...
رواية ثمار العار بالحلال ج1 الجزء السابع
...
ﺳﻬﻰ ﺟﻨﺖ ﻛﺎﻋﺪﺓ ﻣﻨﺘﻈﺮﺓ ﺳﺎﺭﺓ
ﺣﺴﻴﺖ ﻭﺍﺣﺪ ﺣﻂ ﻋﻼﻛﺔ ﺳﻮﺩﺓ ﻋﻠﻰ ﺍﻟﻤﻴﺰ ﮔﺪﺍﻣﻲ
ﺭﻓﻌﺖ ﺭﺍﺳﻲ ﺍﺗﻔﺎﺟﺌﺖ
ﺷﻔﺘﺔ ﻋﺴﺎﻑ
- ﻫﻠﻮ ﺳﻬﻰ
ﻋﻨﺪﻱ ﺍﻣﺎﻧﺔ ﺗﺨﺼﺞ
ﻃﻠﺒﻮ ﻣﻨﻲ ﺍﺳﻠﻤﻬﺎ ﺍﻟﺞ
ﺗﺮﺓ ﺍﻧﻲ ﻋﺒﺪﺍً ﻣﺄﻣﻮﺭ
ﺳﻬﻰ ﺑﺎﻭﻋﺖ ﻟﻌﺴﺎﻑ ﻣﺘﻔﺎﺟﺌﺔ
- ﺷﻨﻮ ﻫﺎﻱ ﺍﻻﻣﺎﻧﺔ ﻭﻣﻨﻴﻦ
ﺍﻧﺘﺒﻬﺖ ﻋﻠﻰ ﺳﺎﺭﺓ ﺍﺟﺘﻲ ﻋﻠﻴﺔ ﻭﺷﺎﻳﻠﺔ ﺑﻴﺪﻫﺎ ﺻﻴﻨﻴﺔ
ﻭﻋﻴﻮﻧﻬﺎ ﺗﻨﺘﻘﻞ ﺑﺘﺴﺎﺋﻞ ﻣﻨﻲ ﻟﻌﺴﺎﻑ
ﻋﺴﺎﻑ - ﻫﺎﻱ ﻣﻦ ﺛﺎﺋﺮ ﻓﺘﺤﻴﻬﺎ ﻭﺷﻮﻓﻲ
ﻓﺘﺤﺖ ﺍﻟﻌﻼﮔﺔ ﻭﺷﻔﺖ ﺑﻴﻬﺎ ﺑﺎﻛﻴﺖ ﻧﻘﺎﻝ ﺍﻳﻔﻮﻥ
ﺑﺎﻭﻋﺖ ﻟﻌﺴﺎﻑ
ﺳﻬﻰ - ﻫﺬﺍ ﻧﻘﺎﻝ ﺷﻨﻮ ﻟﺘﻜﻮﻝ ﻫﺬﺍ ﺟﺎﻳﺒﺔ ﺍﻟﻲ
ﻋﺴﺎﻑ - ﺍﻱ ﺍﻟﺞ
ﺣﺘﻰ ﺗﻜﺪﺭﻳﻦ ﺗﺘﻮﺍﺻﻠﻴﻦ ﻭﻳﺔ ﺛﺎﺋﺮ
ﻻﻥ ﻳﺮﻳﺪ ﻳﺤﺠﻲ ﻭﻳﺎﺝ ﻭﻣﺎﻛﻮ ﻃﺮﻳﻘﺔ ﻏﻴﺮ ﻫﺎﻱ
ﺗﺮﺓ ﺑﺲ ﺻﺪﻛﻲ ﺍﻧﻲ ﺍﻋﺮﻑ ﺛﺎﺋﺮ ﻛﻠﺶ ﺯﻳﻦ
ﻭﺍﻋﺮﻑ ﻧﻴﺘﺔ ﻭﻳﺎﺝ ﺷﺮﻳﻔﺔ ﻣﻮ ﺩﻳﻠﻌﺐ ﻭﻳﺎﺝ
ﺳﻬﻰ - ﻻﺍﺍﺍ ﻫﺬﺍ ﺻﺪﻙ ﺯﻭﺩﻫﺎ
ﺷﻮﻑ ﻋﺴﺎﻑ ﻫﺴﺔ ﺗﺎﺧﺬ ﺍﻟﻨﻘﺎﻝ ﻭﺗﻜﻠﺔ ﺑﺎﻟﺤﺮﻑ ﺍﻟﻮﺍﺣﺪ
ﺍﻧﻲ ﺑﻨﻴﺔ ﻣﻮ ﺑﻬﻴﺞ ﺳﻮﺍﻟﻒ ﺗﻌﺒﺎﻧﺔ ﻳﻜﺪﺭ ﻳﻮﻛﻌﻨﻲ
ﺗﺮﺓ ﻻﻫﻮ ﻭﻻ ﻋﺸﺮﺓ ﻣﻨﺔ ﻳﺨﻠﻮﻧﻲ
ﺍﻓﻘﺪ ﺛﻘﺔ ﺍﻫﻠﻲ ﺑﻴﺔ ﻭﺍﺿﻌﻒ ﺍﻣﺎﻡ ﻫﻴﺞ ﺗﺼﺮﻑ
ﻃﺒﻌﺎً ﺍﻧﻲ ﺍﺣﺠﻲ ﻭﺟﺴﻤﻲ ﻛﻠﺔ ﻳﺮﺟﻒ ﻣﻦ ﻭﺭﺍﻩ
ﺧﺮﺏ ﻳﻮﻣﺔ ﺷﻨﻮ ﻣﻦ ﺷﺨﺺ ﻋﻨﻴﺪ ﻭﻗﺢ
ﺳﺎﺭﺓ - ﻋﺴﺎﻑ ﺭﺟﻌﺔ ﻟﺼﺎﺣﺒﻚ
ﺗﺮﺓ ﺛﻖ ﺑﺎﻟﻠﻪ ﮔﻠﺔ ﺑﻬﺬﺍ ﺗﺼﺮﻓﺔ ﺭﺍﺡ ﻳﻌﻢ ﻋﻠﻰ ﺍﻟﺒﻨﻴﺔ
ﻭﺭﺍﺡ ﺗﺒﻄﻞ ﻣﻦ ﻭﺭﺍﻩ
ﻻﻥ ﺍﻫﻠﻬﺎ ﺣﻴﻞ ﻣﺘﺸﺪﺩﻳﻦ
- ﺳﺎﺭﺓ ﺍﻓﺘﻬﻢ ﻛﻼﻣﺞ ﺑﺲ ﺻﺪﮔﻲ
ﻣﺎ ﺍﺧﻄﻲ ﻫﻴﺞ ﺧﻄﻮﺓ ﻭﻻ ﺍﺳﺎﻋﺪﺓ ﻟﻮﻣﺎ ﺍﻋﺮﻑ ﺷﻨﻮ ﻧﻴﺘﺔ
ﺗﺮﺓ ﺛﺎﺋﺮ ﻣﺎ ﻳﺤﺐ ﻳﻠﻒ ﻭﻳﺪﻭﺭ
ﻳﻌﺮﻑ ﺑﻴﻬﺎ ﻣﺘﻘﺒﻞ ﺗﺤﺠﻲ ﻭﻳﺔ ﺍﻱ ﻭﺍﺣﺪ ﺍﻣﺎﻡ ﺍﻟﻄﻠﺒﺔ
ﻟﺬﻟﻚ ﺍﺷﺘﺮﺓ ﺍﻟﻨﻘﺎﻝ ﺣﻔﺎﻇﺎً ﻋﻠﻴﻬﺎ
ﻭﺭﺍﺩ ﻳﺤﺠﻲ ﻭﻳﺎﻫﺔ ﺑﺸﻐﻠﺔ ﺗﺨﺼﺔ ﻭﺗﺨﺼﻬﺎ ﻣﻴﻨﻔﻊ
ﻳﺤﺠﻴﻬﺎ ﺍﻻ ﻭﻳﺎﻫﺔ
ﺳﻬﻰ ﻗﻔﻠﺖ ﻋﻨﺪﻫﺎ
- ﺍﺳﻔﺔ ﻋﺴﺎﻑ ﻫﺬﺍ ﻛﻼﻣﻚ ﻣﺮﺍﺡ ﻳﻐﻴﺮ ﻋﻨﺪﻱ ﺷﻲ
ﺟﻮﺍﺑﻲ ﻧﻬﺎﺋﻲ ﻣﺮﺍﺡ ﺍﺗﻮﺍﺻﻞ ﻭﻳﺎﻩ ﻻ ﺑﻨﻘﺎﻝ ﻭﻻ ﺑﺪﻭﻥ ﻧﻘﺎﻝ
ﮔﻠﺔ ﺣﺘﻰ ﻟﻮ ﻛﺎﻥ ﻋﻨﺪﻱ ﻋﺸﺮ ﻧﻘﺎﻻﺕ ﻫﻢ ﻣﺮﺍﺡ ﺍﺗﻮﺍﺻﻞ
ﻻ ﻭﻳﺎﻩ ﻭﻻ ﻭﻳﺔ ﻏﻴﺮﻩ
ﺭﺍﺡ ﻋﺴﺎﻑ ﻭﺗﺮﻛﻨﻲ
ﻭﺻﺮﺕ ﻛﻠﻲ ﺍﺭﺟﻒ
ﻫﻮ ﺻﺤﻴﺢ ﺷﻜﻠﺔ ﻭﺷﺨﺼﻴﺘﺔ ﻣﻠﻔﺘﺔ ﻟﻼﻧﺘﺒﺎﻩ
ﺑﺲ ﻋﻨﺪﺓ ﺟﺮﺋﺔ ﻭﻏﻤﻮﺽ ﻳﺨﻮﻑ
ﺳﻬﻰ - ﻟﺞ ﺩﺑﺮﻳﻨﻲ ﺑﻬﺎﻱ ﺍﻟﻮﺭﻃﺔ ﺍﻟﻮﻛﻌﺖ ﻓﻮﻙ ﺭﺍﺳﻲ ﺷﻠﻮﻥ ﺷﺴﻮﻱ
- ﻣﺎ ﺍﻋﺮﻑ ﺍﺣﺴﺪﺝ ﻻﻥ ﻋﻨﺪﺝ ﻫﻴﺞ ﻣﻌﺠﺐ ﻟﻮ ﺍﺧﺎﻑ ﻋﻠﻴﺞ ﻻﻥ ﻋﻨﺪﺝ ﺧﻮﺍﻥ ﻣﻴﺼﺮﻓﻠﻬﻢ ﻫﺬﺍ ﺍﻟﺤﺠﻲ
ﻭﺧﺎﻑ ﻳﻌﻢ ﻋﻠﻴﺞ ﻭﺗﺒﻄﻠﻴﻦ
ﺧﻠﺼﺖ ﻳﻮﻣﻲ
ﻭﺍﻧﻲ ﻣﺎ ﺍﻓﺘﻬﻤﺖ ﺍﻱ ﺷﻲ ﻣﻦ ﺍﻟﻤﺤﺎﺿﺮﺍﺕ
ﻓﻜﺮﻱ ﺍﻧﺸﻐﻞ ﺑﻬﺬﺍ ﺛﺎﺋﺮ ﺍﻟﻠﻪ ﻳﻠﻌﻦ ﺑﻠﻴﺴﻚ
ﻣﻦ ﻭﺭﺍﻩ ﻋﻠﻰ ﻣﺮﺗﻴﻦ ﺍﻻﺳﺘﺎﺫ ﻳﻔﺸﻠﻨﻲ
ﻻﻥ ﺑﺎﻟﻲ ﻣﻮ ﻳﻤﻬﻢ
ﻭﺍﺣﻨﺎ ﺑﺎﻟﺴﻴﺎﺭﺓ ﺑﻄﺮﻳﻖ ﺍﻟﺮﺟﻌﺔ
ﺳﺎﺭﺓ - ﻟﺞ ﺳﻜﺘﻲ ﺟﺒﺘﻠﺞ ﺍﺧﺒﺎﺭ ﻋﻦ ﺻﺎﺣﺒﻨﺔ ﺍﺑﻮ ﺍﻟﺸﺨﺼﻴﺔ
ﺳﺌﻠﺖ ﻋﻨﺔ ﻋﺴﺎﻑ
ﺳﻬﻰ ﺑﻔﻀﻮﻝ - ﻳﻌﻨﻲ ﺍﺷﺘﻐﻠﺘﻲ ﻣﺤﻘﻖ ﻭﺗﺎﻟﻲ ﻭﻳﺎﺝ ﻣﺎﺗﺒﻄﻠﻴﻦ ﺩﻭﺭ ﻣﺨﺘﺎﺭ ﺍﻟﻤﻨﻄﻘﺔ
ﺑﺎﻟﻠﻪ ﺷﻮ ﺍﺣﺠﻲ ﺷﻨﻮ ﮔﻠﺞ ﻋﺴﺎﻑ
ﺳﺎﺭﺓ - ﻫﻬﻬﻬﻪ ﻣﻮ ﺑﻴﺪﻱ ﻫﺎﻱ ﻫﻮﺍﻳﺘﻲ
ﻟﺞ ﺣﺠﺎﻟﻲ ﻋﻦ ﺗﺎﺭﻳﺦ
ﻋﺎﺋﻠﺘﻬﻢ ﻭﺍﺣﺪ ﻭﺍﺣﺪ ﻟﺞ ﻫﺬﺍ ﻃﻠﻊ ﺩﺍﻫﻴﺔ
ﻫﺬﺍ ﻣﻦ ﻋﺸﻴﺮﺓ ﻛﻠﺶ ﻣﻌﺮﻭﻓﺔ ﻭﺫﺍﻳﻌﺔ ﺍﻟﺼﻴﺖ
ﻟﺞ ﻫﺬﻭﻟﻲ ﺗﻜﺪﺭﻳﻦ ﺗﮕﻮﻟﻴﻦ ﺍﻟﺠﻨﻮﺏ ﻛﻠﺔ ﺑﺠﻴﺒﻬﻢ ﻋﻨﺪﻫﻢ ﺳﻠﻄﺔ ﻭﻧﻔﻮﺫ ﻗﻮﻳﺔ
ﻣﺘﺸﻮﻓﻴﻨﺔ ﺍﺟﺔ ﻋﻠﻴﺞ ﻣﺴﻴﻄﺮ
ﺍﻟﻈﺎﻫﺮ ﺍﻻﺳﺘﺎﺫ ﻣﺘﻌﻮﺩ ﻛﻠﺸﻲ ﻳﺮﻳﺪﺓ ﻳﺎﺧﺬﺓ
(((((())))))
ﺑﻌﺪ ﻣﺮﻭﺭ ﺷﻬﺮﻳﻦ
ﺍﺗﻌﻮﺩﺕ ﻛﻞ ﻓﺘﺮﺓ ﺍﻧﺘﻈﺮ ﺍﺷﻮﻑ ﺛﺎﺋﺮ ﻳﺠﻲ ﻋﺎﻟﺠﺎﻣﻌﺔ
ﻳﺠﻲ ﻣﺮﺓ ﺑﺎﻻﺳﺒﻮﻉ ﻣﺪﺓ ﺭﺑﻊ ﺳﺎﻋﺔ ﻋﺸﺮ ﺩﻗﺎﻳﻖ ﻣﻴﺘﺄﺧﺮ
ﻫﻬﻪ ﺻﺮﺕ ﺍﺣﻔﻆ ﻣﻮﺍﻋﻴﺪ ﺟﻴﺘﺔ ﻋﺎﻟﻜﻠﻴﺔ
ﺟﻨﺖ ﺍﺳﺮﻕ ﺍﻟﻨﻈﺮﺍﺕ ﺣﺘﻰ ﺍﺑﺎﻭﻋﻠﺔ
ﻣﺮﺍﺕ ﺍﺭﺍﻗﺒﺔ ﺑﺪﻭﻥ ﻣﻴﺤﺲ ﻋﻠﻴﺔ
ﻭﻣﻦ ﻋﻬﺪ ﺳﺎﻟﻔﺔ ﺍﻟﻨﻘﺎﻝ
ﺑﻌﺪ ﻣﺎ ﺣﺎﻭﻝ ﻳﻘﺘﺮﺏ ﻣﻨﻲ
ﺑﺲ ﺑﻌﺪﺓ ﻳﺮﺍﻗﺒﻨﻲ ﺑﻨﻈﺮﺍﺗﺔ
ﻣﻦ ﺑﻌﻴﺪ
ﻫﻮ ﺻﺤﻴﺢ ﻳﺠﻲ ﻋﺸﺮ ﺩﻗﺎﻳﻖ
ﺑﺲ ﺟﺎﻥ ﻻﺯﻡ ﺍﺷﻮﻓﺔ ﻳﻌﺪﻱ ﻣﻦ ﻳﻤﻲ
ﻭﺍﺷﻢ ﺭﻳﺤﺔ ﻋﻄﺮﺓ ﺗﺠﻨﻦ ﺗﺪﻭﺥ
ﻣﻦ ﺍﺷﻤﻬﺎ ﺍﺣﺲ ﺗﺪﺍﻋﺐ ﺍﻧﻔﺎﺳﻲ ﻭﻛﺄﻧﻤﺎ ﺣﺎﻃﺔ
ﺭﺍﺳﻲ ﺑﺮﮔﺒﺘﺔ ﻭﺍﻧﺘﻔﺴﺔ
ﺍﻫﻮﻭﻭﻭﻭ ﻫﺎﻱ ﺍﺷﺒﻴﺞ ﺳﻬﻰ ﺷﻨﻮ ﻫﺎﻱ ﺍﻻﻓﻜﺎﺭ
ﻋﻴﺐ ﺍﺳﺘﺤﻲ ﺷﻮﻳﺔ
ﺍﻋﻮﺫ ﺑﺎﻟﻠﻪ ﺍﻧﻲ ﺷﮕﺎﻋﺪ ﺍﺣﺲ
ﻫﺰﻳﺖ ﺭﺍﺣﺴﻲ ﺣﺘﻰ ﺍﺑﻌﺪ ﺍﻻﻓﻜﺎﺭ ﺍﻟﻐﺮﻳﺒﺔ
ﺻﺤﻴﺖ ﻣﻦ ﺣﺎﻟﺔ ﺍﻟﺘﻔﻜﻴﺮ
ﻋﻠﻰ ﺿﺮﺑﺔ ﻛﻮﻉ ﺳﺎﺭﺓ ﻟﺨﺎﺻﺮﺗﻲ
ﺣﺘﻰ ﺍﻧﺘﺒﻪ ﻋﻠﻰ ﺍﻟﺸﺨﺺ ﺍﻟﻘﺎﺩﻡ
)) ﻓﻘﺮﺓ ﺍﻟﻐﻴﺒﺔ ((
ﺷﻔﺖ ﺑﻨﻴﺔ ﻭﻳﺎﻧﺔ ﺑﻨﻔﺲ ﺍﻟﻤﺮﺣﻠﺔ ﺍﺳﻤﻬﺎ ﺳﻤﺎ
ﺍﺟﺘﻲ ﻟﻠﺸﻠﺔ ﻣﺎﻟﺘﻲ ﺍﻧﻲ ﻭﻣﻨﻰ ﻭﺳﺠﻰ ﻭﺳﺎﺭﺓ ﻭﺳﺌﻠﺖ ﺳﺎﺭﺓ ﮔﺪﺍﻡ ﺍﻟﺒﻨﺎﺕ
ﺳﻤﺎ - ﻫﻠﻮ ﺳﺎﺭﺓ ﺷﻠﻮﻧﺞ
ﺳﺎﺭﺓ ﺑﺴﺘﻐﺮﺍﺏ ﻻﻥ ﻫﺎﻱ ﺍﻟﻄﺎﻟﺒﺔ ﺍﺑﺪ ﻭﻻ ﻣﺮﺓ ﺟﺎﻳﺔ ﻭﻛﺎﻋﺪﺓ ﻭﻳﺎﻧﺔ ﺍﺣﺲ ﺑﻴﻬﺎ ﻣﺘﻜﺒﺮﺓ
- ﻫﻠﺔ ﺑﻴﺞ ﺣٍٍِْــًﺒٌٍـــِٓﯥٍٓ ﺳﻤﺎﻭﻱ ﺗﻌﺎﻱ ﺍﺗﻔﻀﻠﻲ
ﺍﺑﺎﻭﻉ ﻋﻠﻴﻬﺎ ﻭﻋﻠﻰ ﻟﺒﺴﻬﺎ
ﻛﻠﺸﻲ ﺑﻴﻬﺎ ﻳﺠﻨﻦ ﻟﺒﺴﻬﺎ ﻭﺍﺳﺘﺎﻳﻠﻬﺎ
ﻛﻠﺔ ﺣﺼﺮ ﻭﺍﻟﺘﻘﺎﺳﻴﻢ ﻋﻨﺪﻫﺎ ﻓﻮﻝ ﻣﻮﺍﺻﻔﺎﺕ
ﻛﺎﻧﺖ ﺳﺎﻓﺮﺓ
ﻃﺒﻌﺎ ﺛﻠﺜﻴﻦ ﻃﻼﺏ ﻣﺮﺣﻠﺘﻨﺎ ﺯﺍﺣﻔﻴﻦ ﻋﻠﻴﻬﺔ ﺑﺲ ﻫﻲ ﻣﺘﻨﻄﻲ ﻭﺟﻪ ﻷﻱ ﻭﺍﺣﺪ
ﺍﻧﻲ ﺟﻨﺖ ﺍﺷﺮﺏ ﻋﺼﻴﺮ ﻭﺍﻛﻞ ﻛﻴﻚ ﻭﺍﺑﺎﻭﻉ ﻋﻠﻴﻬﺎ
ﺳﻤﺎ - ﺣٍٍِْــًﺒٌٍـــِٓﯥٍٓ ﺳﺎﺭﺓ ﺳﺆﺍﻝ ﺍﺫﺍ ﻣﺘﺼﻴﺮ ﺯﺣﻤﺔ
ﺳﺎﺭﺓ - ﻻ ﻋﺎﺩﻱ ﺭﺣﻤﺔ ﮔﻮﻟﻲ
- ﺍﺓﺓ ﺑﺲ ﺣﺒﻴﺖ ﺍﺳﺄﻟﺞ ﻋﻠﻰ ﺛﺎﺋﺮ ﺍﻟﻲ ﺩﺍﺋﻤﺎً
ﻳﻤﺸﻲ ﻭﻳﺔ ﻋﺴﺎﻑ ﻋﻔﻴﺔ ﺍﻧﺘﻲ ﻋﻨﺪﺝ
ﻣﻴﺎﻧﺔ ﻭﻳﺔ ﻋﺴﺎﻑ ﺗﻜﺪﺭﻳﻦ ﺗﺠﻴﺒﻴﻠﻲ ﺭﻗﻢ ﺛﺎﺋﺮ ﻣﻦ ﻋﻨﺪﺓ
ﺍﻧﻲ ﺟﻨﺖ ﺍﺷﺮﺏ ﻋﺼﻴﺮ ﻣﻦ ﺳﻤﻌﺘﻬﺎ ﺟﺎﺑﺖ ﺳﻴﺮﺗﺔ
ﺷﺮﮔﺖ ﺑﺎﻟﻌﺼﻴﺮ ﻭﻃﻠﻊ ﻣﻦ ﺧﺸﻤﻲ
ﻣﻨﻰ ﻭﻫﻲ ﺗﻀﺮﺏ ﻋﻠﻰ ﻇﻬﺮﻱ ﻭﺗﻨﻄﻴﻨﻲ ﺍﻛﻠﻴﻨﻜﺲ
- ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ﻫﺎﺝ ﺍﺧﺬﻱ ﻣﺴﺤﻲ ﻫﺪﻭﻣﺞ
.....
ﻇﻠﻴﺖ ﺍﻣﺴﺢ ﻭﺍﺑﺎﻭﻉ ﻋﻠﻰ ﺳﺎﺭﺓ ﺷﻠﻮﻥ ﺭﻓﻌﺖ ﺣﺎﺟﺒﻬﺎ
ﻋﻠﻴﺔ ﻋﻮﺩﻙ ﺍﻧﻲ ﺍﻧﻔﻀﺤﺖ ﻭﻋﺮﻓﺖ ﺳﺮﻱ
ﺑﺲ ﻋﻮﺩﻙ ﺍﻧﻲ ﺷﻨﻮ ﻣﻴﺘﺔ ﺑﺪﻱ ﺍﻟﺰﻡ ﻫﺎﻱ ﺍﻟﻤﺎﻳﻌﺔ ﻣﻦ ﺷﻌﺮﻫﺎ ﻭﺍﻣﺴﺢ ﺑﻴﻬﺎ ﺍﻟﮕﺎﻉ ﺷﻨﻮ ﻋﻴﻨﻲ ﻫﻮ ﺑﻜﻴﻔﻬﺎ
ﺳﺎﺭﺓ - ﺍﺳﻔﺔ ﺣٍٍِْــًﺒٌٍـــِٓﯥٍٓ ﺑﺲ ﺍﻧﻲ ﻣﺎ ﺍﺷﺘﻐﻞ ﺩﻻﻟﺔ
ﺗﺮﺩﻳﻦ ﺭﻗﻤﺔ ﺫﺍﻙ ﻫﻮ ﺭﻭﺣﻲ ﺍﺣﺠﻲ ﻭﻳﺎﻩ ﺍﻧﻲ ﺷﻜﻮ ﺍﻣﺔ ﺍﺧﺘﺔ ﺟﺎﻳﺔ ﻋﻠﻴﺔ
ﻇﻠﻴﺖ ﺍﻛﺮﺹ ﺑﺴﺎﺭﺓ
ﺣﺘﻰ ﺗﺴﻜﺖ ﺑﺲ ﺷﻔﺘﻬﺎ ﺭﺍﺩﺕ ﺗﺮﻭﺣﻠﺔ
ﻣﻜﺪﺭﺕ ﺍﺗﻤﺎﻟﻚ ﻧﻔﺴﻲ
ﺳﻬﻰ - ﺍﻭﻛﻔﻲ ﺣﺒﻴﺒﺘﻲ ﺳﻤﺎ ﺧﻠﻲ ﺍﻧﺒﻬﺞ ﻋﻠﻰ ﺷﻐﻠﺔ
ﻛﻠﺶ ﻣﻬﻤﺔ ﻻﻥ ﺍﺩﺭﻱ ﺑﻴﺞ ﺧﻮﺵ ﺑﻨﻴﺔ ﻭﺣﺒﺎﺑﺔ
ﺗﺮﺓ ﺍﻟﻮﻟﺪ ﻣﻴﻔﻴﺪﺝ ﻣﻮ ﺭﺍﺣﺔ ﻭﻭﻭﻭﻭﻭﻭ
ﻇﻠﻴﺖ ﺍﮔﻠﺐ ﻋﻴﻮﻧﻲ ﺍﺭﻳﺪ ﺍﻛﻤﻞ ﺍﻟﺠﺬﺑﺔ
ﺳﺎﻧﺪﺗﻨﻲ ﻣﻨﻰ
ﻣﻨﻰ - ﺍﻱ ﺍﺗﺬﻛﺮﺕ ﺗﺮﺓ ﻫﻮ ﺷﺮﺍﺏ ﺳﻜﻴﺮ ﻭﺍﺣﺘﻤﺎﻝ ﺣﺘﻰ ﻳﺒﻴﻊ ﻣﺨﺪﺭﺍﺕ
ﺍﻧﻲ ﻣﻦ ﻳﻤﻲ ﺻﺪﻛﺘﻬﺎ ﻭﺷﻬﮕﺖ
ﻋﻤﺔ ﺑﻌﻴﻨﺞ ﻣﻨﻰ ﻋﺎﺩ ﻣﻮﻟﻬﺪﺭﺟﺔ ﺳﻮﻳﺘﻲ ﺍﻟﻮﻟﺪ ﺗﺎﺟﺮ ﻣﺨﺪﺭﺍﺕ ﻭﻣﺎﻓﻴﺎﺍ
ﺳﻤﺎﺍﺍ ﺑﺪﻟﻊ - ﺍﻭﻭﻭﻑ . ﻋﺎﺍﺍﺗﻲ ﺣﺘﻰ ﻟﻮ ﻳﻄﻠﻊ ﺍﺭﺑﻌﺔ ﺍﺭﻫﺎﺏ ﻫﻢ ﺍﺭﻳﺪﺓ
ﺭﺍﺣﺖ ﻭﻋﺎﻓﺘﻨﺎ
ﺑﺎﻟﻘﺮﺍﻥ ﻫﻲ ﺗﺤﺠﻲ ﻭﺍﻧﻲ ﮔﻠﺒﻲ ﺍﺷﺘﻌﻞ ﻧﺎﺭ
ﺳﻬﻰ ﻭﻫﻲ ﺗﻬﻔﻲ ﺑﻴﺪﻫﺔ ﻋﻠﻰ ﻭﺟﻬﺔ
- ﺍﻛﻮﻝ ﻣﻨﻰ ﺍﻟﻴﻮﻡ ﺷﻨﻮ ﺍﻟﺠﻮ ﺣﺎﺭ ﻟﻮ ﺍﻧﻲ ﻣﺤﺘﺮﺓ
ﺳﺎﺭﺓ ﺑﻨﺬﺍﻟﺔ - ﻻ ﺣٍٍِْــًﺒٌٍـــِٓﻴﺒﺘﻲ ﻫﺎﻱ ﻧﺎﺭ ﺍﻟﻐﻴﺮﺓ
ﺑﺲ ﺗﺪﺭﻳﻦ ﻭﺍﻟﻠﻪ ﺣﺎﺗﺔ ﺍﺫﺍ ﺭﺍﺣﺖ ﻟﺜﺎﺋﺮ ﻭﺍﻟﻠﻪ ﺗﻀﻴﻊ ﻋﻠﻮﻣﺔ
ﻭﻳﺼﻴﺮ ﺻﺎﺣﺒﻨﺎ ﻓﻲ ﺧﺒﺮ ﻛﺎﻧﺔ
ﻛﻤﺖ ﻣﻦ ﻣﻜﺎﻧﻲ ﻋﺒﺎﻟﻚ ﺍﺗﻜﻬﺮﺑﺖ
ﺳﻬﻰ - ﺍﮔﻠﺞ ﺍﻧﺘﻲ ﻟﻴﺶ ﻫﻴﺞ ﻧﺬﻟﺔ
ﻛﻼﻣﺞ ﻳﺪﻕ
ﺳﺎﺭﺓ ﺑﻀﺤﻜﺔ ﺧﺒﻴﺜﺔ
- ﻫﻬﻬﻬﻬﻪ ﺍﻱ ﺍﻧﻲ ﺍﺑﻮ ﺍﻟﻬﻴﻞ ﺍﻧﻲ ﻧﺬﻝ ﻭﺍﻟﻠﻪ ﻧﺬﻝ
- ﺑﺎﻟﻠﻪ ﺷﻮ ﮔﻮﻣﻲ ﺧﻠﻲ ﻧﺮﻭﺡ ﻭﺭﺍﻫﺔ
ﺧﺎﻑ ﺭﺍﺣﺖ ﻟﻌﻨﺪﺓ ﻋﺰﺓ ﺑﺲ
ﻻ ﺗﻔﺘﻦ ﻋﻠﻴﻨﺎ ﻋﻨﺪﺓ
ﺗﺼﻴﺮﻟﻬﺎ ﺣﺠﺔ ﺣﺘﻰ ﺗﺘﻘﺮﺏ ﻣﻨﺔ
ﺟﺮﻳﺖ ﺳﺎﺭﺓ ﻣﻦ ﺍﻳﺪﻫﺎ ﻭﮔﻮﻣﺘﻬﺎ ﮔﻮﺓ ﻭﻣﺸﻴﺖ ﻭﻣﻨﻰ ﺗﻤﺸﻲ ﻭﺭﺍﻧﺔ
ﻣﻨﻰ - ﻭﻟﺞ ﺷﺒﻴﺞ ﺍﺗﺨﺒﻠﺘﻲ ﺍﻭﻛﻔﻲ
ﺭﺣﺖ ﻭﺟﻤﺪﺕ ﺑﻤﻜﺎﻧﻲ ﺷﻔﺘﻬﺎ ﻛﺎﻋﺪﺓ ﺑﺼﻔﺔ ﻭﺗﻀﺤﻜﻠﺔ
ﻭﺗﺤﺠﻲ ﻭﻳﺎﻩ ﻭﻫﻮ ﺧﺮﺑﺎﻥ ﺿﺤﻚ
ﻋﺎﺍﺍﺍﺍﺍﺍﺍ ﺍﻧﻲ ﻫﻨﺎ ﺑﺲ ﻭﺍﺣﺪ ﻳﻄﺨﻨﻲ
ﻭﺍﻟﻠﻪ ﺍﺫﺏ ﺭﻭﺣﻲ ﺑﺎﻟﻜﺎﻉ
ﻣﺜﻞ ﺍﻟﻄﻔﻞ ﻭﺍﺑﺠﻲ
ﺻﺮﺕ ﺍﺣﻮﻡ ﺍﺭﻳﺪﺓ ﺑﺲ ﻳﺒﺎﻭﻉ ﻋﻠﻴﺔ ﻣﺎﻛﻮ
ﺳﻬﻰ ﺑﻐﻴﺾ
- ﻟﺞ ﺳﺎﺭﺓ ﺑﺎﻭﻋﻲ ﺻﺎﺣﺒﻨﺎ ﺍﺑﻮ ﺍﻟﺸﺨﺼﻴﺔ ﺷﻠﻮﻥ ﻏﺮﻙ
ﻣﻦ ﺍﻭﻝ ﻛﻠﻤﺔ ﺍﻭﻭﻭﻭﻑ ﻋﻤﺔ ﺣﺘﻰ ﻋﻤﺔ
ﻣﻤﺼﺪﻙ ﻭﺣﺪﺓ ﺗﺤﺠﻲ ﻭﻳﺎﻩ ﻭﺍﻟﻠﻪ ﻳﺎﺭﺑﻲ
ﻃﺒﻌﺎً ﺍﻧﻲ ﺍﺣﺠﻲ ﻭﻋﻴﻨﻲ ﻋﻠﻴﻬﻢ ﺍﺭﻳﺪ ﺍﺑﺠﻲ
ﺳﺎﺭﺓ - ﺧﻄﻴﺔ ﻳﺴﺘﺎﻫﻞ ﺛﺎﺋﺮ ﻳﻠﻮﻛﻠﺔ ﻫﻴﺞ ﺣﺎﺗﺔ
ﺍﺣﺴﻦ ﻣﻦ ﺑﻌﺾ ﺍﻟﻨﺎﺱ ﺍﻟﻲ ﺿﺎﺭﺑﻴﻦ ﺍﻟﺴﻜﺘﺔ ﻻ ﺍﻧﻄﻴﻚ ﻭﻻ ﺍﺧﻠﻲ ﺭﺣﻤﺔ ﺍﻟﻠﻪ ﺗﻨﺰﻝ ﻋﻠﻴﻚ
ﺳﻬﻰ ﺑﻘﻬﺮ - ﻳﻌﻨﻲ ﺷﻨﻮ ﺗﺮﺩﻳﻨﻲ ﺍﺳﻮﻱ ﺍﺭﻭﺡ ﺍﺧﺬ ﻣﻨﺔ ﺍﻟﻨﻘﺎﻝ ﻭﺍﻛﻠﺔ ﺗﻌﺎﻝ ﺧﻞ ﻧﻜﺒﻞ ﻭﻟﻠﺼﺒﺢ
ﺳﺎﺭﺓ - ﺍﻧﺘﻲ ﻣﻨﻮ ﻳﻤﺞ ﺷﻨﻮ ﻗﺎﺑﻞ ﺍﻧﻲ ﺫﻛﺮﺕ ﺍﺳﻤﺞ ﻟﻮ ﻫﻮ ﺍﻟﻲ ﺑﻌﺒﺔ ﻃﻠﻲ ﻳﻜﻮﻡ ﻳﻤﻌﻤﻊ
ﺍﻟﺘﻔﺘﺖ ﻋﻠﻴﻬﻢ ﻳﻤﺔ ﺷﻔﺘﻬﺎ ﺳﺤﺒﺖ ﻧﻘﺎﻟﺔ ﻣﻦ ﺍﻳﺪﺓ ﻭﻛﻌﺪﺕ ﺍﻃﻜﻄﻚ ﺑﻲ
- ﻋﺎﺍﺍﺍﺍﺍﺍﺍ ﺍﻛﻠﻜﻢ ﺑﻨﺎﺕ ﻫﺎﻱ ﺍﻧﻄﺘﺔ ﺭﻗﻤﻬﺎ
ﻣﻨﻰ ﻭﻫﻲ ﺗﻀﺤﻚ - ﺍﻛﻮﻭﻭﻝ ﺳﺎﺭﺓ ﺍﺷﻮ ﺍﻻﺧﺖ ﺻﺎﺭﺕ ﻋﻠﻴﻨﺎ ﻣﺮﺍﺳﻞ ﺻﺤﻔﻲ ﻣﻦ ﻗﻠﺐ ﺍﻟﺤﺪﺙ
ﻛﻠﺴﺎﻉ ﺗﻨﻘﻠﻨﺎ ﺧﺒﺮ
ﺑﺎﻟﻠﻪ ﺳﻬﺎﻭﻱ ﺷﻮﻓﻴﻠﻨﺎ ﻭﻳﺎﺝ ﺛﺎﺋﺮ ﺷﻮﻛﺖ ﻳﺘﺰﻭﺝ ﺳﻤﺎﺍﺍﺍ
ﻋﺎﺩ ﺍﻧﻲ ﺳﻤﻌﺖ ﻫﻴﺞ
ﺑﻌﺪ ﻣﺎ ﺍﺳﺘﺤﻤﻠﺖ ﻟﻤﻴﺖ ﻛﺘﺒﻲ
ﻭﻛﻤﺖ ﻣﻦ ﻳﻢ ﺍﻟﺒﻨﺎﺕ ﻭﺭﺩﺕ ﺍﺭﻭﺡ ﺍﺭﺟﻊ ﻟﻠﻘﺎﻋﺔ
ﺑﻌﺪ ﻣﺎ ﺍﺗﺤﻤﻞ ﺷﻘﺎﻫﻢ ﻭﻳﺎﻱ
ﻭﺍﻧﻲ ﺍﺣﺮ ﻣﺎ ﻋﻨﺪﻱ ﺍﺑﺮﺩ ﻣﺎﻋﺪﻫﻦ
ﻣﺸﻴﺖ ﻣﻦ ﺍﻟﻘﻬﺮ ﻣﺎ ﺍﺷﻮﻑ ﺩﺭﺑﻲ ﺑﺲ ﺍﺩﺭﺩﻡ
ﺍﻧﻀﺮﺑﺖ ﺑﻮﻟﺪ ﺧﻄﻴﺔ ﺟﺎﻥ ﺷﺎﻳﻞ ﺑﻴﺪﺓ
ﻛﻮﺏ ﻛﻮﻓﻲ ﻭﺍﻧﮕﻠﺐ ﻋﻠﻰ ﻣﻼﺑﺴﻪ
ﻳﺎﺑﺔ ﺻﺮﺕ ﺑﻨﺺ ﻫﺪﻭﻣﻲ
ﻋﻮﺩﻙ ﻟﻴﺶ ﺍﻟﺜﻮﻝ ﻳﻨﺰﻝ ﻋﺎﻟﻮﺍﺣﺪ ﻓﺮﺩ ﻧﺰﻟﺔ
ﺍﻟﻮﻟﺪ - ﺍﺥ ﺍﺥ ﺍﺣﺤﺤﺢ ﺣﺎﺭﺭ
ﺳﻬﻰ - ﺍﺳﻔﺔ ﻭﺍﻟﻠﻪ ﺍﺳﻔﺔ ﻣﻨﺘﺒﻬﺖ ﻋﻠﻴﻚ
ﺭﻓﻊ ﺭﺍﺳﺔ ﻭﺑﺎﻭﻋﻠﻲ ﻭﺍﺑﺘﺴﻢ
ﻭﻫﻮ ﻳﺒﻌﺪ ﻋﻦ ﺻﺪﺭﺓ ﺍﻟﺘﺸﻴﺮﺕ ﺍﻟﻤﺘﺮﻭﺱ ﻛﻮﻓﻲ
- ﻻ ﻋﺎﺍﺩﻱ ﻣﺼﺎﺭ ﺷﻲ ﻻ ﺗﺘﺄﺳﻔﻴﻦ ﻓﺪﻭﺓ ﺍﻟﺞ ﺍﻟﺘﺸﻴﺮﺕ ﻭﺻﺎﺣﺒﺔ
ﻣﻨﺘﺒﻬﺖ ﻋﻠﻰ ﻛﻼﻣﺔ ﻣﻦ ﮔﺪ ﻣﺎ ﺟﻨﺖ ﻣﺨﺒﻮﺻﺔ ﺍﺭﻳﺪ ﺍﻃﻠﻌﻠﺔ ﻛﻠﻴﻨﻜﺲ
ﻃﻠﻌﺖ ﻣﻦ ﺟﻨﻄﺘﻲ ﺍﻟﻜﻠﻴﻨﻜﺲ
ﻭﺍﻧﻄﻴﺘﺔ ﻟﻠﻮﻟﺪ ﺍﺧﺬﺓ ﻣﻨﻲ ﻭﻫﻮ ﻳﺒﺘﺴﻢ
ﺍﻟﻮﻟﺪ - ﺷﺒﻴﺞ ﻣﺼﺎﺭ ﺷﻲ ﻟﺘﻨﺨﺒﺼﻴﻦ
ﺭﺟﻌﺖ ﻫﻢ ﻃﻠﻌﺖ ﻛﻠﻴﻨﺲ ﻣﺮﺓ ﺛﺎﻧﻴﺔ ﻭﺭﻓﻌﺖ ﺭﺍﺳﻲ ﻭﺍﺑﺘﺴﻤﺘﻠﺔ ﺑﻌﺘﺬﺍﺭ
ﻛﻨﺖ ﻏﺎﻓﻠﺔ ﻋﻦ ﺍﻟﻌﻴﻮﻥ
ﺍﻟﻲ ﻛﺎﻧﺖ ﺗﺮﺍﻗﺐ ﺍﻟﻤﻮﻗﻒ ﻣﻦ ﺍﻭﻝ ﻣﺎ ﺍﺳﻄﺪﻣﺖ ﺑﺎﻟﻮﻟﺪ
ﺍﺗﻔﺎﺟﺌﺖ ﻋﻠﻰ ﺍﻳﺪ ﺧﺸﻨﺔ ﺍﻧﻤﺪﺕ ﺑﻴﻨﻲ ﻭﺑﻴﻦ ﺍﻟﻮﻟﺪ
ﻭﺍﺧﺬ ﺍﻟﻜﻠﻴﻨﻜﺲ ﻣﻦ ﺍﻳﺪﻱ
ﺛﺎﺋﺮ ﻭﺍﻟﻨﺎﺭ ﺗﻄﻠﻊ ﻣﻦ ﻋﻴﻮﻧﺔ
ﻫﻤﺲ ﺑﺼﻮﺕ ﻧﺎﺻﻲ
ﺷﻮﻓﻲ ﻭﻟﺞ ﻫﺴﺔ ﺍﺫﺍ ﻣﺎ ﺍﺑﺘﻌﺪﺗﻲ ﻋﻦ ﺍﻟﻮﻟﺪ ﻟﻤﺴﺢ ﺑﻴﺞ ﺍﻟﻜﺎﻉ ﻭﺍﺳﻮﻳﻠﺞ ﺳﺎﻟﻔﺔ
ﺍﺧﺬ ﻣﻨﻲ ﺑﻘﻴﺔ ﺍﻟﻜﻠﻴﻨﺲ ﻭﺍﻧﻄﺎﻩ ﻟﻠﻮﻟﺪ
ﻭﻗﺒﻞ ﻻ ﺍﺭﻭﺡ
ﺍﻟﻮﻟﺪ - ﺍﻟﻌﻔﻮ ﺷﻨﻮ ﺍﺳﻤﺞ
ﺛﺎﺋﺮ ﻭﻫﻮ ﻳﺪﻓﻌﺔ ﻣﻦ ﺻﺪﺭﻩ
- ﺍﻧﺖ ﺷﻜﻮ ﻭﺗﺴﺄﻝ ﻋﻦ ﺍﺳﻤﻬﺎ ﺗﺮﻳﺪ ﺗﻄﻠﻌﻠﻬﺎ ﺟﻨﺴﻴﺔ
ﺍﻟﻮﻟﺪ - ﺍﻟﻌﻔﻮ ﺍﻧﺖ ﺷﻨﻮ ﺩﺧﻠﻚ ﺑﺎﻟﻤﻮﺿﻮﻉ ﺗﺮﺓ ﺍﻟﺒﻨﻴﺔ ﻋﻨﺪﻫﺎ ﺍﻟﺴﺎﻥ ﻭﺗﺠﺎﻭﺑﻨﻲ
ﺳﻬﻰ
ﻳﻤﺔ ﺷﻔﺖ ﺍﻟﺸﺮﺍﺭﺓ ﺑﻌﻴﻮﻥ ﺛﺎﺋﺮ
ﺑﺎﻭﻋﻠﺘﻠﺔ ﺩﻓﻊ ﺍﻟﻮﻟﺪ ﻭﺍﻟﻮﻟﺪ ﻫﻢ ﺩﻓﻌﺔ
ﺍﻧﻲ ﻫﻨﺎﺍﺍﺍ ﻛﻄﺮﺓ ﺩﻡ ﻣﺎﺑﻴﺔ
ﻋﺰﺓ ﺑﻌﻴﻨﻲ ﺭﺍﺡ ﻳﺘﻌﺎﺭﻛﻮﻥ
ﺣﺠﻴﺖ ﻭﺍﻟﺒﺠﻴﺔ ﺑﻌﻴﻮﻧﻲ
ﺑﺘﻮﺳﻞ
- ﺛﺎﺋﺮ ﺍﺭﻭﺣﻠﻚ ﻓﺪﻭﺓ ﻟﺘﺘﻌﺎﺭﻙ
ﺍﺗﺮﻛﺔ ﻟﻠﻮﻟﺪ ﻣﺼﺎﺭ ﺷﻲ
.....
ﺛﺎﺋﺮ ﻻﻭﻝ ﻣﺮﺓ ﺍﺳﻤﻊ ﺍﺳﻤﻲ ﻋﻠﻰ ﺍﻟﺴﺎﻧﻬﺎ
ﺍﻟﺘﻔﺘﺖ ﻋﻠﻴﻬﺎ ﻭﺷﻔﺖ ﺍﻟﺪﻣﻮﻉ ﺑﻌﻴﻮﻧﻬﺎ
ﺗﻮﺳﻠﻬﺎ ﻭﺧﻮﻓﻬﺎ ﻟﻔﺖ ﺍﻧﺘﺒﺎﻫﻲ
ﻛﺎﻧﺖ ﻋﻴﻮﻧﻬﺎ ﺗﺤﺠﻲ ﻋﻦ ﺧﻮﻑ ﻋﻤﻴﻖ ﻗﺪﻳﻢ ﻣﺪﻓﻮﻥ
ﺑﺲ ﻣﻮ ﺍﻧﺔ ﺳﺒﺒﻪ
ﻏﻀﺒﺖ ﺭﺩﺕ ﺍﻋﺮﻑ ﺳﺒﺐ ﺧﻮﻓﻬﺎ
ﺣﺘﻰ ﺍﺧﻔﻴﻪ ﻣﻦ ﺍﻟﻮﺟﻮﺩ
ﻣﺤﺒﻴﺖ ﺍﺷﻮﻑ ﻫﺎﻱ ﺍﻟﻨﻈﺮﺓ ﺍﻟﻀﺎﻳﻌﺔ ﺑﻌﻴﻮﻧﻬﺎ
ﺣﺴﻴﺖ ﻫﺎﻱ ﺍﻟﺒﻨﻴﺔ ﻣﺠﻤﻮﻋﺔ ﺍﻟﻐﺎﺯ ﻭﻋﻨﺪﻫﺎ ﻫﻮﺍﻱ ﺍﺳﺮﺍﺭ
ﺑﺤﻴﺎﺗﻬﺎ
ﺍﺷﻮﻓﻬﺎ ﻣﺘﺤﺐ ﺗﻠﻔﺖ ﺍﻻﻧﺘﺒﺎﻩ ﺍﻟﻬﺔ ﻭﻻ ﺗﺤﺐ ﺍﺣﺪ ﻳﻘﺘﺮﺏ ﻣﻨﻬﺎ ﻃﺮﻳﻘﺔ ﺗﺤﻔﻈﻬﺎ ﻛﺎﻥ ﺟﺪﺍً ﻣﺒﺎﻟﻎ ﺑﻴﻬﺎ
ﺳﻬﻰ ﺑﺼﻮﺕ ﻫﺎﻣﺲ ﺿﻌﻴﻒ -
: ﺛﺎﺋﺮ ﺗﺼﺮﻓﻚ ﻫﺬﺍ ﺭﺍﺡ ﻳﻌﻢ ﻋﻠﻴﺔ ﻭﻳﺴﺒﺒﻠﻲ ﻣﺸﺎﻛﻞ
ﺍﺗﻤﻨﻴﺖ ﺍﺧﺬﻫﺎ ﻟﺤﻈﻨﻲ ﻭﺍﻃﻤﻨﻬﺎ ﺑﺲ ﻣﺎ ﺍﻋﺮﻑ ﻣﻦ ﺷﻨﻮ
ﺑﺲ ﺍﺳﺘﺴﻠﻤﺖ ﻟﺘﻮﺳﻠﻬﺎ
ﺑﺤﻴﺚ ﺍﺿﻄﺮﻳﺖ ﺍﺳﻜﺖ ﻭﺍﻫﺪ ﺍﻟﻮﻟﺪ ﻭﺍﺟﺔ ﻋﺴﺎﻑ
ﺑﺮﺩ ﺍﻟﻮﺿﻊ
ﺷﻔﺘﻬﺔ ﻣﺴﺤﺖ ﻋﻴﻮﻧﻬﺎ ﻭﺭﺍﺣﺖ ﺗﻤﺸﻲ ﺑﻀﻌﻒ ﻟﺼﺪﻳﻘﺎﺗﻬﺎ
ﺑﺲ ﺍﺍﺍﺍﺍﺍﺍﺍﺥ ﺑﻮﻳﺔ ﻭﺍﻟﻠﻪ
ﮔﻠﺒﻲ ﺍﺟﺔ ﻳﻄﻠﻊ ﻣﻦ ﺻﺪﺭﻱ ﺑﻴﻮﻡ ﺷﻔﺘﻬﺎ ﺍﺳﻄﺪﻣﺖ ﺑﺎﻟﻮﻟﺪ ﻭﻛﻌﺪﺕ ﺗﺒﺘﺴﻤﻠﺔ ﻭﻳﺒﺘﺴﻤﻠﻬﺎ
ﺍﺣﺲ ﺍﺟﻴﺖ ﺍﻧﺸﻞ ﻣﻦ ﺍﻟﻤﻮﻗﻒ
ﻭﺑﻠﺤﻀﺘﻬﺎ ﺣﺴﻴﺖ ﺍﻛﻮ ﺷﻌﻮﺭ ﺑﮕﻠﺒﻲ ﺑﺘﺠﺎﻫﺔ ﺍﻋﻤﻖ
ﻣﻦ ﺍﻻﻋﺠﺎﺏ
.........
ﺭﺟﻌﺖ ﻋﺎﻟﺒﻨﺎﺕ ﻭﺷﻔﺘﻬﻢ ﻭﻇﻠﻴﺖ ﺍﺑﺠﻲ
ﻭﺣﺠﻴﺘﻠﻬﻢ ﻛﻠﺸﻲ
ﺳﺎﺭﺓ ﺑﻀﺤﻚ - ﺍﻧﻘﻠﺐ ﺍﻟﺴﺤﺮ ﻋﻠﻰ ﺍﻟﺴﺎﺣﺮ ﻭﺍﻟﻠﻪ ﺍﻧﺘﻲ ﺗﺤﻔﺔ
ﻣﻨﻰ - ﻳﺎﻟﻠﻪ ﻋﻠﻰ ﺍﻻﻗﻞ ﻧﺠﺤﺘﻲ ﺑﺎﺑﻌﺎﺩ ﺳﻤﺎ ﻋﻨﺔ ﻫﻬﻬﻬﻬﻪ
ﺑﻴﻮﻣﻬﺎ ﺭﺟﻌﺖ ﻟﻠﺒﻴﺖ
ﻭﺑﺪﺍﺧﻠﻲ ﻣﺠﻤﻮﻋﺔ ﻣﺸﺎﻋﺮ
ﺧﻮﻑ ﻋﻠﻰ ﻟﻬﻔﺔ ﻋﻠﻰ ﺗﺮﺩﺩ ﻋﻠﻰ ﺍﻋﺠﺎﺏ
ﺻﺎﺭﺕ ﻣﺸﺎﻋﺮﻱ ﻋﺒﺎﻟﻚ ﻣﻀﺮﻭﺑﺔ ﺑﺨﻼﻁ
ﻭﺻﺎﻳﺮﺓ ﻛﻮﻛﺘﻴﻞ
ﺍﻭﻭﻭﻭﻑ ﺩﺧﻠﺖ ﻋﻠﻰ ﺑﻴﺘﻨﺎ ﻭﻋﻘﻠﻲ ﻭﻓﻜﺮﻱ
ﻣﺸﺪﻭﻩ ﻭﺑﻐﻴﺮ ﻋﺎﻟﻢ
ﺳﻤﻌﺖ ﺍﺣﻤﺪ ﻳﺤﺠﻲ ﻭﻳﺔ ﺍﻣﻲ ﺑﺎﻟﻤﻄﺒﺦ
ﺳﻠﻤﺖ ﻋﻠﻴﻬﻢ
ﻭﺭﺩﻭ ﺍﻟﺴﻼﻡ
ﺍﻡ ﺳﻬﻰ - ﺭﻭﺣﻲ ﺑﺪﻟﻲ ﻣﻼﺑﺴﺞ ﻭﺗﻌﺎﻱ ﺧﻞ ﻧﺘﻐﺪﺓ ﺳﻮﻳﺔ ﻭﺭﺓ ﻣﻜﻤﻠﺖ ﻭﺭﺟﻌﺖ ﻟﻠﻤﻄﺒﺦ ﺳﻤﻌﺘﻬﻢ ﻳﺤﺠﻮﻥ
ﺍﺣﻤﺪ - ﻳﻤﺔ ﻭﺍﻟﻠﻪ ﺧﻮﺵ ﺭﺟﺎﻝ ﺻﺤﻴﺢ ﻋﻤﺮﺓ ٤٧ﺳﻨﺔ
ﺑﺲ ﺍﻟﺮﺟﺎﻝ ﺍﻟﻠﻪ ﺷﺎﻳﻞ ﺣﻤﺎﻟﺘﺔ ﻭﻳﺮﻳﺪﻫﺎ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﺔ
ﺍﻡ ﺳﻬﻰ - ﻟﻚ ﻳﻤﺔ ﻫﺴﺔ ﺍﻟﻌﻤﺮ ﻭﮔﻠﻨﺎ ﻋﺎﺩﻱ
ﺑﺲ ﻳﻤﺔ ﻫﺬﺍ ﻣﺘﺰﻭﺝ ﺗﻼﺙ ﻧﺴﻮﺍﻥ ﻭﻳﺮﻳﺪ ﺳﻬﻰ ﺍﻟﺮﺍﺑﻌﺔ
ﺗﺮﺓ ﻻ ﺍﻟﻠﻪ ﻳﻘﺒﻞ ﻭﻻﻣﺤﻤﺪ ﻳﻘﺒﻞ ﺑﻬﻴﺞ ﻗﺴﻤﺔ
ﺳﻬﻰ ﻋﺰﺓ ﺑﻌﻴﻨﻚ ﺍﺣﻤﺪ ﺗﺮﻳﺪ ﺗﺰﻭﺟﻨﻲ ﻟﺮﺟﺎﻝ ﺟﺒﻴﺮ ﺑﻜﺪ ﺍﺑﻮﻱ ﻟﻴﺶ ﻫﺬﺍ ﺷﺒﻲ
ﺩﺧﻠﺖ ﻋﻠﻴﻬﻢ
ﺳﻬﻰ - ﺷﻮﻑ ﺍﺣﻤﺪ ﺧﻠﻲ ﺍﻃﻤﻨﻚ ﺯﻭﺍﺝ ﻣﺎ ﺍﻧﺰﻭﺝ ﻟﻮ ﺗﻤﻮﺗﻮﻧﻲ ﻣﺮﺍﺡ ﺍﻗﺒﻞ ﻻ ﺑﻬﺬﺍ ﺍﻟﺘﺤﻔﺔ ﻭﻻ ﺑﻐﻴﺮﺓ
ﺳﺎﻣﻌﻨﻲ ﻣﻮ ﺑﻜﻴﻔﻚ
ﺍﺣﻤﺪ - ﻟﺞ ﺍﻛﻠﻲ ﺗﺒﻦ ﻋﺎﺭ ﺍﻧﺘﻲ ﻫﻢ ﺍﻟﺞ ﻋﻴﻦ ﻭﺗﺤﺠﻲ
ﺍﺣﺴﻨﻠﺞ ﺳﻜﺘﻲ ﻭﺳﺪﻱ ﺣﻠﻜﺞ ﻻ ﺍﺩﻓﻨﺞ ﻫﻨﺎ
ﺳﻤﻌﺖ ﺻﻮﺕ ﺍﻣﺠﺪ ﺟﺎﻥ ﺳﺘﻮﺓ ﺟﺎﻱ ﻣﻦ ﺍﻟﺸﻐﻞ
ﺍﻣﺠﺪ - ﺍﻟﺴﻼﻡ ﻋﻠﻴﻜﻢ
ﺍﻡ ﺳﻬﻰ ﻏﻤﺰﺕ ﻻﺣﻤﺪ ﻭﻟﺒﻨﺘﻬﺎ ﺣﺘﻰ ﻳﻜﻄﻌﻮﻥ ﺍﻟﺴﺎﻟﻔﺔ
ﻻﻥ ﺗﻌﺮﻑ ﺑﺎﻣﺠﺪ ﺍﺫﺍ ﻳﺴﻤﻊ ﺑﻜﻼﻡ ﺍﺣﻤﺪ ﺍﺣﺘﻤﺎﻝ ﺗﺼﻴﺮ ﻋﺮﻛﺔ
ﻭﺑﻴﻮﻣﻬﺎ
ﺷﺮﺩﺕ ﻟﻐﺮﻓﺘﻲ ﻛﺎﻟﻌﺎﺩﺓ ﺍﻟﻬﺮﻭﺏ ﻣﻦ ﺍﻟﻮﺍﻗﻊ
..((((((((())))))))))))
ﺛﺎﺋﺮ ...
ﺍﻟﻴﻮﻡ ﻻﺯﻡ ﺍﺭﺟﻊ ﻻﻥ ﻋﻨﺪﻱ ﺷﻐﻞ ﻫﻨﺎﻙ ﻫﻮﺍﻱ ﻫﺎﻣﻠﺔ
ﻛﻤﻠﺖ ﺷﻐﻠﻲ ﺍﻟﻲ ﺑﺒﻐﺪﺍﺩ
ﻣﺎ ﺍﻋﺮﻑ ﻫﺎﻱ ﻣﻨﻴﻦ ﻃﻠﻌﺘﻠﻲ ﺑﻨﺖ ﺍﻻﻭﺍﺩﻡ
ﻣﺘﻌﺠﺐ ﻋﻠﻰ ﻧﻔﺴﻲ
ﺍﻭﻝ ﻣﺮﺓ ﺑﺤﻴﺎﺗﻲ ﺍﻫﻤﻞ ﺷﻐﻠﻲ ﻭﺍﺃﺟﻠﺔ ﻋﻠﻤﻮﺩ ﺑﻨﻴﺔ
ﺷﺠﺎﻙ ﻳﺎﻟﻮﺣﺶ
ﺍﻭﻝ ﺗﺎﻟﻲ ﺍﻧﺘﺔ ﺗﺨﻠﻲ ﺑﻨﻴﺔ ﺗﺘﺤﻜﻢ ﺑﻴﻚ ﻭﺗﺨﻠﻴﻚ ﺗﺘﺼﺮﻑ ﻣﺜﻞ ﺍﻟﻤﺮﺍﻫﻖ ﻭﺗﺒﺪﻳﻬﺎ ﻋﻠﻰ ﺷﻐﻠﻚ ﻭﻧﺎﺳﻚ
ﻭﺍﻋﻤﺎﻟﻚ
ﻭﺍﻟﻠﻪ ﺧﺮﺑﻄﺖ ﺍﺣﻮﺍﻟﻲ
ﺯﻳﻦ ﺷﻤﻌﻨﺔ ﻫﺎﻱ ﺍﻟﻲ ﺗﺨﻠﻴﻚ ﻣﺪﻭﻫﻦ ﻭﻣﺼﻔﻦ
ﻋﻔﻮ ﻋﻠﻴﻚ ﻭﺣﺶ ﻣﻮ ﺍﻧﺖ ﺍﻟﻲ ﺗﺸﻐﻠﻚ ﻣﺮﺓ
......
ﺩﻛﻴﺖ ﻫﻮﺭﻥ ﻻﺧﻮﻱ ﻋﺪﻱ
ﺛﺎﺋﺮ - ﻳﺎﻟﻠﻪ ﻋﺪﻱ ﺍﺳﺘﻌﺠﻞ ﺍﺭﻛﺐ ﺗﺮﺓ ﺍﺗﺄﺧﺮﻧﺎ
ﻋﺪﻱ - ﻫﻠﺔ ﺑﺎﻟﻮﺣﺶ ﻣﺎﺗﻜﻠﻲ ﻭﻳﻦ ﺻﺮﺕ ﺻﺎﺭﻟﻲ ﺳﺎﻋﺔ
ﻣﻠﻄﻮﻉ ﻫﻨﺎ ﺍﻧﺘﻈﺮﻙ ﺍﺩﺭﻱ ﻣﺘﻜﻮﻝ ﻫﺬﺍ ﺍﻟﺤﻴﻮﺍﻥ ﺧﻄﻴﺔ ﻭﺍﻛﻒ ﺑﺎﻟﺸﻤﺲ ﻳﻨﺘﻈﺮ
ﺛﺎﺋﺮ - ﺟﺎﻧﺖ ﻋﻨﺪﻱ ﺷﻐﻠﺔ ﻣﻬﻤﺔ ﺧﻠﺼﺘﻬﺎ ﻭﺍﺟﻴﺖ
- ﺧﺎﻳﺐ ﺍﺳﻜﺖ
ﻳﻜﻠﻚ ﺷﻴﺦ ﻣﺰﺍﺣﻢ ﻛﺎﻟﺐ ﺍﻟﺪﻧﻴﺎ ﻋﻠﻴﻨﺎ ﻭﺣﺎﺭﻙ ﺍﻟﺒﻴﺖ ﻋﻠﻰ ﺭﺍﺳﻬﻢ
ﻇﺎﻝ ﺑﺎﻟﺔ ﻋﺪﻧﺎ ﻻﻥ ﺍﺗﺄﺧﺮﻧﺎ ﻭﻫﺬﺍ ﺍﻧﺼﻴﺮ ﺍﻟﺸﻴﻄﺎﻥ ﺣﺎﺭﻙ ﻓﻠﻤﻨﺔ ﻋﻨﺪﺓ ﻳﻜﻠﺔ ﺛﺎﺋﺮ ﻭﻋﺪﻱ ﻛﺎﺿﻴﻬﺎ
ﻣﻼﻫﻲ ﻭﻧﺴﻮﺍﻥ ﻭﻟﻌﺐ
ﺛﺎﺋﺮ ﻭﻫﻮ ﻳﻀﺤﻚ - ﺧﻞ ﻳﻮﻝ ﻋﻮﺩﻙ ﻳﺤﺮﻙ ﻓﻠﻤﻨﺎ
ﻫﻬﻬﻬﻬﻪ ﻭﺍﻟﻠﻪ ﻳﺎ ﺍﻧﺼﻴﺮ ﻛﻮﻥ ﺍﻟﺰﻣﺔ ﺍﻻ ﺍﺗﻮﺑﺔ
ﺭﺟﻌﻨﺎ ﻟﺪﻳﺮﺗﻨﺎ
ﺍﺑﺎﻭﻉ ﻋﺎﻟﺨﻀﺎﺭﻭﺍﻟﺰﺭﻉ ﻭﻫﺎﻱ ﺍﻭﻝ ﻣﻌﺎﻟﻢ ﺩﻳﺮﺗﻨﺎ
ﺍﻓﻴﻴﻴﺶ ﻳﺎ ﺭﻳﺤﺔ ﺍﻫﻠﻨﺎ
ﻋﺪﻱ ﻭﻫﻮ ﻳﻀﺤﻚ - ﻫﺎ ﻳﺎﻟﻮﺣﺶ ﺣﻨﻴﺖ ﻟﺘﺮﺑﺘﻨﺎ
ﺍﻧﺖ ﻭﺍﻟﻠﻪ ﻋﺠﻴﺐ ﺍﻣﺮﻙ
ﺍﺷﻮ ﺍﻧﺎ ﻣﻮ ﻣﺜﻠﻚ ﺍﺷﻮ ﺍﺿﻮﺝ ﻣﻦ ﺍﺭﺟﻊ ﻟﻬﻨﺎ
ﻫﻨﺎ ﺍﻟﺤﻴﺎﺓ ﻫﺎﺩﺋﺔ ﻭﻣﻤﻠﺔ
ﺍﺣﺲ ﻫﻨﺎﻙ ﺑﺒﻐﺪﺍﺩ ﻭﻧﺴﺔ ﺍﻛﺜﺮ
ﺛﺎﺋﺮ - ﻟﻚ ﻫﺎﻱ ﺩﻳﺮﺗﻨﺎ ﻣﺎ ﺍﺑﺪﻟﻬﺎ ﺑﻜﻨﻮﺯ ﺍﻟﺪﻧﻴﺎ ﺑﺲ ﻫﻮﺍﻫﺎ
ﺍﻟﻨﻘﻲ ﻭﺧﺒﺰﺓ ﺍﻣﻲ ﻳﺴﻮﻯ ﺍﻟﺪﻧﻴﺎ ﻭﻣﺎﺑﻴﻬﺎ
ﻭﺻﻠﻨﺎ ﻟﻠﺒﻴﺖ
ﻃﺒﻌﺎً ﺍﺣﻨﺎ ﺍﺻﺤﺎﺏ ﺣﻼﻝ ﻭﺧﻴﺮ ﻣﻦ ﺍﻟﻠﻪ
ﻭﻣﻦ ﺳﻜﻨﺔ ﺍﻟﺠﻨﻮﺏ ﻧﻤﻠﻚ ﻣﺰﺍﺭﻉ ﻋﻠﻰ ﺍﻃﺮﺍﻑ ﺍﻟﺠﻨﻮﺏ ﻭﺟﺪﻱ ﺷﻴﺦ ﻋﺸﻴﺮﺓ ﻭﺟﺒﻴﺮﺍﻟﺴﻠﻒ
ﻫﻮ ﺍﻻﻣﺮ ﺍﻟﻨﺎﻫﻲ ﻳﻌﻨﻲ ﻫﻮ ﺍﻟﻘﺎﻧﻮﻥ ﻫﻨﺎﻙ
ﻛﻠﻤﺘﺔ ﻫﻲ ﺍﻟﻲ ﺗﻤﺸﻲ ﻋﻠﻰ ﺍﻟﻜﻞ
ﺍﺗﺬﻛﺮ ﻛﻢ ﻣﺮﺓ ﺍﺗﻌﺮﺿﺖ ﻗﺮﻳﺘﻨﺎ
ﻻﻫﻮﺍﻱ ﻫﺠﻮﻡ ﺳﻮﺍﺀ ﻣﻦ ﺩﺧﻠﻮ ﺍﻻﻣﺮﻳﻜﺎﻥ
ﺍﻭ ﻣﻦ ﻭﺭﺓ ﺍﻟﻌﺼﺎﺑﺎﺕ ﻭﻣﻬﺮﺑﻴﻦ ﺍﻟﻤﺨﺪﺭﺍﺕ ﻭﺍﻟﻜﺎﺯ ﻫﺬﻭﻟﻲ ﻟﻮﺣﺪﻫﻢ ﻣﺎﻓﻴﺎ
ﻻﻥ ﻣﻨﻄﻘﺘﻨﺎ ﻣﻌﺰﻭﻟﺔ ﻭﺑﻌﻴﺪﺓ ﻋﻦ ﺍﻟﻤﺪﻥ ﺗﻜﻮﻥ ﺣﺪﻭﺩﻳﺔ ﻭﻣﻮﻗﻌﻬﺎ ﻳﺸﺮﻑ ﻋﻠﻰ ﺍﻧﺎﺑﻴﺐ ﺍﻟﻨﻔﻂ
ﻭ ﻛﺪﺭﻧﺎ ﺑﻔﻀﻞ ﺍﻟﻠﻪ ﻭﺟﺪﻱ ﺍﻟﺸﻴﺦ ﻣﺰﺍﺣﻢ ﻭﺍﻧﺎ ﻭﺍﺧﻮﺗﻲ ﻭﺍﻟﻌﺸﺎﻳﺮ ﺍﻟﻲ ﺗﺤﺖ ﻃﻮﻋﻨﺎ ﻛﺪﺭﻧﺎ ﻧﻮﺍﺟﻬﻢ ﻭﻧﺨﻠﻴﻠﻬﻢ ﺣﺪ ﻭﻣﺤﺪ ﻛﺪﺭ ﻳﻨﺪﻙ ﺑﻴﻨﺎ
ﻭﻣﻦ ﻋﻬﺪﻫﺎ ﺟﺪﻱ ﺍﻟﺸﻴﺦ ﻣﺰﺍﺣﻢ ﺍﺻﺒﺢ ﺍﻻﻣﺮ ﺍﻟﻨﺎﻫﻲ ﻫﻨﺎﻙ ﻭﺻﺎﺭﺕ ﺍﻟﻤﻨﻄﻘﺔ ﻛﻠﻬﺎ ﻣﻠﻚ ﺍﻟﻨﺎ
ﻭﻛﻞ ﺍﻟﻌﺸﺎﻳﺮ ﺍﻟﻲ ﺳﺎﻛﻨﻴﻦ ﻫﻨﺎﻙ ﺻﺎﺭﻭ ﺗﺤﺖ ﺣﻤﺎﻳﺘﻨﺎ ﻭﺗﺤﺖ ﻃﻮﻋﻨﺎ
ﻭﺻﺎﺭﺕ ﺣﻤﺎﻳﺔ ﻫﺎﻱ ﺍﻟﻤﻨﻄﻘﺔ ﻣﻦ ﺿﻤﻦ ﻣﺴﺆﻟﻴﺘﻨﺎ
ﺧﺼﺼﻨﺎ ﻣﺠﻤﻮﻋﺔ ﺭﺟﺎﺍﻝ ﻣﺴﻠﺤﻴﻦ ﻣﺠﻬﺰﻳﻦ ﺑﺎﻧﻮﺍﻉ ﺍﻟﻌﺘﺎﺩ
ﺣﺘﻰ ﻳﻄﻮﻗﻮﻥ ﺍﻟﺴﻠﻒ ﻭﻳﻜﻮﻧﻮﻥ ﻣﺴﺆﻟﻴﻦ ﻋﻦ ﺣﻤﺎﻳﺔ ﺍﻟﻤﻨﻄﻘﺔ ﻭﺣﻤﺎﻳﺔ ﺍﻫﻠﻬﺎ ﻣﻦ ﺍﻟﻌﺼﺎﺑﺎﺕ ﺍﻟﻌﺎﺑﺮﻳﻦ ﻋﺎﻟﺤﺪﻭﺩ ﻭﻏﻴﺮﻫﻢ ﻣﻦ ﺍﻟﻤﻬﺮﺑﻴﻦ
ﺍﻟﻲ ﻳﻘﺘﺮﺑﻮﻥ ﻋﻠﻰ ﺍﻧﺎﺑﻴﺐ ﺍﻟﻨﻔﻂ
ﻭﺻﺎﺭ ﻣﺤﺪ ﻳﻜﺪﺭ ﻳﺪﺧﻞ ﻋﺎﻟﻤﻨﻄﻘﺔ ﺍﻭﻳﻄﻠﻊ ﻣﻨﻬﺎ ﺑﺪﻭﻥ ﻋﻠﻤﻨﺎ
ﺟﺎﻥ ﺟﺪﻱ ﻣﻦ ﻳﻜﻌﺪ ﻳﮕﻮﻝ ﺍﻧﺔ ﻭﺍﺑﻮﻛﻢ ﺍﻟﻌﻘﻞ ﻭﺍﻧﺘﻮ ﺍﻟﻘﻮﺓ
ﻭﺍﻟﻴﺪ ﺍﻟﻲ ﺗﻨﻔﺬ ﺍﻟﻘﺎﻧﻮﻥ ﻫﻨﺎ
ﻛﺎﻥ ﺩﻭﺭﻱ ﺑﺎﻟﻨﺴﺒﺔ ﻟﻠﺸﻴﺦ ﻣﺰﺍﺣﻢ ﺗﻜﺪﺭﻭﻥ ﺗﮕﻮﻟﻮﻥ
ﺍﻳﺪﺓ ﺍﻟﻴﻤﻨﺔ ﺍﻧﻲ ﻳﻠﻘﺒﻮﻧﻲ ﻫﻨﺎ ﺑﺎﻟﺴﻠﻒ
ﺑﺎﻟﻮﺣﺶ ﻣﺤﺪ ﻳﺼﻴﺤﻨﻲ ﺑﺎﺳﻤﻲ ﺛﺎﺋﺮ ﻛﻠﺔ ﺍﻟﻮﺣﺶ
ﺍﻣﺎ ﻣﺴﺆﻟﻴﺘﻲ ﺑﺎﻟﻌﺎﺋﻠﺔ ﺗﻜﺪﺭﻭﻥ ﺗﮕﻮﻟﻮﻥ ﻭﺯﻳﺮ ﺍﻟﻤﺎﻟﻴﺔ
ﻳﻌﻨﻲ ﺍﺩﻳﺮ ﺷﺆﻭﻥ ﺍﻟﺤﻼﻝ ﻛﻠﺔ
ﻻﻥ ﺟﺪﻱ ﺳﻠﻤﻨﻲ ﺯﻣﺎﻡ ﺍﻣﻮﺭ ﻭﺍﻟﺘﻬﻴﺖ ﺑﺘﻄﻮﻳﺮ ﺍﻟﻌﻤﻞ
ﺍﻧﺔ ﻭﺍﺧﻮﺗﻲ
ﺍﻣﺎ ﺑﻘﻴﺖ ﺍﺧﻮﺗﻲ ﻓﻤﻮﺯﻋﻬﻢ ﺣﺴﺐ ﺍﺣﺘﻴﺎﺟﻲ ﺍﻟﻬﻢ ﻭﻛﻞ ﻭﺍﺣﺪ ﻣﺴﻠﻤﺔ ﻣﻬﻤﺔ ﺑﺲ
ﺍﺧﻮﻱ ﺍﻟﺠﺒﻴﺮ ﻋﻠﻲ ﺩﺍﺋﻤﺎً ﻭﻳﺔ ﺟﺪﻱ ﻭﺍﺑﻮﻱ ﺑﺎﻟﺪﻳﻮﺍﻥ
ﻭﺍﻧﻲ ﻭﺍﺧﻮﺗﻲ ﻋﻠﻴﻨﺎ ﺍﻟﺘﻨﻔﻴﺬ
ﺭﺿﻌﺖ ﻭﺍﺗﺮﻋﺮﻋﺖ ﺑﻬﺎﻱ ﺍﻟﻜﺎﻉ ﻟﺤﺪ ﻣﺎ ﻋﺸﻘﺘﻬﺎ
ﻣﺜﻞ ﻋﺸﻖ ﺍﻟﻄﻔﻞ ﻻﻣﻪ
ﺷﻜﺪ ﺍﺳﺎﻓﺮ ﻟﻠﻤﺪﻳﻨﺔ ﻋﻠﻤﻮﺩ ﺍﻻﻋﻤﺎﻝ
ﺑﺲ ﺍﺑﻘﻰ ﺍﺭﺟﻊ ﻻﺻﻠﻲ ﻻﻥ ﻫﻨﺎ ﺭﺍﺣﺘﻲ
ﻫﻨﺎ ﺍﺗﺼﺮﻑ ﻋﻠﻰ ﻃﺒﻴﻌﺘﻲ
ﻋﻜﺲ ﻫﺬﺍ ﺍﻻﻋﻮﺝ ﺍﻟﻲ ﻛﺎﻋﺪ ﺑﺼﻔﻲ
ﺍﺑﻮ ﺍﻟﻨﺴﻮﺍﻥ
ﻭﺻﻠﻨﺎ ﻭﻓﺘﺤﻮﻟﻨﺎ ﺑﺎﺏ ﺍﻟﻤﺰﺭﻋﺔ ﻭﺩﺧﻠﻨﺎ
ﻭﻧﺰﻟﺖ ﻭﺷﻔﺖ ﺻﮕﺒﺎﻥ ﺍﻟﺒﻮﺍﺏ
ﺷﻤﺮﺕ ﻋﻠﻴﻪ ﺍﻟﺴﻮﻳﺞ ﻣﺎﻟﺖ ﺍﻟﺴﻴﺎﺭﺓ
ﻭﺩﺧﻠﺖ ﻓﺘﺖ ﺟﻮﺓ ﻟﻠﺒﻴﺖ
ﺍﺗﻠﻮﮔﻮﻧﻲ ﺍﻟﺠﻬﺎﻝ ﺑﺼﻴﺎﺣﻬﻢ ﻭﻫﻮﺳﺘﻬﻢ
ﻭﺟﺪﺗﻲ ﻻﺯﻣﺔ ﻋﺼﺘﻬﺎ ﺗﻬﺶ ﺑﻴﻬﻢ ﻋﺒﺎﻟﻚ ﻏﻨﻢ
- ﻭﻝ ﻭﻝ ﻻ ﺑﺎﺭﻙ ﺍﻟﻠﻪ ﺑﻴﻜﻢ ﻣﻦ ﻓﺮﻭﺥ
ﺛﺎﺋﺮ ﺑﺒﺘﺴﺎﻣﺔ
ﺭﺍﺡ ﺑﺎﺱ ﺟﺪﺗﺔ ﻣﻦ ﺭﺍﺳﻬﺎ
- ﺧﻞ ﻳﻮﻟﻮﻥ ﻋﻨﺞ ﻳﺎﻟﻐﺎﻟﻴﺔ ﻟﺘﺸﻠﻌﻴﻦ ﮔﻠﺒﺞ ﺑﻴﻬﻢ
ﺍﻧﺘﻲ ﮔﻠﻴﻠﻲ ﻣﻨﻮ ﺍﻟﻲ ﻳﻀﻮﺟﺞ ﻭﺍﻧﺎ ﺍﺟﻴﺒﺔ ﻟﺤﺪ ﻋﻨﺪﺝ ﺣﺘﻰ
ﺗﻜﺴﺮﻳﻦ ﺭﺍﺳﻪ ﺑﺎﻟﻌﺼﺎ
- ﻫﻠﺔ ﺟﺪﺓ ﻫﻠﺔ ﺑﺎﻟﻮﺣﺶ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ
ﻭﺍﻟﻠﻪ ﻳﺎﻳﻤﺔ ﺷﻮﻓﺖ ﻋﻴﻨﻚ ﺩﻭﺧﻮﻧﻲ ﺑﺼﻴﺎﺣﻬﻢ
ﻛﻠﺸﻲ ﻣﺎ ﺍﻓﺘﻬﻤﺖ ﻣﻦ ﺍﻟﺼﻼﺓ ﻣﻦ ﻭﺭﺍﻫﻢ ﻭﺍﻣﻬﺎﺗﻬﻢ ﺧﺎﺭﻣﺎﺕ
ﻭﻓﺎﻫﻴﺎﺕ ﻣﺎ ﻳﻌﺮﻓﻦ ﻳﺮﺩﻥ ﺑﺰﺭﻫﻦ
ﺳﺤﺒﺘﺔ ﻭﮔﻌﺪﺗﺔ ﺑﺼﻔﻬﺎ
- ﺗﻌﺎﻝ ﻳﻤﺔ ﻭﺣﺶ ﺧﻞ ﺍﺳﻮﻟﻔﻠﻚ
ﻭﺍﻟﻠﻪ ﺷﻔﺘﻠﻚ ﻣﺮﺓ ﺗﮕﻮﻝ ﻟﻠﮕﻤﺮ ﻏﻴﺐ ﻭﺍﻧﺔ ﺑﻤﻜﺎﻧﻚ
ﺍﺭﻳﺪﻙ ﺗﺸﻮﻓﻬﺎ
ﺛﺎﺋﺮ - ﺣﺠﻴﺔ ﺧﺎﻑ ﻣﺜﻞ ﺫﻳﺞ ﺍﻟﻤﺮﺓ ﻭﺗﻄﻠﻊ ﺧﺮﺍﻋﺔ ﺧﻀﺮﺓ
ﻭﻭﺟﻬﺎ ﺧﺮﻳﻄﺔ ﻣﻦ ﺍﻟﻤﻜﻴﺎﺝ
ﺍﺫﺍ ﺍﺭﻳﺪ ﺍﺷﻴﻞ ﺍﻟﻤﻜﻴﺎﺝ ﻣﻨﻬﺎ ﺍﺣﺘﺎﺝ ﻓﻼﺵ ﻣﻨﻈﻒ ﻳﺎﻟﻠﻪ ﻳﺮﻭﺡ ﺍﺳﺘﻐﻔﺮ ﺍﻟﻠﻪ
......
ﺩﺧﻠﺖ ﺭﻭﺍﺀ ﺍﺧﺖ ﺛﺄﺋﺮ ﺍﻟﺒﺎﻟﻐﺔ ﻣﻦ ﺍﻟﻌﻤﺮ ١٨ﺳﻨﺔ
- ﻳﺎﻫﻠﺔ ﺗﻮﺓ ﻧﻮﺭ ﺍﻟﺪﺍﺭ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﺧﻮﻳﺔ
ﻭﺭﺍﺣﺖ ﻋﻠﻴﻪ ﻭﺑﺎﺳﺘﺔ
ﻋﺪﻱ - ﻟﻴﺶ ﻭﻟﺞ ﻭﺍﻧﺎ ﻣﻮ ﺍﺧﻮﺝ ﺍﺷﻮ ﻣﺎ ﺷﻌﺮﺗﻲ ﻟﻲ ﻣﺜﻞ ﻣﺎ ﺷﻌﺮﺗﻲ ﻟﺜﺎﺋﺮ
ﺛﺎﺋﺮ - ﻟﻚ ﺍﻟﻠﻪ ﻭﻛﻴﻠﻚ ﻣﺎ ﺻﺎﻡ ﻭﻻ ﺻﻼ ﺍﻻ ﻟﺤﺎﺟﺘﺎً ﺗﻘﻀﻰ
ﻟﻚ ﻫﺎﻱ ﻭﺭﺓ ﺍﻟﻤﺼﻠﺤﺔ ﻋﻠﻤﻮﺩ ﻣﻮﺻﻴﺘﻨﻲ ﻋﻠﻰ ﻧﻘﺎﻝ ﺟﺪﻳﺪ
ﺭﻭﺍﺀ ﻭﻫﻲ ﺗﻐﻨﺘﺐ - ﺍﻩ ﻣﻮ ﺻﻮﺟﻜﻢ ﺻﻮﺟﻲ ﺍﻧﻲ ﺍﻟﻔﺮﺣﺎﻧﺔ ﺑﻴﻜﻢ
ﻋﺪﻱ - ﺧﺎﺏ ﺗﻌﺎﻝ ﺍﺳﻤﻊ ﻫﺎﻱ ﺗﻜﻮﻝ ﺍﻧﻲ
ﺑﺎﻟﻠﻪ ﺍﻟﻠﻪ ﻋﻠﻴﻚ ﻫﺎﻱ ﺗﻜﻮﻝ ﺍﻧﻲ
ﻭﺍﻟﺒﻨﺎﺕ ﻫﻨﺎﻙ ﻳﮕﻮﻟﻦ ﺍﻧﻲ
ﺧﺎﻳﺐ ﻳﺎﻫﻮ ﺍﻻﺟﺔ ﻭﻧﺠﺮ
ﺛﺎﺋﺮ ﻣﺎ ﺍﻋﺮﻑ ﻟﻴﺶ ﻛﻼﻡ ﻋﺪﻱ ﺫﻛﺮﻧﻲ ﺑﻮﺭﺩﺗﻲ
ﺍﻟﻲ ﺗﺮﻛﺘﻬﺎ ﺑﺒﻐﺪﺍﺩ ﻭﮔﻠﺒﻲ ﻣﻌﻠﻚ ﻋﻨﺪﻫﺔ ﻫﻨﺎﻙ
ﻟﻜﺰﻧﻲ ﻋﺪﻱ
- ﺷﻨﻮ ﻭﻳﻦ ﺻﻔﻦ ﺍﻟﻮﺣﺶ
ﺛﺎﺋﺮ ﻭﻫﻮ ﻳﺨﺰﺭ ﺍﺧﻮﻩ ﺍﻟﻲ ﻳﻜﻮﻥ ﺍﺻﻐﺮ ﻣﻨﺔ ﺑﺎﻟﻌﻤﺮ ﻟﻜﻦ
ﺍﻗﺮﺏ ﻭﺍﺣﺪ ﻣﻦ ﺍﺧﻮﺗﺔ ﺍﻟﺔ
ﻳﻌﻨﻲ ﻳﻌﺘﺒﺮﺓ ﺍﻳﺪﺓ ﺍﻟﻴﻤﻨﺔ
ﺍﻧﺘﺒﻬﻮ ﻋﻠﻰ ﺩﺧﻮﻝ ﺍﺑﻮﻫﻢ ﻭﺟﺪﻫﻢ
ﺍﻟﺸﻴﺦ ﻣﺰﺍﺣﻢ
ﻛﺎﻡ ﺛﺎﺋﺮ ﻭﻋﺪﻱ ﻛﺎﻟﻌﺎﺩﺓ ﺍﺣﺘﺮﺍﻣﺎً ﻟﻠﺸﺨﺺ ﺍﻟﻘﺎﺩﻡ ﺍﻟﻲ ﻫﻴﺒﺘﺔ ﻭﺷﺨﺼﻴﺘﺔ ﺗﻔﺮﺽ ﺍﻻﺣﺘﺮﺍﻡ ﻋﺎﻟﻜﻞ
ﻭﻫﻤﺔ ﻭﺭﺛﻮ ﻫﺎﻱ ﺍﻟﺨﺼﺎﻝ ﻣﻨﺔ
ﺑﻌﺪ ﺍﻟﺴﻼﻡ ﻛﻌﺪﻭ ﻳﺘﺒﺎﺩﻟﻮﻥ ﺍﻻﺧﺒﺎﺭ ﺑﻴﻨﻬﻢ
ﺍﻟﺸﻴﺦ ﻣﺰﺍﺣﻢ
ﺭﺟﻞ ﻛﺒﻴﺮ ﺑﺎﻟﺴﻦ ﻟﻜﻦ ﻗﻮﻱ ﺍﻟﺒﻨﻴﺔ ﻭﺍﻟﺠﺴﺪ
ﺍﻟﺸﻴﺦ ﻣﺰﺍﺣﻢ ﺑﺄﻣﺮ
- ﺷﻮﻑ ﺛﺎﻳﺮ ﺍﺭﻳﺪﻧﻚ ﺗﺸﻮﻓﻠﻲ ﺳﺎﻟﻔﺔ ﻫﺎﻟﻮﺭﻉ ﻓﻠّﻴﺢ ﺍﺑﻦ ﺟﻮﻳﺴﻢ ﻭﺻﻠﺘﻨﻲ ﺍﺧﺒﺎﺭ ﻋﻨﺔ ﻣﺎﻫﻲ ﺯﻳﻨﺔ
ﺍﻋﺮﻓﻠﻲ ﺷﺠﺎﻱ ﻳﺨﺒﺺ
ﻋﻠﻲ ﺑﺮﺯﺍﻧﺔ - ﺟﺪﻱ ﻣﻦ ﺑﻌﺪ ﺍﺫﻧﻚ ﺗﺮﺓ ﺍﻧﺔ ﺳﻤﻌﺖ ﻣﻦ ﺍﻟﺮﺑﻊ ﺍﻥ ﻫﻮ ﻣﻠﻔﻲ ﻟﺒﻴﺘﺔ ﻧﺎﺱ ﺗﻌﺒﺎﻧﻴﻦ ﻭﺍﻟﺠﻮﺍﺭﻳﻦ ﻳﺸﻜﻮﻥ ﻣﻨﺔ ﻳﻜﻮﻟﻮﻥ ﺑﺘﺎﻟﻲ ﺍﻟﻠﻴﻞ ﻳﺴﻤﻌﻮﻥ ﻏﻨﻰ ﻭﻃﺮﺏ ﻭﻣﻨﻜﺮ
ﻣﺰﺍﺣﻢ ﻭﻫﻮ ﻳﻀﺮﺑﺖ ﺑﻌﺼﺎﻩ ﺍﻟﮕﺎﻉ
ﺛﺎﺋﺮ ﻳﻌﺮﻑ ﺷﻨﻮ ﺗﻌﻨﻲ ﻫﺎﻱ ﺍﻟﺤﺮﻛﺔ
ﺛﺎﻳﺮ ﺑﺼﻮﺕ ﺧﺸﻦ : ﺻﺎﺍﺍﺍﺭ ﻳﺎﻟﺸﻴﺦ ﺗﻢ
ﺍﻟﺒﺎﺟﺮ ﺗﺠﻴﻚ ﻋﻠﻮﻡ ﺍﺑﻦ ﺟﻮﻳﺴﻢ
ﻣﺰﺍﺣﻢ ﺑﻨﻈﺮﺓ ﻓﺨﺮ
: ﻛﻔﻮ ﻣﻨﻚ ﻳﺎﻟﻮﺣﺶ ﻛﻔﻮ
ﺍﻟﺘﻔﺘﺖ ﻋﻠﻰ ﻋﺪﻱ ﻭﺍﺷﺮﻟﺔ ﺑﺎﻟﻌﺼﺎ ﻣﺎﻟﺘﺔ
ﺍﻱ ﺍﺗﺬﻛﺮﺕ ﻗﺒﻞ ﻻ ﺍﻧﺴﺔ ﻋﺪﻱ ﺣﺠﺰﺗﻠﺞ ﻋﻠﻰ
ﺑﻨﺖ ﻋﻤﺘﻚ ﺍﻟﺼﻐﻴﺮﺓ
ﻻﻥ ﺳﻤﻌﺖ ﻣﻦ ﺍﺑﻮﻫﺎ ﺟﺎﻳﻨﻬﺎ ﺧﻄﺎﺑﺔ
ﻭﺍﻧﺔ ﮔﺘﻠﺔ ﻋﺬﺭﺍﺀ ﻟﻌﺪﻱ
ﻋﺪﻱ ﺑﺼﺪﻣﺔ - ﺷﺸﺸﻨﻬﻲ ﺷﻴﺨﻨﺎ ﻋﻠﻰ ﺑﺨﺘﻚ
ﺍﻧﺔ ﺑﺮﮔﺒﺘﻚ ﻣﺎﻟﮕﻴﺖ ﺗﺰﻭﺟﻨﻲ ﺍﻻ ﻋﺬﺍﺭﺀ
ﺑﻨﺖ ﻋﻤﺘﻲ ﺳﺎﺟﺪﺓ ﻭﺍﻟﻠﻪ ﺍﻧﺘﺤﺮ ﻭﻻ ﺍﺗﺰﻭﺟﻬﺎ
ﻋﺪﻱ
ﻭﻫﻮ ﻳﺘﺬﻛﺮ
ﻋﺬﺭﺍﺀ ﺑﻨﺖ ﻋﻤﺘﺔ ﺍﻟﻲ ﺻﺎﺭﻟﺔ ﻫﻮﺍﻱ ﻣﻦ ﺷﺎﻓﻬﺔ
ﺑﺲ ﻛﺎﻧﺖ ﺻﻮﺭﺗﻬﺎ ﺑﻤﺨﻴﻠﺘﺔ
ﺑﻨﻴﺔ ﺳﻤﺮﺓ ﻣﺴﻮﻳﺔ ﻇﻔﺎﻳﺮ ﺍﺛﻨﻴﻦ ﻭﺣﺎﻃﺔ ﺗﻘﻮﻳﻢ ﺍﺳﻨﺎﻥ
ﺟﻨﻬﺎ ﺑﻮﻣﺔ
ﺍﺑﻮﻋﻠﻲ - ﺍﻧﺠﺐ ﻭﻻ ﻛﻠﻤﺔ ﻣﺎﻛﻮ ﻛﻼﻡ ﻳﻨﮕﺎﻝ ﻣﻦ ﺑﻌﺪ ﻛﻼﻡ ﺟﺪﻙ ﺗﺘﺰﻭﺟﻬﺎ ﻭﺍﻧﺖ ﺍﻟﻤﻤﻨﻮﻥ
ﻋﺪﻱ - ﻭﺍﻟﻠﻪ ﺣﺮﮔﻮﻧﻲ ﻭﻻ ﺍﺗﺰﻭﺝ ﻟﻮ ﺍﻋﺮﻑ ﺍﺑﻘﻰ ﻣﺎ ﺍﺗﺰﻭﺝ ﻃﻮﻝ ﻋﻤﺮﻱ ﺷﻨﻬﻮ ﻗﺎﺑﻞ ﺍﻧﺔ ﻣﺮﺓ ﻭﺗﺠﺒﺮﻭﻧﻲ
ﻭﻋﺎﻓﻬﻢ ﻭﻃﻠﻊ
ﻭﺍﺑﻮﻩ ﺭﺍﺩ ﻳﮕﻮﻡ ﻭﺭﺍﻩ
ﺍﺷﺮﻟﺔ ﺍﻟﺸﻴﺦ ﻳﮕﻌﺪ
- ﺗﺮﻛﺔ ﻣﺎﻋﻠﻴﻚ ﻣﻨﺔ ﻫﻮ ﻣﻦ ﻭﺣﺪﺓ ﺭﺍﺡ ﻳﺠﻴﻨﻲ ﺑﺮﺟﻠﺔ ﻭﻳﻜﻠﻲ ﺯﻭﺟﻨﻲ ﻋﺬﺍﺭﺀ
ﻭﺑﺴﺎﻋﺘﻬﺎ ﺍﻻ ﺍﺷﻠﻊ ﮔﻠﺒﻪ
ﺛﺎﺋﺮ ﻭﻫﻮ ﻳﮕﻠﺐ ﺑﺴﺒﺤﺘﺔ ﻭﺑﺎﻟﺔ ﻭﻋﻘﻠﺔ ﻣﺸﻐﻮﻝ
ﺑﻐﻴﺮ ﻣﻜﺎﻥ
...
ﻫﺪﻭﺀﻫﺎ ﺭﺯﺍﻧﺘﻬﺎ ﺳﺘﺮﻫﺎ ﺍﻟﺘﺰﺍﻣﻬﺎ
ﻧﻌﻮﻣﺘﻬﺎ
ﺭﺍﺡ ﺗﺠﻨﻨﻲ ﺭﺩﺕ ﺑﻜﻞ ﻃﺮﻳﻘﺔ ﺍﻭﺻﻠﻬﺎ
ﺍﻧﺼﺪﻣﺖ ﻣﻦ ﺭﺟﻊ ﻋﺴﺎﻑ ﺍﻟﻨﻘﺎﻝ
ﻭﺣﺠﺎﻟﻲ ﺷﻨﻮ ﮔﺎﻟﺖ
ﺗﺼﺮﻓﻬﺎ ﻛﺒﺮ ﻗﺪﺭﻫﺎ ﺑﮕﻠﺒﻲ
ﻭﻛﻞ ﻣﻮﻗﻒ ﻭﻳﺎﻫﺔ ﻳﺨﻠﻴﻨﻲ ﺍﻛﺘﺸﻒ ﻣﺸﺎﻋﺮ ﺟﺪﻳﺪﺓ ﺍﻟﻬﺔ ﺑﮕﻠﺒﻲ ﻭﺍﺧﺮ ﻣﻮﻗﻒ ﺍﻟﻲ ﺷﻌﻞ ﺍﻟﻐﻴﺮﺓ ﺑﮕﻠﺒﻲ
ﻭﺑﻮﻗﺘﻬﺎ ﺍﺗﺄﻛﺪﺕ ﺍﻧﺔ ﺍﺭﻳﺪﻫﺎ ﺗﺼﻴﺮ ﺣﻼﻟﻲ
ﻭﻣﺎﻛﻮ ﻏﻴﺮ ﻃﺮﻳﻘﺔ ﻭﺣﺪﺓ ﻭﻫﻲ ﺍﻟﻤﺪﺍﻫﻤﺔ
ﻭﺍﻃﻠﺒﻬﺎ ﻣﻦ ﺍﻫﻠﻬﺎ
ﺣﺴﻴﺖ ﺑﻴﻬﺎ ﺗﻠﻌﺐ ﺩﻭﺭ ﻭﺣﺪﺓ ﺻﻌﺒﺔ ﺍﻟﻤﻨﺎﻝ
ﻻﻥ ﺣﺴﺐ ﺗﺠﺎﺭﺑﻲ ﻭﻳﺔ ﺍﻟﻨﺴﻮﺍﻥ ﻣﺴﺘﺤﻴﻞ
ﺍﻛﻮ ﻫﻴﺞ ﺑﻨﻴﺔ ﻣﺤﺎﻓﻈﺔ ﺑﻬﺎﻟﺰﻣﻦ
ﻃﺒﻌﺎً ﺍﻧﺎ ﺗﺎﻳﺐ ﻣﻦ ﺑﻨﺎﺕ ﺍﻟﻤﺪﻳﻨﺔ
ﻭﺗﻮﺑﺖ ﺍﻫﻠﻲ ﻣﻦ ﻭﺭﺍﻱ
ﻻﻥ ﻣﺮﺗﻲ ﺍﻻﻭﻟﻰ ﻛﺎﻧﺖ ﻣﻦ ﺍﻟﻤﺪﻳﻨﺔ
ﺍﺗﺰﻭﺟﺘﻬﺎ ﻋﻦ ﻃﺮﻳﻖ ﻣﻌﺎﺭﻓﻨﺎ ﺍﻟﻲ ﺑﺒﻐﺪﺍﺩ
ﻭﺻﺎﺭﺕ ﻋﻨﺪﻱ ﻣﻨﻬﺎ ﺑﻨﻴﺔ
ﻃﻠﺒﺖ ﺍﻟﻄﻼﻙ ﻻﻥ ﻣﮕﺪﺭﺕ ﺗﻌﻴﺶ ﺣﻴﺎﺗﻲ ﻭﻣﻘﺒﻠﺖ
ﺗﻜﻤﻞ ﻭﻳﺎﻱ ﻏﺮﺗﻬﺎ ﻓﻠﻮﺳﻲ ﻭﺟﺎﻫﻲ
ﺑﺲ ﻣﺎ ﺣﺒﺖ ﺣﻴﺎﺓ ﺍﻟﺘﻘﻴﻴﺪ ﺑﺎﻟﺮﻳﻒ ﻭﺍﻟﻤﺰﺍﺭﻉ ﻭﺍﻟﺒﺴﺎﺗﻴﻦ
ﻣﺼﺮﻓﻠﻬﺎ ﻋﻴﺸﺘﻨﺎ ﻫﻨﺎ ﻭﺑﺴﺎﻃﺘﻨﺎ
ﻭﺍﻧﻲ ﺑﻮﻗﺘﻬﺎ ﺧﻴﺮﺗﻬﺎ ﺑﻴﻨﻲ ﻭﺑﻴﻦ ﺗﻌﻴﺶ ﻫﻨﺎﻙ ﻟﻼﺳﻒ
ﺧﺬﻟﺘﻨﻲ ﻭﺍﺧﺘﺎﺭﺕ ﺗﻌﻴﺶ ﻋﻨﺪ ﺍﻫﻠﻬﺎ
ﻭﺍﻧﻲ ﻗﺮﺭﺕ ﺍﺩﺯﻟﻬﺎ ﻭﺭﻗﺔ ﻃﻼﻗﻬﺎ
ﻻﻥ ﺍﻟﻲ ﻳﺮﻳﺪﻧﻲ ﻭﻳﺤﺒﻨﻲ ﻻﺯﻡ ﻳﺤﺐ ﻭﻳﺎﻱ ﺍﺭﺿﻲ
ﻭﺍﻫﻠﻲ ﻭﻧﺎﺳﻲ
ﺑﺲ ﺷﻜﻞ ﮔﻠﺒﻲ ﻣﻴﺘﻮﺏ ﻭﺍﺗﻌﻠﮓ ﻫﺎﻟﻤﺮﺓ
ﺑﻬﻮﻯ ﺑﻨﺖ ﺍﻟﻤﺪﻳﻨﺔ
ﻟﻜﻦ ﻫﺎﻱ ﻏﻴﺮ ﻫﺎﻱ ﺷﺎﻳﻠﺔ ﺑﺮﺍﺀﺓ ﺗﺨﺘﻠﻒ ﺟﺬﺭﻳﺎً ﻋﻦ ﺑﻨﺎﺕ ﺟﻴﻠﻬﺔ
ﻭ ﺻﺎﺭ ﻋﺴﺎﻑ ﺣﺠﺔ ﻟﺤﺘﻰ ﺍﺭﻭﺡ ﻟﻬﻨﺎﻙ ﻭﺍﺷﻮﻓﻬﺎ
ﺑﺎﻟﺮﻏﻢ ﻏﺮﮔﺎﻥ ﺑﺎﻟﺸﻐﻞ ﻭﻣﻔﺎﺭﻍ ﺍﺣﻚ ﺭﺍﺳﻲ
ﺑﺲ ﻣﻮ ﺑﻴﺪﻱ ﺍﺗﻌﻮﺩﺕ ﺍﻓﺮﻍ ﻧﻔﺴﻲ ﺣﺘﻰ ﻟﻮ
ﻭﻗﺖ ﻗﻠﻴﻞ ﻣﺮﺓ ﺑﺎﻻﺳﺒﻮﻉ ﺑﺲ ﻛﻮﻥ
ﺍﺷﻮﻓﻬﺎ
ﺍﺳﺘﻐﻔﺮ ﺍﻟﻠﻪ ﺍﺗﻌﻠﻘﺖ ﺑﻜﻠﺸﻲ ﺑﻴﻬﺎ ﺍﺑﺘﺴﺎﻣﺘﻬﺎ
ﺑﻘﻮﺍﻣﻬﺎ ﺍﻟﻘﺼﻴﺮ ﺑﺎﻟﻨﺴﺒﺔ ﻟﻄﻮﻟﻲ ﻛﻠﺶ ﻗﺼﻴﺮﺓ
ﺧﺠﻠﻬﺎ
ﻃﺒﻌﺎً ﺻﺎﺭﻟﻲ ﻫﻮﺍﻱ ﻣﺮﺍﻳﺢ ﻋﻠﻰ ﻋﺴﺎﻑ
ﻫﺎﻱ ﺍﻻﻳﺎﻡ ﺍﻟﻲ ﻣﺸﻔﺘﻬﺎ ﺑﻴﻬﺎ
ﻋﺒﺎﻟﻚ ﻣﻀﻴﻌﻠﻲ ﺣﺎﺟﺔ ﺛﻤﻴﻨﺔ
ﺍﺣﺲ ﺍﺭﻳﺪﻫﺎ ﺑﻜﻞ ﻣﻌﻨﻰ ﺍﻟﻜﻠﻤﺔ ﺍﺭﻳﺪﻫﺎ ﻣﺜﻠﻤﺎ ﺍﻟﺮﺟﺎﻝ ﻳﺮﻳﺪ ﺍﻟﻤﺮﺓ ﺗﺼﻴﺮ ﻣﻠﻜﺔ ﻭﺑﺤﻀﻨﺔ ﺧﺎﺻﺔ ﺑﻴﺔ
ﻣﺎ ﺍﺭﻳﺪ ﺍﻱ ﻭﺍﺣﺪ ﻏﻴﺮﻱ ﻳﺒﺎﻭﻉ ﻟﺒﺮﺍﺋﺘﻬﺎ ﻭﺣﺴﻨﻬﺎ
ﻣﻦ ﻳﻮﻡ ﺍﻟﻲ ﻭﮔﻌﺖ ﻋﻴﻨﻲ ﻋﻠﻴﻬﺎ
ﺣﺴﻴﺖ ﺻﺎﺭﺕ ﻣﻠﻜﻲ
..............
ﺍﻟﺠﺪ - ﺍﻳﻪ ﻳﺜﺎﻳﺮ ﺷﻨﻬﻮ ﺍﺷﻮ ﺟﻨﻚ ﻣﺸﻐﻮﻝ ﺍﻟﺒﺎﻝ
ﻋﻴﻮﻧﻚ ﺑﻴﻬﻦ ﻛﻼﻣﻦ ﺟﺜﻴﺮ
................................
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء