رواية خفايا أنثى الجزء العاشر | النهاية

... 

رواية خفايا أنثى الجزء العاشر | النهاية

للكاتبة ❤️شمس ❤️

.... 

ﺭﺟﻌﻨﺎ ﻟﻠﺒﻴﺖ .. ﻭﻋﻤﺘﻲ ﺍﻡ ﺍﻧﺲ ﮔﻠﺒﺖ ﺍﻟﻐﺮﺍﺽ ﻛﻮﻟﻬﺎ ﻭﺍﻟﻤﻼﺑﺲ ..

ﻭﺗﺤﺠﻲ .. ﺍﻱ ﺣﻈﻮﻅ ﺍﻣﻪ ﻣﺎﻳﻮﻡ ﺟﺎﺑﻠﻬﺎ ﻗﻄﻌﻪ ﻗﻤﺎﺵ .. ﻭﺣﻆ ﺍﻟﺒﺎﻳﺮﺍﺕ ﻫﻴﺞ ..

ﺍﺭﺟﻮﺍﻥ .. ﻋﻤﻪ ﻓﺪﻭﺗﺞ ﺍﻟﻐﺮﺍﺽ ﻛﻮﻟﻬﺎ .

ﺍﻡ ﺍﻧﺲ .. ﻛﺎﻓﻲ ﻟﺞ ﻣﻮ ﺗﻀﺤﻜﻴﻦ ﻋﻠﻴﻪ .. ﺑﺴﻮﺍﻟﻔﺞ ﻟﻤﻲ ﻏﺮﺍﺿﺞ ﻭﻭﻟﻲ ﻣﻨﺎ . # ﺷﻤﺲ

ﺍﻧﺲ ﻏﻤﺰﻟﻲ .. ﻭﻟﻤﻴﺖ ﺍﻟﻐﺮﺍﺽ ﻭﻛﻤﺖ ﻭﺛﺎﻧﻲ ﻳﻮﻡ ﻋﻘﺪﻧﺎ ﻟﺒﺴﺖ ﻓﺴﺘﺎﻥ ﻃﻮﻳﻞ ﻭﺭﺩﺍﻥ ﺷﻴﻔﻮﻥ ﻣﺸﺠﺮ ﻛﻮﻟﺶ ﺣﻠﻮ ﻟﻮﻧﻪ ﺑﺼﻠﻲ ﻭﺍﻧﻲ ﺷﻌﺮﻱ ﺍﺷﮕﺮ ﻛﻴﺮﻟﻲ ..

ﻭﺧﻠﻴﺖ ﻣﻴﻚ ﺍﺏ ﻭﻛﺤﻠﻪ ﻭﺭﻣﻮﺵ ﻻﻥ ﺭﻣﻮﺷﻲ ﺷﮕﺮ ﻣﻴﺒﻴﻨﻦ ..

ﺗﻌﺠﺐ ﻣﻦ ﺷﺎﻓﻨﻲ ﻃﻠﻌﺖ ﺍﻛﺒﺮ ﻣﻦ ﻋﻤﺮﻱ .. ﻣﺎﻋﺰﻡ ﻋﻤﺎﺗﻲ ﻭﻫﻦ ﺍﺻﻼ ﻣﺎﻳﺠﻦ ﺯﻋﻼﻧﺎﺕ ..

ﺑﻴﻨﺎﺗﻨﺎ ﺳﻮﻳﻨﺎﻫﻪ ﻭﺧﺎﻻﺗﻪ ﺍﺟﻦ ﻭﺑﻨﺎﺗﻬﻢ .. ﺣﻔﻠﻪ ﻋﺎﺋﻠﻴﻪ ﻭﻃﻠﻌﺖ ﺫﻫﺐ ﻣﺎﻣﺎ ﻟﺒﺴﺘﻪ ﻛﻮﻟﻪ ..

ﻋﺒﺎﻟﻬﻢ ﺟﺎﻳﺒﻪ ﺍﻧﺲ ﺗﺨﺒﻠﻦ ﺧﺎﻻﺗﻪ .. ﻭﻳﺘﻬﺎﻣﺴﻦ ﻭﻱ ﺍﻡ ﺍﻧﺲ ﻭﺍﻡ ﺍﻧﺲ ﻣﻌﺒﺴﻪ ﻃﻮﻝ ﺍﻟﺤﻔﻠﻪ ..

ﺧﻠﺼﻨﺎ ﻋﻘﺪﻧﺎ ﺛﺎﻧﻲ ﻳﻮﻡ ﻣﺤﻜﻤﻪ .. ﻭﺑﺪﺃ ﺑﺎﻻﺟﺮﺍﺁﺕ .. ﻭﺻﺮﺕ ﻣﺮﺕ ﺍﻧﺲ ﻭﻣﻴﺨﻠﻲ ﺍﺣﺪ ﻳﺤﺠﻲ ﻭﻳﺎﻱ .. ﺑﺲ ﺍﺫﺍ ﺭﺍﺡ ﺷﻠﻮﻥ ﺑﻴﻪ .. # ﺷﻤﺲ

ﺍﻛﻴﺪ ﺣﻴﻄﻠﻌﻮﻥ ﺍﻟﻔﺮﻕ ﻛﻮﻟﻪ ﻭﻳﻨﺘﻘﻤﻮﻥ .. ﺍﻧﺲ ﻣﻘﺒﻞ ﻧﺘﺰﻭﺝ ﮔﺎﻝ ﻣﻦ ﺗﺨﻠﺺ ﺍﻭﺭﺍﻗﺞ ﻧﺘﺰﻭﺝ ﻭﻧﻄﻠﻊ ﮔﺒﻞ ..

ﺍﻧﻲ ﺑﻘﻴﺖ ﺷﺎﻳﻠﻪ ﺍﻟﺒﻴﺖ ﻛﻮﻟﻪ ﺣﺘﻰ ﻣﺤﺪ ﻳﺤﺠﻲ .. ﻭﺍﻧﺲ ﻳﻮﺍﺳﻲ ﺑﻴﻪ .. ﻭﺍﺷﺘﺮﺍﻟﻲ ﻣﻮﺑﺎﻳﻞ ﮔﺎﻝ ﺣﺘﻰ ﻧﺤﺠﻲ ﻭﻧﺘﺮﺍﺳﻞ .. # ﺷﻤﺲ

ﻭﺑﻴﻮﻡ ﺍﻟﻲ ﺭﺍﺩ ﻳﺮﻭﺡ ﺍﻧﺲ ﺍﻻﻣﺮﻳﻜﺎ .. ﺍﺟﻮ ﺭﺟﺎﻝ ﻭﻣﺮﻳﻪ ﺭﺍﺩﻭﺍ ﻳﺤﺠﻮﻥ ﻭﻳﺎﻱ ﻭﻛﻨﺖ ﺍﻧﻲ ﺿﺎﻳﺠﻪ ﻻﻥ ﺍﻧﺲ ﺣﻴﺮﻭﺡ ﻭﺭﺍﺡ ﺍﻋﻴﺶ ﺑﻤﻌﺎﻧﺎﺓ ﺑﻌﺪﻩ ..

ﮔﻠﻲ ﺍﻧﺲ ﺍﺭﺟﻮﺍﻥ ﺗﻌﺎﻟﻲ ﻟﻼﺳﺘﻘﺒﺎﻝ ﺑﺲ ﺍﺭﻳﺪﺝ ﺗﻜﻮﻧﻴﻦ ﻫﺎﺩﻳﻪ ﻭﻣﺘﺘﻌﺼﺒﻴﻦ ..

ﺍﺳﺘﻐﺮﺑﺖ ﺷﻨﻮ ﺍﻟﻤﻮﺿﻮﻉ .. ﺩﺧﻠﺖ ﻟﻼﺳﺘﻘﺒﺎﻝ ﻟﮕﻴﺖ ﻋﻤﻮ ﻭﻋﻤﺘﻲ ﻭﺭﺟﺎﻝ ﻭﻣﺮﻳﻪ ﻛﻮﻟﺶ ﺣﻠﻮﻩ ﺗﺨﺒﻞ ﻣﺘﻮﺳﻄﻪ ﺑﺎﻟﻌﻤﺮ ..

ﺳﻠﻤﺖ ﻭﮔﻌﺪﺕ ﻭﻫﻤﻪ ﻋﻴﻨﻬﻢ ﻋﻠﻴﻪ ﻭﻋﻴﻮﻥ ﺍﻟﻤﺮﻳﻪ ﺗﺪﻣﻊ ﻭﻣﺨﺘﻨﮕﻪ ..

ﮔﺎﻝ ﻋﻤﻮ .. ﺑﺎﺑﺎ ﺫﻭﻟﻲ ﺍﻫﻠﺞ ﺍﻟﺤﻘﻴﻘﻴﻦ .. ﻭﺟﺎﻳﻴﻦ ﻳﺮﺩﻭﻥ ﻳﺤﺠﻮﻥ ﻭﻳﺎﺝ ..

ﺍﻧﻲ ﻻ ﺍﺭﺍﺩﻳﺎ ﺷﻬﻜﺖ ﻭﺩﻣﻮﻋﻲ ﺗﺼﺐ ﻭﺑﻴﻦ ﺍﺿﺤﻚ ﻭﺑﻴﻦ ﺍﺑﺠﻲ ..

ﻋﻤﻲ ﮔﺎﻝ ﻳﻠﻪ ﺍﺣﻨﻪ ﻧﺨﻠﻴﻜﻢ ﻉ ﺭﺍﺣﺘﻜﻢ .. ﮔﺎﻡ ﺍﻧﺲ ﻭﻳﺎﻫﻢ .. ﮔﻮﺗﻠﻪ ﺍﻧﺲ ﺍﺑﻘﻰ ﻳﻤﻲ .. # ﺷﻤﺲ

ﺑﺪﻭﺍ ﻳﺤﺠﻮﻥ ﻭﻳﺒﺮﺭﻭﻥ ﻭﺍﺣﻨﻪ ﻏﻠﻄﻨﺎ ﻭﺭﺩﻧﺎ ﻧﺼﺤﺢ ﺍﻟﻐﻠﻂ ﻭﺍﻫﻠﺞ ﻣﻘﺒﻠﻮﺍ ﻳﻨﻄﻮﺝ ..

ﻭﺗﺎﻟﻲ ﺭﺟﻌﻨﺎ ﻛﻢ ﻣﺮﻩ ﻟﮕﻴﻨﺎﻛﻢ ﻣﻨﺘﻘﻠﻴﻦ ﻭﺑﻘﻴﻨﺎ ﻧﺪﻭﺭ .. ﺍﻟﻰ ﺍﻥ ﻟﮕﻴﻨﺎ ﺑﻴﺘﻜﻢ ﺍﻟﻲ ﺑﺎﻟﻜﺮﺍﺩﻩ ﻭﺭﺣﻨﺎ ﻭﺍﻟﺠﻴﺮﺍﻥ ﮔﺎﻟﻮﺍ ﺍﻫﻠﺞ ﺍﺳﺘﺸﻬﺪﻭﺍ ﻭﺍﻧﺘﻲ ﻋﻨﺪ ﺑﻴﺖ ﺟﺪﺝ .. # ﺷﻤﺲ

ﻭﺍﻟﺒﺎﺭﺣﻪ ﻳﻠﻪ ﻟﮕﻴﻨﺎ ﻋﻨﻮﺍﻧﻬﻢ ..

ﻭﺍﺟﻴﻨﺎ ﻧﺎﺧﺬﺝ ﺗﻌﻴﺸﻴﻦ ﻭﻳﺎﻧﺎ .. ﻣﻨﮕﺪﺭ ﻧﻌﻮﺝ ﻫﻨﺎ ﻭﺣﺪﺝ ..

ﺍﺭﺟﻮﺍﻥ .. ﻫﻬﻬﻬﻬﻬﻬﻪ ﻭﺣﺪﻱ ﻭﻣﻨﻮ ﮔﻠﻜﻢ ﻭﺣﺪﻱ ﻟﺰﻣﺖ ﺍﻳﺪ ﺍﻧﺲ .. ﺍﻧﻲ ﻳﻢ ﺯﻭﺟﻲ ﻭﺑﻌﺪ ﺷﻬﺮ ﻭﺍﺳﺎﻓﺮ ﻭﻳﺎﻩ ..

ﻫﺴﺎ ﺫﻛﺮﺗﻮﻧﻲ ﻭﻳﻦ ﻛﻨﺘﻮﺍ ﻟﻤﻦ ﺍﻋﺎﻧﻲ ﻭﺣﺪﻱ ﻭﺍﺗﻌﺬﺏ .. ﻭﻳﻦ ﻛﻨﺘﻮﺍ ﻟﻤﻦ ﺍﻟﻨﺎﺱ ﺗﺼﻴﺤﻠﻲ ﺑﻨﺖ ﺯﻧﺎ ﻭﺗﺬﻡ ﺑﻴﻪ ..

ﻭﻻ ﺗﮕﻮﻟﻮﻟﻲ ﺩﻭﺭﺗﻮﺍ ﻋﻠﻴﻪ ﻫﺬﺍ ﻣﻮ ﻣﺒﺮﺭ .. ﻣﻦ ﻏﻠﻄﺘﻮﺍ ﻣﺎﻓﻜﺮﺗﻮﺍ ﺑﻴﻪ .. ﻟﻴﺶ ﻣﺴﻘﻄﺘﻴﻨﻲ ﻟﻴﺶ ﻭﻟﺪﺗﻴﻨﻲ ﻭﺧﻠﻴﺘﻲ ﺍﻟﻤﺠﺘﻤﻊ ﻳﺬﻡ ﺑﻴﻪ ﻭﻳﺴﻤﻮﻧﻲ ﻟﻘﻴﻄﻪ ..

ﺷﻠﻮﻥ ﻧﻄﺎﻛﻢ ﮔﻠﺒﻜﻢ ﻣﻦ ﺧﻠﻴﺘﻮﻧﻲ ﺑﻜﺎﺭﺗﻮﻧﻪ ﻭﺫﺑﻴﺘﻮﻧﻲ ﺑﺎﻟﺸﺎﺭﻉ .. # ﺷﻤﺲ

ﺍﻟﻠﻪ ﻳﺤﺒﻨﻲ ﻭﻃﻠﻌﻮﺍ ﻧﺎﺱ ﻃﻴﺒﻴﻦ ﻭﺧﺎﻓﻮﺍ ﻋﻠﻴﻪ ﻭﺭﺑﻮﻧﻲ ﻭﺩﻟﻠﻮﻧﻲ ﻭﻋﺸﺖ ﺑﺴﻌﺎﺩﻩ ﺑﺲ ﺍﻟﻤﻮﺕ ﺍﺧﺬﻫﻢ ﻣﻨﻲ .. ﻭﺍﻧﻲ ﻛﻞ ﻳﻮﻡ ﺍﺑﺤﻲ ﻋﻠﻴﻬﻢ ﻭﺍﻓﻜﺮ ﺑﻴﻬﻢ ﺍﻛﺜﺮ ﻣﻤﺎﺍﻓﻜﺮ ﺑﻴﻜﻢ ﻻﻥ ﺍﻧﺘﻮﺍ ﺑﺎﻟﻨﺴﺒﻪ ﺍﻟﻲ ﺍﻏﺮﺍﺏ ﻣﺎﺍﻋﺮﻓﻜﻢ .. # ﺷﻤﺲ

ﺑﺠﺖ ﺍﻣﻲ ﻭﺻﺎﺭﺕ ﺣﻤﺮﻩ ﺍﺗﺒﺎﻭﻋﻠﻬﺎ ﻧﻔﺴﻲ ﻣﻦ ﺍﺑﺠﻲ ﻫﻢ ﺍﺻﻴﺮ ﺣﻤﺮﻩ .. ﻭﺍﻧﻲ ﺍﺷﺒﻬﻬﺎ ﺣﻴﻞ ﻋﺒﺎﻟﻚ ﺣﺒﺎﻳﻪ ﻭﻣﻘﺴﻮﻣﻪ ﺣﺘﻰ ﺍﻧﺲ ﮔﻠﻲ ..

ﻧﻮﺭﻫﺎﻥ .. ﻣﺎﻣﺎ ﺳﺎﻣﺤﻴﻨﺎ .. ﺍﻟﻠﻪ ﻋﺎﻗﺒﻨﺎ ﻭﻣﺎﻧﻄﺎﻧﻪ ﺟﻬﺎﻝ ﻟﺴﺎ .. ﺣﺮﻣﻨﺎ ﻣﻦ ﺍﻻﻃﻔﺎﻝ .. ﺳﺎﻣﺤﻴﻨﺎ ﺍﻧﺘﻲ ﻭﻻﺗﺤﺮﻣﻴﻨﺎ ﻣﻨﺞ ..

ﺍﺭﺟﻮﺍﻥ .. ﻟﻼﺳﻒ ﻓﺎﺕ ﺍﻻﻭﺍﻥ ﻭﺍﻧﻲ ﻣﺴﺎﻓﺮﻩ ﻭﻱ ﺯﻭﺟﻲ ﻟﻮ ﺟﺎﻳﻨﻲ ﺑﻐﻴﺮ ﻫﺎﻱ ﺍﻟﻈﺮﻭﻑ ﻛﺎﻥ ﺿﻌﻔﺖ ﻭﺭﺟﻌﺖ ﻭﻳﺎﻛﻢ ﻻﻥ ﺷﻔﺖ ﺍﻟﻈﻴﻢ ﻭﺍﻟﻨﺎﺱ ﺗﻨﻬﺶ ﺑﺠﺴﻤﻲ ..

ﺑﺲ ﻫﺴﺎ ﻣﺴﺘﺤﻴﻞ ﺍﺗﺮﻙ ﺍﻻﻧﺴﺎﻥ ﺍﻟﻲ ﻭﮔﻒ ﻭﻳﺎﻱ ﻭﻧﻘﺬﻧﻲ ..

ﻭﻫﺴﺎ ﻣﻦ ﺭﺧﺼﺘﻜﻢ ﺯﻭﺟﻲ ﻭﺭﺍﻩ ﺳﻔﺮ ﻭﻣﺎﺍﺭﻳﺪﻩ ﻳﺘﺄﺧﺮ ..

ﺑﻘﻮﺍ ﻳﺘﻮﺳﻠﻮﻥ ﻣﺤﺠﻴﺖ ﻭﻳﺎﻫﻢ ..

ﺍﻧﺲ .. ﺍﺭﺟﻮﺍﻥ ﺣﺒﻲ ﻣﻮ ﻫﻴﺢ ﻋﻴﺐ ..

ﺍﺭﺟﻮﺍﻥ .. ﺍﻧﺲ ﻟﻴﺶ ﻣﺎﻫﻤﻪ ﻋﺮﻓﻮﺍ ﺍﻟﻌﻴﺐ ﻭﺍﻟﺤﺮﺍﻡ ﻣﻦ ﺣﻄﻤﻮﺍ ﺣﻴﺎﺗﻲ ﻭﻭﻟﺪﻭﻧﻲ ﺑﺎﻟﺤﺮﺍﻡ ..

ﻋﺒﺪﺍﻟﻠﻪ .. ﺧﻠﺺ ﺍﻧﺲ ﺍﺗﺮﻛﻬﺎ ﻉ ﺭﺍﺣﺘﻬﺎ ﺧﻠﻴﻬﺎ ﺗﻔﻜﺮ ﻭﻫﺬﺍ ﻋﻨﻮﺍﻧﻪ ﻭﺭﻗﻢ ﻣﻮﺑﺎﻳﻠﻲ ﻭﺍﻻﺭﺿﻲ ﻳﺎﻟﻴﺖ ﻗﺒﻞ ﻣﺘﺴﺎﻓﺮﻳﻦ ﺗﺘﺼﻠﻴﻦ ﺑﻴﻨﺎ ﺍﻭ ﺗﺰﻭﺭﻳﻨﺎ .

ﺍﺧﺬﻫﻦ ﺍﻧﺲ .. ﻭﻃﻠﻌﻮﺍ ﻭﺍﺣﺲ ﺑﻤﺎﻣﺎ ﻋﻴﻨﻬﺎ ﻋﻠﻴﻪ ﺗﺮﻳﺪ ﺗﺤﻈﻨﻲ ﻭﺧﺎﻳﻔﻪ ..

ﻃﻠﻌﻮﺍ ﻭﺣﻈﻨﺖ ﺍﻧﺲ ﻭﺍﺑﺠﻲ ﻃﻠﻌﺖ ﻗﻬﺮ ﺍﻟﺴﻨﻴﻦ ﻛﻮﻟﻬﺎ .. ﻛﺎﻧﺖ ﺍﻣﻨﻴﺘﻲ ﺍﺷﻮﻓﻬﻢ ﻭﺍﺣﺠﻲ ﺍﻟﻲ ﺑﺪﺍﺧﻠﻲ ..

ﻫﺴﺎ ﺍﺭﺗﺎﺣﻴﺖ .. ﺑﺲ ﻣﺎﺍﺩﺭﻱ ﻟﻴﺶ ﻣﺎﺣﺴﻴﺖ ﺷﻲ ﺍﺗﺠﺎﻫﻬﻢ ﻛﺄﻧﻪ ﻏﺮﺑﻪ ﺑﺎﻟﻨﺴﺒﻪ ﺍﻟﻲ . # ﺷﻤﺲ

ﻭﻭﺩﻋﻨﺎ ﺍﻧﺲ ﻭﺭﺍﺡ .. ﻭﺑﻘﻴﻨﺎ ﻉ ﺗﻮﺍﺻﻞ ﻛﻞ ﻳﻮﻡ ﻳﺨﺎﺑﺮ ﻭﻳﺘﻐﺰﻝ .. ﻭﺑﺪﺕ ﻣﺸﺎﻋﺮﻱ ﺗﺘﻐﻴﺮ ﺍﺗﺠﺎﻫﻪ ﻭﺣﺒﻴﺘﻪ ﻛﻮﻟﺶ ﻭﺍﺗﻤﻨﻰ ﻳﺮﺟﻌﻠﻲ ﺑﺴﺮﻋﻪ ﻭﻧﺴﺎﻓﺮ ..

ﻟﻜﻦ ﺍﻟﻤﻌﺎﻣﻠﻪ ﺍﺗﺄﺧﺮﺕ ﻭﺑﻘﻴﻨﺎ ﻛﻢ ﺷﻬﺮ ﺍﺣﻨﻪ ﺑﻌﻴﺪﻳﻦ ﻋﻦ ﺑﻌﺾ ﻭﻳﮕﻠﻲ ﺷﻮﻛﺖ ﺗﺠﻴﻦ ﻳﻤﻲ ﺭﺍﺡ ﺍﻣﻮﺕ ..

ﻭﻋﻤﻲ ﻏﻴﺮ ﻣﻌﺎﻣﻠﺘﻪ ﻭﻳﺎﻱ ﻭﺣﺘﻰ ﺍﻟﺒﻨﺎﺕ ﺻﺎﺭﻭﺍ ﻳﺤﺒﻮﻧﻲ .. ﺑﺲ ﻋﻤﺘﻲ ﻣﺎﺗﻐﻴﺮﺕ ..

ﻭﺍﻧﻲ ﻫﻢ ﻣﺎﻟﻲ ﺩﺧﻞ ﺑﻴﻬﺎ ﺍﺧﻠﺺ ﺷﻐﻠﻲ ﻭﺍﮔﻌﺪ ﻫﻮ ﻛﻢ ﺷﻬﺮ ﻭﺭﺍﻳﺤﻪ ﺍﻧﻲ ..

ﻭﺍﺧﻴﺮﺍ ﺧﻠﺼﺖ ﻣﻌﺎﻣﻠﺘﻲ ﻭﺍﺟﻪ ﺍﻧﺲ ﻭﺗﺰﻭﺟﻨﺎ ﻭﻛﺎﻧﺖ ﻟﻴﻠﻪ ﻣﻦ ﺍﻟﻌﻤﺮ ﻋﻴﺸﻨﻲ ﺑﻴﻬﺎ ﻣﻠﻜﻪ .. ﺗﺰﻭﺟﻨﺎ ﺑﺎﻟﻔﻨﺪﻕ ﻭﻛﺎﻥ ﻣﺘﻠﻬﻒ ﺣﻴﻞ ﻭﻣﺸﺘﺎﻕ ﻭﺍﻧﻲ ﻫﻢ ﻣﺸﺘﺎﻗﻪ ﺍﻟﺤﻈﻨﻪ ﻋﻮﺿﻨﻲ ﺣﻈﻦ ﺍﻻﺑﻮ ﻭﺍﻻﻡ ..

ﻟﻠﺼﺒﺢ ﻧﻤﺖ ﺑﺤﻈﻨﻪ ﻭﻣﺎﺍﺭﻳﺪ ﺍﺗﺮﻛﻪ ﻭﻫﻮ ﻳﮕﻠﻲ ﻭﺭﺑﻲ ﻣﺎﺍﻃﻴﺮ ﻳﻤﺞ .. ﻫﻬﻬﻬﻬﻪ ﺍﺳﺘﺤﻴﺖ ..

ﻭﺭﺣﺖ ﻟﻠﻤﻘﺒﺮﻩ ﺯﺭﺕ ﺍﻫﻠﻲ ﻭﺗﻨﺎﺯﻟﺖ ﻋﻦ ﺣﺼﺘﻲ ﺑﺎﻟﺒﻴﺖ ﺍﻻﺧﻮﺍﻧﻲ ﻻﻥ ﺍﻧﻲ ﺍﺧﺬﺕ ﺍﻟﺬﻫﺐ .. ﻭﺑﻌﺪ ﻳﻮﻣﻴﻦ ﻭﺩﻋﻨﺎ ﺍﻫﻠﻨﺎ ﻭﻃﻠﻌﻨﺎ .. ﻭﮔﻠﻲ ﺍﻛﻮ ﻣﻜﺎﻥ ﻧﻤﺮ ﺑﻲ ﻗﺒﻞ ﻣﻨﺮﻭﺡ ﻟﻠﻤﻄﺎﺭ .. ﺍﺧﺬﻧﻲ ﺍﻻﻫﻠﻲ .. ﺷﺎﻓﻮﻧﻲ ﺣﻈﻨﻮﻧﻲ ﻭﮔﺎﻣﻮﺍ ﻳﺒﺠﻮﻥ ..

ﻭﺳﺎﻓﺮﻧﺎ ﻭﻛﺎﻧﺖ ﻫﺬﻱ ﺍﺧﺮ ﻣﺮﻩ ﺍﺷﻮﻓﻬﻢ . ﻻﻥ ﺍﺳﺘﻘﺮﻳﻨﺎ ﺑﺄﻣﺮﻳﻜﺎ ﻭﻛﻤﻠﺖ ﺩﺭﺍﺳﻪ ﻭﺩﺭﺳﺖ ﻟﻐﺎﺕ .. ﻭﺻﺎﺭ ﻋﻨﺪﻱ ﺣﻤﻞ ﻭﺍﻟﺘﻬﻴﺖ ﺑﻴﻦ ﺍﻟﺤﻤﻞ ﻭﺍﻟﺪﺭﺍﺳﻪ ﺑﺲ ﺍﻧﺲ ﻣﺎﺗﺮﻛﻨﻲ ﻭﻛﺎﻥ ﺍﻟﻴﻪ ﺍﻟﺴﻨﺪ ﻭﻛﻮﻟﺸﻲ ﺑﺎﻟﺪﻧﻴﺎ ﺭﺑﻲ ﻳﺤﻔﻄﻪ ﺍﻟﻲ ﻋﻮﺿﻨﻲ ﻋﻦ ﻛﻮﻟﺸﻲ ﻭﺍﺟﺎﻧﻪ ﻭﻟﺪ ﻭﺳﻤﻴﺘﻪ ﺣﺴﻦ ﻉ ﺍﺳﻢ ﺑﺎﺑﺎ ﻭﺑﻌﺪ ﻣﺎﻓﻜﺮﻧﺎ ﻧﺴﻮﻱ ﻻﻥ ﻫﻨﺎﻙ ﻏﺮﺑﻪ ﻭﻻﺯﻡ ﻧﻜﻮﻥ ﻧﻔﺴﻨﺎ ﻭﺩﺭﺍﺳﻪ ﻋﺪﻧﺎ ﻭﺣﺴﻮﻧﻲ ﻛﺎﻓﻲ ﻋﻠﻴﻨﺎ ﻣﺨﺒﻠﻨﺎ ﻭﺣﺎﻟﻴﺎ ﺭﺟﻌﻨﺎ ﻟﻠﻌﺮﺍﻕ ﻭﺍﺳﺘﻘﺮﻳﻨﺎ ﻫﻨﺎ ﺍﻟﺤﻤﺪ ﻟﻠﻪ ﻭﻋﺎﻳﺸﻴﻦ ﺣﻴﺎﺗﻨﺎ ﺑﺎﻟﺤﻠﻮﻩ ﻭﺍﻟﻤﺮﻩ ﻣﺴﺎﻧﺪﻳﻦ ﺑﻌﺾ ﻭﺭﺑﻲ ﻻﻳﺤﺮﻣﻨﻲ ﻣﻦ ﺯﻭﺟﻲ ﻭﺍﻭﻻﺩﻱ ﻻﻥ ﺍﻧﻲ ﺣﺎﻣﻞ ﻭﺑﻴﻪ ﺑﻨﻮﺗﻪ .. # ﺷﻤﺲ

ﻭﻫﺎﻱ ﻗﺼﺘﻲ ﺣﺒﺎﻳﺐ ﻭﻳﻤﻜﻦ ﺍﻧﻲ ﺍﺣﺴﻦ ﻣﻦ ﻫﻮﺍﻱ ﺍﻃﻔﺎﻝ ﺍﻫﻠﻬﻢ ﻳﺬﺑﻮﻫﻢ ﺑﺎﻟﺰﺑﻞ ﺍﻭ ﺑﺎﻟﺸﺎﺭﻉ ﻭﺍﻟﻲ ﻳﺮﺑﻮﻥ ﺑﺎﻟﻤﻴﺘﻢ ﻭﻳﻨﺤﺮﻓﻮﻥ ..

ﺍﻧﻲ ﻳﻤﻜﻦ ﻣﺤﻈﻮﻇﻪ ﻻﻥ ﻋﻮﺿﻨﻲ ﺑﺄﻧﺲ ..

ﻭﺍﺗﻤﻨﻰ ﺍﻟﻜﻞ ﺗﺼﻴﺮ ﺍﻟﻪ ﻋﺒﺮﻩ ﻭﻳﺒﻄﻠﻮﻥ ﻧﺰﻭﺍﺗﻬﻢ ﻭﺷﻬﻮﺍﺗﻬﻢ ﻗﺒﻞ ﺍﻟﺰﻭﺍﺝ .. ﺍﺫﺍ ﺗﺤﺒﻬﺎ ﺍﺗﺰﻭﺟﻬﺎ ﻣﻮ ﺗﺨﻄﺄ ﻭﻳﺎﻫﺎ ﻭﺗﺎﻟﻲ ﺗﻜﻮﻥ ﺍﻟﻨﺘﻴﺠﻪ ﺍﻃﻔﺎﻝ ﻣﺘﺸﺮﺩﻳﻦ ﻭﻳﺘﺴﻤﻮﻥ ﻟﻘﻄﺎﺀ .. ﺍﻭ ﻣﺠﻬﻮﻟﻲ ﺍﻟﻨﺴﺐ ..

ﻓﻜﺮﻭﺍ ﺑﻌﻘﺎﺏ ﺍﻻﺧﺮﻩ ﻗﺒﻞ ﺍﻟﺪﻧﻴﺎ .. ﻭﺧﺎﻓﻮﺍ ﺍﻟﻠﻪ . ﻻﻥ ﻫﺬﻱ ﺍﻟﺤﺎﻟﻪ ﻣﺘﻜﺮﺭﻩ ﻫﻮﺍﻳﻪ ﻭﺧﺎﺻﻪ ﻫﺴﺎ ﺷﺮﻃﻪ ﺑﻐﺪﺍﺩ ﺩﺍ ﺗﻠﮕﻲ ﺑﺎﻟﻴﻮﻡ ﻭﺑﺎﻟﻘﻠﻴﻞ ﺍﺭﺑﻊ ﺍﻃﻔﺎﻝ ﺑﺎﻟﺸﻮﺍﺭﻉ ﻭﻣﺎﻳﺘﻌﺪﺍ ﺍﻋﻤﺎﺭﻫﻢ ﺑﺎﻻﻳﺎﻡ ﻭﺣﺘﻰ ﺑﺎﻟﻤﺤﺎﻓﻈﺎﺕ ..

ﺍﺭﺣﻤﻨﺎ ﻳﺎﺭﺏ ﻭﺍﺳﺘﺮﻧﺎ .. ﺗﺤﻴﺎﺗﻲ ﻟﻜﻢ ﺍﺣﺒﺘﻲ ❤

# ﺍﻟﻜﺎﺗﺒﻪ _ ﺷﻤﺲ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤