رواية دورة زمن 🔞 الجزء العاشر

...

رواية دورة زمن 🔞 الجزء العاشر

للكاتبة 🔞زينب علي  🔞

.....

ﺩﺭﺍﺳﻪ ﺍﻟﻤﺎﺟﺴﺘﻴﺮ ﺟﺎﻧﺖ ﻣﻮﻭﻭﻟﺶ ﺻﻌﺒﻪ ﻭﺗﺨﺼﺼﺖ ﺑﻼﺩﺍﺭﻩ ﻭﺟﺎﻥ ﺻﻌﺐ ﻭﻣﺘﻌﺐ ﺣﻴﻴﻴﻞ ...

ﺩﺭﺍﺳﻪ ﻭﺿﻐﻮﻁ ﺍﺭﺟﻊ ﻟﻠﺒﻴﺖ ﺍﺷﻮﻑ ﺟﻬﺎﻟﻲ ﻣﺎﻛﻮ ﻭﺣﺘﻪ ﻣﻦ ﻳﺠﻮﻥ ﻋﺒﺎﻟﻚ ﺍﻧﻲ ﻏﺮﻳﺒﻪ . ﻳﻼ ﻫﺎﻧﺖ ﻣﺎ ﺑﻘﻪ ﺷﻲ ﺑﺲ ﻫﺎﻱ ﺍﻟﺴﻨﻪ ﻭﺍﻟﺴﻨﻪ ﺍﻟﺘﺠﻲ ﺍﺧﺬﻫﻢ .

ﻫﻮﻭﻭﻭﺍﻱ ﺻﺎﺭﺕ ﻣﺸﺎﻛﻞ ﻭﻫﻮﻭﻭﺍﻱ ﺻﺎﺭﺕ ﻣﺸﺎﺣﻨﺎﺕ ﻟﻌﺒﻮ ﺑﻴﻨﻪ ﻓﻠﻢ ﻭﺍﺣﻨﻪ ﻫﻢ ﺍﻧﻲ ﻛﻤﺖ ﺍﻋﺎﻧﺪ ﺻﺎﺭﺕ ﺍﻟﺸﻐﻠﻪ ﺷﻐﻠﻪ ﻋﻨﺎﺩ ﻭﻳﺎﻫﻢ ﺍﻝ ١٥ ﻳﻮﻡ ﺍﻟﻲ ﺍﻟﻨﺎ ﻣﻴﺮﺟﻮﻫﻢ ﻟﻤﻦ ﺗﻄﻠﻊ ﻛﻠﻮﺑﻨﻪ ﺍﻧﻲ ﻫﻢ ﻛﻤﺖ ﻣﻦ ﻳﺮﺩﻭﻥ ﻳﺎﺧﺬﻭﻫﻢ ﻳﺪﻛﻮﻥ ﺑﻠﺒﺎﺏ ﻛﻮﻣﻪ ﻳﻼ ﻧﻔﺘﺢ ﻃﺒﻌﺎ ﻫﺬﺍ ﺍﻟﺤﺠﻲ ﺟﻨﻪ ﺑﺲ ﺍﻧﻲ ﻭﺍﻣﻲ ﻧﺨﻄﻂ ﻧﺄﺫﻳﻬﻢ ﺍﺑﻮﻳﻪ ﻣﻴﺪﺭﻱ ﻻﻥ ﺑﺎﺑﺎ ﻛﻮﻭﻭﻟﺶ ﻳﺤﺒﻬﻢ ﻭﻣﺘﻌﻠﻖ ﺑﻴﻬﻢ . ﺑﻬﺎﻱ ﺍﻟﻔﺘﺮﻩ ﺍﻧﻲ ﺻﺮﺕ ﺻﻌﺒﻪ ﺣﻴﻴﻴﻴﻞ ﺗﻐﻴﺮﺕ ﺗﺼﺮﻓﺎﺗﻲ ﻋﺒﺎﻟﻚ ﺻﺮﺕ ﻣﺠﺮﻣﻪ ٢٤ ﺳﺎﻋﻪ ﺍﺗﻌﺎﺭﻙ ﺍﺳﻤﻊ ﻧﺴﻮﺍﻥ ﺍﺧﻮﻳﻪ ﻳﺼﻴﺤﻦ ﻭﻳﻦ ﺟﺎﻧﺖ ﻣﻀﻤﻮﻣﻪ ﺍﻟﻨﺎ ﻫﺎﻱ ﺍﻟﻄﻼﺑﻪ . ﻣﺘﻮﻟﻲ ﻣﻨﺎ . ﻭﺍﻧﻲ ﺍﺳﻤﻌﻬﻦ ﻭﺍﻫﺪ ﻟﺴﺎﻧﻲ ﻋﻠﻴﻬﻦ . ﻳﻄﺒﺠﻦ ﻣﺮﺽ ﺑﻴﺘﻲ ﺑﻴﺖ ﺍﺑﻮﻳﻪ ﺍﻟﻤﺎﻋﺎﺟﺒﻪ ﺑﻠﻘﻨﺪﺭﻩ ﻳﻄﻠﻊ . ﻭﺍﺫﺍ ﺍﺑﻮﻳﻪ ﻫﻨﺎ ﻳﺮﺯﻟﻨﻲ ﻋﻠﻰ ﻫﺬﺍ ﺍﻟﺤﺠﻲ ﻳﻜﻮﻟﻲ ﻣﺘﺴﺘﺤﻴﻦ ﺗﺼﺮﻓﺎﺗﺞ ﺧﻄﺂ ﻣﻴﺼﻴﺮ ﻫﻴﺞ . ﻭﻫﻢ ﻳﺮﺟﻊ ﻋﻠﻴﻬﻦ ﻳﺮﺯﻟﻬﻦ . ﻣﺤﻤﺪ ﻣﻴﺪﺧﻞ ﺑﺤﺠﻲ ﺍﻟﻨﺴﻮﺍﻥ ﺍﺑﺪ ﻟﻮ ﻧﺘﻤﺎﻟﺦ ﻣﻴﺪﺍﻓﻊ ﻻﻱ ﻭﺣﺪﻩ ﺑﻴﻨﻪ ﻭﻻ ﻳﺼﻒ ﺑﺼﻒ ﻭﺣﺪﻩ ﻳﻜﻮﻝ ﻫﺬﻧﻲ ﺷﻐﻼﺕ ﺯﻋﺎﻃﻴﻂ ...

.

ﺑﺲ ﺍﺑﻮﻳﻪ ﺟﺎﻥ ﻋﻠﺤﺴﺎﺑﻲ ﻳﺪﺧﻞ .

.

.

.

ﺍﺑﻪ ﺍﺑﻪ . ﻫﺎ ﻳﺒﻌﺪ ﻛﻠﺒﻲ ﻫﺎ ﺑﺎﺑﺎﺗﻲ ...

ﻋﻤﺘﻲ ﻭﻋﻠﻲ ﻭﻛﺮﺍﺭ ﻭﻳﺎﺳﺮ ﺑﻼﺳﺘﻘﺒﺎﻝ ﻭﺍﻟﺠﻬﺎﻝ ﻣﻮﺟﻮﺩﻳﻦ ﻭﻳﺸﺎﻗﻮﻥ ﺍﻟﺠﻬﺎﻝ ..

ﻧﻌﻢ ﺧﻴﺮ ...

ﻳﻌﻤﻪ ﺳﻠﻤﻲ ﺑﻼﻭﻝ ...

ﻫﺎﻱ ﺍﻻﻳﺎﻡ ﺍﻟﻴﻪ ﺷﻌﺪﻛﻢ ﺟﺎﻳﻴﻦ ...

ﻋﻤﻪ ﺍﻟﻴﻮﻡ ﻋﻴﺪ ﻣﻴﻼﺩ ﺍﻟﺠﻬﺎﻝ ﻧﺮﻳﺪ ﻧﺴﻮﻱ ﺗﺠﻮﻥ ﻭﻳﺎﻧﻪ ﻟﻠﺒﻴﺖ ...

ﻻ . ﻭﺣﺘﻪ ﻋﻴﺪ ﻣﻴﻼﺩ ﻣﺎ ﺍﺳﻮﻱ ...

ﻟﻴﺶ ﻳﻤﻪ ...

ﻋﻤﻪ ﺷﻜﻮﻝ ﻟﻠﻨﺎﺱ ﺍﺑﻮﻫﻢ ﺑﻌﺪ ﻣﺎ ﺩﺍﺭﺕ ﺳﻨﺘﻪ ﻭﺍﻧﻲ ﺍﺳﻮﻱ ﻋﻴﺪ ﻣﻴﻼﺩ ...

ﻃﻔﺮ ﻋﻠﻲ ﻣﻦ ﻣﻜﺎﻧﻪ ﻣﻮ ﻫﻠﺘﺮﻭﺣﻴﻦ ﻛﻠﻴﺎﺕ ﻭﺟﺎﻣﻌﺎﺕ ﺍﻛﻮ ﻭﺍﺣﺪ ﻛﺎﻝ ﻋﻴﺐ . ﻭﺑﻌﺪﻳﻦ ﺫﻭﻟﻪ ﺟﻬﺎﻝ ﻭﺣﻘﻬﻢ ﻳﺎﺧﻮﻧﻪ ...

ﺣﻘﻬﻢ ﻋﻴﺪ ﻣﻴﻼﺩ ...

ﺣﻘﻬﻢ ﻣﻮﺟﻮﺩ ...

ﺍﻧﻄﻮﻧﻴﺎ ...

ﺗﻌﺎﻱ ﻭﻳﺎﻧﻪ ﻭﺑﻴﺞ ﺧﻴﺮ ﻭﺩﻟﻠﻲ ...

ﺷﻌﻨﺪﻱ ﺟﺎﻱ ...

ﺗﺮﻩ ﺑﺎﻗﺮ ﻟﺴﻪ ﻣﻤﺰﻭﺝ ﻋﻠﺤﺴﺎﺑﺞ . ﺍﻭﻝ ﻭﺗﺎﻟﻲ ﺍﻟﺠﻬﺎﻝ ﻳﺤﺘﺎﺟﻮﻥ ﺍﺏ ﻭﺍﻟﻮﻟﺪ ﺻﻌﺐ ﺗﻠﺰﻣﻲ ﺍﻧﺘﻲ ﻻﺯﻡ ﺍﺑﻮ ﻳﺮﺑﻲ ...

ﺷﻜﺮﺍ ﺟﺰﻳﻼ ﻭﺿﻢ ﺍﻗﺘﺮﺍﺣﻚ ﺍﻟﻚ ...

ﻫﻮ ﺑﺴﺮﻋﻪ ﻛﺎﻡ . ﻛﻠﻲ ﺣﻈﺮﻱ ﺍﻟﺠﻬﺎﻝ . ﻣﺤﻈﺮ ﻛﻴﻚ ﺍﺭﻳﺪ ﻧﺴﻮﻳﻠﻬﻢ ﻋﻴﺪ ﻣﻴﻼﺩ ...

ﺍﺑﺪﺩﺩﺩ ﺟﻬﺎﻟﻲ ﻣﻴﻄﻠﻌﻮﻥ ﻭﻫﺬﻧﻲ ﺍﻝ١٥ ﻳﻮﻡ ﺍﻟﻴﻪ ﻣﺎ ﺍﺭﻳﺪ ﺍﺷﻮﻓﻜﻢ ﺑﻴﻬﺎ ...

ﺧﺰﺭﻧﻲ ﻭﻛﻠﻲ ﺣﻈﺮﻳﻬﻢ . ﻋﻤﺘﻲ ﺯﻋﻠﺖ ﻭﻛﺎﻣﺖ ﻭﺍﻟﻮﻟﺪ ﺧﻮﻳﻪ ﺗﺮﻩ ﺍﺣﻨﻪ ﻧﺮﻳﺪ ﺭﺍﺣﺘﻬﻢ ...

ﻃﻠﻌﻮ ﻃﺒﻜﺖ ﺍﻟﺒﺎﺏ ... ﺩﻛﻮ ﺩﻛﻮ ﻣﺎﻛﻮ ﻣﺎ ﻓﺘﺤﺖ ﺍﻟﺒﺎﺏ ﺧﻞ ﻳﻮﻟﻮﻥ ﻟﻌﺒﻮ ﺭﻭﺣﻲ ﻭﻟﺪ ﺍﻟﺨﺮﻩ ﺷﻜﺪ ﻟﺰﻛﻪ ﻭﺭﻩ ﻧﺺ ﺳﺎﻋﻪ ﺧﺎﺑﺮ ﺍﺑﻮﻳﻪ ﻻﻣﻲ . ﻣﻮﻋﻴﺐ ﻣﺘﺴﺘﺤﻦ ﺗﺼﺮﻓﻦ ﻣﻦ ﻭﺣﺪﺟﻦ ﺍﻣﻲ ﻛﺎﻣﺖ ﺗﺮﺟﻒ ﺷﻜﻮ ﺷﻜﻮ ...

ﺫﻳﺞ ﺍﻟﻤﺮﻩ ﺑﺲ ﺧﺎﺑﺮﺗﻪ ﻛﻠﻲ ﺻﺎﺭ ﻫﺴﻪ ﺟﺎﻱ ﻛﻠﻲ ﻻﻳﻤﺎﻥ ﺧﻞ ﺗﻨﻄﻴﻬﻢ ﺍﻟﺠﻬﺎﻝ ﻻ ﺍﺟﻲ ﺍﻭﻛﻠﻬﺎ ﺧﺮﻩ ...

ﺍﺟﺘﻨﻲ ﺍﻣﻲ .

ﻣﺎﻣﺎ ﻟﻌﻨﻲ ﺍﻟﺸﻴﻄﺎﻥ ﻭ ﻭﺩﻱ ﺍﻟﺠﻬﺎﻝ ﻟﻌﻤﺎﻣﻬﻢ ...

ﻣﺎﻣﺎ ﺩﻳﻀﻐﻄﻮﻥ ﻋﻠﻴﻪ ...

ﻳﻤﺎﻣﺎ ﻭﺍﻟﻠﻪ ﺗﻌﺒﺘﻴﻨﻪ ﺍﻧﺘﻲ ﻭﺫﻭﻟﻪ ﺍﻟﻤﺸﻨﻄﻴﻦ ﺟﻬﺎﻟﺞ ﻭﺩﻳﻬﻦ ﻭﺍﺧﻠﺼﻲ ﻭﺍﺑﺪﻱ ﺣﻴﺎﺗﺞ ﺍﻣﺪﺍﺝ ﻭﺍﻣﺪﻩ ﺣﻈﻲ ﻣﻦ ﺩﻭﻥ ﺍﻟﻨﺎﺱ ﻫﺎﻱ ﺍﻟﻨﺴﻮﺍﻥ ﺑﻨﺎﺗﻬﺎ ﻛﻠﻤﻦ ﻋﺪﻫﺎ ١٠ ﻭﻛﺎﻋﺪﺍﺕ ﻭﻣﻨﺠﺒﺎﺕ ﺑﺲ ﺍﻧﺘﻲ ﻋﻮﺟﻪ ﻏﺒﺮﻩ ...

ﺍﻧﻲ ﺷﻌﻠﻴﻪ ﺍﻧﻲ ﻗﺎﺑﻞ ﺍﺧﺬﺕ ﺭﻭﺣﻲ ﺍﻧﻲ ﺷﺒﻴﺪﻱ ﻋﻠﻴﻪ ...

ﺩﻗﺒﻠﻲ ﺍﺑﺎﻗﺮ ﻭﺍﻟﻠﻪ ﺍﺣﻠﻰ ﻣﻦ ﺍﺣﻤﺪ ﺷﺒﻲ ﺟﻨﻪ ﻭﺭﺩﻩ ﻳﺎﺧﺬﻟﻪ ﻭﺣﺪﻩ ﺍﺭﻣﻠﻪ ...

ﻭﻟﺞ ﻳﻤﻪ ﺻﺪﻛﺘﻲ ﻳﺮﺩﻭﻧﻲ ﻭﻟﺞ ﺧﺪﺍﻣﻪ ﻳﺨﻠﻮﻧﻲ ﺑﺲ ﻋﻠﺤﺴﺎﺏ ﺍﻟﺠﻬﺎﻝ ﻳﺎﺧﺬﻭﻧﻲ ...

ﺍﻧﺪﻛﺖ ﺍﻟﺒﺎﺏ . ﻓﺘﺤﺖ ﺍﻟﺒﺎﺏ ﺍﻣﻲ . ﻛﻠﻬﺎ ﺧﺎﻟﻪ ﺍﺭﻳﺪ ﺍﻟﺠﻬﺎﻝ . ﺍﻣﻲ ﺟﺎﺑﺘﻬﻢ ﻛﺎﻟﺘﻠﻪ ﺧﺎﻟﻪ ﺗﺮﻩ ﻣﻮ ﻗﺺ ....

ﺍﺧﺬﻫﻢ ﻭﺩﺍﺭ ﻭﺟﻬﺎ ﻭﺳﺪ ﺍﻟﺒﺎﺏ ﺑﻮﺟﻪ ﺍﻣﻲ ...

ﺑﻠﻠﻴﻞ ﺭﺟﻌﻬﻢ ﻭﻋﺪﻫﻢ ﺍﻟﻌﺎﺏ ﻛﻮﻣﻪ . ﺍﺟﻪ ﺑﺎﻗﺮ ﻛﻮﺗﻠﻪ ﺑﺎﻗﺮ ﻳﻬﻮﻥ ﻋﻠﻴﻚ ﺗﺎﺧﺬﻧﻲ ﺍﻟﺘﻔﺖ ﺍﻟﻴﻪ ﻛﻠﻲ ﻻ ...

ﻛﺘﻠﻪ ﻟﺨﺎﻃﺮ ﺍﺣﻤﺪ ﺍﺫﺍ ﻋﻨﺪﻙ ﺣﺐ ﺍﻟﻪ ﺍﻧﺘﻪ ﻣﻦ ﻳﻤﻚ ﺍﻣﻨﻊ ﻫﻠﺸﻲ ...

ﻛﻠﻪ ﺧﻮﻳﻪ ﻭﺍﻟﻠﻪ ﺭﺍﺡ ﺗﺮﺟﻌﻴﻦ ﻣﻌﺰﺯﻩ ﻣﻜﺮﻣﻪ ﻭﺍﺣﻨﻪ ﺍﻟﺠﻬﺎﻝ ﻛﺎﺳﺮﻩ ﺿﻬﺮﻧﻪ ...

ﻫﺎ ﺷﻔﺖ ﺍﻧﺖ ﺟﺎﻱ ﺗﻜﻮﻝ ﺧﻮﻳﻪ ﻭﺍﻧﻲ ﻣﺸﺎﻳﻔﺘﻚ ﺍﻛﺜﺮ ﺍﻧﻲ ﺍﺧﺘﻚ ﻭﺍﻧﺘﻪ ﺍﺧﻴﻲ ﺷﺎﻫﺪ ﺍﻟﻠﻪ ﺍﻭﻛﻒ ﺑﺼﻔﻲ ﻭﻟﺘﻨﻄﻲ ﺍﻣﻞ ﺣﺘﻪ ﻳﺮﺗﺎﺣﻮﻥ . ﻭﺍﻧﻲ ﺍﺣﻠﻔﻠﻚ ﺑﺮﻭﺡ ﺍﺣﻤﺪ ﻣﺎ ﺍﺗﺰﻭﺝ ...

ﻭﺍﺫﺍ ﺗﺰﻭﺟﺘﻲ ...

ﺷﺎﻫﺪ ﺍﻟﻠﻪ ﻭﺍﻧﺖ ﺷﺎﻫﺪ ﻋﻠﻰ ﻛﻼﻣﻲ ﻣﺘﻨﺎﺯﻟﻪ ﻋﻦ ﺍﻟﺠﻬﺎﻝ ﺍﻟﻜﻢ ...

ﺍﺭﺟﻌﻲ ﻳﻤﻨﻪ ...

ﺻﻌﺒﻪ ﻣﺎ ﺗﺮﻫﻢ ....

ﺗﺮﻩ ﺍﻟﺠﻬﺎﻝ ﺟﺎﻧﻮ ﺣﻴﻞ ﻣﺘﺄﺫﻳﻦ ﻭﺟﺴﻤﻬﻢ ﺍﺯﺭﻙ ...

ﺍﺩﺭﻱ ﻭﺍﺑﺴﻄﻬﻢ ﺑﺲ ﻫﻤﻪ ﺟﻬﺎﻝ ﺷﺴﻮﻱ

.....

ﺭﺍﺡ ﺑﺎﻗﺮ ﻭﺍﻧﻲ ﺍﺣﺲ ﻧﻔﺴﻲ ﻣﺮﺗﺎﺣﻪ ﻣﺪﺭﻱ ﻟﻴﺶ ﺍﻭﻝ ﻣﺮﻩ ﺍﺣﺲ ﺍﺧﺬﺕ ﺍﻻﻭﻛﻲ ﻣﻨﻪ ...

.

.

.

ﻭﺭﻩ ﺳﺒﻮﻉ ﺧﺎﺑﺮﻧﻲ ﻋﻠﻲ . ﻟﻴﺶ ﺷﺒﻲ ﺑﺎﻗﺮ . ﺧﻮﻳﻪ ﺗﺮﻩ ﺍﻧﺘﻲ ﺷﻠﻌﺘﻲ ﻛﻠﻮﺑﻨﻪ ﻭﻣﺮﻣﺮﺗﻴﻨﻪ ﺷﺒﻲ ﺍﻧﻄﻴﻨﻲ ﺳﺒﺐ ﺗﺮﻓﻀﻴﻦ ...

ﺍﺣﺐ ﺍﺣﻤﺪ ...

ﺍﺣﻤﺪ ﺭﺍﺡ ...

ﺑﺲ ﺑﻌﺪﻩ ﺑﻜﻠﺒﻲ ...

ﺧﻮﻳﻪ ﺍﻓﺘﻬﻤﻲ ﺍﻟﺮﺟﺎﻝ ﻳﺮﻳﺪ ﻳﺰﻭﺝ ﻭﺍﺫﺍ ﺍﻧﺘﻲ ﺗﺬﻛﺮﻳﻦ ﻋﻠﻰ ﺣﻴﺎﻩ ﺍﺣﻤﺪ ﻫﻮ ﺭﺍﺩ ﻳﺰﻭﺝ ﻭﻫﺴﻪ ﺗﺄﺧﺮ ﺳﻨﻪ ﻭﺭﻩ ﺩﻭﺭﻩ ﺍﻟﺴﻨﻪ ﻧﺮﻳﺪ ﻏﻴﺮ ﺟﻮﺍﺏ ....

ﻻ ﺍﻟﻴﻮﻡ ﻭﻻ ﺑﺎﺟﺮ ﻭﻻ ﺑﻌﺪ ﺳﻨﻪ ﺍﻏﻴﺮ ﺟﻮﺍﺑﻲ . ﺍﻟﻠﻪ ﻳﻮﻓﻘﻪ ﻭﻳﺴﺘﺮ ﻋﻠﻴﻪ ﻭﻳﺤﻔﻈﻪ ...

ﻫﺎ ﻫﻴﻪ ﺑﻜﻴﻔﺞ ...

.

.

.

ﺩﺍﺭﺕ ﺍﻟﺴﻨﻪ ﻣﺎﻝ ﺍﺣﻤﺪ ﻭﺳﻮﻭ ﻗﺮﺍﻳﻪ ﺟﺒﻴﺮﻩ ﺑﺎﺑﺎ ﻭﻣﺤﻤﺪ ﻣﺎ ﻛﺪﺭﻭ ﻳﺤﻈﺮﻭﻥ ﻋﻠﻰ ﺗﻌﺰﻳﻪ ﺍﻟﺰﻟﻢ ﻻﻥ ﺟﺎﻥ ﺑﻼﺳﺒﻮﻉ ﺍﻟﻲ ﺑﻲ ﺩﻭﺍﻣﻬﻢ ...

ﺍﻧﻲ ﺑﻮﻗﺘﻬﺎ ﺑﺠﻴﻴﻴﻴﻴﻴﻴﺖ ﻟﻤﻦ ﻃﺤﺖ ﺣﺘﻪ ﺻﻌﺪﺕ ﻟﻐﺮﻓﺘﻲ ﺷﺒﻜﺖ ﻓﺮﺍﺷﻲ ﻭﻣﺎ ﻛﻤﺖ ﻟﻤﻦ ﺗﺒﻠﻞ ﻣﻦ ﺍﻟﺒﺠﻲ ﺭﺟﻌﺖ ﺩﻭﺭﺕ ﻋﻠﻰ ﻫﺪﻭﻣﻪ ... ﻳﺎ ﺣﺒﻴﺒﻲ ﺍﻟﻐﺎﻟﻲ ﺭﺣﺖ ﻋﻨﻲ ﻣﻮﺩﻉ ﻳﺎ ﻛﻠﺒﻲ ﺍﻧﺖ ﻳﺎ ﻋﻤﺮﻱ . ﻭﺍﻟﻠﻪ ﻣﺎ ﺍﺧﻠﻲ ﻏﻴﺮﻙ ﻳﻠﺰﻣﻨﻲ ﻟﻮ ﺍﻣﻮﻭﻭﻭﺕ .

.

.

.

ﺭﺟﻌﺖ ﻻﻳﺎﻡ ﺯﻭﺍﺟﻨﻪ ﻭﻓﺘﺮﻩ ﺣﺒﺎﻟﺘﻲ ﻭﻗﺒﻞ ﺍﻟﺤﻤﻞ ﺷﻜﺪ ﺟﺎﻥ ﺍﻫﻢ ﺷﻲ ﻋﻨﺪﻱ ﺍﻟﻄﻔﻞ ﺻﺢ ﺟﺎﻥ ﻣﺎ ﻋﻨﺪﻱ ﺟﻬﺎﻝ ﺑﺲ ﺍﻛﻮ ﻭﺍﺣﺪ ﻳﺤﺒﻨﻲ ﻭﺧﺎﻳﻒ ﻋﻠﻴﻪ ﺍﻟﻠﻠﻠﻠﻠﻠﻠﻪ ﻟﻮ ﺗﺮﺟﻊ ﺫﻳﺞ ﺍﻻﻳﺎﻡ ...

.

.

.

ﺭﺟﻌﺖ ﻟﺒﻴﺖ ﺍﻫﻠﻲ ﺟﺎﻳﺒﻪ ﻛﻢ ﺷﻐﻠﻪ ﻣﻦ ﻫﺪﻣﻪ ﺍﺑﻮﺱ ﺑﻴﻬﻦ ﻭﺍﺳﻮﻟﻒ ﻭﻳﺎ ﺍﺳﺒﻮﻉ ﺿﻞ ﻧﺴﻴﺖ ﺩﺭﺍﺳﺘﻲ ﻭﻗﻬﺮ ﺍﻟﺪﻭﺍﻡ

.

.

.

ﻫﻢ ﺭﺟﻌﻮ ﺳﻮﻟﻔﻮ ﻭﻱ ﺍﺑﻮﻳﻪ ﻋﻠﻰ ﺷﻐﻠﻪ ﺯﻭﺍﺟﻲ ﻻﻥ ﺑﺤﻜﻢ ﺑﺎﻗﺮ ﻳﺮﻳﺪ ﻳﺰﻭﺝ ﻛﻮﺗﻠﻬﻢ ﻻ ...

ﺑﺲ ﺑﺎﺑﺎ ﻣﺎ ﻗﺒﻞ ﺿﻞ ﻳﺤﺠﻲ ﻋﻠﻴﻪ . ﻣﻨﻮ ﺩﺍﻳﻤﻠﺞ ﺍﻧﺘﻲ ﺗﺰﻭﺟﺘﻲ ﺟﺎﻥ ﻋﻤﺮﺝ ١٩ ﺳﻨﻪ ﻭﻫﺴﻪ ٢٥ ﺳﻨﻪ ﺍﺭﻣﻠﻪ ﻭﻋﻨﺪﺝ ٢ ﺟﻬﺎﻝ ...

ﻫﺴﻪ ﺍﻧﻲ ﻭﻳﺎﺝ ﺑﺎﺟﺮ ﻣﻨﻮ ﺍﻟﺞ . ﻋﻠﻰ ﺍﻻﻗﻞ ﻣﺎ ﻣﺰﻭﺝ . ﻭﻋﻤﻬﻢ ﻭﻣﻴﺄﺫﻳﻬﻢ ﻟﻴﺶ ﺗﻌﺎﺭﺿﻴﻦ ﻭﺩﺭﺍﺳﻪ ﻣﺎﻛﻮ ﺍﻛﻌﺪﻱ ﻭﺍﻧﺠﺒﻲ ﻭﺭﺑﻲ ﺟﻬﺎﻟﺞ . ﻣﺜﻞ ﺍﻟﻐﺮﺑﻪ ﺑﻴﺪﺝ . ﻳﻠﺰﻣﻬﻢ ﻋﻤﻬﻢ ﻳﻼ ﻳﻬﺪﺃﻭﻥ ﻭﺍﻧﺘﻲ ﺍﻣﻬﻢ ﻟﻮ ﺑﻴﺞ ﺧﻴﺮ ﻣﺎ ﺍﻟﻤﺤﻜﻤﻪ ﺣﻜﻤﺖ ﺿﺪﺝ ﻭﺍﻧﺘﻲ ﺍﻡ ﺍﻟﺮﺍﻫﻲ ﻭﺍﻟﺤﻈﺎﻧﻪ ﻋﻨﺪﺝ ....

ﺍﻧﻲ ﻛﻤﺖ ﺍﺑﺠﻲ ﻭﻃﺒﻴﺖ ...

ﺑﺎﺑﺎ ﺣﺒﻴﺒﺘﻲ ﻟﺘﺰﻏﻠﻴﻦ ﺑﺲ ﻣﺸﻮﺍﺭﺝ ﻟﺴﻪ ﻣﺎ ﺧﻠﺺ ﻭﻛﺪﺍﻣﺞ ﻋﻤﺮ ﺑﺤﺎﻟﻪ ﻭﺻﺪﻛﻴﻦ ﻋﻠﻰ ﻫﻠﺤﺎﻝ ﺑﻌﺪ ﺳﻨﻪ ﻣﻴﺮﺩﻭﺝ ﻻﻥ ﻫﻤﻪ ﻣﺘﻌﻠﻘﻴﻦ ﺑﻌﻤﺎﻣﻬﻢ ﺍﻧﻲ ﻛﻮﻟﺖ ﺍﺣﺴﻦ ﺣﺘﻪ ﺗﺒﺪﻱ ﺗﺸﻮﻑ ﺣﻴﺎﺗﻬﺎ ﺑﺲ ﻫﻤﻪ ﻣﻮ ﻏﺸﻴﻤﻴﻦ ﻣﻦ ﺧﻠﻮ ﺍﻟﺼﺒﺢ ﻳﻤﻬﻢ ﻭﺑﻠﻠﻴﻞ ﻳﻤﺞ ﻳﺠﻴﺒﻮﻫﻢ ﻧﺎﻳﻤﻦ ﺍﺻﻼ ﻣﻴﺮﺩﻭﺝ ﺗﺸﻮﻓﻴﻬﻢ .

ﺍﻧﻲ ﺑﺎﺑﺎ ﻳﺤﺠﻲ ﻭﻣﺎﻧﻤﺎ ﻃﺎﺑﻮﻛﻪ ﻭﻛﻌﺖ ﻋﻠﻰ ﺭﺍﺳﻲ ...

ﺑﺎﺑﺎ ﻣﺸﻔﺘﻴﻬﻢ ﺷﻠﻮﻥ ﻣﺘﻌﻠﻘﻴﻦ ﺑﻴﻬﻢ ﺷﺒﻴﺞ ﻳﺎ ﺑﻨﺘﻲ ﻋﻮﻓﻲ ﺍﻟﺠﻬﺎﻝ ﻭﺍﺑﺪﻱ ﺣﻴﺎﺓ ﺟﺪﻳﺪﻩ . ﻭﺳﻠﻔﻠﻲ ﻋﻦ ﻭﺿﻌﻪ ﻣﻦ ﺟﺎﻥ ﻃﻔﻞ . ﻛﺎﻝ ﺍﻣﻲ ﺑﻠﺒﺪﺍﻳﻪ ﻗﺮﺭﺕ ﺍﻧﻮ ﻣﺘﺰﻭﺝ ﻭﺗﺮﺑﻲ ﺍﻭﻻﺩﻫﺎ ﺟﺎﻥ ﻋﺪﻫﺎ ﺑﺲ ﺍﺑﻮﻳﻪ ﻭﻋﻤﺘﻲ ﻭﺑﻌﺪﻳﻦ ﻗﺮﺭﺕ ﻛﺎﻟﺖ ﻻ ﺍﺯﻭﺝ ﻭﺗﺰﻭﺟﺖ ﻭﺍﺣﺪ ﺿﻠﻢ ﺑﺎﺑﺎ ﻭﺣﺘﻪ ﺩﺧﻠﻪ ﻟﻠﻌﺴﻜﺮﻳﻪ ﺑﻌﻤﺮ ١٧ ﺳﻨﻪ ﻭﻋﻤﺘﻲ ﺯﻭﺟﻮﻫﺎ ﻟﻨﺎﺱ ﻋﺮﺏ . ﻛﻠﻪ ﺑﺴﺒﺐ ﺯﻭﺝ ﺍﻻﻡ . ﻭﺗﺎﺑﻊ ﺣﺠﻴﻪ ﻛﻠﻲ . ﻫﺴﻪ ﻋﻠﻰ ﺍﻻﻗﻞ ﻫﺬﺍ ﻋﻤﻬﻢ ﻭﻳﺤﺒﻬﻢ ..

ﺍﻧﺘﻲ ﻃﻔﻠﻪ ﻣﺘﻔﺘﻬﻤﻴﻦ ﺷﻨﻮ ﺍﻟﻮﻟﺪ ﺻﻌﺐ ﺍﻟﺘﺮﺑﺎ ﻣﺎﻟﺘﻪ . ﺍﻧﻲ ﻣﺤﻤﺪ ﻭﻳﺎﻱ ﺑﻠﺪﻭﺍﻡ ﻭﺟﻮﻩ ﻋﻴﻨﻲ ﻭﺍﺧﺬ ٣ ﻋﻘﻮﺑﺎﺕ ﻣﻦ ﻭﺭﻩ ﺍﻟﻤﺸﺎﻛﻞ ﻭﻣﺮﻩ ﺭﺍﺩ ﻳﻨﻔﺼﻞ ﻣﻦ ﻋﻤﻠﻪ ﺑﺲ ﻋﻠﺤﺴﺎﺑﻲ ﺍﻧﻲ ﺧﻠﻮ . ﺩﻳﺮ ﺑﺎﻟﺞ ﻭﻓﻜﺮﻱ ﺯﻳﻦ ...

ﻃﺒﻴﺖ ﺍﻓﻜﺮ ﺑﻜﻼﻡ ﺍﺑﻮﻳﻪ . ﺷﻔﺖ ﺳﺎﻋﻪ ﺍﺣﻤﺪ .. ﻛﻮﺗﻠﻪ ﻭﺍﻟﻠﻪ ﻫﺴﻪ ﻟﻮ ﺍﻣﻮﺕ ﻭﻳﺴﺤﻠﻮﻧﻲ ﺳﺤﻞ ﻫﻢ ﻣﺎ ﺍﻗﺒﻞ ...

.

.

.

ﺧﺎﺑﺮﻭ ﻳﺮﺩﻭﻥ ﻳﺴﻤﻌﻮﻥ ﺍﻟﻨﺘﻴﺠﻪ ﺟﺎﻥ ﺟﻮﺍﺑﻲ ﺭﻓﺾ ﻗﺎﻃﻊ ...

ﻭﺑﻌﺪ ﻓﺘﺮﻩ ﻭﺭﻩ ﺩﻭﺭﻩ ﺍﻟﺴﻨﻪ . ﺳﻤﻌﻨﻪ ﺧﺎﻃﺒﻴﻦ ﻟﺒﺎﻗﺮ ﻣﺮﻩ . ﺍﻧﻲ ﻓﺮﺣﺘﻠﻪ ﻣﻦ ﻛﻞ ﻛﻠﺒﻲ . ﻭﺑﺪﻳﺖ ﺍﻋﺘﻨﻲ ﺑﺠﻬﺎﻟﻲ ﻭﺍﻗﺮﻩ ﺻﺢ ﻫﻤﻪ ﻣﺸﺎﻏﺒﻴﻦ ﺑﺲ ﻣﺘﺤﻤﻠﺘﻬﻢ ﺑﺲ ﺻﺎﺭﺕ ﺻﻌﺒﻪ ﻋﻠﻴﻪ ﺍﺩﺑﺮﻫﺎ ﺑﻴﻦ ﺟﻬﺎﻟﻲ ﻭﺍﻟﺪﺭﺍﺳﻪ ﺧﺎﺑﺮﺗﻬﻢ ﻛﻮﺗﻠﻬﻢ ﺗﻌﺎﻟﻮ ﺍﺧﺬﻭﻫﻢ ﻳﺒﺠﻮﻥ ﻋﻠﻴﻜﻢ . ﻋﻠﻲ ﻣﺎ ﺻﺪﻙ ﺭﺑﻊ ﺳﺎﻋﻪ ﻳﻤﻨﻪ ﺍﺧﺬﻫﻢ ﻭﻃﺎﺭ ..

ﺍﻧﻲ ﺧﻠﺼﺖ ﺍﻻﻣﺘﺤﺎﻥ ﺑﺎﻭﻋﺖ ﺍﻟﺴﺎﻋﻪ ﺑﻠﻮﺣﺪﻩ ﻟﺴﻪ ﻣﺠﺎﻳﻴﻦ .

ﺍﺧﺎﺑﺮ ﻣﻐﻠﻖ ﺧﺎﺑﺮﺕ ﻋﻤﺘﻲ ﻛﺎﻟﺖ ﻫﺴﻪ ﺍﺧﺎﺑﺮﻩ . ﺧﺎﺑﺮﺕ ﻣﺮﺗﻪ ﻛﺎﻟﺖ ﻣﺎ ﻳﺠﻲ ﺍﻟﻴﻮﻡ ...

ﻭﻳﻦ ...

ﻣﻌﺰﻭﻡ ﻳﻢ ﺻﺤﺒﺎﻧﻪ ...

ﻭﺟﻬﺎﻟﻲ ...

ﺷﻤﺪﺭﻧﻲ ﺑﻴﻬﻢ ...

ﺻﺪﻙ ﺗﺤﺠﻴﻦ ...

ﺍﻱ ﺷﻤﺪﺭﻳﻨﻲ ﻫﺴﻪ ﺑﻠﻮﺣﺪﻩ ﻭﺑﺎﺟﺮ ﻭﺭﺍﻳﻪ ﻛﻌﺪﻩ ﻣﻦ ﺍﻟﻔﺠﺮ ﺟﻬﺎﻟﻲ ﺑﻠﻤﺪﺍﺭﺱ ﻭﻳﻨﻲ ﻭﻳﻨﺞ ...

ﻃﻮﻭﻭﻭﻁ .

ﻛﺒﺮ ﺣﺘﻪ ﻛﺒﺮ ﺑﺖ ﺍﻟﻜﻠﺐ ﺍﻧﻌﻞ ﺍﺑﻮﺝ ﻻﺑﻮ ﺟﻬﺎﻟﺞ .

ﺧﺎﺑﺮﺕ ﻋﻤﺘﻲ ﻛﺎﻟﺖ ﻭﺍﻟﻠﻪ ﻋﻤﻪ ﺍﺧﺎﺑﺮ ﻋﻠﻴﻪ ﻭﻣﺎ ﻳﺸﻴﻠﻪ ...

ﺧﺎﺑﺮﺕ ﺍﻧﻲ ﺩﻙ . ﺍﻟﻮ

ﻫﺎ ﻋﻠﻲ ﻭﻳﻨﻚ ﻭﻳﻦ ﺻﺮﺕ ...

ﺷﺘﺮﺩﻳﻦ ﻧﻌﺴﺎﻥ ﺍﺭﻳﺪ ﺍﺭﺟﻊ ﻟﻠﺒﻴﺖ ﻭﻣﺎ ﺑﻴﻪ ﺣﻴﻞ ﺍﺭﺟﻌﻬﻢ ﻭﺍﻟﺠﻬﺎﻝ ﻧﺎﻣﻮ . ﺑﺎﺟﺮ ﺍﺟﻴﺒﻬﻢ ﺍﻟﺞ ...

ﻋﻠﻲ ﻟﺨﺎﻃﺮ ﺍﻟﻠﻪ ﺑﻼ ﻫﻠﺘﻔﺎﻫﺎ ﻣﺎ ﺍﻋﺮﻑ ﺍﻧﺎﻡ ﺍﺫﺍ ﻣﻮ ﺍﻟﺤﻬﺎﻝ ﻳﻤﻲ . ﻳﻼ ﺟﺎﻳﺞ

ﻭﺭﻩ ﺳﺎﻋﻪ . ﺭﻣﺸﻠﻲ ﻃﻠﻌﺘﻠﻪ . ﻃﺒﻲ ﻟﻄﻠﻌﻴﻦ ﺍﻧﻲ ﺍﻃﺒﺒﻬﻢ ﺟﻴﺒﻪ ﻭﺍﺣﺪ ﻋﻠﻴﻪ ﻭﺍﺣﺪ ﻋﻠﻴﻚ .

ﻃﺒﺒﻬﻢ ﻧﻴﻤﻬﻢ ﻭﻃﻠﻊ .

.

.

.

* ﻻ ﺗﺄﺧﺬ ﺍﻱ ﺣﻜﻢ ﻭﺍﻧﺖ ﻏﺎﺿﺐ *

ﻫﻢ ﻣﺴﺘﻌﺪﻩ تتخلين ﻋﻦ ﺍﻃﻔﺎﻟﺞ ﻻﻱ ﺳﺒﺐ ﻛﺎﻥ ؟؟

يتبع..

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤