....
رواية ثمار العار بالحلال ج2 الجزء الثاني والعشرين | النهاية
.......
ﺻﺮﺕ ﺍﺭﻛﺾ ﺧﺎﻳﻒ ﻭﺣﺪﻱ ﻭﺭﺑﻌﻲ ﻳﺮﻛﻀﻮﻥ
ﻭﺭﺍﻱ
ﺳﻤﻌﺖ ﺻﺮﺧﺔ ﺭﻭﺍﺀ : ﺳﻬﻮﻭﻭﻭﻭﻭﻭﺓ ﺳﻬﻮﻭﻭﻭﺓ ﺟﻮﺓ
ﺷﺎﺑﺔ ﺑﻴﻬﺎ ﺍﻟﻨﺎﺭ
: ﻻﺍﺍﺍﺍﺍ ﻳﺎ ﺍﻟﻠﻪ . ﺍﻻ ﺳﻬﻮﺓ
ﺭﺣﺖ ﺍﺭﻛﺾ ﺍﺣﺲ ﺑﺮﻭﺣﻲ ﺷﺎﻏﺖ ﻻ ﻳﺎﻟﻠﻪ
: ﻭﻟﺞ ﺭﻭﺍﺀ ﺍﺣﺠﻲ ﺳﻬﻮﺓ ﻭﻳﻦ
ﺭﻭﺍﺀ ﻭﻫﻲ ﺗﺒﺠﻲ ﻣﻔﺮﻓﺤﺔ ﻭﺗﺄﺷﺮ ﻋﺎﻟﺒﻴﺖ
: ﺛﺎﺋﺮ ﺳﻬﻮﺓ ﺷﺨﻔﺘﻬﺎ ﻓﺎﺗﺖ ﻟﻐﺮﻓﺘﻜﻢ ﻭﺍﻟﻨﺎﺭ ﺷﺎﺑﺔ ﺑﺜﻮﺑﻬﺎ ﻭﻣﺎﻛﺪﺭﺕ ﺍﻟﺤﻚ ﻋﻠﻴﻬﺎ
ﺭﺣﺖ ﺍﺭﻛﺾ ﻋﺎﻟﺒﻴﺖ
ﺍﺑﺎﻭﻉ ﻟﻠﻨﺎﺱ ﻣﺨﺒﻮﺻﺔ ﻭﺍﻟﻜﻞ ﻣﺘﻌﺎﻭﻥ ﻳﻨﻜﻞ ﻣﺎﻱ ﻣﻦ ﺍﻟﺴﺎﻛﻴﺔ ﻭﻳﻄﻔﻲ ﺻﻐﺎﺭ ﻭﻛﺒﺎﺭ ﻭﺑﻴﺘﻨﺎ ﺻﺎﻳﺮ ﻟﻬﻴﺐ
ﺑﻠﻠﺖ ﺷﻤﺎﻏﻲ ﻭﻟﻔﻴﺘﺔ ﻋﻠﻰ ﻭﺟﻬﻲ ﻭﺑﺎﻭﻋﺖ ﻻﻭﻻﺩ ﻋﻤﺎﻣﻲ ﻭﺍﺧﻮﺗﻲ ﻭﺭﺑﻌﻲ ﺍﻧﺘﺸﺮﻭ ﻳﻜﺴﺮﻭﻥ ﺟﺎﻡ ﺍﻟﺒﻴﺖ ﺣﺘﻰ ﻳﻄﻠﻌﻮﻥ ﺍﻟﺪﺧﺎﻥ
ﻓﺘﺖ ﺟﻮﺓ ﻟﻠﺒﻴﺖ ﻭﻟﻔﺤﺘﻨﻲ ﺣﺮﺍﺭﺓ ﺍﻟﻨﺎﺭ
ﻭﺍﺳﻤﻊ ﻭﺭﺍﻱ ﺻﺮﻳﺦ ﺍﻟﻨﺴﻮﺍﻥ ﻭﺍﻻﻣﺔ ﻣﻜﻠﻮﺑﺔ ﻭﺍﻧﺔ
ﻛﻠﺒﻲ ﻳﺮﻳﺪ ﻳﻮﻛﻒ
ﺭﺑﻲ ﺑﺠﺎﻩ ﻛﻠﻤﻦ ﻋﻨﺪﺓ ﺟﺎﻩ ﻳﻤﻚ
ﺍﺭﻳﺪ ﺳﻬﻮﺓ ﻣﻨﻚ
ﺍﺻﻌﺪ ﻋﺎﻟﺪﺭﺝ ﻭﺍﻟﺒﻴﺖ ﺩﺧﻨﺔ
ﺍﺭﻳﺪ ﺑﺲ ﺍﻭﺻﻠﻠﻬﺎ ﺍﺳﻤﻊ ﺻﺮﻳﺨﻬﺎ
: ﺳﻬﻮﻭﻭﺓ ﺍﻧﺘﻈﺮﻳﻨﻲ ﺍﺟﻴﺘﺞ ﻻﺗﺨﺎﻓﻴﻦ
ﺍﺳﻤﻌﻬﺎ ﺗﺼﺮﺥ ﻣﻔﺠﻮﻋﺔ ﻭﺗﻜﺢ ﻣﺨﺘﻨﻜﺔ :
: ﺛﺎﺋﺮ ﺍﻟﺤﮕﻨﻲ ﺍﻟﻨﺎﺭ ﺍﻟﻨﺎﺭ
: ﺳﻬﻮﺓ ﺳﻤﻌﻴﻨﻲ . ﺯﻳﻦ ﺭﻭﺣﻲ ﻟﻠﺤﻤﺎﻡ ﻭﺑﻠﻠﻲ ﺟﺮﺟﻒ ﻭﻟﻔﻲ ﺭﻭﺣﺞ ﺑﻲ
ﻭﺍﻟﻠﻪ ﻣﺎ ﺍﺳﺎﻣﺢ ﻧﻔﺴﻲ ﺍﺫﺍ ﺻﺎﺭ ﻋﻠﻴﻬﺎ ﺍﻋﺎﻳﻦ ﻋﻠﻰ
ﺍﻟﻤﺤﺠﺮ ﻣﺎﻟﺖ ﺍﻟﺪﺭﺝ ﺟﺎﻥ ﻛﻠﺔ ﺧﺸﺐ ﺻﺎﺝ
ﻭ ﺟﺎﻱ ﻳﺤﺘﺮﻙ ﻣﻦ ﺍﻟﻄﻮﻝ ﻟﻠﻄﻮﻝ
ﻛﻮﺓ ﺻﻌﺪﺕ ﺛﻼﺙ ﺩﺭﺟﺎﺕ ﻭﺳﻤﻌﺖ ﺻﻮﺕ
ﺷﻲ ﺟﺎﻱ ﻳﺘﻜﺴﺮ ﺭﻓﻌﺖ ﺭﺍﺳﻲ ﺑﺎﻭﻋﺖ ﺟﺎﻥ ﻣﺤﺠﺮ ﺍﻟﺴﻄﺢ ﻳﺮﻳﺪ ﻳﻮﻛﻊ ﻭﻳﻨﻬﺎﺭ
ﺷﻬﻜﺖ ﺩﺧﻴﻠﻚ ﻳﺎﻟﻠﻪ ﺻﺮﺕ ﺍﺗﻘﺪﻡ ﻭﺍﺻﻴﺢ ﺑﺄﺳﻤﻬﺎ ﺣﺘﻰ ﺍﺳﻤﻊ ﺻﻮﺗﻬﺎ ﻭﻛﺄﻥ ﺻﻮﺗﻬﺎ ﺭﺍﺡ ﻳﻨﻄﻴﻨﻲ ﺍﻻﻣﺎﻥ ﺣﺘﻰ ﺍﻭﺻﻠﻠﻬﺎ
ﺑﺲ ﻣﺎ ﺳﻤﻌﺖ ﻣﻨﻬﺎ ﺻﻮﺕ ﻣﺎ ﺟﺎﻭﺑﺘﻨﻲ
ﺻﺤﺖ ﺑﺼﻮﺕ ﻓﺎﻗﺪ ﻭﻟﺞ ﺳﻬﻮﺓ ﺟﺎﻭﺑﻴﻨﻲ
ﻻﺗﺴﻜﺘﻴﻦ
ﻭﻣﺎ ﺣﺴﻴﺖ ﺍﻻ ﻋﻠﻰ ﺍﻳﺪ ﺳﺤﺒﺘﻨﻲ
ﺍﻟﺘﻔﺘﺖ
ﺷﻔﺘﺔ ﻧﺎﺻﺮ ﺍﺑﻦ ﻋﻤﻲ ﻭﻋﺪﻱ ﻣﺘﻠﺜﻤﻴﻦ ﻟﺰﻣﻮﻧﻲ ﻳﻤﻨﻌﻮﻧﻲ
ﻋﻦ ﺍﻟﺼﻌﻮﺩ
ﻋﺪﻱ : ﺛﺎﻳﺮ ﺍﺭﺟﻊ ﺭﺟﻊ ﺭﺍﺡ ﻳﻨﻬﺎﺭ ﺍﻟﻤﺤﺠﺮ ﻭﻳﻮﻛﻊ ﻓﻮﻙ ﺭﺍﺳﻚ
ﺻﺮﺕ ﺍﺩﻓﻊ ﺑﻴﻬﻢ
: ﻭﻟﻚ ﻋﺪﻱ ﻋﻮﻓﻨﻲ
ﺳﻬﻮﺓ ﻓﻮﻙ ﻋﻮﻓﻨﻲ ﺧﻠﻴﻨﻲ ﺍﻟﺤﻚ ﻋﻠﻴﻬﺎ
ﻭﻟﻚ ﻧﺼﻴﺮ ﻋﻮﻓﻨﻲ ﺷﻠﻮﻥ ﺗﺮﺿﺎﻫﺎ ﻣﺮﻭﺗﻚ ﺑﻨﺖ ﻋﻤﻚ ﻓﻮﻙ ﺗﺤﺘﺮﻙ ﻭﻣﺎ ﺗﻔﺰﻋﻠﻬﺎ
ﻧﺎﺻﺮ ﻭﻫﻮ ﻳﻜﺢ ﺑﺎﻭﻋﺖ ﻋﻠﻴﻪ
ﺭﻓﺲ ﺍﻟﻤﺤﺠﺮ ﺣﺘﻰ ﻳﺒﻌﺪﺓ ﻋﻦ ﻃﺮﻳﻘﻲ ﻭﺳﻮﺍﻟﻲ ﻣﺠﺎﻝ ﺍﻋﺒﺮﻣﻨﺔ
ﻭﺻﻌﺪﺕ ﺩﺭﺟﺘﻴﻦ ﻭﺭﻓﻌﺖ ﺑﻴﺪﻱ ﺩﻧﮕﺔ ﺧﺸﺐ ﺟﺎﻧﺖ ﻗﺎﻃﻌﺔ ﻃﺮﻳﻘﻲ ﻣﺎ ﺣﺴﻴﺖ ﻋﻠﻰ ﺣﺮﻭﺭﺗﻬﺎ ﻣﻦ ﺣﺮﮔﺖ ﺟﻔﻮﻓﻲ ﻣﺎ ﺍﻫﺘﻤﻴﺖ ﺟﻨﺖ ﺑﺲ ﺍﺭﻳﺪ ﺍﻭﺻﻠﻬﺎ
ﺳﻤﻌﺖ ﺻﻮﺕ ﺳﻴﺎﺭﺓ ﺍﻻﻃﻔﺎﺀ ﺍﺑﺎﻭﻉ ﻟﺒﻴﺘﻨﺎ
ﻛﻠﺔ ﺩﺧﺎﻥ ﻭﻇﻠﻤﺔ ﻣﺎ ﻳﻨﺸﺎﻑ ﺷﻲ
ﻭﺍﺳﻤﻊ ﺻﻴﺎﺡ ﺍﻟﺰﻟﻢ ﻭﺻﺮﻳﺦ ﺍﻟﻨﺴﻮﺍﻥ ﺗﻮﻟﻮﻝ
ﻭﺍﻟﺠﻬﺎﻝ ﺗﺘﺒﺎﺟﻰ
ﻭﺍﻧﺎ ﻫﺬﺍ ﻣﻮ ﺑﺎﻟﻲ ﺟﻨﺖ ﺍﻧﺘﻨﺼﺖ ﻭﺣﺎﺑﺲ ﺍﻧﻔﺎﺳﻲ
ﻟﺤﺘﻰ ﺍﺳﻤﻊ ﺻﻮﺗﻬﺎ
ﻭﺍﻟﻠﻪ ﺍﻧﻬﺪ ﺣﻴﻠﻲ ﻣﻦ ﺳﻤﻌﺘﻬﺎ ﺗﻜﻠﻲ ﺛﺎﺋﺮ ﺍﻟﺤﻜﻨﻲ
ﺳﻬﻮﺓ ﺟﺎﻳﺞ ﻟﻮ ﺍﺭﺟﻌﺞ ﻭﻳﺎﻱ ﻟﻮ ﺗﺎﺧﺬﻳﻨﻲ ﻭﻳﺎﺝ
ﻭﺣﻚ ﻋﻴﻨﺎﺝ ﻣﺎ ﺍﺧﻠﻲ ﺍﻟﻤﻮﺕ ﻳﻔﺎﺭﻛﻨﺎ
ﻭﺻﻠﻨﻲ ﺻﻮﺕ ﺭﺟﺎﻝ ﺍﻻﻃﻔﺎﺀ ﻭ ﺧﺮﻃﻮﻡ ﺍﻟﻤﺎﻱ ﺑﺪﺓ
ﻳﻄﻔﻲ ﺑﺲ ﺑﻌﺪﻳﺶ
ﺍﺍﺍﺍﺥ ﺍﻟﻠﻪ ﻣﻮ ﻋﺒﺎﻟﻚ ﺩﺭﺝ ﻳﻔﺼﻞ ﺑﻴﻨﻲ ﻭﺑﻴﻨﻬﺎ
ﻋﺒﺎﻟﻚ ﺩﻫﺮ ﻳﺒﻌﺪﻧﻲ ﻋﻨﻬﺎ
ﻭﺻﻠﺖ ﻟﺒﺎﺏ ﻏﺮﻓﺘﻨﺎ ﻭﺩﻓﺮﺗﺔ
ﻋﺪﻱ : ﻭﻟﻚ ﺛﺎﻳﺮ ﺍﺭﺟﻊ ﻻ ﺗﻤﻮﺕ
: ﻭﻟﻚ ﻳﺎﺧﻮﻱ ﻃﻠﺒﻚ ﺻﻌﺐ ﺍﻟﻤﻮﺕ ﺍﻫﻮﻥ ﻋﻠﻴﺔ
ﻣﻦ ﺍﻋﻮﻓﻬﺎ ﺗﺤﺘﺮﻙ
ﺟﺎﻥ ﻟﺴﺎﻥ ﺣﺎﻟﻲ ﻳﻜﻮﻝ
ﺟﺎ ﻳﺎﺧﻮﻱ ﺷﻠﻲ ﺑﻌﻤﺮﻱ ﻣﻦ ﺩﻭﻧﻬﺎ ﻣﺎ ﻳﺤﻼﻟﻲ ﺍﻟﻌﻴﺶ
ﺍﺗﻘﺪﻣﺖ ﻭ ﻋﺪﻱ ﺻﻌﺪ ﻭﺭﺍﻱ ﺑﻴﺪﺓ ﻗﻨﻴﻨﺔ ﺍﻻﻃﻔﺎﺀ ﻳﺘﻘﺪﻡ
ﻭﻳﻜﺢ ﻣﺨﺘﻨﻚ ﻭﻳﺮﺵ ﻋﻠﻰ ﻃﻮﻝ ﺍﻟﺪﺭﺝ ﻭﺍﻗﺘﺮﺏ ﻣﻨﻲ ﻭﻛﻌﺪ ﻳﺴﻮﻳﻠﻲ ﻃﺮﻳﻖ ﺑﺲ ﺍﻟﻤﺼﻴﺒﺔ ﻇﻠﻤﺔ
ﻭﺻﺤﺖ : ﺳﻬﻮﺓ ﺍﺭﻭﺣﻠﺞ ﻓﺪﻭﺓ ﺳﻤﻌﻴﻨﻲ ﺻﻮﺗﺞ
ﺳﻬﻮﺓ ﺻﺮﺕ ﺍﻣﺸﻲ
ﻭﻧﺎﺻﺮ ﺻﺎﺡ
: ﺍﻟﺤﻚ ﺛﺎﻳﺮ ﻟﻜﻴﺘﻬﺎ ﺭﺣﺖ ﺍﺗﻮﺟﻬﺖ ﻋﻠﻰ ﺻﻮﺗﻪ
ﻭﺟﺎﻥ ﺍﻟﻤﻜﺎﻥ ﺑﺘﺠﺎﻩ ﺍﻟﺤﻤﺎﻡ
ﻧﺎﺻﺮ ﺑﺼﻮﺕ ﻣﺨﻨﻮﻙ : ﺛﺎﺋﺮ ﺍﻟﺤﻚ ﺟﻴﺐ ﺑﻄﺎﻧﻴﺔ ﺟﺮﺟﻒ ﺍﻱ ﺷﻲ ﻇﻠﻴﺖ ﺍﺩﻋﻢ ﻣﻨﺎ ﻟﺤﺪ ﻣﺎ ﻭﻛﻌﺖ ﺍﻳﺪﻱ ﻋﻠﻰ ﺟﺮﺟﻒ ﺍﻟﺴﺮﻳﺮ ﺳﺤﺒﺘﺔ ﻭﻧﻔﻀﺘﺔ ﻛﻠﺔ ﺭﻣﺎﺩ
ﺭﺣﺖ ﺍﻗﺘﺮﺑﺖ ﻋﻠﻰ ﻧﺎﺻﺮ ﻭﺷﻠﺖ ﺳﻬﻮﺓ ﺍﻟﻲ ﺟﺎﻧﺖ
ﻣﺪﺩﺓ ﻋﻠﻰ ﺍﺭﺿﻴﺔ ﺍﻟﺤﻤﺎﻡ
ﺷﻠﺘﻬﺎ ﻭﺣﻄﺘﻬﺎ ﻋﺎﻟﻐﻄﺔ
ﻭﺍﺗﻌﺎﻭﻧﺔ ﺍﻧﺎ ﻭﻋﺪﻱ ﻭﻧﺎﺻﺮ ﻭﺷﻠﻨﺎﻫﺎ
ﻭﺻﺮﻧﺎ ﻧﻨﺰﻝ ﺍﻟﺪﺭﺝ ﺑﻬﺮﻭﻟﺔ
ﻭﺍﻟﻜﻞ ﺍﻧﺨﺒﺺ ﺑﻴﻨﺎ
ﻭﺍﻧﺎ ﺍﺣﺲ ﺑﻨﺎﺭ ﻛﺎﻳﺪﺓ ﺑﮕﻠﺒﻲ
ﻃﻠﻌﻨﺎ ﺧﺎﺭﺝ ﺍﻟﺒﻴﺖ ﻭﺣﻄﻴﺘﻬﺎ ﻋﺎﻟﻜﺎﻉ
ﻭﻓﺘﺤﺖ ﺍﻟﻐﻄﻰ ﺟﺎﻧﺖ ﻛﻠﻬﺎ ﺻﺨﺎﻡ ﻭﻭﺟﻬﺎ ﻣﺤﺘﺮﻙ
ﻭﺛﻮﺑﻬﺎ ﻣﺤﺮﻭﻙ
ﺷﺎﻏﺖ ﺭﻭﺣﻲ ﻭﮔﻠﺒﻲ ﺭﺟﻒ ﺭﺟﻔﺔ ﺍﺳﺘﻐﺎﺛﺔ ﻟﻠﻪ
ﺍﻧﺘﺒﻬﺖ ﻋﻠﻰ ﻭﺍﺣﺪ ﺍﻗﺘﺮﺏ ﻣﻨﻬﺎ
ﺟﺎﻥ ﻣﻦ ﺍﻟﺪﻓﺎﻉ ﺍﻟﻤﺪﻧﻲ
ﻭﻣﺪ ﺍﻳﺪﺓ ﻋﻠﻰ ﺭﻛﺒﺘﻬﺎ ﻭﺍﻧﺎ ﺣﺒﺴﺖ ﺍﻧﻔﺎﺳﻲ
ﻭﺍﻋﺎﻳﻦ ﻋﻠﻴﻪ ﻣﻨﺘﻈﺮﺓ ﺷﺮﺍﺡ ﻳﻜﻮﻝ
ﺷﻔﺘﺔ ﺭﺟﻊ ﺍﻟﻐﻄﺔ ﻋﻠﻰ ﻭﺟﻬﺔ
ﺍﻧﺎ ﺣﺴﻴﺖ ﺑﺮﻭﺣﻲ ﺷﻬﻜﺖ ﺷﻬﻜﺖ ﺍﻟﻤﻮﺕ
: ﻻﺍﺍﺍﺍﺍﺍﺍﺍﺍﺍﺍﺍﺍﺍ ﻳﺎﻟﻠﻪ ﺩﺧﻴﻠﻚ
ﻧﻬﻀﺖ ﻣﻦ ﻣﻜﺎﻧﻲ ﻣﻔﺰﻭﻉ ﻭﺭﺟﻌﺖ ﻟﻠﺨﻠﻒ ﻭﺍﺧﺘﻞ ﺗﻮﺍﺯﻧﻲ
ﻭﺭﺟﻌﺖ ﻭﻛﻌﺖ ﻟﻠﺨﻠﻒ ﺑﺎﻟﻜﺎﻉ
ﻭﺍﻧﺎ ﺟﺴﻤﻲ ﻳﺮﺟﻒ
ﻭﺻﺮﺕ ﺍﻫﺰ ﺑﺮﺍﺳﻲ ﺏ ﻻ ﻻ ﻻ
ﻣﺴﺘﺤﻴﻞ ﺍﻟﻲ ﻳﺸﻮﻓﻨﻲ ﻳﻜﻮﻝ ﻫﺬﺍ ﺍﺗﺨﺒﻞ
ﺍﻟﺘﻔﺘﺖ ﺍﻋﺎﻳﻦ ﻟﻠﻨﺎﺱ ﺣﻮﻟﻲ ﺗﺒﺠﻲ
ﺻﺎﺭﺕ ﻋﻴﻮﻧﻲ ﺗﺒﺤﺮ ﻋﻠﻰ ﺍﻟﻮﺟﻮﻩ
ﺭﻭﺍﺀ ﻋﻤﺘﻲ ﺳﻨﺎﺀ ﺗﻠﻄﻢ ﻭﻋﻤﺘﻲ ﻣﻨﺘﻬﻰ ﻋﺒﺎﻳﺘﻬﺎ ﻣﺘﺮﺑﺔ
ﺳﺮﻯ ﻓﺎﻃﻤﺔ ﻳﺒﺠﻮﻥ ﺍﺳﻤﻊ ﻫﻤﺲ ﺍﻟﻨﺎﺱ
ﺧﻄﻴﺔ ﺍﻟﺒﻨﻴﺔ ﺍﺣﺘﺮﻛﺖ ﺍﻟﻠﻪ ﻳﺮﺣﻤﻬﺎ
ﺧﻄﻴﺔ ﻣﺎﺗﺖ ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ
ﺭﺟﻌﺖ ﻓﺘﺤﺖ ﺍﻟﻐﻄﺔ ﻋﻦ ﻭﺟﻬﺔ ﺍﻟﻲ ﺭﺍﺣﺖ ﻣﻌﺎﻧﻴﺔ ﺍﻟﺤﻠﻮﺓ
ﻳﻌﻨﻲ ﺷﻨﻮ ﺑﻌﺪ ﻣﺎ ﺍﺷﻮﻑ ﻣﺒﺴﻢ ﺛﻐﺮﻫﺎ
ﻭﺻﺤﺖ ﺑﺼﻮﺕ ﻋﺎﻟﻲ ﻭﺻﺮﺕ ﺍﺛﻐﺐ ﺑﺤﺮﻛﺔ ﻣﺜﻞ
ﻭﻧﻴﻦ ﺍﻻﺳﺪ ﺍﻟﻤﻨﻜﻮﺏ
: ﻫَـﺎ ﻳﺴﻬﻮﺓ ﻫَـﺎ ﺑﻨﺖ ﮔﻠﺒﻲ ﺷﮕﺎﻟﺘﻠﺞ ﺭﻭﺣﺞ ﻭﻋﺠﻠﺘﻲ
ﺑﺎﻟﻤﻮﺕ ﺭﻓﻌﺖ ﺭﺍﺳﻲ ﺭﺑﻲ ﺩﺧﻴﻠﻚ
ﻳﻮﺟﻊ ﺍﻣﺘﺤﺎﻧﻚ ﻭﺍﺧﺘﺒﺎﺭﻙ ﺻﻌﺐ ﺣﻤﻠﻪ
ﻟﻤﻴﺖ ﺭﺟﻠﻴﺔ ﻭﻛﻌﺪﺕ ﻛﺒﺎﻟﻬﺔ ﻣﻜﺮﻓﺺ ﻭﻧﺰﻟﺖ ﺭﺍﺳﻲ
ﺣﺴﻴﺖ ﺑﺄﻳﺪ ﻟﺰﻣﺖ ﻛﺘﻔﻲ : ﺍﻟﺒﻘﺎﺀ ﺑﺮﺍﺳﻚ
ﺍﻟﺘﻔﺘﺖ ﻭﺭﻓﻌﺖ ﺭﺍﺳﻲ : ﺷﻔﺖ ﺟﺪﻱ ﻭﺟﺎﻥ ﻋﻤﻲ ﻗﺎﺳﻢ
ﻳﺒﺠﻲ ﻭﻳﻤﺴﺢ ﺑﺪﻣﻮﻋﻪ
ﺭﺟﻌﺖ ﺍﻋﺎﻳﻦ ﻋﻠﻰ ﺟﺜﺘﻬﺎ ﻭﺍﻧﺎ ﻣﺼﺪﻭﻡ
: ﻫَـﺎ ﻳﺴﻬﻮﺓ ﺛﺎﻳﺮ ﻫﻴﺞ ﻫﺎﻧﺖ ﻋﻠﻴﺞ ﺍﻟﻌﺸﺮﺓ ﻭﺗﻌﻮﻓﻴﻨﻲ
ﺑﻘﻴﺖ ﻋﻠﻰ ﻛﻌﺪﺗﻲ
ﻋﺪﻱ : ﺧﻮﻳﺔ ﺗﻌﺎﻝ ﺧﻠﻲ ﻧﻌﺎﻟﺞ ﺣﺮﻙ ﺟﺘﺎﻓﻚ ﻭﺟﻔﻮﻓﻚ
ﺭﻓﻌﺖ ﺭﺍﺳﻲ ﻭﺍﻧﺎ ﺍﺣﺲ ﺑﺮﻭﺣﻲ ﻣﺜﻞ ﻃﻴﺮﻣﻜﺴﻮﺭ ﺍﻟﺠﻨﺎﺡ : ﺗﻜﺴﺐ ﺑﻴﺔ ﺍﺟﺮ ﻭﺛﻮﺍﺏ ﺍﺫﺍ ﺣﻄﻴﺖ ﻃﻠﻘﺔ ﺑﺮﺍﺳﻲ ﻭﺗﺨﻠﺼﻨﻲ ﻣﻦ ﻫﺎﻱ ﺍﻟﻌﻴﺸﺔ ﺍﻟﮕﺸﺮﺓ
ﺍﻟﺸﻴﺦ : ﻻﺗﺠﺰﻉ ﻳﺎﺑﻌﺪ ﺟﺪﻙ ﺗﺮﺓ ﺍﻟﺠﺰﻉ ﺣﺮﺍﻡ
ﺑﺲ ﺍﻧﺎ ﻭﻳﻦ ﺣﺎﻟﻲ ﺍ ﺍﺳﻤﻊ ﻻﺣﺪ
ﺳﻤﻌﻨﺎ ﺳﻴﺎﺭﺓ ﺍﻻﺳﻌﺎﻑ ﻭﺻﻠﺖ
ﻭﺭﺍﺩﻭ ﻳﺸﻴﻠﻮﻥ ﺳﻬﻮﺓ
ﺣﺴﻴﺖ ﺑﺮﻭﺣﻲ ﻫﺠﺮﺕ
: ﻻ ﻻ ﻻ ﻭﻳﻦ ﻣﺎﺧﺬﻳﻨﻬﺎ
ﺣﺠﺰﻭﻧﻲ ﺍﻟﻮﻟﺪ ﻋﻨﻬﺎ ﺣﺘﻰ ﻣﺎ ﺍﻭﺻﻠﻬﺎ
: ﻋﺪﻱ ﺭﺣﻤﺔ ﻋﻠﻰ ﻭﺍﻟﺪﻳﻚ ﺑﺲ ﻋﻮﻓﻨﻲ ﻭﺍﻟﻠﻪ ﻣﺎ ﺍﺳﻮﻱ ﺷﻲ ﺑﺲ ﺍﺭﻭﺡ ﺍﺷﻮﻓﻬﺎ
ﺑﺲ ﺟﺪﻱ ﺭﻓﺾ ﻳﺘﺮﻛﻮﻧﻲ : ﻟﺰﻣﻮ ﺍﺧﻮﻛﻢ ﺗﺮﺍﻩ ﻫﺠﺮ
ﻫﺠﺮﺓ ﺍﻟﻔﺎﻗﺪ ﻋﺰﻳﺰﻩ ﻻﻳﺴﻮﻱ ﺑﺮﻭﺣﺔ ﺷﻲ
ﺍﻋﺎﻳﻦ ﻋﻠﻴﻬﻢ ﺷﻠﻮﻥ ﺷﺎﻟﻮﻫﺎ ﺑﺎﻟﺴﺪﻳﺔ
ﻭﺍﻟﻨﺎﺱ ﺗﺼﻴﺢ ﻻ ﺍﻟﻪ ﺍﻻ ﺍﻟﻠﻪ
ﺗﻌﺮﻓﻮﻥ ﺷﻨﻮ ﺷﻌﻮﺭ ﺍﻟﻮﺍﺣﺪ ﻣﻦ ﻳﻌﺎﻳﻦ
ﻛﺪﺍﻡ ﻋﻴﻮﻧﺔ ﻭﺻﻠﺔ ﻣﻦ ﮔﻠﺒﻪ ﻳﺒﻌﺪﻭﻧﻬﺎ ﻋﻦ ﻋﻴﻨﺔ
ﻭﻫﻮ ﻭﺍﻛﻒ ﻻﺣﻮﻝ ﻭﻻﻗﻮﺓ ﻭﻣﺎ ﺑﻴﺪﺓ ﻳﺴﻮﻱ ﺍﻱ ﺷﻲ ﺣﺘﻰ ﻳﻐﻴﺮ ﻗﺪﺭﻩ
ﺍﻟﻜﻼﻡ ﻳﻌﺠﺰ ﻋﻦ ﻭﺻﻒ ﺣﺮﮔﺔ ﮔﻠﺒﻲ
ﺻﺮﺕ ﺍﺣﺲ ﺑﺎﻻﻟﻢ ﺍﻧﺘﻘﻞ ﻣﻦ ﻭﺟﻊ ﺍﻟﺠﺴﺪ ﻭﺗﺤﻮﻝ ﻟﻠﻮﻋﺔ ﺍﻟﺮﻭﺡ ﻛﻤﺖ ﺍﻟﻮﺏ
ﺑﺪﺕ ﺍﻟﻨﺎﺱ ﺗﻜﻒ ﺍﻟﺒﻴﺖ ﺻﺎﺭ ﻋﺒﺎﺭﺓ ﻋﻦ ﻫﻴﻜﻞ ﻣﻔﺤﻢ ﻣﻦ ﺍﻟﺤﺮﻳﻖ
ﺟﻨﺖ ﻛﺎﻋﺪ ﻋﺎﻟﺘﺮﺍﺏ ﻭﺭﺑﻌﻲ ﻭﺍﻭﻻﺩﻧﺎ ﻳﻠﻤﻮﻥ ﺑﺎﻻﻧﻘﺎﺽ
ﻭﺟﺪﻱ ﺟﺎﺑﻮﻟﺔ ﻛﺮﺳﻲ ﻭﻛﻌﺪ ﻳﻤﻲ ﻳﻬﺪﻱ ﺑﻴﺔ ﻭﺍﻧﺎ ﺣﺎﻁ ﺍﻟﺠﻔﻴﺔ ﻋﻠﻰ ﻭﺟﻬﻲ ﻭﻣﻜﺎﺑﻞ
ﺍﻟﻐﻄﺔ ﺍﻟﻲ ﺣﻤﻠﺘﻬﺎ ﺑﻲ ﻭﻋﻤﺎﺗﻲ ﺭﺍﺣﻮ ﻫﻤﺔ ﻭﻋﺪﻱ ﻭﻧﺎﺻﺮ ﻭﻋﻤﻬﺎ ﻗﺎﺳﻢ ﻭﻳﺔ ﺳﻴﺎﺭﺓ ﺍﻻﺳﻌﺎﻑ
ﻇﻠﻴﺖ ﻣﻨﺼﻲ ﺭﺍﺳﻲ ﺻﺮﺕ ﺍﺷﻬﻚ ﻛﻞ ﺷﻬﻜﺔ
ﺍﺣﺲ ﺭﻭﺣﻲ ﺗﺼﻌﺪ ﻟﻠﺴﻤﺎ ﻣﻦ ﺍﻟﻘﻬﺮﺓ
ﻭﺭﺓ ﺩﻗﺎﻳﻖ ﺳﻤﻌﻨﺎ ﺻﻮﺕ ﺳﻴﺎﺭﺓ ﻭﻛﻔﺖ ﻭﺭﺍﻧﺎ ﻭﺻﻮﺕ ﺍﻟﺒﻴﺎﺑﺎﻥ ﺍﻧﻔﺘﺤﺖ ﻭﺭﺟﻠﻴﻦ ﺗﺮﻭﻛﺾ ﺑﺘﺠﺎﻫﻨﺎ
ﺣﺎﺭﺙ : ﻳﺎﺳﺘﺎﺭ ﺍﺳﺘﺮ ﺷﻮﻛﺖ ﺍﺣﺘﺮﻛﺘﻮ
ﻣﺎ ﺍﻟﺘﻔﺘﺖ ﻋﻠﻴﻪ ﻭﺍﺟﺔ ﻣﻦ ﻭﺭﺍﻩ ﺻﻮﺕ ﻋﺬﺭﺍﺀ
ﻭﻧﻮﺭ
ﻋﺬﺭﺍﺀ ﺑﻌﻴﺎﻁ : ﻋﺰﺯﺯﺓ ﺻﺨﺎﻡ ﺷﻨﻮ ﺻﺎﻳﺮ
ﻧﻮﺭ : ﻳﺒﻮﻭﻭﻭﻭﻭﻭ ﻣﻨﻮ ﻣﺎﺕ ﺍﺣﺠﻮﻭ
؟؟ : ﻣﻨﻮﻭﻭ ﻣﺎﺍﺍﺕ ﺍﺣﺠﻮﻭﻭ ﺛﺎﺋﺮ ﻭﻳﻦ
ﺳﻤﻌﺖ ﺍﻟﺼﻮﺕ ﺍﻻﺧﻴﺮ ﻭﺍﻧﺎ ﻛﻤﺰﺕ ﻣﻦ ﻣﻜﺎﻧﻲ
ﻣﻌﻘﻮﻟﺔ ﺗﺴﻮﺩﻧﺖ
ﺍﻟﺘﻔﺘﺖ ﻭﺍﺗﺴﻌﺖ ﻋﻴﻮﻧﻲ ﺑﺼﺪﻣﺔ
::: ﻻﺍﺍﺍﺍﺍ ﻳﺎﻟﻠﻪ
.........
ﺟﻨﺖ ﺍﺣﺠﻲ ﻭﻳﺔ ﻋﻤﺔ ﺳﻨﺎﺀ ﻭﺩﺧﻞ ﻋﻠﻴﻨﺎ ﺍﺑﻦ ﺳﺠﻰ ﻳﺮﻛﺾ
: ﺛﻮﻭﻭﻫﻰ ﺛﻮﻭﻭﻫﻰ
ﺣﺴﻦ ﺍﺑﻨﺞ ﺟﺮﺡ ﺍﻳﺪﺓ ﻭﺍﺗﻌﻮﺭ ﻭﻃﻠﻊ ﻣﻨﺔ ﺩﻡ ﻛﻮﻭﻣﺔ
ﺿﺮﺑﺖ ﻋﻠﻰ ﺻﺪﺭﻱ : ﻳﻤﺔ ﺣﺴﻦ
ﻃﻔﺮﺕ ﻣﻦ ﻣﻜﺎﻧﻲ ﻭﻃﻠﻌﺖ ﻭﺭﺍﻩ ﻭﺗﺮﻛﺖ ﺳﻨﺎﺀ ﺩﺍﻳﺨﺔ ﻭﻻﻓﺔ ﺭﺍﺳﻬﺎ ﺷﻜﻠﻬﺎ ﻣﺎ ﺳﻤﻌﺘﺔ . ﺷﻨﻮ ﻛﺎﻝ
: ﺍﺣﺠﻲ ﻫﺴﺔ ﻫﻮ ﻭﻳﻦ
: ﺑﺎﻟﺴﺎﺣﺔ ﻣﺎﻟﺖ ﺍﻟﻄﻮﺑﺔ
ﻭﺭﺣﺖ ﺍﺭﻛﺾ ﺣﻄﻴﺖ ﻋﺒﺎﻳﺔ ﻋﻤﺔ ﺳﻨﺎﺀ ﻋﻠﻰ ﺭﺍﺳﻲ ﺟﺎﻧﺖ ﻭﺭﺓ ﺍﻟﺒﺎﺏ ﺍﻟﻤﻄﺒﺦ
ﺟﻨﺖ ﺍﻋﺮﻑ ﻣﻜﺎﻥ ﺳﺎﺣﺔ ﺍﻟﻄﻮﺑﺔ ﺗﺼﻴﺮ ﻳﻢ ﺑﻴﺖ ﻋﻤﻮ ﻗﺎﺳﻢ
ﻇﻠﻴﺖ ﺍﻣﺸﻲ ﻭﺭﺍﻩ ﻭﺍﻟﺘﻘﻴﺖ ﺑﻄﺮﻳﻘﻲ ﺑﺤﺎﺭﺙ ﺍﺑﻦ ﻋﻤﻲ ﺑﺎﻟﺴﻴﺎﺭ
ﺟﺎﻥ ﺟﺎﻳﺐ ﻧﻮﺭ ﻭﻋﺬﺭﺍﺀ ﻟﺒﻴﺖ ﺍﻟﺸﻴﺦ
ﻻﻥ ﺍﻧﻲ ﺍﻟﻴﻮﻡ ﺍﺗﺼﻠﺖ ﻋﻠﻴﻬﻦ ﻣﺤﺘﺎﺟﺘﻬﻢ ﺣﺘﻰ ﻳﺴﺎﻋﺪﻭﻧﺎ
ﺍﻟﻴﻮﻡ ﺭﺍﺡ ﻳﺠﻮﻥ ﺧﻄﺎﺭ ﻋﺎﻟﻐﺪﺓ
ﻧﺰﻝ ﺣﺎﺭﺙ ﻣﻦ ﺍﻟﺴﻴﺎﺭﺓ : ﺷﻨﻮ ﺳﻬﻰ ﺧﻴﺮﺝ
ﺍﺣﺠﻲ ﻭﻳﺎﻩ ﻭﺍﻧﻲ ﺍﻫﺮﻭﻝ ﻭﺭﺓ ﺍﺑﻦ ﺳﺠﻰ
: ﺣﺎﺭﺙ ﺍﻟﺤﮕﻨﻲ ﺣﺴﻦ ﺍﻳﺪﺓ ﺍﻧﺠﺮﺣﺖ
ﺳﻤﻌﺖ ﺻﻮﺕ ﺍﻟﺒﻨﺎﺕ ﺍﺟﻮ ﻭﺭﺍﻧﺎ
ﻋﺬﺭﺍﺀ : ﺻﻠﻲ ﻋﺎﻟﻨﺒﻲ ﻟﺘﺨﺎﻓﻴﻦ ﻭﺻﻠﻨﺎ ﻟﻠﺴﺎﺣﺔ
ﻭﺷﻔﺖ ﺣﺴﻦ ﮔﺎﻋﺪ ﺑﺎﻟﮕﺎﻉ ﻭﺍﻟﺪﻡ ﺻﺎﻳﺮ ﺑﺮﻛﺔ
ﻳﻤﺔ ﺍﺟﻴﺖ ﺍﻣﻮﺕ
ﺿﻠﻴﺖ ﺍﻋﻴﻂ
: ﻳﻤﺔ ﺍﺑﻨﻲ ﺭﺍﺡ ﻳﻤﻮﺕ
ﻋﺎﻁ ﺑﻴﺔ ﺣﺎﺭﺙ : ﻛﺎﻓﻲ ﺳﻬﻰ ﻻ ﺗﺨﺒﺼﻴﻨﺎ ﺧﻠﻲ ﻧﺸﻮﻓﺔ ﺷﺒﻲ
ﻧﻮﺭ : ﻛﻮﻟﻲ ﻳﺎ ﺍﻟﻠﻪ ﻻ ﺗﻔﺎﻭﻟﻴﻦ ﻋﺎﻟﻮﻟﺪ
ﺑﺎﻭﻋﺖ ﻟﺤﺎﺭﺙ ﻧﺰﻉ ﻗﻤﻴﺺ ﺣﺴﻦ ﻭﺷﺪﺓ ﻋﻠﻰ ﻣﻌﺼﻤﻪ
ﻭﺷﺎﻟﺔ
: ﻻﺯﻡ ﻧﻮﺩﻱ ﻟﻠﻤﺴﺘﺸﻔﻰ
ﺟﺮﺣﺔ ﻋﻤﻴﻖ ﻣﺎﻝ ﺧﻴﺎﻁ ﻣﻮ ﻣﺎﻝ ﺗﻀﻤﻴﺪ
ﺭﻛﺒﻨﺎ ﺍﻧﻲ ﻭﺍﻟﺒﻨﺎﺕ ﺑﺎﻟﺴﻴﺎﺭﺓ ﺍﺑﺎﻭﻉ ﻋﻠﻰ ﺍﺑﻦ ﺳﺠﻰ ﺭﻛﺐ ﻭﻳﺎﻧﺔ ﻣﺎ ﻛﺪﺭﺕ ﺍﻧﺰﻟﻪ ﻻﻥ ﺟﺎﻥ ﺑﺎﻟﻲ ﻣﺸﺪﻭﻩ
ﻭﺧﻔﺖ ﻋﻠﻴﻪ ﺧﺎﻑ ﻣﺎ ﻳﻨﺪﻝ ﺍﻟﻄﺮﻳﻖ ﻭﻳﻀﻴﻊ ﺑﺎﻟﻤﺰﺭﻋﺔ
ﺟﺎﻧﺖ ﺍﻟﻤﺴﺘﺸﻔﻰ ﺑﺎﻟﻤﺪﻳﻨﺔ
ﻭﻫﻨﺎﻙ ﺍﺯﺩﺣﺎﻣﺎﺕ ﺍﻟﺘﻔﺘﺖ ﻋﺎﻟﺼﻐﻴﺮ
: ﺣﺒﻴﺒﻲ ﺷﻠﻮﻥ ﺍﻧﺠﺮﺡ ﺣﺴﻦ
ﺟﻨﺎ ﻧﻠﻌﺐ ﺍﻧﺎ ﻭﻳﺎﻩ ﺣﻠﻴﺔ ﻭﺟﺎﻱ ﻳﻌﺒﺮ ﺍﻟﺴﻴﺎﺝ ﻭﺍﻧﺠﺮﺣﺖ ﺍﻳﺪﺓ
ﺍﺗﺬﻛﺮﺕ ﺍﻟﺴﻴﺎﺝ ﺍﻟﺮﺋﺴﻲ ﺍﻟﻲ ﻳﺤﻴﻂ ﺑﺎﻟﺒﻴﻮﺕ ﺟﺎﻥ
ﻛﻠﺔ ﻣﺰﺭﻭﻉ ﺯﺟﺎﺝ ﻣﻜﺴﻮﺭ ﻋﻠﻰ ﻃﻮﻝ ﺍﻟﺴﻴﺎﺝ
ﻣﺨﻠﻲ ﻛﺄﺟﺮﺍﺀ ﺍﻣﻨﻲ ﻳﻌﻨﻲ ﻧﻮﻉ ﻣﻦ ﺍﻧﻮﺍﻉ ﺍﻟﺤﻤﺎﻳﺔ ﺿﺪ ﺍﻟﺤﺮﺍﻣﻴﺔ
ﻭﻛﻮﺓ ﺑﻄﻼﻉ ﺍﻟﺮﻭﺡ ﻭﺻﻠﻨﺎ ﻭﺍﻧﺨﺒﺼﻨﺎ ﺑﺤﺴﻦ
ﻭﺣﺴﻴﺖ ﺑﺮﻭﺣﻲ ﻣﻦ ﺍﻟﻬﺒﻄﺔ ﺭﺍﺡ ﺍﻭﻛﻊ
ﻭﺣﺎﺭﺙ ﺧﻄﻴﺔ ﺍﺑﺘﻠﻰ ﻳﺮﻛﺾ ﻣﻨﺎ ﻭﻳﺮﺟﻊ ﻣﻨﺎﻙ
ﺍﻟﺘﻔﺘﺖ ﻋﻠﻰ ﻋﺬﺭﺍﺀ : ﻋﻔﻴﺔ ﺍﺗﺼﻠﻲ ﻋﻠﻰ ﻋﻤﺔ ﺳﻨﺎﺀ
ﺧﺎﻑ ﻳﻔﺘﻘﺪﻭﻧﻲ
ﻃﻠﻌﺖ ﺍﻟﻨﻘﺎﻝ ﻭﺩﺍﺳﺖ ﺍﺗﺼﺎﻝ ﺑﺲ ﻣﺤﺪ ﺭﺩ ﻋﻠﻴﻬﺎ
ﻭﻛﺮﺭﺕ ﺍﻻﺗﺼﺎﻝ ﺍﻛﺜﺮ ﻣﻦ ﺧﻤﺲ ﻣﺮﺍﺕ ﻭﻣﺎﻛﻮ ﺭﺩ
ﻋﺬﺭﺍﺀ : ﻫﺴﺔ ﺗﻠﻜﻴﻦ ﻋﻤﺘﻲ ﺷﺎﻣﺮﺓ ﺍﻟﻨﻘﺎﻝ ﺑﻴﺪ ﺍﻟﺠﻬﺎﻝ
: ﺍﺗﺼﻠﻲ ﻋﻠﻰ ﺭﻭﺍﺀ
ﺍﺗﺼﻠﺖ ﻋﻠﻴﻬﺎ ﺍﻧﻄﺎﻫﺔ ﺍﻟﺠﻬﺎﺯ ﻣﻐﻠﻖ
: ﻭﻫﺎﻱ ﺭﻭﺍﺀ ﺟﻬﺎﺯﻫﺎ ﻣﻐﻠﻖ
ﺟﻨﺖ ﺍﺳﻤﻊ ﺻﻮﺕ ﺣﺴﻦ ﻳﺒﺠﻲ ﻧﻬﻀﺖ ﻣﻦ ﻣﻜﺎﻧﻲ ﻭﺩﺧﻠﺖ ﻋﻠﻰ ﻏﺮﻓﺔ ﺍﻟﻄﻮﺍﺭﻱﺀ ﻭﺷﻔﺘﻬﻢ ﺩﺍ ﻳﺨﻴﻄﻮﻥ
ﻣﻌﺼﻢ ﺣﺴﻦ ﻭﻫﻮ ﻳﻨﺰﻑ ﺩﻡ ﻭﺍﻧﻲ
ﺍﻧﺨﻄﻒ ﻟﻮﻥ ﻭﺟﻬﻲ ﻭﺍﻏﻤﻰ ﻋﻠﻴﺔ
ﻣﺎ ﺣﺴﻴﺖ ﺍﻻ ﻋﻠﻰ ﺍﻳﺪ ﺗﻀﺮﺏ ﻋﻠﻰ ﻭﺟﻬﻲ ﻭﺗﺮﺵ ﺍﻟﻤﺎﻱ ﻋﻠﻴﺔ ﺳﺤﺒﺖ ﻧﻔﺲ ﺛﻜﻴﻞ
ﻭﻛﻮﺓ ﻓﺘﺤﺖ ﻋﻴﻮﻧﻲ : ﻋﺬﺭﺍﺀ ﺷﻠﻮﻧﺔ ﺣﺴﻦ ﺻﺎﺭ
ﺣﺎﺭﺙ : ﺍﻧﺘﻲ ﺍﻛﺒﺮ ﺟﺒﺎﻧﺔ ﺷﻔﺘﻬﺎ ﺑﺤﻴﺎﺗﻲ ﻳﺎ ﺍﺧﺘﻲ
ﺗﺨﺮﺩﻟﻴﻦ ﺍﻟﻤﺎ ﻳﺘﺨﺮﺩﻝ ﺷﻨﻮ ﺳﺎﻟﻔﺘﺞ ﻋﺒﺎﻟﻚ ﺍﻧﺘﻲ ﺍﻟﻤﺠﺮﻭﺣﺔ ﺍﻳﺪﺝ ﻣﻮ ﺍﺑﻨﺞ
ﺩﺍﺭﻋﻠﻰ ﺣﺴﻦ : ﻋﻤﻮ ﺣﺴﻦ ﺳﻤﻊ ﺻﻮﺗﻚ ﻻﻣﻚ
ﺍﻟﻤﺨﺒﻠﺔ ﺧﻠﻴﻬﺎ ﺗﺮﺗﺎﺡ
ﺣﺴﻦ ﻳﻤﺴﺢ ﺧﺸﻤﺔ ﻣﻦ ﺍﺛﺮ ﺍﻟﺒﺠﻲ : ﻣﺎﻣﺎ ... ﻣﺎ .. ﻣﺎ
ﺍﻧﺎ ﺯﻳﻦ ﻻ ﺗﺨﺎﻓﻴﻦ ﻋﻠﻴﺔ
ﺧﻄﻴﺔ ﺟﺎﻥ ﻳﻘﻄﻊ ﺑﺎﻟﺒﻜﻼﻡ ﻣﻦ ﻭﺭﺓ ﺍﻟﺒﺠﻲ ﻛﻤﺖ ﻣﻦ ﺍﻟﺴﺮﻳﺮ ﻭﺍﺧﺬﺗﺔ ﻟﺤﻈﻨﻲ
ﺍﻟﺘﻔﺘﺖ ﻋﻠﻰ ﻋﺬﺭﺍﺀ : ﻫَـﺎ ﺍﺗﺼﻠﺘﻲ ﻋﻠﻰ ﺍﻟﺒﻨﺎﺕ ﻭﻃﻤﻨﺘﻴﻬﻢ
: ﻻ ﻭﺍﻟﻠﻪ ﻣﺎ ﺣﺼﻠﺖ ﺍﻱ ﻭﺍﺣﺪ ﺷﻜﻠﻬﻢ ﺍﻟﺘﻬﻮ ﺑﺎﻟﺨﻄﺎﺭ
ﻭﻧﻘﺎﻻﺗﻬﻢ ﻣﻮ ﻳﻤﻬﻢ
ﺣﺎﺭﺙ : ﻳﺎﻟﻠﻪ ﻣﺎ ﻳﺤﺘﺎﺝ ﺍﺣﻨﺎ ﺭﺍﺡ ﻧﺮﺟﻊ ﻳﺎﻟﻠﻪ ﻛﻮﻣﻲ ﻟﺒﺴﻲ
ﻋﺒﺎﺗﺞ ﻭﻣﻦ ﺗﺮﺣﻴﻦ ﺷﺮﺑﻲ ﻟﺒﻦ ﻻﻥ ﺿﻐﻄﺞ ﻫﺎﺑﻂ
ﻟﺒﺴﻨﻲ ﺍﻟﺒﻨﺎﺕ ﺍﻟﻌﺒﺎﻳﺔ ﻭﻧﺰﻟﺖ ﻣﻦ ﺍﻟﺴﺮﻳﺮ ﻭﻟﺒﺴﺖ ﻧﻌﺎﻟﻲ
ﺟﻨﺖ ﺟﺎﻳﺔ ﺑﻨﻌﺎﻝ ﺍﻟﺒﻴﺖ
ﻭﻋﺪﻟﺖ ﺭﺑﻄﺘﻲ
ﻭﺣﺎﺭﺙ ﺍﺧﺬ ﺍﻟﻌﻼﺝ ﻭﺍﻧﻄﻰ ﺍﺑﺮﺓ ﻟﺤﺴﻦ ﺣﺘﻰ ﻣﺎ ﻳﺘﻠﻮﺙ ﺍﻟﺠﺮﺡ
ﻭﺻﻌﺪﻧﺎ ﺑﺎﻟﺴﻴﺎﺭﺓ ﻭﺑﺎﻟﻄﺮﻳﻖ ﺩﻙ ﻧﻘﺎﻝ ﺣﺎﺭﺙ
.....
ﻭﺳﻤﻌﺘﺔ ﺻﺎﺡ ﺑﺼﻮﺕ ﻣﺼﺪﻭﻡ : ﻻ ﻳﺎﻟﻠﻪ ﻫﺎﻱ ﺷﻮﻛﺖ
ﻳﺎ ﺳﺘﺎﺭ ﺍﺳﺘﺮ ﻳﺎﻟﻠﻪ ﺍﻧﺎ ﺟﺎﻱ ﺟﺎﻱ ﺑﺎﻟﻄﺮﻳﻖ
ﺍﻧﻬﻰ ﺍﻻﺗﺼﺎﻝ
ﻭﻛﻠﻨﺎ ﻋﻴﻮﻧﺔ ﻋﻠﻴﻪ
ﺑﻜﻞ ﺿﻨﻲ ﺭﺍﺡ ﻳﮕﻮﻝ ﺟﺪﺗﻬﻢ ﺍﺗﻮﻓﺖ
ﺑﺲ ﺻﺪﻣﻨﻲ ﻣﻦ ﮔﺎﻝ ﺑﻴﺖ ﺟﺪﻱ ﺍﺣﺘﺮﻙ
ﻟﻄﻤﺖ ﻋﻠﻰ ﻭﺟﻬﻲ
: ﻳﻤﺔ ﻋﺰﺓ ﺍﻟﻌﺰﺍﻧﻲ ﺣﺎﺭﺙ ﺧﻮﻣﺎ ﺍﺣﺪ ﺻﺎﺭ ﻋﻠﻴﻪ ﺷﻲ
: ﻣﺎ ﺍﺩﺭﻱ ﻣﺎ ﻛﺎﻝ ﺷﻲ
ﺧﻄﻴﺔ ﺍﻧﺘﺒﻬﺖ ﻋﻠﻴﻪ ﻳﺴﻮﻕ ﺳﺮﻳﻊ
ﻭﻳﺘﺤﺎﻳﻞ ﻭﻳﺔ ﺍﻟﺴﻴﺎﺭﺕ
ﻭﺻﻠﻨﺎ ﻭﺻﺎﺩﻓﺘﻨﺎ ﺳﻴﺎﺭﺓ ﺍﺳﻌﺎﻑ ﻋﺒﺮﺗﻨﺎ
ﻋﺬﺭﺍﺀ : ﻳﺎﻳﻤﺔ ﻫﺎﻱ ﺍﺳﻌﺎﻑ ﻣﺎﺧﺬﻳﻦ ﻣﻨﻮ ﺑﻴﻬﺎ ؟؟
ﺍﻧﻲ ﮔﻠﺒﻲ ﮔﺎﻡ ﻳﻮﺟﻌﻨﻲ ﺑﺎﻟﻲ ﻛﻠﺔ ﻳﻢ ﺛﺎﺋﺮ ﺧﺎﻑ ﻳﺼﻴﺮ ﻋﻠﻴﻪ ﺷﻲ
ﻭﺻﻠﻨﺎ ﻭﺣﺎﺭﺙ ﺭﻛﻦ ﺍﻟﺴﻴﺎﺭﺓ ﻳﻢ ﺑﻴﺖ ﺟﺪﻩ
ﻧﺰﻟﻨﺎ ﻛﻠﻨﺎ ﻧﺒﺎﻭﻉ ﻋﺎﻟﻨﺎﺱ ﻭﺍﻭﻻﺩ ﻋﻤﻬﻢ ﺧﻄﻴﺔ
ﻳﺠﻤﻌﻮﻥ ﺑﺎﻻﻧﻘﺎﻅ ﻭﺍﻟﺒﻴﺖ ﺻﺎﻳﺮ ﺭﻣﺎﺩ
ﻭﺷﻔﺖ ﺍﻟﺸﻴﺦ ﻣﺰﺍﺣﻢ ﺟﺎﻟﺲ ﻋﻠﻰ ﻛﺮﺳﻲ ﻳﻢ ﻭﺍﺣﺪ
ﺟﺎﻥ ﻛﺎﻋﺪ ﺑﺎﻟﮕﺎﻉ ﻭﻣﺘﻠﺜﻢ ﺑﺎﻟﺸﻤﺎﻍ ﻭﻣﻼﺑﺴﺔ ﻛﻠﻬﺎ
ﻣﺼﺨﻤﺔ ﻭﻣﺸﻜﻜﺔ ﺍﻟﻈﺎﻫﺮ ﺟﺎﻥ ﺟﻮﺓ ﺑﺎﻟﺒﻴﺖ ﺑﺲ ﻣﻨﻮ
ﻫﺬﺍ
ﻋﺬﺭﺍﺀ ﺑﻌﻴﺎﻁ : ﻋﺰﺯﺯﺓ ﺻﺨﺎﻡ ﺷﻨﻮ ﺻﺎﻳﺮ
ﻧﻮﺭ : ﻳﺒﻮﻭﻭﻭﻭﻭﻭ ﻣﻨﻮ ﻣﺎﺕ ﺍﺣﺠﻮﻭ
ﺟﻨﺖ ﺧﺎﻳﻔﺔ ﺍﺳﺌﻞ ﻭﻛﻮﺓ ﻃﻠﻊ ﻣﻨﻲ ﺍﻟﺼﻮﺕ
: ﻣﻨﻮﻭﻭ ﻣﺎﺍﺍﺕ ﺍﺣﺠﻮﻭﻭ ﺛﺎﺋﺮ ﻭﻳﻦ
ﺍﻧﺘﺒﻬﺖ ﻋﻠﻰ ﺍﻟﺮﺟﺎﻝ ﺍﻟﻲ ﻛﺎﻋﺪ ﺑﺎﻟﻜﺎﻉ ﻭﻣﻨﻄﻴﻨﻲ ﻇﻬﺮﺓ
ﺷﻬﻚ ﺷﻬﻜﺔ ﻛﻤﺰﺗﻨﻲ ﺍﻟﺘﻔﺖ ﻋﻠﻴﻨﺎ ﻭﻋﻴﻮﻧﺔ ﺗﺮﻳﺪ ﺗﻄﻠﻊ ﻣﻦ ﻣﻜﺎﻧﻬﺎ ﻧﺰﻝ ﻟﺜﻤﺘﺔ
ﻳﻤﺔ ﻫﺬﺍ ﺛﺎﺋﺮ ﺳﻮﺩﺓ ﻋﻠﻴﺔ ﺷﺼﺎﻳﺮ ﺑﻲ
ﺟﺎﻥ ﻳﺒﺎﻭﻉ ﻋﻠﻴﺔ ﻣﺜﻞ ﺍﻟﻲ ﻣﺎﻣﺼﺪﻙ
ﻋﺒﺎﻟﻚ ﺷﺎﻳﻒ ﺷﺒﺢ ﻛﺪﺍﻣﺔ ﺳﻤﻌﺘﺔ ﺻﺎﺡ ﺑﺼﻮﺕ ﻣﺘﻌﺠﺐ
: ﻻﺍﺍﺍﺍﺍ ﻳﺎﻟﻠﻪ ﻭﺍﺣﺪ ﺑﻴﻜﻢ ﺧﻠﻲ ﻳﻜﻠﻲ ﺍﻟﻲ ﺟﺎﻱ ﺍﺷﻮﻓﻬﺎ
ﮔﺪﺍﻣﻲ ﺳﻬﻮﺓ
ﺍﺳﺘﻐﺮﺑﺖ ﻣﻦ ﺳﺆﺍﻟﻪ ﻋﻜﺪﺕ ﺣﻮﺍﺟﺒﻲ
: ﺷﻨﻮ ﺷﺒﻴﻚ ﺛﺎﺋﺮ
ﺍﻗﺘﺮﺑﺖ ﻣﻨﺔ ﺣﺘﻰ ﺍﻭﺍﺳﻲ ﺑﻜﻞ ﺿﻨﻲ ﻣﻘﻬﻮﺭ ﻋﻠﻰ ﺑﻴﺘﻬﻢ ﻻﻥ ﺍﺣﺘﺮﮒ ﺑﻜﺒﺮﺓ ﻭ ﺻﺎﻳﺮ ﺭﻣﺎﺩ
ﺣﻘﻪ ﺗﻌﺒﻬﻢ ﺫﻛﺮﻳﺎﺗﻪ
ﻛﻠﻬﺎ ﺗﺤﺘﺮﻙ ﻛﺪﺍﻡ ﻋﻴﻨﺔ ﻣﻮ ﺷﻮﻳﺔ
ﻫﻤﺴﺖ : ﺛﺎﺋﺮ ﻻ ﺗﻨﻘﻬﺮﻋﺎﻟﺒﻴﺖ ﻓﺪﻭﺓ ﺍﻟﻚ ﺍﻫﻢ ﺷﻲ ﺍﻧﺖ ﻭﺍﺧﻮﺍﻧﻚ ﺳﺎﻟﻤﻴﻦ
ﻣﺎ ﺣﺴﻴﺖ ﺍﻻ ﻋﻠﻰ ﺛﺎﺋﺮ ﻋﻴﻮﻧﺔ ﺩﻣﻌﺖ ﻭﺳﺤﺒﻨﻲ ﻓﺠﺄﺀﺓ
ﻭﺍﺧﺬﻧﻲ ﻟﺤﻀﻨﺔ
ﺣﻀﻨﻲ ﺟﺎﻥ ﻳﺸﻤﻨﻲ ﻣﻦ ﺭﮔﺒﺘﻲ ﻭﻳﻀﺤﻚ
ﻟﻔﻴﺖ ﺍﻳﺪﻳﺔ ﺣﻮﻝ ﺟﺴﻤﻪ ﻭﺍﻧﻲ ﻣﺴﺘﻐﺮﺑﺔ ﻣﻮﻗﻔﺔ ﮔﺪﺍﻡ
ﺍﻫﻠﺔ ﻫﻴﺞ ﻳﺴﻮﻱ ﺷﺒﻲ
ﺷﻨﻮ ﺍﻟﺼﺎﻳﺮ ﻋﺼﺮﻧﻲ ﺑﺤﻀﻨﺔ ﻟﺪﺭﺟﺔ ﺣﺴﻴﺖ ﺿﻠﻮﻋﻲ ﺭﺍﺡ ﺗﺘﻜﺴﺮ
ﺷﻤﻴﺖ ﺣﻀﻨﺔ ﺍﻟﻲ ﺟﺎﻥ ﻛﻠﺔ ﺭﻳﺤﺔ ﺣﺮﻙ ﻭﻋﻄﺎﺏ
ﺍﺳﻤﻌﺔ : ﺍﺣﻤﺪﻙ ﻭﺍﺷﻜﺮﻙ ﻳﺎﻟﻠﻪ ﺍﻟﻒ ﺍﻟﺤﻤﺪﻟﻠﻪ ﻭﺍﻟﺸﻜﺮ
ﺭﺑﻲ ﻣﺎ ﺍﻋﺮﻑ ﺷﻠﻮﻥ ﺍﺟﺎﺯﻱ ﻓﻀﻠﻚ ﻋﻠﻴﺔ
ﺳﻤﻌﺖ ﺻﻮﺕ ﺍﻟﺠﺪ : ﻳﺎ ﺭﺣﻤﺘﻚ ﻳﺎﻟﻠﻪ ﻳﺎ ﺭﺣﻤﺘﻚ ﻳﺎﻟﻠﻪ
ﺟﺎ ﺧﺎﻳﺐ ﺛﺎﻳﺮ ﺟﺎ ﻫﺎﻱ ﻣﺮﻳﺘﻚ ﻋﺪﻟﺔ
ﻭ ﺑﻨﺎﺗﻨﺎ ﻛﻠﻬﻦ ﻣﻮﺟﻮﺩﺍﺕ
ﺟﺎ ﻣﻨﻬﻲ ﺍﻟﻲ ﺍﺣﺘﺮﻛﺖ
ﺍﻧﺘﺒﻬﺖ ﻋﻠﻰ ﺭﻭﺍﺀ ﻃﻠﻌﺖ ﻣﻦ ﺍﻟﺒﻴﺖ ﻭﺑﻴﺪﻫﺎ ﻛﻢ ﻛﺘﺎﺏ
ﻗﺮﺍﻥ ﺷﻮﻳﺔ ﻻﻳﺤﻬﻢ ﺍﻟﺤﺮﻙ ﻭﻭﺟﻬﺎ ﻣﻠﻄﺦ ﺻﺨﺎﻡ
ﺷﺎﻓﺘﻨﺎ ﻭﻟﻄﻤﺖ ﻋﻠﻰ ﺻﺪﺭﻫﺎ ﻭﺭﻛﻀﺖ ﺑﺘﺠﺎﻫﻨﺎ
ﻭﺍﻧﻄﺖ ﺍﻟﻘﺮﺍﻥ ﻟﻌﺬﺭﺍﺀ ﻭﺟﺮﺗﻨﻲ ﻣﻦ ﺣﻀﻦ
ﺛﺎﺋﺮ : ﻭﻟﺞ ﺳﻬﻮﺓ ﺍﻧﺘﻲ ﻋﺎﻳﺸﺔ
ﺗﺤﻀﻦ ﺑﻴﺔ ﻭﺗﺒﺠﻲ
ﺣﺎﺭﺙ : ﻳﺎ ﺟﻤﺎﻋﺔ ﺷﻨﻮ ﺍﻟﻔﻠﻢ ﻭﺍﺣﺪ ﺑﻴﻜﻢ ﻳﻔﻬﻤﻨﺎ
ﺷﺴﺎﻟﻔﺔ
ﺣﺠﺔ ﺍﻟﺸﻴﺦ ﺍﻟﻲ ﺻﺎﺭ ﻭﺛﺎﺋﺮ ﺍﻟﻲ ﺑﻌﺪﺓ ﻣﺎ ﻣﺴﺘﻮﻋﺐ
ﺍﻟﺼﺪﻣﺔ ﻻﺯﻡ ﺍﻳﺪﻱ ﻭﻳﺒﺎﻭﻉ ﻋﻠﻴﺔ
ﻣﻦ ﺳﻤﻌﺖ ﺣﺠﻲ ﺟﺪﻫﻢ ﺍﻟﺘﻔﺘﺖ ﻋﻠﻰ ﺛﺎﺋﺮ
ﻭﻋﻴﻮﻧﻲ ﻓﺎﺿﺖ ﻣﻦ ﺍﻟﺪﻣﻊ ﻫﺎﻟﻤﺮﺓ ﺍﻧﻲ ﺍﻟﻲ ﺍﺧﺬﺗﺔ ﻟﺤﻀﻨﻲ
ﺳﻤﻌﺘﺔ ﻫﻤﺲ ﺑﺄﺫﻧﻲ : ﻭﻟﺞ ﺳﻬﻮﺓ ﺍﺟﻴﺖ ﺍﺗﺨﺒﻞ
ﻭﻟﺞ ﻣﺎ ﺗﻌﺮﻓﻴﻦ ﺷﺼﺎﺭ ﺑﺤﺎﻟﻲ ﻣﻦ ﺍﺳﻤﻊ ﺻﻮﺗﺞ ﺗﺼﺮﺧﻴﻦ ﻣﻦ ﺍﻟﻨﺎﺭ ﻭﻣﺎ ﺍﻛﺪﺭ ﺍﻭﺻﻠﺞ
ﻭﻟﺞ ﻋﺒﺎﻟﻲ ﺍﻧﺘﻲ ﺗﺼﺮﺧﻴﻦ
ﻣﺤﺠﻴﺖ ﺷﻲ ﺣﺴﻴﺖ ﺑﻠﺴﺎﻧﻲ ﺛﻜﻞ ﺭﺟﻌﺖ ﻟﻤﻴﺘﺔ ﻟﺤﻀﻨﻲ
......
ﺍﻧﺘﺒﻬﺖ ﻋﻠﻰ ﺣﺎﺭﺙ ﻃﻠﻊ ﻧﻘﺎﻟﻪ ﻭﺍﺗﺼﻞ ﻋﻠﻰ ﻧﺎﺻﺮ
ﻭﺻﺎﺭ ﻳﺤﺠﻴﻠﻪ ﺍﻟﺼﺎﺭ
ﻋﺬﺭﺍﺀ : ﻳﺎﺍﺍ ﺟﺎ ﻳﺎﻫﻮ ﺍﺣﺘﺮﻛﺖ
ﺳﻤﻌﻨﺎ ﺻﻮﺕ ﻧﺎﻋﻢ ﻳﺴﺌﻞ
: ﺛﻮﻭﻭﻫﻲ ﻭﻳﻦ ﻣﺎﻣﺎ
ﻫﻨﺎﺍﺍﺍ ﻛﻠﻬﺎ ﺟﻤﺪﺕ
..............................
ﺑﻌﺪﻣﺎ ﻣﺎ ﺻﺎﺭ ﺍﻻﻟﺘﺒﺎﺱ ﺑﻤﻮﺿﻮﻉ ﺍﻟﺠﺜﺔ ﺍﻟﻤﺤﺘﺮﻛﺔ
ﺗﺒﻴﻦ ﺍﻥ ﺍﻟﺠﺜﺔ ﺭﺍﺟﻌﺔ ﻟﺴﺠﻰ
ﺑﻌﺪﻣﺎ ﺍﺟﻮ ﺍﻟﺸﺮﻃﺔ ﺣﺘﻰ ﻳﺴﻮﻥ ﻛﺘﺎﺏ
ﻣﻮﻗﻊ ﻳﺄﻛﺪ ﻋﻦ ﺍﺣﺘﺮﺍﻕ ﺍﻟﺒﻴﺖ ﻧﺎﺗﺞ ﻋﻦ ﺍﻟﺘﻤﺎﺱ ﻛﻬﺮﺑﺎﺋﻲ
ﻭﺍﻧﻄﻮﻧﺎ ﻛﺘﺎﺏ ﻣﻮﻗﻊ ﻭﻣﺨﺘﻮﻡ ﻳﺎﻛﺪ ﺍﺣﺘﺮﺍﻕ
ﻣﻤﺘﻠﻜﺎﺕ ﺍﻟﺒﻴﺖ
ﻻﻥ ﺑﻮﻗﺘﻬﺎ ﻛﻞ ﺍﻟﻤﺴﺘﻤﺴﻜﺎﺕ ﺍﺣﺘﺮﻛﺖ ﻭﺍﻟﺠﻮﺍﺯﺍﺕ ﻭﺍﻟﺠﻨﺎﺳﻲ
ﻭﻫﻮﻳﺎﺕ ﺍﻟﻮﻟﺪ ﻭﺍﻟﻄﺎﺑﻮﺍﺕ
ﻣﺎ ﺑﻘﻰ ﺷﻲ ﺻﺎﺣﻲ
ﺣﺴﺐ ﺍﻟﺘﺤﻘﻴﻘﺎﺕ ﻳﻜﻮﻟﻮﻥ ﺍﻟﺘﻤﺎﺱ ﻛﻬﺮﺑﺎﺋﻲ ﺟﺎﻱ ﻣﻦ ﻏﺮﻓﺔ ﺳﺮﻯ
ﺑﺲ ﺑﻘﻰ ﺍﻟﺴﺆﺍﻝ ﺍﻟﻲ ﻳﻄﺮﺡ ﻧﻔﺴﺔ ﺳﺠﻰ ﺷﻨﻮ ﺟﺎﻧﺖ
ﺗﺴﻮﻱ ﺑﻐﺮﻓﺘﻲ
ﻭﺻﺎﺭ ﺍﻟﻜﻞ ﻳﺘﺤﻤﺪﻟﻲ ﻋﻠﻰ ﺍﻟﺴﻼﻣﺔ ﺑﻌﺪﻣﺎ
ﺟﺎﻧﻮ . ﻳﻀﻨﻮﻥ ﺍﻧﻲ ﺍﻟﻲ ﺍﺣﺘﺮﻛﺖ ﻭﻋﺪﺕ ﺍﻻﻳﺎﻡ
ﻭﺛﺎﺋﺮ ﺍﻟﻲ ﺻﺎﺭ ﻣﺜﻞ ﺍﻟﻤﺠﻨﻮﻥ ﻣﺎ ﻳﺨﻠﻴﻨﻲ ﺍﺑﺘﻌﺪ ﻋﻨﻪ
ﺧﻄﻮﺓ
ﺟﺎﻥ ﻋﻨﺪﻫﻢ ﺑﻴﺖ ﺛﺎﻧﻲ ﻳﺼﻴﺮ ﺑﺄﻃﺮﺍﻑ ﺍﻟﻤﺰﺭﻋﺔ
ﻳﻜﻮﻥ ﺻﻐﻴﺮ ﻭﺑﺴﻴﻂ
ﺍﻧﺘﻘﻠﻨﺎ ﺍﻟﺔ ﺑﻌﺪﻣﺎ ﻋﺠﺰ ﻋﻤﻮ ﻗﺎﺳﻢ ﻭﺍﻭﻻﺩ ﻋﻤﺎﻣﻬﻢ
ﻟﺤﺘﻰ ﻧﺠﻲ ﻛﻠﻨﺎ ﺑﺒﻴﺘﻬﻢ ﻟﻜﻦ ﺍﻟﺸﻴﺦ ﻣﺰﺍﺣﻢ
ﻛﺎﻝ ﻣﺎ ﻳﺤﺘﺎﺝ ﺑﻴﺘﻨﺎ ﻣﻮﺟﻮﺩ ﻳﺴﻠﻢ ﺭﺍﺳﻚ ﻳﻘﺎﺳﻢ ﻭﺍﺗﺸﻜﺮ ﻣﻦ ﺍﻟﺒﻘﻴﺔ
ﺭﺣﻨﺎ ﻋﺎﻟﺒﻴﺖ ﺍﻧﻲ ﻭﺍﻟﺒﻨﺎﺕ ﻭﺷﺪﻳﻨﺎ ﺍﻟﻬﻤﺔ
ﻭﻛﻌﺪﻧﺎ ﻧﻨﻈﻒ ﻭﻧﻐﺴﻞ ﻻﻥ ﺟﺎﻥ ﺣﻴﻞ ﺗﻌﺒﺎﻥ ﻭﻭﺻﺦ ﻻﻥ ﺟﺎﻥ ﻣﺘﺮﻭﻙ
ﺧﺒﺮ ﻭﻓﺎﺓ ﺳﺠﻰ ﻣﺎ ﺍﺛﺮ ﻋﻠﻰ ﺍﻱ ﻭﺍﺣﺪ
ﻓﻘﻂ ﺷﺨﺺ ﻭﺍﺣﺪ ﺍﻧﻜﺴﺮ ﺧﺎﻃﺮﻱ ﻋﻠﻴﻪ
ﺍﺑﻦ ﺳﺠﻰ ﺧﻄﻴﺔ ﺟﺎﻥ ﺑﺲ ﻳﺒﺎﻭﻉ ﺑﻌﻴﻮﻧﺔ ﻛﻠﺸﻲ ﻣﺎ ﻳﻔﺘﻬﻢ
ﺍﺟﺔ ﺍﺑﻮﻫﻢ ﻣﻦ ﺍﻟﻤﺴﺘﺸﻔﻰ ﺑﻌﺪﻣﺎ ﺭﺍﺡ ﺍﺧﺬﻫﺎ ﻭﺩﻓﻨﻬﺎ ﺑﺎﻟﻨﺠﻒ ﺟﺎﻥ ﺍﻟﻜﻞ ﺿﺎﻳﺞ ﻣﻦ ﻋﻨﺪﺓ
ﺳﻨﺎﺀ ﺧﻄﻴﺔ ﺷﺪﺕ ﺍﻟﻬﻤﺔ ﻭﻛﻌﺪﺕ ﺗﻮﺟﻬﻨﺎ ﻋﺎﻟﺸﻐﻞ ﻭﻛﻠﻨﺎ ﺗﻌﺎﻭﻧﺔ ﻋﻠﻰ ﺗﻨﻈﻴﻒ ﺍﻟﺒﻴﺖ
ﻭﺻﺎﺭ ﺍﻟﻠﻴﻞ ﻭﻛﺪﺭﻧﺎ ﻧﺪﺑﺮ ﺍﻣﻮﺭﻧﺎ ﺑﺎﻟﺒﻴﺖ ﺍﻟﺼﻐﻴﺮ ﺍﻧﻲ ﻭﺛﺎﺋﺮ ﻭﺣﻤﻮﻳﻨﻲ ﻋﺪﻱ ﻭﻣﻨﺘﺼﺮ ﻭﺳﺮﻯ ﻭﻓﺎﻃﻤﺔ
ﻭﺭﺍﺀ ﻭﺍﻟﺸﻴﺦ ﻣﺰﺍﺣﻢ
ﺍﻣﺎ ﺑﻴﺖ ﺍﺳﻌﺪ ﺣﻤﺎﻱ ﺭﺍﺡ ﺍﺧﺬ ﻣﺮﺗﺔ ﻭﺟﻬﺎﻟﺔ ﺑﺒﻴﺖ ﺣﻤﺎﻱ
ﻋﻠﻲ ﻻﻥ ﻫﻮ ﺻﺎﺣﺐ ﺍﻃﻔﺎﻝ ﻓﺜﺎﺋﺮ ﺍﻗﺘﺮﺡ ﻋﻠﻴﻪ
ﻳﺎﺧﺬﻫﻢ ﻫﻨﺎﻙ
ﻭﺍﻟﺒﻴﻮﺕ ﺍﻟﻲ ﺣﻮﻟﻨﺎ ﺟﺎﺑﻮ ﺍﻟﻨﺎ ﻓﺮﺵ ﻭﺑﻄﺎﻧﻴﺎﺕ ﻭﻣﺨﺪﺍﺕ
ﻟﻠﺒﻴﺖ ﻻﻥ ﺟﺎﻥ ﺑﻲ ﻫﻮﺍﻱ ﻧﻮﺍﻗﺺ ﻻﻥ ﻣﺤﺪ ﻣﺴﺘﺨﺪﻣﺔ
ﻭﺍﻭﻻﺩ ﻋﻤﺎﻣﻬﻢ ﺟﺎﺑﻮﻟﻨﺎ ﺍﻟﻌﺸﺎ
ﺍﻟﺤﻠﻮ ﺑﻴﻬﻢ ﻛﻠﺶ ﻣﺘﻌﺎﻭﻧﻴﻦ ﻳﻌﻨﻲ ﻋﺒﺎﻟﻚ ﺑﻴﻮﺗﻬﻢ ﺍﻟﻤﺤﺘﺮﻛﺔ
ﻣﻮ ﺑﺲ ﺑﻴﺘﻨﺎ
ﺧﻄﻴﺔ ﻛﻠﺴﺎﻋﺔ ﻭﺍﺣﺪ ﻳﺠﻲ ﻭﻳﺠﻴﺐ ﺷﻲ ﻭﻳﺎﻩ
ﺑﻔﻀﻠﻬﻢ ﻣﺤﺴﻴﻨﺎ ﺑﻌﺎﺯﺓ
ﺻﺒﻴﻨﺎ ﺍﻟﻌﺸﺎ
ﺳﻨﺎﺀ ﺗﺤﻀﻨﻲ : ﻭﻟﺞ ﺳﻬﻮﺓ ﻫﻴﺞ ﺍﻧﺘﻲ ﻋﺰﻳﺰﺓ ﻋﺪﻧﺎ
ﻭﺍﺣﻨﺎ ﻣﺎ ﻧﻌﺮﻑ
ﺧﻴﺔ ﺍﻟﺤﺮﻳﺠﺔ ﺑﻴﻨﺖ ﻣﺤﺒﺘﺞ ﺑﮕﻠﺐ ﻣﺤﺒﻮﺑﺞ ﺍﻟﻲ ﺗﺴﻮﺩﻥ
ﻭﺫﺏ ﺭﻭﺣﻪ ﺑﻮﺳﻂ ﺍﻟﻨﺎﺭ ﺻﺎﺭ ﻳﺤﺘﺮﻙ ﺑﺎﻟﻨﺎﺭ ﻭﻫﻮ ﻣﻮ ﻭﺍﻋﻲ ﻋﻠﻰ ﺣﺎﻟﻪ
ﺟﺎﻧﺖ ﺗﺤﺠﻲ ﻭﺍﻧﻲ ﺍﺻﺐ ﺑﺎﻟﻌﺸﺎ
ﻭﺍﺑﺘﺴﻢ
ﺍﻛﻮ ﺍﻳﺔ ﺟﻨﺖ ﺩﺍﺋﻤﺎ ﺍﻗﺮﺍﻫﺎ ﺑﺲ ﻣﺎ ﺟﻨﺖ ﺍﺩﺭﻙ ﻣﻌﻨﺎﻫﺔ
}) ﻭَﻋَﺴَﻰ ﺃَﻥْ ﺗَﻜْﺮَﻫُﻮﺍ ﺷَﻴْﺌًﺎ ﻭَﻫُﻮَ ﺧَﻴْﺮٌ ﻟَﻜُﻢْ ﻭَﻋَﺴَﻰ ﺃَﻥْ ﺗُﺤِﺒُّﻮﺍ ﺷَﻴْﺌًﺎ ﻭَﻫُﻮَ ﺷَﺮٌّ ﻟَﻜُﻢْ ﻭَﺍﻟﻠَّﻪُ ﻳَﻌْﻠَﻢُ ﻭَﺃَﻧْﺘُﻢْ ﻟَﺎ ﺗَﻌْﻠَﻤُﻮﻥَ ({
ﺟﺎﻥ ﻭﻗﻮﻉ ﺣﺴﻦ ﻭﺟﺮﺡ ﺍﻳﺪﺓ ﻭﺍﻧﺸﻐﺎﻟﻲ ﻭﺧﻮﻓﻲ ﻋﻠﻴﻪ
ﺑﻴﻬﺎ ﺣﻜﻤﺔ
ﺷﻜﺪ ﺑﻠﺤﻈﺘﻬﺎ ﺟﺰﻋﺖ ﻭﺧﻔﺖ ﻋﻠﻰ ﺣﺴﻦ ﺑﺲ ﺍﻟﻠﻪ ﺩﻓﻊ ﻣﺎ ﻛﺎﻥ ﺍﻋﻈﻢ
ﺭﺣﺖ ﺍﺷﻮﻑ ﺣﺴﻦ ﺷﻔﺘﺔ ﻛﺎﻋﺪ ﺑﺼﻒ ﺳﺮﻯ ﻭﻳﺒﺎﻭﻉ ﻭﻳﺎﻫﺔ ﺑﻨﻘﺎﻝ ﻣﻨﺘﺼﺮ ﺍﻟﻌﺎﺏ
ﻭﻓﺎﻃﻤﺔ ﻭﺍﻛﻔﺔ ﻭﻳﺎﻧﺔ ﺑﺎﻟﻤﻄﺒﺦ ﺗﺴﺎﻋﺪﻧﺎ
ﺣﻀﺮﻧﺎ ﺍﻟﺠﺎﻱ ﺑﻌﺪﻣﺎ ﻋﺪﻱ ﺍﺧﺬ ﺍﻟﻌﺸﺎ ﻟﻠﻬﻮﻝ ﻟﻠﺤﻮﺵ
ﺍﻟﺤﻮﻟﻲ ﺟﺎﻥ ﺑﻴﺘﻬﻢ ﺑﻲ ﻏﺮﻓﺘﻴﻦ ﻭﺣﻤﺎﻡ ﻭﻫﻮﻝ ﺣﻮﻟﻲ ﻳﺴﻤﻮﻧﺔ ﺣﻮﺵ
ﻭﻣﻄﺒﺦ
ﺻﺎﺭ ﺗﻮﺯﻳﻊ ﺍﻟﻐﺮﻑ
ﺍﻟﺸﻴﺦ ﻣﺰﺍﺣﻢ ﻭﺍﻟﻮﻟﺪ ﺑﻐﺮﻓﺔ ﻭﺍﺣﻨﺎ ﻭﺳﻨﺎﺀ ﺑﻐﺮﻓﺔ
ﻭﺍﻟﺠﺪﺓ ﺑﻌﺪﻫﺎ ﺑﺎﻟﻤﺴﺘﺸﻔﻰ ﺟﺎﻧﻮ ﺑﻨﺎﺗﻬﺎ ﺍﻟﻜﺒﺎﺭ ﻳﺒﺎﺭﻭﻧﻬﺎ ﻭﻳﺪﻳﺮﻭﻥ ﺑﺎﻟﻬﻢ ﻋﻠﻴﻬﺎ
ﺑﻌﺪﻣﺎ ﺧﻔﺖ ﺍﻟﺮﺟﻞ ﻋﻦ ﺑﻴﺘﻨﺎ ﻭﺍﻟﻮﻟﺪ ﺧﻄﻴﺔ ﻛﻠﺶ ﺗﻌﺒﻮ
ﺍﺗﺼﻠﺖ ﻋﻠﻰ ﻧﻮﺭ ﺗﺪﺯﻟﻲ ﻛﻢ ﺩﺷﺪﺍﺷﺔ ﻣﻦ ﻋﻨﺪﺝ ﺍﻟﻲ ﻭﻟﻠﺒﻨﺎﺕ
ﺧﻄﻴﺔ ﺍﺟﺔ ﻋﻤﻮ ﻭﻧﺎﺻﺮ ﺟﺎﺑﻮ ﻋﻼﻛﺔ ﺍﻟﻤﻼﺑﺲ ﺍﻟﻲ ﻭﻟﻠﺒﻨﺎﺕ
ﻭﺧﻄﻴﺔ ﺣﺘﻰ ﺟﺎﻳﺒﻴﻦ ﻟﻠﻮﻟﺪ ﻛﻢ ﻗﻄﻌﺔ ﻣﻦ ﻧﺎﺻﺮ ﻭﺣﺎﺭﺙ
ﺳﻤﻌﺖ ﺛﺎﺋﺮ ﻳﺤﺠﻲ ﻭﻳﺔ ﺣﺎﺭﺙ ﻭﻳﻀﺤﻚ
: ﻭﻟﻚ ﺣﻮﻳﺮﺙ ﺷﻜﺪ ﺟﻨﺖ ﺍﺗﺨﺒﻞ ﻣﻨﻚ ﻭﺍﻛﺮﻫﻚ ﻭﻣﺎ ﺍﺷﺘﻬﻴﻚ ﺑﻌﻴﺸﺖ ﺍﻟﻠﻪ
ﺍﺗﻔﺎﺟﺌﺖ ﺑﻜﻼﻣﻪ ﺷﻠﻮﻥ ﻳﺤﺠﻲ ﻭﻳﺔ ﺣﺎﺭﺙ ﻫﻴﺞ ﺧﻄﻴﺔ
ﺷﻜﺪ ﺯﺣﻤﺔ
ﻛﻤﻞ ﻛﻼﻣﻪ
: ﺑﺲ ﺑﻴﻮﻡ ﺩﺭﻳﺖ ﺑﻴﻚ ﺍﻧﺖ ﺍﻟﻲ ﻣﺎﺧﺬ ﺳﻬﻮﺓ ﻭﺣﺴﻦ
ﺻﺮﺕ ﺍﻧﺖ ﺳﺒﺐ ﺑﺎﺑﻌﺎﺩﻫﻢ ﻋﻦ ﺍﻟﺤﺎﺩﺙ ﺷﻜﺪ ﺣﺒﻴﺘﻚ ﺑﻠﺤﻀﺘﻬﺎ ﺻﺮﺕ ﻣﻤﻨﻮﻥ ﺍﻟﻚ ﺑﺮﻭﺣﻲ
ﻭﻧﺬﺭﺕ ﺷﺘﻄﻠﺐ ﻣﻨﻲ ﺍﻧﺎ ﺍﻧﻔﺬﺓ
ﺣﺎﺭﺙ ﻳﻀﺤﻚ : ﻋﻤﻲ ﻛﻠﺸﻲ ﻣﺎ ﺍﺭﻳﺪ ﻣﻨﻚ ﺑﺲ ﻛﻔﻴﻨﻲ ﺷﺮﻙ
ﺍﺑﺴﻤﺖ ﻋﻠﻰ ﻛﻼﻣﻬﻢ
ﺭﺟﻊ ﻛﻤﻞ ﻛﻼﻣﻪ
: ﻻ ﺑﺲ ﺻﺪﻙ ﺍﻃﻠﺐ ﻣﻨﻚ ﻃﻠﺐ ﻭﻣﺎ ﺗﺮﺩﻧﻲ
: ﻛﻮﻝ ﺍﻣﺮ ﺭﻛﺒﺘﻲ ﺍﻟﻚ ﺳﺪﺍﺩﺓ
: ﺍﺭﻳﺪﻙ ﺗﺘﻮﺳﻄﻠﻲ ﻋﻨﺪ ﺟﺪﻱ ﻭﺍﺑﻮﻱ ﻳﻌﺠﻠﻮﻥ ﺑﺴﺎﻟﻔﺔ ﺧﻄﻮﺑﺘﻲ ﻣﻦ ﺍﺧﺖ ﺻﺎﺣﺒﻲ
ﻋﺠﺰﺕ ﻭﺍﻧﺎ ﺍﻗﻨﻊ ﺑﻴﻬﻢ ﺣﺘﻰ ﻳﻮﺍﻓﻘﻮﻥ
ﻭﺟﺪﻱ ﻛﻞ ﺳﺎﻋﺔ ﻣﻄﻠﻊ ﻟﻲ ﺳﺎﻟﻔﺔ ﻳﺎ ﺭﻭﺍﺀ ﺑﻨﺖ ﺧﺎﻟﻚ
ﻭﺍﻟﻘﺮﻳﺒﺔ ﺍﺣﺴﻦ ﻣﻦ ﺍﻟﻐﺮﻳﺒﺔ
ﻭﺍﺑﻮﻱ ﻣﻦ ﺳﻤﻊ ﻛﻼﻡ ﺟﺪﻱ ﻣﻦ ﺫﺍﻙ ﺍﻟﻴﻮﻡ ﻭﻫﻮ ﺭﺍﻓﺾ ﻓﻜﺮﺓ ﺍﺧﻄﺐ ﺍﻟﺒﻨﻴﺔ
ﺍﺑﺘﺴﻤﺖ ﻋﻠﻰ ﻛﻼﻡ ﺣﺎﺭﺙ
ﻭﺍﻧﺎ ﻛﻞ ﻫﺎﻱ ﺍﻟﻤﺪﺓ ﻣﺘﺨﺒﻞ ﻣﻨﺔ ﻃﻠﻊ ﺍﻟﻜﺮﻭﺩ ﻋﺎﺷﻜﻠﺔ ﻭﺣﺪﺓ ﻭﻳﺮﻳﺪ ﻳﺘﺰﻭﺟﻬﺎ
: ﻫﺎﻱ ﻫﻲ ﺍﻋﺘﺒﺮﻫﺎ ﺻﺎﺭﺕ ﻣﻦ ﻧﺼﻴﺒﻚ ﺑﺲ ﺍﻧﺘﻈﺮﻧﺎ ﻳﺴﺘﻘﺮ ﻭﺿﻌﻨﺎ
ﻭﺍﻧﻲ ﺑﻴﺪﻱ ﺍﺧﺬﻫﻢ ﻭﺍﺭﻭﺡ ﺍﺧﻄﺒﻬﺎ ﺍﻟﻚ
ﺷﻔﺘﺔ ﺍﻗﺘﺮﺏ ﻣﻨﻲ ﻭﺑﺎﺳﻨﻲ ﻣﻦ ﺭﺍﺳﻲ
: ﻛﻔﻮ ﻭﺍﻟﻠﻪ ﻳﺎﻟﻮﺣﺶ ﺍﻟﻠﻪ ﻣﺎ ﻳﺤﺮﻣﻨﺎ ﻣﻨﻚ
ﻭﻳﻦ ﺟﺎﻥ ﻋﻨﻲ ﺍﻟﺤﺮﻙ ﺍﻟﻲ ﺣﻞ ﻣﺸﻜﻠﺘﻲ
ﻟﻮ ﺍﺩﺭﻱ ﺟﺎﻥ ﻣﻦ ﺯﻣﺎﻥ ﺍﻧﺎ ﺑﻴﺪﻱ ﺍﺣﺮﻙ ﺑﻴﺖ ﺟﺪﻱ ﻭﺍﻓﻀﻬﺎ
ﻛﻠﻨﺎ ﺿﺤﻜﻨﺎ ﻋﻠﻰ ﻛﻼﻡ ﺣﺎﺭﺙ
ﺭﻏﻢ ﺍﻟﻨﻜﺒﺔ ﻭﺍﻟﺸﺪﺓ
ﺑﺲ ﺑﻌﺪﺓ ﺍﻻﻣﻞ ﻣﻮﺟﻮﺩ ﺑﮕﻠﻮﺑﻬﻢ
ﻭﻣﺎ ﺷﻔﺖ ﺑﻴﻬﻢ ﻭﺍﺣﺪ ﻳﺘﺤﺴﺮ ﻋﻠﻰ ﺣﺮﻳﻖ
ﺍﻟﺒﻴﺖ
ﺑﺎﻟﻌﻜﺲ ﺷﻔﺘﻬﻢ ﺯﺍﺩﻭ ﺑﺎﻟﺤﻤﺪ ﻭﺍﻟﺸﻜﺮ
ﻭﺑﻴﻬﻢ ﻣﻦ ﺻﻠﻰ ﺭﻛﻌﺘﻴﻦ ﺷﻜﺮ ﻣﺜﻞ ﺟﺪﻫﻢ ﻭﺳﻨﺎﺀ
ﻭﺑﻴﻬﻢ ﻣﻦ ﺫﺑﺢ ﺫﺑﻴﺤﺔ ﺟﺮﻳﺎﻥ ﺩﻡ ﻭﺍﻧﻄﺎﻫﺔ ﻟﻠﻔﻘﺮﺓ
ﺩﻓﻌﺔ ﺑﻠﺔ ﻋﻦ ﺍﻫﻠﻬﻢ ﻣﺜﻞ ﺛﺎﺋﺮ
ﺍﻣﺎ ﺛﺎﺋﺮ ﻭﻣﺎ ﺍﺩﺭﺍﻙ ﻣﺎ ﻗﺎﺋﺮ ﻓﻬﺬﺍ ﻟﻮﺣﺪﺓ ﻋﺎﻟﻢ ﺧﺎﺹ
..........
ﻓﺘﺖ ﻟﻠﺤﻤﺎﻡ ﻭﺳﺒﺤﺖ ﺣﺘﻰ ﺍﻧﻔﺾ ﻋﻨﻲ ﺗﻌﺐ ﺍﻟﻴﻮﻡ ﻭﺭﻳﺤﺔ ﺍﻟﺤﺮﻙ ﻭﺍﻟﺸﻌﻮﺍﻁ
ﻭﻟﺒﺴﺖ ﺩﺷﺪﺍﺷﺔ ﻧﻮﺭ
ﻋﺰﺓ ﺑﻌﻴﻨﺞ ﻫﺎﻱ ﺍﻟﻌﻮﺑﺔ ﺩﺷﺪﺍﺷﺘﻬﺎ ﻣﻔﺼﻠﺔ ﺟﺴﻤﻲ
ﻳﺎﻟﻠﻪ ﺧﻠﻲ ﺍﻃﻠﻊ ﻫﺴﺔ ﺷﻲ ﺍﻛﻴﺪ ﺣﻤﻮﻳﻨﻲ ﻧﺎﻣﻮ
ﻻﻥ ﻣﻦ ﺩﺧﻠﺖ ﻟﻠﺤﻤﺎﻡ ﺷﻔﺖ ﺍﻟﺒﻨﺎﺕ ﺑﺪﻭ ﻳﻔﺮﺷﻮﻥ
ﻃﻠﻌﺖ ﻣﻦ ﺍﻟﺤﻤﺎﻡ ﻭﺍﻟﻤﻨﺸﻔﺔ ﻋﻠﻰ ﺭﺍﺳﻲ
ﺟﺎﻧﻮ ﻣﻄﻔﻴﻦ ﺍﻻﺿﻮﻳﺔ ﻭﻣﺒﻘﻴﻦ ﺑﺲ ﺿﻮﺓ ﺍﻟﻤﻄﺒﺦ
ﺟﺎﻱ ﺍﺩﺧﻞ ﻟﻠﻐﺮﻓﺔ ﻭﺍﻧﺘﺒﻬﺖ ﻋﻠﻰ ﺛﺎﺋﺮ ﻛﺎﻋﺪ ﻋﺎﻟﺪﺭﺝ
ﺍﺗﻔﺎﺟﺌﺖ
ﻫﻤﺴﺖ ﺑﺼﻮﺕ ﻧﺎﺻﻲ ﺧﺎﻑ ﺍﺣﺪ ﻳﺴﻤﻌﻨﺎ
: ﺛﺎﺋﺮ ﻟﻴﺶ ﻛﺎﻋﺪ ﻫﻨﺎ ﻋﺎﻟﺪﺭﺝ ﻟﻴﺶ ﻣﺎ ﺭﺣﺖ ﻧﻤﺖ
ﻳﻢ ﺟﺪﻙ ﻭﺍﻟﻮﻟﺪ
ﺍﺑﺘﺴﻢ ﺑﺘﻌﺐ : ﻣﺎ ﺍﻋﺮﻑ ﺍﻧﺎﻡ ﺍﻻ ﺑﺤﻀﻨﺞ ﻳﺴﻬﻮﺓ
ﺍﺗﺴﻌﺖ ﻋﻴﻮﻧﻲ ﻭﺍﺑﺘﺴﻤﺖ : ﻟﻚ ﺛﺎﺋﺮ ﺍﺣﻨﺎ ﺑﻴﺎ ﺣﺎﻝ ﻭﺍﻧﺖ ﺗﺪﻭﺭ ﺣﻀﻨﻲ ﺣﺘﻰ ﻣﻜﺎﻥ ﻣﺎﻛﻮ
ﻫﻤﺔ ﺑﺲ ﻏﺮﻓﺘﻴﻦ ﻗﺎﺑﻞ ﺍﺧﺬﻙ ﻳﻤﻲ ﺗﻨﺎﻡ ﺑﻴﻨﻲ ﺍﻧﺎ ﻭﺍﻟﺒﻨﺎﺕ
ﻟﻮ ﺍﻧﻲ ﺍﺟﻲ ﺍﻧﺎﻡ ﻳﻤﻚ ﺑﻴﻦ ﺍﻟﻮﻟﺪ ﻭﺍﻟﺸﻴﺦ ﻣﺰﺍﺣﻢ
ﺣﺘﻰ ﻧﺼﺒﺢ ﻋﻠﻰ ﺿﺮﺑﺔ ﻋﺼﺎ ﻣﻦ ﺍﻟﺼﺒﺢ
ﺿﺤﻚ : ﻻ ﺍﻟﻴﻮﻡ ﺍﻧﺎﻡ ﺑﺤﻀﻨﺞ ﺍﻧﺎﻡ
ﺑﺲ ﻻ ﺑﻐﺮﻓﺔ ﺍﻟﺒﻨﺎﺕ ﻭﻻ ﺑﻐﺮﻓﺔ ﺟﺪﻱ
ﺻﻔﻨﺖ ﺑﺘﻔﻜﻴﺮ : ﻟﻌﺪ ﻭﻳﻦ
ﺍﺷﺮﻟﻲ ﻋﻠﻰ ﻓﻮﻙ ﻭﺑﺎﻭﻋﺖ ﺑﺴﺘﻔﻬﺎﻡ : ﺷﻨﻮ ﻗﺼﺪﻙ
: ﻭﻟﺞ ﺳﻬﻮﺓ ﺷﻠﻌﺘﻲ ﮔﻠﺒﻲ
ﺻﻌﺪﺕ ﺍﻟﻨﺎ ﻓﺮﺍﺵ ﻭﻓﺮﺷﺘﺔ ﻓﻮﻙ ﺑﺎﻟﺴﻄﺢ
ﺻﻌﺪﻱ ﻛﺪﺍﻣﻲ ﻭﺍﻧﺎ ﺭﺍﺡ ﺍﺟﻴﺐ ﺩﻭﻟﻜﺔ ﻣﺎﻱ ﻭﺍﺻﻌﺪ ﻭﺭﺍﺝ
ﺻﺪﻙ ﺿﺤﻜﺖ ﻋﻠﻰ ﺍﻓﻜﺎﺭﻩ ﺍﻟﺠﻬﻨﻤﻴﺔ ﻫﻬﻬﻬﻪ
.......
ﺻﻌﺪﺕ ﻛﺪﺍﻣﺔ ﻭﺍﺟﺔ ﻭﺭﺍﻱ ﺳﻤﻌﺘﺔ ﺷﻬﻚ ﺑﺼﻮﺕ ﻫﺎﻣﺲ
ﻣﻦ ﺍﺣﺘﺮﻛﺖ ﻋﺸﻴﺮﺗﺞ ﺳﻬﻮﺓ ﻣﻨﻴﻦ ﺟﺒﺘﻲ ﻫﺬﺍ ﺍﻟﺜﻮﺏ
ﺍﻟﻠﻪ ﻳﺎﺧﺬﺝ ﺷﻨﻬﻲ ﻣﺎ ﻋﺎﻳﻨﺘﻲ ﻋﻠﻰ ﺟﺴﻤﺞ ﻣﻦ ﻟﺒﺴﺘﻲ
ﺳﺄﻟﺘﺔ ﺑﺴﺘﻔﺰﺍﺯ : ﻻ ﻣﺎ ﺍﻧﺘﺒﻬﺖ ﻫﺴﺔ ﺷﺪﻋﻮﺓ ﻋﻠﻴﻚ
ﻣﺤﺪ ﺭﺍﺡ ﻳﺸﻮﻓﻨﻲ
ﺟﻨﺖ ﺍﺻﻌﺪ ﻛﺪﺍﻣﺔ ﻋﻠﻰ ﻛﻴﻒ ﻭﺍﺗﺪﻟﻊ ﻋﻠﻴﻪ
ﻓﺘﺤﺖ ﺑﺎﺏ ﺍﻟﺴﻄﺢ ﻭﺷﻤﻴﺖ ﺍﻟﻬﻮﻯ ﺟﺎﻥ ﻣﺤﻤﻞ ﺑﺮﻳﺤﺔ
ﺍﻟﻄﻴﻦ ﺍﻟﺮﻃﺐ ﻭﺍﻟﺰﺭﻉ ﻭﺧﻴﻂ ﺭﻳﺤﺔ ﺣﺮﻙ ﺑﺎﻟﺠﻮ
ﺍﻭﻭﻭﻭﻭﻑ ﺍﻓﻴﺶ
ﻭﻟﺞ ﺳﻬﻮﺓ ﺩﻳﺮ ﺑﺎﻟﺞ ﺍﺷﻮﻓﺞ ﻧﺎﺯﻟﺔ ﺑﻬﺎﻱ ﺍﻟﺪﺷﺪﺍﺷﺔ
ﺍﺣﺮﻙ ﻋﺸﻴﺮﺗﺞ
ﻭﻟﺞ ﺍﻧﺎ ﻟﺤﺪ ﻳﻮﻣﺞ ﻫﺬﺍ ﻣﺎ ﻧﺎﺳﻲ ﺳﺎﻟﻔﺔ ﻣﻼﺑﺴﺞ ﻣﺎﻟﺖ
ﺍﻟﻜﻠﻴﺔ ﺑﻴﻮﻡ ﺍﺟﻴﺘﻴﻨﻲ ﺗﻔﺮﻳﻦ ﺑﺮﻭﺣﺞ ﺑﻤﻼﺑﺲ ﺍﺧﺘﺞ
ﺑﻴﻮﻣﻬﺎ ﺧﻠﻴﺘﻴﻨﻲ ﺍﺗﮕﻠﺐ ﺗﮕﻠﺐ ﻣﻦ ﻭﺭﺍﺝ
ﺍﺑﺘﺴﻤﺖ : ﺍﻫﻮﻭﻭ ﺑﻌﺪﻙ ﺗﺘﺬﻛﺮ
: ﻟﻴﺶ ﻫﻮ ﺍﻧﺎ ﺷﻮﻛﺖ ﻧﺴﻴﺖ ﺣﺘﻰ ﺍﺗﺬﻛﺮ
ﺳﺤﺒﻨﻲ ﻣﻦ ﺍﻳﺪﻱ ﻭﻛﻌﺪﻧﻲ ﻋﺎﻟﻔﺮﺍﺵ
ﻭﻟﺞ ﺳﻬﻮﺓ ﺗﻌﺎﻱ ﻧﺎﻣﻲ ﺑﺤﻀﻨﻲ ﺧﻠﻴﻨﻲ ﺍﺻﺪﻙ
ﺍﻧﺎ ﻣﻮﺵ ﺑﺤﻠﻢ
ﺍﺗﻤﺪﺩﺕ ﺑﺼﻔﻪ ﻭﺍﺳﺘﻨﺪﺕ ﻋﻠﻰ ﺻﺪﺭﻩ
ﻭﺭﻓﻌﺖ ﺭﺍﺳﻲ ﺍﺑﺎﻭﻉ ﻋﻠﻴﻪ : ﺻﺪﻙ ﺧﻔﺖ ﻋﻠﻴﺔ
ﻣﺪ ﺍﻳﺪﺓ ﻋﻠﻰ ﺷﻌﺮﻱ ﺍﻟﺮﻃﺐ ﻭﻓﺘﺤﺔ ﻭﻭﻛﻊ ﻋﻠﻰ ﻭﺟﻬﺔ ﻭﺻﺎﺭ ﺷﻌﺮﻱ ﻣﺜﻞ ﺍﻟﺴﺘﺎﺭ ﻳﺤﻴﻄﻨﺎ ﺍﻧﻲ ﻭﺛﺎﺋﺮ
ﺟﺮ ﺣﺴﺮﺓ ﻭﺷﻢ ﺷﻌﺮﻱ
: ﺍﺍﺍﺍﺥ ﻳﺴﻬﻮﺓ ﺷﺠﻢ ﺩﻭﺏ ﺍﻋﻠﻤﺞ ﻫﺬﺍ ﺍﻟﻲ ﺑﺼﺪﺭﻱ
ﻣﺎ ﻳﻮﻡ ﺧﻔﮓ ﺍﻻ ﺑﻴﻮﻡ ﺷﺎﻓﺞ
ﺷﺘﺘﻮﻗﻌﻴﻦ ﺭﺍﺡ ﻳﻜﻮﻥ ﺣﺎﻟﻲ ﻣﻦ ﺑﻌﺪﺝ ﻏﻴﺮ ﻣﺜﻞ ﺣﺎﻝ
ﻣﺴﻮﺩﻥ ﻓﺎﻗﺪ ﻋﻘﻞ
ﻳﻤﻜﻦ ﺍﻋﻴﺶ ﻭﺭﺍﺝ ﺻﺤﻴﺢ ﻭﺭﺍﺡ ﺍﻛﻤﻞ ﺣﻴﺎﺗﻲ ﺑﻌﺪﺝ
ﻻﻥ ﻣﺤﺪ ﻳﻤﻮﺕ ﻭﺭﺓ ﺍﻟﻤﻴﺖ
ﺑﺲ ﺍﻟﺮﻭﺡ ﻣﺎ ﺗﻄﻴﺐ ﺍﻟﻬﺔ ﺍﻟﻌﻴﺶ ﻣﻦ ﺑﻌﺪ ﻋﻴﻨﺞ
ﻣﺎ ﺿﻦ ﺍﻛﻤﻞ
ﺣﺴﻴﺖ ﺑﻲ ﺳﺮﺕ ﺭﺟﻔﺔ ﺑﺠﺴﻤﻪ
ﻭﻛﺄﻧﻤﺎ ﺍﺗﺬﻛﺮ ﻣﻮﻗﻒ ﺍﻟﺤﺮﻳﻖ
ﺣﻄﻴﺖ ﺻﺒﻌﻲ ﻋﻠﻰ ﺷﻔﺎﻳﻔﻪ : ﺍﺷﺸﺸﺶ ﻛﺎﻓﻲ
ﻭﻧﺰﻟﺖ ﺭﺍﺳﻲ
ﻭﺍﺧﺬﺕ ﺷﻔﺎﻳﻔﻪ ﺑﻴﻦ ﺷﻔﺎﻳﻔﻲ
ﻣﺎ ﺣﺴﻴﺖ ﺍﻻ ﺻﺎﺭ ﺗﺒﺎﺩﻝ ﺑﺎﻻﻣﺎﻛﻦ ﻭﺻﺎﺭ ﻫﻮﻱ ﺍﻟﻲ ﻳﻌﺘﻠﻴﻨﻲ ﻭﻫﻨﺎ ﻭﺑﻬﺬﺍ ﺍﻟﻤﻜﺎﻥ ﻋﺸﻨﺎ ﺍﺣﻠﻰ ﻟﺤﻈﺎﺕ ﻭﺍﺗﻘﺎﺳﻤﻨﺎ
ﺍﺟﻤﻞ ﺷﻌﻮﺭ
ﺣﺴﻴﺖ ﺑﻜﻞ ﺣﺮﻛﺔ ﻭﻛﻞ ﺣﻀﻦ ﻣﻦ ﺛﺎﺋﺮ
ﻛﺄﻧﻬﺎ ﻛﺎﻧﺖ ﺭﺳﺎﻟﺔ ﻳﻮﺻﻠﻲ ﻣﺪﻯ ﺧﻮﻓﻪ ﻣﻦ ﻓﻘﺪﺍﻧﻲ ﻭﺣﺒﻪ
ﺍﻟﻲ
ﻭﺍﻧﻲ ﻛﻨﺖ ﺍﺗﻠﻘﻰ ﺷﻐﻔﻪ ﺑﺄﻳﺪﻱ ﻣﻔﺘﻮﺣﺔ ﻭﺑﺤﻀﻦ ﻣﺮﺣﺐ
ﺑﻲ
...............................
ﻧﻤﺖ ﻭﺍﻧﻲ ﺑﺤﻀﻦ ﺛﺎﺋﺮ ﻭﻏﻔﺖ ﻋﻴﻮﻧﻲ
ﻛﻌﺪﻧﺎ ﺍﻟﺼﺒﺢ ﻋﻠﻰ ﺿﻮﺓ ﺍﺷﻌﺔ ﺍﻟﺸﻤﺲ ﻭﻋﻠﻰ ﺻﻮﺕ ﺍﻟﻌﺼﺎﻓﻴﺮ
ﻭﺟﺎﻥ ﺍﻟﺬﺑﺎﻥ ﻳﻔﺘﺮ ﻋﻠﻰ ﻭﺟﻬﻨﺎ ﻫﻬﻬﻪ
ﺑﺎﻭﻋﺖ ﻟﺜﺎﺋﺮ ﻫﻢ ﻣﺜﻠﻲ ﻣﻨﺰﻋﺞ ﻳﺤﺮﻙ ﺑﻴﺪﺓ ﻋﻠﻰ ﻭﺟﻬﺔ ﻭﻳﻄﺮﺩ ﺍﻟﺬﺑﺎﻥ ﺿﺤﻜﺖ ﺑﺼﻮﺕ ﻫﺎﻣﺲ
ﺍﻟﺘﻔﺖ ﻋﻠﻴﻪ
ﻭﺣﺠﺔ ﺑﺼﻮﺕ ﺧﺸﻦ ﻣﻦ ﺍﺛﺮ ﺍﻟﻨﻮﻡ : ﻫَـﺎ ﻛﻌﺪﺗﻲ
: ﺍﻱ ﺑﺲ ﺑﻌﺪﻧﻲ ﻧﻌﺴﺎﻧﺔ
ﻭﻫﺬﺍ ﺍﻟﺬﺑﺎﻥ ﻟﻌﺐ ﻋﻠﻴﻪ
ﺍﺑﺎﻭﻋﻠﺔ ﻛﻌﺪ ﻭﺟﺮ ﺍﻟﺸﺮﺷﻒ ﻣﻦ ﺟﻮﺓ ﺭﺟﻠﻴﻨﺎ
ﻭﻏﻄﺎﻧﻲ ﺍﻧﻲ ﻭﻳﺎﻩ ﺑﺎﻟﺸﺮﺷﻒ ﺣﺘﻰ ﺭﻭﺳﻨﺎ ﺻﺎﺭﺕ ﺗﺤﺖ ﺍﻟﻐﻄﺎ ﻭﺻﺮﻧﺎ ﻭﺍﺣﺪ ﻳﺒﺎﻭﻉ ﻋﺎﻟﺜﺎﻧﻲ
: ﺷﻔﺘﻲ ﺷﻠﻮﻥ ﺣﻞ ﺍﻟﻴﺎﺑﺎﻥ ﺑﻜﺒﺮﻫﺎ ﻣﺎ ﺗﻮﺻﻠﻮ ﻟﻬﺬﺍ ﺍﻻﺧﺘﺮﺍﻉ
ﻭﺟﺎﻥ ﻳﺒﺎﻭﻋﻠﻲ ﺑﻨﻈﺮﺍﺕ ﻣﺸﺎﻛﺴﺔ
ﺻﺮﻧﺎ ﻧﺼﺤﻚ ﻣﺜﻞ ﺍﻟﺠﻬﺎﻝ
: ﺑﻌﺪ ﺷﺘﺮﺩﻳﻦ ﺧﺪﻣﺔ ﺑﻔﻨﺪﻕ ﺧﻤﺲ ﻧﺠﻮﻡ ﻭﻻ ﺍﺭﻭﻉ
: ﺍﻱ ﻃﺒﻌﺎ ﻣﻨﻮ ﻣﺜﻠﻲ ﺍﻟﻮﺣﺶ ﺑﺬﺍﺕ ﻧﻔﺴﻪ
ﻳﻔﺮﺵ ﻓﺮﺍﺷﻲ ﻭﻳﻐﻄﻴﻨﻲ ﻭﻳﺨﻠﻲ ﺻﺪﺭﻩ ﻭﺳﺎﺩﺗﻲ
ﻫﻤﺴﺖ ﺑﺎﺫﻧﻪ ﻟﻮ ﺍﺣﺠﻲ ﻟﻠﻨﺎﺱ ﺍﻟﻲ ﺑﺎﻟﺴﻠﻒ ﻭﺍﻛﻠﻬﻢ ﻭﺣﺸﻜﻢ ﻳﺘﺤﻮﻝ ﺑﺨﻀﻨﻲ ﻋﺼﻔﻮﺭ ﻫﺎﺩﻱﺀ ﻭﺣﺒﺎﺏ
ﺷﻨﻮﺗﺘﻮﻗﻊ ﻳﻜﻮﻥ ﺭﺩﺕ ﻓﻌﻠﻬﻢ
: ﺭﺍﺡ ﻳﻜﻮﻟﻮﻥ ﻋﻠﻴﺞ ﻣﺨﺒﻠﺔ ﻭﻳﺪﻋﻮﻟﺞ ﺑﺎﻟﺸﻔﺎﺀ ﺍﻟﻌﺎﺟﻞ ﻻﻥ ﻣﺤﺪ ﺭﺍﺡ ﻳﺼﺪﻛﺞ
ﺍﺑﺘﺴﻤﺖ ﻋﻠﻰ ﻛﻼﻣﻪ ﺍﻟﻮﺍﺛﻖ
ﺣﺴﻴﺖ ﻋﻠﻰ ﺍﻳﺪﺓ ﺍﻧﻤﺪﺕ ﻋﻠﻰ ﺧﺼﺮﻱ
ﻭﺻﺎﺭ ﻳﺪﻍ ﺩﻏﻨﻲ ﻭﻛﻌﺪﺕ ﺍﺗﻼﻭﺓ ﻭﻳﺎﻩ
ﻋﻄﺖ : ﻻ ﻻ ﻻ ﺛﺎﺋﺮ ﻋﻠﻴﻚ ﺍﻟﻠﻪ ﻛﺎﻓﻲ ﻭﺍﻟﻠﻪ ﺍﻏﺎﺭ
ﻭﺻﺮﺕ ﺍﺿﺤﻚ
: ﻭﻟﺞ ﺳﻬﻮﺓ ﻓﻀﺤﺘﻴﻨﺎ ﺭﺍﺡ ﺗﻠﻤﻴﻦ ﻋﻠﻴﻨﺎ ﺍﻟﻮﺍﺩﻡ ﺑﻬﺎﻱ
ﺿﺤﻜﺘﺞ ﺍﻟﻲ ﺗﺠﻴﺐ ﺍﻟﺘﺎﻳﻪ
ﻭﺗﺤﻮﻟﺖ ﺿﺤﻜﺘﻨﺎ ﺍﻟﻰ ﻫﻤﺴﺔ ﺷﻐﻒ ﻭﻭﻭﻭﻭﻭﻭ
.....
ﻃﺒﻜﺖ ﻭﺭﺗﺒﺖ ﺍﻟﻔﺮﺵ ﻭﻟﻤﻴﺖ ﺷﻌﺮﻱ ﻭﻟﺒﺴﺖ ﺷﺎﻟﻲ
ﻭﺛﺎﺋﺮ ﻧﺰﻟﻬﻢ ﺟﻮﺓ
ﻧﺰﻟﺖ ﻭﺭﺍﻩ ﺟﺎﻧﻮ ﺑﻌﺪﻫﻢ ﻣﺤﺪ ﻛﺎﻋﺪ ﺑﺲ ﺷﻜﻞ ﻧﻮﻣﺔ ﺍﻟﺴﻄﺢ ﺗﺨﻠﻲ ﺍﻟﻮﺍﺣﺪ ﻳﻜﻌﺪ ﻣﻦ ﻭﻛﺖ
ﺳﻤﻌﺖ ﺛﺎﺋﺮ ﻫﻤﺲ ﺑﺼﻮﺕ ﻧﺎﺻﻲ
ﺭﻭﺣﻲ ﺩﺧﻠﻲ ﺑﺴﺮﻋﺔ ﺳﺒﺤﻲ ﻗﺒﻞ ﻻ ﻳﻜﻌﺪﻭﻥ
ﺭﺣﺖ ﺩﺧﻠﺖ ﺳﺒﺤﺖ ﻭﻛﻤﻠﺖ ﻭﻟﺒﺴﺖ ﺩﺷﺪﺍﺷﺔ
ﺟﺒﻴﺮﺓ ﻣﻦ ﻋﺬﺭﺍﺀ ﺩﺍﺯﺗﻬﺔ ﻭﻳﺔ ﺍﻟﻤﻼﺑﺲ
ﺍﻱ ﻋﻠﻰ ﺍﻻﻗﻞ ﻫﺎﻱ ﺟﺒﻴﺮﺓ ﻋﻠﻴﺔ ﺍﺣﺴﻦ ﻣﻦ ﺫﻳﺞ
...............
ﻛﻌﺪﻭ ﺍﻟﺒﻨﺎﺕ ﻭﺛﺎﺋﺮ ﻃﻠﻊ ﻣﻦ ﺍﻟﺤﻤﺎﻡ ﻳﻨﺸﻒ ﺷﻌﺮﻩ
ﻭﻋﺪﻱ ﺩﺧﻞ ﻭﺟﺎﻥ ﺷﺎﻳﻞ ﺑﻴﺪﺓ ﻋﻼﻛﺔ ﺑﻴﻬﺎ ﺑﻴﺾ ﻭﺧﺒﺰ ﺣﺎﺭ ﻭﺑﻄﻞ ﺣﻠﻴﺐ
ﺍﺧﺬﺗﻬﻢ ﻣﻦ ﻋﻨﺪﺓ ﺭﻭﺍﺀ ﻭﺩﺧﻠﻨﺎ ﻟﻠﻤﻄﺒﺦ
ﺟﻨﺎ ﻧﺴﻮﻱ ﺭﻳﻮﻙ
ﻭﻋﻤﺔ ﺳﻨﺎﺀ ﻛﻌﺪﺕ ﺗﺴﻮﻱ
ﺳﻴﺎﺡ ( ﺧﺒﺰ ﻣﻦ ﻃﺤﻴﻦ ﺍﻟﺘﻤﻦ ) ﻟﻠﻮﻟﺪ
ﻭﺛﺮﻣﺖ ﺍﻟﺒﺼﻞ ﻧﺎﻋﻢ ﺣﺘﻰ ﻧﻜﻠﻲ ﻭﻳﺔ ﺍﻟﺒﻴﺾ
: ﺗﺪﺭﻳﻦ ﺭﻭﺍﺀ ﻣﻦ ﺍﻟﺨﺒﺼﺔ ﻭﺍﻟﻬﻮﺳﺔ ﻣﺎ ﺳﺌﻠﺘﺞ
ﺷﻠﻮﻥ ﺍﺣﺘﺮﻙ ﺍﻟﺒﻴﺖ
ﻭﻛﻌﺪﺕ ﺭﻭﺍﺀ ﺗﺤﺠﻴﻠﻲ ﻋﻦ ﺍﻟﺤﺮﻳﻖ
: ﻭﺍﻟﻠﻪ ﺧﻴﺔ ﺍﻧﺎ ﻃﻠﻌﺖ ﺍﺧﺒﺰ
ﻭﻋﻤﺘﻲ ﺳﻨﺎﺀ ﻣﺜﻞ ﻣﺎ ﺗﻌﺮﻓﻴﻦ ﺟﺎﻧﺖ ﻛﺎﻋﺪﺓ ﺑﻐﺮﻓﺘﻬﺎ
ﻣﺎﻟﻬﺔ ﺧﻠﻚ ﻋﻠﻤﻮﺩ ﺟﺪﺗﻲ ﺑﺎﻟﻤﺴﺘﺸﻔﻰ
ﻭﺯﻳﻨﺔ ﻭﺍﻧﺘﻲ ﻋﻔﺘﻜﻢ ﺑﺎﻟﻤﻄﺒﺦ
ﻣﺎ ﺣﺴﻴﺖ ﺍﻻ ﻋﻠﻰ ﺻﻮﺕ ﻣﺜﻞ ﺍﻻﻧﻔﺠﺎﺭ ﻭﺳﻤﻌﻨﺎ ﺻﻮﺕ ﺻﻴﺎﺡ ﺳﺮﻯ ﻭﻓﺎﻃﻤﺔ
ﺧﻴﺔ ﺩﺧﻴﻠﻚ ﺭﺑﻲ ﻫﻲ ﻟﺤﻀﺎﺕ ﻭﻣﺎ ﻧﺸﻮﻑ ﺍﻻ ﺍﻟﻨﺎﺭ ﻃﻠﻌﺖ ﻣﻦ ﻏﺮﻓﺔ ﺳﺮﻯ
ﺳﺮﻯ ﺗﻜﻮﻝ ﻃﻜﺖ ﺍﻟﺠﻮﺯﺓ ﻣﺎﻟﺖ ﺍﻟﺴﺒﻠﺖ
ﻭﻟﻜﻔﺖ ﺍﻟﺒﺮﺩﺓ ﻣﻨﺎ ﻋﻠﻰ ﻣﺎ ﻧﺰﻟﻮ ﺍﻟﺒﻨﺎﺕ ﻳﻌﻴﻄﻮﻥ
ﻭﻋﻤﺘﻲ ﻭﺯﻳﻨﺔ ﻃﻠﻌﻮ ﺍﻟﺠﻬﺎﻝ
ﻭﺍﻧﺎ ﺭﻛﻀﺖ ﻋﻠﻴﺞ ﺣﺘﻰ ﺍﺻﻴﺢ
ﺳﻤﻌﻨﺎ ﺻﻮﺕ ﻣﺜﻞ ﺍﻟﺮﻋﻴﺪ ﻓﻮﻙ ﻳﻢ ﻏﺮﻓﺘﻜﻢ
ﻋﺒﺎﻟﻚ ﺗﺮﻳﺪ ﺗﻤﻄﺮ
ﻭﻛﺒﺖ ﻧﺎﺭ ﻣﻮﺵ ﻃﺒﻴﻌﻴﺔ ﺍﻛﻠﺖ ﻣﺤﺠﺮ ﺍﻟﺪﺭﺝ
ﻫﺬﺍ ﺍﻟﺤﺠﻲ ﺍﻟﺒﻴﺖ ﺍﻧﺘﺮﺱ ﺗﺮﺱ ﺩﺧﺎﻥ ﻭﺻﺨﺎﻡ
ﺧﻔﺖ ﺍﺻﻌﺪ ﻓﻮﻙ ﺑﺲ ﻟﺠﺤﺖ ﻭﺣﺪﺓ ﻓﺘﺤﺖ ﺑﺎﺏ ﻏﺮﻓﺘﻜﻢ ﺗﺮﻳﺪ ﺗﻄﻠﻊ ﻣﻨﻬﺎ ﺑﺲ ﺍﻟﻨﺎﺭ ﺣﺎﻟﺖ ﺑﻴﻨﻬﺎ ﻭﺑﻴﻦ ﺍﻟﺨﺮﻭﺝ
ﺍﻧﺎ ﻋﺒﺎﻟﻲ ﺍﻧﺘﻲ ﻭﺻﺤﺖ : ﺳﻬﻮﺓ ﻧﺰﻟﻲ ﺑﺴﺮﻋﺔ
ﺑﺲ ﺍﺷﻮ ﺍﻧﺘﻲ ﺭﺟﻌﺘﻲ ﺳﺪﻳﺘﻲ ﺍﻟﺒﺎﺏ
ﻭﺍﻧﺎ ﺿﻠﻴﺖ ﺍﺻﺮﺥ
ﺭﻛﻀﺖ ﺑﺮﺓ ﺍﺣﺸﻢ ﺑﺎﻟﻮﺍﺩﻡ ﺣﺘﻰ ﻳﻠﺤﻜﻮﻥ ﻋﻠﻰ ﺑﻴﺘﻨﺎ
ﻭﺻﺮﺕ ﺍﺻﺮﺥ ﻭﻣﻨﺎ ﻋﻠﻰ ﻣﺎ ﻭﺻﻠﺖ ﺍﻟﻨﺎﺱ ﻭﺗﺤﺰﻣﺖ ﺟﺎﻧﺖ ﺍﻟﻨﺎﺭ ﺍﺳﺘﻔﺤﻠﺖ ﺑﻜﻞ ﺍﻟﺒﻴﺖ
ﻭﺑﻌﺪﻫﺎ ﻭﺻﻞ ﺛﺎﻳﺮ ﻭﺟﺪﻱ ﻭﺍﻟﺮﺑﻊ ﻭﺷﺎﻓﻮﻧﻲ ﺍﺻﺮﺥ ﺳﻬﻮﺓ ﺑﺎﻟﺒﻴﺖ ﺷﺒﺖ ﺑﻴﻬﺎ ﺍﻟﻨﺎﺭ ﺍﻱ ﻻ ﻥ ﺳﺠﻰ ﻣﻦ ﺩﺧﻠﺖ ﺷﻔﺖ ﻃﺮﻑ ﺛﻮﺑﻬﺎ ﻻﺣﺘﺔ ﺍﻟﻨﺎﺭ
ﺑﺲ ﺑﻌﺪﻳﻦ ﻣﻦ ﻋﺮﻓﺖ ﺍﻥ ﺍﻟﻲ ﺍﺣﺘﺮﻛﺖ ﺳﺠﻰ
ﺍﺳﺘﻐﺮﺑﺖ ﻫﺎﻱ ﺷﻨﻮ ﺟﺎﻧﺖ ﺗﺴﻮﻱ ﺑﻐﺮﻓﺘﺞ
ﻇﻠﻴﺖ ﺻﺎﻓﻨﺔ
ﺍﺳﺘﻐﻔﺮ ﺍﻟﻠﻪ ﺍﺗﻮﻗﻊ ﺟﺎﻧﺖ ﺗﺮﻳﺪ ﺑﻴﻨﺎ ﺍﻟﺸﺮ
ﻭﺍﻟﻠﻪ ﺩﻓﻊ ﺳﺮﻫﺎ ﻋﻨﺎ
ﺻﺒﻴﻨﺎ ﺍﻟﺮﻳﻮﻙ ﻭﻛﻌﺪﻧﺎ ﻛﻠﻨﺎ ﻋﻠﻰ ﻓﺮﺩ ﺻﻴﻨﻴﺔ
ﻭﺍﻟﺠﺪ ﻇﻞ ﻳﺘﺤﻤﺪ ﻭﻳﺘﺸﻜﺮ ﻋﻠﻰ ﻧﻌﻤﺔ ﺍﻟﻠﻪ ﻋﻠﻴﻬﻢ
: ﺷﻮﻓﻮ ﻳﺎﺑﻌﺪ ﺟﺪﻛﻢ ﻣﺎ ﺍﺭﻳﺪ ﺍﻟﻲ ﺻﺎﺭ ﻋﺎﻟﺒﻴﺖ ﻭﺣﻼﻟﻜﻢ
ﻳﻬﺰﻛﻢ ﻭﻳﺤﺰﻧﻜﻢ
ﺗﺮﺓ ﺍﻟﻠﻪ ﻣﻦ ﻳﺎﺧﺬ ﻣﻨﺎ ﺷﻲ ﻳﻨﻄﻴﻨﺎ ﻭﻳﻌﻮﺿﻨﺎ ﺑﺎﻻﺣﺴﻦ ﻭﺍﻻﻓﻀﻞ ﻣﻦ ﺍﻟﻲ ﺍﺧﺬﺓ
ﺗﺮﺓ ﻳﺎﺑﻮﻱ ﺍﻟﻤﺎﻝ ﺑﻌﻀﻮﺩ ﺍﻟﺮﺟﺎﻝ
ﺍﺣﻨﺎ ﺍﻟﻲ ﻧﺠﻴﺐ ﺍﻟﺒﻴﺖ ﻣﻮ ﺍﻟﺒﻴﺖ ﻳﺠﻴﺒﻨﺎ
ﻭﺻﺎﺭ ﻳﺸﺪ ﻣﻦ ﻋﺰﻳﻤﺔ ﺍﺣﻔﺎﺩﻩ ﺑﻬﺎﻱ ﺍﻟﻜﻠﻤﺎﺕ ً
ﻳﺎﻟﻠﻪ ﻫﺬﺍ ﺍﻟﺸﺨﺺ
ﺷﻜﺪ ﺍﺣﺒﺔ ﺷﺎﻳﻞ ﺣﻜﻤﺔ ﻭﺭﺍﺟﺤﺔ ﻋﻘﻞ
ﻣﺤﻤﻠﺔ ﺑﺨﺒﺮﺓ ﺍﻟﺴﻨﻴﻦ ﺟﻌﻠﺖ ﻣﻨﺔ ﺍﻧﺴﺎﻥ
ﻭﺍﻋﺾ ﻭﺣﻜﻴﻢ
ﺣﺴﻦ ﺍﺑﻨﻲ ﺍﺧﺬﺗﺔ ﻧﻮﺭ ﻭﺣﺎﺭﺙ ﻛﺎﻟﻮ ﺧﻠﻲ ﻋﺪﻧﺎ
ﻟﺤﺪ ﻣﺎ ﺗﺴﺘﻘﺮﻭﻥ ﻭﺍﻧﺔ ﻋﻴﻨﻲ ﻋﻠﻴﻪ ﺍﺩﻳﺮ ﺑﺎﻟﻲ ﻋﻠﻰ ﺟﺮﺣﻪ
......
ﻋﺪﺕ ﺍﻻﻳﺎﻡ ﻭﺛﺎﺋﺮ ﺍﺗﻔﻖ ﻣﻊ ﺷﺮﻛﺔ ﻣﻘﺎﻭﻻﺕ
ﺍﺳﺘﻤﻠﺖ ﺑﻨﺎﺀ ﺍﻟﺒﻴﺖ
ﻭﺟﺪﺗﻬﻢ ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻭﺭﺍﺣﺖ ﻟﻌﻨﺪ
ﻋﻤﺔ ﻣﻨﺘﻬﻰ ﺣﺘﻰ ﺗﺪﻳﺮ ﺑﺎﻟﻬﺎ ﻋﻠﻴﻬﺎ
ﻭﻋﻤﻮ ﺍﺑﻮ ﺛﺎﺋﺮ ﺍﺧﺬ ﺍﺑﻨﺔ ﺍﻟﺼﻐﻴﺮ ﻭﺭﺍﺡ ﺑﻴﺖ ﻋﻠﻲ ﺣﻤﺎﻱ
ﻫﻨﺎﻙ
ﻭﻛﻞ ﻳﻮﻡ ﺍﻟﺒﻨﺎﺕ ﻋﺬﺭﺍﺀ ﻭﻧﻮﺭ ﺭﺷﺎ ﻭﺳﻠﻤﻰ ﻳﺠﻮﻥ ﻋﺪﻧﺎ
ﻭﺣﺒﻴﺒﺘﻲ ﻧﻮﺭ
ﺑﺸﺮﺗﻨﻲ ﺑﺤﻤﻠﻬﺎ ﻭﻓﺮﺣﺘﻠﻬﺎ
ﺩﺧﻞ ﻋﻠﻴﻨﺎ ﻋﺪﻱ
: ﺻﺒﻮ ﺟﺎﻱ ﺟﺎﻱ
ﻻﻥ ﺍﺟﻮ ﺷﻴﻮﺥ ﻳﻢ ﺟﺪﻱ
ﺑﺎﻭﻉ ﻟﻠﺒﻨﺎﺕ ﻭﺿﻞ ﻳﺼﻨﻒ
: ﺑﺲ ﺍﺭﻳﺪ ﺍﻋﺮﻑ ﺍﺣﺘﺮﻙ ﺑﻴﺘﻨﺎ ﻭﻣﺎ ﺧﻠﺼﻨﺎ ﻣﻦ ﻋﻨﺪﻛﻢ
ﻛﻞ ﻳﻮﻡ ﻣﺠﺘﻤﻌﻴﻦ ﻋﺪﻧﺎ
ﺍﻧﺘﻮ ﻭﺍﻟﺸﻴﻮﺥ ﻛﻮﻟﻮ ﺧﻄﻴﺔ ﻫﺬﻭﻟﻲ ﻓﻘﺎﺭﺓ ﻣﺎ ﻋﻨﺪﻫﻢ ﺑﻴﺖ
ﺿﺤﻜﺖ ﻋﻠﻰ ﻛﻼﻣﻪ
ﻋﺬﺭﺍﺀ : ﻫَـﺎ ﻫﻴﺞ ﺻﺎﺭ ﺍﻟﺤﺠﻲ ﺟﺎ ﺍﻧﺎ ﺭﺍﻳﺤﺔ ﻻﻫﻠﻲ
ﻭﺧﻠﻚ ﺍﻧﺖ ﻫﻨﺎ ﺍﻟﻠﻪ ﻳﺮﺣﻢ ﻣﻨﻮ ﺟﺎﻥ ﺻﺎﺭﻟﺔ
ﺳﺎﻋﺔ ﻳﺘﻮﺳﻞ ﺣﺘﻰ ﻳﺴﺘﻌﺠﻞ ﺑﺎﻟﻌﺮﺱ
ﺳﻨﺎﺀ : ﻳﻊ ﻳﻊ ﺧﺎﻳﺐ ﻋﺪﻳﻮ ﻋﺒﺎﻙ ﺍﻟﻠﻪ
ﻭﻳﻦ ﺗﺮﻳﺪ ﺗﻌﺮﺱ ﺑﻴﺎ ﺯﻟﻚ ﻭﺍﺣﻨﺎ ﻣﺎ ﻻﮔﻴﻦ ﻣﻜﺎﻥ ﺍﻟﻨﺎ
ﻧﺎﺧﺬ ﺭﺍﺣﺘﻨﺎ ﺑﻲ
: ﻻ ﻋﻤﺔ ﻣﺤﻠﻮﻟﺔ ﺍﺗﺰﻭﺝ ﻓﻮﻙ ﺍﻟﺴﻄﺢ ﻭﺍﻗﺴﻢ ﺍﻟﺴﻄﺢ ﺑﻴﻨﻲ ﻭﺑﻴﻦ ﺛﺎﻳﺮ ﻭﺍﺣﻂ ﺑﺮﺩﺓ
ﺻﺎﺭ ﻭﺟﻬﻲ ﻳﻨﻄﻲ ﺍﻟﻮﺍﻥ ﻋﺰﺓ ﻃﻠﻊ ﺍﻟﻜﻞ ﻳﺪﺭﻱ ﺑﺎﻟﺨﻄﺔ
ﺍﺣﻨﺎ ﻧﻨﺎﻡ ﺑﺎﻟﺴﻄﺢ ﺷﻜﺪ ﺯﺣﻤﺔ
......................
ﻭﺍﻧﻲ ﺻﺮﺕ ﻛﻞ ﻳﻮﻡ ﺍﻧﺘﻈﺮ ﺍﻟﻠﻴﻞ ﺷﻮﻛﺖ ﻳﺠﻲ ﺣﺘﻰ ﺍﻟﺘﻘﻲ ﻭﻳﺔ ﺛﺎﺋﺮ
ﺑﺎﻟﺴﻄﺢ ﻭﻣﺮﺍﺕ ﺍﺷﻮﻓﺔ ﺳﺎﺑﻘﻨﻲ ﻭﻓﺎﺭﺵ ﺍﻟﻨﺔ ﺑﺎﻟﺴﻄﺢ
ﻭﻣﺮﺍﺕ ﺍﻧﻲ ﺍﻧﺘﻈﺮﻩ ﻭﺍﻛﻮﻥ ﻣﺤﻀﺮﺓ ﺣﺐ ﺷﻤﺴﻲ
ﻭﺑﻄﻞ ﺑﻴﺒﺴﻲ ﻭﻛﻼﺻﻴﻦ
ﻟﻮﺍﺯﻡ ﺍﻟﺴﻬﺮﺓ ﺑﺘﺎﻟﻲ ﺍﻟﻠﻴﻞ
ﻋﻠﻰ ﻛﻮﻟﺖ ﺛﺎﺋﺮ
ﺻﻌﺪ ﻓﻮﻙ ﻭﺷﺎﻓﻨﻲ ﻣﻨﺘﻈﺮﺗﺔ ﺑﺎﻟﺴﻄﺢ ﻭﻣﺒﺴﻄﺔ
ﻭﺍﻛﺮﺯ ﺣﺐ ﺷﻤﺴﻲ
ﺿﻞ ﻳﻀﺤﻚ ﻋﻠﻰ ﻣﻨﻈﺮﻱ
: ﺧﻴﺎﻧﺔ ﺑﺎﺩﻳﺔ ﺑﺎﻟﺴﻬﺮﺓ ﺑﺪﻭﻥ ﻣﺎ ﺗﻨﺘﻈﺮﻳﻨﻲ
ﺟﻨﺖ ﻛﺎﻋﺪﺓ ﻣﺘﺮﺑﻌﺔ ﻭﺍﺿﺤﻚ ﻋﻠﻰ ﻛﻼﻣﻪ
ﻛﻌﺪ ﻳﻤﻲ ﻭﻧﺎﻡ ﺑﺤﻀﻨﻲ ﻭﺍﻧﻲ ﺩﻧﻜﺖ ﺍﺑﺎﻭﻉ ﻋﻠﻴﻪ ﻭﺍﻟﻌﺐ ﺑﺸﻌﺮﻩ
: ﻻ ﺑﺲ ﻛﻠﺖ ﺍﺧﺬﻟﻲ ﺗﺼﺒﻴﺮﺓ ﻋﻠﻤﺎ ﺗﺠﻲ
ﺍﺑﺘﺴﻢ ﺑﺎﻟﻌﺎﻓﻴﺔ
ﺑﺲ ﻛﻮﻥ ﺑﻘﻴﺘﻲ ﺷﻮﻳﺔ
ﺍﻱ ﺑﻘﻴﺘﻠﻚ
: ﺗﺪﺭﻳﻦ ﺳﻬﻮﺓ . ﺍﻧﺎ ﻛﻠﺖ ﺍﻧﺘﻲ ﻣﺎ ﺭﺍﺡ ﺗﺘﺤﻤﻠﻴﻦ ﻫﺎﻱ ﺍﻟﻬﻮﺳﺔ ﻭﻛﻠﺖ ﻫﺎﻱ ﻳﻮﻣﻴﻦ ﻭﺗﺸﺮﺩ
ﻟﺒﻴﺖ ﻋﻤﻬﺎ ﻣﺎ ﺗﺴﺘﺤﻤﻞ ﻫﻴﺞ ﺍﺟﻮﺍﺀ ﻭﺍﻧﺘﻲ ﺑﻨﺖ ﺑﻐﺪﺍﺩ ﺗﺮﻓﺔ ﻭﺍﻟﺒﻚ ( ﺍﻟﺒﻖ )
ﺍﻛﻠﺞ ﺍﻛﻞ ﺑﺎﻟﺴﻄﺢ ﻓﻮﻙ ﻣﺎ ﺍﻧﺔ ﻣﺎﻛﻠﺞ
: ﺗﺪﺭﻱ ﻫﺎﻱ ﻧﻮﻣﺘﻨﺎ ﺑﺎﻟﺴﻄﺢ ﻭﺍﻧﺖ ﻭﻳﺎﻱ
ﻋﻨﺪﻱ ﺑﻜﻨﻮﺯ ﺍﻟﺪﻧﻴﺎ ﻣﺎ ﺍﺑﺪﻟﻬﺎ
....................
ﻣﻦ ﺍﻧﺘﻘﻠﻨﺎ ﺑﻬﺬﺍ ﺍﻟﺒﻴﺖ ﺍﻟﺒﺴﻴﻂ ﺍﻟﺘﻌﺒﺎﻥ
ﺍﻛﺘﺸﻔﺖ ﺍﻥ ﺍﻟﺘﺮﻑ ﻭﺍﻟﺒﺬﺥ ﻣﻮ ﺳﺒﺐ
ﻟﺼﻨﻊ ﺍﻟﺴﻌﺎﺩﺓ ﺑﻴﻦ ﺍﻟﻤﺤﺒﻴﻦ
ﻻﻥ ﺑﺎﻟﺮﻏﻢ ﺑﺴﺎﻃﺔ ﻫﺬﺍ ﺍﻟﻤﻜﺎﻥ ﻛﺪﺭﻧﺎ ﻧﺨﻠﻖ ﺷﻲ ﺧﺎﺹ ﺑﻴﻨﻲ ﻭﺑﻴﻦ ﺛﺎﺋﺮ
ﻭﺍﺗﻮﺻﻠﺖ ﺍﻟﻰ ﻗﻨﺎﻋﺔ ﺑﺴﺎﻃﺔ ﺍﻟﻌﻴﺶ ﻭﺍﻟﺸﺪﺓ ﺍﺣﻴﺎﻧﺎ
ﻳﻜﻮﻥ ﻟﻪ ﻳﺪ ﺑﺄﻛﺘﺸﺎﻑ ﺳﻌﺎﺩﺓ ﻣﺮﻛﻮﻧﺔ ﻓﻲ ﻗﻠﻮﺑﻨﺎ
ﻟﻢ ﻧﻜﻦ ﻧﺮﺍﻫﺎ ﻣﻦ ﻗﺒﻞ ﺑﺴﺒﺐ ﺍﻻﻧﺸﻐﺎﻝ ﻋﻦ ﺑﻌﻀﻨﺎ ﺑﻤﺸﺎﻏﻞ ﺍﻟﺤﻴﺎﺓ ﻟﻠﻌﻴﺶ ﺑﺒﺬﺥ ﻭﻧﺴﻴﺎﻥ ﺍﻻﻫﺘﻤﺎﻡ ﺑﺒﻌﻀﻨﺎ
.....................................
ﺑﻌﺪ ﻣﺮﻭﺭ ﺳﻨﺔ
ﺍﻟﻴﻮﻡ ﺯﻭﺍﺝ ﻋﺪﻱ ﻣﻦ ﻋﺬﺭﺍﺀ
ﻭﻫﺴﺔ ﻫﻤﺔ ﺭﺍﺡ ﻳﺰﻓﻮﻥ ﺍﻟﻌﺮﺳﺎﻥ
ﻫﻨﺎ ﺑﺒﻴﺖ ﺍﻟﺸﻴﺦ ﻣﺰﺍﺣﻢ ﺍﻟﺠﺪﻳﺪ
ﻓﻌﻼً ﺍﻟﻠﻪ ﻳﺎﺧﺬ ﺷﻲ ﻭﻳﻌﻮﺿﻨﺎ ﺑﺎﺣﺴﻦ ﻣﻨﺔ
ﻛﺎﻥ ﺍﻟﺒﻴﺖ ﺑﻨﺎﺀ ﺟﺪﻳﺪ ﻭﺣﻠﻮ ﻭﻣﺮﺗﺐ
ﻃﺒﻌﺎ ﻛﺎﻧﺖ ﻋﺬﺭﺍﺀ ﺟﺪﺍً ﺳﻌﻴﺪﺓ
ﻭﻃﺎﻟﻌﺔ ﺟﻨﻬﺎ ﺍﻣﻴﺮﺓ ﺑﺎﻻﺑﻴﺾ
ﺛﺎﺋﺮ : ﺳﻬﻮﺓ ﺻﻌﺪﻭ ﺍﻟﻌﺮﻭﺱ ﺑﻐﺮﻓﺘﻬﺎ
ﻻﻥ ﺭﺍﺡ ﻧﺰﻑ ﻋﺪﻱ
ﺭﺣﺖ ﺩﺧﻠﺖ ﻋﺎﻟﺒﻨﺎﺕ ﻭﺻﻌﺪﻧﺎ ﻋﺬﺭﺍﺀ
ﻭﺩﺧﻠﺖ ﻋﻤﺔ ﻣﻨﺘﻬﻰ ﺗﺴﺎﻋﺪﻫﺎ
ﻭﺍﻧﻲ
ﻧﺰﻟﺖ ﻟﻌﺪ ﻋﻤﺔ ﺳﻨﺎﺀ ﻧﺴﻠﻢ ﻋﺎﻟﻨﺴﻮﺍﻥ ﺍﻟﻲ ﺑﺪﻭ
ﻳﻄﻠﻌﻮﻥ ﻻﻥ ﺍﻟﻌﺮﺱ ﺷﺎﺭﻑ ﻋﺎﻻﻧﺘﻬﺎﺀ
................................
ﺟﻨﺖ ﻛﺎﻋﺪﺓ ﺑﺎﻟﻤﻄﺒﺦ
ﺍﻧﺘﻈﺮ ﺛﺎﺋﺮ ﻳﻌﺰﻝ ﺍﻟﻌﺮﺱ ﻭﻳﺴﻠﻢ ﻋﻠﻰ ﺍﺧﺮ ﻭﺍﺣﺪ ﺑﺎﻟﻀﻴﻮﻑ ﻭﻳﺔ ﺟﺪﻩ
ﻻﻥ ﻛﺎﻥ ﻋﺮﺱ ﻋﺪﻱ ﺟﺪﺍً ﺿﺨﻢ
ﻭﺗﻌﺒﻨﺎ ﻛﻠﻨﺎ
ﺑﻌﺪﻣﺎ ﺯﻓﻮ ﺍﻟﻌﺮﻳﺲ ﻗﺒﻞ ﻓﺘﺮﺓ
ﻭﺿﺤﻜﻨﺎ ﻛﻠﻨﺎ ﻋﻠﻰ ﺣﺠﻲ ﻋﺪﻱ ﻗﺒﻞ ﻻ ﻳﺪﺧﻞ ﻟﻐﺮﻓﺘﺔ
: ﺩﺧﻴﻠﻚ ﻳﺎﻟﻠﻪ ﺷﻨﻮ ﻫﺎﻱ ﻗﻨﺒﻠﺔ ﻣﻮﺵ ﻣﺮﺓ
ﺩﺧﻞ ﻭﻧﺎﻭﻱ ﻳﻨﺘﺤﺮ ﺑﻴﻬﺎ
ﺛﺎﺋﺮ : ﻭﻟﻚ ﺧﺎﻳﺐ ﻋﺪﻱ ﺍﺩﺧﻞ ﻓﻮﺕ ﺟﻮﺓ ﻓﻀﺤﺘﻨﺎ
ﻭﺯﻓﻮ ﺍﺧﻮﻫﻢ ﻭﻧﺰﻟﻮ ﻭﺭﺟﻌﻮ ﻳﻢ ﺟﺪﻫﻢ ﺑﺎﻟﺪﻳﻮﺍﻥ
...........
ﺩﺧﻞ ﻟﻠﻤﻄﺒﺦ ﻭﺷﺎﻓﻨﻲ ﻣﻨﻌﺴﺔ ﺍﻏﻤﺾ ﻋﻴﻦ ﻭﺍﻓﺘﺢ
ﻋﻴﻦ
: ﻫﺎﻱ ﺷﻨﻲ ﺑﻌﺪﺝ ﻣﺎ ﻧﻤﺘﻲ
: ﻻ ﺍﻧﺘﻈﺮﻙ
: ﻭﻳﻦ ﺣﺴﻦ ﻭﺳﺮﻯ
: ﻧﺎﻣﻮ
: ﺍﻫﺎﺍﺍ ﻳﺎﻟﻠﻪ ﺧﻞ ﻧﺼﻌﺪ ﻣﺪ ﺍﻳﺪﺓ ﻭﻟﺰﻡ ﺍﻳﺪﻱ ﻭﺻﻌﺪﻧﺎ
ﻭﺩﺧﻠﺖ ﻟﻠﻐﺮﻓﺔ
ﻭﺳﻤﻌﺖ ﺻﻮﺕ ﺑﺎﺏ ﻏﺮﻓﺔ ﻋﺪﻱ ﺍﻧﻔﺘﺢ ﻭﻃﻠﻊ ﻣﻨﻬﺎ ﻭﺣﺠﺔ ﻭﻳﺔ ﺛﺎﺋﺮ
ﺍﺑﺎﻭﻉ ﻋﻠﻴﻪ ﺑﺲ ﻫﻮ ﻣﺎ ﺷﺎﻓﻨﻲ
ﺟﺎﻥ ﺷﻜﻠﺔ ﻣﺨﺮﺑﻂ ﻭﺷﻌﺮﺓ ﻣﻬﻮﺱ ﻣﺜﻞ ﺍﻟﻲ ﺟﺎﻥ ﺑﻌﺮﻛﺔ ﻫﻬﻪ ﻣﻮ ﻋﺮﻳﺲ
ﺳﻤﻌﺖ ﺛﺎﺋﺮ ﺳﺌﻠﺔ
: ﻫَـﺎ ﺧﻮﻳﺔ ﺍﺑﺸﺮ
: ﻭﻟﻚ ﺧﻮﻳﺔ ﺍﻧﻔﺠﺮﺕ ﺑﻮﺟﻬﻲ ﺍﻟﻘﻨﺒﻠﺔ
ﻭﺻﺎﺭ ﺍﺧﻮﻙ ﺍﺣﺪ ﺍﻟﻀﺤﺎﻳﺎ
: ﻳﻌﻨﻲ ﺷﻨﻮ ﺣﻤﺎﻣﺔ ﻏﺮﺍﺏ
: ﻭﻟﻚ ﺧﻮﻳﺔ ﻃﻠﻊ ﻫﺪﻫﺪ
: ﺍﻟﻠﻪ ﻳﻠﻌﻦ ﺑﻠﻴﺴﻚ ﺑﺲ ﻻ ﺍﺫﻳﺖ ﺍﻟﺒﻨﻴﺔ
: ﻭﻟﻚ ﻳﺎﺧﻮﻱ ﺷﺄﺫﻱ ﻣﻨﻬﺎ ﺧﺎﻳﻒ ﻋﻠﻰ ﺑﻨﺖ ﺍﻟﻨﺎﺱ ﺩﺗﻌﺎﻝ ﺷﻮﻑ ﺣﺎﻝ ﺍﺧﻮﻙ ﺷﺼﺎﺭ ﺑﻲ
ﻭﻟﻚ ﺷﺒﻌﺖ ﺭﻓﺴﺎﺕ ﻣﻦ ﻭﺭﺍﻫﺔ
....................................
ﺍﺧﺘﻲ ﻧﻮﺭ ﺟﺎﺑﺖ ﺑﻨﻴﺔ
ﻭﺳﻤﻮﻫﺎ ﺯﻫﺮﺍﺀ
ﻭﻓﺎﻃﻤﺔ ﺣﺒﻴﺒﺖ ﮔﻠﺒﻲ ﺍﺗﺰﻭﺟﺖ ﺍﺑﻦ ﻋﻤﻬﺎ
ﺑﻌﺪﻣﺎ ﺍﻟﺸﻴﺦ ﻣﺰﺍﺣﻢ ﻛﻌﺪ ﻭﻳﺔ ﺍﻫﻞ ﻓﺎﻃﻤﺔ ﻭﻣﺤﻤﺪ
ﻭﻳﺔ ﺛﺎﺋﺮ ﻭﻓﻬﻤﻮﻫﻢ ﺍﻟﺴﺎﻟﻔﺔ
ﻃﺒﻌﺎ ﺻﺎﺭ ﺍﻋﺘﺮﺍﺽ ﻣﻦ ﺍﻫﻞ ﻓﺎﻃﻤﺔ ﻭﺍﺷﻜﺎﻝ ﺑﺎﻟﻤﻮﺿﻮﻉ ﻟﻜﻦ
ﻛﺪﺭ ﺍﻟﺸﻴﺦ ﺑﺪﻫﺎﺋﻪ ﻭﺍﺻﺮﺍﺭﻩ
ﺍﻥ ﻳﺰﻭﺝ ﻓﺎﻃﻤﺔ ﻭﻣﺤﻤﺪ ﻭﻛﺎﻥ ﺍﻟﻌﺮﺱ ﻛﻠﺔ ﻋﻠﻰ ﺣﺴﺎﺏ
ﺛﺎﺋﺮ
ﺳﺮﻯ ﺑﺪﺕ ﺗﻜﺒﺮ ﻭﺍﺳﺘﻤﻠﺖ ﻣﺴﺆﻟﻴﺔ ﺣﺴﻦ ﺻﺎﺭ ﻣﺜﻞ ﺍﺧﻮﻫﺎ ﺍﻟﺼﻐﻴﺮ
ﻭﻛﻞ ﻋﻄﻠﺔ ﺗﺮﻭﺡ ﺗﺰﻭﺭ ﺍﻣﻬﺎ ﺷﻬﺮ ﻭﺗﺮﺟﻊ
ﺍﻣﺎ ﻋﻤﻲ ﺍﺑﻮ ﺛﺎﺋﺮ ﺧﻄﺒﻮﻟﺔ ﺧﻮﺍﺗﻪ ﺳﻨﺎﺀ ﻭﻣﻨﺘﻬﻰ ﻣﺮﻳﺔ
ﺍﺭﻣﻠﺔ ﻋﻤﺮﻫﺎ ﺑﻨﻬﺎﻳﺔ ﺍﻟﺜﻼﺛﻴﻦ ﻣﻦ ﺍﻟﺴﻠﻒ
ﻭﻋﺰﻝ ﺑﻴﻬﺎ ﺑﺒﻴﺖ ﻭﻛﻌﺪﺕ ﺗﺮﺑﻲ ﺍﺑﻨﺔ
ﻃﺒﻌﺎً ﻳﻮﺟﺪ ﻫﻮﺍﻱ ﻣﺸﺎﻛﻞ
ﺑﺎﻟﺤﻴﺎﺓ ﻟﻜﻦ
ﻧﻜﺪﺭ ﻧﻜﻮﻝ ﺍﺟﺘﺎﺯﻳﻨﺎ ﺍﻻﺻﻌﺐ ﻣﻨﻬﺎ
............................
ﻓﻴﺎ ﺍﺣﺒﺘﻲ ﺍﺭﺟﻮ ﺍﻥ ﺍﺳﺘﻄﻌﺖ ﺍﻥ ﺍﻭﺻﻞ ﻟﻜﻢ
ﻗﺼﺔ ﺛﻤﺎﺭ ﺍﻟﻌﺎﺭ ﺑﺎﻟﺤﻼﻝ ﺑﻤﺎ ﺗﺤﻤﻠﻪ ﺑﻴﻦ ﻃﻴﺎﺗﻬﺎ
ﻣﻦ ﻣﻌﺎﻧﻲ ﻭﻋﺒﺮ ﻭﺣﻮﺍﺩﺙ
ﻛﺎﻧﺖ ﻛﻠﻬﺎ ﻣﺴﺘﻤﺪﺓ ﻣﻦ ﺍﺭﺽ ﺍﻟﻮﺍﻗﻊ
ﺍﺗﻤﻨﻰ ﻟﻜﻢ ﻗﺮﺍﺀﺓ ﻣﻤﺘﻌﺔ
ﻣﻊ ﺗﺤﻴﺎﺕ ﻛﺎﺗﺒﺘﻜﻢ ﺍﻟﻤﺨﻠﺼﺔ
Nuha-d-h
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء