رواية ذبحني الشوگ الجزء الحادي عشر

رواية ذبحني الشوگ الجزء الحادي عشر 

للكاتبة شمس 

.... 

ﺭﺣﺖ ﻭﺭﻯ ﺍﻟﺪﻛﺘﻮﺭ … ﺩﺧﻠﺖ ﻭﻳﺎﻩ ﺍﻟﻐﺮﻓﺘﻪ ..

ﺩﻛﺘﻮﺭ ﺍﺗﺮﺟﺎﻙ ﺗﺼﺎﺭﺣﻨﻲ ﺍﻟﺘﺤﺎﻟﻴﻞ ﻣﺎﻝ ﺭﻳﻤﺎﺱ ﺷﺒﻴﻬﺎ ﺑﺸﻨﻮ ﺷﺎﻙ ..

ﺍﻟﺪﻛﺘﻮﺭ .. ﺍﻧﺖ ﺷﻨﻮ ﺗﺼﻴﺮ ﻣﻨﻬﺎ ..

ﻓﻬﺪ .. ﺍﻧﻲ ﺧﻄﻴﺒﻬﺎ

ﺍﻟﺪﻛﺘﻮﺭ .. ﺍﻣﻤﻤﻢ ﺍﮔﻌﺪ ﺍﺑﻨﻲ

ﮔﻌﺪﺕ ..

ﺑﻤﺎ ﺍﻧﻪ ﺍﻧﺖ ﺧﻄﻴﺒﻬﺎ ﻻﺯﻡ ﺍﻛﻮﻥ ﺻﺮﻳﺢ ﻭﻳﺎﻙ ﻭﻟﻮ ﻻﺯﻡ ﺗﻄﻠﻊ ﻧﺘﺎﺋﺞ ﺍﻟﺮﻧﻴﻦ ﺣﺘﻰ ﺍﺗﺄﻛﺪ . ﺑﺲ ﺍﻧﻲ ﺷﺎﻙ ﺑﻮﺭﻡ ﺑﺎﻟﺪﻣﺎﻍ ..

ﻓﻬﺪ .. ﺑﻌﺪﻩ ﻣﺎﻛﻤﻞ .. ﻭﺍﻧﻲ ﺍﺳﻮﺩﺕ ﺍﻟﺪﻧﻴﺎ ﺑﻌﻴﻨﻲ ..

ﻻﺩﻛﺘﻮﺭ ﮔﻮﻝ ﻏﻴﺮﻫﺎ .. ﺍﻛﻴﺪ ﺍﻛﻮ ﺧﻄﺄ

ﺍﻟﺪﻛﺘﻮﺭ .. ﻫﺎﻱ ﺣﺴﺐ ﻧﺘﺎﺋﺞ ﺍﻟﺘﺤﻠﻴﻞ ﻭﺍﺫﺍ ﺗﺄﻛﺪﺕ ﻧﺘﺎﺋﺞ ﺍﻟﺮﻧﻴﻦ ﻭﺍﻟﻤﻔﺮﺍﺯ .. ﺗﺤﺘﺎﺝ ﻋﻤﻠﻴﻪ ﺑﺄﺳﺮﻉ ﻭﻗﺖ ..

ﻻﺯﻡ ﺗﻜﻮﻥ ﻗﻮﻱ ﺍﺑﻨﻲ ﻭﺗﺴﺎﻧﺪﻫﺎ ﻻﻥ ﺍﻟﺤﺎﻟﻪ ﺍﻟﻨﻔﺴﻴﻪ ﺍﻫﻢ ﺷﻲ ﺑﻌﻼﺟﻬﺎ ..

ﻓﻬﺪ .. ﻃﻠﻌﺖ ﻣﻦ ﺍﻟﺪﻛﺘﻮﺭ ﻭﺍﻧﻲ ﺩﺍﻳﺦ .. ﺑﻘﻴﺖ ﺍﺑﺠﻲ ﻉ ﺍﻟﺪﺭﺝ ﮔﺎﻋﺪ .. ﻭﮔﺘﻠﻪ ﻳﺎﺍﻟﻠﻪ ﻟﺘﺤﺮﻣﻨﻲ ﻣﻨﻬﺎ ﻣﺎﺍﮔﺪﺭ ﺍﻋﻴﺶ ﺑﻼﻫﻪ ..

ﺍﺑﻮﻫﻪ ﺟﺎﻥ ﺟﺎﻱ ﻟﻠﺪﻛﺘﻮﺭ .. ﻭﺷﺎﻓﻨﻲ ﮔﺎﻋﺪ ﻉ ﺍﻟﺪﺭﺝ ﻭﺍﺑﺠﻲ ..

ﺩﺧﻞ ﻟﻠﺪﻛﺘﻮﺭ .. ﻭﺭﻯ ﺷﻮﻳﻪ ﻃﻠﻊ ﻣﺜﻞ ﺣﺎﻟﺘﻲ ..

ﺍﺟﻪ ﮔﻌﺪ ﻳﻤﻲ . ﺍﺑﻨﻲ ﺍﻧﺖ ﺗﺤﺒﻬﺎ ..

ﻓﻬﺪ .. ﺻﺪﮒ ﻋﻤﻲ .. ﺭﻳﻤﺎﺱ ﺍﻟﻨﻔﺲ ﺍﻟﻲ ﺍﺗﻨﻔﺴﻪ ..

ﺍﺑﻮﻫﻪ .. ﻣﺴﺘﻌﺪ ﺗﺒﻘﻰ ﻭﻳﺎﻫﻪ ﺍﺫﺍ ﻃﻠﻊ ﻣﺮﺿﻬﺎ ﺻﺤﻴﺢ ..

ﻓﻬﺪ .. ﺍﻋﻴﺶ ﻋﻤﺮﻱ ﻛﻮﻟﻪ ﻋﻤﻮﺩﻫﺎ ..

ﺍﺑﻮﻫﻪ .. ﻟﻌﺪ ﻣﺤﺪ ﻳﺮﺍﻋﻴﻬﺎ ﻭﻳﺤﺒﻬﺎ ﻭﺧﺎﺻﻪ ﺑﻬﺬﻱ ﺍﻟﻀﺮﻭﻑ ﻏﻴﺮﻙ ﻭﻟﻴﺪﻱ . ﻭﺍﺩﺭﻱ ﺑﻴﻬﺎ ﻫﻲ ﺗﺮﻳﺪﻙ ﻭﺑﻠﻜﻲ . ﺍﺫﺍ ﺻﺮﺗﻮ ﺳﻮﻳﻪ ﺗﺮﺗﺎﺡ ﻧﻔﺴﻴﺘﻬﺎ ﻭﺗﻄﻴﺐ

ﻓﻬﺪ .. ﻓﺮﺣﺖ ﺑﺪﺍﺧﻠﻲ ﻣﻦ ﺳﻤﻌﺖ ﺍﺑﻮﻫﺎ .. ﮔﺎﻡ ﻣﻦ ﻳﻤﻲ ﻭﻃﺒﻄﺐ ﻉ ﻛﺘﻔﻲ ﻭﻣﺸﻰ ﻣﻜﺴﻮﺭ ﺧﻄﻴﻪ ..

ﺳﻮﻳﻨﺎ ﺍﻟﺮﻧﻴﻦ ﻭﻃﻠﻌﺖ ﺍﻟﻨﺘﺎﺋﺞ .. ﻭﺟﻤﻌﻨﺎ ﺍﻟﺪﻛﺘﻮﺭ ﻛﻮﻟﻨﺎ ﺑﻐﺮﻓﺘﻪ ..

ﺣﻴﺪﺭ ﻳﺨﻮﺯﺭ ﺑﻴﻪ . ﻭﻳﺄﻓﺄﻑ ﺑﺲ ﺍﺑﻮﻩ ﺭﺯﻟﻪ ﻭﺳﻜﺖ ﺍﻣﻬﺎ ﺑﻘﺖ ﻳﻤﻬﺎ ﻣﺘﺪﺭﻱ ..

ﺍﻟﺪﻛﺘﻮﺭ .. ﺍﻟﻲ ﺧﻔﺖ ﻣﻨﻪ ﻃﻠﻊ ﺻﺤﻴﺢ ﺍﻧﻲ ﻏﻤﻀﺖ ﻭﻣﺴﺤﺖ ﻭﺟﻬﻲ .. ﺍﺑﻮﻫﻪ ﺍﺧﺘﻨﻚ ﻭﻳﺒﺠﻲ ﺣﻤﻮﺩﻱ ﻫﻢ ﻳﺒﺠﻲ ..

ﺍﻟﺪﻛﺘﻮﺭ .. ﺷﮕﺪ ﺻﺎﺭﻟﻬﻪ ﻣﻦ ﺗﻮﮔﻊ ..

ﺍﺑﻮﻫﺎ .. ﺗﻘﺮﻳﺒﺎ ﺍﺳﺒﻮﻋﻴﻦ ﺍﻭ ﺍﻛﺜﺮ ﻭﮔﻌﺖ ﻉ ﺭﺍﺳﻬﻪ ﻭﺍﻏﻤﻰ ﻋﻠﻴﻬﺎ .. ﻣﮕﺎﻟﻪ ﺍﺧﻮﻫﺎ ﺿﺮﺑﻬﺎ

ﺍﻟﺪﻛﺘﻮﺭ ﻫﻮ ﻫﺬﺍ ﺍﻟﺴﺒﺐ .. ﺍﻟﻀﺮﺑﻪ ﻗﻮﻳﻪ ﺍﺛﺮﺕ ﻋﻠﻴﻬﺎ .. ﻫﻲ ﺍﻟﺴﺒﺐ ﺑﻬﺬﻱ ﺍﻟﻮﺭﻣﻪ ﺑﺲ ﺷﻌﺠﺐ ﻣﻦ ﺟﺒﺘﻮﻫﺎ ﻏﻴﺮ ﺗﺴﻮﻭﻟﻬﻪ ﺗﺤﺎﻟﻴﻞ ﺭﻧﻴﻦ ﺗﺘﺄﻛﺪﻭﻥ ..

ﺍﺑﻮﻫﺎ . ﻫﻲ ﻣﻘﺒﻠﺖ ﻭﻣﺎﺗﻮﻗﻌﻨﺎ ﻫﻴﺞ ﻳﺼﻴﺮ

ﺍﺣﻤﺪ ﻳﺘﺒﺎﻭﻉ ﺍﻟﺤﻴﺪﺭ .. ﻣﻨﻚ ﻟﻠﻪ .. ﻓﻮﮒ ﻣﺎﺍﻧﺖ ﺍﻟﺴﺒﺐ ﻭﻓﻮﮔﺎﻫﻪ ﻣﻦ ﺗﻮﮔﻊ ﺗﮕﻮﻝ ﺩﺗﻜﺬﺏ

ﺍﻟﺪﻛﺘﻮﺭ .. ﻫﺴﺎ ﺍﻻﻫﻢ ﻻﺯﻡ ﻧﺴﻮﻱ ﺍﻟﻌﻤﻠﻴﻪ ﻭﻧﺴﺘﺄﺻﻞ ﺍﻟﻮﺭﻡ ﺑﺄﺳﺮﻉ ﻭﻗﺖ ..

ﻓﻬﺪ .. ﺩﻛﺘﻮﺭ ﺍﻧﺖ ﺑﺲ ﺣﺪﺩ ﺍﻟﻴﻮﻡ ﻭﺍﺣﻨﻪ ﺟﺎﻫﺰﻳﻦ ..

ﻃﻠﻌﻨﺎ ﻣﻦ ﻏﺮﻓﻪ ﺍﻟﺪﻛﺘﻮﺭ .. ﻭﻛﻔﺘﻬﻢ ﺑﺎﻟﻤﻤﺮ ..

ﻋﻤﻲ .. ﺍﻧﻲ ﺍﺭﻳﺪ ﺍﺗﺰﻭﺝ ﺭﻳﻤﺎﺱ ﻭﺑﺎﺳﺮﻉ ﻭﻗﺖ ﺍﺭﻳﺪ ﺍﺳﻌﺪﻫﺎ ﻻﻥ ﺍﻟﺤﺎﻟﻪ ﺍﻟﻨﻔﺴﻴﻪ ﻣﻬﻤﻪ ﺑﺤﺎﻟﺘﻬﺎ ﺍﺧﻮﺗﻬﺎ ﻣﺎﺍﻋﺘﺮﺿﻮﺍ ﻫﺎﻟﻤﺮﻩ ﺑﺲ ﺣﻴﺪﺭ ﺧﺰﺭﻧﻲ

ﻣﺎﺍﺗﺤﻤﻠﺖ .. ﻭﺭﺯﻟﺘﻪ ﻛﺎﻓﻲ ﺣﻴﺪﺭ ﺍﻧﻌﻞ ﺍﺑﻮ ﺍﻟﻄﺎﺋﻔﻴﻪ ﺍﻟﻲ ﺗﺨﻠﻴﻚ ﺗﺴﻮﻱ ﺑﺄﺧﺘﻚ ﻫﻴﺞ ﻣﺎﺃﻧﺒﻚ ﺿﻤﻴﺮﻙ .. ﻟﻚ ﺍﺫﺍ ﻳﺮﻳﺤﻚ ﻣﻦ ﺑﺎﺟﺮ ﺍﺳﺘﺸﻴﻊ ﺣﺘﻰ ﺗﺮﺗﺎﺡ .. ﻟﻚ ﺍﻧﺖ ﻓﺎﻫﻢ ﺍﻟﺪﻳﻦ ﺧﻄﺄ ﺍﺻﺤﻰ ﺍﺧﺘﻚ ﺑﻴﻦ ﺍﻟﺤﻴﺎﻩ ﻭﺍﻟﻤﻮﺕ ﻭﺍﻧﺖ ﺗﻔﻜﺮ ﺑﻨﻔﺴﻚ ..

ﻫﻮ ﺩﻧﮓ ﻭﻣﺤﺠﻪ ..

ﻭﺍﺑﻮﻫﺎ .. ﻃﺒﻄﺐ ﻉ ﻛﺘﻔﻲ ﻭﮔﺎﻝ ﻉ ﺍﻟﺨﻴﺮ ﻭﻟﻴﺪﻱ ﻣﺎﺃﮔﺪﺭ ﺍﺍﻣﻦ ﻉ ﺑﻨﺘﻲ ﺍﻻ ﻭﻳﺎﻙ .

ﻭﻧﻌﻢ ﺍﻟﺮﺟﻞ ﺍﻧﺖ ﻋﺎﺷﺖ ﺍﻟﺒﻄﻦ ﺍﻟﻲ ﻭﻟﺪﺗﻚ .. # ﺷﻤﺲ

ﻳﺘﺒﻊ … 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤