رواية الإنكسار الجزء الثاني عشر

... 

رواية الإنكسار الجزء الثاني عشر 

للكاتبة ❤️شمس ❤️

.... 

ﻻﺯﺍﻝٙ ﻋﻄﺮﻙٙ ﻋﺎﻟﻘﺎً ﺑﻲ .. ﻭﻛﺄﻧﻪ ﻳﻌﻠﻦُ ﻟﻠﺠﻤﻴﻊ ﺑﻜﻞ ﻏﺮﻭﺭ ﻭﺛﻘﺔ ﺑﺄﻧﻲ ﻟﻚٙ ﻭﺣﺪﻙ ﻓﻘﻂ ..⁩️❤⁦ # ﺷﻤﺲ

ﮔﻌﺪﺕ ﻣﻦ ﺍﻟﺼﺒﺢ ﻭﻛﻮﻟﻲ ﻧﺸﺎﻁ .. ﺍﺗﺒﺎﻭﻋﺖ ﻟﮕﻴﺖ ﺳﻤﺮﺍ ﻣﺎﻛﻮ ﻳﻤﻲ .. ﻭﺷﻔﺖ ﻧﻮﻧﻪ ﻫﻢ ﻣﺎﻛﻮ ..

ﺍﺧﺬﺕ ﻣﻼﺑﺴﻲ ﻭﺩﺧﻠﺖ ﻟﻠﺤﻤﺎﻡ ..

ﺳﻤﺮﺍ .. ﮔﻌﺪﺕ ﻣﻦ ﺍﻟﺼﺒﺢ .. ﺣﻈﺮﺕ ﺍﻟﺮﻳﻮﻙ ﻧﻮﻧﻪ ﮔﻌﺪﺕ ﺳﻠﮕﺘﻠﻬﺎ ﺑﻴﻀﻪ ﻭﻧﻄﻴﺘﻬﺎ ﺣﻠﻴﺐ ﺑﺎﻟﮕﻼﺹ . ﻭﺑﺪﻟﺘﻠﻬﺎ ﻭﺧﻠﻴﺘﻬﺎ ﺑﻜﺮﺳﻴﻬﺎ ..

ﺩﺧﻠﺖ ﺳﺒﺤﺖ ﻭﻃﻠﻌﺖ ﺑﺴﺮﻋﻪ ﻟﺒﺴﺖ ﺩﺷﺪﺍﺷﻪ ﺭﺑﻊ ﺭﺩﻥ ﻭﻗﺼﻴﺮﻩ ﻭﺷﻠﺖ ﺷﻌﺮﻱ .. # ﺷﻤﺲ

ﺣﺴﻴﺖ ﺑﺄﻣﻴﺮ ﮔﻌﺪ .. ﺍﻭﻭﻭﻑ ﺷﻠﻮﻥ ﺣﺘﺒﺎﻭﻉ ﺑﻮﺟﻬﻪ ﺑﻌﺪ ﺍﻟﻲ ﺻﺎﺭ ﺍﻟﺒﺎﺭﺣﻪ ﺍﺳﺘﺤﻴﺖ ..

ﺳﻮﻳﺖ ﻧﻔﺴﻲ ﺩﺍ ﺍﺟﻬﺰ ﺑﺎﻟﺮﻳﻮﮒ ﺷﻮﻳﻪ ﺍﺟﻪ ﺣﻈﻨﻲ ﻣﻦ ﻭﺭﻯ ﻭﺳﺤﺐ ﺍﻟﻘﺮﺍﺻﻪ ﻭﻧﺰﻝ ﺷﻌﺮﻱ ﻭﺍﺧﺬﻩ ﻉ ﺟﻬﻪ ﻭﺑﺎﺳﻨﻲ ﺑﺮﮔﺒﺘﻲ ﺻﺒﺎﺡ ﺍﻟﺨﻴﺮ ﺣﺒﻴﺒﺘﻲ ..

ﺍﻧﻲ ﺫﺑﺖ ﺑﻴﻦ ﺍﻳﺪﻳﻬﺎ .. ﮔﻮﺗﻠﻪ ﺍﻣﻴﺮ ﺍﻧﻲ ﺑﺤﻠﻢ ﻟﻮ ﺑﺤﻘﻴﻘﻪ ..

ﺍﻣﻴﺮ .. ﺩﺭﺕ ﻭﺟﻬﻬﺎ ﺍﻟﻲ ﻭﮔﻠﺘﻠﻬﺎ ﻣﺪﺍﻡ ﺍﻧﺘﻲ ﺍﻟﻲ ﻭﺗﺤﺒﻨﻲ ﺍﺧﻠﻲ ﺣﻴﺎﺗﻨﺎ ﻛﻮﻟﻬﺎ ﺍﺣﻼﻡ .. # ﺷﻤﺲ

ﻧﻮﻧﻪ ﮔﺎﻣﺖ ﺗﻌﻴﻂ ﻋﻠﻴﻨﺎ .. ﺣﺘﻰ ﻧﻨﺘﺒﻪ ﺍﻟﻬﺎ .. ﺍﺟﻪ ﺍﻣﻴﺮ ﺷﺎﻟﻬﻪ ﻭﺑﺎﺳﻬﺎ .. ﺗﻌﺎﻟﻲ ﻳﺎﻭﺟﻪ ﺍﻟﺨﻴﺮ ﻉ ﺍﺑﻮﺝ . ﻭﺣﻈﻨﻬﺎ .. ﺍﺳﺘﻐﺮﺑﺖ ﺣﺴﺐ ﻣﺎﺳﻤﻌﺖ ﻫﺎﻣﻠﻬﺎ ﻭﻣﻴﺘﻘﺮﺑﻠﻬﺎ .. ﺍﺟﻴﺖ ﻳﻤﻬﻢ ﻭﮔﻮﺗﻠﻪ .. ﺍﻣﻴﺮ ﺍﺭﻳﺪﻙ ﺗﻨﻄﻲ ﺣﻨﺎﻧﻚ ﻛﻮﻟﻪ ﺍﻟﻨﻮﻧﻪ .. ﻣﺜﻞ ﺑﺎﺑﺎ ﻛﺎﻥ ﺍﻟﻲ ﻛﻮﻟﺸﻲ ..

ﺍﻣﻴﺮ .. ﺍﻥ ﺷﺎﺀ ﺍﻟﻠﻪ .. ﺑﺲ ﻋﻴﻮﻧﺞ ﺑﻴﻬﻦ ﻛﻼﻡ ﻃﻠﻌﻴﻬﻦ ﺳﻤﺮﺍ .. # ﺷﻤﺲ

ﺳﻤﺮﺍ .. ﺍﺭﻳﺪﻙ ﺗﻮﻋﺪﻧﻲ ﺍﻣﻴﺮ .. ﻻﺗﻜﺴﺮﻧﻲ ﺑﻴﻮﻡ ﻭﺗﺠﺮﺣﻨﻲ .. ﻻﻥ ﺍﻧﻲ ﻋﺸﺖ ﺍﻧﻜﺴﺎﺭﺍﺕ ﺑﺤﻴﺎﺗﻲ ﻣﻌﺎﻳﺸﺘﻬﺎ ﺍﻱ ﻭﺣﺪﻩ ﻏﻴﺮﻱ ..

ﺣﻈﻨﻲ ﻭﮔﻠﻲ . ﺻﺎﺭ ﻳﺎﻋﻤﺮﻱ .. # ﺷﻤﺲ

ﻋﺸﺖ ﺍﺣﻠﻰ ﺍﻳﺎﻡ ﻭﻱ ﺍﻣﻴﺮ .. ﺩﻻﻝ ﻭﺣﺐ .. ﻭﺣﺴﻴﺖ ﺍﻟﻠﻪ ﻋﻮﺿﻨﻲ .. ﺣﺘﻰ ﺍﻫﻠﻪ ﻣﻤﺼﺪﮔﻴﻦ ﺑﺘﻐﻴﺮﻩ .. ﺿﺤﻜﺘﻪ ﺣﻠﻮﻩ .. ﺍﺧﺬ ﺍﺟﺎﺯﻩ ﻛﻢ ﻳﻮﻡ ﻭﺭﺣﻨﺎ ﺗﻮﻧﺴﻨﺎ ﺑﻴﻬﺎ ﺑﺎﻟﺸﻤﺎﻝ .. ﻧﻮﻧﻪ ﺍﺗﻌﻮﺩﺕ ﻋﻠﻴﻨﺎ ..

ﺟﻬﺰ ﺍﻟﻐﺮﻓﻪ ﺍﻟﺜﺎﻧﻴﻪ ﺍﻟﻤﺎﻣﺎ ﻟﻮ ﺧﺎﻟﺘﻲ ﺍﻡ ﺍﺣﻤﺪ ﻳﺠﻮﻥ ﻳﺒﺎﺗﻮﻥ ﻳﻤﻲ ﺑﻴﻮﻡ ﺍﻣﻴﺮ ﺧﻔﺎﺭﻩ .. # ﺷﻤﺲ

ﺣﻴﺎﺗﻲ ﺣﻠﻮﻩ ﻭﺑﻮﺟﻮﺩ ﺍﻣﻴﺮ ﻭﺑﻨﺘﻲ ﺻﺎﺭﺕ ﺍﺣﻠﻰ ..

ﺍﻣﻴﺮ .. ﺭﺍﺡ ﺍﻟﻌﻤﺎﻣﻲ ﻭﻫﺪﺩﻫﻢ ﻳﻨﻄﻮﻧﻲ ﺣﻘﻲ ﻣﻦ ﺑﺎﺑﺎ . ﻭﻋﻤﺎﻣﻲ ﻳﺨﺎﻓﻮﻥ ﻣﻦ ﺍﻣﻴﺮ ﻻﻥ ﻣﻼﺯﻡ ﻭﺍﻟﻪ ﻣﻌﺎﺭﻑ ..

ﺳﻠﻤﻮﻧﻴﺎﻩ ﻣﻦ ﻏﻴﺮ ﻭﻻ ﻛﻠﻤﻪ ﻭﺍﻧﻲ ﻓﺮﺣﺎﻧﻪ .. ﻻﻥ ﺣﺴﻴﺖ ﺍﻟﻲ ﺳﻨﺪ ﻳﺨﺎﻑ ﻋﻠﻴﻪ ﻭﻳﺤﻤﻴﻨﻲ .. # ﺷﻤﺲ

ﻣﺮﺕ ﺍﺷﻬﺮ ﻭﺍﺣﻨﻪ ﺍﺳﻌﺪ ﻣﺎﻳﻜﻮﻥ .. ﻭﺍﻣﻴﺮ ﻭﻛﺢ ﻛﻮﻟﺶ ﻟﻠﻴﻞ ﻳﻮﺩﻱ ﺑﻨﺘﻪ ﺍﻻﻫﻠﻪ .. ﻭﻳﺠﻲ .. ﻭﺍﻟﺼﺒﺢ ﻳﺮﺟﻌﻬﺎ ..

ﺣﺘﻰ ﺍﺳﺘﺤﻲ ﻣﻨﻬﻢ ﺷﻨﻮ ﻳﮕﻮﻟﻮﻥ ﻋﻠﻴﻪ ..

ﺍﻋﻮﻑ ﺍﻟﻄﻔﻠﻪ ﻋﻨﺪﻫﻢ ﺣﺘﻰ ﺍﺗﻮﻧﺲ .. ﻭﻻﺯﻡ ﻛﻞ ﻟﻴﻠﻪ ﺳﻬﺮ ﻣﺎﻳﺸﺒﻊ . # ﺷﻤﺲ

ﻭﺍﻧﻲ ﻣﺨﺒﻠﺘﻪ ﺑﻠﺒﺴﻲ ﻭﺣﺮﻛﺎﺗﻲ ﻭﺳﻮﺍﻟﻔﻲ ﺧﻠﻴﺘﻪ ﻣﻴﺸﻮﻑ ﺩﺭﺑﻪ 😂😂 ﺣﺘﻰ ﮔﺎﻡ ﺑﺎﻟﻠﻴﻞ ﻳﻘﺸﻤﺮ ﺟﻤﺎﻋﺘﻪ ﺑﺎﻟﺪﻭﺍﻡ ﻭﻳﻔﻠﺖ ﻭﻳﺠﻴﻨﻲ .. ﺑﺤﺠﻪ ﺑﻨﺘﻲ ﻣﺮﻳﻀﻪ ﻟﻮ ﺍﻱ ﺣﺠﻪ .

ﻧﺴﻰ ﻛﻮﻟﺸﻲ ﺭﺍﺡ .. ﻭﺍﻧﻲ ﻫﻢ ﻧﺴﻴﺖ . ﺣﺘﻰ ﻣﺎﻣﺎ ﺗﻌﺘﺐ ﻋﻠﻴﻪ ﻭﺗﮕﻮﻟﻲ ﻧﺴﻴﺘﻴﻨﻲ ﻣﻦ ﺗﺰﻭﺟﺘﻲ .

ﻧﻮﻧﻪ ﻛﺒﺮﺕ .. ﻭﺳﻮﺍﻟﻔﻬﻪ ﺣﻠﻮﻩ .. ﻭﺍﻟﺴﺎﻧﻬﺎ ﺷﻄﻮﻟﻪ ﺻﺎﻳﺮ ﻭﻣﺘﻨﺎﻡ ﺍﻟﻪ ﺑﻨﺼﻨﻪ .. ﻭﺍﻣﻴﺮ ﻳﻐﺎﺭ ﻣﻨﻪ ﻭﻫﻲ ﺗﺪﻓﻊ ﺑﻲ ﻭﻣﺘﺨﻠﻲ ..

ﻭﻳﮕﻮﻟﻬﻪ ﺍﻧﺘﻲ ﻣﻮ ﻭﺟﻪ ﻧﻌﻤﻪ .. ﺍﻭﺩﻳﺞ ﺍﻟﺒﻴﺖ ﺟﺪﺝ ﺍﺣﺴﻦ ﻭﺧﻄﻴﻪ ﻫﻲ ﻣﺘﻘﺒﻞ ﺗﺮﻳﺪﻧﻲ ..

ﻭﺍﻧﻲ ﻫﻢ ﻣﺎﺍﻗﺒﻞ ﺑﻌﺪ ﻳﻮﺩﻳﻬﺎ .. ﻋﻴﺐ .. ﮔﻤﻨﺎ ﻧﺨﻠﻴﻬﺎ ﺗﻨﺎﻡ .. ﻳﺎﻟﻪ ﻧﮕﻌﺪ .. ﻭﻣﺮﺍﺕ ﻧﺮﻭﺡ ﺍﻟﺬﻳﺞ ﺍﻟﻐﺮﻓﻪ ﻣﻦ ﻭﺭﺍﻫﻪ ﻟﺘﮕﻌﺪ 😂

ﻃﺒﻌﺎ ﻛﻞ ﻫﺬﻱ ﺍﻟﻔﺘﺮﻩ ﻛﻨﺖ ﻣﻤﻔﻜﺮﻩ ﺑﺎﻟﻄﻔﻞ .. ﻭﻣﺮﺕ ﺳﺖ ﺍﺷﻬﺮ ﻉ ﺯﻭﺍﺟﻨﺎ .. ﺑﺲ ﺧﺎﻟﺘﻲ ﻭﻣﺎﻣﺎ ﺍﺻﺮﻭﺍ ﺍﺭﻭﺡ ﻟﻠﺪﻛﺘﻮﺭﻩ ﻭﺍﺳﻮﻱ ﻃﻔﻞ .. # ﺷﻤﺲ

ﻭﺧﻄﻴﻪ ﺍﻣﻴﺮ ﻣﺮﺩﺕ ﺍﻣﻴﺮ ﻳﻨﺤﺮﻡ ﺑﻌﺪ ﺍﻟﻲ ﻋﺎﺷﻪ .. ﺭﺣﺖ ﻭﻋﺎﻟﺠﺖ ﻧﻔﺴﻲ ﻃﻠﻊ ﻋﻨﺪﻱ ﺍﻟﺘﻬﺎﺑﺎﺕ .. ﻭﮔﻠﺘﻠﻲ ﺍﻟﺪﻛﺘﻮﺭﻩ ﻻﺯﻡ ﻣﻴﺘﻘﺮﺑﻠﺞ ﺯﻭﺟﺞ ﻋﺸﺮ ﺍﻳﺎﻡ .. ﻭﻧﻄﺘﻨﻲ ﻣﻨﺸﻄﺎﺕ ..

ﻫﻬﻬﻬﻬﻪ ﻟﻮ ﺗﺸﻮﻓﻮﻥ ﻭﺟﻪ ﺍﻣﻴﺮ ﻣﻦ ﮔﻮﺗﻠﻪ ﺍﻟﺪﻛﺘﻮﺭﻩ ﺗﮕﻮﻝ ﻣﻴﺼﻴﺮ ﺗﺘﻘﺮﺏ ..

ﺍﺗﻬﻢ ﺍﻟﺪﻛﺘﻮﺭﻩ ﻣﺘﻔﺘﻬﻢ .. ﻭﻣﻮ ﺧﻮﺵ ﺩﻛﺘﻮﺭﻩ .. ﻭﻻﺗﺴﻤﻌﻴﻦ ﻛﻼﻣﻬﺎ .. ﺗﺮﻳﺪ ﺗﻔﺮﻗﻨﺎ . ﻫﻬﻬﻬﻬﻪ ﺳﺎﻋﺎﺕ ﺍﺣﺴﻪ ﻃﻔﻠﻲ ﻣﻮ ﺯﻭﺟﻲ .. ﺭﻏﻢ ﻣﺎﻫﻮ ﺍﻛﺒﺮ ﻣﻨﻲ ﺑﻬﻮﺍﻱ ﺑﺲ ﺑﺤﻈﻨﻲ ﻳﻜﻮﻥ ﻃﻔﻞ ﺍﻟﻲ ﻣﺤﺘﺎﺝ ﺣﻨﺎﻥ ..

ﺑﻌﺪ ﻓﺘﺮﻩ ﻭﺍﻟﺪﻭﺍﻣﺎﺕ ﻗﺮﺑﺖ . ﻃﻠﺒﺖ ﻣﻦ ﺍﻣﻴﺮ . ﺍﺭﺟﻊ ﻟﻠﺪﺭﺍﺳﻪ ﻭﻫﻮ ﻻﻧﻪ ﻭﺍﺛﻖ ﺑﻴﻪ ﻭﺍﻓﻖ ﺑﺲ ﺷﺮﻁ ﺍﻧﺘﻘﻞ ﺍﻟﺠﺎﻣﻌﻪ ﻣﻴﻮﺳﻪ ﺣﺘﻰ ﻧﺮﻭﺡ ﻭﻧﺮﺟﻊ ﺳﻮﻳﻪ ﻭﺍﺗﺮﻙ ﻧﻮﻧﻪ ﻋﻨﺪ ﺍﻫﻠﻪ .. # ﺷﻤﺲ

ﻭﻓﻌﻼ ﻗﺪﻣﺖ ﺍﻭﺭﺍﻗﻲ .. ﻭﻫﻮ ﻋﻨﺪﻩ ﻭﺍﺳﻄﻪ ﻭﺭﺟﻌﻨﻲ ﻟﻠﺪﻭﺍﻡ ..

ﻭﻓﺮﺣﺖ ﻻﻥ ﺣﻜﻤﻞ ﻭﺍﺧﻴﺮﺍ ﺭﺍﺡ ﺍﺣﻘﻖ ﻃﻤﻮﺣﻲ ..

ﺑﺪﺕ ﺍﻟﺪﻭﺍﻣﺎﺕ .. ﻭﺍﻣﻴﺮ ﻳﺎﺧﺬﻧﺎ ﻳﻮﻡ ﻭﺍﺣﻤﺪ ﻳﻮﻡ .. ﻻﻥ ﻣﻴﺄﻣﻦ ﺑﻐﻴﺮ ﺷﺨﺺ .. ﺑﻌﺪﻩ ﺷﻜﺎﻙ ﺍﻭﻭﻭﻭﻑ

ﺭﺍﻓﺪ ﺍﺗﺨﺮﺝ ﻭﻋﻼﻗﺘﻪ ﺻﺎﺭﺕ ﻗﻮﻳﻪ ﻭﻱ ﻣﻴﻮﺳﻪ .. ﻭﺣﺒﻬﻢ ﺣﻠﻮ ﻭﻗﺮﺭ ﻳﺨﻄﺒﻬﺎ ..

ﻭﻓﻌﻼ ﺧﻄﺒﻬﺎ .. ﻭﺍﺭﺗﺎﺡ ﺍﻣﻴﺮ ﻻﻥ ﻛﺎﻥ ﻳﻐﺎﺭ ﻋﻠﻴﻪ ﻣﻦ ﺭﺍﻓﺪ ..

ﻭﺑﻴﻮﻡ ﺧﻄﺒﻪ ﻣﻴﻮﺳﻪ .. ﺭﺣﺖ ﻭﻳﺎﻫﻪ ﻟﻠﺼﺎﻟﻮﻥ ﻭﻟﺒﺴﺖ ﻓﺴﺘﺎﻥ ﺍﺳﻮﺩ ﻃﻮﻳﻞ ﻭﺑﻲ ﺷﺬﺭ ﻭﻟﺒﺴﺖ ﻋﻠﻴﻪ ﺳﺘﺮﻩ ﻗﺼﻴﺮﻩ .. # ﺷﻤﺲ

ﻭﺳﻮﻳﺖ ﺷﻌﺮﻱ ﻭﺧﻠﻴﺖ ﻣﻴﻚ ﺍﺏ ﻗﻮﻱ ﺑﻌﻴﻮﻧﻲ ﻭﺣﻤﺮﻩ ﺧﻔﻴﻔﻪ ﺑﺤﻴﺚ ﺑﺮﺯﺕ ﻟﻮﻥ ﻋﻴﻮﻧﻲ .

ﻃﻠﻌﺖ ﺍﺧﺒﻞ ﻓﺪﻳﺘﻨﻲ ..

ﻭﻣﻴﻮﺳﻪ ﻫﻢ ﻣﻘﺎﺻﺮﻩ .. ﺗﺨﺒﻞ ﻃﻠﻌﺖ .. ﻭﻟﺒﺴﺖ ﻧﻮﻧﻪ ﺑﺪﻟﻪ ﺣﻠﻮﻩ ﻭﺧﻠﻴﺘﻠﻬﺎ ﺣﻤﺮﻩ ﺗﺮﻳﺪ ﺣﻤﻪ ﻫﻬﻬﻬﻪ ﻓﺪﻳﺘﻬﺎ ﺍﻟﺒﻨﺘﻲ .

ﺩﺧﻞ ﺭﺍﻓﺪ ﻳﻠﺒﺴﻬﺎ ﺑﻌﺪ ﻣﺎﻋﻘﺪ ﺍﻟﺴﻴﺪ .. ﻭﺍﺗﺬﻛﺮﺕ ﺍﻧﻲ ﺷﻠﻮﻥ ﺩﺧﻞ ﺍﻣﻴﺮ ﻭﻋﻴﻮﻧﻪ ﺗﺠﺪﺡ ﻫﻬﻬﻪ ﻭﻣﻜﺸﺮ ..

ﺍﻟﺘﻔﺖ ﻟﮕﻴﺘﻪ ﻭﺍﮔﻒ ﻭﻳﺒﺎﻭﻋﻠﻲ ﻣﻦ ﺍﻟﻤﻄﺒﺦ .. ﺧﻠﻴﺖ ﻧﻮﺭ ﻳﻢ ﺧﺎﻟﺘﻲ ﻭﺭﺣﺖ ﺍﻟﻪ . # ﺷﻤﺲ

ﮔﻠﻲ ﺣﺒﻴﺒﺘﻲ ﻃﺎﻟﻌﻪ ﺗﺨﺒﻠﻴﻦ .. ﺣﻈﻨﺘﻪ ﻭﺣﻈﻨﻲ ﻗﻮﻱ ﻭﻣﺎﺣﺴﻴﺖ ﺍﻻ ﺩﺧﺖ ﻭﺟﺴﻤﻲ ﻣﺎﺍﮔﺪﺭ ﺍﺷﻴﻠﻪ ﺭﺩﺕ ﺍﻭﮔﻊ ﺑﻴﻦ ﺍﻳﺪﻩ ﺷﺎﻟﻨﻲ ﻭﮔﻌﺪﻧﻲ ﻉ ﺍﻟﻜﺮﺳﻲ .. ﺣﺒﻴﺒﺘﻲ ﺷﺒﻴﺞ ﻭﺭﺍﺡ ﺟﺎﺑﻠﻲ ﻣﻲ ..

ﺳﻤﺮﺍ .. ﺣﺒﻴﺒﻲ ﻟﺘﺨﺎﻑ ﻳﻤﻜﻦ ﻣﻦ ﺍﻟﺘﻌﺐ .. ﻭﻣﺎﺍﻛﻠﺖ ﺷﻲ ﻣﻦ ﺍﻟﺮﻳﻮﮒ ﺻﺎﺭ ﻋﻨﺪﻱ ﻫﺒﻮﻁ ..

ﺧﺎﻟﺘﻲ ﺣﺴﺖ ﻋﻠﻴﻨﺎ ﺍﺟﺖ .. ﮔﺎﻟﺖ ﻫﺎﻳﻤﻪ ﺷﺒﻴﺞ ..

ﺍﻣﻴﺮ .. ﻳﻤﻪ ﺭﺍﺩﺕ ﺗﻮﮔﻊ ﻫﻤﺰﻳﻦ ﻟﺰﻣﺘﻬﺎ .

ﺳﻤﺮﺍ . ﻟﺘﺨﺎﻓﻴﻦ ﻋﻠﻴﻪ ﺧﺎﻟﻪ .. ﻳﻤﻜﻦ ﻫﺒﻮﻁ ..

ﺧﺎﻟﺘﻲ .. ﺍﺧﺎﻑ ﺣﺎﻣﻞ ﻳﻤﻪ ﻫﻢ ﺣﺎﺳﺒﻪ ﺍﻟﺮﻭﺣﺞ ..

ﺧﻄﻴﻪ ﻛﻞ ﺷﻌﺮ ﺗﺘﺄﻣﻞ .. ﺍﻛﻮﻥ ﺣﺎﻣﻞ ..

ﺍﻣﻴﺮ .. ﺍﺑﺘﺴﻢ .. ﻫﻬﻬﻪ ﻭﺍﺧﻴﺮﺍ ﺣﻴﺠﻲ ﺳﻴﻮﻓﻲ ..

ﺳﻤﺮﺍ .. ﻫﻬﻬﻪ ﺍﻣﻴﺮ ﺷﺒﻴﻚ ﮔﻮﺗﻠﻚ ﻫﺒﻮﻁ ﺷﺒﺴﺮﻋﻪ ﺧﻠﻴﺘﻠﻪ ﺍﺳﻢ ..

ﺍﻣﻴﺮ .. ﺩﮔﻮﻣﻲ ﺑﺪﻟﻲ ﺍﻟﺤﻔﻠﻪ ﻭﺣﺘﺨﻠﺺ ﺧﻠﻴﻨﺎ ﻧﺴﻮﻱ ﺗﺤﻠﻴﻞ ﻭﻧﺘﺄﻛﺪ ..

ﺳﻤﺮﺍ .. ﻫﻬﻬﻬﻬﻬﻪ ﺍﻭﻙ ﮔﺎﻳﻤﻪ ﻻﻥ ﺍﺩﺭﻱ ﺑﻴﻚ ﻣﺘﺘﺮﻛﻨﻲ ﺍﻻ ﺗﺘﺄﻛﺪ .. ﻭﻫﺎﻟﻤﺮﻩ ﺣﺎﺳﻪ ﺍﻛﻮ ﺣﻤﻞ ﻻﻥ ﻣﻦ ﺣﺴﺒﺖ ﺍﻓﺘﻬﻤﺖ .. # ﺑﻘﻠﻤﻲ _ ﺷﻤﺲ

ﻳﺘﺒﻊ … 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤