أنثى في معتقل الخطيئه الجزء الثالث عشر
..
# ﺍﻧﺜﻰ _ ﻓﻲ _ ﻣﻌﺘﻘﻞ _ ﺍﻟﺨﻄﻴﺌﻪ 13
ﺑﻘﻠﻢ ... ﻧﻮﺭﻩ ....
ﺯﻣﻦ .. ﻃﻠﻌﺖ ﻣﻦ ﻏﺮﻓﺘﻲ .. ﺻﺎﺭﺕ ﺑﻮﺟﻬﻲ ﺯﻫﺮﻩ ﮔﺎﻟﺖ ﻫﺎﺍ ﻟﮕﻴﺘﻲ ﺍﻟﻌﻠﺒﻪ
ﮔﺘﻠﻬﺎ . ﺍﻧﻪ ﺍﺭﻳﺪ ﺍﺣﺎﺟﻴﺞ ﺑﻬﺎﻟﺨﺼﻮﺹ . ﺷﺨﺒﺎﺭ ﺑﻨﺘﺞ ﺍﻟﻲ ﻧﻄﻴﺘﻴﻬﻪ ﻟﻠﻘﺎﺑﻠﻪ ﺗﺸﻤﺮﻫﺎ ..
ﺯﻫﺮﻩ .. ﺷﻨﻮﻭﻭ
ﺯﻣﻦ ... ﺻﻔﮕﺘﻬﺎ ﺭﺍﺷﺪﻱ ﻣﻌﺪﻝ .. ﻓﺮﻳﺘﻬﺎ ﻓﺮ ﻭﻓﻴﺖ ﻧﺬﺭﻱ ﻭﻛﻠﻪ ﻭﻣﺎﻓﺎﺍﺥ ﮔﻠﺒﻲ ﺍﺣﺴﻪ ﻳﻨﺒﺾ ﺣﻘﺪ ﺑﻠﺤﻈﺘﻬﺎ ﻟﺰﻣﺘﻨﻲ ﻣﻦ ﺷﻌﺮﻱ ﻭﮔﺎﻟﺖ . . ﻧﺴﻴﺘﻲ ﻧﻔﺴﺞ ﺣﻘﻴﺮﻩ ﺗﻌﺎﻱ ﺍﺭﺑﻴﺞ ﺗﻌﺎﺍﻱ ﺍﻧﺖ ﺷﻨﻮ ﻭﻣﻨﻮ ﺗﻀﺮﺑﻴﻨﻲ ﻟﺰﻣﺖ ﺍﻳﺪﻫﺎ ﻧﺒﺘﺖ ﺍﺿﺎﻓﺮﻱ ﺑﻴﻬﺎ ﻭﻫﻲ ﻻﺯﻣﻪ ﺍﻳﺪﻱ ﮔﺘﻠﻬﺎ ﻋﻨﺪﻱ ﺩﻟﻴﻞ ﻋﻠﻴﺞ ﺗﺮﺩﻳﻦ ﺍﻓﻀﺤﺞ ﻫﻨﺎ ﻟﻮ ﺑﻐﻴﺮ ﻣﻜﺎﻥ ﻧﺘﻔﺎﻫﻢ ...
ﺯﻫﺮﻩ ... ﺗﺮﻛﺘﻬﺎ .. ﮔﺘﻠﻬﺎ ﺍﻣﺸﻲ ﻭﺍﻧﻲ ﻣﺼﺪﻭﻣﻪ ﺍﻣﺸﻲ ﻭﺍﺗﻌﺜﺮ .. ﺷﻤﻌﺮﻓﻬﺎ ﻫﻲ ﻭﻣﻨﻴﻦ ﺗﻌﺮﻑ ..
ﺯﻣﻦ .. ﺩﺧﻠﻨﺎ ﻟﻐﺮﻓﺘﻬﺎ ﺩﻓﻌﺘﻨﻲ ﻋﻠﻰ ﺍﻟﺴﺮﻳﺮ .. ﻭﺗﺎﺑﻌﺖ ﻛﻼﻣﻬﺎ ﻭﻫﻲ ﻣﺮﺗﺒﻜﻪ ﻭﻣﺘﻮﺗﺮﻩ ﻭﻣﺼﺪﻭﻣﻪ ﻭﺟﻬﺎ ﺷﺎﺣﺐ
ﺯﻫﺮﻩ ... ﺧﻠﺼﻴﻨﻲ ﺯﻣﻦ .. ﺍﻟﻌﻠﺒﻪ ﻭﻳﻦ
ﺯﻣﻦ .. ﺑﺢ ﺯﻫﻮﺭﻩ ﺑﺢ .. ﺗﻘﺮﺑﺖ ﻣﻨﻲ ﻭﻟﺰﻣﺘﻨﻲ ﻣﻦ ﺭﮔﺒﺘﻲ ﺧﻨﮕﺘﻨﻲ
ﺯﻫﺮﻩ .. ﺍﺩﻣﺮﺝ ﺍﺷﻤﺮﺝ ﺑﺎﻟﺸﺎﺭﻉ ﺧﻠﺼﻴﻨﻲ .. ﺍﻟﻌﻠﺒﻪ ﻭﻣﺤﺘﻮﻳﺎﺗﻬﻪ ﻭﻭﻳﻦ ..
ﺯﻣﻦ .. ﺩﻓﻌﺘﻬﺎ .. ﻭﺗﺎﺑﻌﺖ ﻛﻼﻣﻲ .. ﻣﻮ ﺧﺎﻳﻔﻪ ﻣﻨﺞ ﻻﻥ ﻣﺎﻋﻨﺪﻱ ﺷﻲ ﺍﺧﺴﺮﻩ ﺍﺑﺪ ﻭﺍﺫﺍ ﺗﺮﺩﻳﻦ ﺇﺳﺄﻟﻲ ﻗﻴﺎﺩ ﻣﻦ ﻭﻳﻦ ﺟﺎﺑﻨﻲ .. ﻟﺬﻟﻚ ﻣﻤﻬﺘﻤﻪ ﻟﺸﻲ .. ﻭﻻﺯﻡ ﺗﻨﻔﺬﻳﻦ ﻛﻞ ﻛﻞ ﺣﺮﻑ ﻣﻦ ﻛﻼﻣﻲ ﻭﺍﺍﻻ ﺭﺍﺡ ﺗﺼﻴﺮ ﻓﻀﻴﺤﺘﺞ ﻋﻠﻰ ﻛﻞ ﻟﺴﺎﻥ
ﺯﻫﺮﻩ .. ﻫﻪ ﻣﺘﻜﺪﺭﻳﻦ ﻣﻮ ﺑﺎﻟﺴﻬﻮﻟﻪ ﻭﻣﺤﺪ ﻳﺼﺪﻛﺞ
ﺯﻣﻦ .. ﻫﻬﻬﻪ ﻻ ﻋﻴﻨﻲ ﻋﻨﺪﻱ ﺩﻻﺋﻞ ﻭﺍﺛﺒﺎﺗﺎﺕ ﻭﻣﻌﺮﻓﻪ ﺷﺨﺼﻴﻪ ﺑﺒﻨﺘﺞ
ﺯﻫﺮﻩ .. ﺟﺬﺍﺑﻪ
ﺯﻣﻦ .. ﺑﻨﺘﺞ ﺗﺸﺘﻐﻞ ﻋﺎﻫﺮﻩ ﻭﺑﻴﺖ ﺩﻋﺎﺭﻩ ﺍﻟﻲ ﻣﻌﺮﻓﻪ ﺷﺨﺼﻴﻪ ﺑﻴﻬﺎ .. ﻭﺍﺫﺍ ﻣﺘﺼﺪﮔﻴﻦ ﺍﺳﺎﻟﻲ ﻗﻴﺎﺩ .. ﻣﻨﻴﻦ ﺟﺎﺑﻨﻲ ﻭﻳﮕﻮﻟﺞ .. ﺍﻧﻲ ﺟﻨﺖ ﻭﻳﺎﻫﻪ ﺑﺎﻟﺒﻴﺖ ﻭﺗﻌﺮﻓﺖ ﻋﻠﻰ ﻗﻴﺎﺩ ﻭﻋﺠﺒﺘﻪ ﻻﻥ ﺍﺷﺒﻪ ﻭﺭﺩﻩ ﻭﻫﺴﻪ ﺭﺟﻌﺘﻠﻪ ﻭﺭﺩﻩ ﻭﺭﺡ ﻳﻌﻮﻓﻨﻲ ﺍﺣﺎﺟﻴﻬﻪ ﺑﺒﺮﻭﺩ ﻭﻫﻲ ﺗﻔﺘﺮ ﺭﺍﻳﺤﻪ ﺟﺎﻳﻪ ﺑﺎﻟﻐﺮﻓﻪ ﻭﻣﻜﺘﻔﻪ ﺍﻳﺪﻳﻬﻪ
ﺍﺫﺍ ﻣﺎﺗﺰﻭﺟﻨﻲ ﻗﻴﺎﺩ ﺭﺍﺡ ﺍﻓﻀﺤﺞ ﺑﻜﻞ ﻣﻜﺎﻥ ﻭﺍﺩﻣﺮ ﺣﻴﺎﺗﺞ ﻭﺣﻴﺎﺓ ﺍﻫﻠﺞ ﻛﻠﻬﻢ
ﺯﻫﺮﻩ .. ﻧﺠﻮﻡ ﺍﻟﺴﻤﺎ ﺍﻗﺮﺑﻠﺞ ﺗﺘﺰﻭﺟﻴﻦ ﻗﻴﺎﺩ ﻣﻮ ﻟﻠﻌﺎﻫﺮﺍﺕ ﺍﻣﺜﺎﻟﺞ
ﺯﻣﻦ ... ﻫﻬﻬﻬﺎﻱ .. ﺍﻧﻲ ﻋﺎﻫﺮﻩ ﻭﺍﻧﺖ ﺣﺎﻟﺞ ﻣﻦ ﺣﺎﻟﻲ ﺑﺲ ﺍﻟﻔﺮﻕ ﺑﻴﻨﻪ ﺍﻧﻲ ﻋﻨﺪﻱ ﺿﻤﻴﺮ ﻣﻤﻔﻜﺮﻩ ﻭﻻﺭﺍﺡ ﺍﻓﻜﺮ ﺍﺗﺨﻠﻰ ﻋﻦ ﻗﻄﻌﻪ ﻣﻨﻲ ﻭﺍﺷﻤﺮﻫﺎ ﻛﺄﻧﻬﺎ ﺯﺑﻞ ﺍﻣﺎ ﺍﻧﺖ ﺑﻼ ﺿﻤﻴﺮ ﺍﻧﺎﻧﻴﻪ ﺣﻘﻴﺮﻩ ﻭﺍﻥ ﺗﺰﻭﺟﺘﻲ ﺑﺎﻟﺴﺮ ﻭﺯﻭﺍﺝ ﺷﺮﻋﻲ ﻟﻜﻦ ﺣﺎﻟﺞ ﻣﻦ ﺣﺎﻝ ﺍﻟﻌﻮﺍﻫﺮ .. ﺗﺰﻭﺟﺘﻲ ﺭﺟﻞ ﻣﺘﺰﻭﺝ ﺍﻭﻻ ﻭﺑﺪﻭﻥ ﻣﻌﺮﻓﺔ ﺍﻫﻠﺞ ﺛﺎﻧﻴﺎ ﺍﺳﺘﻐﻠﻴﺘﻲ ﻛﻮﻧﺞ ﺍﺭﻣﻠﻪ ﻭﻣﺸﻴﺘﻲ ﻭﺭﻩ ﻏﺮﻳﺰﺗﺞ ﻭﺍﺧﻴﺮﺁ ﺗﺨﻠﻴﺘﻲ ﻋﻦ ﻗﻄﻌﻪ ﻣﻨﺞ ﻭﺍﻧﻄﻴﺘﻴﻬﻪ ﻻﻣﺮﺍﻩ ﻣﺘﻌﺮﻓﻴﻬﺎ ﺣﺘﻰ ﻭﻻﻓﻜﺮﺗﻲ ﺑﻴﻮﻡ ﺗﺴﺄﻟﻴﻦ ﻋﻠﻴﻬﺎ ..
ﺯﻫﺮﻩ .. ﺍﻟﺒﻨﺖ ﻭﻳﻦ ﻫﺴﻪ ؟؟
ﺯﻣﻦ .. ﺗﻘﺼﺪﻳﻦ ﺑﻨﺘﺞ ﻫﻪ ﻭﺗﺴﺘﻨﻜﻔﻴﻦ ﺗﻜﻮﻟﻴﻦ ﻋﻨﻬﺎ ﺑﻨﺘﻲ .. ﻫﻬﻬﻪ ( ﻣﺘﺴﺘﺎﻫﻠﻴﻦ ﺍﻛﻮﻟﺞ ﺍﻥ ﺍﻧﻲ ﺑﻨﺘﺞ ﻣﺴﺘﺤﻴﻞ ﺣﺘﻰ ﻭﺍﻥ ﻛﺎﻧﺖ ﻋﻨﺪﺝ ﺫﺭﺓ ﻏﺮﻳﺰﺓ ﺍﻣﻮﻣﻪ ﻣﺘﺴﺘﺎﻫﻠﻴﻦ ﺍﻛﻮﻟﺞ . ﻣﺪﺍﻡ ﻣﺎﺣﺴﻴﺘﻲ ﺑﻴﻪ ﻣﻦ ﺍﻭﻝ ﻣﺸﻔﺘﻴﻨﻲ ﻣﺮﺍﺡ ﺍﻛﻮﻝ .. ) ﮔﻠﺖ ﻫﺎﻟﻜﻼﻡ ﺑﻘﻠﺒﻲ ﻭﮔﺘﻠﻬﺎ ﻓﻜﺮﻱ ﺯﻳﻦ ﻣﺎﺷﻲ ... ﻭﻃﻠﻌﺖ ﻋﻨﻬﺎ ﻣﺬﻫﻮﻟﻪ ﻭﻣﺼﺪﻭﻣﻪ ﻭﺟﻬﺎ ﺍﺻﻔﺮ ﻣﻤﺼﺪﮔﻪ ﻛﻼﻣﻲ
ﻣﺤﺪ ﻳﺴﺘﺎﻫﻞ ﺍﻟﺮﺣﻤﻪ ﻣﻨﻲ .. ﻻﻥ ﻣﺤﺪ ﺭﺣﻤﻨﻲ ﻭﺍﻭﻝ ﺷﺨﺺ ﺭﺍﺡ ﻳﺘﻌﺎﻗﺐ ﻫﻮ ﻗﻴﺎﺩ ﻻﻥ ﺣﺒﻴﺘﻪ ﻭﻛﺴﺮﻟﻲ ﻗﻠﺒﻲ ﺑﻜﻼﻣﻪ ﻭﺭﺍﺡ ﺍﺧﻠﻲ ﻳﺘﻨﺪﻡ ... ﻭﻳﺤﺲ ﺑﻐﻠﻄﻪ
....
ﺭﺋﺴﺎ ﺭﺣﺖ ﺑﻮﺟﻬﻲ ﻟﻬﻮﺍﺋﻞ .. ﺍﻟﻲ ﺍﻋﺮﻓﻪ ﺍﻥ ﻫﻮﺍﺋﻞ ﺗﻜﺮﻩ ﻗﻴﺎﺩ ﻻﻥ ﺍﻟﺸﻴﺦ ﻳﻔﻀﻠﻪ ﻋﻠﻰ ﺍﻟﻮﻟﺪ ﻛﻠﻬﻢ ﻭﺗﺮﻳﺪ ﺍﻟﺰﻟﻪ ﻋﻠﻴﻪ .. ﺣﺘﻰ ﻣﺘﺨﻠﻲ ﻳﺴﺘﻠﻢ ﺍﻟﺸﻴﺨﻪ ﻣﻦ ﺍﺑﻮ .... ﺷﻔﺘﻬﻪ ﺑﺎﻟﺼﺎﻟﻪ ﺗﺎﻛﻞ ﻛﻴﻚ ﺑﺎﻟﺸﻮﻛﻼﺗﻪ .. ﺑﺈﻳﺪﻳﻬﻪ ﻋﺒﺎﻟﻚ ﻃﻔﻠﻪ . ﮔﺘﻠﻬﺎ ﻋﻤﺘﻲ ﻫﻮﺍﺋﻞ .. ﺷﻠﻮﻥ ﮔﻮﻟﻲ ﻟﻠﺸﻴﺦ ﺧﻠﻲ ﻳﺘﺰﻭﺟﻨﻲ ﻗﻴﺎﺩ ﻭﻧﺰﻟﺖ ﺩﻣﻮﻋﻲ ﻭﺍﺑﺠﻲ ﻳﻤﻬﺎ ..
ﻫﻮﺍﺋﻞ .. ﺗﻠﻮﭺ ﻭﺗﺤﺠﻲ . ... ﻫﺎ ﻭﻟﺞ ﺍﻱ ﺍﻱ ﺍﺭﻳﺪ ﺍﻛﻠﻪ ﺭﺍﺡ ﻳﺨﺰﻳﻨﻪ ﻭﻳﺎﺝ ﻫﺬﺍ
ﺯﻣﻦ .. ﻟﻌﺪ ﺷﻮﻥ .. ﻋﻔﻴﻪ ﻋﻤﺘﻲ ﻛﻮﻟﻴﻠﻪ
ﻫﻮﺍﺋﻞ .. ﺍﻱ ﺍﮔﻠﻪ ﺑﺲ ﺳﺎﻋﺪﻳﻨﻲ ﺍﻧﺖ ..
ﺯﻣﻦ ... ﺗﺪﻟﻠﻴﻦ ﺑﺲ ﻓﺪﻭﻩ ﻋﺠﻠﻴﻠﻲ ﻣﻮ ﺭﺍﺡ ﻳﺮﻭﺡ .. ﻫﺎﻟﻜﻢ ﻳﻮﻡ ...
ﻫﻮﺍﺋﻞ .. ﺍﻥ ﺷﺎﺀﺍﻟﻠﻪ ﺗﻌﺎﻱ ﻛﻌﺪﻱ ﻳﻤﻲ ﻧﺨﻄﻂ
ﺯﻣﻦ ... ﺧﻄﻄﻨﺎ ﺍﻧﻲ ﻭﻫﻮﺍﺋﻞ ... ﺍﻟﻮﺟﻬﻪ ﺍﻟﺜﺎﻧﻴﻪ ﺟﺎﻧﺖ ﻣﺎﺯﻥ ... ﺍﻱ ﻫﻮ ﻣﺎﺯﻥ ﻻﺯﻡ ﺍﺭﻭﺡ ﺍﻟﻪ ﻭﺍﺳﺘﻌﻴﻦ ﺑﻲ ..
ﻭﺭﺩﻩ ﮔﺎﻟﺖ ﺑﻴﺘﻬﻢ ﻫﻨﺎ .. ﻭﻣﺎﻳﻀﻴﻊ . . ﻃﻠﻌﺖ ﻣﻦ ﺍﻟﺒﻴﺖ ﺗﻠﺜﻤﺖ .. ﺑﻠﺜﺎﻡ ﺍﺳﻮﺩ ﻣﻴﻄﻠﻊ ﺑﺲ ﻋﻴﻮﻧﻲ ﻭﻛﺤﻠﺘﻬﻢ ﺣﺘﻰ . ﻣﺤﺪ ﻳﺘﻌﺮﻑ ﻋﻠﻴﻪ . ﻭﺍﺧﺬﺕ ﻧﺴﺨﺔ ﻋﻘﺪ ﺍﻟﻄﻼﻕ . ﻭﺧﺒﻴﺘﻬﺎ ﺑﻤﻼﺑﺴﻲ . ﻣﺸﻴﺖ ﺑﻄﺮﻳﻖ ﺗﺮﺍﺑﻲ ﺿﻌﻴﻒ ﻭﺑﺼﻔﻪ ﻧﻬﺮ ﺯﻏﻴﺮ ﻣﺸﻴﺖ ﺑﻤﺤﺎﺫﺍﺗﻪ ﻭﻃﻠﻌﺖ ﻣﻨﻪ ﺻﺎﺭﺕ ﮔﺒﺎﻟﻲ ﻣﻘﺒﺮﺓ ﺍﻃﻔﺎﻝ ﺟﻔﻠﺖ ﻛﻠﺶ ﺑﺲ ﺑﻌﺪﻫﺎ ﺗﻤﻨﻴﺖ ﻟﻮ ﻣﻴﺘﻪ ﻭﺍﻧﻲ ﺯﻏﻴﺮﻩ ﻭﻻﺍﺗﺼﺮﻑ ﻫﺎﻟﺘﺼﺮﻑ ﺑﺲ ﻓﻜﺮﺕ ﺍﻥ ﺍﻧﻲ ﺧﺴﺮﺕ ﻛﻞ ﺷﻲ ﻭﺍﺻﻼ ﻣﻤﺄﻣﻨﻪ ﻋﻠﻰ ﺣﻴﺎﺗﻲ ﺧﻠﻲ ﺍﻗﺎﻭﻡ ﻻﺧﺮ ﻧﻔﺲ ﺑﻴﻪ ﻭﺍﻧﺘﻘﻢ ﻟﻨﻔﺴﻲ ﻣﻦ ﻛﻞ ﺷﺨﺺ ﺳﺒﺐ ﺍﺫﻳﺘﻲ . ﻭﺭﺣﺖ ﺍﻣﺸﻲ ﻭﺍﺗﻠﻔﺖ ﻭﺧﺎﻳﻔﻪ ﻭ ﺍﺳﺄﻝ ﻋﻠﻰ ﺑﻴﺖ ﺍﻟﺸﻴﺦ ﻋﺴﺎﻑ .. ﺍﺑﻮ ﻣﺎﺯﻥ ... ﺩﻟﻮﻧﻲ ﻋﻠﻴﻪ ﻗﺮﻳﺐ ﻣﻮ ﺑﻌﻴﺪ .. ﺩﻛﻴﺖ ﺍﻟﺒﺎﺏ ﻃﻠﻊ ﺍﻟﻲ ﺭﺟﻞ ﺳﺌﻠﺘﻪ ﻛﺘﻠﻪ ﻫﺬﺍ ﺑﻴﺖ ﺍﻟﺸﻴﺦ ﺍﺑﻮ ﻣﺎﺯﻥ .. ﻛﺎﻝ ﺍﻱ ﻛﺘﻠﻪ ﺍﺭﻳﺪ ﺍﻟﺸﻴﺦ ﻣﺎﺯﻥ ﻋﻔﻴﻪ ﻛﺎﻝ ﻫﺴﻪ ﺍﺷﻮﻓﻪ .. ﺑﻘﻴﺖ ﺍﻧﺘﻈﺮ ﺩﻗﺎﻳﻖ .. ﺍﺟﻪ ﺍﻟﺮﺟﺎﻝ .. ﻛﺎﻝ ﺍﻟﺸﻴﺦ ﻣﺎﺯﻥ ﺑﻤﺰﺭﻋﺔ ﺍﻟﺨﻴﻮﻝ ﻫﻨﺎﻙ .. ﻛﺘﻠﻪ ﻋﻔﻴﻪ ﻭﺩﻳﻨﻲ ﻣﺤﺘﺎﺟﺘﻪ ﮔﺎﻝ ﺍﻣﺸﻲ ﻭﺭﺍﻳﻪ ... ﻣﺸﻴﺖ ﻭﺭﺍﻩ ﻛﺎﻥ ﺑﺴﺘﺎﻥ .. ﻭﺑﻌﺪﻫﻪ ﻭﺻﻠﻨﺎ ﻟﻠﻤﺰﺭﻋﻪ ﻭﺑﻴﻬﻪ ﺳﻴﺎﺝ ﺧﺸﺒﻲ .. ﻭﺧﻴﻮﻝ ﻣﺮﺑﻮﻃﻪ .. ﻛﺎﻝ ﺍﻭﻛﻔﻲ ﻫﻨﺎ .. ﻃﺐ ﺍﻟﺮﺟﺎﻝ ﻟﻤﻜﺎﻥ ﻳﻤﻜﻦ ﺣﻀﻴﺮﺓ ﻟﻠﺨﻴﻮﻝ ﻭﻛﻔﺖ ﺍﻧﺘﻈﺮﻩ .. ﻃﻠﻊ ﺍﻟﺮﺟﺎﻝ ﻭﻭﻳﺎﻩ ﺷﺎﺏ ﻃﻮﻳﻞ ﺍﺳﻤﺮﺍﻧﻲ ﻻﺑﺲ ﺯﻱ ﺍﻟﺨﻴﺎﻟﻪ ﻭﺑﻴﺪﻩ ﺍﻟﺴﻮﻁ ﺍﻟﻲ ﻳﻀﺮﺑﻮﻥ ﺑﻲ ﺍﻟﺨﻴﻞ .. ﺷﻜﻠﻪ ﻫﻴﺒﻪ .. ﺍﻧﻲ ﻭﺍﻛﻔﻪ ﺍﺑﺎﻭﻉ ﺍﻟﻪ ﺷﻮﻥ ﻳﻤﺸﻲ ﺑﺎﺗﺠﺎﻫﻲ .. ﺍﻧﻲ ﻻﺑﺴﻪ ﻋﺒﺎﻳﻪ ﺍﺳﻼﻣﻴﻪ ﻭﻻﺯﻣﻪ ﺍﻟﻠﺜﺎﻡ ﺑﺜﻨﻴﻦ ﺍﻳﺪﻳﻪ ﻟﻴﻮﻛﻊ ﻭﺑﺲ ﻋﻴﻮﻧﻲ ﻣﺒﻴﻨﻪ ..
ﻣﺎﺯﻥ .. ﺍﻧﻪ ﺍﺣﺐ ﺍﻟﺨﻴﻞ .. ﻭﻋﻨﺪﻱ ﻣﺰﺭﻋﺔ ﺧﻴﻮﻝ ﻛﺒﻴﺮﻩ . ﻛﻨﺖ ﺑﺎﻟﺤﻀﻴﺮﻩ ﻣﺎﻟﺖ ﺍﻟﺨﻴﻞ ﺟﺎﻱ ﺍﺟﻬﺰ ﻭﺍﺣﺪ ﻣﻨﻬﻢ ﺻﺎﺣﻠﻲ ﺍﻟﻌﺎﻣﻞ ﺍﻟﻲ ﻳﺸﺘﻐﻞ ﻳﻤﻨﺎ ﻛﺎﻝ ﺍﻛﻮ ﺣﺮﻣﻪ ﺗﺮﻳﺪﻙ ﻃﻠﻌﺖ ﺍﻟﻬﺎ ﺷﻔﺘﻬﺎ ﻣﻠﺜﻤﻪ . ﺑﻠﺜﺎﻡ ﺍﺳﻮﺩ . ﻭﺑﺲ ﻋﻴﻮﻧﻬﺎ ﻃﺎﻟﻌﻪ .. ﻛﺘﻠﻬﺎ ﺍﻧﺖ ﻣﻨﻮ ﻭﺷﺘﺮﺩﻳﻦ .. ؟؟
ﺯﻣﻦ .. ﺣﺠﻴﺖ ﻭﻳﺎ ﺑﻠﻬﺠﺘﻬﻢ ﺧﻔﺖ ﻻﺍﺣﺪ ﻳﺘﻌﺮﻑ ﻋﻠﻴﻪ .. ﻛﺘﻠﻪ ﻣﻮ ﻣﻬﻢ ﺍﻧﻪ ﻣﻨﻮ ﻭﻣﺎﺍﺭﻳﺪ ﺷﻲ ﺑﺲ ﻳﺎﺷﻴﺦ ﻫﻞ ﺗﻘﺒﻠﻬﺎ ﻏﻴﺮﺗﻚ ﺧﻄﻴﺒﺘﻚ ﺗﻜﻌﺪ ﻭﻳﺎ ﺭﺟﺎﻝ ﻏﻴﺮﻙ ﺑﻨﺺ ﺍﻟﻠﻴﺎﻟﻲ .. ﻭﺍﻟﻀﻬﺎﺭﻱ ﻭﺗﺴﻮﻟﻒ ﻭﻳﺎ ﻭﻫﺎﻣﻠﺘﻚ
ﻣﺎﺯﻥ ... ﺍﻧﺖ ﻣﻨﻮ ﻭﺷﻨﻮ ﻫﺎﻟﺤﺠﻲ ﻫﺬﺍ ﻫﺎﺍ
ﺯﻣﻦ .. ﺍﻋﺘﺒﺮﻧﻲ ﻓﺎﻋﻠﺔ ﺧﻴﺮ ﻭﺟﺎﻳﻪ ﺍﻓﻴﺪﻙ
ﻭﺭﺩﻩ ﻫﺎﻣﻠﺘﻚ ﻭﻛﺎﻋﺪﻩ ﻳﻢ ﻗﻴﺎﺩ ﻧﻬﺎﺭﻫﺎ ﻛﻠﻪ ﻭﻟﻴﻠﻬﺎ ﻭﻫﻲ ﺍﻧﻪ ﺟﺎﻱ ﺍﻧﺒﻬﻚ .. ﻭﺩﺭﺕ ﻭﺟﻬﻲ ﻋﻨﻪ ﺍﺭﻳﺪ ﺍﻣﺸﻲ ﺍﺟﻪ ﺻﻮﺑﻲ ﻭﻣﺪ ﺍﻳﺪﻩ ﻋﻠﻴﻪ ﻳﺮﻳﺪ ﻳﻨﺰﻋﻨﻲ ﺍﻟﻠﺜﺎﻡ ﻟﺰﻣﺖ ﺍﻳﺪﻩ ﻭﻫﻮ ﻻﺯﻡ ﻟﺜﺎﻣﻲ ﻭﻛﺘﻠﻪ ﻻﻩ ﻻﻩ ﻳﺎﺷﻴﺦ ﻣﺎﻋﻬﺪﺗﻜﻢ ﻫﻴﺠﻲ ﺗﺮﻳﺪ ﺗﺠﺮﺩ ﺣﺮﻣﻪ ﻣﻦ ﺣﺸﻤﺘﻬﺎ ﻣﻊ ﺍﻻﺳﻒ
.......
ﻣﺎﺯﻥ .. ﺍﻧﺖ ﻣﻨﻮ ﻭﺗﺤﺠﻴﻦ ﻋﻠﻰ ﻣﺮﺗﻲ ﻫﺎﺍ
ﺯﻣﻦ .. ﺍﻧﻪ ﺍﺗﺮﺧﺺ ﻳﻤﻜﻦ ﺍﺯﻋﺠﺘﻚ ﺑﺲ ﺍﻧﺖ ﺍﻟﻤﻔﺮﻭﺽ ﺗﻌﺮﻑ ﻣﻦ ﺗﺼﺮﻓﻬﺎ ﻭﻳﺎﻙ .. ﺍﻭﺩﻋﻨﺎﻙ ﻳﺎ ﺷﻴﺦ ... ﻭﺩﺭﺕ ﺍﻟﻪ ﻇﻬﺮﻱ ﻭﻣﺸﻴﺖ ﺻﺎﺣﻠﻲ ﻳﺎﻣﻠﺜﻤﻪ ﺩﺭﺕ ﻋﻠﻴﻪ ﺑﺲ ﻭﺟﻬﻲ ﻛﺎﻝ ﺷﻮﻥ ﺍﺗﻮﺍﺻﻞ ﻭﻳﺎﺝ ﻛﺘﻠﻪ ﺍﻧﻪ ﺍﺟﻴﻚ .. ﻭﻛﻤﻠﺖ ﻣﺸﻲ ..
ﻣﺎﺯﻥ .. ﺻﺪﻣﺘﻨﻲ ﺑﻜﻞ ﺷﻲ ﺟﺮﺋﺘﻬﺎ ﺑﻌﻴﻮﻧﻬﺎ ..
ﻣﺒﻴﻨﻪ ﺟﺎﻫﻠﻪ .. ﺣﻴﺮﺗﻨﻲ ﻣﻨﻮ ﻫﻲ ﻣﺎﺷﺎﻳﻔﻬﺎ ﻣﻦ ﻛﺒﻞ ﺍﺷﺮﺕ ﻟﻮﺍﺣﺪ ﻣﻦ ﺍﻟﺨﺪﻡ ﻛﺘﻠﻪ ﺭﻭﺡ ﺍﺗﺒﻌﻬﺎ ﺷﻮﻓﻬﺎ ﻭﻳﻦ ﺗﻄﺐ ..
ﺯﻣﻦ ... ﺣﺴﻴﺖ ﺷﺨﺺ ﻳﺘﺒﻌﻨﻲ ﺣﺎﻭﻟﺖ ﺍﺧﻠﻲ ﻳﻀﻴﻌﻨﻲ ﻭ .. ﻣﺸﻴﺖ ﻭﺍﺳﺎﻝ ﻉ ﺍﻟﺴﻮﻙ .. ﺩﻟﻮﻧﻲ ﻋﻠﻴﻪ .. ﺟﺎﻥ ﻭﻛﺖ ﺍﻟﻌﺼﺮﻳﻪ .. ﻭﺍﻟﺸﻤﺲ ﻟﺴﻪ ﺳﺎﻃﻌﻪ .. ﺷﻮﻳﻪ .. ﻃﺒﻴﺖ ﻟﻠﺴﻮﻙ . ﺩﻭﺭﺕ ﻋﻠﻰ ﻣﻜﺎﺗﺐ ﺍﺳﺘﻨﺴﺎﺥ .. ﻃﺒﻴﺖ ﻟﻤﻜﺘﺐ ﺍﺳﺘﻨﺴﺨﺖ ﺍﻟﻌﻘﺪ .. ﻭﻃﻠﻌﺖ .. ﻭﺣﺴﻴﺖ ﻧﻔﺴﻲ ﺗﻴﻬﺖ .. ﺩﺧﻠﺖ ﻟﻔﺮﻉ ﻣﺸﻴﺖ ﺑﻲ ﺍﻱ ﻫﻮ ﺍﺟﻴﺖ ﻣﻨﻪ .. ﻣﺸﻴﺖ ﺑﻌﺪ .. ﻭﺍﺳﺌﻞ ﻋﻠﻰ ﺑﻴﺖ ﺍﻟﺸﻴﺦ ﻛﺮﻳﻢ ﻧﺎﺱ ﺗﻜﻮﻟﻲ ﺧﻠﻲ ﻧﻮﺻﻠﺞ ﻭﻧﺎﺱ ﺗﻮﺻﻒ ﺍﻟﻲ ﺍﻟﻄﺮﻳﻖ ﺍﻟﻤﻬﻢ ﺍﻟﻴﺴﺎﻝ ﻣﺎﻳﺘﻮﻩ ﻭﺻﻠﺖ ﻟﻠﺒﻴﺖ ﻛﺮﻳﺐ ﺍﻟﻤﻐﺮﺏ .. ﻗﻴﺎﺩ ﻭﻳﺎ ﺍﺑﻮ .. ﺻﺎﺭﺕ ﺯﻫﺮﻩ ﺑﻮﺟﻬﻲ .. ﻭﻳﻨﺞ ﻣﻦ ﻣﺴﺎﻉ ﻭﻋﻴﻮﻧﻬﺎ ﺣﻤﺮ ﻭﻭﺟﻬﻪ ﺍﺻﻔﺮ ..
ﺯﻣﻦ .. ﻣﻌﻠﻴﺞ ﺑﻴﻪ .. ﺍﻟﻤﻬﻢ ﺷﺴﻮﻳﺘﻲ ﺑﻠﻲ ﻛﻮﺗﻠﺞ ﻋﻠﻴﻪ
ﺯﻫﺮﻩ .. ﺗﺤﻠﻤﻴﻦ .. ﻭﻟﺞ ﺗﺤﻠﻤﻴﻦ ﺍﺧﻠﻲ ﻗﻴﺎﺩ ﻳﺘﺰﻭﺟﺞ
ﺯﻣﻦ .. ﻟﻌﺪ ﻛﻴﻔﺞ ﻭﺩﺭﺕ ﻇﻬﺮﻱ ﺍﻟﻬﺎ ﻭﺭﺟﻌﺖ ﺩﺭﺕ ﻭﺟﻬﻲ ﻭﺷﻤﺮﺕ ﺑﻮﺟﻬﻪ ﻧﺴﺨﻪ ﻣﻦ ﻋﻘﺪ ﺍﻟﻄﻼﻕ ﻭﻛﺘﻠﻬﻬﺎ ﻫﺎﺝ ﻫﻲ ﻧﺴﺨﻪ ﺍﻟﺞ ﻫﺪﻳﻪ ﻭﺑﺎﻗﻲ ﺍﻟﻨﺴﺦ ﻳﻢ ﺷﺨﺺ
ﺛﻘﻪ ﺍﺫﺍ ﻟﻌﺒﺘﻲ ﺑﺬﻳﻠﺞ ﻭﺍﺫﻳﺘﻴﻨﻲ ﺭﺍﺡ ﻳﺠﻴﺒﻠﺞ ﺑﻨﺘﺞ ﺍﻟﻌﺎﻫﺮ ﻟﺤﺪ ﻋﻨﺪﺝ ﻭﺑﺎﻗﻲ ﺍﻟﺪﻻﺋﻞ ﻭﺍﻻﺛﺒﺎﺗﺎﺕ . ﺛﻘﻲ ﺑﺎﻟﻠﻪ ﺍﻟﻈﻠﻢ ﻣﺎﻳﺪﻭﻡ ﺍﺑﺪ ﻭﻻﺑﺪ ﺍﻥ ﺗﻨﻜﺸﻒ ﺍﻟﺤﻘﻴﻘﻪ ﺑﻴﻮﻡ .. ﻋﻔﺘﻬﺎ ﻭﺟﻬﺎ ﺷﺎﺣﺐ .. ﻭﺧﺎﻳﻔﻪ ﻣﻨﻲ ﻛﻠﺶ ﺻﺎﺣﺖ ﻋﻠﻴﻪ ﻛﺎﻟﺖ .. ﺑﺲ ﻗﻴﺎﺩ ﺑﺎﺟﺮ ﻳﺮﻭﺡ ﻭﺍﻧﻲ ﻫﻢ .. ﻛﺘﻠﻪ ﻣﻴﻬﻢ ﺷﻮﺭﺍﻧﻪ ﻣﻤﺴﺘﻌﺠﻠﻴﻦ .. ﺍﺣﻨﺎ .. ﻭﺩﺧﻠﺖ ﻟﻠﻐﺮﻓﻪ ﺷﻤﺮﺕ ﺍﻟﺸﺎﻝ ﺑﺎﻻﺭﺽ .. ﻭﺍﺣﺲ ﺍﻛﻮ ﺻﺮﺍﻉ ﺑﺪﺍﺧﻠﻲ ﺗﻌﺒﻨﻲ ﺑﻴﻦ ﺍﻟﺸﺮ ﻭﺍﻟﺨﻴﺮ ﺍﻟﺠﺎﻧﺐ ﺍﻟﺸﺮﻳﺮ ﻳﻜﻮﻟﻲ ﻋﻔﻴﻪ ﻋﻠﻴﺞ ﺯﻣﻦ ﺍﺣﺮﻛﻲ ﺑﻴﻬﻢ ﺍﻻﺧﻀﺮ ﻭﺍﻟﻴﺎﺑﺲ ﻣﻮ ﺫﻭﻝ ﺍﻟﻲ ﺷﻤﺮﻭﺝ ﻭﺍﻧﺖ ﻃﻔﻠﻪ ﺑﺮﻳﺌﻪ .. ﺟﺎﻧﺐ ﺍﻟﺨﻴﺮ ﻳﻜﻮﻝ ﻻ ﺯﻣﻦ ﻭﺭﺩﻩ ﻭﻗﻴﺎﺩ ﻣﻮ ﺫﻧﺒﻬﻢ ﻟﻴﺶ ﺗﺎﺫﻳﻬﻢ .. ﺍﻟﺦ ﻳﻜﻮﻝ ﻻ ﻭﺭﺩﻩ ﻣﺬﻧﺒﻪ ﻣﺨﻄﻮﺑﻪ ﻭﺗﺘﻮﺍﻋﺪ ﻭﻱ ﺣﺒﻴﺒﻬﺎ ﻭﻗﻴﺎﺩ ﻳﺴﺘﻬﻴﻦ ﺑﻴﺞ ﻭﻳﻬﻴﻨﺞ ﺭﻏﻢ ﻳﻌﺮﻑ ﻛﻠﺶ ﺯﻳﻦ ﺍﻧﺖ ﺟﺎﻫﺪﺗﻲ ﻭﺻﺎﺭﻋﺘﻲ ﻭﻭﺍﺟﻬﺘﻲ ﺍﻟﻤﻮﺕ ﻣﻦ ﺍﺟﻞ ﺷﺮﻓﺞ ﻭﻟﺴﻪ ﻳﻌﻴﺮﺝ ﻭﻳﺴﻤﻌﺞ ﺣﺠﻲ .. ﻭﺑﺎﻻﺧﻴﺮ ﺍﻧﺘﺼﺮ ﺍﻟﺸﺮ ﺍﻟﻲ ﺑﺪﺍﺧﻠﻲ ﻭﻻﺯﻡ ﺍﺧﺬ ﺣﻘﻲ ... ﻗﻴﺎﺩ ﻻﺯﻡ ﻳﺘﻌﺎﻗﺐ ﻻﻥ ﺍﻫﺎﻧﻲ ﻭﻭﺭﺩﻩ ﻫﻢ ﺧﺎﻳﻨﻪ ﻭﺗﺴﺘﺎﻫﻞ ﻭﺯﻫﺮﻩ ﺍﺧﺦ ﺯﻫﺮﻩ ﺍﻟﻬﺎ ﺍﺷﺪ ﻋﻘﺎﺏ ﺭﺍﺡ ﻳﻜﻮﻥ ..
ﻣﺎﺯﻥ .. ﺍﺟﻪ ﺍﻟﺨﺎﺩﻡ ﻭﻛﺎﻝ ﺿﻴﻌﺘﻬﻪ . ﻣﻬﺘﻤﻴﺖ ﻭﻣﺸﻴﺘﻪ ﻛﺘﻠﻪ ﻣﺎﺑﻴﻴﻴﻴﻴﻚ ﻓﺎﻳﺪﻩ ﺑﺼﻮﺕ ﻋﺎﻟﻲ ﻭﻟﻲ ﻣﻦ ﻛﺪﺍﻣﻲ .. ﺻﺪﻣﺘﻨﻲ ﻫﺎﻟﺒﻨﺖ ﻭﺍﻻﻛﺜﺮ
ﺻﺪﻣﺘﻲ ﺑﻮﺭﺩﻩ ﻣﻮ ﻣﻌﻨﺎﻫﻪ ﺻﺪﻛﺘﻬﺎ ﺑﺲ ﻭﺭﺩﻩ ﺗﺼﺮﻓﺎﺗﻬﺎ ﻭﺑﺮﻭﺩﻫﺎ ﻣﺎﻋﺠﺒﻨﻲ .. ﻻﺯﻡ ﺍﺣﻂ ﺣﺪ ﺍﻟﻬﺎ ﺑﻌﺪ ﻣﺎﻛﻤﻠﺖ ﺷﻐﻞ .. ﺭﺣﺖ ﻟﻠﺒﻴﺖ ﺑﺪﻟﺖ ﺻﺎﺭ ﺍﻟﻤﻐﺮﺏ ﻭﻃﻠﻌﺖ ﻟﺒﻴﺖ ﻋﻤﻲ .. ﺍﻟﻤﻐﺮﺏ .. ﺗﻘﺮﻳﺒﺎ .. ﺩﻛﻴﺖ ﺍﻟﺒﺎﺏ ﻃﻠﻌﺘﻠﻲ ﺍﻡ ﻭﺭﺩﻩ .. ﺳﻠﻤﺖ ﻋﻠﻴﻬﺎ .. ﻛﺘﻠﻬﺎ ﻭﻳﻦ ﻭﺭﺩﻩ ﻛﺎﻟﺖ ﻓﻮﻙ ﺑﺎﻟﺒﻠﻜﻮﻥ ﺍﺗﻔﻀﻞ ﺍﺻﻴﺤﻬﺎ ﺍﻟﻚ ﻛﺘﻠﻬﺎ ﻻﺍﻧﻪ ﺍﺻﻌﺪ ﺍﻟﻬﺎ .. ﺻﻌﺪﺕ ﻭﺳﻤﻌﺖ ﺻﻮﺗﻬﺎ ﺗﻀﺤﻚ .. ﻃﻠﻌﺖ ﺍﻟﻬﻢ .. ﺷﻔﺘﻬﺎ ﺗﺴﻮﻟﻒ ﻭﺗﻀﺤﻚ .. ﺩﺧﻨﺖ ﻛﻠﺶ ﻛﻠﺖ ﺳﻼﻡ ﻋﻠﻴﻜﻢ ﻫﻢ ﺟﻔﻠﻮ ﺭﺩﻭ ﺍﻟﺴﻼﻡ .. ﻟﺰﻣﺘﻬﺎ ﻣﻦ ﺍﻳﺪﻫﻪ
....
ﻛﺘﻠﻬﺎ ﺷﻌﻨﺪﺝ ﻫﻨﺎ ..
ﻭﺭﺩﻩ ... ﺩﺍﺋﻤﺎ ﺍﻟﻤﻐﺮﺏ ﺍﻃﻠﻊ ﺑﺎﻟﺒﻠﻜﻮﻧﻪ ﺍﻟﻲ ﺑﺼﻒ ﺑﻠﻜﻮﻧﺔ ﺑﻴﺖ ﻋﻤﻲ ﻭﺍﺣﺎﺟﻲ ﻗﻴﺎﺩ .. ﺟﻔﻠﺖ ﻣﻦ ﺷﻔﺖ ﻣﺎﺯﻥ ﺑﺲ ﺣﻤﺪﻟﻠﻪ ﺟﺎﻥ ﻛﻼﻣﻨﻪ ﻃﺒﻴﻌﻲ ﺑﺴﺎﻋﺘﻬﺎ .. ﻟﺰﻣﻨﻲ ﻣﻦ ﺍﻳﺪﻱ ﻛﺎﻝ ﺷﻌﻨﺪﺝ ﻫﻨﺎ ﻛﺘﻠﻪ ﻋﻮﻑ ﺍﻳﺪﻱ ﻭﻃﺒﻴﺖ ﺟﻮﻩ ﻧﺰﻟﺖ ﻭﻫﻮ ﻭﺭﺍﻳﻪ .. ﻉ ﺍﻟﺪﺭﺝ ﻟﺰﻣﻨﻲ . ﻭﻛﻠﻲ . ﻭﺭﺩﻩ ﺷﻨﻮ ﺍﻟﻲ ﺷﻔﺘﻪ ﻓﻮﻙ
ﻭﺭﺩﻩ .. ﻋﻮﻓﻨﻲ ﻣﺎﺯﻥ ﻣﺼﺨﺘﻬﺎ ﺗﺮﻩ
ﻣﺎﺯﻥ .. ﻣﻨﻮ ﺍﻟﻲ ﻣﺼﺨﻬﺎ ﻭﻟﺞ ﻣﺘﺤﻤﻠﺞ ﺑﻤﺮﺝ ﻭﻣﺎﺑﻴﺞ ﻛﻞ ﺣﻠﻮ ﻭﻛﺎﻋﺪﻩ ﺗﻘﺼﻘﺼﻴﻦ ﻭﻳﺎ ﺑﻌﺰ ﺍﻟﻠﻴﻞ ﻭﺗﻜﻮﻟﻴﻦ ﻣﺼﺨﺘﻬﺎ ﻭﺍﻧﻪ ﺍﻃﻠﺐ ﻣﻨﺞ ﺍﻟﻀﺤﻜﻪ ﻭﺍﻟﺴﺎﻟﻔﻪ .. ﻭﺍﺗﻤﻨﺎﻫﻪ ﻣﻨﺞ ﻣﻨﻴﻪ ﻭﺍﻧﺖ ﻫﻴﺞ ﺗﺠﺎﺯﻳﻨﻲ ﻭﺭﺩﻩ
ﻭﺭﺩﻩ . ﻣﺪﺍﻡ ﻫﻴﺞ ﻋﻮﻓﻨﻲ ﻋﻮﻓﻨﻲ ﻣﺎﺯﻥ ﻣﺎﺍﺭﻳﺪﻙ ﻛﻮﻩ
ﻣﺎﺯﻥ .. ﻻ ﻭﻟﺞ ﻻ ﻣﻮ ﺍﻧﻪ ﺍﻟﻲ ﺍﻋﻮﻓﺞ ﺍﻟﻪ ﻣﺎﺭﺍﺡ ﺍﺳﻜﺖ ﻭﺍﻟﻠﻪ ﻭﺭﺍﺡ ﺗﺸﻮﻓﻴﻦ ..
ﺑﻬﺎﻻﺛﻨﺎﺀ ﺍﺟﺖ ﺍﻣﻬﺎ ﺍﺑﻮﻫﺎ ﻣﺎﻣﻮﺟﻮﺩ ...
ﺍﻡ ﻭﺭﺩﻩ .. ﺧﻴﺮﻛﻢ ﺷﺴﺎﻟﻔﻪ ﻟﻴﺶ ﺻﻮﺗﻜﻢ ﻃﺎﻟﻊ ..
ﻣﺎﺯﻥ .. ﻋﻤﻪ ﺍﻟﻜﻼﻡ ﻭﻳﺎﻫﻪ ﺍﻧﺘﻬﻰ ﻛﻼﻣﻲ ﻭﻳﺎ ﻋﻤﻲ ﺻﺎﻟﺢ ﻭﻋﻤﻲ ﺍﻟﺸﻴﺦ ﻛﺮﻳﻢ ﻭﺭﺍﺡ ﺍﺧﻠﻲ ﺣﺪ ﺍﻟﻜﻞ ﺷﻲ ﺍﻭﺩﻋﻨﺎﻛﻢ ..
ﻃﻠﻌﺖ ﻣﻦ ﺑﻴﺘﻬﻢ .. ﻣﺼﺪﻭﻡ ﺍﻛﺜﺮ ﻣﻮ ﻣﻦ ﻭﺭﺩﻩ ﻣﻦ ﺍﻟﺒﻨﺖ ﺍﻟﻲ ﺍﺟﺖ ﺍﻟﻲ ﻭﻭﺷﺖ ﺑﻴﻬﻢ ﻭﻃﻠﻊ ﻛﻼﻣﻬﺎ ﺻﺤﻴﺢ .. ﺭﺣﺖ ﻟﺒﻴﺖ ﺍﻫﻠﻲ ﻭﺍﺧﺬﺕ ﺍﺑﻮﻳﻪ ﻭﺣﺠﻴﺖ ﺍﻟﻪ ﻛﻞ ﺍﻟﺴﺎﻟﻔﻪ .. ﺍﺧﺬﺗﻪ ﻭﺭﺣﻨﻪ ﺍﻟﺒﻴﺖ ﺍﻟﺸﻴﺦ ﻛﺮﻳﻢ ﻫﻮ ﺍﺑﻦ ﻋﻢ ﺍﺑﻮﻳﻪ ﺩﺧﻠﻨﻪ ﺳﻠﻤﻨﻪ .. ﻋﻠﻴﻬﻢ .. ﻭﺑﺪﺍ ﺍﺑﻮﻳﻪ ﺑﺎﻟﻜﻼﻡ
ﺍﻟﺸﻴﺦ ﻋﺴﺎﻑ .. ﺷﻴﺦ ﻛﺮﻳﻢ ﺍﻧﺖ ﺍﺑﻦ ﻋﻤﻲ ﻭﺗﺎﺝ ﺭﺍﺳﻲ ﺑﺲ ﻣﺎﻳﺼﻴﺮ ﺍﺑﻨﻚ ﺍﻟﺠﺎﻱ ﻣﻦ ﺑﻐﺪﺍﺩ ﻳﻮﻛﻒ ﻭﻳﺎ ﺧﻄﻴﺒﺔ
13
ﺍﺑﻨﻲ ﻣﺎﺯﻥ .. ﻭﻳﻘﺼﻘﺺ ﻭﻳﺎﻫﻪ ﺑﻌﺰ ﺍﻟﻠﻴﻞ ﺗﺮﻩ ﻫﻲ ﺣﺮﻣﺘﻨﺎ ﻭﻋﻴﺐ ﻋﻠﻴﻪ ﻫﺠﻲ ﻳﺴﻮﻱ ﻭﻻﻥ ﺍﺣﻨﻪ ﺍﻫﻞ ﻣﺎﺍﻧﺮﻳﺪ ﻣﺸﺎﻛﻞ ﻭﻓﻀﺎﻳﺢ ..
ﺧﻠﻲ ﺍﺑﻨﻚ ﻳﻠﺰﻡ ﺣﺪﻭﺩﻩ ..
ﺍﻟﺸﻴﺦ ﻛﺮﻳﻢ .. ﺍﻥ ﺷﺎﺀﺍﻟﻠﻪ ﺍﺧﻮﻱ ﻋﺴﺎﻑ ﺍﻧﺖ ﺍﺑﻦ ﻋﻤﻲ ﻭﻋﺰﻳﺰ ﻛﻠﺒﻲ ﺗﺪﻟﻞ ﺩﺑﺎﺭﻩ ﻳﻤﻲ ﻗﻴﺎﺩ ﻭﻻﻳﻬﻤﻚ ﺍﻧﻪ ﺍﺣﺎﺟﻲ ﻭﺍﻣﺴﺤﻬﺎ ﺑﻠﺤﻴﺘﻲ .. ﻣﺤﺸﻮﻡ ﺍﺑﻮ ﻣﺎﺯﻥ
ﻣﺎﺯﻥ .. ﻋﻤﻲ ﻫﺎﻟﻤﺮﻩ ﺍﻟﺨﺎﻃﺮﻙ ﻫﺎﻱ ﻭﺍﻧﺖ ﻏﺎﻟﻲ .. ﻭﺣﺸﻲ ﻣﺎﻧﺸﻮﻑ ﻣﻨﻚ ﻗﺼﻮﺭ .. ﺑﺲ ﻻﺯﻡ ﻳﻠﺰﻡ ﺣﺪﻭﺩﻩ
ﻭﻃﻠﻌﻨﺎ ﺑﻌﺪ ﻣﺎﺍﺗﻔﻘﻨﺎ .. ﻭﻳﺎ ﺍﻥ ﻳﺤﺎﺟﻲ ﺍﺑﻨﻪ
ﻗﻴﺎﺩ .. ﺑﺎﺧﺮ ﻟﻴﻠﻪ .. ﻗﺒﻞ ﻻﺍﺭﻭﺡ ﺍﻟﺒﻐﺪﺍﺩ .. ﺍﻟﻠﺘﻘﻴﺖ ﺑﻮﺭﺩﻩ ﺑﺎﻟﺒﻠﻜﻮﻥ .. ﻓﺠﺄﺓ ﺩﺧﻞ ﻣﺎﺯﻥ ﺳﻠﻢ ﺑﻌﺼﺒﻴﻪ ﻭﻟﺰﻡ ﻭﺭﺩﻩ ﻣﻦ ﺍﻳﺪﻫﺎ ﻳﺤﺎﺟﻴﻬﻪ ﺑﻌﺼﺒﻴﻪ ﺭﺩﺕ ﺍﺗﺪﺧﻞ ﺑﺲ ﻭﺭﺩﻩ ﻃﺒﺖ ﺟﻮﻩ .. ﺑﻘﻴﺖ ﺍﻓﻜﺮ ﺷﻮﻥ ﺷﺮﺍﺡ ﻳﺴﻮﻳﻠﻬﺎ ﺷﻮﻥ ﺑﺎﻟﻠﻪ ﻫﺴﻪ ﺍﺭﻭﺣﻠﻬﺎ .. ﺑﺲ ﻻ ﺑﺼﻔﺘﻲ ﺷﻨﻮ ﺍﺭﻭﺡ ﻭﻫﻲ ﺧﻄﻴﺒﺘﻪ .. ﺑﻘﻴﺖ ﺑﻘﻠﻖ ﻋﻠﻴﻬﺎ ...
ﺑﻌﺪﻫﺎ ﺑﻨﻔﺲ ﺍﻟﻠﻴﻠﻪ .. ﺻﺎﺣﻨﻲ ﺍﺑﻮﻳﻪ ﻭﺗﻔﺎﺟﺌﺖ .. ﺑﻲ ﻣﻌﺼﺐ ﻭﻳﺤﺠﻲ ﻋﻠﻴﻪ ..
ﺷﻴﺦ ﻛﺮﻳﻢ .. ﻟﻴﺶ ﻳﺎﻗﻴﺎﺩ ﻭﺍﻧﺖ ﺍﻋﺰ ﻭﻟﺪﻱ ﺗﻨﺰﻝ ﺭﺍﺳﻲ ﻛﺪﺍﻡ ﺍﺑﻦ ﻋﻤﻲ .. ﻟﻴﺶ ﻫﻲ ﻣﻦ ﻳﻤﺘﻪ ﺗﺘﻮﺍﻋﺪ ﻭﻱ ﻭﺭﺩﻩ ﻣﻦ ﻭﺭﺍﻱ ﻭﻳﺠﻮﻥ ﻳﺸﺘﻜﻮﻥ ﻋﻠﻴﻚ
ﻗﻴﺎﺩ .. ﻳﺎﺑﻪ ﺍﻟﺒﻨﻴﻪ ﻣﺎﺗﺮﻳﺪﻩ ﻭﻏﺼﺒﺎ ﻋﻠﻴﻬﻪ ﻗﺎﺑﻠﻪ ﺑﻲ
ﺷﻴﺦ ﻛﺮﻳﻢ .. ﻭﺍﻧﺖ ﺷﻨﻮ ﺩﺧﻠﻚ .. ﺑﻴﻬﻢ ﺍﻟﺒﻨﻴﻪ ﺑﻨﺖ ﻋﻤﻪ ﻭﻣﻦ ﺣﻜﻪ ﻳﻨﻬﻲ ﻋﻠﻴﻬﻪ ﻭﻳﺨﻄﺒﻬﺎ ﻫﺬﺍ ﺷﻲ ﻣﺘﻔﻘﻴﻦ ﻋﻠﻴﻪ ﻭﻫﺴﻪ ﻫﻲ ﻣﺮﺗﻪ ﺑﺎﻟﺸﺮﻉ ﻋﺎﻗﺪﻳﻦ ﺳﻴﺪ .. ﺍﻧﺖ ﺷﻨﻮ ﺗﺪﺧﻞ ﺗﺎﻟﻲ ﻋﻤﺮﻱ ﺗﻨﺰﻝ ﺭﺍﺳﻲ ﺑﺎﻟﻄﻴﻦ ﻭﻟﻚ ﺗﻌﺎﻱ ﺯﻫﺮﻩ ﺯﻫﻴﺮﻩ ﺗﻌﺎﺍﺍﺍﻱ ﻫﻲ ﻫﺎﻳﻪ ﺗﺮﺑﻴﺘﺞ ﻫﺎﺍ ﻫﺎﻳﻪ ﺷﻮﻓﻲ ﺷﺠﺎﻱ ﻳﺴﻮﻱ ﻳﺮﻳﺪ ﻳﻔﺸﻠﻨﻲ .. ﻳﻄﻴﺢ ﺣﻈﻲ
ﺯﻫﺮﻩ .. ﻫﺪﻱ ﻳﺎﺧﻮﻳﻪ ﻳﺎﺑﻮ ﺣﺴﻴﻦ ﻫﺪﻱ .. ﻗﻴﺎﺩ ﺑﻮﺱ ﺭﺭﺍﺱ ﺍﺑﻮﻙ ﻳﻼ ﻭﺗﻌﺬﺭ ﻣﻨﻪ
ﻗﻴﺎﺩ ... ﺍﺭﻳﺪ ﺍﺑﻮﺳﻪ ﻫﺪﻧﻲ ﻭﺻﺎﺭ ﻳﻌﻴﻂ ﻣﺎﺍﺭﻳﺪﻩ ﻻﻳﺪﻧﺎﻟﻲ ﺍﺫﺍ ﻣﺎﻳﺼﻠﺢ ﺣﺎﻟﻪ ﻭﺑﺎﺟﺮ ﺍﺧﺬﻙ ﻭ ﺍﻧﺮﻭﺡ ﻧﻌﺘﺬﺭ ﺍﻟﻬﻢ .. ﻭﺭﺍﺡ ﻃﺐ ﺑﻐﺮﻓﺘﻪ ..
ﻫﻮﺍﺋﻞ .. ﺭﺣﺖ ﺗﺒﻌﺘﻪ ﻭﻛﻌﺪﺕ ﻳﻤﻪ ﻉ ﺍﻟﺘﺨﻢ ﺍﻟﻲ ﺑﺎﻟﻐﺮﻓﻪ ﻭﺻﺮﺕ ﺍﺣﺎﺟﻲ .. ﻳﺎﺷﻴﺦ ﻫﺬﺍ ﻗﻴﺎﺩ ﺗﺮﻩ ... ﻣﺼﺨﻬﺎ ﻣﻦ ﺯﺍﻡ ﻭﺭﺩﻩ ﻭﻣﻦ ﺯﺍﻡ ﺛﺎﻧﻲ ﻫﺎﻟﺒﻨﻴﻪ ﺍﻟﻴﺘﻴﻤﻪ ﻣﺘﻮﻟﻴﻬﺎ ﺣﻴﻞ ﺧﻄﻴﻪ ..
ﺷﻴﺦ ﻛﺮﻳﻢ .. ﺷﻬﺎﻟﺤﺠﻲ ﺍﻡ ﺣﺴﻴﻦ ﻣﻮ ﺍﻟﻬﺎﻟﺪﺭﺟﻪ
ﻫﻮﺍﺋﻞ .. ﻛﻴﻔﻚ ﺷﻴﺦ ﻫﺎﻟﻠﻴﻠﻪ ﺑﺎﻟﻮﺣﺪﻩ ﻛﺎﻳﻠﻠﻬﺎ ﺗﻌﺎﻱ ﻳﻤﻲ ﺑﺎﻟﻐﺮﻓﻪ ﺗﻮﻧﺴﻴﻨﻲ ﻟﻮ ﺍﺷﻤﺮﺝ ﺑﺎﻟﺸﺎﺭﻉ
ﺷﻴﺦ ﻛﺮﻳﻢ .. ﺳﻜﺘﻲ ﻫﻮﺍﻳﻞ ﺳﻜﺘﻲ ﻭﻛﻮﻣﻲ ﻳﻼ .. ﺗﻬﺪﻳﻦ ﻋﻠﻴﻪ ﻟﻮ ﺗﺰﻳﺪﻳﻦ ﻧﺎﺭﻱ ﺗﻴﺰﺍﺏ ﻛﻮﻣﻲ ﻭﻟﻲ ﻳﻠﻪ ..
ﺯﻣﻦ ... ﺻﺮﺕ ﺍﺿﺤﻚ ﺑﻬﺴﺘﻴﺮﻳﺎ ﻣﻦ ﺳﻤﻌﺖ ﻛﻞ ﺍﻟﻲ ﺻﺎﺭ ﺑﻘﻴﺎﺩ .. ﻭﺑﻌﺪ ﻭﺑﻌﺪ ﻣﻴﺪﺭﻱ ﺍﻟﻲ ﻳﻨﺘﻈﺮﻩ ﻣﻨﻲ ﺩﻛﺖ ﺍﻟﺴﺎﻋﻪ ﺏ 1:00 ﺍﺷﺮﺕ ﺍﻟﻲ ﻫﻮﺍﺋﻞ ﺍﻟﻬﻮﻟﻪ .. ﺍﻟﻲ ﺗﻜﺮﻩ ﻗﻴﺎﺩ .. ﻭﺗﺘﻤﻨﻰ ﺗﻨﺘﻘﺺ ﻣﻨﻪ ﻭﻫﻲ ﻣﻌﺘﺒﺮﺗﻨﻲ ﺷﻲ ﻣﻮ ﻣﻦ ﻣﻘﺎﻣﻬﻢ ﻭﺍﺫﺍ ﺗﺰﻭﺟﺖ ﻗﻴﺎﺩ ﺭﺍﺡ ﺗﻘﻞ ﻗﻴﻤﺘﻪ ﻭﺍﺫﺍ ﺧﻠﻔﺖ ﺍﻟﻪ ﺟﻬﺎﻝ ﺭﺍﺡ ﻳﻜﻮﻟﻮﻥ ﺍﻣﻬﻢ ﻣﺎﺍﻟﻬﺎ ﺍﺻﻞ ﻭﻻ ﻓﺼﻞ ﻫﻴﺞ ﺭﺍﺡ ﺗﺮﺗﺎﺡ ﻫﻮﻭﻟﻪ .. ﻓﺘﺤﺖ ﺷﻌﺮﻱ ﻛﻔﺸﺘﻪ ﻭﺷﻮﻳﻪ ﺷﻜﻜﺖ ﻣﻦ ﺩﺷﺪﺍﺷﺘﻲ ﻣﻦ ﻓﻮﻙ .. ﻭﺭﺣﺖ ﺍﻟﻪ ﻭﺑﺎﻟﺼﺪﻓﻪ ﺟﺎﻥ ﻛﺎﻋﺪ ﺩﺧﻠﺖ ﻋﻠﻴﻪ ..
ﻗﻴﺎﺩ .. ﺟﻨﺖ ﻛﻠﺶ ﺿﺎﻳﺞ ﻭﻣﺎﻟﻲ ﺧﻠﻚ ﺭﻭﺣﻲ ﻛﻼﻡ ﺍﺑﻮﻳﻪ ﺿﻮﺟﻨﻲ ﻭﻣﺎﻗﺒﻞ ﻳﺮﺿﺎ ﻋﻨﻲ ﻭﺣﺴﺴﻨﻲ ﺑﺎﻥ ﺍﻧﻪ ﻣﻨﺰﻝ ﺭﺍﺳﻪ ﻭﻓﻜﺮﻱ ﻳﻢ ﻭﺭﺩﻩ ﻻﺍﺣﺪ ﻣﺎﺫﻳﻬﻪ ﻟﻮ ﻫﺬﺍ ﻣﺎﺯﻥ ﻣﺴﻮﻳﻠﻬﻪ ﺷﻲ ﻛﻠﺶ ﻣﺎﺗﺤﻤﻠﺖ ﺍﻟﻮﺿﻊ ﻭﺍﻧﻪ ﺍﺗﻌﻠﻤﺖ ﺑﺎﻻﻳﺎﻡ ﺍﻻﺧﻴﺮﻩ ﺍﺷﺮﺏ ﺷﻮﻳﻪ ﻃﻠﻌﺖ ﺍﺷﺘﺮﻳﺖ ﺍﻟﻲ ﻭﻛﻌﺪﺕ ﺍﺷﺮﺏ ﻭﺣﺪﻱ ﺑﺎﻟﻐﺮﻓﻪ ..
ﺯﻣﻦ ... ﺗﻔﺎﺟﺌﺖ ﻣﻦ ﺷﻔﺘﻪ ﺩﻳﺸﺮﺏ ﻛﻠﺖ ﺍﻱ ﻫﻲ ﺑﺼﺎﻟﺤﻲ .. ﺩﺧﻠﺖ ﺑﺲ ﺧﻔﺖ ﻣﻨﻪ ﻭﺍﻧﺘﻈﺮ ﻫﻮﺍﺋﻞ ﺗﺪﺯ ﺍﻟﺸﻴﺦ ﻛﺮﻳﻢ ﺍﻟﻲ ﻭﻳﺸﻮﻓﻪ ﻭﻳﺎﻳﻪ ﺑﻬﺎﻟﻮﺿﻊ .. ﺭﺣﺖ ﻛﻌﺪﺕ ﻳﻤﻪ ﺑﺲ ﻛﻠﺒﻲ ﻳﺮﺟﻒ .. ﻫﻮ ﻛﺎﻋﺪ ﻋﻠﻰ ﺍﻟﺴﺮﻳﺮ ﻭﻣﺸﻐﻞ ﺑﺲ ﺿﻮﻩ ﺍﻟﺜﺮﻳﺎ ﻟﻮﻧﻪ ﺍﺻﻔﺮ ﺧﺎﻓﺖ .. ﻃﺒﻴﺖ ﺍﺗﻤﺸﻲ ﻭﺻﻠﺖ ﻳﻢ ﺭﺟﻠﻴﻨﻪ ﻛﻌﺪﺕ ﺑﺎﻭﻋﻨﻲ ﻋﻴﻮﻧﻪ ﺣﻤﺮ . ﺟﻔﻠﺖ ﻣﻨﻬﻢ .. ﻣﻦ ﺑﺎﻭﻋﺘﻪ .. ﺑﺎﻭﻋﻨﻲ ﺻﺎﺡ ﻭﺭﺩﻩ ﻭﻛﻔﺖ ﻋﻠﻰ ﺭﻛﺒﻲ ﻭﺧﻠﻴﺖ ﺍﻳﺪﻳﻪ ﻋﻠﻰ ﺭﺟﻠﻴﻨﻪ ﻭﺑﺎﻭﻋﺖ ﺑﻮﺟﻬﺎ ﺑﻌﺼﺒﻴﻪ ﻛﺘﻠﻪ ﺍﻫﻮﻭﻭﻭ ﻫﻢ ﻭﺭﺩﻩ ﻣﺘﻜﻮﻟﻲ ﺷﺠﻠﺒﺖ ﻟﻚ ﻭﺭﺩﻩ ﻣﺨﻄﻮﻭﻭﺑﻪ ﻣﺨﻄﻮﻭﻭﻭﺑﻪ ﺷﺒﻴﻚ ﻓﻚ ﻓﻚ ﻟﺰﻣﻨﻲ ﻣﻦ ﺫﺭﺍﻋﺎﻧﻲ ﻭﺷﻤﺮﻧﻲ ﻋﻠﻰ ﺍﻟﺠﺮﺑﺎﻳﻪ ﻭﺻﺎﺭ ﻓﻮﻛﻲ ﺻﺮﺕ ﺍﺑﺠﻲ ﺑﺪﺍﺧﻠﻲ ﻛﻠﺶ ﺧﻔﺖ ﻟﺞ ﻭﻳﻨﺞ ﻫﻮﻭﻟﻪ ﻣﺘﺪﺯﻳﻠﻲ ﺍﻟﺸﻴﺦ ﻭﺍﺑﺎﻭﻉ ﻋﻠﻰ ﺍﻟﺒﺎﺏ .. ﻭﺟﺎﻥ ﺗﻨﻔﺘﺢ ﺍﻟﺒﺎﺏ ﻭﻃﺐ ﺍﻟﺸﻴﺦ ﻭﻫﻮﺍﺋﻞ ﻭﺯﻫﺮﻩ ﻭﻳﺎﻫﻢ ..
ﻭﻟﻠﺤﻜﺎﻳﻪ ﺑﻘﻴﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء