رواية الإنكسار الجزء التاسع

... 

رواية الإنكسار الجزء التاسع 

للكاتبة ❤️شمس ❤️

... 

ﺍﻣﻴﺮ .. ﻻﺗﺴﺘﻔﺰﻳﻨﻲ ﺳﻤﺮﺍ .. ﻣﺪﺍﻡ ﺍﻧﺘﻲ ﻣﺮﺗﻲ ﻭﻋﺎﻗﺪ ﻋﻠﻴﺞ ﺍﻟﻲ ﺍﻟﺤﻖ ﻛﻮﻟﺸﻲ ﺍﺳﻮﻱ ﻭﻟﺘﺨﻠﻴﻨﻲ ﻫﺴﺎ ﺍﺧﺬﺝ ﺑﺲ ﺍﻧﻲ ﻣﺎﻟﻲ ﻧﻔﺲ ﺑﺎﻟﻨﺴﻮﺍﻥ ..

ﺳﻤﺮﺍ .. ﺍﻟﺤﻤﺪ ﻟﻠﻪ ﺩﺍﻳﻤﻪ .. ﺍﮔﻮﻡ ﺍﻧﺎﻡ ﻟﻮ ﻣﻤﺼﺤﻴﻨﻲ

ﺍﺣﺴﻦ ..

ﺍﻣﻴﺮ . ﻭﻳﻦ ﻣﺎﺍﻛﻠﺘﻲ ﺷﻲ ..

ﺳﻤﺮﺍ .. ﺷﺒﻌﺖ ﺣﻨﺎﻡ ..

ﺍﻣﻴﺮ .. ﻟﻌﺪ ﻧﺎﻣﻲ ﺑﺎﻟﻐﺮﻓﻪ ﺍﻟﻜﺒﻴﺮﻩ ﻟﺘﺨﺎﻓﻴﻦ ﻣﺎﺍﻛﻠﺞ ..

ﺳﻤﺮﺍ .. ﻻ ﻳﺴﻠﻤﻮ ﻣﺮﺗﺎﺣﻪ ﺑﻬﺬﻱ ﺍﻟﻐﺮﻓﻪ ..

ﺍﻭﻭﻭﻭﻑ ﻳﺎﺭﺑﻲ ﻣﻴﺘﻪ ﺟﻮﻉ ﺷﺄﻛﻮﻝ ﻋﻠﻴﻚ ﺍﻣﻴﺮ .. ﮔﻮﻣﺘﻨﻲ ﻣﻦ ﺍﻻﻛﻞ .. # ﺷﻤﺲ

ﻟﺸﻮﻳﻪ ﺧﻠﻴﺘﻪ ﻳﺪﺧﻞ ﺍﻟﻐﺮﻓﻪ ﺑﺤﺠﻪ ﺍﺭﺗﺐ ﺍﻟﻤﻄﺒﺦ .. ﻟﮕﻴﺘﻪ ﻣﺮﺗﺐ ﻛﻮﻟﺸﻲ ﻭﺍﻻﻛﻞ ﺍﻟﺒﺎﻗﻲ ﻣﺨﻠﻴﻪ ﺑﺎﻟﺜﻼﺟﻪ ..

ﻃﻠﻌﺖ ﺍﻟﺒﻴﺘﺰﺍ ﻣﺨﻠﻴﻠﻲ ﺑﺲ ﻗﻄﻌﺘﻴﻦ 😡 ﻭﻃﻠﻌﺖ ﺍﻟﻤﻘﺒﻼﺕ ﺑﻴﻬﺎ ﺳﻠﻄﻪ ﺑﺎﺫﻧﺠﺎﻧﻴﻪ ﺍﻣﻤﻤﻤﻢ ﺍﻛﻠﺖ ﻭﺧﻠﺼﺖ ﻓﺮﺷﺖ ﺍﺳﻨﺎﻧﻲ ﻭﺩﺧﻠﺖ ﻧﻤﺖ ..

ﺍﻣﻴﺮ ﺍﻧﻲ ﮔﺎﻋﺪ ﺑﺎﻟﻐﺮﻓﻪ ﺣﺴﻴﺖ ﻋﻠﻴﻬﺎ ﻃﻠﻌﺖ ﻣﻦ ﺍﻟﻐﺮﻓﻪ .. ﻃﻠﻌﺖ ﻉ ﺍﻃﺮﺍﻑ ﺍﺻﺎﺑﻴﻌﻲ .. ﻭﺷﻔﺘﻬﺎ ﻓﺘﺤﺖ ﺍﻟﺜﻼﺟﻪ ﺧﻄﻴﻪ ﺍﻛﻴﺪ ﺟﻮﻋﺎﻧﻪ .. # ﺷﻤﺲ

ﺭﺟﻌﺖ ﻟﻠﻐﺮﻓﻪ .. ﻭﻧﻤﺖ ﻛﻞ ﺳﺎﻋﻪ ﻭﺍﮔﻮﻡ ﺍﺗﺒﺎﻭﻋﻠﻬﺎ ﻧﺎﻳﻤﻪ ﻭﺍﺭﺟﻊ ﺍﻧﺎﻡ .. ﻣﺎﺍﺩﺭﻱ ﻟﻴﺶ ﺧﺎﻳﻒ ﻭﺻﺎﺭﺕ ﻋﻨﺪﻱ ﻋﻘﺪﻩ ..

ﮔﻌﺪﺕ ﺍﻟﺼﺒﺢ .. ﻏﺴﻠﺖ ﻭﻓﺘﺤﺖ ﺍﻟﺜﻼﺟﻪ ﺍﺗﺒﺎﻭﻉ ﻣﺎﻛﻮ ﺷﻲ .. ﺑﺲ ﺍﻟﻤﺸﺎﻭﻱ ﻣﺎﻝ ﺍﻟﺒﺎﺭﺣﻪ ﻣﻤﺎﻛﻞ ﺷﻲ ﻣﻨﻬﺎ ..

ﻭﺍﻛﻮ ﺻﻤﻮﻥ .

ﺷﻐﻠﺖ ﺍﻻﻭﭬﻦ .. ﻭﺣﻤﻴﺘﻬﻦ ﻭﺣﻤﻴﺖ ﺍﻟﺼﻤﻮﻥ ..

ﻓﺘﺤﺖ ﺍﻟﻜﺎﻭﻧﺘﺮ ﻟﮕﻴﺖ ﺑﻲ ﺟﺎﻱ ﻭﺷﻜﺮ ﻭﺯﻳﺖ

ﺻﻠﻮﺍﺕ ﻫﻤﺰﻳﻦ ﺟﺎﻳﺐ ﺟﺎﻱ ﻭﺳﻜﺮ .. ﺳﻮﻳﺖ ﺟﺎﻱ ﻭﻃﻠﻌﺖ ﮔﻼﺻﺎﺕ ..

ﮔﻌﺪ ﺍﻣﻴﺮ .. ﻣﺒﺪﻝ ﻣﻼﺑﺲ ﻋﺴﻜﺮﻳﻪ . ﺍﺳﺘﻐﺮﺑﺖ ﺍﻟﻤﻔﺮﻭﺽ ﻳﺎﺧﺬ ﺍﺟﺎﺯﻩ ..

ﺑﺲ ﻣﺎﺍﻫﺘﻤﻴﺖ ..

ﺍﺗﺒﺎﻭﻉ ﻟﻼﻛﻞ ﮔﺎﻝ .. ﺍﻭﻭﻭﻩ ﻧﺴﻴﺖ ﺍﺟﻴﺐ ﺍﺟﺒﺎﻥ ﺍﻭ ﺑﻴﺾ ..

ﺳﻤﺮﺍ .. ﻋﺎﺩﻱ ﻫﺬﻱ ﻫﻢ ﻧﻌﻤﺔ ﺍﻟﻠﻪ ..

ﺍﻣﻴﺮ .. ﻋﺠﺒﺘﻨﻲ .. ﻫﺬﻳﺞ ﻛﺎﻧﺖ ﺷﻨﻮ ﺍﺟﻴﺐ ﻣﻴﻌﺠﺒﻬﺎ .. ﺍﻭﻭﻭﻭﻩ ﺷﺒﻴﻚ ﺍﻣﻴﺮ ﺍﺻﺤﻰ ﻛﻠﻬﻦ ﺟﻨﺲ ﺣﻮﺍ ﻟﻴﻐﺮﻙ ﺑﺲ ﺍﻟﺨﻄﻂ ﻣﺨﺘﻠﻔﻪ ..

ﺳﻤﺮﺍ .. ﻣﺘﺎﻛﻞ ﺷﻲ ﺻﺒﻴﺖ ﺍﻟﻚ ﺟﺎﻱ ..

ﺍﻣﻴﺮ .. ﻻ ﻣﺎﺍﺗﺮﻳﮓ ﻣﻦ ﺍﻟﺼﺒﺢ ﻭﺍﺗﺄﺧﺮﺕ ﻉ ﺍﻟﺪﻭﺍﻡ ..

ﺳﻤﺮﺍ .. ﺑﺮﺍﺣﺘﻚ .. ﺑﺲ ﺍﻟﻴﻮﻡ ﺗﺘﺄﺧﺮ

ﺍﻣﻴﺮ .. ﺭﻓﻌﺖ ﺣﺎﺟﺒﻲ ﻣﺴﺘﻐﺮﺏ .. ﻭﻟﻴﺶ ﻫﺬﺍ ﺍﻟﺴﺆﺍﻝ ﺍﻣﻮﺕ ﻣﻦ ﻫﺬﺍ ﺍﻟﺴﺆﺍﻝ ﻻﻥ ﺍﻟﻲ ﻗﺒﻠﻬﺎ ﻛﺎﻧﺖ ﺗﺴﺄﻟﻨﻲ ﻧﻔﺴﻪ ..

ﺳﻤﺮﺍ .. ﻻ ﺑﺲ ﺍﻟﺒﻴﺖ ﻓﺎﺭﻍ ﻣﺒﻲ ﻣﺴﻮﺍﮒ ﻭﻣﺤﺘﺎﺭﻩ ﺷﻨﻮ ﺍﻃﺒﺦ . ﻭﺑﻌﺪﻳﻦ ﻣﻮ ﻋﺴﺎﺱ ﻧﺮﻭﺡ ﻧﺠﻴﺐ ﻧﻮﺭ ..

ﺍﻣﻴﺮ .. ﻻ ﻣﺎﺍﺗﺄﺧﺮ ﻟﻠﻀﻬﺮ ﺍﻧﻲ ﻫﻨﺎﻳﻪ ﻭﺣﺠﻴﺐ ﻏﺪﺍ ﻭﻣﺴﻮﺍﻙ ﻭﻳﺎﻱ ..

ﻭﺍﻟﻌﺼﺮ ﻧﺮﻭﺡ ﺍﻻﻫﻠﻲ ﻻﻥ ﻋﺎﺯﻣﻴﻨﺎ .. ﻳﻠﻪ ﺍﻧﻲ ﻃﺎﻟﻊ .

ﺍﺷﻮ ﻫﺬﺍ ﻫﻢ ﻃﻠﻊ ﻭﻗﻔﻞ ﺍﻟﺒﺎﺏ .. ﺷﮕﺪ ﺷﺎﻳﻒ ﻧﻔﺴﻪ .. ﺷﮕﺪ ﺍﻛﺮﻩ ﺍﻟﺮﺟﻞ ﺍﻟﻲ ﻳﻘﻠﻞ ﻣﻦ ﺍﺣﺘﺮﺍﻡ ﺍﻟﻤﺮﻩ .

ﺍﻭﻭﻭﻭﻑ ﻳﺎﺭﺑﻲ ﺷﻮﺭﻃﺖ ﺭﻭﺣﻲ .. ﻫﺴﺎ ﺍﻧﻲ ﻋﺎﻳﻔﻪ ﻛﻠﻴﺘﻲ ﻭﮔﺎﻋﺪﻩ ﻫﻨﺎﻳﻪ ﺑﻴﻦ ﺍﺭﺑﻊ ﺣﻴﻄﺎﻥ ﺷﺄﺳﻮﻱ ﻫﺴﺎ ..

ﻛﻤﻠﺖ ﺭﻳﻮﮒ ﻭﻏﺴﻠﺖ ﺍﻟﻤﻮﺍﻋﻴﻦ .. ﻭﺭﺗﺒﺘﻪ ﻭﺍﺗﺼﻠﺖ ﻉ ﻣﺎﻣﺎ .. # ﺷﻤﺲ

ﻭﻣﺎﺭﺩﺕ ﺍﺿﻮﺟﻬﺎ ﻭﺍﮔﻮﻟﻬﺎ ﺍﻧﻀﺮﺑﺖ ﺑﺎﻭﻝ ﻟﻴﻠﻪ ﺯﻭﺍﺝ ﺍﻟﻲ ..

ﻃﻤﻨﺘﻬﺎ ﻋﻠﻴﻪ ..

ﺧﻠﺼﺖ ﺍﺗﺒﺎﻭﻉ ﻉ ﺍﻟﺼﺎﻟﻪ ﺻﻐﻴﺮ ﻭﺩﺍﺣﺴﻴﻦ ﺍﻻﺛﺎﺙ ﺑﻲ .

ﻃﻠﻌﺖ ﺍﻟﻐﺮﺍﺽ ﺍﻟﺰﺍﻳﺪﻩ ﻟﻼﺳﺘﻘﺒﺎﻝ ﻭﺭﺗﺒﺘﻪ ..

ﻭﺭﺗﺒﺖ ﺍﻟﺼﺎﻟﻪ ﺧﻠﻴﺖ ﺑﺲ ﺍﻟﺘﺨﻢ ﻭﺍﻟﺘﻠﻔﺰﻳﻮﻥ .. ﻭﻣﺴﺤﺖ ﺍﻻﺭﺿﻴﺎﺕ ..

ﻭﺑﻌﺪﻳﻦ ﺩﺧﻠﺖ ﻟﻠﻐﺮﻓﻪ .. ﺭﺗﺒﺘﻬﺎ ﻭﻃﻠﻌﺖ ﻣﻼﺑﺴﻪ ﺍﻟﻮﺳﺨﻪ ..

ﻏﺴﻠﺖ ﻣﻼﺑﺲ ﺑﺲ ﺍﺣﺘﺎﺭﻳﺖ ﺷﻠﻮﻥ ﺍﻧﺸﺮﻫﻦ ﻭﻫﻮ ﻗﺎﻓﻞ ﺍﻟﺒﺎﺏ ..

ﻫﻦ ﻧﺎﺷﻔﺎﺕ ﺑﺎﻟﻤﺠﻔﻒ .. ﻃﻠﻌﺘﻬﻦ ﻭﻛﻮﻳﺘﻬﻦ ﻧﺸﻔﻦ ﻭﻋﻠﮕﺘﻬﻦ ﺑﺎﻟﻜﻨﺘﻮﺭ . ..

ﺍﺧﺬﺕ ﻣﻼﺑﺴﻲ ﻛﻮﻟﻬﺎ ﻻﻥ ﻫﻢ ﻣﺨﻠﻴﻬﺎ ﺑﺎﻟﻐﺮﻓﻪ ﻭﻱ ﺍﻣﻴﺮ .. ﺍﻧﻲ ﺧﻠﻴﺘﻬﻢ ﺑﺬﻳﺞ ﺍﻟﻐﺮﻓﻪ ﺍﻟﺜﺎﻧﻴﻪ ..

ﺍﺗﺼﻠﺖ ﻣﻴﻮﺳﻪ ﻭﺑﻘﻴﻨﺎ ﻧﺴﻮﻟﻒ ﻭﺳﺄﻟﺘﻬﺎ ﻉ ﻧﻮﺭ ..

ﻭﮔﺎﻟﺖ ﻳﻠﻪ ﺍﺭﻭﺡ ﻣﺎﻣﺎ ﺗﺼﻴﺢ ﺍﻟﻲ ﺩﺍ ﻧﺠﻬﺰ ﻟﻠﻌﺮﺳﺎﻥ ﺣﻴﺠﻮﻧﻪ ﺍﻟﻌﺼﺮ 😉.. # ﺷﻤﺲ

ﺻﺮﺍﺣﻪ ﻣﻠﻞ ﺍﺫﺍ ﻫﻴﺞ ﺍﻟﺮﻭﺗﻴﻦ ﻛﻞ ﻳﻮﻡ ..

ﺷﻮﻳﻪ ﻭﺳﻤﻌﺖ ﺍﻟﺒﺎﺏ ﺍﻧﻔﺘﺢ .. ﺍﺗﺒﺎﻭﻋﺖ ﻉ ﻛﻴﻒ ﺷﻔﺖ ﺍﻣﻴﺮ ﺩﺧﻞ ﻭﻣﺤﻤﻞ ﺍﻛﻴﺎﺱ .. ﺭﺣﺖ ﻋﻠﻴﻪ ..

ﮔﻮﺗﻠﻪ ﺍﻟﻠﻪ ﻳﺴﺎﻋﺪﻙ .. ﻭﺍﺧﺬﺕ ﻣﻨﻪ ﺍﻻﻛﻴﺎﺱ .. ﺭﺗﺒﺘﻬﻦ ﻣﻦ ﻏﻴﺮ ﻣﺎﺍﺣﺠﻲ ﺍﻱ ﺷﻲ ﻭﻛﻞ ﻣﺎﻳﺮﻳﺪ ﻳﻔﺘﺢ ﻣﻮﺿﻮﻉ .. ﻣﺎﺍﻫﺘﻢ .. ﺭﺗﺒﺖ ﺍﻟﻤﺴﻮﺍﮒ ﻭﺍﻧﻲ ﺳﺎﻛﺘﻪ .. ﺟﺎﻳﺐ ﺍﻟﺴﻮﮒ ﻛﻮﻟﻪ 😂

ﻗﺮﺭﺕ ﺑﻌﺪ ﻣﺎﺍﺣﺠﻲ ﻭﻳﺎﻩ ﺍﻟﻰ ﺍﻥ ﻳﻌﺮﻑ ﺷﻮﻛﺖ ﻳﻌﺎﻣﻠﻨﻲ ﺻﺢ ..

ﺟﺎﻳﺐ ﺳﻤﻚ ﻣﺸﻮﻱ ﻭﻃﺮﺷﻲ ..

ﻭﺧﺒﺰ ﺣﺎﺭ .. ﺧﻠﻴﺘﻬﻢ ﻉ ﺍﻟﻄﺎﻭﻟﻪ ﺑﻴﻦ ﻣﺎﺳﺒﺢ ﻭﺑﺪﻝ ﻭﻃﻠﻊ ..

ﮔﻠﻲ ﺍﮔﻌﺪﻱ ﺍﻛﻠﻲ ..

ﺟﺒﺖ ﺻﺤﻦ ﻭﺍﺧﺬﺕ ﻗﻄﻌﻪ ﺻﻐﻴﺮﻩ ﺳﻤﻚ .. ﻭﺧﺒﺰ ﺷﻮﻳﻪ ﻭﺧﻴﺎﺭﺗﻴﻦ ﻣﻦ ﺍﻟﻄﺮﺷﻲ ..

ﺧﻠﻴﺘﻬﻢ ﺑﺼﻴﻨﻴﻪ ﺻﻐﻴﺮﻩ ﻭﺩﺧﻠﺖ ﺍﻟﻐﺮﻓﺘﻲ ﻭﻫﻮ ﺑﺲ ﻳﺒﺎﻭﻋﺎﻟﻲ .. # ﺷﻤﺲ

ﺗﺎﻟﻲ ﮔﺎﻝ .. ﻭﺍﻧﻲ ﺷﻨﻮ ﮔﺎﻋﺪ ﻫﻨﺎ ..

ﺳﻤﺮﺍ .. ﺷﻮﻛﺖ ﻣﺘﺘﻌﺎﻣﻞ ﻭﻳﺎﻱ ﺻﺢ .. ﺍﮔﻌﺪ ﮔﺒﺎﻟﻚ ﻭﺍﻛﻞ

ﻫﺎ .. ﻏﺮﺍﺿﻲ ﻧﻘﻠﺘﻬﺎ ﻟﻠﻐﺮﻓﻪ ﺍﻟﺜﺎﻧﻴﻪ .. ﻓﻴﺎﻟﻴﺖ ﺗﺠﻴﺐ ﺳﺮﻳﺮ ﺍﻟﻲ ﻭﺍﻟﻨﻮﺭ ﻻﻥ ﺣﺘﻨﺎﻡ ﻭﻳﺎﻱ ﺑﺎﻟﻐﺮﻓﻪ ..

ﺍﻣﻴﺮ .. ﻣﺎﺍﻋﺮﻑ ﺷﻨﻮ ﺍﺣﺠﻲ ﻭﻳﺎﻫﻪ ﺍﻧﻲ ﻣﺪﺍ ﺍﺗﻘﺒﻞ ﺣﻴﺎﺗﻲ ﻭﺑﻌﺪﻧﻲ ﻣﺼﺪﻭﻡ .

ﻭﻫﻲ ﻣﺒﻴﻦ ﻋﻠﻴﻬﺎ ﻗﻮﻳﻪ ﻭﺣﺘﻌﺒﻨﻲ .. ﺷﻠﻮﻥ ﻳﺎﺭﺑﻲ ﺍﻭﻭﻩ ﻳﺎﺑﻪ ﺧﻠﻲ ﺗﻮﻟﻲ ﻭﻫﺴﺎ ﺍﻧﻲ ﻟﻴﺶ ﻣﻬﺘﻢ ﺯﺍﻳﺪ ..

ﻛﻤﻠﺖ ﻏﺪﺍ ﻭﺩﺧﻠﺖ ﻟﻠﻐﺮﻓﻪ ﺍﺭﺗﺎﺡ .. ﻭﻏﻔﻴﺖ ﺷﻮﻳﻪ .

ﻣﺎﺣﺴﻴﺖ ﺍﻻ ﺍﻟﺒﺎﺏ ﺗﻨﺪﮒ .. ﺻﻮﺕ ﺳﻤﺮﺍ . ﺍﻣﻴﺮ ﺍﻟﺴﺎﻋﻪ ﺍﺭﺑﻌﻪ ﻣﻮ ﻋﺴﺎﺱ ﻧﺮﻭﺡ ﺍﻻﻫﻠﻚ ..

ﻃﻔﺮﺕ .. ﻫﺴﺎ ﺟﺎﻱ .. ﻧﺴﻴﺖ ﻣﺘﻮﺍﻋﺪ ﻭﻱ ﺍﻫﻠﻲ .. ﻓﺘﺤﺖ ﺍﻟﻜﻨﺘﻮﺭ ﺷﻔﺖ ﻣﻼﺑﺴﻲ ﻣﺎﻝ ﺑﺎﺭﺣﻪ ﻣﻐﺴﻮﻻﺕ ﻭﻣﻜﻮﻳﺎﺕ ﻭﻣﻌﻄﺮﺍﺕ . ﺍﺑﺘﺴﻤﺖ .. ﻃﻠﻌﺖ ﻗﻤﻴﺺ ﻭﺑﻨﻄﺮﻭﻥ ﺣﻈﺮﺗﻬﻦ ﻭﻃﻠﻌﺖ ﻏﺴﻠﺖ ﻭﺭﺟﻌﺖ ﻭﻣﺎﺷﻔﺖ ﺳﻤﺮﺍ ﺍﻛﻴﺪ ﺩﺍ ﺗﺤﻈﺮ ﺭﻭﺣﻬﺎ .. # ﺷﻤﺲ

ﻃﻠﻌﺖ ﺻﺤﺖ ﺳﻤﺮﺍ ﻭﻳﻨﺞ ﺧﺒﺼﺘﻴﻨﻲ ﻭﺗﺎﻟﻲ ﻟﺴﺎ ﻣﻤﺨﻠﺼﻪ ﻓﺘﺤﺖ ﺍﻟﺒﺎﺏ ﺗﻌﺠﺒﺖ ﻣﻮ ﺫﻳﺞ ﺳﻤﺮﺍ ﺍﻟﻲ ﺍﻋﺮﻓﻬﺎ ..

ﺳﻤﺮﺍ .. ﺍﻟﻈﻬﺮ ﻣﺎﻧﻤﺖ ﻧﻀﻔﺖ ﺍﻟﻤﻄﺒﺦ .. ﻭﺩﺧﻠﺖ ﺳﺒﺤﺖ ﻭﻧﺸﻔﺖ ﺷﻌﺮﻱ ﻭﺧﻠﻴﺖ ﻣﻴﻚ ﺍﺏ ﺧﻔﻴﻒ ﻭﻛﺤﻠﻪ ﺍﻭﻝ ﻣﺮﻩ ﺍﺧﻠﻲ ﺣﺪﺩﻥ ﻋﻴﻮﻧﻲ ﻭﻃﻠﻌﻦ ﻳﺨﺒﻠﻦ ..

ﻭﺧﻠﻴﺖ ﻣﺎﺳﻜﺮﺍ .. ﺍﻣﻤﻤﻤﻢ ﺭﻣﻮﺷﻲ ﺻﺎﺭﺕ ﻋﺒﺎﻟﻚ ﺍﺻﻄﻨﺎﻋﻲ ..

ﻭﻟﺒﺴﺖ ﻛﻴﻠﻮﺕ ﻣﺎﺭﻭﻧﻲ ﻃﻮﺥ ﻭﻗﻤﻴﺺ ﺍﺑﻴﺾ ﻭﻓﻮﮔﺎﻩ ﺳﺘﺮﻩ ﻣﺎﺭﻭﻧﻲ ﺣﻠﻮﻩ ﻭﻟﻔﻴﺖ ﺷﺎﻝ ﺍﺑﻴﺾ ﻭﺑﻲ ﻧﻘﺸﻪ ﻣﺎﺭﻭﻧﻲ ﻓﺪﻳﺘﻨﻲ ﺍﺧﺒﻞ ..

ﻣﻦ ﮔﺎﻡ ﻳﻌﻴﻂ ﺍﻣﻴﺮ . ﻓﺘﺤﺖ ﺍﻟﺒﺎﺏ ﻫﻮ ﺻﺎﺭ 😨 ﻫﻴﺞ ﻫﻬﻬﻬﻪ ..

ﻛﻞ ﺍﻟﺮﺟﺎﻝ ﻫﻴﺞ ﻳﺴﻮﻭﻥ ﻧﻔﺴﻬﻢ .. ﺯﻭﺭﻭ ﻭﺗﺎﻟﻲ ﻣﻦ ﻳﺸﻮﻓﻮﻥ ﻭﺣﺪﻩ ﻻﺑﺴﻪ ﻭﺣﻠﻮﻩ ﻳﺼﻴﺮﻭﻥ ﺭﻭﻣﻴﻮ 😂

ﺷﻠﺖ ﺧﺸﻤﻲ ﻋﻠﻴﻪ ﻭﻃﻠﻌﺖ ﮔﺪﺍﻣﻪ .. ﻫﻮ ﺑﻘﻰ ﺻﺎﻓﻦ ﺍﻟﺘﻔﺘﺖ ﻋﻠﻴﻪ .. ﮔﻮﺗﻠﻪ ﺩﻳﻠﻪ ﻣﺘﻤﺸﻲ ﻟﻮ ﻏﻴﺮﺕ ﺭﺃﻳﻚ ..

# ﺑﻘﻠﻤﻲ _ ﺷﻤﺲ

# ﻳﺘﺒﻊ … 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤