رواية نهوة حارث الجزء السادس
للكاتبة زينب ماجد
🔹🔸🥇🔹🔸
ﺑﻘﻴﺖ ﺍﺭﻣﻲ ﻋﻠﻴﻬﻢ ﺍﺟﻮ ﻋﻤﺎﻣﻲ ﻳﺮﻛﻀﻮﻥ ﻭﺍﻟﻔﺮﻉ ﻛﻠﻪ ﻃﻠﻊ ﻟﺰﻣﻮ ﺳﻼﺣﻲ ﻛﺘﻠﻬﻢ ﺧﻠﻮﻧﻲ ﻋﻠﻴﻪ ﻟﻬﻞ ﻋﺎﺍﺍﺍﺍﺍﺭ ﺍﺫﺍ ﺭﺟﺎﻝ ﻳﻄﻠﻊ ﻭﻳﻮﺍﺟﻬﻨﻲ ..
ﻃﻠﻊ ﺧﺎﻟﻲ ﻳﺼﻴﺢ ﻭﻳﻐﻠﻂ ﻛﺘﻠﻪ ﺧﺎﻟﻲ ﻣﺤﺘﺮﻡ ﺷﻴﺒﺎﺗﻚ ﻭﻣﺎ ﺣﺎﺟﻲ ﻃﻠﻌﻲ ﺍﺑﻨﻚ .. ﻛﺎﻝ ﻣﺤﺘﺮﻙ ﺩﻣﻪ ﻏﻴﺮ ﺭﺍﺡ ﺗﺘﺰﻭﺝ ﻋﻠﻪ ﺍﺧﺘﻪ
ﻛﺘﻠﻪ ﻫﺎﺍﺍﺍﺍﺍ ﻳﻌﻨﻲ ﻣﻦ ﺍﻧﻄﻴﺘﻨﻲ ﺑﺘﻚ ﻣﺎ ﺗﻌﺮﻑ ﺍﻧﻪ ﻧﺎﻫﻲ ﻋﻞ ﺑﺖ ﻋﻤﻲ ﻭﺍﺭﻳﺪﻫﺎ .. ﻣﺎ ﻛﺘﻠﻬﻢ ﺑﻬﺎﻱ ..
ﻋﻤﺎﻣﻲ ﻛﺎﻟﻮ ﺑﺲ ﻛﻠﻠﻨﻪ ﺷﻨﻮ ﺍﻟﻤﻮﺿﻮﻉ .. ﻛﺘﻠﻬﻢ ﻗﺮﺭﺕ ﺍﺧﺬ ﺑﺖ ﻋﻤﻲ ﺍﻟﻠﻲ ﺍﺑﻐﺪﺍﺩ ﻭﺍﺗﺰﻭﺟﻬﺎ .. ﻭﺍﺳﻤﻌﻪ ﻳﻜﻮﻝ ﻻﺧﺘﻪ ﺗﺎﻟﻴﺘﻪ ﺣﻮﻳﺮﺙ ﻳﺘﺰﻭﺝ ﻛﺤﺎ .. ﺑﻐﺪﺍﺩ ﻭﻳﺴﻮﻳﻬﻦ ﺷﺮﻳﻔﺎﺕ ﺑﺮﺍﺳﺞ
ﻋﻤﺎﻣﻲ ﺍﻧﺘﻔﻀﻮ ﻭﻳﺎﻱ ﻭﻛﺎﻣﻮ ﻳﺤﺠﻮﻥ ﻭﻋﻠﻰ ﺻﻮﺗﻬﻢ ﻭﻳﻪ ﺧﺎﻟﻲ .. ﺍﻟﺘﻤﻮ ﻋﻤﺎﻣﻲ ﻭﻭﻟﺪ ﻋﻤﻲ ﻛﻠﻬﻢ ﻭﻋﻤﺎﻡ ﺧﺎﻟﻲ ﻭﺍﻫﻠﻪ ﻛﻠﻬﻢ ﺍﺟﻮ
ﺍﺩﺧﻠﻮ ﺑﻴﻬﺎ ﺷﻴﻮﺥ ﻭﻭﻧﺎﺱ ﻛﺒﺎﺭ ﻭﺟﻤﻌﻮﻧﻪ ﺑﺎﻟﺪﻳﻮﺍﻥ ﻣﺎﻝ ﺍﻟﻌﺸﻴﺮﻩ ﻣﺎﻟﺘﻨﻪ ﻭﺳﻮﻭﻫﺎ ﺟﺒﻴﺮﻩ ﻋﻠﻴﻬﻢ .. ﻭﻛﺎﻟﻮﻟﻬﻢ ﻋﻠﻴﻬﺎ ﻓﺼﻞ ﻫﻠﭽﻠﻤﻪ
ﺗﻜﻮﻟﻮﻥ ﻋﻠﻰ ﺑﻨﺎﺗﻨﺎ ﻛﺤﺎ .. ﺷﻨﻲ ﺑﻮﻳﻪ ﻛﺎﻭﻟﻴﻪ ﺍﺣﻨﻪ ﺷﻔﺘﻮﻧﻪ ﻧﺘﺮﺍﻛﺺ ﻣﺎ ﺍﺣﺘﺮﻣﺘﻮ ﺷﻴﺒﺎﺗﻨﺎ ﻭﺗﺤﺠﻮﻥ ﻋﻠﻰ ﺑﺘﻨﺎ
ﺑﻘﻪ ﺍﻟﺪﻳﻮﺍﻥ ﻣﻜﺘﺾ ﻋﻤﺎﻣﻲ ﻳﺼﻴﺤﻮﻥ ﻭﻭﻟﺪ ﻋﻤﻲ ﻳﻬﺪﺩﻭﻥ ﻭﻋﻤﺎﻣﻪ ﺗﺼﻴﺢ .. ﺍﺧﺮ ﺷﻲ ﻛﺎﻟﻮ ﺍﻧﻄﻮﻧﻪ ﻋﻄﻮﻩ
ﻳﻮﻣﻴﻦ ﻭﻧﻠﻢ ﺯﻟﻤﻨﻪ ﻭﻧﻜﻌﺪ ﻭﻳﺎﻛﻢ ﻭﻧﺘﻔﺎﻫﻢ .. ﻋﻔﺘﻬﻢ ﻭﺭﺟﻌﺖ ﻟﻠﺒﻴﺖ .. ﻛﻌﺪﺕ ﺍﻣﻲ ﺑﻘﺖ ﺗﻠﻮﻡ ﻋﻠﻴﻪ ﺷﻠﻮﻥ ﻫﺪﻳﺖ ﻋﻠﻰ ﺑﻴﺖ ﺍﺧﻮﻫﺎ
ﻛﺘﻠﻬﺎ ﻳﻤﻪ ﻳﻔﺸﺮ ﻋﻠﻰ ﻋﺮﺿﻲ ﻭﺗﺮﺩﻳﻦ ﺍﺳﻜﺖ ﺷﻨﻲ ﺍﻧﻪ ﻗﺮﻗﻮﺯ ﻟﻮ ﺩﺛﻮ ﻭﻣﺎ ﺍﻫﺘﻢ .. ﺻﺤﺖ ﻓﺎﺍﺍﺍﺍﺍﻃﻤﻪ
ﻛﺎﻟﺖ ﺍﺣﻼﻡ ﻣﻮ ﻫﻨﺎ .. ﺩﺭﺗﻠﻬﺎ ﻭﺟﻬﻲ ﺑﻐﻀﺐ ﻛﺘﻠﻬﺎ ﻭﻳﻨﻬﺎ ﻛﺎﻟﺖ ﺍﺧﺬﺕ ﻣﻼﺑﺴﻬﺎ ﻭﺟﻬﺎﻟﻬﺎ ﻭﺭﺍﺣﺖ ﻻﻫﻠﻬﺎ
ﻛﺘﻠﻬﺎ ﺍﻧﻮﻭﻭﺏ ﻓﻮﻙ ﻣﺎ ﻃﻠﻌﺖ ﺳﺮ ﺑﻴﺘﻲ ﻻﻫﻠﻬﺎ ﻭﺗﻄﻠﻊ ﺑﺪﻭﻥ ﻋﻠﻤﻲ ﻭﺍﻟﻠﻪ ﺍﻻ ﺍﻧﺪﻣﻬﺎ ﻭﺍﺧﻠﻴﻬﺎ ﺗﺒﻮﺱ ﺍﻻﺭﺟﻞ ﺣﺘﻪ ﺗﺮﺟﻊ
ﺍﻧﻪ ﺍﻟﻬﺎ .. ﺭﺣﺖ ﻟﻠﻤﺤﻜﻤﻪ ﻗﺪﻣﺖ ﻋﻠﻴﻬﺎ ﺩﻋﻮﺓ ﻃﻼﻙ ﻭﻃﻠﻜﺘﻬﺎ .. ﺭﺟﻌﺖ ﺍﻣﻲ ﻛﺎﻣﺖ ﺗﻠﻄﻢ ﺷﻠﻮﻥ ﺍﻃﻠﻜﻬﺎ ﻣﺎ ﻭﻛﻔﻮ ﺑﻌﻴﻨﻚ ﺟﻬﺎﻟﻚ
ﻛﺘﻠﻬﺎ ﺍﻟﻤﺮﻩ ﺍﻟﻤﺎ ﺣﻔﻈﺖ ﺳﺮ ﺑﻴﺖ ﺭﺟﻠﻬﺎ ﻣﺎ ﺍﺭﻳﺪﻫﺎ ﻣﺮﻩ ﺗﺮﻭﺡ ﻻﻫﻠﻬﺎ ﺗﺤﺠﻴﻠﻬﻢ ﻋﻠﻰ ﺍﺳﺮﺍﺭﻱ ﻭﻻ ﺍﺭﻳﺪﻫﺎ ﻭﺟﻬﺎﻟﻲ ﺍﺧﺬﻫﻢ ﻣﻦ ﻋﻴﻨﻬﺎ
ﺍﺧﺬﺕ ﺳﻼﺣﻲ ﻭﺛﻨﻴﻦ ﻣﻦ ﻭﻟﺪ ﻋﻤﻲ ﻭﺩﻛﻴﻨﻪ ﺍﻟﺒﺎﺏ ﺗﻜﺴﻴﺮ .. ﺻﺤﺖ ﻃﻠﻌﻮﻟﻲ ﺍﻟﺠﻬﺎﻝ ﻻ ﻭﺍﻟﻌﺒﺎﺱ ﺍﻫﺪ ﺑﻴﺘﻜﻢ ﻋﻠﻴﻜﻢ
ﻃﻠﻊ ﺧﺎﻟﻲ ﻛﺎﻝ ﺍﻟﺠﻬﺎﻝ ﻣﺎ ﻳﺘﻔﺮﻗﻮﻥ ﻋﻦ ﺍﻣﻬﻢ ﺻﻐﺎﺭ ﻛﺘﻠﻪ ﺟﻬﺎﺍﺍﺍﺍﻟﻲ ﺫﻭﻝ ﻣﻦ ﺩﻣﻲ ﻭﻟﺤﻢ ﺷﺎﻳﻠﻴﻦ ﺍﺳﻤﻲ ﺍﻋﻮﻓﻬﻢ ﻟﺒﺘﻚ
ﺍﻃﻠﻌﻮﻟﻲ ﺟﻬﺎﻟﻲ ﻻ ﺍﺣﺮﻙ ﺍﻟﺪﻧﻴﺎ ﻭﺍﻟﻠﻪ .. ﺍﻧﻔﺘﺢ ﺍﻟﺒﺎﺏ ﺑﺎﻟﻬﻮ ﻭﺍﺷﻮﻑ ﺟﻬﺎﻟﻲ ﻳﺮﺩﻭﻥ ﻳﺮﻛﻀﻮﻟﻲ ﻻﻥ ﺳﻤﻌﻮ ﺻﻮﺗﻲ ﻭﻫﻴﻪ ﻻﺯﻣﺘﻬﻢ ﻣﻦ ﺍﺩﻳﻬﻢ ﻭﺗﺠﺮ ﺑﻴﻬﻢ
🔹🔸🥇🔹🔸
ﺻﺤﺖ ﻣﺼﻄﻔﻰ ﺑﺼﻮﺕ ﻋﺎﻟﻲ ﻛﻤﺰﺕ ﻫﻴﻪ ﻓﻠﺘﺖ ﺍﻳﺪ ﻣﺼﻄﻔﻰ ﻋﻨﻬﺎ ﺭﻛﻀﻠﻲ ﻭﺍﺟﻪ ﻳﻤﻲ .. ﻃﻠﻌﺖ ﻭﺭﺍﻩ ﺗﺒﺠﻲ ﻭﺗﺼﻴﺢ ﻻﺍﺍﺍﺍ ﻻ ﺗﺎﺧﺬﻩ
ﻃﻠﻊ ﻣﺮﺗﻀﻰ ﻫﻢ ﺟﻠﺐ ﺑﺮﺟﻠﻲ ﺷﻠﺘﻬﻢ ﺍﺛﻨﻴﻨﻬﻢ ﺗﺨﺒﻠﺖ ﺿﻠﺖ ﺗﺼﻴﺢ ﻭﺗﺒﻮﺱ ﺑﻴﺪﻱ ﻋﻮﻑ ﺟﻬﺎﻟﻲ ﻻ ﺗﺎﺧﺬﻫﻢ ﻓﺪﻭﺗﻚ ﻋﻮﻓﻬﻢ
ﻭﺗﺠﺮ ﺑﻤﺮﺗﻀﻰ ﻭﻣﺮﺗﻀﻰ ﻳﺒﺠﻲ .. ﺍﻟﻲ ﺍﻥ ﺳﺤﺒﺖ ﻣﺮﺗﻀﻰ ﺣﻴﻞ ﻣﻦ ﺍﻳﺪﻱ ﻛﺘﻠﻬﺎ ﺟﻴﺒﻴﻪ ﺩﺧﻠﺘﻪ ﻟﻠﺒﻴﺖ ﻭﻭﻛﻔﺖ ﻛﺒﺎﻟﻲ
ﻛﺎﻟﺖ ﺍﺣﻠﻔﻚ ﺑﺎﻟﻌﺸﺮﻩ ﻭﺍﻟﺰﺍﺩ ﻭﺍﻟﻤﻠﺢ ﺍﻟﺒﻴﻨﺎﺗﻨﻪ ﻋﻴﻔﻪ ﻳﻤﻲ ﻣﺮﺗﻀﻰ ﻳﺮﺿﻊ ﻋﻠﻰ ﺻﺪﺭﻱ ﻣﺎ ﻳﻜﺪﺭ ﺑﺪﻭﻧﻲ
ﺩﺭﺕ ﻭﺟﻬﻲ ﻣﻨﻬﺎ ﺷﻠﺖ ﻣﺼﻄﻔﻰ ﻭﺭﺣﺖ ﻟﺒﻴﺖ ﺍﻫﻠﻲ ﺩﺧﻠﺘﻪ ﺍﻣﻲ ﻛﺎﻣﺖ ﺗﺼﺮﺥ ﺷﻠﻮﻥ ﺗﺎﺧﺬﻩ ﻣﻦ ﺍﻣﻪ ﺍﻧﺘﻪ ﻣﺎ ﺗﺨﺎﻑ ﺍﻟﻠﻪ
ﻛﺘﻠﻬﺎ ﺍﺳﻜﺘﻲ ﻻ ﺗﺨﻠﻴﻨﻲ ﺣﺘﻰ ﺫﺍﻙ ﺍﺟﻴﺒﻪ ﻭﻋﻠﻲ ﺍﺧﺬﺕ ﻣﺼﻄﻔﻰ ﻭﺭﺣﺖ ﻟﻠﻐﺮﻓﻪ ﺍﻧﻮﻣﻪ .. ﺑﻘﻴﺖ ﺍﻟﻌﺐ ﺑﺸﻌﺮﻩ
ﻛﺎﻝ ﺑﺎﺑﺎ ﻣﺎﻣﺎ ﺍﻳﻨﻬﺎ .. ﻛﺘﻠﻪ ﺭﺍﺣﺖ ﺗﻀﺮﺏ ﺍﺑﺮﻩ ﻧﺎﻡ .. ﻛﺎﻝ ﻭﺗﻄﻪ .. ﻛﺘﻠﻪ ﺭﺿﺎﻭﻱ ﻫﻢ ﻭﻳﺎﻫﺎ ﻳﻀﺮﺏ ﺍﺑﺮﻩ ﺗﺮﻳﺪ ﺍﻭﺩﻳﻚ ﻳﻤﻬﻢ ﻳﻀﺮﺑﻮﻙ ﺍﺑﺮﻩ
ﻛﺎﻝ ﻻ ﺍﻫﺎﻑ .. ﻛﺘﻠﻪ ﻳﻠﻪ ﻧﺎﻡ .. ﺑﻘﻴﺖ ﺍﻓﻜﺮ ﺑﺎﻟﻮﺿﻊ ﻭﺷﺼﺎﺭ ﺑﻴﻪ ﻭﺷﻠﻮﻥ ﺍﻧﻜﻠﺒﺖ ﺣﻴﺎﺗﻲ .. ﻛﻠﻬﺎ ﺍﻟﻨﺎﺱ ﺻﺎﺭﺕ ﺗﺤﺠﻲ ﺷﺒﻴﻬﺎ ﺭﻓﻞ
ﻭﻣﻨﻮ ﺍﻟﺨﺎﻃﻔﻬﺎ ﻋﺴﺎﻧﻲ ﻻ ﺣﺠﻴﺖ ﻻﻣﻲ .. ﺳﺮ ﻭﺗﺤﺠﻲ ﺑﻴﻪ ﺍﺑﻴﺖ ﺑﻴﻪ ﻧﺴﻮﺍﻥ .. ﺛﺎﻧﻲ ﻳﻮﻡ ﺗﻠﻜﻪ ﺍﻟﺴﻮﻙ ﻛﻠﻪ ﻳﺤﺠﻲ ﺑﻴﻪ ..
ﻏﻤﻀﺖ ﻭﻧﻤﺖ ﻭﻳﻪ ﺍﺑﻨﻲ ﻟﺸﻮﻱ ﻛﻌﺪﺕ ﻭﻫﻮﻩ ﺑﻘﻰ ﻧﺎﻳﻢ .. ﺑﺪﻟﺖ ﻭﻃﻠﻌﺖ ﻳﻢ ﻋﻤﺎﻣﻲ .. ﻛﺎﻟﻮ ﺷﻨﻮ ﺳﺎﻟﻔﺔ ﺭﻓﻞ
ﻛﺘﻠﻬﻢ ﺍﺗﻌﺮﺿﺖ ﻟﺤﺎﺩﺙ ﻭﻧﺎﺱ ﺣﺎﻗﺪﻩ ﻋﻠﻲ ﻋﻤﻲ ﻭﺍﺧﺬﻭﻫﺎ ﻭﺑﻨﻔﺲ ﺍﻟﻴﻮﻡ ﺭﺟﻌﺘﻬﺎ .. ﻛﺎﻟﻮ ﺑﻴﻬﺎ ﺷﻲ
ﻛﺘﻠﻬﻢ ﻻ ﻛﺎﻟﻮ ﻣﻨﻮ ﻛﺎﻝ .. ﺣﺎﺭﺙ ﺗﺮﻳﺪ ﺗﺴﻜﺖ ﺍﻟﻨﺎﺱ ﺍﺧﺬ ﺑﺖ ﻋﻤﻚ ﺑﺴﺮﻋﻪ ﻭﺍﺳﺘﺮ ﻋﻠﻴﻬﺎ ﻭﻃﻠﻊ ﺑﻴﺎﺿﻬﺎ ﻭﺳﻜﺖ ﺣﻠﻮﻙ ﺍﻟﻌﺎﻟﻢ ﺑﻴﻪ
ﺧﻞ ﺍﻟﻌﺎﻟﻢ ﻛﻠﻪ ﻳﻌﺮﻑ ﺑﺘﻨﻪ ﻣﺤﺪ ﺩﻧﺴﻬﺎ .. ﻛﺘﻠﻪ ﺍﻧﺸﺎﻟﻠﻪ ﻋﻤﻲ .. ﺧﺎﺑﺮﺕ ﻋﻤﻲ ﻳﺎﺳﻴﻦ ﻛﺘﻠﻪ ﻫﻴﺞ ﻭﻫﻴﺞ ﺻﺎﺭﺕ ﺍﻟﺴﺎﻟﻔﻪ ﺑﺎﻟﺴﻠﻒ
ﻛﺎﻝ ﺍﻧﻔﻀﺤﺖ .. ﻛﺘﻠﻪ ﻣﺎ ﻋﺎﺵ ﺍﻟﻴﻔﻀﺤﻚ ﻋﻤﻲ ﺭﺍﺳﻚ ﻣﺮﻓﻮﻉ ﺍﻧﺸﺎﻟﻠﻪ .. ﺟﻬﺰ ﺑﺘﻚ ﺑﻌﺪ ﻳﻮﻣﻴﻦ ﺍﺟﻲ ﺍﺧﺬﻫﺎ ﻣﻨﻚ
ﻛﺎﻝ ﺷﻜﺮﺍ ﻭﻟﻴﺪﻱ ﻛﺘﻠﻪ ﺍﻟﻌﻔﻮ ﻋﻤﻲ ﻭﺍﺟﺒﻲ .. ﺳﺪﻳﺘﻪ ﻭﻛﻌﺪﺕ ﺍﻓﻜﺮ .. ﺿﺮﺑﺘﻬﺎ ﺩﺍﻟﻐﻪ .. ﺍﺫﺍ ﺟﺒﺖ ﺭﻓﻞ ﻫﻴﺞ ﻭﻃﻤﻄﻤﺘﻬﺎ ﺭﺍﺡ ﺍﺣﻖ ﺍﻟﺴﺎﻟﻔﻪ ﻋﻠﻲّ
ﻻﺯﻡ ﺍﺳﻮﻳﻠﻬﺎ ﻋﺮﺱ ﻻ ﺻﺎﺭ ﻭﻻ ﺍﺳﺘﻮﻩ ﺍﺧﻠﻲ ﺍﻟﺴﻠﻒ ﻛﻠﻬﺎ ﺗﺤﺠﻲ ﺑﻴﻪ .. ﻋﻠﻤﻮﺩ ﺍﺑﻌﺪ ﺍﻟﻜﻠﻤﻪ ﻋﻨﻬﺎ ﻭﺍﺛﺒﺖ ﺑﺮﺍﺋﺘﻬﺎ ﻭﻃﻬﺎﺭﺗﻬﺎ ﻛﺪﺍﻡ ﺍﻟﻌﺎﻟﻢ
ﺍﻭﻝ ﺷﻲ ﺳﻮﻳﺘﻪ ﺍﺧﺬﺕ ﻏﺮﻓﺔ ﻭﻧﺼﺒﺖ ﺍﺧﺸﺎﺏ ﺟﺪﻳﺪﻩ ﻭﻋﺪﻟﺘﻬﺎ ﻭﺧﻠﻴﺘﻠﻬﺎ ﺗﻜﻴﻴﻒ ﻭﺍﺛﺜﺘﻬﺎ .. ﻭﺻﺒﻐﺖ ﺍﻟﺒﻴﺖ ﻭﻋﺪﻟﺖ ﺑﻴﻪ ..
ﻭﺍﻧﻄﻴﺖ ﻓﻠﻮﺱ ﻟﺨﻮﺍﺗﻲ ﻛﺘﻠﻬﻦ ﺍﺗﺤﻀﺮﻥ ﻋﺮﺳﻲ ﺑﺎﺟﺮ ﺍﺟﻴﺒﻬﺎ .. ﻓﺮﺣﻦ ﺭﺣﺖ ﺍﺧﺬﺕ ﺍﺟﺎﺯﻩ ﺯﻭﺟﻴﻪ ﺍﻟﻴﻪ ﻣﻦ ﺍﻟﻤﺮﻛﺰ
ﻭﺭﺣﺖ ﻟﻠﻨﺎﺻﺮﻳﻪ ﺍﺟﻴﺐ ﺭﻓﻞ …
……… .
ﻣﻦ ﻋﺮﻓﺖ ﻋﻤﺮ ﺧﺎﺩﻋﻨﻲ ﻭﻫﻴﺞ ﺟﺎﻧﺖ ﻧﻴﺘﻪ ﻭﺭﺍﺩ ﻳﻜﺴﺮﻧﻲ ﻣﺘﺖ 7 ﺍﺳﻨﻴﻦ ﻣﻦ ﺣﻴﺎﺗﻲ ﺟﻨﺖ ﻋﺎﻳﺸﺘﻬﺎ ﺑﻮﻫﻢ ﻣﻦ ﻭﺭﻩ ﻋﻤﺮ
ﻛﻞ ﻫﻠﺴﻨﻴﻦ ﻳﻮﻫﻤﻨﻲ ﺑﺤﺒﻪ ﻣﻌﻘﻮﻟﻪ ﻋﻤﺮ ﻣﺠﺎﻥ ﻳﺤﺒﻨﻲ ﻣﺴﺘﺤﻴﻞ ﻭﺍﻟﻜﻼﻡ ﻭﺍﻟﺤﺐ ﻭﺍﻟﻐﺰﻝ ﺍﻟﻠﻲ ﻳﺴﻤﻌﻨﻴﺎﻩ ﻭﻳﻨﻪ
🔹🔸🥇🔹🔸
ﻣﺮﺕ ﺍﻳﺎﻡ ﻭﺍﻧﻲ ﺑﺲ ﺍﺑﺠﻲ ﺑﻐﺮﻓﺘﻲ ﻭﺗﺠﻲ ﺍﻣﻲ ﺳﺎﻋﻪ ﺗﺒﺠﻲ ﻭﻳﺎﻱ ﻭﺳﺎﻋﻪ ﺗﺮﺯﻝ ﺑﻴﻪ ..
ﺍﻟﻲ ﺍﻥ ﻓﺪ ﻳﻮﻡ ﺩﺧﻞ ﻋﻠﻴﻪ ﺑﺎﺑﺎ ﻛﺎﻝ ﺟﻬﺰﻱ ﻧﻔﺴﺞ ﺑﺎﺟﺮ ﺣﺎﺭﺙ ﺟﺎﻱ ﻳﺎﺧﺬﺝ .. ﻛﻤﺖ ﻣﻦ ﻣﻜﺎﻧﻲ ﻭﻛﺘﻠﻪ ﻣﺴﺘﺤﻴﻴﻴﻴﻞ
ﻛﺎﻝ ﻻ ﺗﺨﻠﻴﻨﻲ ﺍﺻﻴﺮ ﻋﺼﺒﻲ ﻭﺗﻄﻠﻊ ﺭﻭﺣﻲ ﻋﻠﻴﺞ .. ﻣﺘﺴﺘﺎﻫﻠﻴﻦ ﺍﺩﻟﻠﺞ ﻭﺍﺣﺒﺞ ﺑﻌﺪ ﺍﻟﻠﻲ ﺳﻮﻳﺘﻴﻪ ﻭﺑﺲ ﺣﺎﺭﺙ ﺩﻭﺍﺝ
ﻛﺘﻠﻪ ﺑﺎﺑﺎ ﻓﺪﻭﻩ ﻣﺎ ﺍﺗﺤﻤﻠﻬﻢ ﻣﺎ ﺍﺗﺤﻤﻞ ﻋﻴﺸﺘﻬﻢ .. ﻛﺎﻝ ﻣﺎ ﺗﺘﺤﻤﻠﻴﻦ ﻋﻴﺸﺘﻪ ﻭﺍﺣﻨﻪ ﻟﺤﻜﻨﺎﺝ ﻋﻠﻰ ﺍﺧﺮ ﻟﺤﻈﻪ ﺟﺎﻥ ﺳﻮﺩﺗﻲ ﻭﺟﻮﻫﻨﻪ
ﺣﺮﻑ ﻣﺎ ﺍﺳﻤﻊ ﺗﺤﻀﺮﻳﻦ ﻭﺗﺮﺣﻴﻦ ﺍﻟﻪ ﻣﻮ ﺯﻳﻦ ﻗﺒﻞ ﻳﺴﺘﺮ ﻋﻠﻴﺞ .. ﻛﺘﻠﻪ ﻭﺍﻧﻲ ﻣﺎ ﺳﻮﻳﺖ ﺍﻟﻐﻠﻂ ﻛﺎﻝ ﻫﻮﻩ ﻟﺤﻜﺞ ﻭﻣﺎ ﺳﻮﻳﺘﻲ ﻟﻮ ﻣﺎﻫﻮ ﺟﺎﻥ … ﺧﻠﻴﻨﻲ ﺳﺎﻛﺖ ﻻ ﻳﺼﻌﺪ ﺿﻐﻄﻲ
ﺑﺎﻭﻉ ﻻﻣﻲ ﻭﻛﺎﻟﻠﻬﺎ ﺟﻬﺰﻱ ﺑﻨﺘﺞ ﻭﻃﻠﻊ .. ﺣﻈﻨﺘﻨﻲ ﺍﻣﻲ ﻭﺑﻘﻴﺖ ﺍﺑﺠﻲ ﻛﺘﻠﻬﺎ ﻣﺎﻣﺎ ﻣﺎ ﺍﺭﻳﺪ ﺍﺗﺰﻭﺟﻪ ..
ﻛﺎﻟﺖ ﻭﺗﺎﻟﻲ ﻣﺎﻣﺎ ﺗﺒﻘﻴﻦ ﻋﻤﺮﺝ ﻫﻴﺞ .. ﺍﺑﻮﺝ ﺑﻌﺪ ﻣﻴﺄﻣﻦ ﺍﻃﻠﻌﻴﻦ ﺑﺎﺏ ﺍﻟﺸﺎﺭﻉ .. ﻭﺧﻄﺎﺑﻪ ﻣﺤﺪ ﻳﺠﻲ ﻋﻠﻴﺞ ﻻ ﻳﻌﺮﻓﻮﻥ ﺍﺑﻦ ﻋﻤﺞ ﻧﺎﻫﻲ ﻋﻠﻴﺞ
ﻭﺗﺎﻟﻲ ﻭﻳﻦ ﺗﺼﻔﻴﻦ .. ﺣﺎﺭﺙ ﺧﻮﺵ ﻭﻟﺪ ﻭﺍﺧﻼﻗﻪ ﺣﻠﻮﻩ ﻣﺎﻣﺎ ﺍﻗﺒﻠﻲ ﻛﺘﻠﻬﺎ ﻣﺎﻣﺎ ﻣﺎ ﺍﺭﻳﺪ ﺍﺑﺘﻌﺪ ﻣﻦ ﺑﻐﺪﺍﺩ ﻣﺎ ﺍﺗﺤﻤﻞ ﺣﻴﺎﺗﻬﻢ ﻫﻨﺎﻙ
ﻛﺎﻟﺖ ﺷﺘﺴﻮﻳﻦ ﺑﻨﺘﻲ ﻫﺬﺍ ﻗﺪﺭﺝ ﺍﺗﺤﻤﻠﻲ ﻭﺍﻧﺸﺎﻟﻠﻪ ﺑﺠﺎﻩ ﺍﻟﻨﺒﻲ ﺣﺎﺭﺙ ﻳﺪﺍﺭﻳﺞ ﻭﻳﻌﺮﻑ ﻗﺪﺭﺝ
ﺍﺧﺬﺗﻨﻲ ﻣﺎﻣﺎ ﻟﻠﺼﺎﻟﻮﻥ ﻏﺼﺐ ﻋﻨﻲ ﺣﻔﻮﻟﻲ ﻭﺳﻮﻭﻟﻲ ﺍﻟﻤﺴﺎﺝ ﻭﺍﻟﺘﺮﺗﻴﺒﺎﺕ ﻭﺍﺷﺘﺮﺗﻠﻲ ﻓﺴﺘﺎﻥ ﺍﺑﻴﺾ ﻭﻣﻼﺑﺲ ﻋﺮﺱ ﻭﻣﻜﻴﺎﺝ ﻭﻣﻼﺑﺲ ﻧﻮﻡ
ﻛﺘﻠﻬﺎ ﻣﺎﻣﺎ ﻣﺎ ﺍﻟﺒﺲ ﺫﻧﻲ ﻛﺎﻟﺖ ﻻ ﻣﺎﻣﺎ ﻣﺪﺍﻡ ﺗﺘﺰﻭﺟﻴﻦ ﻻﺯﻡ ﺗﻨﻄﻴﻦ ﺣﻖ ﺯﻭﺟﺞ ﻣﻴﺼﻴﺮ ..
ﻧﻤﺖ ﻭﺍﻟﺪﻣﻌﻪ ﺑﻌﻴﻮﻧﻲ ﻳﺎﺭﺑﻲ ﻣﺎ ﺍﺭﻳﺪﻩ ﻭﻻ ﺍﻃﻴﻘﻪ ﻣﻠﻴﻖ ﻫﻤﺠﻲ ﻣﺎ ﺍﺭﻳﺪﻩ ..
ﻛﻌﺪﺕ ﺍﻟﺼﺒﺢ .. ﻛﺎﻟﺘﻠﻲ ﺍﻣﻲ ﺣﻈﺮﻱ ﻧﻔﺴﺞ ﺭﺍﺡ ﻳﺠﻲ ﺣﺎﺭﺙ ﻳﺎﺧﺬﻧﻪ .. ﺣﻈﺮﺕ ﺟﻨﻄﻲ ﻭﻣﻼﺑﺴﻲ ﻭﺍﺳﺘﻌﺪﻳﺖ
ﻟﺸﻮﻱ ﺍﺧﻮﺍﻧﻲ ﻛﺎﻟﻮ ﺍﺟﻪ ﺣﺎﺭﺙ .. ﺭﺟﻒ ﻛﻠﺒﻲ ﻛﺄﻧﻤﺎ ﺍﺟﺖ ﺍﻟﻤﻮﺕ ﻣﺎ ﺍﺗﺤﻤﻞ ﻋﻴﺸﺘﻬﻢ ﺷﻠﻮﻥ ﺭﺍﺡ ﺍﻋﻴﺶ ﻭﻳﺎﻩ ﺷﻠﻮﻥ ﺭﺍﺡ ﺍﺗﺤﻤﻞ ﻣﺰﺍﺟﻴﺘﻪ ﻭﻋﺼﺒﻴﺘﻪ ﻭﺍﻧﻲ ﻣﺎ ﺍﺣﺒﻪ
ﺑﺪﻟﺖ ﺍﻣﻲ ﻭﺻﻌﺪﺕ ﻳﻢ ﺣﺎﺭﺙ ﺑﺎﻟﺼﺪﺭ ﻭﺍﻧﻲ ﻛﻌﺪﺕ ﻭﺭﻩ ﺑﺎﻭﻋﺘﻠﻪ ﺑﺎﻟﻤﺮﺍﻳﺎ ﻣﻴﺒﺎﻭﻋﻠﻲ ﻋﻴﻮﻧﻪ ﺑﻴﻬﺎ ﺍﻟﻒ ﺗﻔﺴﻴﺮ ﻭﻛﻞ ﻫﺘﻔﺎﺳﻴﺮ ﺗﻨﺠﻤﻊ ﺑﻤﻮﺗﻲ
ﺑﻘﻴﺖ ﺍﺑﺎﻭﻉ ﻋﻠﻴﻪ ﺍﺑﺪ ﻣﺎ ﺭﻓﻊ ﻋﻴﻨﻪ ﻭﺑﺎﻭﻋﻠﻲ ﻃﻮﻝ ﺍﻟﻄﺮﻳﻖ ﺑﺲ ﺳﺎﻛﺘﻴﻦ .. ﺩﻧﻜﺖ ﺍﺑﺠﻲ .. ﻛﺎﻟﻬﺎ ﺧﺎﻟﻪ ﺟﻮﻋﺎﻧﻴﻦ ﺍﻧﺰﻟﻜﻢ ﻣﻄﻌﻢ
ﻛﺎﻟﺖ ﻻ ﺧﺎﻟﻪ ﻣﺎ ﺿﻞ ﺷﻲ ﻭﻧﻮﺻﻞ ﺍﻟﺒﻴﺖ .. ﻭﺻﻠﻨﻪ ﻧﺰﻟﺖ ﺑﺎﻭﻋﺘﻠﻪ .. ﻳﺒﺎﻭﻉ ﻟﻠﺒﻨﻄﺮﻭﻥ ﻣﺎﻟﺘﻲ ﻭﻳﻬﺰ ﺑﺄﻳﺪﻩ
ﻛﺎﻝ ﻃﺒﻲ ﺑﺴﺮﻋﻪ ﻃﺒﻲ .. ﻭﺻﺎﺡ ﻋﻠﻰ ﺍﻣﻲ ﻛﺎﻟﻬﺎ ﺧﺎﻟﻪ ﻟﻔﻴﻬﺎ ﺑﻌﺒﺎﺗﺞ ﻭﻟﺪ ﻋﻤﻲ ﻛﻠﻬﺎ ﻭﺍﻛﻔﻪ ﻣﻦ ﻏﻴﺮ ﻫﻴﺞ ﺍﻟﺤﺠﺎﻳﻪ ﻻﻃﺸﺘﻨﻪ
ﻧﺰﻟﻨﻪ ﻟﺒﻴﺖ ﻋﻤﻪ .. ﻛﺘﻠﻬﺎ ﻣﺎﻣﺎ ﻟﻌﺪ ﻟﻴﺶ ﻣﺄﺧﺬﻧﻪ ﻟﺒﻴﺘﻪ ﻛﺎﻟﺖ ﺑﻴﺘﻪ ﺍﺩﺧﻠﻴﻠﻪ ﻋﺮﻭﺱ ﻭﺭﺍﺡ ﻳﺰﻓﻮﺝ ﻣﻦ ﺑﻴﺖ ﻋﻤﺞ ﺷﺎﻛﺮ ﻟﺒﻴﺘﻪ
ﻛﺘﻠﻬﺎ ﺍﻧﺸﺎﻟﻠﻪ ﻳﺰﻓﻮﻥ ﺗﺎﺑﻮﺗﻲ ﻭﺍﺧﻠﺺ .. ﻛﺎﻟﺖ ﺭﻓﻠﻠﻞ ﻓﻜﻲ ﻋﺎﺩ .. ﺍﻟﻨﺎﺱ ﻃﻴﺒﻪ ﻭﻋﻠﻰ ﻧﻴﺎﺗﻬﺎ .. ﻭﻳﻨﺤﺒﻮﻥ ﺗﺄﺩﺑﻲ ﻭﺻﻴﺮﻱ ﺧﻮﺵ ﻣﺮﻩ ﺣﺘﻰ ﻳﺤﺒﻮﺝ
🔹🔸🥇🔹🔸
ﺭﻓﻞ .. ﻻ ﻭﺍﻟﻠﻪ ﺍﺗﻠﻮﻛﻠﻬﻢ ﻋﻠﻤﻮﺩ ﻳﺤﺒﻮﻧﻲ ﺫﻭﻟﻪ ﺍﻟﻬﻤﺞ ﻫﻬﻬﻬﻬﻪ .. ﺑﺎﻭﻋﺘﻠﻲ ﻫﻴﺞ 😒 .. ﻛﺎﻟﺖ ﺗﻔﻜﻴﺮﺝ ﻫﺬﺍ ﻭﺗﺠﺎﻭﺯﺝ ﻫﻤﺞ ﻣﻮ ﻫﻤﻪ ..
ﻛﻌﺪﺕ ﻭﻳﻪ ﺑﻨﺎﺕ ﻋﻤﻲ ﻭﺧﻮﺍﺕ ﺣﺎﺭﺙ ﺍﺟﻦ ﻭﻛﻠﻬﺎ ﺍﻟﺘﻤﺖ ﺗﺴﻠﻢ ﻋﻠﻴﻪ .. ﺟﻨﺖ ﻻﺑﺴﻪ ﻋﺪﺳﺎﺕ ﻭﻣﺨﻠﻴﻪ ﻣﻜﻴﺎﺝ ﻧﺎﺯﻙ ﻭﻧﻀﺎﺭﻩ ﺑﺄﻳﺪﻱ
ﻭﻫﻨﻪ ﻳﺒﺎﻭﻋﻦ ﻋﻠﻴﻪ ﺗﻜﻮﻝ ﺗﻠﻔﺰﻳﻮﻥ ﺣﺘﻰ ﺗﻀﺎﻳﻘﺖ .. ﺩﺧﻞ ﺍﺑﻦ ﻋﻤﻲ ﺭﺍﺩ ﻳﺴﻠﻢ ﺍﻧﻮﺏ ﺩﺍﺭ ﻭﺟﻬﺎ ﻭﻃﻠﻊ
ﻛﻠﺖ ﻫﺬﺍ ﺷﺒﻴﻪ .. ﺷﻨﻮ ﺧﺠﻞ .. ﺍﻧﻮﺏ ﻣﺮﺕ ﻋﻤﻲ ﻛﺎﻟﺖ ﺧﺎﻟﻪ ﺧﻠﻲ ﺣﺠﺎﺑﺞ ﻋﻠﻰ ﺭﺍﺳﺞ ﻭﻟﺪﻧﻪ ﻳﺴﺘﺤﻮﻥ ﻳﺴﻠﻤﻮﻥ ﻭﻭﺣﺪﻩ ﻣﻔﺮﻋﻪ
ﺩﺍﺭﺗﻠﻲ ﺍﻣﻲ ﻛﺎﻟﺖ ﺧﻠﻴﻪ ﻋﻠﻰ ﺭﺍﺳﺞ ﻓﻀﺤﺘﻴﻨﻪ .. ﻛﺘﻠﻬﺎ ﺍﻟﺪﻧﻴﺎ ﺣﺎﺭﻩ ﺗﺨﻨﻚ ﻭﺑﻌﺪﻳﻦ ﻫﻮﻩ ﺍﺑﻦ ﻋﻤﻲ ﻗﺎﺑﻞ ﻏﺮﻳﺐ
ﻛﺮﺻﺘﻨﻲ ﺣﻴﻞ ﻭﺍﺑﺘﺴﻤﺘﻠﻬﻦ .. ﺧﻠﻴﺘﻪ ﻋﻠﻰ ﺭﺍﺳﻲ ﺩﺧﻠﻮ ﻭﻟﺪ ﻋﻤﺎﻣﻲ ﻳﺴﻠﻤﻮﻥ ﻋﻠﻴﻨﻪ .. ﻛﺎﻝ ﺷﻠﻮﻧﺞ ﺧﻮﻳﻪ ﺍﻧﺸﺎﻟﻠﻪ ﺑﺨﻴﺮ
ﻛﺘﻠﻪ ﺗﻤﺎﻡ ﺑﺨﻴﺮ .. ﻛﺎﻝ ﺻﺪﻙ ﺍﻧﺘﻲ ﻣﻨﻪ ﻭﺑﻴﻨﻪ ﺑﺲ ﺑﻌﺪ ﺭﺍﺡ ﺗﺼﻴﺮﻳﻦ ﻋﺪﻧﻪ ﺗﺎﺧﺬﻳﻦ ﺍﻃﺒﺎﻋﻨﻪ .. ﻛﺘﻠﻪ ﺍﻭﻙ
ﺿﺤﻚ ﻛﺎﻝ ﺍﻧﺘﻲ ﺍﻣﺸﻴﺘﻬﺎ ﺍﻭﻛﻲ .. ﻣﺎ ﺣﺠﻴﺖ .. ﺍﻧﻮﺏ ﻃﻠﻊ ﻧﺰﻋﺖ ﺍﻟﺤﺠﺎﺏ ﻭ ﺑﻘﻴﺖ ﻛﺎﻋﺪﻩ ﻭﻳﻪ ﻋﻤﺎﺗﻲ ﻭﺍﺣﺠﻲ .. ﺑﻌﺪﻳﻦ ﻛﻤﺖ ﻳﻢ ﺍﻟﺒﻨﺎﺕ ﺑﺎﻟﻤﻄﺒﺦ
ﻛﺎﻟﻦ ﺷﻠﻮﻥ ﻣﺴﻮﻳﻪ ﺷﻌﺮﺝ ﻫﻴﺞ ﺣﻠﻮ .. ﻛﺘﻠﻬﻢ ﻋﺎﺩﻱ ﺗﺴﺮﻳﺢ ﺑﺎﻟﺸﻴﺴﻮﺍﺭ .. ﻛﺎﻟﺖ ﺷﻨﻮ ﻟﻮﻧﻪ ﻳﺨﺒﻞ .. ﻛﺘﻠﻬﺎ ﺍﻟﻮﺍﻥ ﺍﻟﺸﻮﻛﻼﺓ ..
ﻛﺎﻟﺖ ﻳﻌﻨﻲ ﺷﻨﻲ .. ﻛﺘﻠﻬﺎ ﺍﻧﺘﻲ ﻣﻦ ﺗﺮﺣﻴﻦ ﻟﻠﻤﺤﻞ ﻛﻮﻟﻴﻠﻪ ﺍﻟﻮﺍﻥ ﺍﻟﺸﻮﻛﻼﺓ ﻫﻮﻩ ﻳﻨﻄﻴﺞ ﺍﻭ ﻭﺻﻲ ﺍﻡ ﺍﻟﺼﺎﻟﻮﻥ ﻫﻴﻪ ﺗﺴﻮﻳﻠﺞ
ﺩﺍ ﺍﺣﺠﻲ ﻭﻣﺎ ﺍﺣﺲ ﺍﻻ ﺍﻳﺪﻱ ﺍﻧﺠﺮﺕ ﻗﻮﻱ ﺭﺍﺩﺕ ﺗﻨﺨﻠﻊ ﺩﺭﺕ ﻭﺟﻬﻲ ﻟﻜﻴﺘﻪ ﺣﺎﺭﺙ ﻛﺘﻠﻪ ﺍﻭﻭﻭﻭﻭﻱ ﺷﺒﻴﻚ
ﻛﺎﻝ ﻋﻴﻨﻲ ﺍﻡ ﺍﻻﻭﻭﻭﻱ ﻭﻟﺪ ﻋﻤﻲ ﺭﺍﻳﺤﻴﻦ ﺟﺎﻳﻴﻦ ﻭﺍﻧﺘﻲ ﻭﺍﻛﻔﻪ ﻭﻧﺎﺛﺮﻩ ﺍﻟﺸﻌﺮ ﻭﺑﻨﻄﺮﻭﻧﺞ ﻟﺰﻙ ﻋﻠﻰ ﺟﺴﻤﺞ ﻭﺍﻟﻘﻤﻴﺺ ﺍﺻﻐﻴﺮ ..
ﻛﺘﻠﻪ ﻫﻤﻪ ﻭﻟﺪ ﻋﻤﻲ ﺣﺎﻟﻬﻢ ﺣﺎﻟﻚ ﻟﻴﺶ ﻣﻐﺜﻮﺙ .. ﻛﺎﻝ ﻟﺒﺴﻴﻠﺞ ﻛﻠﺒﻴﻪ ﻻ ﺗﺨﻠﻴﻨﻲ ﺍﺧﺮﺑﻂ ﻭﺟﻬﺞ ..
ﻛﺘﻠﻪ ﻻ ﻭﺍﻟﻠﻪ .. ﺍﻧﺘﻪ ﻋﺒﺎﻟﻚ ﺗﺼﻴﻄﺮ ﻋﻠﻴﻪ ﺑﻜﻼﻣﻚ ﻫﺬﺍ .. ﺗﺮﻩ ﻣﻠﻴﻖ .. ﺿﺤﻚ .. ﻛﺎﻝ ﻣﺎ ﺑﻄﻠﺘﻲ ﻣﻠﻴﻖ ..
ﺍﺑﺘﺴﻤﺖ ﻭﺩﺭﺕ ﻭﺟﻬﻲ .. ﻛﺎﻝ ﻫﺎ ﺷﻮ ﺿﺤﻜﺘﻲ ﻛﺘﻠﻪ ﻣﻌﻠﻴﻚ .. ﻧﺰﻉ ﺍﻟﻐﺘﺮﻩ ﻣﺎﻟﺘﻪ ﻭﺧﻼﻫﺎ ﻋﻠﻰ ﺭﺍﺳﻲ . ﻛﺎﻝ ﺗﺮﻩ ﺗﻠﻮﻛﻠﺞ ..
ﻛﺘﻠﻪ ﺑﻴﻬﺎ ﺭﻳﺤﺔ ﺟﻜﺎﻳﺮ ﻋﻴﻴﻴﻴﻊ .. ﻛﺎﻝ ﺩﻟﺒﺴﻴﻬﺎ ﻻ ﺗﺨﻠﻴﻦ .. ﻗﺎﻃﻌﺘﻪ ﺗﺨﺮﺏ ﻭﺟﻬﻲ ﻣﻮﻭ .. ﺗﻌﺎﻝ ﻫﻨﺎ ﺍﻛﻮ ﺍﺣﺪ ﻛﺎﻟﻚ ﻭﺟﻬﻲ ﻣﻜﻌﺒﺎﺕ ﻟﻮ ﺷﻄﺮﻧﺞ ﻭﺗﺨﺮﺑﻪ
ﺍﺑﺘﺴﻢ ﻭﻛﺎﻝ ﻓﻮﺗﻲ ﺟﻮﻩ .. ﻭﻏﻴﺮﻱ ﻣﻼﺑﺴﺞ ﻫﺎﻱ .. ﻛﺘﻠﻪ ﺗﺮﻩ ﺍﻧﺘﻪ ﺩﺗﻀﺎﻳﻘﻨﻲ .. ﻛﺎﻝ ﺍﻱ ﻋﺎﺩﻱ ﻣﻮ ﻓﺪ ﻣﺸﻜﻠﻪ ﻓﻮﺗﻲ ..
ﺑﺎﻭﻋﺘﻠﻪ ﻭﻓﺎﺗﺤﻪ ﻋﻴﻮﻧﻲ .. ﺻﺎﺡ ﺍﺣﻼﺍﺍﺍﺍﺍﻡ ﻛﺎﻟﺘﻠﻪ ﻫﺎﺍ ﻛﺎﻟﻬﺎ ﺭﻓﻞ ﺗﺮﻳﺪ ﻛﻠﺒﻴﻪ ﺍﻧﻄﻴﻬﺎ ﻣﻨﺞ ﺟﻨﻄﻬﺎ ﺣﻮﻟﻮﻫﺎ ﻟﻐﺮﻓﺘﻲ ..
ﻭﺍﺷﺮﻟﻲ ﻟﺤﻮﺍﺟﺒﻪ ﻋﻮﺩ ﺭﻭﺣﻲ .. ﺍﺑﺘﺴﻤﺖ ﻭﺍﻫﺰ ﺑﻴﺪﻱ ﻫﺬﺍ ﺷﻴﺤﺲ .. ﻛﺎﻟﺖ ﺗﻌﺎﻱ ﻟﺒﺴﻲ ﻛﺘﻠﻬﺎ ﻻ ﻣﺮﺗﺎﺣﻪ ﻛﺎﻟﺖ ﺑﺲ ﺣﺎﺭﺙ ﻣﻤﺮﺗﺎﺡ .. ﻛﺘﻠﻬﺎ ﻭﻣﻮ ﻣﻬﻢ
ﻛﺎﻟﺖ ﺑﺎﻋﻲ .. ﺣﺎﺭﺙ ﺍﺧﻮﻧﻪ ﺍﻟﺠﺒﻴﺮ ﻭﺍﻟﻪ ﻫﻴﺒﻪ ﻛﺪﺍﻡ ﺍﻟﻨﺎﺱ ﻛﻠﻬﺎ ﻭﺗﻬﺎﺑﻪ ﻭﺗﺴﻤﻊ ﻛﻠﻤﺘﻪ ﻻ ﺗﻨﻘﺼﻴﻦ ﻣﻨﻪ ﻛﺪﺍﻡ ﺍﻟﻌﺎﻟﻢ .. ﺍﺫﺍ ﻳﺴﻜﺘﻠﺞ ﻣﻌﻨﺎﻫﺎ ﻳﺤﺒﺞ
🔹🔸🥇🔹🔸
ﺑﺲ ﺍﺫﺍ ﺗﻤﺎﺩﻳﺘﻲ ﻫﺬﺍ ﺍﻟﻤﺤﺒﻮﺏ ﺭﺍﺡ ﻳﺘﺤﻮﻝ ﻭﺣﺶ ﻣﺎ ﺩﻛﺪﺭﻳﻠﻪ .. ﺩﻳﺮﻱ ﺑﺎﻟﺞ ﻣﻦ ﻋﺼﺒﻴﺘﻪ ﺗﺮﻩ ﻣﺜﻞ ﺍﻟﻨﺎﺭ ﺗﺎﻛﻞ ﺍﻻﺧﻈﺮ ﻭﺍﻟﻴﺎﺑﺲ
ﻛﺘﻠﻬﺎ ﺩﻳﻼ ﻋﻴﻨﻲ ﻫﺴﻪ ﻋﺴﺎﺱ ﺟﻮﻥ ﺳﻴﻨﺎ ﻭﻋﺼﺐ .. ﻛﺎﻟﺖ ﻣﻨﻮ ﻫﺎﺫ ﻛﺘﻠﻬﺎ ﻫﻴﺞ ﻭﺍﺣﺪ ﺣﻠﻮ .. ﻛﺎﻟﺖ ﻫﺎﺍﺍ ﺍﻛﻴﺪ ﻣﻮ ﺍﺣﻠﻰ ﻣﻦ ﺍﺧﻮﻱ
ﺍﻫﻮﻭﻭﻭ ﻫﺬﻭﻟﻲ ﺷﺎﻳﻔﻴﻦ ﺍﺑﻨﻬﻢ ﺗﻮﻡ ﻛﺮﻭﺯ ﺷﻠﻮﻥ ﺑﻠﻮﻩ .. ﻟﺒﺴﺖ ﻛﻠﺒﻴﻪ ﺳﻤﺎﺋﻴﻪ ﻭﻭﻛﻔﺖ ﻭﻳﻪ ﺍﻟﺒﻨﺎﺕ ﺍﻏﺴﻞ ﻣﻮﺍﻋﻴﻦ
ﻭﺍﺻﻔﻂ .. ﻛﺎﻝ ﺍﺭﻳﺪ ﻏﺘﺮﺗﻲ .. ﻧﺰﻋﺘﻬﺎ ﻭﻛﺘﻠﻪ ﻫﺎﻙ .. ﻛﺎﻝ ﻻ ﺍﻟﺒﺴﻲ ﺣﺠﺎﺏ ﻳﻠﻪ ﺍﺧﺬﻫﺎ .. ﺍﻫﻮﻭﻭﻭ ﺷﻠﻮﻥ ﻣﺸﻜﻠﻪ ..
ﺭﺣﺖ ﻟﺒﺴﺖ ﺣﺠﺎﺏ ﻭﺍﺟﻴﺖ .. ﻟﻜﻴﺘﻪ ﻛﺎﻋﺪ ﻳﺤﺠﻲ ﻭﻳﻪ ﻣﺮﺕ ﻋﻤﻪ .. ﺑﺎﻭﻋﻠﻲ ﻣﺪ ﺍﻳﺪﻩ ﻭﻫﻮﻩ ﻳﺤﺠﻲ ﻭﻳﺎﻫﺎ ﻭﺍﺧﺬﻫﺎ ﻣﻨﻲ ﺑﺪﻭﻥ ﻣﻴﺤﺠﻲ ﻭﻳﺎﻳﻪ
ﻋﻔﺘﻪ ﻭﺭﺣﺖ ﺍﺳﺎﻋﺪﻫﻢ ﻛﺎﻟﻦ ﺍﻛﻌﺪﻱ ﺑﺎﺟﺮ ﻋﺮﻭﺱ ﺍﺭﺗﺎﺣﻲ ﻭﺭﺍﺝ ﻟﻄﻢ ﻭﻳﻀﺤﻜﻦ .. ﺍﺑﺘﺴﻤﺖ .. ﻭﺭﺣﺖ ﻛﻌﺪﺕ
ﺍﺑﺎﻭﻋﻠﻪ ﻣﻦ ﺍﻟﺸﺒﺎﻙ ﻣﺎﻝ ﺍﻟﺤﺪﻳﻘﻪ ﻳﺸﺘﻐﻞ ﻭﻳﺮﻭﺡ ﻣﻨﺎ ﻭﻳﺠﻲ ﻣﻨﺎ .. ﻟﻬﻨﺎﻙ ﺻﺒﻮ ﺍﻟﻌﺸﺎ .. ﻳﺎﺭﺑﻲ ﺷﻜﺪ ﻳﺤﺒﻮﻥ ﺍﻟﺘﻤﻦ ﻭﺍﻟﻤﺮﻙ ﻭﺍﻟﺪﺳﻢ
ﻛﺎﻟﻮ ﺗﻌﺎﻟﻲ ﻛﺘﻠﻬﻢ ﻻ ﻣﺴﻮﻳﻪ ﺩﺍﻳﺖ .. ﻛﺎﻟﻮ ﺷﻨﻬﺎﻱ ﺩﺍﻳﺖ .. ﻛﺘﻠﻬﻢ ﻗﺎﻃﻌﻪ ﺍﻻﻛﻞ ﺣﺘﻰ ﺍﻧﺰﻝ ﻭﺯﻥ
ﺿﺤﻜﺖ ﻣﺮﺕ ﻋﻤﻪ ﺣﺠﻴﻪ ﻛﺎﻟﺖ ﻳﻤﻪ ﺍﻟﺮﺟﺎﻝ ﻳﺤﺐ ﺍﻟﻤﺮﻩ ﺍﻟﺸﻮﻳﻪ ﺑﻴﻬﺎ ﻟﺰﻣﻪ ﻣﻮ ﻣﻌﺼﻌﺼﻪ ﻭﺍﻧﺘﻲ ﺑﺲ ﺍﻟﻌﺼﺎﺟﻴﻞ ﺩﺗﻌﺎﻱ ﻳﺎﻋﻤﻪ ﺗﻌﺎﻱ
ﻛﺘﻠﻬﺎ ﺷﻜﺮﺍ ﻣﺎ ﺍﺭﻳﺪ .. ﻛﺎﻋﺪ ﺍﺣﺠﻲ ﻭﺍﺟﻪ ﺳﺠﺎﺩ ﺍﺑﻦ ﺭﺳﺎﻟﻪ ﻛﺎﻝ ﻫﺬﺍ ﺧﺎﻟﻮ ﺣﺎﺭﺙ ﺩﺯﺍﻫﺎ ﺍﻟﺞ
ﻓﺘﺤﺘﻬﺎ ﻋﻼﻛﺔ ﺣﻠﻮﻳﺎﺕ ﺍﺑﺘﺴﻤﺖ ﻛﻤﺖ ﻟﻠﻐﺮﻓﻪ ﻭﻛﻌﺪﺕ ﺍﻛﻞ .. ﻛﺎﻋﺪ ﺍﻛﻞ ﻭﻧﻌﺴﺖ ﺟﺮﻳﺖ ﺍﻟﻤﺨﺪﻩ ﻭﻧﻤﺖ ..
ﺣﺎﺭﺙ .. ﻣﺮﻳﺖ ﺍﻏﺴﻞ ﻟﻠﺤﻤﺎﻡ ﺷﻔﺘﻬﺎ ﻧﺎﻳﻤﻪ ﻋﻠﺒﺴﺎﻁ ﺑﺪﻭﻥ ﻓﺮﺍﺵ ﺻﺤﺖ ﻟﺒﺖ ﻋﻤﻲ ﻛﺘﻠﻬﺎ ﺍﻓﺮﺍﺡ ﺧﻄﻴﻪ ﻧﺎﻳﻤﻪ ﺑﻼﻳﻪ ﻓﺮﺍﺵ
ﺿﺤﻜﺖ ﻛﺎﻝ ﻳﻤﻪ ﺍﻟﻌﺸﻚ ﻳﻤﻪ ﺍﺧﻴﺮﺍ ﺣﺼﻠﺘﻬﺎ ﺍﺑﺘﺴﻤﺖ ﻣﺎ ﺣﺠﻴﺖ ﻭﻃﻠﻌﺖ ﻟﺒﻴﺘﻨﻪ ﻭﺭﺣﺖ ﻟﻠﻐﺮﻓﻪ ﻣﺎﻟﺘﻲ .. ﺍﺟﺖ ﺍﻣﻲ ﻛﺎﻟﺖ ﻳﻤﻪ ﻣﺼﻄﻔﻰ ﻳﺒﺠﻲ ﻋﻠﻰ ﺍﻣﻪ ﻳﺮﻳﺪﻫﺎ
ﻛﺘﻠﻬﺎ ﻳﺘﻌﻮﺩ ﻳﻤﻪ .. ﻛﺎﻟﺖ ﻳﻤﻪ ﺍﻧﺘﻪ ﺑﺎﺟﺮ ﻋﺮﻳﺲ ﻭﻫﻮﻩ ﻣﺎ ﻳﺴﻠﻚ ﻋﺪﻧﻪ ﻭﺩﻱ ﻻﻣﻪ .. ﻛﺘﻠﻬﺎ ﺍﺷﺘﻐﻠﺖ ﺍﻟﻤﺨﺎﺑﺮﺍﺕ ﻳﻤﺞ
ﻛﺎﻟﺖ ﻳﻤﻪ ﻛﻠﺐ ﻭﺍﻟﺪﻩ ﺧﻄﻴﻪ ﻭﻓﻄﻴﻤﻪ ﻣﻀﻠﻮﻣﻪ .. ﻛﺘﻠﻬﺎ ﺭﺍﺡ ﺍﺩﻛﻠﻲ ﺍﻟﻴﺘﻴﻤﻪ ﻭﺩﻳﻴﻲ ﺧﻠﺼﻴﻨﻲ .. ﺭﺟﻌﺖ ﺧﻠﻴﺖ ﺭﺍﺳﻲ ﻋﻠﻤﺨﺪﻩ
ﺍﻟﻠﻪ ﺑﺎﺟﺮ ﻳﻤﻲ .. ﻳﻤﻲ ﺷﻨﻮ ﻫﻠﻜﺪ ﻣﻬﺘﻤﻠﻬﺎ .. ﺍﻭﻭﻭﻑ ﻳﺎ ﻛﻠﺒﻲ ﻣﺘﺤﺐ ﺍﻻ ﺧﻨﺎﻛﻚ ﺍﻟﻒ ﻭﺣﺪﻩ ﺗﺘﻤﻨﻪ ﻣﻨﻲ ﺍﻟﻜﻠﻤﻪ ﻭﺍﻧﻪ ﻛﺎﺗﻞ ﺭﻭﺣﻲ ﻋﻠﻰ ﻫﻠﺮﻓﻞ
ﻧﻤﺖ ﻭﺍﻧﻲ ﺍﺗﺨﺎﻳﻠﻬﺎ ﻳﻤﻲ .. ﻛﻌﺪﺕ ﺍﻟﺼﺒﺢ ﻃﻠﻌﺖ ﺧﻮﺍﺗﻲ ﻛﺎﻣﻦ ﻳﻬﻠﻬﻠﻦ ﻭﻳﺮﻛﺼﻦ ﺿﺤﻜﺖ ..
ﻛﺘﻠﻬﻦ ﺍﻟﺰﻓﻪ ﺏ 4 ﺍﺗﺤﻈﺮﻥ ﻛﺎﻟﻦ ﺍﺣﻨﻪ ﻣﺎ ﻋﺪﻧﻪ ﺷﻲ ﺍﻣﺸﻲ ﺍﺗﺤﻀﺮ ﺍﻧﺘﻪ .. ﻣﺸﻴﺖ ﻟﻠﺤﻼﻕ ﺯﻳﻨﺖ ﻭﺭﺗﺒﺖ
ﻭﺍﻧﻮﺏ ﺩﺧﻠﺖ ﺍﻟﺤﻤﺎﻡ ﺗﻨﻀﻔﺖ ﻭﺳﺒﺤﺖ ﻭﻃﻠﻌﺖ ﻭﻟﺪ ﻋﻤﻲ ﻛﻠﻬﺎ ﻭﺍﻛﻔﺘﻠﻲ ﻛﺎﻟﻮ ﺍﻟﻴﻮﻡ ﻳﻮﻣﻚ ﻳﺎﺑﻄﻞ .. ﻛﺘﻠﻬﻢ ﺗﺮﻩ ﻫﺎﺫ ﺛﺎﻧﻲ ﺯﻭﺍﺝ ﻳﻌﻨﻲ ﻣﺪﺑﺮﻫﺎ ﻗﺒﻞ ﻫﻬﻬﻪ
ﻛﺎﻟﻮ ﻻ ﻧﺮﻳﺪ ﻧﺘﺄﻛﺪ ﺧﺎﻑ ﻋﻄﻼﻥ ﻫﻬﻬﻬﻬﻬﻪ ﺿﺤﻜﺖ ﻭﺩﺧﻠﺖ ﺍﺑﺪﻝ ﻭﻫﻤﻪ ﻭﻳﺎﻱ ﻭﻳﻬﻮﺳﻮﻥ ﻭﻳﺪﺑﺠﻮﻥ
ﻭﺍﺣﺪ ﺻﻌﺪ ﻓﻮﻙ ﺍﻟﺠﺮﺑﺎﻳﻪ ﻳﻜﻤﺰ ﻛﺘﻠﻪ ﺧﺮﻩ ﺑﻬﻠﻚ ﺍﻧﺰﻝ ﺍﻟﻨﺰﻟﻪ ﺑﻴﻀﻪ ﺧﺮﺑﺘﻬﺎ ﺑﺮﺟﻠﻚ ﺍﻟﻮﺻﺨﻪ .. ﻛﺎﻝ ﺍﻋﺘﺒﺮﻧﻲ ﺭﻓﻮﻟﻪ ﻭﻳﻐﻤﺰﻟﻲ
ﻛﺘﻠﻪ ﺧﺎﺏ ﺩﻛﻮﻭﻭﻡ ﺍﺑﻮ ﻟﺤﻴﺔ ﺍﻟﻮﺻﺨﻪ .. ﻫﻬﻬﻬﻬﻪ .. ﻛﻤﻠﻨﻪ ﻭﻃﻠﻌﻨﻪ ﺯﻓﻮﻧﻲ ﻣﺸﻲ ﻟﺒﻴﺖ ﻋﻤﻲ ﻭﺍﻟﻤﻮﺳﻴﻘﻰ ﺗﺸﺘﻐﻞ ﻭﺫﻭﻟﻪ ﻳﺪﺑﺠﻮﻥ ﻋﻠﻰ ﻃﻮﻝ ﺍﻟﻄﺮﻳﻖ
ﺩﺧﻠﺖ ﻟﻜﻴﺘﻬﺎ ﻣﺘﻤﻜﻴﺠﻪ ﻭﺗﺴﺮﻳﺤﻪ ﻭﺑﺪﻟﻪ ﺗﻜﺘﻞ ﺍﺣﺲ ﻛﻠﺒﻲ ﻓﺮﻓﺢ .. ﻛﻌﺪﺕ ﻳﻤﻬﺎ ﻭﻫﻮﺳﻮ ﻭﺭﻛﺼﻮ ﻟﻬﻨﺎﻙ ﻛﻮﻣﻮﻧﻪ
ﻭﺻﻌﺪﻭﻧﻪ ﺑﺎﻟﺴﻴﺎﺭﻩ ﺭﺣﻨﻪ ﺍﺧﺬﻧﻪ ﺻﻮﺭ ﻭﺭﺟﻌﻨﻪ .. ﻭﻟﺪ ﻋﻤﻲ ﺣﺮﻛﻮ ﺍﻟﺠﻮ ﺑﺎﻟﺮﻣﻲ .. ﺩﺧﻠﺘﻬﺎ ﻭﺫﺑﺤﻮ ﺩﺟﺎﺟﻪ ﻳﻢ ﺭﺟﻠﻬﺎ ﻭﺩﻣﺮﻭﻫﺎ ﺩﻡ
ﺻﺎﺣﺖ ﺍﻭﻭﻭﻱ ﺍﺧﺎﻑ .. ﻫﻤﺴﺘﻠﻬﺎ ﻣﻮ ﻭﻛﺘﻬﺎ ﺍﻻﻭﻭﻭﻱ ﺿﻤﻴﻬﺎ ﺑﻌﺪﻳﻦ .. ﻣﺎ ﺭﺩﺕ ﺳﻜﺘﺖ .. ﻫﻬﻬﻬﻪ
ﺩﺧﻠﺘﻬﺎ ﻭﻛﻌﺪﻧﻪ ﻭﺍﻟﻨﺎﺱ ﺗﺼﻮﺭ ﻭﻧﺎﺱ ﺗﺮﻛﺺ ﻭﻧﺎﺱ ﺗﻠﻢ ﺟﻜﻠﻴﺖ ﻫﻮﺳﻪ .. ﻟﻬﻨﺎﻙ ﻃﻠﻌﺖ ﻳﻢ ﺍﻟﺰﻟﻢ ﻭﺑﺎﺭﻛﻮﻟﻲ ﻭﺟﺎﺑﻮ ﻣﻨﺸﺪ ﻭﺑﻘﻲ ﻳﺪﻛﻠﻬﻢ
ﻭﺍﻧﻪ ﻛﺎﻋﺪ ﺍﻧﻮﺏ ﻛﻤﺖ ﺍﺭﻛﺺ ﻭﻳﺎﻫﻢ ﻭﺩﺑﺞ ﻭﻣﻬﻮﺍﻝ .. ﻛﻤﻠﻮ ﺯﻓﻮﻧﻲ ﻟﻐﺮﻓﺘﻨﻪ .. ﺩﺧﻠﻨﻪ ﻭﺩﺧﻞ ﺍﻟﺴﻴﺪ ﻭﻳﺎﻧﻪ
ﻋﻘﺪﻟﻨﻪ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ .. ﺍﻧﻮﺏ ﻃﻠﻊ ﺍﻟﺴﻴﺪ ﺍﺗﻘﺮﺑﺖ ﺍﻣﻬﺎ ﻣﻨﻬﺎ ﻭﻛﺎﻣﺖ ﺗﺒﺠﻲ .. ﻭﻛﺎﻟﺘﻠﻲ ﺍﻣﺎﻧﻪ ﻋﻨﺪﻙ ﻓﺪﻭﻩ ﺑﻨﺖ ﺩﻻﻝ ﺩﺍﺭﻳﻬﺎ
ﺍﺑﺘﺴﻤﺖ ﻭﻫﺰﻳﺖ ﺭﺍﺳﻲ ﻛﺘﻠﻬﺎ ﺑﻌﻴﻨﻲ .. ﻃﻠﻌﺖ ﺳﺪﻳﺖ ﺍﻟﺒﺎﺏ ﻭﻧﺰﻋﺖ ﺳﺘﺮﺗﻲ ﻭﺗﻜﺮﺑﺖ ﻳﻤﻬﺎ ﻛﺘﻠﻬﺎ ﻫﺎﺍﺍﺍ ... ﻳﺘﺒﻊ
🌺🌺🌺🌺
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .. ﻣﺘﺎﺑﻌﻪ ﺷﻴﻘﻪ 😉
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء