رواية وعد العيون الجزء الثالث عشر

رواية وعد العيون الجزء الثالث عشر 

للكاتبة شمس 

.... 

ﺍﺟﻮ ﺍﺧﻮﺍﺗﻲ ﻣﻦ ﺑﺎﺑﺎ ﻭﺍﻣﻬﻢ ﺍﻟﺒﻴﺘﻨﺎ .. ﻃﺒﻌﺎ ﺍﻣﻬﻢ ﺍﻧﺴﺎﻧﻪ ﻣﺤﺘﺮﻣﻪ ﻭﺣﺒﺎﻳﻪ ﺣﺒﻴﺘﻬﺎ ﺣﻴﻞ ﻭﺍﺑﺪ ﻣﺎﺣﺴﻴﺖ ﺍﻧﻪ ﻫﻲ ﺯﻭﺟﺖ ﺍﺑﻮﻳﻪ .. ﻭﻫﻲ ﺍﺻﻼ ﻛﺎﻧﺖ ﻣﻨﻔﺼﻠﻪ ﻣﻦ ﺑﺎﺑﺎ ﻗﺒﻞ ﻟﻴﺘﺰﻭﺝ ﻣﺎﻣﺎ .. ﻭﺍﺧﻮﺍﺗﻲ ﺍﻛﺒﺮ ﻣﻨﻲ ﺑﻬﻮﺍﻱ ﺑﺲ ﻛﻮﻟﺶ ﺣﻠﻮﺍﺕ ﻣﻼﻙ ﺍﻟﻜﺒﻴﺮﺓ ﺑﺲ ﺟﻤﺎﻟﻬﺎ ﻓﻮﻕ ﺍﻟﻮﺻﻒ ..

ﻭﻫﺪﻳﻞ ﻫﻢ ﺣﻠﻮﻩ ﺑﺲ ﺿﺨﻤﻪ ..

ﻭﺑﻴﻮﻡ ﻛﺎﻥ ﺑﻬﺎﺀ ﻋﺪﻧﺎ ﺍﺗﺼﻠﺖ ﺍﺧﺘﻲ ﻫﺪﻳﻞ ..

ﻫﺪﻳﻞ .. ﻫﻠﻮ ﺳﻤﺮ

ﺳﻤﺮ .. ﻫﻠﻮ ﻫﺪﻭﻟﻪ ﺷﻠﻮﻧﺞ

ﻫﺪﻳﻞ .. ﺳﻤﺮ ﺍﮔﻮﻟﺞ ﺑﺎﺑﺎ ﻛﻮﻟﺶ ﻣﺮﻳﺾ ﺻﺎﺭ ﺍﺳﺒﻮﻉ ﻋﻨﺪﻩ ﻓﺸﻞ ﻛﻠﻮﻱ ﻭﻛﺒﺪﻩ ﻭﺍﮔﻒ ﻭﻟﻮ ﺗﻠﺤﮕﻴﻦ ﻋﻠﻴﻪ ﻟﻮ ﻻ ﻷﻥ ﺣﺎﻟﺘﻪ ﻣﻮ ﺯﻳﻨﻪ .. # ﺑﻘﻠﻤﻲ _ ﺷﻤﺲ

ﺍﻧﻲ ﻧﺰﻟﺖ ﺩﻣﻮﻋﻲ ﻻﺍﺭﺍﺩﻳﺎ .. ﺍﻧﻘﻬﺮﺕ ﺣﻴﻞ ﻣﻦ ﺑﻌﺪ ﻣﺸﻔﺘﻪ ﻭﺩﺧﻞ ﺣﻴﺎﺗﻲ ﻭﺑﻘﺖ ﺻﻮﺭﺗﻪ ﺑﺒﺎﻟﻲ ﻫﺴﺎ ﺭﺍﺡ ﻳﺘﺮﻛﻨﻲ ﻣﺮﻩ ﻟﺦ .. ﻳﺎﺭﺑﻲ ﻟﻴﺶ ﺧﻠﻴﺘﻪ ﻳﺠﻲ ﻭﻧﺘﻌﺮﻑ ﻋﻠﻴﻪ ﻟﻮ ﺑﺎﻗﻲ ﺑﻌﻴﺪ ﻋﻦ ﺣﻴﺎﺗﻨﺎ ﺍﺣﺴﻦ .. ﻟﻴﺶ ﺭﺍﺡ ﺍﺧﺴﺮﻩ ﻫﺴﺎ ﻣﻦ ﺑﻌﺪ ﻣﺤﺒﻴﺘﻪ ﻭﺳﺎﻣﺤﺘﻪ .. ﺑﻘﻴﺖ ﺍﺑﺠﻲ ﻭﺍﺷﻜﻲ ﺍﻟﺮﺑﻲ ..

ﻭﺑﻬﺎﺀ ﻣﻘﻬﻮﺭ ﻭﻳﺎﻭﺍﺳﻴﻨﻲ ..

ﺑﻬﺎﺀ .. ﺣﺒﻴﺒﺘﻲ ﻻﺗﺒﺠﻴﻦ ﺍﻧﻲ ﺑﺎﺟﺮ ﺍﺧﺬﺝ ﺗﺸﻮﻓﻴﻪ .. ﻭﻳﻤﺴﺢ ﺩﻣﻮﻋﻲ ﺣﺴﻴﺘﻪ ﺑﺤﻨﺎﻧﻪ ﻭﺣﺒﻪ ﺍﻟﻴﻪ ..

ﻭﻓﻌﻼ .. ﺛﺎﻧﻲ ﻳﻮﻡ ﺟﻬﺰﺕ ﻧﻔﺴﻲ ﻭﺍﺟﻪ ﺑﻬﺎﺀ ﺍﺧﺬﻧﻲ ﻭﺭﺣﻨﺎ ﻉ ﺑﻴﺖ ﺍﺧﻮﺍﺗﻲ ﻋﻨﺪﻱ ﻋﻨﻮﺍﻧﻬﻢ .. ﻃﻠﻌﺖ ﻣﻼﻙ ﺍﺧﺘﻲ ﺍﺧﺬﺗﻨﺎ ﺍﻟﺒﻴﺖ ﻋﻤﺘﻲ ﺍﻟﻲ ﺑﺎﺑﺎ ﮔﺎﻋﺪ ﻋﻨﺪﻫﺎ .. ﺩﺧﻠﺖ ﻟﮕﻴﺖ ﺍﻟﺒﻴﺖ ﻫﻮﺳﻪ ﻣﻠﻴﺎﻥ ﻧﺎﺱ ﻭﻛﻮﻟﻬﺎ ﻻﺑﺴﻪ ﺍﺳﻮﺩ ..

ﺑﺎﻭﻋﺖ ﻉ ﺑﺎﻟﻮﺳﻂ ﺍﻛﻮ ﺷﺨﺺ ﻣﻮﺟﻬﻴﻪ ﻉ ﺍﻟﻘﺒﻠﻪ .. ﺗﻘﺮﺑﺖ ﻋﻠﻴﻪ ﻫﺬﺍ ﺑﺎﺑﺎ ﺑﺲ ﮔﻮﻩ ﻣﻴﺰﺕ ﺷﻜﻠﻪ ﻷﻥ ﺭﺍﺳﻪ ﺻﺎﻳﺮ ﺑﮕﺪ ﺭﺍﺱ ﺍﻟﻜﻔﻞ .. ﺍﻟﻲ ﻋﻤﺮﻩ ﺷﻬﺮ ﻭﺍﻳﺪﻩ ﻣﻨﻈﺮﻫﺎ ﻣﺮﻋﺐ ﺑﺲ ﻋﻈﺎﻡ ﻭﺑﻄﻨﻪ ﻣﻨﻔﻮﺧﻪ ﻛﻮﻟﺶ ﻭﻳﺘﺄﻟﻢ ﻭﻣﺒﻴﻦ ﺍﻟﻤﻮﺕ ﻗﺮﻳﺐ ﻣﻨﻪ .. ﮔﻌﺪﺕ ﻉ ﺣﻴﻠﻲ ﺑﺎﻟﮕﺎﻉ ﻣﻦ ﺍﻟﺼﺪﻣﻪ .. ﻗﺒﻞ ﺷﻬﺮ ﺷﻔﺘﻪ ﻣﺜﻞ ﺍﻟﻮﺭﺩ ﻭﺟﻬﻪ ﺍﺣﻤﺮ ﻭﻋﻴﻮﻧﻪ ﺻﻔﺮ ﻭﻃﻮﻟﻪ ﻫﻴﺒﻪ .. ﻫﺴﺎ ﺻﺎﻳﺮ ﻣﺜﻞ ﺫﻭﻟﻲ ﺍﻟﺼﻮﻣﺎﻝ ﺍﻟﻲ ﻳﻄﻠﻌﻮﻥ ﺑﺎﻟﺘﻠﻔﺰﻳﻮﻥ ﻧﻔﺴﻬﻢ .. ﻓﻘﺪﺕ ﻣﻦ ﺍﻟﺒﺠﻲ ﻋﻠﻴﻪ ﺍﻧﺼﺪﻣﺖ ﻣﻦ ﺣﺎﻟﺘﻪ ﻭﻛﻮﻟﻬﺎ ﺗﺘﺒﺎﻭﻋﻠﻲ ﻭﻳﺘﺴﺎﺋﻠﻮﻥ ﻣﻨﻮ ﻫﺬﻱ ?..

ﺑﺎﺑﺎ ﮔﺎﻡ ﻳﺨﺘﻨﻚ ﻭﺑﺼﻌﻮﺑﻪ ﻳﺎﺧﺬ ﺍﻟﻨﻔﺲ .. ﻭﺍﺣﺪ ﻣﻦ ﺍﻟﮕﺎﻋﺪﻳﻦ ﮔﺎﻝ ﺍﺑﺘﻌﺪﻥ ﻋﻨﻪ ﺧﻨﮕﺘﻨﻪ .. ﻭﻳﻌﻴﻂ ﻋﻠﻴﻨﺎ .. ﺍﻧﻲ ﻭﻫﺪﻳﻞ ﺩﺧﻠﻨﺎ .. ﺑﺲ ﻣﻼﻙ ﻣﻘﺒﻠﺖ ﺗﺪﺧﻞ ..

ﮔﺎﻝ ﺭﺍﺡ ﺍﺧﺬﻩ ﻟﻠﻤﺴﺘﺸﻔﻰ ..

ﺑﻌﺪﻳﻦ ﻋﺮﻓﺖ ﻫﺬﺍ ﺍﻟﻮﻟﺪ ﺍﺑﻦ ﻋﻤﻲ .. ﻻﻥ ﻣﺎﺍﻋﺮﻓﻬﻢ ﻭﻻﺷﺎﻳﻔﺘﻬﻢ ..

ﻣﻼﻙ .. ﺷﻨﻮ ﺗﺎﺧﺬﻩ ﻟﻠﻤﺴﺘﺸﻔﻰ ﻫﻢ ﮔﻠﻮﻟﻨﺎ ﻃﻠﻌﻮﺍ ﻣﺎﺑﻴﺪﻧﺎ ﺷﻲ ﻧﺴﻮﻳﻪ .. ﻫﺎﻱ ﻟﺤﻈﺎﺗﻪ ﺍﻻﺧﻴﺮﻩ ﺍﺧﺬﻭﻩ ﺍﻗﺮﺃﻭﻟﻪ ﻗﺮﺁﻥ ﻭﺍﺷﺒﻌﻮﺍ ﻣﻨﻪ ..

ﻫﺬﺍ ﺍﺑﻦ ﻋﻤﻲ .. ﻋﺼﺐ ﻋﻠﻴﻬﺎ ﻭﺭﺍﺩ ﻳﻀﺮﺑﻬﺎ ﺭﺍﺷﺪﻱ ﻫﻲ ﻟﺰﻣﺖ ﺍﻳﺪﻩ ﻭﮔﻠﺘﻠﻪ ..

ﻣﻼﻙ .. ﺍﻛﺴﺮﻫﺎ ﺍﻻﻳﺪﻙ ﻣﺮﻩ ﻟﺦ ﺍﺫﺍ ﺣﺎﻭﻟﺖ ﺗﻤﺪﻫﺎ ﻋﻠﻴﻪ ..

ﻫﻲ ﺟﺮﻳﺌﻪ ﻭﻣﺘﺨﺎﻑ ﻃﺎﻟﻌﻪ ﻉ ﻋﻤﺎﺗﻲ ..

ﮔﺎﻣﻮ ﺭﺟﺎﻝ ﻟﺰﻣﻮﻩ ﻭﻫﻮ ﻳﻄﻔﺮ ﻳﺮﻳﺪ ﻳﻈﺮﺑﻬﺎ ..

ﺍﺑﺎﻭﻉ ﻉ ﺑﻬﺎﺀ ﺧﻄﻴﻪ ﻳﺒﺎﻭﻉ ﺑﺎﻟﻮﺟﻮﻩ ﻭﻣﺤﺘﺎﺭ ﻣﻴﻌﺮﻑ ﺷﻨﻮ ﺍﻟﺴﺎﻟﻔﻪ .. ﺧﺠﻠﺖ ﺣﻴﻞ ﻭﺍﺳﺘﺤﻴﺖ ﻷﻥ ﺍﻭﻝ ﻣﺮﺓ ﻳﺠﻲ ﻭﻳﺸﻮﻑ ﺍﻫﻠﻲ ﻭﻋﻤﺎﺗﻲ ﻭﻳﺸﻮﻓﻬﻢ ﺑﻬﺬﺍ ﺍﻟﻤﻨﻈﺮ ﮔﻠﺖ ﺍﻛﻴﺪ ﻫﺴﺎ ﻳﺎﺧﺬ ﻧﻈﺮﻩ ﻋﻠﻴﻬﻢ ..

ﺍﺷﺮﺗﻠﻪ ﻧﻄﻠﻊ ﻭﺳﻠﻤﺖ ﻉ ﺍﺧﻮﺍﺗﻲ ﻭﻃﻠﻌﺖ .. ﻛﻮﻟﻬﺎ ﺗﺒﺎﻭﻉ ﻋﻠﻴﻪ .. ﻣﻮ ﻣﺎﺍﺭﻳﺪ ﺍﺳﻠﻢ ﻋﻠﻴﻬﻢ ﺑﺲ ﻣﺎﺍﻋﺮﻓﻬﻢ ﻣﻨﻮ ..

ﻃﻠﻌﺖ ﻭﮔﻠﺖ ﺍﻻﺧﻮﺍﺗﻲ .. ﺍﻱ ﺷﻲ ﻳﺼﻴﺮ ﻳﮕﻮﻟﻮﻟﻲ .. ﺭﺟﻌﺖ ﻟﻠﺒﻴﺖ ﻭﺍﻧﻲ ﻣﻘﻬﻮﺭﻩ ﻉ ﺣﺎﻟﺔ ﺑﺎﺑﺎ ﻷﻥ ﻛﺎﻧﺖ ﻓﻌﻼ ﻳﺮﺛﻰ ﻟﻬﺎ . ﻣﻨﻈﺮ ﻣﻴﺮﻭﺡ ﻣﻦ ﺑﺎﻟﻲ ﺭﺟﺎﻝ ﻃﻮﻟﻪ ﻭﻫﻴﺒﻪ ﺑﻴﻮﻡ ﻭﻟﻴﻠﻪ ﻳﺼﻴﺮ ﺑﻜﺒﺮ ﺍﻟﻄﻔﻞ .. ﺗﺮﻛﺘﻪ ﻭﺑﺎﻟﻲ ﻳﻤﻪ ﻳﻌﺎﻟﺞ ﻭﻳﺘﻮﺟﻊ ﻛﺴﺮ ﮔﻠﺒﻲ .. ﺍﻟﻄﺮﻳﻖ ﻛﻮﻟﻪ ﺩﻣﻌﺘﻲ ﻣﺎﻧﺸﻔﺖ ﻭﺑﻬﺎﺀ ﻳﻮﺍﺳﻲ ﺑﻴﻪ .. ﻭﺻﻠﻨﺎ ﺍﻟﻤﻐﺮﺏ ﺻﻠﻴﺖ ﻭﺍﻧﺪﻋﻴﺘﻠﻪ .. ﺭﺑﻲ ﻟﻮ ﺗﺸﺎﻓﻴﻪ ﻭﺗﺮﺣﻤﻪ ﻣﻦ ﻭﺟﻌﻪ ﻟﻮ ﺗﺎﺧﺬ ﺍﻣﺎﻧﺘﻚ ﻭﺗﺮﻳﺤﻪ ﻷﻥ ﺑﻘﺎﺋﻪ ﺑﻬﻴﺞ ﺣﺎﻟﻪ ﻋﺬﺍﺏ ﺍﻟﻪ .. # ﺑﻘﻠﻤﻲ _ ﺷﻤﺲ

ﺛﺎﻧﻲ ﻳﻮﻡ ﻭﻫﻢ ﻭﻗﺖ ﻣﻐﺮﺏ .. ﺍﺗﺼﻠﺖ ﻋﻠﻴﻪ ﺍﺧﺘﻲ ﻫﺪﻳﻞ ﻭﺻﻮﺗﻬﺎ ﻣﺨﻨﻮﮒ ..

ﻫﺪﻳﻞ .. ﺳﻤﺮ ﺍﺑﻮﻳﻪ ﻣﺎﺕ ﻭﺗﺒﺠﻲ ..

ﺍﻧﻬﺎﺭﻳﺖ ﻭﻣﺎﮔﺪﺭﺕ ﺍﺻﺒﺮ ﻉ ﺭﻭﺣﻲ .. ﻭﮔﻊ ﺍﻟﻤﻮﺑﺎﻳﻞ ﻣﻨﻲ ﻭﮔﻤﺖ ﺍﻋﻴﻂ ﺍﺟﺖ ﻣﺎﻣﺎ ﺗﺮﻛﺾ ﮔﻮﻟﺘﻠﻬﺎ ﺑﺎﺑﺎ ﻣﺎﺕ .. ﺑﻘﻴﺖ ﺍﺑﺠﻲ ﺑﺪﻭﻥ ﻭﻋﻲ ﻭﺍﺗﺬﻛﺮ ﻣﻨﻈﺮﻩ ﺻﻮﺭﺗﻪ ﻣﺘﺮﻭﺡ ﻣﻦ ﺑﺎﻟﻲ .

ﺗﺬﻛﺮﺕ ﺷﻠﻮﻥ ﺗﺮﻛﺘﻪ ﻳﻌﺎﻟﺞ ﺣﺘﻰ ﻣﺎﺗﺒﺎﺭﻳﺖ ﺍﻟﺬﻣﻪ ﻭﻳﺎﻩ ﻭﻻﺑﺴﺘﻪ ﻣﻦ ﻃﻠﻌﺖ ﺍﻟﻠﻪ ﻳﺠﺎﺯﻱ ﺍﻟﻲ ﻛﺎﻥ ﺍﻟﺴﺒﺐ .

ﻣﺎﻣﺎ ﻣﻦ ﺷﺎﻓﺖ ﺣﺎﻟﺘﻲ ﻭﺍﻧﻲ ﻣﻨﻬﺎﺭﻩ ﻟﺒﺴﺖ ﻋﺒﺎﺗﻬﺎ ﻭﺭﺍﺣﺖ ﺍﻟﺒﻴﺖ ﺑﻬﺎﺀ … ﻷﻥ ﺗﻌﺮﻑ ﻣﺤﺪ ﻳﻬﺪﺃﻧﻲ ﻏﻴﺮﻩ ..

ﻭﺍﻧﻲ ﻓﻊﻻ ﺍﺣﺘﺎﺟﻪ ﻫﺴﺎ ﺑﺲ ﻫﻮ ﻛﺎﻥ ﻃﺎﻟﻊ ﻣﺎﻣﺎ ﺧﺒﺮﺕ ﺍﻣﻪ ﻭﮔﻠﺘﻠﻬﺔ ﻣﻦ ﻳﺠﻲ ﻳﻤﺮ ﺑﻴﻜﻢ ﺑﻘﻴﺖ ﻉ ﻫﺎﻱ ﺍﻟﺤﺎﻟﺔ ﺍﻟﻰ ﺍﻥ ﺍﺟﻪ ﺑﻬﺎﺀ ﺭﻛﻀﺖ ﻋﻠﻴﻪ ﻣﺜﻞ ﺍﻟﻄﻔﻞ ﻭﺍﺑﺠﻲ ﻭﻫﻮ ﺍﺧﺬﻧﻲ ﺑﺤﻀﻨﺔ ﻭﻳﻬﺪﻱ ﺑﻴﻪ ﻟﺤﺪ ﻣﺴﻜﺘﺖ ﮔﻮﺗﻠﺔ ﺍﺭﻳﺪ ﺍﺭﻭﺣﻠﺔ ..

ﺑﻬﺎﺀ .. ﺳﻤﻮﺭﻩ ﻫﺴﺎ ﺩﻓﻨﻮﻩ ﺑﺎﺟﺮ ﺍﻥ ﺷﺎﺀ ﺍﻟﻠﻪ ﺍﺧﺬﺝ ..

ﺍﺧﻮﻳﻪ ﺍﻟﺼﻐﻴﺮ ﻛﺎﻥ ﻳﻤﻪ ﺑﺎﻟﻤﺴﺘﺸﻔﻰ .. ﺍﺗﺼﻠﺖ ﻋﻠﻴﻪ ﻭﻫﻮ ﺧﻄﻴﻪ ﻳﺒﺠﻲ ﻭﻳﻠﻄﻢ ﻣﺜﻞ ﺍﻟﻨﺴﻮﺍﻥ ﻭﺍﻧﻲ ﻫﻢ ﻭﻳﺎﻩ ..

ﺑﻬﺎﺀ ﺑﻘﻰ ﻳﻤﻲ ﻝ 1 ﺑﺎﻟﻠﻴﻞ ﺑﻘﻴﻨﺎ ﻧﻘﺮﺍﻟﺔ ﻗﺮﺍﻥ ﺍﻧﻲ ﻭﻣﺎﻣﺎ ﻭﺑﻬﺎﺀ ..

ﮔﻌﺪﺕ ﺍﻟﺼﺒﺢ ﻭﺟﻬﻲ ﺫﺏﻻﻥ ﻣﻦ ﺍﻟﺒﺠﻲ ﻟﺒﺴﺖ ﺟﺒﺔ ﺭﺳﻤﻴﺔ ﺳﻮﺩﺓ ﻭﺷﺎﻝ ﺍﺳﻮﺩ ﻭﺭﺣﺖ ﻭﻱ ﺑﻬﺎﺀ ﻭﺍﺧﻮﻱ ﺭﺿﺎ ﻫﻢ ﺍﺟﺔ ﻭﻳﺎﻧﺎ ﻭﺻﻠﻮﻧﻲ ﻭﺭﺟﻌﻮ ﺍﻧﻲ ﺩﺧﻠﺖ ﻭﻗﺮﺭﺕ ﺍﺳﻠﻢ ﻉ ﻛﻞ ﺍﻟﺤﻀﻮﺭ ﺣﺘﻰ ﻟﻮ ﻣﺎﺍﻋﺮﻓﻬﻢ ﻭﻻﺃﺣﺒﻬﻢ ﺳﻠﻤﺖ ﻋﻠﻴﻬﻢ ﻋﺎﺩﻱ ﻭﺻﻠﺖ ﻳﻢ ﻣﻼﻙ ﺣﻀﻨﺘﻬﺎ ﻭﺑﻘﻴﻨﺎ ﻧﺒﺠﻲ ﺑﺼﻮﺕ ﻋﺎﻟﻲ ﻛﻞ ﺍﻟﻲ ﺑﺎﻟﻤﻜﺎﻥ ﮔﺎﻣﻮ ﻳﺒﺠﻮﻥ ﻉ ﺑﺠﻴﻨﺎ ﺍﻧﻲ ﺍﮔﻮﻟﻬﺔ ﻣﺎﻭﺩﻋﺘﺔ ﻭﻫﻲ ﺗﮕﻮﻟﻲ ﺩﺧﻠﺘﻠﻪ ﻟﻠﻤﻐﻴﺴﻞ ﻭﺣﻈﻨﺘﺔ ﻭﺑﻮﺳﺘﺔ ﻭﺷﻤﻴﺘﺔ ..

ﺇﻧﻬﺎﺭﻳﺖ ﺑﺎﻟﮕﻮﺓ ﺳﻜﺘﻮﻧﻲ ﺧﻮﺍﺗﻲ ﻇﻠﻮ ﺍﻟﻨﺎﺱ ﻳﺠﻮﻥ ﻳﻌﺰﻭﻥ ﻭﺍﻧﻲ ﻣﺜﻞ ﺍﻻﻃﺮﺵ ﺑﺎﻟﺰﻓﺔ ﻻﺍﺣﺪ ﻳﻌﺮﻓﻨﻲ ﻭﻻ ﺍﻋﺮﻑ ﺍﺣﺪ ﻛﻮﻟﻬﺎ ﺗﺴﻠﻢ ﻉ ﺍﺧﻮﺍﺗﻲ ﻭﻳﻮﺍﺳﻮﻫﻢ ﻭﻳﺼﺒﺮﻭﻥ ﺑﻴﻬﻢ ﻭﺍﻧﻲ ﺣﺘﻰ ﺑﺬﻭﻟﻲ ﺍﻟﻜﻠﻤﺎﺕ ﻣﺎﻟﻲ ﻧﺼﻴﺐ ﻣﺤﺪ ﻭﺍﺳﺎﻧﻲ ﻭﻻﺍﺣﺪ ﺳﻠﻢ ﻋﻠﻴﺔ ﻣﻼﻙ ﺍﺧﺘﻲ ﻛﺎﻧﺖ ﺗﻠﻄﻢ ﻣﺜﻞ ﺍﻟﻤﺨﺒﻠﺔ ﻣﻠﺨﺖ ﺭﻭﺣﻬﺔ ﻭﺷﻌﺮﻫﺔ ﻣﻸ ﺍﻟﮕﺎﻉ ﻣﻦ ﻳﻜﻨﺴﻮﻥ ﻣﻴﻠﻜﻮﻥ ﻏﻴﺮ ﺷﻌﺮ ﻣﺮﻳﻢ ﺍﻟﺬﻫﺒﻲ

يتبع... 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤