....
رواية سحر المقابر 🔞 الجزء الرابع عشر | النهاية
للكاتبة زينب ماجد
....
ﺑﻤﺠﺮﺩ ﻣﺎ ﻛﻠﺖ ﻫﻴﺞ ﺳﺒﺤﺎﻥ ﺍﻟﻠﻪ ﺍﻧﺪﻓﻊ ﺩﻓﻌﻪ ﺍﻟﺮﺟﻞ ﺍﻧﻀﺮﺏ ﺑﺎﻟﺤﺎﻳﻂ .. ﻛﻤﺖ ﻋﻠﻪ ﺣﻴﻠﻲ ﻭﺍﺷﻮﻑ ﺍﻟﻤﺮﻩ ﺍﻟﺴﻮﺩﻩ ﺧﺎﻧﻜﺘﻪ ﺑﺸﻌﺮﻫﺎ ..
ﺑﻘﺖ ﺗﺼﺮﺥ ﻭﺗﻌﻴﻂ ﻭﻫﻮﻩ ﻳﺤﺎﻭﻝ ﻳﻘﺮﻩ ﻭﻳﻮﺧﺮﻫﺎ ﻭﻳﺴﻮﻱ ﺑﻌﻮﺩﻩ ﻭﻫﻴﻪ ﺗﻠﺘﻒ ﻭﺗﻌﻴﻂ .. ﺑﻘﻴﺖ ﺍﺑﺠﻲ ﻭﺍﺻﺮﺥ
ﻛﻮﻩ ﻟﻔﻴﺖ ﻣﻼﺑﺴﻲ ﻭﺑﻘﻴﺖ ﺍﺻﺮﺥ ﻭﻃﻠﻌﺖ ﺷﺎﻓﻮﻧﻲ ﺍﻫﻠﻲ ﻛﺘﻠﻬﻢ ﺍﺧﺬﻭﻧﻲ ﻛﺎﻟﻮ ﺷﻜﻮ ﻛﺘﻠﻬﻢ ﺍﺧﺬﻭﻧﻲ ﻭﺍﺣﺠﻲ ﺑﺘﺜﺎﻗﻞ ﻟﺤﺪ ﻣﺎ ﺗﺨﺮﺑﻄﺘﺖ
ﻧﻘﻠﻮﻧﻲ ﻟﻠﻤﺴﺘﺸﻔﻰ ﻧﻮﻣﻮﻧﻲ ﻳﺮﺩﻭﻥ ﻳﻌﺮﻓﻮﻥ ﺷﺒﻴﻪ ﺍﻟﻀﻐﻂ ﻭﺍﻟﺴﻜﺮ ﻭﺍﻟﺨﻔﻘﺎﻥ ﻓﺪ ﻣﺮﻩ ﺣﺎﻟﺘﻲ ﺗﺒﺠﻲ ﺍﻟﺼﺨﺮ
ﺣﺎﺭﻭ ﻭﺩﻭﻧﻲ ﺍﺋﻤﻪ ﻣﻘﺪﺳﺎﺕ ﻣﺎﻛﻮ ﻣﺎ ﻓﺎﺩﺕ ﻭﻳﺎﻱ ﺑﻘﺖ ﺣﺎﻟﺘﻲ ﺑﺎﻻﺳﻮﺀ ﻭﺍﻳﻬﺎﺏ ﺍﺗﺨﺒﻞ ﻣﻨﻪ ﺍﻛﻮﻡ ﺍﺻﺮﺥ ﻟﻮ ﺟﺎﺑﻮﻟﻲ ﻃﺎﺭﻳﻪ
ﺑﺲ ﻫﻮﻩ ﻳﺠﻲ ﻟﺒﻴﺖ ﺍﻫﻠﻲ ﺑﺪﻭﻥ ﻋﻠﻢ ﺍﺑﻮﻳﻪ ﻳﺘﻔﻖ ﻭﻳﻪ ﺍﻣﻲ ﻭﻳﻄﺐ ﻟﺒﻴﺘﻨﻪ ﻭ ﻳﺒﺎﻭﻋﻠﻲ ﻣﻦ ﺍﻟﺸﺒﺎﻙ ﻭﻳﺒﺠﻲ ﻭﻣﺎ ﻳﺘﻘﺮﺑﻠﻲ
ﻋﺠﺰ ﻛﻞ ﻃﺒﻴﺐ ﻭﻛﻞ ﺳﻴﺪ ﻭﻛﻞ ﺷﻴﺦ ﺭﻭﺣﺎﻧﻲ ﻋﻦ ﻣﺪﺍﻭﺍﺗﻲ ﺍﻟﻰ ﺍﻥ ﻭﺻﻠﺖ ﺑﻴﻪ ﺍﻟﺤﺎﻟﻪ ﻋﺸﺖ ﺑﻐﻴﺮ
ﺍﺣﺲ ﺭﻭﺣﻲ ﺑﻤﻘﺒﺮﻩ ﻭﺍﺷﻮﻑ ﺍﺷﻴﺎﺀ ﺗﺨﻮﻑ ﺳﺎﻋﻪ ﺍﺷﻮﻑ ﺍﻧﻮﺍﻉ ﺍﻻﺭﻭﺍﺡ ﻭﺍﻟﺠﻦ ﺍﻟﻠﻲ ﻳﺼﺮﺥ ﺑﻮﺟﻬﻲ ﻭﺍﻟﻠﻲ ﻳﺘﻠﻔﺖ ﻣﻦ ﻳﻤﻲ
ﻭﺳﺎﻋﻪ ﺍﺷﻮﻑ ﺷﻌﺮﻱ ﻳﻄﻴﺮ ﻭﻳﺪﺧﻞ ﺑٲﺫﺍﻧﺎﺗﻲ ﻭﻳﻄﻠﻊ ﻣﻦ ﺣﻠﻜﻲ ﻭﺳﺎﻋﻪ ﻳﻄﻠﻊ ﻣﻦ ﺧﺸﻤﻲ
ﻭﻣﺮﺍﺕ ﺍﺣﺴﻪ ﻳﺮﻛﺾ ﻭﺭﺍﻳﻪ ﻭﻳﺨﻨﻜﻨﻲ .. ﻭﻣﺮﺍﺕ ﺍﺣﺴﻪ ﻣﻠﺘﺼﻖ ﺑﻴﻪ ﻣﺜﻞ ﺍﻟﺬﻳﻞ ﺍﺗﺨﺒﻠﺖ ﺗﻤﺎﻣﺎ .. ﺍﻧﻲ ﺍﻟﻠﻲ ﺍﺧﺎﻑ ﻛﻤﺖ ﺍﺷﻮﻑ ﺍﻧﻮﺍﻉ ﺍﻟﺠﻦ
ﻣﺮﺕ ﻋﻠﻪ ﻫﺎﻱ ﺣﺎﻟﺘﻲ ﺳﻨﻪ ﻭﻧﺺ ﻭﺍﻧﻲ ﺻﺮﺕ ﻣﺜﻞ ﺍﻟﺠﺜﻪ ﺑﻼ ﺭﻭﺡ ﻣﺮﺕ ﺳﻨﻪ ﻭﻧﺺ ﻭﺍﻧﻲ ﻛﻠﻤﻪ ﻣﺎ ﻧﺎﻃﻘﻪ ﻭﻻ ﺍﻋﺮﻑ ﺍﻟﺪﻧﻴﺎ ﺷﺒﻴﻬﺎ ﻋﺎﻳﺸﻪ ﺑﻐﻴﺮ ﻋﺎﻟﻢ
ﻭﺯﻧﻲ ﻧﺰﻝ ﻣﻦ 67 ﻛﻴﻠﻮ ﻟﻞ 39 ﻛﻴﻠﻮ ﺑﻘﻴﺖ ﻋﺎﻳﺸﻪ ﻋﻠﻪ ﺑﺎﻛﻴﺘﺎﺕ ﺍﻟﺤﻠﻴﺐ ﻭﺍﻟﻜﻴﻚ ﻭﺍﻟﻌﺼﻴﺮ ﺍﻟﻠﻲ ﺗﺠﺒﺮﻧﻲ ﺍﻣﻲ ﻭﺗﻮﻛﻠﻨﻲ ﻭﺍﻧﻲ ﻣﺜﻞ ﺍﻟﻤﻴﺘﻪ ﺑﺲ ﺍﺑﺎﻭﻉ
ﻣﺮﺍﺕ ﻣﻦ ﺗﺸﻴﻠﻨﻲ ﺍﻣﻲ ﻭﺭﺑﻰ ﺍﺧﺘﻲ ﻳﺪﺧﻠﻮﻧﻲ ﻟﻠﺤﻤﺎﻡ ﻳﺴﺒﺤﻮﻧﻲ ﻭﺍﺷﻮﻑ ﺷﻜﻠﻲ ﺑﺎﻟﻤﺮﺍﻳﺎ ﺍﻛﻮﻡ ﺍﻋﻴﻂ ﻭﺍﺻﻴﺢ ﻭﺍﺑﺠﻲ ﺑﺪﻭﻥ ﺣﺠﻲ ﺑﺲ ﻋﻴﺎﻁ
ﺍﺷﻮﻑ ﻭﺟﻬﻲ ﻣﺜﻞ ﺍﻟﺴﻌﻠﻮﻩ ﻳﺨﻮﻭﻭﻑ ﻣﻴﺘﺒﺎﻭﻉ ﻓﻜﺎﻣﻮ ﻣﻦ ﻳﺴﺒﺤﻮﻧﻲ ﻣﻴﺨﻠﻮﻥ ﻣﺮﺍﻳﺎ ﺑﺎﻟﺤﻤﺎﻡ .. ﺍﻧﺘﻬﺖ ﺣﻴﺎﺗﻲ ﻭﺍﻧﻲ ﻣﺜﻞ ﺍﻟﻤﻴﺖ ﻳﻨﺘﻀﺮﻭﻥ ﺳﺎﻋﺔ ﻭﻓﺎﺗﻲ
ﺍﺑﻮﻳﻪ ﻣﻨﻊ ﺍﻳﻬﺎﺏ ﻣﻦ ﺯﻳﺎﺭﺗﻲ ﻭﺗﻌﺎﺭﻙ ﻭﻳﻪ ﻣﺎﻣﺎ ﻻﻥ ﺗﺨﻠﻴﻪ ﻳﺸﻮﻓﻨﻲ ﻭﺣﺘﻪ ﻭﺻﻠﺖ ﺑﻴﻨﻬﻢ ﺍﻟﻌﺮﻙ ﻟﻠﺰﻋﻞ ﻭﻣﻴﺘﺤﺎﺟﻮﻥ
ﻭﺍﻳﻬﺎﺏ ﺍﻧﺘﻬﻰ ﺗﺤﺴﻪ ﺟﺜﻪ ﺗﻤﺸﻲ ﺑﺪﻭﻥ ﺭﻭﺡ ﻳﺠﻲ ﻳﺒﺠﻲ ﻳﻢ ﺍﻣﻲ ﻭﻳﺸﻜﻲ ﻭﻳﻜﻮﻟﻠﻬﺎ ﻭﺍﻟﻠﻪ ﻣﺴﺘﻌﺪ ﺍﻧﻄﻲ ﺭﻭﺣﻲ ﺑﺲ ﺧﻞ ﺗﻜﻮﻡ ﻋﻠﻪ ﺣﻴﻠﻬﺎ
ﺗﺮﻙ ﺍﻣﻪ ﻭﻛﺎﻡ ﻣﺎ ﻳﺤﺠﻲ ﻭﻳﺎﻫﺎ ﻭﺍﻛﺜﺮ ﻣﻦ ﻣﺮﻩ ﺗﻌﺎﺭﻙ ﻭﻳﺎﻫﺎ ﻳﻜﻮﻟﻬﺎ ﺍﺫﺍ ﺍﻧﺘﻲ ﻣﺴﻮﻳﺘﻠﻬﺎ ﺍﻟﺴﺤﺮ ﻛﻮﻟﻲ ﺍﺭﺣﻤﻴﻨﻲ ﻭﻳﻦ ﺩﺍﻓﻨﻴﻦ ﺍﻟﺴﺤﺮ
ﻭﻫﻴﻪ ﺗﻜﻮﻡ ﺗﺼﻴﺢ ﻭﺗﻌﻴﻂ ﻭﺗﻠﻢ ﺍﻟﺪﻧﻴﺎ ﻋﻠﻴﻪ ﺷﻠﻮﻥ ﺗﺘﻬﻤﻨﻲ ﺍﻧﻲ ﺍﺳﻮﻱ ﺍﻟﺴﺤﺮ ﺗﻌﺎﺭﻙ ﻭﻳﻪ ﺍﺑﻮﻩ ﻭﺍﺧﻮﻩ ﻻﻥ ﺣﺘﻪ ﻫﺪ ﻭﺗﻬﺪﻳﺪ ﻫﺪ ﻋﻠﻴﻬﺎ ﻭﻣﺎ ﻓﺎﺩ ﻭﻳﺎﻫﺎ ﺍﺑﺪ ﻣﻜﺎﻟﺖ ﻣﻨﻮ ﻛﺺ ﺍﻟﺸﻌﺮ ﺍﻭ ﻣﻨﻮ ﺳﻮﻩ ﻫﻴﺞ .. ﺗﻨﻜﺮ
ﻓﺪ ﻳﻮﻡ ﻣﻦ ﺍﻻﻳﺎﻡ ﺗٲﺯﻣﺖ ﺣﺎﻟﺘﻲ ﺍﻟﻤﺮﻩ ﺍﻟﺴﻮﺩﻩ ﺗﺨﻨﻜﻨﻲ ﻭﻋﻴﻮﻧﻲ ﺗﻄﻠﻊ ﻫﻤﻪ ﻋﺒﺎﻟﻬﻢ ﺍﻧﻲ ﺩﺍ ﺍﺟﺎﻟﻊ ﻭﺍﻟﻔﻆ ﺍﻧﻔﺎﺳﻲ ﺍﻻﺧﻴﺮﻩ
....
....
ﻧﻘﻠﻮﻧﻲ ﻟﻠﻤﺴﺘﺸﻔﻰ ﻭﺍﻳﺴﻮ ﻣﻨﻲ ﺧﻼﺹ ﺍﻟﺪﻛﺎﺗﺮﻩ ﻛﺎﻟﻮ ﺑﻌﺪ ﻣﺎ ﺑﻴﻬﺎ ﺍﻣﻞ ﺍﻳﺎﻡ ﻭﺗﻤﻮﺕ .. ﺍﻫﻠﻲ ﺍﻧﺘﻬﻮ ﺍﻳﻬﺎﺏ ﺍﺩﻣﺮ
ﺣﺘﻪ ﺣﻈﺮﻭ ﻛﻔﻨﻲ ﻭﻛﺘﺒﻮ ﻋﻠﻴﻪ ﺩﻋﺎﺀ ﺍﻟﺠﻮﺷﻦ ﻭﺟﺎﻧﻮ ﻣﺘﺎﻧﻴﻦ ﺷﻮﻛﺖ ﺍﻣﻮﺕ .. ﺣﺘﻪ ﺻﺎﺭﺕ ﻣﺸﺎﻛﻞ ﻧﺎﺱ ﺗﻜﻮﻝ ﻓﺎﺗﺤﺘﻬﺎ ﻋﻠﻪ ﺍﺑﻮﻫﺎ ﻭﻧﺎﺱ ﺗﻜﻮﻝ ﻻ ﻓﺎﺗﺤﺘﻬﺎ ﻋﻠﻪ ﺭﺟﻠﻬﺎ
ﺍﻳﻬﺎﺏ ﻳﻄﺎﻟﺐ ﺑﻴﻪ ﻭﺍﺑﻮﻳﻪ ﻳﺘﻌﺎﺭﻙ ﻭﻳﺎﻩ ﻭﻣﺴﻠﻢ ﺍﺧﻮﻳﻪ ﺗﻘﺎﺗﻞ ﻭﻳﺎﻩ ﻭﺍﺩﺧﻠﻮ ﺑﻴﻬﺎ ﻋﺸﺎﻳﺮ ﻭﻧﺎﺱ ﺗﺠﻲ ﻋﻠﻪ ﺍﺑﻮﻳﻪ ﻣﻴﺼﻴﺮ ﻫﻴﺞ ﻻﺯﻡ ﺗﻨﻄﻴﻬﺎ ﻟﺮﺟﻠﻬﺎ
ﻭﺍﺑﻮﻳﻪ ﻳﻜﻮﻟﻪ ﺍﻧﻄﻴﺘﻬﺎ ﺍﻟﻬﻢ ﻭﺭﺩﻩ ﻭ ﺭﺟﻌﻮﻫﺎ ﺍﻟﻲ ﻣﻴﺘﻪ ﻳﺤﻠﻤﻮﻥ ﻳﺸﻮﻓﻮﻥ ﺿﻔﺮ ﻣﻨﻬﺎ ..
ﻓﺪ ﻳﻮﻡ ﺍﻧﻲ ﺍﺣﺲ ﻋﻠﻌﺎﻟﻢ ﻭﻋﻠﻪ ﺍﻫﻠﻲ ﺑﺲ ﻣﺎ ﺍﻛﺪﺭ ﺍﺗﻜﻠﻢ ﺗﻜﻮﻝ ﻣﻴﺘﻪ ﻣﺠﺮﺩ ﻓﺘﺤﺖ ﻋﻴﻨﻲ ﻟﻜﻴﺖ ﺍﻣﻲ ﺗﺒﺠﻲ ﻋﻠﻪ ﺭﺍﺳﻲ
ﻛﺎﻟﺖ ﻫﺎ ﻭﻟﺞ ﻳﻤﻪ ﺳﻨﺎ ﺗﺴﻤﻌﻴﻨﻲ ﻳﺎﻭﺭﺩﻩ ﻭﺍﺣﻠﻪ ﻣﻦ ﺍﻟﻮﺭﺩﻩ ﻳﻤﻪ ﺫﺑﻠﻮﺝ ﻋﺴﺎﻫﺎ ﺑﺤﻈﻬﻢ ﻭﺍﺑﺨﺘﻬﻢ
ﺑﻘﺖ ﺩﻣﻮﻋﻲ ﺗﺠﺮﻱ ﻟﻤﺎ ﺍﻣﻲ ﺗﺤﺠﻲ .. ﻛﺎﻟﺘﻠﻲ ﺩﻣﻮﻋﺞ ﻏﺴﻠﻨﻲ ﻳﻤﻪ ﻭﻟﺞ ﻳﻤﻪ ﺷﻨﻮ ﺑﻴﺪﻱ ﻭﺍﺳﻮﻳﻪ ﻭﺍﻟﻠﻪ ﻳﻴﻤﻪ ﻟﻮ ﻳﻄﻠﺒﻮﻥ ﺭﻭﺣﻲ ﻭﻳﻜﻮﻟﻮﻥ ﺗﺼﺤﻪ ﺳﻨﺎ ﻳﻴﻤﻪ ﻭﺍﻟﻠﻪ ﺍﻧﻄﻴﻬﺎ
ﺍﺟﺖ ﺭﺑﻰ ﺷﺒﻌﺖ ﺑﺠﻲ ﻭﺍﺑﻮﻳﻪ ﻳﺒﺠﻲ ﻭﺍﺧﻮﻱ ﻛﻠﻬﻢ ﺍﺑﺎﻭﻉ ﻭﺭﺍﻫﻢ ﺍﻡ ﺷﻌﺮ ﺍﻻﺳﻮﺩ ﺗﺨﺰﺭﻧﻲ ﺗﺨﻮﻑ ﻓﺘﺤﺖ ﻋﻴﻮﻧﻲ ﻭﻛﻤﺖ ﺍﺷﻬﻚ ﻭﻧﻔﺲ ﻳﺼﻌﺪ ﻭﻳﻨﺰﻝ
ﺍﻣﻲ ﻛﺎﻣﺖ ﺗﻠﻄﻢ ﻋﺒﺎﻟﻬﺎ ﺭﺍﺡ ﺍﻣﻮﺕ .. ﻭﺗﺼﻴﺢ ﻭﻟﻜﻢ ﺍﻟﻠﻪ ﻻ ﻳﻨﻄﻴﻜﻢ ﺑﺘﻴﻴﻴﻴﻴﻴﻴﻲ ﻭﻟﻜﻢ ﺑﺘﻲ ﺗﻤﻮﻭﻭﻭﺕ ﻛﺒﺎﻝ ﻋﻴﻨﻲ ﻭﻣﺎ ﺑﻴﺪﻱ ﺷﻲ
ﻧﺰﻋﺖ ﺣﺠﺎﺑﻬﺎ ﻭﻛﺎﻣﺖ ﺗﻤﻠﺦ ﺑﺮﻭﺣﻬﺎ ﺍﺧﺮ ﺷﻲ ﻛﺎﻣﺖ ﻋﻠﻪ ﺣﻴﻠﻬﺎ ﻛﺎﻝ ﻣﺎ ﺍﺳﻜﺖ ﺍﺭﻳﺪ ﺍﺭﻭﺡ ﻟﻠﻲ ﻳﺴﻤﻮﻩ ﺍﺑﻮ ﺭﺍﺱ ﺍﻟﺤﺎﺭ ﺍﺭﻳﺪ ﺍﺭﻭﺡ ﺩﺧﻴﻠﻪ ﻋﻠﻪ ﺍﻟﻌﺒﺎﺱ ﺍﺑﻮ ﺍﻟﻐﻴﺮﻩ ﺍﺭﻳﺪ ﺍﺷﻮﻑ ﻏﻴﺮﺗﻪ ﺗﻘﺒﻞ ﺑﺘﻲ ﻫﻴﺞ ﻳﺼﻴﺮ ﺑﻴﻬﺎ
ﺍﺑﻮﻳﻪ ﻛﺎﻟﻬﺎ ﻭﻳﻦ ﻧﺎﺧﺬﻫﺎ ﻻ ﺍﻃﻚ ﻭﺗﻤﻮﺕ ﺑﺪﻳﻨﻪ ﺑﺎﻟﻄﺮﻳﻖ ﻛﺎﻟﺘﻠﻪ ﻭﺧﺮ ﻣﻨﻲ ﺗﺮﻳﺪ ﺍﺷﻮﻑ ﺑﺘﻲ ﺗﻤﻮﺕ ﻛﺒﺎﻝ ﻋﻴﻨﻲ ﻣﺎ ﺍﺳﻜﺖ ﻫﻴﻪ ﻣﻴﺘﻪ ﻣﻴﺘﻪ ﻋﻮﺩ ﻣﻦ ﺗﻤﻮﺕ ﺍﺭﻭﺡ ﺍﺩﻓﻨﻬﺎ ﺑﻄﺮﻳﻘﻲ
ﺫﻭﻟﻪ ﺩﻛﺎﺗﺮﺗﻚ ﻭﺍﻟﻤﺴﺘﺸﻔﻰ ﻣﺎﻟﺘﻚ ﻣﺎ ﺍﺷﺘﺮﻳﻬﻢ ﺑﻨﻌﺎﻝ ﻣﻮﺗﻮ ﺑﻨﺘﻲ ﺍﻧﻲ ﺭﺍﻳﺤﻪ ﻻﻫﻞ ﺍﻟﺒﻴﺖ ﻭﺍﺷﻤﺮ ﺳﺘﺮﻱ ﻫﻨﺎﻙ ﻭﺍﺩﺧﻞ ﻋﻠﻴﻬﻢ ﻳﻘﺒﻠﻮﻥ ﻳﺼﻴﺮ ﺑﻴﻨﻪ ﻫﻴﺞ
ﻛﺎﻣﺖ ﺍﻣﻲ ﺗﺤﺠﻲ ﻭﺗﺼﻴﺢ ﻓﻘﺪﺕ ﻛﺎﻟﺘﻠﻪ ﻣﺴﻠﻢ ﻋﺎﻭﻧﻲ ﺍﻧﺸﻴﻠﻬﺎ .. ﺷﺎﻟﻮﻧﻲ ﻭﺧﻠﻮﻧﻲ ﺑﺎﻟﺴﻴﺎﺭﻩ ﻭﻃﻠﻌﻮ ﺑﻴﻪ ﻟﻜﺮﺑﻼﺀ
ﺩﺧﻠﻮﻧﻲ ﻟﻼﻣﺎﻡ ﺍﻟﻌﺒﺎﺱ ﺷﻴﻮﻝ ﺷﺎﻳﻠﻴﻨﻲ ﺩﺧﻠﺖ ﺍﻣﻲ ﻟﻠﻤﺮﻗﺪ ﻣﺎﻟﺘﻪ ﻭﻛﺎﻣﺖ ﺗﺼﻴﺢ ﻫﺎ ﻳﻠﻌﺒﺎﺍﺍﺍﺱ ﺗﻘﺒﻞ ﺑﻨﺘﻲ ﻫﻴﺞ ﻳﺼﻴﺮ ﺑﻴﻬﺎﺍﺍﺍﺍ
ﻭﺍﻟﻠﻪ ﺍﺫﺍ ﻣﺎ ﺷﻔﻴﺘﻮ ﺑﻨﺘﻲ ﻻ ﺍﻣﻦ ﺑﻌﺪ ﻭﻻ ﺍﺭﻳﺪ ﺍﻣﺎﻡ ﺗﻌﺒﺖ ﺑﻨﺘﻲ ﻛﺒﺎﻝ ﻋﻴﻨﻲ ﺗﻤﻮﻭﻭﻭﺕ ﻳﻠﻌﺒﺎﺍﺍﺍﺍﺍﺍﺍﺱ .. ﺍﻟﻨﺎﺱ ﺍﻟﺘﻤﺖ ﻋﻠﻴﻬﺎ ﻭﺍﻟﻨﺴﻮﺍﻥ ﺗﺒﺠﻲ ﻭﺗﺪﻋﻲ
ﺍﺗﻌﺎﻃﻔﻮ ﺍﻟﻠﻲ ﺑﺎﻟﺤﺮﻡ ﻛﻠﻬﻢ ﻭﻳﺎﻱ ﻛﺎﻟﻮ ﺗﻌﺎﻟﻮ ﻧﻨﺰﻟﻬﺎ ﻟﻨﻬﺮ ﺍﻟﻌﻠﻘﻤﻲ ﻫﺬﺍ ﺍﻟﻤﻲ ﺷﻔﺎ ﻣﻦ ﻛﻞ ﻣﺮﺽ ﻭﺩﺍﺀ .. ﻧﺰﻟﻮﻧﻲ ﺳﺒﺤﻮﻧﻲ ﺑﺎﻟﻌﻠﻘﻤﻲ
ﻭﻃﻠﻌﻮﻧﻲ ﻧﻮﻣﻮﻧﻲ ﺑﺎﻟﺼﺤﻦ ﻭﻟﻔﻮﻧﻲ ﺑﺎﻟﺮﺍﻳﻪ ﺍﻟﺤﻤﺮﺍ ﻣﺎﻝ ﺍﻻﻣﺎﻡ ﺍﻟﻨﺰﻟﻮﻫﺎ ﺑﻤﺤﺮﻡ .. ( ﻫﺬﺍ ﺍﻟﺤﺠﻲ ﺍﻧﻲ ﺟﻨﺖ ﻓﺎﻗﺪ ﻭﺑﻐﻴﺮ ﻋﺎﻟﻢ ﻣﺎ ﺍﺣﺲ ﻋﻠﻴﻬﻢ ﺷﻠﻮﻥ ﺷﺎﻟﻮﻧﻲ ﻭﺟﺎﺑﻮﻧﻲ
....
....
ﻛﻨﺖ ﻧﺎﻳﻤﻪ ﻓﺘﺤﺖ ﻋﻴﻮﻧﻲ . ﻭﺭﺍﺳﻲ ﻋﻠﻪ ﺭﺟﻞ ﺍﻣﻲ ﻭﻫﻴﻪ ﺭﺍﻓﻌﻪ ﻋﻴﻨﻪ ﻋﻠﻘﺒﻪ ﻣﺎﻝ ﺍﻻﻣﺎﻡ ﻭﺩﻣﻮﻋﻬﺎ ﻳﺠﺮﻥ ﺑﺤﺮﻛﻪ ﻭﻳﻮﻛﻌﻦ ﻋﻠﻪ ﻫﺪﻭﻣﻬﺎ
ﺗﻜﻠﻪ ﻫﺎ ﻳﺎ ﻋﺒﺎﺱ ﺗﺮﺩﻧﻲ ﺍﺧﻮ ﺯﻳﻨﺐ ﻳﺴﻤﻮﻙ ﺍﻟﻐﻴﻮﺭ ﺍﺑﻮ ﺭﺍﺱ ﺍﻟﺤﺎﺭ ﻣﺎ ﺗﻘﺒﻞ ﻫﻴﺞ ﺑﻨﻴﻪ ﺗﻨﻈﻠﻢ ﻏﻴﺮﺗﻚ ﺗﻘﺒﻠﻬﺎ ﺗﻨﻜﺴﺮ ﺑﻨﺘﻲ
ﺗﺘﺬﻛﺮ ﺷﺴﻮﻭ ﺑﺨﺘﻚ ﻭﺷﻠﻮﻥ ﺳﺒﻮﻫﺎ ﺍﺣﻠﻔﻚ ﺑﺴﺘﺮ ﺯﻳﻨﺐ ﺭﺟﻌﻠﻲ ﺑﻨﺘﻲ ﻻ ﻃﺒﻴﺐ ﻭﻻ ﺩﻛﺘﻮﺭ ﻋﺮﻑ ﻋﻠﺘﻬﺎ ﻭﻋﻔﺘﻬﻢ ﻛﻠﻬﻢ ﻭﺍﺟﻴﺘﻚ ﻭﺍﻋﺮﻑ ﻏﻴﻮﺭ ﻭﻣﺎ ﺗﺮﺩ ﻧﺎﺧﻴﻚ
ﻫﺎ ﻳﺎ ﺍﺧﻮ ﺯﻳﻨﺐ ﺍﺣﻠﻔﻚ ﺑﺴﺒﻲ ﻭﺩﻣﻮﻉ ﺯﻳﻨﺐ ﺍﻧﺘﻔﺾ ﻭﺭﺟﻌﻠﻲ ﺑﻨﺘﻲ .. ﺍﺑﺎﻭﻋﻠﻬﺎ ﻭﻫﻴﻪ ﺗﺤﺠﻲ ﻛﺪﺭﺕ ﺍﻧﻄﻖ ﺍﻭ ﻛﻠﻤﻪ ﺑﻌﺪ ﻣﺎ ﻣﺮ ﻋﻠﻪ ﺳﻜﻮﺗﻲ ﺳﻨﻪ ﻭﻧﺺ ﻛﻠﺖ ﻣﺎﻣﺎ
ﻫﻴﻪ ﻛﻤﺰﺕ ﻭﺍﺧﺬﺗﻨﻲ ﺑﺜﻨﻴﻦ ﺍﺩﻳﻬﺎ ﻭﺩﻣﻮﻋﻬﺎ ﻳﺠﺮﻥ ﻭﺗﻜﻮﻟﻲ ﻳﺮﻭﺡ ﺍﻣﺞ ﻛﻮﻟﻲ ﻳﻴﻤﻪ ﺍﻣﺮﻳﻨﻲ ﻛﺘﻠﻬﺎ ﺟﻮﻋﺎﻧﻪ
ﺣﻈﻨﺘﻨﻲ ﻭﺗﺼﻠﻲ ﻋﻠﻨﺒﻲ ﻭﺗﺒﺠﻲ ﻭﺍﻟﻨﺴﻮﺍﻥ ﻳﺒﺠﻦ ﻭﻳﺎﻫﺎ ﻭﺗﻜﻠﻲ ﻭﺍﻟﻠﻪ ﺻﺎﺭ ﺳﻨﻪ ﻣﺎ ﺳﺎﻣﻌﻪ ﺻﻮﺗﻬﺎ ﻋﺮﻓﺖ ﻳﻠﻌﺒﺎﺱ ﻣﺘﺨﻴﺒﻨﻲ
ﺑﺎﻭﻋﺘﻠﻲ ﻭﺗﻜﻮﻟﻲ ﻳﻤﻪ ﺷﺘﺮﺩﻳﻦ ﺷﺘﺘﻤﻨﻴﻦ ﻛﻮﻟﻲ .. ﻛﺘﻠﻬﺎ ﺍﺭﻳﺪ ﺩﺟﺎﺟﻪ ﻛﺎﻣﻠﻪ .. ﻳﻤﻪ ﺍﺟﻴﺒﻠﺞ ﺩﺟﺎﺝ ﺍﻟﺪﻧﻴﺎ ﻛﻠﻬﺎ ﺳﻨﺎﻭﻱ ﻳﻤﻪ
ﻛﺎﻣﺖ ﻫﻴﻪ ﻭﺍﻧﻲ ﻛﻌﺪﺕ ﻋﻠﻪ ﺣﻴﻠﻲ ﺗﻌﺠﺒﺖ ﻟﻤﺎ ﺷﺎﻓﺘﻨﻲ ﺍﻛﻌﺪ ﻛﺎﻟﺖ ﺗﻜﺪﺭﻳﻦ ﺗﺘﺤﺮﻛﻴﻦ ﻛﺘﻠﻬﺎ ﺍﻱ
ﺍﻧﻄﺘﻨﻲ ﺍﻳﺪﻫﺎ ﻭﺍﻟﻨﺴﻮﺍﻥ ﻫﻮﺳﻪ ﺑﻴﻬﺎ ﺍﻟﺘﺒﺠﻲ ﻭﺑﻴﻬﺎ ﺍﻟﺘﺼﻠﻲ ﻋﻠﻨﺒﻲ ﻭﺑﻴﻬﺎ ﺍﻟﺘﺪﻋﻲ .. ﻛﻤﺖ ﻋﻠﻪ ﺣﻴﻠﻲ ﻭﻣﺸﻴﺖ ﺧﻄﻮﻩ ﺧﻄﻮﻩ
ﻃﻠﻌﺖ ﻻﺑﻮﻳﻪ ﻭﺍﺧﻮﻳﻪ ﻣﺴﻠﻢ ﻭﺍﻣﻲ ﻻﺯﻣﻪ ﺑٲﻳﺪﻱ ﻫﻤﻪ ﻛﺎﻋﺪﻳﻦ ﺑﺮﻩ ﺍﻟﺘﻔﺖ ﺍﺧﻮﻳﻪ ﻣﺴﻠﻢ ﻭﺷﺎﻓﻨﻲ ﺍﻣﺸﻲ ..
ﺭﻛﺾ ﺑﻜﻞ ﻟﻬﻔﻪ . ﻭﻳﺼﻴﺢ ﺧﻮﻭﻭﻭﻭﻳﻪ ﺳﻨﺎﻭﻱ ﻭﺍﺑﻮﻳﻪ ﺍﻧﺘﺒﻪ ﻭﺭﻛﻀﻠﻲ ﺣﻈﻨﻮﻧﻲ ﻭﻳﺸﻬﻜﻮﻥ ﺑﺠﻲ ﺑﺼﻮﺕ ﻋﺎﻟﻲ
ﻛﺘﻠﻪ ﺑﺎﺑﺎ ﺟﻮﻋﺎﻧﻪ ﻛﺎﻟﺘﻠﻪ ﺍﻣﻲ ﺍﺑﻮ ﻣﺴﻠﻢ ﺳﻨﺎ ﺗﺮﻳﺪ ﺩﺟﺎﺟﻪ ﻛﺎﻣﻠﻪ .. ﻛﺎﻟﻠﻬﺎ ﺗٲﻣﺮ ﺩﺟﺎﺟﻪ ﻛﺎﻣﻠﻪ ﻫﻴﻪ ﻭﺑﻴﻀﺎﺗﻬﺎ ﻭﻳﻀﺤﻚ ﻭﺍﻟﺪﻣﻮﻉ ﺑﻌﻴﻨﻪ
ﺍﺧﺬﻭﻧﻲ ﻟﻤﻄﻌﻢ ﻳﻢ ﺍﻻﻣﺎﻡ ﻧﺰﻟﻮ ﺍﺷﻜﺎﻝ ﻭﺍﻟﻮﺍﻥ ﻭﻣﻦ ﺿﻤﻨﻬﺎ ﺍﻟﺪﺟﺎﺟﻪ ﺍﺑﺎﻭﻉ ﻟﻼﻛﻞ ﺟﻦ ﻣﺎ ﻣﺎﻛﻠﻪ ﺻﺎﺭ ﺳﻨﻴﻦ ﺍﻛﻠﺖ ﺑﺸﺮﺍﻫﻪ ﻋﺠﻴﺒﻪ
ﻭﻫﻤﻪ ﻣﻴﺎﻛﻠﻮ ﺑﺲ ﻳﺒﺎﻭﻋﻮﻥ ﻭﻳﺒﺠﻮﻥ .. ﻛﻤﻠﺖ ﺍﺧﺬﻭﻧﻲ ﺩﻳﻤﺸﻮﻥ ﺑﺸﺎﺭﻉ ﺍﻻﻣﺎﻡ ﻭﺍﺣﺲ ﻣﺜﻞ ﻭﺍﺣﺪ ﺿﺮﺑﻨﻲ ﻋﻠﻪ ﺿﻬﺮﻱ ﻭﻭﻛﻌﺖ ﻭﺗﻘﻴﺌﺖ ﺍﻻﻛﻞ ﺍﻟﻜﻠﺘﻪ ﻛﻠﻪ
ﺍﻧﻮﺏ ﺭﺟﻌﺖ ﺍﺗﺨﺮﺑﻄﺖ ﺭﺟﻌﻮﻧﻲ ﻟﻼﻣﺎﻡ ﺍﻣﻲ ﻣﺎ ﻗﺒﻠﺖ ﺗﺎﺧﺬﻧﻲ ﻟﻠﺪﻛﺘﻮﺭ ﺩﻛﻠﻬﻢ ﺍﻟﻌﺒﺎﺱ ﻫﻮﻩ ﺩﻛﺘﻮﺭﻫﺎ .. ﺍﺧﺬﻭﻧﻲ ﻭﺩﺧﻠﻮﻧﻲ ﻟﻠﺤﻈﺮﻩ ﻣﺎﻟﺘﻪ
ﻧﻮﻣﻮﻧﻲ ﺷﻮﻱ ﻋﻦ ﺍﻟﺸﺒﺎﻙ ﻭﻟﻔﻮﻧﻲ ﺑﺎﻟﺮﺍﻳﻪ ﻣﺎﻟﺘﻪ ﻣﻐﻤﻰ ﻋﻠﻴﻪ ﻭﻧﺎﻳﻤﻪ ﻭﺟﺎﻥ ﺑﺎﻟﺤﻠﻢ ﻳﺠﻴﻨﻲ ﺭﺟﺎﻝ ﻣﺘﻮﺳﻂ ﺍﻟﻌﻤﺮ ﻃﻮﻳﻞ ﻛﻮﻭﻟﺶ ﻃﻠﻊ ﻣﻦ ﻧﻮﺭ ﻭﻳﻤﺸﻲ ﺑٲﺗﺠﺎﻫﻲ
ﺑﺲ ﺷﻜﻠﻪ ﻣﻤﺒﻴﻦ ﻣﻦ ﺍﻟﻨﻮﺭ ﺍﻟﻠﻲ ﺑﺎﻟﻤﻜﺎﻥ ﺑﺲ ﺍﺷﻮﻑ ﺷﻲ ﺑﻴﻦ ﺍﺩﻳﻪ ﺷﺎﻳﻞ ﻣﺜﻞ ﺍﻟﻘﻤﺎﺵ ﺍﻻﺑﻴﺾ ..
ﺍﺗﻘﺮﺏ ﻣﻨﻲ ﻭﺍﻧﻔﺘﺢ ﺍﻟﻘﻤﺎﺵ ﻭﻃﻠﻊ ﺷﻌﺮﻱ ﺑﻴﻦ ﺍﺩﻳﻪ .. ﻭﻛﺎﻝ ( ﺣﻠﻔﺘﻮﻧﻲ ﺑﺴﺘﺮ ﺯﻳﻨﺐ ﻭﺍﻧﻲ ﺯﻳﻨﺐ ﻋﻨﺪﻱ ﻏﺎﻟﻴﻪ ﻫﺬﻩ ﺷﻌﺮﺝ ﻃﻠﻌﺘﻪ ﻣﻦ ﺍﻟﻤﻘﺒﺮﻩ ﻭﺟﻴﺖ )
ﻭﺍﻧﻄﺎﻧﻲ ﺍﻟﺸﻌﺮ ﻭﺭﺟﻊ ﺍﺧﺘﻔﻰ ﺑﻨﺺ ﺍﻟﻨﻮﺭ ﻛﻌﺪﺕ ﻓﺘﺤﺖ ﻋﻴﻮﻧﻲ ﻭﺍﺻﺮﺥ ﻣﺎﻣﺎ ﺷﻔﺘﻪ ﺍﻟﻌﺒﺎﺱ ﺷﻔﺘﻪ ﻭﺍﻟﻠﻪ ﺷﻔﺘﻪ ﻣﺎﻣﺎ ﺍﻧﻄﺎﻧﻲ ﺷﻌﺮﻱ ﻣﺎﻣﺎ ﺟﺎﺑﻪ ﻣﻦ ﺍﻟﻤﻘﺒﺮﻩ ﻭﺍﻟﻠﻪ ﺷﻔﺘﻪ ﺍﺣﺠﻲ ﻭﺍﺑﺠﻲ ﻭﺍﻟﺪﻣﻮﻉ ﺗﺠﺮﻱ
....
....
ﻭﺍﻟﺼﺤﻦ ﺍﻧﻜﻠﺐ ﻋﻠﻪ ﺻﻮﺗﻲ ﺑﺎﻟﺼﻠﻮﺍﺕ ﻭﺍﻟﺪﻋﺎﺀ ﻭﺍﻟﺒﺠﻲ ﻭﻧﺎﺱ ﺗﺠﺮ ﺑﺜﻮﺑﻲ ﻭﺗﻜﻠﻲ ﻣﻦ ﺑﺨﺘﺞ ﻭﻧﺎﺱ ﺗﻤﺴﺢ ﺑﻴﻪ ﻭﺗﺒﺠﻲ ﻭﺍﻧﻲ ﺍﺻﻴﺢ ﻭﻭﺍﻛﻔﻪ ﻋﻠﻪ ﺣﻴﻠﻲ
ﻣﻦ ﺍﻟﻔﺮﺣﻪ ﺧﺮﻳﺖ ﻭﻭﻛﻌﺖ .. ﻓﺘﺤﺖ ﻋﻴﻨﻲ ﺑﺎﻟﻤﺴﺘﺸﻔﻰ ﺍﻫﻠﻲ ﻛﻠﻬﻢ ﻋﻠﻪ ﺭﺍﺳﻲ ﺍﻭﻝ ﻛﻠﻤﻪ ﻧﻄﻘﺘﻬﺎ ﺍﺭﻳﺪ ﺍﻳﻬﺎﺏ .. ﺍﺑﻮﻳﻪ ﺑﺎﻭﻋﻠﻲ ﻭﻛﺎﻝ ﻳﺠﺮﺍﻟﺞ ﺑﺴﺮﻋﻪ ﺭﻓﻊ ﺍﻟﻤﻮﺑﺎﻳﻞ ﻭﺧﺎﺑﺮ ﻋﻠﻪ ﺍﻳﻬﺎﺏ
ﻛﺎﻟﻪ ﺳﻨﺎ ﺻﺤﺖ ﻭﺗﺮﻳﺪﻙ .. ﺑﺴﺎﻋﻪ ﻭﺣﺪﻩ ﻭﺍﻳﻬﺎﺏ ﻳﻤﻲ ﺍﺟﺎﻧﻲ ﻳﺮﻛﺾ ﺣﻈﻨﻲ ﻭﻳﺒﺠﻲ ﻭﻳﺸﻬﻚ ﺑﺼﻮﺕ ﻋﺎﻟﻲ ﻛﻮﻟﺶ ﻭﺍﻧﻲ ﺍﺷﺘﻢ ﺑﻴﻪ ﻭﺍﺑﻮﺱ ﻭﺍﺑﺎﻭﻋﻠﻪ ﻭﺩﻣﻮﻋﻲ ﺗﺠﺮﻱ ﻭﻫﻮﻩ ﻳﺒﺠﻲ
ﻭﺍﻣﻲ ﻭﺍﺑﻮﻱ ﻭﺍﺑﻮﻱ ﻓﺮﻓﺤﻮ ﻣﻦ ﺍﻟﺒﺠﻲ ﻋﻠﻴﻨﻪ .. ﻛﺘﻠﻪ ﺍﻳﻬﺎﺏ ﻟﻴﺶ ﺗﺮﻛﺘﻨﻲ .. ﻛﺎﻝ ﻭﺍﻟﻠﻪ ﻣﺎﺗﺎﺭﻛﺞ ﻳﺎ ﻧﻮﺭ ﻋﻴﻮﻧﻲ ﺑﺎﻋﻲ ﺷﻌﺮﻱ ﺍﻧﺘﺮﺱ ﺷﻴﺐ ﻭﻟﻠﻪ ﻣﻦ ﻗﻬﺮﻱ ﻋﻠﻴﺞ
ﺻﺪﻙ ﺍﺗﻌﺠﺒﺖ ﺍﺑﺎﻭﻉ ﻟﺸﻌﺮﻩ ﻭﺍﻟﻠﺤﻴﺘﻪ ﻧﺼﻬﺎ ﺷﻴﺐ ﺑﻘﻪ ﻳﺒﻮﺱ ﺑﺮﺍﺳﻲ ﻭﺑٲﺩﻳﻪ .. ﻭﺭﺟﻌﻮﻧﻲ ﻟﻠﺒﻴﺖ ﻭﺍﻳﻬﺎﺏ ﻛﺎﻝ ﻻﺑﻮﻳﻪ ﺍﺭﻳﺪ ﺍﺭﺟﻌﻬﺎ
ﺍﺑﻮﻳﻪ ﻛﺎﻟﻪ ﻣﺎ ﻋﻨﺪﻱ ﺑﻨﻴﻪ ﺍﻟﻚ ﺍﻧﻄﻴﺘﻜﻴﺎﻩ ﻣﺮﻩ ﺭﺟﻌﺘﻬﺎ ﺟﻨﺎﺯﻩ ﺍﻧﻄﻴﻜﻴﺎﻩ ﻣﺮﻩ ﺛﺎﻧﻴﻪ ﺷﺘﺴﻮﻱ ﺑﻴﻬﺎ .. ﻛﺎﻟﻪ ﻋﻤﻲ ﻣﺎ ﺍﻛﺪﺭ ﺑﺪﻭﻧﻬﺎ ﺣﺎﻭﻝ ﻭﻳﻪ ﺍﺑﻮﻳﻪ ﻣﺎﻛﻮ ﻗﺎﻓﻞ ﻭﺍﻧﻲ ﺭﻭﺣﻲ ﻣﻔﺮﻓﺤﻪ ﻋﻠﻴﻪ ﺍﺭﻳﺪﻩ ﻣﺸﺘﺎﻗﺘﻠﻪ
ﺧﻄﻴﻪ ﺭﺍﺡ ﻟﻢ ﺯﻟﻢ ﻭﺷﻴﻮﺥ ﻋﺸﺎﻳﺮ ﻭﺳﺎﺩﻩ ﻭﺟﺎﺑﻬﻢ ﻋﻠﻪ ﺍﺑﻮﻳﻪ ﺑﻘﻮ ﻳﺤﺠﻮﻥ ﻭﻳﺎﻩ ﻭﻛﺎﻟﻮﻟﻪ ﻧﺰﻋﻞ ﻭﻧﻌﺘﺒﺮﻫﺎ ﺍﻫﺎﻧﻪ ﺍﺫﺍ ﻣﺎ ﺭﺩﻳﺘﻬﺎ ﻭﻳﺎﻧﻪ
ﺑﻘﻮ ﻳﺘﺠﺎﺩﻟﻮﻥ ﺍﻟﻰ ﺍﻥ ﻛﺎﻝ ﺧﻼﻝ ﺍﺳﺒﻮﻉ ﻳﺸﺘﺮﻳﻠﻬﺎ ﺑﻴﺖ ﻭﻳٲﺛﺜﻪ ﺍﻟﻬﺎ ﻭﻳﺎﺧﺬﻫﺎ ﻭﻳﻌﺰﻟﻬﺎ ﻏﻴﺮ ﻫﺬﺍ ﺍﻟﺤﺠﻲ ﻣﺎ ﻋﻨﺪﻱ ﺍﻟﻪ ﻳﻤﻲ ﺑﻨﻴﻪ
ﺍﻳﻬﺎﺏ ﻛﺎﻟﻪ ﺗٲﻣﺮ ﻣﻦ ﺑﺎﺟﺮ ﺍﺷﺘﺮﻱ ﺑﻴﺖ ﻭﺷﺘٲﻣﺮ ﺑﻴﻪ ﺍﻧﻲ ﺣﺎﻇﺮ ﺭﺍﺡ ﺧﻄﻴﻪ ﺍﺷﺘﺮﻩ ﺑﻴﺖ ﻭﺍﺛﺜﻪ ﺏ 5 ﺍﻳﺎﻡ
ﺍﻧﻮﺏ ﺍﺟﻪ ﺍﺧﺬﻧﻲ ﻭﺭﺣﻨﺎ ﺍﻟﺒﻴﺘﻨﺎ ﺷﻜﺪ ﻓﺮﺣﻨﻪ ﺗﻜﻮﻝ ﻋﺮﺳﺎﻥ ﺍﺧﺬ ﺍﺟﺎﺯﻩ ﺷﻬﺮ ﺗﻔﺮﻏﻠﻲ ﺑﺎﻟﺒﻴﺖ ﻣﻜﺎﺑﻠﻨﻲ ﻳﻜﻮﻟﻲ ﺍﺭﻳﺪ ﺍﺷﺒﻊ ﻣﻨﺞ
ﺑﻌﺪ ﺭﺟﻮﻋﻲ ﺑﺸﻬﺮ ﺣﻠﻠﺖ ﻃﻠﻌﺖ ﺣﺎﻣﻞ ﺟﺎﻥ ﻃﺎﻳﺮ ﻣﻦ ﺍﻟﻔﺮﺡ .. ﺻﺎﺭ ﻋﺪﻧﻪ ﻃﻔﻞ ﺳﻤﻴﻨﺎﻩ ﻋﺒﺎﺱ ﻋﻠﻪ ﺍﺳﻢ ﺍﻻﻣﺎﻡ ﺍﻟﻌﺒﺎﺱ ﺍﻟﻠﻲ ﺍﻟﻪ ﺍﻟﻔﻀﻞ ﺍﻟﻴﻮﻡ ﺑﺤﻴﺎﺗﻨﻪ ﺍﻟﺴﻌﻴﺪﻩ
ﺑﺲ ﻟﻠﻴﻮﻡ ﻣﺎ ﻋﺮﻓﺖ ﻣﻨﻮ ﺍﻟﻠﻲ ﻛﺺ ﺷﻌﺮﻱ ﺍﻭ ﻣﻨﻮ ﺳﻮﺍﻟﻠﻲ ﺍﻟﺴﺤﺮ ﺧﺎﻟﺘﻪ ﺭﺍﺣﺖ ﺑٲﻧﻔﺠﺎﺭ ﺍﻟﺸﻌﻠﻪ ﺻﺎﺭ ﺑﺎﻟﺴﻮﻙ ﻭﻣﺎ ﻟﻜﻮ ﺟﺜﺘﻬﺎ
ﻭﺍﻣﻪ ﺻﺎﺭ ﺑﻴﻬﺎ ﺳﺮﻃﺎﻥ ﺍﻟﺜﺪﻱ ﻭﻛﺼﻮ ﺛﺪﺍﻳﺎﻫﺎ ﺛﻨﻴﻨﻬﻢ ﻟﻜﻦ ﻣﺎ ﺭﺍﺡ ﻣﻨﻬﺎ ﺍﻟﻤﺮﺽ ﺑﻘﻰ ﻳﺎﻛﻞ ﺑﺠﺴﻤﻬﺎ ﺍﻟﻰ ﺍﻥ ﺍﻧﺸﻠﺖ ﺗﻤﺎﻣﺎ ﻭﺍﻧﻌﻘﺪ ﺍﻟﺴﺎﻧﻬﺎ
ﻭﺑﻘﺖ ﻋﺎﻳﺸﻪ ﺍﺑﻴﺖ ﺳﺘﺎﺭ ﻻﻥ ﻏﺪﻳﺮ ﺍﺗﺰﻭﺟﺖ ﻭﺑﻨﺎﺗﻬﺎ ﻣﺎ ﻳﻘﺒﻠﻮﻥ ﺍﺯﻭﺍﺟﻬﻢ ﻳﺠﻦ ﻭﻳﺨﺪﻣﻨﻬﺎ ﻋﻠﻪ ﻃﻮﻝ ﻳﺠﻦ ﻳﻮﻡ ﻳﻮﻣﻴﻦ ﻳﺨﺪﻣﻨﻬﺎ ﻭﻳﺮﺣﻦ
ﻓﺪ ﻳﻮﻡ ﺧﺎﺑﺮ ﺳﺘﺎﺭ ﻋﻠﻪ ﺍﻳﻬﺎﺏ ﻛﺎﻟﻪ ﺗﻌﺎﻝ ﺷﻮﻑ ﺍﻣﻲ ﺗﺮﻩ ﻭﺍﺻﻠﻪ ﺍﻟﻤﻮﺕ .. ﺍﻳﻬﺎﺏ ﻛﺎﻟﻪ ﻫﺎﻱ ﺣﻮﺑﺘﻨﻪ ﻛﺎﻟﻪ ﻫﺎﻱ ﺍﻣﻚ ﻻ ﺗﺤﺠﻲ ﻫﻴﺞ ..
ﺍﺟﻴﺖ ﻳﻤﻪ ﻛﺘﻠﻪ ﺷﻜﻮ ﻟﻜﻴﺘﻪ ﻣﺪﻣﻌﻪ ﻋﻴﻮﻧﻪ ﻛﺎﻝ ﺍﻣﻲ ﺗﺮﻳﺪ ﺗﻤﻮﺕ .. ﻛﺘﻠﻪ ﺧﻞ ﻧﺮﻭﺡ ﻧﺸﻮﻓﻬﺎ .. ﻛﺎﻝ ﻋﻨﺪﺝ ﺍﺳﺘﻌﺪﺍﺩ ﺗﺸﻮﻓﻴﻬﺎ ﺑﻌﺪ ﻛﻞ ﺍﻟﺼﺎﺭ ..
ﻛﺘﻠﻪ ﺍﻣﻚ ﻣﺮﻳﻀﻪ ﻭﺍﻟﻤﺮﺽ ﻣﺎﺑﻴﻪ ﺷﻤﺎﺗﻪ ﺣﺒﻴﺒﻲ ﺣﺮﺍﻡ ﻭﺍﻥ ﻛﺎﻧﺖ ﺍﻣﻚ ﻣﻮ ﺯﻳﻨﻪ ﻻﺯﻡ ﺍﻧﺘﻪ ﺗﺒﺮ ﺑﻴﻬﺎ ﻻ ﺗﺼﻴﺮ ﻋﺎﻕ
....
....
ﺑﺎﺳﻨﻲ ﻣﻦ ﺭﺍﺳﻲ ﻭﻛﺎﻝ ﺍﻟﻠﻪ ﻻ ﻳﺤﺮﻣﻨﻲ ﻣﻨﺞ ﺑﺪﻟﻲ ﻟﻌﺒﻮﺳﻲ ﺧﻞ ﻧﺮﻭﺡ ﻧﺸﻮﻓﻬﺎ .. ﺭﺣﺖ ﺑﺪﻟﻨﺎ ﺍﻧﻲ ﻭﻳﺎﻩ ﻭﻋﺒﺎﺱ ﻭﺭﺣﻨﺎ ﺍﻟﺒﻴﺖ ﺳﺘﺎﺭ
ﻣﻦ ﺷﺎﻓﺘﻪ ﻛﺎﻣﺖ ﺩﻣﻮﻋﻬﺎ ﺗﺠﺮﻱ ﻋﻠﻪ ﺍﻳﻬﺎﺏ .. ﻫﻮﻩ ﻭﻛﻊ ﺑﺤﻀﻨﻬﺎ ﻭﻳﺒﺠﻲ .. ﺍﻧﻮﺏ ﺍﻧﻄﺎﻫﺎ ﻋﺒﺎﺱ ﻛﺎﻟﻠﻬﺎ ﺷﻮﻓﻲ ﺍﺑﻨﻲ ﻭﻫﻴﻪ ﺑﺲ ﻧﺎﻳﻤﻪ ﻣﺸﻠﻮﻟﻪ ﻣﺎ ﺗﺘﺤﺮﻙ ﺑﺲ ﺗﺒﺎﻭﻋﻠﻪ ﺑﻀﺤﻜﻪ ﻭﺩﻣﻮﻋﻬﺎ ﺗﺠﺮﻱ
ﺍﻧﻮﺏ ﺧﺎﺑﺮ ﺻﺪﻳﻘﻪ ﻛﺎﻝ ﺳﻨﺎ ﺷﻮﻳﻪ ﻭﺍﺟﻴﺞ ﺑﺲ ﺍﺭﻭﺡ ﻟﺼﺪﻳﻘﻲ ﻛﺘﻠﻪ ﺍﺧﺬ ﺭﺍﺣﺘﻚ ﺣﺒﻴﺒﻲ .. ﻛﺎﻋﺪﻩ ﻳﻢ ﺍﻣﻪ ﻭﻣﺮﺕ ﺳﺘﺎﺭ
ﺟﺎﻥ ﻣﺮﺕ ﺳﺘﺎﺭ ﺗﻜﻮﻡ ﺗﻌﻴﻂ ﻋﻠﻴﻬﺎ .. ﺗﻜﻠﻬﺎ ﺍﺩﺭﻱ ﺑﻄﻦ ﻟﻮ ﻓﺎﺗﺤﺘﻠﺞ ﺑﻮﺭﻱ ﻟﻌﺒﺖ ﻧﻔﺴﻲ ﻣﻦ ﻧﻜﺎﺳﺘﺞ ﻛﻠﺴﺎﻉ ﺍﺑﺪﻟﺞ .. ﺍﺑﺎﻭﻋﻠﻬﺎ ﺷﻠﻮﻥ ﺗﺮﺯﻟﻬﺎ ﻟﻤﺎ ﺭﺍﺣﻮ ﺳﺘﺎﺭ ﻭﺍﻳﻬﺎﺏ
ﻛﺘﻠﻬﺎ ﺧﻄﻴﻪ ﻗﺎﺑﻞ ﺑﻴﺪﻫﺎ ﻛﺎﻟﺖ ﻳﻤﻌﻮﺩﻩ ﻣﺘﺖ ﺑﻨﺎﺗﻬﺎ ﺷﺎﻣﺮﺍﺗﻬﺎ ﻋﻠﻴﻪ ﻭﻧﺎﻳﻤﺎﺕ ﺑﺎﺣﻈﺎﻥ ﺭﺟﻮﻟﺘﻬﻦ ﻭﺍﻧﻲ ﻣﺘﺤﻤﻠﻪ ﻧﻜﺎﺳﺘﻬﺎ ﻭﺍﻏﺴﻠﻠﻬﺎ
ﻣﻦ ﺟﻨﺖ ﻋﺪﻫﺎ ﺟﻨﻪ ﻣﺎ ﺭﺣﻤﺘﻨﻲ ﻫﺴﻪ ﺗﺮﺩﻳﻦ ﺍﺭﺣﻤﻬﺎ ﻫﻴﻪ ﻭﻧﻜﺎﺳﺘﻬﺎ .. ﺻﺮﺍﺣﻪ ﺷﻜﺪ ﻣﻨﻘﻬﺮﻩ ﻣﻨﻬﺎ ﻋﻠﺴﻮﺗﻪ ﺑﻴﻪ ﺑﺲ ﺣﻴﻞ ﺍﻧﻘﻬﺮﺕ ﻭﺍﻧﻜﺴﺮ ﻛﻠﺒﻲ ﻣﻦ ﺷﻔﺖ ﺩﻣﻮﻋﻬﺎ ﺗﺠﺮﻱ ﻻ ﺣﻮﻝ ﻭﻻ ﻗﻮﻩ ﻭﻣﺮﺕ ﺳﺘﺎﺭ ﺗﺮﺯﻝ ﺑﻴﻬﺎ
ﻟﻠﺤﻀﻪ ﺗﺨﻴﻠﺘﻬﺎ ﺍﻣﻲ ﻭﻫﻴﺞ ﻣﺮﺕ ﻣﺴﻠﻢ ﺗﻌﺎﻣﻠﻬﺎ ﺩﻣﻌﺖ ﻋﻴﻮﻧﻲ .. ﺍﺟﻪ ﺍﻳﻬﺎﺏ ﻛﺎﻝ ﻳﻠﻪ ﺧﻞ ﻧﺮﻭﺡ ﻛﺘﻠﻪ ﺍﻳﻬﺎﺏ ﺧﻄﻴﻪ ﺧﻞ ﻧﺎﺧﺬﻫﺎ ﻭﻳﺎﻧﻪ
ﻛﺎﻝ ﻋﻨﺪﺝ ﺍﺳﺘﻌﺪﺍﺩ ﺗﺘﺤﻤﻠﻴﻬﺎ .. ﻛﺘﻠﻪ ﻟﻌﺪ ﻟﻴﺶ ﻟﻮﺟﻪ ﺍﻟﻠﻪ ﺣﺮﺍﻡ ﻫﺎﻱ ﺍﻡ ﻣﻬﻤﺎ ﻛﺎﻧﺖ ﺗﻌﺒﺖ ﻭﺭﺑﺖ ﻣﻮ ﻫﻴﺞ ﻻﺯﻡ ﺗﺘﺠﺎﺯﻩ
ﻛﺎﻝ ﻣﺎ ﺍﻋﺮﻑ ﺷﻜﻮﻟﺞ ﺍﻧﺘﻲ ﺷﻨﻮ ﻣﻦ ﻣﻼﻙ ﻣﺎ ﺍﺩﺭﻱ ﻛﺘﻠﻪ ﻣﻮ ﻗﺼﺔ ﺍﺭﻳﺪ ﺍﺻﻴﺮ ﻣﻼﻙ ﺑﺲ ﺍﻟﺪﻳﻦ ﺭﺣﻤﻪ ﻭﺍﺧﻼﻕ ﻭﻧﺒﻴﻨﺎ ﻧﺒﻲ ﺍﻟﺮﺣﻤﻪ ﻭﻛﺎﻝ ﺑﻌﺜﺖ ﻻﺗﻤﻢ ﻣﻜﺎﺭﻡ ﺍﻻﺧﻼﻕ
ﻭﻫﺬﺍ ﺍﻟﻠﻲ ﺩﻳﺼﻴﺮ ﺑﻴﻬﺎ ﻣﻮ ﺍﺧﻼﻕ ﻭﻻ ﺍﻛﻮ ﺭﺣﻤﻪ .. ﺑﺎﺳﻨﻲ ﻭﻛﺎﻝ ﻳﻠﻪ ﺭﺍﺡ ﺍﺟﻴﺐ ﺳﻴﺎﺭﻩ ﻧﻨﻘﻠﻬﺎ ..
ﻧﻘﻠﺘﻬﺎ ﻟﺒﻴﺘﻲ ﻭﺍﺷﺘﺮﻳﻨﺎﻟﻬﺎ ﺳﺮﻳﺮ ﻛﻬﺮﺑﺎﺋﻲ ﻣﺘﺤﺮﻙ ﻋﻠﻤﻮﺩ ﺍﺗﺤﻜﻢ ﺑﻜﻌﺪﺗﻬﺎ ﻭﻧﻮﻣﺘﻬﺎ ﻭﺍﻫﺘﻤﻴﺖ ﺑﻴﻬﺎ ﻣﻮ ﺍﻟﻬﺎ ﻭﺍﻧﻤﺎ ﻟﻠﻪ
ﻓﺪ ﻣﺮﻩ ﺟﺎﻧﺖ ﻣﻮﺻﺨﻪ ﺣﻔﺎﻇﺘﻬﺎ ﻏﻴﺮﺗﻠﻬﺎ ﻭﻧﻀﻔﺘﻠﻬﺎ ﻭﻋﻄﺮﺗﻬﺎ ﻭﻛﻌﺪﺕ ﺍﻭﻛﻠﻬﺎ ﺷﻮﺭﺑﻪ ﻛﻮﻩ ﺍﺧﻠﻲ ﺑﺤﻠﻜﻪ
ﻭﺍﺑﺎﻭﻉ ﻋﻴﻮﻧﻬﺎ ﺗﺒﺎﻭﻋﻠﻲ ﻭﺗﺠﺮﻱ ﻭﺗﻤﺘﻤﺖ ﻣﺎ ﺍﻋﺮﻑ ﺷﺘﺤﺠﻲ ﺍﺣﺴﻬﺎ ﺗﺒﺎﻭﻋﻨﻲ ﺑﻨﺪﻡ .. ﺍﺑﺘﺴﻤﺖ ﻭﻛﺘﻠﻬﺎ ﻫﺎ ﻋﻤﻪ ﺗﺒﺠﻴﻦ .. ﻭﻳﻦ ﺩﻣﻮﻋﺞ ﻫﺎﻱ ﻣﻦ ﻫﺪﻣﺘﻲ ﺣﻴﺎﺗﻲ ﻭﺧﻠﻴﺘﻴﻨﻲ ﺟﺜﻪ ﺑﻼﻳﻪ ﺭﻭﺡ ﻭﻣﺎ ﻛﻠﻔﺘﻲ ﻧﻔﺴﺞ ﻭﺩﻟﻴﻨﻪ ﻋﻠﻪ ﻣﻜﺎﻥ ﺍﻟﻘﺒﺮ
ﺧﻠﻴﺘﻴﻨﻪ ﺍﻧﻲ ﻭﺍﺑﻨﺞ ﻣﻔﺮﻓﺤﻴﻦ ﻭﻭﺍﺻﻠﻴﻦ ﺍﻟﻤﻮﺕ .. ﻣﺎ ﺍﺭﻳﺪ ﺍﺗﺸﻤﺖ ﺑﻴﺞ ﺍﺳﺘﻐﻔﺮ ﺍﻟﻠﻪ .. ﻭﺩﺍ ﺍﺧﺪﻣﺞ ﻣﻮ ﺍﻟﺞ ﻻ ﻭﺍﻟﻠﻪ .. ﻟﻠﻪ ﻋﻨﺪﻱ ﻭﻟﺪ ﻭﺑﺎﺟﺮ ﻫﻢ ﺍﺻﻴﺮ ﻋﻤﻪ
ﻭﺍﻟﺪﻧﻴﺎ ﻣﺎ ﺍﻟﻬﺎ ﺍﻣﺎﻥ ﻳﻤﻜﻦ ﺍﺻﻴﺮ ﺑﻤﻜﺎﻧﺞ ﻭﺍﺭﻳﺪ ﺍﻟﻴﺮﺣﻤﻨﻲ ﻣﺜﻞ ﻣﺎ ﺭﺣﻤﺘﺞ .. ﺑﻘﺖ ﺗﺒﺠﻲ ﺑﺼﻮﺕ ﻋﺎﻟﻲ ﻭﺩﻣﻮﻋﻬﺎ ﺗﺠﺮﻱ ﻣﺜﻞ ﺍﻟﺘﺘﻌﺬﺭ ﻣﻨﻲ
ﺩﻣﻮﻋﻲ ﻳﺠﺮﻥ ﻭﺍﻧﻲ ﻣﺒﺘﺴﻤﻪ ﻭﺍﺑﺎﻭﻋﻬﺎ ﻛﺘﻠﻬﺎ ﻟﺘﺨﺎﻓﻴﻦ ﺳﺎﻣﺤﺘﺞ .. ﻣﺎﻛﻮ ﺍﻧﺴﺎﻥ ﻣﻌﺼﻮﻡ ﻣﻦ ﺍﻟﻐﻠﻂ ﻭﺍﻧﻲ ﻫﻢ ﻋﻨﺪﻱ ﺍﻏﻼﻁ ﻭﺍﺭﻳﺪ ﺍﻟﻠﻪ ﻳﻐﻔﺮﻟﻲ ﻭﻳﺮﺣﻤﻨﻲ ﻣﺜﻞ ﻣﺎ ﻏﻔﺮﺗﻠﺞ .. ﺩﻧﻜﺖ ﺭﺍﺳﻬﺎ ﻭﺑﻘﺖ ﺗﺒﺠﻲ ..
ﻣﺴﺤﺘﻠﻬﺎ ﺩﻣﻮﻋﻬﺎ ﻭﻛﺘﻠﻬﺎ ﺍﺭﺗﺎﺣﻲ ﺷﻐﻠﺖ ﻗﺮﺍﻥ ﻛﺘﻠﻬﺎ ﺍﺳﺘﻤﻌﻲ ﻭﻫﺴﻪ ﺗﺮﺗﺎﺣﻴﻦ .. ﺑﺎﻟﻘﺮﺍﻥ ﺗﻄﻤٲﻥ ﺍﻟﻘﻠﻮﺏ
ﻭﺑﻘﻴﺖ ﺍﺧﺪﻣﻬﺎ ﻟﻠﻴﻮﻡ ﻫﻴﻪ ﻋﻨﺪﻱ ﻣﺸﻠﻮﻟﻪ ﻭﺍﻫﺘﻢ ﺑﻴﻬﺎ ﻭﺍﺣﻠﻪ ﻋﻴﺸﻪ ﻋﺎﻳﺸﺘﻬﺎ ﻭﻳﻪ ﺍﻳﻬﺎﺏ ﻭﺣﻠﻠﺖ ﻫﺴﻪ ﻭﻫﻢ ﻃﻠﻌﺖ ﺣﺎﻣﻞ ﻭﺍﻧﺘﻀﺮ ﻣﻮﻟﻮﺩﻱ ﺍﻟﺠﺪﻳﺪ
ﻭﺻﺪﻕ ﺍﻟﻘﺮﺍﻥ ﻣﻦ ﻛﺎﻝ ( ﻭﻻ ﻳﻔﻠﺢ ﺍﻟﺴﺎﺣﺮ ﺣﻴﺚ ﺍﺗﻰ )
🌺🌺🌺🌺🌺🌺
ﻭﻟﻬﻨﺎ ﺣﺒﺎﻳﺒﻲ ﺗﺨﻠﺺ ﻗﺼﺘﻲ ﺑﺴﺤﺮ ﺍﻟﻤﻘﺎﺑﺮ .. ﻣﻤﻜﻦ ﻫﻮﺍﻳﻪ ﺣﻴﻜﺮﻫﻮﻧﻲ ﻭﻳﺘﺮﻛﻮﻥ ﻣﺘﺎﺑﻌﺘﻲ ﻻﻥ ﻃﺮﺣﺖ ﻣﻮﺿﻮﻉ ﻳﻌﺘﺒﺮ ﺧﻂ ﺍﺣﻤﺮ .. ﻟﻜﻦ ﺍﻧﻲ ﻛﻜﺎﺗﺒﻪ ﻣﻴﻬﻤﻨﻲ ﻛﺜﺮﺓ ﺍﻟﻤﺘﺎﺑﻌﻴﻦ ﻭﺍﻟﻜﻮﻣﻨﺘﺎﺕ ﺑﻜﺪ ﻣﺘﻬﻤﻨﻲ ﺍﻟﻔﻜﺮﻩ ﻭﺍﻟﻌﺒﺮﻩ ﺍﻟﻠﻲ ﺍﺭﻳﺪ ﺍﻭﺻﻠﻬﺎ ﺍﻟﻜﻢ .. ﻭﻫﻴﻪ ﻣﻌﺠﺰﺍﺕ ﺍﻫﻞ ﺍﻟﺒﻴﺖ .. ﺍﻟﻠﻲ ﺍﻛﻮ ﻧﺎﺱ ﺗﻌﺘﺒﺮﻫﺎ ﺧﺮﺍﻓﻪ .. ﻟﻜﻦ ﺍﻗﺴﻢ ﻫﺬﻱ ﺍﻟﺤﺎﺩﺛﻪ ﻛﺎﻧﺖ ﺣﻘﻴﻘﻪ ﻭﺻﺎﺣﺒﺔ ﺍﻟﻘﺼﻪ ﺗﺸﻜﺮﻛﻢ ﻋﻠﻪ ﺩﻋﻮﺍﺗﻜﻢ ﻭﺩﻣﻮﻋﻜﻢ ﻭﻟﻬﻔﺘﻜﻢ ﻋﻠﻴﻬﺎ .. ﺟﻨﺖ ﺍﺗﻤﻨﻰ ﺍﺷﺮﺡ ﺣﺒﻲ لهل ﻤﺨﻠﻮﻗﺎﺕ ﺍﻟﻌﻈﻴﻤﻪ ﺍﻟﻠﻲ ﺗﺘﺴﻤﻪ ﺍﻫﻞ ﺑﻴﺖ ﺍﻟﻨﺒﻮﻩ ﻭﻛﺎﻧﺖ ﻗﺼﺔ ﺳﺤﺮ ﺍﻟﻤﻘﺎﺑﺮ ﺍﻟﻘﺼﻪ ﺍﻟﻤﻨﺎﺳﺒﻪ ﻟﺤﺘﻪ ﺍﻋﺒﺮ ﺑﻴﻬﺎ ﻋﻦ ﻋﺸﻘﻲ ﻭﻭﻻﺋﻲ ﺍﻟﻬﻢ ..
ﺍﺗﻤﻨﻰ ﺗﻜﻮﻧﻮﺍ ﺍﺳﺘﻔﺪﺗﻮﺍ ﻣﻦ ﺍﻟﻘﺼﻪ ﺑﻜﺪ ﻣﺴﺘﻤﺘﻌﺘﻮﺍ ﺑﻴﻬﺎ .. ﺣﺎﻭﻟﺖ ﺑﻜﺪ ﻣﺎ ﺍﻛﺪﺭ ﺍﻧﻄﻴﻜﻢ ﻧﺼﺎﺋﺢ ﻭﻋﺒﺮ ﻟﺤﺘﻰ ﺗﺘﻌﻀﻮﻥ ﻣﻨﻬﺎ ﻭﻣﺘﻜﻮﻥ ﻓﻘﻂ ﻗﺼﻪ ﻋﺎﺑﺮﻩ ﺗﻘﺮﻭﻫﺎ ﻭﺧﻠﺺ ..
ﺍﺗﻤﻨﺎﻟﻜﻢ ﺍﻭﻗﺎﺕ ﻣﻤﺘﻌﻪ ﻭﻳﺎﺍﺍﺍﺭﺏ ﻛﻨﺖ ﺧﻔﻴﻔﺔ ﺿﻞ ﻋﻠﻴﻜﻢ ﺍﺗﺮﻛﻜﻢ ﺑﺤﻔﻆ ﺍﻟﻠﻪ ﻭﺭﻋﺎﻳﺘﻪ ﺗﺤﻴﺎﺗﻲ ﺍﻟﻜﻢ ﺯﻳﻨﺐ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
5 التعليقات
إضغط هنا لـ التعليقاتقصه روووووووووعه والله نزلت دموعي وضليت ابجي واريد من الله ازوج وحده مثل سنا ياابو فاضل ترقني زوجه مثلها
ردسلام عليكم اني قريت هواي قصص وكلهن حبيتهن بس ماصاربيه الي صار بهاي القصه من حجت عن معجزت ابو الفضل العباس ردت اموت صار عندي رجفه بجسمي من عضمته وحتى القشعريره لزمتني وبجيت هم على حاله وهم على الضلم هم اكو ناس هيج تكره مامعقوله وبجيت من معجزت باب الحوائج الي مايرد واحد حشا وهي تستاهل لان ايمانه قوي ومصليه بلعافيه عليه وهم بلعافيه عليه حب ايهاب اله اصلن هي تجبر الواحد يحبه والله يوفقكم واشكر الكاتبه على سرده للقصه بشكل روعه وشكرا
ردشكرا جزيلا قصه اكثر من روعه اتمنالج التوفيق يا مبدعه
ردبارك الله فيك روايه غايه في الروعه وعتني لهوايه اشياء كنت غافله عنها
رداني قريت الرواية اني كاعد بلمحل الصراحه اني بجيت وحتى اجني واحد يكلي حبيبي شبيك يافشلت الفشلات 💔😂
ردتحويل كودإخفاء محول الأكواد الإبتساماتإخفاء