ﺻﻮﺕ ﺍﻟﻤﻮﺑﺎﻳﻞ ﺑﺎﻭﻋﺖ ﻋﻠﻲ !!
ﻣﺠﺎﻭﺑﺘﻪ ﻣﺎ ﻋﻨﺪﻱ ﻗﺎﺑﻠﻴﻪ ﺍﺣﺠﻲ ﻭﺻﻮﺗﻲ ﺭﺍﻳﺢ ﺍﺻﻼً .. ﺣﺘﻰ ﺑﻠﻮﺓ ﺣﻴﺎﺗﻲ ﺍﻟﻲ ﻧﺎﻳﻤﻪ ﺑﺎﻟﻤﺴﺘﺸﻔﻰ ﻭﻣﺎﺍﻋﺮﻑ ﺷﺼﺎﺭ ﺑﻴﻬﺎ ﻣﺎ ﺻﺎﺭ ﻣﺴﺄﻟﺖ ﻋﻨﻬﺎ ﻭﻻ ﺭﺩﻳﺖ ﻭﻋﺮﻓﺖ ﺍﺷﻠﻮﻥ ﺻﺎﺭﺕ !
ﺷﻲ ﺑﺪﺍﺧﻠﻲ ﻳﻜﻠﻲ ﻛﻞ ﺍﻟﻲ ﺻﺎﺭ ﻭﺳﺒﺐ ﻛﻞ ﺍﻟﻲ ﺩﺍﺍﻋﻴﺸﻪ ﻫﺴﻪ ﻭﺍﻟﻨﺎﺭ ﺍﻟﻲ ﺗﺴﻌﺮ ﺑﻴﻪ ..... ﻫﻲ !
ﻣﻦ ﻳﻮﻡ ﺍﻟﻲ ﻋﺮﻓﺘﻬﺎ ﻭﺍﻟﻤﺼﺎﻳﺐ ﻭﺍﻟﺒﻼﻭﻱ ﻣﺘﺨﻠﺺ ﺑﺤﻴﺎﺗﻲ ﻭﺻﻠﺘﻨﻲ ﻟﻤﺮﺣﻠﻪ ﺩﺍﺍﻋﻴﺶ ﺍﺳﻮﺀ ﻣﺨﺎﻭﻓﻲ !
ﻣﺤﺎﻭﺑﺘﻪ ﻭﺭﺟﻌﺖ ﻟﻠﺤﻤﺎﻡ .. ﺑﻌﺪ ﻓﺘﺮﻩ ﻣﻦ ﺍﻟﻮﻗﺖ ﻃﻠﻌﺖ ﺑﺪﻟﺖ ﻭﻧﺰﻟﺖ .. ﻟﻜﻴﺘﻬﺎ ﺑﻌﺪﻫﺎ ﻛﺎﻋﺪﻩ ﺑﺎﻟﺼﺎﻟﻪ ﻫﻲ ﻭﺍﻟﺤﻴﻪ ﺍﻟﻲ ﻭﺭﻃﺘﻨﻲ ﺑﻴﻬﺎ .. ﻣﺮﻳﺖ ﻣﻦ ﻳﻤﻬﻦ ﺍﺭﻳﺪ ﺍﻃﻠﻊ ﭼﺎﻥ ﺗﺼﻴﺤﻨﻲ ﺍﻣﻲ !!!
......
ﺍﻟﺤﺠﻴﻪ .. ﺍﺳﻴﺪ ﻳﻤﻪ ﻭﻳﻦ ﺭﺍﻳﺢ .. ﻣﻮ ﺍﺣﺠﻲ ﻭﻳﺎﻙ ﺍﻧﻲ؟ !
ﺷﺼﺎﻳﺮ ﻛﻠﻲ ﺑﻴﻚ ﺷﻲ؟ !!
ﺍﺳﻴﺪ ﺍﺗﺠﺎﻫﻠﻬﺎ ﻭﻛﺄﻧﻪ ﻣﻴﺴﻤﻌﻬﺎ ﻭﻻ ﻳﺸﻮﻓﻬﺎ ﺍﺻﻼً .. ﺑﺼﻮﺕ ﺟﺎﻣﺪ ﺻﺎﺡ ﻋﻠﻰ ﺍﻡ ﻋﺎﺩﻝ ....
ﺍﺟﺘﻲ ﺍﻡ ﻋﺎﺩﻝ ﺗﺮﻛﺾ .. ﻫﺎﺍ ﺩﻛﺘﻮﺭ ﺍﺗﻔﻀﻞ
ﺍﺳﻴﺪ .. ﻏﺮﻓﺘﻲ ﺍﻟﺠﻮﻩ ﺍﺗﺮﺗﺒﻴﻬﺎ ﻭﺗﻨﻘﻠﻴﻦ ﻣﻼﺑﺴﻲ ﻭﻏﺮﺍﺿﻲ ﺍﻟﻲ ﺑﺎﻟﻐﺮﻓﻪ ﺍﻟﻔﻮﻙ ﺍﻟﻬﺎ .
ﺍﻡ ﻋﺎﺩﻝ .. ﻳﻌﻨﻲ ﺍﻧﻘﻞ ﻣﻼﺑﺴﻚ ﻣﻦ ﻏﺮﻓﺔ ﺳﺖ ﺍﻳﻤﺎﻥ .
ﺍﺳﻴﺪ .. ﺍﻱ ﻭ ﺭﺍﺡ ﺍﺩﺯﻟﺞ ﻣﻼﺑﺲ ﺛﺎﻧﻴﻪ ﺗﺮﺗﺒﻴﻬﻢ ﺑﻴﻬﺎ .
ﺍﻡ ﻋﺎﺩﻝ .. ﻣﻼﺑﺴﻚ ﻳﻌﻨﻲ؟ !
ﺍﺳﻴﺪ .. ﺑﺼﻮﺕ ﺣﺎﺩ ﻭﻏﻀﺐ .. ﺳﻮﻱ ﺍﻟﻲ ﺍﻛﻠﺞ ﻋﻠﻴﻪ ﻭﺧﻠﺺ ﻟﺘﺤﺠﻴﻦ ﺯﺍﻳﺪ .
ﺍﻡ ﻋﺎﺩﻝ .. ﺍﻟﻌﻔﻮ ﺩﻛﺘﻮﺭ ﻣﻮ ﻗﺼﺪﻱ ﺍﻥ ﺷﺎﺀ ﺍﻟﻠﻪ ﺑﺲ ﻳﻮﺻﻠﻦ ﺍﺭﺗﺒﻬﻢ .
ﺍﺳﻴﺪ .. ﻋﺎﻓﻬﺎ ﻭﺩﺍﺭ ﻭﺟﻬﻪ ﻳﺮﻳﺪ ﻳﻄﻠﻊ ﭼﺎﻥ ﺍﻟﺤﺠﻴﻪ ﺗﻮﻛﻒ ﻛﺪﺍﻣﻪ .. ﻭﺑﺼﻮﺕ ﻣﺮﺗﺒﻚ
ﺍﻟﺤﺠﻴﻪ .. ﻭﻟﻚ ﻳﻤﻪ ﺍﻧﻲ ﻭﻳﺎﻣﻦ ﺍﺣﺠﻲ ، ﻉ ﺍﻻﻗﻞ ﻛﻮﻝ ﺍﻣﻲ ﺩﺗﺤﺠﻲ ﻭﻳﺎﻱ .
ﺍﺳﻴﺪ .. ﺍﻟﺘﻔﺘﺖ ﻋﻠﻴﻬﺎ ﺑﺲ ﺍﻧﻲ ﺫﻝ ﺍﻟﺪﻧﻴﺎ ﻭﻏﻀﺒﻬﺎ ﻭﻟﻌﻨﺘﻬﺎ ﻭﻛﺴﺮﻫﺎ ﻭ ﻭﺟﻌﻬﺎ ﻛﻠﻪ ﻣﺘﺠﻤﻊ ﺑﻴﻪ .. ﺑﺼﻮﺕ ﺣﺎﺩ ﻭﻣﺒﺤﻮﺡ ..
_ ﻣﻦ ﺍﻟﻴﻮﻡ ﻣﺎﻋﻨﺪﺝ ﺍﺑﻦ ﺍﺳﻤﻪ ﺍﺳﻴﺪ .. ﻣﺎﺕ ﺍﺳﻴﺪ ﻭﺍﻧﺘﻲ ﺍﻟﻲ ﮔﺘﻠﺘﻲ ﻣﺒﺮﻭﻙ ﻋﻠﻴﺞ .
ﺍﻟﺤﺠﻴﻪ .. ﻣﻦ ﺳﻤﻌﺖ ﺻﻮﺗﻪ ﺍﺷﻠﻮﻥ ﻣﺒﺤﻮﺡ ﻭﻛﻼﻣﻪ ﺍﻟﻲ ﻛﺎﻟﻪ ﺍﺗﺨﺒﻠﺖ .. ﺍﺳﻴﺪ ﻳﻤﻪ ﺍﺷﺒﻲ ﺻﻮﺗﻚ ﻟﻴﺶ ﻫﻴﺞ ﻣﺨﺘﻔﻲ ﺍﺷﺒﻴـ ..
ﺍﺳﻴﺪ .. ﻟﺘﻜﻮﻭﻭﻭﻭﻭﻟﻴﻦ ﻳﻤﻪ ﻛﻠﺘﻠﺞ .
ﺍﻟﺤﺠﻴﻪ .. ﻋﺮﻓﺖ ﺍﻧﻮ ﺍﺳﻴﺪ ﻋﺮﻑ ﺍﻟﻤﻮﺿﻮﻉ ﺧﻠﺺ .. ﻭﺣﺴﺖ ﺑﺤﺠﻢ ﺍﻟﻜﺎﺭﺛﻪ ﻭﺍﻟﺪﻣﺎﺭ ﺍﻟﻲ ﺳﺒﺒﺘﻬﺎ ﻻﺑﻨﻬﺎ؟ !!!
ﺭﺍﺩﺕ ﺗﺤﺠﻲ ﺑﺲ ﺍﺳﻴﺪ ﻣﻨﻄﺎﻫﺎ ﻣﺠﺎﻝ .. ﺑﺼﻮﺕ ﺣﺎﺩ ﺷﺒﻪ ﻣﺨﺘﻔﻲ ..
_ ﻣﻨﺎ ﻭﺭﺍﻳﺢ ﻋﻨﺪﺝ 3 ﺑﻨﺎﺕ ﻭ ﻭﻟﺪ ﻭﺍﺣﺪ ﺍﻧﻲ ﺍﻧﺴﻴﻨﻲ ﻭﺍﻧﺘﻲ ﻣﻜﺎﻧﺘﺞ ﻭﺗﻘﺪﻳﺮﺝ ﻣﺎﺍﻧﻘﺺ ﻣﻨﻬﻢ ﺫﺭﻩ ، ﺑﺲ ﻏﻴﺮ ﺍﻟﺘﻘﺪﻳﺮ ﻣﺎ ﺍﻟﺞ ﻋﻨﺪﻱ ﺷﻲ ﻣﺤﺒﺘﻲ ﺍﻋﺘﺒﺮﻫﺎ ﺻﻔﺤﻪ ﻭﺍﻧﻄﻮﺕ ﺣﺎﻟﺞ ﺣﺎﻝ ﻋﻠﻴﺎﺀ ﺗﺘﺬﻛﺮﻳﻬﺎ؟ !!
ﺍﻧﺘﻲ ﻧﻔﺴﻬﺎ ﻣﺘﺨﺘﻠﻔﻴﻦ ﻋﻨﻬﺎ ﺑﺸﻲ ﻃﻌﻨﺘﻴﻨﻲ ﻧﻔﺲ ﻃﻌﻨﺘﻬﺎ ﺑﺲ ﺍﻧﺘﻲ ﺍﻋﻈﻢ ﻻﻥ ﺍﻧﺘﻲ ﺍﻗﺮﺏ ﻣﻨﻬﺎ ﺍﻟﻲ ... ﺍﻧﺘﻲ ﻛﻨﺘﻲ ﺍﻣﻲ .
ﺍﻟﺤﺠﻴﻪ .. ﺩﻣﻮﻋﻬﺎ ﻛﺎﻣﺖ ﺗﺼﺐ ﻣﻦ ﻛﻼﻡ ﺍﺑﻨﻬﺎ ﻣﺘﻮﻗﻌﺖ ﺍﺑﺪ ﻳﺠﻲ ﻳﻮﻡ ﻭﺗﺴﻤﻊ ﺍﺳﻴﺪ ﻳﺤﺠﻲ ﻫﺸﻜﻞ ﻭﻳﺎﻫﺎ؟ !!
ﺑﺼﻮﺕ ﻣﺨﻨﻮﻙ ﺑﺎﻟﻌﺒﺮﻩ ﻭﻋﺼﺒﻴﻪ .. ﻭﻟﻚ ﺗﺘﺒﺮﺍ ﻣﻦ ﺍﻣﻚ ﻋﻠﻤﻮﺩ ﺧﺪﺍﻣﻪ؟ !
ﺍﺳﻴﺪ .. ﺍﺑﺘﺴﻢ ﺍﺑﺘﺴﺎﻣﻪ ﻫﺎﺩﺋﻪ .. ﻫﻬﻪ ﺧﺪﺍﻣﻪ !
ﻣﻮ ﻫﻲ ﻫﺎﻱ ﺍﻟﻲ ﻛﻨﺖ ﻟﻤﺎ ﺍﻛﻮﻝ ﺧﺪﺍﻣﻪ ﺗﻨﺰﻋﺠﻴﻦ ﻭﺗﺰﻋﻠﻴﻦ ﻣﻨﻲ؟ !
ﻫﺴﻪ ﺻﺎﺭﺕ ﺧﺪﺍﻣﻪ؟ !
ﺑﺲ ﺣﺘﻰ ﺗﺮﺗﺎﺣﻴﻦ ﻭﺗﻌﺮﻓﻴﻦ ﻗﺪﺭﺝ ﻋﻨﺪﻱ ﺍﻟﺨﺪﺍﻣﻪ ﻫﺎﻱ ﻟﻮ ﺍﺟﻴﺘﻲ ﻭﻭﻛﻔﺘﻲ ﺑﻮﺟﻬﻲ ﻭﻛﻠﺘﻴﻠﻲ ﻃﻠﻜﻬﺎ ، ﺍﻃﺮﺩﻫﺎ ، ﻣﻮﺗﻬﺎ .. ﻣﺎ ﻛﺎﻥ ﺭﺩﻳﺘﺞ ﺍﺑﺪ ﺍﻧﺖ ﺗﺄﻣﺮﻳﻦ ﻋﻠﻰ ﺭﮔﺒﺘﻲ ﻭﻣﺎﺍﺑﺨﻞ ﺑﻴﻬﺎ ﻋﻠﻴﺞ !
ﺑﺲ ﺍﻧﺘﻲ ﺍﺳﺘﺨﺪﻣﺘﻲ ﺍﺧﺒﺚ ﻭﺍﺣﻘﺮ ﻭﺍﻟﻌﻦ ﻣﺨﻠﻮﻗﻪ ﻭﺧﻠﻴﺘﻴﻨﻲ ﻟﻌﺒﻪ ﺑﻴﺪﻫﺎ .. ﺍﺳﺘﺨﺪﻣﺘﻲ ﺍﺳﻮﺀ ﺷﻲ ﺑﺤﻴﺎﺗﻲ ﻭﺳﻮﻳﺘﻲ ... ﺧﻨﺘﻴﻨﻲ
......
ﺍﻟﺤﺠﻴﻪ .. ﻣﺎ ﺣﺠﺖ ﺷﻲ ﺑﺲ ﺣﺴﺖ ﺑﻨﺪﻡ ﻓﻀﻴﻊ ﻣﻦ ﻛﻼﻡ ﺍﺑﻨﻬﺎ .. ﻭﻻﻧﻬﺎ ﺗﻌﺮﻑ ﺍﺳﻴﺪ ﻟﻤﺎ ﻳﻜﻮﻝ ﻛﻼﻡ ﻣﻴﺘﺮﺍﺟﻊ ﻋﻨﻪ ﻭﻣﻴﻜﺬﺏ ﺑﻲ ﻋﺮﻓﺖ ﺍﻧﻮ ﻫﻲ ﻓﻌﻼً ﺧﺴﺮﺕ ﺍﺑﻨﻬﺎ .. !
ﺭﺍﺩﺕ ﺗﺤﺠﻲ ﻭﻫﻢ ﻗﺎﻃﻌﻬﺎ ..
ﺍﺳﻴﺪ .. ﺍﻟﺘﻔﺖ ﻋﻠﻰ ﺍﻳﻤﺎﻥ .. ﺑﻌﺪ ﺍﺷﻮﻳﻪ ﺗﺠﻲ ﻣﺮﺗﻲ ﺍﻟﻲ ﻛﻠﺘﻠﺞ ﻋﻠﻴﻬﺎ ﺗﺘﺬﻛﺮﻳﻦ؟ !!
ﺣﻈﺮﻱ ﺭﻭﺣﺞ ﻭﺍﺳﺘﻘﺒﻠﻴﻬﺎ .
ﺍﻳﻤﺎﻥ .. ﺷﻨﻮﻭﻭﻭﻭ ﺷﺪﺗﺤﺠﻲ ﺍﻧﺖ ﻳﺎ ﺯﻭﺟﻪ ﻭ ﻭﻳﻦ ﺟﺎﻳﺒﻬﺎ .. ﺍﻛﻴﺪ ﺩﺗﺘﺸﺎﻗﻪ !
ﺍﺳﻴﺪ .. ﻻ ﻣﺎﺍﺗﺸﺎﻗﻪ ، ﻭﺍﻋﺘﻘﺪ ﺑﻠﻐﺘﺞ ﺍﻧﻲ ﻣﺘﺰﻭﺝ ﻭﺍﻧﻄﻴﺘﺞ ﺧﺒﺮ ﻗﺒﻞ ﺍﻟﺰﻭﺍﺝ ﻭﻣﻊ ﺫﻟﻚ ﺍﺻﺮﻳﺘﻲ ﻧﺘﺰﻭﺝ .. ﻓﺎﺫﺍ ﻋﻨﺪﺝ ﺍﻱ ﻣﺸﻜﻠﻪ ﺍﻟﺒﺎﺏ ﻳﻮﺳﻊ ﺣﺼﺎﻥ ﺍﺗﻮﻛﻠﻲ .
ﺩﺭﺕ ﻭﺟﻬﻲ ﻭﻃﻠﻌﺖ ﮔﺒﻞ ﻟﻠﻤﺴﺘﺸﻔﻰ .. ﻭﺻﻠﺖ ﻟﻐﺮﻓﺘﻬﺎ ﻟﻜﻴﺘﻬﺎ ﻓﺎﺭﻏﻪ !!!
ﻧﺰﻟﺖ ﺭﻛﺾ ﻟﻠﺮﺳﻴﺒﺸﻦ ﺍﺳﺄﻝ ﻉ ﺑﺎﻟﻲ ﺻﺎﺭ ﺑﻴﻬﺎ ﺷﻲ .. ﻛﺎﻟﻮﻟﻲ ﻃﻠﻌﺖ ﻫﻲ ﻭﺍﺧﺘﻬﺎ ﻭﺭﺟﻠﻬﺎ !..
ﺟﺮﻳﺖ ﺍﻟﻤﻮﺑﺎﻳﻞ ﺍﺗﺼﻠﺖ ﻋﻠﻰ ﻋﻠﻲ ﺑﺲ ﺍﻧﻲ ﺍﻟﺪﻧﻴﺎ ﺍﻧﮕﻠﺒﺖ ﺑﻌﻴﻨﻲ ﻳﻌﻨﻲ ﻟﻮ ﻻﺯﻡ ﻋﻠﻲ ﺑﺴﺎﻋﺘﻬﺎ ﻳﻤﻜﻦ ﻧﻬﻴﺘﻪ ﺍﺷﻠﻮﻥ ﻳﻄﻠﻌﻬﺎ ﺑﻼ ﻋﻠﻤﻲ؟؟
ﻋﻠﻲ .. ﺍﻟﻮﻭ ﺍﺳﻴﺪ ﻫﺎﻱ ﻭﻳﻨﻚ ﺍﺗﺼﻞ ﻭﻣﺎﻛﻮﻭ؟ !
ﺍﺳﻴﺪ .. ﺑﻌﺼﺒﻴﻪ ﻭﻏﻀﺐ .. ﺍﻧﺖ ﺍﺷﻠﻮﻥ ﺗﻄﻠﻊ ﻣﺮﺗﻲ ﻣﻦ ﺍﻟﻤﺴﺘﺸﻔﻰ ﺑﺪﻭﻥ ﻣﺘﻜﻠﻲ؟ !!
ﻋﻠﻲ .. ﺍﺳﻴﺪ ﻫﺪﻱ ﻭﻟﺘﻌﺼﺐ ﺗﺮﻯ ﺍﺗﺼﻠﺖ ﻋﻠﻴﻚ ﺍﻛﺜﺮ ﻣﻦ ﻣﺮﻩ ﻣﺠﺎﻭﺑﺖ ﻭﺍﻟﻤﺴﺘﺸﻔﻰ ﻛﺎﻟﻮ ﺣﺎﻟﺘﻬﺎ ﺍﺳﺘﻘﺮﺕ ﻭﺗﻜﺪﺭ ﺗﻄﻠﻊ ﺷﺴﻮﻱ ﻳﻌﻨﻲ ﺍﺗﻌﺎﺭﻙ ﻭﻳﺎ ﺍﻻﻃﺒﺎﺀ ﻭﺍﺑﻘﻰ ﻟﺤﺪ ﻣﺎ ﺣﻀﺮﺗﻚ ﺗﺠﻲ؟ !!
ﺍﺳﻴﺪ .. ﺩﺍﻟﻴﺎ ﻭﻳﻦ؟ !!
ﻋﻠﻲ .. ﻋﻨﺪﻱ ﺑﺎﻟﺒﻴﺖ ﻭ ..
ﺍﺳﻴﺪ .. ﺳﺪﻳﺖ ﺍﻟﺠﻬﺎﺯ ﺑﻮﺟﻬﻪ ﻭﻃﻠﻌﺖ ﻟﺒﻴﺘﻪ ﮔﺒﻞ .. ﻭﺻﻠﺖ ﺧﺎﺑﺮﺗﻪ ﻛﻠﺘﻠﻪ ﻧﺰﻟﻲ ﺩﺍﻟﻴﺎ ﺑﺴﺮﻋﻪ ، ﻻﻥ ﻣﺎﺍﺭﻳﺪ ﺍﺷﻮﻑ ﻣﺮﺗﻪ ﻣﺎ ﺍﻟﻲ ﺧﻠﻚ ﺍﻟﻠﺴﺎﻧﻬﺎ ﻳﻤﻜﻦ ﺍﻃﻠﻊ ﻗﻬﺮﻱ ﺑﻴﻬﺎ ﺍﺫﺍ ﺣﺠﺖ !
ﻋﻠﻲ .. ﺍﺳﻴﺪ ﺍﺻﻌﺪ ﻭﺗﻌﺎﻟﻲ ﻋﻨﺪﻱ ﺣﺠﻲ ﻭﻳﺎﻙ ﺿﺮﻭﺭﻱ .
ﺍﺳﻴﺪ .. ﺍﻭﻭﻭﻑ ﺷﻴﺨﻠﺼﻬﺎ .. ﺻﻌﺪﺕ ﻓﺘﺤﻠﻲ ﺍﻟﺒﺎﺏ ﻋﻠﻲ ﻭﺩﺧﻠﺖ ﻟﺸﻘﺘﻪ ﻣﻜﻌﺪﺕ ﻛﻠﺘﻠﻪ ﺻﺤﻴﻠﻲ ﺩﺍﻟﻴﺎ ﺣﺘﻰ ﺍﻧﺮﻭﺡ !!
ﻋﻠﻲ .. ﺩﺍﻟﻴﺎ ﻣﺘﺮﻭﺡ .
ﺍﺳﻴﺪ .. ﺷﻨﻮ؟ !
ﻋﻠﻲ .. ﺍﺳﻴﺪ ﺧﻮﻳﻪ ﺍﻟﺒﻨﻴﻪ ﺗﻌﺒﺎﻧﻪ ﻭﺍﻟﻲ ﺻﺎﺭ ﺑﻴﻬﺎ ﻣﻮ ﻗﻠﻴﻞ ، ﻭﺍﻻﻃﺒﺎﺀ ﻛﺎﻟﻮ ﻻﺯﻡ ﺗﺮﺗﺎﺡ ﻫﺎﻟﻔﺘﺮﻩ ﻻﻥ ﻣﻮ ﺯﻳﻦ ﻉ ﺍﻟﺠﻨﻴﻦ ﺣﺎﻟﺘﻪ ﺗﻌﺒﺎﻧﻪ .
ﺍﺳﻴﺪ .. ﻫﻮ ﻛﺎﻝ ﺍﻟﺠﻨﻴﻦ .. ﻭﺍﻧﻲ ﺣﺴﻴﺖ ﺍﻟﺪﻡ ﺑﺪﺍ ﻳﺼﻌﺪ ﺍﻟﺮﺍﺳﻲ ﻭﺍﻟﻬﻮﺍ ﺩﺧﻞ ﺭﻳﺘﻲ !!
ﻳﻌﻨﻲ ﻋﺎﻳﺶ؟؟ !
ﺍﺑﻨﻲ ﻋﺎﻳﺶ ﻭ ﻣﺎ ﻣﺎﺕ ؟ !!!
ﺍﻟﻒ ﺍﻟﺤﻤﺪ ﻭﺍﻟﺸﻜﺮ ﺍﻟﻠﻚ ﻳﺎ ﺭﺑﻲ .. ﻫﻢ ﺯﻳﻦ ﺍﻛﻮ ﺷﻲ ﺑﺮﺩ ﺍﺷﻮﻳﻪ ﺍﻟﻨﺎﺭ ﺍﻟﻲ ﻣﺸﺘﻌﻠﻪ ﺑﮕﻠﺒﻲ .. ﺑﻌﺪ ﺍﻣﻪ ﺑﻠﻮﺓ ﺣﻴﺎﺗﻲ ﺍﺷﻠﻮﻥ ﺍﻗﻨﻌﻬﺎ؟ !
ﺑﺼﻮﺕ ﺣﺎﺩ ..
_ ﺩﺍﻟﻴﺎ ﻭﻳﻦ؟ !!
ﻋﻠﻲ .. ﻧﺎﻳﻤﻪ ﺟﻮﻩ .
ﺍﺳﻴﺪ .. ﺭﻭﺡ ﻛﻮﻝ ﻟﻤﺮﺗﻚ ﺧﻠﻲ ﺗﻄﻠﻊ ﻣﻦ ﻳﻤﻬﺎ ﺍﺭﻳﺪ ﺍﺣﺠﻲ ﻭﻳﺎﻫﺎ .
ﻋﻠﻲ .. ﺍﺳﻴﺪ ﺍﺳﻤـ ..
......
ﺍﺳﻴﺪ .. ﺍﻣﺸﻲ ﻋﻠﻲ ﻓﻀﻨﻲ ﺗﺮﻯ ﻣﺎ ﺍﻟﻲ ﺧﻠﻜﻚ .
ﻋﻠﻲ .. ﻋﺎﻓﻪ ﻭﺭﺍﺡ ﻃﻠﻊ ﺳﻠﻤﻰ ﻣﻦ ﻳﻢ ﺩﺍﻟﻴﺎ ﺑﺲ ﻫﻲ ﻣﻦ ﺷﺎﻓﺖ ﺍﺳﻴﺪ ﺑﻘﺖ ﺗﺨﺰﺭ ﺑﻲ !
ﻃﻠﻌﻮ ﺍﺛﻨﻴﻨﻬﻢ ﻭﺩﺧﻞ ﺍﺳﻴﺪ .. ﻟﻜﺎﻫﺎ ﻧﺎﻳﻤﻪ ﻉ ﺍﻟﺴﺮﻳﺮ ﺑﺲ ﺻﺎﺣﻴﻪ .. ﻣﻦ ﺷﺎﻓﺘﻪ ﺩﺍﺭﺕ ﻭﺟﻬﻬﺎ ..
ﺍﺗﻘﺮﺏ ﻛﻌﺪ ﺑﺼﻔﻬﺎ ﻉ ﺍﻟﺴﺮﻳﺮ .. ﻭﺑﺼﻮﺕ ﺣﺎﺩ ﻭﻣﺒﺤﻮﺡ ﻛﺎﻟﻠﻬﺎ
_ ﺍﺷﻠﻮﻥ ﺻﺮﺗﻲ؟ !
ﺩﺍﻟﻴﺎ .. ﻣﺤﺠﺖ ﺍﻱ ﺷﻲ ﻭﺩﺍﻳﺮﻩ ﻭﺟﻬﻬﺎ .
ﺍﺳﻴﺪ .. ﻣﺪﻳﺖ ﺍﻳﺪﻱ ﺩﺭﺕ ﻭﺟﻬﻬﺎ ﻋﻠﻴﻪ ﻟﻜﻴﺘﻬﺎ ﺗﺒﺠﻲ ﻭﺩﻣﻮﻋﻬﺎ ﻉ ﺧﺪﻫﺎ .. ﺍﺳﻤﻌﻴﻨﻲ ﻗﺒﻞ ﻟﺘﺒﺠﻴﻦ ﻭﻗﺒﻞ ﻟﺘﺴﻮﻳﻦ ﺍﻱ ﺷﻲ .. ﺍﺳﻤﻌﻲ ﺍﻟﻲ ﺭﺍﺡ ﺍﻛﻮﻟﻪ ﻭﺑﻌﺪﻫﺎ ﺍﻟﻲ ﺗﺮﺩﻱ ﻳﺼﻴﺮ ﺑﻼ ﺑﺠﻲ ﻭﺑﻼ ﺩﻣﻮﻉ .. ﻣﻮ ﺯﻳﻦ ﻋﻠﻰ ﻃﻔﻠﺞ ﺍﻟﺒﺠﻲ ﻭﺍﻟﺘﻌﺐ .
ﺩﺍﻟﻴﺎ .. ﻣﺎﺍﺣﺠﻴﻠﻜﻢ ﺍﻟﺨﻮﻑ ﻭﺍﻟﺮﻋﺐ ﺍﻟﻲ ﻋﺸﺘﻪ ﺑﺎﻟﻤﺴﺘﺸﻔﻰ .. ﻛﺎﻥ ﻛﻞ ﺍﻟﻲ ﺍﺑﺎﻟﻲ ﺑﻨﺘﻲ ﻟﺘﻤﻮﺕ .. ﻣﺎﺍﻋﺮﻑ ﻟﻮﻳﺶ ﺍﺧﺘﻲ ﺗﺎﻟﻴﺎ ﻭﻛﻔﺖ ﻛﺪﺍﻡ ﻋﻴﻨﻲ ﺑﺤﻴﺚ ﻋﻴﻮﻧﻲ ﺗﺼﺐ ﻣﺎﺍﺩﺭﻱ ﻋﻠﻰ ﺑﻨﺘﻲ ﻟﻮ ﺍﺧﺘﻲ !!
ﺑﻌﺪ ﻣﻌﺎﻧﺎﺓ ﻭﺧﻮﻑ ﺍﺳﺘﻘﺮﺕ ﺣﺎﻟﺘﻲ ﻭﺍﻟﻄﻔﻞ ﺍﻟﺤﻤﺪﻟﻠﻪ ﻣﺎ ﺑﻲ ﺷﻲ !
ﻣﻦ ﻧﻘﻠﻮﻧﻲ ﻛﻨﺖ ﺍﺩﺭﻱ ﺑﻲ ﻛﺎﻋﺪ ﻳﻤﻲ ﻭﻳﻨﺘﻈﺮﻧﻲ ﺍﻛﻌﺪ ﺑﺲ ﺍﻧﻲ ﻧﻔﺴﻴﺘﻲ ﻛﺎﻧﺖ ﺗﻌﺒﺎﻧﻪ ﻛﻮﻟﺶ ﺑﺤﻴﺚ ﺍﺫﺍ ﺍﻟﺰﻣﻪ ﺍﻛﻞ ﻣﻨﻪ ﻟﺤﻢ ﻭﻫﻢ ﻣﻴﻜﻔﻴﻨﻲ ﻉ ﺍﻟﻘﻬﺮﻩ ﻭﺍﻟﺤﺮﻛﻪ ﺍﻟﻲ ﻋﺸﺘﻬﺎ .. ﻭﺑﻨﺘﻲ ﺍﻟﻲ ﺭﺍﺩﺕ ﺍﺗﻤﻮﺕ !
ﺧﻠﻴﺘﻪ ﻣﻦ ﺭﺍﺡ ﻛﻌﺪﺕ ﺑﻌﺪﻳﻦ ﺍﺟﺘﻲ ﺳﻠﻤﻰ ﻫﻲ ﻭﻋﻠﻲ ﻫﻢ ﻛﻌﺪﻧﺎ ﻧﺒﺠﻲ ﻭﺣﺠﻴﺘﻠﻬﺎ ﻛﻮﻟﺸﻲ ﻭﻫﻲ ﺗﺪﻋﻲ ﻋﻠﻴﻪ .. ﻫﻲ ﺗﺪﻋﻲ ﻭﺍﻧﻲ ﮔﻠﺒﻲ ﻳﺤﺘﺮﻙ ﻣﻦ ﻛﻼﻣﻬﺎ ﺑﺲ ﻣﺎﺍﻛﺪﺭ ﺍﺣﺠﻲ .. ﺍﺣﺲ ﻧﺎﺭ ﻭﻣﺸﺘﻌﻠﻪ ﺑﻴﻪ ﻣﻦ ﺷﻔﺖ ﺍﻟﺼﻮﺭ ﻭﻫﻮ ﻛﺎﻋﺪ ﻳﻢ ﻭﺣﺪﻩ ﺛﺎﻧﻴﻪ !
ﺳﻤﺤﻮﻟﻲ ﺍﻃﻠﻊ ﻣﻦ ﺍﻟﻤﺴﺘﺸﻔﻰ ﻛﺎﻝ ﻋﻠﻲ ﻻﺯﻡ ﻧﻨﺘﻈﺮ ﺍﺳﻴﺪ ﻳﻼ ﻧﻄﻠﻊ ﺍﺧﺎﻑ ﻳﺠﻲ ﻭﻣﻴﻠﻜﺎﻧﻪ ﻳﻈﻞ ﺑﺎﻟﻪ ﻻﺯﻡ ﻧﻨﺘﻈﺮﻩ .. ﻛﻠﺘﻠﻪ ﻣﺎ ﺍﺑﻘﻰ ﻟﺤﻈﻪ ﻭﺣﺪﻩ ﻭﻣﺎ ﺍﻧﺘﻈﺮﻩ ﻭﻟﺘﻨﻄﻲ ﺍﻱ ﺧﺒﺮ ﺍﺻﻼً ﺍﻧﻲ ﺑﺲ ﺍﻃﻠﻊ ﻣﻨﺎ ﺍﻃﻠﺐ ﺍﻟﻄﻼﻕ !
ﻋﻠﻲ ﺑﻘﻰ ﻳﺤﺠﻲ ﻭﻛﺎﻟﻲ ﻣﻴﺼﻴﺮ ﻫﻴﺞ ﻭﻣﻮ ﻛﻞ ﺍﻻﻣﻮﺭ ﺗﻨﺤﻞ ﺑﺎﻟﻄﻼﻕ .. ﺍﻧﻲ ﻭﻻ ﻋﺒﺮﺗﻪ ﺍﺻﻼً ﻃﻠﻌﺖ ﻭﺍﺧﺬﻭﻧﻲ ﻟﺒﻴﺘﻬﻢ ﻟﻠﻴﻞ ﺍﺟﻪ ﺍﻻﻓﻨﺪﻱ ﻭﻻ ﻛﺄﻧﻪ ﻣﺴﻮﻱ ﺷﻲ !
ﻛﻌﺪﻧﺎ ﺑﺲ ﺍﻧﻲ ﻭﻳﺎ ﺳﺄﻟﻨﻲ ﺍﺷﻮﻥ ﺻﺮﺕ ﻣﺠﺎﻭﺑﺘﻪ !
ﺑﻌﺪﻳﻦ ﻛﺎﻟﻲ ﺭﺍﺡ ﺍﺣﺠﻲ ﻛﻼﻡ ﻭﺑﻌﺪﻫﺎ ﺍﻟﻲ ﺗﺮﺩﻱ ﻳﺼﻴﺮ .. ﺍﻧﻲ ﻣﺠﺎﻭﺑﺘﻪ ﺑﺲ ﺍﺩﻣﻮﻋﻲ ﺗﺼﺐ
ﺍﺳﻴﺪ .. ﺍﻭﻻً ﻭﻗﺒﻞ ﻛﻠﺸﻲ ﺍﻧﻲ ﻣﻜﺬﺑﺖ ﻋﻠﻴﺞ ﺍﺑﺪﺍً ﺍﻣﻲ ﺻﺪﻙ ﻛﺎﻧﺖ ﻣﺮﻳﻀﻪ ﻭﺍﻧﻲ ﻛﻨﺖ ﺑﺎﻟﻤﺴﺘﺸﻔﻰ ﻭﻳﺎﻫﺎ ﺍﻟﻰ ﺍﻥ ﻃﺎﺑﺖ ﻭﺻﺎﺭﺕ ﺯﻳﻨﻪ !
ﺛﺎﻧﻴﺎً .. ﺍﻟﻲ ﻛﺎﻟﺘﻪ ﺳﺎﺭﻩ ﺍﻟﺞ ﺍﻳﺎً ﻛﺎﻥ ﺗﺮﻯ ﻛﻠﻪ ﻛﺬﺏ ﺍﻟﺰﻭﺍﺝ ﻣﺠﺮﺩ ﺷﻜﻠﻴﺎﺕ ﻉ ﺍﻟﻮﺭﻕ ﻭﺑﺲ ﻭ ﺭﻭﺡ ﺍﺑﻮﻳﻪ ﻭﻣﺼﺎﺭ ﺑﻴﻨﺎ ﺍﻱ ﺷﻲ .
ﺩﺍﻟﻴﺎ .. ﺷﻔﺖ ﺍﻟﺼﻮﺭ ﺑﻌﻴﻨﻲ ﻭﺩﻳﺤﻠﻔﻠﻲ ﻫﺬﺍ ﻣﻦ ﻛﻞ ﻋﻘﻠﻪ؟ !
ﺑﺼﻮﺕ ﺟﺎﻣﺪ .. ﺍﻱ ﻭﺍﺿﺢ ﻣﺼﺎﻳﺮ ﺷﻲ ﺑﻴﻨﻜﻢ ﻣﻦ ﺍﻟﻜﻌﺪﻩ ﺍﻟﻲ ﻛﺎﻋﺪﻳﻬﺎ ﻭﺍﻟﺤﻔﻠﻪ ﻭﺍﻟﻨﺎﺱ ﺍﻟﺒﺪﻟﻪ ﺍﻟﻲ ﻻﺑﺴﻬﺎ ﻭﺍﻟﺤﻠﻘﻪ ﺍﻟﻲ ﺧﻠﻴﺘﻬﺎ ﺑﺄﻳﺪﻫﺎ .
ﺍﺳﻴﺪ .. ﻛﻞ ﺍﻟﻲ ﺷﻔﺘﻲ ﺻﺤﻴﺢ ﺑﺲ ﻛﻠﻬﺎ ﺷﻜﻠﻴﺎﺕ ﻣﺠﺮﺩ ﺗﺤﺼﻴﻞ ﺣﺎﺻﻞ .. ﻛﺪﺍﻡ ﺍﻟﻨﺎﺱ .
ﺩﺍﻟﻴﺎ .. ﺷﻜﻠﻴﺎﺕ ﻣﻮ ﺷﻜﻠﻴﺎﺕ ﻫﺬﺍ ﺷﻲ ﻳﺨﺼﻚ ﺍﻟﻚ ﺍﻧﻲ ﻣﺎﺍﺑﻘﻰ ﻭﻳﺎﻙ ﺑﻌﺪ .
ﺍﺳﻴﺪ .. ﻗﺼﺪﺝ ﺷﻨﻮ ﺑﻼ ﻭﺿﺤﻲ؟ !!
ﺩﺍﻟﻴﺎ .. ﻟﻮ ﺍﻧﻲ ﻟﻮ ﻫﻲ .
......
ﺍﺳﻴﺪ .. ﺷﻨﻮ ﻟﻮ ﺍﻧﺘﻲ ﻟﻮ ﻫﻲ؟ !
ﺩﺍﺍﻛﻮﻟﺞ ﻫﺬﺍ ﺯﻭﺍﺝ ﺷﻜﻠﻲ ﻓﺘﺮﻩ ﻭﻳﻨﺘﻬﻲ .
ﺩﺍﻟﻴﺎ .. ﺍﻟﻲ ﻋﻨﺪﻱ ﻛﻠﺘﻪ ﻭﺍﻧﺖ ﺍﺧﺘﺎﺭ .
ﺍﺳﻴﺪ .. ﺍﻧﻲ ﺍﻋﺼﺎﺑﻲ ﺗﻠﻔﺎﻧﻪ ﻭﺍﻟﻲ ﺻﺎﺭ ﻫﺪ ﻧﺺ ﺣﻴﻠﻲ ﻭﻫﺎﻳﻪ ﻛﺎﻋﺪﻩ ﺗﺘﺸﺮﻁ .. ﻛﻤﺖ ﻣﻦ ﻣﻜﺎﻧﻲ ﻭﺑﺼﻮﺕ ﺣﺎﺩ .. ﺍﻧﻲ ﻃﺎﻟﻊ ﺧﻤﺲ ﺩﻗﺎﻳﻖ ﺍﻟﻜﺎﺝ ﺑﺎﻟﺴﻴﺎﺭﻩ ﻓﻀﻴﻨﻲ .
ﺩﺍﻟﻴﺎ .. ﺍﻧﺖ ﺷﻜﻠﻚ ﻣﺴﻤﻌﺖ ﺷﻨﻮﻭﻭﻭ ﻛﻠﺘﻠﻚ .
ﺍﺳﻴﺪ .. ﻟﺘﺨﻠﻴﻨﻲ ﻭﺍﺭﺗﻜﺐ ﺟﺮﻳﻤﻪ ﺑﻴﺞ ﻫﺴﻪ .. ﺷﻨﻮ ﺗﺨﻴﺮﻳﻨﻲ ﺍﻧﺘﻲ .. ﻣﻨﻮ ﺍﻧﺘﻲ ﻭﺗﺤﺪﺩﻳﻦ ﺷﻨﻮ ﺍﺳﻮﻱ ﻭﺍﺷﻠﻮﻥ ﺍﺳﻮﻱ .
ﺩﺍﻟﻴﺎ .. ﻣﺪﺍﺍﺣﺪﺩ .. ﺩﺍﺍﻛﻮﻟﻚ ﺍﺧﺘﺎﺭ ﺑﻴﻨﺎ ﻳﺄﻣﺎ ﺍﻧﻲ ﺍﻭ ..
ﺍﺳﻴﺪ .. ﺍﻧﺘﻲ ﻣﺴﺘﺤﻴﻞ ﺍﻃﻠﻜﺞ ﺍﻧﺴﻲ ﻭﻫﻲ ﻣﺎﺍﻛﺪﺭ ﻫﺴﻪ ﺍﻃﻠﻜﻬﺎ ﺷﻨﻮ ﺍﺗﻜﻮﻝ ﺍﻟﻨﺎﺱ ﺷﻬﺮ ﻭﻃﻠﻚ؟ !
ﺍﻟﺒﻨﻴﻪ ﺗﻨﻔﻀﺢ ﻭﻫﺬﻱ ﺳﻤﻌﻪ ﻣﻮ ﺷﻲ ﺳﻬﻞ .. ﺍﻧﻄﻴﻨﻲ ﻣﺠﺎﻝ ﻳﻌﺪﻱ ﻛﻢ ﺷﻬﺮ ﻭﺑﻌﺪﻫﺎ ﺍﻃﻠﻜﻬﺎ .
ﺩﺍﻟﻴﺎ .. ﻭﻟﻮﻳﺶ ﻣﺘﻄﻠﻜﻨﻲ ﺍﻟﻲ؟ !!
ﺍﺳﻴﺪ .. ﻻﻥ ﺍﻧﺘﻲ ﺍﻡ ﺍﺑﻨﻲ ﺍﺷﻠﻮﻥ ﺍﻃﻠﻜﺞ؟ !
ﺩﺍﻟﻴﺎ .. ﻣﻦ ﻛﺎﻝ ﺍﻡ ﺍﺑﻨﻲ ﻣﺎﺍﺩﺭﻱ ﺷﺼﺎﺭﻟﻲ ﻛﻞ ﺍﻟﻘﻠﻖ ﻭﺍﻟﻐﻀﺐ ﻭﺍﻟﺤﺰﻥ ﺻﺎﺭﻭ ﻓﺮﺡ ﺣﺘﻰ ﻣﻮﺿﻮﻉ ﺿﺮﺗﻲ ﻧﺴﻴﺘﻪ !
ﻳﺎ ﺭﺏ ﻳﻌﻨﻲ ﺍﺗﻘﺒﻠﻬﺎ ﻭﺗﻤﺴﻚ ﺑﻴﻨﺎ ﻣﺮﺍﺡ ﻳﺘﺨﻠﻰ ﻋﻨﻲ ﻭﻋﻦ ﺑﻨﺘﻲ؟ !!
ﺍﺳﻴﺪ .. ﻳﻼ ﻓﻀﻴﻨﻲ ﻛﻮﻣﻲ ﺑﻌﺪ ﻭﺭﺍﻧﺎ ﻃﺮﻳﻖ ﻃﻮﻳﻞ .
ﺩﺍﻟﻴﺎ .. ﻣﺎﺷﻲ ﺩﻗﺎﻳﻖ ﻭﺍﺟﻲ ﻭﺭﺍﻙ .. ﻃﻠﻌﺖ ﺳﻠﻤﺖ ﻋﻠﻰ ﺳﻠﻤﻰ ﻭﺩﻋﺘﻬﺎ ﻫﻲ ﺑﻘﺖ ﺗﺤﺠﻲ ﻋﻠﻴﻪ ﻻﻥ ﺳﺎﻣﺤﺘﻪ ﺑﺴﻬﻮﻟﻪ ﻭﺭﺣﺖ ﻭﻳﺎ .. ﻣﺘﺪﺭﻱ ﺍﻧﻲ ﺍﺿﺤﻲ ﻣﻮ ﺑﺲ ﺑﺴﻌﺎﺩﻱ ﻻ ﺣﺘﻰ ﺑﺮﻭﺣﻲ ﻓﻲ ﺳﺒﻴﻞ ﺳﻌﺎﺩﺓ ﻭﺿﻤﺎﻥ ﺭﺍﺣﺔ ﺑﻨﺘﻲ .. ﺻﻌﺪﺕ ﺑﺎﻟﺴﻴﺎﺭﻩ ﺍﻭﻝ ﻣﺎ ﺧﻠﻴﺖ ﺭﺍﺳﻲ ﻉ ﺍﻟﻜﺸﻦ ﻏﻔﻴﺖ .. ﻣﺎﺍﺩﺭﻱ ﻭﻳﻦ ﺟﺎﺑﻨﻲ ﻉ ﺑﺎﻟﻲ ﺣﻴﺎﺧﺬﻧﻲ ﻟﺒﻴﺖ ﺍﻟﻤﺰﺭﻋﻪ ﺍﺷﻮ ﺍﻟﻄﺮﻳﻖ ﻃﻮﻳﻞ؟ !!
ﻣﺎ ﺣﺴﻴﺖ ﻏﻴﺮ ﻟﻤﺎ ﻭﻛﻔﺖ ﺍﻟﺴﻴﺎﺭﻩ ﻛﻌﺪﺕ .. ﺍﺑﺎﻭﻉ ﺍﺷﻮ ﻫﺬﺍ ﺑﻴﺖ ﺍﻫﻠﻪ؟ !!!!!!!!!!!!
ﺷﺠﺎﺑﻨﻲ ﻟﻬﻨﺎ ﺍﻧﻲ ﺻﻜﻴﺖ ﺑﻤﻜﺎﻧﻲ .. ﺩﺭﺕ ﻭﺟﻬﻲ ﻋﻠﻴﻪ ﺟﺎﻥ ﻳﻨﺰﻝ ﻭﻳﻔﺘﺤﻠﻲ ﺍﻟﺒﺎﺏ .. ﺍﻧﻲ ﺑﺼﺪﻣﻪ ﻛﻠﺘﻠﻪ ﻫﺎﻱ ﺷﻨﻮ؟ !!!!
ﺍﺳﻴﺪ .. ﻫﺬﺍ ﺑﻴﺘﺞ ﺍﻧﺰﻟﻲ .
ﺩﺍﻟﻴﺎ .. ﺍﺳﻴﺪ ﻋﻔﻴﻪ ﺷﺪﺗﺤﺠﻴﻴﻴﻲ ﺷﻜﻮ ﺟﺎﻳﺒﻨﻲ ﻫﻨﺎ .
ﺍﺳﻴﺪ .. ﺍﻣﻲ ﻋﺮﻓﺖ ﻛﻠﺸﻲ ﻭﺗﻌﺮﻑ ﺍﻧﻲ ﻭﻳﺎﺝ ﻣﺘﺰﻭﺟﻴﻦ ﺑﻌﺪ ﺷﻜﻮ ﺷﺎﺭﺩﻳﻦ؟ !!
ﺩﺍﻟﻴﺎ .. ﺍﺳﻴﺪ ﻋﻔﻴﻪ ﺍﻟﺤﺠﻴﻪ ﻣﺮﻳﻀﻪ ﻟﺘﺸﻮﻓﻨﻲ ﻭﺗﺘﺨﺮﺑﻂ ﻓﺪﻭﻩ ﺍﻣﺸﻲ ﺭﺟﻌﻨﻲ ﻟﻠﻤﺰﺭﻋﻪ
ﺍﺳﻴﺪ .. ﻟﺰﻣﺘﻬﺎ ﻣﻦ ﺍﻳﺪﻫﺎ ﻭﻧﺰﻟﺘﻬﺎ ﻣﻦ ﺍﻟﺴﻴﺎﺭﻩ .. ﻓﺘﺤﺖ ﺍﻟﺒﺎﺏ ﻭﺩﺧﻠﻨﺎ .. ﻟﻜﻴﺖ ﺍﻣﻲ ﻛﺎﻋﺪﻩ ﺩﺗﻨﺘﻈﺮﻧﻲ ﺍﻟﻈﺎﻫﺮ ﻣﻦ ﺷﺎﻓﺘﻨﻲ ﺩﺧﻠﺖ ﻭﺩﺍﻟﻴﺎ ﻭﻳﺎﻱ ﺍﺗﺨﺒﻠﺖ ﻛﺎﻣﺖ ﻋﻠﻰ ﺣﻴﻠﻬﺎ ﻭﺍﺟﺘﻲ ﻭﻛﻔﺖ ﻛﺪﺍﻣﻨﺎ ..
ﺍﻟﺤﺠﻴﻪ .. ﺍﺳﻤﻌﻨﻲ ﺍﺳﻴﺪ ﺳﻜﺘﺘﻠﻚ ﻉ ﻛﻞ ﺍﻟﻲ ﻛﻠﺘﻪ ﻭﺣﺠﻴﺘﻪ ﺑﺲ ﻣﺎﻝ ﺗﺠﻴﺒﻬﺎ ﻟﺒﻴﺘﻲ ﻻﺍﺍﺍﺍﺍ ﻟﻬﻨﺎ ﻭﻛﺎﻓﻲ ﻭﻟﻮ ﺍﻧﻲ ﻟﻮ ﺍﻟﺨﺪﺍﻣﻪ ﺑﺎﻟﺒﻴﺖ
.......
ﺍﺳﻴﺪ .. ﺍﺳﻤﻬﺎ ﺩﺍﻟﻴﺎ ﻭﺗﻜﻮﻥ ﻣﺮﺗﻲ ﺑﻼ ﺗﺴﻤﻴﺎﺕ ﻣﺎ ﺍﻟﻬﺎ ﺩﺍﻋﻲ
ﺍﻟﺤﺠﻴﻪ .. ﻫﺎﺍﺍﺍﺍ ﻭﻟﻚ ﻫﺬﺍ ﺍﻟﺤﺠﻲ ﻭﻳﺎﻱ ﺍﻧﻲ ﻛﻼﻣﻲ ﺻﺎﺭ ﻣﺎ ﻟﻪ ﺩﺍﻋﻲ ؟؟ !
ﻭﻟﻚ ﺭﺑﻴﺘﻚ ﻭﺗﻌﺒﺖ ﻋﻠﻴﻚ ﺗﺎﻟﻲ ﺗﻔﻀﻞ ﻋﻠﻴﻪ ﺧﺪﺍﻣﻪ؟ !!
ﺍﺳﻴﺪ .. ﻛﻠﺘﻠﺞ ﺍﺳﻤﻬﺎ ﺩﺍﻟﻴﺎ ﻛﺎﻓﻲ ﻫﺬﻱ ﺍﻟﺘﺴﻤﻴﺎﺕ ﻟﺘﺨﻠﻮﻧﻲ ﺍﻛﻠﺐ ﺍﻟﺒﻴﺖ ﻋﻠﻰ ﺭﻭﺳﻜﻢ ﻫﺴﻪ .
ﺍﻟﺤﺠﻴﻪ .. ﻻﺍﺍﺍﺍ ﺍﻧﺖ ﻣﻮ ﻃﺒﻴﻌﻲ ﺍﺑﺪ ﺍﻟﻈﺎﻫﺮ ﺍﻟﺨﺪﺍﻣﻪ ﻟﻌﺒﺖ ﺑﻌﻘﻠﻚ ﻣﻀﺒﻮﻁ .
ﺍﺳﻴﺪ .. ﺍﻣﺸﻲ ﺩﺍﻟﻴﺎ ﺭﻭﺣﻲ ﻟﻐﺮﻓﺘﻲ ﺍﻟﻘﺪﻳﻤﻪ ﻫﺴﻪ ﺍﻧﻲ ﺟﺎﻱ ﻭﺭﺍﺝ .
ﺍﻳﻤﺎﻥ .. ﺧﺎﻟﻪ ﻣﺘﺤﺠﻴﻴﻴﻴﻴﻦ ﺷﻨﻮ ﻫﺬﺍ ﺍﻟﻲ ﺩﻳﻜﻮﻟﻪ ﺍﺑﻨﺞ ﺷﻨﻮ ﻣﺮﺗﻪ ﺷﻨﻮ ﺗﻤﻌﺪ ﻫﻨﺎ؟ !!
ﺍﻟﺤﺠﻴﻪ .. ﻟﺘﺨﺎﻓﻴﻦ ﺑﻨﺘﻲ ﻣﺤﺪ ﻳﻜﻌﺪ ﻫﻨﺎ ﻏﻴﺮﺝ ﻭﻣﺎﻛﻮﻭ ﻭﺣﺪﻩ ﺗﺎﺧﺬ ﻣﻜﺎﻧﺞ ﻻ ﺧﺪﺍﻣﻪ ﻭﻻ ﻏﻴﺮﻫﺎ .
ﺍﺳﻴﺪ .. ﻫﻬﻪ ﺍﻱ ﻧﺸﻮﻑ ﻟﻴﺶ ﻻ !..
ﺍﻟﺤﺠﻴﻪ .. ﻭﻟﻚ ﺍﻧﺖ ﺍﻟﻴﻮﻡ ﻣﻮ ﻃﺒﻴﻌﻴﻴﻲ ﺷﻤﺴﻮﻳﺘﻠﻚ ﻫﺎﻱ ﺑﻨﺖ ﺍﺑﻠﻴﺲ .
ﺩﺍﻟﻴﺎ .. ﻣﻦ ﺑﻴﻦ ﺩﻣﻮﻋﻬﺎ .. ﻟﺘﺤﺠﻴﻴﻴﻴﻦ ﻉ ﺍﺑﻮﻳﻪ ﺍﻟﻠﻪ ﻳﺨﻠﻴﺞ ﺍﺑﻮﻳﻪ ﻣﺘﻮﻓﻲ ﻭ ﻣﺎ ﻟﻪ ﺫﻧﺐ .
ﺍﻟﺤﺠﻴﻪ .. ﺍﻱ ﻫﻢ ﺯﻳﻦ ﻣﺎﺕ ﻭﻣﺎ ﺷﺎﻑ ﻋﺎﺭﺝ ﺍﻟﻲ ﺟﺒﺘﻲ ﺍﻟﻪ ﺟﺎﻥ ﻛﺴﺮﺗﻲ ﻭﺟﻬﻪ .. ﺍﻣﺞ ﺍﻟﻤﺴﻌﺪﻩ ﻭﻳﻦ ﻫﻢ ﻣﺎﺗﺖ ﻟﻮ ﻣﻠﺘﻬﻴﻪ ﺑﻐﻴﺮ ﺷﻐﻞ .
ﺍﺳﻴﺪ .. ﺍﻣﻬﺎ ﺑﺎﻟﺸﻤﺎﻝ ﺗﺘﺼﻴﻒ ﻭﻳﺎ ﻋﺎﺋﻠﺘﻬﺎ ..
ﺍﻟﺤﺠﻴﻪ .. ﺟﺮﺕ ﺩﺍﻟﻴﺎ ﻣﻦ ﻣﻼﺑﺴﻬﺎ ﻭﺩﺗﺮﻳﺪ ﺍﺗﻄﻠﻌﻬﺎ ... ﺑﺲ ﺍﺳﻴﺪ ﻟﺰﻡ ﺩﺍﻟﻴﺎ ﻭﺑﻌﺪﻫﺎ ﻋﻨﻬﺎ ...
ﺍﺳﻴﺪ .. ﻋﻠﻰ ﻛﻴﻔﺞ ﻭﻳﺎ ﺑﻨﺖ ﺍﺧﺘﺞ .
ﺍﻟﺤﺠﻴﻪ .. ﻭﻟﻚ ﺍﻧﺖ ﺷﺘﺤﺠﻲ .. ﻭﻟﻚ ﺍﺳﻴﺪ ﺗﺮﻳﺪ ﺍﺗﻤﻮﺗﻨﻲ ﺍﻧﺖ؟ !!
ﺍﺳﻴﺪ .. ﻻ ﺍﻣﻮﺗﺞ ﻭﻻ ﺗﻤﻮﺗﻴﻦ .. ﺍﺳﻤﻌﻲ ﺑﺄﺫﻧﺞ .. ﺩﺍﻟﻴﺎ ﺗﻌﺎﻟﻲ ﻫﻨﺎ ﻳﻤﻲ ..
ﺩﺍﻟﻴﺎ .. ﺍﺟﺘﻲ ﺗﺒﺠﻲ .. ﺑﺎﻭﻋﺖ ﻋﻠﻰ ﺍﺳﻴﺪ ﺑﺲ ﻣﺤﺠﺖ ..
ﺍﺳﻴﺪ .. ﻛﻮﻟﻴﻠﻬﺎ ﻣﻨﻮ ﺍﻣﺞ ﻭﺍﻧﺘﻲ ﺑﻨﺖ ﻣﻨﻮ؟ !!
ﺩﺍﻟﻴﺎ .. ﺑﻘﺖ ﻣﺼﺪﻭﻣﻪ ﻭﺗﺒﺎﻭﻉ ﺑﻮﺟﻪ ﺍﺳﻴﺪ .. ﻣﻤﺼﺪﻛﻪ ﺍﻟﻲ ﺩﻳﺤﺠﻲ ﻫﺬﺍ ﻣﻦ ﺻﺪﻭﻙ ﻣﻮ ﻋﺎﻗﻞ ﻣﺜﻞ ﻣﻜﺎﻟﺖ ﺍﻣﻪ ﺍﺷﻮﻥ ﻳﻜﻮﻟﻠﻬﺎ ﺍﻧﻲ ﻣﻨﻮﻭﻭ !
ﺍﺳﻴﺪ .. ﺑﺼﻮﺕ ﻋﺎﻟﻲ ﺻﻴﺎﺡ ... ﺍﺣﺠﻴﻴﻴﻴﻲ ﻛﻮﻟﻲ ﺍﻧﺘﻲ ﻣﻨﻮﻭﻭ ﻭﻣﻨﻮ ﺍﻣﺞ !!
ﺩﺍﻟﻴﺎ .. ﺩﻧﻜﺖ ﺭﺍﺳﻬﺎ ﻭﺑﺼﻮﺕ ﻣﺨﻨﻮﻙ .. ﺍﻳﻨﺎﺱ ﺍﻣﻲ .
ﺍﻟﺤﺠﻴﻪ .. ﻳﺎ ﺍﻳﻨﺎﺱ ﻭﻟﺞ ؟ !
ﺩﺍﻟﻴﺎ .. ﺭﺍﺩﺕ ﺗﺤﺠﻲ ﺑﺲ ﺩﻣﻮﻋﻬﺎ ﺧﺎﻧﺘﻬﺎ ...
ﺍﺳﻴﺪ .. ﻟﺤﻈﻪ ﻫﺴﻪ ﺗﻌﺮﻓﻴﻦ ﻣﻨﻮﻭ !
ﺳﺤﺐ ﺍﻟﻤﻮﺑﺎﻳﻞ ﻭﺍﺗﺼﻞ ﻋﻠﻰ ﺧﺎﻟﺘﻪ ﺍﻳﻨﺎﺱ .. ﺭﻥ ﺭﻧﺘﻴﻦ ﻭﺟﺎﻭﺑﺘﻪ ..
ﺍﻳﻨﺎﺱ .. ﺍﻟﻮﻭﻭ ﺷﻌﻨﺪﻙ
ﺍﺳﻴﺪ .. ﺍﺳﻤﻌﻴﻨﻲ ﺑﻨﺘﺞ ﺩﺍﻟﻴﺎ ﺳﻮﺕ ﺣﺎﺩﺙ ﻭﺗﺮﻳﺪ ﺍﺗﺸﻮﻓﺞ ﻗﺒﻞ ﻣﺘﻤﻮﺕ .
ﺍﻳﻨﺎﺱ .. ﻋﺴﺎﻫﺎ ﺍﺗﻤﻮﺕ ﻭﺗﻠﺤﻚ ﺍﺑﻮﻫﺎ ﺷﻌﻠﻴﻪ ﺍﻧﻲ ؟ !
ﻛﻠﺘﻠﻚ ﻫﺬﺍ ﺍﻟﻤﻮﺿﻮﻉ ﻧﺴﻴﺘﻪ ﻭﺩﺍﻟﻴﺎ ﻭﺍﺧﺘﻬﺎ ﺑﺎﻟﻨﺴﺒﻪ ﺍﻟﻲ ﻣﺎﺗﻦ ﻭﻳﺎ ﺍﺑﻮﻫﻦ .
ﻭﺍﻧﺖ ﻫﻢ ﺍﻃﺮﺩﻫﺎ ﺍﺣﺴﻨﻠﻚ ﻻﻥ ﻫﺎﻱ ﻣﺜﻞ ﺍﺑﻮﻫﺎ ﻓﻜﺮﻳﻪ ﻭﺗﻔﻜﺮﻙ ﻣﺜﻞ ﻣﺎ ﺍﺑﻮﻫﺎ ﻓﻜﺮﻧﻲ ﺳﺎﻋﺔ ﺍﻟﺴﻮﺩﻩ ﺍﻟﻲ ﺍﺗﺰﻭﺟﺖ ﺑﻴﻬﺎ ﻭﺧﻠﻔﺘﻬﻦ
ﺩﺍﻟﻴﺎ ﻛﺎﻧﺖ ﺗﺴﻤﻊ ﻭﺩﻣﻮﻋﻬﺎ ﺗﺼﺐ .. ﻭﺍﻟﺤﺠﻴﻪ ﺗﺴﻤﻊ ﻭﻣﺼﺪﻭﻣﻪ
ﺍﻟﺤﺠﻴﻪ .. ﻓﺠﺄﻩ ﻭﺑﻼ ﻣﻘﺪﻣﺎﺕ ﻭﻛﻌﺖ ﺑﺎﻟﻜﺎﻉ ... !.......
ﻟﻠﺤﻜﺎﻳﻪ ﺑﻘﻴﻪ ️❤
ﺭﺃﻳﻜﻢ ﺑﺎﻻﺣﺪﺍﺙ ﻭﺗﻮﻗﻌﺎﺗﻜﻢ
يتبع
انتمي لنا عبر قناة التيلجرام
شعر / صور رمزيات بنات تحشيش / ابراج يومية / اغاني فيديو كلب مواليد / جديد جديد لعيونكم متابعينا على تيلجرام
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء