رواية عشقت فصليتي الجزء السادس
..
ﻋﺸﻘﺖ _ ﻓﺼﻠﻴﺘﻲ
ﺍﻟﺒﺎﺭﺕ ﺍﻝ 6
ﺑﻘﻠﻤﻲ # ﻣﻴﺪﻳﺎ _ ﺍﻟﻔﻬﺪ
ﻋﺒﺪﺍﻟﻠﻪ .. ﺍﻧﻄﻴﻨﺎﺝ ﻓﺼﻠﻴﺔ ﻻﺧﻮ ﻧﻬﻰ
ﻣﻠﻚ .. 😨 ﺷﻨﻮ ﻓﺼﻠﻴﺔ ﻳﻌﻨﻲ ﻣﺎﻓﺘﻬﻤﺖ ، ﻣﺎﻣﺎ ﻟﻴﺶ ﺗﺒﺠﻴﻦ ﺗﺮﻩ ﻣﺪﺍ ﺍﺳﺘﻮﻋﺐ ﺍﻟﻲ ﺩﻳﺼﻴﺮ ، ﺍﺣﺪ ﻳﻔﻬﻤﻨﻲ
ﺍﻡ ﻣﻠﻚ .. ﺍﻣﻲ ﺣﺒﻴﺒﺘﻲ ﻭﺍﻟﻠﻪ ﺻﻌﺒﺔ ﻋﻠﻴﻪ ﺍﻧﻄﻴﺞ ﺍﻟﻨﺎﺱ ﻏﺮﺑﺔ ﺑﺲ ﺍﺫﺍ ﻣﺎﻧﻄﻴﺞ ﺗﺼﻴﺮ ﻣﺸﺎﻛﻞ ﻭﺍﺧﻮﺍﻧﺞ ﻛﻠﻬﻢ ﻳﻨﻜﺘﻠﻮﻥ ﺍﻟﻠﻪ ﻣﺎﺍﻋﺮﻑ ﺷﺴﻮﻱ ﺍﻧﻲ ﺑﻴﻦ ﻧﺎﺭﻳﻦ
ﻣﻠﻚ .. ﻣﺎﻣﺎ ﻭﺍﻧﻲ ﻭﻣﺴﺘﻘﺒﻠﻲ ﻭﻛﻠﻴﺘﻲ ﺷﻠﻮﻥ ؟ ﺷﻠﻮﻥ ﺍﻋﻴﺶ ﺑﻴﺖ ﻧﺎﺱ ﻣﺎﺍﻋﺮﻓﻬﻢ ﻓﻬﻤﻴﻨﻲ ﺷﻠﻮﻥ ، ﻣﺴﺘﺤﻴﻞ ﺍﻫﺪﻡ ﻛﻞ ﺣﻴﺎﺗﻲ ﺑﺴﺒﺐ ﺧﻄﺄ ﻣﺎﻟﻲ ﺫﻧﺐ ﺑﻲ ﺍﻧﻲ ﻣﺴﺘﺤﻴﻞ ﺍﺭﻭﺡ ﻭﻳﺎﻙ ﻋﺒﺪﺍﻟﻠﻪ
ﻋﺒﺪﺍﻟﻠﻪ .. ﻟﺞ ﺑﺎﺑﺎ ﺗﺼﻴﺮ ﻣﺬﺍﺑﺢ ﺍﺫﺍ ﺑﺎﺟﺮ ﻣﺎﻭﺩﻳﻨﺎﺝ ، ﻏﺼﺒﺎ ﻋﻠﻴﺞ ﺗﺮﻭﺣﻴﻦ
ﻣﻠﻚ .. ﻟﻚ ﻋﺒﺪﺍﻟﻠﻪ ﻫﻴﺞ ﺍﻫﻮﻥ ﻋﻠﻴﻚ ﻣﻮ ﺍﻧﻲ ﺷﺮﻓﻚ ﻭﻋﺮﺿﻚ ﻫﻴﺞ ﻋﺎﺩﻱ ﻋﻨﺪﻙ ﺍﺭﻭﺡ ﺍﻛﻌﺪ ﺑﻴﺖ ﻧﺎﺱ ﻏﺮﺑﺔ ،،
ﻋﺒﺪﺍﻟﻠﻪ .. ﻟﺞ ﺑﺎﺑﺎ ﺍﻓﺘﻬﻤﻲ ﻋﻠﻴﻪ ﺭﺍﺡ ﺍﺑﻨﻬﻢ ﻳﻌﻘﺪ ﻋﻠﻴﺞ ﺳﻴﺪ ﻭﺗﺼﻴﺮﻳﻦ ﻣﺮﺗﻪ
ﻣﻠﻚ .. ﻗﺼﺪﻙ ﺍﺻﻴﺮ ﺧﺪﺍﻣﻪ ، ﻭﻣﺎﻟﻲ ﺍﻱ ﺣﻘﻮﻕ ، ﻭﺍﻟﻠﻪ ﺣﺮﺍﻡ ﻋﻠﻴﻜﻢ ﺗﻀﺤﻮﻥ ﺑﻴﻪ ﻉ ﻣﻮﺩ ﻧﻔﺴﻜﻢ
ﻋﺒﺪﺍﻟﻠﻪ .. ﻭﻟﺞ ﻭﺍﻟﻠﻪ ﻟﻮ ﻣﺎﻋﻨﺪﻱ ﻛﻮﻣﺔ ﻟﺤﻢ ﺑﺮﻛﺒﺘﻲ ﻭﺍﻟﻠﻪ ﺍﻓﺪﻳﺞ ﺑﺮﻭﺣﻲ ، ﺗﺮﺿﻴﻦ ﺟﻬﺎﻟﻲ ﻳﺘﻴﺘﻤﻮﻥ ، ﺍﺫﺍ ﺗﺮﺿﻴﻦ ﻫﺴﻪ ﻣﺴﺘﻌﺪ ﺍﻛﻠﻠﻬﻢ ﻛﺘﻠﻮﻧﻲ ﺍﻟﻲ ﻭﻋﻮﻓﻮﺍ ﺍﺧﺘﻲ
ﻣﻠﻚ .. ﻣﻦ ﺣﺠﻪ ﻋﺒﺪﺍﻟﻠﻪ ﻫﻴﺞ ﻛﺮﻫﺖ ﻧﻔﺴﻲ ﻋﻔﺘﻬﻢ ﻭﺩﺧﻠﺖ ﻟﻠﺤﻤﺎﻡ ﺍﺑﺠﻲ ﻣﺎﻋﻨﺪﻱ ﻏﻴﺮ ﺍﻟﺒﺠﻲ ﺍﻟﻲ ﻳﻬﻮﻥ ﻋﻠﻴﻪ ﻣﺼﻴﺒﺘﻲ ،،ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻃﻠﻌﺖ ﻟﻜﻴﺖ ﺍﻣﻲ ﺍﺗﺤﻀﺮ ﺑﻤﻼﺑﺴﻲ ﻭﺗﺒﺠﻲ ، ﺣﺴﻴﺖ ﺧﻠﺺ ﺑﺎﺟﺮ ﻧﻬﺎﻳﺘﻲ ﻭﻧﻬﺎﻳﺔ ﻣﺴﺘﻘﺒﻠﻲ ،
ﺑﺪﻭﻥ ﻭﻋﻲ ﻟﻤﻴﺖ ﻛﻞ ﻣﺤﺎﺿﺮﺍﺗﻲ ﻭﻣﻼﺯﻣﻲ ﻭﺣﺮﻛﺘﻬﻦ ﻭﺍﺑﺠﻲ ،،
ﻳﺎﺭﺏ ﻟﻴﺶ ﻫﻴﺞ ﻳﺼﻴﺮ ﺑﻴﻪ ﻓﻮﻙ ﻇﻴﻢ ﻧﺎﺋﻞ ﻭﺧﻴﺎﻧﺘﻪ ﻭﻫﻮ ﻫﺴﻪ ﻋﺎﻳﺶ ﺣﻴﺎﺗﻪ ﻭﻋﻨﺪﻩ ﻭﻟﺪ ﻭﺻﺎﺭ ﺍﺑﻮ ﻓﻼﻥ ﻭﺍﻧﻲ ﺍﻟﻲ ﺍﻧﻈﻠﻤﺖ ﺍﻧﻈﻠﻢ ﺑﻌﺪ ﺍﻛﺜﺮ ﻟﻴﺶ ﺷﻨﻮ ﺇﻟﻲ ﺳﻮﻳﺘﻪ ﺑﻬﻞ ﺍﻟﺪﻧﻴﺎ ﺍﻟﻜﺸﺮﺓ 😭
ﺛﺎﻧﻲ ﻳﻮﻡ ﺍﻟﻜﻞ ﺍﺟﺔ ﻭﺑﺪﻭﺍ ﻳﻮﺩﻋﻮﻥ ﺑﻴﻪ ﻭﻳﺒﺠﻮﻥ ﺣﺴﻴﺖ ﺭﺍﻳﺤﺔ ﻟﻠﻤﻮﺕ ،، ﺍﺟﺔ ﻧﺎﺋﻞ ﺳﻜﺮﺍﻥ ﻭﺑﺪﻩ ﻳﻬﺪﺩ ﻟﺰﻣﻮﻩ ﻋﺒﺪﺍﻟﻠﻪ ﻭﻭﺍﺋﻞ ﻭﺣﺒﺴﻮﻩ ﺑﻐﺮﻓﺔ ﺍﻣﻲ ، ﺍﺧﺬﻧﻲ ﻋﻤﻲ ﻣﺎﺟﺪ ﻭﻋﺒﺪﺍﻟﻠﻪ ،
ﻃﻮﻝ ﺍﻟﻄﺮﻳﻖ ﺩﻣﻮﻋﻲ ﻣﺎﺟﻔﻦ ﺑﺲ ﺍﺑﺠﻲ ﻭﺧﺎﻳﻔﻪ ﺷﺮﺍﺡ ﺍﻟﻜﻪ ﻫﻨﺎﻙ ﻣﻦ ﻧﺎﺱ ،ﺑﺎﺑﺎ ﺗﻌﺎﻝ ﺷﻮﻑ ﺑﻨﺘﻚ ﺍﻟﻤﺪﻟﻠﻪ ﻣﻦ ﺑﻌﺪ ﻋﻴﻨﻚ ﺷﺼﺎﺭ ﻭﺭﺍﺡ ﻳﺼﻴﺮ ﺑﻴﻬﺎ ﺑﺎﺑﺎ ﻧﺬﻟﻴﺖ ﻣﻦ ﺑﻌﺪ ﻋﻴﻨﻚ ﻭﻣﺎﻟﻲ ﺳﻨﺪ ﺑﻬﻞ ﺍﻟﺪﻧﻴﺎ،
ﻭﺻﻠﻨﻪ ﻭﻟﻜﻴﺖ ﺍﺛﻨﻴﻦ ﺯﻟﻢ ﺑﺲ ﻛﺒﺎﺭ ﺑﺎﻟﻌﻤﺮ ﻭﺍﺣﺪ ﻣﻨﻬﻢ ﺑﻜﺪ ﺍﺑﻮﻳﻪ ﺍﻟﻠﻪ ﻳﺮﺣﻤﻪ ﻭﺷﻜﻠﻪ ﻳﺨﻮﻑ ﺿﺨﻢ ﻭﻋﻴﻮﻧﻪ ﻣﺨﻨﺰﺭﺓ ﻛﻤﺖ ﺍﺭﺟﻒ ﺑﺲ ﻻ ﻫﺬﺍ ﺍﻟﻲ ﺭﺍﺡ ﻳﻌﻘﺪ ﻋﻠﻴﻪ ☹
ﺟﺎﻥ ﻳﺼﻴﺢ ﻉ ﻋﻤﻲ ﻛﻠﻪ ﻫﺎﻱ ﺍﻟﺠﻨﻄﻪ ﺍﺧﺬﻭﻫﺎ ﻭﻳﺎﻛﻢ ﻭﺷﺎﻝ ﺟﻨﻄﺖ ﻣﻼﺑﺴﻲ ﻭﺷﻤﺮﻫﺎ ﺑﻮﺟﻪ ﻋﻤﻲ ﻭﻋﺒﺪﺍﻟﻠﻪ ، ﻭﺍﻧﻲ ﺻﺎﻓﻨﻪ ﺑﻘﻴﺖ ﻣﺠﻠﺒﻪ ﺑﺄﻳﺪ ﻋﺒﺪﺍﻟﻠﻪ ،
ﻋﺒﺪﺍﻟﻠﻪ .. ﻳﻼ ﻣﻠﻚ ﺭﻭﺣﻲ ﻻﺯﻳﺪﻳﻬﺎ ﻋﻠﻴﻪ
ﻣﻠﻚ .. 😭 ﻋﺒﺪﺍﻟﻠﻪ ﺍﻟﻠﻪ ﻳﺨﻠﻴﻚ ﻻﺗﻌﻮﻓﻨﻲ ﻫﻨﺎ ﻭﺍﻟﻠﻪ ﺍﻣﻮﺕ ، ﻣﺎﺣﺴﻴﺖ ﺍﻻ ﻫﺬﺍ ﺍﻟﺮﺟﺎﻝ ﺳﺤﺒﻨﻲ ﻣﻦ ﺍﻳﺪﻱ ﺣﻴﻞ ﺣﺴﻴﺖ ﺍﻳﺪﻱ ﺍﻧﺨﻠﻌﺖ ،
ﻋﺒﺪﺍﻟﻠﻪ ﻭﻋﻤﻲ ﺳﺎﻛﺘﻴﻦ ﻭﻣﺪﻧﻜﻴﻦ ﻛﻠﺸﻲ ﻣﺎﺳﻮﻭ ﻭﺍﻧﻲ ﺍﻧﺴﺤﺒﺖ ﻣﻦ ﺑﻴﻦ ﺍﺩﻳﻬﻢ ، ﻭﺍﺻﻴﺢ ﻉ ﻋﺒﺪﺍﻟﻠﻪ ﻭﻟﻚ ﻻﺗﻌﻮﻓﻨﻲ ﻭﺩﺧﻠﻮﻧﻲ ﻭﺳﺪﻭﺍ ﺍﻟﺒﺎﺏ ﻛﻤﺖ ﺍﺑﺠﻲ ﺑﺼﻮﺕ ﻋﺎﻟﻲ ، ﻭﺟﺎﻥ ﻫﺬﺍ ﺍﻟﺮﺟﺎﻝ ﺳﻄﺮﻧﻲ ﻉ ﻭﺟﻬﻲ ﺧﻠﻪ ﺣﻠﻜﻲ ﻳﺠﺮﻱ ﺩﻡ ، ﻣﻦ ﺍﻟﺨﻮﻑ ﺭﺃﺳﺎ ﺳﻜﺘﺖ ،
...
ﻛﻌﺪﻭﻧﻲ ﺑﻐﺮﻓﻪ ﻛﻠﺶ ﺻﻐﻴﺮﻩ ﺟﻮﺓ ،، ﻃﺒﻌﺎ ﺍﻟﺒﻴﺖ ﺟﺒﻴﺮ ﺑﺸﻜﻞ ﻣﻮ ﻃﺒﻴﻌﻲ ﻣﺒﻴﻦ ﻋﻠﻴﻬﻢ ﺃﻏﻨﻴﺎﺀ ﻛﻠﺶ ﻣﻊ ﻫﺬﺍ ﻛﻌﺪﺕ ﺑﻐﺮﻓﺔ ﻳﻤﻜﻦ ﻣﺨﺰﻥ ﺟﺎﻧﺖ ﺣﺘﻪ ﺷﺒﺎﻙ ﻣﺎﺑﻴﻬﺎ ﺗﺨﻨﻚ ،
ﺑﻘﻴﺖ ﻛﺎﻋﺪﻩ ﺻﺎﺭ ﺍﻟﻐﺪﺓ ﻭﺍﺳﻤﻌﻬﻢ ﻳﺎﻛﻠﻮﻥ ﻣﺒﻴﻦ ﻋﻠﻴﻬﻢ ﻋﺎﺋﻠﺔ ﺟﺒﻴﺮﺓ ،
ﻭﺭﺓ ﺷﻮﻳﻪ ﺟﺘﻨﻲ ﺑﻨﻴﻪ ﻓﻠﺒﻴﻨﻴﻪ ﻣﻠﺒﺴﻴﻬﺎ ﺩﺷﺪﺍﺷﻪ ﺟﺒﻴﺮﺓ ﺣﻴﻞ ﻭﺣﺠﺎﺏ ﺍﻣﻴﺮﺓ ، ﻭﺟﺎﺑﺘﻠﻲ ﺍﻛﻞ ﻋﺎﻓﺘﻪ ﻭﻃﻠﻌﺖ ، ﺑﻘﻴﺖ ﻛﺎﻋﺪﻩ ﺍﺑﺠﻲ ﺑﺪﻭﻥ ﺻﻮﺕ ﺍﺧﺎﻑ ﻻ ﺍﺣﺪ ﻣﻨﻬﻢ ﻳﺴﻤﻌﻨﻲ ﻭﻣﺎﻛﺪﺭﺕ ﺍﺧﻠﻲ ﺷﻲ ﺑﺤﻠﻜﻲ ﻣﻦ ﺍﻻﻛﻞ ﺍﻟﻲ ﺟﺎﺑﺘﻪ ﺍﻟﺨﺪﺍﻣﻪ ، ﻛﺎﻋﺪﻩ ﻭﻣﻨﺘﻈﺮﻩ ﺍﻟﻤﺠﻬﻮﻝ ﺑﻬﺬﺍ ﺍﻟﺒﻴﺖ ﺍﻟﺠﺒﻴﺮ
ﻟﻠﻌﺼﺮ ﻭﺍﺟﺔ ﻧﻔﺲ ﺍﻟﺮﺟﺎﻝ ﻓﺘﺢ ﺍﻟﺒﺎﺏ ﺣﻴﻞ ، ﺧﻔﺖ ﻣﺎﺑﺎﻭﻋﺖ ﻋﻠﻴﻪ ﺑﻘﻴﺖ ﻣﺪﻧﻜﻪ ، ﻛﺎﻟﻲ ﻳﻼ ﻛﻮﻣﻲ ﺭﺍﺡ ﻳﺠﻲ ﺍﻟﺸﻴﺦ ﻳﻌﻘﺪ ،
ﻣﻦ ﺳﻤﻌﺖ ﺣﺠﻴﺔ ﺗﺨﺒﻠﺖ ﺗﻤﻨﻴﺖ ﺍﺧﺘﻔﻲ ﺍﺗﺒﺨﺮ ﺍﻣﻮﺕ ﻛﻤﺖ ﻏﺼﺒﺎً ﻋﻠﻴﻪ ﻣﺪﻧﻜﻪ ﻭﺍﻣﺸﻲ ﻛﻌﺪﺕ ﻉ ﻛﺮﺳﻲ ﺍﻧﺘﻈﺮ ،،
ﺩﺧﻞ ﺷﺎﺏ ﺣﻠﻮ ﺑﺸﻜﻞ ﺍﺷﻜﺮ ﻭﻋﻴﻮﻧﻪ ﺻﻔﺮ ﻉ ﺧﻀﺎﺭ ﻭﻃﻮﻳﻞ ﻭﺷﻌﺮﻩ ﻋﺎﻟﻲ ﺳﺮﺡ ﻳﺠﻨﻦ ﺍﻭﻝ ﻣﺎﺷﺎﻓﻨﻲ ﻛﺎﻝ ﻫﺎﻱ ﺷﻨﻮ ،،ﻋﺒﺎﻟﻚ ﺍﻧﻲ ﺣﺸﺮﺓ ﻣﻮ ﺑﺸﺮ
ﺍﺑﻮ ﻣﺎﺯﻥ .. ﻫﺎﻱ ﺍﻟﻔﺼﻠﻴﺔ ﻣﻨﻮ ﻳﻌﻨﻲ
ﻣﺎﺯﻥ .. ﻳﺎﺑﻪ ﺍﻧﺖ ﺻﺪﻙ ﺗﺤﺠﻲ ﺟﺎﻳﺐ ﺑﻨﺖ ﺍﻟﻨﺎﺱ ، ﻋﺒﺎﻟﻲ ﺍﻟﺒﺎﺭﺣﺔ ﻣﻦ ﺣﺠﻮﺍ ﻛﺪﺍﻡ ﺍﻟﻨﺎﺱ ﺍﻟﻜﺎﻋﺪﻩ ﻣﺎ ﻋﺒﺎﻟﻲ ﺻﺪﻙ ﻋﺒﺎﻟﻲ ﺷﻜﻠﻴﺎ ﻓﺼﻠﻮﺍ ﻣﺮﺓ
ﺍﺑﻮ ﻣﺎﺯﻥ .. ﻣﺜﻞ ﻣﺎﺍﺧﺬ ﺍﺧﻮﻫﺎ ﺍﺧﺘﻚ ﻏﺼﺐ ﺍﺣﻨﻪ ﻫﻢ ﺍﺧﺬﻧﻪ ﺑﺘﻬﻢ ﻏﺼﺐ
ﻣﺎﺯﻥ .. ﻣﺎﻛﺪﺭ ﺍﺣﺠﻲ ﻣﺒﻴﻦ ﻋﻠﻴﻚ ﻣﻘﺘﻨﻊ ﻣﺎﺍﺩﺧﻞ ﺑﺎﻟﻤﻮﺿﻮﻉ ﺍﺣﺴﻦ
ﺍﺑﻮ ﻣﺎﺯﻥ .. ﺑﺲ ﺍﻟﻤﻮﺿﻮﻉ ﻳﺨﺼﻚ ﺍﻟﻚ
ﻣﺎﺯﻥ .. ﻧﻌﻢ ﺑﺸﻨﻮ ﻳﺨﺼﻨﻲ ؟
ﺍﺑﻮ ﻣﺎﺯﻥ .. ﺍﻧﺖ ﺭﺍﺡ ﺗﻌﻘﺪ ﻋﻠﻴﻬﺎ ، ﺍﺧﻮﺍﻧﻚ ﻛﻠﻬﻢ ﻣﺘﺰﻭﺟﻴﻦ ﻭﻣﺎﻛﻮ ﻏﻴﺮﻙ ﻳﻌﻘﺪ ﻋﻠﻴﻬﺎ
ﻣﻠﻚ .. ﻛﺎﻋﺪﻩ ﻭﻫﻤﻪ ﺑﺪﻭ ﻳﺤﺠﻮﻥ ﻫﺬﺍ ﺍﻟﻮﻟﺪ ﻣﻌﺎﺭﺽ ﻭﻣﺎﻗﺎﺑﻞ ﺑﻮﺟﻮﺩﻱ ، ﻭﻫﺬﺍ ﺍﻟﺮﺟﺎﻝ ﺍﻟﺠﺒﻴﺮﺓ ﻃﻠﻊ ﺍﺑﻮ ﻧﻬﻰ ﺍﻟﺤﻤﺪ ﻟﻠﻪ ﻳﻌﻨﻲ ﻣﻮ ﻫﻮ ﺍﻟﻲ ﺭﺍﺡ ﻳﻌﻘﺪ ﻋﻠﻴﻪ ، ﺻﺎﺭ ﺻﻴﺎﺡ ﺑﻴﻨﻬﻢ
ﺍﺑﻮ ﻣﺎﺯﻥ .. ﻏﺼﺐ ﻋﻠﻴﻚ ﺗﻌﻘﺪ ﻋﻠﻴﻬﺎ ﺍﻟﺸﻴﺦ ﺷﻮﻳﻪ ﻭﻳﻮﺻﻞ ﺷﺘﺮﻳﺪ ﺍﻟﺰﻟﻢ ﻳﻜﻮﻟﻮﻥ ﻋﻠﻴﻪ ﻣﺎﻋﻨﺪﻱ ﻛﻠﻤﻪ ، ﺍﻋﻘﺪ ﻋﻠﻴﻬﺎ ﻭﺍﺷﻤﺮﻫﺎ ﻫﻨﺎ ﻣﻌﻠﻴﻚ ﺑﻴﻬﺎ
ﻣﺎﺯﻥ .. ﺍﻣﺮﻱ ﻟﻠﻪ ﺷﻜﺪﺭ ﺑﻌﺪ ﺍﺣﺠﻲ ﻭﻳﺎﻙ
ﻣﻠﻚ .. ﺍﺟﺔ ﺍﻟﺴﻴﺪ ﻋﻘﺪﻟﻨﻪ ﻭﺍﻧﻲ ﺍﺑﺠﻲ ، ﺣﺴﻴﺖ ﻧﻔﺴﻲ ﺣﺸﺮﺓ ﻭﺍﻟﻜﻞ ﻳﺮﻳﺪ ﻳﺪﻭﺱ ﻋﻠﻴﻬﺎ ، ﻋﻘﺪ ﺍﻟﺴﻴﺪ ﻭﺭﺍﺡ، ﻭﻣﺎﺯﻥ ﺿﺎﻳﺞ ﻭﻣﻌﺼﺐ ﻭﻃﻠﻊ ﻣﻦ ﺍﻟﺒﻴﺖ ، ﺍﺟﺘﻨﻲ ﺍﻡ ﻣﺎﺯﻥ ،،ﺑﻴﺞ ﻗﺼﺺ ﻣﻦ ﺣﻴﺎﺗﻨﺎ M&T
ﺍﻡ ﻣﺎﺯﻥ .. ﻻ ﻣﻔﻜﺮﺓ ﻧﻔﺴﺞ ﻋﺮﻭﺱ ﺻﺪﻙ ﻭﻋﺠﺒﺞ ﺍﻟﻮﺿﻊ ﻳﻼ ﻛﻮﻣﻲ ﺣﺒﺎﺑﻪ ﺗﻌﺎﻟﻲ ﻟﻠﻤﻄﺒﺦ ﺣﺘﻪ ﺗﺸﻮﻓﻴﻦ ﺷﻐﻠﺞ ﺑﺎﻟﺒﻴﺖ ﺷﻨﻮ ﺍﻧﺘﻲ ﻭﻣﻴﺮﻱ
ﻣﻠﻚ .. ﻛﻤﺖ ﻣﺸﻴﺖ ﻭﻳﺎﻫﺎ ، ﻭﺍﺣﺲ ﻧﻔﺴﻲ ﺿﺎﻳﻌﻪ ﻣﺎ ﺍﻋﺮﻑ ﺷﺴﻮﻱ ،ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻳﻌﻨﻲ ﺍﻧﻲ ﻫﺴﻪ ﺣﺎﻟﻲ ﺣﺎﻝ ﺍﻟﺨﺪﺍﻣﻪ ﺍﻟﻌﺪﻫﻢ ﺑﺲ ﺍﻓﺮﻕ ﻋﻨﻬﺎ ﺑﻬﻮﺍﻱ ﺍﺷﻴﺎﺀ ﺍﻭﻝ ﺷﻲ ﻣﺤﺪ ﻳﺠﺎﻭﺯ ﻋﻠﻴﻬﺎ ﺑﺤﺠﺎﻳﻪ ﻭﺣﺪﻩ
ﻭﺛﺎﻧﻲ ﺷﻲ ﻫﻴﻪ ﺟﺎﻳﻪ ﺑﺮﺿﺎﺗﻬﺎ ﻣﻮ ﻣﻐﺼﻮﺑﻪ ﻣﺜﻠﻲ ﻭﺛﺎﻟﺚ ﺷﻲ ﻫﻴﻪ ﻣﻌﺰﺯﻩ ﻭﻳﻨﻄﻮﻫﺎ ﺭﺍﺗﺐ ﻭﺍﻧﻲ ﺣﺘﻪ ﻫﺪﻭﻣﻲ ﻣﺨﻠﻮﻧﻲ ﺍﺧﺬﻫﻦ 😢
.....
ﺍﻡ ﻣﺎﺯﻥ .. ﻫﻴﻲ ﺍﻧﺘﻲ ﺷﻨﻮ ﻭﻳﻦ ﺭﺣﺘﻲ ﻭﻳﺎﻣﻦ ﺍﺣﺠﻲ ﺍﻧﻲ
ﻣﻠﻚ .. ﺍﺳﻔﻪ ﺍﺳﻔﻪ،، ﻛﻤﺖ ﺍﻛﻮﻝ ﺍﺳﻔﻪ ﻭﻣﺬﻟﻮﻟﻪ ﻭﺍﻧﻲ ﻃﻮﻝ ﻋﻤﺮﻱ ﺷﺨﺼﻴﺘﻲ ﻗﻮﻳﻪ ﻭﻣﺎﻧﺰﻝ ﻧﻔﺴﻲ ﻷﻛﺒﺮ ﺭﺃﺱ ،، 😏 ﻭﺍﻟﻠﻪ ﺯﻣﻦ
ﺍﻡ ﻣﺎﺯﻥ .. ﻋﻠﻴﺞ ﺍﻟﺘﻨﻈﻴﻒ ﺍﻟﻔﻮﻙ ﻛﻠﻪ ﻭﻏﺴﻞ ﺍﻟﻤﻮﺍﻋﻴﻦ ﻣﺎﻝ ﻛﻞ ﺍﻟﻮﺟﺒﺎﺕ ﻭﺑﺎﻹﺿﺎﻓﺔ ﻟﻜﻞ ﻫﺬﺍ ﻛﻞ ﺷﻲ ﻳﺨﺺ ﻣﺎﺯﻥ ﺍﻧﺘﻲ ﻣﻠﺰﻣﻪ ﺑﻲ ﻭﺍﺿﺢ ﻛﻼﻣﻲ
ﻣﻠﻚ .. ﺍﻱ 😔
ﺍﻡ ﻣﺎﺯﻥ .. ﻣﻦ ﺑﺎﺟﺮ ﺗﺒﺪﻳﻦ ﺷﻐﻠﺞ ، ﻫﺴﻪ ﺭﻭﺣﻲ ﻟﻐﺮﻓﺘﺞ ﻣﻄﻠﻌﻴﻦ ﻣﻨﻬﺎ ﻟﺤﺪ ﻣﺎﺍﻧﻲ ﺍﻛﻮﻟﺞ
ﻣﻠﻚ .. ﺭﺟﻌﺖ ﻛﻌﺪﺕ ﺑﺎﻟﮕﺒﺮ ﻣﺎﻟﺘﻲ ﻭﺣﺪﻱ ﻣﻜﺴﻮﺭﺓ ﻭﻣﺬﻟﻮﻟﻪ ، ﻛﻌﺪﺕ ﺍﺫﻛﺮ ﺍﻫﻠﻲ ﻭﺧﻮﺍﺗﻲ ﻭﺟﻬﺎﻟﻬﻢ ﻭﻛﻠﻴﺘﻲ ،، ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﺍﺗﺬﻛﺮﺕ ﺍﻟﻤﻮﺑﺎﻳﻞ ﻫﻤﺰﻳﻦ ﻣﺎﺧﻠﻴﺘﻪ ﺑﺎﻟﺠﻨﻄﺔ ، ﻣﺴﻚ ﻛﻠﺘﻠﻲ ﺧﻠﻲ ﺑﻤﻼﺑﺴﺞ ﺍﻟﺪﺍﺧﻠﻴﺔ ، ﻃﻠﻌﺘﻪ ﻭﻟﻜﻴﺖ ﺍﻟﻜﻞ ﺩﺍﻙ ﻋﻠﻴﻪ ﻣﺎﻛﺪﺭ ﺍﺧﺎﺑﺮﻫﻢ ﻻﻥ ﺍﻟﻐﺮﻓﻪ ﺻﻐﻴﺮﺓ ﻭﺍﻟﺼﻮﺕ ﻳﻨﺴﻤﻊ ﺩﺯﻳﺖ ﻣﺴﺞ ﻭﻃﻤﻨﺘﻬﻢ ﻋﻠﻴﻪ ،
ﺭﺟﻌﺖ ﺗﻤﺪﺩﺕ ﺻﺎﺭ ﺍﻟﻠﻴﻞ ﻭﺍﻧﻲ ﻟﺘﻮﺍﻟﻴﺖ ﻣﺎﻛﺪﺭ ﺍﻃﻠﻊ ﺍﺧﺎﻑ ﺑﻘﻴﺖ ﻛﺎﻋﺪﻩ ﺑﺼﺎﻳﺘﻲ ﻭﻣﺎﻋﻨﺪﻱ ﻭﻻ ﻫﺪﻣﻪ ﻭﺣﺪﻩ ﺍﺑﺪﻝ ﺑﻴﻬﺎ ، ﻻﺑﺴﻪ ﺟﻮﻩ ﺍﻟﺼﺎﻳﻪ ﺑﻨﻄﺮﻭﻥ ﻭﺗﻴﺸﻴﺮﺕ ﻧﺺ ﺭﺩﻥ ،
ﺳﻤﻌﺖ ﺍﻡ ﻣﺎﺯﻥ ﺻﺎﺣﺘﻨﻲ ﻃﻠﻌﺖ ﻭﻟﻜﻴﺖ ﺟﻤﻮﻉ ﻏﻔﻴﺮﺓ ﻛﺎﻋﺪﻳﻦ ﺑﺎﻟﻬﻮﻝ
ﺍﻡ ﻣﺎﺯﻥ .. ﺷﻮﻓﻲ ﻫﺬﻧﻲ ﺟﻨﺎﻳﻨﻲ ﻭﺟﻬﺎﻟﻬﻦ ﺷﻴﻜﻠﻮﻟﺞ ﺗﻨﻔﺬﻳﻦ ﺍﻧﺘﻲ ﻫﻨﺎ ﺣﺎﻟﺞ ﺣﺎﻝ ﻣﻴﺮﻱ
ﻣﻠﻚ .. ﻣﻦ ﺟﻴﺖ ﻭﻃﺒﻴﺖ ﻟﻠﺒﻴﺖ ﺑﺲ ﺃﻭﺍﻣﺮ ﻟﻌﺒﺖ ﻧﻔﺴﻲ ﺍﻧﻮﺏ ﻛﻞ ﻭﺣﺪﻩ ﺣﻮﺗﻪ ﺷﻜﺒﺮﻫﺎ ﻭﺷﻜﺪﻫﺎ ،
ﻣﺎﺯﻥ .. ﺩﺧﻠﺖ ﻟﻠﺒﻴﺖ ﻭﺍﺷﻮﻑ ﺍﻟﻜﻞ ﻣﻨﺠﻤﻊ ﻣﺎﺷﺎﺀ ﺍﻟﻠﻪ ﻭﻫﺎﻱ ﻟﺒﻨﻴﻪ ﻭﺍﻛﻔﻪ ﻭﺍﻣﻲ ﺗﺘﺂﻣﺮ ﻋﻠﻴﻬﺎ ،
ﻃﺒﻴﺖ ﺳﻠﻤﺖ ،، ﺻﺪﻙ ﻣﺎﺍﻋﺮﻓﺘﻜﻢ ﻉ ﻧﻔﺴﻲ ﺍﻟﺘﻬﻴﺖ ﺑﺄﺑﻮﻳﻪ ﻭﻋﻨﺎﺩﻩ ﻭﻧﺴﻴﺖ ،،
ﺍﻧﻲ ﻣﺎﺯﻥ ﻣﻮﺍﻟﻴﺪ 1991 ﻃﻮﻳﻞ ﻭﺃﺑﻴﺾ ﻭﻋﻴﻮﻧﻲ ﺻﻔﺮ ﺍﻟﻤﺪﻟﻞ ﻣﺎﻝ ﺑﻴﺖ ﺑﻌﺘﺒﺎﺭﻱ ﺍﺻﻐﺮ ﻭﺍﺣﺪ ﺑﺎﻟﻮﻟﺪ
ﻣﺨﻠﺺ ﻛﻠﻴﺔ ﻭﺍﺷﺘﻐﻞ ﻭﻳﻪ ﺍﺧﻮﺗﻲ ﻭﺍﺑﻮﻳﻪ ﻃﺒﻌﺎ ﻋﻨﺪﻱ 7 ﺍﺧﻮﻩ ﻭ 3 ﺧﻮﺍﺕ ﺍﺣﻨﻪ ﺍﻫﻞ ﺧﻴﺮ ﻣﻦ ﺯﻣﺎﻥ ﻭﻛﺎﻋﺪﻳﻦ ﺑﺎﻟﻜﺮﺍﺩﺓ ﻭﻋﺪﻧﻪ ﻛﻴﺎﻋﻴﻦ ﻭﻣﺤﻼﺕ ﺑﻐﺪﺍﺩ ﻛﻮﻣﻪ ،
ﺍﻧﻲ ﻣﻦ ﺍﻟﻨﻮﻉ ﺍﻟﻤﻠﺘﺰﻡ ﺑﻌﺘﺒﺎﺭ ﺍﺣﻨﻪ ﺳﺎﺩﺓ ﻭﻣﻌﺮﻭﻓﻴﻦ ﻣﺎﻋﻨﺪﻱ ﺳﻮﺍﻟﻒ ﻣﻜﺴﺮﺓ ﺑﺲ ﺍﺣﺐ ﺑﺖ ﺧﺎﻟﺘﻲ ﻣﻨﺎﺭ ﻭﻣﻦ ﺯﻣﺎﻥ ﻋﻴﻨﻲ ﻋﻠﻴﻬﺎ ﺑﻨﻴﻪ ﺻﻐﻴﺮﺓ ﻭﺣﻠﻮﺓ ﻣﻮﺍﻟﻴﺪ 1998
ﺑﺲ ﺍﺑﻮﻳﻪ ﻭﺭﻃﻨﻲ ﺑﻬﺎﻱ ﺍﻟﺒﻨﻴﺔ ، ﻣﺎﺣﺠﻴﺖ ﻟﻤﻨﺎﺭ ﻉ ﺳﺎﻟﻔﺔ ﻣﻠﻚ ﺧﺎﻑ ﺗﺰﻋﻞ ﺑﺲ ﺃﻛﻴﺪ ﻫﺴﻪ ﺗﻌﺮﻑ ﻣﻦ ﺍﻣﻲ ﻟﻬﺬﺍ ﺍﻟﺴﺒﺐ ﻋﺼﺒﺖ ﻭﻃﻠﻌﺖ ﻣﻦ ﺍﻟﺒﻴﺖ ﻟﻠﻴﻞ ﻳﻼ ﺭﺟﻌﺖ ،ﺑﻴﺞ ﻗﺼﺺ ﻣﻦ ﺣﻴﺎﺗﻨﺎ M&T
ﻣﻠﻚ .. ﺩﺧﻞ ﻣﺎﺯﻥ ﻭﻛﺎﻝ ﻫﺎﻱ ﺷﻜﻮ ﺷﻮ ﻣﻠﺘﻤﻴﻦ ﺻﺎﻳﺮ ﺷﻲ
ﺍﻡ ﻣﺎﺯﻥ .. ﻻ ﻳﻤﻪ ﺑﺲ ﻣﻠﻚ ﺩﺗﺘﻌﺮﻑ ﻉ ﻧﺴﻮﺍﻥ ﺍﺧﻮﺗﻚ ،
ﻣﺎﺯﻥ .. ﺟﻮﻋﺎﻥ ﻳﻤﻪ ﺍﺭﻳﺪ ﻋﺸﻪ ، ﺭﺍﺡ ﺍﻃﺐ ﺍﺳﺒﺢ ﻭﺍﻃﻠﻊ ﺍﻟﻜﻪ ﺍﻟﻌﺸﻪ ﺟﺎﻫﺰ
ﻣﻠﻚ .. ﺻﻌﺪ ﺍﻟﻐﺮﻓﺘﻪ ﻭﺍﻣﻪ ﺗﺒﺎﻭﻉ ﻋﻠﻴﻪ ﻭﻻ ﻋﺒﺎﻟﻚ ﻣﺮﺓ ﺟﺒﻴﺮﺓ ﻛﻞ ﺍﻟﺤﻴﻞ ﺑﻴﻬﺎ ﺟﺒﺮﻭﺕ ﻣﻮ ﻣﺮﺓ ،
ﺍﻡ ﻣﺎﺯﻥ .. ﻫﺎﺍ ﺷﻮ ﻭﺍﻛﻔﻪ ﺑﻌﺪﺝ ﻣﺎﺳﻤﻌﺘﻲ ﺭﺟﻠﺞ ﺷﻜﺎﻝ ، ﻟﻮ ﺧﺎﻑ ﻃﺮﺷﻪ ﻭﺧﺮﺳﻪ ﻻﻥ ﻣﺎﺳﻤﻌﻨﺎﻟﺞ ﺻﻮﺕ ﻣﻦ ﺍﺟﻴﺘﻲ ﺍﻟﻬﺴﻪ
ﻣﻠﻚ .. ﻻ ﺳﻤﻌﺖ ﺭﺍﺡ ﺍﺭﻭﺡ ،، ﻭﻫﺬﻧﻲ ﺍﻟﺤﻴﺎﻳﻪ ﻳﺘﻤﻀﺤﻜﻦ ﻋﻠﻴﻪ
ﺩﺧﻠﺖ ﻟﻠﻤﻄﺒﺦ ﻛﻠﺸﻲ ﻣﺎﻧﺪﻝ ﻭﻫﺎﻱ ﻣﻴﺮﻱ ﻣﺪﺭﻱ ﺷﺴﻤﻬﺎ ﻣﺎﻛﻮ ﺧﻠﺼﺖ ﺷﻐﻠﻬﺎ ﻭﻃﺒﺖ ﻧﺎﻣﺖ ،
ﻓﺘﺤﺖ ﺍﻟﻤﺠﻤﺪﻩ ﺑﻴﻬﺎ ﺍﺷﻜﺎﻝ ﻭﺃﻟﻮﺍﻥ ﻃﻠﻌﺖ ﻛﺒﺔ ﻫﻮ ﻋﺸﻪ ﻗﺎﺑﻞ ﺷﺴﻮﻱ ﻛﻠﻴﺘﻬﺎ ﻭﻛﻌﺪﺕ ﺳﻮﻳﺖ ﻟﻔﻪ ﻻﻥ ﻛﺎﺗﻠﻨﻲ ﺍﻟﺠﻮﻉ ،
ﻭﺳﻮﻳﺖ ﺯﻻﻃﻪ ﺗﻘﺮﻳﺒﺎ ﻫﻞ ﺣﺠﻲ ﺏ 12 ﺑﺎﻟﻠﻴﻞ ﻛﻤﻠﺖ ﺍﻟﺼﻴﻨﻴﻪ ﻃﻠﻌﺖ ﺍﺷﻮﻑ ﺍﻣﻪ ﻭﻳﻦ ﺣﺘﻪ ﺗﻮﺩﻱ ﺍﻟﺼﻴﻨﻴﻪ ﺍﻭ ﺗﺼﻴﺤﺔ ﻳﺠﻲ ﻳﺎﻛﻞ ﻣﺎﻛﻮ ﺍﻱ ﺍﺣﺪ ﺍﻟﻜﻞ ﺻﻌﺪ ﺍﻟﻐﺮﻓﺘﻪ ، ﺑﻘﻴﺖ ﻛﺎﻋﺪﻩ ﺑﺎﻟﻤﻄﺒﺦ ﺍﻛﻞ
ﻣﺎﺯﻥ .. ﻣﺘﻌﻠﻢ ﻳﻮﻣﻴﻪ ﺍﺟﻲ ﺑﺎﻟﻠﻴﻞ ﻭﺭﻩ ﺭﺑﻊ ﺳﺎﻋﻪ ﺗﺠﻴﻨﻲ ﺍﻟﺼﻴﻨﻴﻪ ﻟﻠﻐﺮﻓﻪ ﻭﺍﺗﻌﺸﺔ ، ﺷﻮ ﺍﻟﻴﻮﻡ ﻛﻠﺸﻲ ﻣﺎﻛﻮ ﺻﺎﺭ ﻧﺺ ﺳﺎﻋﻪ ﻣﻦ ﻭﺻﻴﺖ ﺍﻣﻲ ﺍﻧﺰﻝ ﺍﺷﻮﻑ ﻭﻳﻦ ﺻﺎﺭﺕ ﺍﺣﺴﻦ ،
ﻣﻠﻚ .. ﺍﺣﺠﻲ ﻭﻳﻪ ﻧﻔﺴﻲ ﺍﻟﻠﻪ ﺷﻜﺪ ﻃﻴﺒﻪ ﻫﺎﻱ ﺍﻟﻜﺒﺔ ﻭﻻ ﻳﻨﺸﺒﻊ ﻣﻨﻬﺎ ، ﺣﺴﻴﺖ ﻭﺍﺣﺪ ﻭﺭﺍﻳﻪ ﺍﻧﺪﺍﺭﻳﺖ ﻟﻜﻴﺘﻪ ﻧﻔﺲ ﺍﻟﻮﻟﺪ ﺍﻟﻲ ﻫﻮ ﺭﺟﻠﻲ ، ﺩﻧﻜﺖ
ﻣﺎﺯﻥ .. ﻟﻌﺪ ﺍﻣﻲ ﻭﻳﻦ ﺻﺎﺭ ﺳﺎﻋﻪ ﺍﻧﺘﻈﺮ ﺍﻟﻌﺸﻪ
ﻣﻠﻚ .. ﻣﺎﺩﺭﻱ ﺑﺲ ﻛﺎﻟﺘﻠﻲ ﺍﺳﻮﻳﻠﻚ ﻋﺸﻪ ﻭﺍﻧﻲ ﻛﻤﻠﺘﻪ ﻭﻣﺎ ﺍﻧﺪﻝ ﻏﺮﻓﺘﻚ ﺍﺟﻴﺒﻠﻜﻴﺎﻩ ،، ﺍﺟﻪ ﺍﺗﻘﺮﺏ ﻣﻦ ﺍﻟﺼﻴﻨﻴﻪ ﻭﻋﻘﺪ ﺣﻮﺍﺟﺒﺔ ﻫﺎﻱ ﺷﻨﻮ ﺑﻌﺼﺒﻴﻪ ﺣﺠﻪ
ﻫﺎﻱ ﻛﺒﺔ ﻭﺯﻻﻃﻪ ﻏﻴﺮ
ﻣﺎﺯﻥ .. ﺍﻧﻲ ﻣﺎﺍﻛﻞ ﻫﺬﺍ ﺍﻻﻛﻞ ﻣﺤﺪ ﻛﺎﻟﺞ 😠 ﻭﺑﻌﺪﻳﻦ ﻟﻴﺶ ﺍﻧﺘﻲ ﺍﻟﻲ ﺩﺳﻮﻳﻦ ﻋﺸﺎﻳﻪ ، ﻳﻤﻪ ﻳﻮﻭﻭﻡ ﻭﻳﻨﺞ
ﻣﻠﻚ .. ﻫﺬﺍ ﺷﺒﻲ 😕😕 ﻛﺎﻡ ﻳﺼﻴﺢ
ﺍﻡ ﻣﺎﺯﻥ .. ﺧﻴﺮ ﺍﺑﻨﻲ ﺷﺒﻴﻚ ؟
ﻣﺎﺯﻥ .. ﻣﻮ ﺗﺪﺭﻳﻦ ﺑﻴﻪ ﻣﺎﺍﻛﻞ ﺍﻻ ﻣﻦ ﺍﺩﻳﺞ ﺷﻮﻓﻲ ﺷﻤﺴﻮﻳﺘﻠﻲ
ﺍﻡ ﻣﺎﺯﻥ .. ﻭﻟﺞ ﻟﻴﺶ ﻣﺴﻮﻳﻪ ﻛﺒﺔ
ﻣﻠﻚ .. ﺧﺎﻟﻪ ﻣﺎﺩﺭﻱ ﺍﺟﻴﺖ ﻟﻠﻤﻄﺒﺦ ﻭﻣﺎﻟﻜﻴﺖ ﺍﺣﺪ ﺷﻔﺖ ﺍﻟﻜﺒﺔ ﻭﺳﻮﻳﺘﻬﺎ
ﺍﻡ ﻣﺎﺯﻥ .. ﺧﻠﺨﺎﻟﻪ ﺑﮕﻠﺒﺞ ﺍﺩﺏ ﺳﺰﺯ ﻛﻮﻟﻲ ﺣﺠﻴﺔ
ﻣﺎﺯﻥ .. ﻛﺎﻓﻲ ﻛﺎﻓﻲ ﻣﺎﺭﻳﺪ ﻟﻌﺒﺖ ﻧﻔﺴﻲ ﻣﻦ ﺍﻟﻌﺸﻪ
ﺍﻡ ﻣﺎﺯﻥ .. ﺍﺭﺗﺎﺣﻴﺘﻲ ﻫﺴﻪ ﻣﻦ ﺿﺎﺝ
ﻣﻠﻚ .. ﺑﮕﻠﺒﻲ ﻭﺍﻧﻲ ﺷﻨﻮ ﺳﻮﻳﺖ ، ﺍﻭﻑ ﻳﺎﺭﺑﻲ
...
يتبع...
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء