رواية سحر المقابر 🔞 الجزء التاسع
للكاتبة زينب ماجد
....
ﺳﺪﻳﺖ ﺍﻟﺨﻂ ﻣﻦ ﻣﺎﻣﺎ ﻭﺑﺪﻳﺖ ﺑﺘﻌﺰﻳﻞ ﺍﻟﻐﺮﻓﻪ ﻃﻠﻌﺖ ﻛﻞ ﺍﻟﻤﻼﺑﺲ ﻭﺍﻗﺮﻩ ﻭﺍﺻﻔﻂ .. ﻟﺤﺪ ﻣﺎ ﺩﻛﺖ ﺍﻟﺒﺎﺏ ﻏﺪﻳﺮ ﻛﺎﻟﺖ ﺍﺧﻮﺝ ﺑﺎﻟﺒﺎﺏ ﻳﺮﻳﺪﺝ
ﻛﺘﻠﻬﺎ ﻣﺎﺷﻲ ﺟﺎﻳﻪ .. ﻃﺒﻌﺎ ﻏﺪﻳﺮ ﻣﻦ ﺍﻧﺨﻄﺒﺖ ﻻﻳﻬﺎﺏ ﻭﻟﻠﻴﻮﻡ ﺍﺑﺪ ﻣﻮ ﻣﻬﺘﻤﺘﻠﻲ ﻭﻻ ﺗﺴٲﻝ ﻭﺣﻴﻞ ﻣﺘﻐﻴﺮﻩ
ﺑﻠﺒﻴﺖ ﻛٲﻧﻮ ﻣﻮ ﺟﻨﻪ ﺻﺪﻳﻘﺎﺕ ﻣﺮﺍﺕ ﺍﺷﻚ ﺟﻨﻪ ﺳﻮﻩ ﺑﻨﻔﺲ ﺍﻟﺼﻒ .. ﻧﺰﻟﺖ ﻻﺧﻮﻳﻪ ﻣﺴﻠﻢ ﻭﺍﻛﻒ ﺑﺎﻟﺼﺎﻟﻪ ﻣﻘﺎﺑﻞ ﻳﻜﻌﺪ
ﻛﺎﻳﻠﻠﻬﻢ ﻋﻨﺪﻱ ﺷﻐﻞ .. ﺍﺟﻴﺘﻪ ﺭﻛﺾ ﺣﻀﻨﺘﻪ ﻭﺳﻠﻤﺖ ﻋﻠﻴﻪ .. ﻛﺎﻝ ﻫﺎﻱ ﻋﻼﻛﺔ ﺣﻠﻮﻳﺎﺕ ﻭﺑﻴﺒﺴﻲ ﺍﻟﻮﺍﻟﺪﻩ ﺩﺯﺗﻠﺠﻴﺎﻫﻦ ﺗﻌﺮﻓﺞ ﺗﺤﺒﻴﻬﻦ ﻭﺧﺎﻑ ﺗﺴﺘﺤﻴﻦ ﺍﻃﻠﺒﻴﻬﻦ
ﻛﺘﻠﻪ ﺣﺒﻴﺒﻲ ﺑﻮﺳﻠﻲ ﻣﺎﻣﺎ .. ﻃﺒﻌﺎ ﻣﺎﻣﺎ ﻣﺨﻠﻴﻪ ﺑﻄﻞ ﺍﻟﺨﻞ ﺑﺎﻟﻌﻼﻛﻪ ﻭﻳﻪ ﺑﻄﺎﻟﺔ ﺍﻟﺒﻴﺒﺴﻲ ﻭﺍﻟﺤﻠﻮﻳﺎﺕ ﻓﻤﺎﻣﺒﻴﻦ
ﺍﺧﺎﻑ ﻳﺴﺌﻠﻮﻥ ﻋﺮﻭﺱ ﺷﺘﺴﻮﻱ ﺑﺎﻟﺨﻞ .. ﺍﺧﺬﺕ ﺍﻟﻌﻼﻛﻪ ﻭﺻﻌﺪﺕ ﻓﻮﻙ .. ﺧﺎﺑﺮﺕ ﻋﻠﻪ ﺍﻳﻬﺎﺏ ﻛﺘﻠﻪ ﺍﻟﻠﻪ ﻋﻠﻴﻚ ﺗٲﺧﺮ
ﺿﻞ ﻳﻀﺤﻚ ﻛﺎﻝ ﻟﻴﺶ ﻛﺘﻠﻪ ﺩﺍ ﺍﻧﻀﻒ ﺑﺎﻟﻐﺮﻓﻪ ﻭﺣﺎﻟﺘﻲ ﺣﺎﻟﻪ ﻭﻣﺴﺎﺑﺤﻪ ﺍﺫﺍ ﺍﺟﻴﺖ ﻭﻟﻜﻴﺘﻨﻲ ﻫﻴﺞ ﺗﺸﺮﺩ ﻣﻨﻲ
ﻛﺎﻝ ﻟﺞ ﺷﻬﻠﺤﺠﻲ ﺍﻣﻮﻭﻭﺕ ﻋﻠﻴﺞ ﺣﺘﻪ ﻟﻮ ﺭﻳﺤﺘﺞ ﺯﺑﺎﻟﻪ .. ﺿﺤﻜﺖ ﻫﻬﻬﻬﻪ ﻋﺎﺩ ﻣﻮ ﺍﻟﻬﺪﺭﺟﻪ ﺍﻱ ﺭﻳﺤﺔ ﻋﺮﻙ ﻣﻮ ﺯﺑﺎﻟﻪ .. ﺍﺗٲﺧﺮ ﺷﻮﻱ ﻓﺪﻭﻩ ﻣﺎﺷﻲ
ﻛﺎﻝ ﻣﺎﺷﻲ ﺧﺒﻮﻟﺘﻲ .. ﺍﺧﺬﺕ ﺳﻄﻞ ﻣﻲ ﺧﻠﻴﺖ ﻣﻠﺢ ﻋﻠﻴﻪ ﺑﺪﻭﻥ ﻣﺤﺪ ﻳﺸﻮﻑ ﻭﻣﻌﻄﺮ ﻭﺻﻌﺪﺕ ﻟﻠﻐﺮﻓﻪ ﺧﻠﻴﺖ ﺧﻞ ﻭﻣﺴﺤﺖ ﺍﻟﻐﺮﻓﻪ
ﺑﻌﺪﻫﺎ ﻃﺒﻴﺖ ﻟﻠﺤﻤﺎﻡ ﺳﺒﺤﺖ ﻭﻣﻜﻴﺠﺖ ﺧﻔﻴﻒ ﻭﻭﺭﺣﺖ ﺍﻟﻔﺮﺍﺵ ﻛﺒﻞ ﺑﺲ ﺧﻠﻴﺖ ﺭﺍﺳﻲ ﻧﻤﺖ .. ﻟﺸﻮﻱ ﺣﺴﻴﺖ ﺍﻳﻬﺎﺏ ﺍﺟﻪ
ﺍﺗﻤﺪﺩ ﻋﻠﻔﺮﺍﺵ ﻳﻠﻌﺐ ﺑﺸﻌﺮﻱ ﻭﻳﺒﻮﺱ ﺑﻴﻪ ﺍﺗﺤﺮﻛﺖ .. ﻛﺎﻝ ﻛﻌﺪﻱ ﺣﺒﻴﺒﻲ ﺟﺒﺘﻠﺞ ﺑﻴﺘﺰﺍ ﺍﻛﻴﺪ ﺟﻮﻋﺎﻧﻪ .. ﻣﻄﻴﺖ ﺟﺴﻤﻲ ﻭﻛﺘﻠﻪ ﺍﻱ ﻭﺍﻟﻠﻪ ﺣﻴﻞ ﺟﻮﻋﺎﻧﻪ ..
ﺍﻳﻬﺎﺏ .. ﻫﻬﻬﻬﻬﻬﻪ ﻓﺪﻭﻩ ﻟﺤﺒﻴﺒﺘﻲ ﺍﻡ ﻛﺮﺵ
ﻛﻌﺪﺕ ﺟﺮﻳﺖ ﻃﺒﻠﻪ ﺯﻏﻴﺮﻩ .. ﻭﺧﻠﻴﺘﻬﺎ ﻛﺪﺍﻣﻨﻪ .. ﺣﻄﻴﺖ ﺍﻟﺒﻴﺒﺴﻲ ﻭﺍﻟﺒﻴﺘﺰﺍ ﻭﻛﻌﺪﻧﺎ ﻧﺎﻛﻞ ..
ﻛﻤﻠﺖ ﻧﺰﻟﺖ ﺍﻟﻐﺮﺍﺽ ﻭﻓﺮﺷﺖ ﺍﺳﻨﺎﻧﻲ ﻭﺻﻌﺪﺕ ﻋﺪﻟﺖ ﻣﻜﻴﺎﺟﻲ ﻭﻛﻌﺪﺕ ﻳﻤﻪ .. ﻭﻫﻮﻩ ﻳﻜﻠﺐ ﺑﺎﻟﺘﻠﻔﺰﻳﻮﻥ
ﻃﻠﻊ ﻣﺎﺟﺪ ﺍﻟﻤﻬﻨﺪﺱ ﺑﻴﻦ ﺍﺩﻳﻪ ﻭﺍﺣﺲ ﺍﻧﻚ ﺑﻌﻴﺪ ﺫﻭﺏ ﺑٲﺣﻀﺎﻧﻲ ﻣﺜﻞ ﻗﻄﻌﺔ ﺟﻠﻴﺪ .. ﻋﻠﻢ ﺍﻟﻌﺸﺎﻙ ﻛﻴﻴﻒ ﺍﻟﺤﺐ ﻳﻜﻮﻭﻭﻥ ﺑﻼ ﺣﻮﺍﺟﺰ ﺍﺣﻠﻰ ﻃﻌﻢ ﺍﻟﺤﺐ ﺍﻛﻴﻴﻴﺪ
ﻧﻐﻨﻲ ﺍﻟﺒﻌﺾ ﻭﺍﺩﻳﻨﻪ ﺷﺎﺑﻜﻴﻬﺎ ﺑٲﺩﻳﻦ ﺑﻌﺾ ﻭﺍﻧﻲ ﻣﺨﻠﻴﻪ ﺭﺍﺳﻲ ﻋﻠﻪ ﻛﺘﻔﻪ ﻭﻣﺘﻤﺪﺩﻩ ﻳﻤﻪ .. ﻭﻫﻮﻩ ﻛﻞ ﺷﻮﻱ ﻳﺒﻮﺱ ﺑﻜﺼﺘﻲ ..
ﺍﻳﻬﺎﺏ .. ﺍﺧﺬﺕ ﻧﻔﺲ ﻭﺍﻧﻲ ﺍﺑﺎﻭﻋﻠﻬﺎ .. ﻛﺘﻠﻬﺎ ﺗﺪﺭﻳﻦ ﺷﻜﺪ ﺟﻨﺖ ﺍﺗﻤﻨﺎﺝ .. 6 ﺳﻨﻴﻦ ﻳﻮﻡ ﻳﺠﺮ ﻳﻮﻡ .. ﻣﺎ ﻣﺮ ﻳﻮﻡ ﻭﻏﺒﺘﻲ ﻋﻦ ﺑﺎﻟﻲ
ﻛﻞ ﻟﻴﻠﻪ ﺍﻧﺎﻡ ﻃﻴﻔﺞ ﺣﺎﺿﻦ ﻋﻴﻮﻧﻲ .. ﻭﻫﺴﻪ ﺑﺤﻀﻨﻲ ﺍﻧﺘﻲ … ﺍﻭﻭﻭﻭﻑ ﻟﻮ ﺷﻜﺪ ﻣﺎ ﺍﺷﻜﺮ ﺍﻟﻠﻪ ﻣﺎ ﺍﻭﺍﻓﻴﻪ ﻋﻠﻪ ﻧﻌﻤﺘﻪ ﺍﻟﻠﻲ ﺟﺎﺑﺞ ﻭﺧﻼﺝ ﺍﻟﻲ ﻭﻣﺮﺗﻲ ﻭﺣﻘﻘﻠﻲ ﺍﻣﻨﻴﺘﻲ
ﺳﻨﺎ .. ﻫﻬﻬﻪ ﺣﺒﻴﺒﻲ ﺍﻟﺤﻤﺪﻟﻠﻪ ﺭﺏ ﺍﻟﻌﺎﻟﻤﻴﻦ .. ﻭﺭﺑﻲ ﻳﺨﻠﻲ ﺍﻳﺎﻣﻨﻪ ﺍﻧﺸﺎﻟﻠﻪ ﻛﻠﻬﺎ ﺣﺐ ﻭﺍﻓﺮﺍﺡ .. ﻛﺎﻝ ﺍﻣﻴﻦ ﻭﺍﺗﻘﺮﺏ ﺑﺎﺱ ﺧﺸﻤﻲ ﺿﺤﻜﺖ
ﺻﺎﺡ ﺑﻮﻭﻭﻭﻭﻳﻪ ﺷﻠﻮﻥ ﺍﻣﻮﻭﻭﺕ ﺑﻀﺤﻜﺘﺞ ﺩﺗﻌﺎﺍﺍﺍﺍﺍﻱ ﻫﻬﻬﻬﻪ .… 💏💏💏💏
ﻛﻌﺪﺕ ﺍﻟﺼﺒﺢ ﺍﺧﺬﺕ ﻣﻼﺑﺴﻲ ﻭﻃﻠﻌﺖ ﺭﺩﺕ ﺍﺩﺧﻞ ﺍﻟﺤﻤﺎﻡ ﺟﺎﻥ ﺍﻣﻪ ﺗﻜﻮﻝ .. ﺍﻫﻤﻢ ﻏﺎﺭﻳﺘﻪ ﺑﺎﻟﺒﻮﺳﻪ ﻭﺍﻟﻨﻮﻣﻪ ﺍﻟﻠﻪ ﻳﺎﺧﺬﺝ ﺍﻧﺸﺎﻟﻠﻪ ﻣﺜﻞ ﻣﺎ ﺍﺧﺬﺗﻲ ﺍﺑﻨﻲ
....
....
ﺑﺲ ﻫﻮﻩ ﺍﻟﺼﻮﺝ ﻣﻮ ﻣﻨﺞ ﺻﻮﺝ ﺍﻟﻌﺎﺭ ﺍﻟﺮﺑﻴﺘﻪ ﺍﻟﻔﻀﻞ ﺑﻨﺖ ﺍﻟﺸﻮﺍﺭﻉ ﻋﻠﻪ ﺍﻣﻪ .. ﺑﺎﻭﻋﺖ ﺷٲﺭﻳﺪ ﺍﺭﺩ .. ﺑﻌﺪﻧﻲ ﻋﺮﻭﺱ ﻣﺼﺎﺭ 5 ﺍﻳﺎﻡ
ﻋﻔﺘﻬﺎ ﻭﺩﺧﻠﺖ ﻟﻠﺤﻤﺎﻡ .. ﺳﺒﺤﺖ ﻭﻃﻠﻌﺖ ﻣﻜﻴﺠﺖ ﻭﻋﺪﻟﺖ ﻧﻔﺴﻲ ﻭﺍﻳﻬﺎﺏ ﻧﺎﻳﻢ ﻋﻔﺘﻪ ﻭﻧﺰﻟﺖ ﻳﻤﻬﻢ ﺍﺣﺲ ﺭﻭﺣﻲ ﻏﺮﻳﺒﻪ ﻣﺤﺪ ﻳﺤﺠﻲ ﻭﻳﺎﻱ ﻟﻮ ﻳﻜﻮﻟﻲ ﺗﻌﺎﻱ ﻛﻌﺪﻱ ﻫﻨﺎ
ﺍﺑﺪ ﻭﻛٲﻧﻲ ﻣﻮ ﻣﻮﺟﻮﺩﻩ ﺣﺘﻪ ﻣﺤﺪ ﻛﺎﻝ ﺗﺮﻳﻜﻲ ﺍﻭ ﺳٲﻟﻨﻲ ﺍﺫﺍ ﺍﺭﻳﺪ ﺭﻳﻮﻙ ﻭﺍﻧﻲ ﻋﺮﻭﺱ .. ﻟﻨﺺ ﺳﺎﻋﻪ ﻛﻌﺪﺕ ﺍﺑﺪ ﻭﻻ ﺑﺎﻭﻋﻮﻟﻲ ﺍﺻﻼ ﻣﻦ ﻛﻌﺪﺕ ﻛﻠﻬﺎ ﻛﺎﻣﺖ ﻣﻦ ﺍﻟﺼﺎﻟﻪ ..
ﺍﻧﻲ ﻫﻢ ﻋﻔﺘﻬﻢ ﻭﺻﻌﺪﺕ ﻟﻐﺮﻓﺘﻲ .. ﺍﺗﻘﺮﺑﺖ ﻻﻳﻬﺎﺏ ﻧﺎﻳﻢ . ﻣﺪﻳﺖ ﺍﻳﺪﻱ ﻋﻜﺸﺖ ﺑﺸﻌﺮﻩ ﻭﺍﺑﺘﺴﻤﺖ ﻓﺪﻭﻩ ﺷﻠﻮﻥ ﻧﺎﻳﻢ ﻳﺨﺒﻞ ..
ﺷﻐﻠﺖ ﺍﻟﺘﻠﻔﺰﻳﻮﻥ ﻭﻛﻌﺪﺕ ﺍﻛﻠﺐ ﺑﺎﻟﺘﻠﻔﺰﻳﻮﻥ ﻃﻠﻌﺖ ﺩﻋﺎﺀ ﺍﻟﺼﺒﺎﺡ ﺧﻠﻴﺘﻪ ﻭﻋﻠﻴﺘﻪ ﺷﻮﻱ .. ﻓﺘﺢ ﺍﻳﻬﺎﺏ ﻋﻴﻨﻪ ﺷﺎﻝ ﺭﺍﺳﻪ ﻭﻫﻮﻩ ﻓﺎﺗﺢ ﻧﺺ ﻋﻴﻦ ﻭﻳﺒﺎﻭﻋﻠﻲ
ﺍﻳﻬﺎﺏ .. ﺻﺒﺎﺡ ﺍﻟﺨﻴﺮ ﺣﺒﻴﺒﻲ
ﺳﻨﺎ .. ﺻﺒﺎﺡ ﺍﻻﻧﻮﺍﺭ ﺣﻴﺎﺗﻲ
ﺍﻳﻬﺎﺏ .. ﺑﻴﺶ ﺍﻟﺴﺎﻋﻪ
ﺳﻨﺎ .. ﺗﺴﻌﻪ ﻭﺭﺑﻊ
ﺍﻳﻬﺎﺏ .. ﻫﺎﻱ ﻣﻦ ﺷﻮﻛﺖ ﻛﺎﻋﺪﻩ ﺷﻜﻮ ﺗﻌﺎﻱ ﻧﺎﻣﻲ ﻳﻤﻌﻮﺩﻩ
ﺳﻨﺎ .. ﻻ ﺣﺒﻴﺒﻲ ﺧﺎﻑ ﻳﺠﻮﻧﻪ ﺧﻄﺎﺭ ﺷﻠﻮﻥ ﺍﻃﻠﻌﻠﻬﻢ ﻧﺎﻳﻤﻪ .. ﻛﻮﻡ ﺗﺮﻩ ﺟﻌﺖ
ﺍﻳﻬﺎﺏ .. ﺍﺑﻮﻋﻠﻬﺎ ﻭﻓﺎﺗﺢ ﻋﻴﻦ ﻭﺣﺪﻩ ﻭﺍﺣﻚ ﺑﺸﻌﺮﻱ .. ﻓﺪﻳﺖ ﺍﻡ ﻛﺮﺵ ﺑﺲ ﺗﺎﻛﻞ
ﺳﻨﺎ .. ﺍﻧﻮﻭﻭﻭﺏ ﺍﻧﻲ ﺑﺲ ﺍﻛﻞ ..
ﺍﻳﻬﺎﺏ .. ﺍﻣﻮﻭﻭﺕ ﻋﻠﻪ ﻛﺮﺷﺞ ﻭﺑﺴﺘﻬﺎ ﺍﺑﻄﻨﻬﺎ
ﺳﻨﺎ .. ﻫﻬﻬﻬﻬﻪ ﺣﺒﻴﺒﻲ .. ﻛﺎﻡ ﻫﻮﻩ .. ﻛﺎﻝ ﻣﺤﺪ ﺻﻌﺪ ﺭﻳﻮﻙ ﻛﺘﻠﻪ ﻟــ NO ـﺎ ..
ﺍﻳﻬﺎﺏ .. ﺧﻮﺵ ﻧﺰﻟﻲ ﺳﻮﻳﻠﻨﺎ ﺭﻳﻮﻙ ﺍﻧﻲ ﺩﺍﺧﻞ ﺍﺳﺒﺢ
ﺳﻨﺎ .. ﺍﻳﻬﺎﺏ ﺍﺳﺘﺤﻲ ﺍﻣﺪ ﺍﻳﺪﻱ ﻋﻠﺜﻼﺟﻪ ﻭﺍﻃﻠﻊ ..
ﺍﻳﻬﺎﺏ .. ﺍﻧﺰﻟﻲ ﺍﻧﻲ ﺍﺻﻴﺢ ﻟﻐﺪﻳﺮ ﺗﺴﺎﻋﺪﺝ
ﺳﻨﺎ .. ﻣﺎﺷﻲ .. ﻧﺰﻟﻨﺎ ﺣﻀﺮﺗﻠﻪ ﺍﻟﺤﻤﺎﻡ ﻭﺻﺎﺡ ﻋﻠﻪ ﻏﺪﻳﺮ ﺗﺴﺎﻋﺪﻧﻲ
ﺍﺟﺖ ﺗﻜﻮﻟﻲ ﺷﻨﻮ ﻣﺘﻌﺮﻓﻴﻦ ﺗﺴﻮﻳﻦ ﺭﻳﻮﻙ ﺍﻻ ﻧﺴﻮﻳﻠﺞ .. ﻛﺘﻠﻬﺎ ﻻ ﻏﺪﻳﺮ ﺷﺒﻴﺞ ﺑﺲ ﺍﺳﺘﺤﻲ .. ﻛﺎﻟﺖ ﻫﺎﺍﺍ ﻫﺎﺝ ﻃﻠﻌﻠﺘﻠﻲ ﺍﻟﻐﺮﺍﺽ ﻣﻦ ﺍﻟﺜﻼﺟﻪ ﻭﺧﻠﺘﻠﻴﺎﻫﻦ ﻋﻠﻜﺎﻭﻧﺘﺮ
ﻃﻠﻌﺖ ﺑﺲ ﺍﻟﺠﺒﻦ ﺳﻮﻳﺘﻪ ﻣﺴﻮﻳﺖ ﺑﻴﺾ ﻭﺧﻠﻴﺖ ﻋﺴﻞ ﻭﺯﻳﺘﻮﻥ ﻭﺟﺎﻱ ﻭﺻﻌﺪﺕ .. ﺩﺧﻞ ﻫﻮﻩ ﻛﺎﻝ ﻟﻴﺶ ﻣﻤﺴﻮﻳﻪ ﺑﻴﺾ ..
ﻛﺘﻠﻪ ﺣﺒﻴﺒﻲ ﺍﻟﺒﻴﺾ ﻣﻴﺼﻴﺮ ﻧﺎﻛﻠﻪ ﻗﺒﻞ ﻋﺸﺮﺓ ﺍﻳﺎﻡ ﻣﻦ ﺯﻭﺍﺟﻨﻪ .. ﺫﺍﻛﺮﻫﺎ ﺍﻟﺮﺳﻮﻝ ﻣﻮ ﺯﻳﻦ ﻋﻠﻴﻨﺎ .. ﻭﺍﻫﻠﻨﺎ ﻳﻜﻮﻟﻮﻥ ﺍﻟﻴﺎﻛﻠﻮﻥ ﺑﻴﺾ ﺑﺎﻳﺎﻡ ﻋﺮﺳﻬﻢ
ﻳﺒﻘﻮﻥ ﺍﻳﺎﻣﻬﻢ ﻛﻠﻬﺎ ﻋﺮﻙ ﻭﻧﻜﺮﻩ ﻭﺻﻴﺎﺡ .. ﺿﺤﻚ ﻛﺎﻝ ﺧﻮﺵ ﺗٲﺍﻣﻨﻴﻦ ﺑﻬﻠﺨﺮﺍﻓﺎﺕ .. ﻛﺘﻠﻪ ﺧﺮﺍﻓﻪ ﻣﻮ ﺧﺮﺍﻓﻪ ﻣﺨﺴﺮﺍﻧﻴﻦ ﺷﻲ ﻫﻬﻬﻬﻊ
ﻛﻌﺪﻧﺎ ﺗﺮﻛﻨﺎ ﻛﻤﻠﺖ ﻧﺰﻟﺖ ﺍﻟﺼﻴﻨﻴﻪ .. ﻏﺴﻠﺘﻬﺎ ﻭﺻﻌﺪﺕ ﻛﻌﺪﻧﺎ ﻧﺴﻮﻟﻒ ﻟﺸﻮﻱ ﺭﺣﻨﺎ ﻟﻠﻔﺮﺍﺵ ﻧﻤﻨﺎ
ﻛﻌﺪﻧﺎ ﺍﻟﻌﺼﺮ ﻧﺰﻟﻨﺎ ﺍﺟﻮ ﻫﻮﺍﻱ ﻧﺎﺱ ﺑﺎﺭﻛﻮﻟﻨﺎ .. ﻟﻠﻴﻞ ﻳﻠﻪ ﻓﻀﻮ
ﺗﻤﺪﺩﺕ ﻳﻤﻪ .. ﻛﺎﻝ ﺣﺒﻴﺒﻲ ﺑﺎﺟﺮ ﺭﺍﺡ ﺍﺩﺍﻭﻡ .. ﻛﺘﻠﻪ ﻣﻮ ﺑﻌﺪ ﻭﻛﺖ ﻣﻮ 10 ﺍﻳﺎﻡ ﺍﺟﺎﺯﻩ .. ﻛﺎﻝ ﻣﺎ ﺍﻛﺪﺭ ﻋﺪﻧﺎ ﻋﻘﺪ ﻭﻻﺯﻡ ﺍﺩﺍﻭﻡ
....
....
ﻛﺘﻠﻪ ﻣﺎﺷﻲ ﺧﻠﺼﻨﺎ ﻣﻦ ﻭﻛﺖ ﻭﻧﻤﻨﺎ .. ﻟﻠﺼﺒﺢ ﺩﻙ ﺍﻟﻤﻨﺒﻪ ﻣﺎﻟﺘﻪ ﻛﻌﺪ ﺭﺩﺕ ﺍﻛﻮﻡ ﻛﺎﻝ ﻣﻴﺤﺘﺎﺝ ﺣﺒﻴﺒﻲ ﺍﺭﺟﻌﻲ ﻧﺎﻣﻲ ..
ﺍﻧﻲ ﻫﻢ ﻣﺎ ﻛﻠﺖ ﺑﺎﻃﻞ ﺍﻟﻨﻌﺎﺱ ﻣﺎﻛﻞ ﻋﻴﻮﻧﻲ .. ﺭﺟﻌﺖ ﻧﻤﺖ ﻭﺍﺳﻤﻌﻪ ﻳﺒﺪﻝ .. ﻛﻤﻞ ﺩﻧﻚ ﺑﺎﺱ ﺭﺍﺳﻲ ﻓﺘﺤﺖ ﻧﺺ ﻋﻴﻦ ﻛﺘﻠﻪ ﻫﺎ ﺣﺒﻴﺒﻲ ﺧﻞ ﺍﻛﻮﻡ ﺍﺳﻮﻳﻠﻚ ﺭﻳﻮﻙ
ﻛﺎﻝ ﻛﻤﻠﻲ ﻧﻮﻣﺞ ﺣﺒﻴﺒﻲ ﻣﻴﺤﺘﺎﺝ ﻋﻮﺩ ﺍﻧﻲ ﺍﻛﻞ ﺑﺮﻩ ﺑﻮﺳﻨﻲ ﺑﺨﺪﻱ ﻛﺘﻠﻪ ﻣﺤﺮﻭﺱ ﺣﺒﻴﺒﻲ ﺍﻟﻠﻪ ﻳﺤﻔﻈﻚ ..
ﻃﻠﻊ .. ﻭﺭﺟﻌﺖ ﺧﻠﻴﺖ ﺍﻳﺪﻱ ﻋﻠﻪ ﻭﺟﻬﻲ ﻭﻧﻤﺖ .. ﺷﻔﺘﻪ ﻣﺮ ﻣﻦ ﻳﻤﻲ ﻭﺣﺬﺍﺋﻪ ﻳﻄﻜﻄﻚ ﺑﺎﻟﻐﺮﻓﻪ ﻛﺘﻠﻪ ﻫﺎ ﺣﺒﻴﺒﻲ ﺭﺟﻌﺖ ﻭﺍﻧﻲ ﻏﺎﻓﻴﻪ
ﺳﻤﻌﺘﻪ ﻓﺘﺢ ﺍﻟﻜﻨﺘﻮﺭ ﺑﺲ ﻣﺎ ﺭﺩ .. ﻛﺘﻠﻪ ﻫﺎ ﺣﺒﻲ ﻧﺴﻴﺖ ﺷﻲ .. ﺷﻠﺖ ﺭﺍﺳﻲ .. ﺑﺎﻭﻋﺖ ﻣﺎﻛﻮ ﺍﺣﺪ ﺑﺎﻟﻐﺮﻓﻪ
ﻓﺘﺤﺖ ﻋﻴﻮﻧﻲ ﻋﻠﻪ ﺣﻴﻠﻬﻦ .. ﺍﺳﺘﻐﻔﺮ ﺍﻟﻠﻪ ﺭﺑﻲ ﻫﺬﺍ ﻭﻳﻨﻪ .. ﺍﺑﺎﻭﻉ ﺍﻟﺒﺎﺏ ﻣﻘﻔﻮﻝ .. ﺍﻧﻲ ﻣﺎ ﺳﻤﻌﺖ ﺍﻟﺒﺎﺏ ﺍﻧﻔﺘﺢ .. ﻣﻨﻮ ﻟﻌﺪ ﻫﺬﺍ ﺍﻟﻤﺮ ﻣﻦ ﻳﻤﻲ
ﻳﺎﺭﺑﻲ ﺷﻨﻮ ﺍﺗﺨﻴﻞ .. ﻻ ﻣﺴﺘﺤﻴﻞ ﺻﻮﺕ ﻣﺸﻲ ﻭﺍﺣﺪ ﻓﺘﺢ ﺍﻟﻜﻨﺘﻮﺭ ﻣﻨﻮ ﻩ̷̷َـَْـُﺬﺁ ﻟﻌﺪ ﺧﺎﻑ ﻫﺬﺍ ﺍﻳﻬﺎﺏ ﻭﻃﻠﻊ ﺑﺴﺮﻋﻪ
ﺍﺧﺬﺕ ﺍﻟﻤﻮﺑﺎﻳﻞ ﻭﺧﺎﺑﺮﺕ ﺍﻳﻬﺎﺏ .. ﻛﺘﻠﻪ ﻫﺎ ﺣﺒﻴﺒﻲ ﺷﻨﻮ ﺭﺟﻌﺖ .. ﻛﺎﻝ ﺷﻨﻮ ﺭﺟﻌﺖ .. ﻛﺘﻠﻪ ﻭﻳﻦ ﺍﻧﺘﻪ ﻣﻮ ﺭﺟﻌﺖ ﻟﻠﺒﻴﺖ ﻫﺴﻪ .. ﺿﺤﻚ ﻛﺎﻝ ﻟﺞ ﺍﻧﺘﻲ ﺑﺲ ﻻ ﻧﺎﻳﻤﻪ ﻭﺗﺘﺤﻠﻤﻴﻦ ﻭﺧﺎﺑﺮﺗﻴﻨﻲ ﺣﺒﻴﺒﻲ ﺍﻧﻲ ﻭﺻﻠﺖ ﺍﻟﺸﺮﻛﻪ
ﺻﻔﻨﺖ ﻟﻌﺪ ﻣﻨﻮ ﻫﺬﺍ ﺍﻟﻤﺮ ﻣﺘٲﻛﺪﻩ ﺷﻔﺖ ﺷﻲ ﺍﺳﻮﺩ ﻣﺮ ﻣﻦ ﻳﻤﻲ ﻋﺒﺎﻟﻲ ﻫﻮﻩ ﺑﻨﻄﺮﻭﻧﻪ ﺍﺳﻮﺩ ..
ﺍﻭﻭﻭﻑ ﻳﻤﻜﻦ ﺩﺍ ﺍﺗﺨﻴﻞ .. ﻗﺮﻳﺖ ﺍﻟﻤﻌﻮﺫﺍﺕ ﻭﺭﺟﻌﺖ ﻧﻤﺖ .. ﻏﺎﻓﻴﻪ ﻟﺸﻮﻱ ﺣﺴﻴﺖ ﺍﺣﺪ ﻭﺍﻛﻒ ﻳﻤﻲ ﻓﻮﻙ ﺭﺍﺳﻲ ..
ﻓﺘﺤﺖ ﻋﻴﻨﻲ ﻭﺍﻟﻜﻪ ﻭﺍﺣﺪ ﺍﺳﻮ ﻃﻮﻳﻞ ﻳﺨﻮﻑ ﻭﺍﻛﻒ ﻓﺰﻳﺖ ﺑﺴﺮﻋﻪ ﺍﺑﺎﻭﻉ ﻣﺎﻛﻮ .. ﺍﺧﺘﻔﻪ ﺧﻠﻴﺖ ﺍﻳﺪﻱ ﻋﻠﻪ ﻛﻠﺒﻲ .. ﺍﺳﻢ ﺍﻟﻠﻪ .. ﺳﻼﻡ ﻗﻮﻻ ﻣﻦ ﺭﺏً ﺭﺣﻴﻢ
ﺩﺧﻴﻠﻚ ﺍﻟﻠﻬﻲ ﺷﻨﻮ ﻫﺎﻱ ﺩﺍ ﺍﺗﺨﻴﻞ ﻟﻮ ﺷﻨﻮ ﻣﺘٲﻛﺪﻩ ﺷﻔﺖ ﻭﺍﺣﺪ ﻳﺨﻮﻑ ﻣﻨﻮ ﻫﺬﺍ .. ﺍﺳﻤﻠﻠﻪ ﺭﺑﻲ ﺷﻜﻠﻪ ﻳﺨﻮﻑ ..
ﻛﻤﺖ ﺑﺴﺮﻋﻪ ﻓﺘﺤﺖ ﺍﻟﺘﻠﻔﺰﻳﻮﻥ ﻃﻠﻌﺖ ﻗﺮﺍﻥ ﻭﻛﻌﺪﺕ ﻛﻠﺒﻲ ﻣﺎﻛﻠﻪ ﺍﻟﺨﻮﻑ ﻣﻦ ﺍﻟﺸﻔﺘﻪ ﻣﻌﻘﻮﻟﻪ ﺣﻘﻴﻘﻪ ﻟﻮ ﺍﺗﺤﻠﻢ ..
ﻫﺰﻳﺖ ﺭﺍﺳﻲ .. ﺍﺳﺘﻐﻔﺮ ﺍﻟﻠﻪ ﻫﺎﻱ ﺍﻧﻲ ﺍﺗﺨﻴﻞ ﺍﻛﻮﻡ ﺍﺳﺒﺢ ﻻ ﻳﺠﻮﻥ ﻧﺎﺱ ﻭﺍﻧﻲ ﻛﺎﻋﺪﻩ .. ﻛﻤﺖ ﺳﺒﺤﺖ ﻭﻧﺰﻟﺖ ..
ﺍﺟﺖ ﺧﻮﺍﺗﻪ ﻭﻧﺴﻮﺍﻥ ﺍﺧﻮﺗﻪ ﻻﻥ ﺑﺎﺟﺮ ﺍﻟﺴﺒﻌﻪ ﻳﺘﺤﻀﺮﻭﻥ .. ﺍﺧﺬﺗﻨﻲ ﺍﺧﺘﻪ ﺍﻟﺠﺒﻴﺮﻩ .. ﺧﻄﻴﻪ ﺣﺒﺎﺑﻪ ﻣﻦ ﺩﻭﻧﻬﻢ ﺗﺤﺠﻲ ﻭﻳﺎﻳﻪ ﻭﺗﻀﺤﻚ ﻭﺗﺴﻮﻟﻒ
ﺍﻻ ﺍﻟﺒﺎﻗﻴﻦ ﺗﻜﻮﻝ ﻋﺪﻭﺗﻬﻢ .. ﺣﺘﻪ ﻏﺪﻳﺮ ﻋﺸﺘﻮ ﻋﻮﺩ ﺻﺪﻳﻘﺘﻲ .. ﻛﺎﻟﺘﻠﻲ ﺍﺧﺘﻪ ﻻﺯﻡ ﻧﺮﻭﺡ ﻟﻠﺴﻮﻙ ﻧﺸﺘﺮﻱ ﻓﺴﺎﺗﻴﻦ ﺍﻟﺴﺒﻌﻪ ..
ﻛﺘﻠﻬﺎ ﻣﺎﺷﻲ ﺑﺲ ﺧﻞ ﺍﺧﺎﺑﺮ ﺍﻳﻬﺎﺏ ﺍﻧﻄﻴﻪ ﺧﺒﺮ .. ﺧﺎﺑﺮﺗﻪ .. ﻛﺎﻝ ﺭﻭﺣﻲ ﺣﺒﻴﺒﻲ .. ﺍﻧﻲ ﺳﺎﻋﺘﻴﻦ ﻭﺍﺟﻲ .. ﻛﺘﻠﻪ ﻣﺎﺷﻲ
ﺭﺣﺖ ﻟﻠﺴﻮﻙ ﻭﻳﻪ ﺍﺧﺘﻪ ﻭﻏﺪﻳﺮ ﻭﻳﺎﻧﻪ ﺍﺷﺘﺮﻳﺖ 5 ﻓﺴﺎﺗﻴﻦ .. ﻭﺍﺷﺘﺮﻳﻨﺎ ﺷﻨﻮ ﻧﺤﺘﺎﺝ ﻭﻏﺪﻳﺮ ﻫﻢ ﺍﺧﺬﺕ ﻓﺴﺘﺎﻥ .. ﻭﺍﺷﺘﺮﺕ ﻛﻮﻟﺸﻲ ﻭﺗﻜﻮﻟﻲ ﻫﺎﻱ ﺍﻳﻬﺎﺏ ﺍﻧﻄﺎﻧﻲ ﺍﻟﻔﻠﻮﺱ
ﻛﺘﻠﻬﺎ ﺑﺎﻟﻌﺎﻓﻴﻪ ﺣﺒﻴﺒﺘﻲ ﺗﺼﺮﻓﻴﻬﻦ ﺑﺎﻟﻬﻨﺎ .. ﺍﻋﺮﻓﻬﺎ ﻛﺎﻣﺖ ﺗﻐﻮﺭﻧﻲ ﻣﺪﺭﻱ ﺷﺒﻴﻬﺎ ﺍﻧﻜﻠﺒﺖ ﻋﻠﻴﻪ .. ﺍﻭﻭﻭﻑ ﺭﺑﻲ ﻫﻨﺎﻙ ﻣﺮﺕ ﻣﺴﻠﻢ ﻭﻫﻨﺎ ﻏﺪﻳﺮ ﺷﻠﻮﻥ ﻳﺮﺑﻲ ﻣﺘﺨﻠﺺ
....
....
ﺭﺟﻌﻨﺎ .. ﺑﻌﺪﻩ ﺍﻳﻬﺎﺏ ﻣﺠﺎﻱ .. ﻛﻌﺪﺕ ﻭﻳﺎﻫﻢ ﻧﺴﻮﻟﻒ ﻭﻧﺤﻀﺮ ﺍﻟﺒﺎﺟﺮ .. ﻛﺎﻋﺪﻩ ﻋﻠﻪ ﺟﺎﻧﺐ ﻟﺘﺨﻢ ﻭﺿﻬﺮﻱ ﻟﻠﺒﺎﺏ
ﻣﺎ ﺍﺣﺲ ﺍﻻ ﻭﺍﺣﺪ ﻳﻮﺧﺮ ﺷﻌﺮﻱ ﻭﻳﺒﻮﺳﻨﻲ ﻣﻦ ﺭﻛﺒﺘﻲ ﻣﻦ ﻭﺭﻩ ﺩﺭﺕ ﻭﺟﻬﻲ .. ﺍﻳﻬﺎﺏ .. ﻛﺘﻠﻪ ﺷﺒﻴﻚ ﺍﻳﻬﺎﺏ … ﻋﻴﻴﻴﻴﺐ ..
ﺍﻣﻪ ﺑﻘﺖ ﺗﺼﻴﺢ ﺍﻫﻤﺪﺍﻙ ﻳﻠﻌﺎﺭ ﻳﺎ ﻣﺎﺗﺴﺘﺤﻲ ﻣﺎ ﺗﻜﻮﻝ ﻛﺎﻋﺪﻳﻦ ﺍﺣﺘﺮﺍﻡ .. ﻣﺎﺑﻴﻚ ﺧﻴﺮ ﺍﺧﻮ ﻣﺮﻳﺘﻚ
ﻫﻮﻩ ﻭﻻ ﻳﻤﻪ .. ﻳﻜﻮﻟﻬﺎ ﻣﺮﺗﻲ ﺣﻼﻝ ﺍﺑﻜﻴﻔﻲ ﺷﻮﻛﺖ ﻣﻴﻌﺠﺒﻨﻲ ﺍﺧﺬ .. ﺍﻧﻲ ﺍﺑﺘﻌﺪﺕ ﻋﻨﻪ ﻻ ﺗﺼﻴﺮ ﻣﺸﻜﻠﻪ ﻛﺎﻣﺖ ﺍﻣﻪ ﺗﺘﻼﻏﻪ ﻭﻳﺎﻩ
ﻛﺎﻟﻬﺎ ﺍﻫﻮﻭﻭﻭﻭ ﺍﻧﺘﻲ ﻣﺎ ﺗﺨﻠﻴﻨﻲ ﺍﺗﻬﻨﻪ ﺍﺷﻮ ﺗﻌﺎﻟﻲ ﺣﺒﻴﺒﻲ ﺧﻞ ﺍﺧﺬ ﺭﺍﺣﺘﻲ ﺑﻴﺞ .. ﻭﺟﺮ ﺍﻳﺪﻱ ﻭﺻﻌﺪﻧﻲ ﻓﻮﻙ .. ﻛﺘﻠﻪ ﺍﻳﻬﺎﺏ ﻟﺘﺘﺼﺮﻑ ﻫﺸﻜﻞ ﺟﻮﻩ
ﻛﺎﻝ ﻣﻌﻠﻴﺞ ﺍﻧﻲ ﺍﺭﻳﺪﻫﺎ ﺗﺘﻌﻮﺩ ﻋﻠﻮﺿﻊ ﻭﻋﻠﻪ ﺣﺒﻨﺎ .. ﻛﺘﻠﻪ ﺍﻳﻬﺎﺏ ﻫﺸﻜﻞ ﺗﻜﻮﻡ ﺗﻜﺮﻫﻨﻲ ﻣﻮ ﺗﺘﻌﻮﺩ ﻋﻠﻴﻪ .. ﻛﺎﻋﺪ ﺍﺣﺠﻲ ﺧﻠﻪ ﺍﻳﺪﻩ ﻋﻠﻪ ﺣﻠﻜﻲ ﻭﻭﻭ 💏
ﻛﻤﻠﻨﺎ .. ﻛﻌﺪ ﻋﺪﻝ ﻧﻔﺴﻪ ﻭﺗﻤﺪﺩ ﻋﻠﺴﺮﻳﺮ ﺳﻮﻟﻔﺘﻠﻪ ﻋﻠﻪ ﻫﺬﺍ ﺍﻻﺳﻮﺩ ﺍﻟﺸﻔﺘﻪ ﺍﻟﻴﻮﻡ ﺍﻟﺼﺒﺢ .. ﺿﻞ ﻳﻀﺤﻚ ﻛﺎﻝ ﺣﺒﻴﺒﻲ ﺗﺘﺨﻴﻠﻦ
ﺷﺒﻴﺞ ﺣﺒﻴﺒﻲ ﺗﻠﻜﻴﻦ ﻓﻠﻢ ﺭﻋﺐ ﺑﺎﻗﻲ ﺍﺑﺎﻟﺞ .. ﻛﺘﻠﻪ ﺍﻳﻬﺎﺏ ﻣـ ℳO ــﻮ ﻗﺼﺔ ﻓﻠﻢ ﺭﻋﺐ ﺑﺲ ﺍﻧﻲ ﻛﻌﺪﺕ ﻋﻠﻪ ﺻﻮﺕ ﺧﻄﻮﺍﺕ ﺣﺴﻴﺖ ﺷﻲ ﺧﻄﻒ ﻣﻨﻲ
ﻭﺑﻌﺪﻳﻦ ﺍﻧﻔﺘﺢ ﺍﻟﻜﻨﺘﻮﺭ .. ﻓﺘﺤﺖ ﻋﻴﻨﻲ ﻣﺎﻟﻜﻴﺖ ﺷﻲ .. ﻛﺎﻝ ﺣﺒﻴﺒﻲ ﺗﺘﺨﻴﻠﻦ ﻻﻥ ﺍﻟﺒﻴﺖ ﻏﺮﻳﺐ ﻋﻠﻴﺞ ﺑﻌﺪﺝ ﺟﺪﻳﺪﻩ .. ﺳﻜﺘﺖ ﺍﻋﺮﻑ ﻣﺮﺍﺡ ﻳﺼﺪﻛﻨﻲ ﻟﻮ ﺷﻤﺎ ﺣﺠﻴﺖ
ﻣﺮ ﺍﻟﻴﻮﻡ ﻋﻠﻪ ﺧﻴﺮ .. ﺻﺎﺭ ﻳﻮﻡ ﺍﻟﺴﺒﻌﻪ .. ﻣﻜﻴﺠﺖ ﺑﺎﻟﺒﻴﺖ ﻭﺷﺴﻮﺭﺕ ﺷﻌﺮﻱ .. ﻭﻟﺒﺴﺖ ﻭﻧﺰﻟﺖ ﺍﻟﺪﻧﻴﺎ ﻣﻜﻠﻮﺑﻪ ﻛﻠﻬﺎ ﺟﺎﻳﻪ ﻟﺸﻮﻱ ﺍﻫﻠﻲ ﺍﺟﻮﻱ
ﺑﺎﺭﻛﻮﻟﻲ ﻭﺳﻠﻤﻮ ﻋﻠﻴﻪ .. ﻭﺟﺎﻳﺒﻠﻲ ﺍﻟﻬﺪﺍﻳﻪ .. ﺍﻣﻲ ﺟﺎﻳﺒﺘﻠﻲ ﻋﻘﺪ ﺫﻫﺐ .. ﻭﻣﺴﻠﻢ .. ﺩﺍﺯ ﺍﺑﻴﺪ ﻣﺮﺗﻪ ﻭﺭﻗﻪ .. ﻭﺭﺑﻰ ﺟﺎﻳﺒﺘﻠﻲ ﺛﻼﺟﻪ ﻭﺳﻂ ﺧﻄﻴﻪ
ﻭﺑﺎﻗﻲ ﺍﻟﻬﺪﺍﻳﺎ ﻣﻦ ﺍﻻﻗﺎﺭﺏ ﺑﻄﺎﻃﻴﻦ ﻭﺩﻳﺒﺎﺟﺎﺕ ﻭﺻﻮﺭ ﻭﻟﻮﺍﺣﺎﺕ .. ﻛﻤﻠﻨﺎ ﺍﻟﺤﻔﻠﻪ ﻭﺟﺎﻧﺖ ﻛﻮﻟﺶ ﺣﻠﻮﻩ
ﻭﺍﻳﻬﺎﺏ ﺍﺑﺪ ﻣﻴﻤﻞ ﻛﻞ ﺷﻮﻱ ﺗﻌﺎﻱ ﺍﺭﻳﺪﺝ 😑 ﻣﻮ ﻋﺮﺱ ﻃﻴﺤﺎﻥ ﺣﻆ ﺗﻌﺒﺖ 😢 ﺷﻨﻮ ﻣﻴﻤﻞ ..😣
ﺧﻠﺼﺖ 7 ﺍﻳﺎﻡ .. ﺛﺎﻧﻲ ﻳﻮﻡ ﻧﺰﻟﺖ ﺍﻟﺼﺒﺢ ﻛﺎﻟﺖ ﺍﻣﻪ ﻫﺎﻱ ﻳﺎ ﻋﺮﻭﺱ ﺑﻌﺪ ﺑﻴﺞ ﻧﻮﻣﻪ ﻟﻮ ﺧﻠﺺ ﺷﻮﻛﺖ ﺗﻜﻮﻣﻴﻦ ﺗﻨﻀﻔﻴﻦ ﺷﻨﻮ ﻧﺸﺘﻐﻞ ﻋﺪ ﺣﻀﺮﺗﺞ ﺧﺪﻡ
ﻛﺘﻠﻬﺎ ﻣﺎﻣﺎ ﻣﺎ ﻋﻨﺪﻱ ﺍﺷﻜﺎﻝ ﻫﺴﻪ ﺍﻛﻮﻡ ﺍﻧﻀﻒ .. ﻛﺎﻟﺖ ﻧﻀﻔﻲ ﺍﻟﺒﻴﺖ ﻛﻠﻪ ﻭﺳﻮﻭﻱ ﻏﺪﺍ ﺧﻞ ﻧﺸﻮﻑ ﺍﻛﻠﺞ ﺷﻠﻮﻧﻪ
ﻧﻀﻔﺖ ﺍﻟﺒﻴﺖ ﻛﻠﻪ ﻭﺗﻮﺟﻬﺖ ﻟﻠﻐﺪﻩ ﻃﻠﻌﺖ ﺟﺮﻳﺶ ﻭﻟﻔﻴﺖ ﻛﺒﻪ .. ﺳﻮﻳﺖ ﻣﺮﻛﺔ ﻛﺒﺔ ﺟﺮﻳﺶ ﻭﺗﻤﻦ ﻭﺷﻌﺮﻳﻪ .. ﻭﺍﻣﻪ ﻭﺍﻛﻔﻪ ﻋﻠﻪ ﺭﺍﺳﻲ ﺍﺑﺪ ﻣﺮﺍﺣﺖ ﻣﻨﻲ
ﺿﺎﻳﻘﺘﻨﻲ .. ﺍﺭﻳﺪ ﺍﻟﻒ ﺑﺮﺍﺣﺘﻲ ﺗﻌﻴﺐ ﻭﺗﺘﻤﻀﺤﻚ ﻭﻳﻪ ﻏﺪﻳﺮ .. ﺗﻜﻮﻟﻲ ﺍﻟﻜﺒﻪ ﻣﺎﻟﺘﺞ ﺗﺴﻮﻳﻬﺎ ﺛﺨﻴﻨﻪ ﻣﻮ ﺧﻔﻴﻔﻪ
ﺍﺑﺪ ﻣﺮﺩﻳﺖ ﻋﻠﻴﻬﺎ .. ﻛﻤﻠﺖ ﺍﻻﻛﻞ ﺟﺎﻥ ﺗﺎﺧﺬ ﺍﻟﺠﺪﻭﺭﻩ ﻭﺗﺮﻭﺡ ﻟﻠﺼﺎﻟﻪ .. ﻋﻔﺘﻬﺎ ﻳﺎ ﺍﻟﻠﻪ ﺷﺴﻮﻱ ﻭﻳﺎﻫﺎ ﺍﺧﺬﺕ ﺍﻟﺼﻴﻨﻴﻪ ﻭﺍﻟﻤﻮﺍﻋﻴﻦ ﻭﻛﻌﺪﺕ
ﺟﺎﻥ ﺗﻜﻮﻟﻲ ﺑﺎﻋﻲ ﻟﺞ ﻋﻼﻛﻞ ﻣﻤﻨﻮﻉ ﺗﻜﻌﺪﻳﻦ ﻭﺗﻜﺎﺑﻠﻴﻦ ﺍﺗﺨﺒﻞ ﺍﺷﻮﻑ ﻭﺟﻬﺞ ﺍﻟﻨﻜﺲ ﻛﺒﺎﻟﻲ .. ﺍﺧﺘﻨﻜﺖ ﻣﻦ ﻛﺎﻟﺖ ﻫﻴﺞ ..
ﻛﻤﺖ ﻣﻦ ﺍﻻﻛﻞ ﺭﺣﺖ ﺍﻟﻐﺮﻓﺘﻲ ﺍﺑﺠﻲ .. ﺑﻬﻼﺛﻨﺎﺀ ﺧﺎﺑﺮ ﺍﻳﻬﺎﺏ ﻛﺎﻝ ﺣﺒﻴﺒﻲ ﺭﺍﺡ ﺍﺗٲﺧﺮ ﺑﺎﻟﺠﻴﻪ ﺷﻮﻱ ﻣﺎﺷﻲ ﻛﺘﻠﻪ ﺑﺮﺍﺣﺘﻚ ﺣﺒﻴﺒﻲ
ﻛﺎﻝ ﺷﺒﻴﻪ ﺻﻮﺗﺞ .. ﻛﺘﻠﻪ ﻣﺎﺑﻴﻪ ﺷﻲ ﻻﻥ ﺷﺘﻐﻠﺖ ﺷﻮﻱ ﺗﻌﺒﺎﻧﻪ .. ﻛﺎﻝ ﺳﻮﺩﻩ ﻋﻠﻴﻪ ﺣﺒﻴﺒﻲ ﻻ ﺍﺗﻌﺒﻴﻦ ﻧﻔﺴﺞ ﺍﻧﻌﻞ ﺍﺑﻮ ﺍﻟﺸﻐﻞ ﻛﺘﻠﻪ ﻻ ﺑﺎﻟﻌﻜﺲ ﺍﻧﺸﻐﻞ ﺑﻴﻪ ﺿﻮﺟﻪ
ﺑﻘﻴﺖ ﺑﻐﺮﻓﺘﻲ .. ﻟﺸﻮﻱ ﻧﺰﻟﺖ ﻟﻜﻴﺖ ﺷﺎﻣﺮﻳﻦ ﺍﻟﻤﻮﺍﻋﻴﻦ ﻋﻠﺴﻨﻚ .. ﻏﺴﻠﺘﻬﻦ .. ﺭﺩﺕ ﺍﻣﺪ ﺍﻳﺪﻱ ﻋﻠﺜﻼﺟﻪ ﺍﻃﻠﻌﻠﻲ ﺷﻲ ﻣﺘﺖ ﻣﻦ ﺍﻟﺠﻮﻉ
ﺍﺑﺎﻭﻉ ﺍﻟﺜﻼﺟﻪ ﺑﻴﻬﺎ ﻗﻔﻞ .. ﻳﺎﺍﺍﺍﺍ ﺑﻠﻠﻪ ﺍﻛﻮ ﺛﻼﺟﻪ ﺗﻨﻘﻔﻞ .. ﻭﺍﻟﻠﻪ ﻋﺠﻴﺒﻪ … ﻋﻔﺖ ﻭﺻﻌﺪﺕ ﺳﺒﺤﺖ ﻭ ﻣﻜﻴﺠﺖ .. ﻭﻛﻌﺪﺕ ﺍﺗﺎﻧﻲ ﺍﻳﻬﺎﺏ ..
ﺻﺎﺭ ﺍﻟﻤﻐﺮﺏ ﺍﻧﻲ ﻣﺘﻮﺿﻴﻪ ﻛﻤﺖ ﺻﻠﻴﺖ ﺩﺍ ﺍﺻﻠﻲ ﻭﺭﺍﻓﻌﻪ ﺍﻳﺪﻱ ﺑﺎﻟﻘﻨﻮﺕ ﺩﺧﻞ ﺍﻳﻬﺎﺏ ..
ﻛﺎﻝ ﻳﻤﻪ ﺷﻬﻠﻜﻤﺮ ﺍﻟﻴﺼﻠﻲ ﺍﻭﻭﻭﻑ ﺷﻜﺪ ﻣﺸﺘﺎﻗﻠﻚ .. ﻭﻳﺒﻮﺱ ﺑﻮﺟﻬﻲ ﻭﺍﻧﻲ ﺍﺻﻠﻲ ﻭﺍﻧﻲ ﺍﻭﺧﺮ ﺑﻴﻪ ﻫﻬﻬﻬﻪ ﺧﺒﻞ
ﻛﻤﻠﺖ ﻛﺎﻝ ﺍﺗﻘﺒﻞ ﺍﻟﻠﻪ .. ﻛﺘﻠﻪ ﺍﻱ ﻻ ﻫﻮﺍﻳﻪ ﺍﺗﻘﺒﻠﻬﺎ ﺑﺎﻟﺒﻮﺱ ﻣﺎﻟﺘﻚ ﺑﻠﻠﻪ ﻣﻮ ﺣﺮﺍﻡ .. ﻛﺎﻝ ﺷﻤﺴﻮﻱ ﻛﻔﺮﺕ ﺑﺲ ﺑﺴﺖ ﺣﺒﻴﺒﻲ ...😝 ﻳﺘﺒﻊ
🌺🌺🌺🌺
ﻣﺘﺎﺑﻌﻪ ﻣﻤﺘﻌﻪ ﺍﺗﻤﻨﺎﻫﺎ ﺍﻟﻜﻢ ﺣﺒﺎﻳﺒﻲ
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء