رواية عشقت فصليتي الجزء الثاني

رواية عشقت فصليتي الجزء الثاني


. 
رواية عشقت فصليتي الجزء الثاني 

 ﻋﺸﻘﺖ _ ﻓﺼﻠﻴﺘﻲ
ﺍﻟﺒﺎﺭﺕ ﺍﻝ 2
ﺑﻘﻠﻤﻲ # ﻣﻴﺪﻳﺎ _ ﺍﻟﻔﻬﺪ
📞 ﺍﻧﻲ ﻧﺎﺋﻞ
ﻣﻠﻚ .. 😳😳 ﻋﺰﺓ ﻫﺬﺍ ﻣﻨﻴﻦ ﺟﺎﺏ ﺭﻗﻤﻲ ؟؟
📞 ﺍﻟﻮﻭﻭ ﻣﻠﻚ ﻭﻳﻦ ﺭﺣﺘﻲ ؟
📞 ﺃﻧﺖ ﻣﻨﻴﻦ ﺟﺒﺖ ﺭﻗﻤﻲ ؟
📞 ﻃﻠﻌﺘﻪ ﻣﻦ ﺟﻮﺓ ﺍﻟﻜﺎﻉ ،، ﻋﻨﺪﺝ ﺍﻋﺘﺮﺍﺽ
📞 ﺗﺮﻩ ﺍﻧﻲ ﺑﺖ ﻋﻤﻚ ﻣﻮ ﺑﻨﻴﺔ ﻣﻦ ﺍﻟﺸﺎﺭﻉ ﺣﺘﻪ ﺗﺴﻮﻱ ﻭﻳﺎﻫﺎ ﻫﻞ ﺳﻮﺍﻟﻒ
📞 ﻭﺍﻧﻲ ﺷﻤﺴﻮﻱ ﻳﻌﻨﻲ ﻣﻴﺼﻴﺮ ﺍﻧﻌﺠﺐ ﺑﻨﺖ ﻋﻤﻲ ﻭﺍﺣﺒﻬﺎ
📞 ﻻ ﻣﻴﺼﻴﺮ ﻭﺭﻗﻤﻲ ﺗﻤﺴﺤﺔ ﻭﺑﻌﺪ ﻻﺗﺨﺎﺑﺮ ﺍﻭﻙ ؟
📞 ﻟﻴﺶ ﺷﻨﻮ ﻓﺮﻗﻲ ﻋﻦ ﻭﺍﺋﻞ ﻣﻮ ﻳﺤﺐ ﺍﺧﺘﺞ ﺍﻧﻲ ﻫﻢ ﺍﺣﺒﺞ
📞 ﺍﻭﻝ ﺷﻲ ﺍﻧﻲ ﻣﺎﻟﻲ ﺩﺧﻞ ﺑﺄﺣﺪ ﻭﺛﺎﻧﻲ ﺷﻲ ﻭﺍﻻﻫﻢ ﺍﻧﻲ ﻣﺎﻋﻨﺪﻱ ﻫﻞ ﺍﻟﺴﻮﺍﻟﻒ ﻭﺍﻟﺨﺮﺍﺑﻴﻂ ﻳﻼ ﺑﺎﻱ ﻭﻣﺜﻞ ﻣﺎﻛﻠﺘﻠﻚ ﺑﻌﺪ ﻻ ﺗﺘﺼﻞ
📞 ﺑﺲ ﺍﻧﻲ .... ﺍﻟﻮﻭﻭﻭ ﺍﻟﻮﻭﻭﻭ
ﻧﺎﺋﻞ .. ﺷﻮﻑ ﺷﻠﻮﻥ ﺳﺪﺗﻪ ﺑﻮﺟﻬﻲ ﺑﺴﻴﻄﻪ ﺍﺫﺍ ﻣﺎﺧﻠﻴﺞ ﺗﻤﻮﺗﻴﻦ ﻋﻠﻴﻪ ﻓﻼ ﺍﺳﻤﺔ ﻧﺎﺋﻞ
ﻣﻠﻚ .. ﻟﺞ ﺗﻌﺎﻟﻲ ﺷﻮﻓﻲ ﻫﺬﺍ ﺍﻟﺨﺒﻞ
ﻣﺴﻚ .. ﻣﻨﻮ ؟؟
ﻣﻠﻚ .. ﺣﻤﺎﺝ ﻭﺍﺑﻦ ﻋﻤﺞ ﻧﺎﺋﻞ،، ﻣﺎﺩﺭﻱ ﻣﻨﻴﻦ ﺟﺎﺏ ﺭﻗﻤﻲ ﺍﻧﻮﺏ ﻳﺪﻭﺭ ﺣﺐ 😂
ﻣﺴﻚ .. ﻭﻟﺞ ﺧﺎﻑ ﺍﺧﺬﻩ ﻣﻦ ﺗﻠﻔﻮﻥ ﻭﺍﺋﻞ ﻻﻥ ﺩﻛﻴﺖ ﻋﻠﻴﻪ ﻣﻦ ﺭﻗﻤﺞ ﺫﺍﻙ ﺍﻟﻴﻮﻡ
ﻣﻠﻚ .. ﻣﻮ ﻋﻴﺐ ﻋﻠﻴﻪ ﻳﻨﻄﻲ ﺭﻗﻤﻲ ﻻﺧﻮ ﻛﻠﺶ ﻧﺰﻝ ﻣﻦ ﻋﻴﻨﻲ
ﻣﺴﻚ .. ﻭﺍﻟﻠﻪ ﻫﺴﻪ ﺍﺧﺎﺑﺮﺓ ﻭﺃﻟﻌﺐ ﺑﻴﻪ ﻃﻮﺑﺔ
ﻣﻠﻚ .. ﻣﺴﻚ ﺧﺎﺑﺮﺕ ﻭﺍﺋﻞ ﻭﺑﻘﺖ ﺗﺤﺠﻲ ﻋﻠﻴﻪ ﺷﻠﻮﻥ ﻳﻨﻄﻲ ﺭﻗﻤﻲ ﺍﻟﻨﺎﺋﻞ ،،
ﻧﺎﺋﻞ .. ﻃﺒﻌﺎ ﺍﺧﺬﺕ ﺭﻗﻢ ﻣﻠﻚ ﻣﻦ ﻭﺍﺋﻞ ﺑﺪﻭﻥ ﻋﻠﻤﻪ ، ﻗﺒﻞ ﻛﻢ ﻳﻮﻡ ﻛﺎﻋﺪﻳﻦ ﻭﺩﻙ ﻋﻠﻴﻪ ﺭﻗﻢ ﻏﺮﻳﺐ ﺻﺤﺘﻪ ﺟﺎﻭﺏ ﻋﺮﻓﺖ ﻣﻦ ﻛﻼﻣﻪ ﻭﻳﻪ ﻣﺴﻚ ﻫﺬﺍ ﺭﻗﻢ ﻣﻠﻚ ،، ﻛﻴﻔﺖ ﻭﺍﺧﺬﺗﻪ ﺑﺲ ﻋﻨﻮﺩﻳﺔ ﻭﺭﺍﺳﻬﺎ ﻳﺎﺑﺲ ﺑﺲ ﺍﺟﻴﺒﻬﺎ ﺍﺟﻴﺒﻬﺎ
ﻣﺴﻚ .. ﻭﺍﻟﻠﻪ ﻭﺍﺋﻞ ﻳﺤﻠﻒ ﻭﻳﺘﻜﻔﺮ ﻣﻮ ﻫﻮ ﻣﻨﻄﻲ ﺍﻟﻪ ﻭﺭﺍﺡ ﺍﻟﻴﻮﻡ ﻳﺤﺠﻲ ﻭﻳﺎﻩ ﻭﻳﺮﺯﻟﻪ
ﻭﺍﺋﻞ .. ﻧﺎﺋﻞ ﺗﻌﺎﻝ ﺍﺭﻳﺪ ﺍﺣﺠﻲ ﻭﻳﺎﻙ
ﻧﺎﺋﻞ .. ﻳﻤﻌﻮﺩ ﺍﻟﻮﻟﺪ ﻳﻨﺘﻈﺮﻭﻧﻲ ﻣﻦ ﺍﺭﺟﻊ ﻋﻮﺩ ﺍﺣﺠﻲ
ﻭﺍﺋﻞ .. ﻟﻚ ﺑﺎﺑﺎ ﺷﻮ ﺍﻧﺖ ﻣﺘﺴﺘﺤﻲ ،ﺷﻠﻮﻥ ﺍﺩﻙ ﻉ ﻣﻠﻚ ﺷﻠﻮﻥ ﺗﺎﺧﺬ ﺭﻗﻤﻬﺎ ﻣﻮ ﻋﻴﺐ
ﻧﺎﺋﻞ .. ﺍﻭﻛﻒ ﺷﻮﻳﻪ ﺍﺭﺩ ﻉ ﺍﻟﺘﻠﻔﻮﻥ
📞 ﺍﻟﻮﻭ ﺭﻭﺣﻮﺍ ﺍﻧﻲ ﻣﺮﺍﺡ ﺍﺟﻲ ﻭﻳﺎﻛﻢ ﻋﻨﺪﻱ ﺷﻐﻞ ، ﻳﻼ ﻣﻊ ﺍﻟﺴﻼﻣﺔ .
ﻧﺎﺋﻞ .. ﺷﻜﻮ ﺷﺒﻴﻚ؟
ﻭﺍﺋﻞ .. ﺳﺄﻟﺘﻚ ﻭﺟﺎﻭﺑﻨﻲ ﺷﻠﻮﻥ ﺗﺨﺎﺑﺮ ﻉ ﻣﻠﻚ ﻣﻮ ﻋﻴﺐ
ﻧﺎﺋﻞ .. ﻳﻌﻨﻲ ﺍﻧﺖ ﺣﻼﻝ ﺗﺤﺐ ﻣﺴﻚ ﻭﺩﻙ ﻣﻜﺎﻟﻤﺎﺕ ﻭﻣﺴﺠﺎﺕ ﻭﺍﻧﻲ ﺣﺮﺍﻡ ﻣﻮ ؟
ﻭﺍﺋﻞ .. ﺍﻟﺒﻨﻴﺔ ﺻﻐﻴﺮﺓ ﻣﻮ ﻣﺎﻝ ﻫﺎﻱ ﺍﻟﺴﻮﺍﻟﻒ ﻭﺧﺠﻠﺘﻨﻲ ﻛﺪﺍﻡ ﻣﺴﻚ ﻋﺒﺎﻟﻬﺎ ﺍﻧﻲ ﻣﻨﻄﻴﻚ ﺍﻟﺮﻗﻢ ، ﻭﻛﺎﻟﺘﻠﻲ ﺑﻌﺪ ﻻ ﻳﺪﻙ ﻋﻠﻴﻬﺎ
.. 
ﻧﺎﺋﻞ .. ﺍﻧﺖ ﻻ ﺗﺪﺧﻞ ﻫﻴﻪ ﻟﻮ ﺻﺪﻙ ﺻﻐﻴﺮﺓ ﺟﺎﻥ ﻣﺎ ﻧﻄﻮﻫﺎ ﺗﻠﻔﻮﻥ ﻭﺟﺎﻭﺏ ﻉ ﺍﻻﺭﻗﺎﻡ ﺍﻟﻐﺮﻳﺒﺔ
ﻭﺍﺋﻞ .. ﻟﻚ ﻛﻠﺐ ﺫﻧﻲ ﺑﻨﺎﺕ ﻋﻤﻨﻪ ﻭﺷﺮﻓﻨﻪ ﺷﻠﻮﻥ ﻫﻴﺞ ﺗﺤﺠﻲ ﺻﺪﻙ ﻗﻠﻴﻞ ﺍﻷﺩﺏ ﺍﻧﺖ
ﻧﺎﺋﻞ .. ﺍﻫﻮﻭﻭ ﺭﺍﺡ ﻳﺒﺪﻱ ﺑﺎﻟﻤﺜﺎﻟﻴﺎﺕ ﺭﺣﻤﻪ ﺍﻟﻮﺍﻟﺪﻳﻚ ﺍﺳﻜﺖ ، ﻭﻫﻴﻪ ﻣﻦ ﺣﻮﺭﻫﺎ ﻫﻞ ﻣﻠﻚ ﺑﻌﺪ ﻣﺎﺩﻙ ﻋﻠﻴﻬﺎ ﻫﻢ ﺷﺎﻳﻔﻪ ﻧﻔﺴﻬﺎ ﺍﻟﺰﻋﻄﻮﻃﻪ ﻣﺎ ﺻﺪﻛﺖ ﻭﺍﺣﺪ ﻋﺒﺮﻫﺎ ﻛﻠﺒﺖ ﺍﻟﺪﻧﻴﺎ
ﻭﺍﺋﻞ .. ﺍﻱ ﺍﺣﺴﻦ ﺍﻟﻚ ﺑﻌﺪ ﻻ ﺩﻙ ﻋﻠﻴﻬﺎ
ﻣﻠﻚ .. ﻣﺮﺕ ﺍﻻﻳﺎﻡ ﻭﺍﺑﻮﻳﻪ ﻛﺎﻝ ﻻﺯﻡ ﻧﺮﻭﺡ ﻟﻠﺪﻳﻮﺍﻧﻴﺔ ﺍﻟﺒﻴﺖ ﻋﻤﻜﻢ ﻋﻴﺐ ﺍﻧﻄﺎﻧﻪ ﺑﻨﺘﻪ ﻻﺯﻡ ﻧﺮﻭﺡ ﻧﺨﻄﺒﻬﺎ
ﺍﻡ ﻣﻠﻚ .. ﻳﻌﻨﻲ ﻋﺒﺪﺍﻟﻠﻪ ﻗﺒﻞ ﺑﻴﻬﺎ ؟؟
ﺍﺑﻮ ﻣﻠﻚ .. ﺣﺘﻪ ﻟﻮ ﻣﺎﻗﺎﺑﻞ ﻳﻘﺒﻞ ﻏﺼﺒﺎً ﻋﻠﻴﻪ ﻗﺎﺑﻞ ﺍﺭﺩ ﺍﺧﻮﻳﻪ ﻭﺍﻓﺸﻠﻪ
ﻋﺒﺪﺍﻟﻠﻪ .. ﻻ ﻳﺎﺑﺔ ﺍﻧﺖ ﺍﻟﻲ ﺗﺸﻮﻓﻪ ﺻﺢ ﺳﻮﻱ ﻭﺑﻨﺖ ﻋﻤﻲ ﺍﻭﻟﻰ ﻣﻦ ﺍﻟﻐﺮﻳﺒﻪ
ﻣﻠﻚ .. ﻭﻟﻚ ﻫﺴﻪ ﺗﻄﻠﻊ ﺗﺸﺒﻪ ﻧﺎﺋﻞ 😂
ﻋﺒﺪﺍﻟﻠﻪ .. ﺳﻜﺘﻲ ﻟﺞ ﺍﻛﺴﺮ ﺭﺍﺳﺞ ﺍﺫﺍ ﺗﺤﺠﻴﻦ ﻭﺗﻨﺪﻛﻴﻦ ﺑﻤﺮﺗﻲ
ﻣﻠﻚ .. ﺍﻭﻳﻠﻲ ﺑﻌﺪﻙ ﻣﺸﺎﻳﻔﻬﺎ ﻭﻫﻴﺞ ﺍﺩﺍﻓﻌﻠﻬﺎ ﻟﻌﺪ ﻟﻮ ﺗﺸﻮﻓﻬﺎ ﺷﺴﻮﻱ ﻳﻤﻜﻦ ﺗﺸﺮﺩ 😂
ﻋﺒﺪﺍﻟﻠﻪ .. 😠😠😠
ﻣﻠﻚ .. ﺧﻠﺺ ﺧﻠﺺ ﺳﻜﺘﺖ ﻭﺍﻟﻠﻪ 🙊
ﻣﻠﻚ .. ﻃﺒﻌﺎ ﻣﺮ ﺍﺳﺒﻮﻉ ﻭﻧﺎﺋﻞ ﻣﺎ ﺑﻄﻞ ﻣﺴﺠﺎﺗﻪ ﻳﻮﻣﻴﻪ ﻳﺪﺯ ﻳﺴﺄﻝ ﻋﻠﻴﻪ ﻭﺍﻧﻲ ﻣﺎﺟﺎﻭﺏ ﻋﻠﻴﻪ
ﺑﺎﺑﺎ ﺍﺗﺼﻞ ﻉ ﻋﻤﻲ ﻣﺎﺟﺪ ﻭﻛﺎﻟﻪ ﺭﺍﺡ ﻧﺠﻴﻜﻢ ﺍﻟﺨﻤﻴﺲ ﻧﻄﻠﺐ ﺍﻳﺪ ﻭﺭﺩ ﻟﻌﺒﺪ ﺍﻟﻠﻪ ، ﻋﻤﻲ ﺭﺣﺐ ﺑﻴﻪ ﻭﻛﺎﻟﻪ ﻫﻼ ﺑﻴﻜﻢ ﺑﻜﻞ ﻭﻗﺖ
ﻋﺒﺪﺍﻟﻠﻪ .. ﻣﻨﻮﺭﺓ ﻟﺴﺎﻥ ﻣﻠﻚ ﺑﻘﻴﺖ ﺍﻓﻜﺮ ﺧﺎﻑ ﺻﺪﻙ ﺗﻄﻠﻊ ﻭﺭﺩ ﻣﻮ ﺣﻠﻮﺓ ،، ﺍﻧﻮﺏ ﻣﺎﻛﺪﺭ ﺍﻓﺸﻞ ﺍﺑﻮﻳﻪ ﻭﻳﻪ ﻋﻤﻲ ﻭﻫﻤﻪ ﺑﻠﻜﻮﺓ ﺗﺼﺎﻟﺤﻮﺍ ، ﻳﺎﺭﺏ ﻛﻮﻥ ﻳﻄﻠﻊ ﺷﻜﻠﻬﺎ ﺯﻳﻦ ﻣﺎﺭﻳﺪﻫﺎ ﺣﻠﻮﻩ ﻛﻠﺶ ﺑﺲ ﻛﻮﻥ ﺷﻜﻠﻬﺎ ﻣﻘﺒﻮﻝ ﻭﻣﻮ ﺣﻮﻟﻪ
ﻣﻠﻚ .. ﻭﻟﻚ ﻫﺎﻱ ﻣﻨﻮ ﺍﻟﻤﺘﺮﻳﺪﻫﺎ ﺗﻄﻠﻊ ﺣﻮﻟﻪ ﺍﻛﻴﺪ ﻭﺭﺩ 😂
ﻋﺒﺪﺍﻟﻠﻪ .. ﺍﻋﻮﺫ ﺑﺎﻟﻠﻪ ﻭﻟﺞ ﺟﻨﻴﺔ ﻣﻨﻴﻦ ﻃﻠﻌﺘﻴﻠﻲ ﻭﺍﺣﺪ ﻣﻴﻜﺪﺭ ﻳﺤﺠﻲ ﻭﻳﻪ ﻧﻔﺴﻪ ﺑﻬﻞ ﺍﻟﺒﻴﺖ 😒
ﻣﻠﻚ .. ﺷﻴﺠﻴﺐ ﺑﺎﺟﺮ ﻭﺍﺻﺒﺮ ﺷﻠﻮﻥ ﺑﺎﺟﺮ ﺍﻟﺘﻘﻲ ﻭﻳﻪ ﺍﺣﻮﻝ ﺍﻧﺴﺎﻥ 😂😂
ﻋﺒﺪﺍﻟﻠﻪ .. ﻟﺞ ﻗﻨﺪﺭﺓ 📱 ﻃﺮﺭﺏ
ﻣﻠﻚ .. ﺍﺍﺍﺍﺥ ﻫﺬﺍ ﻣﻮ ﻣﻮﺑﺎﻳﻞ ﻏﻀﺐ ﻓﻠﺶ ﺭﺍﺳﻲ ﺗﻔﻠﺶ 😫
ﻋﺒﺪﺍﻟﻠﻪ .. ﺣﺘﻪ ﺗﺒﻄﻠﻴﻦ ﺳﻮﺍﻟﻔﺞ ﺍﺩﺏ ﺳﺰﺯ
ﻣﻠﻚ .. ﺍﺟﺔ ﺛﺎﻧﻲ ﻳﻮﻡ ﻃﻠﻌﻨﻪ ﻣﻦ ﺍﻟﻔﺠﺮ ، ﺍﻭﻭﻑ ﻫﻞ ﺍﻟﻄﺮﻳﻖ ﺷﻄﻮﻟﻪ ﺭﺍﺳﻲ ﺩﺍﺥ ، ﻭﻟﺞ ﻣﺴﻚ ﺷﻠﻮﻥ ﺭﺍﺡ ﺗﻌﻴﺸﻴﻦ ﺑﻌﻴﺪ ﻋﻠﻴﻨﻪ ،،ﺷﺎﻭﺭﺗﻬﺎ ،،
ﻣﺴﻚ .. ﻭﻟﺞ ﻭﺍﻟﻠﻪ ﻟﻮ ﺑﻐﻴﺮ ﻛﻮﻛﺐ ﻫﻢ ﺍﻋﻴﺶ ﺍﻫﻢ ﺷﻲ ﺍﺧﺬ ﺍﻟﻲ ﺍﺣﺒﺔ
ﻣﻠﻚ .. ﺳﻜﺘﻲ ﺳﻜﺘﻲ ﻣﻨﻰ ﺫﺍﺑﺔ ﺍﺫﻧﻬﺎ ﻳﻤﻨﻪ ﺗﺮﻳﺪ ﺑﺲ ﺗﺴﻤﻊ
،
ﻭﺻﻠﻨﻪ ﻟﺒﻴﺖ ﻋﻤﻲ ﺑﻴﺘﻬﻢ ﻋﺎﺩﻱ ﺑﺴﻴﻂ ،، ﺍﺳﺘﻘﺒﻠﻨﻪ ﻋﻤﻲ ﻭﻣﺮﺗﻪ ، ﻣﺮﺕ ﻋﻤﻲ ﻛﻠﺶ ﺣﺒﺎﺑﺔ ﻭﻓﻘﻴﺮﺓ ﺩﺧﻠﻨﻪ ﻭﺍﺟﻨﻲ ﺑﻨﺎﺕ ﺍﺭﺑﻌﻪ ﺍﻛﻴﺪ ﺫﻧﻲ ﺑﻨﺎﺕ ﻋﻤﻲ ﻛﻌﺪﻧﻪ ﻗﺪﻣﻮﻟﻨﻪ ﻣﻲ ﻭﻋﺼﺎﻳﺮ ﺷﻮﻳﻪ ﻟﺦ ﺍﻧﻔﺮﺷﺖ ﺍﻟﺴﻔﺮﺓ ﻭﺍﻧﺼﺐ ﺍﻟﻐﺪﺓ ﻃﺒﻌﺎ ﺍﻟﺰﻟﻢ ﻭﺣﺪ ﻭﺍﻟﻨﺴﻮﺍﻥ ﻭﺣﺪ ،،
... 
ﻣﺴﻚ .. ﺍﻭﻭﻑ ﻣﺜﻞ ﻣﺘﻮﻗﻌﺖ ﻣﻜﺪﺭ ﻭﺍﺋﻞ ﻳﻨﺰﻝ ، ﻧﺴﻴﺖ ﺍﻛﻠﻠﻜﻢ ﻭﺍﺋﻞ ﻣﻨﺘﺴﺐ ﺑﺎﻟﺠﻴﺶ ،، ﺷﻜﺪ ﺟﻨﺖ ﻣﺸﺘﺎﻗﺘﻠﺔ 😔
ﻣﻠﻚ .. ﻟﺞ ﻣﺴﻚ ﺑﺎﻭﻋﻲ ﻫﺬﺍ ﻣﻨﻮ
ﻣﺴﻚ .. ﺭﻓﻌﺖ ﺭﺃﺳﻲ ﻭﺷﻔﺖ ﻭﺍﺋﻞ ،،ﻳﻤﻪ ﻓﺪﻭﺓ ﻟﻠﻌﺴﻜﺮﻱ ﺍﺭﻭﺡ ﺑﮕﻠﺒﻲ ﺣﺠﻴﺖ،، ﺍﺑﺘﺴﻤﺖ ﻭﺩﻧﻜﺖ
ﻭﺍﺋﻞ .. ﺍﺭﻭﺡ ﻓﺪﻭﺓ ﻟﻠﺨﺠﻞ ﺑﮕﻠﺒﻲ، ﻭﻫﻮ ﺍﻧﻲ ﺍﻛﺪﺭ ﻣﺎ ﺍﻧﺰﻝ ﻭﺍﺷﻮﻑ ﻫﻞ ﻭﺟﻪ ﺍﻟﺴﻤﺢ 😍 ﻳﻤﻪ ﺷﻠﻮﻥ ﺍﺑﺘﺴﺎﻣﺔ ،، ﺳﻠﻤﺖ ﻉ ﻣﺮﺕ ﻋﻤﻲ ﻭﺍﻟﺒﻨﺎﺕ ﻭﺩﺧﻠﺖ ﺍﻻﺳﺘﻘﺒﺎﻝ ﺳﻠﻤﺖ ﻉ ﻋﻤﻲ ﻭﻟﺪﻩ
ﻣﻠﻚ .. ﺍﺗﻮﻗﻌﺖ ﺍﺷﻮﻑ ﻧﺎﺋﻞ ﻭﻳﻠﺰﻙ ﻣﺜﻞ ﻣﺎﻳﺴﻮﻱ ﻳﻮﻣﻴﻪ ﺑﺎﻟﻤﺴﺠﺎﺕ ﺑﺲ ﺍﺳﺘﻐﺮﺑﺖ ﻣﺎﻛﻮ ﻭﻫﻮ ﻳﺪﺭﻱ ﺍﺣﻨﻪ ﺟﺎﺍﻳﻴﻦ ﺍﻟﺼﺮﺍﺣﻪ ﺑﺪﻳﺖ ﺍﺗﻌﻮﺩ ﻋﻠﻴﻪ ﻭﻉ ﻣﺴﺠﺎﺗﻪ ﻣﺮﺍﺕ ﻳﻀﺤﻜﻨﻲ ﺑﻴﻬﻦ
ﻧﺎﺋﻞ .. ﻣﻦ ﻋﺮﻓﺖ ﺑﻴﺖ ﻋﻤﻲ ﺭﺍﺡ ﻳﺠﻮﻥ ﻣﻦ ﺍﻟﺼﺒﺢ ﻃﻠﻌﺖ ﺭﺣﺖ ﺍﻟﺒﻴﺖ ﺻﺪﻳﻘﻲ ﺭﺩﺕ ﺍﺑﻴﻊ ﺛﮕﻞ ﻉ ﻣﻠﻚ
ﻋﺒﺪﺍﻟﻠﻪ .. ﺑﺪﺓ ﺍﺑﻮﻳﻪ ﻳﺤﺠﻲ ﻭﻳﻪ ﻋﻤﻲ ﺑﻤﻮﺿﻮﻉ ﺍﻟﺨﻄﺒﺔ ﻭﺍﻧﻲ ﮔﻠﺒﻲ ﻉ ﺍﻳﺪﻱ ﺍﻓﻜﺮ ﺷﻠﻮﻥ ﺷﻜﻠﻬﺎ ﻭﻃﺒﻌﻬﺎ ﺍﺭﻳﺪ ﺑﺲ ﺍﺷﻮﻓﻬﺎ ﻣﺘﺖ
ﻣﻠﻚ .. ﺑﺪﻭﺍ ﻳﺤﺠﻮﻥ ﺍﻟﺰﻟﻢ ﺑﺎﻟﺨﻄﺒﺔ ﻭﺍﻟﺒﻨﺎﺕ ﺍﻟﻲ ﻣﻮﺟﻮﺩﺍﺕ ﺍﺭﺑﻌﺘﻬﻦ ﺍﻧﺘﺒﻬﺖ ﻋﻠﻴﻬﻦ ﺑﻴﺪﻫﻦ ﺣﻠﻘﺎﺕ ﻭﺣﺪﻩ ﻣﻨﻬﻦ ﺣﻠﻘﺘﻬﺎ ﺑﺎﻟﻴﻤﻨﻪ ﻣﻌﻘﻮﻟﻪ ﻫﺎﻱ ﻭﺭﺩ ﺑﺲ ﻻ ﻣﺨﻄﻮﺑﺔ ﺯﻳﻦ ﺷﻠﻮﻥ ﻋﻤﻲ ﻳﻨﻄﻴﻬﺎ ﺍﺫﺍ ﻣﺨﻄﻮﺑﺔ ؟؟
ﺍﻡ ﻣﻠﻚ .. ﺍﻡ ﺇﺑﺮﺍﻫﻴﻢ ﻟﻌﺪ ﻭﻳﻦ ﻭﺭﺩ ﺷﻮ ﻣﺸﻔﻨﺎﻫﺎ
ﺍﻡ ﺇﺑﺮﺍﻫﻴﻢ .. ﻣﺴﺘﺤﻴﺔ ﺗﻨﺰﻝ ، ﻧﺴﻴﺖ ﺍﻋﺮﻓﺞ ﻫﺬﻧﻲ ﺳﺎﺭﺓ ﻭﺗﺒﺎﺭﻙ ﻭﺑﺮﺍﺀ ﺑﻨﺎﺗﻲ ﺍﻟﻜﺒﺎﺭ ، ﻭﻫﺎﻱ ﺭﻳﻢ ﻣﺮﺕ ﺇﺑﺮﺍﻫﻴﻢ
ﺍﻡ ﻣﻠﻚ .. ﺍﻟﻠﻪ ﻳﺨﻠﻴﻬﻦ ﺍﻟﺞ ﺣﺒﻴﺒﺔ، ﺍﺣﻨﻪ ﻧﺮﻳﺪ ﻧﺸﻮﻑ ﺟﻨﺘﻨﻪ
ﻣﻠﻚ .. ﺍﺷﺎﻭﺭ ﻣﺴﻚ ﻭﺍﻛﻮﻟﻠﻬﺎ ﺍﻛﻴﺪ ﻣﺘﻨﺰﻝ ﺗﺨﺎﻑ ﻧﺸﺮﺩ 😁
ﻣﺴﻚ .. ﻭﻟﺞ ﺍﺛﻜﻠﻲ ﺷﻮﻳﻪ ﺑﻼ ﺗﻤﻀﺤﻚ
ﻣﻠﻚ .. ﺻﺎﺣﺖ ﻣﺮﺕ ﻋﻤﻲ ﻭﺭﺩ ﻭﻧﺰﻟﺖ ﻻﺑﺴﺔ ﻓﺴﺘﺎﻥ ﺣﻠﻮ ﻭﺷﻌﺮﻫﺎ ﻳﺨﺒﻞ ﻃﻮﻳﻞ ﻋﺒﺎﻟﻚ ﻋﺒﺎﻳﺔ ﻭﻛﻠﺶ ﻣﻼﻣﺤﻬﺎ ﺣﻠﻮﺓ ﻭﻣﺤﺒﻮﺑﻪ ﻃﻠﻌﺖ ﺑﻜﺪ ﻣﺴﻚ ﻋﻤﺮﻫﺎ 19 ﺳﻨﻪ ﺑﺲ ﺧﻄﻴﺔ ﻣﺪﻧﻜﻪ ﻭﻣﺴﺘﺤﻴﺔ ،، ﺑﺎﻟﻌﺎﻓﻴﺔ ﻋﻠﻴﻚ ﻋﺒﺪﺍﻟﻠﻪ ﻉ ﻫﺎﻱ ﺍﻟﺠﻮﻫﺮﺓ
ﻋﺒﺪﺍﻟﻠﻪ .. ﺍﺑﻮﻳﻪ ﻛﺎﻝ ﺍﻟﻌﻤﻲ ﻧﻘﺮﺓ ﺍﻟﻔﺎﺗﺤﺔ ، ﻳﺎﺭﺏ ﺍﻧﻮﺏ ﺣﺘﻪ ﻣﺸﻔﺘﻬﺎ ، ﺑﺪﻭ ﻳﻘﺮﻭﻥ ﺍﻟﻔﺎﺗﺤﺔ ﻭﺍﻧﻲ ﺑﺲ ﺭﺍﻓﻊ ﺍﻳﺪﻱ ﺍﺻﻼ ﻧﺴﻴﺖ ﺍﻵﻳﺔ ، ﺷﻮﺭﻃﻨﻲ ﻭﻗﺒﻠﺖ 😔
ﺍﺑﻮ ﺍﺑﺮﺍﻫﻴﻢ .. ﺍﻡ ﺍﺑﺮﺍﻫﻴﻢ ﺟﻴﺒﻮﺍ ﺍﻟﻌﺼﻴﺮ
ﻣﻠﻚ .. ﻣﻦ ﻗﺮﻭﺍ ﺍﻟﻔﺎﺗﺤﺔ ﺍﻣﻲ ﻭﺍﺧﺘﻲ ﺍﻟﺠﺒﻴﺮﺓ ﻛﺎﻣﻮﺍ ﻳﻬﻠﻬﻠﻮﻥ ﻭﺍﻣﻬﺎ ﻛﻠﺘﻠﻬﺎ ﺷﻴﻠﻲ ﺷﻌﺮﺝ ﻭﻟﺒﺴﻲ ﺷﺎﻝ ﻭﺩﺧﻠﻲ ﺍﻟﻌﺼﻴﺮ ،، ﺭﺍﺳﺎ ﻛﻤﺖ ﻛﻠﺘﻠﻬﺎ ﺗﺮﻩ ﻋﺒﺪﺍﻟﻠﻪ ﻻﺑﺲ ﻗﻤﻴﺺ ﺳﻤﺎﺋﻲ، ﺧﻄﻴﺔ ﺧﺠﻠﺖ
ﻋﺒﺪﺍﻟﻠﻪ .. ﻛﺎﻋﺪ ﻉ ﻧﺎﺭ ﺍﻧﺘﻈﺮ ﻭﺭﺩ ﺗﺪﺧﻞ ، ﺍﻭﻝ ﻣﺎﺩﺧﻠﺖ ﻭﺷﻔﺘﻬﺎ ﮔﻠﺒﻲ ﻃﺎﺭ ﻋﻠﻴﻬﺎ ﺳﺒﺤﺎﻥ ﺍﻟﻠﻪ ﺍﻟﻲ ﻛﺎﻝ ‏« ﻭﺟﻌﻠﻨﻪ ﺑﻴﻨﻬﻢ ﻣﻮﺩﺓ ﻭﺭﺣﻤﺔ ‏» ﺳﺒﺤﺎﻥ ﺍﻟﺨﻠﻘﻬﺎ ﺣﻠﻮﺓ ﺗﺨﺒﻞ ﺍﻟﺤﻤﺪ ﻟﻠﻪ ﺷﻔﺘﻬﺎ ﺑﺎﻭﻋﺖ ﺑﻌﻴﻨﻲ ﻣﻦ ﺩﺗﻘﺪﻡ ﺍﻟﻌﺼﻴﺮ ﺑﺲ ﻣﻦ ﺍﻟﺨﺠﻞ ﺻﺎﻳﺮﺓ ﺣﻤﺮﺓ ﺩﻡ 😍
ﻣﻠﻚ .. ﺑﺎﺑﺎ ﻛﺎﻝ ﺧﻠﻲ ﻧﻌﻘﺪﻟﻬﻢ ﺳﻴﺪ ﻭﻧﻔﻀﻬﺎ ﺣﺘﻪ ﻓﺪﻳﻮﻡ ﻧﺤﺪﺩ ﻣﻮﻋﺪ ﺍﻟﻌﺮﺱ ، ﻭﺭﺓ ﺷﻮﻳﺔ ﺩﺧﻞ ﻧﺎﺋﻞ ﻭﻳﺎﻩ ﺍﻟﺴﻴﺪ ﻣﻦ ﺷﻔﺘﻪ ﻣﺎﺍﻋﺮﻑ ﺣﺴﻴﺖ ﺍﻛﻮ ﺷﻲ ﺑﺪﺍﺧﻠﻲ ﻓﺮﺡ ﺭﺃﺳﺎ ﺍﺑﺘﺴﻤﺖ
.... 
ﻧﺎﺋﻞ .. ﺩﺧﻠﺖ ﻟﻠﺒﻴﺖ ﻭﻳﺎﻳﻪ ﺍﻟﺴﻴﺪ ﻻﻥ ﺍﻟﻮﺍﻟﺪ ﺍﺗﺼﻞ ﺑﻴﻪ ﻭﻛﺎﻟﻲ ﺟﻴﺐ ﺳﻴﺪ ﻭﺗﻌﺎﻝ ، ﺭﺣﺖ ﺍﻛﻮﻝ ﻻﻣﻲ ﺣﺘﻪ ﻭﺭﺩ ﺗﺤﻈﺮ ﻧﻔﺴﻬﺎ ، ﻭﺷﻔﺖ ﺍﻟﺤﺐ ﻛﺎﻋﺪ ﻭﻳﻪ ﺧﻮﺍﺗﻲ ﻭﻣﺮﺕ ﺍﺑﺮﺍﻫﻴﻢ ﺷﺎﻓﺘﻨﻲ ﺍﺑﺘﺴﻤﺖ ﻭﺩﻧﻜﺖ ، ﻋﺮﻓﺖ ﺑﻴﻬﺎ ﻭﻛﻌﺖ ﺑﺤﺒﻲ 😈
ﻣﻠﻚ .. ﻋﻘﺪﻟﻬﻢ ﺍﻟﺴﻴﺪ ﻭﻛﻌﺪﻧﻪ ﺳﻮﺓ ﻛﻠﻨﻪ ﻭﺑﻘﻮﺍ ﻋﺒﺪﺍﻟﻠﻪ ﻭ ﻭﺭﺩ ﻭﺣﺪﻫﻢ ﻛﺎﻋﺪﻳﻦ ﺣﺘﻪ ﻭﺍﺣﺪ ﻳﺘﻌﺮﻑ ﻉ ﺍﻟﺜﺎﻧﻲ
ﻋﺒﺪﺍﻟﻠﻪ .. ﺭﺍﺡ ﺍﻟﺴﻴﺪ ﻭﺷﻮﻳﻪ ﺍﻻﻫﻞ ﺍﺣﺘﻔﻠﻮﺍ ﻭﻃﻠﻌﻮﺍ ﻣﻦ ﺍﻻﺳﺘﻘﺒﺎﻝ ﺑﻘﻴﻨﻪ ﺍﻧﻲ ﻭ ﻭﺭﺩ ﻛﺎﻋﺪﻳﻦ ﻫﻴﻪ ﻻﺑﺴﺔ ﺷﺎﻝ ﻭﻣﺪﻧﻜﻪ ﻭﺍﻧﻲ ﻛﺎﻋﺪ ﺑﺼﻔﻬﺎ ﻉ ﺍﻟﻘﻨﻔﺔ ، ﺷﻠﻮﻧﺞ ﻭﺭﺩ
ﻭﺭﺩ .. ﺑﺨﺠﻞ ،،، ﺍﻟﺤﻤﺪ ﻟﻠﻪ
ﻋﺒﺪﺍﻟﻠﻪ .. ﻟﻴﺶ ﻣﺴﺘﺤﻴﺔ ﺍﻧﻲ ﺻﺮﺕ ﺭﺟﻠﺞ ﺑﻌﺪ ، ﺍﻟﻤﻔﺮﻭﺽ ﺍﻱ ﺧﺠﻞ ﻣﺎﻛﻮ ﺑﻴﻨﻪ
ﻭﺭﺩ .. ﺍﻥ ﺷﺎﺀ ﺍﻟﻠﻪ
ﻋﺒﺪﺍﻟﻠﻪ .. ﻭﺭﺩ ﺍﻧﺘﻲ ﺷﻤﺨﻠﺼﺔ ؟؟
ﻭﺭﺩ .. ﺛﺎﻟﺚ ﻣﺘﻮﺳﻂ،
ﻋﺒﺪﺍﻟﻠﻪ .. ﻣﻮ ﻛﻠﻨﻪ ﻻﺯﻡ ﺍﻱ ﺧﺠﻞ ﻣﺎﻛﻮ ﻟﻴﺶ ﻣﺪﻧﻜﻪ ﺷﻨﻮ ﻣﻌﺎﺟﺒﺞ ﺍﻧﻲ
ﻭﺭﺩ .. ﻭﺍﻟﻠﻪ ﻣﻮ ﺑﻴﺪﻱ ﺍﺳﺘﺤﻲ
ﻋﺒﺪﺍﻟﻠﻪ .. ﺭﻓﻌﻲ ﺭﺍﺳﺞ ﺍﺭﻳﺪ ﺍﺷﻮﻑ ﻋﻴﻮﻧﺞ ﺍﻟﺤﻠﻮﺓ ، ﺭﻓﻌﺖ ﺭﺍﺳﻬﺎ ﺍﻭﻳﻠﻲ ﻏﺮﻛﺖ ﺑﻌﻴﻮﻧﻬﺎ ﺍﻟﻜﺒﺎﺭ ﻳﺨﺒﻠﻦ ﺍﻟﻌﺎﻗﻞ ، ﻭﺭﺩ ﻧﺰﻋﻲ ﺍﻟﺸﺎﻝ ﺍﺭﻳﺪ ﺍﺷﻮﻑ ﺷﻌﺮﺝ
ﻭﺭﺩ .. 😳😳 ﺣﺘﻪ ﺃﺑﻮﻳﻪ ﻳﺬﺑﺤﻨﻲ ﻭﺍﻟﻠﻪ
ﻋﺒﺪﺍﻟﻠﻪ .. ﺑﻌﺪ ﻣﺎﻛﻮ ﺃﺑﻮﻳﻪ ﻭﺍﺧﻮﻳﻪ ﺑﻌﺪ ﺻﺮﺗﻲ ﻣﺮﺗﻲ ﺣﻼﻟﻲ ﺍﻛﺪﺭ ﻫﺴﻪ ﺍﺧﺬﺝ ﻭﻳﺎﻳﻪ ﻟﺒﻐﺪﺍﺩ ﻭﻧﺘﺰﻭﺝ ﻭﻋﻤﻲ ﺍﺩﺭﻱ ﺑﻲ ﻣﺎﻋﻨﺪﻩ ﺍﻋﺘﺮﺍﺽ
ﻭﺭﺩ .. ﻫﻮ ﻳﺤﺠﻲ ﻭﺍﻧﻲ ﮔﻠﺒﻲ ﻳﺮﻳﺪ ﻳﻄﻠﻊ ﻣﻦ ﻣﻜﺎﻧﻪ ﺍﺭﺟﻒ، ﺑﺲ ﺍﻭﻝ ﻣﺸﻔﺖ ﻋﺒﺪﺍﻟﻠﻪ ﺣﺒﻴﺘﻪ ﻓﺪﻭﺓ ﺍﻟﻌﻤﺮﻩ ﺻﺪﻙ ﺭﺟﺎﻝ ﻭﺑﻲ ﻛﻞ ﻣﻮﺍﺻﻔﺎﺕ ﺍﻟﺮﺟﻮﻟﻪ 😍
ﻋﺒﺪﺍﻟﻠﻪ .. ﺍﻧﻲ ﺍﺣﺠﻲ ﻭﻫﻴﻪ ﻭﻻ ﻳﻤﻬﺎ ﻣﺪﻧﻜﻪ ﻭﺧﺠﻼﻧﻪ ، ﻣﺪﻳﺖ ﺍﻳﺪﻱ ﻉ ﺷﺎﻟﻬﺎ ﻭﺧﺮﺗﻪ ،، ﻭﻧﺼﺪﻣﺖ ﺑﺎﻟﻲ ﺷﻔﺘﻪ ﻧﺰﻝ ﺷﻌﺮﻫﺎ ﻣﻲ ﺣﺮﻳﺮ ﻣﺎﺍﻋﺮﻑ ﺍﻭﺻﻔﻪ ﻳﺠﻨﻦ ﺭﺃﺳﺎ ﺻﻠﻴﺖ ﻉ ﺍﻟﻨﺒﻲ ﻭﻛﻠﺘﻠﻬﺎ ﻣﺎﺷﺎﺀ ﺍﻟﻠﻪ ﺣﻘﻪ ﻋﻤﻲ ﻳﺬﺑﺤﺞ ﺍﺫﺍ ﻧﺰﻋﺘﻲ ﺍﻟﺸﺎﻝ ، ﻭﻟﺞ ﺍﻟﻴﻮﻡ ﺍﻟﻌﺮﺱ ﻫﺴﻪ ﺍﻛﻠﻠﻬﻢ ﺷﻴﺼﺒﺮﻧﻲ ﺷﻬﺮﻳﻦ
ﻭﺭﺩ .. ﻋﺰﻩ ﺟﺮ ﺍﻟﺸﺎﻝ ﻣﻦ ﺭﺍﺳﻲ ﻭﻛﻌﺪ ﻳﺘﻐﺰﻝ ﺑﻴﻪ ﻭﺍﻧﻲ ﺍﺣﺲ ﻧﻔﺴﻲ ﻃﻤﺴﺖ ﺑﺎﻟﻘﻨﻔﻪ ﻣﻦ ﺍﻟﻤﺴﺘﺤﺔ ﻭﺍﻟﺨﺠﻞ ، ﺑﺴﺮﻋﻪ ﺍﺧﺬﺕ ﺍﻟﺸﺎﻝ ﻣﻦ ﺍﻳﺪﻩ ﻭﺧﻠﻴﺘﻪ ﻉ ﺭﺍﺳﻲ
ﻣﻠﻚ .. ﺷﻮ ﺫﻭﻟﻪ ﻃﻮﻟﻮﺍ ﻭﺍﻧﻲ ﻣﻮ ﻓﻀﻮﻟﻴﺔ ﺍﺑﺪ ﺍﺭﻳﺪ ﺑﺲ ﺍﻋﺮﻑ ﺷﻜﻮ ﻳﻤﻬﻢ ﻫﻬﻬﻬﻬﻬﻬﻬﻪ ،
ﺑﻨﻔﺲ ﺍﻟﻮﻗﺖ ﺍﻛﻮ ﻋﻴﻮﻥ ﻧﺎﻋﺴﻪ ﻃﻮﻝ ﺍﻟﻜﻌﺪﻩ ﻣﺎﻓﺎﺭﻛﺘﻨﻲ ﻭﺍﻧﻲ ﻣﺎﺍﻋﺮﻑ ﻭﻳﻦ ﺍﻭﺩﻱ ﻭﺟﻬﻲ ﺍﺭﺗﺒﻜﺖ ﻭﺑﻘﻴﺖ ﻣﺪﻧﻜﺔ .
ﻧﺎﺋﻞ .. ﺻﺎﺭﺕ ﺧﻄﺒﺔ ﻭﺭﺩ ﻭ ﻋﺒﺪﺍﻟﻠﻪ ﻭﺍﻟﻜﻞ ﻳﺴﻮﻟﻒ ﻭﻣﻠﺘﻬﻴﻦ ﻭﻣﻠﻚ ﻛﺎﻋﺪﻩ ﻣﺜﻞ ﺍﻟﻤﻼﻙ ﻫﺎﺩﺋﻪ ﻭﻣﺎﻟﻬﺎ ﺻﻮﺕ ﻭﺍﻧﻲ ﻣﺎﻛﺪﺭﺕ ﺍﺷﻴﻞ ﻋﻴﻨﻲ ﻣﻨﻬﺎ ﺑﻴﻬﺎ ﺟﺎﺫﺑﻴﺔ ﺗﺨﻠﻴﻨﻲ ﻣﺎﻛﺪﺭ ﺣﺘﻪ ﺍﺭﻣﺶ ﻣﻦ ﻫﻴﻪ ﻛﺒﺎﻟﻲ ﻋﺒﺎﻟﻚ ﻣﻮ ﺑﻨﻴﺔ ﻣﻐﻨﺎﻃﻴﺲ 😍
ﻣﻠﻚ .. ﺑﻘﻴﻨﻪ 3 ﺍﻳﺎﻡ ﺑﻴﺖ ﻋﻤﻲ ﻃﺒﻌﺎ ﺣﺮﺍﻣﺎﺕ ﻫﻞ ﺳﻨﻴﻦ ﻛﻠﻬﺎ ﺭﺍﺣﺖ ﻭﺍﺣﻨﻪ ﻣﺤﺮﻭﻣﻴﻦ ﻣﻨﻬﻢ ﻛﻠﺶ ﺣﺒﺎﺑﻴﻦ ﻭﺧﺎﺻﺔ ﺍﻟﺒﻨﺎﺕ ﻭ ﻭﺭﺩ ﻛﻠﺶ ﻟﻄﻴﻔﺎﺕ ،، ﺑﺲ ﺣﺴﻴﻨﻪ ﺍﻧﻲ ﻭﻣﺴﻚ ﺑﻤﻨﻰ ﻏﻴﺮﺍﻧﻪ ﻣﻦ ﻭﺭﺩ ﺗﺒﺎﻭﻋﻠﻬﺎ ﺻﻔﺢ ﻃﻮﻝ ﺍﻟﻮﻗﺖ ، ﺑﻌﺪ ﻧﺴﻮﺍﻥ ﺣﻤﺎ ﺍﻛﻴﺪ ﺗﺼﻴﺮ ﺑﻴﻨﻬﻢ ﻏﻴﺮﺓ ﻭﺣﺰﺍﺯﻳﺔ ،،
ﻭﻋﺒﺪﺍﻟﻠﻪ ﺍﻭﻳﻠﻲ ﻉ ﻋﺒﺪﺍﻟﻠﻪ ﻃﺎﻳﺮ ﺑﻮﺭﺩ ﻋﺒﺎﻟﻚ ﻣﻤﺼﺪﻙ ﻛﻠﺴﺎﻉ ﻳﺒﻮﺱ ﺭﺍﺱ ﻋﻤﻲ ﻭﻳﺘﺸﻜﺮﺓ ﻉ ﻫﻴﺞ ﻫﺪﻳﺔ 😂
ﺻﺎﺭ ﺍﻟﻠﻴﻞ ﻭﺑﺎﺟﺮ ﺍﻟﻔﺠﺮ ﻻﺯﻡ ﻧﻜﻌﺪ ﺣﺘﻪ ﻧﺮﺟﻊ ﻟﺒﻐﺪﺍﺩ ، ﻛﺎﻋﺪﻳﻦ ﻛﻠﻨﻪ ﺳﻬﺮﺍﻧﻴﻦ ﺑﺎﻟﺤﻮﺵ ﻣﺎﻟﺘﻬﻢ ﻛﻠﺶ ﺟﺒﻴﺮ ،، ﻭﺍﻧﻲ ﻧﺤﺼﺮﺕ ، ﺗﻮﺳﻠﺖ ﺑﻤﺴﻚ ﺗﺠﻲ ﻭﻳﺎﻳﻪ ﺍﻻﺧﺖ ﺑﻐﻴﺮ ﻋﺎﻟﻢ ﻣﻜﺎﺑﻠﺔ ﻭﺍﺋﻞ ﻭﺍﺣﺪ ﺻﺎﻓﻦ ﻉ ﺍﻟﺜﺎﻧﻲ ﻭﻳﻮﺯﻋﻮﻥ ﺍﺑﺘﺴﺎﻣﺎﺕ ،
ﻛﻤﺖ ﻭﺣﺪﻱ ﻭﺩﺧﻠﺖ ﻟﻠﺤﻤﺎﻡ ﺧﻠﺼﺖ ﻃﻠﻌﺖ ﺍﻏﺴﻞ ﺍﻳﺪﻱ ﻭﺍﺷﻮﻑ ﻧﺎﺋﻞ ﻛﺒﺎﻟﻲ
..... 
يتبع... 

روايات - Novels

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

تحويل كودإخفاء محول الأكواد الإبتساماتإخفاء

:)
:(
=(
^_^
:D
=D
=)D
|o|
@@,
;)
:-bd
:-d
:p
:ng
:lv
شكرا لك ولمرورك
الاشتراك في: تعليقات الرسالة (Atom)