....
رواية دورة زمن 🔞 الجزء الثاني
للكاتبة 🔞زينب علي🔞
....
ﺑﺪﻳﺖ ﺷﻮﻳﻪ ﺷﻮﻳﻪ ﺍﺗﻌﻠﻢ ﻉ ﺣﻴﺎﺗﻲ ﻉ ﻭﺿﻌﻲ ﻭﺍﺗﻘﺒﻞ ﻭﺍﻗﻌﻲ ﺑﻌﺪ ﺍﺟﻴﻨﻪ ﻟﻠﻨﺠﻒ ﻭﻣﺘﺮﻫﻢ ﺍﺿﻞ ﺍﺗﻌﺎﺭﻙ ﻗﺮﺭﺕ ﺍﻋﻴﺶ ﺣﻴﺎﺗﻲ .....
ﺭﺍﺣﺖ ﺍﻳﺎﻡ ﺭﺟﻌﺖ ﺍﻳﺎﻡ ﺩﺭﺳﺖ ﺑﻠﺴﺎﺩﺱ ﺍﻋﺪﺍﺩﻱ ﺍﻭﻝ ﺍﻳﺎﻡ ﺍﺟﺖ ﺟﻮﺍﺭﻳﻨﻪ ﺻﺪﻳﻘﺘﻲ ﺍﺳﻤﻬﺎ ﺳﺎﺭﻩ ﻭﻛﺎﻟﺖ ﺧﻞ ﻧﺮﻭﺡ ﺳﻮﻳﻪ ﺭﺣﻨﻪ ﺳﻮﻳﻪ ﻟﻠﻤﺪﺭﺳﻪ
ﺛﺎﻧﻲ ﻳﻮﻡ ﺍﺟﺘﻲ ﻫﻴﻪ ﻭﺍﺧﻮﻫﺎ ﺑﻠﺴﻴﺎﺭﻩ
ﺍﻳﻤﺎﻥ ﻳﻼ ﺗﻌﺎﻱ ﺍﺟﻪ ﺍﺣﻤﺪ ﻳﻮﺻﻠﻨﻪ
ﺷﻨﻮ ﺍﺣﻤﺪ ﻳﻮﺻﻠﻨﻪ 😕
ﺍﺣﻤﺪ ﺍﺧﻮﻳﻪ ﺷﺒﻴﺞ
ﺣﺒﻲ ﺍﻧﻲ ﺍﻫﻠﻲ ﻣﻴﻘﺒﻠﻮﻥ
ﺷﻨﻮ ﺍﻟﻘﺼﻪ ... ﺳﺎﺭﻩ ﺗﺼﻴﺢ ﻻﻣﻲ .. ﺑﺎﺟﻲ ﺑﺎﺟﻲ ﺗﻘﺒﻠﻴﻦ ﺍﻣﻮﻧﻪ ﺗﺮﻭﺡ ﻭﻳﺎﻧﻪ ﺍﺣﻤﺪ ﻳﻮﺻﻠﻨﻪ
ﻣﺎﻣﺎ .. ﺧﺎﻑ ﺍﺧﻮﻫﺎ ﻣﻴﻘﺒﻞ ... ﻳﻼ ﺩﺭﻭﺣﻲ ﻭﻣﻦ ﺗﺮﺟﻌﻴﻦ ﻛﻮﻟﻲ ﻻﺑﻮﺝ
ﺭﺣﺖ ﻟﻠﻤﺪﺭﺳﻪ ﺍﺣﻤﺪ ﺑﻠﺴﻴﺎﺭﻩ ﻣﺒﻄﻞ ﻳﺒﺎﻭﻉ ﻋﻠﻴﻪ
ﺭﺟﻌﺖ ﻟﻠﺒﻴﺖ .. ﺷﻠﻮﻧﺞ ﻣﺎﻣﺎ
ﻫﻠﻮ ﺣﺒﻴﺒﻲ ﻣﺎﻣﺎ ﺷﻠﻮﻧﺞ ﺍﻟﻴﻮﻡ
ﺯﻳﻨﻪ ..
ﻉ ﺍﻟﻌﺸﻪ ... ﺑﺎﺑﺎ ... ﻣﺤﻤﺪ .... ﺍﺧﻮ ﺳﺎﺭﻩ ﻳﺮﻳﺪ ﻳﻮﺻﻠﻨﻪ ﻳﻮﻣﻴﻪ ﺗﻘﺒﻠﻮﻥ
ﺑﺎﺑﺎ ﺍﻱ ﻋﺎﺩﻱ
ﻣﺤﻤﺪ .. ﻳﺎﺏ ﺷﻨﻮ ﻋﺎﺩﻱ ﻓﺸﻠﻪ ﻳﺰﺣﻢ ﺭﻭﺣﻪ
ﺿﻠﻮ ﻳﺤﺠﻮﻥ ﺑﻠﻤﻮﺿﻮﻉ ﻭﺍﺧﺮ ﺷﻲ ﺗﻮﺻﻠﻮ ﺍﻧﻮ ﺍﺭﻭﺡ ﻣﻦ ﻫﻤﻪ ﻳﻜﻮﻟﻮﻥ ﻣﺎ ﺍﺿﻐﻂ ﻋﻠﻴﻬﻢ
..
ﺛﺎﻧﻲ ﻳﻮﻡ ...
ﺳﺎﺭﻩ ﺍﺟﻪ ﺣﻤﻮﺩﻱ ﺧﻞ ﻧﺮﻭﺡ ...
ﻭﺝ ﻋﻴﻨﻲ ﻭﺍﻟﻠﻪ ﺍﺳﺘﺤﻲ ﻣﻦ ﺍﻟﻮﻟﺪ
ﻟﻴﺶ ﺗﺴﺘﺤﻴﻦ ﻗﺎﺑﻞ ﻫﻮ ﻋﻠﺤﺴﺎﺑﺞ ﺟﺎﻱ ﻫﻮ ﺍﻧﻲ ﻭﻳﺎﺝ ﻧﺮﻭﺡ ﻭﻧﺮﺟﻊ ﺳﻮﻳﻪ ﻗﺎﺑﻞ ﺷﺎﻳﻠﻴﺞ ﻉ ﺭﻭﺳﻨﻪ
ﺍﻭﻙ
ﻃﻠﻌﺖ ﻣﻦ ﺍﻟﺒﺎﺏ .. ﺻﺪﺭﻳﻪ ﺗﻠﺚ ﺍﺭﺑﺎﻉ ﺗﻨﻮﺭﻩ ﺍﻡ ﺍﻟﺸﻴﺎﻻﺕ ﻭﻗﻴﺺ ﺿﻴﻚ ﻛﻮﻟﺶ ﻭﺣﺠﺎﺏ ﻓﻴﻜﺎﺕ ﻭﺍﻟﺤﺬﺍﺀ ﺑﻴﻀﻪ ﺍﻡ ﺍﻻﺻﺒﻊ ﻭﺟﻮﺍﺭﻳﺐ ﺷﻔﺎﻓﻪ ...
ﺍﺣﻤﺪ ﺿﻞ ﺻﺎﻓﻦ ...
ﺍﺣﻤﺪ ﺧﺮﻳﺞ ﻫﻨﺪﺳﻪ ﻣﻮﺿﻒ ﻋﻤﺮﻩ ٣٣ ﺳﻨﻪ ﺣﻠﻮ ﻛﻮﻭﻭﻟﺶ ﺟﺬﺍﺏ ﻳﻌﻨﻲ ﺷﺨﺼﻴﻪ ﻗﻮﻳﻪ ﺟﺎﻥ ﺍﺫﺍ ﻣﺸﻪ ﻋﻄﺮﻩ ﻧﺸﺘﻤﻪ ﺑﻠﻄﺮﻣﻪ ﻣﺎﻝ ﺍﻟﺒﻴﺖ ﺗﻨﺘﺮﺱ ﺍﻟﺒﻴﺖ ﻋﻄﺮ ... ﻭﻣﺆﺩﺏ ﻣﻮ ﻣﻦ ﻫﺬﻭﻟﻪ ﺍﻟﻤﺮﺍﻫﻘﻴﻦ ﻟﻮ ﺫﻭﻟﻪ ﺍﻫﻞ ﺍﻟﺸﻌﺮ ﻭﺍﻟﺨﺼﻞ ﺑﻠﻌﻜﺲ ﺟﺎﻥ ﺛﻜﻴﻞ ﻭﺍﺑﻦ ﺧﻴﺮ ﻣﻮ ﻣﻠﻄﻠﻂ ....
ﺻﻌﺪﻧﻪ ﺍﻧﻲ ﻭﺳﺎﺭﻩ ﻟﻠﺴﻴﺎﺭﻩ ﻭﻫﻮ ﻳﺒﺎﻭﻉ ﻭﻋﻴﻮﻧﻪ ﺗﺠﺪﺡ ﻧﺎﺭ ﻣﻦ ﻧﺰﻟﻨﻪ ﻣﻦ ﺍﻟﺴﻴﺎﺭﻩ ﺳﻤﻌﺘﻪ ﺣﺠﻪ ﺑﺼﻮﺕ ﻧﺎﺻﻲ ...
ﻣﺎﻛﻮ ﺍﻛﺼﺮ ﻣﻨﻬﺎ ﺻﺪﺭﻳﺘﺞ ..
ﻛﻮﺗﻠﻪ ﺑﺤﺪﻳﻪ ... ﻋﻔﻮﺍ ...
ﻃﺒﻌﺎ ﺍﻧﻲ ﺟﻨﺖ ﺍﺗﻤﻴﺰ ﺑﺤﺪﻳﻪ ﺑﻜﻼﻣﻲ ﻭﻱ ﺍﻟﻜﻞ ﺍﺑﺪ ﻣﺎ ﺍﺳﺘﺨﺪﻡ ﺍﻱ ﺟﻤﻞ ﺣﺐ ﺍﻭ ﻋﻄﻒ ﻭﺩﺍﺋﻤﺎ ﺍﺣﺠﻴﻬﺎ ﺑﺮﻓﻌﻪ ﺣﺎﺟﺐ ...
ﺍﺣﻤﺪ ... ﺩﺍﺭ ﻭﺟﻪ ﻭﻣﺤﺠﻪ ﺷﻲ ..
ﺍﻛﻮﻟﺞ ﺳﺎﺭﻩ ﺗﺮﻩ ﺍﺣﻤﺪ ﻣﺪﺭﻱ ﺷﺤﺠﻪ ﻋﻔﻴﻪ ﻛﻮﻟﻴﻪ ﺍﺫﺍ ﺍﺳﺘﻤﺮ ﻫﻠﺤﺠﻲ ﺍﻧﻲ ﺑﻌﺪ ﻣﺎ ﺍﺻﻌﺪ ﻭﻳﺎﻛﻢ
ﻃﺒﻌﺎ ﺧﻠﺺ ﺍﻟﺪﻭﺍﻡ ﻭﺍﻧﻲ ﻛﻮﻟﺸﻲ ﻣﻔﻬﻤﺖ ﻣﻨﻪ ﻣﻘﻬﻮﺭﻩ ﻣﻨﻪ ﺍﺣﺲ ﺣﺠﺎﻳﺘﻪ ﺗﻔﻮﺭ ﺑﻜﻠﺒﻲ ﻣﺪﺭﻱ ﻟﻴﺶ ﺍﺣﺲ ﻧﻔﺴﻲ ﺍﻓﺮﻓﺢ
ﺑﻠﺮﺟﻌﻪ ...
ﺳﺎﺭﻩ ﺭﻭﺣﻮ ﺍﻧﻲ ﻣﺤﺮﺟﻊ ﻭﻳﺎﻛﻢ
ﻳﺎﺍﺍﺍ ....
ﻣﺜﻞ ﻣﻜﻮﺗﻠﺞ
ﺑﻼ ﺍﻳﻤﺎﻥ ﺑﻼ ﺣﺠﻲ ﺯﺍﻳﺪ ﺷﻜﻠﺞ ﺍﺣﻤﺪ ﺳﻮﻳﺘﻠﺞ ﻃﻼﺑﻪ ﻣﻦ ﻭﻻ ﺷﻲ
ﻣﻮ ﻃﻼﺑﻪ ﺳﺎﺭﻩ
ﺟﺎ ﺷﻨﻮ
ﺷﻨﻮ ﺟﺎ ﺷﻨﻮ .. ﺟﺎ ﺷﻨﻮ ﺟﺎ ﺷﻨﻮ * ﺍﻗﻠﺪ ﻋﻠﻴﻬﺎ ﺍﻫﺰ ﺭﺍﺳﻲ ﻭﺍﺣﺠﻴﻬﺎ ﺑﻨﺘﺮ *
ﺳﺎﺭﻩ 😕😔
ﺍﻳﻤﺎﻥ ﻳﻼ ﺍﻣﺸﻲ ﺧﻞ ﻧﺼﻌﺪ * ﺍﻧﻘﻬﺮﺕ ﻋﻠﻴﻬﺎ ﺣﺴﻴﺘﻬﺎ ﺿﺎﺟﺖ *
ﺳﺎﺭﻩ 😊😊
ﺛﺎﻧﻲ ﻳﻮﻡ
ﻧﻔﺲ ﺍﻟﺸﻲ ﻭﻧﻔﺲ ﺍﻟﻠﺒﺲ
ﻣﻦ ﻧﺰﻟﺖ ﻛﻠﻲ ﺍﻳﻤﺎﻥ ﺗﺮﻩ ﺍﻧﻲ ﻣﻦ ﺣﺠﻴﺖ ﻭﻳﺎﺝ ﺍﻭﻝ ﺷﻲ ﺍﻧﺖ ﺣﺎﻟﺞ ﺣﺎﻝ ﺳﺎﺭﻩ ﻭﺍﻟﻮﻟﺪ ﺯﺑﺎﻟﻪ ﻭﺍﺧﺎﻑ ﻋﻠﻴﺞ
ﺍﻳﻤﺎﻥ 😏.. ﺍﺩﺭﻱ ﺑﺲ ﻟﺘﺨﺎﻑ ﻋﻠﻴﻪ ﺍﻧﻲ ﺍﺧﺖ ﺭﺟﺎﻝ ..
ﺍﺣﻤﺪ .. ﻭﺍﻟﻨﻌﻢ ﻣﻨﺞ
ﻣﺮﺕ ﺍﻳﺎﻡ ﻧﺮﻭﺡ ﻭﻧﺮﺟﻊ ﻭﻫﻠﺤﺠﻲ ﻳﺼﻴﺮ ﺑﻴﻨﺎﺗﻨﻪ ﻧﺴﻮﻟﻒ ﺍﺷﻜﺎﻝ ﻟﻮ ﻳﻜﻌﺪ ﻳﺮﺍﺟﻌﻨﻪ ﺑﻠﻠﺤﻈﺎﺕ ﺍﻻﺧﻴﺮﻩ ﻳﺴﺎﻟﻨﻪ ﺑﻠﺴﻴﺎﺭﻩ ﻣﻦ ﺗﻤﺸﻲ ...
ﺍﻟﺤﺠﻲ ﺑﻴﻨﺎﺗﻨﻪ ﺗﺠﺎﻭﺯ ﻣﺮﺣﻠﻪ ﺍﻧﻮ ﺟﻮﺍﺭﻳﻨﻪ ﻭﻛﻼﻣﻲ ﻭﻳﺎ ﻗﻠﻴﻞ ﻻ .. ﺟﻨﺖ ﺍﺗﺸﺎﻗﻪ ﻭﻳﺎ ﻭﺍﺣﺠﻲ ﺑﺲ ﻣﺎ ﻣﻔﻜﺮﻩ ﺑﻲ ﻛﺤﺐ ﺍﺑﺪ ﻭﻻ ﻣﺨﻠﻴﺘﻪ ﺍﺑﺎﻟﻲ
ﻓﺪ ﻳﻮﻡ ﺷﻔﺖ ﻓﻠﻢ ﺍﻣﻴﺮﻩ ﺣﺒﻲ ﺍﻧﺎ ... ﻭﺟﺎﻧﺖ ﻣﻼﺑﺲ ﺳﻌﺎﺩ ﺣﺴﻨﻲ ﻛﻮﻟﻬﺎ ﻧﻔﺶ .. ﻓﺎﻧﻲ ﻋﺠﺒﻨﻲ ﻫﻴﺞ ﺍﺳﻮﻱ ﻭﻃﻠﻌﻨﻪ ﻧﺰﻭﺭ ﺍﻧﻲ ﻭﺍﻣﻲ ﺍﻻﻣﺎﻡ ﻋﻠﻲ ﻃﺒﻌﺎ ﺍﻧﻲ ﻣﻦ ﺍﺯﻭﺭ ﺍﻟﺒﺲ ﺟﺎﺩﺭ ﺍﺑﻴﺾ ﺍﺧﺬﻩ ﺍﺧﻂ ﺑﻲ ...
ﻣﻦ ﻃﻠﻌﻨﻪ ﻣﻦ ﺍﻻﻣﺎﻡ ﺍﺷﺘﺮﻳﺖ ﻗﻤﺎﺵ ﺗﺮﻛﺎﻝ ﺧﻴﻄﺘﻠﻴﺎ ﻣﺮﻩ ﻋﻤﻲ ﺧﻮﺵ ﺧﻴﺎﻁ ﺳﻮﻳﺘﻪ ﺻﺪﺭﻳﻪ ﺩﺑﻞ ﻛﻠﻮﺵ ﻭﺗﻠﺚ ﺍﺭﺑﺎﻉ ﺑﺲ ﺍﻗﺼﺮ ﻣﻦ ﻣﻼﺗﻲ ﺗﻘﺮﻳﺒﺎ ﺟﻮﻩ ﺍﻟﺮﻛﺒﻪ ﺑﺸﻮﻳﻪ
ﻭﻟﺒﺴﺖ ﻗﻤﻴﺺ ﺍﺑﻴﺾ ﻭﺭﺩﺍﻧﻪ ﺟﺎﻧﺖ ﻛﻠﻮﺷﻪ ﻭﺍﻟﻴﺎﺧﻪ ﻣﻘﺒﻄﻪ ﻭﻓﺘﺤﻪ ﺑﻠﺼﺪﺭ ﺑﺲ ﻣﻐﻄﻴﺘﻬﺎ ﺑﻠﺤﺠﺎﺏ * ﻉ ﺍﺳﺎﺱ ﺍﻧﻮ ﻛﺎﻥ ﻟﺒﺴﻲ ﻣﺴﺘﻮﺭ *
ﺍﻭﻝ ﻣﻄﻠﻌﺖ ﺳﺎﺭﻩ ﺿﻠﺖ ﺻﺎﻓﻨﻪ ﻭﺝ ﻫﺎﻱ ﺷﻼﺑﺴﻪ
ﺷﺎﻓﻨﻲ ﺍﺣﻤﺪ ... ﺑﺴﺮﻋﻪ ﺻﺎﺡ ﺳﺎﺭﻩ ﺭﻭﺣﻲ ﺟﻴﺒﻲ ﻣﺤﻔﻈﺘﻲ ﻧﺴﻴﺘﻬﺎ ﻛﺒﻞ ﻟﻨﻄﻠﻊ ﺭﻛﻀﺖ ﺳﺎﺭﻩ ﻃﺒﺖ ﻟﺒﻴﺘﻬﻢ
ﻫﻮ ﻃﻔﺮﻟﻲ
ﺍﻳﻤﺎﻥ ﻣﻦ ﻛﻞ ﻋﻘﻠﺞ ﻫﻴﺞ ﺍﻭﺩﻳﺞ ﺍﻧﻲ
ﻭﺷﻜﻮ ﺑﻴﻬﺎ ﻣﻮ ﻳﻮﻣﻴﻪ ﻫﻴﺞ ﻃﺎﻟﻌﻪ
ﻻ ﻣﻮ ﻫﻴﺞ ﻣﺘﺴﺘﺤﻴﻦ ﺍﻧﺘﻲ ﻣﺎ ﻋﻨﺪﺝ ﺣﻴﺎﺀ ﻣﺎ ﻛﻮ ﻭﺍﺣﺪ ﻣﺎﺷﺒﻊ ﺑﻴﺞ
ﺭﺟﺎﺀﺍ ﺑﻼ ﺗﺠﺎﻭﺯ ﻭﺍﻧﺖ ﺷﻨﻮ ﻭﺗﺪﺧﻞ ﺑﺤﻴﺎﺗﻲ ..
ﺍﺟﺘﻲ ﺳﺎﺭﻩ .. ﻫﺎ ﺷﻜﻮ .. ﺣﻤﻮﺩﻱ ﻣﺤﻔﻈﺘﻚ ﻣﺎﻛﻮ
ﻫﺎﻱ ﻭﻳﺎﻫﺎ ﺑﺠﻴﺒﻲ
ﺻﻌﺪﻧﻪ ﻭﺻﻠﻨﻪ ﻟﻠﻤﺪﺭﺳﻪ ﻭﻃﻠﻊ ﻛﺪﺍﻡ ﻛﺎﻝ ﻣﺎ ﺍﻭﺩﻳﺞ ﻟﻠﻤﺪﺭﺳﻪ ﻫﻴﺞ ..
ﺍﻳﻤﺎﻥ : ﺑﺼﻮﺕ ﻋﺎﻟﻲ ... ﺍﺣﻤﺪ ﻭﺩﻳﻨﻲ ﻟﻠﻤﺪﺭﺳﻪ ﺑﺴﺮﻋﻪ ﺭﺟﺎﺀﺍ ﻟﺘﺪﺧﻞ ﺑﺤﻴﺎﺗﻲ ﺍﻧﻲ ﻣﻮ ﻣﺮﺗﻚ ﻭﺗﺤﺎﺳﺒﻨﻲ ﻋﻨﺪﻙ ﺳﺎﺭﻩ ﻭﺣﺎﺳﺒﻬﺎ ...
ﺑﺎﻭﻉ ﺍﺣﻤﺪ ﻣﻦ ﺍﻟﻤﺮﺍﻳﻪ ﻭﺟﺎﻥ ﻧﺎﺍﺍﺍﺭ ﺷﺎﺑﻪ ﺑﻜﻠﺒﻪ
ﻭﺻﻠﻨﻪ ﻛﺎﻟﺖ ﺳﺎﺭﻩ : .. ﺷﺒﻴﺞ ﺍﻳﻤﺎﻥ ﻫﺎﻱ ﺍﺧﻼﻗﺞ ﺍﻛﺒﺮ ﻣﻨﺞ ﻫﻮﻩ ﻭﺷﺮﺍﺩ ﻣﻨﺞ ﻋﺠﻴﺒﻪ ﺍﻧﺘﻲ ﺷﻠﻮﻥ ﺍﻟﺞ ﻧﻔﺲ ﻫﻴﺞ ﺍﻃﻠﻌﻴﻦ ﻛﺪﺍﻡ ﺍﻟﻮﻟﺪ
ﺍﻳﻤﺎﻥ ... ﺷﻮ ﺩﺭﻭﺣﻲ
ﻣﻦ ﺭﺟﻌﻨﻪ ﻣﺮﺩﺕ ﺍﺭﺟﻊ ﻭﻳﺎﻫﻢ ﻃﻠﻌﺖ ﻭﺣﺪﻱ ﺍﺟﻪ ﺍﺣﻤﺪ ﻛﻠﻲ ﺍﺻﻌﺪﻱ ﻟﺘﺨﻠﻴﻨﻲ ﺍﻓﺸﻞ ﻧﻔﺴﻲ ﺍﻛﺜﺮ ﻣﺪﺍﻡ ﻭﺩﻳﺘﺞ ﺍﻧﻲ ﺍﺭﺟﻌﺞ ﺍﻧﺘﻲ ﺍﻣﺎﻧﺘﻲ ﺑﻴﺪﻱ ﻭﺩﻭﺝ ﺍﻫﻠﻠﻠﻠﺞ * ﺩﺍﺱ ﻉ ﻛﻠﻤﻪ ﺍﻫﻠﺞ ﻋﻮﺩ ﺍﻟﻲ ﺭﺑﻮﺝ ﺑﺄﻧﺘﻘﺎﺻﻪ ﻣﻨﻬﻢ ﻫﻴﺞ ﻳﺨﻠﻮﻧﻲ ﺍﻃﻠﻊ *
ﻣﻦ ﻭﺻﻠﺖ ﻟﻠﺒﻴﺖ ﻧﺰﻟﺖ ﺑﺲ ﺩﻣﻌﺘﻲ ﺗﺮﻳﺪ ﺍﻃﻴﺢ ﺍﺣﺲ ﻧﻔﺴﻲ ﻣﺴﺘﺤﻴﻪ ﻣﻦ ﺭﻭﺣﻲ ﻭﻣﻦ ﻟﺒﺴﻲ ...
ﻃﺒﻌﺎ ﺍﺣﻤﺪ ﻧﻀﺮﺍﺗﻪ ﻭﻛﻼﻣﻪ ﻭﺍﻫﺘﻤﺎﻣﻪ ﺣﺮﻛﺖ ﻣﺸﺎﻋﺮ ﺟﻮﺍﻳﻪ ﺑﺲ ﻣﻮ ﻣﺸﺎﻋﺮ ﻋﺸﻖ ﻻ ﻣﺠﺮﺩ ﺍﻫﺘﻤﺎﻡ ﻫﻴﺞ ﺍﺣﺒﻪ ﻣﻦ ﻳﺨﺎﻑ ﻋﻠﻴﻪ ﻣﻦ ﻳﻐﺎﺭ
ﺑﻠﻠﻴﻞ ﺍﺟﺎﻧﻲ ﻣﺴﺞ
ﺍﻳﻤﺎﻥ ﺍﻧﺖ ﺑﻨﻴﻪ ﺟﻤﻴﻠﻪ ﻭﺣﺮﺍﻣﺎﺕ ﻳﻄﻤﻊ ﺑﻴﺞ ﺍﻟﻴﺴﻮﻩ ﻭﺍﻟﻤﻴﺴﻮﻩ
ﺍﻧﻲ ﺭﺩﻳﺖ ﻋﻠﻴﻪ ... ﻭﺍﻧﺖ ﻳﺎﻫﻮ ﻣﻨﻬﻢ
ﺷﻨﻮ ﺗﻘﺼﺪﻳﻦ ؟؟
ﻣﻮ ﻛﻮﻟﺖ ﺍﻟﻴﺴﻮﻩ ﻭﺍﻟﻤﻴﺴﻮﻩ .. ﻳﺎ ﻫﻮ ﺍﻧﺖ
ﺍﻫﺎ ﺍﺷﻜﺮﺝ ... ﺭﺣﻢ ﺍﻟﻠﻪ ﻭﺍﻟﺪﻳﺞ ﺧﻮﺵ ﺗﺮﺑﻴﻪ
ﺍﻳﻤﺎﻥ .. ﺍﻟﻤﺎ ﻳﺘﺤﻤﻞ ﺍﻟﺒﺴﻤﺎﺭ ﻟﻴﺠﻔﺼﻠﻪ ﺑﺤﺠﺎﻳﻪ 👉
ﺍﺣﻤﺪ ﻣﺎ ﺭﺩ ﺑﻌﺪ ... ﺟﺎﻧﺖ ﻫﺎﻱ ﺍﻭﻝ ﻣﺴﺞ ﻣﺎ ﺑﻴﻨﺎﺗﻨﻪ .
.
.
.
ﻳﻮﻡ ﺍﻻﺣﺪ ... ﺻﻌﺪﻧﻪ ﺳﻠﻤﺖ ﻣﺮﺩ .. ﺑﺲ ﺳﺎﺭﻩ ﺭﺩﺕ
ﻛﻞ ﻟﺴﺎﺭﻩ ﺣﺠﻲ ﻋﻠﻴﺞ ﺏ ٤ ﻣﻮ ﺗﺘﺄﺧﺮﻳﻦ ..
ﺍﻧﻲ ﺗﻔﺎﺟﺄﺕ ﺑﻠﻤﺪﺭﺳﻪ ﺳﺎﻟﺘﻬﺎ
ﺳﺎﺭﻩ ﻟﻌﺪ ﺷﻌﺠﺐ ﺣﻴﺠﻲ ﻋﻠﻴﺞ ﺍﺣﻤﺪ ﺏ٣
ﺳﺎﺭﻩ : ﺟﺎ ﻣﻮ ﺍﻣﻲ ﺷﺎﻳﻔﺘﻠﻪ ﻣﺮﻩ ﻭﻛﺎﻟﺖ ﺧﻞ ﻳﺸﻮﻓﻬﺎ ﺗﻜﻮﻝ ﻣﺎﻣﺎ ﺗﺨﺒﻞ ﺍﻧﻲ ﻛﻮﺗﻠﻬﻢ ﺍﺫﺍ ﻣﺎ ﺭﺣﺖ ﺍﺷﻮﻓﻬﺎ ﺍﻣﻮﺕ ﻛﻠﻲ ﺣﻤﻮﺩﻱ ﺍﺧﻴﻲ ﻭﺍﻟﻠﻪ ﻣﺎ ﺍﺷﻮﻓﻬﺎ ﺍﺫﺍ ﻣﺘﺸﻮﻓﻴﻬﺎ ﺍﻧﺘﻲ
ﺍﻳﻤﺎﻥ 😲😲...
ﻫﻴﻪ ﺗﺤﺠﻲ ﻭﺍﻧﻲ ﺻﺎﻓﻨﻪ ... ﺭﺍﺡ ﻳﺸﻮﻓﻬﺎ ﺷﻨﻮ ﻟﻌﺪ ﺍﻧﻲ ﺷﻨﻮ ﻣﻌﻘﻮﻟﻪ ﺍﺧﻮﻩ ﻫﺎﻱ ﻟﻮ ﺷﻨﻮ ﻣﻌﻨﺎﻫﺎ ﺑﺲ ﻫﻠﺤﺠﻲ ﺑﻜﻠﺒﻲ ﻛﻮﺗﻠﻬﺎ ﺍﻃﻠﻊ ﻭﻳﺎﻛﻢ
ﺻﺎﺭﺕ ﺏ ٣ ﻭﺍﻧﻲ ﺍﺣﺲ ﺭﻭﺣﻲ ﺻﺮﺕ ﺍﻋﺼﺎﺍﺍﺏ ﻛﻤﺖ ﺍﺗﻌﺎﺭﻙ ﻭﻱ ﺍﻟﻮﺭﻗﻪ ﻭﺍﻟﻘﻠﻢ ﻃﻠﻌﺖ ﺳﺎﺭﻩ ﺍﺟﻪ ﺍﺣﻤﺪ ﻋﻠﻴﻬﺎ ﺑﺲ ﺍﻧﻲ ﻣﻘﺒﻠﺖ ﺍﻟﻤﺪﻳﺮﻩ ﺍﻃﻠﻊ ﻻﻥ ﻣﻮ ﻭﻟﻲ ﺍﻣﺮﻱ ...
ﻃﻠﻌﺖ ﻭﺣﺪﻱ ﺭﺟﻌﺖ ﺍﺳﺤﻞ ﺑﺮﻭﺣﻲ ﻣﺜﻞ ﺍﻟﻤﻴﺘﻪ ﻭﻛﻔﺖ ﺳﻴﺎﺭﻩ ﺩﻙ ﻫﻮﺭﻥ .. ﺑﺎﻭﻉ ﻫﺬﺍ ﺍﺣﻤﺪ
ﻫﻼ ﺑﻠﻌﺮﻳﺲ .... ﺑﺼﻮﺕ ﻣﺎﻝ ﻭﺣﺪﻩ ﻣﻘﻬﻮﺭﻩ
ﺍﺣﻤﺪ 😑😑
ﺍﺻﻌﺪﻱ
ﻭﺷﻜﻮ ﻋﻔﺖ ﻋﺮﺳﻚ ﻭﺍﺟﺘﻨﻲ ﺑﺴﻼ ﺟﺎﺑﺘﻚ ﺍﻻﺧﻮﻩ
ﺷﺒﻴﺞ ﻭﺍﻟﻘﺮﺍﻥ ﺣﺘﻪ ﺍﻟﺴﻜﺮﺍﻥ ﻣﻮ ﻣﺜﻠﺞ
ﺻﻌﺪﺕ ..
ﺍﻭﻝ ﺷﻲ ﻫﻮ ﻣﻮ ﻋﺮﺳﻲ ﺣﺘﻪ ﻋﻔﺘﻪ ﻭﺍﺟﻴﺘﺞ ﺛﺎﻧﻲ ﺷﻲ ﺍﻧﺘﻲ ﻟﻴﺶ ﻣﻘﻬﻮﺭﻩ ..
ﻣﻘﻬﻮﺭﻩ .. ﻣﻘﻬﻮﺭﻩ .. ﻫﻬﻬﻬﻪ ﻭﺍﻟﻠﻪ ﻳﺎ ﺭﺑﻲ ﻭﻋﺸﻨﻮ ﺍﻧﻘﻬﺮ ﺷﻨﻮ ﻋﺒﺎﻟﻚ ﺍﺣﺒﻚ ..
ﻭﻟﻴﺶ ﻣﺘﺤﺒﻴﻨﻲ ﻋﺎﻳﺰ ﺷﻲ
ﻟﻌﺪ ﻭﺍﻧﻲ ... ﻋﺎﻳﺰﻩ ﺷﻲ
ﻋﺎﻳﺰﻩ ﺷﻮﻳﻪ ﺍﺩﺏ
ﺍﺣﻤﺪ .. ﺭﺟﺎﺀﺍ ﺑﻼ ﻫﻠﺤﺠﻲ
ﻫﺴﻪ ﺷﻨﻮ ﺷﺘﺮﺩﻳﻦ ﺍﻧﺘﻲ
ﻣﺎ ﺍﺭﻳﺪ ﺷﻲ ﻭﺑﻌﺪ ﻟﺘﺤﺎﺳﺒﻨﻲ ﻣﻨﺎ ﻭﺟﺎﻱ
ﻭﻣﻨﻮ ﻣﺤﺎﺳﺒﺞ
ﺍﺑﺪ .. ﺣﺘﻪ ﺻﺪﺭﻳﺘﻲ ﻣﺎ ﺍﻟﺒﺴﻬﺎ ﻣﻦ ﻭﺭﺍﻙ ﺍﻛﻮﻝ ﺧﻄﻴﻪ ﺧﺎﻑ ﻳﻨﻘﻬﺮ ..
ﻭﻟﻴﺶ ﺍﻧﻘﻬﺮ ... ﺗﻌﻨﻴﻠﻲ ﺷﻲ
ﺍﺫﺍ ﻣﺎ ﺍﻋﻨﻴﻠﻚ ﺷﻜﻮ ﺍﺟﻴﺖ ﻋﻠﻴﻪ ... ﺑﺼﻴﺎﺡ
ﺍﺣﻤﺪ ﻳﺨﺰﺭﻩ ﻭﺻﻮﺕ ﻋﺎﻟﻲ ﻧﺼﻲ ﺻﻮﺗﺞ ﻟﺞ ﺗﺮﻩ ﺍﺷﻚ ﺣﻠﻜﺞ
ﻻﺍﺍﺍﺍﺍﺍﺍﺍ ﺷﻜﻪ ﻳﻼ ﺷﻜﻪ
ﺍﺳﺘﻐﻔﺮ ﺍﻟﻠﻠﻠﻠﻠﻠﻠﻪ .. ﺍﺣﻤﺪ ﺻﺎﺡ
ﻭﺻﻠﻨﻪ ﺭﺑﻊ ﺍﻟﻄﺮﻳﻖ
ﺍﺣﻤﺪ .. ﺑﺲ ﺍﻟﻌﺮﻭﺱ ﺗﺸﺒﻬﺞ
ﻣﺎﻛﻮ ﻭﺣﺪﻩ ﺗﺸﺒﻬﻨﻲ
ﺗﺸﺒﻬﺞ ﺑﻠﺸﻜﻞ ﺑﺲ ﺑﻐﻴﺮ ﺷﻲ ﺍﺣﺴﻦ ﻣﻨﺞ
ﺷﻨﻮﻭﻭﻭ ؟؟؟ ﻭﺍﻟﻠﻪ ﻳﺎ ﺭﺑﻲ .. ﺍﻟﻠﻪ ﻳﺨﻠﻴﻬﺎ ﺍﻟﻚ ﻭﻳﺠﻤﻌﻜﻢ ﺳﻮﻳﻪ * ﺍﺣﺠﻲ ﺑﺎﺳﺘﻬﺰﺍﺀ *
ﺍﻱ ... ﺑﻴﻀﻪ ﻭﺣﻠﻮﻩ ﻭﺷﻜﺮﻩ ﻭﻻﺑﺴﻪ ﻋﺒﺎﻳﻪ ﻭﻛﻮﺗﻠﻬﺎ ﺷﻜﻮﻟﺞ ﺗﻜﻮﻟﻴﻦ ﺻﺎﺭ ﻛﺎﻟﺖ ﺻﺎﺭ
ﺍﻧﻲ ﻫﺰﻳﺖ ﺍﻳﺪﻱ ... ﻭﺍﻟﻠﻪ ﻳﺎ ﺭﺑﻲ
ﻟﺰﻡ ﺍﻳﺪﻱ ﺭﺃﺳﺘﺎ ﻭﻟﺰﻡ ﺍﻻﺑﻬﺎﻡ ... ﺣﻜﺴﺮ ﺍﻳﺪﺝ ﻭﻟﺞ ﻭﺍﺫﺍ ﻛﺮﺭﺗﻴﻬﺎ ﺍﻛﺴﺮﻩ ﻟﺮﺍﺳﺞ ﻭﻋﻮﺝ ﺍﺻﺒﻌﻲ ﺑﺲ ﺣﻴﻞ ﺍﻧﻲ ﻛﻤﺖ ﺍﺑﺠﻲ .. ﺑﺲ ﻣﻮ ﻣﻘﻬﻮﺭﻩ ﻣﻦ ﺍﺻﺒﻌﻲ ﻫﻮ ﺻﺪﻭﻙ ﻳﻮﺟﻌﻨﻲ ﺑﺲ ﻣﺪﺭﻱ ﻟﻴﺶ ﺍﺣﺲ ﻣﻦ ﺍﻟﻀﻬﺮ ﻟﺴﻪ ﺍﻧﻲ ﻣﺤﺼﻮﺭﻩ ﺑﺠﻴﻪ ﻓﻄﻜﻴﺘﻬﺎ ﺑﺠﻲ ...
ﻭﻛﻒ ﺍﻟﺴﻴﺎﺭﻩ ..
ﺍﻳﻤﺎﻥ ﺷﺒﻴﺞ
ﻣﺎﺑﻴﻪ ﺷﻲ ﻋﻔﻴﻪ ﺗﺄﺧﺮﻧﻪ ﺭﺟﻌﻨﻲ ﻟﻠﺒﻴﺖ
ﻣﻦ ﺗﺒﺠﻴﻦ ﺗﺨﺒﻠﻴﻦ
ﻫﻬﻬﻬﻬﻪ
ﻫﺎﻱ ﺷﺒﺴﺮﻋﻪ ﺷﻨﻮ ﺗﺒﺠﻴﻦ ﻭﺗﻀﺤﻜﻴﻦ ﺑﻨﻔﺲ ﺍﻟﻮﻗﺖ
ﻫﺎﻱ ﺍﻧﻲ ﻣﺎ ﺍﻛﺪﺭ ﺍﺗﻐﻴﺮ
ﺍﻟﺘﻔﺖ ﺍﻟﻴﻪ ﺑﺲ ﻫﻠﻤﺮﻩ ﺟﺎﻧﺖ ﻛﻠﻤﺎﺗﻪ ﻃﺎﻟﻌﻪ ﻣﻦ ﻛﻠﺒﻪ
ﺍﻳﻤﺎﻥ .. ﺻﺪﻭﻙ ﻣﺘﺘﻐﻴﺮﻳﻦ
ﺷﻨﻮ
ﺳﺄﻟﺘﺞ ﻣﺘﺘﻐﻴﺮﻳﻦ
ﻭﻟﻴﺶ ﺍﺗﻐﻴﺮ ...
ﻣﻌﻘﻮﻟﻪ ﻣﺘﺤﺴﻴﻦ ﻛﻠﺒﻲ ﻳﻬﻮﺍﺝ
ﻣﻌﻘﻮﻟﻪ ﻣﺘﺸﻮﻓﻴﻦ ﻋﻴﻮﻧﻲ ﻣﻦ ﺗﻤﺸﻴﻦ ﺷﻴﺼﻴﺮ ﺑﻴﻪ
ﺍﻳﻤﺎﻥ ﺍﺣﺒﺞ ﺑﺲ ﻣﺎ ﺍﻛﺪﺭ ﺍﺭﺗﺒﻂ ﺑﻴﺞ
ﻟﻴﺶ * ﻃﺒﻌﺎ ﺟﻨﺖ ﺑﺎﻫﺘﻪ ﻣﻦ ﻫﻴﺞ ﺣﺠﻪ ﻻﻥ ﺍﺣﺲ ﺣﺠﻴﻪ ﺟﺎﻥ ﻳﺠﻲ ﻟﻜﻠﺒﻲ ﻣﻴﺪﺧﻞ ﻻﺫﺍﻧﻲ ...
ﺍﻳﻤﺎﻥ .. ﺍﺣﺒﺞ ﺑﺲ ﺍﻧﺘﻲ ﺣﻴﺎﺗﺞ ﺗﺨﺘﻠﻒ ﻋﻦ ﺣﻴﺎﺗﻲ
ﺍﺭﻳﺪ ﻣﺮﻩ ﻣﻠﺘﺰﻣﻪ ﺑﺤﺠﺎﺑﻬﺎ ﺑﺪﻳﻨﻬﺎ ﺍﺭﻳﺪﻫﺎ ﺍﻡ ﻻﻭﻻﺩﻱ
ﺍﻟﻪ ﻋﺒﺎﻳﻪ ﻳﻌﻨﻲ
ﺍﻱ ﺍﻟﻪ ﻋﺒﺎﻳﻪ .. ﺍﻣﺞ ﻣﻮ ﺗﻠﺒﺲ ﻋﺒﺎﻳﻪ ﻣﺘﻠﺒﺴﻴﻦ
ﻣﺎ ﺍﺩﺭﻱ ﺍﻓﻜﺮ
ﺷﻨﻮ ﺗﻔﻜﺮﻳﻦ ﺷﻨﻮ ﻫﻠﺤﺠﻲ ﻟﻮ ﺍﻱ ﻟﻮ ﻻ
ﺷﻮﻓﻲ ﺍﻳﻤﺎﻥ ﺗﺮﺩﻳﻨﻲ ﻛﻮﻟﻲ ﺍﻱ
ﻣﺘﺮﺩﻳﻨﻲ ﻛﻮﻟﻲ ﻻ ﻭﺧﻠﺼﻴﻨﻲ ﻭﻟﺸﻠﻌﻴﻦ ﻛﻠﺒﻲ
.
.
.
❤❤❤❤.
ﻳﺎ ﺗﺮﻯ ﺷﻨﻮ ﺣﻴﻜﻮﻥ ﺭﺩ ﺍﻳﻤﺎﻥ ... ﻭﺷﻠﻮﻥ ﺣﺘﻜﻮﻥ ﺣﻴﺎﺗﻬﻢ ... ﺑﻘﻠﻤﻲ .. ﺯﻳﻨﺐ ﻋﻠﻲ ❤
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء