رواية اهدتني عاراً الجزء الثاني عشر
للكاتبة نورا ناصر
. ...
ﺟﻨﻪ *
ﺍﻧﺘﺎﺑﺘﻨﻲ ﻗﺸﻌﺮﻳﺮﻩ ﺑﻜﻞ ﺟﺴﻤﻲ ﻭﻛﻠﺒﻲ ﺍﻧﻘﺒﺾ
ﻣﻌﻘﻮﻭﻭﻭﻟﻪ
ﻫﻲ ﺍﻟﻤﺮﻩ ﺧﺎﻑ ﻣﺨﺮﻓﻨﻪ
ﺷﺠﺎﺍﺍﻱ ﺗﺤﺠﻲ
ﻇﻠﻴﺖ ﺻﺎﻓﻨﻪ ﺑﻮﺟﻬﻪ ﻟﻠﺤﻈﺎﺕ
ﻭﺗﻔﻜﻴﺮﻱ ﺗﺸﺘﺖ ﻭﺗﻬﺖ
ﻛﺘﻠﻬﺎ ﺧﺎﻟﻪ ﻣﺮﺕ ﺟﻬﺎﺩ ﻣﻴﺘﻪ .
ﻛﺎﻟﺖ ﻳﺎﺍﺍﺍ ﻛﺘﻠﻮﻫﺎ ﻋﺎﺩ ﺷﻮﻥ ﺑﻨﻴﻪ ﺣﻠﻮﻩ ﻫﻲ ﺍﻟﻬﺎ ﻋﻴﻮﻥ ﻣﺜﻞ ﻋﻴﻮﻧﺞ ﺍﻧﺖ ﺍﺧﺘﻬﺎ ؟؟؟
ﻻﻻ ﻣﻮ ﺍﺧﺘﻬﺎ ﺷﺠﺎﺑﻨﻲ ﻋﻠﻴﻬﺎﺍﺍﺍ
ﺍﻱ ﻭﺍﻟﻠﻪ ﺟﻬﺎﺩ ﻣﺆﺩﺏ ﻭﺣﺒﺎﺏ ﻣﻴﺴﺘﺎﻫﻞ ﺍﻟﻲ ﺳﻮﺗﻪ ﺑﻲ ﻭﻧﻮﺏ ﺍﻧﻐﺪﺭ ﻣﻦ ﺍﺑﻦ ﻋﻤﻪ ﻳﺎﻳﻤﻪ ﻭﺍﻟﻨﺎﺱ ﻣﺎﺗﺮﺣﻢ ﻭﺗﺤﺠﻲ ﺍﻟﻠﻪ ﻳﺴﺘﺮ ﻋﻠﻴﺞ ﻭﻳﺨﻠﻴﺞ ﺍﻟﻪ ﺗﻌﻮﺿﻴﻨﻪ .
ﻫﻲ ﺗﺤﺠﻲ ﻭﺍﻧﻲ ﺍﺣﺲ ﺷﻌﺮ ﺭﺍﺳﻲ ﻭﻛﻒ ﻣﻦ ﺍﻟﺼﺪﻣﻪ ﻣﻌﻘﻮﻭﻭﻟﻪ
ﻭﺍﻧﻲ ﻧﺎﻳﻤﻪ ﻋﻠﻰ ﺍﺫﻧﻲ ﻭﻣﺎﺍﺩﺭﻱ ﻫﻴﺞ ﺳﺎﻟﻔﺔ ﻣﺮﺗﻪ ﻭﻫﻮ ﻳﻜﻮﻝ ﻣﻴﺘﻪ ﻛﺬﺑﻮﺍ ﻋﻠﻴﻨﻪ .
ﻭﺧﺪﻋﻮﻧﻲ ﻏﺸﻮﻧﻲ
ﺯﻭﺟﻮﻧﻲ ﻟﻮﺍﺣﺪ ﻳﻄﻠﻊ ﺧﺎﺑﺎﻻﺗﻪ ﻋﻠﻴﻪ ﻻﻥ ﻣﺮﺗﻪ ﺧﺎﻳﻨﻪ .!!!!
ﻫﺴﻪ ﻋﺮﻓﺖ ﻟﻴﺶ ﻳﺸﻚ ﻫﺴﻪ ﻋﺮﻓﺖ ﻟﻴﺶ ﻫﻴﺞ ﺧﺒﻞ
ﻧﻮﺏ ﺭﺍﺡ ﺑﺎﻟﻲ ﺑﻌﻴﺪ ﻭﺗﺬﻛﺮﺕ ﺍﺧﻮﻳﻪ ﻣﺤﻤﺪ ﺧﺎﻑ ﻫﻢ ﻳﻌﺮﻑ ﺑﺤﻘﻴﻘﺘﻪ .
ﺯﻳﻦ ﻟﻴﺶ ﺍﻧﻐﺪﺭ ﻣﻦ ﺍﺧﻮﻳﻪ . ﺍﺑﻦ ﺍﻣﻲ ﻭﺍﺑﻮﻱ
ﻭﺍﻧﻲ ﺻﺎﻓﻨﻪ ﻭﻫﻲ ﺗﺤﺠﻲ ﺳﺎﻟﺘﻨﻲ
ﻣﻨﻮ ﻛﺘﻠﻬﺎ ﻭﺍﺑﻦ ﻋﻤﻪ ﻋﺎﻣﺮ ﻭﻳﻦ ؟؟
ﺳﻜﺘﺖ ﻛﻤﺖ ﻣﻦ ﻣﻜﺎﻧﻲ ﺭﺣﺖ ﺑﻌﻴﺪ ﻋﻨﻬﺎﺍ
ﻋﺮﻛﺖ ﺍﺣﺲ ﺟﺴﻤﻲ ﻇﻞ ﻳﻨﻀﺢ ﻋﺮﻙ ﻳﻄﻠﻊ ﻭﻳﺎ ﻗﻬﺮ
ﻧﻔﺴﻲ ﺻﺮﺕ ﺍﺟﺮﻩ ﺑﻮﺟﻊ .
ﻭﺍﺣﺲ ﻣﺨﻨﻮﻛﻪ ﻭﺧﺎﻧﻜﻨﻲ ﺍﻻﻟﻢ
ﻭﺍﺳﺄﻝ ﻧﻔﺴﻲ ﺍﻧﻲ ﺷﻨﻮ ﻣﺼﻴﺮﻱ ؟؟
ﻭﻟﺸﻮﻛﺖ ﺭﺍﺡ ﻳﺒﻘﻰ ﻫﻴﺞ ﺟﻬﺎﺩ ؟؟
ﻟﻴﺶ ﻫﻴﺞ ﺣﻈﻲ ﻻ ﻭﻱ ﺳﺎﻣﺮ ﻛﻌﺪ ﻭﻻ ﻭﻱ ﺟﻬﺎﺩ .
ﺍﺳﺌﻠﻪ ﺗﺘﻜﺮﺭ ﺑﺬﻫﻨﻲ ﻣﺎﺍﻟﻜﻪ ﺍﻟﻬﺎ ﺍﺟﺎﺑﻪ
ﺯﻳﻦ ﺷﻮﻥ ﺭﺍﺡ ﺍﺑﻴﻦ ﺍﻟﻪ ﺍﻧﻲ ﻋﺮﻓﺖ ﺷﻮﻭﻥ ؟؟
ﺑﻘﻴﺖ ﻣﺜﻞ ﺍﻟﻔﺎﻗﺪﻩ .
ﺍﻟﻌﺮﺱ ﺑﻌﺪﻩ ﺑﺲ ﺍﻧﻲ ﺍﺧﺘﻨﻜﺖ ﻭﻫﻮﺳﻪ ﺍﺭﻳﺪ ﺍﺭﺟﻊ ﻟﻠﺒﻴﺖ ﻻ ﻻ ﺍﺭﻳﺪ ﺍﺭﻭﺡ ﻻﻫﻠﻲ .
ﻣﺎﺍﺭﻳﺪ ﺍﺷﻮﻑ ﺟﻬﺎﺩ ﻛﺪﺍﻣﻲ ﺑﻌﺪ ﺍﻟﻲ ﻋﺮﻓﺘﻪ ﻋﻨﻪ
ﺍﻛﻴﺪ ﺟﻬﺎﺩ ﻣﻮ ﺻﺎﺣﻲ ﻣﻦ ﺗﺼﺮﻓﺎﺗﻪ ﻣﺘﺄﺛﺮ ﺑﺨﻴﺎﻧﺔ ﺯﻭﺟﺘﻪ ﻭﻋﺒﺎﻟﻪ ﺍﻧﻲ ﻫﻢ ﻣﺜﻠﻬﺎ
ﻣﺠﺮﺩ ﺍﻟﺘﻔﻜﻴﺮ ﺑﻬﺎﻟﻤﻮﺿﻮﻉ ﻳﺴﻤﻤﻨﻲ ﻳﺄﺫﻳﻨﻲ .
ﻃﻠﻌﻨﻪ ﻣﻦ ﺑﻴﺖ ﺍﻫﻞ ﺍﻟﻌﺮﻳﺲ ﻭﺍﻧﻲ ﺍﻏﻠﻲ ﻣﻦ ﺍﻟﺪﺍﺧﻞ ﺍﻟﻤﻮﺿﻮﻉ ﺍﻟﻲ ﺳﻤﻌﺘﻪ ﺍﺛﺮ ﺑﻴﻪ ﻛﻠﻠﻠﻠﺶ ﺍﺣﺲ ﻓﻘﺪﺕ ﻃﺎﻗﺘﻲ ﻭﻛﻨﺖ ﺷﺎﺭﺩﻩ ﺑﺬﻫﻨﻲ ﻋﻦ ﺍﻟﻜﻞ ﺣﺘﺊ ﺍ ﻟﻲ ﺣﺠﻲ ﻭﻳﺎﻱ ﻣﺎﺍﺳﻤﻌﻪ ﻓﻜﺮﻩ ﻭﺣﺪﻩ ﺗﺮﺳﺨﺖ ﺑﻌﻘﻠﻲ ﻫﺮﻭﺏ ﺭﺅﺉ ﻭﻳﻪ ﺍﺑﻦ ﻋﻢ ﺟﻬﺎﺩ ﺣﻠﺖ ﻫﻮﺍﻳﻪ ﺍﻟﻐﺎﺯ ﺑﻌﻘﻠﻲ ﺣﺴﻴﺖ ﺍﻟﺪﻣﻊ ﺗﺠﻤﻊ ﺑﻄﺮﻑ ﻋﻴﻨﻲ ﻭﺍﺧﺘﻨﻜﺖ ﺑﻨﻔﺴﻲ .
ﺳﻤﻌﺖ ﻋﻤﺘﻲ ﺗﻜﻮﻝ ﻳﺎﻟﻠﻪ ﺍﻣﺸﻦ ﺑﺴﺮﻋﻪ ﺍﻣﺸﻦ ﺑﺴﺮﻋﻪ ﻛﻠﺖ ﺑﻜﻠﺒﻲ ﻫﻪ ﻋﻠﻴﻤﻦ ﻋﺮﻓﺖ ﺍﻟﻤﻮﺿﻮﻉ ﻛﻮﻟﻪ
ﺟﺎﻭﺑﺘﻬﺎ ﺭﻭﻧﻖ ﺑﺎﺍﺳﺘﻐﺮﺍﺏ .. ﺧﻴﺮ ﻋﻤﻪ ﺷﻜﻮﻭﻭ؟؟
ﻛﺎﻟﺖ ﻫﺎﻱ ﻛﻮﺍﻛﺐ ﻓﺸﻠﺘﻨﻪ ﺟﺎﻳﺒﺘﻠﻬﺎ ﺟﺪﺭ ﻣﺎﻝ ﺗﻤﻦ ﻣﻦ ﺍﻟﻌﺮﺱ
ﻋﺎﻃﺖ ﺿﻤﻴﺎﺀ ﻣﺼﺪﻭﻣﻪ . ﻳﺎﺍﺍﻋﺰﻩ
ﺑﺎﻭﻋﺘﻠﻬﺎ ﺷﻔﺘﻬﺎ ﺑﻌﺪﻫﺎ ﻣﻄﺎﻟﻌﻪ ﻣﻦ ﺑﻴﺖ ﺍﻟﻌﺎﻟﻢ ﻭﻫﻲ ﺷﺎﻳﻠﻪ ﺍﻟﺠﺪﺭ ﻭﺣﺎﻃﻪ ﻋﺒﺎﻳﺘﻬﺎ ﺟﻮﻩ ﺍﺑﻄﻬﺎ ﺭﺍﻓﻌﺘﻬﺎ ﻭﺗﺤﺠﻲ ﺑﺼﻮﺕ ﻋﺎﻟﻲ ... ﻧﺸﻜﺮ ﻣﻨﻜﻢ ﺍﻟﻠﻪ ﻳﻜﺜﺮ ﻣﻦ ﺍﻣﺜﺎﻟﻜﻢ ﺍﻥ ﺷﺎﺀﺍﻟﻠﻪ ﻣﺒﺮﻭﻛﻴﻦ ﻣﻨﻜﻢ ﺍﻟﻤﺎﻝ ﻭﻣﻨﻬﺎ ﻟﻌﻴﺎﻝ
ﺭﻛﺒﻨﻪ ﺑﺎﻟﺴﻴﺎﺭﻩ ﻣﺎﻟﺖ ﺣﻤﺎﻱ ﻋﻤﺎﺩ ﻫﻮ ﺍﺟﻪ ﻋﻠﻴﻨﻪ ﻭﻫﻲ ﺭﻛﺒﺖ ﻭﺻﺎﺭﺕ ﻋﻠﻴﻬﺎ ﺍﻟﺮﺯﺍﻳﻞ ﺑﻔﻠﺲ ﻣﻮ ﻋﻴﺐ ﻣﺎﺗﺴﺘﺤﻴﻦ ﻫﺴﻪ ﺷﻴﻜﻮﻟﻮﻥ ﻋﻠﻴﻨﻪ ﺍﻟﻨﺎﺱ ﻣﻤﺎﻛﻠﻴﻦ ﺍﻣﻮﺗﻴﻨﻬﺎ ﺟﻮﻉ ﻭﻫﻴﺞ ﺷﺎﻳﻠﻪ ﺟﺪﺭﻫﺎ ...
ﺟﺎﻭﺑﺖ ﺑﻌﺼﺒﻴﻪ ... ﺷﻨﻲ ﺩﻫﺮ ﺻﺎﺑﺠﻦ ﻫﻮ ﺍﻧﻲ ﺷﺴﻮﻳﺖ ﻣﺎﻋﻮﻧﻲ ﻣﺎﺍﻛﻠﺘﻪ ﻓﺮﻏﺘﻪ ﺑﺠﺪﺭ ﻏﻴﺮ ﺣﺼﺘﻲ ﻭﺟﺒﺘﻬﺎ ﻭﻳﺎﻱ
ﺿﻠﻦ ﻳﺪﺍﻫﺮﻥ ﻭﺍﻧﻲ ﻭﻻﻳﻤﻬﻦ ﺭﻭﺣﻲ ﻃﺎﻟﻌﻪ ﻛﺎﺭﻫﺎ ﻛﻠﺸﻲ ﺍﺑﺪﻱ ﺍﻃﻔﺮ ﻣﻦ ﺍﻟﺴﻴﺎﺭﻩ ﻻﻥ ﺩﺧﺖ ﻣﻦ ﻛﺮﻛﺘﻬﻦ ﻣﺴﺎﻓﻪ ﺍﻟﻄﺮﻳﻖ ﻭﺻﻠﻨﻪ ﻟﻠﺒﻴﺖ ﺩﺧﻠﻨﻪ
ﻭﻫﻨﻪ ﺑﻌﺪﻫﻦ ﻳﺪﺭﺩﻣﻦ ﻭﺍﻛﻔﺎﺕ ﺑﺎﻟﻤﻄﺒﺦ ﻭﻳﺤﺠﻦ ﺑﺼﻮﺕ ﻋﺎﻟﻲ ﻭﻛﻮﺍﻛﺐ ﺑﻌﺪﻫﺎ ﺷﺎﻳﻠﻪ ﺟﺪﺭﻫﺎ ﺗﺎﺭﺳﺘﻪ ﺗﻤﻦ ﻭﻟﺤﻢ ﻭﻓﻮﻛﻪ ﺧﺒﺰﻩ ﻭﺑﻄﻞ ﻟﺒﻦ ﻭﺧﻀﺮﻩ ﺗﺎﺭﺳﺘﻪ ﺗﺮﺱ ﺟﻨﺖ ﺍﺑﺘﺴﻢ ﺑﻼ ﺧﻠﻚ ﻭﻭﺍﻛﻔﻪ ﺑﺒﺎﺏ ﺍﻟﻤﻄﺒﺦ .
ﻧﺰﻝ ﺟﻬﺎﺩ ﻣﻦ ﻓﻮﻙ ﻋﻠﻰ ﺻﻮﺗﻬﻦ ﺍﻭﻝ ﻣﺸﻔﺘﻪ ﺍﺣﺲ ﮔﻠﺒﻲ ﺍﻧﻌﺼﺮ ﻭﺍﺗﻼﺷﺖ ﺍﺑﺘﺴﺎﻣﺘﻲ ﻭﺣﺴﻴﺖ ﺍﻟﺪﻣﻌﻪ ﻟﻤﻌﺖ ﺑﻌﻴﻨﻲ .
ﺟﻬﺎﺩ ﺑﻌﺼﺒﻴﻪ .. ﺧﻴﺮ ﺧﻴﺮ ﺷﻜﻮﻭ ﺧﺒﺼﺘﻦ ﺍﻟﺪﻧﻴﺎ ﺻﻮﺗﺠﻦ ﻭﺍﺻﻞ ﻟﺮﺍﺱ ﺍﻟﺸﺎﺭﻉ .
ﺑﺲ ﺳﻤﻌﻮﺍ ﺻﻮﺗﻪ ﺳﻜﺘﻮﺍ ﻭﻣﺤﺪ ﺣﺠﻪ ﺷﻲ .
ﻛﻮﺍﻛﺐ ﺣﻄﺖ ﺍﻟﺠﺪﺭ ﺑﻌﺼﺒﻴﻪ ﻋﻠﺊ ﺍﻟﻜﺎﻭﻧﺘﺮ ﻭﺿﻠﺖ ﻭﺍﻛﻔﻪ ﻳﻤﻪ ﻋﺒﺎﻟﻚ ﺍﺣﻨﻪ ﺑﺰﺍﺯﻳﻦ ﻧﺮﻳﺪ ﻧﺨﻤﻂ ﺟﺪﺭﻫﺎ .
ﺟﻬﺎﺩ ﻋﻴﻂ ﻋﻠﻴﻬﻢ ﺑﻌﺼﺒﻴﻪ ... ﺷﺒﻴﺠﻦ ﺍﺣﺠﻦ ﺍﻧﺨﺮﺳﺘﻦ؟؟
ﻛﻮﺍﻛﺐ .. ﻧﺴﻮﺍﻥ ﻋﻴﺎﺭﺍﺕ ﺟﺒﺖ ﺣﺼﺘﻲ ﻣﻦ ﺍﻟﻌﺮﺱ ﻟﻮ ﺳﻮﻥ ﺑﻴﻪ ﻓﻠﻚ .
ﺟﻬﺎﺩ ﺍﻧﺼﺪﻣﺖ ﻛﺘﻠﻬﺎﺍﺍ ... ﺟﺒﺘﻲ ﺗﻤﻦ ﻣﻦ ﺍﻟﻌﺮﺱ؟؟
ﻛﻮﺍﻛﺐ ﺑﻌﻨﺎﺩ .. ﺣﺼﺘﻲ ﺣﺼﺘﻲ
ﺟﻬﺎﺩ ... ﺍﺩﺭﻱ ﺷﺘﻜﻮﻝ ﻋﻠﻴﻨﻪ ﺍﻟﻌﺎﻟﻢ ﻣﺎﻋﺪﻫﻢ ﺍﻛﻞ ﻭﻃﻠﻌﺘﻲ ﻛﺪﺍﻡ ﺍﻟﺰﻟﻢ ﺑﺠﺪﺭﺝ؟؟
ﻛﻮﺍﻛﺐ .. ﺩﺭﻭﺡ ﻛﻠﻬﺎ ﺍﺧﺬﺕ ﺑﺠﺪﻭﺭﻩ
ﺟﻬﺎﺩ ... ﺻﺤﺖ ﻟﺤﺴﻮﻧﻲ ﻭﻛﺘﻠﻪ ﺍﺧﺬ ﻫﺬﺍ ﺍﻟﺠﺪﺭ ﺍﻧﻄﻲ ﻟﻠﺪﺟﺎﺝ ﻣﺎﻝ ﺍﺑﻮ ﻫﺪﻯ ﺟﻴﺮﺍﻧﻪ
ﻛﻮﺍﻛﺐ ﺣﻀﻨﺖ ﺍﻟﺠﺪﺭ ﻋﺒﺎﻟﻚ ﺍﺑﻨﻬﺎ ﻭﺍﻟﻠﻪ ﻭﻻ ﺍﻧﻄﻲ ﺍﻧﻲ ﺍﺣﺐ ﺍﻛﻞ ﺍﻟﻌﺮﺱ .
ﻭﺑﻌﺪ ﺟﺪﺍﻝ ﻃﻮﻳﻞ ﻫﻲ ﻭﺟﻬﺎﺩ ﺷﻜﺪ ﻳﺘﻨﺎﻛﺮﻭﻥ ﻭﻋﻠﻰ ﺍﺗﻔﻪ ﺍﻻﺳﺒﺎﺏ ﺿﻠﻴﺖ ﺍﺑﺎﻭﻋﻠﻪ ﺑﻨﻀﺮﺍﺕ ﺗﺤﺴﺮﺕ ﻋﻠﻰ ﺣﺎﻟﻲ ﻭﺣﺎﻟﻪ ﺟﺎﻥ ﺷﻜﻠﻪ ﺣﻠﻮﻭ ﻭﻣﺮﺗﺐ ﻭﺣﺘﻰ ﺟﺪﺍﻟﻪ ﻭﻳﻪ ﻋﻤﺘﻬﺎ ﺣﻠﻮﻭ ﻻﺯﻡ ﺟﻜﺎﺭﺗﻪ ﻭﻳﺪﺧﻦ ﺣﺴﻴﺖ ﺣﺎﻟﻲ ﻣﺜﻞ ﻫﺎﻱ ﺍﻟﺠﻜﺎﺭﻩ ﺍﺣﺘﺮﻙ ﺷﻮﻳﻪ ﺷﻮﻳﻪ .
ﻋﻔﺘﻬﻢ ﻭﺻﻌﺪﺕ ﺑﻌﺪ ﻣﺎﺭﺑﺤﺖ ﻛﻮﺍﻛﺐ ﺍﻟﻤﻌﺮﻛﻪ ﻭﺍﺧﺬﺕ ﺟﺪﺭﻫﺎ ﻭﺭﺍﺣﺖ .
ﺻﻌﺪﺕ ﻓﻮﻙ ﻟﻠﻐﺮﻓﻪ ﻭﻫﻮ ﺍﺟﻪ ﻭﺭﺍﻱ
ﺑﺎﻭﻋﺘﻠﻪ ﻭﺻﺪﻳﺖ ﻋﻨﻪ .
ﻧﺰﻋﺖ ﺍﻟﺤﺠﺎﺏ ﻫﻮ ﺣﺠﻪ ﻭﻳﺎﻳﻪ ﺍﻧﻲ ﻓﻜﺮﻱ ﺷﺎﺭﺩ .
ﻣﺠﺎﻭﺑﺘﻪ ﻭﻻﻓﻬﻤﺖ ﺷﻨﻮ ﮔﻠﻲ .
ﻭﺍﻛﻔﻪ ﻉ ﺍﻟﻤﻴﺰ ﺟﺎﻱ ﺍﺑﺎﻭﻉ ﻟﻨﻔﺴﻲ ﺑﺎﻟﻤﺮﺍﻳﻪ
ﺷﻤﺮ ﻋﻠﻴﻪ ﻣﺨﺪﻩ .
ﺑﺎﻭﻋﺘﻠﻪ
ﻫﺎﺍﺍ ﺷﻜﻮﻭ
ﻣﻮ ﺟﺎﻱ ﺍﺣﺠﻲ ﻭﻳﺎﺝ ﻣﺘﺠﺎﻭﺑﻴﻦ
ﻣﺎﺍﺳﻤﻌﺘﻚ
ﺷﺒﻴﺞ ﺷﺎﺭﺩﻩ ﺑﺎﻟﺞ ﻭﻳﻦ ؟؟
ﻣﺎﻛﻮ ﺷﻲ ﺑﺲ ﺟﻮ ﺣﺎﺭ ﻭﺗﻌﺐ .
ﻛﺎﻡ ﻣﻦ ﺍﻟﺠﺮﺑﺎﻳﻪ ﺍﺟﻪ ﻳﻤﻲ ﺍﻧﻪ ﺟﺎﻱ ﺍﺣﺎﻭﻝ ﺍﻧﺰﻉ ﺍﻟﺴﺎﻋﻪ .
ﺍﺟﻪ ﻟﺰﻡ ﺍﻳﺪﻱ ﻳﺮﻳﺪ ﻳﺴﺎﻋﺪﻧﻲ ﺍﻧﺰﻋﻬﺎ
ﻛﻤﺖ ﺳﺤﺒﺖ ﺍﻳﺪﻱ ﻣﻨﻪ .
.. ﻋﻄﺖ . ﻋﻮﻓﻬﺎﺍ ﺍﻧﻲ ﺍﻧﺰﻋﻬﺎ
ﺟﻬﺎﺩ .. ﺭﻓﻌﺖ ﺍﺻﺒﻌﻲ ﺍﻫﺪﺩ .
ﺻﻮﺗﺞ ﻻﺗﻌﻠﻴﻨﻪ ﻣﻮ ﻋﺒﺎﻟﺞ ﺿﺤﻜﺖ ﺑﻮﺟﻬﺞ ﺗﺴﺘﻐﻠﻴﻨﻲ ﺗﺮﺓ ﻭﺍﻟﻠﻪ ﺍﻛﺴﺮﺝ ﻣﺎﺍﺟﺒﺮﺝ .
... ﺑﮕﻠﺒﻲ ﮔﻠﺖ ﺛﺎﺭ ﺍﻟﺒﺮﻛﺎﻥ . ﺧﻠﻲ ﺍﻧﺴﺤﺐ ﻣﻦ ﻳﻤﻪ ﺍﺣﺴﻦ ﻻﺍﺣﺼﻠﻲ ﻛﺘﻠﻪ .
ﺍﺭﻳﺪ ﺍﻭﺧﺮ ﻣﻨﻪ ﺑﺴﻜﻮﺕ ﻭﻫﺪﻭﺀ ﺻﺎﺭ ﻣﻘﺎﺑﻴﻠﻲ
ﮔﺎﻝ ﺑﺘﺮﻛﻴﺰ ﺷﺒﻴﺞ ﺟﻨﻪ ﻣﻮ ﻋﻠﻰ ﺑﻌﻀﺞ ﺍﻟﻌﺼﺮ ﻃﻠﻌﺘﻲ ﻣﻨﺎ ﻣﺎﺑﻴﺞ ﺷﻲ ﺳﺎﻣﻌﻪ ﺷﻲ ﺍﺣﺪ ﻛﺎﻳﻠﺞ ﺷﻲ ﻛﻮﺍﻛﺐ ﺯﺍﻋﺠﺘﺞ ؟؟
.. ﻣﺎﺑﻴﻪ ﺷﻲ ﺗﻌﺒﺎﻧﻪ ﻣﺘﺖ ﺣﺮ ﺍﺭﻳﺪ ﺍﺭﻭﺡ ﺍﺑﺪﻝ ﺍﻟﻔﺴﺘﺎﻥ
ﻋﻔﺘﻪ ﻭﺭﺣﺖ ﺻﻮﺏ ﺍﻟﻜﻨﺘﻮﺭ ﻃﻠﻌﺖ ﺍﻟﻲ ﻣﻼﺑﺲ ﻭﺭﺣﺖ ﻟﻠﺤﻤﺎﻡ .
ﻭﻫﻮ ﻇﻞ ﻳﺒﺎﻭﻋﻠﻲ ﻣﺴﺘﻐﺮﺏ .
ﻣﺮ ﻭﻗﺖ ﻭﺍﻧﻲ ﺑﺎﻟﺤﻤﺎﻡ .
ﻛﺎﻋﺪﻩ ﻭﺻﺎﻓﻨﻪ ﺣﺘﻰ ﻣﺎﺑﺪﻟﺖ ﻭﻣﺘﺖ ﺣﺮﺭ
ﺍﺣﺲ ﻭﻛﻌﺖ ﺑﻔﺦ ﻣﺎﺍﻛﺪﺭ ﺍﻃﻠﻊ ﻣﻨﻪ ﻭﺍﻟﻔﺦ ﻫﻮ ﺟﻬﺎﺩ
ﺩﻙ ﻋﻠﻴﻪ ﺍﻟﺒﺎﺏ ﺟﻨﻮﻭﻭ ﻭﻳﻨﺞ ﻃﻮﻟﺘﻲ ﺷﻨﻮ ﻟﺰﮔﺘﻲ ﺑﺎﻟﺼﺎﺑﻮﻧﻪ؟؟؟
ﻣﺠﺎﻭﺑﺘﻪ ﻭﻓﺘﺤﺖ ﺍﻟﻤﻲ ﻭﻏﺴﻠﺖ ﻭﺑﺪﻟﺖ ﻭﻗﺮﺭﺕ ﺍﻃﻠﻊ ﺑﺴﺮﻋﻪ ﻻﻳﺸﻚ ﻻﻥ ﺍﻋﺮﻓﻪ ﻳﺸﻚ ﻭﻫﺴﻪ ﻳﺨﻠﻲ ﺩﻭﺑﻪ ﻣﻦ ﺩﻭﺑﻲ ﺍﻟﻪ ﻳﻌﺮﻑ ﺷﺒﻴﻪ .
ﻃﻠﻌﺖ ﻣﻦ ﺍﻟﺤﻤﺎﻡ ﻭﺍﻧﻲ ﺍﺣﺲ ﺑﺎﺍﻱ ﻟﺤﻀﻪ ﺍﻧﻔﺠﺮ
ﻛﻌﺪﺕ ﻋﻠﻰ ﺍﻟﻤﺪﻩ ﻭﺿﻤﻴﺖ ﺭﺟﻠﻴﻪ ﻟﺼﺪﺭﻱ ﻭﻫﻮ ﻣﺘﻤﺪﺩ ﻋﻠﻰ ﺍﻟﺠﺮﺑﺎﻳﻪ ﻭﻳﺪﺧﻦ ﺧﻨﻜﻨﻲ ﺧﻨﻚ
ﻛﺎﻝ ﺷﺒﻴﺞ ﻟﻴﻮﻡ ﻣﻮ ﻃﺒﻴﻌﻴﻪ ﻭﺍﻟﻠﻪ ﺻﺎﻳﺮ ﺷﻲ
ﺟﺎﻭﺑﺘﻪ ﺑﻘﻬﺮ ... ﻣﺎﻛﻮﻭﻭ ﺷﻲ
ﺿﻞ ﻳﺪﺧﻦ ﻳﺪﺧﻦ ﻋﻄﺖ ﺑﻲ ﻃﻔﻲ ﺟﻜﺎﺭﺗﻚ ﺧﻨﻜﺘﻨﻲ ﺧﻨﻚ ﺣﺲ ﺷﻮﻳﻪ ﺍﻛﻮﻭ ﻧﺎﺱ ﻛﺎﻋﺪﻩ ﻭﻳﺎﻙ
ﺷﻔﺘﻪ ﻛﻌﺪ ﻋﻠﻰ ﺣﻴﻠﻪ ﻭﺟﻜﺎﺭﺗﻪ ﺑﻴﺪﻩ ﻭﻋﺎﻁ ﺑﻌﺼﺒﻴﻪ .. ﻣﺎﻋﺎﺟﺒﺞ ﺍﻃﻠﻌﻲ ﻋﻠﻰ ﺷﻨﻮﻭ ﺗﺘﻌﻴﻘﻠﻴﻦ
ﺟﺎﻭﺑﺘﻪ ﻭﺍﻧﻲ ﻣﺼﺪﻭﻣﻪ ﻣﻨﻪ .. ﺗﻄﺮﺩﻧﻲ؟؟
ﻟﺞ ﺧﺒﻠﺘﻴﻨﻲ ﺻﺎﻳﺮﻳﻦ ﺍﻧﻲ ﻭﻳﺎﺝ ﻣﺜﻞ ﺍﻟﺒﺰﻭﻥ ﻭﺧﻨﺎﻛﻬﺎ ﻣﺎﻧﻜﻌﺪ ﻛﻌﺪﻩ ﺍﺫﺍ ﻣﺎﺗﻌﺎﺭﻛﻨﻪ .. ﻭﻛﻤﻞ ﻛﻼﻣﻪ ﺍﻱ ﺍﻃﺮﺩﺝ ﺍﺫﺍ ﻣﺘﺤﺘﺮﻣﻴﻦ ﻧﻔﺴﺞ ﺍﻃﺮﺩﺝ .
ﻭﻛﻔﺖ ﻭﺍﻧﻲ ﻣﺪﺧﻨﻪ ﻣﻮ ﺑﺲ ﻣﻌﺼﺒﻪ . ﻭﻛﻠﺖ ﺑﻜﻠﺒﻲ ﻓﻮﻙ ﺷﻴﻨﻪ ﻛﻮﺍﺕ ﻋﻴﻨﻪ ﻣﺸﻴﺖ ﻭﺩﻣﻌﻪ ﺑﻌﻴﻨﻲ ﻧﺎﻭﻳﻪ ﺍﻃﻠﻊ
ﻭﻗﺒﻞ ﻻ ﺍﻓﺘﺢ ﻟﺒﺎﺏ ﻟﺰﻣﻨﻲ ﻭﻣﺨﻼﻧﻲ ﺍﻃﻠﻊ .
ﺷﺎﻟﻨﻲ ﻭﺧﻼﻧﻲ ﻉ ﺍﻟﺠﺮﺑﺎﻳﻪ ﻭﺍﻧﻲ ﻣﺘﻤﺴﻜﻪ ﺑﻘﻤﻴﺼﻪ ﻭﺍﻛﻮﻟﻪ ﻧﺰﻟﻨﻲ ﺧﻠﻲ ﺍﻃﻠﻊ ﻣﻮ ﻃﺮﺩﺗﻨﻲ
ﺍﺷﺸﺶ ﻭﻻ ﻛﻠﻤﻪ ﺩﻟﻮﻋﻪ ﺷﻜﺪ ﺗﺘﻌﻴﻘﻠﻴﻴﻦ .
ﻧﺰﻟﻨﻲ ﻉ ﺍﻟﺠﺮﺑﺎﻳﻪ ﻭﺻﺎﺭ ﻓﻮﻛﺎﻳﻪ ﻭﺛﺒﺖ ﺍﻳﺪﻳﻪ ﺍﺛﻨﻴﻨﻬﻢ ﻉ ﺍﻟﻤﺨﺪﻩ .
ﺷﻌﺮﻱ ﺻﺎﺭ ﻋﻠﻰ ﻭﺟﻬﻲ ﻇﻞ ﻳﺒﻌﺪ ﺑﻲ ﺑﺤﻨﻜﻪ ﻭﻳﺒﺰﺯﻧﻲ ﺑﻠﺤﻴﺘﻪ .
ﻫﺴﻪ ﺗﻜﻮﻟﻴﻠﻲ ﺷﺒﻴﺞ .
ﻣﺎﺑﻴﻪ ﺗﻌﺒﺎﻧﻪ ﻭﺿﺎﻳﺠﻪ ﺟﻬﺎﺩ ﻭﺧﺮ ﻋﻨﻲ
ﻣﻴﻘﺒﻞ ﻳﻮﺧﺮ ﺣﺎﻭﻝ ﻳﺘﻘﺮﺏ ﻭﺍﻧﻲ ﻃﻜﻴﺖ ﺑﺠﻲ
ﻭﺧﺮ ﻋﻨﻲ ﻛﺎﻝ ﺷﺒﻴﻴﻴﺞ
ﻭﺷﺎﻝ ﻭﺟﻬﻲ ﺑﺎﻳﺪﻩ ﻳﻘﺮﺑﻪ ﺍﻟﻪ
ﺣﺎﻭﻟﺖ ﺍﺗﺤﺠﺞ ﺑﺸﻲ ﻳﺨﻠﻲ ﻳﺘﺮﻛﻨﻲ ﺑﺤﺎﻟﻲ
ﻛﺘﻠﻪ ﺍﻫﻠﻲ ﺟﻬﺎﺩ ﻣﺸﺘﺎﻗﺘﻠﻬﻢ
ﺻﺪﻙ ﺟﺬﺏ ﻣﺼﺎﺭ ﺍﻟﻨﻪ ﺍﺷﻬﺮ ﻣﺘﺰﻭﺟﻴﻦ ﻭﺍﻟﻄﺮﻳﻖ ﻃﻮﻳﻞ ﻳﺎﻋﻴﻨﻲ ﺷﻴﻮﺩﻳﺞ ﺷﻴﺠﻴﺒﺞ .
ﺍﻧﻲ ﻣﻜﺎﻳﻠﺘﻠﻚ ﻭﺩﻳﻨﻲ ﻛﺘﻠﻚ ﻣﺸﺘﺎﻗﺘﻠﻬﻢ ﺍﺗﺮﻛﻨﻲ ﺑﺤﺎﻟﻲ ﺍﺑﺠﻲ ﻋﻠﻴﻬﻢ .
ﻛﺎﻝ ﺻﺎﺭ ﺍﻭﺩﻳﺞ ﺍﻟﻬﻢ ﺗﺪﻟﻠﻴﻦ .
ﺍﺟﻪ ﻳﻤﻲ ﺍﻧﻄﻴﺘﻪ ﻇﻬﺮ ﻛﺘﻠﻪ ﺍﺭﻳﺪ ﺍﻧﺎﻡ
ﻛﺎﻝ ﺑﺮﺍﺣﺘﺞ .
ﻭﻛﺎﻡ ﻣﻦ ﻳﻤﻲ ﻧﻤﺖ
....
....
ﺟﻬﺎﺩ
ﻣﻦ ﺭﺟﻌﺖ ﻣﻦ ﺍﻟﻌﺮﺱ ﻭﻫﻲ ﻣﻮ ﻋﻠﻰ ﺑﻌﻀﻬﺎ ﻛﻠﺶ ﻣﻌﺠﺒﻨﻲ ﻭﺿﻌﻬﺎ .
ﻧﺰﻟﺖ ﻣﻦ ﻳﻤﻬﺎ ﻭﺭﺣﺖ ﻻﻣﻲ ﺍﺷﻜﻴﻠﻬﺎ
ﻛﻌﺪﺕ ﻳﻤﻬﺎ ﺑﺎﻟﻬﻮﻝ .
ﻳﻤﻪ ﺟﻨﻪ ﻣﺘﻐﻴﺮﻩ ﻣﻦ ﺍﺟﺖ ﻣﻦ ﺍﻟﻌﺮﺱ ﻭﺍﻭﺿﺎﻋﻬﺎ ﻣﺘﺨﺮﺑﻄﻪ ﻛﻠﺶ ﻣﻌﺎﺟﺒﺘﻨﻲ ﺻﺎﻳﺮ ﺷﻲ ؟؟
ﺍﻻﻡ .. ﻻ ﻳﻤﻪ ﻣﺎﺻﺎﺭ ﺷﻲ ﺧﺎﻑ ﺣﺴﺪﻭﻫﺎ ؟؟ !!
ﻭﺍﺣﻨﻪ ﻛﺎﻋﺪﻳﻦ ﺩﻧﺤﺠﻲ ﻃﺒﺖ ﻛﻮﺍﻛﺐ
ﺟﺎﻧﺖ ﺗﺘﺴﻤﻊ ﻛﺎﻟﺖ ﺍﻧﺖ ﺑﺲ ﻭﺭﻕ ﺍﻧﻲ ﺍﻭﺩﻳﻬﺎ ﻟﻠﻜﺸﺎﻓﻪ
ﺟﻬﺎﺩ .. ﺍﻱ ﻣﻮ ﺍﻧﻲ ﺯﻭﺝ ﺍﺧﻠﻴﻬﺎ ﺗﻄﻠﻊ ﻭﻳﺎﺝ ﻭﺍﻣﻨﻬﺎ ﺑﻴﺪﺝ
ﻛﻮﺍﻛﺐ .. ﻟﻌﺪ ﻳﻄﺒﻚ ﻃﻮﻭﻭﺏ ﺍﻧﺖ ﻭﻳﺎﻫﻬﻪ
ﺍﻻﻡ ... ﻻ ﻧﺎﺧﺬﻫﻪ ﻟﻼﻣﺎﻡ ﺍﻟﻜﺎﻇﻢ ﻉ .
ﻳﻮﻡ ﺛﺎﻧﻲ ﺻﻌﺪﺕ ﻛﺘﻠﻬﻪ ﺣﻀﺮﻱ ﻧﻔﺴﺞ ﺍﺭﻭﺡ ﻟﻼﻣﺎﻡ ﺍﻟﻜﺎﻇﻢ .
ﺍﺑﺎﻭﻋﻠﻬﺎ ﻋﻴﻮﻧﻬﺎ ﻣﻐﻮﺭﮔﻪ ﻭﻣﺎﻟﻬﺎ ﺧﻠﻚ .
ﺟﻨﻪ .. ﺟﻬﺎﺩ ﻣﺎﺑﻴﻪ ﺧﺎﻑ ﺍﺗﻌﺐ
ﺟﻬﺎﺩ .. ﻣﻮ ﺍﻛﺜﺮ ﻣﻦ ﺗﻌﺒﺞ ﻫﺬﺍ .
ﻛﺎﻣﺖ ﺑﺪﻟﺖ ﻭﺍﻧﻲ ﻫﻢ ﺑﺪﻟﺖ ﻭﻧﺰﻟﻨﻪ
ﺍﺧﺬﻧﺎ ﺍﻣﻲ ﻭﻛﻮﺍﻛﺐ ﺟﻠﺒﺖ ﻭﻳﺎﻧﻪ ﺍﻟﻪ ﺗﺮﻭﺡ .
ﺍﺧﺬﻧﺎﻫﻪ ﻭﻃﻠﻌﻨﺎ .
* ﺟﻨﻪ .
ﻭﺻﻠﻨﺎ ﻟﻞ ﺍﻻﻣﺎﻡ ﺍﻟﻜﺎﻇﻢ ﺟﻬﺎﺩ ﻻﺯﻣﻨﻲ ﻣﻦ ﺍﻳﺪﻱ ﺑﺤﻨﻴﻪ
ﻭﺍﻧﻲ ﺑﻴﻦ ﺍﻻﺣﺴﺎﺱ ﺑﺤﺒﻪ ﻭﺣﻨﻴﺘﻪ ﻭﺑﻴﻦ ﺍﻟﺨﻮﻑ ﻣﻦ ﺍﻟﻘﺎﺩﻡ ﻭﺍﻟﻤﺠﻬﻮﻝ
ﺩﺧﻠﻨﺎ ﻭﺍﻧﻲ ﺍﻭﻝ ﻣﺮﻩ ﺍﺯﻭﺭ ﺍﻻﻣﺎﻡ ﺍﻟﻜﺎﻇﻢ ﺯﺍﻳﺮﻩ ﺑﺲ ﻧﺠﻒ ﻭﻛﺮﺑﻼ
ﺟﺎﻥ ﺍﻛﻮ ﻋﺮﺑﺎﻧﺎﺕ ﺗﻨﻘﻞ ﺍﻟﺰﻭﺍﺭ ﺍﻟﻲ ﻣﻴﻜﺪﺭﻭﻥ ﻳﻜﻤﻠﻮﻥ
ﻣﺸﻲ ﺷﺎﻓﺘﻬﻢ ﻛﻮﺍﻛﺐ ﻛﺎﻟﺖ ﺍﻧﻲ ﻣﺎﺍﻛﺪﺭ ﺍﻣﺸﻲ
ﻭﺭﺍﺣﺖ ﺗﻌﺎﻣﻞ ﻭﺍﺣﺪ ﻣﻨﻬﻢ .
ﻫﻲ ﺗﻜﻠﻪ ﺑﺎﻟﻒ ﻫﻮ ﻳﻜﻠﻠﻬﺎ ﺑﺎﻟﻔﻴﻦ
ﺟﻬﺎﺩ .. ﻫﺎﺍﺍﺝ ﺷﻜﺪ ﻓﻜﻮﻭﺭ ﻫﺎﺝ ﻫﺬﺍ ﺍﻻﻟﻒ ﺧﻠﻲ ﻭﻳﺎ ﺍﻟﻔﺞ ﻭﺻﻌﺪﻱ .
ﻛﻮﺍﻛﺐ ... ﺷﻮﻑ ﺍﻟﺤﻆ ﻣﺎﻳﺪﻓﻊ ﺍﻻﻟﻔﻴﻦ ﻛﻠﻬﺎ ﺑﺲ ﺍﻟﻒ ﺷﻜﺪ ﺑﺨﻴﻞ .
ﺟﻬﺎﺩ ... ﻫﺴﻪ ﻛﻮﻟﻲ ﻧﻌﻢ ﺍﻟﻠﻪ
ﺟﻨﻪ .. ﻇﻠﻴﺖ ﺍﺿﺤﻚ ﻋﻠﻴﻬﻢ ﺷﺎﻳﺐ ﻭﻋﺠﻮﺯ ﺍﻟﺒﻴﻦ ﺗﻨﺎﮔﺮﻭﺍ ﺑﻌﺪ ﺷﻴﻔﻜﻨﻪ .
ﺑﻌﺪﻫﻪ ﻧﺮﻳﺪ ﻧﺪﺧﻞ ﻟﻠﻀﺮﻳﺞ ﻭﺟﻬﺎﺩ ﻳﻮﺻﻲ ﻋﻠﻴﻪ ﺍﻣﻪ ﻣﻴﺔ ﻣﺮﻩ ﻭﺻﻪ ﻋﻠﻴﻪ ﻭﻛﻮﺍﻛﺐ ﺗﺒﺎﻭﻋﻠﻪ ﺑﻌﻴﻦ ﻭﻧﺺ .
ﺩﺧﻠﻨﻪ ﺯﺭﻧﻪ ﺍﺭﺗﺎﺣﻴﺖ ﺷﻮﻳﻪ ﺍﺣﺲ ﺟﺰﺀ ﻣﻦ ﺣﻤﻠﻲ ﺍﻧﺸﻤﺮ ﻫﻨﺎ .
ﺍﻣﻲ ﺣﺎﺟﺘﻨﻲ ﻛﺎﻟﺖ ﺟﻬﺎﺩ ﺍﺧﺬ ﻣﺮﺗﻚ ﺷﻮﻳﻪ ﻭﻧﺴﻬﺎ ﺑﺴﻮﻙ ﻭﺍﺣﻨﻪ ﻧﺮﺟﻊ ﻟﻼﻣﺎﻡ ﻭﻧﻠﺘﻘﻲ ﺑﺒﺎﺏ ﺍﻟﻤﺮﺍﺩ
ﺟﺎﻭﺑﺘﻬﺎ ﻭﻛﻮﺍﻛﺐ ﻟﺰﺕ ﺍﺭﻭﺡ ﻭﻳﺎﻛﻢ ﺍﻧﻲ ﻫﻮﺍﻱ ﺯﺭﺕ ... ﺍﻟﺤﻤﺪﻟﻠﻪ ﺍﻣﻲ ﺭﺟﻌﺘﻬﺎ ﻻﻥ ﻣﺎﺑﻴﻪ ﺣﻴﻞ ﺍﺩﺍﻫﺮ ﻛﻮﺍﻛﺐ ﻟﺰﻣﺖ ﺍﻳﺪ ﺟﻨﻪ ﻟﺠﺎﻧﺖ ﻻﺑﺴﻪ ﻋﺒﺎﻳﻪ ﺳﻮﺩﻩ ﻭﺷﺎﻝ ﻣﺎﺭﻭﻧﻲ ﻭﺣﺬﺍﺀ ﻣﺎﺭﻭﻧﻲ ﺍﻭﻭﻑ ﺷﻜﺪ ﺍﻛﺮﺓ ﺍﻟﻤﺎﺭﻭﻧﻲ ﺭﺣﻨﻪ ﻭﺣﺲ ﺑﻴﻬﺎ ﺟﺎﻱ ﺍﺣﺮﻛﻪ ﻣﺜﻞ ﻟﻌﺒﻪ ﺗﻤﺸﻲ ﺑﺪﻭﻥ ﺷﻌﻮﺭ
ﺩﺧﻠﻨﻪ ﻟﻠﺴﻮﻙ ﻭﺍﻧﻲ ﺍﻋﺮﺽ ﻋﻠﻴﻬﺎ ﺷﻨﻮ ﺗﺸﺘﺮﻱ ﺷﻨﻮ ﺗﺮﺩﻳﻦ ﺟﺎﻧﺖ ﺗﺮﺩ ﺑﻌﺪﻡ ﻣﺒﺎﻻﻩ ﺍﻛﺜﺮ ﺍﺟﻮﺑﺘﻬﺎ ﻣﺎﺍﺭﻳﺪ ﻟﻮ ﺑﻜﻴﻔﻚ ﺧﺒﻠﺘﻨﻲ ﻭﺿﻠﻴﺖ ﺑﻘﻠﻖ ﻭﺿﻌﻬﺎ ﻣﻤﺮﻳﺤﻨﻲ
* ﺟﻨﻪ
ﺍﺧﺬﻧﻲ ﻟﻠﺴﻮﻙ ﻭﺍﻧﻲ ﺑﻮﺩﻱ ﺍﺻﺮﺥ ﻛﺮﻫﺖ ﺣﺘﺊ ﺣﻨﻴﺘﻪ ﺍﺭﻳﺪ ﺍﻓﻬﻢ ﺍﻟﻮﺿﻊ ﻻﻧﻲ ﺑﻲ ﻟﻜﻦ ﻣﻤﺴﺘﻮﻋﺒﻪ ﻛﻮﻭﻟﺸﻲ ﺣﺴﻴﺖ ﺑﻲ ﺑﺲ ﻳﺮﻳﺪ ﻳﺮﺿﻴﻨﻲ ﺑﻌﺪﻫﺎ ﺷﻔﺘﻪ ﺍﺑﺘﺴﻢ ﻭﻛﺎﻝ ﺍﻟﻠﻪ ﻣﻼﺑﺲ ﻧﻮﻡ ﺗﺠﻨﻦ
ﺑﺼﺮﺍﺣﻪ ﺻﺪﻣﻨﻲ ﺟﺎﻭﺑﺘﻪ ... ﻳﺎﺍﺍ ﺟﻬﺎﺩ ﺗﺨﺒﻠﺖ ﺗﺮﻳﺪ ﺗﺪﺧﻞ ﻣﺤﻞ ﻧﺴﺎﺋﻲ ...
ﺟﺎﻭﺏ ﺑﺜﻘﻪ ﻭﺷﻜﻮﻭ ﺑﻴﻬﺎ ﺍﺷﺘﺮﻱ ﻟﻤﺮﺗﻲ
ﺟﺎﻭﺑﺖ ﻻ ﻭﺍﻟﻠﻪ ﻭﻻ ﺍﺩﺧﻞ ﻋﻴﺐ ﻳﻤﻌﻮﺩ
ﻛﺎﻝ ﺍﺩﺧﻠﻲ ﺍﻧﺘﻲ ﺍﺷﺘﺮﻱ ﻭﺍﻧﻲ ﺍﻧﺘﻀﺮﺝ ﻫﻨﺎ ﺟﺎﻧﺖ ﻣﺮﺓ ﻟﺘﺒﻴﻊ ﺩﺧﻠﺖ ﻭﺍﻧﻲ ﻣﺤﺮﺟﻪ ﺷﺘﺮﻳﺖ ﺑﺪﻭﻥ ﺫﻭﻕ ﺷﻨﻮ ﺍﻟﺸﻔﺘﻪ ﻛﺪﺍﻣﻲ ﺟﺒﺘﻪ
ﻟﺸﺎﻳﺐ ﻳﺮﻳﺪ ﻣﻼﺑﺲ ﻣﺎﻝ ﻧﻮﻭﻡ ﻭﺷﺴﻮﻭﻭﻳﻠﻪ
ﻃﻠﻌﺖ ﺷﻔﺘﻪ ﻭﺍﻛﻒ ﻛﺎﻝ ﻫﺎﺍﺍ ﻛﺘﻠﻪ ﻳﺎﻟﻠﻪ ﺍﺷﺘﺮﻳﺖ ﻛﺎﻝ ﻭﺍﻟﻠﻪ ﺑﻴﺞ ﺷﺊ ﺍﻧﺘﻲ ﻣﻮ ﻋﻠﺊ ﺑﻌﻀﺞ
ﺟﺎﻭﺑﺖ ﺑﺄﺑﺘﺴﺎﻣﻪ ﺣﺰﻳﻨﻪ ﻣﺎﻛﻮﻭ ﺷﺊ ﻭﺍﻟﻠﻪ
ﺍﺧﺬﻧﻲ ﺍﻛﻠﻨﻪ ﻣﻮﻃﻪ ﻭﺷﺮﺑﻨﻪ ﻋﺼﻴﺮ ﻭﻃﺒﻌﺎ ﻃﻠﻌﺘﻨﻪ ﻻ ﺗﺨﻠﻮ ﻣﻦ ﺍﻟﻤﻀﺎﻳﻘﺎﺕ ... ﻣﺜﻞ ﺷﻌﺮﺝ ﻟﻔﻲ ﻟﻌﺒﺎﻳﻪ ﺯﻳﻦ ﺑﻨﻄﺮﻭﻧﺞ ﻃﻠﻊ ﺩﻧﻜﻲ ﺧﺒﻠﻨﻲ ﻛﺮﻫﻨﻲ ﺑﺮﻭﺣﻲ ﻭﻛﻞ ﻛﻠﻤﻪ ﻳﻀﺎﻳﻘﻨﻲ ﺑﻴﻬﺎ ﺍﺫﻛﺮ ﺭﺅﺉ ﻭﻫﺮﻭﺑﻬﺎ ﻳﺎﻟﻠﻪ ﺣﺎﺳﻪ ﺑﻐﺼﻪ ﺭﺍﺍﺍﺡ ﺍﻣﻮﻭﺕ .
ﻭﺭﺟﻌﻨﻪ ﻳﻢ ﺍﻣﻪ .
ﻳﺮﻳﺪ ﻳﻄﻠﻌﻨﻲ ﻣﻦ ﺍﻟﺤﺎﻟﻪ ﺍﻟﻲ ﺍﻧﻲ ﺑﻴﻬﺎ ﻣﻴﺪﺭﻱ ﺍﻟﻲ ﺑﻴﻪ ﺷﻨﻮﻭﻭ
ﺍﻟﺘﻔﻜﻴﺮ ﻣﻮﻭﻭﺗﻨﻲ ﺍﺑﺎﻭﻋﻠﻪ ﻣﻨﺎﻗﺼﻪ ﺷﻲ ﻭﺳﺎﻣﻪ ﻭﺷﺨﺼﻴﻪ ﻭﻭﺿﻴﻔﻪ ﻟﻴﺶ ﺧﺎﻧﺘﻪ ﺭﺅﻯ ﻟﻴﺶ ﺗﻘﺪﻡ ﺍﻟﻤﺮﺍﻩ ﻋﻠﻰ ﺧﻴﺎﻧﺔ ﺭﺟﻞ ﻣﺜﻠﻪ .
ﺭﺟﻌﻨﺎ ﻟﻠﺒﻴﺖ .
ﺻﻌﺪﻧﻪ ﻟﻐﺮﻓﺘﻨﻪ
ﺗﻤﺪﺩﺕ ﻉ ﺍﻟﺠﺮﺑﺎﻳﻪ ﺍﺟﻪ ﻛﻌﺪ ﻳﻢ ﺭﺟﻠﻴﻪ ﻭﻇﻞ ﻳﻄﻜﻄﻚ ﺑﺎﺻﺎﺑﻊ ﺭﺟﻠﻴﻪ ﻛﺎﻝ
ﺗﻌﺒﺘﻲ ﺍﻟﻴﻮﻡ ﻫﺎﺍﺍ
.. ﺟﺎﻭﺑﺘﻪ ﺑﺎﺑﺘﺴﺎﻣﻪ ﻣﺼﻄﻨﻌﻪ ﺍﻱ ﺣﺒﻴﺒﻲ
ﺗﻌﺒﺖ ﻭﺍﻟﻠﻪ ﺍﺭﻳﺪ ﺍﻧﺎﻡ .
.. ﻣﺎﺍﺩﺭﻱ ﺷﺴﺎﻟﻔﺘﺞ ﻛﺎﺿﻴﺘﻬﺎ ﻧﻮﻡ
.. ﺑﻌﺪ ﺍﻃﻠﺒﻚ ﺭﻭﺣﻪ ﻟﺒﻴﺖ ﺍﻫﻠﻲ .
.. ﺍﻱ ﻏﻴﺮ ﺍﻟﻠﺘﺤﻖ ﻭﺍﺧﺬ ﻭﻳﺎﻳﻪ ﺍﻭﺩﻳﺞ ﻟﺒﻴﺖ ﺍﻫﻠﺞ .
... ﻳﻌﻨﻲ ﺍﺑﻘﻰ 15 ﻳﻮﻡ ﺑﻴﺖ ﺍﻫﻠﻲ ؟؟
... ﺧﻮ ﻣﺎﺍﺧﻠﻴﺞ ﺑﺎﻟﺸﻘﻪ ﻫﻨﺎﻙ ﻟﻮﺣﺪﺝ ؟؟
.. ﺍﻱ ﻫﻮ ﺩﺍﺍﺳﺴﺄﻝ ﺷﺒﻴﻚ .
... ﻣﺎﺑﻴﻪ ﺷﻲ ﺍﻇﺎﻫﺮ ﺑﻌﺪﻩ ﻣﺰﺍﺟﺞ ﺑﺮﺗﻘﺎﻟﻲ ﺣﻀﺮﺗﺞ
.. ﻻ ﻣﺰﺍﺟﻲ ﺑﺮﺗﻘﺎﻟﻲ ﻭﻻ ﺷﻲ ﺑﺲ ﺣﺎﻟﻪ ﻧﻔﺴﻴﻪ ﻓﺘﺮﻩ ﻭﺍﺭﺗﺎﺡ .
.. ﺧﻨﺸﻮﻑ ﺩﻟﻌﺞ ﻫﺬﺍ ﺍﻗﺼﺪ ﺣﺎﻟﺘﺞ ﺍﻟﻨﻔﺴﻴﻪ ﺷﻮﻛﺖ ﺭﺍﺡ ﺗﺘﻌﺪﻝ .
ﺗﺮﻛﻨﻲ ﻭﻛﺎﻡ ﻭﺍﻧﻲ ﺗﻐﻄﻴﺖ ﻭﻧﻤﺖ ﺑﻤﻼﺑﺴﻲ
ﻣﺮﺕ ﻓﺘﺮﻩ ﺍﻧﻲ ﺍﻋﻴﺶ ﺻﺮﺍﻉ ﺑﺪﺍﺧﻠﻲ ﻣﺮﺍﺕ ﺍﻛﻌﺪ ﻛﺒﺎﻟﻪ ﻭﺍﺭﻳﺪ ﺍﺣﺎﺟﻲ ﺍﻋﺎﺗﺒﻪ ﻟﻴﺶ ﻇﻢ ﻋﻠﻴﻪ ﺳﺎﻟﻔﺔ ﻣﺮﺗﻪ
ﺑﺲ ﻣﻜﺪﺭﺕ ﺧﻮﻑ ﻣﺴﻴﻄﺮ ﻋﻠﻴﻪ ﻣﻦ ﺭﺩﺓ ﻓﻌﻠﻪ
ﺑﻘﻴﺖ ﻋﻠﻰ ﺣﺎﻟﺘﻲ .
ﻣﺮ ﺍﻟﻮﻗﺖ ﺑﺴﺮﻋﻪ ﻭﺑﻴﻮﻡ ﺍﻟﻲ ﻳﺮﻳﺪ ﻳﺮﻭﺡ ﻟﻠﺒﺼﺮﻩ ﺣﻀﺮﺕ ﻧﻔﺴﻲ ﺍﺭﻭﺡ ﻭﻳﺎ ﻻﻫﻠﻲ .
ﺟﻬﺰﺕ ﺟﻨﻄﻪ ﺍﻟﻲ ﻭﺍﻟﻪ ﻭﺍﺳﺘﻌﺪﻳﻨﺎ ﺍﺭﻭﺡ .
ﻃﻠﻌﻨﻪ ﺍﻟﻔﺠﺮ
ﻭﺩﻋﻨﺎﻫﻢ ﻭﺭﺣﻨﻪ .
ﺑﺎﻟﻄﺮﻳﻖ ﺗﺎﺧﺬﻧﻲ ﺻﻔﻨﺎﺕ ﻭﺗﻔﻜﻴﺮ ﻭﻫﻮ ﻣﺘﻔﻮﺗﻪ ﻓﺎﻳﺘﻪ ﺍﻧﺘﺒﻪ ﻋﻠﻴﻪ .
ﻫﺎﺍﺍ ﺟﻨﻮﻭﻭ ﻫﺴﻪ ﺧﻮ ﺭﺍﺡ ﺗﺮﺣﻴﻦ ﻻﻫﻠﺞ ﻭﻣﻦ ﻧﺮﺟﻊ ﺍﺭﻳﺪ ﺍﺷﻮﻑ ﻫﺬﺍ ﺍﻟﺘﻌﻴﻘﻞ ﻛﻠﻪ ﺷﻮﺭﺍﻩ ﺍﻟﻪ ﺍﻃﻠﻌﻪ ﻣﻦ ﺧﺸﻤﺞ .
ﺑﺎﻭﻋﺘﻠﻪ ﻭﺩﺭﺕ ﻭﺟﻬﻲ ﻉ ﺍﻟﺠﺎﻣﻪ
ﻛﺎﻡ ﺿﺮﺑﻨﻲ ﻋﻠﻰ ﺯﻧﺪﻱ
ﺍﻱ ﺍﻭﻱ ﺷﺒﻴﻚ ﺟﻬﺎﺩ ﺗﺨﺒﻠﺖ ﻫﺴﻪ ﻣﻮ ﺟﺎﻱ ﺍﺳﻮﻕ .
ﺗﺪﺭﻳﻦ ﺑﻴﻪ ﻣﺎﺍﺣﺐ ﻭﺍﺣﺪ ﻳﺤﮕﺮﻧﻲ .
ﺍﻱ ﺧﻮﺵ .
ﻇﻞ ﻳﻬﻒ ﺑﻴﺪﻩ .
ﻋﻠﻤﺎ ﻭﺻﻠﻨﻪ ﻟﻠﺒﺼﺮﻩ ﺍﻻ ﺭﻭﺣﻲ ﻃﺎﻟﻌﻪ ﺑﺲ ﻣﻦ ﺷﻔﺖ ﺍﻣﻲ ﻭﺧﻮﺍﺗﻲ ﻭﺍﻟﺠﻬﺎﻝ ﻳﺴﺘﻘﺒﻠﻮﻧﻲ ﻛﻠﻬﻢ ﺑﺎﻟﺒﺎﺏ ﺍﺣﺲ ﺭﺩﺗﻠﻲ ﺍﻟﺮﻭﺡ .
ﺣﻀﻨﺘﻬﻢ ﺑﻮﺳﺘﻬﻢ ﺷﻤﻤﺘﻬﻢ ﻭﺑﺠﻴﺖ ﺩﻣﻮﻋﻲ ﻇﻠﺖ ﺗﻨﺰﻝ ﻭﺟﻬﺎﺩ ﻳﺒﺎﻭﻉ ﻭﻳﺴﻮﻱ ﺣﺮﻛﺎﺕ ﺑﺤﺎﺟﺒﻪ ﺍﻧﺖ ﺑﻴﺞ ﺷﻲ ﻭﻳﻬﺰ ﺑﺮﺍﺳﻪ ﻣﻮ ﺧﺎﻟﻴﻪ ﺍﻧﺖ ﻳﺎﺟﻨﻪ .
ﺩﺧﻠﻨﻪ ﺟﻮﻩ .
ﻭﻣﻦ ﺷﻔﺖ ﻣﺤﻤﺪ ﻭﺩﻱ ﺍﺧﻨﻜﻪ ﺑﻌﺪ ﻣﺎﻃﻠﻊ ﺟﻬﺎﺩ
ﺭﺩﺕ ﺍﺣﺎﺟﻲ ﻣﺤﻤﺪ ﺍﻛﻮﻟﻪ ﻳﺪﺭﻱ ﺑﻬﺎﻟﺴﺎﻟﻔﻪ ﻟﻮ ﻻ ؟
ﺑﺲ ﺳﻜﺖ ﻟﺨﺎﻃﺮ ﺟﻬﺎﺩ ﻫﺬﺍ ﺷﺮﻓﻪ ﻭﺳﻤﻌﺘﻪ
ﻭﻣﺎﻳﺼﻴﺮ ﺍﺣﺠﻲ ﺑﻴﻬﺎ ﻻﻱ ﺍﺣﺪ .
ﻭﺣﺘﻰ ﺧﻮﺍﺗﻲ ﻣﻦ ﺳﺄﻟﻨﻲ ﺷﺒﻴﺞ ﻭﺟﻬﺞ ﻣﺼﻔﺮ ﻣﺨﻄﻮﻑ ﺧﺎﻑ ﺣﺎﻣﻞ ﻛﺘﻠﻬﻢ ﻻ ﻣﺎﻛﻮ ﺷﻲ ﻻ ﺣﺎﻣﻞ ﻭﻻﺷﻲ ﺑﺲ ﻻﻥ ﺗﻐﻴﺮ ﻋﻠﻴﻪ ﺍﻟﻤﻜﺎﻥ .
ﻣﺮﺕ ﺍﻻﻳﺎﻡ ﺑﺴﺮﻋﻪ
ﻭﺍﺟﻪ ﺍﺧﺬﻧﻲ ﻭﻟﺴﻪ ﻧﻔﺴﻴﺘﻲ ﻧﻔﺲ ﺍﻟﺸﻲ ﻭﻣﺎﺗﻐﻴﺮﺕ
ﺩﺧﻠﻨﻪ ﻟﻠﺒﻴﺖ ﻭﺳﻠﻤﺖ ﻋﻠﻴﻬﻢ
ﺗﻌﺒﺎﻧﻴﻦ ﻣﻦ ﺍﻟﻄﺮﻳﻖ ﻭﻧﻤﻨﻪ
ﻳﻮﻡ ﺛﺎﻧﻲ ﻛﻌﺪﺕ ﺷﻔﺘﻪ ﻳﺪﺧﻦ
ﻛﻤﺖ ﻣﻦ ﺍﻟﻔﺮﺍﺵ ﺑﻼ ﻣﺎﺍﻛﻮﻟﻪ ﺻﺒﺎﺡ ﺍﻟﺨﻴﺮ .
ﻫﻮ ﻳﻌﺮﻑ ﺍﻧﻲ ﺑﻌﺪﻧﻲ ﻣﻄﻨﻜﺮﻩ .
ﻛﺎﻝ ﺗﻌﺎﺍﺍﺍﻱ ﺷﺒﻴﺞ
ﻃﻠﻌﻪ ﻭﻃﻠﻌﺘﺞ ﺍﻫﻠﺞ ﻭﺷﻔﺘﻴﻬﻢ ﺷﺒﻴﺞ ﺑﻌﺪﺩﺩ
ﺍﺣﺠﻴﻴﻲ ﺗﺮﻩ ﻣﺎﺍﺗﺤﻤﻞ .
ﻭﻛﻔﺖ ﺑﺲ ﺍﺣﺲ ﺭﺟﻠﻴﻪ ﻣﻮﻗﻮﻳﻪ ﺯﻳﺎﺩﻩ ﻉ ﺍﻟﻮﻛﻔﻪ
ﻛﺴﺮﺕ ﺍﻟﺼﻤﺖ ﺍﻟﺒﺪﺍﺧﻠﻲ ﻭﺧﻠﻴﺖ ﺍﻟﺨﻮﻑ ﻋﻠﻰ ﺻﻔﺤﻪ ﻟﺸﻮﻛﺖ ﺍﺑﻘﻰ ﻫﻴﺞ
ﻛﺘﻠﻪ ﻟﻴﺶ ﺿﻤﻴﺖ ﻋﻠﻲ ﻟﻴﺶ ﻣﺎﻛﺘﻠﻲ ﺭﺅﻯ ﺍﻧﻬﺰﻣﺖ ﻭﻳﺎ ﺍﺑﻦ ﻋﻤﻚ ﻟﻴﺶ ﮔﺘﻠﻴﻲ ﻣﻴﺘﺘﺘﻪ ؟؟؟؟؟
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
1 التعليقات:
إضغط هنا لـ التعليقاتفاطمة محمد حسن جواد القريشي ةةة شبكة دعارة على مواقع التواصل الاجتماعي
تحويل كودإخفاء محول الأكواد الإبتساماتإخفاء