....
رواية ثمار العار بالحلال ج1 الجزء الحادي عشر
ﻧﻬﺎﻳﺔ ﺍﻟﺠﺰﺀ ﺍﻻﻭﻝ
....
ﺍﺣﺒﻜﻢ ﻳﺎ ﺍﺣﻠﻰ ﻗﺮﺍﺀ 🥀🥀🥀🥀🥀
)) ﺍﺷﺘﺪ ﺧﻮﻑ ﺍﻟﺤﺐ ﺑﺄﻭﺻﺎﻟﻲ
ﻭﺧﺎﺑﺖ ﺑﺴﺒﺒﻬﻢ ﻛﻞ ﺁﻣﺎﻟﻲ
ﻫﺪﺩﻭﻧﻲ ﺗﺤﺖ ﺳﻴﺎﻁ ﺍﻟﺴﻨﺘﻬﻢ ﻓﻘﻠﺖ ﻟﻬﻢ ﻻ ﺍﺑﺎﻟﻲ
ﻟﻜﻨﻬﻢ ﻋﺰﻣﻮﺍ ﺍﻟﻨﻴﺔ ﺑﺪﻓﻌﻲ ﻋﻨﻚ ﺑﺄﺫﻻﻟﻲ
ﺍﺟﺒﺮﻭﻧﻲ ﺑﺎﻻﺑﺘﻌﺎﺩ ﻋﻨﻚ ﺍﻳﻬﺎ ﺍﻟﺤﺒﻴﺐ ﺍﻟﻐﺎﻟﻲ
ﻓﻌﺬﺭﺍً ﺳﻮﻑ ﺍﺧﺮﺝ ﻣﻦ ﺣﻴﺎﺗﻚ ﻭﻫﺎ ﺃﻧﺎ ﺍﺷﺪ ﺍﻟﺮﺣﺎﻟﻲ 🥀🠾🥀
ﻛﻨﺖ ﺧﺎﻳﻔﺔ
ﻣﻦ ﻛﻼﻡ ﻋﺪﻱ ﺍﺧﻮ ﺛﺎﺋﺮ ﻭﺍﻟﻠﻪ ﻟﺤﺪ ﺍﻻﻥ ﻳﺮﻥ ﺑﺄﺫﻧﻲ
ﺑﻴﻮﻡ ﺍﻟﺤﺎﺩﺙ ﻣﻦ ﻭﺻﻠﻨﻲ ﺛﺎﺋﺮ ﻟﺒﻴﺖ ﺳﺎﺭﺓ
ﻭﻓﺎﺗﺤﻨﻲ ﺑﻤﻮﺿﻮﻉ ﺍﻟﺨﻄﻮﺑﺔ
ﺑﻮﻗﺘﻬﺎ ﻃﺮﺕ ﻣﻦ ﺍﻟﻔﺮﺣﺔ
ﻟﻜﻦ ﺍﻟﻔﺮﺣﺔ ﻣﺎ ﺗﻤﺖ ﺑﻌﺪ ﺍﺳﺒﻮﻉ ﻋﺮﻓﺖ ﺳﺮ ﻋﻤﻮﺽ ﺳﺎﺭﺓ ﺻﺪﻳﻘﺘﻲ ﻭﺗﺮﺩﺩﻫﺎ ﻭﺗﻬﺮﺑﻬﺎ ﺑﺎﻻﺟﺎﺑﺔ ﻣﻦ ﺍﺳﺄﻟﺘﻲ
ﺍﻧﺼﺪﻣﺖ ﻣﻦ ﮔﺎﻟﺖ ﺳﺎﺭﺓ
ﻋﺪﻱ ﺍﺧﻮ ﺛﺎﺋﺮ ﻳﺮﻳﺪ ﻳﺤﺠﻲ ﻭﻳﺎﺝ ﺑﻤﻮﺿﻮﻉ
ﻭﻓﻌﻼً ﺍﺟﺔ ﻋﺪﻱ ﺍﺧﻮ ﺛﺎﺋﺮ ﻟﻠﻜﻠﻴﺔ ﻭﻳﺔ ﻋﺴﺎﻑ
ﺑﻴﻮﻣﻬﺎ ﺍﺟﻴﺖ ﺍﻣﻮﺕ ﻣﻦ ﺍﻟﺨﻮﻑ ﻭﺍﻟﺘﺮﻗﺐ
ﻛﻮﻣﺔ ﺍﺳﺌﻠﺔ ﻛﺎﻧﺖ ﺗﺠﻮﻝ ﺑﺨﺎﻃﺮﻱ
: ﺷﻨﻮ ﻳﺮﻳﺪ ﻣﻨﻲ ﻋﺪﻱ
ﺳﺎﺭﺓ : ﺍﻟﻲ ﻋﺮﻓﺘﺔ ﻣﻮﺿﻮﻉ ﻳﺨﺺ ﺛﺎﺋﺮ ﻳﺮﻳﺪﺝ ﺗﻌﺮﻓﻴﻨﺔ
ﻭﺑﻌﺪ ﻟﻘﺎﺋﻲ ﻣﻊ ﻋﺪﻱ
ﻃﺒﻌﺎً ﻛﺎﻥ ﻧﺴﺨﺔ ﻣﺼﻐﺮﺓ ﻣﻦ ﺛﺎﺋﺮ
ﻟﻜﻦ ﻫﺬﺍ ﺍﻟﻄﻒ ﻣﻦ ﺛﺎﺋﺮ
...........
ﻋﺪﻱ - ﺍﻧﺘﻲ ﺳﻬﻰ
ﺳﻬﻰ ﺑﺎﺭﺗﺒﺎﻙ - ﺍﻱ ﻧﻌﻢ
: ﻃﺒﻌﺎً ﺍﻧﺔ ﺍﺟﻴﺖ ﺍﻟﻴﻮﻡ ﻟﺤﺘﻰ ﺍﺷﻮﻓﺞ ﻭﺍﺣﺠﻲ ﻭﻳﺎﺝ
ﻋﻦ ﻣﻮﺿﻮﻉ ﻳﺨﺺ ﺛﺎﺋﺮ
: ﺗﻔﻀﻞ ﺍﺧﻲ ﺍﺳﻤﻌﻚ ﺷﺒﻲ ﺛﺎﺋﺮ
: ﺍﺗﻤﻨﻰ ﺍﻟﻲ ﺭﺍﺡ ﺍﮔﻮﻟﺔ ﺍﻟﺞ ﻣﻴﻮﺻﻞ ﻟﺜﺎﺋﺮ
: ﺍﻧﻲ ﻣﺘﺮﺑﻄﻨﻲ ﺍﻱ ﻋﻼﻗﺔ ﻣﻊ ﺛﺎﺋﺮ ﺍﻭ ﺍﻱ ﺗﻮﺍﺻﻞ
ﻟﺤﺘﻰ ﺍﺣﺠﻴﻠﺔ ﻓﺎﻃﻤﺄﻥ ﻣﻦ ﻫﺎﻱ ﺍﻟﻨﺎﺣﻴﺔ
ﻋﺪﻱ ﺑﺄﺭﺗﺒﺎﻙ : ﺍﻧﺎ ﺍﺳﻒ ﻋﻦ ﻛﻞ ﺍﻟﻲ ﺭﺍﺡ ﺍﮔﻮﻟﺔ ﺑﺲ
ﺛﻘﻲ ﺑﺎﻟﻠﻪ ﺍﻧﺎ ﻋﺒﺪﺍً ﻣﺄﻣﻮﺭ ﻣﺎﺑﻴﺪﻱ ﺷﻲ ﻏﻴﺮ ﺍﻭﺻﻠﺞ ﺭﺳﺎﻟﺔ ﺍﺑﻮﻱ ﻫﻮ ﺍﻟﻲ ﺩﺯﻧﻲ ﻋﻠﻴﺞ
ﻻﻥ ﺛﺎﺋﺮ ﻳﺮﻳﺪ ﻳﺮﺗﺒﻂ ﺑﻴﺞ ﺑﺪﻭﻥ ﺭﺿﻰ ﺍﻫﻠﻲ
ﻭﺭﺍﺡ ﻳﺘﺮﻙ ﺍﻫﻠﺔ ﻭﺩﻳﺮﺗﺔ ﺣﺘﻰ ﻳﺘﺰﻭﺟﺞ
ﻭﺟﺪﻱ ﺷﻴﺦ ﻣﻌﺮﻭﻑ ﺑﺎﻟﺴﻠﻒ
ﻭﺍﻟﻨﺎﺱ ﻛﻠﻬﺎ ﺗﻬﺎﺑﺔ ﻭﺳﻤﻌﺘﻨﺎ ﻋﻨﺪﺓ ﺑﻜﻨﻮﺯ ﺍﻟﺪﻧﻴﺎ ﻣﺎ ﻳﻔﺮﻁ ﺑﻴﻬﺎ
ﻭﺟﺪﻱ ﺍﻟﺸﻴﺦ ﻣﺰﺍﺣﻢ ﻋﺮﻑ ﺑﺴﺎﻟﻔﺘﺞ ﻛﻠﻬﺎ
ﻭﺍﻋﺘﺮﺽ ﻋﻠﻰ ﺍﻟﺰﻭﺍﺝ ﻫﻮ ﻭﺍﺑﻮﻱ ﻭﻋﻤﺎﻣﻲ
ﺭﻓﻀﻮ ﺯﻭﺍﺟﺔ ﻣﻨﺞ ﺑﺲ ﺛﺎﺋﺮ ﻋﺎﻧﺪﻫﻢ ﻭﺗﺮﻙ ﺍﻟﺒﻴﺖ ﻭﻫﺞ
ﺑﻌﺪﻣﺎ ﺻﺎﺭﺕ ﺍﻟﻤﺸﺎﻛﻞ ﺑﻴﻨﺔ ﻭﺑﻴﻦ ﺍﻫﻠﺔ
ﺳﻬﻰ
ﻭﻳﺔ ﻛﻞ ﻛﻠﻤﺔ ﺗﻄﻠﻊ ﻣﻦ ﻋﺪﻱ
ﺍﺣﺲ ﻣﺜﻞ ﺍﻟﺴﻬﻢ ﻧﺎﺑﺖ ﺑﺮﻭﺣﻲ
ﻣﺎ ﺍﺳﺘﻐﺮﺏ ﺍﻋﺘﺮﺍﺿﻬﻢ ﺍﺻﻼ ﻫﺬﺍ ﺍﻟﺸﻲ ﺟﻨﺖ ﻣﺘﻮﻗﻌﺘﺔ
ﺳﻬﻰ ﺑﻐﺼﺔ : ﺧﻼﺹ ﻫﺬﺍ ﻫﻮ ﻟﺘﻜﻤﻞ ﻭﺻﻠﺖ ﺍﻟﺮﺳﺎﻟﺔ
ﻭﺍﻓﺘﻬﻤﺖ ﻗﺼﺪﻙ ﺗﺮﻳﺪ ﻣﻨﻲ ﺍﺑﺘﻌﺪ ﻋﻦ ﻃﺮﻳﻖ ﺍﺧﻮﻙ
ﺣﺘﻰ ﻫﻮ ﻳﺮﺟﻊ ﻻ ﻫﻠﺔ
: ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﺍﮔﻮﻝ
ﺑﺲ ﻛﻞ ﺍﻟﻲ ﺍﻛﺪﺭ ﺍﮔﻮﻟﺔ ﺍﺑﻮﻱ ﺻﻌﺐ
ﻭﻛﻠﺸﻲ ﺍﺗﻮﻗﻊ ﻣﻨﺔ
ﻭﻣﺎ ﻳﺘﺮﺩﺩ ﺛﺎﻧﻴﺔ ﻭﺣﺪﺓ ﺍﺣﺘﻰ ﻳﺄﺫﻳﺞ ﻭﻳﺒﻌﺪﺝ ﻋﻦ ﺣﻴﺎﺓ ﺛﺎﺋﺮ ﺑﻜﻞ ﺳﻬﻮﻟﺔ
ﻣﺜﻠﻤﺎ ﻛﺪﺭ ﻳﻄﻠﻊ ﺯﻭﺟﺘﺔ ﺍﻻﻭﻟﻰ ﻣﻦ ﺣﻴﺎﺕ ﺛﺎﺋﺮ
ﺑﺪﻭﻥ ﻣﻴﺤﺲ ﻋﻠﻰ ﺍﻱ ﺷﻲ
ﺳﻮﺍﻩ ﺍﺑﻮﻱ ﻣﻦ ﻭﺭﺍﻩ
ﻭﺍﻟﻠﻪ ﻟﻮ ﺍﻛﻮﻝ
ﺍﺗﻤﻨﻴﺖ ﺍﻟﻤﻮﺕ ﺑﻠﺤﻈﺘﻬﺎ
ﻭﻻ ﻫﺬﺍ ﺍﻟﻤﻮﻗﻒ ﺣﺴﻴﺖ ﺑﻮﻛﺘﻬﺎ ﺑﺎﻟﺬﻝ ﻭﺍﻟﻌﺎﺭ
ﻭﺍﻟﻠﻪ ﻛﺎﻧﺖ ﻟﺤﻈﺔ ﻣﺎ ﺍﺗﻤﻨﺎﻫﺔ ﻟﻌﺪﻭﻱ
ﻗﺒﻞ ﺟﻨﺖ ﺍﻋﺎﻧﻲ ﻣﻦ ﻳﺠﻲ ﻭﺍﺣﺪ ﻳﺨﻄﺒﻨﻲ ﻭﺑﻌﺪﻳﻦ ﻣﻦ ﻳﻌﺮﻑ ﺑﺴﺎﻟﻔﺘﻲ ﻳﺸﺮﺩ ﺭﻓﻀﻬﻢ ﻣﻦ ﺑﻌﻴﺪ
ﻛﺎﻥ ﻫﻮﺍﻱ ﺍﺭﺣﻢ ﻣﻦ ﺍﻟﺮﻓﺾ ﺑﺼﻮﺭﺓ ﻣﺒﺎﺷﺮﺓ ﻭﺑﻬﺎﻱ ﺍﻟﻄﺮﻳﻘﺔ ﺻﻌﺒﺔ ﻳﺠﻲ ﻭﺍﺣﺪ ﻭﻳﻜﻠﺞ ﺍﻧﺘﻲ ﻣﺘﺸﺮﻓﻴﻨﺎ ﺗﺼﻴﺮﻳﻦ ﺯﻭﺟﺔ ﺍﺑﻨﺎ
.....
ﺟﺎﻭﺑﺘﺔ ﻭﺭﺟﻔﺔ ﺻﻮﺗﻲ ﺧﺬﻟﺘﻨﻲ
- ﻋﺪﻱ ﺭﻭﺡ ﻃﻤﻦ ﺍﺑﻮﻙ ﻭﮔﻠﺔ
ﻣﻮ ﺍﻧﻲ ﺍﻟﻲ ﺍﺑﻨﻲ ﺳﻌﺎﺩﺗﻲ
ﻋﻠﻰ ﺣﺴﺎﺏ ﺳﻌﺎﺩﺓ ﻏﻴﺮﻱ
ﻣﻴﺤﺘﺎﺝ ﻳﻬﺪﺩﻧﻲ
ﺭﺍﺡ ﺍﺑﺘﻌﺪ ﻋﻦ ﺍﺑﻨﻜﻢ ﺑﺲ ﺧﻠﻲ ﺍﺑﻮﻙ ﻳﻜﻒ ﺷﺮﺓ ﻋﻨﻲ
ﻛﻼﻡ ﻋﺪﻱ ﻭ ﺗﻬﺪﻳﺪ ﺍﺑﻮ ﺛﺎﺋﺮ ﺍﺩﺧﻞ ﺍﻟﺮﻋﺐ ﻟﮕﻠﺒﻲ
ﻻﻥ ﺍﻋﺮﻑ ﺑﻴﻬﻢ ﻧﺎﺱ ﻓﻮﻕ ﺍﻟﻘﺎﻧﻮﻥ ﻭﻛﻠﺸﻲ ﻋﻨﺪﻫﻢ ﻣﺒﺎﺡ
ﻧﺰﻟﺖ ﺩﻣﻮﻋﻲ ﻏﺼﺐ ﻋﻨﻲ ﻭﺩﺭﺕ ﻭﺟﻬﻲ
ﻭﺭﺣﺖ ﺍﺭﻛﺾ ﺣﺘﻰ ﺍﺑﺘﻌﺪ ﻋﻨﻬﻢ ﻟﻬﻨﺎ ﻭﻛﺎﻓﻲ ﻣﺬﻟﺔ
ﺣﺴﻴﺖ ﻋﻠﻰ ﺻﻮﺕ ﺳﺎﺭﺓ ﺗﻤﺸﻲ ﻭﺭﺍﻱ ﺳﺎﻛﺘﺔ
ﺍﻱ ﻃﺒﻌﺎً ﺗﺴﻜﺖ ﺷﺘﺤﺠﻲ ﺍﻟﻤﻮﻗﻒ ﻛﻠﺔ ﻣﻴﺴﺎﻋﺪ ﻋﻠﻰ ﺍﻟﻜﻼﻡ ﻭﺍﻟﻠﻪ ﻛﻮﺓ ﻛﺪﺭﺕ ﺍﻃﻠﻊ ﻛﻢ ﻛﻠﻤﺔ ﺣﺘﻰ ﺍﺭﺩ ﻋﻠﻰ ﻋﺪﻱ
ﻋﻴﻮﻧﻲ ﻏﻮﺷﺖ ﻣﻦ ﺍﻟﺪﻣﻮﻉ ﻛﻨﺖ ﺍﻣﺪ ﺍﻳﺪﻱ
ﻭﺍﻟﺘﻘﻂ ﻛﻞ ﺩﻣﻌﺔ ﺗﻨﺰﻝ ﻣﻦ ﻋﻴﻮﻧﻲ ﻭﻛﺄﻧﻲ ﺍﻟﺘﻘﻂ ﺛﻤﺎﺭ ﺍﻟﻌﺎﺭ ﺍﻟﻲ . ﺩﺗﺴﺎﻗﻂ ﻣﻦ ﺷﺠﺮﺓ ﺭﻭﺣﻲ
ﻋﺎﺭ ﻳﻠﺤﮕﻨﻲ ﻭﻳﻦ ﻣﺎ ﺍﺭﻭﺡ
ﺍﻱ ﻳﺴﻬﻰ ﺍﺟﻨﻲ ﺛﻤﺮﺓ ﻋﺎﺭﺝ
ﻭﺫﻭﻗﻲ ﻣﺮﺍﺭﺓ ﻃﻌﻤﻬﺎ ﻭﺷﻮﻓﻴﻬﺎ ﺷﻠﻮﻥ ﻣﺮﺓ
ﻣﺜﻞ ﺍﻟﻌﻠﻘﻢ ﻫﺬﺍ ﺣﺎﻟﻲ ﻭﻳﺔ ﻓﺮﺍﻕ ﺛﺎﺋﺮ
((((((((((())))))))))))
ﺍﺗﺨﺬﺕ ﺍﻟﻘﺮﺍﺭ
ﻛﺎﻥ ﻻﺯﻡ ﻭﺍﺣﺪ ﺑﻴﻨﺎ ﻳﻀﺤﻲ
ﺍﻧﻲ ﺍﺣﺐ ﺛﺎﺋﺮ ﻭﺍﻣﻮﺕ ﻋﻠﻰ ﺗﺮﺍﺏ ﺭﺟﻠﻴﻪ
ﻣﺜﻞ ﻣﺎ ﻫﻮ ﺭﺍﺡ ﻳﻀﺤﻲ ﺑﺎﻫﻠﺔ ﻭﻧﺎﺳﻪ ﻋﻠﻤﻮﺩﻱ
ﺍﻧﻲ ﺭﺍﺡ ﺍﺿﺤﻲ ﺑﺮﻭﺣﻲ ﻷﺟﻠﻪ
ﻭﺍﺑﺘﻌﺪ ﻋﻦ ﺣﻴﺎﺗﻬﻢ ﺍﻟﻐﺎﻣﻀﺔ ﺍﻧﻲ ﻣﻮ ﺑﮕﺪﻫﻢ
ﻭﻣﻮﻗﻔﻲ ﺣﺮﺝ
ﺍﺫﺍ ﺍﺑﻮﻩ ﻛﺪﺭ ﻳﺒﻌﺪ ﺯﻭﺟﺔ ﺍﺑﻨﺔ ﻭﺣﻔﻴﺪﺗﺔ ﻋﻦ ﺣﻴﺎﺓ ﺍﺑﻨﺔ
ﺑﺪﻭﻥ ﻣﺎ ﻳﺮﻓﻠﺔ ﺟﻔﻦ
ﻟﻌﺪ ﺍﻟﻠﻪ ﺍﻟﻌﺎﻟﻢ ﺷﻨﻮ ﻳﺴﻮﻱ ﺑﻴﺔ ﺍﺫﺍ ﺍﺗﺠﺮﺃﺕ ﻭﻋﺎﻧﺪﺕ
ﺑﻌﺪ ﺍﻟﻜﻼﻡ ﺍﻟﻲ ﺳﻤﻌﺘﺔ ﻣﻦ ﻋﺪﻱ ﻋﻦ ﺗﻬﺪﻳﺪ ﺍﺑﻮﻩ
ﺧﻔﺖ ﺍﺣﺠﻲ ﻟﺜﺎﺋﺮ ﻻﻥ ﺍﻋﺮﻑ ﻛﻠﺶ ﺯﻳﻦ ﺍﺫﺍ ﻓﺘﺤﺖ ﺣﻠﻜﻲ ﺑﻜﻠﻤﺔ
ﺭﺍﺡ ﺍﻓﺘﺢ ﻋﻠﻰ ﺭﻭﺣﻲ ﺍﺑﻮﺍﺏ ﺟﻬﻨﻢ
ﺑﻌﺪﻫﺎ ﺍﺗﻔﻘﺖ ﻭﻳﺔ ﻋﺴﺎﻑ ﻭﺳﺎﺭﺓ ﺍﻥ ﻳﻜﺘﻤﻮﻥ ﺍﻟﺴﺮ
ﺑﻌﺪ ﻣﻌﺎﺭﺿﺔ ﻣﻦ ﻋﺴﺎﻑ ﻟﻤﻮﻗﻔﻲ
ﻋﺴﺎﻑ - ﻟﺞ ﻟﻴﺶ ﺗﺴﻮﻳﻦ ﻫﻴﺞ ﻟﺘﺨﻠﻴﻦ ﺗﻬﺪﻳﺪ ﺍﺑﻮﻩ ﻳﺨﻮﻓﺞ
ﺗﺮﺓ ﺛﺎﺋﺮ ﻳﮕﺪﺭ ﻳﺤﻤﻴﺞ ﻣﻨﺔ
ﺳﻬﻰ - ﺯﻳﻦ ﻭﻳﻦ ﺟﺎﻥ ﺛﺎﺋﺮ ﻋﻦ ﻣﺮﺗﺔ ﻭﺑﻨﺘﺔ ﻣﻦ ﺍﺑﻮﻩ
ﺍﺯﺍﺣﻬﻢ ﻋﻦ ﻃﺮﻳﻘﺔ
ﻭﺍﻧﺖ ﻛﻠﺘﻬﺎ ﺑﻨﻔﺴﻚ ﺛﺎﺋﺮ ﺍﻟﻰ ﺍﻻﻥ ﺣﺎﻗﺪ ﻋﻠﻰ ﻣﺮﺗﺔ ﻭﻃﻠﮕﻬﺎ ﻭﻫﻮ ﻳﻌﺘﻘﺪ ﺍﻥ ﻫﻲ ﺍﻟﺴﺒﺐ ﺑﺨﺬﻻﻧﺔ
ﺳﺎﺭﺓ - ﻋﺴﺎﻑ ﻛﻼﻡ ﺳﻬﻰ ﺻﺤﻴﺢ ﺗﺮﺓ ﻣﺜﻠﻤﺎ ﮔﻠﺖ ﻫﻤﺔ ﻧﺎﺱ ﻣﺎ ﻋﻨﺪﻫﻢ ﺷﻲ ﻳﺮﺩﻋﻬﻢ
ﻭﻛﻠﺸﻲ ﺍﺗﻮﻗﻊ ﻳﻄﻠﻊ ﻣﻨﻬﻢ ﻭﺍﻧﺖ ﺗﻌﺮﻑ ﻛﻠﺶ ﺯﻳﻦ ﺷﻨﻮ ﺣﻴﺎﺓ ﺳﻬﻰ ﻭﻫﻲ ﻣﻨﺎﻗﺼﺔ ﻣﺼﺎﻳﺐ ﻭﺑﻼﻭﻱ
ﺷﻠﻮﻥ ﻣﺎ ﺍﺷﻮﻓﻬﺎ ﺍﺣﺲ ﺍﻥ ﻣﻦ ﻣﺼﻠﺤﺘﻬﺎ ﺗﺒﺘﻌﺪ ﻋﻦ
ﺣﻴﺎﺓ ﺛﺎﺋﺮ
................
ﻗﻮﻳﺖ ﻗﻠﺒﻲ ﻭﻣﺸﻴﺖ ﻟﻌﻨﺪ ﺛﺎﺋﺮ ﻭﻋﺴﺎﻑ
ﻭﻛﺎﻧﺖ ﺳﺎﺭﺓ ﺗﻤﺸﻲ ﻭﺭﺍﻱ
ﻭﺻﻠﺖ ﻟﻌﻨﺪ ﺍﻟﺒﻮﺍﺑﺔ ﺍﻟﺮﺋﺴﻴﺔ ﻟﻠﺠﺎﻣﻌﺔ
ﻛﺎﻥ ﺛﺎﺋﺮ ﻭﻋﺴﺎﻑ ﻭﺍﻛﻔﻴﻦ ﻫﻨﺎﻙ
ﻭﺭﻓﻌﺖ ﺍﻳﺪﻱ ﻭﺳﻮﻳﺖ ﻧﻔﺴﻲ ﺩﺍ ﺍﻋﺪﻝ ﺷﺎﻟﻲ
ﻛﻨﺖ ﺑﻴﻮﻣﻬﺎ ﻃﻠﺒﺖ ﺣﻠﻘﺔ ﺗﻤﺎﺭﺓ ﺯﻭﺟﺔ ﺍﺧﻮﻱ
ﺣﺘﻰ ﺍﻟﺒﺴﻬﺎ ﻭﺍﻋﻠﻦ ﺍﻣﺎﻣﻪ ﺧﻄﻮﺑﺘﻲ ﺍﻟﻮﻫﻤﻴﺔ ﻣﻦ ﺷﺨﺺ ﺍﺧﺮ
ﺣﺘﻰ ﻳﺘﺮﻛﻨﻲ ﻭﻳﺒﺘﻌﺪ
ﻣﺠﺒﻮﺭﺓ ﺍﺳﻮﻱ ﻫﻴﺞ ﺍﻋﺮﻑ
ﺣﻈﻲ ﻋﺎﺛﺮ ﻭﻣﺮﺍﺡ ﺍﺗﻬﻨﺔ ﻭﻳﺔ ﺛﺎﺋﺮ
ﺭﺍﺡ ﻳﻈﻞ ﺗﻬﺪﻳﺪﻫﻢ ﻭﻟﻌﻨﺘﻬﻢ ﺗﻠﺤﮕﻨﺎ ﻭﻳﻦ ﻣﻨﺮﻭﺡ
............................
ﻣﻦ ﻗﺮﺭﺕ ﺍﺭﻭﺡ ﻭﺍﺗﻈﺎﻫﺮ ﺑﺎﻟﺨﻄﻮﺑﺔ
ﻣﺠﻨﺖ ﻣﺴﻮﻳﺔ ﺣﺴﺎﺏ ﻟﺮﺩﺓ ﻓﻌﻞ ﺛﺎﺋﺮ ﺑﺄﺗﺠﺎﻩ ﺍﻟﻤﻮﺿﻮﻉ
ﻛﺎﻥ ﻫﻤﻲ ﺍﺧﻠﺺ ﻧﻔﺴﻲ ﻣﻦ ﺗﻬﺪﻳﺪ ﺍﺑﻮﻩ
ﺑﺲ ﻣﻦ ﺳﻤﻊ ﺛﺎﺋﺮ ﺑﺎﻟﺨﺒﺮ ﻭﺷﺎﻑ ﺍﻟﺤﻠﻘﺔ
ﻭﻫﻮ ﺟﻦ ﺟﻨﻮﻧﻪ
ﻭﺗﺤﻮﻝ ﻣﻦ ﺷﺨﺺ ﻣﺘﺤﻀﺮ ﺍﻟﻰ ﻭﺣﺶ ﺛﺎﺋﺮ
ﺳﺤﺒﻨﻲ ﻣﻦ ﺯﻧﺪﻱ ﻭﺟﺮﻧﻲ ﻭﺭﺍﻩ ﻗﻮﻱ
ﻭﻃﻠﻌﻨﻲ ﻣﻦ ﺍﻟﻜﻠﻴﺔ ﺻﺎﺭ ﺍﻟﻤﻮﻗﻒ ﺍﻣﺎﻡ ﺍﻟﻄﻠﺒﺔ ﻭﺳﺎﺭﺓ ﻭﻋﺴﺎﻑ ﻳﺮﻛﻀﻮﻥ ﻭﺭﺍﻧﺔ ﻳﺮﺩﻭﻧﺔ
ﺑﺲ ﻳﺘﺮﻛﻨﻲ ﺑﺲ ﻫﻮ ﻣﺎﻛﻮ ﺍﺑﺪ ﻣﻮ ﻳﻤﺔ
ﻛﺎﻥ ﻓﺎﺻﻞ ﻣﻦ ﺍﻟﻐﻀﺐ
ﺍﻧﻲ ﺑﻮﻗﺘﻬﺎ ﺟﺴﻤﻲ ﺑﺲ ﻳﺮﺟﻒ ﻣﻦ ﺍﻟﺨﻮﻑ
ﻭﺍﻟﻠﻪ ﻣﺘﺖ ﻣﻦ ﺍﻟﺨﻮﻑ ﻳﺎﺭﺑﻲ ﻫﺎﻱ ﻭﻳﻦ ﺟﺎﻧﺘﻠﻲ ﺣﺐ ﺍﻻﻛﺸﺮ ﻋﻠﻴﺔ
........
ﺷﻔﺘﺔ ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺷﻤﺮﻧﻲ ﻟﺪﺍﺧﻠﻬﺎ
ﻭ ﺳﺎﺭﺓ ﻓﺘﺤﺖ ﺍﻟﺒﺎﺏ ﺍﻟﻮﺭﺓ ﻭﺻﻌﺪﺕ ﺑﺪﻭﻥ ﻣﺘﺴﺄﻟﺔ ﻛﺎﻧﺖ ﺧﺎﻳﻔﺔ ﻋﻠﻴﺔ ﻭﻋﺴﺎﻑ ﻧﻔﺲ ﺍﻟﺤﺎﻟﺔ ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺻﻌﺪ ﺷﻐﻞ ﺍﻟﺴﻴﺎﺭﺓ ﻭﺷﺨﻄﻬﺎ ﻭﻃﻠﻊ ﻣﺜﻞ ﺍﻟﻨﺎﺭ
ﻋﺴﺎﻑ - ﺛﺎﺋﺮ ﺷﺒﻴﻚ ﺍﺗﺨﺒﻠﺖ ﺍﻧﺘﻈﺮ ﻟﺤﻈﺔ ﺷﻴﻮﻳﺔ ﺑﺲ ﻓﻬﻤﻨﺎ ﺷﺘﺮﻳﺪ ﺗﺴﻮﻱ
ﺛﺎﺋﺮ ﻭﺑﺼﻮﺕ ﺣﺎﺩ
- ﻣﺮﺍﺡ ﺍﺳﻮﻱ ﺷﻲ ﺭﺍﺡ ﺍﺧﺬﻫﺎ ﻭﺍﻋﻘﺪ ﻋﻠﻴﻬﺎ ﻋﻨﺪ ﺍﻟﺴﻴﺪ
ﻭﺍﻛﺴﺮ ﺭﺍﺳﻬﺔ ﻭﺭﺍﺱ ﺍﻟﺨﻠﻔﻮﻫﺎ
ﻣﻮ ﺛﺎﺋﺮ ﺍﺑﻦ ﻣﺰﺍﺣﻢ ﺍﻟﻲ ﻳﻠﻨﻌﺐ ﻭﻳﺎﻩ
ﺍﺭﻳﺪ ﺍﺷﻮﻑ ﻣﻨﻮ ﺍﻟﻲ ﺗﺘﺠﺮﺍﺀ ﻭﺗﻜﺴﺮ ﻛﻠﻤﺘﻲ
ﻣﺎﻋﺎﺵ ﻭ ﻻﺟﺎﺑﺘﺔ ﺍﻣﺔ
ﻭﺍﻟﻠﻪ ﻟﻄﻠﻊ ﺟﻨﺎﻧﻲ ﻋﻠﻴﺞ ﻭﺍﺧﻠﻴﺞ ﻋﺒﺮﺓ ﻟﻤﻦ ﻻﻳﻌﺘﺒﺮ
ﻋﺴﺎﻑ - ﺛﺎﺋﺮ ﺍﻟﻌﻦ ﺍﻟﺸﻴﻄﺎﻥ ﺷﻨﻮ ﺍﺗﺨﺒﻠﺖ ﺍﺗﮕﻠﻚ ﺍﻟﺒﻨﻴﺔ ﺍﻧﺨﻄﺒﺖ ﻭﻋﺎﻗﺪﻳﻦ ﻋﻠﻴﻬﺎ
ﺷﺒﻴﻚ ﺍﻧﺖ ﻣﺎﻋﻨﺪﻙ ﻋﻘﻞ
ﻛﺎﻧﺖ ﺍﺧﺮ ﻛﻠﻤﺔ ﻧﻄﻘﻬﺎ ﻋﺴﺎﻑ
ﻣﺜﻞ ﺍﻟﻲ ﻭﺟﻪ ﺿﺮﺑﺔ ﻋﻠﻰ ﻭﺟﻪ ﺛﺎﺋﺮ
ﻣﺤﺴﻴﻨﺎ ﺍﻻ ﺛﺎﺋﺮ ﻟﺰﻡ ﺑﺮﻳﻚ ﻗﻮﻱ
ﻟﺪﺭﺟﺔ ﺍﻧﻲ ﺍﻧﻀﺮﺑﺖ ﺑﺎﻟﺠﺎﻣﺔ ﺍﻻﻣﺎﻣﻴﺔ
ﺑﺲ ﻣﻦ ﺍﻟﺨﻮﻓﺔ
ﻣﺤﺴﻴﺖ ﺑﺎﻻﻟﻢ ﺑﮕﺪ ﻣﺎ ﺧﺎﻳﻔﺔ ﻣﻨﺔ
ﺍﻟﺘﻔﺖ ﻋﻠﻴﺔ ﻭﺳﺄﻟﻨﻲ ﺑﺼﻮﺕ ﻫﺎﻣﺲ ﻣﺨﻴﻒ
ﺛﺎﺋﺮ - ﺟﺎﻭﺑﻴﻨﻲ ﺻﺤﻴﺢ ﻛﻼﻡ ﻋﺴﺎﻑ
ﺻﺪﻙ ﻋﺎﻗﺪﻳﻦ ﻋﻠﻴﺞ ؟؟؟
ﻫﺰﻳﺖ ﺭﺍﺳﻲ ﺑﻨﻌﻢ
.......................................
ﻭﻣﻜﺪﺭﺕ ﺍﻧﻄﻖ ﺍﻱ ﻛﻠﻤﺔ
ﺛﺎﺋﺮ ﻭﺑﻜﻞ ﻏﻀﺐ ﺍﻟﺪﻧﻴﺎ
- ﻋﺴﺎﻑ ﻭﺳﺎﺭﺓ ﺍﺗﺮﺟﺎﻛﻢ ﺗﻨﺰﻟﻮﻥ ﻣﻦ ﺍﻟﺴﻴﺎﺭﺓ
ﻋﺴﺎﻑ ﺑﺨﻮﻑ
- ﺑﺲ ﮔﻠﻲ ﺷﺮﺍﺡ ﺗﺴﻮﻱ
ﺳﺎﺭﺓ - ﻋﻔﻴﺔ ﺛﺎﺋﺮ ﻟﺘﺘﻬﻮﺭ ﺗﺮﺓ ﺍﻟﺒﻨﻴﺔ ﻣﺎﻧﺎﻗﺼﺔ ﻣﺸﺎﻛﻞ ﻭﺍﻟﻲ ﺑﻴﻬﺎ ﻛﺎﻓﻴﻬﺎ
ﺛﺎﺋﺮ ﻭﺑﺼﻮﺕ ﻋﺎﻟﻲ
- ﻟﻚ ﻋﺴﺎﻑ ﺍﺧﺮ ﻣﺮﺓ ﺍﻛﻠﻚ ﺍﻧﺰﻝ ﻣﻦ ﺍﻟﺴﻴﺎﺭﺓ ﻭﺍﺧﺬ ﺳﺎﺭﺓ ﻭﻳﺎﻙ
ﺷﻔﺖ ﻋﺴﺎﻑ ﺍﺭﺗﺒﻚ ﻭﻛﺄﻧﻪ ﻳﻌﺮﻑ ﺑﺼﺎﺣﺒﺔ ﻭﺍﻃﺒﺎﮔﺎﺗﻪ
ﻧﺰﻝ ﻣﻦ ﺍﻟﺴﻴﺎﺭﺓ ﻭﻧﺰﻝ ﺳﺎﺭﺓ ﺍﻟﻲ ﻇﻠﺖ ﺗﺴﺤﺐ ﺑﻴﺪﻫﺎ ﻇﻠﺖ ﺗﻘﺎﻭﻡ ﻭﺗﺼﻴﺢ ﻋﻠﻰ ﺛﺎﺋﺮ
ﻭﻋﺴﺎﻑ ﻭﻛﻮﺓ ﺟﺮﻫﺎ ﻭﻧﺰﻟﻬﺎ
ﻟﻜﻦ ﺛﺎﺋﺮ ﺍﺑﺪﺩ ﻻ ﺍﻫﺘﺰ ﻟﺼﻴﺎﺡ ﻭﻏﻠﻂ ﺳﺎﺭﺓ ﻋﻠﻴﻪ
ﮔﺒﻞ ﺷﻐﻞ ﺍﻟﺴﻴﺎﺭﺓ ﻭﻃﻠﻊ
ﻣﺎ ﺍﻋﺮﻑ ﻭﻳﻦ ﺑﺲ ﺍﻧﺘﺒﻬﺖ
ﺍﺧﺬﻧﻲ ﻋﻠﻰ ﻣﻜﺎﻥ ﺑﻲ ﺷﻘﻖ ﺳﻜﻨﻴﺔ
ﺧﻔﺖ ﻻ ﻳﺴﻮﻱ ﺑﻴﺔ ﺷﻲ
ﻳﻌﻨﻲ ﻳﻤﻜﻦ ﻟﻮ ﻳﺬﺑﺤﻨﻲ ﻭﻳﺪﻓﻨﻲ ﻣﺤﺪ ﺭﺍﺡ ﻳﺸﻮﻓﺔ
ﻇﻠﻴﺖ ﺍﺑﻠﻌﻢ ﻣﻦ ﺍﻟﺨﻮﻑ
ﻧﺰﻝ ﻣﻦ ﺍﻟﺴﻴﺎﺭﺓ ﻭﺳﺤﻠﻨﻲ ﻣﻦ ﺍﻟﺴﻴﺎﺭﺓ
ﻭﺍﺧﺬﻧﻲ ﺩﻓﻊ
ﺍﻧﻲ ﺍﺣﺲ ﺑﺮﺟﻠﻴﺔ ﻣﻦ ﺍﻟﺜﻘﻞ ﺻﺎﻭﺭ ﺭﺻﺎﺹ
ﻛﻮﺓ ﺍﻣﺸﻲ ﻭﻳﺎﻩ
ﺳﻬﻰ ﺑﺨﻮﻑ - ﺛﺎﺋﺮ ﺍﺣﻠﻔﻚ ﺑﻐﺎﻟﻴﻚ ﻋﻮﻓﻨﻲ ﺍﺭﻭﺡ
ﻭﺟﻬﻲ ﺷﺤﺐ ﻟﻮﻧﺔ ﻭﺟﺴﻤﻲ ﻇﻞ ﻛﻠﺔ ﻳﻨﻜﺖ
ﻣﻦ ﺧﻮﻓﻲ ﻣﻨﺘﺒﻬﺖ ﺍﻧﻲ ﻭﻳﻦ ﺑﺲ ﺳﻤﻌﺖ ﺻﻮﺕ
ﺍﻟﺒﺎﺏ ﺍﻧﻔﺘﺢ ﻭﺍﻧﺪﻓﻌﺖ ﻟﺪﺍﺧﻞ ﺷﻘﺔ
ﺑﻠﺤﻈﺘﻬﺎ ﻛﻞ ﺧﻮﻑ ﺍﻟﻌﺎﻟﻢ ﺍﺟﺘﻤﻊ ﺑﮕﻠﺒﻲ
ﻭﺍﺗﻬﺴﺘﺮﺕ ﻇﻠﻴﺖ ﺍﻋﻴﻂ
- ﺛﺎﺋﺮ ﻫﺴﺔ ﺗﻔﺘﺢ ﺍﻟﺒﺎﺏ ﻭﺗﺨﻠﻴﻨﻲ ﺍﻃﻠﻊ
ﻻ ﻭﺍﻟﻠﻪ ﺍﻟﻢ ﻋﻠﻴﻚ ﺍﻟﻌﺎﻟﻢ
ﻟﻚ ﺍﻧﺖ ﺷﻨﻮ ﻣﺨﺒﻞ ﻣﺎ ﻋﻨﺪﻙ ﻣﺨﺎﻓﺔ ﺍﻟﻠﻪ
ﺑﻴﻤﻦ ﺗﻄﻠﺒﻮﻧﻲ ﺍﻧﺖ ﻭﺍﻫﻠﻚ ﺷﺘﺮﻳﺪﻭﻥ ﻣﻨﻲ
ﻭﺍﻟﺘﻔﺖ ﻋﻠﻴﺔ ﺑﻜﻞ ﻏﻀﺐ
ﺿﺮﺑﻨﻲ ﺭﺍﺷﺪﻱ ﻋﻠﻰ ﺧﺪﻱ ﺣﺴﻴﺖ ﻓﺮ ﺭﺍﺳﻲ ﻓﺮ
- ﻟﺞ ﻻ ﺍﻧﺘﻲ ﻭﻻ ﻋﺸﺮﺓ ﻣﻨﺞ ﺍﻟﻲ ﺗﻠﻌﺐ ﻋﻠﻴﺔ
ﻟﺰﻣﻨﻲ ﻭﺟﺮﻧﻲ ﻣﻦ ﺷﺎﻟﻲ
ﻭﻗﺮﺏ ﺭﺍﺳﺔ ﻣﻦ ﺭﺍﺳﻲ
ﻟﺞ ﻣﻮ ﺍﻧﺘﻲ ﺍﻟﺘﻜﺴﺮﻳﻨﻲ
ﺗﻌﺮﻓﻴﻦ ﺍﻧﺔ ﺷﺴﻮﻳﺖ ﻋﻠﻤﻮﺩﺝ
ﻭﻟﺞ ﺍﺗﻌﺎﺩﻳﺖ ﻭﻳﺔ ﻫﻠﻲ ﻭﻋﻤﺎﻣﻲ ﻭﻃﻠﻌﺖ ﻋﻦ ﺷﻮﺭﻫﻢ
ﻭﺍﺗﺤﺪﻳﺖ ﺍﻟﻜﻞ ﺑﻴﺞ ﻭﺗﺮﻛﺘﻬﻢ ﻭﺭﺍﻱ ﻭﺍﺟﻴﺘﺞ
ﺣﺘﻰ ﺗﺼﻴﺮﻳﻦ ﺣﻼﻟﻲ
ﻫﺰﻧﻲ ﺣﻴﻞ ﺑﺤﻴﺚ ﺍﺣﺲ ﺑﺎﺳﻨﺎﻧﻲ ﺍﺳﻄﻜﺖ
- ﺷﻠﻮﻥ ﺗﺨﻠﻴﻨﻲ ﺍﺭﻭﺡ ﻭﺍﺩﻭﺭﻭﺟﻬﻲ ﻋﻨﺞ
ﻭﺗﻄﻌﻨﻴﻨﻲ ﺑﻈﻬﺮﻱ
ﺣﺴﻴﺖ ﺑﻲ ﺍﻧﮕﻠﺐ ﺷﻜﻠﺔ ﻭﺻﺎﺭ ﻣﺜﻞ ﺍﻟﻮﺣﺶ
ﻣﻜﺪﺭﺕ ﺍﺟﺎﻭﺑﺔ ﺍﻱ ﻛﻠﻤﺔ ﺣﺘﻰ ﺍﺧﻠﻲ ﻳﻬﺪﺀ ﻻﻥ ﺍﻋﺮﻑ
ﺍﻱ ﺣﺠﺎﻳﺔ ﺭﺍﺡ ﺗﻄﻠﻊ ﻣﻨﻲ ﺭﺍﺡ ﺗﺜﻴﺮ ﺟﻨﻮﻧﺔ
ﺻﺎﺍﺡ ﺑﺼﻮﺕ ﻋﺎﻟﻲ
- ﻟﺞ ﺳﻬﻯﻯﻯﻯﻯﻯﻯﻰ ﻟﻴﺶ ﻫﻴﺞ ﺳﻮﻳﺘﻲ
ﻟﺞ ﺍﺩﺭﻱ ﺑﻴﺞ ﺗﺤﺒﻴﻨﻲ
ﻧﻈﺮﺍﺕ ﻋﻴﻮﻧﺞ ﺗﺤﺠﻲ ﻏﻴﺮ ﺷﻜﻞ ﻫﺬﺍ ﺍﻟﻲ ﺑﻌﻴﻮﻧﺞ ﺷﻨﻮ ﺍﺣﺠﻲ ﮔﻮﻟﻲ
ﺍﻟﻠﻪ ﻳﺎﺧﺬﺝ ﻟﺞ ﺍﻧﺘﻲ ﺑﻼﺀ
ﺍﻧﺘﻲ ﻣﺮﺽ ﺍﻟﻠﻪ ﺑﻼﻧﻲ ﺑﻲ
ﺍﻧﺘﻲ ﺷﻴﻄﺎﻥ
ﺍﻟﻌﻦ ﺍﻟﻴﻮﻡ ﺍﻟﻲ ﻋﺮﻓﺘﺞ ﺑﻲ
ﻃﺒﻌﺎً ﻫﻮ ﻳﺤﺠﻲ ﻭﻳﺪﻓﻊ ﺑﻴﺔ
ﻭﺍﻧﻲ ﺍﺭﺟﻊ ﻟﻠﺨﻠﻒ
ﻋﺰﺯﺯﺓ ﺑﻌﻴﻨﻲ ﻣﺠﻨﺖ ﻣﺘﺨﻴﻠﺔ ﺭﺩﺓ ﻓﻌﻞ ﺛﺎﺋﺮ ﺗﻜﻮﻥ ﻟﻬﺪﺭﺟﺔ ﻣﺨﻴﻔﺔ ﻛﺎﻥ ﻛﻞ ﺍﻋﺘﻘﺎﺩﻱ ﺍﻥ ﺑﺲ ﺭﺍﺡ ﻳﻌﺮﻑ
ﺑﺨﺒﺮ ﺧﻄﻮﺑﺘﻲ ﻣﻦ ﻭﺍﺣﺪ ﻏﻴﺮﺓ ﺭﺍﺡ ﻳﺰﻋﻞ ﻭﻳﺘﺮﻛﻨﻲ
ﺑﺤﺎﻝ ﺳﺒﻴﻠﻲ
ﺑﺲ ﺍﻟﻲ ﻛﺎﻋﺪ ﺍﺷﻮﻓﺔ ﺍﻣﺎﻣﻲ
ﺷﻲ ﻣﺎ ﻳﻨﺴﻜﺖ ﻋﻠﻴﻪ ﻭﻻ ﻳﺴﺘﻬﺎﻥ ﺑﻲ
ﺍﻱ ﺍﻧﻲ ﺍﺳﺘﻬﺎﻧﻴﺖ ﺑﺮﺩﺓ ﻓﻌﻞ ﺛﺎﺋﺮ ﻭﺍﻛﺘﺸﻔﺖ
ﺍﻥ ﻋﻘﺎﺏ ﺍﻻﺑﻦ ﻭﺍﺑﻮﻩ ﺻﺎﺭﻭ ﺑﻨﻔﺲ ﻣﻴﺰﺍﻥ ﺍﻟﺨﻮﻑ ﻋﻨﺪﻱ ﻭﺍﻧﻲ ﺍﺳﺘﻬﺎﻧﻴﺖ
ﺣﺴﻴﺖ ﺑﺮﻭﺣﻲ ﻣﺜﻞ ﺍﻟﻌﺼﻔﻮﺭ ﺍﻟﻲ ﻭﻗﻊ ﺑﺎﻟﻔﺦ ﻭﺣﺎﻳﺮ ﺷﻠﻮﻥ ﻳﺨﻠﺺ ﻧﻔﺴﺔ
ﺻﺮﺕ ﺑﻴﻦ ﻧﺎﺭﻳﻦ
ﻭﻣﺎ ﺍﻋﺮﻑ ﻣﻨﻮ ﺍﺧﺘﺎﺭ ﻧﺎﺭ ﺛﺎﺋﺮ ﻟﻮ ﻧﺎﺭ ﺍﺑﻮﻩ
ﺍﻟﺜﻨﻴﻦ ﺭﺍﺡ ﻳﺤﻄﻤﻮﻥ ﺣﻴﺎﺗﻲ ﻭﺭﺍﺡ ﺍﺭﻭﺡ ﺑﺎﻟﺮﺟﻠﻴﻦ
ﺑﺲ ﺍﻧﻲ ﻫﺴﺔ ﺧﻠﻲ ﺍﺧﻠﺺ ﻧﻔﺴﻲ ﻣﻦ ﻧﺎﺭ ﺛﺎﺋﺮ
ﺳﻬﻰ ﺑﺨﻮﻑ
: ﺛﺎﺋﺮ ﻟﺤﻈﺔ ﺑﺲ ﺧﻠﻴﻨﻲ ﺍﻓﻬﻤﻚ ﺗﺮﺓ ﺍﻧﻲ ﻫﺬﺍ ﺍﻟﻲ ﺳﻮﻳﺔ
ﻛﻠﺔ ﻋﻠﻤﻮﺩ ﺍﻫﻠﻚ ﻫﻤﺔ ﺍﻟﻲ
......
ﻭﻗﻄﻊ ﻛﻼﻣﻲ
: ﻟﺞ ﻋﻦ ﻳﺎ ﺍﻫﻞ ﺗﺤﺠﻴﻦ
ﻭﻟﺞ ﺍﻧﺘﻲ ﺧﺬﻟﺘﻴﻨﻲ ﮔﺪﺍﻡ ﺍﻫﻠﻲ ﻭﻃﻌﻨﺘﻴﻨﻲ ﻭﺛﺒﺘﻲ
ﻛﻼﻣﻬﻢ ﻛﻠﺔ ﻛﺎﻥ ﺻﺤﻴﺢ
ﻟﺞ ﺍﻧﺘﻲ ﺭﺧﻴﺼﺔ ﻭﺍﻧﻲ ﻛﺒﺮﺗﺞ ﺑﻴﺪﻱ ﻋﻠﻴﺘﺞ ﻋﻠﻲّ
ﻛﺎﻧﺖ ﻛﻞ ﻛﻠﻤﺔ ﺗﻄﻠﻊ ﻣﻦ ﺛﺎﺋﺮ ﺍﺣﺲ ﺑﺨﻨﺠﺮ
ﻳﻨﻐﺮﺯ ﺑﮕﻠﺒﻲ : ﺭﺣﻤﺔ ﺍﻟﻠﻪ ﻭﺍﻟﺪﻳﻚ ﺑﻴﻦ ﻣﻌﺪﻧﻚ ﻣﻦ ﺍﻭﻝ
ﻣﺸﻜﻠﺔ
: ﻟﺞ ﻋﺎﺭ ﻫﻢ ﺍﻟﺞ ﻋﻴﻦ ﻭﺗﺤﺠﻴﻦ
ﺟﺎ ﺑﺴﻴﻄﺔ ﺍﻧﺎ ﺍﻟﺞ
ﺭﺍﺡ ﺍﻋﻠﻤﺞ ﺩﺭﺱ ﺧﻠﻴﻪ ﻳﺼﻴﺮﻟﺞ ﻋﺒﺮﺓ
ﺷﻔﺘﺔ ﻫﺠﻢ ﻋﻠﻴﺔ ﻭﺳﺤﺐ ﺷﺎﻟﻲ ﺑﻜﻞ ﻗﻮﺓ
ﺷﻬﮕﺖ ﺑﺨﻮﻑ
ﺳﻬﻰ ﺑﺼﺮﺧﺔ - ﻻﻻ ﺍﺍﺍ ﺛﺎﺋﺮ ﺍﻭﻛﻒ ﺧﻠﻲ ﺍﻓﻬﻤﻚ
ﺗﺮﺓ ﺍﻧﻲ ﻣﻤﺨﻄﻮﺑﺔ ﺍﺍﺍﺑﻮﻭﻭ
ﻭﻣﺤﺴﻴﺖ ﺍﻻ ﺛﺎﺋﺮ ﻃﻔﺮ ﻋﻠﻴﺔ
ﺛﺎﺋﺮ ﺑﺼﻮﺕ ﻋﺎﻟﻲ ﻳﺮﻋﺪ ﺭﻋﺪ
- ﻟﺞ ﺳﻜﺘﻲ ﻋﺎﺍﺍﺍﺍﺍﺭ ﺷﻨﻮ ﺗﻠﻌﺒﻴﻦ ﻋﻠﻴﺔ
ﺍﻟﻴﻮﻡ ﺍﻻ ﺍﻋﻠﻤﺞ ﺍﻟﻠﻪ ﺣﻖ
ﻭﺍﺧﻠﻴﺞ ﻃﻮﻝ ﻋﻤﺮﺝ ﺗﻤﺸﻴﻦ ﻭﺗﺘﻠﻔﺘﻴﻦ ﻣﻦ ﺍﻟﺨﻮﻑ
ﻭﻟﺞ ﺍﻧﺘﻲ ﻭﻳﺎﻣﻦ ﺍﻧﺪﮔﻴﺘﻲ
ﻭﻟﺞ ﺍﻧﺎ ﺛﺎﺋﺮ ﻭﻟﺤﻤﻲ ﻣﺮ
ﻭﺟﺮﻧﻲ ﻭﻗﺮﺑﻨﻲ ﻋﻠﻴﻪ
ﺷﮓ ﻗﻤﻴﺼﻲ ﻭﺷﻔﺖ ﺍﻟﺪﻛﻢ ﺍﺗﻨﺎﺛﺮﺕ
ﻭﻫﺠﻢ ﻋﻠﻴﺔ
ﻭﺟﺮ ﺷﻔﺎﻳﻔﻲ ﺑﺸﻔﺎﻳﻔﺔ ﻭﻋﻀﻬﻦ
ﺍﻧﻲ ﻣﻦ ﺍﻟﺨﻮﻑ ﺻﺮﺕ
ﺍﺿﺮﺏ ﺑﻲ ﻭﺍﺩﻓﻊ ﺍﺗﺨﻴﻠﺖ ﻧﻔﺴﻲ ﺭﺍﺡ ﺍﺗﻌﺮﺽ ﻟﻠﻤﺮﺓ ﺍﻟﺜﺎﻧﻴﺔ ﺑﺤﻴﺎﺗﻲ ﻟﻼﻧﺘﻬﺎﻙ ﺭﺑﻲ ﺩﺧﻴﻠﻚ
ﺣﺴﻴﺖ ﺻﺎﺭﺕ ﺍﻧﻔﺎﺳﻨﺔ ﺳﺎﺧﻨﺔ
ﺻﺮﺕ ﺍﺭﺟﻒ ﺟﻮﺓ ﺍﻳﺪﺓ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ
ﺧﺮﻣﺸﺖ ﻭﺟﻬﺔ ﺑﺎﻇﺎﻓﺮﻱ ﺣﺘﻰ ﻳﺒﺘﻌﺪ ﻋﻨﻲ ﻭﻇﻠﻴﺖ ﺍﻋﻴﻂ
ﻗﻴﺪ ﺍﺩﻳﺔ ﺑﻴﻦ ﺍﺩﻳﻪ ﻭﻋﻀﻨﻲ ﺣﻴﻞ ﻣﻦ ﺭﮔﺒﺘﻲ ﻭﻟﺜﻢ ﺷﻔﺘﻲ
ﺻﺮﺕ ﻋﺒﺎﻟﻚ ﺟﺎﻱ ﺍﻧﺎﺯﻉ ﻭﻳﺔ ﺍﻟﺮﻭﺡ
- ﻟﻚ ﻻﺍﺍﺍﺍﺍﺍ ﺛﺎﺍﺍﺍﺍﺍﺍﺍﺋﺮ ﺍﺑﺘﻌﺪ ﻋﻨﻲ ﺍﻟﻠﻪ ﻻ ﻳﻮﻓﻘﻜﻢ ﺍﻧﺖ ﻭﺍﺑﻮﻙ ﺩﻣﺮﺗﻮ ﺣﻴﺎﺗﻲ
ﻣﺎ ﺍﻫﺘﻢ ﻟﻜﻼﻣﻲ
ﻭﻧﺰﻟﺖ ﺍﻧﻔﺎﺳﻪ ﺍﻟﺤﺎﺭﺓ ﻋﻠﻰ ﺭﮔﺒﺘﻲ
ﻭﺍﻳﺪﺓ ﺗﻌﺒﺚ ﺑﺠﺴﻤﻲ
ﺑﻠﺤﻈﺘﻬﺎ ﺣﺴﻴﺖ ﺑﺮﻭﺣﻲ ﺿﺎﻳﻌﺔ ﻣﺜﻞ ﺍﻟﻲ ﺗﺎﻫﺖ ﺑﻌﺎﻟﻢ ﻣﺠﻬﻮﻝ ﻣﺎ ﺍﻋﺮﻑ ﺷﻨﻮ ﻧﻬﺎﻳﺔ ﺍﺳﺘﺴﻠﻤﺖ ﻭﺧﻠﺼﺖ ﻗﻮﺗﻲ ﻭﺳﻠﻤﺖ ﺍﻣﺮﻱ ﻟﻠﻪ
ﻧﺰﻟﺖ ﺩﻣﻮﻉ ﺍﻻﻧﻜﺴﺎﺭ ﻋﻠﻰ ﺧﺪﻱ
ﻭﺣﺴﻴﺖ ﺑﺜﺎﺋﺮ ﻓﺠﺎﺀﺓ ﺍﺗﻮﻗﻒ ﻭﺑﻌﺪ ﺍﻳﺪﻳﻪ ﻋﻨﻲ
ﺷﻔﺘﺔ ﮔﺎﻡ ﻭﺍﺑﺘﻌﺪ ﻣﻨﻲ ﺭﺟﻊ ﺷﻌﺮﺓ ﻟﻠﺨﻠﻒ
ﻭﺣﺠﺔ ﺑﺼﻮﺕ ﺧﺸﻦ
- ﮔﻮﻣﻲ ﻣﻦ ﮔﺪﺍﻣﻲ ﻣﺎ ﺍﺭﻳﺪ ﺍﺷﻮﻑ ﻭﺟﻬﺞ
ﻭﺭﺣﺖ ﻧﺰﻟﺖ ﺑﺴﺮﻋﺔ ﻣﺜﻞ ﺍﻟﻤﺨﺒﻠﺔ ﻣﻦ ﺍﻟﺴﺮﻳﺮ ﻭﻛﻌﺪﺕ ﺍﻟﻢ ﺑﺸﺎﻟﻲ ﻭﻗﻤﻴﺼﻲ
ﺍﻟﺒﺲ ﺑﻴﻬﻢ ﻭﺍﻳﺪﻳﺔ ﺗﺮﺟﻒ
ﻭﻋﻴﻮﻧﻲ ﻋﻠﻴﻪ ﺧﺎﻑ ﻳﺮﺟﻊ ﻋﻠﻴﺔ ﻭﻳﻜﻤﻞ ﺍﻟﻲ ﻣﺎ ﺍﻧﺘﻬﻰ
ﻣﻤﺼﺪﮔﺔ ﺍﺧﻠﻰ ﺳﺒﻴﻠﻲ
ﻭﺍﻟﻠﻪ ﺍﺣﺲ ﺍﻧﻜﺘﺒﻠﻲ ﻋﻤﺮ ﺟﺪﻳﺪ
ﺷﻔﺘﺔ ﮔﺎﻋﺪ ﻋﻠﻰ ﺍﻟﺴﺮﻳﺮ ﻭﺍﻳﺪﺓ ﻋﻠﻰ ﺭﺍﺳﻪ
ﺑﺎﻭﻋﻠﻲ ﺍﺑﺠﻲ ﻭﺍﺷﻬﻚ ﻭﺍﻟﺨﻮﻑ ﻣﺎﺧﺬ ﻛﻞ ﻗﻮﺗﻲ
ﻧﻬﺾ ﻣﻦ ﻣﻜﺎﻧﻪ ﻭﺷﺎﻓﻨﻲ ﺭﺟﻌﺖ ﺧﺎﻳﻔﺔ ﻟﻠﺨﻠﻒ ﻭﺯﺍﺩﺕ
ﺩﻣﻮﻋﻲ ﻭﺍﺭﺗﻔﻊ ﺻﻮﺕ ﺍﻟﻨﺤﻴﺐ
- ﻟﺘﺨﺎﻓﻴﻦ ﻣﺮﺍﺡ ﺍﻟﻮﺙ ﺍﻳﺪﻱ ﺑﻮﺣﺪﺓ ﺧﺎﻳﻨﺔ ﺗﺎﻓﻬﺔ ﻣﺜﻠﺞ ﻣﺘﺴﺘﺎﻫﻠﻴﻦ ﺍﻟﻮﺍﺣﺪ ﻳﺮﺗﻜﺐ ﺟﺮﻳﻤﺔ ﻋﻠﻤﻮﺩﺝ ﻻﻥ ﺍﻧﺘﻲ ﻧﻜﺮﺓ
ﺍﻧﺘﻲ ﺻﺮﺗﻲ ﺑﺎﻟﻨﺴﺒﺔ ﺍﻟﻲ ﻻﺷﻲﺀ
ﻓﺎﺍﺍﺍﺍﻫﻤﺔ ﻻﺷﻲ ﺀ
ﻛﻤﺰﺕ ﻣﻦ ﺷﻔﺘﺔ ﻛﺴﺮ ﻣﺮﺍﻳﺎ ﺍﻟﻤﻴﺰ ﺑﻴﺪﺓ
ﺧﻔﺖ ﻣﻦ ﻏﻀﺒﻪ ﻭﻇﻠﻴﺖ ﺑﺲ ﺍﺗﺸﺎﻫﺪ
- ﺧﻠﻲ ﻫﺬﺍ ﺩﺭﺱ ﺍﻟﺞ ﺣﺘﻰ ﻣﺮﺓ ﺛﺎﻧﻴﺔ
ﺗﻔﻜﺮﻳﻦ ﺍﻟﻒ ﻣﺮﺓ ﻗﺒﻞ ﻻ ﺗﻌﻠﺒﻴﻦ ﻭﻳﺔ ﺍﻱ ﺭﺟﺎﻝ
ﻣﻨﻄﻘﺖ ﻭﻻ ﺣﺮﻑ ﺑﺲ ﻗﺒﻞ ﻻ ﻳﻄﻠﻊ ﻣﻦ ﺍﻟﻐﺮﻓﺔ ﺷﻔﺖ ﺑﻌﻴﻮﻧﺔ ﺍﻟﻢ ﻭﺍﻧﻜﺴﺎﺭ
- ﺛﺎﺋﺮ ﻟﺤﻈﺔ ﺍﺭﻳﺪ ﺍﻛﻠﻚ ﺍﺧﺮ ﻛﻠﻤﺔ ﺗﺮﺓ ﺍﻧﻲ ﺍﻧﻈﻠﻤﺖ ﻭﻛﻨﺖ ﻣﺠﺒﻮﺭﺓ ﻏﺼﺐ ﻋﻨﻲ ﮔﻠﺖ ﻣﺨﻄﻮﺑﺔ ﻻﻥ ﺍﻫﻠﻚ
ﻫﺪﺩﻭﻧﻲ
ﺛﺎﺋﺮ ﻭﻫﻮ ﻳﺤﺲ ﺍﻟﻨﺎﺭ ﺑﻌﺪﻫﺎ ﺑﮕﻠﺒﺔ ﻣﺎﻃﻔﺖ
ﺭﺟﻊ ﻋﻠﻴﺔ ﺑﻜﻞ ﻏﻀﺐ
- ﻳﺴﻬﻮﺓ ﻻ ﺗﺴﺘﻔﺰﻳﻨﻲ ﻛﺎﺍﺍﺍﺍﻓﻲ ﺗﺮﺓ ﻛﻮﺓ ﻻﺯﻡ ﺭﻭﺣﻲ ﻋﻨﺞ ﻭﻣﺎ ﺍﺫﺫﻳﺞ ﻟﺘﺨﻠﻴﻨﻲ ﺍﺳﻤﻊ ﺻﻮﺗﺞ ﻓﺎﻫﻤﺔ
ﺍﻫﻠﻲ ﻣﻮ ﻳﻤﺞ ﻭﻳﻦ ﺷﻔﺘﻴﻬﻢ
ﻟﺞ ﺍﻧﺘﻲ ﺻﺪﻙ ﻋﺎﺭ
ﺍﺩﻋﻲ ﻣﻦ ﺍﻟﻠﻪ ﻛﻮﻥ ﺩﺭﻭﺑﻨﺎ ﻣﺎ ﺗﻠﺘﻘﻲ
ﻻﻥ ﺍﺫﺍ ﻫﺎﻱ ﺍﻟﻤﺮﺓ ﺭﺣﻤﺘﺞ ﺍﻟﻤﺮﺓ ﺍﻟﺠﺎﻳﺔ ﺭﺍﺡ ﺍﺧﻠﻴﺞ ﺗﺘﻤﻨﻴﻦ ﺍﻟﻤﻮﺕ ﻭﻣﺎﺗﺤﺼﻠﻴﻨﺔ
ﺑﻌﺪﻫﺎ ﺗﺮﻛﻨﻲ ﻭﺭﺍﺡ
ﻭﻛﺎﻥ ﻫﺬﺍ ﺍﻟﻴﻮﻡ ﺍﺳﻮﺩ ﻭﺍﺳﻮﺀ ﻳﻮﻡ ﺑﺤﻴﺎﺗﻲ
ﺗﻌﺮﻓﻮﻥ ﺷﻨﻮ ﻣﻌﻨﻰ ﻭﺍﺣﺪ ﻳﻮﻗﻊ ﻋﻠﻰ ﻭﺭﻗﺔ ﻣﻮﺗﺔ ﺑﻴﺪﺓ
ﺍﻱ ﻫﺎﻱ ﺍﻧﻲ ﻭﻗﻌﺖ ﻋﻠﻰ ﻣﻮﺗﻲ
ﻭﺩﻓﻨﺖ ﻧﻔﺴﻲ ﺑﺎﻟﺤﻴﺎﺓ
......
ﺛﺎﺋﺮ
ﻃﻠﻌﺖ ﻣﻦ ﺍﻟﺸﻘﺔ ﻭﻛﻞ ﻏﻀﺐ ﺍﻟﺪﻧﻴﺎ ﺑﻌﻴﻨﻲ
ﻣﺎ ﺟﻨﺖ ﻣﺘﺨﻴﻞ ﺍﻥ ﺍﺧﺬﻫﺎ ﺑﻴﻦ ﺍﻳﺪﻳﺔ ﺑﻬﺎﻱ ﺍﻟﻄﺮﻳﻘﺔ
ﻭﺍﺍﺫﻳﻬﺎ
ﺍﺍﺍﺍﺍﺥ ﺍﻟﻠﻪ
ﺍﺗﻤﻨﻴﺘﻬﺎ ﺭﺟﺎﻝ ﺟﺎﻥ ﻣﺼﻠﺖ ﺭﮔﺒﺔ ﺑﺪﻭﻥ ﻣﺎ ﻳﺮﻓﻠﻲ ﺟﻔﻦ
ﺧﺮﺏ ﺑﻬﻴﺞ ﻗﺴﻤﺔ ﺍﻟﻲ ﺧﻠﺘﺞ ﺑﻄﺮﻳﻘﻲ ﻳﺴﻬﻮﺓ
ﺭﺑﻲ ﻟﻴﺶ ﻫﻲ ﻣﻦ ﺩﻭﻧﻬﻦ ﺍﺗﻌﻠﻚ ﮔﻠﺒﻲ ﺑﻴﻬﺎ
ﺍﻱ ﻣﻮ ﺟﻨﺖ ﻛﺎﻓﻲ ﺧﻴﺮﻱ ﺷﺮﻱ
ﻭﻋﺎﻳﺶ ﻭﺑﺎﻟﻲ ﻣﺘﻬﻨﻲ
ﺭﺣﺖ ﻭﺍﺗﺼﻠﺖ ﻋﻠﻰ ﻋﺴﺎﻑ ﺣﺘﻰ ﻳﺠﻲ ﻫﻮ ﻭﺳﺎﺭﺓ ﻳﺎﺧﺬﻭﻫﺎ ﻣﻦ ﺷﻘﺘﻲ
ﻣﺎ ﺍﺭﻳﺪ ﻋﺪﻱ ﻳﺮﺟﻊ ﻭﻳﻠﮕﺎﻫﺔ ﻫﻨﺎﻙ
ﻇﻠﻴﺖ ﺍﻓﺘﺮ ﺑﺎﻟﺴﻴﺎﺭﺓ ﻣﺜﻞ ﺍﻟﻬﺎﻳﻢ ﻋﻠﻰ ﻭﺟﻬﻲ
ﻭﺍﺟﺎﻧﻲ ﺍﺗﺼﺎﻝ
- ﻭﻳﻦ ﻫﻮ ﺑﻴﺎ ﻣﻜﺎﻥ
ﻫﺬﺍ ﻫﻮ ﺗٌـٌـﻤــﺎﻡ ﺍﻧﺎ ﺭﺍﺡ ﺍﺭﻭﺡ ﻋﻠﻴﻪ
ﻭﺍﻟﻠﻪ ﻳﺎﺩﻧﻴﺎ ﺷﻐﻠﻴﻨﻲ ﺑﺎﻟﻤﺼﺎﻳﺐ ﺍﺭﻳﺪ ﺍﻟﺘﻬﻲ
ﺭﺣﺖ ﻟﻠﻤﻜﺎﻥ ﺍﻟﻲ ﻭﺻﻔﻮﻩ ﺍﻟﻲ
ﻛﺎﻥ ﻋﺪﻱ ﺍﺧﻮﻱ ﻳﺮﻭﺡ ﻋﻠﻰ ﻣﻠﻬﻰ ﻟﻴﻠﻲ ﻣﺸﺒﻮﻩ
ﻭﺍﺣﻨﺎ ﻣﻌﺮﻭﻓﻴﻦ ﻭﻧﺨﺎﻑ ﻣﻦ ﺍﻟﺘﺎﻳﻬﺔ ﻭﻛﺎﻓﻲ ﺍﻟﻲ ﺻﺎﺭ
ﻟﺤﺪ ﺍﻻﻥ ﺧﻠﻲ ﻧﻠﺤﻚ ﻋﻠﻰ ﺍﻟﺒﺎﻗﻲ
ﺭﺣﺖ ﺷﻔﺖ ﺍﺧﻮﻱ ﻋﺪﻱ ﻫﻨﺎﻙ ﻛﺎﻋﺪ
ﻭﻳﺸﺮﺏ
ﺿﺤﻜﺖ ﺑﺄﺳﺘﻬﺰﺍﺀ ﻗﺒﻞ ﻳﻮﻣﻴﻦ ﺍﻧﺎ
ﻟﺰﻣﺘﺔ ﻭﺟﻨﺰﺗﺔ ﻭﻋﺎﻗﺒﺘﺔ ﻻﻥ ﻭﺻﻞ ﺧﺒﺮ ﻟﺠﺪﻱ
ﺍﻥ ﻋﺪﻱ ﻳﺸﺮﺏ ﻭﻣﺴﺘﮕﻌﺪﻟﺔ ﻭﺣﺪﺓ ﺑﺸﻘﺔ
ﺑﺎﻟﻤﻨﺼﻮﺭ
ﻣﻮ ﻫﻨﺎ ﺍﻟﻤﺼﻴﺒﺔ
ﺍﻟﻤﺼﻴﺒﺔ ﺍﻟﺠﺒﻴﺮﺓ ﺍﻥ ﻫﺎﻱ ﺣﺎﻣﻞ ﻣﻦ ﻋﻨﺪﺓ ﻭﺍﺟﺖ ﻟﺒﻴﺖ ﺟﺪﻱ ﻫﻨﺎﻙ ﻭﺻﺎﺭﺕ ﺩﺧﻴﻠﺔ ﻋﻨﺪ ﺟﺪﻱ ﻻﻥ ﻋﺪﻱ
ﻣﻬﺪﺩﻫﺎ ﺍﺳﺘﻐﻔﺮ ﺍﻟﻠﻪ ﺑﺲ
ﻭﺍﻟﻠﻪ ﻋﺪﻱ ﻳﻔﺘﻬﻢ ﻣﻮﻧﺲ ﻧﻔﺴﺔ ﻭﻋﺎﻳﺶ ﺣﻴﺎﺗﺔ
ﺑﻘﺎﻧﻮﻥ ﻋﻴﺶ ﺍﻟﻴﻮﻡ ﻭﺍﻟﺒﺎﺟﺮ
ﺍﻟﻠﻪ ﻛﺮﻳﻢ ﻳﻌﻨﻲ ﻃﺎﻙ ﺍﻟﺪﻧﻴﺎ ﺑﻌﺮﺽ ﺍﻟﺤﺎﻳﻂ
ﺍﺗﻤﻨﻴﺖ ﺍﻛﻮﻥ ﻣﺜﻠﺔ ﻻ ﺍﺑﺎﻟﻲ ﺍﺳﺮﺏ ﻭﺍﺗﻮﻧﺲ ﻭﻳﺔ ﺍﻟﺒﻨﺎﺕ
ﺣﺘﻰ ﺍﻧﺴﻰ ﺑﺲ ﻫﺬﺍ ﻣﻮ ﺛﻮﺑﻲ
ﻋﺪﻱ ﻳﻜﻮﻡ ﻣﻦ ﻣﻜﺎﻧﺔ ﻣﻔﺰﻭﻉ
: ﻫﺎﻱ ﺷﺠﺎﺑﻚ ﻫﻨﺎ
ﺛﺎﺋﺮ - ﺍﺟﻴﺖ ﺣﺘﻰ ﺍﺷﻮﻑ ﺍﺧﺮ ﻣﺼﺎﻳﺒﻚ ﺑﺲ ﺗﺪﺭﻱ ﺷﻨﻮ
ﺍﻛﺘﺸﻔﺖ ﺍﻧﺖ ﺍﻟﺼﺤﻴﺢ ﻭﺍﻧﺎ ﺍﻟﻐﻠﻂ
ﻋﺪﻱ ﮔﻠﺒﻲ ﻛﺴﺮﻧﻲ ﻋﻠﻰ ﺛﺎﺋﺮ ﺑﺲ ﺍﻟﻲ ﺻﺎﺭ ﻟﻤﺼﻠﺤﺘﺔ
ﻋﺪﻱ : ﺧﻮﻳﺔ ﺷﻨﻮ ﺷﺒﻴﻚ ﺣﺎﻟﻚ ﻣﺎ ﻋﺎﺟﺒﻨﻲ
ﺍﻣﺸﻴﻨﺎ ﺧﻞ ﻧﻄﻠﻊ ﻣﻦ ﻫﺬﺍ ﺍﻟﻤﻜﺎﻥ ﻻﻥ ﺍﻟﺠﻮ ﻫﻨﺎ ﻣﻮ ﻣﺎﻝ
ﺳﻮﺍﻟﻒ
ﺛﺎﺋﺮ ﻭﻫﻮ ﻳﺒﺎﻭﻉ ﺩﺍﻳﺮ ﻣﺪﺍﻳﺮﺓ
- ﻟﻴﺶ ﺧﻠﻴﻨﺎ ﻫﻨﺎ ﺑﺎﻟﻌﻜﺲ ﺣﻠﻮ ﻋﻮﻓﻨﻲ ﺍﺭﻳﺪ ﺍﻧﺴﻰ
ﻛﺴﺮﺓ ﮔﻠﺒﻲ
ﻋﺪﻱ - ﺧﻮﻳﺔ ﮔﻠﻲ ﺷﻴﻮﺟﻌﻚ
ﺍﻟﺘﻔﺖ ﻋﻠﻰ ﻋﺪﻱ ﻭﻫﻮ ﻳﺄﺷﺮ ﻋﻠﻰ ﮔﻠﺒﻪ
- ﺧﻮﻳﺔ ﻫﺬﺍ ﻫﺬﺍ ﻣﻠﺠﻮﻡ ﻣﻦ ﺣﺒﻬﺎ ﺍﻧﻄﻴﺘﻬﺎ
ﮔﻠﺐ ﻋﺎﺷﮓ ﻭﺍﻧﻄﺘﻨﻲ ﻫﺠﺮ ﻭﺧﻴﺎﻧﺔ
ﻋﺪﻱ : ﻋﻔﻮ ﻋﻠﻴﻚ ﻳﺎﻟﻮﺣﺶ ﻣﻮﺵ ﺍﻧﺖ ﺍﻟﺘﻬﺰﻙ ﻣﺮﺓ
ﻭﺗﺨﻠﻴﻚ ﺗﻄﻠﻊ ﻋﻦ ﻃﻮﺭﻙ
ﺑﺲ ﺭﻏﻢ ﻛﻼﻡ ﻋﺪﻱ ﻛﻠﺔ
ﺑﺲ ﺣﺮﮔﺔ ﮔﻠﺒﻲ ﺑﻌﺪﻫﺎ ﺗﺸﺐ ﻧﺎﺭ ﺑﺼﺪﺭﻱ
ﻻﻥ ﻣﺎ ﺩﺍﻡ ﺣﺒﻬﺎ ﺟﻮﺓ ﺑﮕﻠﺒﻲ ﺭﺍﺡ ﺗﻈﻞ ﻫﺎﻱ ﺍﻟﻨﺎﺭ
ﻣﺘﻨﻄﻔﻲ
ﺿﺮﺏ ﺑﻘﺒﻀﺔ ﺍﻳﺪﺓ ﻋﻠﻰ ﺻﺪﺭﻩ
ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺥ ﺍﻟﻠﻪ ﺍﺭﻳﺪﻫﺎ ﻣﻮ ﻛﺎﺩﺭ ﺍﺑﻌﺪﻫﺎ ﻋﻦ ﺑﺎﻟﻲ
ﻧﻬﻀﺖ ﻣﻦ ﺍﻟﻤﻴﺰ ﻭﺍﺧﺬﺕ ﺳﻮﻳﺞ ﺍﻟﺴﻴﺎﺭﺓ ﻭﻧﻘﺎﻟﻲ
ﻭﻛﺎﻡ ﻋﺪﻱ ﻭﺭﺍﻱ
ﺍﻧﺘﺒﻬﺖ ﻋﻠﻰ ﺍﻟﻨﻘﺎﻝ
ﻟﻜﻴﺘﺔ ﺩﺍﻙ ﻋﺸﺮ ﻣﻜﺎﻟﻤﺎﺕ ﻋﻠﻲ ﻭﺳﺘﺔ ﺍﻟﺤﺠﻲ ﺍﺑﻮﻱ
ﻭﺣﺪﺓ ﺟﺪﻱ ﺍﻟﺸﻴﺦ ﻣﺰﺍﺣﻢ
ﺍﺗﻔﺎﺟﺌﺖ ﺑﺠﺪﻱ ﻣﺘﺼﻞ
ﺧﻔﺖ ﻻﺻﺎﻳﺮ ﺑﻴﻬﻢ ﺷﻲ ﻻﻥ ﺍﻧﺎ ﻣﺘﻌﺎﺭﻙ ﻭﻳﺔ ﺍﻟﺸﻴﺦ ﻣﺰﺍﺣﻢ ﻭﺍﻋﺮﻓﺔ ﻛﻠﺶ ﺯﻳﻦ
ﺭﺍﺳﺔ ﻳﺎﺑﺲ ﻭﻣﻮ ﺑﺴﻬﻮﻟﺔ ﻳﺘﻨﺎﺯﻝ ﻭﻳﻄﺦ ﺭﺍﺱ
ﺑﺲ ﻣﻊ ﺍﻻﺳﻒ ﺍﻧﺎ ﺧﺬﻟﺘﻬﻢ
ﻭﻛﻼﻣﻬﻢ ﻃﻠﻊ ﻛﻠﺔ ﺻﺢ ﻭﺍﻧﺎ ﺍﻟﻐﻠﻂ
ﺍﺗﺼﻠﺖ ﻋﻠﻰ ﺭﻗﻢ ﺟﺪﻱ
ﻭﺍﺟﻴﺖ ﺍﺗﺨﺒﻞ ﻣﻦ ﺳﻤﻌﺖ ﺑﺨﺒﺮ ﻭﻓﺎﺓ ﺍﻣﻲ
ﺣﺴﻴﺖ ﺍﻟﺪﻧﻴﺎ ﺍﻓﺘﺮﺕ ﺑﻴﺔ
ﻻﺍﺍﺍﺍﺍﺍﺍﺍﺍﺍﺍﺍ ﻳﺎﻟﻠﻪ ﺍﻻﺍﺍﺍﺍﺍﺍﺍ ﺍﻟﻮﺍﻟﺪﺓ
((((((((((((((()))))))))))))))
ﺳﻬﻰ
ﺑﻌﺪﻣﺎ ﺍﺗﺼﻞ ﺛﺎﺋﺮ ﻋﻠﻰ ﻋﺴﺎﻑ ﺍﺟﺔ ﻫﻮ ﻭﺳﺎﺭﺓ ﻭﺍﺧﺬﻭﻧﻲ
ﻭﺍﻧﻲ ﺑﻮﺿﻊ ﻻ ﺍﺣﺴﺪ ﻋﻠﻴﻪ ﻣﻨﻈﺮﻱ ﻛﺎﻥ ﻣﺒﻴﻦ ﺍﻛﻮ ﺷﻲ ﺻﺎﺭ ﺑﻴﻨﻲ ﻭﺑﻴﻦ ﺛﺎﺋﺮ ﻟﻜﻦ ﻋﺴﺎﻑ ﻓﻀﻞ ﺍﻥ ﻳﺘﻐﺎﺿﺎﻩ
ﻭﺳﺎﺭﺓ ﺍﻟﻲ ﻧﺰﻟﺖ ﻋﻠﻴﺔ ﺑﺎﻻﺳﺌﻠﺔ
- ﻟﺞ ﺍﺣﺠﻲ ﺧﻮ ﻣﺴﻮﺍﻟﺞ ﺷﻲ ﻫﺎﻟﻨﺬﻝ ﻭﺍﻟﻠﻪ ﺍﺷﺘﻜﻲ ﻋﻠﻴﻪ ﺑﺎﻟﻤﺮﻛﺰ ﻭﺍﺧﻠﻴﻬﻢ ﻳﺴﺤﻠﻮﻧﺔ
ﻋﺴﺎﻑ - ﺳﺎﺭﺓ ﻛﺎﻓﻲ ﻣﻮ ﻭﻛﺘﺔ ﻫﺬﺍ ﺍﻟﺤﺠﻲ ﺑﻌﺪﻳﻦ ﺍﺣﺠﻲ ﻣﺪﺍﺗﺸﻮﻓﻴﻦ ﻭﺿﻌﻬﺎ ﺭﺣﻤﻲ ﺑﺤﺎﻟﻬﺎ ﻭﺳﻜﺘﻲ
ﺍﻧﻲ ﻫﺰﻳﺖ ﺭﺍﺳﻲ ﺑﻀﻌﻒ ﻭﻭﺍﻓﻘﺖ ﻛﻼﻡ ﻋﺴﺎﻑ
ﻓﻌﻼً ﻣﺎ ﻋﻨﺪﻱ ﻃﺎﻗﺔ ﺍﺣﺠﻲ ﺍﻱ ﺣﺮﻑ
ﺳﺎﺭﺓ ﺑﺴﺆﺍﻝ - ﺍﺫﺍﺝ ؟؟؟؟؟
ﻫﺰﻳﺖ ﺭﺍﺳﻲ ﺏ ﻻ
ﻭﺩﻣﻮﻋﻲ ﺗﻨﺰﻝ
ﺭﺟﻌﺖ ﻟﻠﺒﻴﺖ ﻭﺍﻧﻲ ﺍﺩﺍﺭﻱ ﺑﺠﺮﻭﺣﻲ
ﻭﺧﺎﻳﻔﺔ ﺍﺣﺪ ﻳﺸﻮﻑ ﻣﻨﻈﺮﻱ ﺍﻟﻤﺨﻴﻒ
ﻭﻳﻜﻌﺪ ﻳﺴﺄﻟﻨﻲ
ﻣﺎ ﺍﻋﺮﻑ ﻣﻨﻮ ﺍﻻﺷﺪ ﺍﻟﻢ ﺟﺮﺡ ﮔﻠﺒﻲ ﻟﻮ ﺭﺩﺓ ﻓﻌﻞ ﺛﺎﺋﺮ
ﺣﻤﺪﺕ ﺍﻟﻠﻪ ﻭﺷﻜﺮﺗﺔ ﺍﻟﻒ ﻣﺮﺓ ﺍﻥ ﺍﻟﻮﻗﺖ ﻇﻬﺮ
ﻭﺍﻟﻲ ﺑﺎﻟﺒﻴﺖ ﻛﻠﻬﻢ ﻧﺎﻳﻤﻴﻦ ﻭﻛﺎﻥ ﺣﺴﻦ ﻧﺎﻳﻢ ﻋﺪ ﺍﻣﻲ
ﺻﻌﺪﺕ ﻓﻮﻙ ﻋﻠﻰ ﺍﻃﺮﺍﻑ ﺍﺻﺎﺑﻴﻌﻲ
ﻭﺣﺎﻃﺔ ﺍﻳﺪﻱ ﻋﻠﻰ ﺣﻠﮕﻲ ﺧﺎﻑ ﺍﺣﺪ ﻳﺴﻤﻊ ﺷﻬﮕﺎﺗﻲ
ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺍﺗﻜﺄﺕ ﻋﻠﻴﻪ
ﻭﻧﺰﻟﺖ ﮔﻌﺪﺕ ﺑﺎﻟﮕﺎﻉ ﻭﺭﺟﻌﺖ ﺭﺍﺳﻲ ﻟﻠﺨﻠﻒ
ﺍﺣﺲ ﺑﺮﻭﺣﻲ ﺟﺎﻱ ﺗﻨﺎﺯﻉ ﻣﻦ ﺍﻻﻟﻢ
ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺻﺤﺖ ﺑﺼﻮﺕ ﻣﺘﻜﻮﻡ
ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻩ ﻟﻴﺶ ﻟﻴﺶ ﺭﺑﻲ ﺍﻧﻲ ﺷﻨﻮ ﺳﻮﻳﺖ ﺣﺘﻰ ﺍﺳﺘﺎﻫﻞ ﺍﻟﻲ ﻳﺼﻴﺮ ﻭﻳﺎﻱ
(((((((((()))))))))
ﺍﻟﻰ ﻫﻨﺎ ﻳﺎ ﺍﺣﺒﺘﻲ ﻳﺼﻞ ﻧﻬﺎﻳﺔ ﺍﻟﺠﺰﺀ ﺍﻻﻭﻝ ﻣﻦ ﺛﻤﺎﺭ ﺍﻟﻌﺎﺭ ﺑﺎﻟﺤﻼﻝ
ﻭﻟﺤﻜﺎﻳﺘﻲ ﺑﻘﻴﺔ ﻓﺄﻧﺘﻈﺮﻭﻧﻲ ﺍﺭﻭﻳﻬﺎ ﻟﻜﻢ
ﻓﻲ ﺍﻟﺠﺰﺀ ﺍﻟﺜﺎﻧﻲ ﻣﻊ ﺑﻄﻠﺘﻲ ﺳﻬﻰ ﻭﺛﺎﺋﺮ
ﺳﻮﻑ ﺑﺪﺍﺀ ﻛﻼ ﺍﻟﺒﻄﻠﻴﻦ ﻣﺸﻮﺍﺭ ﺟﺪﻳﺪ ﻣﻦ ﺣﻴﺎﺗﻬﻢ
ﻫﻞ ﻳﺎ ﺗﺮﻯ ﺳﺘﻠﺘﻘﻲ ﺩﺭﻭﺑﻬﻢ ﺍﻡ ﻟﻠﻘﺪﺭ ﺭﺃﻱٌ ﺍﺧﺮ
ﻭﺷﻜﺮﺍً
ﻣﻊ ﺗﺤﻴﺎﺕ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء