رواية ذبحني الشوگ الجزء الخامس

رواية ذبحني الشوگ الجزء الخامس 

للكاتبة شمس 

... 

ﻣﻦ ﺩﺧﻠﺖ .. ﺷﺎﻓﺘﻨﻲ ﺍﻣﻪ ﮔﺎﻣﺖ ﺗﺼﻠﻲ ﻉ ﺍﻟﻨﺒﻲ .. ﻭﺍﺧﻮﺍﺗﻪ ﺍﻧﺼﺪﻣﻮﺍ .. ﻣﺎﺍﻋﺮﻑ ﺷﺒﻴﻬﻢ .. ﺷﻔﺘﻬﻢ ﺟﺎﻳﺒﻴﻦ ﺣﻠﻮﻳﺎﺕ ﻭﻋﻠﺐ ﻫﻮﺍﻳﻪ ..

ﺍﻣﻪ ﮔﺎﻟﺖ .. ﻓﻬﺪ ﮔﺎﻝ ﺣﻠﻮﻩ ﺑﺲ ﻣﺎﺍﺗﻮﻗﻌﻨﺎ ﻫﻴﺞ ..

ﺻﺒﺎ ﺍﺧﺘﻪ . ﺿﺤﻜﺖ ﻭﮔﺎﻟﺖ ﻣﺎﻳﻼﻡ ﻓﻬﺪ ﻣﻦ ﻛﺘﻞ ﺭﻭﺣﻪ ﻋﻠﻴﺞ ..

ﻛﻮﻟﻬﻢ ﺿﺤﻜﻮﺍ ﻭﻓﺘﺤﻮ ﺍﻟﻤﻮﺿﻮﻉ ﻭﺍﻣﻪ ﮔﺎﻟﺖ ﺍﺣﻨﺎ ﻣﻦ ﺍﻟﺪﻟﻴﻢ ﻭﺑﻴﺘﻨﺎ ﺑﻌﺪ ﺷﺎﺭﻉ ﻋﻨﻜﻢ ﻭﺍﻧﻄﺘﻨﺎ ﺍﻟﻌﻨﻮﺍﻥ ﻭﺍﺳﺄﻟﻮﺍ ﻋﻨﺎ ﻭﺍﻱ ﺷﻲ ﺗﻄﻠﺒﻮﻩ ﺍﺣﻨﺎ ﺣﺎﺿﺮﻳﻦ .. ﺑﺲ ﻳﺎﻟﻴﺖ ﺗﺴﺘﻌﺠﻠﻮﻥ ﻻﻥ ﻓﻬﺪ ﻣﺎﻳﺘﺤﻤﻞ ﻭﺍﻧﻲ ﻫﻢ ﺍﺭﻳﺪ ﺍﻓﺮﺡ ﺑﻲ ﻭﺑﺎﻭﻻﺩﻩ ..

ﻭﻃﻠﻌﻮﺍ ..

ﻓﻬﺪ ﺍﻧﻲ ﮔﺎﻋﺪ ﺑﺎﻟﺴﻴﺎﺭﻩ .. ﻭﺷﻔﺘﻬﻦ ﻃﻠﻌﻦ .. ﮔﻠﺒﻲ ﮔﺎﻡ ﻳﻔﺮﻓﺮ .. ﺍﻭﻝ ﻣﺎﺻﻌﺪﺕ ﺍﻣﻲ .

ﻓﻬﺪ .. ﻫﺎﻳﻤﻪ ﺷﮕﺎﻟﻮﺍ

ﺍﻣﻲ .. ﺷﻨﻮ ﻳﻮﻣﻪ ﻏﻴﺮ ﻳﺴﺄﻟﻮﻥ ﻳﺎﻟﻠﻪ ﻳﺮﺩﻭﻥ ﺍﻟﺠﻮﺍﺏ ..

ﻓﻬﺪ .. ﺷﻔﺘﻨﻬﺎ ﺣﻠﻮﻩ .. ﺻﺒﺎ .. ﺍﻱ ﻋﻴﻨﻲ ﻭﺍﺧﻴﺮﺍ ﻋﺮﻓﺖ ﺗﺨﺘﺎﺭ

ﺍﻣﻲ .. ﺳﺒﺤﺎﻥ ﺍﻟﺨﺎﻟﻖ ﺍﻟﻠﻪ ﻳﺤﻔﻀﻬﺎ ﻭﻳﺠﻌﻠﻬﺎ ﻣﻦ ﻧﺼﻴﺒﻚ ﻳﻤﻪ ..

ﻓﻬﺪ .. ﺍﻣﻴﻦ ﻳﻤﻪ ﺍﻣﻴﻦ ..

ﺭﻳﻤﺎﺱ .. ﺧﺎﺑﺮﺕ ﻓﻬﺪ ﻃﺎﻳﺮ ﻣﻦ ﺍﻟﻔﺮﺡ ﻭﻳﺘﻐﺰﻝ ﻭﻳﮕﻠﻲ ﺣﺘﺼﻴﺮﻳﻦ ﻣﺮﺗﻲ ﻭﺍﺿﻤﺞ ﻋﻦ ﻛﻞ ﺍﻟﻌﻴﻮﻥ ﻫﺬﺍ ﺍﻟﺠﻤﺎﻝ ﻛﻮﻟﻪ ﺣﻴﺼﻴﺮ ﺍﻟﻲ ..

ﻭﺳﻤﻌﺖ ﺻﻮﺕ ﺑﺎﺑﺎ ..

ﻳﺎﻟﻠﻪ ﺣﺒﻴﺒﻲ ﺍﺟﻪ ﺑﺎﺑﺎ ﺑﻌﺪﻳﻦ ﺍﺗﺼﻞ ﺑﻴﻚ ..

ﺍﺟﻪ ﺑﺎﺑﺎ ﻭﻣﺎﻣﺎ ﮔﻠﺘﻠﻪ ﻋﻠﻴﻬﻢ ﻭﺳﻮﻟﻔﺘﻠﻪ ﻭﻧﻄﺘﻪ ﺍﻟﻌﻨﻮﺍﻥ ﻭﺍﺳﻤﻪ ﻭﺍﺳﻤﻪ ﻋﺸﻴﺮﺗﻪ ..

ﺑﺎﺑﺎ .. ﮔﺎﻝ ﻳﺼﻴﺮ ﺧﻴﺮ .

ﺍﺧﻮﺍﻧﻲ ﮔﺎﻋﺪﻳﻦ .. ﺑﺲ ﻣﺤﺠﻮ ﺷﻲ ..

ﺗﻌﺸﻴﻨﺎ ﻭﻏﺴﻠﺖ ﺍﻟﻤﻮﺍﻋﻴﻦ ﻭﺩﺧﻠﺖ ﻏﺮﻓﺘﻲ ..

ﻓﻬﺪ .. ﺍﺗﺼﻠﺖ ﻉ ﺭﻣﻮﺳﻪ ﻛﺎﻟﻌﺎﺩﻩ ﻭﺑﻘﻴﻨﺎ ﻟﻠﺼﺒﺢ ﻧﺨﻄﻂ ﺍﻟﺰﻭﺍﺟﻨﺎ ﻭﻣﺨﻄﻄﻴﻦ ﻧﺘﺰﻭﺝ ﻭﻧﺴﺎﻓﺮ ﺑﺎﻟﻌﻄﻠﻪ ﻭﺍﻱ ﺩﻭﻟﻪ ﺗﺤﺐ ﺗﺴﺎﻓﺮ .. ﻭﻧﺤﻠﻢ ﻭﺍﻧﻲ ﻣﺘﺄﻛﺪ ﺍﻧﻪ ﻫﻲ ﺍﻟﻲ ﻭﻣﺒﻘﻰ ﺷﻲ ﻭﺗﺼﻴﺮ ﻣﺮﺗﻲ ..

ﺭﻳﻤﺎﺱ .. ﺛﺎﻧﻲ ﻳﻮﻡ .. ﺍﻟﺴﺒﺖ ﮔﻌﺪﺕ ﻣﺘﺄﺧﺮﻩ .. ﻫﻮ ﻏﺪﺍ ﻭﻫﻮ ﺭﻳﻮﮒ .. ﮔﺎﻋﺪﻩ ﺑﺎﻟﻤﻄﺒﺦ ﺃﻛﻞ .. ﻭﻣﺎﺍﺷﻮﻑ ﺍﻻ ﺍﻟﺒﺎﺏ ﺍﻧﺪﻓﺮﺕ ﻭﺣﻴﺪﺭ ﻳﻌﻴﻂ .

ﻭﻟﺰﻣﻨﻲ ﻣﻦ ﺷﻌﺮﻱ .. ﻭﻟﺞ ﺍﻧﺘﻲ ﺷﻨﻮ ﺗﺮﺩﻳﻦ ﺗﺨﺰﻳﻨﺎ ﺗﺎﻟﻲ ﻋﻤﺮﻧﺎ ..

ﺟﺎﻳﺒﺘﻠﻨﺎ ﻭﺍﺣﺪ ﺩﻟﻴﻤﻲ ﻭﺳﻨﻲ ﻭﺟﺎﻳﻪ ..

ﺍﺟﻪ ﺑﺎﺑﺎ ﻭﻣﺎﻣﺎ ﻭﺍﺧﻮﺍﻧﻲ ﻳﺮﻛﻀﻮﻥ .. ﺑﺎﻟﮕﻮﻩ ﺟﺮﻭﻧﻲ ﻣﻨﻪ ﺣﻴﺪﺭ ﺿﺨﻢ ﻭﻃﻮﻳﻞ ..

ﺑﺎﺑﺎ ﺭﺯﻟﻪ ﻭﮔﺎﻟﻪ ﺍﻛﺴﺮﻫﺎ ﺍﻻﻳﺪﻙ ﺍﺫﺍ ﻣﺪﻳﺘﻬﺎ ﻋﻠﻴﻬﺎ ..

ﮔﺎﻟﻬﻢ ﻫﻮ ﺍﻧﺘﻮ ﺍﻟﻲ ﺩﻟﻠﺘﻮﻫﺎ ﻭﻣﺎﻋﺮﻓﺘﻮﺍ ﺗﺮﺑﻮﻫﺎ ..

ﮔﺎﻟﻪ ﻋﻠﻲ ﺷﻜﻮ ﺷﺒﻴﻚ .. ﮔﺎﻟﻪ ﻭﺍﻧﺘﻮﺍ ﺧﻮ ﻃﻨﺎﻃﻞ .. ﺍﺧﺘﻜﻢ ﺟﺎﻳﺒﺘﻠﻬﻪ ﻭﺍﺣﺪ ﺳﻨﻲ ﻭﺍﺻﻠﻪ ﻣﻦ ﺍﻟﻔﻠﻮﺟﻪ ﺩﻟﻴﻤﻲ #.. ﺷﻤﺲ

ﺍﻟﺨﺒﻴﺚ ﻃﺎﻟﻊ ﻣﻦ ﺍﻟﺼﺒﺢ ﻳﺴﺄﻝ ﻋﻠﻴﻪ ﻭﻋﺮﻑ ﻫﻮ ﺳﻨﻲ ﻭﻣﻦ ﺍﻟﻔﻠﻮﺟﻪ ﺑﺲ ﻣﻦ ﺻﺎﺭ ﺍﻟﺴﻘﻮﻁ ﺍﻧﺘﻘﻠﻮﺍ ﺍﻟﺒﻐﺪﺍﺩ ﻭﺍﺳﺘﻘﺮﻭﺍ .

ﺍﻧﻲ ﺍﺑﺠﻲ ﻭﺣﻠﮕﻲ ﻛﻮﻟﻪ ﺩﻡ ﺍﻭﻝ ﻣﺮﻩ ﺍﺣﺪ ﻳﻤﺪ ﻋﻠﻴﻪ . ﺑﺲ ﻣﺎﺳﻜﺘﺖ ﻛﻤﺖ ﺍﻋﻴﻂ .. ﮔﻮﺗﻠﻪ ﻭﺍﺫﺍ ﺳﻨﻲ ﻗﺎﺑﻞ ﻛﺎﻓﺮ ..

ﻭﻫﻮ ﻫﺠﻢ ﻋﻠﻴﻪ ﻭﻟﺰﻣﻮﻩ .. ﮔﺎﻝ ﻟﻮ ﺍﺧﺮ ﻳﻮﻡ ﺑﻌﻤﺮﺝ ﻣﺎﺗﺘﺮﻭﺟﻴﻪ .. ﻟﻮ ﺍﻋﺮﻑ ﺍﻣﻮﺕ ﻭﺍﺳﻮﻳﻬﺎ ﺩﻡ ﻣﺎﺗﺎﺧﺬﻳﻪ

ﺍﻧﻲ ﻣﺘﺖ ﻗﻬﺮ .. ﻋﻮﺩ ﻫﻮ ﻣﺘﺪﻳﻦ ﺷﮕﺪ ﻣﻌﻘﺪ ﻭﻓﺎﻫﻢ ﺍﻟﺪﻳﻦ ﺧﻄﺄ ..

ﺑﺎﺑﺎ ﺍﺭﺗﻔﻊ ﺿﻐﻄﻪ ﻭﻭﻛﻊ ﻭﺍﻧﺸﻐﻠﻨﺎ ﺑﻲ .. ﻭﺩﺧﻠﺖ ﻟﻠﻐﺮﻓﻪ ﺍﺑﺠﻲ .. ﻟﻴﺶ ﻫﻴﺞ ﻳﺎﺭﺑﻲ ﻣﻄﻮﻟﺖ ﻓﺮﺣﺘﻲ …

ﺍﺗﺼﻞ ﻓﻬﺪ #.. ﺷﻤﺲ

ﺍﻟﻮ ﻫﻠﻮ ﺭﻣﻮﺱ ﺣﺒﻴﺒﻲ ﺍﺷﻮ ﺍﻟﻴﻮﻡ ﻣﺨﺘﻔﻴﻪ ..

ﺭﻳﻤﺎﺱ .. ﻫﻠﻮ ﻓﻬﺪ

ﻓﻬﺪ .. ﺍﺷﻮ ﺻﻮﺗﺞ ﻣﺘﻐﻴﻴﺮ ﺷﻨﻮ ﺩﺗﺒﺠﻴﻦ

ﺭﻳﻤﺎﺱ .. ﻓﻬﺪ ﻭﻣﺎﺍﺗﺤﻤﻠﺖ ﺑﻘﻴﺖ ﺑﺲ ﺍﺑﺠﻲ

ﻓﻬﺪ .. ﺭﻣﻮﺱ ﺣﺒﻴﺒﻲ ﻣﻨﻮ ﻭﻳﺎﺝ . ﺍﻧﻌﻞ ﺍﻫﻠﻮﺍ ﺍﻟﻲ ﻳﺒﺠﻴﺞ ..

ﺭﻳﻤﺎﺱ .. ﺳﻜﺘﺖ .. ﻓﻬﺪ ﻟﻴﺶ ﻣﮕﺘﻠﻲ

ﻓﻬﺪ .. ﺷﻨﻮ ﺃﮔﻠﺞ ﺣﺒﻲ ﺍﻧﻲ ﻣﻀﺎﻡ ﺷﻲ ﻋﻠﻴﺞ .

ﺭﻳﻤﺎﺱ .. ﻟﻴﺶ ﻣﮕﺘﻠﻲ .. ﺍﻧﺖ ﺳﻨﻲ ﻭﻣﻦ ﺍﻟﻔﻠﻮﺟﻪ ..

ﻓﻬﺪ .. ﺭﻣﻮﺳﻪ ﺍﻧﻲ ﻣﺎﺍﻫﺘﻢ ﺍﻟﻬﺎﻱ ﺍﻟﺸﻐﻼﺕ ﻣﺎﻋﻨﺪﻱ ﻓﺮﻕ ﺑﻴﻦ ﺳﻨﻲ ﻭﺷﻴﻌﻲ ﻭﻣﻦ ﺳﺄﻟﺖ ﻋﻠﻴﻜﻢ ﻋﺮﻓﺖ ﺍﻧﺘﻮ ﺷﻴﻌﻪ ﻭﻣﺎﺩﻗﻘﺖ ﻻﻥ ﺍﻟﻲ ﻳﻬﻤﻨﻲ ﺍﻧﺘﻲ ﻭﺑﺲ ..

ﺑﺲ ﻣﺎﻛﻨﺖ ﺍﻋﺮﻑ ﺍﻧﺘﻲ ﺗﻬﺘﻤﻴﻦ ﺍﻟﻬﻴﺞ ﺷﻐﻼﺕ

ﺭﻳﻤﺎﺱ .. ﻻ ﻭﺍﻟﻠﻪ ﻓﻬﺪ ﺍﻧﻲ ﻣﺎﺍﻫﺘﻢ . ﺍﻧﻲ ﺍﺣﺒﻚ ﻭﻣﻴﻬﻤﻨﻲ ﻟﻮ ﻛﻨﺖ ﻣﺴﻴﺤﻲ ﺣﺘﻰ ﺑﺲ ﺍﺧﻮﻳﻪ ﺣﻴﺪﺭ ﻣﻌﻘﺪ ﻭﺣﻠﻒ ﻣﺎﻧﺘﺰﻭﺝ .. ﻭﺳﻮﻯ ﻣﺸﻜﻠﻪ .. ﻭﺑﺎﺑﺎ ﻭﮔﻊ

ﻣﮕﺘﻠﻪ ﺿﺮﺑﻨﻲ ﺍﺳﺘﺤﻴﺖ #.. ﺷﻤﺲ

ﻓﻬﺪ .. ﻫﻮ ﺑﻜﻴﻔﻮﺍ ﺍﻧﺘﻲ ﺍﺑﻮﺝ ﻣﻮﺟﻮﺩ ﻭﻫﻮ ﺍﻟﻲ ﻳﻘﺮﺭ ..

ﺭﻳﻤﺎﺱ .. ﺑﺎﺑﺎ ﻣﺮﻳﺾ ﻭﻣﻴﺘﺤﻤﻞ ..

ﻓﻬﺪ .. ﻟﺘﺒﺠﻴﻦ ﻳﺎﻋﻴﻨﻲ ﻛﻮﻟﺸﻲ ﻳﻨﺤﻞ .. ﺷﻴﺠﻴﺐ ﺑﺎﺟﺮ ﻭﺍﺷﻮﻓﺞ .. ﺍﺷﺘﺎﻗﻴﺘﻠﺞ ..

ﺳﻜﺘﺖ ﺷﻮﻳﻪ ﻭﻫﻲ ﺗﺤﺠﻲ ﻓﻬﺪ ﺍﻟﻮ ﻓﻬﺪ ﻭﻳﻦ ﺭﺣﺖ ﻭﺷﻮﻳﻪ

ﻭﺷﻐﻠﺘﻠﻬﺎ ﺍﻏﻨﻴﻪ ﻧﻮﺍﻝ ‏( ﺫﺑﺤﻨﻲ ﺍﻟﺸﻮﮒ ‏) ﻭﺍﻏﻨﻲ ﻭﻳﺎﻫﺎ

ﺍﻧﻲ ﺻﻮﺗﻲ ﻛﻠﺶ ﺣﻠﻮ .

ﺭﻣﻮﺳﻪ ﺗﮕﻮﻟﻲ .. ﻃﻔﻲ ﺍﻻﻏﻨﻴﻪ ﻭﻏﻨﻴﻬﺎ ﺑﺼﻮﺗﻚ ﻻﻥ ﻋﻨﺪﻙ ﺍﺣﺴﺎﺱ ﻛﻮﻟﺶ ﺣﻠﻮ ﻳﺒﺠﻴﻨﻲ …

ﻏﻨﻴﺘﻠﻬﺎ ﺍﻧﻲ .. ﺫﺑﺤﻨﻲ ﺍﻟﺸﻮﻙ ﺑﻐﻴﺎﺑﻚ .. ﻟﻴﺎﻟﻲ ﺍﻟﺸﻮﮒ ﺑﻐﻴﺎﺑﻚ ﺧﺬﺗﻨﻲ ….. .

ﻭﻫﻲ ﺗﺮﻭﺡ ﺑﻐﻴﺮ ﻋﺎﺍﻟﻢ ﻭﺗﮕﻮﻟﻲ ﻟﺘﺴﻜﺖ ﻓﻬﺪ ﺧﻠﻴﻨﻲ ﺍﻏﻔﻰ ﻉ ﺻﻮﺗﻚ ..

ﺭﻳﻤﺎﺱ .. ﮔﻌﺪﺕ ﺍﻟﻌﺼﺮ .. ﻟﮕﻴﺖ ﺍﺧﻮﺍﻧﻲ ﻃﺎﻟﻌﻴﻦ .. ﻭﺑﺎﺑﺎ ﻧﺎﻳﻢ ﺑﺎﻟﻐﺮﻓﻪ ﻻﻥ ﺗﻌﺐ ﺧﻄﻴﻪ ﻭﻣﺎﻣﺎ ﻳﻤﻪ .. # ﺷﻤﺲ

ﺩﺧﻠﺖ ﮔﻮﺗﻠﻪ ﺑﺎﺑﺎ ﺷﻠﻮﻥ ﺻﺮﺕ ..

ﺑﺎﺑﺎ .. ﻫﻠﻮ ﺣﺒﻴﺒﺘﻲ .. ﺍﻧﻲ ﺯﻳﻦ ﺗﻌﺎﻟﻲ ﻳﻤﻲ ﺍﺭﻳﺪ ﺍﺣﺠﻲ ﻭﻳﺎﺝ ..

ﺭﻳﻤﺎﺱ .. ﺍﻱ ﺑﺎﺑﺎ ﮔﻮﻝ ..

ﺑﺎﺑﺎ .. ﺍﺑﻨﻴﺘﻲ ﺗﺪﺭﻳﻦ ﺑﻴﻪ ﺍﺣﺒﺞ .. ﻭﺍﻧﺘﻲ ﺑﻌﺪﺝ ﺻﻐﻴﺮﻩ ﻭﺣﻠﻮﻩ ﻭﺍﻟﻒ ﻭﺍﺣﺪ ﻳﺘﻤﻨﺎﺝ .. ﻏﻀﻲ ﻧﻀﺮ ﻋﻦ ﻫﺎﻱ ﺍﻟﺨﻄﺒﻪ ﻻﻥ ﺷﻔﺘﻲ ﺍﺧﻮﺗﺞ ﻭﺧﺎﺻﻪ ﺣﻴﺪﺭ ﻭﺍﻧﻲ ﻣﺎﺍﺭﻳﺪ ﺍﺗﻤﺎﻃﻞ ﻭﺍﺗﻌﺎﺭﻙ ﻭﻱ ﻭﻟﺪﻱ ﺗﺎﻟﻲ ﻋﻤﺮﻱ .. ﻣﺎﺍﺗﺤﻤﻞ ﺍﻣﻮﺕ ..

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤