....
رواية الإنكسار الجزء السادس
للكاتبة ❤️شمس ❤️
....
ﻣﻦ ﺍﺟﺖ ﺍﻣﻲ ﻭﮔﺎﻟﺖ ﻟﮕﻴﺖ ﺍﻟﻚ ﺑﻨﻴﻪ ﺣﻠﻮﻩ ﻭﺣﺒﺎﺑﻪ ﻳﺘﻴﻤﻪ .. ﺍﻧﻲ ﺭﻓﻀﺖ .. ﻻﻥ ﻛﺮﻫﺖ ﻓﻜﺮﺕ ﺍﻟﺰﻭﺍﺝ ﻭﻣﺎﺍﺭﻳﺪ ﺍﻛﺮﺭ ﺍﻟﻐﻠﻂ ..
ﺑﺲ ﺑﻘﺖ ﺗﻠﺢ ﻋﻠﻴﻪ .. ﻭﮔﻠﺘﻠﻲ ﺍﻧﻲ ﻣﺪﺍﻳﻤﻪ ﺍﻟﺒﻨﺘﻚ .. ﺑﺎﺟﺮ ﻋﮕﺒﻪ ﻣﻴﺘﻪ .. ﻣﻨﻮ ﻳﺮﻋﺎﻫﻪ ..
ﻭﺍﺑﻮﻳﻪ ﻫﻢ ﻧﻔﺲ ﻛﻼﻣﻬﺎ ﻭﮔﻠﻲ ﺑﻮﻳﻪ ﻣﻮ ﻛﻞ ﺍﺻﺎﺑﻌﻚ ﺳﻮﻩ ﻭﺗﺮﻯ ﺫﻳﺞ ﺍﻧﺖ ﻛﺘﻠﺖ ﻧﻔﺴﻚ ﻋﻠﻴﻬﺎ ﺣﺒﻴﺘﻬﺎ ﻣﻦ ﺍﻟﻔﻴﺲ ﻭﺧﺒﻠﺘﻚ # ﺷﻤﺲ
ﺍﻭﻭﻭﻭﻩ ﺑﻮﻳﻪ ﻻﺗﺬﻛﺮﻧﻲ ﻭﻻﺗﻠﻮﻡ ﺑﻴﻪ .. ﺗﺎﻟﻲ ﺍﻗﺘﻨﻌﺖ ﻭﮔﻮﻟﺘﻠﻬﻢ ﺧﻠﺺ ﺍﻭﺍﻓﻖ ﺑﺲ ﺑﺸﺮﻁ ﺍﺗﺰﻭﺟﻬﺎ ﻉ ﺍﻟﻮﺭﻕ .. ﺍﺟﻴﺒﻬﺎ ﻣﺮﺑﻴﻪ ﺍﻟﻨﻮﺭ ﻭﺑﺲ ..
ﺗﺎﻟﻲ ﺑﻴﻮﻡ ﺍﻟﻌﻘﺪ ﻋﻘﺪﻧﺎ ﺍﺑﻮﻳﻪ ﺣﻘﺎﻧﻲ ﻭﮔﺎﻝ ﺍﻟﺒﻨﻴﻪ ﻳﺘﻴﻤﻪ ﻭﺣﺮﺍﻡ ﻧﻈﻠﻤﻬﺎ ﺍﺷﺘﺮﻭﻟﻬﺎ ﺫﻫﺐ ﻭﺧﻠﻮﻟﻬﺎ ﺣﺎﻇﺮ ﻭﻏﺎﺋﺐ ﻋﺸﺮﻩ ﺑﻌﺸﺮﻩ ..
ﺍﻧﻲ ﺍﻫﻠﻲ ﻣﺘﻤﻜﻨﻴﻦ ﻭﺍﻟﺤﻤﺪ ﻟﻠﻪ . ﻋﻨﺪﻫﻢ ﻣﺤﻼﺕ ﻭﺍﺧﻮﻳﻪ ﺍﻟﻜﺒﻴﺮ ﺍﺣﻤﺪ ﻳﺸﺘﻐﻞ ﻭﻳﺎﻩ ﻭﻫﻮ ﻣﺘﺰﻭﺝ ﻭﮔﺎﻋﺪ ﻭﻱ ﺍﻫﻠﻲ ..
ﺑﺲ ﺍﻧﻲ ﺑﻴﺘﻲ ﻭﺣﺪﻱ .. ﺍﺷﺘﺮﻳﺖ ﺑﻴﺖ ﻭﺣﺒﻴﺖ ﺍﺳﺘﻘﺮ ﺑﺤﻴﺎﺗﻲ ﻭﻱ ﺣﺒﻴﺒﺘﻲ .. ﺗﺎﻟﻲ ﺍﻧﺼﺪﻣﺖ ﺑﻴﻬﺎ 😡
ﻣﻦ ﻋﻘﺪ ﺍﻟﺴﻴﺪ ﺍﻟﻨﺎ ﻭﺧﻠﺼﻨﺎ ﺩﺧﻠﺖ ﺍﻟﺒﺴﻬﺎ ﺍﻟﺤﻠﻘﻪ .. ﻣﺎﺭﺩﺕ ﺍﺗﺒﺎﻭﻋﻠﻬﺎ .. ﺑﺲ ﺟﺬﺑﺘﻨﻲ ﻋﻴﻮﻧﻬﺎ ﻻﺑﺴﻪ ﻋﺪﺳﺎﺕ ﻟﻮﻧﻬﻦ ﺭﺻﺎﺻﻲ .. ﻫﻬﻬﻬﻬﻪ ﻭﺍﻟﻠﻪ ﺍﻟﺒﻨﺎﺕ ﻳﻘﺸﻤﺮﻥ ﺍﻟﻮﻟﺪ ﺑﺴﻮﺍﻟﻔﻬﻦ .. # ﺷﻤﺲ
ﻳﻠﺒﺴﻦ ﻋﺪﺳﺎﺕ ﻭﺭﻣﻮﺵ ﻭﻣﻜﻴﺎﺝ .. ﺗﺎﻟﻲ ﻣﻦ ﺗﻐﺴﻞ ﻭﺟﻬﻪ ﺗﻄﻠﻊ ﺗﺸﺒﻪ ﺟﺒﺎﺭ ﺍﺑﻮ ﺍﻟﺸﺮﺑﺖ 😂😉
ﻟﺒﺴﺘﻬﺎ ﻭﻃﻠﻌﺖ ﻭﻫﻲ ﻫﻢ ﻣﺪﺍﻳﺮﺗﻠﻲ ﺑﺎﻝ .. ﻭﺑﻘﻴﺖ ﺍﻓﻜﺮ ﺧﺎﻑ ﻫﺎﻱ ﻫﻢ ﺗﺤﺒﻠﻬﺎ ﻭﺍﺣﺪ ﻭﺟﺒﺮﻭﻫﺎ ﻋﻠﻴﻪ ..
ﻭﺗﺎﻟﻲ ﺍﻧﺼﺪﻡ ﻭﺍﻧﻲ ﻣﺎﺑﻴﻪ ﺣﻴﻞ ﺍﻧﺼﺪﻡ .. # ﺷﻤﺲ
ﻻﻥ ﺷﻨﻮ ﺍﻟﻲ ﻳﺨﻠﻲ ﺑﻨﻴﻪ ﺻﻐﻴﺮﻩ ﻭﺣﻠﻮﻩ ﺗﻘﺒﻞ ﻫﻴﺞ ﺯﻭﺍﺝ ﻣﻦ ﺷﺨﺺ ﺍﻛﺒﺮ ﻣﻨﻬﺎ ﺏ 12 ﺳﻨﻪ ﻭﻋﻨﺪﻩ ﺑﻨﻴﻪ ..
ﺳﻤﺮﺍ .. ﺻﺎﺭ ﺍﻻﺣﺪ .. ﻭﺍﺟﺖ ﺧﺎﻟﻪ ﺍﻡ ﺍﺣﻤﺪ ﻫﻬﻬﻬﻬﻪ ﻫﺴﺎ ﻳﻠﻪ ﻋﺮﻓﺖ ﺍﺳﻢ ﺍﺑﻨﻬﺎ ﺍﻟﻜﺒﻴﺮ .. ﻭﺍﺧﺬﺗﻨﻲ ﻭﺍﻣﻴﺮ ﺍﻟﻲ ﻳﺴﻮﻕ ﺑﺎﻟﺴﻴﺎﺭﻩ .. ﮔﻠﺘﻠﻲ ﺍﮔﻌﺪﻱ ﻳﻤﻪ ..
ﺍﻧﻲ ﻣﻘﺒﻠﺖ ﮔﻮﻟﺘﻠﻬﺎ ﻻ ﺧﺎﻟﻪ ﺍﻧﺘﻲ ﺍﮔﻌﺪﻱ ..
ﺍﻧﻲ ﻻﺑﺴﻪ ﺗﻨﻮﺭﻩ ﺳﻮﺩﻩ ﻭﺳﺘﺮﻩ ﺳﻮﺩﻩ ﻗﺼﻴﺮﻩ ﻭﺟﻮﺍﻫﻪ ﻗﻤﻴﺺ ﻭﻻﻓﻪ ﺍﻟﺸﺎﻝ ﻭﺣﺬﺍﺀ ﻋﺎﻟﻲ ﻭﺍﻃﮕﻄﮓ ﺑﻲ .. ﻭﻫﻮ ﻣﻌﺎﺟﺒﻪ ﻳﺒﺎﻭﻋﻠﻲ ﻣﻦ ﻃﺮﻑ ﻋﻴﻨﻪ ﺑﺎﻟﻤﺮﺍﻳﻪ ..
ﺧﻠﺼﻨﺎ ﺍﻟﻔﺤﺺ ﻭﺍﻻﺟﺮﺍﺁﺕ ﻭﺭﺣﻨﺎ ﻟﻠﻤﺤﻜﻤﻪ ﺣﺘﻰ ﻧﻌﻘﺪ ﺗﻘﺮﻳﺒﺎ ﺍﻟﺴﺎﻋﻪ 11 ﻭﺍﻧﻲ ﺗﻌﺒﺎﻧﻪ ﻧﺰﻟﺖ ﻣﻦ ﺍﻟﺴﻴﺎﺭﻩ .
ﺍﺷﻮ ﻫﺬﺍ ﻗﺮﺏ ﻋﻠﻴﻪ ﻋﺒﺎﻟﻲ ﺭﺍﺡ ﻳﺴﻤﻌﻨﻲ ﻛﻠﻤﻪ ﺣﻠﻮﻩ ..
ﺗﺎﻟﻲ ﻳﮕﻠﻲ ﺍﻟﺪﻧﻴﺎ ﺣﺎﺭ ﻣﻮ ﺯﻳﻦ ﻋﻠﻴﺞ ﻋﻴﻮﻧﺞ ﻻﺑﺴﻪ ﻋﺪﺳﺎﺕ ﺍﻧﺰﻋﻴﻬﻦ ﻣﺎﻛﻮ ﺩﺍﻋﻲ ﻟﻠﻐﺶ .. # ﺷﻤﺲ
ﺻﺪﻭﮒ ﻣﻮﺗﻨﻲ ﺿﺤﻚ 😂😂 ﻫﺬﺍ ﺷﺪﻳﺤﺲ .
ﻫﺴﺎ ﻟﻮ ﻣﺎﺑﺎﻟﺸﺎﺭﻉ ﻛﺎﻥ ﻋﺮﻓﺖ ﺷﻠﻮﻥ ﺍﺣﺠﻲ ﻭﻳﺎﻩ ..
ﺍﻟﻠﻪ ﻻﻳﻨﻄﻴﻚ ﻋﺒﺎﺱ ﺑﻬﺬﻟﺘﻨﻲ ﻭﺧﻠﻴﺖ ﺍﻟﻐﺮﺑﻪ ﺗﻀﺤﻚ ﻋﻠﻴﻪ ..
ﻛﻤﻠﻨﺎ ﻋﻘﺪ ﻭﺍﻧﻲ ﮔﺎﻟﺒﻪ ﻭﺟﻬﻲ ﻋﻠﻴﻪ . ﻭﺍﻟﻘﺎﺿﻲ ﮔﺎﻝ ﻟﻴﺶ ﻻﺑﺴﻪ ﺍﺳﻮﺩ ﺑﺎﺑﺎ .
ﮔﻮﻟﺘﻠﻪ ﻭﺍﻟﺪﻱ ﻣﺘﻮﻓﻲ ..
ﺍﻟﻘﺎﺿﻲ .. ﺍﻟﻰ ﺭﺣﻤﻪ ﺍﻟﻠﻪ ﺑﺎﺑﺎ .. ﺍﻟﻠﻪ ﻳﺼﺒﺮﺝ ..
ﻭﻋﻤﺘﻲ ﺑﺎﺭﻛﺖ ﺍﻟﻨﺎ .. ﻭﻃﻠﻌﻨﺎ .. ﮔﺎﻟﺖ ﻋﻤﺘﻲ ﻣﺘﻌﻮﺩﻳﻦ ﺑﻌﺪ ﻋﻘﺪ ﺍﻟﻤﺤﻜﻤﻪ ﺗﺘﻐﺪﺍ ﺍﻟﻌﺮﻭﺱ ﻋﻨﺪ ﺍﻫﻞ ﺯﻭﺟﻬﺎ ..
ﺳﻤﺮﺍ .. ﻻ ﺧﺎﻟﻪ ﻣﺎﻣﺎ ﻭﺣﺪﻫﺎ ﺧﻄﻴﻪ ..
ﺍﻡ ﺍﺣﻤﺪ .. ﺍﻧﻲ ﺍﺗﺼﻞ ﻋﻠﻴﻬﺎ ﻭﺍﺑﻠﻐﻬﺎ .. ﻭﻓﻌﻼ ﻭﺍﺗﺼﻠﺖ ﻉ ﻣﺎﻣﺎ .. ﻭﮔﻠﺘﻠﻲ ﻣﻌﺘﺮﺿﺖ ..
ﻭﻫﻮ ﻭﺍﮔﻒ ﻣﺜﻞ ﺍﻟﺼﺨﺮ .. ﻳﺎﺭﺑﻲ ﺷﮕﺪ ﻣﻐﺮﻭﺭ ﻋﻮﺩ ﺣﻠﻮ ..
ﺭﺣﺖ ﻭﻳﺎﻫﻢ ﻟﻠﺒﻴﺖ ﺍﻭﻝ ﻣﺪﺧﻠﺖ .. ﺍﺟﺖ ﺗﺮﻛﺾ ﻧﻮﺭ .. ﻭﺗﮕﻮﻟﻲ ﻋﺮﻭﺳﻪ ﻭﺣﻈﻨﺘﻨﻲ ..
ﺣﻈﻨﺘﻬﺎ ﻭﺍﺷﻢ ﺑﻴﻬﺎ ﻭﻫﻲ ﻧﺎﻣﺖ ﻉ ﻛﺘﻔﻲ .. ﺻﺪﻓﻪ ﺷﻠﺖ ﺭﺍﺳﻲ ﻟﮕﻴﺖ ﺍﻣﻴﺮ ﻳﺘﺒﺎﻭﻉ ﻭﻳﺒﺘﺴﻢ .. ﺷﺎﻓﻨﻲ ﺍﻧﺘﺒﻬﺖ ﻛﺸﺮ ..
ﺗﺎﻟﻲ ﺍﺟﻪ ﺍﺣﻤﺪ ﺳﻠﻢ ﻋﻠﻴﻪ .. ﻭﺯﻭﺟﺘﻪ ﻫﻢ ﺣﺒﺎﺑﻪ ﺍﺳﻤﻬﺎ ﺍﻵﺀ ﻭﻣﻴﻮﺳﻪ ﻣﺮﺣﻪ ﻭﺑﺲ ﺗﻀﺤﻚ ..
ﮔﻌﺪﻧﺎ ﻧﺎﻛﻞ .. ﻭﻧﻮﺭ ﮔﺎﻋﺪﻩ ﺑﺤﻈﻨﻲ ﻭﺃﺍﻛﻞ ﺑﻴﻬﺎ .. ﻭﻫﻤﻪ ﻓﺮﺣﺎﻧﻴﻦ ﻻﻥ ﺗﺎﻛﻞ ﻻﻥ ﻫﻲ ﻋﺎﻳﺸﻪ ﻉ ﺍﻟﻤﻤﻴﻪ . ﻋﻤﺮﻫﺎ ﺳﻨﺘﻴﻦ ﻭﻣﻔﺎﻃﻤﻴﻬﺎ ..
ﺍﻟﻤﻔﺮﻭﺽ ﻳﻨﻄﻮﻫﺎ ﺣﻠﻴﺐ ﺑﺎﻟﻜﻮﺏ ﺑﺲ ﻫﻲ ﻣﺜﻞ ﺍﻟﻄﻔﻞ ﻻﺯﻣﻪ ﺍﻟﻤﻤﻴﻪ ﻭﺗﻔﺘﺮ ..
ﻗﻬﺮﺗﻨﻲ ﺣﻴﻞ .. # ﺷﻤﺲ
ﺗﺎﻟﻲ ﺧﻠﺼﻨﺎ .. ﺩﺧﻠﺘﻨﻲ ﻣﻴﻮﺳﻪ ﺍﻟﻐﺮﻓﺘﻬﺎ .. ﻭﺑﻘﻴﻨﺎ ﻭﺣﺪﻧﺎ ﻭﻧﻮﺭ ﻧﺎﻳﻤﻪ ﺑﺤﻈﻨﻲ ..
ﺍﺗﺠﺮﺃﺕ ﻭﺳﺄﻟﺖ ﻣﻴﺲ ﻋﻦ ﻗﺼﻪ ﺍﻡ ﻧﻮﺭ ..
ﻣﻴﺲ .. ﺍﺷﺸﺸﺸﺶ ﻭﻃﻲ ﺻﻮﺗﺞ ﻟﻴﺴﻤﻌﺞ ﺍﻣﻴﺮ ..
ﺳﻤﺮﺍ .. ﻟﻴﺶ
ﻣﻴﺲ .. ﻣﻴﻘﺒﻞ ﺍﺣﺪ ﻳﺠﻴﺐ ﺍﺳﻤﻬﺎ ﺍﻭ ﺳﻴﺮﺗﻬﺎ ..
ﺳﻤﺮﺍ .. ﺷﻨﻮ ﺍﻟﺴﺒﺐ
ﻣﻴﺲ .. ﺑﺎﻋﻲ .. ﺍﺣﻼﻡ ﺍﻡ ﻧﻮﺭ ﺍﺗﻌﺮﻑ ﺍﻣﻴﺮ ﻋﻠﻴﻬﺎ ﺑﺎﻟﻔﻴﺲ ﻭﺗﻄﻮﺭﺕ ﻋﻼﻗﺘﻬﻢ ﻭﺗﻄﻮﺭﺕ ﻭﺻﺎﺭﺕ ﺣﺐ ﻭﻃﻠﻌﺎﺕ ﻭﻭﻧﺴﺎﺕ .. ﻫﻲ ﺣﻠﻮﻩ ﺗﺨﺒﻞ .. ﺷﺎﻳﻔﻪ ﺟﻤﺎﻝ ﻧﻮﺭ ﻫﻲ ﺑﻌﺪ ﺍﺣﻠﻰ ..
ﺧﺒﻠﺘﻪ ﺍﻻﻣﻴﺮ ﮔﺎﻡ ﻣﻴﺸﻮﻑ ﻏﻴﺮﻫﺎ ..
ﺍﻫﻠﻲ ﻣﺎﺍﺭﺗﺎﺣﻮﺍ ﺍﻟﻬﺎ ﺍﻭﻝ ﻣﺸﺎﻓﻮﻫﺎ ﻭﺍﻣﻲ ﻣﺤﺒﺘﻬﺎ ﻭﺭﻓﻀﺖ ﺗﺨﻄﺒﻬﺎ ﺗﺤﺴﻬﺎ ﺧﻔﻴﻔﻪ .. # ﺷﻤﺲ
ﺑﺲ ﺍﻣﻴﺮ ﺍﺻﺮ ﻳﺘﺰﻭﺟﻬﺎ ..
ﻭﺗﺰﻭﺟﻬﺎ ﻭﻫﻲ ﺷﺮﻃﺖ ﻋﻠﻴﻪ ﺑﻴﺖ ﻭﺍﺷﺘﺮﻯ ﺍﻟﺒﻴﺖ ﻭﺍﺛﺜﻪ .. ﻣﻦ ﻛﻮﻟﺸﻲ . ﻭﺳﻮﺍﻟﻬﻪ ﺣﻔﻠﻪ ﺗﺨﺒﻞ ..
ﻭﻳﺠﻴﺐ ﺍﻟﺮﺍﺗﺐ ﻭﻳﺨﻠﻴﻪ ﺑﺤﻈﻨﻬﺎ ..
ﺑﻌﺪ ﺍﻟﺰﻭﺍﺝ .. ﺗﻐﻴﺮﺕ ﺑﻴﺘﻬﺎ ﻭﺳﺦ ﻭﻣﺎﺗﻄﺒﺦ ﻛﻮﻟﻪ ﻣﻦ ﺍﻟﺴﻮﮒ ﺍﻛﻠﻬﻢ ..
ﻣﻦ ﻧﺠﻲ ﺗﻌﺒﺲ ﺑﻮﺟﻬﻨﺎ .. ﺍﻟﻰ ﺍﻥ ﺗﻌﺎﺭﻛﺖ ﻭﻱ ﺍﻣﻴﺮ ﻭﮔﻠﺘﻠﻪ ﻣﺎﺍﺭﻳﺪ ﺍﻫﻠﻚ ﻳﺠﻮﻥ ﻭﻫﻮ ﺗﻌﺎﺭﻙ ﻭﻳﺎﻫﻪ ﻭﺑﻘﻰ ﻓﺘﺮﻩ ﻣﻴﺤﺠﻲ ﻭﻳﺎﻫﻪ ﻭﺯﻋﻠﺖ ﺍﻻﻫﻠﻬﺎ ﺍﻟﻰ ﺍﻥ ﺩﺯﻟﺘﻪ ﺭﺳﺎﻟﻪ ﮔﻠﺘﻠﻪ ﺍﻧﻲ ﺣﺎﻣﻞ ﻭﺭﺟﻌﻬﺎ ﻟﻠﺒﻴﺖ ﻭﺩﻟﻠﻬﺎ ﻭﻓﺮﺣﺎﻥ . ﺍﻟﻄﻔﻞ
ﻭﻭﻟﺪﺕ ﺑﻨﻮﺗﻪ ﺗﺨﺒﻞ ﻭﺳﻤﺎﻫﻪ ﻧﻮﺭ ..
ﻭﻣﻮ ﻻﻥ ﺍﺧﻮﻳﻪ ﺑﺲ ﺻﺪﻭﮒ ﻛﺎﻥ ﻣﻤﻘﺼﺮ ﻭﻳﺎﻫﻪ ..
ﻛﺎﻥ ﻣﺘﻌﻠﻖ ﺑﻨﻮﺭ ﻛﻮﻟﺶ ﻣﺮ ﻉ ﺍﻟﻮﻻﺩﻩ ﺷﻬﺮﻳﻦ ﻛﺎﻥ ﻣﺎﺧﺬ ﺍﺟﺎﺯﻩ ﻋﻤﻮﺩﻫﺎ ﻭﻃﻠﻌﻬﻢ ﻳﻮﻧﺴﻬﻢ ﻭﺧﻠﺼﺖ ﺍﺟﺎﺯﺗﻪ ﻭﺩﺍﻭﻡ ... ﺍﺷﺘﺎﻗﻠﻬﻢ ﺍﺗﺼﻞ ﻋﻠﻴﻬﺎ ﻣﺎﻛﻮ ..
ﺍﺧﺮ ﺷﻲ ﺍﺗﺼﻞ ﻉ ﺍﺧﻮﻫﺎ ﮔﻠﻪ ﻋﻨﺪﻛﻢ ﺍﺣﻼﻡ ﺍﺷﻮ ﺍﺗﺼﻞ ﻋﻠﻴﻬﺎ ﻣﺎﻛﻮ ..
ﺍﺧﻮﻫﺎ ﺍﺳﺘﻐﺮﺏ ﻭﻛﺎﻝ ﻻ ﺍﺟﺖ ﻭﻻ ﺍﺗﺼﻠﺖ ..
ﮔﻠﻪ ﻟﻌﺪ ﺭﻭﺡ ﺷﻮﻓﻬﻢ ﮔﺪﺍﻣﻲ ﻭﺍﻧﻲ ﻣﺴﺎﻓﻪ ﺍﻟﻄﺮﻳﻖ ﻭﺍﺟﻲ ..
ﻭﻓﻌﻼ ﻭﺻﻞ ﺍﻣﻴﺮ .. ﻟﮕﻪ ﺍﺧﻮﻫﻪ ﻳﺪﻭﮒ ﻉ ﺍﻟﺒﺎﺏ ﻭﻣﺎﺗﻔﺘﺢ .. ﮔﻠﻪ ﺍﺣﺘﻤﺎﻝ ﺑﺎﻟﻐﺮﻓﻪ ﻭﻣﻴﺴﻤﻌﻮﻥ ..
ﻻﻥ ﻏﺮﻓﺘﻬﻢ ﻟﺠﻮﻩ ﻭﺑﻌﻴﺪﻩ ﻋﻦ ﺍﻟﺒﺎﺏ ﻭﺍﺫﺍ ﻓﺘﺤﻮﺍ ﺳﺒﻠﺖ ﻭﺍﻟﺘﻜﻴﻴﻒ ﻣﻴﺴﻤﻌﻮﻥ ﻛﻮﻟﺸﻲ ..
ﻓﺘﺢ ﺍﻟﺒﺎﺏ ﺍﻣﻴﺮ ﺩﺧﻞ ﻫﻮ ﻭﺍﺧﻮ ﺍﺣﻼﻡ .
ﻓﺘﺤﻮﺍ ﺑﺎﺏ ﺍﻟﻤﻄﺒﺦ .. ﻭﺩﺧﻠﻮﺍ ﺍﻟﺒﻴﺖ ﻫﺪﻭﺀ .. ﻭﺑﻌﺪﻳﻦ ﻃﻠﻌﺖ ﻫﻲ ﻣﻦ ﺍﻟﻐﺮﻓﻪ ﻻﺑﺴﻪ ﻣﻼﺑﺲ ﻣﻐﺮﻳﻪ ﻭﺷﻔﺎﻓﻪ .. ﻣﻦ ﺷﺎﻓﺘﻬﻢ ﺗﺨﺒﻠﺖ ﻭﺑﻘﺖ ﺗﻌﻴﻂ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ
...
انتي متابعة قديمة وللان ممقيمة تطبيقنا
قيمي على Google play ب 5 نجوم فوديتج
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء