رواية إلتقينا صدفه الجزء الثاني عشر

..... 

رواية إلتقينا صدفه الجزء الثاني عشر 

..... 

ﻋﻤﺎﺭ ..

ﺑﻌﺪ ﻣﺎﻟﻜﻴﺖ ﻋﻨﻮﺍﻧﻬﺎ ﻓﺮﺣﺖ ﻟﻜﻴﺖ ﻫﺒﻪ ﻭﺍﺧﻴﺮﺍ ﺭﺍﺡ ﺍﻋﻮﺿﻬﺎ ﺍﻟﻲ ﺧﺴﺮﺗﻪ ﻛﻠﻪ ﻻﺯﻡ ﺍﻃﻠﻌﻬﺎ ﻣﻦ ﻫﺎﻱ ﺍﻟﺒﻴﺌﻪ ﺍﻟﻲ ﻋﺎﻳﺸﻪ ﺑﻴﻬﺎ ﻧﺎﺱ ﻣﺎﺗﺮﺣﻢ ﻻ ﺍﺏ ﻳﻌﺘﻨﻲ ﺑﻴﻬﺎ ﻭﻳﺎﺧﺬﻟﻬﺎ ﺣﻘﻬﺎ ﺍﻭ ﻋﺪﻫﺎ ﺍﺥ ﺍﻭ ﺍﻡ ﻳﺸﻴﻠﻮﻥ ﻋﻨﻬﺎ ﻭﻳﺨﻔﻔﻮﻥ ﻋﻨﻬﺎ ﻣﺼﺎﻳﺐ ﺍﻟﺪﻧﻴﺎ ...

ﻭﺻﻠﺖ ﻟﻠﺒﻴﺖ ﺍﺗﻠﻜﺘﻨﻲ ﻣﺮﻳﻢ .

ﺷﻮ ﺗﺎﺧﺮﺕ ..

ﺷﻐﻞ ﻋﻨﺪﻱ .. ﺣﻀﺮﻳﻠﻲ ﻋﺸﻪ ﺟﻮﻋﺎﻥ ﻭﺷﻮﻓﻴﻠﻲ ﻣﻼﺑﺴﻲ ﻣﺎﻝ ﺍﻟﺸﻐﻞ ﻏﺴﻠﻴﻬﻢ ﻭﺍﻛﻮﻳﻬﻢ ..

ﻟﻴﺶ ﺧﻠﺼﺖ ﺍﺟﺎﺯﺗﻚ ..

ﻻ ﻋﻨﺪﻱ ﺷﻐﻞ ﻻﺯﻡ ﺍﻛﻀﻴﻪ ﻫﺎﻟﻴﻮﻣﻴﻦ .. ﺍﺗﻌﺸﻴﺖ ﻭﺷﺮﺑﺖ ﺍﻟﺠﺎﻱ ..

ﻣﺮﻳﻢ .. ﺷﺒﻴﻚ ﻋﻤﺎﺭ ..

ﻻ ﻣﺎﺑﻴﻪ ...

ﻣﻮ ﻋﻠﻰ ﺑﻌﻀﻚ ﺍﺣﺲ ..

ﻻ ﺑﺲ ﻟﻜﻴﺖ ﺧﺒﺮﻋﻦ ﻫﺒﻪ ..

ﺻﺪﮒ ..

ﺍﻱ ﺍﻟﺤﻤﺪﻟﻠﻪ ..

ﺍﺭﻭﺡ ﺍﻧﺎﻡ ﻭﺍﺩﻋﻴﻠﻲ ﺑﺎﺟﺮ ﺍﺑﺪﻱ ...

ﺷﺘﺒﺪﻱ ..

ﺍﺩﻋﻴﻠﻲ ﻭﺑﻌﺪﻳﻦ ﺗﻌﺮﻓﻴﻦ ..

ﺻﻌﺪﺕ ﻧﻤﺖ ﺑﻐﺮﻓﺘﻲ ﺍﻭﻝ ﻣﺮﺓ ﺍﻧﺎﻡ ﻣﺮﺗﺎﺡ ..

ﺛﺎﻧﻲ ﻳﻮﻡ ﺭﺣﺖ ﻟﻠﺸﻐﻞ ﺭﻏﻢ ﺍﺟﺎﺯﺗﻲ ﻣﺎﺧﻠﺼﺖ ﺑﺲ ﺑﺪﻳﺖ ﺍﻣﺎﺭﺱ ﻋﻤﻠﻲ .. ﻭﺩﺯﻳﺖ ﺍﺛﻨﻴﻦ ﻳﺠﻴﺒﻮﻟﻲ ﻣﻌﻠﻮﻣﺎﺕ ﻋﻦ ﺑﻴﺖ ﺍﻫﻞ ﻫﺒﻪ ﻗﺒﻞ ﻛﻠﺸﻲ ..

ﺟﺎﺑﻮﻟﻲ ﻣﻌﻠﻮﻣﺎﺕ ﺃﻧﻪ ﻧﺎﺩﻳﻪ ﺗﻠﺘﻘﻲ ﺑﺸﺨﺺ ﻣﺸﺒﻮﻩ ﺑﻴﺘﻬﺎ ﻭﻓﻮﻙ ﻫﺬﺍ ﻛﻠﻪ ﻫﻮ ﺻﺎﺭﻟﻪ ﺳﻨﻪ ﻣﻦ ﻃﻠﻊ ﻣﻦ ﺍﻟﺴﺠﻦ ﺑﺘﻬﻤﺔ ﺳﺮﻗﻪ ﺳﻴﺎﺭﺍﺕ ﻭﻣﺤﻼﺕ ﺫﻫﺐ ﻛﺎﻥ ﺍﺳﻤﻪ ﻋﺒﺎﺱ .. ﺳﺄﻟﺖ ﻋﻦ ﻣﺆﻳﺪ ﻋﺮﻓﺘﻪ ﻋﺎﻳﻒ ﺍﻟﻤﻨﻄﻘﻪ ﻣﻦ ﺯﻣﺎﻥ ﻭﺭﺍﻳﺢ ﻟﻤﺤﺎﻓﻈﺎﺕ ﻭﻣﺘﺰﻭﺝ ﻫﻨﺎﻙ ..

ﺍﺗﺼﻠﺖ ﺑﻤﺮﺍﺩ ﻭﺣﺠﻴﺘﻠﻪ .. ﻛﺎﻝ ﻻﺯﻡ ﺍﻃﻠﻊ ﻭﻳﺎﻙ ﻭﻧﺪﺍﻫﻢ ﺑﻴﺘﻬﻢ ﺣﺘﻰ ﻧﻌﺮﻑ ﺷﻠﻮﻥ ﻧﻔﺮﻫﺎ ﻋﻠﻴﻬﻢ ﺑﺲ ﺳﺎﻟﻨﻲ ﺳﺆﺍﻝ ..

ﻧﺎﺩﻳﻪ ﻋﺪﻫﺎ ﺍﻃﻔﺎﻝ ..

ﺍﺑﻦ ﺍﻟﺸﻴﺦ ﻛﺎﻟﻲ ﻋﺪﻫﺎ ﺑﻨﻴﻪ ﻣﻦ ﺭﺣﻴﻢ .. ﻭﻛﺎﻟﺖ ﻫﺒﻪ ﻋﺪﻫﺎ ﺑﻨﺎﺕ ﺍﺛﻨﻴﻦ ﻣﻦ ﺯﻭﺟﻬﺎ ﺍﻟﻤﺘﻮﻓﻲ ..

ﺷﻮﻑ ﻋﻤﺎﺭ ﺍﺣﻨﺎ ﺭﺍﺡ ﻧﺪﺍﻫﻢ ﻭﺑﻨﻔﺲ ﺍﻟﻮﻗﺖ ﺍﻟﻔﻀﻴﺤﻪ ﻣﻮ ﺣﻠﻮﺓ ﻭﺍﺣﻨﺎ ﻣﺎﺍﻟﻨﺎ ﺣﻖ ﻋﻠﻴﻬﺎ ﺍﺣﻨﺎ ﺍﺻﺤﺎﺏ ﻋﻮﺍﺋﻞ ﻧﻬﺪﺩﻫﺎ ﻟﻤﺮﺕ ﺍﺑﻮﻫﺎ ﻭﻧﺸﻮﻓﻬﺎ ﺗﺠﺮ ﻋﺪﻝ ﻟﻮ ﻻ ..

ﻫﺬﺍ ﻫﻮ ﺍﻧﻲ ﻫﻢ ﺍﺭﻳﺪ ﻫﺒﻪ ﺍﺧﺬﻫﺎ ﻭﻣﻌﻠﻴﻪ ﺑﺎﺣﺪ ..

ﺷﻮﻛﺖ ﻧﺒﻠﺶ ..

ﺑﺎﺟﺮ ﺑﺎﻟﻠﻴﻞ ﺗﻌﺎﻝ ﺍﻧﺖ ﻭﺣﺪﻙ ﻋﻠﻴﻪ ﺍﻧﻲ ﺍﺭﺗﺐ ﺍﻟﻚ ﺍﻟﻤﻮﺿﻮﻉ ..

ﻣﻊ ﺍﻟﺴﻼﻣﻪ ..

ﺍﻧﺘﺒﻬﺖ ﻋﻠﻰ ﻛﻼﻡ ﻣﺮﺍﺩ ﺷﻜﺪ ﮔﻠﺒﻪ ﻃﻴﺐ ﻭﻳﺨﺎﻑ ﻻﻥ ﻳﺘﺎﻣﻰ ﻋﺪﻫﺎ ﻟﻨﺎﺩﻳﻪ ﺍﻣﻬﻢ ﻧﻔﺴﻬﺎ ﻣﺎﻓﻜﺮﺕ ﺑﻴﻬﻢ ﻭﻣﺮﺍﺩ ﺣﻦ ﻋﻠﻴﻬﻢ ..

ﺟﻨﺖ ﺍﻧﺘﻈﺮ ﺑﺎﺟﺮ ﺑﻔﺎﺭﻍ ﺍﻟﺼﺒﺮ ﺍﺭﻳﺪ ﺑﺲ ﺍﻟﻮﻛﺖ ﻳﻤﺸﻲ ﺣﺘﻰ ﺍﺷﻮﻓﻬﺎ ﻭﺍﺳﻮﻟﻔﻠﻬﺎ ﺍﻟﻲ ﺻﺎﺭ ﺭﻏﻢ ﻋﻨﻲ ﺍﻧﻲ ﻣﺎﻋﻔﺘﻬﺎ ..

ﺭﻥ ﺗﻠﻔﻮﻧﻲ ..

ﺑﺪﻭﻥ ﻣﺎﺍﻧﺘﺒﻪ ﻋﻠﻰ ﺍﻟﺮﻗﻢ ..

ﻫﻠﻮ ﻋﻤﺎﺭ ﺷﻠﻮﻧﻚ ..

ﺍﻫﻼ ﺍﺯﻝ ﺍﺗﻔﻀﻠﻲ ..

ﺣﺒﻴﺖ ﺍﺳﺎﻝ ﻋﻠﻴﻚ ..

ﺷﻜﺮﺍ ﻣﺤﺘﺎﺟﻪ ﺷﻲ ﺍﻭﺭﺍﻗﺞ ﺍﻭ ﻭﺻﻠﺘﺞ ﺍﻭ ﺣﻘﻮﻗﺞ ﻛﻠﻬﺎ ﻛﺎﻣﻠﻪ ﻟﻴﺶ ﺩﺗﺘﺼﻠﻴﻦ ﺣﺘﻰ ﺗﮕﻠﺒﻴﻦ ﺍﻟﻤﻮﺍﺟﻊ ﻋﻠﻴﻪ ..

ﻧﻬﻴﺖ ﺍﻟﻤﻜﺎﻟﻤﻪ ﻭﺍﻧﻲ ﺍﻧﻔﻌﻠﺖ ﻭﺍﻛﺘﺌﺒﺖ ﻣﻦ ﺍﺗﺼﺎﻟﻬﺎ ﻛﻞ ﺍﻟﻲ ﺍﻧﻲ ﺑﻴﻪ ﻫﻴﻪ ﺍﻟﺴﺒﺐ ... ﻗﺪﻣﻲ ﻭﺧﺴﺎﺭﺗﻲ ﻟﻬﺒﻪ ﻭﺣﺘﻰ ﺳﻴﺎﺭﺗﻲ .. ﻣﺎﻋﺪﺍ ﺣﺮﮒ ﺍﻻﻋﺼﺎﺏ ..

ﻣﺮ ﺍﻟﻴﻮﻡ ﺑﻄﻰﺀ ﻛﻠﺶ ﻭﺍﺟﺎ ﺍﻟﻤﻮﻋﺪ ﻭﺍﻧﻲ ﻓﺮﺣﺎﻥ ﻭﺍﺗﺼﻠﺖ ﺑﻤﺮﺍﺩ ﻭﻛﺎﻟﻲ ﻛﻞ ﺷﻲ ﺗﻤﺎﻡ ..

ﻭﺑﺪﺕ ﺍﻟﺸﻐﻠﻪ ..

ﻣﺮﺍﺩ .. ﺭﺍﺡ ﻧﻄﺐ ﻟﺒﻴﺘﻬﻢ ﻛﺎﻧﻪ ﺗﻔﺘﻴﺶ ﻋﺪﻧﺎ ﻭﺍﻧﺖ ﻃﺐ ﻭﻳﺎﻫﻢ ﺑﺎﻟﻐﺮﻑ ﺑﻠﻜﺖ ﺗﻠﻜﺎﻫﺎ .. ﻭﺍﻭﻝ ﺷﻲ ﺭﺍﺡ ﻧﺪﺧﻞ ﻋﻠﻰ ﻛﻢ ﺑﻴﺖ ﺣﺘﻰ ﺍﻟﻤﻮﺿﻮﻉ ﻳﺼﻴﺮ ﻃﺒﻴﻌﻲ ﻛﺎﻧﻪ ﻋﺪﻛﻢ ﺍﺳﻠﺤﻪ ﻭﻣﺎﺷﺎﺑﻪ ﻣﻦ ﻫﺎﻱ ﺍﻟﺴﻮﺍﻟﻒ .. ﺟﺎﻥ ﻣﺮﺍﺩ ﺭﺗﺒﺘﻪ ﻣﻘﺪﻡ .. ﻭﺍﻟﻪ ﻫﻴﺒﻪ ﻣﻦ ﻳﻤﺸﻲ ﻭﻫﻮ ﺻﺎﺣﺐ ﻃﻮﻝ ﻭﺟﺴﻢ ..

ﺍﻥ ﺷﺎﺀﺍﻟﻠﻪ ﻣﺮﺍﺩ ﻫﻮﺍﻱ ﺗﻌﺒﺘﻚ ..

ﻻ ﻟﺘﻜﻮﻝ ﻫﻴﺞ ﺍﺣﻨﺎ ﺧﻮﺍﻥ ﻋﻠﻰ ﺑﺨﺘﻚ ..

ﺻﺎﺭﺕ ﺍﻟﺴﺎﻋﻪ ﻋﺸﺮﻩ ﺑﺎﻟﻠﻴﻞ ..

ﻭﺗﻮﺟﻬﻨﺎ ﻟﺒﻴﻮﺗﻬﻢ ﺟﺎﻧﺖ ﺍﻟﺸﻮﺍﺭﻉ ﻇﻠﻤﻪ ﻭﻣﺨﻴﻔﻪ ﺍﺳﺘﻐﺮﺑﺖ ﺷﻠﻮﻥ ﻛﺪﺭﺕ ﺗﻄﻠﻊ ﺑﻬﺎﻱ ﺍﻟﻠﻴﻠﻪ ﺍﻟﻲ ﻟﻜﻴﺘﻬﺎ ﺑﻴﻬﺎ ..

ﺩﺧﻠﻨﺎ ﻛﻢ ﺑﻴﺖ ﺑﺲ ﻣﻦ ﺍﻟﺒﺎﺏ ﺳﻼﻡ ﻭﻛﻼﻡ ﺑﻬﺪﻭﺀ ﻭﺳﺄﻟﻨﺎ ﻋﻦ ﺳﻼﺡ ﻭﺟﺎﻥ ﺍﻟﻮﺿﻊ ﻃﺒﻴﻌﻲ ..

ﻭﺻﻠﻨﺎ ﻟﺒﻴﺖ ﻫﺒﻪ ﺩﻛﻴﻨﺎ ﺍﻟﺒﺎﺏ .. ﺑﺪﺍ ﮔﻠﺒﻲ ﻳﺪﻙ ﻭﺍﻧﻲ ﻓﺮﺣﺎﻥ ﺭﺍﺡ ﺍﺷﻮﻓﻬﺎ ﻭﺍﺧﻴﺮﺍ ﺭﺍﺡ ﺍﻟﻜﺎﻫﺎ ﻭﺍﺣﺠﻴﻠﻬﺎ ﺷﻜﺪ ﺩﻭﺭﺕ ﻋﻠﻴﻬﺎ ..

ﻓﺘﺢ ﺍﻟﺒﺎﺏ ﺭﺟﺎﻝ ﺟﺒﻴﺮ ﻣﺒﻴﻦ ﺍﺑﻮﻫﺎ ﺑﺎﻭﻋﺖ ﻋﻠﻴﻪ ﺑﻴﻪ ﻫﻮﺍﻱ ﻣﻼﻣﺢ ﻣﻦ ﻫﺒﻪ ﺍﺗﻔﻀﻠﻮﺍ ﻋﻤﻲ ..

ﻋﺪﻧﺎ ﺗﻔﺘﻴﺶ ﻋﻤﻲ ﺑﺲ ﺑﻠﻎ ﺍﻟﻜﻞ ﻳﻜﻌﺪ ﺧﺎﻑ ﻋﻨﺪﻙ ﺍﺣﺪ ﻧﺎﻳﻢ ..

ﺍﻱ ﻋﻤﻲ ﺻﺎﺭ ﻟﺤﻈﻪ ﺷﻮ ﺩﺧﻞ ﺛﻮﺍﻧﻲ ﻭﻃﻠﻊ ﻭﻛﺎﻝ .. ﺍﺗﻔﻀﻠﻮﺍ ..

ﻋﺼﺮﻧﻲ ﮔﻠﺒﻲ ﻭﺩﺧﻠﺖ ﺿﻞ ﻣﺮﺍﺩ ﻳﺤﺠﻲ ﻭﻱ ﺍﻻﺏ ﻃﺒﻴﺖ ﻏﺮﻓﻪ ﻏﺮﻓﻪ ﻣﺎﻛﻮ ﻫﺒﻪ ﺍﻧﺴﻄﺮﺕ ﻫﺎﻱ ﻭﻳﻦ ﻭﺩﺍﻫﺎ ..

ﻃﺒﻴﺖ ﻟﻐﺮﻓﻪ ﺑﻴﻬﺎ ﺑﻨﺎﺕ ﺍﺛﻨﻴﻦ ﻋﺮﻓﺖ ﺫﻭﻟﻲ ﺑﻨﺎﺕ ﻧﺎﺩﻳﻪ .. ﻭﺟﺎﻧﺖ ﺍﻛﻮ ﺑﻨﻴﻪ ﺻﻐﻴﺮﻩ ﺗﻔﺘﺮ ﻭﺭﺍﻱ ﻭﺗﺒﺎﻭﻉ ﺑﺎﻟﺒﻴﺖ ..

ﻣﺎﻛﻮ ﻛﺪﺍﻣﻲ ﻏﻴﺮ ﺍﺳﺎﻝ ﺑﺲ ﺍﻟﻤﻦ ﺍﺳﺎﻝ ..

ﺍﺷﺮﺗﻠﻪ ﻟﻤﺮﺍﺩ ﻣﺎﻛﻮ .. ﺍﻓﺘﻬﻤﻨﻲ ﻣﺮﺍﺩ ..

ﺣﺠﻲ ﺷﻨﻮ ﻣﺎﻋﻨﺪﻙ ﻭﻟﺪ ..

ﻻ ﻭﺍﻟﻠﻪ ﺑﺲ ﻫﺎﻱ ﺍﻟﺒﻨﺎﺕ ..

ﻛﺘﻠﻪ .. ﺑﺲ ﺑﻨﺎﺗﻚ ﺻﻐﺎﺭ ﺷﻌﺠﺐ ..

ﻛﺎﻝ ﻗﺴﻤﺘﻲ ﺍﻟﺤﻤﺪﻟﻠﻪ ﺗﺰﻭﺟﺖ ﻣﺘﺄﺧﺮ ..

ﺑﺲ ﺫﻭﻟﻲ ﻋﻨﺪﻙ ..

ﺍﻱ ﻣﺎﻋﻨﺪﻱ ﻏﻴﺮﻫﻢ ...

ﻣﺎﺫﻛﺮ ﻫﺒﻪ ﺍﺑﺪ ﻭﻻ ﺫﻛﺮﻟﻬﺎ ﺳﻴﺮﻩ ..

ﺷﻠﻮﻥ ﻳﺎﺭﺑﻲ ..

ﺍﻟﺘﻔﺖ ﻟﻜﻴﺖ ﻏﺮﻓﻪ ...

ﻛﺘﻠﻪ ﺣﺠﻲ ﻫﺎﻱ ﺷﻨﻮ ..

ﻛﺎﻝ ﻏﺮﻓﺘﻲ ﻋﻤﻲ ..

ﻛﺘﻠﻪ ﻣﺎﻃﺒﻴﺖ ﻋﻠﻴﻬﺎ ﺧﻠﻲ ﺍﺷﻮﻑ ..

ﺭﺍﺩ ﻳﺠﻲ ﻭﻳﺎﻱ ..

ﻣﺮﺍﺩ ﺳﺄﻟﻪ ﺣﺠﻲ ﻣﺎﺍﻋﺮﻑ ﻭﻳﻦ ﺷﺎﻳﻔﻚ ﺍﻧﻲ .. ﺭﺍﺩ ﻳﻠﻬﻴﻪ ﻋﻨﻲ ..

ﺩﻛﻴﺖ ﺍﻟﺒﺎﺏ ﻓﺘﺖ ..

ﻟﻜﻴﺖ ﻭﺣﺪﺓ ﻛﺎﻋﺪﺓ ﻣﺘﻮﺳﻄﻪ ﺑﺎﻟﻌﻤﺮ ﻛﺎﻣﺖ ﺗﻌﺪﻝ ﺑﻨﻔﺴﻬﺎ ﺟﺎﻧﺖ ﺧﺎﻳﻔﻪ ..

ﻃﺒﻮﺍ ﻭﻳﺎﻱ ﻛﻢ ﻭﺍﺣﺪ ﻫﻤﺎ ﻳﻔﺘﺸﻮﻥ ﻭﺍﻧﻲ ﺳﺎﻟﺘﻬﺎ ..

ﺍﻧﺘﻲ ﺯﻭﺟﻪ ﻫﺎﻟﺮﺟﺎﻝ ..

ﺍﻱ ..

ﻋﺪﻛﻢ ﺳﻼﺡ ..

ﻻ ﻭﺍﻟﻠﻪ ﺧﻴﻲ ﻣﺎﻋﺪﻧﺎ .

ﺍﺳﻤﻌﻲ ﺯﻭﺟﺞ ﻣﺎﻣﻮﺟﻮﺩ .. ﻣﻨﻮ ﻋﺒﺎﺱ ..

ﻫﺎﺍﺍﺍﺍ ..

ﻣﺜﻞ ﻣﺎﺳﻤﻌﺘﻲ ..

ﻫﺬﺍ ﻣﺠﺮﻡ ﺧﻄﻴﺮ ﻭﻟﻮ ﺍﻧﺘﻲ ﻣﺘﻌﻠﻤﻪ ﻋﻨﺪﺝ ﻃﺒﻴﻌﻲ ﻋﺒﺎﺱ ﻳﻄﻠﻊ ﻣﺆﻳﺪ ﻳﺮﺟﻊ ..

ﻛﺎﻣﺖ ﺗﺮﺟﻒ ﻭﺗﺨﺎﻑ .. ﻫﺎﻱ ﺷﻨﻮ ﻫﺎﻱ ﺷﺘﺤﺠﻲ ﺳﻴﺪﻱ ..

ﺍﺳﻤﻌﻴﻨﻲ ﺑﻌﺪ ﺍﻱ ﺍﺣﺪ ﻳﻄﺐ ﻟﻠﺒﻴﺖ ﻏﺮﻳﺐ ﻣﺘﻠﻮﻣﻴﻦ ﺍﻻ ﻧﻔﺴﺞ ﺍﺣﻨﺎ ﺟﻴﻨﺎ ﻋﻠﻰ ﻫﺎﻻﺳﺎﺱ ﺍﻟﺒﻴﺖ ﻣﺸﺒﻮﻩ ..

ﻫﺎﻱ ﻣﻮ ﺍﻧﻲ ﻫﺎﻱ ﺑﻨﺘﻪ ﺑﺖ ﺭﺟﻠﻲ ﻫﺒﻪ ..

ﺷﺒﻴﻬﺎ ﺑﻨﺘﻪ ..

ﺫﻭﻟﻲ ﺍﺻﺪﻗﺎﺋﻬﺎ ..

ﻟﺞ ﺗﺎﻓﻬﻪ ﺭﻳﺤﺘﺞ ﻓﺎﺣﺖ ﺍﻟﺼﻐﻴﺮ ﻭﺍﻟﺠﺒﻴﺮ ﻳﻌﺮﻓﺞ ﻭﺩﻳﺮﻱ ﺑﺎﻟﺞ ﺗﺠﻴﺒﻴﻦ ﺳﻴﺮﺗﻬﺎ ﻟﻬﺒﻪ ﻭﻫﻴﻪ ﻭﻳﻨﻬﺎ ﻫﺒﻪ

ﺷﻮ ﻣﺎﻛﻮ ..

ﻏﻴﺮ ﺯﻭﺟﻨﺎﻫﺎ ..

ﺷﻨﻮﻭﻭﻭ ....

ﺷﺒﻴﻚ ﺳﻴﺪﻱ ﻣﻴﺼﻴﺮ ﻭﺣﺪﻩ ﺗﺰﻭﺝ ..

ﻻ ﺍﻗﺼﺪ ﺍﻟﻤﻦ ﺗﺰﻭﺟﺖ ..

ﻻ ﻋﻠﻲ ﺍﺑﻦ ﺧﺎﻟﻬﺎ ﺑﻴﺘﻬﻢ ﺑﺎﻟﻌﻄﻴﻔﻴﻪ ..

ﺑﻬﺎﻟﻠﺤﻈﻪ ﻃﺐ ﻣﺮﺍﺩ ﻭﺍﺑﻮ ﻫﺒﻪ ..

ﻫﺎ ﺧﻮﻳﻪ ﺍﻛﻮ ﺷﻲ ..

ﻻ ﻣﺎﻛﻮ ﺷﻲ ﺑﺲ ﺗﻌﺮﻑ .. ﺷﻔﺖ ﺻﻨﺪﻭﮒ ﺃﺷﺮﺕ ﻋﻠﻴﻪ .. ﺧﻠﻴﺖ ﺍﻟﻮﻟﺪ ﻳﻔﺘﺸﻮ ﻫﻮ ﻭﺍﻟﻜﻨﺘﻮﺭ ..

ﻫﺎﺍﺍ ﻧﺘﻮﻛﻞ ﻟﻮ ﺑﻌﺪ ﺍﻛﻮ ﺷﻲ ..

ﺍﺑﻘﻰ ﺍﺑﻨﻲ ﻧﺴﻮﻳﻠﻜﻢ ﻋﺸﻪ ..

ﺟﺎﻭﺑﺘﻪ ﻻ ﻋﻤﻲ ﻻ ﺗﺴﻠﻢ ﺗﻌﺒﺎﻧﻴﻦ ﻭﺭﺍﻧﺎ ﺷﻐﻞ ﻫﻮﺍﻱ ....

ﺍﺭﻳﺪ ﺑﺲ ﺍﻃﻠﻊ ﺍﺧﺘﻨﮕﺖ ﻭﻧﻔﺴﻲ ﺃﺣﺴﻪ ﻛﺎﻡ ﻳﺼﻌﺪ ﻭﻳﻨﺰﻝ ..

ﺳﻠﻤﻨﺎ ﻋﻠﻴﻬﻢ .. ﻭﻃﻠﻌﻨﺎ ..

ﺍﺷﺒﻴﻚ ﻋﻤﺎﺭ ..

ﻣﺮﺍﺩ ﻣﺎﻟﺤﻜﺖ ﻣﺘﺰﻭﺟﻪ ﻟﻜﻴﺘﻬﻢ ﻣﺰﻭﺟﻴﻬﺎ ...

ﻫﺎﻱ ﺷﻨﻮ ..

ﺍﻱ ﻣﺮﺍﺩ ..

ﻻﻭﻝ ﻣﺮﺓ ﺣﺴﻴﺖ ﺑﺎﻟﺤﺐ ﻧﺎﺭ ﺍﺷﺘﻌﻠﺖ ﺑﻴﻪ ﻭﻛﻤﺖ ﺍﻟﻮﺏ ﺣﺴﻴﺖ ﻭﺟﻊ ﺑﺪﺍﺧﻠﻲ ﺗﺬﻛﺮﺕ ﺻﻮﺗﻬﺎ ﻋﺬﻭﺑﻪ ﻛﻼﻣﻬﺎ ﺭﻗﺘﻬﺎ ﻳﻌﻨﻲ ﺭﺍﺣﺖ ﻣﻨﻲ ﻫﺒﻪ ..

ﻋﻠﻰ ﻛﻴﻔﻚ ﻋﻤﺎﺭ ﻳﺠﻮﺯ ﺍﻟﺒﻨﻴﻪ ﻣﻐﺼﻮﺑﻪ ..

ﺍﻛﻴﺪ ﻣﻐﺼﻮﺑﻪ .. ﺑﺲ ﺷﺎﺳﻮﻱ ..

ﻋﻤﺎﺭ ﻻﺯﻡ ﺗﺆﻣﻦ ﺑﺎﻟﻘﺴﻤﻪ ﻭﺍﻟﻨﺼﻴﺐ ﻫﺎﻱ ﺍﻟﺒﻨﻴﻪ ﻣﻮ ﻗﺴﻤﺘﻚ ﺷﻜﺪ ﺣﺎﻭﻟﺖ ﺗﻮﺻﻠﻠﻬﺎ ﻭﻛﻠﺸﻲ ﺳﻮﻳﺖ ﺑﺲ ﻣﺎﻭﺻﻠﺖ ﻫﺎﻱ ﻣﻮ ﻧﺼﻴﺒﻚ .. ﺍﻧﺴﺎﻫﺎ ﻋﻤﺎﺭ ﻭﻋﻴﺶ ﺣﻴﺎﺗﻚ ..

ﻭﻻﺗﻨﺴﻰ ﺍﻧﺖ ﻣﺎﻭﻋﺪﺗﻬﺎ ﺑﺰﻭﺍﺝ .. .

ﺑﺲ ﻭﻋﺪﺗﻬﺎ ﻣﺎﺍﻋﻮﻓﻬﺎ ..

ﺍﻧﺖ ﺿﻠﻴﺖ ﺗﺪﻭﺭ ﻋﻠﻴﻬﺎ ﺑﺲ ﺭﺑﻚ ﺷﺎﺀ ﺃﻧﻪ ﺗﺰﻭﺝ ﺑﻬﺎﻟﻔﺘﺮﺓ ﺍﻧﺖ ﻋﻔﺘﻬﺎ ﻣﺎﺻﺎﺭ ٦ ﺍﺷﻬﺮ ﻭﺍﺟﺘﻲ ﻗﺴﻤﺘﻬﺎ .. ﻋﻴﺶ ﺣﻴﺎﺗﻚ ﻭﺍﻃﻮﻱ ﻛﻞ ﺷﻲ ﺍﻟﺰﻣﻦ ﻛﻔﻴﻞ ﻳﺨﻠﻴﻚ ﺗﻨﺴﻰ ﻛﻞ ﺷﻲ ..

ﺗﺸﻜﺮﺕ ﻣﻨﻪ ﻻﻥ ﺗﻌﺒﺘﻪ ..

ﻭﺻﻠﺖ ﻟﻠﺒﻴﺖ ﻛﻌﺪﺕ ﺑﺎﻟﺤﺪﻳﻘﺔ ﺍﺭﻳﺪ ﺍﺷﺘﻢ ﻫﻮﻩ ﺍﺭﻳﺪ ﺍﺑﺠﻲ ﺍﺣﺲ ﺍﻛﻮ ﻓﺮﺍﻍ ﺻﺎﺭ ﺑﺪﺍﺧﻠﻲ ﻳﺴﺎﻟﻨﻲ ﻭﻳﻜﻮﻟﻲ ﻭﻳﻨﻬﺎ ﻫﺒﻪ ...

ﺿﻠﻴﺖ ﺗﻌﺒﺎﻥ ﻭﻣﺘﺄﺫﻱ ﻭﺍﻻﻣﻞ ﺍﻟﻮﺣﻴﺪ ﺍﻟﻲ ﺟﺎﻥ ﻋﻨﺪﻱ ﻓﻘﺪﺗﻪ .. ﺑﺲ ﺿﻞ ﺑﺪﺍﺧﻠﻲ ﺷﻲ ﻳﻜﻮﻟﻲ ﺗﻠﺘﻘﻲ ﺑﻴﻬﺎ ﺑﻴﻮﻡ ...

ﻫﺒﻪ ..

ﺑﻌﺪ ﻣﺎﻛﻌﺪﻭﺍ ﺍﻟﻜﻞ ﻋﻠﻰ ﺻﻮﺗﻲ ﺟﺘﻲ ﺧﻴﺮﻳﻪ ﺗﺮﻛﺾ ﻭﺑﺘﻬﺎ ﺍﻟﺼﻐﻴﺮﻩ ﺧﺘﻠﺖ ﻭﺭﺍﻫﺎ ﻭﺗﺒﺠﻲ ﻣﻦ ﺍﻟﺨﻮﻑ ... ﻋﻠﻲ ﺟﺎﻥ ﻧﺎﻳﻢ ﻭﺳﻜﺮﺍﻥ ﻓﺰ ﻋﻠﻰ ﺻﻴﺎﺣﻲ ﻭﻫﻮ ﺩﺍﻳﺦ .. ﺷﻜﻮ ﺷﺼﺎﻳﺮ .. ﺷﺎﻑ ﺍﺑﻮﻩ ﻣﻴﺖ ﺑﺎﻭﻉ ﻋﻠﻴﻪ ﻭﻛﺎﻡ ﻳﺒﺠﻲ ..

ﻛﻠﻨﺎ ﺧﺴﺮﻧﺎﻩ ﻭﺍﻓﺘﻘﺪﻧﺎﻩ ﺣﺘﻰ ﺧﻴﺮﻳﻪ ﺷﻜﺪ ﺍﺫﺗﻪ ﺑﺲ ﺍﺗﺎﺫﺕ ﻋﻠﻰ ﻓﺮﺍﻛﻪ ﺣﺴﻪ ﺑﺎﻟﺒﻴﺖ ﻭﺣﻨﻴﺘﻪ ﻳﺘﻔﻘﺪ ﺍﻟﺼﻐﻴﺮ ﻭﺍﻟﺠﺒﻴﺮ ﺍﺟﺎ ﺍﺑﻮﻱ ﻟﻠﻔﺎﺗﺤﻪ ﺑﻌﺪ ﻣﺎﻋﺮﻓﺖ ﺑﻴﻪ ﺟﺎﻱ ﺭﻑ ﮔﻠﺒﻲ ﻋﻠﻴﻪ ﻭﺩﺯﻳﺖ ﻋﻠﻴﻪ ﺍﺟﺎ ﻭﻫﻮ ﻳﺴﺎﻟﻨﻲ ﻭﻳﻜﻮﻟﻲ ﺷﻠﻮﻧﻪ ﻫﺬﺍ ﻭﻳﺎﺝ ..

ﺯﻳﻦ ﻳﺎﺑﺎ ﻻﺗﺸﻴﻞ ﻫﻢ ..

ﺍﻟﺤﻤﺪﻟﻠﻪ ..

ﻳﺎﺑﺎ ﻣﺸﺘﺎﻗﻪ ﻟﺮﻳﻢ ﺍﺭﻳﺪ ﺍﺷﻮﻓﻬﺎ ..

ﻋﻮﺩ ﺗﻌﺎﻱ ﺯﻭﺭﻳﻬﺎ ..

ﺗﺨﻠﻴﻨﻲ ﺍﺟﻲ ..

ﺍﻱ ﻟﻴﺶ ﻻ ﻫﺬﺍ ﺑﻴﺖ ﺍﺑﻮﺝ ﺑﻨﺘﻲ ..

ﺟﻨﺖ ﺍﺷﺘﻐﻞ ﺑﺎﻟﻔﺎﺗﺤﻪ ﻭﺍﺑﺠﻲ ﻋﻠﻰ ﺧﺎﻟﻲ ﻭﺍﻣﻲ ﻭﺍﻟﻨﺴﻮﺍﻥ ﻛﻠﻬﺎ ﻣﻨﺘﺒﻬﻪ ﻋﻠﻴﻪ ﺣﺘﻰ ﺑﻨﺎﺗﻪ ﻣﻮ ﻣﺜﻠﻲ ﻣﻨﺎﺭ ﺟﺎﻧﺖ ﺗﻔﺘﺮ ﻭﺗﺴﻮﻟﻒ ﻭﻱ ﺍﻟﻨﺴﻮﺍﻥ ﻭﻻ ﻛﺎﻧﻪ ﺍﺑﻮﻫﺎ ﺭﺍﺡ .. ﺳﺎﻣﺮ ﺟﺎﻥ ﻳﺘﺼﻞ ﻭﻳﺒﺠﻲ ﻣﻴﻜﺪﺭ ﻳﺠﻲ ﻭﻳﺤﺠﻲ ﻭﻱ ﺍﻣﻪ ﻭﻳﻜﻮﻟﻠﻬﺎ ﺭﺍﺡ ﺍﻣﻮﺕ ﺑﺎﻟﻐﺮﺑﻪ ..

ﺍﻣﺎ ﻋﻠﻲ ﺟﺎﻥ ﻳﻔﺘﺮ ﻭﻛﻠﺸﻲ ﻣﺎﻳﻌﺮﻑ ﻳﺘﺼﺮﻑ ﻭﻛﻠﺴﻊ ﻳﺠﻲ ﻋﻠﻴﻪ ﻭﻳﻜﻮﻟﻲ ﺍﻟﺒﻴﺖ ﻫﻮﺳﻪ ﺩﻳﺮﻱ ﺑﺎﻟﺞ ﻋﻠﻰ ﺍﻟﻐﺮﺍﺽ ﻻﻳﺘﻜﺴﺮﻭﻥ ..

ﻭﺑﺎﻟﻠﻴﻞ ﺻﻌﺪﺕ ﺩﺍﻧﺎﻡ ﺗﻌﺒﺎﻧﻪ ﺫﺑﻴﺖ ﺭﻭﺣﻲ ﻋﻠﻰ ﺍﻟﺠﺮﺑﺎﻳﺔ ﻭﻧﻤﺖ ﻭﻫﻮ ﺍﺟﺎ ﻧﺎﻡ ﺑﺼﻔﻲ ﻭﻳﺘﻠﻤﺴﻨﻲ ..

ﻛﺘﻠﻪ ﻫﺎﻱ ﺷﺒﻴﻚ ﺍﺗﺨﺒﻠﺖ ..

ﺷﻮ ﻫﺬﺍ ﺿﺮﺑﻨﻲ ﺭﺍﺟﺪﻱ ﻭﻣﺎﻝ ﺷﻨﻮ ﺗﺨﺒﻠﺖ ﻣﺮﺗﻲ ﻭﺍﺭﻳﺪﻫﺎ ..

ﻟﻚ ﺷﺘﺮﻳﺪ ﻣﻨﻲ ..

ﻣﺘﻌﺮﻓﻴﻦ ﺷﺄﺭﻳﺪ ..

ﺿﺮﺑﺖ ﻋﻠﻰ ﻭﺟﻬﻲ ﻟﻚ ﺍﻧﺖ ﻣﻦ ﻳﺎﻣﻠﻪ ﻟﻚ ﺍﺑﻮﻙ ﺑﻌﺪﻩ ﻣﺼﺎﺭﻟﻪ ﻳﻮﻣﻴﻦ ﺑﺎﻟﮕﺒﺮ ﻭﺗﺮﻳﺪ ﺗﻌﺎﺷﺮﻧﻲ ﺍﻧﺖ ﺑﺸﺮ ﻟﻮ ﺷﻨﻮ ﻛﻠﻲ ..

ﻟﺞ ﺍﻧﺠﺒﻲ ﻻﺗﺼﻴﺮﻳﻦ ﺍﻡ ﻣﺒﺎﺩﻯﺀ ﻭﻗﻴﻢ ﻫﻮ ﺍﺑﻮﻳﻪ ﻣﻮ ﺍﺑﻮﺝ .. ﻭﺟﺮﻧﻲ ﺑﻘﻮﻩ ﻭﺃﺧﺬ ﺣﺎﺟﺘﻪ ﻭﻻ ﻛﺎﻧﻪ ﺍﺑﻮﻩ ﻣﻴﺖ ﻣﺴﺘﺤﻴﻞ ﻫﺬﺍ ﻣﻦ ﺍﻟﺒﺸﺮ ..

ﺧﻠﺼﺖ ﺍﻟﻔﺎﺗﺤﻪ ﻭﻋﺪﺕ ﺍﻳﺎﻡ ﻭﺑﺪﺍ ﺍﻟﻜﻞ ﻳﺴﺄﻝ ﻋﻠﻰ ﺍﻟﻮﺭﺙ ﻭﻛﻠﻤﻦ ﻳﺮﻳﺪ ﺣﺼﺘﻪ ﻣﺠﺎﻥ ﺍﺣﺪ ﻳﻌﺮﻑ ﺍﻻﻣﻼﻙ ﻛﻠﻬﺎ ﺑﺎﺳﻤﻲ ﺟﺎﻧﻮﺍ ﻳﺘﺼﻮﺭﻭﻥ ﺑﺲ ﺍﻟﺒﻴﺖ ﺍﻟﺼﻐﻴﺮ ﺍﻟﻲ ﺧﻔﺖ ﺍﻛﻮﻟﻠﻬﻢ ﻋﻠﻰ ﺍﻻﻣﻼﻙ .. ﻭﺑﻴﻮﻡ ﺍﺟﺎ ﻋﻠﻲ ﻃﺐ ﻳﺼﻴﺢ .. ﻭﺍﻧﻲ ﺩﺍﺍﻃﺒﺦ ﺍﻟﻐﺪﺓ ..

ﻟﺞ ﻫﺒﻪ ﻳﺎﻙ ....... ﻩ ﻳﺎ ﻛﺬﺍ .... ﻭﻛﺬﺍ ...

ﻛﻠﺸﻲ ﺑﺎﺳﻤﺞ ﻭﻣﺘﺤﺠﻴﻦ ﻣﺴﻮﻳﻪ ﻧﻔﺴﺞ ﻣﺜﺎﻟﻴﻪ ﻭﺗﺒﻴﻌﻴﻦ ﻋﻠﻴﻨﺎ ﺍﺧﻼﻗﻴﺎﺕ ..

ﺷﺒﻴﻚ ﻟﻴﺶ ﺩﺗﻐﻠﻂ .. ﺍﻧﻲ ﻣﺎﻧﺎﻛﺮﺓ ﺣﻖ ﺍﺣﺪ ..

ﺍﺟﺘﻲ ﺧﻴﺮﻳﻪ ﺗﺮﻛﺾ ﺟﺎﻧﺖ ﻣﻠﺜﻤﻪ ﻭﻻﺯﻣﻪ ﺍﻟﻌﺪﻩ ﻧﺰﻋﺖ ﺍﻟﺨﻤﺎﺭ ﺷﺎﻓﺖ ﻣﺎﻛﻮ ﻏﺮﻳﺐ ..

ﺷﺒﻴﻜﻢ ﺻﻮﺗﻜﻢ ﻭﻳﻦ ﻭﺍﺻﻞ ..

ﻃﺒﻌﺎ ﻣﺎﺍﺩﺭﻱ ﺍﻟﻲ ﺻﺎﺭ ﺍﻧﻬﺠﻢ ﺑﻴﺘﻨﺎ ﺍﺑﻮﻱ ﺍﻟﺨﻮﺵ ﺁﺩﻣﻲ ﺑﺎﻳﻌﻠﻬﺎ ﺍﻻﻭﻝ ﻭﺍﻟﺘﺎﻟﻲ ...

ﺿﺮﺑﺖ ﺧﻴﺮﻳﻪ ﻋﻠﻰ ﻭﺟﻬﻬﺎ .. ﻣﻨﻮ ﻛﺎﻟﻚ ﻳﺎﻣﺼﺨﻢ ..

ﺟﻨﺖ ﻳﻢ ﺍﻟﻤﺤﺎﻣﻲ ﻭﻛﺎﻟﻲ ...

ﺍﻧﻲ ﺍﺩﺭﻱ ﺑﺲ ﺍﻟﺒﻴﺖ ﺍﻟﺼﻐﻴﺮ ﺍﺣﺠﻲ ﻫﺒﻪ ﺍﺧﺮﺳﻴﺘﻲ ..

ﺧﺎﻟﻪ ﺻﺢ ﻛﻠﺸﻲ ﺑﺎﺳﻤﻲ ﺑﺲ ﻣﺎﺍﺧﺬ ﺣﻖ ﺍﺣﺪ ﻫﻮ ﻭﺻﺎﻧﻲ ﻭﻛﺘﺐ ﺣﺘﻰ ﻭﺻﻴﻪ ﻃﻠﺐ ﻣﻨﻲ ﺍﻣﺸﻲ ﻋﻠﻴﻬﺎ ﻣﺜﻞ ﻣﺎﻣﻜﺘﻮﺏ ..

ﻃﺒﻌﺎ ﻳﻜﺘﺐ ﺑﺎﺳﻤﺞ ﻗﺎﺑﻞ ﺑﺎﺳﻤﻨﺎ .. ﺣﺴﺒﻲ ﺍﻟﻠﻪ ﻋﻠﻴﺞ ﻭﻋﻠﻴﻪ ..

ﻋﻔﺘﻬﺎ ﻭﺻﻌﺪﺕ ﻓﻮﻙ .. ﻭﺻﻌﺪ ﻭﺭﺍﻳﻪ ﻋﻠﻲ ..

ﻟﺞ ﺍﻣﺸﻲ ﻭﻳﺎﻱ ..

ﻭﻳﻦ ...

ﻟﻠﻤﺤﺎﻣﻲ .. ﺣﺘﻰ ﻧﻔﺘﻬﻢ

ﻃﺎﻭﻋﺘﻪ ﻭﺑﺪﻟﺖ ﻭﺭﺣﺖ ﻭﻳﺎﻩ ﺷﻔﺖ ﺧﺎﻟﻲ ﻣﺨﻠﻲ ﻭﺭﻗﻪ ﻳﻄﻠﺐ ﺑﻴﻬﺎ ﺃﻥ ﺍﺗﺼﺮﻑ ﻣﺜﻞ ﻣﺎﻣﻮﺟﻮﺩ ﺑﻴﻬﺎ ﻭﻣﺸﺖ ﺍﻹﺟﺮﺍﺀﺍﺕ ﻃﺒﻴﻌﻴﻪ ﻭﺳﺤﺒﺖ ﺃﻣﻮﺍﻟﻪ ﻭﺩﺯﻳﺖ ﻟﺴﺎﻣﺮ ﺣﻘﻪ ﻣﺜﻞ ﻣﺎﻃﻠﺐ ﻣﻨﻲ ﺧﺎﻟﻲ ﻻﻥ ﻣﻴﺮﺟﻊ ﺳﺎﻣﺮ ﺑﻌﺪ ﻟﻠﻌﺮﺍﻕ .. ﻭﻛﻠﺸﻲ ﺍﺗﻘﺴﻢ ﺑﺎﻟﺘﺮﺍﺿﻲ .. ﺑﺲ ﺍﻟﺒﻴﺖ ﺍﻟﺼﻐﻴﺮ ﻳﺒﻘﻰ ﺍﻟﻲ ﻭﻛﻢ ﻣﻠﻴﻮﻥ ﻻﺑﻮﻳﻪ ..

ﺑﻌﺪﻫﺎ ﺍﻟﻜﻞ ﺭﺿﻰ ﻭﻣﺎﻇﻠﻤﺖ ﺍﺣﺪ ﺣﺘﻰ ﺍﻟﻮﺭﻗﻪ ﺍﻟﻲ ﺟﺎﻧﺖ ﻳﻢ ﺍﻟﻤﺤﺎﻣﻲ ﻫﻲ ﻣﻮ ﻭﺻﻴﻪ ﺍﺻﻠﻴﻪ ﻟﻜﻦ ﺍﻧﻲ ﺍﻟﺘﺰﻣﺖ ﺑﺤﺬﺍﻓﻴﺮﻫﺎ ﻭﻣﺸﻴﺖ ﻋﻠﻴﻬﺎ ﺧﻮﻑ ﻣﻦ ﺍﻟﻠﻪ ﺍﻭﻻ ﻭﺛﻘﻪ ﺧﺎﻟﻲ ﻣﺎﺍﺧﻮﻧﻬﺎ ...

ﻋﺪﺕ ﺍﻻﻳﺎﻡ ﺛﻜﻴﻠﻪ ﺍﻟﺒﻴﺖ ﻛﻤﺎ ﻣﺎﺍﻃﻴﻘﻪ ﻋﻠﻲ ﻧﻔﺲ ﻭﺿﻌﻪ ﻧﺴﻮﺍﻥ ﻭﺷﺮﺏ ﻭﺗﻌﺪﻱ ﻋﻠﻴﻪ ﺑﺎﻟﻀﺮﺏ ﻭﻳﺠﺒﺮﻧﻲ ﺑﺎﻟﻔﺮﺍﺵ ...

ﻭﺍﺧﺮ ﺷﻲ ﻓﻜﺮﺕ ﺍﻃﻠﺐ ﻣﻨﻪ ﺍﻟﻄﻼﻙ ﻭﻛﻠﻤﻦ ﻳﺮﻭﺡ ﻟﺤﺎﻝ ﺳﺒﻴﻠﻪ

....... 

يتبع... 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤