رواية إلتقينا صدفه الجزء العاشر

.... 

رواية إلتقينا صدفه الجزء العاشر 

.... 

ﻫﺒﻪ ..

ﺿﻠﻴﺖ ﻳﻢ ﻧﻮﺭﻳﻪ ﻓﻜﺮﺕ ﺍﺗﺼﻞ ﺑﺨﺎﻟﻲ ﺍﻛﺜﺮ ﻣﻦ ﻣﺮﺓ ﺣﺘﻰ ﺍﻃﻤﺄﻥ ﻋﻠﻴﻪ ﺑﺲ ﺧﻔﺖ ﻻﻳﻌﺮﻓﻮﻥ ﻣﻜﺎﻧﻲ ﻭﻳﻦ ..

ﺟﺎﻧﺖ ﻧﻮﺭﻳﻪ ﻓﺮﺣﺎﻧﻪ ﺑﻴﻪ ﻭﻋﺮﻓﺖ ﺃﻧﻪ ﻣﺎﻋﺪﻫﺎ ﺍﺣﺪ ﻳﺴﺎﻋﺪﻫﺎ ﻣﺎﺩﻳﺎ ﻭﺗﻌﺒﺎﻧﻪ ﺍﻣﻮﺭﻫﺎ .. ﺟﻨﺖ ﻣﻦ ﺍﻃﻠﻊ ﺍﻟﺒﺲ ﺧﻤﺎﺭ ﺑﻌﺪﻫﺎ ﻓﻜﺮﺕ ﻣﻨﻮ ﻳﻌﺮﻓﻨﻲ ﻭﻣﺎﺗﺼﻮﺭ ﻳﺘﺨﻴﻠﻮﻧﻲ ﻫﻨﺎ ..

ﻭﺑﻴﻮﻡ ﺍﺗﺼﻞ ﺧﺎﻟﻲ ﺑﻨﻮﺭﻳﻪ ﻭﺳﺄﻟﻬﺎ ﻋﻨﻲ ﻛﺎﻟﺘﻠﻪ ﻣﺎﺷﻔﺘﻬﺎ ﻭﻻ ﺍﺟﺘﻨﻲ ﻛﺎﻟﻠﻬﺎ ﺍﺫﺍ ﺗﺠﻴﺞ ﻛﻮﻟﻴﻠﻬﺎ ﺧﺎﻟﺞ ﻣﺮﻳﺾ ﻭﻳﺮﻳﺪﺝ ﺿﺮﻭﺭﻱ ...

ﺇﻧﺸﺎﺀﺍﻟﻠﻪ ...

ﻧﻮﺭﻳﻪ ﻛﺎﻣﺖ ﺗﺘﺒﻠﻌﻢ ﻭﺗﺨﺎﻑ ﺍﺭﻭﺡ ﻭﺍﺗﺮﻛﻬﺎ ﻛﺎﻟﺖ ﺧﺎﻟﺞ ﻣﺮﻳﺾ ﻭﻳﺮﻳﺪﺝ ..

ﺷﻔﺖ ﻧﻔﺴﻲ ﺑﻌﺪ ﻣﺎﺍﻛﺪﺭ ﺍﻋﻮﻓﻪ ﻭﻛﻠﺖ ﺧﺎﻑ ﺳﻮﺗﻠﻪ ﺷﻲ ﺧﻴﺮﻳﻪ ﻻﺯﻡ ﺍﺗﺼﻞ ﺑﻴﻪ ..

ﺍﺗﺼﻠﺖ ﺑﻴﻪ ﻭﺟﺎﻭﺑﻨﻲ ﻳﻌﺎﺗﺒﻨﻲ ﻟﻴﺶ ﻣﺘﺴﺎﻟﻴﻦ ﺍﻧﺘﻲ ﻭﻳﻦ ﻭﺷﻠﻮﻥ ﺍﻧﻬﺰﻣﺘﻲ ﻣﻦ ﺍﺑﻮﺝ .. ﻭﺍﺑﻮﺝ ﺗﺮﻯ ﻫﺪﺩﻧﻲ ﺍﺫﺍ ﻣﺎﺗﺮﺟﻌﻴﻦ ﻟﺒﻴﺘﻪ ﺧﻼﻝ ﻫﺎﻟﺸﻬﺮ ﺣﻴﺮﻓﻊ ﻋﻠﻴﻪ ﻗﻀﻴﻪ ﺧﻄﻒ ﺍﺭﺟﻌﻲ ﺑﻨﺘﻲ ﻻﺑﻮﺝ . .. ﻋﻠﻲ ﺍﺟﺎ ﻭﺍﺣﻨﺎ ﺟﺎﻳﻴﻦ ﻧﺨﻄﺒﺞ ...

ﻫﺎﺍ ﺻﺪﻙ ﺧﺎﻟﻲ ﺷﻠﻮﻥ ﻋﻠﻰ ﺍﻱ ﺍﺳﺎﺱ ...

ﺍﻧﺘﻲ ﺑﻨﺘﻪ ﻭﻳﺮﻳﺪﺝ ﻭﺟﻨﺘﻲ ﻳﻤﻲ ﻭﺍﺟﺎ ﺍﺧﺬﺝ ﻭﻫﻢ ﺍﺧﺘﻔﻴﺘﻲ .. ﺍﻧﻲ ﻛﺘﻠﻪ ﺍﺻﺒﺮﻟﻲ ﺑﺲ ﻣﺎ ﻳﻘﺒﻞ ﺧﻮﺵ ﻣﻠﻘﻨﺘﻪ ﻧﺎﺩﻳﻪ ﻋﺎﻑ ﺿﻨﺎﻩ ﻭﻧﺴﻰ ﻭﺻﻴﺔ ﻣﺮﺗﻪ ..

ﺯﻳﻦ ﺍﺫﺍ ﺍﺭﺟﻊ ﺧﺎﻑ ﻳﺎﺫﻳﻨﻲ ﻳﻀﺮﺑﻨﻲ ..

ﺷﻨﻮ ﺣﺠﺘﻪ ﻋﻠﻲ ﻭﺭﺍﺡ ﻳﺠﻲ ﻳﺨﻄﺒﺞ ﻭﻧﺴﺪ ﺍﻟﺴﺎﻟﻔﻪ ... ﻭﺍﺫﺍ ﻣﺘﺮﻳﺪﻳﻦ ﺗﻌﻴﺸﻴﻦ ﻳﻤﻨﺎ ﻋﻠﻤﻮﺩ ﻣﺸﺎﻛﻞ ﺧﻴﺮﻳﻪ ﺍﻛﻌﺪﻱ ﺑﻴﺘﺞ ﺍﻟﺠﺪﻳﺪ ﻭﻋﻴﺸﻲ ﺣﻴﺎﺗﺞ ﺑﺲ ﺧﻠﻲ ﻳﻌﺘﺮﻑ ﺑﺎﺑﻨﻪ ..

ﺧﺎﻟﻲ ﺟﺎﻥ ﻣﻴﻌﺮﻑ ﺍﻧﻲ ﺍﺟﻬﻀﺖ ..

ﺑﺲ ﺧﺎﻟﻲ ﺗﺮﻯ ﺍﻟﺠﻨﻴﻦ ﻣﺎﺕ ..

ﺍﻱ ﺧﺎﻟﻮ ﺍﺣﺴﻦ ﺍﻟﺞ ﺑﺲ ﺧﻠﻲ ﻳﺘﺰﻭﺟﺞ ﻓﺘﺮﻩ ﺻﺎﺭ ﺍﺩﻣﻲ ﻭﻳﺎﺝ ﻛﺎﻥ ﺑﻬﺎ ﺿﻞ ﻋﻠﻰ ﺳﻮﺍﻟﻠﻔﻪ ﺍ ﻃﻠﻜﻲ ﻣﻨﻪ ﺑﻨﺘﻲ ﺑﺲ ﺷﻲ ﻳﺜﺒﺖ ﺍﻧﺘﻲ ﻣﺘﺰﻭﺟﻪ ﺍﻧﺘﻲ ﺩﺗﻔﻬﻤﻴﻨﻲ ..

ﺍﻱ ﺩﺍﺍﻓﻬﻤﻚ ﺍﻛﻴﺪ ..

ﺑﺲ ﻣﺎﺍﻛﺪﺭ ﺍﺭﺟﻊ ﻟﻠﺒﻴﺖ ﺍﺧﺎﻑ ﻣﻦ ﺍﺑﻮﻳﻪ ﻧﺎﺩﻳﻪ ﻗﺮﺕ ﺑﺮﺃﺳﻪ ﻋﻠﻤﻮﺩ ﺍﻻﻣﻼﻙ ﺷﺎﻓﺖ ﺍﻻﻭﺭﺍﻕ .. ﺧﺎﻟﻮ ﺍﺭﻳﺪ ﺍﺷﻮﻓﻚ ﻭﺍﻓﻬﻤﻚ ﻋﻠﻰ ﺍﻟﻲ ﺻﺎﺭ ..

ﺍﺗﺼﻠﻲ ﺑﻴﻪ ﺑﺎﻱ ﻭﻗﺖ ﻭﺍﻧﻲ ﺍﺟﻴﺞ ﺑﺲ ﻛﻮﻥ ﻫﺎﻟﻴﻮﻣﻴﻦ ﻻﺗﺘﺎﺧﺮﻳﻦ ﺣﺘﻰ ﺍﻓﺘﻬﻢ ﺍﻟﺴﺎﻟﻔﻪ ...

ﺍﻱ ﺧﺎﻟﻲ ﺻﺎﺭ ..

ﻣﻊ ﺍﻟﺴﻼﻣﻪ ...

ﺍﺭﺟﻊ ﻭﻳﺎﻛﻢ ﺑﺎﻻﺣﺪﺍﺙ ﻭﺍﻛﻤﻞ ﺍﻟﻜﻢ ﺍﻟﺠﺰﺀ ﺍﻟﻤﻔﻘﻮﺩ ...

ﺑﻌﺪ ﻣﺎ ﺍﺟﺎ ﺍﺑﻮﻳﻪ ﻋﻠﻰ ﺧﺎﻟﻲ ﻭﻫﺪﺩﻩ ﺍﻧﻲ ﺧﻔﺖ ﻣﻨﻪ ﻭﻗﺮﺭﺕ ﺍﻧﻬﺰﻡ ﺑﻌﺪ ﻣﺎﺍﺑﻘﻰ ﺑﻬﺎﻟﺒﻴﺖ ﻻﻥ ﺧﻴﺮﻳﻪ ﻭﺻﻠﺖ ﺧﺒﺮ ﻻﺑﻮﻳﻪ ﺍﻧﻲ ﺣﺎﻣﻞ .. ﻭﺑﻨﻔﺲ ﺍﻟﻴﻮﻡ ﺑﺎﻟﻠﻴﻞ ﺍﺟﺎ ﺍﺑﻮﻳﻪ ﺟﻨﺖ ﺩﺍﺗﻌﺸﻰ ﺍﻧﻲ ﻭﺧﺎﻟﻲ ﻭﺟﺎﻧﺖ ﻋﻨﺪﻱ ﺍﻻﻻﻡ ﻗﻮﻳﻪ ﺑﻄﻨﻲ ﺗﺮﻭﺡ ﻭﺗﺮﺟﻊ ..

ﻣﻦ ﺳﻤﻌﻨﺎ ﺍﻟﺒﺎﺏ ﺗﻨﺪﻙ ﻃﻠﻊ ﺧﺎﻟﻲ ﻭﺍﻧﻲ ﺩﺍﺑﺎﻭﻉ ﻣﻦ ﺷﺒﺎﻙ ﺍﻟﻐﺮﻓﻪ ﺍﻟﺜﺎﻧﻴﻪ ﻃﻔﻴﺖ ﺿﻮﺓ ﺍﻟﻐﺮﻓﻪ ﻭ ﺧﻔﺖ ﻟﻴﺸﻮﻓﻨﻲ ﺍﺑﻮﻳﻪ ﺑﺎﻟﻀﻮﺓ ..

ﻭﺷﻔﺘﻪ ﺍﺗﺼﺎﻳﺢ ﻭﻱ ﺧﺎﻟﻲ ﻭﻟﺰﻡ ﺧﺎﻟﻲ ﻣﻦ ﻳﺎﺧﺘﻪ ﻭﺟﺮﻩ ﺣﻴﻞ ﻭﻛﺎﻡ ﻳﺠﺮ ﺑﻴﻪ ﺑﻘﻮﺓ ﺧﻔﺖ ﻋﻠﻰ ﺧﺎﻟﻲ ﻻﻳﺼﻴﺮ ﺑﻴﻪ ﺷﻲ ﺧﺎﺻﻪ ﻭﺍﻥ ﺍﺑﻮﻳﻪ ﻗﻮﻱ ﺭﻏﻢ ﺍﻧﻪ ﺍﻛﺒﺮ ﻣﻦ ﺧﺎﻟﻲ ﺑﺲ ﺍﻟﺜﺎﻧﻲ ﺍﻟﺴﻜﺮ ﻣﺄﺫﻳﻪ ﻭﻣﺸﺎﻛﻞ ﻭﻟﺪﺓ ﻭﻣﺮﺗﻪ ﺍﻟﻲ ﺗﻌﺒﺘﻪ ﺍﻛﺜﺮ ﺑﻤﻜﺎﻥ ﻣﺎﺗﻮﻛﻒ ﻭﻳﺎﻩ ﺑﻤﺮﺿﻪ ..

ﻣﻦ ﺷﻔﺘﻬﻢ ﺗﻼﺯﻣﻮﺍ ﻃﻠﻌﺖ ﻣﻦ ﺣﺮﻛﺘﻲ ﻋﻠﻰ ﺧﺎﻟﻲ ﻭﺧﻮﻓﻲ ﻋﻠﻴﻪ ..

ﻛﺘﻠﻪ ﻋﻮﻓﻪ ﺭﺟﺎﻝ ﻣﺮﻳﺾ ﺣﺮﺍﻡ ﻋﻠﻴﻚ ﺷﺘﺮﻳﺪ ﻣﻨﻪ ..

ﻛﺎﻝ ﻭﺍﻟﺞ ﻋﻴﻦ ﺗﺤﺠﻴﻦ ﻳﺎﻙ ...... ﻩ .. ﻭﻛﺎﻡ ﻳﻀﺮﺏ ﺑﻴﻪ ﻭﺧﺎﻟﻲ ﻳﻜﻮﻟﻪ ﻋﻮﻓﻬﺎ ﺣﺮﺍﻡ ﻋﻠﻴﻚ ..

ﻳﺎﻟﻪ ﺍﻣﺸﻲ ﻭﻳﺎﻱ ..

ﻣﺎﺍﺭﻭﺡ ﻭﻳﺎﻙ ...

ﻻ ﺗﺠﻴﻦ ﻏﺼﺒﻦ ﻣﺎﻋﻠﻴﺞ ... ﺟﺮﻧﻲ ﻣﻦ ﺷﻌﺮﻱ ﻭﻃﺒﺒﻨﻲ ﻟﻠﺒﻴﺖ ﺑﺴﺮﻋﻪ ﺣﻀﺮﻱ ﻏﺮﺍﺿﺞ ..

ﺧﺎﻟﻲ ﻛﺎﻟﻪ ﻻﺑﻮﻳﻪ ﺭﺣﻴﻢ ﺑﺲ ﺍﺳﻤﻌﻨﻲ ..

ﺷﺎﺳﻤﻌﻚ ﻧﻄﻴﺖ ﺑﺘﻲ ﺍﻟﻚ ﻣﺜﻞ ﺍﻟﻮﺭﺩﻩ ﺗﺎﻟﻴﻬﺎ ﺗﻄﻠﻊ ﺣﺎﻣﻞ ﻭﺗﺴﻮﻱ ﺍﻟﻲ ﺳﻮﺗﻪ ﻭﺍﻧﺖ ﺷﻴﻬﻤﻚ ﻫﻲ ﺑﺘﻲ ﺗﻜﺴﺮ ﻇﻬﺮﻱ ﻭﻛﺘﻠﻚ ﻫﺎﻱ ﺍﻣﺎﻧﻪ ﻳﻤﻚ ﺗﺴﻴﺒﻬﺎ ﺑﺎﻟﺸﻮﺍﺭﻉ ..

ﺍﺗﺎﻛﺪ ﺧﺎﻟﻲ ﺃﻧﻪ ﺍﺑﻮﻳﻪ ﻣﻴﻌﺮﻑ ﺑﺴﺎﻟﻔﻪ ﻋﻠﻲ ..

ﺍﻧﻲ ﻣﺎﺳﻮﻳﺖ ﻫﺎﻟﺸﻲ ﻭﺑﻨﺘﻚ ﺍﻧﻈﻠﻤﺖ ﺍﻟﻲ ﺳﻮﺓ ﺑﻴﻬﺎ ﻫﻴﺞ ﺍﺑﻨﻲ ﺟﺎﻥ ﺳﻜﺮﺍﻥ ﻭﻣﻴﺪﺭﻱ ﺑﺮﻭﺣﻪ ﻭﺳﻮﻩ ﺍﻟﻲ ﺳﻮﺍﻩ ﻭﺍﻧﻲ ﺣﺮﻣﺘﻪ ﻣﻦ ﻛﻠﺸﻲ ﺣﺘﻰ ﻳﺠﻲ ﻳﺘﺰﻭﺟﻬﺎ ..

ﺍﺑﻮﻳﻪ ﺻﺎﺭﺕ ﻋﻴﻮﻧﻪ ﺣﻤﺮ ﻣﻦ ﻋﺮﻑ ﻋﻠﻲ ﺍﻏﺘﺼﺒﻨﻲ ﻭﺻﺎﺡ ﻋﻠﻰ ﺧﺎﻟﻲ ..

ﻃﻮﻝ ﻋﻤﺮﻱ ﺍﻛﻮﻝ ﻋﻠﻴﻜﻢ ﻣﺘﻌﺮﻓﻮﻥ ﺗﺮﺑﻮﻥ ﻻﺑﺘﻜﻢ ﺭﺑﺖ ﺑﻨﺘﻲ ﺯﻳﻦ ﻭﻻ ﺍﻧﺘﻮ ﺭﺑﻴﺘﻮ ﻭﻟﺪﻛﻢ .. ﺍﻛﻮ ﻭﺍﺣﺪ ﻳﻌﺘﺪﻱ ﻋﻠﻰ ﺑﺖ ﺧﺎﻟﻪ ﻭﻳﺘﻴﻤﻪ .. ﻫﻴﺞ ﺗﺴﻮﻭﻥ ﺑﺎﻻﻣﺎﻧﻪ ..

ﺩﻧﮓ ﺧﺎﻟﻲ ﺭﺍﺳﻪ ﻭﻛﺎﻝ ..

ﺍﺳﻤﻊ ﺭﺣﻴﻢ ﺍﻟﻮﻟﺪ ﺟﺎﻥ ﺳﻜﺮﺍﻥ ﻣﻴﺪﺭﻱ ﺑﺮﻭﺣﻪ ﻭﻫﺬﺍ ﻭﻋﺪ ﻣﻨﻲ ﻃﻮﻝ ﻣﺎﺍﻧﻲ ﻋﺎﻳﺶ ﺍﺟﻴﺒﻪ ﺍﻟﻚ ﻭﻳﺨﻄﺒﻬﺎ ﻭﻧﺴﺪ ﺍﻟﺴﺎﻟﻔﻪ .. ﻻﻥ ﺍﻧﻲ ﺣﺮﻣﺘﻪ ﻣﻦ ﺍﻟﻮﺭﺙ ﻭﻛﺘﻠﻪ ﻣﺎﺗﺎﺧﺬ ﻓﻠﺲ ﺍﻻ ﺗﺰﻭﺝ ﺑﺖ ﻋﻤﺘﻚ ...

ﺍﺑﻮﻳﻪ ﻛﻌﺪ ﻋﻠﻰ ﺍﻟﻜﺮﺳﻲ ﻫﻠﻜﺪ ﻣﺎﺗﻔﺎﺟﺄ ﻣﻦ ﺍﻟﻜﻼﻡ ﻭﺟﺎﻥ ﻳﺘﺼﻮﺭ ﺍﻧﻲ ﺍﻟﻲ ﺳﻮﻳﺘﻪ ﺑﺎﺭﺍﺩﺗﻲ ﺧﺎﺻﻪ ﺑﻌﺪ ﻣﺎ ﻧﺎﺩﻳﻪ ﻃﺒﺒﺖ ﻣﺆﻳﺪ ﻟﻐﺮﻓﺘﻲ ﻓﻘﺪ ﺛﻘﺘﻪ ﺑﻴﻪ ﻧﻬﺎﺋﻴﺎ ..

ﺟﻴﺒﻪ ﻻﺑﻨﻚ ﺑﺎﺳﺮﻉ ﻭﻗﺖ ﻭﻓﻀﻮﺍ ﺍﻟﻤﻮﺿﻮﻉ ﺍﻧﻲ ﺍﺧﺎﻑ ﻋﻤﺎﻣﻬﺎ ﻳﺸﻮﻓﻮﻫﺎ ﻭﻳﻌﺮﻓﻮﻥ ﻭﺗﮕﺐ ﺍﻟﺴﺎﻟﻔﻪ ﻭﺧﺎﻑ ﺑﻄﻨﻬﺎ ﺗﻜﺒﺮ ..

ﻣﺎﻋﻮﻓﻬﺎ ﻟﺒﻨﺘﻚ ﺑﻬﺎﻱ ﺍﻟﻤﺤﻨﻪ ﻫﺎﻱ ﺑﺖ ﺍﺧﺘﻲ ﻟﺤﻤﻲ ﻭﺩﻣﻲ ﺭﺣﻴﻢ ﻫﺬﺍ ﺩﻡ ﻣﻮ ﻣﻲ ..

ﻧﺰﻟﺖ ﻭﺍﺧﺬﺕ ﺍﻭﺭﺍﻗﻲ ﻛﻠﻬﺎ ﻭﺫﻫﺐ ﺍﻣﻲ ﻭﺧﻠﻴﺘﻬﺎ ﺑﺠﻨﻄﻪ ﺑﻌﺪ ﻣﺎﻃﻤﺎﻧﻴﺖ ﺃﻧﻪ ﺍﺑﻮﻳﻪ ﻣﻴﺴﻮﻱ ﺷﻲ ..

ﺑﻮﺳﺖ ﺧﺎﻟﻲ ﻭﻃﻤﺎﻧﻲ ﻛﺎﻝ ﻣﺤﺪ ﻳﻠﺰﻣﺞ ﻭﻳﺎﺫﻳﺞ ﻭﺍﺗﻔﻘﺖ ﻭﻳﺎﻩ ﺍﺟﻴﺐ ﻋﻠﻲ ﻭﻧﺠﻲ ﻻﻥ ﻋﻠﻲ ﻫﺴﻪ ﻣﺤﺼﻮﺭ ﻭﻣﺎﻋﻨﺪﻩ ﻣﺼﺮﻑ ﺍﻣﻪ ﺑﻌﺪ ﻣﺎﺗﻜﺪﺭ ﺗﺴﺘﻠﻢ ﺍﻹﻳﺠﺎﺭﺍﺕ ﺍﻻ ﺍﻧﺘﻲ ﺍﻭ ﺍﻧﻲ ﻭﻧﻄﺎﻧﻲ ﻭﺭﻗﻪ ﺻﻐﻴﺮﻩ ﻭﻛﺎﻝ ﻻﺗﺠﻴﺒﻴﻦ ﺳﻴﺮﻩ ﺍﻻﻣﻼﻙ ﻻﻱ ﺍﺣﺪ ..

ﺻﻌﺪﺕ ﻭﻱ ﺍﺑﻮﻳﻪ ﺑﺎﻟﺴﻴﺎﺭﻩ ﻭﺍﻧﻲ ﺍﺑﺠﻲ ﺣﺴﻴﺖ ﺍﺑﻮﻳﻪ ﻣﻬﻈﻮﻡ ﻋﻠﻴﻪ ..

ﻭﺳﺄﻟﻨﻲ ﻛﺎﻝ .. ﺷﻠﻮﻥ ﺻﺎﺭ ﻫﻴﺞ ﻣﻦ ﺷﻔﺘﻲ ﻧﻔﺴﺞ ﻣﻤﺮﺗﺎﺣﻪ ﻳﻤﻬﻢ ﺍﺗﺼﻠﻲ ﺑﻴﻪ ﺗﺎﻟﻲ ﻫﺬﺍ ﺍﻟﻜﻠﺐ ﻳﻔﺮﻁ ﺑﺸﺮﻓﻨﺎ ﺑﻬﺎﻱ ﺍﻟﺴﻬﻮﻟﻪ ..

ﻳﺎﺑﺎ ﺍﻧﺖ ﻋﻔﺘﻨﻲ ﺷﻤﺮﺗﻨﻲ ..

ﻣﺎﺷﻤﺮﺗﺞ ﺭﺩﺕ ﺍﺯﻭﺟﺞ ﻭﺍﺧﻠﺺ ﻭ ﺗﻌﻴﺸﻴﻦ ﻭﻱ ﻣﺆﻳﺪ ..

ﻳﺎﺑﺎ ﻣﺆﻳﺪ ﻣﺎﺍﻋﺮﻓﻪ ...

ﻟﻴﺶ ﺗﻜﺬﺑﻴﻦ ﺍﻧﻲ ﺷﻔﺘﻪ ﺑﻌﻴﻨﻲ ﻳﻤﺞ ﻭﺑﻐﺮﻓﺘﺞ ﺍﺭﻳﺪ ﻋﻠﻲ ﻳﺮﺟﻊ ﺣﺘﻰ ﺗﺘﺰﻭﺟﻴﻦ ﻭﻭﺗﻨﺘﻬﻲ ﺍﻟﺴﺎﻟﻔﻪ ..

ﺳﻜﺘﺖ ﻣﺎﺟﺒﺖ ﻃﺎﺭﻱ ﺳﺎﻟﻔﻪ ﻧﺎﺩﻳﻪ ﻭﻣﺆﻳﺪ ﺟﺎﻧﻮﺍ ﻋﻼﻗﻪ ﻭﺍﻟﻈﺎﻫﺮ ﺍﺑﻮﻳﻪ ﻣﻘﺘﻨﻊ ﺑﻜﻼﻡ ﻧﺎﺩﻳﻪ ..

ﻭﺻﻠﻨﺎ ﻟﻠﺒﻴﺖ ﺍﺗﻔﺎﺟﺎﺕ ﺑﻴﻪ ﻣﻮ ﺑﻴﺘﻨﺎ ﺟﺎﻥ ﺍﻻﺛﺎﺙ ﺍﺣﻠﻰ ﻣﻮﺩﻳﻞ ﻭﻧﺎﺩﻳﻪ ﻻﺑﺴﻪ ﻣﻼﺑﺲ ﻋﻤﺮﻱ ﻣﺸﻔﺘﻬﺎ ﺑﻬﻴﺞ ﺻﻮﺭﺓ ﻭﺑﻨﺎﺗﻬﺎ ﻛﺒﺮﺍﻧﺎﺕ ﻣﺎﻋﺮﻓﺘﻬﻢ ﻛﺎﻋﺪﺍﺕ ﻳﻘﺮﻭﻥ ﺻﺎﺭﻭﺍ ﺑﺎﻻﺑﺘﺪﺍﺋﻴﻪ ﻭﺣﺪﻩ ﺑﻴﻬﻢ ﻧﺴﺨﻪ ﻣﻦ ﺍﻣﻬﺎ ﻫﺎﻱ ﺍﻟﺠﺒﻴﺮﺓ ﺍﺳﻤﻬﺎ ﻫﻨﺪ ﻭﺍﻟﺜﺎﻧﻴﻪ ﺍﻟﺼﻐﻴﺮﻩ ﺍﺳﻤﻬﺎ ﺭﻧﺪ ..

ﻣﻦ ﺷﺎﻓﺘﻨﻲ ﺍﺟﺘﻲ ﺗﺮﻛﺾ ﺭﻏﻢ ﻫﻲ ﻣﺎﻋﺮﻓﺘﻨﻲ ﻣﺘﺬﻛﺮﻧﻲ ﺑﺲ ﻛﺎﻟﺘﻠﻲ ﺣﺘﻌﻴﺸﻴﻦ ﻳﻤﻨﺎ ﺍﻧﺘﻲ ..

ﺻﺎﺣﺖ ﻧﺎﺩﻳﻪ ﺑﻴﻬﺎ ﻟﺞ ﺭﻧﺪ ﺗﻌﺎﻱ ﻫﻨﺎ . .. ﺍﻧﻲ ﺳﻠﻤﺖ ﻣﻦ ﻃﺎﺭﻑ ﺧﺸﻤﻲ ﻭﻃﺒﻴﺖ ﻟﻐﺮﻓﺘﻲ ﻟﻜﻴﺘﻬﺎ ﻣﺴﻮﻳﺘﻬﺎ ﻏﺮﻓﻪ ﻟﺒﻨﺎﺗﻬﺎ ﻭﺍﺳﻤﻊ ﻫﻨﺪ ﺗﻜﻮﻝ ﻻﻣﻬﺎ ﺷﻨﻮﺣﺘﺎﺧﺬ ﻏﺮﻓﺘﻨﺎ ﻫﺎﻱ ... ﺳﺒﺤﺎﻥ ﺍﻟﻠﻪ ﺍﻟﻌﺮﮒ ﻣﺎﻝ ﺍﻣﻬﺎ ﻭﺍﻫﻠﻬﺎ ...

ﻃﺒﻴﺖ ﺭﺩﺕ ﺍﺧﻠﻲ ﻏﺮﺍﺿﻲ ﺑﻤﻜﺎﻥ ﻣﺤﺪ ﻳﻌﺮﻑ ﺑﻴﻪ ﺭﺟﻌﺖ ﻋﻠﻰ ﺍﺑﻮﻳﻪ ..

ﻳﺎﺑﺎ ﺍﺭﻳﺪ ﻣﻜﺎﻥ ﺍﻟﻲ ..

ﺭﺩﺕ ﻧﺎﺩﻳﻪ ﺑﺎﺳﺘﻬﺰﺍﺀ ﺍﺑﻘﻲ ﻫﺴﻪ ﻳﻢ ﺍﻟﺒﻨﺎﺕ ﺑﻴﻦ ﻣﺎﺑﺎﺟﺮ ﺗﺮﺗﺒﻴﻦ ﺍﻟﻤﺨﺰﻥ ..

ﺍﺑﻮﻳﻪ .. ﻧﺎﺩﻳﻪ ﺍﻟﺒﻨﻴﻪ ﺗﻌﺒﺎﻧﻪ ﻭﺷﻠﻮﻥ ﺗﻜﻌﺪ ﺑﺎﻟﻤﺨﺰﻥ ..

ﻳﺎﻟﻪ ﻋﻴﻨﻲ ﻋﻠﻰ ﺃﺳﺎﺱ ﺣﺎﻣﻞ ﺑﺎﺑﻦ ﺍﻟﺤﻼﻝ ﻣﺘﻌﺠﺒﻪ ﺍﻧﻲ ﺷﻠﻮﻥ ﻟﺴﻪ ﻣﺒﻘﻴﻬﺎ ﺗﺸﺘﻢ ﺍﻟﻬﻮﻯ ..

ﺭﺩﻳﺖ ﻋﻠﻴﻬﺎ ﺑﺼﻮﺕ ﻋﺎﻟﻲ ...

ﺍﺳﻤﻌﻲ ﺍﺑﻮﻳﻪ ﻇﻠﻤﻨﻲ ﻣﺮﺓ ﺑﺴﺎﻟﻔﻪ ﻣﺆﻳﺪ ﻟﻜﻦ ﻫﺎﻟﻤﺮﺓ ﻣﺮﺍﺡ ﻳﻈﻠﻤﻨﻲ ﻭﺍﻧﺘﻲ ﺗﻌﺮﻓﻴﻦ ﺍﻟﺤﻘﻴﻘﻪ ﻛﻠﺶ ﺯﻳﻦ ﻻﺗﺨﻠﻴﻨﻲ ﺍﺫﻛﺮﺝ ﺑﻌﺪ ..

ﺳﻤﻌﺖ ﺻﻮﺕ ﺑﺠﻲ ﻃﻔﻞ ﻣﻦ ﺍﻟﻐﺮﻓﻪ ..

ﺟﺎﻥ ﺗﺼﻴﺢ ﻧﺎﺩﻳﻪ ﺑﺨﻮﻑ ﺑﻌﺪ ﻣﺎﺷﺎﻓﺘﻨﻲ ﻣﺎﺍﺳﻜﺖ ﻭﺍﻟﻜﻠﻤﻪ ﺍﺭﺩﻫﺎ ﺑﻌﺸﺮﻩ ﻭﺷﺎﻓﺖ ﺍﺑﻮﻳﻪ ﻣﺘﺄﺛﺮ ﺑﻴﻪ ..

ﺷﻔﺖ ﺑﻨﺘﻚ ﺑﺼﻮﺗﻬﺎ ﺍﻟﻌﺎﻟﻲ ﻛﻌﺪﺕ ﺍﻟﻄﻔﻠﻪ ﻭﻓﺰﺯﺗﻬﺎ ﺣﺘﺼﻴﺮ ﺧﺮﻋﻪ ﺑﻴﻬﺎ .. ﻭﺭﺍﺣﺖ ﻟﻠﻐﺮﻓﻪ ..

ﺑﺎﻭﻋﺖ ﻻﺑﻮﻳﻪ ﺻﺎﻓﻦ ﻭﺗﻌﺒﺎﻥ ..

ﻳﺎﺑﺎ ﻫﺎﻱ ﻣﻨﻮ ﺍﻟﻄﻔﻠﻪ ﺑﺎﻟﻐﺮﻓﻪ ﺗﺒﺠﻲ ..

ﻫﺎﻱ ﺍﺧﺘﺞ .... ﻧﺎﺩﻳﻪ ﺧﻠﻔﺘﻠﻲ ﻫﺎﻟﺒﻨﻴﻪ ...

ﺭﻑ ﮔﻠﺒﻲ ﻋﻠﻴﻬﺎ ﻣﻦ ﻛﺎﻝ ﺍﺧﺘﺞ ..

ﻳﺎﺑﺎ ﺷﻨﻮ ﺍﺳﻤﻬﺎ ...

ﺭﻳﻢ ..

ﻓﺮﺣﺖ ﻛﻠﺶ ﻋﻨﺪﻱ ﺍﺧﺖ ﺻﺢ ﻫﻴﻪ ﺑﺖ ﻧﺎﺩﻳﻪ ﺑﺲ ﺍﻧﻲ ﻭﻳﺎﻫﺎ ﻧﻔﺲ ﺍﺳﻢ ﺍﻻﺏ ..

ﻃﻠﻌﺖ ﻧﺎﺩﻳﻪ ﺗﺄﻓﺄﻑ ...

ﻛﻤﺖ ﺍﺧﺬﺗﻬﺎ ﻣﻨﻬﺎ ﻭﺑﺴﺘﻬﺎ ﺟﺎﻧﺖ ﺗﺸﺒﻪ ﺍﺑﻮﻳﻪ ..

ﻧﺎﺩﻳﻪ ﻓﺮﺣﺖ ﻣﻦ ﺍﺧﺬﺗﻬﺎ ﻻﻥ ﺗﺪﺭﻱ ﺑﻴﻪ ﺍﺣﺐ ﺍﻟﺠﻬﺎﻝ ﺣﺘﻰ ﺗﺬﺑﻬﺎ ﻋﻠﻴﻪ ...

ﺟﺎﻧﺖ ﺭﻳﻢ ﻋﻤﺮﻫﺎ ﺳﻨﻪ ﻭﻧﺺ ﻭﺻﻠﺖ ﺗﺒﺎﻭﻉ ﻋﻠﻴﻪ ﻣﻦ ﺷﺎﻳﻠﺘﻬﺎ ﻭﺧﻠﻴﺘﻬﺎ ﺑﺤﻈﻨﻲ ﺗﻤﻨﻴﺖ ﺭﻳﻢ ﻣﻦ ﺍﻣﻲ ﻭﺗﺨﻴﻠﺖ ﺑﻴﺒﻲ ﺷﻠﻮﻥ ﺟﺎﻧﺖ ﺗﺪﺍﺭﻳﻨﻲ ﻭﺗﺨﺎﻑ ﻋﻠﻴﻪ ..

ﻃﺒﻴﺖ ﻟﻠﻤﺨﺰﻥ ﺭﺗﺒﺘﻪ ﻭﺑﺎﻭﻋﺖ ﺭﻳﻢ ﺗﺒﺎﻭﻉ ﻋﻠﻴﻪ ﻭﺍﻛﻔﻪ ﺑﺎﻟﺒﺎﺏ ﻭﻛﻌﺪﺕ ﺻﺎﻓﻨﻪ ﻋﻠﻴﻪ ..

ﺟﺎﻧﺖ ﺍﻟﺴﺎﻋﻪ ٢ﺑﺎﻟﻠﻴﻞ ﻭﺍﻧﻲ ﺍﺭﺗﺐ ﺍﻟﻤﺨﺰﻥ ﺑﺎﻭﻋﺖ ﺭﻳﻢ ﻧﻌﺴﺖ ﻭﺍﻟﻤﺨﺰﻥ ﺑﺎﺭﺩ ﻣﻮ ﻣﺎﻝ ﺗﻨﺎﻡ ﺑﻴﻪ ﺭﺣﺖ ﻟﻜﻴﺖ ﺍﺑﻮﻳﻪ ﻧﺎﻳﻢ ﻭﻧﺎﺩﻳﻪ ﻫﻢ ﺩﻛﻴﺖ ﺍﻟﺒﺎﺏ ﺭﺩﺕ ﻋﻠﻴﻪ ﻧﺎﺩﻳﻪ ﻧﻴﻤﻴﻬﺎ ﻳﻤﺞ ﻋﻠﻤﻴﻬﺎ ﻋﻠﻴﺞ .. ﻭﻧﻄﺘﻨﻲ ﺻﻮﺑﻪ ﻭﻣﻼﺑﺴﻬﺎ ﺣﺘﻰ ﺍﺑﺪﻟﻠﻬﺎ .. ﺧﻠﻴﺖ ﺍﻟﺼﻮﺑﻪ ﺑﺎﻟﻤﺨﺰﻥ ﻭﺑﺪﻟﻠﺘﻬﺎ ﻭﺷﺮﺑﺘﻬﺎ ﺍﻟﺤﻠﻴﺐ ﻭﻧﺎﻣﺖ ﺭﺍﺳﺎً ..

ﺿﻤﻴﺖ ﻏﺮﺍﺿﻲ ﺑﺎﻟﺒﻮﻓﻴﻪ ﻣﺎﻝ ﻓﺮﺍﺵ ﻣﺎﻟﺘﻬﺎ ﻭﻧﻤﺖ ﺑﺲ ﺟﺎﻧﺖ ﻧﻮﻣﺘﻲ ﻗﻠﻘﻪ ﻣﻦ ﻭﺟﻊ ﺑﻄﻨﻲ ..

ﺿﻠﻴﺖ ﻳﻮﻣﻴﻦ ﺍﺷﺘﻐﻞ ﻭﺍﺗﻌﺐ ﻭﺭﻳﻢ ﺟﺎﻧﺖ ﻓﺮﺣﺎﻧﻪ ﺑﻴﻪ ﻭﺍﺑﺘﺴﺎﻣﺘﻬﺎ ﺗﺨﻔﻒ ﻋﻠﻴﻪ ﻭﺑﻴﻮﻡ ﺭﺣﺖ ﻟﻠﺴﻮﻙ ﻭﺍﺧﺬﺕ ﻫﻨﺪ ﻭﻳﺎﻱ ﺍﺷﺘﺮﻱ ﻛﻢ ﺷﻐﻠﻪ ﻭﺭﺟﻌﺖ ﻣﻜﺪﺭﺕ ﺍﻣﺸﻲ ﻫﻮﺍﻱ ﻣﻦ ﺍﻟﺘﻌﺐ ﻭﺍﻻﻻﻡ ﺑﻄﻨﻲ ..

ﻭﺻﻠﺖ ﻟﻠﺒﻴﺖ .. ﻟﻜﻴﺖ ﻧﺎﺩﻳﻪ ﺑﺎﺏ ﺍﻟﻐﺮﻓﻪ ﻭﺷﺎﻳﻠﻪ ﺍﻻﻭﺭﺍﻕ ﺑﺎﻳﺪﻫﺎ ..

ﻭﺍﻧﻲ ﺩﺍﺍﻧﺰﻉ ﺍﻟﺤﺠﺎﺏ ﺍﻟﺘﻔﺘﺖ ﻋﻠﻰ ﺻﻮﺗﻬﺎ ﻭﻫﻲ ﺗﻜﻮﻟﻲ ﻛﻞ ﻫﺎﻱ ﻋﻨﺪﺝ ﻭﻣﺎﺣﺠﻴﺖ ..

ﺗﻔﺎﺟﺎﺕ ﻣﻨﻬﺎ ﻭﺟﺮﺑﺖ ﺍﻻﻭﺭﺍﻕ ﻣﻨﻬﺎ ﻭﻛﺘﻠﻬﺎ ﻣﻌﻠﻴﺞ ﺍﻧﺘﻲ ..

ﻫﺴﻪ ﺍﺷﻮﻓﺞ ﻣﻨﻮ ﻋﻠﻴﻪ ..

ﺿﻠﻴﺖ ﺑﻤﻜﺎﻧﻲ ﺧﺎﻳﻔﻪ ﻳﺎﺭﺑﻲ ﺷﻠﻮﻥ ﻋﺮﻓﺖ ﻣﻜﺎﻥ ﺍﻻﻭﺭﺍﻕ ﻭﻋﺮﻓﺖ ﺍﻻﻣﻼﻙ ﻛﻠﻬﺎ ﺑﺎﺳﻤﻲ ﻫﺎﻱ ﺍﻣﺎﻧﻪ ﻣﻮ ﻣﻠﻜﻲ ﺧﺎﻟﻲ ﺭﺍﺩ ﻳﺤﺎﻓﻆ ﻋﻠﻴﻬﺎ ﻣﻦ ﺧﻴﺮﻳﻪ ﺗﻮﻛﻊ ﺑﻴﺪ ﻫﺎﻱ ﺍﻟﺤﻘﻴﺮﺓ ﻧﺎﺩﻳﻪ ..

ﺍﺟﺎ ﺍﺑﻮﻳﻪ ﺑﺎﻟﻠﻴﻞ ﻣﻜﺪﺭﺕ ﻳﻜﻤﻞ ﺷﻐﻠﻪ ﻣﻦ ﺍﻟﺒﺮﺩ ﻭﺍﻟﻤﻄﺮ ﺟﺎﻥ ﻗﻮﻱ ﻭﺣﺘﻰ ﺍﻟﻜﻬﺮﺑﺎﺀ ﻛﺎﻣﺖ ﺗﻄﻔﻰ ﻭﺗﺸﺘﻐﻞ ..

ﺍﻭﻝ ﻣﺎﺍﺟﺎ ﺍﺧﺬﺗﻪ ﻧﺎﺩﻳﻪ ﺍﻟﻐﺮﻓﻪ ﻭﺑﺪﺕ ﺗﺤﺠﻲ ﺑﺮﺃﺳﻪ ..

ﺍﻧﻲ ﺧﻔﺖ ﻣﻨﻬﺎ ﺑﺲ ﺑﻌﺪﻳﻦ ﻛﻠﺖ ﻟﻴﺶ ﺩﺍﺧﺎﻑ ﻟﻮ ﺍﻋﺮﻑ ﺍﺭﺟﻊ ﻟﺒﻴﺖ ﺧﺎﻟﻲ ﻭﺍﻧﻄﻴﻪ ﺍﻻﻭﺭﺍﻕ ﻭﺍﺧﻠﺺ ﻣﻨﻬﻢ ﻭﺍﺭﺟﻌﻠﻪ ﻛﻠﺸﻲ .. ﺑﺲ ﺍﻟﺒﻴﺖ ﺍﻟﺼﻐﻴﺮ ﺍﻟﻲ ..

ﺍﺟﺎﻧﻲ ﺍﺑﻮﻳﻪ ﺍﻟﻐﺮﻓﻪ ..

ﻫﺒﻪ ﺻﺢ ﺍﻟﻲ ﺳﻤﻌﺘﻪ ﺍﻣﻼﻙ ﺑﺎﺳﻤﺞ ..

ﺍﻱ ﺻﺢ ﺑﺲ ﻫﺎﻱ ﺍﻻﻣﻼﻙ ﺑﺎﺳﻤﻲ ﺣﺘﻰ ﺍﺷﺘﺮﻱ ﺑﻴﻬﺎ ﺣﻴﺎﺗﻲ ..

ﺷﻠﻮﻥ ﻳﻌﻨﻲ ..

ﻳﻌﻨﻲ ﺣﺘﻰ ﺍﺗﺰﻭﺝ ﻣﻦ ﻋﻠﻲ ﻭﻳﻌﺘﺮﻑ ﺑﺎﺑﻨﻪ ﺍﺭﺟﻊ ﺍﻟﻤﺎﻝ ﺍﻟﻬﻢ ﻻﻥ ﺧﻴﺮﻳﻪ ﺍﻭ ﻭﻟﺪﻫﺎ ﺭﻓﻌﻮﺍ ﻗﻀﻴﻪ ﺣﺠﺮ ﺑﺲ ﺧﺴﺮﻭﻫﺎ ﻭﺧﺎﻟﻲ ﺑﺎﻋﻠﻲ ﻛﻠﺸﻲ ﺣﺘﻰ ﻳﺄﻣﻦ ﻋﻠﻴﻬﻢ ..

ﻭﺍﻧﻲ ﻫﻢ ﺍﺭﻳﺪ ﺃﻣﻦ ﻋﻠﻴﺞ ..

ﺷﺘﻘﺼﺪ ..

ﺣﻮﻟﻲ ﻛﻠﺸﻲ ﺑﺎﺳﻤﻲ ﺍﻧﻲ ﺍﺑﻮﺝ ﺣﺘﻰ ﻳﺼﻴﺮ ﺿﻐﻂ ﻋﻠﻴﻬﻢ ﻭﻳﻌﺘﺮﻑ ﺑﺰﻭﺍﺟﻪ ﻭﺍﻟﻮﻟﺪ ..

ﻳﺎﺑﺎ ﻫﺎﻱ ﺍﻣﺎﻧﻪ ﻭﺷﻜﻮ ﻓﺮﻕ ﺍﻻﻣﺎﻧﻪ ﺍﺫﺍ ﻳﻤﻲ ﺍﻭ ﻳﻤﻚ ..

ﺑﻨﺘﻲ ﺍﺭﻳﺪ ﺍﺫﻟﻬﻢ ﻣﺜﻞ ﻣﺎﺫﻟﻮﺝ ...

ﻳﺎﺑﺎ ﺧﺎﻟﻲ ﻣﻌﻠﻴﻪ ...

ﺻﺎﺣﺖ ﻧﺎﺩﻳﻪ ﺍﻧﻄﻴﻨﺎ ﺍﻻﻭﺭﺍﻕ ﻭﺣﻮﻟﻲ ﻻﺑﻮﺝ ﻛﻠﺸﻲ ﻭﻋﻮﻓﻴﻪ ﻟﻌﻠﻲ ﺍﻟﻒ ﻭﺍﺣﺪ ﻳﺘﻤﻨﺎﺝ ..

ﻭﺷﻠﻮﻥ ﺍﺗﺰﻭﺝ ﻭﺍﻧﻲ ﻣﻮ ﺑﻨﻴﻪ . .

ﻣﻌﻠﻴﺞ ﻋﻮﻓﻴﻬﺎ ﻋﻠﻰ ﺧﺎﻟﺘﺞ ﻧﺎﺩﻳﻪ ﺍﺟﻴﺒﻠﺞ ﺍﺣﺴﻦ ﻗﺴﻤﻪ ﺍﺑﻦ ﺍﺧﺘﻲ ﺫﺍﻙ ﺍﻟﺸﺎﺏ ﻭﻧﺴﻮﻳﻠﺞ ﻋﻤﻠﻴﻪ ﺗﺮﻗﻴﻊ ﻭﻻ ﻋﻠﻲ ﻭﻻ ﻏﻴﺮﻩ .. ﻭﺛﻤﻦ ﺍﻟﻲ ﺳﻮﻭﻩ ﺑﻴﺞ ﺍﺧﺬﺗﻴﻪ ﺃﻣﻼﻛﻬﻢ ﻭﺍﻧﺴﻴﻬﻢ ..

ﺑﺎﻭﻋﺖ ﻋﻠﻴﻬﺎ ﻫﺎﻱ ﺷﻴﻄﺎﻥ ﻣﻮ ﻣﺮﺓ ..

ﻭﺧﻠﻲ ﺍﻓﺮﺽ ﻃﺎﻭﻋﺘﺞ ﻟﻴﺶ ﺍﺣﻮﻝ ﺍﻻﻣﻼﻙ ﺑﺎﺳﻢ ﺍﺑﻮﻳﻪ ﺗﺒﻘﻰ ﺍﻟﻲ ﺷﻨﻮ ﺍﻟﻔﺮﻕ ..

ﺍﻟﻔﺮﻕ ﺍﺫﺍ ﺗﺰﻭﺟﺘﻲ ﻭﺍﺟﺎ ﺧﺎﻟﺞ ﻳﺮﻳﺪ ﺃﻣﻼﻛﻪ ﺧﺎﻑ ﻳﺮﻓﻊ ﻗﻀﻴﻪ ﺍﻭ ﻣﻮﻗﻌﺞ ﻋﻠﻰ ﺷﻲ ﻭﺍﻧﺘﻲ ﻣﺘﺪﺭﻳﻦ ﺍﻟﻤﺤﻜﻤﻪ ﺍﻛﻴﺪ ﺣﺘﺮﺍﺟﻊ ﻭﺭﺍﺡ ﻭﺍﺷﻮﻑ ﻋﻨﺪﺝ ﺃﻣﻼﻙ ﻟﻮ ﻻ ﻭﺍﺫﺍ ﻋﺮﻓﺖ ﺍﻛﻮ ﺍﻣﻼﻙ ﺣﺘﺴﺤﺐ ﺍﻻﻭﻝ ﻭﺍﻟﺘﺎﻟﻲ ﻣﻨﺞ ...

ﺑﺲ ﺧﺎﻟﻲ ﻣﻤﻮﻗﻌﻨﻲ ﻋﻠﻰ ﺷﻲ ..

ﻭﺍﻧﺘﻲ ﺷﻤﻌﺮﻓﺞ ﻳﺠﻮﺯ ﻋﻨﺪﻩ ﺍﺛﺒﺎﺕ ..

ﺍﺑﻮﻳﻪ .. ﺑﻨﺘﻲ ﻛﻼﻡ ﻧﺎﺩﻳﻪ ﺻﺢ ﺧﻠﻴﻨﻲ ﺍﻟﺰﻣﻬﻢ ﻣﻦ ﺍﻳﺪﻫﻢ ﺍﻟﻲ ﺗﻮﺟﻌﻬﻢ ..

ﺯﻳﻦ ﻭﺍﺑﻨﻲ ﺷﻠﻮﻥ ﺍﻟﻲ ﺑﻄﻨﻲ ...

ﺍﻧﺰﻟﻪ ﺍﻟﺞ ﻭﺍﺫﺍ ﻣﺘﻘﺒﻠﻴﻦ ﺍﺣﻨﺎ ﻧﺮﺑﻴﻪ ﺍﻟﺞ .... ﻧﺎﺩﻳﻪ ﻛﺎﻟﺖ ..

ﺿﻠﻴﺖ ﺳﺎﻛﺘﻪ ﺧﻔﺖ ﺍﺣﺠﻲ ﺣﺘﻰ ﻳﺄﻣﻨﻮﻥ ﺑﻴﻪ ﻣﺴﺘﺤﻴﻞ ﺍﺣﻮﻝ ﺷﻲ ﻻﺑﻮﻳﻪ ﻣﻮ ﻻﻥ ﻣﺎﺍﺛﻖ ﺑﻴﻪ ﺍﻧﻲ ﺍﺩﺭﻱ ﺍﺑﻮﻳﻪ ﻳﺮﻳﺪ ﻳﻨﺘﻘﻢ ﻣﻨﻬﻢ ﻭﻳﺬﻟﻬﻢ ﻟﻜﻦ ﻣﺎﺍﻣﻦ ﺍﻭ ﺍﺛﻖ ﺑﻨﺎﺩﻳﻪ ﻻﺗﻠﻌﺐ ﻟﻌﺒﻪ ﻭﺗﻘﻨﻊ ﺍﺑﻮﻳﻪ ﻳﺴﻠﻤﻬﺎ ﻛﻠﺸﻲ ..

ﺿﻠﺖ ﺑﻄﻨﻲ ﺗﻮﺟﻌﻨﻲ ﻭﻧﺎﺩﻳﻪ ﺗﺘﻠﻮﻙ ﺍﻟﻲ ﺑﻬﺬﺍ ﺍﻟﻴﻮﻡ ﻭﻛﺘﻠﻬﻢ ﺍﻧﻲ ﻣﻮﺍﻓﻘﻪ ﺍﺑﻴﻊ ﻻﺑﻮﻳﻪ ﺍﻧﺘﻈﺮﺗﻬﻢ ﻳﻨﺎﻣﻮﻥ ﻭﺧﻠﻴﺘﻬﺎ ﺗﻔﺮﺡ ﻭﺍﻧﻬﺰﻣﺖ ﺑﺎﻟﻠﻴﻞ ﺍﺧﺬﺕ ﺍﻭﺭﺍﻗﻲ ﻭﺍﻟﺬﻫﺐ ﻭﻛﻠﺖ ﺍﻧﻬﺰﻡ ﻟﻐﻴﺮ ﻣﻜﺎﻥ ﺍﺭﻭﺡ ﺍﺧﺬ ﺍﻻﻳﺠﺎﺭﺍﺕ ﻭﺍﻋﻴﺶ ﺑﻴﻬﺎ ﺑﻐﻴﺮ ﻣﻜﺎﻥ ﻟﺤﺪ ﻣﺎﺍﺟﻴﺐ ﻭﺍﺗﺼﻞ ﺑﺨﺎﻟﻲ ﻭﺍﻛﻮﻟﻪ ﻋﻠﻰ ﻧﺎﺩﻳﻪ ﺷﻘﺮﺕ ﺑﺮﺍﺱ ﺧﺎﻟﻲ ﻭﺍﻟﻠﻪ ﻳﺤﻠﻬﺎ ..

ﺍﻧﻄﻔﺖ ﺍﻟﻜﻬﺮﺑﺎﺀ ﻭﻧﺎﻣﻮﺍ ﺍﻟﻜﻞ ﻭﺟﺎﻧﺖ ﺭﻳﻢ ﻳﻢ ﺍﻣﻬﺎ ﻻﻥ ﻛﺘﻠﻬﺎ ﺑﻄﻨﻲ ﺩﺗﻮﺟﻌﻨﻲ ﺣﺘﻰ ﻣﻦ ﺍﻃﻠﻊ ﻻﺗﻀﻠﻴﻦ ﻭﺣﺪﻫﺎ ﺑﺎﻟﻐﺮﻓﻪ ..

ﺻﺎﺭﺕ ﺍﻟﺴﺎﻋﻪ ١٢ ﺗﻘﺮﻳﺒﺎ ﻭﺍﻟﻜﻞ ﻧﺎﻳﻢ ﻃﻠﻌﺖ ﺍﻣﺸﻲ ﻋﻠﻰ ﻛﻴﻔﻲ ... ﻣﺸﻴﺖ ﺑﺎﻟﺸﺎﺭﻉ ﺍﻟﺪﻧﻴﺎ ﻇﻠﻤﻪ ﻭﻣﺤﺪ ﺑﺎﻟﺸﺎﺭﻉ .. ﻗﺮﻳﺐ ﻣﺎﺍﻭﺻﻞ ﺍﻟﺸﺎﺭﻉ ﺍﻟﻌﺎﻡ ﺭﻛﺾ ﻭﺭﺍﻳﻪ ﭼﻠﺐ ﻣﻦ ﺍﻟﺨﻮﻑ ﺭﻛﻀﺖ ﺳﺮﻳﻊ ﻭﻗﺮﺭﺕ ﺍﺭﺟﻊ ﻟﻠﺒﻴﺖ ﻣﻦ ﺧﻮﻓﻲ ﻭﺟﺎﻥ ﺑﻴﺘﻨﺎ ﻗﺮﻳﺐ ﻋﻠﻰ ﺍﻟﺸﺎﺭﻉ ﻭﻛﻌﺖ ﺑﺤﻔﺮﻩ ﻗﻮﻳﻪ ﻻﻥ ﺟﺎﻥ ﺍﻟﺸﺎﺭﻉ ﻛﻠﻪ ﻃﺴﺎﺕ ﻭﺣﻔﺮ ﻭﺍﻧﻀﺮﺑﺖ ﻋﻠﻰ ﻭﺟﻬﻲ ﺍﻭ ﻭﻛﻌﺖ ﻋﻠﻰ ﺑﻄﻨﻲ .. ﺻﺎﺭ ﺍﻟﻢ ﺑﻄﻨﻲ ﻭﺷﻔﺖ ﻧﻔﺴﻲ ﺍﻧﺰﻑ ﻛﻤﺖ ﺑﺎﻟﻜﻮﻩ ﺭﺩﺕ ﺍﺭﺟﻊ ﺑﺲ ﺳﻤﻌﺖ ﺻﻮﺕ ﺍﻟﭽﻼﺏ ﺍﻗﺘﺮﺏ ﺧﻔﺖ ﺍﻗﺘﺮﺑﺖ ﻟﻠﺸﺎﺭﻉ ﺷﻔﺖ ﺳﻴﺎﺭﺓ ﺗﻤﺸﻲ ﻋﻠﻰ ﻛﻴﻔﻬﺎ ﺑﺲ ﺟﻨﺖ ﺧﺎﻳﻔﻪ ﻭﺩﺍﻳﺨﻪ ﻭﺃﺗﻮﺟﻪ ﺍﺑﻮ ﺍﻟﺴﻴﺎﺭﺓ ﻋﻠﻴﻪ ﻭﺻﺪﻣﻨﻲ ﺑﺴﻴﺎﺭﺗﻪ ﻭﻣﺸﻰ ﺷﻮﻳﻪ ﺍﻭ ﻭﻛﻒ ﻧﺰﻝ ﻋﻠﻴﻪ ﻭﺍﻧﻲ ﺑﺪﻳﺖ ﺍﻓﻘﺪ ﺍﻟﻮﻋﻲ ﻭﻫﻮ ﻓﺘﺢ ﺿﻮﺓ ﺍﻟﺠﺪﺍﺣﻪ ﻭﺑﺎﻭﻉ ﻋﻠﻴﻪ ... ﻭﺷﺎﻟﻨﻲ ﺑﺴﻴﺎﺭﺗﻪ .... ﺣﺴﻴﺖ ﺍﻟﺪﻡ ﻣﻠﻰ ﺍﻟﺴﻴﺎﺭﺓ ﺍﺭﻳﺪ ﺍﻛﻮﻟﻪ ﺭﺟﻌﻨﻲ ﻟﻠﺒﻴﺖ ﻭﻣﻜﺪﺭﺕ ﺍﺣﺠﻲ

...... 

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤